مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت السابع 

............... 

 فارس اخد زين الملاهي ولاعبه كتير وزين كان فرحان جدا و كان زين قاعد  علي الترابيزه بعد ما خلصو لعب وفارس كان بيشتريلو آيس كريم وجه قعد جمبه وقاله وهو بيديله واحدة  اتفضل يا بطل  

زين اخدها منه بحماس اطفال وقاله شكرا يا بابا فارس 

فارس ابتسم وقاله وهو بيلاعب شعره العفو يا زينو احم بقؤلك ايه يا زين هو مش احنا خلاص بقينا اصحاب 

زين هز دماغه بتأكيد وقاله وهو بياكل من الايس كريم ايوة يا بابا فارس انت خلاص بقيت صاحبي وانا بحبك اووي 

فارس ابتسمله وقاله طيب ايه رأيك تحكيلي ايه اللي كان بيزعلك من بابا  وليه قولت واحنا مع ماما ان  بابا كان بيضر*ب ماما  وبيزعلها 

زين كشر وقاله ايوة بابا علطول كان بيزعق لماما وهيا كانت بتعيط وكنت بصحي من النوم علي صوتها وهيا بتعيط وبتقؤله متضر*بنيش  

فارس قلبه وجعه علي هَنا وكان مصدوم في معتز اخوه معقؤله للدرجادي كان قاسي وصعب وعرف دلوقتي ليه هَنا لما هو اتعصب عليها خافت اوي كدة منه واضايق من نفسه اكتر لما افتكرت انه زي اخوه معتز وفهم كمان  جملة اخوها احمد لما قاله ياريت تتقي الله فيها وحس انه مخنوق ونفسه يروح يطمنها ويعرفها  انه عمره ما هيأذيها  ابدا  ورجع بص تاني لزين وقاله وزانت يا زين كنت بتعمل ايه لما كانت ماما بتعيط 

زين بصله وقاله وهو بيشاور علي نفسه ببراءة انا كنت بحميها منه وكنت بقف قدامه واقؤله ماتضر*بش ماما وانا مش بحبك وبك*رهك  ،  ومرة واحدة زين وطي راسه وقاله بابا فارس هو انا ممكن اسألك علي حاجة 

فارس رفع وشه وقاله  طبعا يا حبيبي اسألني براحتك  ،  زين قاله ببرائة هو انا كدة ربنا زعلان مني  فارس بصله وصعب عليه زين اووي وقاله لا طبعا يا زين انت شاطر عشان كنت بتدافع عن ماما  

زين قاله انا اصلا مش كنت بحب بابا  عشان كان بيخوفني و مش بيلاعبني ولا بيجبلي حاجة حلوة وعلطول يزعق لماما ويضر*بها  وانا مش عايزه  يرجع تاني عشان ماما متعيطش  ،  اول ما قال كدة  فارس  اخده في حضنه وعنيه دمعت  ومكنش مصدق ان طفل زي ده يشوف حجات زي كدة ويقؤل كلام زي ده طبطب عليه وقاله خلاص يا زين مفيش خوف تاني انا مش هسيبك انت وماما  وحاول يغير الموضوع وقاله تصدق انا عايز اركب العربيات تاني 

زين فرح وكل بقيت الايس كريم بسرعة وقاله وانا كمان يلا بينا بسرعة يا بابا فارس 

............................ 

ايه كل ده عشان تفتحي  قالتها رباب  وهيا بتزق هَنا وبتدخل الشقة 

اتنهدت هَنا بصوت  واستغفرت ربها وقالت وهيا بتقفل الباب وبتروح ناحيتها خير يا رباب  عايزة ايه؟ 

ابتسمت رباب بسخرية وقالتلها  في البيت اللي تحت عايز  يتروق  والاكل عايز يتعمل وحضرتك هنا نايمة في العسل 

رد عليها هَنا بهدوء لانها عارفة ان ده هيحصل وان كل حاجة هترجع زي الأول من بعد جوازها من فارس وانهم هياخدوها خدامة ليهم بس اهو كدة احسنلها من انها تعترض  وتخش في مشاكل وخناقات معاهم توصل لفارس ويضر*بها زي ما كان معتز بيعمل  بصت لرباب وقالتلها حاضر يا رباب انا نازلة معاكي  

ثواني بس اخش اغير هدومي البيت بيتك وسابتها ودخلت ورباب قعدت وحطت رجل علي رجل مستنياها  وفكرت هتعمل ايه مع الوا*طي اللي اسمع عصام  اللي كانت مفكرة انه بيحبها وطلع واخدها تسلية واستغل انها مطلقة ولعب عليها عشان مزاجه وفي الاخر يرميها  قطع افكارها خروج هَنا من القوضة  وهيا بتقؤلها يلا يا رباب انا جاهزة 

وقامت رباب بزهق وخرجت من الشقة وهَنا وراها  بقلة حيلة.... 

........................... 

كانت قاعدة ندي في الكافيه وكل شوية تبص في ساعتها  بتوتر وقلقت علي احمد جدا لانه اتأخر عن المعاد اللي قالها عليه وخصوصا انها بتكلمه عالموبايل مش بيرد ياما بيكنسل عليها واخر ما زهقت كانت لسة هتاخد شنطتها وتقوم شافته داخل الكافيه اتنهدت براحة واول ما قرب عليها قالتله بلهفة 

ايه يا احمد كل ده تأخير قلقتني جدا  ،  احمد ابتسم وقالها اسف حقيقي بس غصب عني لو تعرفي السبب اللي اخرني هتعذريني 

ندي بصتله بعتاب وقالتله طيب حتي كنت رديت علي اتصالي وكنت قولتلي انك مشغول 

احمد بصلها بحب وقالها خفتي عليا ولا دي غيرة  ،  ندي اتوترت  وقالتله احم لا عادي بس يعني كنت عرفتني انك هتتأخر 

احمد  قالها  وهو بيرجع بضهره لورا عالكرسي مكنش ينفع لاني كنت قاعد مع باباكي 

ندي خافت وقالتله بابي ازاي هو انت روحتله 

احمد قالها وهو بيحرك دماغه بلا  هو اللي جاني وحكالها عاللي حصل لحد ما قاله انت عايز ايه من بنتي 

ندي بصتله بتوتر وخوف وقالتله وانت قولتله ايه،  احمد مسك ايديها وقالها الحقيقة يا ندي قولتله الحقيقة وبص في عنيها اوووي  وكمل كلامه وقالها  اني بحبك وعايز اتجوزك وتبقي مراتي  

ندي ايديها اترعشت وقلبها دق جامد وحست ان الدنيا حر جدا وكانت مكسوفة اووي وكمان فرحانة وبصت في الارض وسمعته بيقؤلها 

ندي مردتيش عليا يعني؟   ،  ندي رجعت بصتله وقالتله بخجل اقؤل ايه يا احمد؟ 

احمد قالها بتوهان وهو مركز في عنيها تقؤليلي  حقيقة مشاعرك ناحيتي وكمل بزعل وقالها ولا ده حب من طرف واحد وانتي مش بتحبيني زي ما  ب قطعت كلامه وهيا بتقؤله بلهفة لا والله انا كمان زيك بالظبط واستنبهت للي قالتله واتكسفت ودورت وشها وبصت بعيد عنه  واحمد ضحك جامد علي صراحتها وشكلها وهيا محرجة كدة وقالها  وهو بيغمز بعينه والله انا قلبي كان حاسس 

ورجعت  بصتله ندي بقلق وقالتله طيب وبابا رد عليك قالك ايه؟  ،  قالها احمد وهو بيطمنها متقلقيش هو وعدني انه هيفكر وخصوصا اني جيت معاه صريح وعرفته اني مش طمعان فيكي ولا في فلوس باباكي وانك هتعيشي معايا علي ظروفي يا ندي ولا انتي رأيك ايه

ابتسمت ندي بحب وقالتله انا هعيش معاك في المكان اللي انت عايش فيه يا احمد طالما معاك اكيد هكون مبسوطة 

ابتسم احمد واطمن ودعي ربنا ان فرحته  تكمل علي خير 

...................... 

كانت لسة هَنا  قاعدة حالا بعد يوم طويل كله  ترويق ومسح وعمايل اكل وهيا كانت عارفة ان حماتها هتخترع ليها  اي حاجة عشان متقعدش وبصت لحماتها بحزن وهيا قاعدة جمب بنتها وسيلا مرات فارس وبتعاملها احسن معاملة وكانت حاسة بالقهر وهيا بتبص لنفسها ولهدومها اللي اتبهدلت من عمايل الشقة والاكل  وبعد شوية  دخل فارس بعد يوم طويل كله لعب مع زين وكان زين مبسوط جدا ومعاه لعب كتير واول ما شاف هَنا امه جري عليها وحضنها وهيا حضنته بحب  وقالتله وحشتني اوووي يا زين بقي كدة تغيب كل ده عني ايه مش وحشتك 

ردت حماتها وهيا بتلوي وشها وقالتلها بتريقة وهو كان مسافر ياختي ده كان مع عمه بيتفسح،  بصتلها هَنا  ومردتش  وكل ده كان بيتابعه فارس اللي اول ما شاف هَنا  حس بحاجة غريبة واحساس اول مرة يجربه ومش عارف يفسره بس اللي عارفه انه احساس حلو  قعد جمب هنا وقالها معلش يا هَنا اني اخدت منك زين طول النهار حقك عليا انا 

هَنا بصتله وابتسمت وقالتله ولا يهمك يا فارس المهم انكم اتبسطو  قاطعها زين وهو بيتنطط وبيقؤلها اتبسطنا خالص يا ماما 

وسيلا قامت قعدت جمب فارس وباسته من خده قدامهم وقالتله هاي بيبي وحشتني  اتحرج فارس ولقي نفسه بيبص لهَنا علطول  

وامه واخته اول ما شافوها عملت كدة بصو لبعض بصدمة واستغربو وبقت امه تقؤل في سرها ايه البجاحة دي ولوت وشها 

وهَنا عملت نفسها مش اخدت بالها بس من جواها حاسة انها مضايقة مش عارفة ليه فقامت ومسكت ايد زين وقالت لفارس انا هطلع بعد اذنك يا فارس ممكن؟ 

لسة فارس هيرد قاطعته امه هيا بتقؤلها بغضب  ومين اللي هيحط السفرة ويشطب المطبخ بعد الغدا وكملت بكدب وقالت مش كفاية قاعدة طول النهار معملتيش حاجة ورباب يا عين امها هيا اللي روقت وطبخت وانتي حتي مهنش عليكي تقومي تساعديها 

بصتلها هَنا بحزن وهيا مش مصدومة لانها اخدت علي كدة ومش اول مرة تعملها كانت بتعمل كدة قدام معتز وهو كان اول ما يسمع امه بتقؤل كدة يقوم يضر*بها وحتي ميستناش اما يطلعو فوق بس هَنا كل اللي عملته انها بصت لفارس بخوف  من رد فعله بس اتفاجأت بيه وهو بيقؤل لامه 

 بعد كدة هَنا متعملش حاجة في البيت وانا هجبلك واحدة تيجي تساعدك كل يوم  وبص لهَنا  وقالها اطلعي ريحي انتي يا هَنا باين عليكي تعبتي وانا هبعت اجيب اكل جاهز لينا فوق 

هَنا بصتله بصدمة لانها مكنتش متوقعة انه يعمل كدة وفارس كبر في نظرها جدا ابتسمت  و بصتله وشكرته بعنيها وخدت زين وطلعت وامه قاعدة هتتجنن  وكانت متغاظة هيا ورباب  وسيلا اللي قاعدة ومركزة علي فارس وبتحاول تعرف مخبي ايه 

اما فارس اتنهد بتعب  وحط وشه بين ايديه بتوتر لانه اكتشف حاجة جديدة وهيا كمان معاملة امه القاسية لهَنا  وخصوصا ان باين علي هدومها المتبهدلة انها كانت بتشتغل ومش قاعدة زي ما امه قالت  وبقي مصدوم ومتوقع حيات هَنا كانت ازاي بين امه واخوه 

......................... 

عدي كام يوم و كانت هَنا قاعدة في الصالون وزين نايم جمبها عالكنبة وكانت سرحانة في فارس  وانها حاسة انه مختلف ومعاملته ليها عاجباها جدا حاسة انها مبسوطة لما بتكون شايفاه  واستغربت اسلوبه معاها اللي مخليها بدأت تتعلق بيه  وافتكرت تاني يوم  الخروجة مع زين لما جالها وقالها اجهزي عشان هوديكي انتي وزين تقضو اليوم كله مع اهلك وان دي اول مرة تحصل من  سنة  وافتكرت لما كانه في العربية سوا وهو قالها انه بيحب يسمع فيروز وسألها هيا بتحب تسمع مين وقالتله برضه فيروز وهو ابتسم وقالها انهم شبه بعض ياااه لسة ابتسامته في خيالها قد ايه هو لما بيكون قريب منها بتحس بالامان وده شعور محستوش من سنين طويلة  لمجرد انه بيكون معاها في مكان واحد بتكون سعيدة ويكفي انه   بيحاول يمنع اختلاطها  بامه عشان مش تضايقها اه مقالهاش صريحة بس هيا حسيتها وفاقت علي صوته وهو قاعد جمبيها وبيقؤلها........يتبع  

تفاعل جامد عشان البارت الثامن ينزل بسرعة 🔥

رأيكم في البارت يهمني جدا 

#فارسي

#بقلمي_اسراء_ابراهيم

البارت الثامن 

فارس انت جيت امتي محستش بيك 

فارس ابتسم وقالها من ساعت ما انتي كنتي سرحانة  وقرب منها وقالها  قوليلي كنتي بتفكري في مين  اعترفي 

هَنا  فهمت غلط وكشرت وقالتله بضيق يعني ايه كنت بفكر في مين  انا والله مش بفكر في حد  انا بس كنت سرحانة في حياتي  وفارس قاطعها بسرعة وقالها اهدي اهدي انا مقصدش اللي فهمتيه والله يا هَنا انا كنت بهزر ولو ضايقتك  فانا اسف حقك عليا 

هَنا  بصتله وابتسمت علي كلامه وفرحت انه خايف علي زعلها اووي كدة  وكمان بيتأسفلها  

وقالتله بابتسامه خلاص يا فارس انا اللي اسفة اني فهمت غلط بس اعذرني انا دايما كنت بتفهم غلط 

فارس بصلها بحزن وفهم انها تقصد معتز اخوه واضايق انها لسة بتفكر فيه وفي اللحظة دي حس انه غيران اووي وحس انه عايز يقرب منها اكتر ويكسر الحاجز اللي بينهم  فقالها هَنا ممكن اسألك سؤال؟ 

هَنا ابتسمت وهزت راسها باه وقالتله  طبعا يا فارس  اتفضل 

فارس سألها بتردد هو يعني انتي  كنتي بتحبي معتز؟ 

هَنا كشرت لما جت سيرت معتز وبصت لفارس بحزن  وقالتله بلاش يا فارس لو سمحت نتكلم عن معتز  لاني مش عايزة صورته تبقي وحشة عندك لانكم اخوات  وحاولت تغير الموضوع  وقامت وقالتله  انا عملت  الغدا هتتغدا معانا ولا هتتغدي تحت؟ 

ابتسم وفهم انها بتغير الموضوع وقالها بضحك  انتي  مش عاملة حسابي عالغدا ولا ايه وعايزاني اتغدي تحت 

ضحكت بصوت وقالتله  ثواني ويكون الاكل جاهز وجريت عالمطبخ تحضر الغدا 

وفارس ابتسم ومسح علي شعره بسعادة وهو من جواه فرحان جدا انه معاها وحاسس انه اتعلق بيها اووي وانها بقت مهمة في حياته  وقطع افكاره صوت حاجة هبدت وصوت هَنا وهيا بتصرخ قام بسرعة ودخلها المطبخ  ولقاها ماسكة ايدها وبتعيط والحلة واقعة في الارض 

 قرب منها بلهفة وقالها هَنا انتي كويسة ايه اللي حصل؟ 

هَنا قالتله بدموع وخوف وهيا ماسكة ايدها  انا كنت جاية اشيل الحلة احطها عالترابيزة لسعتني في ايدي جامد ووقعت عالارض وادلقت  غصب عني انا ااسفة اووي 

قالها فارس بقلق عليها وهو بيمسك ايديها وبيشوفها خلاص اهدي مفيش حاجة  وريني ايدك  وبص علي ايدها لقاها ملتهبة  قالها وهو بيقومها تعالي  معايا قامت معاه وخدها الصالة وقعدها عالكرسي وراح جاب مرهم وجه بسرعة وقعد جمبها وكان قريب منها اوي وهو  بيحطلها مرهم علي ايدها وهيا بقت تبصله وهو بيحطلها المرهم  ومستغربة طريقته وخوفه عليها  ومعاملته ليها بالرقة دي وحست ان قلبها  بيدق واول مرة قلبها يدق و كانت سامعة صوت دقات قلبها وهو لامس ايديها دي اول مرة يبقي قريب منها اووي كدة  واتأكدت ان شعورها ناحيته حب ايوة هيا حبت فارس واتعلقت بيه  وفارس لاحظ انها بتبصله رفع عينه وجت في عنيها وابتسم ابتسامة خطفت قلب  هَنا وخلاها اتوترت وشدت ايدها منه وقامت بسرعة وهيا بتقؤله  متشكرة اووي يا فارس  انا هروح اعمل اكل غيره  بسرعة  ولسة هتمشي قاطعها فارس وهو بيقؤلها  هَنا  متعمليش اكل عشان ايدك انا هطلب دليفري  وهيا بصتله بامتنان وقالتله بجد متشكرة علي كل اللي بتعمله معايا يا فارس انا وابني و انا عارفة اننا حمل عليك بجد بعتذر منك

فارس قام وقف قدامها وقالها بنبرة حزن وعتاب انتي شايفة اني بعمل كدة من  باب الواجب او اني مجبر علي كدة يا هَنا؟  

وبص في عينها اووي وكمل كلامه وقالها انا مش هنكر اني لما اتجوزتك كان عشان بس ابن اخويا ميترباش بعيد عننا ويفضل هنا بس بعد ما شوفتك وعرفت قد ايه انتي نقية وطيبة وانك زي ما انتي جميلة من برة جميلة برضه  من جواكي  لقيت نفسي  اتشددتلك  وحسيت اني نفسي اقرب منك اكتر واعرفك اكتر و.. هَنا  اتوترت من كلامه اللي خلي  قلبها يدق جامد  وقاطعته  فارس اانا  لازم  وقبل ما تكمل كلامها كان صحي زين وقام بلهفة وهو بتنطط اول ما شاف فارس وقال بابا فااارس هيييه انت جيت امتي  فارس راح وشاله وحضنه وقاله  زينو عامل ايه يا بطل وكل ده نوم انا مستنيك تصحي من بدري 

زعل وكشر زين وقاله طيب مش صحتني ليه لو كنت قولتلي قوم يا زين كنت قومت علطول 

هَنا كانت بتابعهم بابتسامه واتنهدت  بارتياح وحمدت ربنا ان زين انقذها من الموقف لانها مكنتش عارفة تتصرف وتقؤل ايه  لفارس  وفي نفس الوقت كانت فرحانة بكلامه  اووي وللحظة اتمنت انه يكون بيحبها بس نفضت الفكرة من دماغها  وقالت في عقلها  ده متجوز يا هَنا وبيحب مراته ايه عايزة تبقي خطافة رجالة وجايز شعورك ناحيته  ده مش حب جايز اعجاب بس احتياج  للامان اللي اتحرمتي منه هو بس عاجبك خوفه عليكي اهتمامه بيكي بس مش حب مينفعش يا هَنا مينفعش فوووقي قبل ما يحصل حاجة تفوقك  غصب عنك وانتبهت علي صوت فارس وهو بيكلم في الفون وبيطلبلهم اكل وقامت ودخلت اوضتها بهدوء 

.....................     

اهلا يا رورو نورتي بيتك يا قمر  قالها عصام لرباب اول ما دخلت من باب الشقة اللي بيتقابلو فيها 

رباب بصتله يقر*ف ووقفت قدامه وقالتله انا مجتش خوف منك علي فكرة انا جيت اصفي حسابي معاك  

ضحك معتز بصوته كله وقالها  تصدقي خوفتيني  ومرة واحدة قام وقرب منها وهو بيبتسم وفاجئة مسك شعرها جامد وقالها بصي يا بت انتي انا  مبحبش الرغي الكتير انتي تعملي اللي اقؤلك عليه والا هتلاقي صورك عند اخوكي وامك وابقي وريني بقي هتعملي ايه 

اتو*جعت رباب من شده لشعرها وقالتله بقوة مصطنعة وهي بتشد شعرها  انت عبي*ط مفكر اني هخاف من البوقين دول والله لو عملت كدة هقؤلهم ده جوزي واوريهم الورقة اللي انت ماضي عليها بايدك وساعتها انت اللي هتضر يا عصام  لانك هتتفضح وعارف هعمل ايه كمان هروح  لمراتك واعرفها  انك ق*ذر وانك اتجوزت عليها وساعتها انت اللي هتقع في شر اعمالك

ضحك عصام وسابها وقعد عالكرسي وحط. رجله علي رجل وقالها هو انا مقولتلكيش مش انا  مش متجوز اصلا  وطبعا معنديش عيال  وابتسم بسخرية وقالها والمفاجئة بقي يا قطة ان مفيش عقد  جواز اصلا  انا اخدته يوميها من شنطتك وبدلتها بورقة فاضية ابقي افتحيها وانتي تعرفي  

اتصدمت رباب وقعدت عالارض بصدمة من كلامه وعنيها دمعت ورجعت بصتله وقالتله بحزن انت عملت فيا ليه كدة اشمعني انا؟ 

قام عصام من مكانه وقرب منها  ونزل لمستواها وقالها بهدوء مخيف عشان انتي واحدة غبية  مفكرة ان الراجل اللي يطلب من ست انه يتجوزها في السر يبقي بيحبها فعلا  بس الحقيقة مش كدة الحقيقة ان الراجل لما بيحب واحدة بجد وعايزها مراته وعلي زمته بيخش من الباب وبتبقي مراته في العلن وقدام الدنيا كلها  وشاور عليها وكمل كلامه وقال لكن اللي من نوعيتك يا رباب بتبقي صيدة سهلة للي زي اللي عايزين يبقو في الدِرا زي الحرامية  كدة وبيبقو شايفين اللي من نوعيتك كدة وبيقبلو الجواز في السر  رخاص اووي 

رباب كانت بتسمع كل كلمة منه وحاسة انها سكينة بتغر*ز في قلبها  استحقرت نفسها اووي انها جريت عليه وسلمته نفسها وكانت مقتنعة ان ده جواز فعلا  لكن الحقيقة اللي اكتشفتها غير كدة انها طلعت بالنسباله سهلة ور*خيصة دموعها نزلت بحرقة وقالتله وهيا بتمسك ايده وبتترجاه  انا خلاص فهمت انت تقصد ايه انا مش عايزة حاجة منك غير انك تبعد عني وانا مش هقؤل لحد عن علاقتنا ببعض 

قام عصام وشد ايده منها واداها ضهره وهو بيقؤلها  لا ده مش بمزاجك يا حلوة ده لما انا اقرر ودلوقتي بقي قومي غوري من وشي امشي ولما ابقي احتاجك هكلمك تيجي وكمل بنبرة تحذير وقالها وابقي فكري متجيش يا رباب ساعتها متلوميش الا نفسك 

قامت رباب وهيا بتمسح  دموعها بضهر ايديها   بعن*ف  وبصتله بقر*ف وسابته ومشيت وهيا  مستحقرة نفسها وحاسة ان علاقتها بعصام كانت زي القلم اللي نزل علي وشها فوقها وعرفها حقيقة نفسها واول ما خرجت من العمارة اتصدمت  اول ما لقت لقت چني في وشها

........................... 

كان فارس داخل شقته ونادي علي سيلا ملقهاش استغرب ودور في الشقة وملقاهاش ولسة خارج من القوضة لقاها بتفتح باب الشقة وداخلة بصلها بغضب وقالها  انتي كنتي فين يا سيلا؟ 

سيلا بصتله ببرود وحطت شنطتها عالترابيزة وقعدت وردت عليه اخيرا وقالتله كنت بعمل شوبنج يا فارس في حاجة 

فارس اتعصب وقالها  وانتي ازاي تخرجي من غير ما تقؤليلي ايه مليش لازمة انا ولا مش *راجل 

نفخت سيلا وقامت بغضب وقالتله وحضرتك فاضيلي انت مشغول بالسنيورة مراتك التانية وابنها ومقضيها فسح وخروجات ياما في المستشفي وبترجعلي بليل عالنوم  مش كدة يا فارس 

فارس قرب منها وقالها  اولا حتي ده ميديكيش الحق انك تخرجي من غير اذني  يا هانم  ثانيا اللي بتتكلمي عليه ده ابن اخويا وملوش حد وانا بدال ابوه وبدل ما تقربي منه ونحاول كلنا نحسسه انه مش وحيد ومعاه لا قاعدة بتقؤلي كلام ملوش لازمة 

ضحكت سيلا بسخرية وقالتله لا ما حضرتك قايم بالواجب وزيادة مع الولد وامه  بصراحة 

فارس حذرها وقالها  وهو بيشاور بصباعه  سيلاااا الزمي حدودك انا فهمتك الوضع من الاول  يعني مضحكتش عليكي  ثم تعالي هنا وانتي اصلا من امتي كان فارق معاكي ده انا حتي يوم كتب كتابي حضرتك كنتي عادي قاعدة بتضحكي وتهزي مع صحباتك دلوقتي بقيت انا مهم بالنسبالك 

سيلا بصتله بتوتر  وحاولت تغير الموضوع وتكسبه في صفها وقالتله  ماهو انا ليا حق اغير عليك يا فارس وانا شايفاك طول الوقت معاها ومهتم بيها  وانا لا  وكمان يعني خفت تتعلق بيها وتيجي تقؤلي مش هطلقها وصحابي واللي اعرفهم هناك يعرفو  انك متجوز وتبقي كارثة 

فارس بصلها بسخرية وقالها ااااه كدة فهت حضرتك بقي مش موضوع  انك غيرانة عليا اني مهتم بيها انتي خايفة  الناس وصحابك هناك يعرفو اني اتجوزت وتتشهر زيك مش كدة عموما انا هريحك واقؤلك يا سيلا انا مش راجع تاني لندن  وناوي استقر هنا  وحتي لو  انا مش مشهور هنا في بلدي  يكفيني اني عايش وسط اهلي وقعد قدامها عالكرسي وكمل كلامه وقالها  عندك استعداد تبدأي معايا من الصفر هنا يا سيلا ولا لا 

سيلا بصتله بتوتر ومن جواها كانت في قمة غضبها  ومردتش عليه وسابته ودخلت وهو غمض عينه بقلة حيلة وحط وشه بين ايديه وعنده احساس ان سيلا بس كانت معاه واتجوزته عشان كان دكتور ومشهور هناك وليه اسمه  نفخ بضيق واتمني احساسه يكون غلط.......... يتبع

بشكركم علي تفاعلكم القمر ❤

ورأيكم في البارت يهمني جدا 

تفاعل جامد بقي عشان البارت التاسع ينزل بليل 

#فارسي

#بقلمي_اسراء_ابراهيم

البارت التاسع

 

اتصدمت رباب ووقفت مكانها  اول ما شافت چني قدامها وبصتلها بحزن وهيا منهارة من العياط  وحست ان ربنا بعتها ليها نجدة عشان  تلحقها  وچني بصتلها باستغراب لما شافتها نازلة من العمارة وبصت لصحبتها اللي كانت معاها وقالتلها ريهام ممكن تمشي انتي وانا هحصلك  واول ما صحبتها مشيت قربت من رباب وابتسمت بسخرية وقالتلها مش معقؤل دايما مكتوبلي انا اللي اقفشك  يا رباب  بس سكتت اول ما  شافتها بتعيط وضيقت عنيها وقالتلها يا تري دموعك دي لعبة جديدة ولا بتحاولي تنقذي نفسك من الموقف  اللي انتي فيه دلوقتي  

رباب مسحت دموعها وقربت منها وقالتلها  چني انا محتجالك الحقيني ارجوكي 

چني استغربت وقالتلها في ايه مالك يا بت بتعيطي ليه 

رباب بصت حواليها يتوتر  ورجعت بصت لچني وقالتلها مش هنا تعالي نروح مكان نتكلم فيه 

چني حست بالصدق وان دي مش لعبة منها وانها فعلا واقعة في مشكلة فهزت راسها وقالتلها  تمام يلا بينا  ومشيو سوا

...................

 فارس قاعد  قدام  مامته وهيا واقفة قدامه و بتزعق وبتكلمه بصوت عالي وبتقؤله لا منا لازم افهم  يعني ايه مراتك  مش هتنزل تعملي حاجة  

فارس بص لامه بقلة حيلة واتكلم   يعني يا امي انا بعتلك واحدة عشان تنضفلك البيت وانا هديها مرتب وانتي رفضتي والست كلمتني  وقالتلي انك مشتيها ممكن اعرف ليه وايه السبب 

بصتله امه  بتحدي وقالتله بصوت عالي  كدة يا فارس  عشان  انا عندي مرات ابني  ازاي بقي اجيب حد غريب يخدمني 

فارس وقف وقالها  يعني ايه يا امي  الكلام ده انا مراتي  مش خدامة دي بنت ناس عيب لما تقؤلي كدة انا مكنتش اعرف انك  بتعامليها كدة  كنت مفكر انها زي رباب عندك 

قاطعته امه بحدة وقالتله ايوة  ليك حق تدافع عنها ماهي غيرتك  وخليتك تقسي علي امك وحتي مبقتش تنزلي زي الاول خلاص يا فارس خليها تنفعك واشبع بيها مش بعتني عشانها  خليك بقي جمبها وقعدت عالكنبة وعملت نفسها بتعيط 

نفخ فارس بضيق وراح قعد جمبها وباس راسها وقالها يا امي انا متغيرتش ولا حاجة زي ما بتقؤلي انا بس بعامل مراتي بما يرضي الله  ونفسي انتي كمان  تعامليها كويس وقام وقعد قدامها وحاول يستعطفها وقالها نفسي يا امي تديها فرصة حاولي تحبيها وصدقيني هَنا مش زي ما انتي فاكرة خالص  بالعكس كويسة جدا 

لوت امه وشها وقالتله اه ما ده كهن الستات اللي جابت بيه رجلك  وخليتك زي الخاتم في صباعها 

وقف فارس بغضب من كلام امه وبصلها بضيق وهز راسه يمين وشمال وقالها مفيش فايدة وخد بعضه وفتح باب الشقة وخرج وهبده وراه 

وامه فضلت تخبط بايدها علي رجليها وتقؤل بغيظ  غيرته بنت عفاف كلت عقل الواد  الله يرحمك يا معتز  كنت  بتربيها ومعرفها قيمتها 

................... 

كانت قاعدة  رباب جمب چني عالكورنيش وچني بتقؤلها وهيا مصدومة يا نهارك اسود بقي تتجوزي عرفي يخربيتك اتهبلتي خلاص يا رباب وصلت بيكي انك تتجوزي عرفي 

عيطت رباب تاني وقالتلها بندم باين في صوتها والله ندمانة يا چني ومكنتش اعرف انه ح*يوان وبيستغلني كنت فاكراه بيحبني 

چني قالتلها لما افتكرته  ،  هو ده الراجل اللي شفتك معاه في الكافيه صح؟ 

هزت رباب راسها بتأكيد ومسحت دموعها بالمنديل وقالتلها ايوة هو عصام اتعرفت عليه في تنجيد واحدة صحبتي  وفضل يلف عليا ويفهمني انه معجب بيا وانه عارف اني مطلقة وعايز يتجوزني وبعد ما علقني بيه وخلاني احبه  قالي انه متجوز ومخلف واننا نخلي جوازنا عرفي لفترة وبعدين هيعلن جوازنا  وياريتني ما وافقت وعيطت بشحتفة لدرجة انها صعبت علي چني  وطبطبت عليها وقالتلها خلاص يا رباب اللي حصل حصل  المهم كملي ايه اللي حصل بعد  كدة 

رباب كملت كلامها بحزن وقالتلها لحد من كام يوم كنت بكلمه وبقؤله انك هددتيني واني مش هينفع اقابله لقيته اتغير مرة واحدة  وقالي لو مروحتلوش هيفض*حني ويبعت صوري لاخويا فارس  ولما روحتله قالي كلام صعب اووي يا چني قالي اني رخ*يصة عشان وافقت اتجوزه عرفي وان اللي زي رخاص اووي وتوقيعهم سهل عشان وافقت بسرعة علي  جوازنا العرفي انا استحقرت نفسي اوووي وفضلت تعيط بحرقة 

چني عيونها دمعت  علي شكل رباب كدة  وقالتلها خلاص بالله عليكي اهدي خلينا نعرف هنعمل ايه في المصيبة دي 

ردت رباب بانهيار وقالتلها مش عارفة يا چني انا خايفة اووي امي لو عرفت هتروح فيها وفارس ممكن يق*تلني 

چني لوت وشها وقالتلها  بتريقة لا متخفيش امك دي قوية مفيش حاجة بتأثر فيها المهم بس دلوقتي لازم تهدي كدة عشان نعرف نفكر في حل بعيد عن  اننا نعرف حد حاجة 

هزت رباب راسها ومسكت ايد چني وقالتلها انا مش عارفة اقؤلك ايه بس انتي اخر واحدة كنت اتخيل انها تساعدني وتقف جمبي بس صدقيني يا چني انا من بعد ما سمعت كلام عصام حسيت انه عقاب ربنا ليا علي معاملتي لاختك هَنا وليكي انا اسفة ياريت تسامحيني 

طبطبت چني علي ايديها وقالتلها بابتسامة مش مهم اللي فات يا رباب المهم اللي جاي واتمني ان اللي حصل ده يكون درس ليكي ويفوقك من اللي كنتي فيه 

ابتسمت رباب وهزت راسها بالموافقة علي كلام چني 

......................   

كانت هَنا  قاعدة في اوضتها وخايفة جدا لانها سمعت صوت خناقة حماتها مع فارس وده لانها ساكنة في الدور التاني وحماتها في الاول  وصوت خناقهم كان عالي قووي  وعلي قد ما هيا كانت سعيدة من رد فارس وكلامه عنها علي قد ما هيا مرعوبة ليحصل زي ما كان بيحصل مع معتز ويتأثر بكلام امه ويطلع  يضر*بها  وقطع تفكيرها صوت فارس وهو بيهبد باب الشقة وبينده عليها بصوت عالي  اتنفضت من مكانها وقامت برعب  واتاكدت من اللي كانت بتفكر فيه

كان فارس واقف مستنيها تخرج  وهَنا خرجت  ووقفت قدامه ودموعها بتهدد انها تنزل بصت لفارس وقالتله نعم يا فارس  وتوقعت انه هيزعقلها ويضر*بها بس  اتصدمت لما لقيته بيقرب منها وابتسامته اللي حبيتها وبتوترها في نفس الوقت علي وشه وبيقؤلها  وحشتيني 

هَنا قلبها دق و عقلها بيقؤلها لا ثانية واحدة هو قال ايه؟  

فارس بص لشكلها وضحك وقالها  انتي مالك مصدومة ليه كدة 

هَنا بصت في عينه وقالتله بخجل وهيا لسة مصدومة فارس هو انت قولت ايه ؟

فارس قالها امم تيجي نخرج؟  انا وانتي وزين 

هَنا اتأكدت انها سمعت صح واستغربت ازاي هو كدة معقؤلة بعد اللي حصل ده كله وبيعاملها كدة وابتسمت ولقت نفسها بتقؤله موافقة 

ابتسم فارس وقالها بخبث عشر دقايق لو مجهزتوش همشي 

هَنا سقفت بايدها بسعادة وقالتله ايه لا عشر دقايق كتير خمسة بس وسابته ودخلت اوضتها تلبس وتلبس زين 

 وفارس بص  علي مكانها وابتسم وهو عنده شعور حلو اوي ناحيتها بيكبر يوم عن يوم 

.................... 

دخلت رباب البيت ولقت امها  قاعدة ومكشرة وباين عليها الغضب قالت في سرها ربنا يستر وقربت منها وقالتلها  ازيك يا ماما 

بصتلها امها بغيظ وقالتلها اهلا بالشملولة كنتي  فين ياختي لحد دلوقتي مش قولتي هشتري  طقم عجبني ودلوقتي راجعالي ايد ورا وايد قدام   ليه ما تنطقي 

اتوترت رباب وقربت من امها وحاولت تبان طبيعية وقالتلها ماهو ياماما بعد ما قيسته معجبنيش ومجبتوش حتي وانا مروحة قابلت چني اخت هَنا مرات فارس 

اول ما امها سمعت اسم هَنا قامت بغضب وقالتلها  متجبليش سيرة البت دي انا مش طايقاها اصلا

بلعت رباب ريقها بخوف وحاولت  تهدي امها فقربت منها  وقالتلها  وهيا بتطبط. عليها  مالك بس يا ست الكل متعصبة ليه كدة انهاردة وبعدين هَنا عملتلك ايه ماهي فوق اهي ومبتنزلش اصلا 

حكيتلها امها علي كل اللي حصل مع فارس وفي الاخر قالتلها وبدل ما يطلع يديها العلقة التمام لا  قصد يغيظني ويقهرني وسمعتهم وهما نازلين وشوفتهم من البلكونة خارجين سوا وركبت جمبه العربية وبيضحكو ولا اكن في حاجة اااخ ياني هطق وهتجلط من اخوكي 

اتنهدت  رباب ومردتش علي كلام امها عشان  عارفة انها لو دافعت عن هنا امها هتستلمها هيا وهتنكد عليها   فحاولت تغير  الموضوع وقالتلها طيب انا جعانة يا ماما دلوقتي تعالي ناكل الاول وبعدين نكمل كلامنا  وسابتها ودخلت المطبخ قبل ما هيا ترد عليها 

........................... 

خرجت ميرا من كليتها  وكانت لسة هتركب عربيتها قاطعها احمد اللي وقف قدامها وقالها 

انسة ميرا انا اسف اني جيتلك هنا بس انا كان لازم اسألك علي ندي انا بقالي كتير  بكلمها موبايلها مقفول من ساعت اخر مرة كنا فيها سوا انا بس عايز اطمن عليها يعني هيا كويسة 

بصتله ميرا يغضب وقالتله  بعصبية انت كمان ليك عين تيجي لحد هنا بعد اللي عملته  

احمد استغرب وقالها انا عملت ايه ممكن تفهميني 

ندي بصتله بسخرية وقالتله والله عامل فيها البرئ حضرتك لو سمحت امشي من هنا حالا والا هطلبلك الامن 

احمد كان مضايق بس لازم يعرف في ايه وايه اللي حصل يخليها تقؤله الكلام ده فقالها برجاء لو سمحتي لو فعلا ندي غالية عندك فهميني في ايه وعملة ايه اللي بتقولي عليها لاني بجد معرفش بتتكلمي عن ايه 

ميرا استغربت وحست انه صادق وكشرت وقالتله يعني انت مش بتكدب وبتشتغلني 

احمد اتنهدت بضيق وقالها  والله ما بمثل انا بجد معرفش  قصدك ايه 

ميرا  بصتله بحزن وقالتله بابا ندي قالها انه كان بيختبرك و عرض عليك فلوس عشان تبعد عن ندي وانت وافقت واخدت منه  مليون جنيه  واتفقت معاه انك تسيبها ومن ساعت ما ندي عرفت وهيا منهارة وتعبانة جدا وصدمتها فيك مأثرة عليها وحتي الكلية مش بتحضرها وقافلة علي نفسها ومبتكلمش حد 

احمد اتصدم من كلام ميرا ومن الصدمة منطقش  فضل ساكت شوية وبعدين بصلها وقالها  عايز اشوفها يا ميرا باي طريقة 

ميرا  قفلت باب العربية وقالتله انا هساعدك عشان حاسة انك صادق وفعلا بتحب ندي 

احمد  هز راسه وقالها  متشكر اووي يا ميرا 

..................   

كانو قاعدين في مطعم  وهَنا قاعدة قدام فارس  و جمبها زين  وهيا كانت بتبص حواليها باندهاش وبتتفرج عالناس  وقطع تفكيرها فارس لما قالها 

ايه عجبك المطعم يا هَنا  

هَنا بصتله بسعادة باينة في عنيها وردت عليه  

ايوة يا فارس انا مش بس عجبني المطعم انا الخروج اصلا وحشني انا بقالي كتير اوووي مبخرجش  ولو كنت بخرج كنت بت  وقطعت كلامها وبصت الناحية التانية بحزن 

فارس قرب منها وقالها  هَنا  ممكن اطلب منك طلب 

هنا رجعت بصتله وقالتله بلهفة طبعا يا فارس انت تطلب اي حاجة قول عايز ايه.......يتبع

معلش معرفتش انزل البارت بليل اتمني يكون البارت عجبكم وياريت رأيكم لانه يهمني جدا ❤

تفاعل جامد بقي عشان انزل البارت العاشر بسرعة 

#فارسي 

#بقلمي_اسراء_ابراهيم

تكملة الروايه من هنااااااا