 |
#الفصل9
زينه : بص بقا انا حكايتى
صمتت لفتره قصيره وبعدها قامت باصتناع البكاء
زينه بتمثيل وبكاء فشلت فيه : اهيييى اهيييي انا قولتلك قبل كده انى انا ليا عشر أخوات بنات وطبعا بما إنى الراجل اللى فيهم انا اللى ابقا مسؤل عنهم .... وبعياط مزيف عازف يعنى ايه اجرى على عشره غير امى الله يرحمها .. انا صممت انى كلهم يتعلموا وبقيت اشتغل بدل الشغلانه عشره وكنت دايما بقول الحمد لله للاسف امى جالها القلب وكان لازملها عمليه قلب ضرورى علشان حالتها كل شويه بتسؤء بعت اللى ورايا واللى قدامى بس للاسف مجوش حتى ربع المبلغ المطلوب وكان لازم أجيب فلوس
والحقيقه انا فعلا كنت هسرق الفلوس وخدهم بس والله رجعتهم تانى بس من غبائى نسيت الكاميرات . وأكملت بحسره انا خد الفلوس بس ضميرى وجاعنى قمت رجعت الفلوس والله ، وبعدها فوجئت ان البوليس بيؤبض عليا ، وبعدها عرفت ان الفلوس اتسرقت بس صدقنى والله مانا الى خدها
نوح بهدوء : طب مين اللى اخدها
زينه : صدقنى لو عارفه هقول
نوح : أنت مش كنت بتقول انى اهربك معايا وهتدفعلى اللى اطلبوا
زينه بتهرب : انا قولت كده ، دا انا كنت بهزر معاك بقا دا منظر واحده معااااا..... احمم قصدى دا منظر واحد معاه فلوس دا أنا كنت بقول كده وكده
نوح : طب واخواتك العشره اخبارهم ايه محدش بيزوزك منهم ليه
زينه : انا اللى منعتهم يجوا .وبعياط مزيف . مش عايزاهم يشوفونى وانا كده اهييي
نوح : ماشى يلا الاول ناكل ونام علشان فى تفتيش بكره
زينه لنفسها : الله عليا بجد ولا اجدعها ممثله
.................
فى الصباح فى حوالى الساعه الثامنه
تميم لنوح : يا نوح الواد دا فيه حاجه غلط مش مظبوط صادقنى
نوح : ياعم متشغلش بالك دا واد عبيط وعلى نياته
تميم بتصميم : ماشى وانا هجبلك اخروا
اتت زينه : احم لو فيها رذاله انا عاوزه أروح الحمام
تميم ببرود : ماتروح حد ماسكك
زينه 'زين ' باحراج : اصل عايزه حد يجى معايا علشان خايفه لحد يدايقنى
تميم : انا مش عارف صيغه المونث اللى بتكلم بيها دى
زينه بتوتر : أصل انا يعنى واد على عشر بنات وا..
نوح بمقاطعه : خلاص يا زين مش هتحكى حكايتك تانى ، تعال يل ااا
..... فى الحمام ......
زينه وهى تنظر للمرأه : يانهار سجن ومرمطه بقا انا زينه زينه البنات يبقى دا شكلى ، دا أنا مغسلتش وشى بقاله يومين . واكملت بحسره .فين ايام اما كنت بحوش واجيب مكياج واعمل ماسكات وخلص القهوه اللى فى البيت على وشى ااااااه ايام
سمعت أصوات فى الخارج كثيره أشبه بالعراك فقامت بفتح الباب بحرص لترى ماذا يحدث
الرجل 1 المعلم : انت فاكرنى مش هاخد حقى على اللى عملته
نوم : جايبلى ناس تتحاما فيهم لانك عارف انك خايف منى
زينه فى الداخل : ايه دا هوا كل يوم فى السجن هنا لازم خناقه وبلطجه
.. وقامت بغلق باب الحمام من الداخل لتحمى نفسها
دقيقه مرت ودقيقتين مرت وهى تسمع أصوات ولكن لا تفهمها
زينه : أخرج ولا لا ، أنا بقول خلينى احسن
دقات على الباب بقوه : نهار اسود ومنيل
نوح : أفتح يا زين
زينه : انت مين
نوح : هنستهبل خلص يلا
زينه : حاضر حاضر
فتحت بخوف وقالت : فين الناس اللى كانوا ماسكينك
نوح : تعال ورايا وبطل اسئله
خرجت خلفه وهوا يسير بثبات وقوه
زينه فى سرها : بسم الله مشاء الله عليه بس لو كان عندوا غمزات أو قصير شويه علشان أعرف اتعامل معاه .. كل اللى هنا طوال إلا انا محصلتش برطمان مربى حتى
-شهقت عندما رأت من كانوا يهددون نوح فى الحمام مربطون وعلى وجههم اثار الضرب
صفقت زينه بدون ان تستوعب : الله عليك يا باشا يا حارقهم ، واكملت برجاء والنبى عايزه أضرب الراجل اللى هناك دا هوا واللى جمبوا علشان واحد هزأنى وواحد ضربنى ووقعنى على الارض حتى والله لسه ضهرى بيوجعنى
تميم بسخريه : مش كنت فى الحمام مع نوح خوفت ومادخلتش يبقا تركن على جنب
زينه باحراج وكذب : على فكره بقا انا مكنتش اعرف انهم فى الحمام مع نوح انا كنت مشغول
تميم برفع حاجب : وكنت مشغول فى ايه
زينه : فى الحمام هاكون مشغوله بايه يعنى
يتبع
#الفصل10
مساءا
زينه بنفى: مليش دعوه انا اللى هنام هنا
نوح بنفى هوا الاخر : لا دا مكانى انا من الاساس ماينفعش
زينه بتأفف : وأنا مش هنام فى السرير اللى فوق انا بتقلب كتير وانا نايمه ممكن أقع على الارض
تميم بتدخل : وانت هاتتشرط يا هتنام فوق يا على الارض أختار
زينه : طب ماشمعنا انتوا الاتنين بتناموا على سرير الدور الاول وانا فى التانى
نوح : هو احنا بنقسم الورث دا سرير ، وعلى العموم لو مش عاجبك نام على الارض زى ماقال تميم .
زينه : حسبى الله ونعم الوكيل بيتكتروا عليا
تميم بغضب : واقسم بالله لولا إنك من طرف عم منصور انا كنت فشخ*تك
زينه بشهقه : ايه الالفاظ الوحشه دى عيب على فكره .... وانا هنام فوق بس علشان مش عايزه مشاكل بس لو وقعت ذنبى فى رقابتكوا
تميم بسخريه : مش عايزه مش عايزه
زينه بنسيان : اه مش عايزه... انا عندى كرامه
تميم لنوح : قابل يا معلم بيقولك مش عاوزه ... 'واكمل لزينه ' إنت ليه بتحسسنى انك نيت*ايه
نوح بزهق : خليكوا كده وانا هاتكل
..... بعد ساعه ....
زينه لنفسها : أنا عينى بقت بتوجعنى أوى .... هوا انا لو قلعت اللنسس هياخدوا بالهم ولا ايه
-بعد شويه صغيرين
زينه بزهق : انا زهقت الدنيا حر هنا أوى عكس الحبس الانفرادى اللى كنت فيه قبل كده ..... طب هما كل واحد قلع وبقا بلفنله انا اقعد بأيه؟؟؟
-وبعد شويه كمان
زينه : انا تعبت ... انا مش عارفه هما عارفين يناموا ازاى كده
نوح من تحتها بنعاس :ماتنام بقا هتفضل تتقلب كتير كده مش عارف أنام
زينه : انا عاوز ارجع الانفرادى ..هنا وحش اوى
نوح بنعاس : مش عاوز حاجه كمان
زينه ببتسامه : نفسى راحه للشبسى اوى مافيش كانتين هنا
تدخل تميم فى الحوار : يا ريت نتكتم بقا الواحد مش عارف يتخمد
زينه : وانا مالى الله انا مش عارففففف احمم انت مش طايقنى ليه
تميم لنوح : نوح روح واديه العنبر اللى جمبنا علشان يعرف ينام كويس
زينه بدعاء على تميم فى سرها : روح يا شيخ الهى يجيلك أمساك على شويه جرب قادر يا كريم يا رب
....ف الصباح .....
تميم بسخريه : مش دا اللى امبارح كان مش عارف ينام
نوح : خلاص يا تميم شويه وصحيه علشان الشغل ..
تميم : انا الواد دا مبينزليش من زور ، ابقى صحيه انت
________
زينه : انا معرفتش انام أصلا
تميم بسخريه : وبالنسبه لصوت شخ*يرك اللى كان مالى العنبر
زينه بشهقه استنكار : بقا انا اللى كنت بش*خر يا كداب
تميم بزعيق وغضب : بقا انا كداب
زينه بعناد : اه كداب علشان انا معملتش كده
نوح بغضب : لا كده مينفعش عايزين تتخانقوا ، اتخانقوا اما امشى انا رايح افطر ... ورحل
_ إما بمجرد ان قال ذلك ورحل جرت زينه ورائه
زينه : أستنى... استنى والنبى
زينه بعدما وصلتله : استنى بقا وقولى قررت ايه فى الموضوع اللى قلتهولك
نوح : مش دلواتى خالص بعد أسبوعين اول الشهر كده ، بس قولى الاول انت معاك كام ؟؟؟
تعليقات
إرسال تعليق