 |
#البارت_الحادي_والثلاثون
#ما_في_قلبي
وفي نفس اللحظه كان فارس في الطريق قريب من الكليه
العربيه وقفت وهوب اتفتحت وسحبت نور لجوا وجميله حاولت تمسكها واحد منهم ضربها على رأسها وأغمى عليها وخدوا نور ومشيت.
و.
فارس جه وشاف جميله واقعه على الأرض والجامعه كلها اتجمعت وأحمد سمع وجه فارس شاف احمد
_خد جميله المستشفى
احمد بخوف على جميله:حاضر حاضر
فارس خد العربيه بتاعته ومشي في اتجاه العربيه اللي مشيت فيه
فارس بعصبية:ماشي يا رجب الكلب والله لاوريك
يارب نور تكون كويسه يارب
بعد ساعتين العربيه السودا اللي خطفت نور وصلت لمكان مهجور مفيهوش حد خدو نور اللي كانو مربطينها وهى كانت بتحاول تفلت منهم وهم كانو مسكينها ودخلو مكان كان عبارة عن بيت بس مفيهوش سكان ومهجور دخلوها في اوضه وقفلوا عليها
وراحوا لشخص كان قاعد في الضلمه
واحد منهم:البضاعه وصلت يباشا وموجوده جوه وكل حاجه تمام التمام
رجب بضحكه عاليه: هههههههه والله ووقعتي تحت ايدي يا نور من زمان اووي وانا نفسي في المشهد دا
واحد منهم:مش هتدينا فلوسنا بقى
رجب:طبعا بس تكملوا حراسه للمكان واللي يجي ناحية هنا تقتلوه وميكنش ليه ديه
_طبعا يا باشا
رجب اتصل بواحد عارفه
_ايوا العروسه جاهزة
طبعا هتعجبك انت هتيجي تشوفها وتعاين البضاعه
طيب هستناك
رجب قفل معاه وراح ناحية الأوضه اللي فيها نور
عند نور
كانت بتحاول تفك نفسها لكن مفيش فايده بصت حواليها لقت تليفون ارضى
بس بصت للحبل اللي مربوطه بيه بيأس
*كدا مش هعرف اجيب التليفون واكلم فارس يارب حلها من عندك
حاولت تفك ايديها تاني بس مفيش فايده برضو
وفجاه لقت اللي داخل عليها
نور يخضه:رجب
رجب :حلو اسم رجب دا من بقك العسل دا
نور بزعيق:انت جايبني هنا لي وعاوز مني اي
رجب قرب منها ونزل بمستواها
رجب:جايبك علشان قاصد كل خير يا قطه
نور بخوف:ازاي مش فاهمه
رجب :بكل بساطه انا هبيعك علشان احصر حبيب القلب عليكي وقبل ما ابيعك لازم اروق حالى معاكي الاول
بس هفكك علشان عارف انك شقيه وعنديه وانا بحب كدا
وفكها ولسه هيقرب منها ونور بتصرخ أن حد ينجدها وبتنادي تقول فارس وبس
رجب جاله تليفون
رجب:ايوا يا مزه ايوا انا في البيت انتى برا طيب انا جايلك
وبص لنور
:انا خارج بس في مصلحه وجايلك تاني
ونسي يربطها تاني
نور اول ما هوا خرج جريت على التليفون
وفضلت تفتكر في رقم البيت تكلم جدها أو اي حد
افتكرته وكتبته وبدأ يرن
مديحه اللي ردت عليها وكلهم كانو بيدوروا عليها حتى الجد
مديحه:ايوا مين
نور بدموع وعياط:انا نور يا ماما فين فارس
مديحه:يضنايا انتى فين يا عمري
نور :انا انا مخطوفه رجب هوا اللي خطفني وعاوز ....
خلي فارس يلحقني
مديحه:فارس بيدور عليكي زي المجنون وجدك راح يقدم بلاغ في القسم انتى فين مش عارفه انتي فين
نور:لا مش عارفه انا في مكان حساه مهجور
مديحه:طيب انا هكلم فارس
نور:حاضر يا ماما هبقى اكلمك تاني
في الوقت دا كان فارس لسه داخل وباين عليه الإرهاق الشديد
نور كانت قفلت السكه
مديحه:استني يا نور
فارس سمع اسمها جري على التليفون
فارس:نور هي اللي بتتكلم
مديحه:ايوا يا ابني بتقول انها مخطوفه ورجب اللي خاطفها
فارس :انا مش عارف اي اللي بيحصل دا كدا مش هعرف اوصلها الا لما تكلمني تاني
مديحه:أن شاء الله هنتكلم بس اااا
فارس:في اي
مديحه:نور كانت خايفه اووي كان رجب عاوز يعمل فيها حاجه انا مش عارفه
فارس :ابن******والله لاوريه والله لاربيه
في الوقت دا الجد دخل ومعاه الظابط
الجد:ها وصلتوا لحاجه
فارس:نور لسه متكلمه مع ماما ولسوء الحظ قفلت وانا داخل مش عارف اعمل اي
الظابط:,كلمتك على انهى تليفون يا حجه
مديحه:على دا وشاروت على الارضي
الظابط:بسيطه انا هكلم واحد صحبي في شركة الاتصالات وهنعرف الرقم والمكان بتاعه وان شاء الله هنلاقيها
فارس:طيب يلا مستني اي
فارس كان على اعصابه ودماغه مش فيه
مش متخيل أن حبيبته بعيده عنه دلوقتي المفروض انهم كانوا هيحتفلوا النهارده لكن دائما الظروف بتيجي عكسيه
الظابط بدأ في الإجراءات
عند نور كانت خايفه اوووي بس كانت بتحمد ربنا أن رجب مقربلهاش
وسمعت صوت واحده ست برا وبتضحك معاه
نور تنفست بهدوء
*الحمد لله أنه مقربليش
رجب كان معاه واحده ترتدي ملابس تظهر أكثر من ما تخفيه
وكانت يتدلع عليه
البنت:انت بقى يا رجب مش ناوي تتجوزني انت مش خلصت من العقربه وبنتها
رجب بتوتر:أه يا حبيبتي امال
نور بدأت تصوت
والبنت دي سمعت صوتها
_هوا في حد جوا انا حاسه ان في بنت جوا بتصوت
رجب:دي بنت جديده والشيخ سلام جاي وهياخدها
_اها ماشي هيديك كام بقى
رجب:مش هقولك انتى مالك
_بعدها هتتجوزني صح
_امال اي طبعا ونهج برا البلد بقى ونعيش
نور قربت من التليفون تاني وحاولت تتصل عليهم تاني
حاولت مره واتنين وتلاته
وبقى فيه جرس
نور بدموع:ردوا بقى
في الوقت دا جه الشيخ سلام اللي هم مستنينه
نور حست أن في صوت ناحية الأوضه سابت السماعه وراحت قعدت مكانها
رجب دخل ومعاه البنت ومعاه الشيخ سلام
نور لما شافت البنت بتفاجئ
نور بصدمه:عبير!!
#يارا_عبد_السلام
#البارت_الثاني_والثلاثون
#ما_في_قلبي
في الوقت دا جه الشيخ سلام اللي هم مستنينه
نور حست أن في صوت ناحية الأوضه سابت السماعه وراحت قعدت مكانها
رجب دخل ومعاه البنت ومعاه الشيخ سلام
نور لما شافت البنت بتفاجئ
نور بصدمه:عبير!!
عبير بصتلها بصدمه
_نور اي اللي جابك هنا يا حبيبتي
نور بدموع:زي مانتي شايفه خاطفني وعاوز يبيعني وانا اساسا متجوزه
عبير بصت لرجب:هي وصلت بيك تجيب بنات متجوزه كمان علشان الفلوس
رجب:امال اي يا حلوة انتى لولا ملعوب في الاعدادات بتاعتك كنت بيعتك بس الناس بتبقى عوزا حاجه كتكوته كدا على نياتها
عبير:طيب سيب نور تمشي وانا هعملك كل اللي انت عاوزه
رجب:لا وبطلي احسن تحصلي اللي قابلك
عبير:انا عاوزا احصلهم بس سيب نور تمشي
نور :خلاص يا عبير علشان خاطري طنط سهام هتنزعل اووي لو حصلك حاجه
عبير بقهره:ماما ماتت خلاص يا نور مفيش حاجه باقيه عليها انا بعت نفسك لناس زي دي علشان اعالجها بس الحرام مش بيدوم
نور دموعها نزلت زعلانه على الست اللي ربتها ايوا عبير تبقى بنت جارتهم لما امها سابتها واتجوزت اعتبرت نور زي بنتها وكانت معاهم على طول لحد ما تعبت وعبير خدتها وسافرت ولسه شايفاها من سنين
عبير :لو مسبتش نور يا رجب انا هبلغ البوليس عنك وشوف بقى انت هربان والعقوبه هتزيد عليك
رجب فاجاه طلع المسدس من جيبه
وفجاه الشيخ سلام اللي كان واقف مش بيتكلم خالص مستمع بس طلع سلاح وصوبه ناحيه راس رجب وخلع اللبس والشنب
رجب:انت اتجننت ولا اي انا بعمل كدا علشان المزه
الشيخ:هههه هى دخلت عليك انا الرائد زين والله ووقعت يا رجب بقالك شهرين مدوخني يا راجل
رجب بصدمه:اي اي رررائد
زين:اها رائد ويلا اتفضل معايا من غير شوشره علشان متزعلش
في الوقت دا كان فارس سامع كل حاجه وعرف أنه عاوز يبيعها
فارس:يا ابن ال*****والله ليكون اخر يوم في عمرك
وبص الظابط
عرفتوا مكانه ولا لسه
خمس دقائق بالظبط وهنعرف بس خليك على السماعه
مرت الخمس دقائق
وسمعوا صوت ضرب نار الناحيه التانيه
وكانت عبير مرميه على الأرض اثر طلقه من مسدس رجب
زين كتفه ووقعه على الأرض
وقال لنور هاتي الحبل دا علشان نربطه
نور جريت بخوف وجابت الحبل
وزين ربط رجب كويس
_متقلقيش القوات جايه دلوقتي وهترجعى بيتك
الرجاله اللي برا دخلو لما سمعوا صوت ضرب النار
زين سمع خطواتهم
زين:روحي استخبي ورا البرميل اللي هناك دا
نور رحت و قعدت ورا البرميل
وزين وقف ورا الباب ولما دخلوا ضربهم كلهم وكتفهم جنب رجب
نور خرجت :برافو عليك انت ولا الهيرو بتاع الافلام الاجنبي
زين يصلها ومردش
نور سكتت باحراج
زين:ساعه بالظبط والقوات جايه
نور قعدت في ركن. بعيد وهى خايفه وبتقول في نفسها فين فارس دلوقتي
مرت ساعه و لقو القوات كلها جت وكان معاهم فارس اللي كان بيدور عليها زي المجنون
نور اول ما شافته
جريت عليه وحضنته وهوا خدها في حضنه ودفن راسه في كتفها
فارس بدموع:انا كان ممكن يجرالي حاجه لو كنتى ضعتي من ايدي أو ملحقتكيش
نور بدموع:انا كنت هتباع يا فارس وكنتش هبقى مراتك تاني
فارس:هشششش متقوليش الكلام دا امال مين اللي فرحه بعد شهر دا مسمعش الكلام دا تاني انتى هتفضلي معايا لحد اخر يوم في عمري
فارس بص لزين:انا بجد مش عارف اقولك اي على انقاذك لحياة مراتي انا بجد ممنونلك انت انقذت اغلى حاجه في حياتى بجد شكرا
زين بابتسامه:على اي يا راجل انت بس خلي بالك منها ومتنساش تعزمني عالفرح ها
فارس:طبعا انت اول المعزومين انت رديت فيا الروح تاني
وبص لرجب بغل
زين وقفه:متقلقش هياخد عقابه واكتر كمان امشي انت وخلي بالك منها وعلشان تطمن اهلك يلا يا بطل
فارس خد نور ومشي كان مبسوط أنه لقاها وهى طول الطريق مغمضه عينيها بتعب ونايمه
جميله كانت في المستشفي عماله بتعيط وبس
وأحمد بيحاول يهدى فيها وأبوها وامها
جميله:انا مليش دعوة انا عوزا نور هاتولى نور مش ههدى الا لما اشوفها
اه يا حبيبتي يا نور خدوكي مني اه وتعيط
احمد اتصل على فارس وعرف أنه لقى نور واتفق معاه أنه يجيبها على المستشفى
فارس غير طريقه وخد نور على المستشفي الي فيها جميله وصحاها
نور:انا فين
فارس:جميله تعبانه وعوزا تشوفك
نور يخضه:اي طيب طيب وديني ليها
فارس خدها من ايديها وهى كانت بتعيط
اول لما وصلت
دخلت الأوضه وأجريت على جميله وحضنوا بعض جامد
جميله بدموع: متبعديش عنى تاني
نور:حاضر والله امال بقى لو مش هتكون سلايف قمرات كدا
شدي حيلك علشان الواد الغلبان دا يتجوز بقى هيفضل مستنيكي كتير
احمد:قوليلها والنبي
الجد دخل في الوقت دا وكان معاه المأذون
_يلا يا شيخنا اكتب كتابهم
الكل:هم مين
_احمد وجميله
نور وجميله في صوت واحد: لولولولولولولوي
#يارا_عبد_السلام
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق