مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

اسكريبت3

لتنظر شهد اليه بصدمه/ هااااا.......ت ت تقصد ايه

زين/ مدير الشركه يا شهد

وينظر الي اياد/ دي شهد السكرتيره اللي جبتهالك

اياد بغضب/ وكمان سكرتيره اعتبرها مرفوضه

لتنظر شهد الي زين بحزن

زين/ اياد ممكن تيجي معايا.....ويوجه كلامه لشهد/ خليكي هنا لتحرك شهد رأسها بالايجاب

زين/ ارجوك يا اياد حاول تفهم هي محتاجه للوظيفه دي وعايزه تشتغل

اياد/ اشغلها فين يا زين مش كفايه قرها لا وكمان هتلاقيها بتعمل مشاكل علطول

زين/ في دي معاك حق

اياد/ انت تعرفها ولا اي

زين/انا اقصد أن باين من طريقه تعاملها..بس يا اياد جرب شغلها

اياد/ ماشي يا زين امري لله..اعمل معاها المقابله انت وفهمها ايه المطلوب منها انا حاسس لو اتكلمت معاها تاني هتخانق معاها..حاسس اي دا انا متأكد

زين/ ماشي يا سيدي

اياد/ انت جبتها منين دي صحيح

زين بارتباك/صدفه...اتعرفت عليها صدفه

اياد/ اكيد في خناقه

زين بضحك/يلا يا اياد الحفله بدأت

.....في اليوم التالي....في الشركه في مكتب اياد...

#بقلم_نيره_عبدالغني#

يدخل زين الي مكتب اياد

اياد/حمدلله علي السلامه يا استاذ ..لسه فاكر تيجي كنت اتأخر كمان شويه مكنش هيجري حاجه يعني ولا اي

زين بضحك/ اني اسف...حقك عليا بس راحت عليا نومه

اياد/ ليه يا خويا كنت سهران مع الاولاد ولا اي

زين بضحك/ لأ كنت سهران مع ام الاولاد

اياد/ يعني جاي متأخر وليك عين تهزر يالااااا

زين/ وانا مالي..الله مش انت اللي بدأت

اياد/ اترزع يا استاذ عايز اتكلم معاك

زين/ انا مشوفتش حد بيحترمني زيك كده....هااا سامعك

 يا اخويا

 ‏اياد/ عملت اي بخصوص جلابت المشاكل

 ‏زين/ جلابت المشاكل..مين دي يا خويا..انا اول مره اسمع الاسم ده

 ‏اياد/ احم...اقصد الاستاذه شهد السكرتيره اللي حضرتك لبستهالي

زين بضحك في نفسه/ جلابت المشاكل .... حقيقي اسم علي مسمي

اياد/ بتقول حاجه يا زين

زين/ لا يا حبيبي بس اوعا تقولها كده لتاكلك ولا حاجه

اياد بضحك/ واخد حذري..متقلقش

زين/ طب كويس..بعدين متقلقش انا اقابلتها بره وبلغتها باللي المفروض تعمله..اطمن

اياد/ حلو اووي

زين/ اي خدمه..عن اذنك بقا علشان ورايا اجتماع

اياد/ ماشي يا سيدي

#بقلم_نيره_عبدالغني#

.... بعد وقت...تدخل شهد الي مكتب اياد ولم تجده

شهد/ يا تري هو راح فين...احسن حاجه انو مش موجود هاحط الملفات واظبط المكتب وهطلع علطول

..تقوم شهد بترتيب المكتب وتسكب كوب الماء بغير قصد علي الاوراق

شهد/ يالهووي...اي اللي هببتيه ده يا نصيبه..ااااه انتي ناقصه خناقات معاه...لازم امسح الميه دي بسرعه

اياد/ انتي اي اللي عملتيه ده

لتلتفت شهد....

شهد/أأأستاذ اياد..انا....انا

اياد بنفاذ صبر/ أنتي اي

شهد بدموع/ والله مكنتش اقصد..الكوبايه وقعت غصب عني

اياد/ طب ممكن تهدي

شهد/ انا اسفه والله..اكيد انت هتطردني دلوقتي وتقولي انتي مبتعمليش غير المشاكل

اياد/ ماهو انتي فعلا مش بتعملي غير المشاكل..دي حقيقه

شهد ببكاء/شوفت....عن اذنك

اياد/ رايحه فين

شهد/ هو مش انا مطروده

اياد/ مين اللي قال كده

شهد/ يعني انت مش هتطرودني

اياد/ اهدي بس كده لحسن حظك ان فيه نسخ تانيه من الاوراق دي...ممكن افهم بتعيطي ليه وليه لازمة الدموع دي

شهد/ علشان انت عليت صوتك عليا وانا مكنتش اقصد

اياد/ علشان عليت صوتي.....طيب مش انتي غلطانه

شهد/ ايوه بس ده ميمنعش ان انت كمان غلطان

اياد/ في اي ان شاء الله

شهد/ علشان عليت صوتك عليا

اياد/ طيب يا ستي حقك عليا...امسحي دموعك دي وروحي شوفي شغلك....لتلتفت شهد للخروج ولكن

شهد/ استاذ أياد

اياد/ هااااا 

شهد/ في اجتماع مع استاذ شهاب الدين كمان عشر دقايق

اياد/ تمام....لتخرج شهد من المكتب وينظر لها اياد ويبتسم

.... بعد وقت في غرفة الاجتماعات يدخل اياد ومعه شهد..

اياد/ والله زمان يا شهاب

شهاب/ تاني مره نتقابل يا استاذ اياد...خسرتني 3 ملايين في الصفقه اللي فاتت...بس اوعدك المرادي هتبقا الصفقه دي ليا

اياد/ متأكد

شهاب/ دي صفقه بخمس ملايين مستحيل اخسرها

اياد/ نبدأ الاجتماع...يجلس اياد وبجانبه شهد....وينظر شهاب الي شهد بنظرات غير مريحه

اياد في نفسه/ الراجل ده مش ناوي يجبها البر

... بعد انتهاء الاجتماع....

يقف اياد وينظر الي شهاب/ الواضح كده يا استاذ شهاب انك مش حاسب حساباتك صح..مش سامع صوتك يعني..

اياد موجه كلامه لشهد/ متتأخريش مستنيكي بره..

.....يخرج اياد ويترك شهد..

شهاب وهو ينظر إليها/ الواضح كده انك السكرتيره الجديده

شهد/ ايوه

شهاب وهو يقترب منها/ عندي ليكي عرض.. اي رأيك تيجي تشتغلي معايا وهديكي 3 اضعاف من اللي بتاخديه من أياد.. اكيد عرض ميترفضش

شهد بسخريه/ مش كل حاجه الفلوس يا استاذ شهاب... استاذ اياد كان معاه حق الواضح انك حاسب حساباتك غلط....عن اذنك

شهاب بغضب ليمسك شهد بقوه/ أنتي الزاي تتكلمي معايا بالطريقة دي

شهد بغضب/ سيبني..انت الزاي تلمسني انت مجنون

شهاب/ هخليكي تندمي علي الكلام اللي قولتيه ده

...عند اياد...

اياد/ وبعدين شهد اتأخرت كده ليه احسن حاجه اروح استعجالها

..عند شهد... 

شهاب وهو يحاول الاقتراب منها

شهد بصراخ/ ابعد عني...ارجوك سيبني

شهاب/ بتحبني .اول مره اشوف واحده زيك وفي جمالك ده..

شهد ببكاء وصراخ/ ارجوك سيبني..ابعد 

 عني..ايااااااااااااااد

 ‏رأيكم يا حلوين❤️ اسفه على التاخير بس كنت تعبانه شويه❤️

#نيره_عبدالغني 

#مشاغبه_سكنت_قلبي

اللي عاوز البارت الرابع يعمل متابعه من هنااااااااا

تكملة الروايه من هنااااااا