 |
البارت 13
تميم:تتجوزيني يا رهف؟؟!!
رهف بصدمة:نعممم... إيه اللي حضرتك بتقوله ده يا استاذ تميم؟!
تميم:صدقيني يا رهف انا حاولت
اقنع نفسي بس مقدرتش الحكاية وما فيها أن انا بحبك يا رهف
ومش مكسوف وانا بقولك كدة
رهف:اللي حضرتك بتطلبه ده مستحيل يحصل!
تميم بصدمة:ليه يا رهف؟!
هو أنا فيا حاجة غلط؟!
رهف:لأ طبعاً حضرتك اي بنت تتمنى تكون شريكة حياتك.. بس مش انا البنت دي.. عشان عندي أسبابي الخاصة ومتهيالي حضرتك مش لازم
تعرف الأسباب دي!
تميم بتفهم:قبل ما اقول أي حاجة تاني... عايز اقولك إنك فعلاً ست بمية راجل دايماً كنت بشوف شجاعتك في أصعب الأوقات
وعايز اقولك ان جوزك ده غلط غلطة كبيرة اوي يوم ما سابك تبعدي عنه!!
رهف بحزن:عن اذنك يا استاذ تميم
خرجت رهف من المكتب
وهي ماشية في طريقها لمكتبها
شافت دكتورة فريدة اللي متابعة معاها في المستشفى
دكتورة فريدة:معقولة يا رهف بتعملي إيه هنا؟!
رهف:انا بشتغل هنا
دكتورة فريدة بقلق:معقولة يا رهف ده انا محذراكي إنك ترتاحي.. وانتي عارفة ان الحركة غلط عشان البيبي
رهف:معلش عشان أنا مش بحب اقعد في البيت ف بفضل اخرج
وبحب شغلي جداً
دكتور فريدة:زي ما تحبي بس انا كا دكتورة لازم انصحك يا رهف
رهف بإيتسامة:حاضر يا دكتور
اول الشهر هقعد في البيت
في اللحظة دي تميم خرج من المكتب وشاف رهف بتتكلم مع مامته اللي هي دكتورفريدة
تميم:أهلاً يا ماما نورتي الشركة
دكتور فريدة:منورة بأهلها يا حبيبي
تميم بتساؤل:هو انتوا تعرفوا بعض ولا إيه؟!
دكتور فريدة:اه طبعاً ده انا اعرف رهف من 7 شهور... واه صحيح مش عايزاها تيجي الشغل عشان ده غلط علي صحتها وعلى صحة البيبي!
تميم وقف متنح عشان رهف مش باين عليها أوي عشان هي اصلاً رُفيعة يعني ممكن اللي يشوفها يقول تخنت بس!
تميم:ازاي يا رهف معرفش حاجة دي دي وبعدين انتي لازم تاخدي اجازة من دلوقتي.. إحنا طبعاً يهمنا صحة الموظفين ومش مهم اي حاجة تاني!.
دكتور فريدة لاحظت حاجة على تميم وشكت انه بيحب رهف
بقلمي مريم محمد
رهف:طب عن اذنكم بقى عشان
هروح اخلص آخر ملف وهمشي على طول
دكتور فريدة:ماشي يا حبيبتي
خرجت رهف وعادت إلى مكتبها
أما تميم ف ذهب هو ومامته إلى مكتبه
دكتور فريدة:مالك يا تميم حساك حزين أوي... في حاجة مضايقاك يا حبيبي؟!
تميم بحزن:حتى الحب مليش حظ فيه يا ماما!
دكتور فريدة:انت بتحب رهف يا تميم؟!.
نظر إليها تميم بضعف:اه يا ماما
بحبها أوي بس للأسف هي تقريباً كدة لسة بتحب طليقها!
دكتور فريدة:طليقها إيه؟!
تميم:انتي متعرفيش انها مطلقة؟!
دكتور فريدة:مطلقة إيه رهف متجوزة ومفيش حاجة من اللي انت بتقولها دي
تميم بصدمة:يعني إيه كانت بتضحك عليا يا ماما؟!
دكتورة فريدة بهدوء:افهم يا تميم هي اكيد عندها أسبابها اللي تمنعها
وده شيء مش من حقك تعرفه
دي حياتها الخاصة ومحدش له حق يعرف عنها حاجة
تميم:بس مكانتش تكدب عليا وتقولي انها لسة متجوزة مش تضحك عليا وتفهني انها منفصلة!
دكتورة فريدة:انساها يا تميم رهف
جواها وجع محدش حاسس بيه غير ربنا... بشوف في عينيها الحزن لما بتيجي تطمن على البيبي..بحسها عايشة عشان كدة وبس وان البيبي ده امل ليها
تميم بحزن:كنت هنسيها الحزن وهخليها تعيش مبسوطة!
دكتورة فريدة:المهم دلوقتي انت لازم تشوف حياتك وشوفها زي ما بشوفها... عارف بشوفها ازاي يا تميم؟!
تميم:ازاي يا ماما؟!
دكتورة فريدة بدموع:بشوفها اختك
اللي مش عارفة إذا كانت عايشة ولا لأ.. بحسها تهمني مش عارفة نفسي اسمع منها كلمة ماما حتى لو مش مامتها!
تميم:اكيد مش هي يا ماما عشان لو هي كانت هتبقى عاشت في ملجأ... وبعدين رهف عندها ام واخ وباباها متوفي
دكتورة فريدة:يمكن انا غلطانة
بس اكيد إحساسي مش غلط يا تميم
تميم:طب عن إذنك يا ماما عشان عندي إجتماع مهم دلوقتي
دكتورة فريدة:اتفضل يا حبيبي
فضلت تفكر وخطر على بالها تقوم وتمشي مع رهف وتوصلها البيت
في مكتب رهف
دكتورة فريدة بإبتسامة:ممكن ادخل؟!
رهف:اه طبعاً اتفضلي يا دكتور
دكتورة فريدة:تقريباً كدة الملف خلص وانتي هتمشي دلوقتي!
رهف:اه
دكتورة فريدة:ممكن تسمحيلي اوصلك لحد البيت واطلع اشرب كوباية قهوة مع مامتك!
رهف بإبتسامة:ده شرف ليا والله
دكتورة فريدة:أنا اللي ليا الشرف يا حبيبتي
بقلمي مريم محمد
بعد شوية
وصلت دكتورة فريدة عن المنزل التي تقيم به رهف
رهف بتساؤل:هو انا ممكن اسأل حضرتك سؤال؟!
دكتورة فريدة:اه طبعاً اتفضلي يا رهف
رهف:هو حضرتك بتتكلمي مصري حلو أوي وأستاذ تميم برضو.. هو انتوا من مصر ولا من امريكا؟!
دكتورة فريدة:احنا اصلنا مصري لكن
من 24 سنة بالظبط إحنا جينا وعشنا في أمريكا
رهف:حضرتك عندك ولاد تاني غير استاذ تميم؟!
دكتورة فريدة:كان عندي بنت حلو أوي بس للأسف يوم ما اتولدت
ابو تميم اخدها ودخلها ملجأ من ورايا.. ويوم ما فوقت وعرفت انه عمل كدة اتجننت فيها ومكنتش عارفة اتصرف ازاي وفضلت ادور عليها في كل حتة ملقتهاش لكن قلبي كان دايماً موجوع عليها لحد
اللحظة دي!. ده انا حتى ملحقتش اشوف هي شكلها اي بس الممرضة هي اللي وصفتلي شكلها قبل ما ياخدها من المستشفى... ومن بعدها طلبت الطلاق وخدت تميم وجينا قعدنا هنا في أمريكا
رهف:حضرتك لما حكيتي عن اللي والد تميم عمله في بنتك فكرني بعمي اللي موجود في مصر
مكنش بيحب البنات برضو
دكتورة فريدة:عمري ما هسامح عمران بسبب اللي عمله فيا وحرمني من بنتي كل السنين دي!
رهف:طب يلا بقى عشان أنا بعمل قهوة حلوة اوي
دكتورة فريدة:يلا
اتجهوا إلى الأسانسير وصعدوا به
مامت رهف فتحتلهم الباب
مامت رهف بإبتسامة:مش معقولة دكتورة فريدة.. أهلا وسهلا يا دكتورة
دكتورة فريدة:أهلا بيكي يا ام رهف
بصراحة انا اللي كلمت رهف وطلبت منها اطلع معاها واشرب كوباية قهوة من إيديها الحلوين دول
رهف:تسلميلي يا دكتورة
بقلمي مريم محمد
ذهبت رهف إلى المطبخ وتذكرت ذكرياتها مع فهد..
Flash back
رهف بضحك:على فكرة بقى انت مش بتعرف تعمل حاجة غير الزعيق وبس
فهد برفعة حاجب:والله!!
رهف:ممكن اطلب منك طلب؟
فهد وهو يقبل إيديها بحب:اطلبي يا روحي
رهف:عايزاك تعلمني السباحة
بما ان مفيش حد غيرنا هنا!
فهد:بس كدة من عنيا يا قلبي
بعد شوية
ارتدت رهف وفهد ملابس السباحة
رهف بخوف:لأ خلاص انا غيرت رايي
فهد بضحك:طب وتسيبي الهدوم كدة
رهف بصت لفوق لقيت فهد زقها في الماية
رهف بصدمة:والله يا فهد ما هسيبك
تعالى ساعدني والنبي مبعرفش اعوم صح
فهد نزل في حمام السباحة
وبدأ يعلمها السباحة خطوة خطوة
رهف بخوف:كفاية بقى كدة
فهد:طب سيبي رقبتي في حالها بقي
رهف بتوتر:ما انا لو سبتك ممكن اغر"ق
فهد بحنان:وانتي متخيلة أن انا ممكن اشوفك هيحصلك حاجة واتخلي عنك؟!
رهف وهي تهز رأسها بالنفي:تؤتؤ
فهد:عايزاكي تعرفي ان انا مستحيل اتخلي عنك يا رهف مهما كان!!
back
رجعت من شرودها في الذكريات على صوت مامتها وهي بتنده عليها
مامت رهف:يلا يا رهف اتأخرتي ليه؟!
رهف:جاية اهو يا ماما
في الخارج عند مامت رهف ودكتورة فريدة
دكتورة فريدة بفضول:ممكن أسألك سؤال شاغل بالي شوية
مامت رهف:اتفضلي يا دكتورة
دكتورة فريدة:هي رهف بنتك
بجد؟!
مامت رهف بتوتر:أيوة طبعاً بنتي إيه الكلام اللي حضرتك بتقوليه ده؟!
في اللحظة دي دخلت رهف وهي شايلة القهوة.. قدمت القهوة لدكتورة فريدة ومامتها
بعد شوية
دكتورة فريدة شربت القهوة بتاعتها وهي حاسة ان مامت رهف مخبية حاجة!
دكتورة فريدة بإبتسامة:بجد تسلم إيدك يا رهف فعلاً بتعملي قهوة مفيش زيها اتنين!
رهف بإبتسامة:ميرسي يا دكتورة
خرجت الدكتورة فريدة وركبت العربية وهي لسة بتفكر في مامت رهف
بقلمي مريم محمد
في مصر.. تحديداً داخل القصر
فهد بغضب:ارتحتي كدة ارتحتي بعد ما دمرتي حياتي... ردي عليا ارتحتي كدة؟!
ميرنا بوجع:انا عملت كدة عشان بحبك يا فهد... لازم تفهم ان انا بحبك وانت ملكي انا وبس!
فهد ضر'بها بالق"لم
فهد بعصبية:حب إيه اللي بتتكلمي عليه انتي تعرفي يعني إيه حب!
انتي تعرفي يعني إيه خر" اب تخر"يب علاقات هو ده اللي انتي تعرفيه بس برافو عليكي عرفتي تلعبي لعبتك صح!
وخلتيني أشك في اكتر واحدة حبيتها ومقدرش استغني عنها
ميرنا بكر'ه:هي مش بتحبك انت بتحب رامز ورامز بيحبها
فهد بغضب:اخرسي بقى... انتي مبتزهقيش من الكدب.. انتي ايه يا بعيدة مش بتتهدي
ميرنا:صدقني انا بحبك يا فهد
فهد بإستحقار:بس انا بقى بكر"هك
انتي طالق يا ميرنا طالق بالتلاتة
ميرنا بصدمة:طالق؟؟!!
نزل فهد ولقي سيا قاعدة تتكلم في الموبايل
فهد بلهفة:تعالى بسرعة يا سيا
سيا:طب سلام دلوقتي يا شهد
فهد:رهف فين يا سيا من غير كدب انا عارف ومتأكد من إنك تعرفي
مكان رهف
سيا:معرفش مكانها
فهد بدموع لأول مرة سيا بتشوفه بالمنظر ده:صدقيني رهف وحشتني اوي.. وحشني صوتها دي حتى مش راضية ترد عليا ودايماً لما اتصل عليها الموبايل مقفول
سيا بحزن على اخوها:اوعدني إنك لما تعرف مكانها تفضل بعيد عنها يا فهد!
فهد:حاضر يا سيا... بس قوليلي هي فين وصدقيني مش هعمل حاجة
سيا:عايشة في يا في أمريكا
فهد بصدمة:عايشة في أمريكا؟؟!!
#احببته_رغم_جبروته
#بقلمي_مريم_محمد
#يتبع
البارت 14
فهد بحزن:معقولة كنت غبي لدرجة ان انا سبتها تمشي بالسهولة دي.. لا وكمان صدقت الكلـ"بة اللي خربت حياتي بس والله ما هسيبها هي والكلـ"ب التاني وهعلمهم ازاي يعملوا كدة
سيا:متحاولش تدور على رهف يا فهد عشان مش هتعرف مكانها إلا إذا كانت هي اللي حابة إنك تعرف مكانها... صدقني رهف مش هتقدر تسمع منك اي حاجة في الوقت ده
عشان لسة قلبها مكسـ"ور من اللي انت عملته فيها...رهف محتاجة وقت تكون بعيدة فيه عشان تهدي اعصابها ويمكن تحاول تنسى اللي فات
فهد بقلق:هي عاملة إيه يا سيا
نفسي اسمع صوتها اسمعه مرة واحدة بس عشان خاطري والنبي
سيا:هي كويسة يا فهد... بس بالنسبة لأنك تسمع صوتها دي انا مقدرش اساعدك فيها
حاول تتغير يا فهد عشان اقدر اساعدك مش عايزة اشوفك بتروح البا"ر ولا حتى بتزعق ولا اي حاجة من اللي انت بتعملها دي... وإلا صدقني مش هساعدك خالص!
فهد بصدق:اوعدك يا سيا أن انا هتغير وهحاسب كل واحد وجعها والمها وأول واحد هيتحاسب هو انا عشان أنا أكتر حد جر"حها
كنت المفروض اكون سندها وضهرها
واكون الإيد اللي تطبطب عليها مش تأذ'يها وتو"جعها
انا حاسس بندم عمري ما حسيت بيه قبل كدة يا سيا... حاسس ان انا عملت حاجة عمرها ما هتسامحني عليها حتى لو عملت إيه!
سيا:رهف مش وحشة كدة يا فهد
رهف إنسانة واكيد هتسامح لما تحس انك ندمان بجد واتغيرت عشانها وعشان حبك ليها
فهد:انا لازم امشي دلوقتي
سيا:ماشي يا فهد
خرج فهد من القصر واتجه إلى المخزن.. فتح المخزن وهو بيفتكر لخطة ما رهف قعدت تحكيله على اللي عمها كان بيعمله فيها هي ومامتها
فهد بصوت جحيمي:أهلا بالغاليين
والله مشرفين المكان بقالي كتير
مسمعتش صوتكم
عم رهف بتعب:سيبنا في حالنا بقى ابوس إيدك... إحنا حرمنا ومش هنعمل كدة تاني
فهد بسخرية:اعمل ايه بكلامك ده
كلامك ده هيرجع ضر"بك وفسو"تك على مراتي ولا ظلمك وحقد"ك على اخوك.. دايماً مكنتش بتسيب فرصة تعذبها فيها... كانت غايتك الضر"ب ومكنش بيهمك حد.. ما أبوها مات بقى وانت تعمل اللي انت عايزه
ومحدش هيقف في وشك ويقولك إيه اللي بتعمله ده
حسام بكر'ه:انت مش خلاص اتجوزتها عايز إيه تاني؟!
فهد قرب من حسام ونزل ضر"ب فيه
لحد ما وقع على الأرض ومكنش قادر يتحرك خالص
طبعاً مفيش حد من الحراس يقدر يبعد فهد... عشان عارفين هيعمل إيه
فهد بغضب:والله العظيم لأوريكم الم"ر يا كلا"ب زي ما كنتوا بتعملوا معاها وزيادة كمان
بقلمي مريم محمد
عند ميرنا ورامز
ميرنا ببكاء وحر'قة:طلقني يا رامز
طلقني عشان خاطرها... مش عارفة بيحبها على إيه... دي حتى سابته ومشيت وماخافتش منه
انا اللي كنت بعمله حساب على طول يعمل فيا كدة والله لأحرق قلبه عليها وهندمه على اللي عمله فيا ده
وأكملت قائلة بجنون:هحرق قلبه عليها.... هحرق قلبه عليها...وهخسره أغلى مايملك
وراحت ماسكة رامز من قميصه
بقوة:انت هتساعدني مش كدة!
هتساعدني انتقم منهم هما الأتنين
رامز بتوتر:طب انا مالي أبعدي إيدك عن هدومي!
ميرنا بصراخ:يعني هتساعدني ولا لأ
انت لازم تساعدني لازم تساعدني وإلا هقت'لك يا رامز هقت'لك يا رامز
رامز بخوف:طب اهدي طيب
انتي بتتكلمي كدة ليه
اهدي عشان مايحصلكيش حاجة!
ميرنا ببكاء:إذا مكنش ليا يبقى مستحيل يكون لغيري... واللي هيقرب منه هقت"له
وانت كمان يا رامز عايزاك تعرفلي مكان الزفتة دي عشان نلحق
نقت" لها
بسرعة قبل ما هو يوصلها
رامز:حاضر يا ميرنا
انا نازل اجبلك حاجة من الصيدلية
عشان تهدي شوية
ميرنا:طب بسرعة متتأخرش
رامز:حاضر
نزل رامز وكان لسة هيركب العربية
في بودي جاردات خدوه ودخلوه في عربية ومشيوا بسرعة
عند رهف في أمريكا
رهف بوجع:مش قادرة يا ماما انا في نص الشهر السابع ومش قادرة
والله
مامت رهف بحنان:معلش يا روحي استحملي شوية
رهف بدموع:مش قادرة يا ماما مش قااااادرة
وراحت صر"خت جامد
مامت رهف:الحقني يا هيثم بسرعة
الحقني اختك شكلها هتولد
هيثم طلع يجري بسرعة واخدوا رهف على مستشفى الدكتورة فريدة
بعد شوية
اول ما وصلوا على المستشفى كانت دكتورة فريدة مجهزة غرفة العمليات
داخل غرفة العمليات
دكتورة فريدة بحنان:حاولي تهدي
يا رهف....خدي نفس طويل وخرجيه بهدوء
فعلت رهف مثلما قالت لها الدكتورة فريدة
في الخارج كانت تقف مامت رهف وهيثم وياسر وسيا اللي سافرت
عشان تطمن على رهف
سيا:كدة برضو يا ياسر ابقى آخر من يعلم أن رهف هتولد النهاردة!
ياسر:صدقيني هي اللي طلبت أن محدش يعرف حاجة... عشان فهد ميعرفش يا سيا!
سيا:بنت ولا ولد؟!
ياسر بغيظ:وده وقته انتي كمان؟!
سيا:عايزة اعرف والنبي
ياسر:توام
سيا بفرحة:توأم؟!... الله أكبر
بسم الله ماشاء الله
بعد مرور بعض الوقت داخل غرفة العمليات
تخرج الدكتورة ومعاها طفلين
البنت على إيد والولد على إيد
مامت رهف بفرحة:بسم الله ماشاء الله... ربنا يبارك فيهم يارب
زي القمر يا حبايبي طالعين لمامتهم
الجميع بفرحة:رهف عاملة إيه يا دكتورة؟!
دكتورة فريدة بفرحة:بصراحة بقى هي تعبت جامد بس الحمدلله بقت بخير وتقدروا تتطمنوا عليها
اخد ياسر البنت وأذن لها في ودنها
وسيا كانت واقفة مبسوطة اوي
وهيثم اخد الولد وأذن له في ودنه
دخلوا عند رهف اللي كانت مبسوطة اوي
رهف بتعب:عايزة اشوف الولاد يا ماما
اقتربت مامت رهف وحطت الولاد جمبها
رهف بسعادة:تعبوني أوي بس زي القمر
سيا بضحك:زي ابوهم بقى؟!
ولما لاحظت اللي قالته بصت في الأرض
ياسر:انا آسف يا جماعة علي اللي قالته سيا هي بتحب تهزر كتير
رهف:لأ عادي مفيش حاجة
هيثم:هتسميهم إيه بقى يا رهف؟!
رهف بتفكير:البنت حور... والولد أدهم على اسم جدو الله يرحمه
سيا:أسماء جميلة جداً
اكتفت رهف بإبتسامة ولم تتحدث كثيراً
في المساء
ذهب تميم إلى المستشفى
تميم بإبتسامة:حمدالله على سلامتك يا رهف
رهف:الله يسلمك يا استاذ تميم
تميم:يلا بقى عشان الشركة مستنياكي ومستنية روحك الحلوة
رهف: قريب ان شاء الله
بقلمي مريم محمد
بعد مرور ثلاث شهور
في صباح يوم جديد
رهف وهي تقبل أطفالها بحب:سلام بقى يا حبايب ماما.. انا خارجة عشان الشغل
مامت رهف:وبعدين انتي هتسبيهم لوحدهم.. ما هما معاهم جدتهم اهو
رهف بإبتسامة:ربنا يخليكي ليا يا قلبي مش عارفة من غيرك كنت هتصرف ازاي!
مامت رهف:متقوليش كدة يا هبلة
وبعدين لو مربيتش عيالك هربي عيال مين!
رهف:ربنا يديكي الصحة يا ست الكل وتربي عيالهم
هيثم بضحك:ما تخلصوا بقى يا جماعة في فقرة الحب الممنوع دي
انا واحد عندي شغل وهترفد لو اتأخرت!
رهف:خلاص يا عم
بعد شوية
وصلت رهف الشركة
واتجهت إلى مكتبها مع مباركات الجميع لها
في المساء
تميم:مش عارف هينفع ولا لأ
بس انا هعمل صفقة بليل في مكان شيك يليق بالعميل وكنت محتاجك معايا يا رهف بما إنك السكرتيرة الخاصة
رهف:لأ عادي مفيش حاجة تمام
خرجت رهف وروحت البيت ولبست فستان مصنوع من الجلد باللون الكحلي مع وجود حزام به وارتداء حذاء ذات كعب عالي وبعض من الإكسسوارات التي لا تخرج صوت
كان شكلها حلو أوي
بعد شوية
وصل تميم أمام المنزل التي تقيم به رهف
نزلت رهف وهي متشيكة على الأخر
تميم مكنش مصدق اللي شايفه
تميم بتوهان:قمر
رهف:بتقول حاجة يا استاذ تميم
تميم:لأ بقول إننا اتأخرنا والعميل وصل قبلنا
رهف ركبت ورا
بعد شوية
وصلوا على مطعم راقي مشهور
صعدوا الدرج ووصلوا إلى قاعة الإجتماع
اول ما تميم فتح الباب
ودخلت رهف معاه
وشافت العميل رجليها ثبتت في الأرض
رهف بصدمة:فهدددددد؟؟!!
ياترى رهف هتتصرف ازاي إيه؟!
وفهد هيعمل إيه لما يشوفها!!!
#احببته_رغم_جبروته
#بقلمي_مريم_محمد
#يتبع تكملة الروايه هنااااااااا
تعليقات
إرسال تعليق