 |
عشقت محجبة..
بقلم: فاطمة أحمد أبوجلاب..
كنت أتمناه كل ليله وأنتظرته سنوات طويله
الي أن أتي الي منزلي
وطلب يدي وهنا تحول حبي الي عشق
ومرت الايام بسرعه وتم الزفاف
وذهبت مع زوجي لمنزلنا
فنظر إلي وهو يقول: اتفضلي يا عروسة ادخلي
ده قوضة النوم ادخلي غيري
فذهبت بخجل وبدلت ملابسي
ومن ثم دخل زوجي وهو يقول وتغيرت ملامحه لملامح الحزن:بصي يا سالي أنا بحبك بس زي أختي
شعرت حينها بصدمه كادت تفقدوني الوعي
وانا اقول أختك ازاي؟
فنظر الي قائلاً:يعني انتي اتفرضتي عليا
وانا مش بحبك
وحبي ليكي زي اختي وبس
ومش هعرف اكمل معاكي
احنا هنقعد شهر او أتنين ونطلق
يعني احنا مش شبه بعض
احنا مختلفين بعدين انتي محجبه وعايشه حياه غير حياتي يعني عمرنا ما ننفع لبعض
واحنا هنعيش زي الاخوات وكل واحد في قوضه
نظرت إليه مصدومه ولم أتفوه بكلمه ودخلت غرفة النوم وأغلقت بابها من الداخل وجلست ابكي
إلي أن دق علي الباب قائلاً:ممكن متعيطيش وتفتحي نتكلم
فأجبته ببرود وأنا هعيط ليه
انا هنام
فتنهد قائلاً:انا سامع صوتك وانتي بتعيطي
وانتي غاليه عندي
وميهونش عليا زعلك
بعدين مش هينفع انام كده عايز اخد هدومي من عندك
فانعلت قائله:ممكن تروح تنام وتسكت مش عايزه اسمع صوتك
ولا اقولك طلقني ونرتاح
بدل المسرحيه اللي انت عايزنا نعيش فيها
وحينها سمعت صوت جرس شقتنا
فقال لي بهدوء ابوس ايدك وطي صوتك
حد بيخبط علينا
وذهب ليفتح الباب ليجد..
يتبع..
Fatma Abu Jalab (♥Zahraa♥):
عشقت_محجبة..
بقلم: فاطمة أحمد أبوجلاب..
الفصل الاول.. و الثاني...
وذهب ليفتح الباب ليجد والده ومعه خالة العروس
فدخلا ووالده يقول: معلشي يا سيف يا أبني بس نسينا نسبلكم عشا
وخالة العروسة صممت انها تطلع العشا
بعدين الحمدلله انك لسه بلبسك
ومحصلش حاجه أو مقاطعنكوش عن حاجه
سيف: ايه يا بابا
خالة العروسه بخجل: هي عروستنا فين
فتوتر سيف ولم يجيب
فنظرت الية خالة العروسه وهي تقول: هي سالي فين يا سيف
سيف: اه لحظه هي دخلت تغير انا هناديها
خالة العروسه: لاء خليك انت وانا هناديها
سيف: لاء مش هينفع اصلها بتغير وقالت عايزه تبقي لوحدها
فنظرت الية خالة العروسه بتعجب وهي تقول: يا ابني أنا خالتها اللي مربياها
والد سيف: معلشي بقي هقولك ايه ابني مش فاهم حاجه ادخولي روحي نديها
وذهبت خالتها اليها
ونظر والد سيف إليه قائلاً: ايه الخيبه الا انت فيها ده ياض
سيف: مش فاهم حضرتك تقصد ايه
والد سيف: ولا هتفهم اومال عامل فيها فاهم الدنيا ومقطع السمكه وديلها يا قبطان يا اللي لفيت الدنيا وانت خيبه
انت سايب مراتك تغير لوحدها ليلة دخلتك
انت عبيك ياض
هي في فرصه اجمل من انك تهدي من البداية وتكون معاها وهي بتغير فستان الفرح
سيف: هو ايه اللي انت بتقوله ده يا بابا
بعدين الكلام ده كان زمان دلوقتي العروسه بتغير لوحدها عادي
والد سيف: يخربيت زمنكم وزمنا
طيب أبقي طمني بعد ما تخلص
سيف: أخلص ايه
والد سيف: غور ياض من قدامي
سيف: هو ايه اللي حصل دلوقتي
والد سيف: ورحمة امك هضربك لو مغورتش من قدامي
يعني هيكون هتطمني علي ايه علي خابتك
هطمني بعد ما تدخل على عروستك
انا مش عايز اقولك وريني وكده
زي ما بنعمل في بلدنا
سيف: بابا لو سمحت بلاش تكلمني في الكلام ده بعدين اوريك ايه وبلدنا ايه الكلام ده جهل وحرام وانا مش هعمل كده في مراتي
والد سيف: اه انت شكلك نسيت اصلك وعادتنا يا قبطان
سيف: اكيد لأ بس مش هفرغ الخلق علي مراتي ولا علي اللي حصل بينا
والد سيف: بقولك ايه اعمل اللي تعمله يلا غور هاتلي شويه مايه
وفي أثناء ذهاب سيف ليجلب الماء
سمع خالة سالي وهي تصرخ بها قائله؟
يتبع..
عشقت_محجبة..
بقلم: فاطمة أحمد أبوجلاب..
الفصل الثاني..
وفي أثناء ذهاب سيف ليجلب الماء
سمع خالة سالي وهي تصرخ بها قائله: انتي بتعيطي ليه يا سالي
يا بنتي ردي عليا عمل فيكي ايه يخليكي بتعيطي كده ودمعتك علي خدك
وظلت سالي صامده
وخالتها مصره علي ان تعترف لها سالي وأن تخبرها ماذا حدث وهنا تدخل سيف بسرعه وطرق باب غرفة النوم قائلاً:انا بس بطمن عليكم اصل بابا عايز يمشي
خالة سالي: لا هيمشي فين مش لما أعرف أنت عملت ايه في البت تخليها تعيط كده
سيف: والله ما عملت حاجه
ما تردي يا سالي أنا عملتلك حاجه
فنظرت الية سالي بحزن وغضب وهي تقول: اه عملتلي
خالة سالي: أنطقي عمل فيكي ايه
وهنا تجمد سيف في مكانه ووقف يرتعش من الخوف وهو مرتبك وظل متأكد أن سالي سوف تفضح أمره
ومن ثم تنظر سالي لخالتها قائله: أصل سيف كان عايزني أغير قدامه وأنا كنت خايفه وهزر معايا وخوفني منه عشان كده عيط
خالة سالي: يخربيتك وقعتي قلبي
معلشي يا سيف يا أبني اطلع وسابني معاها عشر دقايق اكلمها وانت عارف بقي عروسه وأول مره والبكريه
سيف: ماشي يا طنط
خالة سالي: ايه طنط ده انا خالتك زي ما أنا خالة سالي وبعد كده تقولي يا خالتي انت فاهم
سيف: حاضر
بعد أذنكم
وعاد سيف لوالده
وجلس بجواره فنظر الية والده قائلاً: فين المايه
سيف: ماية ايه
والد سيف: يا حول الله يارب هو مش انا قولتلك عايز اشرب
سيف: اه نسيت مخدتش بالي
والد سيف: بقولك ايه يا سيف هو انت عارف انت هتعمل ايه انهارده
سيف: وبعدين بقي مش قولت بلاش الأسئله ده
واالد سيف: معلشي يا ابني اصل شايفك مسطول ومش داري بنفسك فقلت اطمن عليك بدل ما تفضحنا مع العروسة وتطلع تقول انها كانت نايمه مع اختها
سيف: بقولك ايه يا والدي ما تقوم تمشي مش جبت العشا
والد سيف: لاء انا قاعد بقي
سيف: يا خالتـــي يا خالتـــــــي
فأتت خالة سالي
سيف يلا عشان بابا عايز يمشي
والد سيف: مين اللي هيمشي
سيف: حضرتك
خالة العروسه: يلا عشان نسيبهم علي راحتهم وأطمن يا سيف انا كلمتها
سيف:متشكر جدا ومع الف سلامة
وأغلق سيف باب منزله
ليستدير ويجد وراءه..
يتبع..
تكملة الروايه من هنااااااا
تعليقات
إرسال تعليق