 |
غرام الفهد
الفصل الثامن
كان الكل مصدوم حتي اسد فتوقع انه مجرد تهديد لا اكثر
عشق : ليه يا بنتي حد زعلك حتي لو هو قولي وانا اخدلك حقك
نور : احنا متفهمناش وحاولنا بس مقدرناش
رعد : انتي زي شغف بالظبط لو دا هيريحك فانتي حره يا بنتي
نور بصوت مخنوق : شكرا يلا يا عشق يلا يا ايسيل
وذهبوا الفتيات وكل واحده بها وجع يكفي دوله
رعد الصغير بكذب : اسد ممكن تيجي عايزه في صفقه شاكك في العميل
اسد : يلا
وذهبوا الاثنين للمكتب
************************
في المكتب
رعد : في ايه يا اسد
حكي له اسد ما حدث فلكمه رعد
رعد : انت حيوان يالا
اسد : مش انت قولت طنشها
رعد : الله يحرقك بجاز قولت طنشها مش خاصمها يخربيت غبائك وانا اللي مفكر اني اغبي واحد في عيلة رعد الشافعي طلع في اغبي
اسد : خلاص هي قررت هعمل ايه
رعد : اقعد اندب حظك اسمع هقولك تعمل ايه
اسد : قول بسمع
قص عليه رعد ما يجب فعله
اسد : مش بطال ماشي انما انت فيك ايه وعشق البت باين عليها التعب
قص له رعد ما حدث معه
اسد : طب واللهي انتي اغبي انت ايه يا بني
رعد : حاسس اني شيطان بأذي ملاك
اسد : وهو كذلك
رعد : يابني شكلي حبيتها اتخانقت اوي اما حاولت اعتدي عليها واما قالتلي مش هتسامحني وغيرت اما فكرت ان ممكن حد يشوفها بالهدوم دي
اسد : انت فعلا حبتها يا رعد واللي خلاني اصدقك اما قولت هتنسي نور لمعت عينك في ذكر اسم عشق وضحكك معاها يا بني انت كنت بتحاول تتكلم معاها اكتر من نور وتقعد تهزر وتضحك معاها حتي واحنا صغيرين كنتوا بتلعبوا في فريق واحد قولي في حد يحب حد يروح يهزر مع اختها
رعد : اعمل ايه بقي غباء والمشكله اني مش بنكر حبي لنور او اقولها اني معتش بحبها لا بزعلها مني اكتر
فهد : لانك غبي الله يخربيتكم انتوا الاتنين
اسد : انت كنت بتصنت
فهد : انت متخلف يالا انا جيت اشوفك عايز تطلق نور ليه دانت الوحيد فينا اللي متجوز عن حب
رعد : تعالي يا قلب امك انضم عامل ايه في البت مخليها سرحانه اربعه وعشرين ساعه
فهد وهو يجلس : عامل عمايل بعيد عنك
اسد : احكي احكي
قص لهم ما حدث معه
رعد : انت عايز تفهمني انك بتحب سحاب مرات يحيي
فهد : مش عارف بس قولتلها كده
اسد : مستحيل تكون بتحبها
فهد : ليه يعني
اسد : انا وانت ظباط وعندنا قوه ملاحظة وهقولك اللي شوفته علي فهد الشافعي
فهد : قول
اسد : اولا انت مشوفتش نفسك يوم موت دموع كنت خايف ازاي من فكرة موتها واما بعدت المسدس واغمي عليها انت كنت مسكها وبتبصلها بصت عاشق وحتي اوضتك كانت خط أحمر شغف وماما بس اللي بيدخلوها لكنك اخدتها لاوضتك مع ان في تلت اوض ضيوف في الدور الاول واوضتك في الدور التاني قبل ما تتجوز وحضنك ليها اما كانت بتشوف دموع يابني انت كنت هدخلها في ضلعوك من احتوائك ليها وغير كل ده نظرات الغيره من بصة غيث ليها ودي كانت واضحه اوي وفرحتك اما عرفت انه هيسافر شهرين من شهر قولي بقي ايه كل ده وحتي فهد اخويا اللي اعرفه كان ممكن يوقف كتب الكتاب لكنك محاولتش ومتقولش عشان بابا لانها كذبه
ظل فهد يفكر في كلامه وهو تأئه وقام من مكانه متجها الي مكان لا يعرفه
رعد : الله عليك فعلا أسد اولا حللت حبي لعشق والوقتي حب فهد لايسيل
اسد بضحك : طيب يلا علي شغلك يا عدل
*****************************
ظلت نور صامته ولم تسألها عشق شيء لانها تعرف انها مجروحه بشده ووصلوا للجامعه حضروا اول محاضره وجلسوا في المقهي مسكت ايسيل قلم ورسمت اموشن سعيد علي يد نور فابتسمت لها وفعلت المثل مع عشق فابتسمت اما هو فكان يراقبها من بعيد ثم اقترب منهم
فهد : ايسيل ممكن تيجي ثانيه
نظرت له باستغراب ثم نظرت للفتيات وقامت معه بعيد قليلا
فهد : متسأليش جيت ليه لاني مش عارف
ضحكت حتي ادمعت اعينها
فهد بابتسامه : انت ازاي حلوه كده
خجلت واحمرت وجنتها بشده فضحك هو حتي انتبه الجميع
فهد : بصي هعمل حاجه ومش تضايقي
نظرت له باستغراب فانخفض لمستواها وحضنها ورفعها عن الارض ودفن رأسه في شعرها
نظر الكل لهم بحسد علي هذا الحب اما نور وعشق فابتسموا وفرحوا بشده لاجل رفيقتهم
نزلها فهد حتي لمست قدمها الارض فاقترب منها وقبلها بجانب شفتاها سريعا
فهد : نتقابل بليل يا ملاكي وقبل جبينها وذهب
اقتربت نور وعشق منها وجدوا اعينها تدمع فرحا والخجل يسيطر عليها اهذا نفسه فهد الذي تزوجته ونظرت حولها وجدت جميعهم فتيات وليسوا كثيرا فحمدت ربها
عشق بمزاح : احضان وبوس قدام الناس العيال ياعيني جلهم جفاف عاطفي
نور : ههههه يلا يا بنتي البت هتموت يلا ع المحاضره
وذهبوا الي المحاضره
***************************
كان فهد سعيد حتي اتصل به شخص
فهد بضيق : الو اذيك يا اميره
اميره : ازيك يا حبيبي انت فين
فهد : رايح الشغل
اميره : مش هتيجي يا قلبي وحشتيني اوي
فهد : مش فاضي النهارده احتمال بعد بكره
اميره : حاضر ياحبي محضرالك مفاجأه
فهد : بكره المفاجأت
اميره : بس انا بحبهم ومتأكده انك هتحبها
فهد لنفسه : انا اللي هعملك احلي مفاجأة في حياتك
اميره : رحت فين
فهد : هااه ولا حاجه بس قربت ع الشغل
اميره : خلاص سلام بحبك
قفل فهد السكه بدون رد وتنهد وصل الي مكان عمله ودخل الي مكتب اللوا فورا
فهد مؤديا تحيته العسكريه : اذيك يا فندم
اللوا عزت : كويس يا فهد في حاجة
فهد : يافندم المهمه دي طولت اوي من قبل ما اتجوز بشهر وانا مش عايز مراتي او اي حد يشم خبر والبنت دي متهوره وممكن تقول لحد وانا مستحيل اسيب مراتي بسبب اي حد مما كان يكون
عزت : فات كتير لسه بس اخر دليل ودا انت المفروض تجيبه منها باسرع وقت
فهد : انا هروحلها البيت بعد بكره وهسجلها
عزت : تمام وكده محدش هيعرف حاجه ولا حتي مراتك
فهد : تمام يافندم وادي التحيه وذهب وظل يفكر في تلك التي سلبت عقله
*********************************
في لندن
كان غيث يجلس في مكتبه ليراجع بعض الملفات حتي جاءت في باله تلك المشاكسه فقرر الاتصال بها
شغف : هو في حد يعرفني من لندن
غيث : ههههه اصل هبلك موصل
شغف : هو انت
غيث : وفيها ايه ابت صراحتا لقيت نفسي مضايق قولت ارن عليكي اهو تضحكيني
شغف : امشي يالا هو حد قالك اني مهرج وبعدين انت جبت رقمي منين
غيث : عادي من فونك مسكته وخدته من وراكي
شغف : اه يا حرامي الارقام
غيث : هههه حرامي الارقام
شغف : غيث بطل ضحك واقفل عشان انا مضايقه ومش ناقصه استفزاز سلام
وقفلت معه بدون سماع رد اما هو فتنهد وابتسم ولكن حزن لحزنها
***************************
كانت عشق وايسيل ونور ينتظرون السواق حتي جاء فدخلت عشق وايسيل ولكن احدهم مسك نور فالتفتت نور
نور : أسد بتعمل ايه هنا
اسد : بحبك ومستحيل اطلقك
نور : خلاص كل شيء انتهي وعايزه ورقه طلاقي تجيلي عند بابا
اسد : طب تعالي نتكلم
نور : لا مش هنتكلم
اسد : نور تعالي معايا
نور : قولت لا
اسد : بقي كده
نور بعند : ايوه كده
عشق : روحي يا نور
نور : لا يعني لا
فحملها اسد وهي تحرك بارجلها ووضعها علي الكرسي بجانبه
نور : هنزل بردك
قبلها اسد فصدمت
اسد : وقسما بالله لو قمتي لهبوسك قدام الناس
نور : انت قليل الأدب
اسد : بس بعشقك
وركب بجانبها وذهبوا الي نفس المكان الذي يجتمعوا فيه اما عشق وايسيل فاتجههوا للمنزل
نزل اسد من السياره وتركها فنزلت ورأه بعصبيه شديده
نور : انت جايبني هنا ليه هاااه رد
اسد : بحبك سامعه
نور :لا مش سامعه حاجه
اسد بصوت عالي نسبيا : بحبك
نور : مش سامعه
اسد بصوت عالي جدا جدا : بحبك يا نور بحببببك بحببببك بعشقك بموت فيكي سامعه بحببببك بحببببك كان صوته يتردد ودموعها تنزل وفي اذانها كلمه بحبك فحضنته وهو حملها وظل يدور بها
نور : بحبك يا اسد
اسد : وانا بعشقك يا قلب اسد
نور : وانا بموت فيك
اسد : وانا واقع في غرامك
ونزلها وذهبوا الي القصر
***************************
في غرفه رعد
دخل وجدها تجلس وتمسك فونها
رعد : احم اذيك
لم تجبه مما جعله يغضب
رعد : عشق بكلمك ردي
لم تجب فذهب وشدها من شعرها بقوه
رعد بعصبيه : اما اكون بكلمك تردي فاهمه
عشق بدموع وخوف من نبرته : حاضر
عندما رأي دموعها شتم نفسه وتركها دخلت غرفه الملابس وجلست تبكي بشده اما هو فسمعها وتألم قلبه فقرر ان يصالحها ويتأسف لها فدخل وجدها تمسك مقص وشعرها وعلي وشك ان تقصه فجري وبعد المقص ومسك شعرها بقوه ورفعها منه فتألمت فأخذها للخارج ورماها علي السرير فخافت اما هو فانحني وشدها من شعرها
رعد بعصبيه : كنتي هتعملي ايه
لم تجب فقط تبكي بشده
رعد بعصبيه : ردي بقولك ردي
عشق ببكاء : عشان معتش تشديني منه لانك بتوجعني اوي وبخاف منك
ترك شعرها وتجمعت الدموع في اعينه ورفعها حتي تقف امامه وحضنها
رعد : اسف واللهي العظيم بحبك يا عشق
عشق ببكاء : انت بتحب نور وهي هتطلق فاتجوزها يا رعد وانا اوعدك هساعدك واللهي متقلقش انا هدور علي سعادتك
بعدها عنه قليلا ثم نظر في اعينها
رعد : بحبك انتي
عشق : لا انت بتحب نو......
قاطعها وهو يقبلها بحب ثم بعد
رعد : هعوضك عن كل حاجه عملتها انا اسف وصدقيني انا بحبك انتي يمكن اعجبت بنور بس بعشقك انتي ثقي فيا بس
عشق ببكاء : نفسي اصدق
رعد : ثقي فيا
اومأت برأسها فحملها ووضعها علي السرير
رعد : واثقه فيا
اومأت برأسها
فاقترب منها و.............
*****************************
دخل اسد ممسكا بيد نور امام الكل
عشق : زمانه جاي يا ايسيل متقلقيش
تجمعت الدموع في عينيها
رعد : اهدي يا بنتي يعني مش اول مره يتأخر
نور : في ايه يا ايسيل
شغف : فهد لسه مجاش وهي قاعده خايفه
اسد : ايسيل هو ايام كتيره كده زمانه جاي متخافيش
اومأت برأسها وحاولت منع دموعها ولكنها نزلت
رزان ممسكه يداها : ايسيل اهدي بس
دخل فهد وصدم من دموعها ودخل بقلق جلس امامها علي ركبته ومسح دموعها
فهد : مالك يا قلبي
صدمت من الكلمه ونظرت له كالبلهاء
عدي : كانت خايفه عليك
فهد : مانتوا عارفين اني ايام كتيره بتأخر
عشق : واللهي قولنالها كتير
فهد : ممكن بقي معتيش تقلقي وتعيطي لان دموعك غاليه
شغف : نحن هنا امعلم هدي شويه
فهد : خلاص امشوا مفيش مشكله
ضحك الكل حتي ايسيل
عشق : يلا عشان تاكلوا فين رعد وعشق
عدي : جيه وطلع اوضته وقال ملوش نفس
رزان : وعشق كلت ساندوتش وطلعت وقالت مش هتاكل تاني
اسد : انا مش جعان اكلنا بره
وذهب ونور الي غرفتهم
****************************
في غرفه اسد
عندما دخل قفل الباب وحضنها بقوه وهي بادلته الحضن
اسد : بحبك اوي
نور : وانا كمان
اسد : هدخل اتوضي
بعدت عنه واومأت برأسها ودخلت تتوضأ بعده ثم خرجت وصلوا سويا وحملها وذهب الي الفراش ووضعها علي السرير
اسد : جاهزه
اومأت برأسها و...............
*****************************
في غرفه فهد
دخلوا سويا وابدل كل منهما ملابسه
فهد : هتنامي ولا تزاكري.......هتزاكري تمام
جلست تزاكر حتي بدأت تتثاوب
فهد : ايسيل قومي كفايه
اخبرته انها لم تنتهي
فذهب وحملها ووضعها علي السرير ونام بجانبها واخذها في حضنه
فهد : يحرق المزاكره اللي تخلي قلبي مينمش وبعدين هتتعبي ومن الوقتي ممنوع تسهري عشان تزاكري مفهوم
اومأت برأسها وغطا في نوم عميق
*************************
كانت تشعر بالخجل عندما كانت في حضنه وكانت سعيده عندما كان يردد بحبك يا عشق اما هو فيبتسم علي خجلها
رعد بحب : بحبك مش ناويه تردي
عشق : هحكيلك حاجه وبعدها هقولك
رعد : احكي يا عمري كله
عشق : كان في مره بنت كانت مشاغبه اوي وبتحب الهزار وبتضحك الكل وعت لقت نفسها بتحب واحد اكبر منها بخمس سنين وفضلت تحبه وكانت تستغل المواقف وتهزر معاه كانت بتفرح اما يختار فريقها اما كانوا بيلعبوا كانت بتدخل الحمام في السر وتعيط بالساعات لفكرة انه مش بيحبها وتطلع تضحك وفي يوم عرفت انه عايز يتجوز اختها تخيل كميه الالم فضلت اسبوع كامل تعيط وحتي كانت ايام تمسك موس عشان تموت نفسها بس في اخر لحظه تفتكر ربنا وفجأه كانت هتتجوز اخوه ولكن اتجوزته هو كانت فرحانه بس زعلانه وقررت انها هتتطلق منه بس قلبها كان رافض واول مره باسها حاست انها فرحانه اوي وكانت مستعده تديه اكتر بس خافت من فكره انه يشوف اختها فيها وبعدت وكانت بتبعد لحد اما بدأ فعلا يأذيها حاولت تكره بس فشلت فشلت يا رعد وفي الاخر سلمته نفسها
رعد ودموعه تملأ عينه : سامحيني يا عشق
عشق بدموع تنزل : بحبك يا رعد
حضنها بشده اليه
*****************************
في صباح يوم جديد استيقظت ايسيل من النوم ولم تجده بجانبها ولكنها ابتسمت حين تذكرت تغيره معها وفجأتها رساله ففتحتها وتجمعت الدموع في اعينها حين رأتها "جوزك فهد المخابرات بيخونك سيبيه هو مستحيل يحب واحده خرسه"
خرج هو من الحمام مبتسما وقبل جبينها
فهد : صباح السكر
ابتسمت بخفه واومأت برأسها
فهد : يلا غيري هدومك وصلي عشان ننزل نفطر
اومأت برأسها وعندما انتهت مسك يداها ونزل للكل
شغف : صبح صبح يا عم الحاج
فهد : صباح الفل يا لمضه صباح الخير عليكم
الكل : صباح النور
عشق : اقعدوا افطروا
فجلسوا وبدأوا في تناول الطعام
رزان : ايسيل تعالي نوصلك الظاهر عشق ونور مش نازلين
اومأت برأسها
فهد : لا متتعبوش نفسكم انا هوصلها النهارده وغمز لها فابتسمت بخجل
وانتهوا وذهبوا كلا منهما لعمله
*********************************
اخذ فهد ايسيل معه وذهب متجها للكليه وهي تجاهلت الرساله
فهد : وصلنا
ابتسمت واومأت وكانت ستنزل فشدها
فهد بحب : هتوحشيني وقبلها بجانب شفتيها
خجلت بشده ونزلت فرأي بعض الشباب ينظرون لها باعجاب ويتهامسوا فوقف ليري ما سيحدث فتقدم احدهم منها
الشاب باعجاب : اذيك يا جميل
كانت ستذهب ولكنه مسك يداها بقوه فتجمعت الدموع في عينيها
الشاب بجرأه : علي فكرة انا معجب بيكي وعاوز اتجوزك لا الظاهر حبيتك كمان
لكمه قويه تلقاها من فهد وظل يلكمه حتي اوقفته هي وتجمع الكل
قام فهد وعدل ملابسه ونظر لها وجد دموعها تنزل فاغمض اعينه ليهدي ثم مسح دموعها
فهد : وقسما بالله اللي هيبصلها بصه لقتله بدم بارد مفهوم دي ملكي وبس وحضنها
الشاب : انا هوديك في ستين داهيه اما هي محترمه بتحضنها ليه
بعد فهد ولكمه : دي مراتي يا غبي
الشاب : ازاي بس هي مش لبسه دبله دا خاتم عادي
العميد : احنا اسفين يا فهد باشا والشاب هيتفصل لمنع التعرض لزوجتك مره تانيه
اومأ برأسه ومسك يداها وذهب وركب السياره
فهد : ممكن متعيطيش دموعك غاليه اوي يا ايسيل
اومأت برأسها
فهد : انا مش رايح شغل النهارده وهقضيه مع ايسو قلبي وهنسيها اللي حصل
وانطلق بها واخذها لمكان هادئ ليجلسوا ثم الي الملاهي وطلبت منه الذهاب لدار ايتام فذهب للمول واشتري هدايا للاطفال ولها سلسله رقيقه جدا وذهب معها ثم ذهبوا لمطعم ليأكلوا وعادوا للمنزل بعدما حل الليل وكانت سعيده جدا
******************************
دخل فهد ممسكا بيد ايسيل وهو يبتسم فوجد الكل يجلس ويتابدلوا الحديث ويضحكوا
فهد : مساء الخير
الكل : مساء النور
رعد : اللوا رن عليا يا فهد وقال انك قافل تليفونك وعايزك ضروري
فهد لنفسه : يارب عدي بكره علي خير انا خايف ايسيل تعرف مش عايز اخسرها انا الاول كنت عادي لكن الوقتي حبيتها بجد يارب متحرمنيش منها
شغف : ايه فهودي بتفكر في ايه
فهد : هاااه ولا حاجة تعالي يا ايسيل نقعد وجلس واخذها بجانبه ووضع يده على كتفها
رزان : بس ايه الرومانسية دي يا بابا خايفه اصيبكم بالعين
رعد وعشق بحضنه : تعبتني اوي يا بنتي فخايف اسيبها لحظه
عشق : ههههه مش للدرجادي يا رعود
عشق الصغيره : رعود مره واحده وقدامنا الله الله صحيح يا ماما هو انتوا وبابا وماما اتجوزتوا ازاي في نفس السنه ونفس اليوم ومش سوا وكنتم اصحاب
عشق : عشان انا ورعد اتجوزنا في الصعيد وعدي وجودي هنا
نور : اكيد انكل عشقك في الصعيد فمستحملش واتجوزك على طول
عشق : تخيلي لا انا اتجبرت اتجوزه وهو اتجوزني عشان جده هدده بقطع العلاقات
فهد : انتوا بتهزروا بس ولا مره قولتلنا
رعد : عشق الشرقاوي البنت اللي هتكون محجبه بس مطلعا نص شعرها ومكياج كتير اوي ومتكبره انا متجوزها علي اساس كده وقولت هسيبها في الصعيد لحد اما تطلب الطلاق
نظر الكل بصدمه
عشق : معرفش اسمه ايه بس متجوز غيري ومخلف ومن دور بابا وصعيدي اصيل دا كنت اللي اعرفه عن اللي هتجوزه
عشق بمرح : هييه الله صدمتك هتبقي حلوه اما تشوفيه مز وحلو وعيونه خضرا
رعد الصغير : طيب اتلمي بقي
رعد الكبير : هههه امال لو شفتي احمد علي الحقيقه انا اما شوفته قولتله هي العروسه في حضانه ولا ابتدائي
الكل : ههههههه
نور : جدو احمد حلو اوي في الصور
عشق بحزن : واحلي في الحقيقه
حضنها رعد له اكثر
رعد : خلاص ياقلبي ربنا يرحمه هو وماما نورهان ونور
عشق بدموع : وحشوني اوي يا رعد
رعد : خلاص يا قلبي
عشق الصغيره : خالتو چي چي حكتلي عليه كتير
عشق : اي يا عيني كانت عايزه تتجوزه
ضحك الكل
وظلوا في جو اسري جميل حتي توجه كلا منهما الي غرفته لمقابله يوم جديد سيدمر حياة بعض ولكنه له فوائده
*********************
غرام الفهد
الفصل التاسع
استيقظت عشق ونظرت لحبيبها الذي ينام بجانبها فقررت ان تداعبه فمسكت اطراف شعرها وظلت تداعب انفه واذنه وتضحك واقتربت منه وقبلت وجنته
عشق : بحبك بموت فيك
رعد مغمضا عينه : وانا كمان بعشقك
نظرت له بصدمه وحاولت الفرار ولكنه مسكها ووقعها عليه
رعد : بتصحيني وبتبوسيني وتعترفي بحبك كده كتير
عشق : طب ابعد بقي
رعد : لا
حاولت ان تفلت منه لكنها لم تستطع
عشق : رعد بقي الله
رعد : بحبك
عشق : منا عارفه ابعد
رعد : لا وبعدين بحبك
عشق : انت مش بتزهق كل شويه بحبك بس بقي انا زهقتلك
رعد : عاوز اعوضك عن اللي عملته عاوزك تعرفي اني بحبك وتسامحيني
عشق : انا اصلا مزعلتش منك
رعد : طيب قومي بقي اصلك تقيله
عشق : تصدق انك بارد وانا معتش مكلماك وبعدين انت اللي عضلات ع الفاضي انا مش تقيله دا حتي يحيي قالي كده
غير رعد الوضع وبقت هي تحته وهو اعلي
رعد بعصبيه وغيرة قاتله : بتقولي مين قالك كده
عشق : يحيي
رعد بعصبيه : ويحيي اشتالك فين بقي
عشق : في ايه يا رعد مالك
رعد بصراخ : ازاي تسمحي ليحيي يشتالك
عشق بخوف ودموع : انا اسفه بس واللهي اما عرفت انك هتتجوز نور فضلت يومين من غير اكل وكنت بعيط كتير فاغمي عليا ونور شافتني وصرخت مكنش في غير يحيي واشتالني وجابوا الدكتور اما فوقت عرفت فتشكرته فهو قالي اني خفيفه اوي محسش اصلا
رعد بهدوء : وبتعيطي ليه
عشق ببكاء : عشان خايفه منك
نظر لها بحب ثم قبل جبينها
رعد : اعرفي اني بحبك وبغير عليكي من امك لا من توأمك من الهوا اللي بتتنفسيه ومستحيل أأذيكي
اومأت برأسها وابتسمت
عشق : بحبك اوي
رعد : يلا قومي بدل ما اتهور
********************
في غرفه عدي
عدي : قومي يا حبيبتي بطلي كسل
رزان : عدي سيبني شويه خمسايه كده
عدي : هههههه خمسايه ماشي هتقومي ولا
رزان : ولا
عدي : انتي اللي جبتيه لنفسك
وجلس بجانبها وظل يقبل كل وجهها
رزان : دقنك بتشوك يا عدي
عدي : خلاص خليكي اصلا في بنت في الحسابات بس ايه مزه اخر حاجه
فاقت رزان مسرعه ووقفت علي السرير ووضعت يداها علي خصرها
رزان : قول كده بقي انت بتخوني
عدي : ههههه بخونك
رزان وبدأت في البكاء : اي وانا اللي مفكراك بتحبني يا عدي
شدها عدي لحضنه
عدي : انا مش بحبك انا بعشقك يا مجنونه
رزان : بجد يا عدي
عدي : بجد يا قلب عدي وبعدين كل اللي في الحسابات رجاله
رزان : هههههه تصدق نسيت
عدي : ههههه يلا غيري عشان ننزل
اومأت برأسها
********************************
في غرفه فهد
استيقظت ايسيل ونظرت له وجدته ما زال يغط في نوم عميق فابتسمت واخذت تمرر يداها في شعره ثم مسكت وجهه بيداها الاثنين وظلت تدقق في ملامحه وتحرك اناملها علي شعره المبعثر علي جبهته وعلي جبهته واعينه المغمضه ووجنتيه وانفه وشفتاه ولحيته كالاعمي الذي يحفظ ملامح شخص شعر هو بما تفعل فلم يقطعها وظل مغمض الاعين فقامت هي وكتبت شئ بنوت صغيره ودخلت الحمام فأخذه الفضول لان يعرف فقام ومسكها
"لقد وقعت في حب الفهد""كم اتمني ان تحبني كما احبك""رفضتني لماذا كم اتمني ان اكون تلك الفتاه""لقد المني قلبي ولكن سعادتك فوق كل شيء ""اتحب اقرب الناس اليا كم هذا مؤلم""لماذا لماذا لا استطيع الصراخ عندما يؤلمني قلبي""اتمني ان اساعدك لتنال سعادتك ولكني سأدمر حياة شخصين فسامحني""خرساء تحمل الكثير ولكنها لا تستطيع البوح""يالله اذا كان ما اشعر به حلما فلا اريد الإستيقاظ""اشعر ان الفهد بدأ يشعر بشئ تجاهي كم انا سعيده""كم اعشقك ايها الفهد الوسيم ارجوك لا تجرحني""اشعر بالسعادة بجانبك فلا تتركني""اللهم احفظه من كل شر واسعده حتي لو كانت هذه السعاده بعيده عني""اتمني ان اكون غرامك"
اتدعو له كم هذا القلب نقي فكيف له ان يجرحها هي تحبه
قاطع تفكيره صوت الباب فوضع النوت وجلس علي السرير ابتسمت له فشدها فهد واجلسها علي قدمه
فهد مقبلا وجنتها : صباح السكر
خجلت بشده وابتسمت وحاولت ان تقف ولكن يده منعتها
فهد بتمثيل حتي تتقرب منه : اااه عيني في حاجة دخلت فيها يا ايسيل
مسكت ايسيل وجهه بكلتا يداها وحاولت ان تفتح اعينه ونزلت دموعها فرأها وتضايق من نفسه
فهد وهو يمسح دموعها : اسف يا ايسيل انتي بتعيطي واللهي كنت بهزر بس مكنتش عارف انك هتخافي اوي كده
وقبل كلتا عيناها ثم نظر لشفتاها وقبلها وهي بادلته ففرح بشده وبعد عنها
فهد بهمس : ايسيل تقبلي تكوني مراتي
نظرت له بأعين دامعه وابتسامه واومأت برأسها فحضنها بقوه خوفا من فرارها
فهد : بليل هعترفلك بحاجه
ابتسمت واومأت ووقفت شدته ودخلته الحمام وانتظرته حتي صلوا سويا ونزلوا
****************************
نزلوا كلهم سويا كل واحد من دوره المخصص رعد وفهد من الرابع واسد وعدي من الثالث وجلسوا جميعا
شغف : احلي ثنائيات دول ولا ايه بسم الله ما شاء الله خايفه احسدكم
رعد الصغير : شغفي مش بتحسد حد
رعد : كلمت اللوا
فهد : اي
رعد : كان عايز ايه
فهد : دا مهمه كالعاده
رعد : بس كان باين عليه قلقان اوي
فهد : مفيش حاجه يا بابا
رساله وصلت الي فون ايسيل من ذلك الرقم"لو مش مصدقه انه بيخونك تعالي علي***** الساعه 7 "
نفضت تلك الافكار وجلست تنظر له
رن فون فهد فقام بعيد واجاب
فهد : الساعة 8 كل حاجه هتكون خلصانه انا هروح سته ونص تمام يافندم سبعه ونص القوات تبقي موجوده
وقفل وعاد اليهم
فهد : ايسيل وعشق ونور تعالوا اوصلكم
عشق : مفيش داعي يا فهد
فهد بغمزه : يابنتي بستغل الاوضاع الله قومي
خجلت ايسيل بشده
عشق : الله يسهلوا يا عم
فهد : يلا يا قلبي خلصتي اكل
اغمضت عيناها بقوه واومأت فضحك الكل
عدي : براحه يابني ع البونيه شويه
فهد : ايه يا عم خليك في حالك
اسد : فهد الشافعي انا مصدوم فيك ايسيل بتعمل المعجزات وقدامنا
رعد الكبير : واللهي يا بني الحب بيعمل المستحيل بيخلي الواحد سعات مراهق وسعات ناضج
رعد : صحيح اسئلوا مجرب ورعد الشافعي عشق
عشق : طيب يلا كل واحد علي شغله
رعد الكبير : امر عشقي عايزه حاجه يا قلبي
عشق بخجل : احم بطل وقوم بقي
رعد : وانا عملت حاجة بدلع مراتي حد عنده اعتراض يالا منك ليه
رعد الصغير : ولا نقدر يا رعد باشا
عشق : بحسك سعات من دور عيالك
رزان : طب واللهي يا ماما شكله ما شاء الله اصغر منهم
عشق الكبيرة : ايه دا بتعاكسي جوزي وانا واقفه
نور : بصراحه بابا وسيم بطريقه فظيعه
عشق الصغيره : دا حته مز محصلش ولا حد من ولاده طلع بوسامته
وقفت ايسيل من مكانها وقبلت رعد من وجنته وكذلك عشق واشارت بشئ
فهد : بتقول انتوا الاتنين اوسم من بعض وليقين علي بعض.......ايسيل انتي ازاي تبوسي حد قدامي
شغف : خلاص يا ايسيو بوسي من وراه
ضحك الكل
فاخذها فهد هي والبنات وذهبوا وذهب كلا منهما لعمله
********************************
في سياره فهد
كان فهد يشعر بالغيره الشديده ولم يتحدث حتي وصلوا فنزلت نور وعشق وهم يعلموا ان هذا الفهد سيثور
مسكت يديه فنفضها وقفل زجاج السياره حتي لا يري احد من بداخل السياره
مسكها بقوه من يداها
فهد بعصبيه : ازاي تبوسي بابا هاااه.....اياكي ثم اياكي تبوسي راجل تاني فاهمه
ابتسمت علي غيرته الواضحه وابعدت يده بهدوء ووضعت يداها علي وجنته واقترب ثم قبلته وكادت ان تبتعد فقربها اكثر وظلوا وقتا ثم بعدوا ونزلت مسرعه ووجنتاها تشتعل اما هو فابتسم وتمتم ببحبك ثم ذهب
******************************
مر اليوم وجاء المساء وقررت ايسيل عدم الذهاب فنظرت للساعه وجدتها السادسه وربع وهي تجلس بانتظاره فجأها رسائل "جوزك معايا الوقتي "
"انا وهو هنقضي احلي الاوقات وانتي نايمه علي ودانك"
ارسلت لها صوره كانت معه فصدمت ايسيل وقررت الذهاب لازاله الشك
في احد الشقق
كان فهد يجلس معها ويستغفر ربه فكانت ترتدي فستان قصير يظهر اكتر مما يخفي وتجلس هي بجانبه
اميره : وحشتيني يا فهد واقتربت وقبلت وجنته
فهد بتمثيل : هانت يا حبيبتي كلها النهارده ونسافر ونسيبهم كلهم
اميره : اي بابا هياخد الفلوس النهارده منهم علي الملف اللي سرقه من المركز ويسافر واحنا نحصله وهنسيب الكل وانت تسيب الخرسه مراتك
فهد بعصبيه استطاع اخفاها : صحيح ازاي باباكي عرف يخفي تسجيلات الكاميرا
اخرجت تسجيل لوالدها وهي يخبرهم كيف
فهد : بس فين التسجيل الاصلي
اميره : بابا قالي احرقه او ارميه بس انا خليته
فهد بخبث : واللهي باباكي لعبها صح انا خلاص قررت مش هنقل شغلي بس انا هعمل زي عمله بس اللي مستغربه ازاي قدر يخلص الشغل في تلت دقايق دانا فهد المخابرات معملهاش كده في الفيديو ده اكيد عمل كده بمهاره
اميره وهي تفتح ازرار قميصه : ايه يا فهودي احنا هنقضيها في بابا وسرقته
فهد بمكر : لا يا قلبي بس الليل طويل وحابب بس نتكلم في الاول وبعدين هخليها ليله في حياتك ما هتنسيها
اميره : بحبك اوي يا فهد واخرجت سي دي من درج مقفول برقم سري اهو ده
فهد بغمزه : نتفرج الاول ولا نكمل الليله انا من رأيي نتفرج وبعدين نكمل ليلتنا
اميره : حاضر يا قلبي وبدأوا يروه كيف يسرق
فهد : صحيح باباكي هيسافر امتي
اميره : كمان ساعه ونص في طياره ايطاليا
اقتربت منه بطريقه مقززه وقبلت صدره وتركت اثار حمرا وبدأت تقترب اكثر حتي
فهد : كح كح كح كح
اميره : مالك يا حبيبي هجبلك مايه
وذهبت امامه لتأخذ شيء ثم دخلت الي المطبخ ومسكت فونها و...............
ثم خرجت واعطته الماء كان هو قد ارسل كل شيء للوا وفجأه رن جرس الباب
فهد لنفسه : ايه ده لسه ربع ساعة عن المعاد اللي متفقين عليه
اميره بخبث : مين ده انت قايل لحد يجي
فهد : لا
اميره : هقوم افتح
وخرجت وخلفها فهد الذي صدم بمعشوقته امامه
فهد : ايسيل
اميره بخبث : هي دي يا حبيبي الخرسه مراتك بس خساره حلوه هي اي خرسه ومش بتقدر تاخدها الحفلات عشان الاحراج وكده بس غلطان المفروض تاخد منها اللي عايزه وبعدين ترميها رميت الكلاب
كانت دموعها تنساب وهي تنظر له ولقميصه وللحمرا التي علي وجنته وصدره اما هو فحدث ما يخاف منه وهذه الغبيه تهينها
فهد : ايسيل انا في....
اميره : في ايه يا حبيبي اطردها الله هتسيبها ليه دي حيوانه متسواش
تلقت صفعه قويه منه ونظر لم يجد حبيبته فقد تركته وذهبت معقول اتكون تركته للابد
مسك اميره من شعرها وصفعها : ازاي تهينيها دي حياتي يا غبيه
اميره : انت بتحبني انا
فهد : لا انا مش بحب غيرها انا بعشقها وبس
فجأت القوات ومعهم اللوا فرماها اليهم
عزت : برافوا عليك يا فهد المهمه نجحت بفضلك
فهد : نجحت مبروك بس انا خسرت مراتي شافت كل حاجه يافندم اللي كنت خايف منه حصل ارجوك اقبل استقالتي
وتركه وذهب ليبحث عنها في منزلها القديم وفي الشوارع ولكن لم يجدها فرن علي اخاه الذي اخبره بسرعه ان يأتي
****************************
كانت تمشي تائهه دموعها تنزل لا ارادي فجلست علي ركبتيها وتبكي بدون صوت تود الصراخ فقد خانها معشوقها ظلت تحاول الصراخ ولكن لا يخرج صوتها حاولت مرارا وتكرارا ولكنها لم تستطع ويتردد في اذانها خرسه وفجأه صرخت بأسمه
ايسيل بصراخ : فههههههههد فههههههد ثم وضعت يداها علي حنجراتها وصرخت صرخه تقطع القلوب عااااااااا اااااااااه فهههههههد
وبكت بكت بكل قواتها وقررت العوده لكن الي اين....
****************************
وصل فهد الي منزله ودخل بسرعه شديده بعدما مسح وجهه وقفل القميص
فهد بصوت عالي : ايسيل ايسيل رعد فين ايسيل رد اسد قولي فين مراتي عدي ارجوك قولي فين ايسيل مش عايز اخسرها
صفعه قويه تلقاها من والده
فهد بصدمه : بابا بتضربني ليه
وضع رعد الفون امامه فرأي صور له ولاميره فهذه المخادعه صورتهم وارسلتها لوالده
رعد : الصور دي اتبعتت لينا كلنا.....ثم اكمل بحده.... فين ايسيل يا فهد ومسكه من ملابسه....انت ايه ازاي تخونها ازاي ليه انا حسيت بأمل بسيط انها هتغيرك بس متوقعتش تكون ندل للدرجادي
عشق بدموع : رعد اسمعه بس
فهد : مخنتهاش يا ماما انا بحبها
رعد بسخريه : والصور دي ايه فوتوشوب
فهد : لا بس......
رعد : مشفش وشك الا ومراتك معاك ايسيل ترجع وهطلقها منك لانك متستهلش واحده طيبه زيها
دخلت ايسيل وعيناها ممتلئه بالدموع نظر لها فهد وتألم قلبه لمنظرها
ايسيل : انا اهو يا بابا
نظر الكل لها بصدمه
ايسيل : ايه في ايه معتش خرسه شفت يا فهد انا بتكلم الحاجه الوحيده اللي كانت بتضايقه مني اتزالت ومعتش هتتحرج
رعد : ايس..........
ايسيل بدموع : بابا ارجوك متعملش حاجه معاه هو ابنك
اقتربت ايسيل منه ووضعت يداها علي وجنته
ايسيل بدموع تنزل : ليه خنتني واللهي حبيتك مكنتش تخوني بتحب واحده اتجوزها ومش هقولك من ورايا لا قدامي عادي.....انا مش بقولك متخنيش عشان هتجرحني لا انا بحبك لدرجه خايفه عليك من عقاب ربنا روح استغفر ربنا واتجوزها لو عايز تتطلقني مش همنعك
ثم ابعدت يداها ومسحت دموعها باناملها
ايسيل : انا هستني قرارك يا فهد فكر وقولي وصدقني محدش هيضايق عن اذنكم
وتركته وذهبت الي غرفتها
********************************
كان الجو يسوده حاله من الصمت
عشق الكبيرة بدموع تنزل : هي ازاي بريئه كده فهد اعرف لو خسرت ايسيل خسرت قلبك
شغف بصراخ وبكاء هستيري : ليه ليه يا فهد ليه اذاتها كل دا بسببي عاااا انا السبب انا اللي خبيت علي بابا كان لازم اقوله انك مش بتحبها وبتحب اختها يمكن مكنتش خنت سحاب كل ده بسببي انا دمرت انسانه بريئه اااااه انا بكره نفسي يا فهد
ودخلت غرفتها وقفلت عليها وظلت تكسر في كل ما يجد امامها فاقتلع قلبهم عليهم واقتربوا من غرفتها
رعد الصغير بدموع تنزل : شغف افتحيلي يا حبيبتي افتحي لاخوكي وصاحبك
نور ببكاء : شغف افتحي ارجوكي
اسد بصراخ : افتحي يا شغف هكسر الباب
رعد بهدوء : كله يمشي
عشق ببكاء : بس يا رعد اسمع لفهد انت وهي
رعد بصراخ : كله يمشي حتي انتي غوري يا عشق من قدامي انتي اللي ادتيله حريته انتي السبب
نظرت له بصدمه فهو يصرخ بها اليس ما بها لا يكفيها حتي يصرخ هو الآخر فتركته ونزلت
رعد بهدوء : شغفي افتحيلي كلهم نزلوا افتحي يا حبيبتي
فتحت الباب وارتمت في حضن والدها تبكي
شغف ببكاء : بابا ارجوك حرر ايسيل من فهد وعشق من رعد انت المره اللي فاتت قولتلي رعد وعشق هيبقوا كويسين بس لا هو بيأذيها ارجوك ابعدهم عن اخواتي
رعد : هششش اهدي وانا هتصرف
شغف ببكاء : بابا ارجوك بالله عليك عشان خاطري
رعد : حاضر بكره عشق وايسيل هيطلقوا
شغف : شكرا يا بابا
رعد بتنهيد : العفو يا قلبي
*****************************
في الاسفل
كان رعد يحضن عشق واسد يحضن نور وعدي يحضن رزان والفتيات يبكون اما عشق عندما نزلت اتجهت الي غرفتها وفهد الي غرفته
عشق ببكاء : هو ليه فهد عمل كده ايسيل طيبه اوي ومتستهلش
رعد : هشش اهدي يا قلبي تعالي نطلع واخذها وذهبوا الي غرفتهم
نزل رعد الكبير بعد حاوالي ساعه
اسد : شغف عامله ايه يا بابا
رعد بتنهيد : بقت احسن ونامت فين امكم
عدي : راحت اوضتها من زمان
رعد : طيب انا هطلع انام وكل واحد ياخد مراته وينام
عدي : حاضر يا بابا
*************************
غرام الفهد
الفصل العاشر
ذهبت عشق لغرفتها وهي تتنفس بصعوبه ولا تستطيع الوقوف فنظرت لنفسها في المرأه
عشق بصوت خافت : انا بجد السبب هو انا عملت ايه طيب ليه ذعقلي انا قلبي وجعني علي ولادي يقوم رعد يوجعهولي بزياده ليه يا رعد للدرجادي بتفضل ولادك......بدأت تنزل دموعها.....بابا انا لاول مره ابقي بحاجتك للدرجادي مخنوقه اوي حاسه ان مفيش حد جنبي وحيده مليش حد......وبدأت تختنق اكثر حتي لم تعد تستطيع التنفس ووقعت علي الارض ظلت هكذا كثيرا فلم يشعر احد بها
قبل دخول رعد الغرفه تذكر ما قاله لها وتنهد وهو يفكر كيف يصالحها فلقد جرحها بشده دخل يبحث عنها ولكنه صدم عندما وجدها تتمد علي الارض وشفتاها زرقاء بشده وصدرها يعلوا ويهبط بصعوبه ولا تقدر علي فتح عيونها ووجهها احمر مائل للزراق فذهب اليها جريا وجلس علي ركبته امامها وحملها وذهب الي السرير وضعها ومسك الفون يرن علي الطبيب واخبره ان يأتي مسرعا فاخبره الطبيب ان يجلسها ويشعرها انه بجانبها واخبر الحراس ان يدخلوه
رعد وهو يقبل كل وجهها : عشقي قومي متخوفنيش عليكي قومي يلا عشقي ردي ارجوكي كل ده بسببي لدرجادي كنتي مخنوقه وحضنها حتي يبث لها الامان
وما هي دقائق حتي وصل الطبيب ونزل فتح له وامره بالصعود لها
بعدما كشف الطبيب
الطبيب : رعد باشا ازاي تسيبوا المدام كل ده لوحدها اعرف انها كانت هتروح فيها يعني احمد ربنا انك لحقتها في اخر لحظه انا عملتلها جلسه اكسجين بس لو اتكرر انتوا المسؤلين عن اذنك وذهب وترك رعد يؤنب نفسه
رعد : سامحيني يا عشقي واخذها في حضنه وغطا في نوم عميق
***************************
ذهب فهد الي غرفته ودخل وجدها تنام علي السرير متمدده فذهب اليها وجلس بجوارها
فهد بحزن وندم : ايسيل قومي واللهي العظيم ما عملت حاجة ولا خونتك انا بحبك انتي وبس ومش بحبك غيرك
فتحت اعينها تنظر له بدموع وفتحت اذرعها له فتمدد وحضنها ودفن رأسه بعنقها ثم رفع رأسه فمسحت علي وجهه بأناملها وهي كالمخدرة فهو بحضنها
فهد : مصدقاني يا ايسيل
ايسيل : مصدقاك يا فهد
فهد : بتحبيني
ايسيل : بحبك
فهد : مسمحاني
ايسيل : مسمحاك
فهد : بتثقي فيا
ايسيل : بثق فيك
فهد : انا بحبك ومستحيل أأذيكي
اومأت برأسها فاقترب منها وقبلها و.............
********************************
كان الكل ينام في ثبات عميق بعدما سهروا لبعد الفجر في ذلك اليوم المؤلم
استيقظت ايسيل وجدت نفسها في حضنه بتملك فكان يحاوطها بذراعه كأنها ستهرب فابتسمت وسألت نفسها مرارا لماذا سلمت نفسها له ولكنها لم تجد اجابه فاستيقظ هو ونظر لها وقبل جبينها
فهد بابتسامه : صباح السكر
ايسيل : صباح النور
جاءت له رساله في الفون فرأها ثم
فهد : قومي البسي عشان عايز اوريكي حاجه
اومأت برأسها
جهزت هي الاول فدخل بعدها وهي نزلت لتطمئن علي رعد وعشق قبل خروجه فسمعت صوت من غرفه شغف
شغف ببكاء : هيجي الوقتي
رعد : كمان ساعه المأذون هيجي وايسيل هتطلق متقلقيش
مجرد سماع الكلمه شعرت بألم وآنهيار وجرت لغرفتها
شغف : وعشق
رعد : وعشق كمان الاتنين هيطلقوا النهارده
سمعت عشق الكبيرة كلامه ودموعها نزلت وذهبت لغرفتها
عشق ببكاء : للدرجادي يا رعد بعدتني عن حياتك وبقيت تقرر انت وشغف واعتبرت عشق ماتت
***************************
دخلت ايسيل غرفتها وجدته يخرج وعلي وجهه ابتسامه فاقتربت ووقفت علي اطرافها وحاوطت رقبته وقبلته وحضنته فتفاجئ ولكنه ضمها اليه اكثر ثم بعدها قليلا
فهد : ايسيل تعالي كده
واوقفها امام التلفاز وفتح الاخبار
المذيعه : تم القبض البارحه علي اللواء ممدوح وابنته اميره ممدوح بتهمه الخيانه لبلده والسرقه وذلك بفضل فهد المخابرات الرائد فهد الشافعي
وجاءت صوره اميره ويتم القبض عليها وكذلك والدها
وقفل التلفاز
ايسيل بدموع : يعني كنت في مهمه
فهد : اي بس انتي عرفتي منين
اعطته فونها ليري الرسائل
ايسيل : كنت مقرره مش هاجي بس جيت بعد الصوره وكنت بدعي ربنا ملقكاش
فهد بعصبيه : واللهي لندمك يا اميره
ايسيل : خلاص يا حبيبي حصل خير
فهد : حبيبك......افضلي قوليها علي طول
ايسيل بهمس : معتقدش
اقترب منها وحضانها ورفعها عن الارض
ايسيل لنفسها : بحبك مع اني حاسه انك هتطلقني وهتوافق
نزلوا سويا للاسفل
**************************
في غرفه عشق
كانت عشق تجلس علي السرير فنزلت دمعه ولكنها مسحتها وجدت فون رعد يرن فمسكته وردت
عشق : الو.......انا مراته.....اهلا وسهلا.......ليه ايه اللي حصل.......بجد......حاضر شكرا سلام يا فندم
عشق بدموع تنزل : حبيبي يا فهد رافع راسنا دايما واحنا محدش سمعه
ونزلت لاسفل وجدت المأذون جاء وكان رعد وعشق ينزلوا في نفس اللحظة اسد ونور وعدي ورزان امامها وفي الاسفل ايسيل وفهد وشغف ورعد
**************************
رعد : انا قررت انت هطلق ايسيل اه والباشا رعد هيطلق عشق لانكم متستهلوش بنات زيهم
رعد الصغير : عايزني اطلق مراتي ليه ان شاء الله
رعد بعصبيه : رعد اتكلم عدل
شغف ببكاء : انا اذيت عشق وايسيل انا اللي رحت لبابا وقولتله يجوز عشق لرعد علي الرغم انه كان عايز يتجوز نور وانا اللي وافقت علي قرار بابا انه يجوز ايسيل لفهد مع اني عارفه اني بيحب سحاب اختها وايسيل وعشق حياتهم ادمرت بسببي
لم تعلم هذه الغبيه انها تجرح ايسيل وعشق بكلامها
عشق وهي تصفق : برافوا عليكي يا بنتي بنتي اللي مش بيسألوها ليه ولا حتي يقولوا لا علي قرارتها
رعد بقلق : عشق انتي تعبانه نزلتي ليه
عشق : قولت بما ان المأذون جاي وفي طلقات كتيره من ورايا ما نطلق بالمره يا رعد الشافعي
نظر الكل لها بصدمه واولهم رعد
عدي : ماما انتي بتقولي ايه
عشق وهي تحضن فهد : امك فخورك بيك اوي كان ابوك دايما يقولي سيبيلي فهد اربيه ذي اخواته بس انت كنت متعلق بيا اكتر كنت معايا في كل حاجه واثبتلي اني نجحت في تربيتك في نفس سقوط ابوك في تربيه شغف ثم التفتت لرعد.....اللوا كلمني وبركلي علي انجاز ابنك ونجاحه في مهمه امبارح والقبض علي البنت اللي كانت معاه في الصوره وابوها واي بيقولك احسنت في تربيتك يا رعد الشافعي قالتها بسخريه
ايسيل بدموع لفهد : لو عايز تطلقني أنا مش هعترض لو بتحب غيري
فهد : انا بعشقك يا ايسيل ومستحيل اطلقك
رعد : يا بابا لو عايزني اطلق عشق فرملها احسن واقتلني لاني طول منا عايش هي مراتي ومش هستغني عنها واسفين حضرتك ع الازعاج تقدر تمشي فغادر المأذون
عشق : وانا بحب رعد ومش عارفة ايه اللي فهمكم الفكره الغلط اني عايزه اطلق منه
عشق الكبيرة : يلا يا شغف طلقيهم بالعافيه وخلي باباكي يسعدك زي اما جوزتيهم بالعافيه
شغف : ماما انا.......
عشق : انتي ايه انتي اديتي لنفسك عمر اكبر منك وحق مش ليكي وانت يا رعد الشافعي انت ايه يا اخي قولت بنتي الوحيده وهدلعها انا اللي هربيها كل طلبتها مجابه انا كنت فرحانه قولت بقت عشق التانيه بس عارف الفرق احمد الله يرحمه كان كان بيوعي عشق ويقولها دا غلط ودا صح دا تعاندي فيه لان معاكي حق ودا لا انما رعد اي كل حاجه اي خلتها تمشي كلامها علي اخواتها الكبار وصلت انك تتفق مع بنتك انك تخلي اخواتها يطلقوا مراتتهم وانا ولا كأني هنا اتعملت بالظبط كأني مت
رعد بعصبيه : عشق اياكي ثم اياكي تقولي علي نفسك كده
عشق بدموع تنزل : عارف حاسه اني وحيده واني خسرت رعود نفس الاحساس اما عاصم خطفني كنت مستسلمه للموت والنهارده كمان اتمنيت امبارح اموت عشان كده محاولتش انادي علي حد لولا اما جيت كنتي هتلقيني ميته لاني بجد حسيت اني خسرتك ولو عايزنا نطلق انا موافقه لاني مش قادره اقعد مع رعد الجديد اللي بيهدم القصر اللي بناناه بأفعاله
وكادت تذهب للخارج لولا ان اوقفتها يده
رعد : راحه فين
عشق : في داهيه
رعد بنفاذ صبر : عشق
عشق : عشان خاطري لو ليا خاطر سيبني
شغف ببكاء : ماما راحه فين
عشق : امك ماتت يا شغف سيبوني قبل ما اموت بجد ومتقلقوش انا مش صغيره عشان اسيبكم وارجع بيت اهلي انا بس هتمشي عشان معتش قادره اشوف البيت اللي انا ورعود حبيبي بناناه بيتهدم وتركتهم وذهبت اما رعد فتركهم وذهب لغرفته
اتمنيت امبارح اموت......كنت هتلقيني ميته....لو عايز نطلق انا موافقه.......امك ماتت يا شغف......سيبوني قبل ما اموت بجد......اتعملت بالظبط كأني مت
كل هذا يدور في عقله
رعد : جرحتها بعد كل السنين دي انا ضايقت عشقي كانت هتموت بسببي امبارح واكيد النهارده مجروحه بسببي
*****************************************
ذهب كلا منهما لغرفته
في غرفه فهد
كانت ايسيل تجلس وتفكر حتي قاطع هو تفكيرها
فهد : مالك يا قلبي
ايسيل : احم مفيش
فهد : والدمعه اللي في عيونك الحلوين
ايسيل : بسأل نفسي لو كانت سحاب متجوزتش يحيي كنت هتطلقني وبسأل نفسي يا تري كلام البنت اللي اتحبست صح وانت كنت مكسوف مني
فهد بتنهيد وهو يمسك وجهها بيديه : اجابة كل دا يتلخص في كلمه بعشقك
نظرت له بعدم فهم
فهد : انا هكلمك بصراحه اول مره كان في حفله عيد ميلاد شغف كنت واقف لوحدي منعزل فجات بنت واتكلمت معايا انا اعجبت بيها بس للاسف مكنتش عارف اشوفها بسبب الضلمه وبعدين تاني مره قبلتها كانت في حفله تانيه جرسونه عرفتها من صوتها وعرفت اسمها سحاب اعجبت بهدوءها وتفاهمها بعدها كنت متضايق بسبب قضيه وقاعد في العربيه بفكر لقيت بنت شبه الملاك هي كانت ملاك صامت عارفه ليه جات بدون كلام عملت اموشن بيضحك ومشت تلقائي قعدت اضحك حتي روحت بضحك تمنيت اقابلها تاني بس لا وبعدها بفتره حصلت مشكله وفجأه نفس البنت وقعت في حضني كنت هخسرها كانت هتموت لولا اني رفعت المسدس كنت هخسر اساس فرحي وابتسامتي وقعت في حضني كنت ببصلها واسأل نفسي سؤال دي بشر زينا مسمحتش لحد يشتلها غيري اشتالتها انا واخدها اوضتي فضلت قاعد بره الاوضه لحد اما فاقت وهي بتعيط كان نفسي احضنها وامسح دموعها قلبي وجعني اوي كنت بضايق من نظرات غيث لها ومش بضايق بنظرات يحيي لسحاب عرفتي بحب مين فيهم
ايسيل بدموع ومزاح : مين البنت التانيه
رفع فهد حاجبه : بتتكلمي جد
ايسيل : اي مش عارفاها وانا اللي كنت مفكراك بتحب واحده عليا طلعت بتحب اتنين
فهد : تحبي اعرفك هي مين
ايسيل : هههههه اي
قربها فهد وقبلها وبعد
فهد : عرفتي هي مين
كان وجنتي ايسيل يشتعلان خجلا
ايسيل : ا.ا.انت قليل الأدب وانا مش قصدي كده
فهد : هوريكي قليل الأدب
**************************
جلس رعد ينتظر عشق وجدها تأتي ويبدو عليها البكاء فوقف امامها
رعد بهدوء : كنتي فين
عشق : في حديقه عامه
رعد : اتأخرتي ليه عارفه الساعه كام
عشق : بحاول اتفادي المجئ لقصر بيخنقني
رعد : للدرجه دي بتكرهي المكان اللي انا فيه
عشق : عمر عشق ما كرهت المكان اللي فيه رعد او رعود حبيبها
وتركته ودخلت الحمام تأخذ شاور ثم خرجت ونامت بدون ان تحدثه وهو تنهد بحزن وذهب شدها لحضنه فلم تحاول ان تبعد
رعد : عشقي سامحيني
عشق :..........
رعد : وحياة رعود عندك تردي
عشق : نام يا رعد
رعد : عشق انا اسف
عشق :..............
رعد : وقسما بالله لو ما رديتي هقوم ومهتشوفي وشي تاني يا عشق وانتي عارفه اني مش بحلف كذب
حضنته عشق وبدأت تبكي
عشق ببكاء : ههون عليك تسيبني يا رعد
رعد وهو يمسح دموعها : لا يا قلبي انا اسف واللهي كنت متضايق ايسيل قلبها ابيض اوي وصعب عليا تنجرح بحسها زي شغف بالظبط
عشق : واللهي وانا كمان بس بثق في فهد وان شوفته غلطان في حقها يوم انا اللي هقفله
رعد : سامحيني بقي قلبك ابيض
عشق : مش زعلانه منك اصلا
رعد : بعشقك يا عشق الرعد
عشق : وانا بعشقك يا عشق عشق
وغطا في نوم عميق حتي الصباح
************************************
في غرفه شغف
دخل رعد وعشق الصغيرين ببطئ وبدأ رعد يصحيها كالعاده
رعد وهو يداعب انفها : شغفي صحصحي عشان المدرسه
عشق بصراخ : شغغغغف قومي يخربيتك
رعد : توت توت يا رب عشق تزعل لو ماقمتي
عشق بحزن : بقا كده يا رعد عايزني ازعل
رعد : بهزر يا عشقي
عشق : ماشي عن اذنك
شد يديها قبل ان تخرج
رعد : واللهي بهزر
وقرب منها ليقبلها
شغف : روحوا ازفتوا في اوضتكم يا عم
رعد : اه يا قاطعه اللحظات الرومانسية
عشق : ههههه يلا عشان نفطر بقي
شغف بحزن : ماما رجعت
رعد بحزن : مش عارف تعالوا ننزل
شغف : هاخد شاور واصلي واحصلكم
رعد وعشق : اوكي وذهبوا لاسفل وجدوا عدي ورزان وفهد واسد ونور ورعد يقفون بزهول
عشق لنور : في ايه
نور : ماما وايسيل في المطبخ وبيحضروا الفطار وبيغنوا سوا
رعد : وفيها ايه
رزان : اصل بصراحه حاسه ان مر علي امبارح سنه وغير كده صوت ايسيل ما شاء الله روعه
خرجت عشق وايسيل يحملون الاطباق ويغنون
عشق : انا قلبي شايفك من زمان في الحلم بيدور عليا بس مهما اتخيلك مش زي منا شايفه بعنيا
ايسيل : يمكن انا بحلم وزمن الحلم طال توهتيني بين الحقيقه والخيا........
صدمت عندما رأت العائله وبدأوا يصفقوا اغمضت ايسيل عيناها بقوه وكذلك عشق
فهد : الله الله يا هانم بتعرفي تغني من ورايا
رعد الكبير : بتغني مع مرات ابنك في المطبخ من ورانا طيب قولوا نسمعكم
عدي : مفكرين عندنا فننتين طلعوا تلاته
رزان : طيب قولوا اي انا ونور وعشق مش بنعرف نغني بس اهو نعزف
رعد الصغير : انا مصدوم انصدام محصلش
تجاهلتهم عشق
عشق : ايسو تعالي نحط الاطباق
وذهبوا ليضعوهم ودخلوا مره اخري انفجروا ضاحكين
عشق بهمس : هدي صوتك هيسمعوا
ايسيل : شوفتي يا ماما كانوا عاملين ازاي هههههه مش قادرة
عشق : كانوا هيحفلوا علينا بس علي مين يلا نطلع قبل ما يستغيبونا
ايسيل : يلا........ماما
عشق : نعم يا روحي
ايسيل : انا بحبك اوي انت اثبتي انك افضل من امي الحقيقيه وبتعملي معايا اللي اتمنيت امي تعمله
عشق : انتي زي ما رعد بيقول زي شغف بالظبط يلا بقي
وخرجوا سويا وضعوا الطعام وجلس الكل
عشق الكبيرة : شغف فين يا رعد انت مصحتهاش
رعد الصغير : صحيتها وقالت هتصلي وهتيجي
شغف بصوت مبحوح اثر بكاء : انا اهو
اقتربت عشق منها ومسحت وجهها اثر الدموع وفعلت لها شعرها ذيل حصان وقبلت وجنتاها وحضنتها
شغف : ماما انت زعلانه مني
عشق : حد يزعل من شغف هانم يا ولاد سكر البيت
ايسيل بمزاح : انا بقول النمل كتير ليه عشان شغف موجوده
شغف : او ماي جاد طلع حد لمض غيري
ايسيل بغرور مصطنع : اقل ما عندنا يا اختشي
الكل : ههههههه
رعد : يلا اقعدي افطري عشان المدرسه
شغف : اشطااا يا مان
ايسيل : جبنه ولبان
شغف : هههههه داحنا بوظنا خالص
وجلسوا جميعا يفطروا في جو مرح
فهد : ايسيل هتروحي الكليه اوصلك
ايسيل : لا هقعد مع ماما النهارده
رعد الكبير : فهد انت وراك ايه مش انت بعد اي مهمه بتاخد يومين اجازه
فهد : رايح اقدم استقالتي وهمسك الشركه مع عدي ومع حضرتك
نظر الكل له بصدمه
عشق : بس انت يا حبيبي اكتر واحد في اخواتك بتحب شغلك
فهد : بس شغلي كان هيدمرلي حياتي يا ماما يعني لو ايسيل مكنتش سمعت وسابتني علي طول او كنت ابقي خاين في نظرها لا يا ماما انا قولت ل اللوا اني مش عايز الزفته تعرف حاجه عن عيلتي بس هو بعت واحد قالها المعلومات وجرحت ايسيل قدامي وبعتت صور ليكم وليها
اسد : فهد دي مش اول مشكله تحصل معاك وياما حصل اكتر
فهد بعصبيه : بس ايسيل خط أحمر وانا كنت هخسرها وبعدين اتجرحت قدامي
رعد الصغير : حد يقرصني فهد وقع ومحدش سمي عليه
عشق وهي تقرصه : دا بجد يخربيت كده المنعزل وقع حلوتك يا ايسو
ايسيل بخجل وابتسامه : فهد متسبش شغلك لو سمحت دا اول طلب ليا وان كان عليا فاحم مستحيل اسيبك لسبب اي كان يكون
شغف : رومانسية خجوله مرحه طيوبه ايسو مزيج بين حاجات كتير
عشق : ايسو تعالي عايزاكي
ايسيل : حاضر........فهد
فهد : حاضر يا قلبي ووقف قبل جبينها وجبين امه واخته ويد ابيه هروح مشوار صغير وجاي سلام
وذهب وذهب كل منهما لعمله ولكليته فلم يبقي سوا عشق وايسيل التي اخذتها الي............
ايسيل بزهول :..............
*****************
تكملة الروايه من هنااااااا
تعليقات
إرسال تعليق