 |
غرام الفهد
الفصل الحادي عشر
ايسيل بزهول : وااااو اللوح دي جميله اوي يا ماما انت اللي رسماها
عشق بابتسامة : اي اما اتجوزت رعد عمله ليا تاني يوم اما جينا القصر كان بيدور علي سعادتي عارفه يا ايسيل انا عشقت رعد وهو عشقني بس محدش قال للتاني عشان منهدمش الحلو اللي بينا
ايسيل : ليه يا ماما
عشق : بابا خسر ماما وهو بيحبها وعدي كان هيخسر جودي لانها كانت مريضه اما رعد اعترف قررت اهرب من الحب فقولتله اني بكرهه وبعدها عملت حادثه عشان ينقذني امر اللي في المستشفى ياخده من دمه ليا لغاية اما دخل في غيبوبه
ايسيل : الله يا ماما بابا بيحبك اوي
عشق بابتسامة : فهد في حبه عكس رعد.....فهد متهور رعد حكيم بس انا متأكده انه بيحبك
ايسيل بابتسامه حزينه : ياريت
عشق : ايسيل عارفه كان نفسي اسمع صوتك عشان اعرف الوجع اللي فيكي
ايسيل : عارفه يا ماما انا طول عمري بسمع بس عمري ما حاولت حتي احكي
عشق : تعالي بس وشدتها اخذتها للصالون اقعدي محدش هيجي الوقتي
ايسيل : احم انا اتولدت ووعيت كنت بسمع الاطفال بيتكلموا بس انا مقدرش بيلعبوا بس انا لا كنت بسمعهم بس كانوا مسميني الملاك الصامت كانوا بيجوا يحكولي كل حاجه بابا مات وانا عندي تمن سنين ماما اما العده خلصت علي طول اتجوزت وجابت بنت انا اشتالتها مش ابوها ولقيتني بعيط فباباها كان بيحبني اوي سألني اسميها ايه ودموعه نازله فلمست احدي دموعه قالي دموع الفرح فاشرت لها وللدمعه قالي دموع ضحكت فسماها كده واما طلعت منعزله بعد سنتين باباها مات وامي رمتها بعد اما اتجوزت التالت ورمتنا مع انها شقة بابا سامي وعشنا سوا وبعدين اتعرفت عليكم وكده وبدأت تحكي لها عنها وعن فهد
عشق : مش قالك بيحبك
ايسيل بدموع : اي ومصدقاه بس المي وهو بيقول بيحب سحاب صعب اوي
عشق وتمسح دموعها وتحضنها : خلاص فكري بس في المستقبل وانسي الماضي
ايسيل : عارفه كان نفسي امي تبقي جنبي زيك كده
عشق : انا امك يا مجنونه وبعدين انا بكره جو العكننه ده تعالي نتفرج علي فيلم والداده تعمل الاكل
اومأت ايسيل وجلسوا يتفرجوا علي فيلم حتي غطا في نوم عميق
****************************
جاءت شغف من المدرسه ورأتهم وضحكت ثم صورتهم حتي جاء رعد من ورأها
رعد : بتعملي ايه
شغف بخضه : خضيتني يا رعد......شوف ماما وايسيل
رعد : هههههه سيبيهم اما الكل يجي ويتفرج
شغف : ههههه معاك حق
وبعد وقت وصل الكل تدريجي
فهد لنفسه : كله بيبصلها يا ربي صبرني ومش اضربهم دول اخواتي بردك
رعد : فهد اشتال مراتك وديها اوضتكم وبطلوا مهزله
فهد : حاضر يا بابا
واتجه رعد وفهد وحملوهم فاستيقظوا
عشق بنعاس : رعد سيبني انام شويه الله
ايسيل بخضه : عااا فهد نزلني
الكل : ههههههه
رعد : ايه رايحين ننيمكم في اوضكم
عشق : وصحينا نزلني بقي
فنزلت هي وايسيل وظل الكل يضحك لوقت ثم توجههوا للغداء سويا
شغف لنفسها : يا تري البارد غيث مرنش ليه بجد بستفقده اوي
فرن فونها فنظرت وابتسمت ثم فعلته صامت
رعد الصغير : مين يا شغفي
شغف : المز بتاعي عندك اعتراض
نظرت الفتيات لها بزهول من جرأتها
رعد : وانا اقدر
ثم انتهي الكل من الطعام وجلسوا سويا
اسد : ايسيل
ايسيل : نعم
اسد : احم بصراحه كنت عايز اقولك حاجة
ايسيل : اتفضل
اسد : لو معندكيش اعتراض تيجي انتي وفهد
ايسيل بابتسامه : كلكم عيلتي ومش هخبي عنكم حاجة فقول عادي
فهد بقلق : اسد في ايه
اسد : مامتك انا كنت رفعت عليها قضيه بعد موت دموع هي والظابط اللي حاول يقبض على سحاب واتحكم عليها بخمستاشر سنه وطلبت انها تشوفك لموضوع مصيري واترجت الظابط فهو قالي
كانت دموع ايسيل تنزل وهي تمسحها باناملها
فهد : مالك يا قلبي
ايسيل : يا اسد ليه رفعت قضيه انا عايزه اسحبها هي ايا يكن امي وام دموع ودموع عمرها انتهي وهي كده كده كانت........ثم بدأت دموعها تتجدد.... هتموت سواء حادثه او نايمه معايا في البيت ارجوك اسحب القضيه
نظر لها الكل باحترام وفهد بإعجاب شديد
رعد الكبير : بجد يا بنتي مكانتك بتزيد في قلبي واحترامك بيكبر
اسد : وانا هحترم رغبتك وهسحب القضيه بس هتقدري تشوفيها
ايسيل : اي شوفلي اقرب زياره واروح
اسد : للاسف مش قبل شهر بس هحاول
اومأت برأسها
شغف بمرح : طب مره واحد ضحك بين سنانه
نظر لها الكل
شغف رافعه يداها : واللهي بهزر انا اصلا دمي تقيل متضحكوش
ضحك الكل علي هذه المجنونه
رعد الصغير : يلا يا عشق نطلع
عشق : ماشي عن اذنكم
اسد : واحنا كمان يلا يا نوري
نور : يلا
واستأذنوا وذهبوا الي اعلي بينما نظر عدي لرزان
عدي : ههههه دي نامت بقت بتنام كتير اوي
وحملها واستأذن وذهب وكذلك شغف
عشق : مالك يا ايسو
ايسيل بتنهيد حزين : مفيش يا ماما بس خايفه من اللي ماما عايزاه
فهد : لو مش عايزه تروحي متروحيش
ايسيل : هروح وامري لله
رعد : انا خايف تأذيكي يا بنتي او تقولك كلام يضايقك
ايسيل : بابا حضرتك اصدك تضايق البنت الخرسه اللي بتسمع مش بتتكلم مش بتدافع عن نفسها
رعد : خلاص روحي واحنا كلنا جنبك وعيلتك
ايسيل : ربنا يخليكم ليا
رعد : يلا يا فهد خد مراتك واطلعوا
فهد : حاضر وذهب وكذلك رعد وعشق لغرفهم
************************************
مر شهر كامل بدون احداث تذكر غيث مازال مسافر وعلي تواصل بشغف فقط واسد يحاول ان يجعل ايسيل تري والدتها عن طريق معارفه والباقي يعيشون في سعاده
**********************
في لندن
كان يجلس هو بهيبته حتي جاء له اتصال من مجهول مصري
غيث : الو
الرجل : احنا عرفنا الست اللي خطفت الهانم
غيث : خلاص ابعت المعلومات
الرجل : هي عندها تلت بنات واحده ماتت والاتنين متجوزين وهي مسجونه حاليا بسبب قضيه موت بنتها
غيث بقلق : اللي ماتت عندها كم سنه
الرجل : عشر سنين
غيث بطمئنان : طيب البنتين التانين عايز المعلومات عنهم
الرجل : حاضر يا فندم خلال 48 ساعة كل المعلومات هتكون موجوده
غيث : تمام وانا هنزل مصر بعد كم يوم
وقفل مع الرجل وتنهد ثم اكمل عمله
**************************
امام كليه الصيدله
ايسيل : خلاص يا فهد بطل توصلني وتقف معايا وتمسكني بتملك دا البنات بقوا يخافوا مني مش بس الشباب
فهد بابتسامه : احسن بردو انا مش بحب حد يبصلك
ايسيل : هههههه غيور
فهد بضيق : ضحكتك حلوه متضحكيش قدام حد
ايسيل بضحكه اقوي : ههههههه مش قادرة ههههههه
فهد رافعا حاجبه : ايسيل
صمتت محاوله كبت ضحكاتها
ايسيل : ممكن امشي
فهد : ماشي
اقتربت منه وقبلت وجنته ودخلت وهو ظل ينظر لها حتي دخلت ثم ذهب لعمله
عشق : مالك يا ايسيل
ايسيل : هههههههه فهد ههههههه
نور : جمعي يا بنتي
عشق : اسكتي دا بتقول فهد يعني الحب ولع في الدره
ايسيل : بحبه اوي يا عشق خايفه يبعد عني في يوم مقدرش اعيش من غيره
نور : ربنا يخليكم لبعض
*****************************
في مبني المخابرات
كان فهد يجلس مبتسما وجاءه اتصال
فهد : الو
الرجل : تمام يا فهد باشا جهزنا البيت اللي حضرتك قولت عليه وبالالوان اللي اختارتها
فهد : تمام علقت الصور اللي قولتلك عليها
الرجل : لسه الصور بس هتخلص علي يومين وهبعت لحضرتك المفتاح
فهد : ماشي سلام
وقفل معه وابتسم
فهد : هعمل كل حاجه تسعدك يا ايسيل انا بعشقك قاطع كلامه دخول العسكري
العسكري : فهد باشا سياده اللوا عايز حضرتك
فهد : ماشي امشي انت
وذهب هو ل اللواء
فهد : تمام يا فندم حضرتك عايزني
اللوا : اي يا فهد انت هتروح مهمه لمده عشر ايام وانت وسرعتك واتمني متتأخرش عن عشرة أيام
فهد : عشر ايام مفيش حد غيري
اللوا : لا انت من اجود الظباط عندي عشان كده قررت ابعتك
فهد : تمام يا فندم حاجه تانيه
اللوا : لا تقدر تمشي
وذهب فهد بعدما ادي التحيه العسكرية
***************************
في احد المستشفيات
كان احمد يحضر نفسه لعمليه ما حتي جاءت حور
احمد : حور عايزه حاجه
حور : ممكن ادخل مع حضرتك العمليه
احمد : اكيد اجهزي وتعالي
وجهزت وذهبت معه وانتهوا من العمليه بنجاح فائق ودخل احمد لمكتبه وبعد قليل دخلت حور
احمد : حور مالك النهارده
حور : احم دكتور احمد دي استقالتي
احمد بزهول : ايه
حور : ممكن حضرتك تمضي عليها
احمد : ليه الاستقاله دي بقي
حور بحزن لانها تحبه : بابا بعتلي ارجع المنصوره لان جالي عريس وهو موافق وانا بدور علي سعادته عشان كده هرجع واتجوز
لاول مره احمد يتعصب بشده فهو حكيم في تصرفاته وقف ومسكها من كتفيها بقوه مما المها
احمد بعصبية : انت مش هتروحي ولا هتتجوزي حد فاهمه واستقالتك مرفوضه
حور بعصبيه : ليه يعني انا قررت هسيب الشغل خلاص
احمد : لا يعني لا فاهمه
حور : ليه ان شاء الله
احمد وهو يغمض عينه بقوه : عشان انا بحبك وهتجوزك وانتي مستحيل تكوني لغيري فاهمه مش كل مره هخسر اللي هحبه
نظرت حور له بعيون دامعه وابتسامه فحضنها احمد
احمد : انا بحبك يا حور
بعدته حور فحزن بشده
حور : حرام اللي بنعمله ده ولو بتحبني يبقي حب حلال عن اذنك
وذهبت فابتسم
احمد : يمكن مش هقدر احبك نص حبي لطفلتي بس ع الاقل مش هخسرك زيها وفرت دمعه منه كلما تذكر عشق
وقرر التحدث مع والدها
ورن احمد علي ادم الذي رحب بالفكره واخبره انه بامكانه القدوم وتم رفض العريس الاخر
*****************************
يمشي ببروده المعتاد وجموده ايضا فلم يراها منذ فرح سحاب ويتصنع اللا مباله لكنه بالفعل يشعر بشئ اتجاهها فذهب لجامعتها وجدها تقف مع احدهم تضحك
الشاب : دمك خفيف اوي يا جاسمين
جاسمين : ايه بعرف
الشاب : مغروره
جاسمين : ايه بعرف
ليث بضيق : جاسمين
فنظرت له وعرفته كيف لا وهي لا تستطيع نسيانه فهو من تخطي الحاجز الذي فعلته لنفسها
جاسمين : ليث شو في
ليث : تعالي عايزك
الشاب : مش شايفها واقفه معايا
ليث ويشدها من زراعها : بقولك تعالي
جاسمين : عم توجعني ليث
ليث : طيب امشي
لكمه الشاب : ابعد عنها
فسده ليث بعض اللكمات مما جعل الشاب لا يقدر علي الحركه وشد جاسمين بقوه وادخلها السياره وذهب الي مكان ثم وقف ولم يتكلم
جاسمين : ليش عملت هيك هاااه شنو ذنب الشاب وكيف بتشدني قدامن متل الحيوان جاوب ليش ساكت ليث ما تعصبني جاوب عااااا
قاطعها هو عندما قبلها وهي كانت مصدومه بعد عنها قليلا
ليث : بحبك وقبلها مره اخري وهي شبه مخرده لا تفهم شئ
ليث : تقبلي تتجوزيني
جاسمين : شو عملت شو عم بتقول
ليث : يلا نروح ع المأذون وانت هتعرفي
جاسمين : انت اتجننت
ليث : ليه بس الغلط عيب تغلطي في جوزك المستقبلي
جاسمين : ما راح وافق بالاصل
ليث بعصبيه : جاسمين هتوافقي فاهمه
جاسمين بعناد : لا
شدها ليث من زراعها بقوه
ليث : جاسمين موافقه
جاسمين بالم : لا
ليث : يعني بتحبي حد
جاسمين : اي
تركها ليث بهدوء
ليث : انا اسف اني بوستك واعترفتلك هرجعك الوقتي وانسي اللي قولته
وشغل السياره وذهب وهي ظلت تنظر له بدموع فهي تحبه هو وهو يقول لها ان تنسى
ليث : انزلي
جاسمين بدموع : ليث انا
ليث : خلاص انزلي
جاسمين : خدني بعيد عن الجامعه بترجاك
ليث : على فين
جاسمين : اي مكان
توجه ليث الي مكان اخر
ليث : في ايه
جاسمين وتمسك وجهه بيداها : بحبك انت انا فعلا بحب حد وها الحد بيكون انت
ليث : جاسمين
جاسمين : بحبك يا ليث وموافقه اتجوزك
فشدها لحضنه وقضوا اليوم سويا في سعاده
********************************
كانت الفتيات تجلسن سويا يضحكوا
شغف : عادي خالص لزقت ورقه علي ضهره مكتوب عليها انا مجنون
ايسيل : دا كله عشان قالك انتي حلوه امال لو قالك بحبك
شغف : بكل بساطة هقطع لسانه
عشق : مفتريه يا قلبي
الكل : هههههههه
رعد : سمع هوس انا جيت
نور : نورت البيت
رعد : ميرسي يا نونو عارف واللهي
ايسيل : هههههه سلفي العاقل جيه
رعد : احم كده هتغر يا ايسو
شغف : عاقل ورعد ايه ده شبه الميه والنار
الكل : هههههههه
رعد : طب اسكتي يا بارده
شغف : حاضر يا تلاجه
رعد : ايه يا عشقي مش بتدافعي عن جوزك ليه
عشق : عشان انت مقولتليش وحشتيني جيت تهزر مع الكل
اقترب منها وقبل جبينها
رعد : انت بتوحشيني وانتي معايا اصلا يا عشقي
شغف : اجيب اتنين لمون
رزان : وشجره وعازف كمان
رعد : ايه يا روزه فين دودي يدلعك
رزان : في الهدوم يا خفيف
رعد : عيبون عليكي يا فتاه تقولي كده لسلفك
رزان : تك وكسه اسكت بلا سلفي بلا بطيخ
عدي وهو ينزل : هههههه شكلك وحش
رعد : دود روزه اهو
رزان : بارد يا تلج
عشق : متشتميش جوزي لو سمحتي يا روزه
رزان : حتي انتي يا عشق روزه اوف انت بارد يا رعد بطل الاسم الغلس زيك ده
رعد : لاء لاء
رزان : عااا مستفز
الكل : هههههههه
كانت عشق تنظر لهم وتدعي ان تدوم السعاده عليهم جميعا
جاء رعد واسد وفهد وخرجت عشق من المطبخ لهم
رعد الصغير : ياما الاسد والفهد والرعد انا خايف القصر يوقع
اسد : يخربيت الظرافه.....وقبل يد وجبين امه وجبين اخته ونور وسلم علي الفتيات
فهد : اذيك يا ماما.....وقبل جبينها ويداها وجبين اخته وحضن ايسيل وقبل جبينها وسلم علي الفتيات
رعد : اذيكم يا بنات وحضن عشقه وقبل جبينها
عشق : يلا روحوا غيروا عشان تاكلوا
الكل : حاضر
وذهب كلا منهما لغرفته ثم عادوا وجلسوا يأكلوا سويا وبعد ان انتهوا جلسوا سويا
اسد : ايسيل تقدري تزوري مامتك بعد بكره
ايسيل : بجد.....شكرا يا اسد
اسد : انت زي اختي متقوليش شكرا
ايسيل بابتسامه : حاضر
فهد : بابا ماما ايسيل انا هسافر عشر ايام شغل بره البلد
ايسيل بصدمه : ايه بس انت مقولتش
فهد : اللوا لسه قايلي النهارده
رعد : تروح وترجع بالسلامه
عشق : هتسافر امته
فهد : بكره
حاولت ايسيل كبت دموعها لكنها لم تستطيع فستأذنت وذهبت لاعلي
عشق : روح لمراتك يا فهد
فهد بحزن : حاضر يا ماما عن اذنكم
وذهب لاعلي
*************************
دخلت ايسيل غرفتها ونامت علي السرير تبكي حتي جاء هو وجدها هكذا
فهد : ايسيل
رفعت رأسها ونظرت له ثم حضنته وهي تبكي
ايسيل : متسافرش يا فهد مقدرش اقعد من غيرك ارجوك
فهد يبعدها ويمسح دموعها : ايسيل اوعي تعيطي انا هطلب مروحش وان رفضوا هقدم استقالتي
ايسيل : هههههه مجنون وتعملها خلاص روح وخلص بسرعه وارجعلي فاهم
فهد : امرك يا احلي ايسيل في الكون
ايسيل : بحبك
فهد : وانا بعشقك ايه بقي مش ناويه تودعيني توديع عشاق
ايسيل : ههههههه قليل الأدب ومنحرف
فهد : هوريكي الوقتي وحملها و.................
**************************
كانت رزان تستفرغ بشده وتشعر بإرهاق يقف بجانبها عدي ويمسك شعرها
رزان : عدي مش قادرة
عدي : تعالي هنروح لدكتور ويقولنا
رزان : خلاص هبقي اخد حد من البنات ونروح انما الوقتي انا عايزه انام
عدي : ماشي تعالي يا حبيبتي
وحملها واخذها في حضنه وغطا في نوم عميق حتي الصباح
*******************************
كانت شغف تنام وتضع الهاند فري وتغني معها حتي رن فونها
شغف : اوف دايما بتقطعني من الاجواء الجميله
غيث : ليه يعني كنتي بتكلمي مين
شغف : البوي فريند وبعدين انت مالك
غيث : نعم يا ختي
شغف : عايز ايه يا غيث انت ايه موركش غيري اخاف حبيبي يعرف
غيث بعصبيه : حب برص انت عندك حبيب يا طفله
شغف ببرود : اي خمسه مش واحد
غيث : وبتخمسي كده طيب هما مين
شغف : رعد وعدي واسد وفهد ورعد
غيث : عيلتك
شغف : اي ومفيش مجال لغيرهم
غيث بحزن : خالص
شغف : خالث مالث
غيث : ههههه مش بتبطلي هزار نهائي
شغف : اجل يا سيدي......عرفت حاجه عن اختك
غيث : كلها يومين وهعرف كل حاجه
شغف : غيث عاملها علي انها توأمك مش بنت انكل كرم المفروض انها اختك
غيث بضيق : ربنا يسهل
وتكلما كثيرا ثم غطا كل منهما في نوم عميق
****************************
جاء اليوم التالي
جهزت ايسيل حقيبه فهد وسط دموعها فجاء وحضنها فمسحت دموعها سريعا
فهد : بتدريهم مني ليه
ايسيل : مش عايزاك تتضايق
فهد : هضايق لو درتيهم مني
استدارت له وحضنته
ايسيل : متضايقش وارجعلي بسرعه ماشي دا امر يا حضرة الظابط
فهد : هههههههه حاضر يا قلب حضره الظابط
وبادلها الحضن ورفعها لتكون بمستواه ودفن رأسه بعنقها
ايسيل : بحبك
فهد : بعشقك
ايسيل : بموت فيك
فهد : مغرم بيكي
ايسيل : لقد فزت يا حضره الظابط
فهد : طبعا لازم افوز يا غرام الفهد
نزلها وقبلها وقبل جبينها ونزل ليودع الكل
عشق بدموع : ترجع بالسلامه يا روحي
فهد : ماما هلقيها منك ولا من ايسيل اي محدش يرن عليا عشان دي مهمه رسميه وانا اصلا سبت الفون هنا
عشق الصغيره : افهد ارجع بسرعه عشان ياعيني البت بتطلع قلوب مكسوره من عنيها وودانها
الكل : ههههههه
ودع الكل واخيرا اتجه لايسيل قبل وجنتاها وجبينها وحضنها وذهب فحضنتها عشق
كانت ايسيل تبكي وفجأه جرت للحمام تستفرغ كثيرا ثم عادت لتجلس مع الفتيات
رزان : مالك يا ايسيل
ايسيل : احم مفيش بس اما بزعل بطني بتوجعني وببقي بستفرغ
رزان : متزعليش يا ايسيل واحنا معاكي
ابتسمت ايسيل لها وسكتت
رزان : ممكن تيجي معايا للدكتوره
ايسيل بخوف : ليه في ايه
رزان بهمس : حاسه اني حامل
فرحت ايسيل : بعد بكره عشان بكره هروح لماما
رزان : تمام
ومر اليوم وهي حزينه لبعده عنها
**************************
كده الفصل الحادي عشر خلص
بقلمي / سماء أحمد
**************
غرام الفهد
الفصل الثاني عشر
في صباح يوم جديد ملئ بالمفاجأت لها
استيقظت ايسيل واخذت شاور وتوضأت ادت فريضتها وابدلت ملابسها ببنطلون ابيض وبلوزه سماوي لكي تذهب لزيارة والدتها
نزلت وجدت الكل متجمع
ايسيل : صباح الخير
الكل : صباح النور
رعد : اقعدي يا بنتي افطري
جلست ولم تأكل شئ
عشق : مش بتاكلي ليه يا ايسو
ايسيل : مش جايلي نفس يا ماما
اسد : طيب يلا عشان نروح لمامتك
ايسيل : يلا
وبعد توديع ذهبت معه لامها
رزان بحزن : شكلها تعبان اوي
عشق الكبيرة : اي......انا خايفه اوي عليها ومن اللي امها ممكن تعمله مش كفايه فهد مش جنبها
رعد الصغير : ماما احنا كلنا عيلتها وهنقف جنبها وقدام امها دي
عشق : صح يا ماما هي اختنا كلنا
****************************
في لندن
دخل الشركه ووقف الكل احتراما له ودخل مكتبه جلس منتظر ارسال الملف الذي سيعرفه من اخته فجاء له فاكس عرف انها لها
سحاب سامي 23 سنه خريجه كليه تجاره وصوره لها متزوجه من يحيي المهدي ظابط في مكافحة المخدرات ومعلومات كثيره عنها
غيث : من سنها مش هي يبقي التانيه
فتح الثانيه وقرأ المعلومات ايسيل سامي 20 سنه كليه صيدله متزوجه فهد الشافعي
صدمه نزلت عليه واكتملت حين رأي صورتها نفس العيون عرف الان لماذا دايما ينظر لها ويحزن لحزنها
غيث : ايسيل هي اختي
************************************
دخلت وهي متوتره تجلس منتظره امها ان تأتي من السجن حتي دخلت امها عليها
فايزه : اهلا اهلا بالخرسه
نظرت له ايسيل ولم تجب
فايزه : كل ده عشان تيجي سمعت انك اتجوزتي واحد من عيلة الشافعي يعني بقيتي مهمه في مصر واااه صحيح ازاي قدرتي توقعيه مع انك خرسه وفقيره
ايسيل : بس انا مش خرسه
فايزه بزهول : انتي بتتكلمي
ايسيل ببرود : اي اكيد انتي هتخافي اقول لحد انك السبب في موت ابو دموع لانك خونتيه مع التافه اللي اتجوزتيه واخد كل اللي حيلتك وسابك في الشارع
فايزه : هههه قولي هتقول لمين وهيعملوا ايه
ايسيل : انت عايزه مني ايه
فايزه : عايزه اقهرك يا ايسيل اوجعك
ايسيل : للاسف مش هتقدري لان انا بقي عندي مناعه جربت كل انواع الالم لدرجه انها معدتش هتفرق
وهمت بالوقوف لتذهب الي ان اوقفها ما جعلها تشعر ان دلو ثلج وقع عليها
فايزه : انتي مش بنت سامي ولا بنتي
نظرت لها ايسيل واردفت ببرود
ايسيل : لا بجد مش هتفرق
فايزه : انا خطفتك من حضن امك يوم الولاده والمسكينه ماتت وهي بتتمني تشوفك يا جوان
ايسيل : جوان مين
فايزه : هههههه انتي فرقتك عن توأمك علي امل انك الولد بس للاسف طلعتي البنت والولد فضل مع امك وابوكي واي ابوكي بردك مش اي حد دا كان غني اوي اوي وفضل يدور عليكي واما عرف طريقك مات هو وامك بس اعمل ايه كان لازم اخدك مكان ابني اللي مات بعد اما اتولد
ايسيل بدموع تنزل : سحاب مش اختي
فايزه : هههههه اي......عارفه انا مش هقولك مين اهلك الا لما تسحبي القضيه واطلع برأه
يااالهذه الحقيره اتخطفها وتعذبها والان تساومها
نظرت ايسيل لها بنظره حزن وتركتها وذهبت وجدت اسد
ايسيل بدموع تنزل : يلا
اسد : اسبقيني هكلم الظابط واحصلك
اومأت برأسها وذهبت للسياره بينما هو دخل لفايزه التي كانت ستذهب مع العسكري
اسد : رجعها يا عسكري
عسكري : تمام يا فندم
وجلست فايزه امام اسد
فايزه : ههههه واحد من ولاد رعد الشافعي بيزورني ويا تري انت جوز الخرسه لا معدتش خرسه ههههه
اسد ببرود : لا انا مش جوزها انا اخو جوزها وبعدين اسمها ايسيل هانم الشافعي مش الخرسه فاااهمه
فايزه بخوف : وانت جاي ليه بقي
اسد ببرود : جاي اقولك بنتك من يوم اما عرفت انك اتحكم عليكي وانا قولتلها وهي عيطت عارفه ليه عشان هتتحبسي وقالتلي اتنازل عن القضيه انا مش جاي اقولك اد ايه هي طيبه او بتحبك انا جاي اقولك انك هتخرجي بعد بكره بالكتير وقسما بالله لو اتعرضتي مش بس انا اللي هقفلك لا عيلة الشافعي كلهم واولهم فهد الشافعي والعذاب اللي اتغذبتيه بسببي مش ربع اللي هو هيعمله لان ايسيل بالنسباله خط احمر
وتركها وذهب بينما هي نزلت دموعها بل بكت
فايزه ببكاء : انا خطفتها من اهلها وعذبتها اهنتها وهددتها وفي الاخر هي اتنازلت عن حق دموع دموع اللي كانت بنتها قبل اختها انا لازم اعرفها مين اهلها بس اطلع من هنا
***********************
اخذها اسد للقصر ولم يتحدث معها وهي تنزل دموعها في صمت تام ثم نزلت ودخلت وجدت عشق امامها جرت عليها وحضنتها وتبكي بشده
ايسيل ببكاء : امي مطلعتش امي يا ماما قتلتني تاني ااااه يا ماما ليه بتعمل فيا كده ليه بتساومني ااااااه
نزلت دموع عشق وحضنتها وبكت مثلها
ايسيل : لو قالتلي اطلعها من غير مساومه واللهي كنت هفرحها ليه عملت كده
عشق : هشش انتي بنتي انا متزعليش انا امك
ايسيل : يا ريت امي زيك يا ماما
جعلتها عشق تهدأ واخذتها لغرفتها وبدأت ايسيل تقص لها ما حدث
عشق : قالتلك اسمك ايه
ايسيل : جو.....مش فاكره
عشق لنفسها : معقول تكون جوان بنت سيلا عندها نفس عيون غيث وسيلا انا هكلم غيث واشوف هو هيرجع قريب
ايسيل : ماما
عشق : روحي ارتاحي يا قلبي عشان شكلك مرهقه
ايسيل : ماما ممكن تخديني في حضنك وتنيميني هي قالتلي ان امي ماتت ومش هقدر اعمل كده مع حد
عشق : تعالي يا قلبي
واخذتها في حضنها وجعلتها تنام حتي جاء الكل وايقظهم رعد ونزلوا للكل
اسد : ايسيل انتي كويسه
ايسيل بتعب : اي شكرا يا اسد
رعد : مالك يا بنتي
ايسيل : مفيش يا بابا انا كويسه
وتناول الكل الطعام وايسيل لم تأكل شئ وبعدما انتهوا استأذنت وذهبت لغرفتها فتنهدت عشق بحزن علي هذه الصغيره التي لا تفرح
**************************
دخلت شغف لغرفتها تنظر لفونها لم تجده رن علي فونها فرنت هي
شغف : الو
غيث : ازيك يا شغف
شغف : غيث مالك
غيث : احم مفيش
شغف : هتيجي امته
غيث : قريب اوي بعد يومين تلاته كده
شغف : عرفت حاجة عن أختك
غيث بصوت مبحوح : اي
شغف : عايشه هنا في القاهرة
غيث : اي وقريبه منكم كلكم
شغف بصدمه : ايه
غيث بضيق : هاجي يا شغف وهتعرفوا كل حاجه سلام الوقتي
وقفل السكه بدون سماع رد وتنهد بضيق اما هي فصدمت من طريقته وحزنت
غيث : هي ذنبها ايه اكلمها كده طيب ليه انا متضايق لمجرد التفكير اني هجرح ايسيل ياتري شغف هتسامحني لو جرحتها اوف
وبدأ في تكسير كل شيء بغرفته
*****************************
كانت تنام وتنظر لصورته
ايسيل ببكاء : انا محتجاك اوي يا فهد.....ليه حصل معايا كده اللي خانقني ان امي ماتت ماتت وبابا كمان اااااه عااااااا
وقفت وقذفت احدي زجاجات البرفان في المرأه وتبكي وتصرخ بشده حتي جاءت عشق الصغيره ونزل رعد ينادي للكل وهي قافله علي نفسها
ايسيل ببكاء وصراخ : مااااماااااا باااااباااااا اااااااه
عشق الكبيرة ببكاء : افتحي يا ايسيل
كسر اسد الباب وجدوها تجلس تضم ارجلها لصدرها وتبكي فجرت عشق الكبيرة وحضنتها وبكت
عشق الكبيره ببكاء : اهدي يا ايسيل اهدي يا بنتي
ايسيل ببكاء : قالتلي امي ماتت ماتت يا ماما وهي نفسها تشوفني ليه يا ماما يحصل كل ده وبابا كمان انا تعبت واللهي تعبت يا ماما
عشق : اذا احب الله عبدا ابتلاه وربنا بيحبك
ايسيل : تعبت يا ماما واللهي تعبت
كانت الفتيات تقفن ويبكون والشباب حزينون بشده عليها
رعد الكبير بهدوء : يلا كله علي تحت محدش هيفضل غير عشق
ونزل الكل تركوا عشق مع ايسيل التي هدأتها وجعلتها تنام
************************
نزلت شغف وهي تبكي ودخلت غرفتها وقفلتها وجلست تبكي وجدته يرن عليها تجاهلته مره واثنان وثلاثه حتي ملت
شغف ببكاء : عايز ايه سيبني في حالي الله كمان مش سيبني اعيط براحه
غيث : مالك يا شغف
شغف : مفيش بس اقفل ومترنش يا غيث
غيث : احكيلي يمكن ترتاحي
شغف : زي اما حكتلي
غيث : هقولك بس انا متضايق كل اما افكر هي مين احكي بقي
شغف : ايسيل
غيث بقلق : مالها
شغف ببكاء : وبدأت تقص له ما حدث
غيث بحزن : ليه كده
شغف : مش عارفة بس امها كانت السبب في موت اختها الصغيره فبابا كان قال لاسد يرفع قضيه عليها وع الظابط اللي كان معاها وبعدين ايسيل اما عرفت قالت لاسد يسحبها وامها دي طلبت تشوفها هي راحتلها النهارده وجات مش بتاكل ولا اتكلمت كالعاده وفجأه حصل اللي قولتلك عليه
غيث بالم : شغف شوفيها وابقي طمنيني عليها
شغف : ممكن سؤال
غيث : اتفضلي
شغف : انت ليه علي طول بتبص لايسيل مش بتشيل عينك من عليها حتي اما زعلت رحتلها اتكلمت معاها انا شوفتك واستغربت انت مش بتتكلم مع حد كده كلنا لاحظنا ده حتي فهد بيغير عليها منك
غيث : هقولك واوعديني متقوليش لحد
شغف : اوعدك
غيث : افتكري ان ده وعد
شغف : حاضر......خافت ان يكون يحبها
غيث بتعب : اما شوفتك انتي غيرتيني بقيت بضحك من اي حاجه اتمنيت اشوفك علي طول واما شوفت ايسيل حسيت بإحساس مختلف عنك خالص بس شعور جميل زي الحب بالظبط
نزلت دموع شغف في صمت
واكمل عيونها الزمرد المختلفين عن الباقي زي عيوني بحس اني ببص لنفسي في المرايه صمتها وابتسامتها حتي ضحكتها الصامته شعرها كل حاجه فيها بريئه تجذب نظر اي واحد انا استغربت نفسي ممكن اكون بحب اتنين بس اذاي وكل واحد بشعور مختلف
كانت تضع يداها علي فمها لمنع شهقاتها
واردف هو لحد النهارده الصبح اكتشفت السبب يا شغف ايسيل بتكون توأمي هي اختي
صدمه وقعت عليها
شغف بصدمه : ايه
غيث : الست اللي خطفت ايسيل كان عندها تلت بنات واحده ماتت وعندها عشر سنين والاتنين التانين واحده اسمها سحاب عندها 23 سنه وانا عندي 20 والتانيه عشرين سنة نفس العيون يا شغف
شغف : وهتعمل ايه
غيث بجمود : هديلها ورثها واسيبها
شغف : بردك يا غيث
غيث : اي وانا مقرر كده من زمان
شغف : اياك ثم اياك تجرح ايسيل والا هيكون اخر لحظه في صداقتنا
غيث : دا موضوع بيني وبينها وانتي ملكيش دعوه
شغف : انا قولت اللي عندي سلام
وقفلت السكه دون سماع رد منه واتجهت لغرفه ايسيل لتطمن عليها وخبطت الباب بخفه ودخلت وجدتها تنام في حضن امها وهي تشهق حتي وهي نائمه فدخلت ونامت جنبها من الجهه
عشق : شغف مالك
شغف بصوت مبحوح : مفيش يا ماما بس كنت حابه اطمن وعايزه انام معاها
عشق : نامي يا قلبي
وغطا الثلاثه في نوم عميق
**************************
ظلت ايسيل نائمه طوال اليوم ترفض الاستيقاظ لمواجهة الواقع والباقي في اسفل حزينين عليها
جاء رعد من عمله واولاده
رعد مقبلا جبينها : وحشتيني يا عشقي
عشق : وانت كمان يا رعود
رعد : ايسيل عامله ايه
عشق بدموع تظهر : مقامتش من النوم كل شويه اطلع اشوفها القيها زي ما هي
اسد : نور اطلعي صحيها هي ممكن تتعب لو فضلت كده كتير
نور : حاضر
عشق الصغيره : استني هاجي معاكي
وذهبوا ايقظوها واخذت شاور وتوضأت ولبست ملابسها وادت فريضتها وخلعت الاسدال ونزلت لاسفل
رعد الصغير : اظن عادي لو عكستك وفهد مش هنا
ابتسمت
عدي : ايوه كده خلي الشمس تطلع واللي وطلع منك يا رعد وانا كنت مفكرك ممنكاش فايده
رعد : دانا كلي فايده انتم بس مش مقدرين
عشق الصغيره : بس يا بابا
ضحكت ايسيل : قذف جبهه
عشق : يلا عشان الكل ياكل
رعد : اشطااا تعالي يابت يا ايسو ناكل انا وانتي سيبك منهم
وشدها وجلسوا قبل الكل وجعلها تأكل فجلس الكل ونظرت له عشق الصغيره بعشق ونظر رعد حس انها ممكن ان تغير لانه يجعل ايسيل تأكل
رعد بمزاح : كلي يا قلب امك شكلك هفتانه
الكل : هههههههه
رزان : بطل تقعد مع شغف كتير
كانت شغف سرحانه تنظر للاكل تارة ولايسيل تارة
رزان بصراخ : شغغغف
شغف بخضه : ايه
رعد : قومي بسرعه جهزي شنطتك القيامه هتقوم
شغف : حاضر في ثواني ووقفت ثم استوعبت فضحك الكل بشده
رعد : كلي من ده يا ايسيل
ايسيل بقرف : لا يا رعد يع ريحته مش حلوه
رزان وتأكله بشراسه : دا طعمه تحفه يا ايسو
وقفت ايسيل وذهبت للحمام تستفرغ بشده فذهبت ورأها عشق تسندها
عشق : مالك يا قلبي
ايسيل : مش عارفة يا ماما بقالي كام يوم بستفرغ كتير وبقرف من الاكل
عشق بفرحه : ممكن تكوني حامل
ايسيل بفرحه : بجد يا ماما يا رب يا ماما ادعيلي
عشق : يا رب يا بنتي روحي للدكتوره بكره وشوفي كده
ايسيل : كنت هروح مع رزان النهارده بس يمكن تكون راحت
عشق : ليه هي كمان
ايسيل : انت مش شايفه بتاكل ازاي
عشق : خلاص روحوا بكره عايزه اخبار حلوه
ابتسمت ايسيل ودخلوا للكل وطمئنتهم عشق انها بخير واخبرت رزان ايسيل انها لم تذهب فقرروا الذهاب في الغد وجلس الكل مع ايسيل وجعلوها تضحك ونجحوا بأن يجعلوها تنسي الالم التي تشعر به
***********************************
كده خلص الفصل الثاني عشر
بقلمي / سماء أحمد
*************
غرام الفهد
الفصل الثالث عشر
في صباح يوم جديد استيقظت ايسيل اخذت شاور وتوضأت ولبست ملابسها وادت فريضتها وذهبت مع رزان للطبيبه
الطبيبه : مبروك يا مدام رزان حضرتك حامل
رزان بفرحه : بجد يا دكتوره
ايسيل : مبروك يا روزه
رزان : الله يبارك فيكي
الطبيبه : اتفضلي معايا يا مدام ايسيل
وكشفت علي ايسيل وعادت جلست علي مكتبها
الطبيبه : مدام ايسيل ممكن تعملي التحاليل والاشعة دي
ايسيل : خير يا دكتوره
الطبيبه : كل خير ان شاء الله بس اعمليها الوقتي وهاتيها
اومأت ايسيل وبالفعل فعلت التحاليل والاشعة وانتظرت النتيجه هي ورزان ثم ذهبوا للطبيبه
نظرت الطبيبه للتحاليل والاشعه ونظرت لايسيل
ايسيل : في ايه يا دكتوره
الطبيبه : مدام ايسيل مبروك حضرتك حامل
ايسيل بفرحه : الحمد لله
رزان : مبروك يا ايسو
ايسيل : الله يبارك فيكي
الطبيبه : مدام ايسيل اسمعي اللي هقوله بانتباه
نظرت لها ايسيل ورزان بقلق
الطبيبه : حضرتك الافضل تنزليه لانك ضعيفه اوي وممكن هو يأذيكي وبعيد الشر وانتي بتولديه يمكن احم تموتي ونسبة نجاتك متزدش عن خمسه في الميه فالأفضل انك تنزليه واعرفي كل اما بتتأخري كل ما بيزيد خطوره علي حياتك واحمدي ربنا انك عرفتي وانتي لسه في الشهر الاول كده هنقدر ننزله بسهوله
مسحت ايسيل دموعها بأناملها ومسكت بطنها باليد الاخري
ايسيل : لا يا دكتورة انا مش هنزل ابني
الطبيبه : بس حضرتك كده بتموتي نفسك
ايسيل : انا عندي ايمان بربنا واللي فيه الخير هو هيقدمه شكرا يا دكتوره عن اذنك
ووقفت هي ورزان وذهبوا سويا
رزان : ايسيل انت ب.....
ايسيل بتنهيد : انت مفكره هخاف من كلام الدكتوره لا يا رزان وبعدين انا مر عليا حجات كتيره وكانت اختبارات من ربنا وانا متأكده ان ده اختبار وانا ايماني بربنا كبير
رزان : ونعم بالله
ايسيل : يلا بس اوعديني مش هتقولي لحد
رزان : بس ع الاقل فهد
ايسيل : اوعديني ارجوكي
رزان بحزن : اوعدك
ايسيل : واي متقوليش لحد اني حامل عايزه فهد اما يجي هو اللي يعرف اول واحد
رزان بابتسامه : حاضر
******************************
في غرفه رعد
رعد : انت متضايقه ليه
عشق بزعل : واللهي مش عارف
رعد : عشق واللهي ايسيل ذي اختي ومكلتش بقالها كم يوم
عشق : نعععم ايسيل
رعد : اي مش انتي ذعلانه عشان اتضايقتي اما انا اكلت ايسيل
عشق : ههههههه لا مش عشان كده وانا بجد كنت فرحانه بيك اوي اما حاولت تطلعها من حزنها
رعد : امال متضايقه من ايه
عشق : من السكرتيره السافله اللي عندك انا ارن واقولها اديني رعد تقولي رعد بيه في اجتماع اقولها ضروري تقولي مين اما قولتلها مراتك تقولي معقول رعد بيه الكيوت العسل يتجوز واحده صوتها زي جعفر عاااااا
رعد : هههههههههه مش قادر هههههههه
تضايقت منه والتفتت لتذهب ولكنها شدها لحضنه
عشق : بتضحك عليه ليه
رعد : قوليلها بعد كده انا صوتي جعفر بس بيعشقني
وداعب انفه بانفها وقال وبعدين انا مالي
عشق : مانت اللي مشغلها الله
رعد : لو عايزاني انقلها هنقلها بس حبيبتي متزعلش
ابتسمت عشق فاقترب منها وقبلها وبعد وضحك
عشق : بتضحك علي ايه
رعد : افتكرت اول مره بوستك
عشق : مانت كنت سافل اصلا وبعدين احنا مش كنا متفقين اننا بنكره بعض
رعد : مش عارف بس في حاجه كانت بتشدني ليكي اوي كل اما احاول ابعد خطوه القيني بقرب خمسه
عشق : سعات يا رعد بحسك مش بتحبني وانك بتعمل كده عشان عارف اني بحبك وسعات بحسك بتحبني اكتر ما بحبك
رعد : انا مش بحبك يا عشق انا بعشقك واوعي تفكري اني مش بحبك فاهمه
عشق : فاهمه.....صحيح مروحتش شغلك ليه
رعد : لا حابب اقعد معاكي النهارده
عشق : كسول
رعد : منا عارف وبحبك
*******************************
وصلت ايسيل ورزان الي القصر ودلفا سويا وجدا عشق تجلس وحدها فاقتربت ايسيل بهدوء وقبلت وجنتها
ايسيل : عشق الجميله مهما كبرتي هتفضلي حلوه حتي لو بقي عندك حفيدين او حفيدتين
وقفت عشق والتفتت لها بصدمه وفرحه ودموع واحتضنتهما الاثنين
ايسيل : ماما عايزه فهد يعرف قبل الكل محدش يعرف غيرك انتي وروزه تمام
اومأ الاثنين وقاطع كلامهم نزول عشق ورعد
رعد : ايه ده روزه وايسو
رزان : المستفز وصل
رعد : ايه يا روزه هدي اعضائك
الكل : هههههههه
رعد : عارفه يا ايسو نفسي اشوف عينك مفيهاش هم
ايسيل بابتسامه : ليه بس يا رعود الصغير منا بضحك اهو
رعد : بتضحكي بس مش بتوصل لعينك في الم يا جميل
ايسيل بمرح : ايه دا رعد الشافعي بيعاكسني
رعد بغمزه : ههههه اكيد مش زي معاكسه فهد الشافعي
عشق الصغيره : ههههههه البت بقت فراوله حرام يا رعد
رعد : يخربيت ضحكت القمر
رزان : هههههه عشق بقت فراوله
عشق وايسيل : ع فكره انت غلس ونظرا لبعضهما وضحكا
دخل رعد وعدي علي صوت ضحكاتهم والقيا سلامهم وقبلا جبين ويدي عشق وجلسا
رزان : نور هتنزل امته اوف واسد مش هيجي وشغف اتأخرت النهارده
عشق الصغيره : هرن علي نور بس ليه
رزان : اما يتجمع الكل
شغف وهي تدخل جريا : عووو انا جيت
ضحك الكل وكان اسد يأتي معها ونزلت نور
رزان : كله اتجمع
وقفت واقتربت من عدي الذي وقف فور رؤيتها فوقفت علي اطرافها وهمست في اذنه
رزان : قريب اوي هتبقي اب
بعدت عنه ليستوعب ثم حملها وظل يدور والباقي لا يفهم شيء
رعد الكبير بابتسامه : عشقي في ايه
عشق : رعد انت كبرت لدرجه هتبقي جد
سمعها الكل وفرحوا وبدؤا بالتهاني
كانت ايسيل تنظر للكل وتبتسم وتفرح لفرحهم لمحتها رزان وسط ضحكاتها تجمعت الدموع في عينيها فذهبت للحمام وقفلت عليها وبكت استغرب الكل رد فعلها فذهبت ايسيل ورأها
ايسيل : روزه اتأخرتي ليه......لم تتلقي رد......روزه انتي كويسه
فتحت رزان الباب وحضنتها وبكت
ايسيل : يا ربي كل اللي اعرفهم يعيطوا ليه دانا امنيتي ترزقني بعيله مرحه طب واللهي ما فيكم الا شغف ورعد انما الباقي نو كومنت بصراحه
بعدت رزان وضحكت بخفه
ايسيل وهي تمسح دموعها : بتعيطي ليه
رزان : خايفه عليكي
ايسيل : عارفه يا روزه انا في قلبي الم واصل لمرحله ان اللي الدكتوره قالته ميجيش عشره في الميه منه فمش فارقه وانا مستحيل افرق في حاجه من فهد ولو علي حساب حياتي......يلا نروحلهم
واخذتها من يداها وذهبت للعائله وجدت سحاب ويحيي فجرت علي اختها تحتضنها
ايسيل : وحشتيني يا سحاب
سحاب : وانتي اكتر يا قلبي معتيش بتيجي ليه
ايسيل : مانتي مش بتيجي.....ازيك يا يويو
يحيي : يويو ايه الله يخربيتك المهم فهد هنا
ايسيل : هههههه لاء
يحيي : طمنتيني اصله لو شافني بكلمك هيقتلني انا مش عارف الملاك دهو يتجوز الفهد ليه
انفجروا جميعا ضاحكين وجلست ايسيل بجانب اختها فتذكرت سحاب يوم تكلمت
فلاااش بااااك
في يوم اخذ فهد ايسيل لزيارة اختها بعد زمن ووصل الي قصر المهدي ولم تتحدث ايسيل مع احد سوا اشاره بوجهها فنزلت سحاب مسرعه تحتضنها
سحاب بدموع تنزل : وحشتيني يا ايسيل اوي مش بتجي ليه كده انا زعلانه منك اوي ومتضايقه انتي بعدتي اوي يا ايسيل
ايسيل بدموع وابتسامه : انا اسفه يا سحاب
كانت سحاب في صدمه وبعدت عنها ومسكت وجه ايسيل بيداها
سحاب ببكاء وضحك : قولتي ايه
ايسيل : وحشتيني اوي
سحاب : ههههه قوليها تاني
ايسيل : بس يا هبله اقول ايه هو احنا بنصور ولا ايه
سحاب : اتكلمي كمان
ايسيل : ههههههه مجنونه ع طول كده طيب خليكي عاقله ادامهم
سحاب : صوت ضحكتك حلو اوي وصوتك حلو اضحكي اتكلمي عايزه اسمعك يا ايسيل انتي بتسمعيني من زمان اوي عايزه اسمعك
وحضنتها وبدأت في البكاء
ايسيل : بطلي دراما يخربيت كده بكره المسلسلات الهندي
كان الكل فرحا لايسيل ولاول مره يروا هذه الفرحه علي سحاب
سحاب : بتفصليني منا كنت متقمصه الدور
ضحك الكل ثم جلسوا سويا
يحيي بخبث : ايه دا يا ايسيل صوتك جميل في العادي اكيد بتعرفي تغني
فهد وهو يضغط على اسنانه : اعدل كلامك يا يحيي
يحيي محاول كتم ضحكته : ايه يا عم اخت مراتي.... ايه ده يا ايسيل عيونك ما شاء الله روعه اول مره اشوف عيون كده زمرد يا ولاد
ضحكت ايسيل وكذلك الكل الا فهد
بيبرس بهمس لسحاب : خلي جوزك يلم الدور احسن فهد يقتله بكل برود
سحاب بهمس : للدرجادي خطير
ماسه وقد سمعت كلامهم : واللهي لو موته الوقتي متسبعديش
فهد بغضب : يحيي
يحيي : ريلاااكس يا فهودي
ايسيل : ههههههه
فهد : عجبتك دي
ايسيل : اصل الكلمه دي بتنرفز الواحد اكتر هههههه
يحيي : ايه الضحكه البريئه دي
طفح الكيل بفهد فوقف مسك يحيي من قميصه ولكمه
يعقوب : ههههههه ضروري يعني تذودها وقال ايه هشوف بيحبها ولا لاء
يحيي : الله يخربيتك دا قلب فهد بجد
ليث ببرود : سيبه يا فهد هو اي عاكس مراتك ومش قليل لاء كتير بس.......
يحيي : الله يحرقك انت بتولعها
ايسيل بهدوء : فهد ممكن تسيبه هو بيهزر ارجوك
تركه فهد : احمد ربك انها طلبت
انفجر الجميع ضاحكين
يحيي بألم : اهو ده اخر اللي يغيظ الفهد
باااااك
شغف : هههههه عرفت اللي حصل ليك من فهد بقا تلعب في النار
يحيي : انا اصدي اغيظه يقوم يضربني
سحاب : ههههه كان منظره تحفه وفهد ماسكه
قاطع كلامهم دخول الداده
الداده : رعد بيه في ست بره عايزه تشوف ايسيل هانم
رعد : ايسيل طيب دخليها
تفاجأ الكل بها ووقفوا بينما تقدمت سحاب
سحاب بعصبيه : انتي بتعملي ايه هنا مش ناويه تسيبي اختي في حالها
فايزه بدموع : ايسيل
تقدمت ايسيل بهدوء
ايسيل : سحاب اهدي.....حضرتك عايزه ايه
فايزه بدموع تنزل : انا امك قوليلي ماما
ايسيل بهدوء : حاضر يا ماما حضرتك عايزه ايه
فايزه : عايزه اقولك الحقيقه امك وابوكي هما...
سحاب بصراخ : اخرسي متقوليش حاجه
ايسيل بابتسامه : كنتي عارفه اني مش اختك
وقف الكل بصدمه
سحاب بصراخ : لا انتي اختي انا هي كذابه هي بتكذب يا ايسيل متصدقهاش ارجوكي
ايسيل بهدوء تام : اهدي يا سحاب ماما مش عايزه اعرف حاجة وانتي قولتي ماما وبابا ماتوا معتش ليا حد غير سحاب ارجوكي متدمرنيش اكتر
فايزه : ايسيل سامحيني انا كنت استغلاليه
ايسيل بابتسامه : ايسيل مش بتزعل من حد عشان تسامحه
فايزه : اوعدك يا ايسيل هرجعلك عيلتك وسعادتك
ايسيل : لا عيلتي دي وسعادتي معاهم مش عايزه اكتر
فايزه : بس في.....
ايسيل : لو كان عايزني كان دور عليا
انسحبت فايزه بهدوء وذهبت ولكنها قررت ان تعرفها من هي عائلتها
نظرت ايسيل للكل وجدت من يبكي ومن ينظر بحزن
ايسيل : ايه مالكم يا جماعة عادي اعتبروا ولا حاجه حصلت
سحاب ببكاء : انتي اختي سندي
ايسيل : مين قال غير كده.....عرفتي منين
سحاب : بابا مات بجلطه اما عرف انك مش بنته وقالي اخد بالي منك بس ميعرفش انك اللي اخدتي بالك مني وقالي اني مقولكيش عشان متتجرحيش
ايسيل : عادي لسه انا ايسيل وبابا هو سامي...نظرت الي رزان......مش قولتك في وجع اصعب
وجلست وتحدثت وكأن لم يحدث شيء وبعد وقت ذهبت سحاب ويحيي واستأذن الكل لكي يذهب الي غرفته
عشق : رزان
رزان : نعم يا ماما
عشق : عيزاكي دقيقتين
رزان : حاضر
واخذتها الي مكان حيث لا يسمعهم الكل
عشق : رزان ايسيل مالها وانتي ليه كنت بتبصلها ودموعك في عينك وبعدين مشيتي للحمام
رزان بتوتر : مفيش يا ماما
عشق : رزان انا خايفه علي ايسيل اوي
رزان ببكاء : ماما الدكتورة وبدأت تقص لها عن ما اخبرتها
تنهدت عشق بدموع تنزل واخبرتها انها بإمكانها الذهاب وجلست عشق تبكي كثيرا وقررت شئ
*****************************
سمعتهم شغف التي كانت تخرج لتجلب ماء ورجعت جريا تبكي بشده
كان غيث يرن علي شغف التي تنظر الي الفون ولا تجب حتي ملت من اتصالته المتكرره فردت
شغف ببكاء : الو
غيث : شغف مبترديش ليه انتي فين
شغف : مكنتش عايزه ارد
غيث : انتي بتعيطي
شغف بشهقات : غيث...عايز...ايه
غيث بقلق : مالك يا شغف
شغف : هههه قلقان عليا اوي طيب اسأل علي اختك اللي بتموت بالبطئ
غيث بصدمه : ايه
شغف : ولا حاجه سلام
وقفلت بدون سماع رد منه وقفلت الفون نهائي
شغف لنفسها : انا ليه قولت كده....بس يستاهل خليه يقلق عليها
************************************
في اليوم التالي تجمع الكل علي الفطار ونزلت ايسيل بمرح
ايسيل مقبلة وجنة رعد : صباح السكر علي احلي واحد في العالم
رعد الكبير : هههههه صباح الجمال علي احلي ايسو في الكون
ايسيل محتضنه عشق : ماااامااااا صباح العسل
عشق بابتسامة : صباحك جنه يا ايسو
ايسيل : انتم بقي كفايه عليكم صباح الخير
رعد : يلا يا بارده
ايسيل : ايه يا غلس
رعد : طيب شوفي مين هيوصلك الجامعه انا هوصل نور وعشقي وهسيبك هنا
ايسيل : هيهيهيهي لو والنبي توصلني....ايه يا بابا هو مفيش غيرك
اسد وهو يأكل : ايسو هوصلك انا
ايسيل : ولع يا رعد بقي هيه وذهبت لتجلس بين عشق ونور وتبدأ تأكل ولكنها تضايقت من الطعام وشعرت انها ستتقئ فوقفت بدون اكل
عشق : ايسيل انتي مكلتيش
ايسيل : نظرا لزياده المصاريف علي الطعام ويرجع هذا لاكل رعد الصغير كثيرا فيتوجب علينا نخف اكل شويه فقررت انا ايسيل فهد الشافعي عدم الاكل لاني بالاضافه الي طعام رعد الكثير شبعانه
رعد : امشي يا بت من ادامي انا اكلي كتير
ايسيل : ههههه ابدا دانت يا عيني دخلت علي اكل اسد اللي جنبك انا بقول كنت بتخف اكل ليه عشان مكنتش بتقدر تقرب من فهد
ضحك الكل
كانت عشق تضحك بشده
رعد الصغير : عجبتك دي اوي
عشق الصغيره : ههههههه اي اصل بصراحه معاها حق
ايسيل : ههههههه شكلك وحش
اسد وهو يقوم : نور عشق ايسو يلا ع الجامعه هوصلكم
ايسيل : اشطااا ياسطااا
اسد : هههههه مجنونه
رعد : ابقوا فكروني ارن علي مستشفي المجانين يجو يخدو ايسيل
ايسيل : عادي نروحها سوا اصلك بحاجتها اكتر وهمت بالخروج عندما رأته يقف ليجري ورأها
رعد : هههههه مجنونه......مفترسه هانم اخبار النونو ايه
رزان : يا غلس اسكت
عدي : ايه مبتسبش
رعد : لا صحيح لو جبت ولا تسميه رعد علي اسمي اشطااا
رزان : اكسكيوز مي لو ولد هسميه رعد علي اسم بابا مش علي اسمك فاهم
رعد الكبير : كفايه رعود هنسميه عاصم
نظرت رزان له وابتسمت بدموع علي طيبته فهو لا يكن الكره لوالدها علي الرغم من افعاله
عشق : مامتك اسمها ايه يا رزان
رزان : احم روز
عشق : الله روز عدي الشافعي واللهي جميل
رزان : مش فاهمة
رعد : يعني عندك مانع لو جيه ولد تسميه عاصم ولو بنت روز
رزان بدموع تنزل : كان نفسي بس اتحرجت اقول كده
عشق : بطلي هبل يا مجنونه دول اهلك وعلي فكرة عاصم في حياته ما كان وحش هو كان اناني بس انما لو كان قلبه اسود كان اذاني انا وحوريه بس هو مأذناش
رعد الصغير : ياااه مفترسه هانم بقت حزينه هانم
رزان : عاااا بارد
رعد : يارب اشوفك انتي وايسيل ارنبات في نفس الوقت وتخلفوا بالاربعه
رزان : ههههههههههه
رعد : دا فرحانه
عشق : رعد اتأخرت علي شغلك يلا
رعد : حاضر اماما.....شغغغغف
شغف : ايه يا عم براحه
رعد : صوتي مسمعتوش من الصبح
شغف : مفيش خايفه بس السنه دي
رعد : طيب يلا اوصلك
شغف : اشطااا
وقبلت وجنة اباباها وامها وكذلك رعد يداهم وجبينهم وذهبوا سويا
************************************
في الجامعه
وصل اسد الفتيات
اسد : عايزين حاجه يا حلوين
ايسيل وهي تغمض وتفتح اعينها عده مرات : الكلام الحلو ده لينا واكملت بغمزه ولا للحلوه اللي جنبك
اسد : ههههههه دانتي مشكله ليكم احم عايزه حاجه يا قلبي
نور : سلمتك يا روحي
ايسيل : يلا ننزل احنا يا عشق ولا هنشوف حاجات للكبار فقط
ضحك اسد وعشق
عشق : دا علي اساس اما فهد جيه وحضنك ورفعك ادام الكليه كلها كان ايه
ضحك اسد ونور بصوت مرتفع
ايسيل بخجل شديد : اوف باردين اوي ونزلت مسرعه من السياره
عشق : انزل انا كمان عشان بتكسف اشوف حاجات للكبار فقط هههههه ونزلت هي الاخري
نور بعدم فهم : هما كان اصدهم ايه
ابتسم بخفه علي برأتها واقترب وقبلها ثم ابتعد
اسد : دا اصدهم
خجلت نور بشده ونزلت مسرعه بينما هو فتح زجاج السياره ونظر لها ولتوترها وهي تمشي حتي لحقت بالفتيات فضحك وذهب
******************************
كده خلص الفصل الثالث عشر
بقلمي / سماء أحمد
*************
تكملة الروايه من هنااااااا
تعليقات
إرسال تعليق