 |
13_14_15
ايسل بحزن : التحقيق الي بينا اتقفل من زمان وانت الي قفلته ولا نسيت
ادم : طب ع الاقل متحكميش عليا قبل ما تسمعي دفاعي عن نفسي
ايسل بغضب : انا يمكن مبفهمش ف القانون زيك لكن الي اعرفه انك مش برئ وبعد اذنك انا عايزه اروح
ايسل جت نتحرك
ادم شد ايديها جامد وضغط عليها
ايسل: سيب ايدي
ادم بصلها ومتكلمش
ايسل: ايدي وجعتني سيبني
ادم ساب ايديها ورجع لورا
ايسل كانت هتمشي لكن رجعت خطوه لورا ووقفت قدامه وقالته : عمري ما هسامحك
ادم حط ايده ع راسه وايسل اتحركت من قدامه ومشيت
ادم رجع لعربيته وركبها وحط ايده ع الدريكسيون وبص ع ايسل وهي ماشيه من شباك العربيه واتنهد بألم وافتكر
(Flash back )
ادم : اتفضلي ياستي
ايسل: كل دي شوكليت ومن النوع الي بحبه
ادم : استني بس عليا نتجوز وهفتحلك مصنع شوكليت
ايسل: لا يا استاذ مش قبل ما اخلص الكليه وحضرتك تكون اتخرجت وتبقي ضابط قد الدنيا وامشي جنبك وانت ولابس البدله الميري والناس يشاوروا عليا ويقولوا حرم الضابط راحت وحرم الضابط جت
ادم : يسلام يعني لو مبقتش ضابط مكنتيش حبتيني ومش هتنجوزيني
ايسل: حبيبي انا بحبك من واحنا ف الحضانه ولو كنت اهبل حتي كنت هحبك بردو
ادم بهزر : مدلوقه اوي
ايسل نخذته ف كتفه : بقي كده طب خد الشوكليت بتاعتك وامشي يلا
ادم : اهدي بس بتقلبي بسرعه لي هوا انا الاقي زي ايسولتي فين
ايسل اتنهدت : اممم
ادم : قولي يتعبه قلبي معاكي علطول متمأمئيش
ايسل: ادم هوا ممكن والدك ووالدتك يوفقوا عليا
ادم: اي الي بتقوليه ده ، واي الي هيخليهم يرفضوكي ابويا وامي معندهمش غيري وسعادتي اهم حاجه عندهم وانتي سعادتي يبقي اي الي مش هيخليهم يوافقوا
ايسل: معرفش بس حسيت بكده
ادم : متفكريش ف حاجه انتي تخلصي كليتك وانا اخلص كليتي وتقعدي معززه مكرمه ف البيت انتي وطنط صفاء وانا اجي واجيب اهلي واخطبك ونتجوز بس كده
ايسل: يارب
ادم بهزر : بقول مدلوقه عليا مصدقتنيش
ايسل بمشاكسه : طيب انا ماشيه والله منا مكلماك تاني شوف مين هترضي تتجوزك
ادم : طب ولو لقيت الي ترضي
ايسل بغضب: خليها تنفعك
ادم: طب استني يهبله رايحه البيت من هنا مشيرا بيديه مش من هنا
ايسل بغضب : ميخصكش
back
عوده الواقع
ادم ضحك لما افتكر الموقف دا
"""""""
ف نفس الوقت ايسل مشيت والدموع بتنزل من عنيها تعبانه وبقالها يومين منمتش ولا اكلت
مره واحده لقت واحد بيشدها من ايديها ويقولها متيجي نوصلك ونوصل كلنا بدل ما تمشي لوحدك
ايسل شدت ايديها منه
مسك ايدها تاني وقالها: تعالي بس وهدفعلك الي تطلبيه ايسل ضربته بالألم ع وشه
بقي يبصلها وحط ايده ع وشه مكان الألم وعنيه احمرت
وايسل شافته كده طلعت تجري لحد ما وصلت لطريق مقفول وضلمه ومش عارفه تروح صرخت وبتبص لقت الشخص ده بيقرب عليها ولسه هيمسك ايدها لقت ايد قويه بتمسكه وبتلف ايده وتكسرها ونفس الايد بتشدها وبيقولها انا اسف مكنش المفروض اسيبك تمشي لوحدك ( طبعا ادم )
ايسل بخوف وعياط: ادم من فضلك ابعد عني
ادم : مقدرش ابعد عنك
ايسل بدموع منهاره : ماانت قدرت قبل كده قدرت تبعد عني ف اكتر وقت كنت محتجالك فيه اتخليت عني وسبتني لوحدي كان نفسي تكون جنبي امي ماتت وانا لوحدي نزلت اشتغلت واتبهدلت شفت ايام سوده واتحبست ف مخزن قديم خمس سنين ومبقتش قادره استحمل بقي خلاص راجع ليه ي ادم وراجع بعد اي مش انا الي كنت تعرفها انا مش انا البنت الصغيره الي مليت قلبها وعقلها ورسمتوا سوا احلام ورديه وبعدين لقت نفسها لوحدها ف كابوس الي قدامك دي واحده اتعذبت ف حياتها كتير وقوي واتكسرت واتحطمت كل حاجه جواها
ادم كان بيبصلها وبيسمعها من غير ولا كلمه لكن حقيقي كان في بركان ف قلبه ودموعه كانت اكبر شاهد ع كده
ف اللحظه دي وايسل ف عز انهيارها ادم قرب وحضنها وهي بقت تقاومه وتبعد عنه وحرفيا ايسل كانت تعبانه جدا واغمي عليها
ادم بلهفه: اايسل .. اايسل
""""""""""""""""""""""""
عند احمد ونور ف المستشفي
احمد بيفتح عنيه واول ما اتكلم نطق : ن نور
نور كانت جنبه طول اليل سهرانه ومسكت ايده اول ما شافته بيفتح عنيه وقالتله: انا جنبك
احمد ضغط ع ايديها اكتر وبصلها ونور قربت منه وباست جبينه وقالت : حمدالله ع السلامه يحبيبي
احمد : الله يسلمك يحبيبتي
فاتن دخلت علطول : احمد ابني حبيبي انت كويس دلوقت
احمد شاورلها بنعم وقالها متقلقيش ي ماما
وساره دخلت هي كمان وقعدت ع السرير جنب احمد وقالتله : حمد الله ع السلامه ي روميو
احمد بتعب: قوموا البت دي من جنبي لحد ما افوقلها
نور : بس ي احمد عيب
ساره : شوف مراتك زوق ازاي مش زيك
احمد حاول يقوم بتعب: اااه
نور : خليك مرتاح يا حبيبي
احمد : طب اضربيلي البت دي والنبي
فاتن: هتفضلوا ناقر ونقير لحد امتي انتو كبار عيب
ف اللحظه دي الباب خبط ودخل اسر صاحب احمد وزميل نور واحمد ف الجامعه
احمد : اتفضل ي اسر
اسر : خضيتني عليك معرفش غير من الاخبار والجرائد
فاتن شدت ايد نور وقالتلها شكل خبر وفاه فريد نزل ف الجرايد مش عايزين احمد يعرف دلوقتي ع الاقل لحد ما يخف
نور : متقلقيش ي طنط
احمد : هوا انا هخرج امتي ؟!
نور : تخرج تروح فين انت تعبان!
احمد : اهوا تعبي كوم واني اقعد هنا كوم تاني انا مش واخد ع قعده المستشفيات مش هقدر اقعد هنا
فاتن : ازاي بس يا ابني هنا في رعايه
احمد : لا منا بقيت كويس خلاص
فاتن : طب وجرحك ومين يغيرلك عليه
احمد بص لنور بنظره طفوليه: نور حبيبتي هتغيرلي عليه
نور : انا اا
احمد بطفوله: مش هتغيرلي ع الجرح!
نور : منا مش
احمد بطفوله: والنبي خرجيني مش عايز افضل هنا
نور ابتسمت : خلاص انا هقول للدكتور وخرجك ع مسؤليتي
احمد غمز: وهتغيريلي ع الجرح ها
نور بخجل : اايوا طبعا
""""""""""""""""""""
عند ايسل وأدم
ادم شالها واخدها ف عربيته ف شقتها وكسر الباب وحطها ع السرير
وطلع جاب دكتور وجه
الطبيب: هي تعبانه وواضح انها مكلتش من فتره وجسمها ضعيف وانا علقلتها شويه محاليل لما تخلص وتفوق لازم تاكل كويس وتنام كويس
ادم : شكرا يا دكتور تعبناك معانا
ادم دخل ع ايسل لقها نايمه ورغم كل تعبها وهدومها الي اتبهدلت والأيام الصعبه الي شافتها إلا انها نايمه وع وشها ابتسامه الاطفال
باصلها والدموع نزلت من عنيه وخرج وبص للشقه الي كانت حاجه تانيه زمان ودلوقتي التراب مغطي جدرانها وصوره صفاء والده ايسل الي العنكبوت مغطيها
وبدأ ينضف البيت بنفسه ويرتب كل حاجه ويشيل التراب وفضل يروق طول اليل لحد ما تعب ونام ع الكرسي الي جنب ايسل
ايسل صحيت من النوم وفتحت عنيها لقت نفسها ف اوضتها الي مشفتهاش من خمس سنين لقتها نضيفه ومترتبه كأنها سابتها امبارح وصوره والدتها جنب السرير ابتسمت بفرحه وبتبص لقت ادم نايم قدامها ع الكرسي الي جنب السرير ف الاول اتأملت وشه شويه وبعدين بغضب صرخت فيه
ادم قام من النوم مفزوع: في اي انتي كويسه فيكي حاجه اتكلمي
ايسل: اي الي جابني هنا وانت بتعمل اي هنا
ادم : اهدي بس عشان افهمك
ايسل: اطلع برا
ادم : حاضر
ايسل شالت المحاليل من ايديها ودخلت الحمام واخدت شاور وخرجت فتحت الدولاب واخدت بيجامه وخرجت من اوضتها للصاله لقت ادم قاعد فيها
ايسل بغضب : مش قلتلك اطلع برا
ادم منا خرجت اهو
ايسل : مش قصدي برا الاوضه قصدي برا البيت ولا حياتي كلها
ادم : صدقيني مش هقدر
ايسل: بس انا طلعتك برا حياتي من زمان
ادم بحزن : اديني فرصه تانيه
ايسل بغضب كفايه بقي
ادم : صدقيني هصلح كل الي عملته
ايسل: القلوب لما بتتكسر ما بتتصلحش
ادم اتنهد بحزن وخرج برا البيت
وايسل قعدت ف الارض تعيط بهستيريا ووجع
""""""""""""""""
احمد ونور رجعوا بيتهم
احمد خرج ع كرسي متحرك ونور هي الي بتشده ودخلتوا اوضتهم
نور سندت احمد ع السرير وجت تخرج احمد مسك ايديها
نور : أي هجيبلك الدوا
احمد باس ايديها برقه: انت الدوا
( دوائي ف عنيكي كل ما ابص فيهم ارتاح ) 💜🥀
نور ابتسمت بخجل وخرجت تجيب لأحمد الدوا
نور : ودلوقتي لازم تغير ع الجرح
احمد :ماشي
نور قل*عت احمد القميص وبقت عضلاته بارزه وشالت اللزق وحطتله مطهر ومرهم وحطت لزق تاني وايديها كانت بتترعش كل ما تشوف الجرح نور خلصت واحمد لاحظ انها بتعيط احمد شدها ومسح بأديه دموعها وقربها منه وحضنها
"""""""""""""""""
عند ادم
ادم احساسه بالذنب تجاه ايسل مخليه مش قادر يسبها لحظه طردته نزل قعد ف عربيته تحت بيتها كان متأكد انها هتنزل وانه هيشوفها
ايسل غيرت هدومها ونزلت عشان تروح المستشفي تسأل ع احمد ونور وأدم شافها
وقفت تاكسي وركبت وادم مشي بعربيته وراها وصلت للمستشفي ولما سألت ع احمد ونور عرفت انهم خرجوا راحت تتمشي ع النيل وتاكل حمص الشام ودا كان مكانها المفضل هي وأدم
ادم مقدرش يمسك نفسه وراح عليها وقعد جنبها
ايسل جت تمشي مسك ايدها
ايسل ضربته حته قلم لدرجه اثار ايديها طبعت ع وشه
ادم باصلها و .............
#نور
#الجزء_التالت_عشر
#بقلم هدي ناجي
اعذروني ع التأخير لكن الي جي عدي كل توقعاتكم😍 يتري ادم هيعمل اي ف ايسل بعد ما ضربته 😳واي سبب كرهها ليه كده
ادم باصلها والدموع اتجمعت ف عنيه وخرج مسد*سه
ورفعه ف وش ايسل وايسل كانت خايفه واتنهدت
وقالتله : اي عايز تقت*لني ماشي انا قدامك اضرب
ادم : ...............
ايسل بصراخ : اي ما تضرب مستني اي انت كده كده قتلت*ني من زمان
ادم كل دا حابس الدموع ف عنيه ومش بيتكلم لكنه ف
اللحظه في دمعه خانته ونزلت من عنيه دمعه بتشهد ع حبه لأيسل وضعفه
ادم نزل المس*دس وحطه ف ايد ايسل وقالها
ادم : خدي حقك ي تسامحيني يتقتل*يني
ايسل : شدت اجزاء المس*دس وجهزته
ادم واقف قدامها ثابت
ايسل حطت ايديها ع الزناد وصوبت وضربت
ادم كان مغمض عنيه وبعدين استغرب انه سمع صوت
الرصاصه ومع كده الطلقه مصابتهوش فتح عنيه لقي
ايسل ضربت الطلقه ف كوبايه حمص الشام والكوبايه بقت فتافيت ازاز صغيره ع الارض
ادم باصلها راحت عليه وفتحت ايده وحطت فيها المسدس
جه يتكلم ايسل حطت ايدها ع بوقه :ششش
ايسل : انا عارفه الي هتقوله وانا رديت عليك شايف
الكوبايه دي كانت قلبي والحمص الي كان مليها كان
حبي ليك وانا كسرتها زي ماانت كسرت قلبي تقدر
ترجع الكوبايه دي زي ما كانت رد عليا تقدر
ادم بحزن: لا
ايسل: يبقي متطلبش مني اسامحك
ايسل قالت الكلام ده ومشيت بسرعه كانت بتجري
وتمسح دموعها وتحط ايدها ع بوقها وتكتم صوت عياطها
وأدم فضل مكانه بقي يبص ع النيل ودموعه نازله
"""""""""""""""""""""""
عند نور واحمد
احمد ونور كانوا نايمين ونور كانت بتصحي كل شويه
تبص ع احمد وتنام تاني وصحيت ف مره لقت احمد
حرارته عاليا وبيخترف راحت جابت كمدات ساقعه
وفضلت تحطها ع جبينه والحراره برضو مش بتنزل
نور اتوترت ومبقتش عارفه تمسك اعصابها راحت
جابت كل الثلج وبقت تلفه بشاش وتحطه ع جبين
احمد وتحاوطه بأديها من الخوف واحمد اتنفض من
النوم فجأه فحضن نور ونور شدت ايده براحه وفضلت
سهرانه جنبه طول الليل تحوطله كمدات وطلع النهار
عليهم احمد بيفتح عنيه لقي نور جنبه ونايمه وحطه
ايديها ع جبينه احمد حاول يقوم من غير ما يصحيها
بس اول ما اتحرك هي فاقت وحطت ايدها ع جبينه
وقالت: الحمد الله الحراره نزلت
احمد باصلها: انتي منمتيش طول الليل
نور بنعاس: يعني
وكانت قايمه
احمد شدها: انتي رايحه فين
نور : هجهزلك الفطار عشان تاخد الدوا
احمد : ارتاحي انتي وانا هجهزه
نور : تجهز اي انت تعبان والدكتور محرج عليك الحركه
احمد : بس انتي تعبانه
نور : تعبك راحه يا حبيبي وكانت ماشيه احمد شد ايدها تاني
احمد باس ايديها: ربنا يخليكي ليا يا روحي
نور ابتسمت بخجل وراحت بسرعه ع المطبخ وجهزه الاكل وحطت ع السرير وبقت تأكل احمد بأديها
""""""""""""""""""""""""
عند ايسل
ايسل روحت واول ما دخلت من الباب قفلته وقعدت ع الارض وسندت ضهرها ع الباب وكانت دموعها مغرقه وشها وافتكرت
Flash back
ايسل: يعني اي
ادم : يعني مش قادر استحمل اننا بنخرج واحنا خايفين من كلام الناس لازم نتخطب ع الاقل دلوقتي ولما نتخرج نبقي نتجوز
ايسل: منا خايفه ماما ترفض وتقولي مفيش خطوبه قبل ما تخلصي دراستك
ادم : وهوا خطوبتنا هتعطلك عن الدراسه ف اي بقي يا ايسولتي
ايسل: انا بقول ماما هي الي مش هتوافق
ادم : انتي اقنعيها وبعدين احنا جيران من زمان وهي لما تعرف اننا بنحب بعض اكيد مش هترفض
ايسل : مش عارفه بس مش متطمنه
ادم : متخافيش من حاجه وانا معاكي
صفاء والده ايسل: دا يوم المني يوم ما افرح بيكي يا حبيبتي هوا انا هعيشلك العمر كله
ايسل : بجد يا ماما يعني اقوله يجي ويتقدملي
صفاء: ايوا طبعا ف اي وقت يشرفونا
يوم خطوبه ايسل وأدم
ايسل: لو قلتلك ان سعاده الدنيا كلها مش قد سعادتي النهارده هتصدقني
ادم : ومصدقكيش ليه اذا كان ده نفس احساسي
ايسل: ربنا يخليك ليا يا حبيبي
(Back :-) (عوده للواقع :-)
ايسل اخدت صوره والدتها وحضنتها وضمت ركبتها لصدرها بأديها وفضلت تصرخ وتقول : كداب كداب معندوش ضمير وغمضت عنيها بألم
(Flash back )
ايسل : انتي بتقولي اي ي حنين
حنين : والله زي ما بقولك كده ادم قاعد ف بار وحوليه بنات وشاكله سكران وحالته زفت انا فكرت اتصل بأهله بس انتي عارفه والده قد اي عصبي فقولت اكلمك انتي الاول
ايسل : طيب ي حنين انا هتصرف شكرا
ادم كانوا صحابه عايزين يحتفلوا بيه انه خلاص خطب وهيتجوز اخدوه وراحوا بار فألاول مكنش راضي
يشرب بس هما اصروا عليه وكانت اول مره يشرب
وفضل يشرب لحد ما سكر ع الاخر ومكنش شايف قدامه
وصحابه كانوا شاربين ومشغولين بمعاكسه البنات وهوا
كان قاعد ع البار وفي واحده رايحه قاعده معاه ايسل
دخلت وشافت المنظر ده وجريت عليه
ايسل : اي الي بتهببه ده يا ادم انت اتجننت
ادم بقي يبصلها وعنيه مش مركزه ولا سامع صوتها بقت تشده غصب
ايسل : تعالي معايا ياادم وأدم مش حاسس بحاجه
ايسل سندته : هي فين عربيتك
ادم : اي ع ر بي تي
ايسل بقت تخبط بأديها ع وشه فوق
ولقت عربيته واخدت المفتاح من جيبه وفتحت بيه
العربيه وركبته وأدم مكنش معاها خالص كان بيسوق ومش شايف
ايسل بصراخ : ادم حاااسب
ادم : وقف العربيه قدام شجره وحاول يدور العربيه
تاني العربيه مادارتش وكان المكان مقطوع وايسل
نزلت تدور ع حد يساعدهم فلقت اوضه صغيره راحت
عليها ع امل تلاقي حد لكن كانت فاضيه ولسه بتلتفت
عشان تخرج لقت ادم ف وشها جت تخرج شدها وزقها
وقعها ف الاوضه وقرب منها وقطع فستانها
وايسل : بقت بتصرخ بعلو صوتها ومحدش سامعها
المكان مقطوع وتضرب ف ادم وتخربشه بضوافرها
وأدم سكران لدرجه انه مش سامع صوتها ولا حاسس
بيها قاومته بكل قوتها لكنه كان اقوي منها ومرحمش ضعفها وقله حيلتها واغت*صبها😔😭
(Back ) عوده للواقع
ايسل لما افتكرت كل دا بقت تضم ركبتها لصدرها بأديها وتعيط بهستيريا وتحط ايديها ع بوقها تكتم صوت عياطها وفضلت كده لحد ما تعبت من العياط ونامت مكانها
( أردت انقاذك فأردت انت قلتي وكنت خيرا سندا لك وكنت خير محطم لي ) 🖤🥀
"""""""""""""""""""""""""""
عند احمد ونور
نور اكلت احمد واعطته الدوا
واحمد قالها
احمد : انتي لازم ترتاحي شويه انت مش بتنامي
نور : حاضر يحبيبي ان شاء الله
الباب خبط
نور : دا اكيد اسر انا كنت طلبت منه يجيبلنا المحاضرات الي
فاتتنا عشان نذاكرها سوا ومفيش حاجه تفوتنا لازم ننجح السنادي
احمد : إن شاء الله
نور راحت تفتح الباب ولما فتحت اتفاجأت انو مش اسر دا
شاب عنيه خضرا وطويل ونظراته كلها جرأه كان بيبص لنور
من فوق لتحت وكأنه اوشك انه يأكلها بنظراته ومقرب عليها
بجراه ونور رجعت خطوه لورا وهي بتقول : مين حضرتك
الشخص دا : هوا في كده
نور: شكل حضرتك غلط ف الشقه
الشخص دا : انا عمري ما اغلط ابدا
نور : ممكن حضرتك تقولي عاوز مين
قطعها احمد وقد اتحرك بكرسي المتحرك وبقي جنب نور
وبصله : فارس !!
فارس : بقي كده ي احمد متقوليش انك اتجوزت وبص لنور دا نا حتي ميفوتنيش واجب زي دا
احمد : معلش اصل كل حاجه جت بسرعه اتفضل ولا هتفضل واقف ع الباب
فارس : اه ايوا هتفضل طبعا
نور واحمد دخلو وفارس بيجر شنطته وراهم وبهمس : زوقك حلو هتفضل لحد امتي ي احمد تاخد الحاجات الي مش ليك
الحاجات الي بتعجبني انا عموما خلاص انا جيت وزي ما
اتعودت تاخد الحاجات الي بتعجبني انا مش هاخد غير حاجه واحده وابتسم بخبث : بس بكل حاجه عندك هاخدها و ............
#نور
#الجزء_الرابع_عشر
#بقلم هدي ناجي
تفتكروا ايسل ممكن تسامح ادم🥺😔واي الي هيجرا بين نور واحمد واي الي فارس ناوي يعمله 🤔
فارس ابتسم بخبث وبهمس وقال : بدأ العد التنازلي وعد عليا ي احمد هخلي ايامك الجايه كلها سودا وهنتقم منك بطريقه تخليك تختار الموت عشان اهون من الي هعمله فيك ودخل بعدها اوضته
""""""""""""""""
نور بهمس لاحمد : معرفتنيش عليه يعني
احمد : دا فارس
نور : اه
احمد : اي في حاجه بتوجعك !؟
نور : انا مبهزرش مين دا
احمد : فارس ابن عمي
نور : عمك ؟
احمد : اه بابا كان لي اخ عمي محمود بس مات من وانا صغير وانقطعت اخباره وبعدين مشفتش فارس دا غير وانا عندي ١٥ سنه كدا كان جي يطالب بابا بميراثه وبابا قاله انه ملوش اي حاجه وانه بني كل الحاجات دي لوحده وان هوا وعمي منعزلين عن بعض من زمان
نور : وطب ومامتك عملت اي
احمد : بصراحه ماما أكدت نفس الكلام بس الي انا متأكد منه انو مقتنعش
نور : وليه محكتليش الموضوع دا قبل كده
احمد : مجاش ع بالي وكمان دي المره الوحيده الي شوفته فيها وبعديها كان كلامنا تليفونات وبس وانا سمعت انو اعتمد ع نفسه واسس شركه واشتري فيلا
الي مستغربه اي الي فكره بيا دلوقت
نور : يمكن جاي يطالب بميراثه مره تانيه
احمد : معتقدش بابا مش هيديله حاجه ولو كان عايز يطالبه هيطالبه فين ف السجن!!
نور اتوترت: مهو مش ف ..... بص ي احمد انا يعني
احمد: ف اي مالك
نور : انا في حاجه مخبياها عليك وبقي لازم تعرفها
احمد : حاجه اي
نور بخوف: البقاء لله والدك توفي
احمد بصدمه : اي ... امتي ... وازاي
نور : لما كنت ف المستشفي جالنا الخبر وانا وطنط فاتن خفنا نقولك
احمد اتنهد ومشي بالكرسي ووقف جنب الشباك وبقي يبص من الشباك وعيونه دمعت
نور جت من وراه: احمد
احمد وهوا بيمسح دموعه : نعم
نور نزلت ع رجليها وبقت ف نفس مستواه وهوا قاعد ع الكرسي وقالتله: بتخبي دموعك مني انا ي احمد انا عارفه خبر وفاه والدك حاجه مش سهله بالنسبالك انا عشت الاحساس دا قبل كده وفهماه كويس كان عندي خمس سنين لما العربيه اتقلبت بيا انا وماما وبابا يمكن مكنتش فاهمه عمتي جت اخدتني من المستشفي كنت قاعده قدام اوضه العمليات مستنيه بابا وماما عشان نروح عمتي شدت ايدي وقالتلي تعالي نجيب لماما وبابا ورد عشان نفرحهم بيه لما يطلعوا واحنا ف الطريق بابا وماما راحوا عند ربنا ومش هيرجعوا وقتها مفهمتش بس فهمت لما كبرت
عشت طول عمري يتيمه اليتم ده مش وصمه هوا احساس والوحده والكسره والإحساس دا منتهاش غير لما عرفتك وحبيتك
احمد بحزن : مش بيوحشوكي
نور بدموع : اكيد بيوحشوني بس هما دايما معايا شايفني انا الي مش شيفاهم
ممكن كانوا بيقولوا بنتنا نور كبرت اهي ودخلت الجامعه وبنتنا نور بقت عروسه
ياه مكناش هنخترلها عريس احسن من كده
احمد قرب من نور وحضنها وهما الاتنين كانوا بيعيطوا وبعد شويه احمد بعد عن نور ومسح دموعها وهي بقت تمسح دموعه وباس جبينها وبعد شويه كدا وراح قالها: الله يا هانم كلامي مبيتسمعش
نور بتعجب : كلام اي
احمد : انا مش قلتلك مش عايز اشوف دموعك ابدا
نور : يسلام ماانت كمان كنت بتعيط
احمد : انا براحتي يهانم ولا نسيتي اننا راجل البيت
نور بضحك : ماشي اه يخويا وماله
والاتنين قعدوا يضحكوا
قاطعهم صوت فارس بينادي
احمد : يااه داحنا نسيناه بقولك اي يحبيبتي شوفي عايز ياكل اي وحضري الاكل دا بردو ابن عمي
نور : طب افرض انو كان فعلا جي عشان يطلب ميراثه
احمد : هقعد مع المحامي واشوف اي ميراثه واديهوله احنا استحاله ناخد حاجه مش بتاعتنا وفي حاجه كمان كنت عايز اقولهالك
نور : حاجه اي
احمد بطفوله : هقولك بعد ما تأكليني
نور : جعان يحبيبي
احمد : ايوا
"""""""""""""""""""""""""""
عند ايسل
طلع النهار ع ايسل وهي قاعده مكانها قامت ودخلت الحمام وقعدت ع الارض وفتحت الدوش وباقت الميه نارله فوقها وقامت وخرجت غيرت هدومها وعملت قهوه وقعدت ف البرانده وبقت تشرب القهوه وتبص من الشباك عنيها جت ع بيت ادم القديم والشارع الي شهد ع طفولتهم وايام المدرسه واتنهدت وفضلت سرحانه ف ذكرياتها
"""""""""""""""""""
عند احمد ونور
احمد ونور وفارس قاعدين ع السفره بياكلو فارس كان بيشاور ع الميه نور اخدت الكوبايه وبتديهاله حط ايده ع ايد نور وفضل باصصلها ونور
نور : احمم
فارس: اه اسف مأخدتش بالي
نور بصت ف الارض : و لا يهمك
احمد : انا هخرج انا ونور ورانا مشوار مهم ياريت لما نرجع تكون لسه صاحي لأن في موضوع مهم عايز اتكلم معاك فيه
خلصوا اكل ونور شالت الاطباق واحمد كان بيساعدها وبعدين دخلت اوضتهم وقعدت ع السرير واحمد دخل وراها
احمد: اي بتفكري ف اي
نور: لا ابدا مشوار اي الي هنروحوا
احمد : هقولك ف الطريق يلا غيري هدومك
نور غيرت هدومها
وخرجت ركبت الاسانسير مع احمد
وخرجوا ركبوا العربيه
نور : مش هتقولي بقي رايحين فين
احمد : هتعرفي مستعجله ع اي
نور واحمد وصلو لبيت ايسل الي هوا بردو بيت نور
نور بصت لأحمد برفع حاجب: هوا انا زعلتك ؟!
احمد : لا ليه
نور بحزن طفولي : امال ليه مرجعني بيت اهلي
احمد ضحك: بصي بقي احنا جايين هنا عشان ايسل البنت اتظلمت اوي وبابا ظلمها وحبسها ٥ سنين يعني مفيش حد او حاجه ممكن تعوضها عن الي بابا عمله فيها يعني ففكرت ازاي اعوضها واحاول اساعدها
كل حاجه تطلبها انا مسئول عنها ولو طلبت كل فلوس بابا مش كفايه عليها
نور بصت لأحمد : طب ليه مقولتليش من الاول وقعت قلبي
احمد : انا مش عارف اتكلم معاها ولا اقولها اي فأنني اتكلمي معاها لو عايزه اي حاجه قوليلها ياريت تعتبرني زي اخوها وتطلب مني كل الي تعوزه
ودي اقل حاجه اكفر بيها عن الي بابا عمله معاها وان شاء الله هحاول اوصل لكل الناس الي بابا اذاهم او اتسببلهم ف ضرر وهحاول اعوضهم
نور بصت لأحمد بفرحه وباست خده وقالتله انت اطيب قلب شفته ف حياتي اصلا انت كل حياتي
احمد ابتسم وبهزر: طب اي احنا ف العربيه مبتقوليش الكلام ده واحنا ف البيت ليه
نور نخذته ف كتفه
احمد : اااه طب خلاص اطلعي بقي شوفيها
نور : مش هتيجي معايا
احمد : مش عارف أقول اي مش هقدر وبعدين مش عايزها تقلق هي هتتكلم معاكي وهي مرتاحه اكتر
نور : زي ما تحب يا حبيبي
نور طلعت لأيسل الشقه وخبطت وايسل فتحت وقعدوا سوا يتكلموا
ايسل : أهلا وسهلا اتفضلي
نور : ياريت مكنش بزعجك لاني من غير معاد
ايسل: انا كان نفسي اشوفك كنت عايزه اتكلم معاكى يعني مش عارفه اتكلم مع حد ومليش حد اتكلم معاه دا يعني لو ينفع
نور : ايسل ممكن تعتبريني زي اختك انا مليش اخوات وتحكيلي كل الي جواكي انا اعرفك وكنا صحاب من قبل ما نتقابل يعني القدر كان بيجمعنا دايما احكي وفضفضي وطلعي كل الي جواكي
ايسل من غير مقدمات حكت كل حاجه لنور
نور دمعت: استحملتي كل دا
ايسل: استحملت حاجات اكتر من كدا
Flash back
ايسل فاقت لقت ادم نايم جنبها ومكنش قادره تتحرك وبقت تجمع هدومها وتغطي بيها نفسها وترتجف وأدم بدأ يفوق وحط ايده ع راسه بألم وفتح عنيه بتعجب من المكان الي هوا فيه وبيبص جنبه لقي ايسل اتنفض من مكانه ومبقاش مستوعب اي الي حصل وراح علي ايسل
ادم : اي الي حصل
ايسل بعياط بقت تصراخ
ادم بصراخ: في اي انا عملت اي اتكلمي قولي انا عملت ااااي وبص لهدوم ايسل المقطعه وشكل الاوضه والد*م والجروح الي ف ايده ووشه من ايسل وبقي هيتجنن ومسك راسه: لا مش ممكن انا لا ايسل ردي عليا وجه يحط ايده عليها ايسل صرخت بخوف وأدم حاول يهديها طلعت تجري ع الطريق وأدم بيجري وراها وبينادي عليها وايسل التفتتلو وكان في عربيه جايه بسرعه ايسل كانت التفتت وبصت لأدم والعربيه جت بسرعه وأدم بقي يصرخ ف ايسل تحاسب وهي باصه عليه وبتدمع والعربيه بسرعه من وراها وخبطتها وايسل اترفعت وبعدين وقعت ع الارض فاقده الوعي وغرقانه ف دم*ها
وأدم صرخ : ااايساال وطلع يجري عليها
واتنقلت المستشفي وأدم معاها دخلت اوضه العمليات وأدم وقف ع الباب مش مستوعب اي حاجه من الي حصل بقي يخبط دماغه ف الحيط ويعيط مش فاهم ولا حاسس هوا عمل اي كل الي فاهمه ان ايسل ف الوقت ده بتموت وهوا السبب
والده ووالدته جم في اي يا ادم
ادم بصدمه: انا انا اغتص*بت ايسل انا مش مصدق اننا عملت كده ايسل بتموت دلوقتي بسببي انا السبب ف كل ده
ابوه ضربه بالقلم واتكلم بزعيق : انت تخرس خالص انت عايز اي عايز تتدمر سمعتنا وسمعه العيله انا لواء سابق عشت حياتي كلها سمعتي كويسه مع الناس يجي عيل زيك يضيع كل الي بنيته وعاوز تدمر مستقبلك انت ناسي انت ف كليه اي هتترفد من الكليه وتتحبس ع اخر الزمن
الهام والدته بقت تهدي والده وتبعده عنه : ليه كده يأدم ليه تعمل كده
صفاء والده ايسل وصلت المستشفي وجريت ع ادم : طمني يا ابني بنتي جرالها اي عملت الحادثه دي ازاي اتكلم يا ابنى
ادم بدموع: انا المسؤول عن كل الي جرالها
والده شده: بتقول اي انت الظاهر ان الحادثه مأثره عليه
ادم بص لوالده واتكلم انا السبب انا الي ..
صفاء: انت اي ...
قاطعهم خروج الطبيب
صفاء طلعت تجري عليه : طمني يا دكتور بنتي مالها
الدكتور بأسف: بنتك للاسف اتعرضت للأغتصاب
صفاء الكلمه وقعت عليها زي الساعقه ووقعت ف الارض : لا انت بتقول اي
وبقت تعيط بصوت
ادم جري عليها: سامحيني يا طنط انا مكنتش ف وعيي والله مكنتش ف وعيي كنت سكران انا مش ممكن اءذيها وهصلح الي عملته
والده قرب وشده ووالدته بقت تعيط وتشده ووالده قرب من صفاء وقالها بنبره هاديه: انا مش عارف اقولك اي لكن صدقيني انا هحاول اعوضها باللي تطلبها
صفاء رفعت عنيها والدموع مغرقه وشها : تعوضها عن اي ... وشهقت بدموع عن شرفها
( بعض الكلمات رأيت فيها النور واخري رأيت فيها قبري )🖤🥀
ادم قرب: تعويض اي اللي بتتكلم عنه يا بابا انا
ابوه قاطعه : انت تخرس خالص تعالي وبقي يشده هوا ووالدته وخرج بيه من المستشفي وقال مش عايز اسمع صوتك لحد ما نوصل البيت.............
#نور ودا اسم الروايه
#الجزء_الخامس_عشر
#بقلم هدي ناجي
تفتكروا ادم اتخلي عن ايسل بأرادته واي الي ايسل هتحكيه لنور تاني واي الموضوع الي احمد عايز يكلم فارس فيه 🤔
تكملة الروايه من هنااااااا
تعليقات
إرسال تعليق