مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

شيء من الماضي ( احببت مجنونة 2)  P8

في بيت  هشام 

جودي في اوضتها قاعده بتقلب في تليفونها علي امل انه يكلمها لكن بدون. فايده 

جودي _ هو مش باعتلي اي رسايل ليه،  اكيد مشغول مع البنات اللي هناك ونسيني....   بسرعه كده اتخليت عني،  مش انا اللي كنت بتقولي عمري ما هتخلي عنك وهكون جمبك طول الوقت..  اهو انا دلوقتي محتجالك اكتر من اي وقت وانت مشغول مع البنات وسايبني،  اخص عليك انا زعلانه منك اوي وعمري ما هكلمك حتى لو اترجتني بردو عمري ما هعبرك   وفجاه بيوصل إشعار 

جودي بفرحه _ دا اكيد مارو وتتلاشي ابتسامتها بعد ما بتعرف انه مش هو وان يوسف اللي بكلمها

يوسف _ عامله ايه دلوقتي 

جودي _ بخير 

يوسف بتردد_ امم كويس انا بس كنت بطمن عليكي 

جودي _ متشكره 

يوسف _ مالك شكلك زعلانه 

جودي _ لا عادي مفيش حآجه 

يوسف بتردد_ هو انتي عرفتي؟! 

جودي _ ايوه بابا قالي 

يوسف بترقب _  وانتي رايك ايه 

جودي بخن'قه_ قولت رأي لبابا وهو هيقولكم،  انا لازم اقفل

يوسف بحيرة _ استني من فضلك 

جودي _ ايه 

يوسف _ حاسك مش مبسوطه انتي زعلانه اني اتقدمتلك 

جودي تفتكر مكالمتها مع مراد وبتحدي_ لا انا مبسوطه جداً وموافقه  واقولك حآجه كمان انا  عايزة نعمل الخطوبه بسرعه 

يوسف بفرحه _ بجد يا جودي انا مش مصدق نفسي 

جودي بنرفزه غير ظاهرة _ لا صددق انا موافقه ومبسوطه جداً جداً جداً 

يوسف _ بجد انا فرحان اووي انتي مش عارفه انا بحبك من امتي...  ا اقصد يعني عاوزك من زمان

جودي _ ربنا يخليك،  طيب  انا هقفل دلوقتي مع السلامه  

بترمي التليفون وتمسك شعرها وتعقد فيه بنرفزه_ مالو يوسف شاب جميل وبيهتم بيه هلاقي زيو فين، انا موافقه ومش هسالك علي رأيك يا بتاع  السكرتيره خليها تتفعك 

في الشركة 

مراد _ ضروري السفريه دي يعني ياعمي 

سليم _ اه طبعا والا صفقه كبيره هتضيع مننا  

مراد _ بس انا لسه مش فاهم حآجه وهلخبط الدنيا 

سليم _ لو في حآجه اهي جني معاك ولو حآجه صعبت عليكم كلموني 

مراد _ طيب ياعمي تروح وتيجي بالسلامة 

سليم _ الله يسلمك...  جني انا مش هوصيكي تاخدي بالك من كل حآجه،، وخليكي جمبه هو لسه جديد ومش فاهم الشغل كويس  

جني _ تمام يامستر متقلقش 

سليم _ شاطره  يلا مع السلامه  ويمشي

مراد _ سلام.....  نعمل ايه دلوقتي 

جني _ في ناس جايين كمان شويه لازم تقابلهم 

مراد _ جايين ليه 

جني _ شغل هو ايه اللي جايين ليه،  بس خلي بالك بلاش يحسو انك جديد ومش فاهم حآجه

مراد ببلاها_ يحسو اني جديد في ايه مش فاهم 

جني _ في  الشششغل نهار ابيض انت كده مش هتنفع لا انا هخلي مستر سليم يرجع 

مراد _ لا بلاش انتي بس فهميني اعمل ايه ومتقلقيش 

جني _ طيب  تمام،  الناس دول عاوزين شحنة من المنتجات اللي بنصنعها تمام 

مراد _ واحنا بنصنع ايه 

جني _ نهار اسو'د بقا متعرفش شغلكم من قديم الازل كان ايه مراااد انت هتشل'ني

مراد _ معرفش حآجه انا، هما دايما يقولولي استيراد وتصدير لكن بنصدر ايه ونستورد ايه محدش قالي  

جني _ بنصنع منتجات عنايه بالبشره والجسم وحفاظات الاطفال  واحيانا ادويه مقاويات 

مراد ببلاها_ يعني الهلوما دي كلها عشان نصنع حفاظات اطفال يع وانا بقا هقف ابيعلوهم حفاظات لا انا بقرف 

جني باستفزاز_ بتقرف دا علي اساس اننا بنبيعهم متعبين يعني ايه اللي بتقوله ده متقفلنيش 

مراد _ طيب خلاص اهدي وقوليلي انا هقول ايه وانا اقوله بالحرف 

جني _ اااازاي يعني ماهو الكلام لازم يكون راكب علي كلامهم انت فاهم،،،  تخيل قولتلك حآجه وهما كلامهم كان مختلف تماماً 

مراد _ بقولك ايه اطلعي بره دلوقتي 

جني بتحذ'ير _ طالعه بس لو الموضوع ده باظ انا مليش دعوه 

مراد _ ما تيجي تخد'يني قلمين احسن.  انا مديرك احترميني لا ارفدك 

جني بقرف_ انت حر ياخي ان شاءلله تفشل ولا يحصل ايه انا مالي عن اذنك وبتمشي وتسيبه 

مراد _ وربنا لا اخصملها 15 يوم 

وبعدين يا مراد هتعمل ايه في اليوم ده انا مش فاهم حآجه.... بس هو مشمصطفى اكيد هيعرف يساعدني في الورطة دي 

بيتصل بيه من تليفون المكتب  

مصطفى _ الو مين 

مراد _ انا يا درش عامل ايه 

مصطفى _ عاملك محشي هيعجبك اوي 

مراد _ ههههههههههههههه درش انا بدات احس ان امي معايا في البيت 

مصطفى _ امك يا اهبل طيب ايه رايك مفيش محشي 

مراد _ ههههه خلاص خلاص اسف بس علشان خاطري اقفل علي المحشي دلوقتي انا محتاجك 

مصطفى _ خير 

مراد _ في  عملاء جايين دلوقتي عاوزين كام طلب كده وعمي سليم  سافر وانا مش عارف اقول ايه في ايه 

مصطفى _ لا اجمد كده لازم تعرف 

مراد _ ايوه ماشي بس انا ابيض اوي ومش فاهم بجد ما تيجي توقف معايا 

مصطفى _ امممم طيب جاي ساعه وهكون عندك 

مراد _ حبيبي يا درش 

بيجهز مصطفى وينزل،، ويمشي من اتجاه ومي تيجي من الاتجاه التاني 

بتطلع لشقه وتخبط بس محدش بيرد عليها  ،  ف بطلع المفتاح وتفتح بنفسها.  بتدخل وتبص علي الشقه وتدور بعنيها يمكن يكون حد موجود،  

وبعدين بتدخل وتدور في  الاوض متلقيش حد ف تدخل المطبخ و تشم ريحه اكل معمول،  بتقرب من الحلل وتفتحها تلاقي محشي وفراخ مطبوخين 

مي بتعجب _ مين اللي عمل الاكل ده..  مراد خيبه مبيعرفش يسلق بيضه،  ومقليش ان في شغاله بتيجي تنضف وتطبخ..  معقول يكون الراجل اللي معاه هو اللي عامل كل ده  ....  اما نشوف حكايته ايه.  تبتدي تدور في البيت وبعدين بتلاقي شنطه غريبه ف توقعت انها تكون ليه 

مي _ اكيد الشنطة دي بتاعته انا لازم اشوف فيها ايه 

في الشركة 

بعد ساعتين 

مراد _ انت ازاي  كده طباخ ممتاز ورجل اعمال كمان،  متشكر اوي يا درش مش عارف من غيرك كنت عملت ايه 

مصطفى _ لا يا مراد انت لازم تتشد شويه اصلا الصفقه دي بسيطه بس لما تبان حما'ر ومش فاهم هيستقلو بيك لازم يكون في هيبه 

مراد _ حما'ر ههههه الله يسامحك حقك ما انا احتجتلك بقا 

مصطفى _ ههههه فرصتي علشان اذ'لك بقا.  يلا انا ماشي لسه معملتش السلطه 

مراد _ ههههه ماشي انا ساعه كده وجاي وراك

في مكتب ياسين 

ياسين بيتكلم في التليفون مع حد مجهول _ انتي لو عملتي اللي قولتلك عليه بالحرف هتشوفي اللي عمرك ما كنتي تحلمي

 بيه........ 

زي ما تحبي بس انتي تبلغيني كل حآجه وانا هرضيكي..... ههههه طماعه اوي، انا لا، اطلبي اي مبلغ وانا ادهولك بس انا مش بتاع حد فهماني ياحلوه يلا شوفي شغلك وبيقفل 

بيدخل عليه صاحبه ومساعده في الشغل 

رياض_ صباح الخير 

ياسين_ قول مساء الخير انت عارف الساعة كام دلوقتي 

رياض_ معلش نمت متأخّر امبارح 

ياسين_ اموت واعرف ايه سبب سهرك ده كله انا لو مش عارفك ملكش في الستات ومؤدب كنت شكيت فيك 

رياض_ ههههه لا ياسيدي اطمن انا بس كنت مشغول بخلص شوية حاجات كده وبعدين قعدت اكتب شوية اسطر جم علي بالي 

ياسين_ بيأكل عيش الشعر اللي بتكتبه ده ولا هو تضيع وقت وخلاص ياعم الشاعر فكك البنت اللي بتكتبلها الإشعار دي مفيش منها غير في الحور العين 

رياض_ ياعم سيبني احلم وخلاص مش يمكن الاقيها 

ياسين_ طيب ياسيدي، شوف، احنا محتاجين موظفين جداد اعمل اعلان وشوف حد كويس ينفع وياريت تنقيهم بنات ويكونو حلوين علشان انت عارف عصا'بة ريا وسكينه اللي برا دول قلبي بيتقبض لما اشوفهم 

رياض_ انقيهم؟! طيب حضرتك تفضل لون معين للعنين ولا الاسود والبني يمشي حالهم،،، انقي ايه احنا عاوزين ناس تشوف شغلها مش بنات يبسطوك 

ياسين_ خنيييق اقولك ايه اركن انت الواد انور هيعرف ينقي حآجه حلوه 

رياض_ انا مش فاهم انت بتطيق الواد ده ليه، دا منا'فق 

ياسين_ عشان كده بحبه ههههه بيحسسني اني ملك زماني وبيطبلي مش زيك 

رياض_خلاص ياعم ربنا يهنيكم اسيبك انا 

ياسين_ تمام ابعتلي انور وانت وماشي 

رياض بقرف_ طيب حاضر

ياسين_ ههههه حبيبي تسلم 

بعد شويه بيدخل انور 

انور_ King والكرسي ده معمول علشانك والله حبيبي كنت طالبني 

ياسين_ ههههه تعاله اقعد بلاش تطبيل احنا وحدنا 

انور _ بقولها من وراك مش قدامك والله انت عارف بحبك قد ايه أؤمور يا باشا 

ياسين_ انت عارف اننا محتاجين موظفين جداد، شغلتك دي 

عاوز موظفاات ها موظفات يكونو شاطرين وحلوين وحط تحت حلوين دي خمسين خط 

انور _ فهمتك حاضر عنيا بكره يكونو عندك

بيت هشام

هشام_ جودي تعالي 

جودي_ نعم يا بابا 

هشام_ انا هقول لعمك سليم اننا موافقين، لسه موافقه ولا غيرتي رايك

جودي_ لا يا بابا انا موافقه ومش هغير رايي 

هشام بفرحه_ الف مبروك ياحبيبتي 

جودي تبتسم ابتسامه مجامله ومتردش وتمسك تليفونها تشوف في رسايل ولا لا ولكن مبتلقيش 

هشام_ في ايه حد بيبعتلك ولا ايه 

جودي بشرود _ لا 

هشام_ امال كل شويه تبصي لتليفون ليه كده 

جودي_ مفيش بس كنت بشوف شوية حاجات عاوزه اشتريهم 

هشام_ ماشي حبيبتي 

بيت مراد 

مي بتفتش في الشنطه ومتلقيش حآجه غريبه  

مي_ مفيش  حآجه..  ياترا انت مين  وعاوز ايه من مراد،  لمي بقا قبل ماحد يجي

تبتدي تلم الهدوم تاني وبتمسك بنطلون ف بتحس ب حآجه  جواه.  بسرعه  بتدخل ايدها  جوه الجيب وطلع حآجه  من جواه...  بتكون  صوره  ف بتقلبها عشان  تشوفها،  

ف بتتصدم من اللي  شافته 

فلاش باك 

مراد _ وقفي عدل يا مي  عشان  الصوره  تظبط  

مي_ انا تعبت بقا دي مش صوره دي 

مراد _ خلاص اخر واحده بس ابتسمي 

مي بإبتسامة _ اهوووو يلا بقا 

مراد بيلقط الصوره وتلاقائي الصوره بتطلع برا _ ههههههههههههههه ايه المنظر ده

مي _ بتضحك ليه مالها الصوره وريني

مراد_ ههههه لا بلاش 

مي تشدها منه _ وريييني... وبصدمه ايه ده حرام عليك شوف بوقي عامل ازاي انا هقط'عها 

مراد يشدها منها ويحطها جوه المحفظه _ والله ما يحصل ههههه خلاص انا هتحفظ بيها عشان لما تشوفي نفسك عليه بعدين اوريها لابنك او بنتك لما يجو 

باك 

مي بذهول_ ايه اللي جاب الصوره  عند الراجل ده.... الصوره دي  مراد خدها معاه يعني هو اكيد يعرف هو فين دلوقتي.. استمرت حيرتها وفجاه الباب بيتفتح وبتلاقيه في وشها وتحس ان الدنيا بتلف بيها بقت بصالو وهي قاعده مكانها مش مستوعبه اللي هي شيفاه

مصطفى يشوفها  ويلف تاني عشان يمشي 

مي تقوم بسرعه وبرعشه_ مرااد 

مصطفى يكمل لكن هي بتروح وراه 

مي _ استني بقولك مراااد 

مصطفى يوقف مكانه وميقدرش يبصلها 

مي توقف قدامه وبذهول _ انت مراد؟!

مصطفى بتنهيده_ لا انا مصطفي 

مي بانفعال _ انت هتكد'ب عليه  كمان انت ايه رجعك تاني 

مصطفي _ انتي  فاهمه  غلط  انا مش اللي  ف بالك  

مي تبصله بغيظ وبعزم ما فيها تضر'به بالقلم _ ولما انت مش  هو ايه مقعدك مع  ابني وفجاه بتسمع  صوت مراد 

مراد _ مامااا انتي عملتي  ايه ازاي  تمدي ايد'ك عليه 

مي بتوقف مكانها وهي  مش  عارفه  تقول  ايه 

مصطفى بارتباك _ معلش هي فكرتني حر'امي بس هي مدتنيش فرصه افهمها 

مراد_ ولو مهما حصل مكنش ينفع تمد ايد'ها عليك 

مي بارتباك شديد_ مين ده وقاعد معاك ليه 

مراد_ ده مصطفى صاحب بابا اللي حضرتك اهنتيه 

مصطفى_ خلاص يا مراد هي معذوره انا همشي 

مراد_ لا طبعا مش هتمشي 

مي بغض'ب _ وهيقعد يعمل ايه طالما انا جيت دا راجل غريب مينفعش يقعد معانا 

مراد_ ماما خلاص كده

مصطفى _ عندها حق يا مراد، خلاص انا همشي وهكلمك بعدين عن اذنكم وبيمشي علي طول 

مراد يبص لامه بعدم رضا وق'هر _ انتي عارفه الراجل ده بقا بنسبالي ايه في يومين، الله يسامحك. ويدخل جوه البيت ويسيبها 

مي توقف مكانها و ببكاء _ انت متعرفش حآجه

تاني يوم 

مراد بيصحا يلاقي مي قاعده في  الصاله وبزعل _ صباح  الخير  

مي _ صباح  الخير ياحبيبي عامل  ايه دلوقتي  

مراد  من غير نفس _ كويس  

مي _ انت لسه  زعلان  

مراد _ وازعل ليه انتي  عملتي  حآجه  تزعل 

مي _ يابني احنا  نعرفه منين ده علشان نقعده معانا،  عمك هشام  قال ملهوش صحاب بالاسم  ده يعني  اكيد  نصا'ب

مراد _ انتي عارفه ان النصا'ب ده قالي  حاجات  عن بابا عمري  ما سمعتها منك،  انا  مش  عارف  انتي  بتعملي  كده  ليه 

مي بصدمه_ قالك  ايه عنه

مراد _ قال اللي  قالوه مش  مهم تعرفي،  عن اذنك  انا  رايح  الشغل 

مي بحز'ن_ ياحبيبي  الله  يخليك  متتعبش قلبي  بقولك  دا نصا'ب وانت  زعلان من امك بسببه معقول؟! 

مراد بانفعال_ ازعل  مزعلش ليه وانتي  مصره تخليني زي الا'عمي معرفش  حآجه  ،  ممكن  اعرف  ليه  مقولتليش ليه علي  موضوع  انت'حار جدتي ومعاملة جدي ليها هي  وبابا قولي  انك مكنتيش  تعرفي  

مي بتنهيده _ مكنتش  عاوزه  ازعلك او اخليك تعرف  الحاجات  دي علشان  نفسيتك متتعبش زيه اكيد  قالك  انه كان  تعبان ودخل مصحه بسبب الموضوع ده 

مراد باندهاش _ مين ده  اللي  دخل مصحه 

مي تحس انها عكت الدنيا_ مفيش  حد 

مراد _ لا انتي  قولتي  انه دخل  المصحه تقصدي مين....  بابا صح 

مي تبص بعيد  ومتردش

مراد _ ماما قولي  ف ايه كده كده  انا  هعرف من مصطفى  

مي _ خلاص  اعرف  منه وقولي  عشان  انا  معرفش  كل حآجه 

مراد _ براحتك خالص عن اذنك

بحب اووي اقرا التوقعات قولولي توقعاتكم ايه

شيء من الماضي ( احببت مجنونة 2) p9

بيت هشام 

الباب بيخبط وبتروح جودي تفتح  

جودي بفرحه تترمي في حضنها_ موكا عندنا حبيبتي وحشتيني 

ملك _ وانتي كمان ياقلب موكا كبرتي يابنت وبقيت عروسه  

جودي_ وحشتيني  اوي  اوي،  عامله ايه وردينا فين مجتش ليه  

ملك _ جايه ورايا بس بتقطعلكم في  الورد 

جودي _ ههههه مجنونة بالورد طول  عمرها،  تعالي تعالي يا ماماا شوفي مين جه 

ياسمين بفرحه _ ملك حبيبتي حمدالله علي السلامه وحشتيني  

ملك _ قال يعني بتسألي انتي ولا جوزك 

ياسمين _ غصب عننا والله انتي عارفه  ،  تعالي اتفضلي  

ملك امال هو فين  

ياسمين_ راح  الشغل وهيرجع بسرعه  

جودي _ طيب  انا  هروح اجيب الصفره اللي  هتخلص الورد  

ملك _ اجري بسرعه والا مش هتلاقي فيهم ورده واحده

ياسمين _ هي رودينا جت معاكي 

ملك_ ايوه طبعا شبطت فيه انتي عرفاها بتحب جودي اوي،  المهم انتو عاملين ايه 

ياسمين _ بخير الحمدلله ياحبيبتي 

جودي بتتسحب براحه عشان تخض رودينا اللي عماله تقطع في الورد 

جودي _ بوووم امسك حر'اااامي 

رودينا _ بسم الله الرحمن الرحيم خضتيني يا جز'مه 

جودي _ ههههه  بقا تروحي للورد قبل ما تسلمي عليه يا عر'ة بنات العمه 

رودينا _  انا غلطانه قولت ادخل عليكي بالورد،  ههههه

جودي _ حر'اميه بس غلبتيني،  يلا في حضن اخوك يا فواز 

رودينا تحضنها_ ههههه وربنا وحشتيني اوي دا  انا وحشني الرغي بتاع زمان والسهر مع بعض 

جودي _ طيب يلا تعالي نروح اوضتي عشان ناخد راحتنا احنا ونرغي

رودينا _ ماشي  يلا 

جودي _ صحيح فين شهاب مش شيفاه معاكم 

رودينا بغيظ _ اسكتي كويس مجاش واد سل'يط السان وربنا كر'هني في  الاخوات بالمره 

جودي_ انتي اللي مفتر'يه هو طيب 

رودينا _ اه طبعا هو انتي جربتي يلس'عك قفا انتي وماشيه في الرايحه والجايه،  قدامي في نهارك المهبب ده قال طيب قال 

جودي _ ههههه ياساتر انتي بقيتي عصبيه كده ليه  

رودينا _ من كلامك يختي يلا اطرقي خلينا نرغي 

جودي _ ههههه ماشي  يلا

في مكتب هشام 

هشام بيتكلم علي التليفون_ كنت متصل اقولك اننا موافقين   

سليم بفرحه _ ياسلام علي الاخبار الحلوه،  طيب  بكره  هجيلك انا وهو علشان نتكلم 

هشام _ ماشي ياسليم تشرف في انتظاركم 

في الشركة  

بيدخل مراد وهو مش طايق نفسه 

زينه _ صباح الورد يا استاذ مراد 

مراد يمشي من غير ما يرد عليها  

وهي تهر'ي في نفسها_بقا كده مبتردش عليه 

جني تدخل وتبصلها بقر'ف _ عاوزه ادخل ل استاذ مراد يا مدام زينه 

زينه _ بت انتي اوعى في حياتك تقولي مدام دي تاني

جني بقرف_ طيب ممكن يا طنط تقولي للاستاذ مراد  اني هدخل 

زينه _ اوووف استني....  استاااذ مرااد جني عاوزه تقابلك تحب ادخلها لحضرتك 

جني تبصلها بقرف وهي مضايقه من طريقتها 

زينه بتقليل منها _ روحي 

جني _ الله يخليكي ياخالتي 

زينه لنفسها _ البت دي عاوزه تربية اما وريتك مبقاش انا زوزو 

جني _ صباح الخير 

مراد بزهق_ صباح النور تعالي 

جني _ مالك على الصبح 

مراد _ مفيش،  كنتي عاوزه ايه 

جني _ كنت جيبالك الورق ده تمضيه 

مراد _ هاتي.  بياخد منها الورق ويمضي من غير ما يقرا 

جني _ ايييه اللي بتعملو ده 

مراد بزهق_ في  ايييه يا جني بمضي الورق اللي طلباه 

جني _ كده من غير ما تقرا طيب  ابقا فكرني المره الجايه امضيك علي كل اللي حيلتك طالما مبتقراش اللي بتمضي عليه 

مراد _ ههههه ضحكتيني والله،  ماشي  انتي  صح بس مفتكرش انك بتغفليني يعني 

جني _ غيري ممكن يغافلك الله يخليك ركز 

مراد _ ماشي هاخد بالي بعد كده 

جني _ ماشي.  ع فكره مستر سليم كلمني وقالي جاي النهارده بالليل 

مراد _ يرجع بالسلامه 

جني _ وحاجه تاني ممكن اخد اجازة النهارده 

مراد _ ليه انتي تعبانه ولا حآجه 

جني بفرحه طفوليه_ اصل عقبال عندك الواد يوسف هيخطب قريب وانا مشفتهوش بقالي مده عاوزه اروح اغلس عليه شويه

مراد  _ بجد الف مبروك وعقبالك انتي كمان  

جني _ الله يبارك فيك 

مراد _ طيب يلا روحي  عشان تلحقي توصلي بدري 

جني _ اوك باي....  وبتمشي 

مراد يدور بالكرسي ويفتكر جودي اللي مكلمهاش من يومين _ ياترا عامله ايه،    انا مكنش لازم اقفل دلوقتي كان لازم اطمن انها خفت علي الاخر تلاقيها دلوقتي زعلانه مني 

بس غصب عني والله ياجودي كان لازم ابعد فترة، بس خلاص انا هروح واكلمها وكفايه كده 

ياترا انت فين دلوقتي يا مصطفى انا مش عارف اكلمك باي وش بعد اللي حصل 

بيت هشام 

جودي ماسكه التليفون وكل شوية تبص عليه ومش  مركزه مع رودينا اللي بتكلمها 

رودينا _ انتي  معايا ولا مركزه في  المخروب ده

جودي _ لا معاكي قولي وبتبص تاني لتليفون 

رودينا تخطف منها التليفون _ ما توريني ايه واخدك مني  

جودي _ لا هاتي رودينا بطلي رزاله وهاتي التليفون  

رودينا _ استني لا اضر'بك..  ايه المحادثه دي بقا 

جودي تبص للارض وتسكت 

رودينا تقرا شوية من المحادثة _ مش  ده مراد جاركم بردو 

جودي بتنهيده _ ايوه هو  

رودينا _ انتو زعلانين ولا ايه  

جودي _ لا عادى 

رودينا باهتمام _ لا ازاي دا انتي باين عليكي زعلانه اوي كمان،  انتو زعلتو ليه قوليلي 

جودي بخن'قه _ تصوري قدر يبعد عني وفي عز تعبي و ما كلمنيش من يومين 

رودينا _ خلاص يغو'ر وبكره يجيلك سيد سيده زي ما بيقولو 

جودي _ اييه سيد سيد مين انتي فهمتي ايه ده صاحبي وزي اخويا يعني مش اللي في بالك 

رودينا _ لا ياااشييخه بقا دي محادثه اخوات انتي  هتشتغليني يابت 

جودي _ مش بشتغلك دي الحقيقه 

رودينا بحيره_ وانتي مقتنعه بالموضوع ده يعني بجد شيفاه اخوكي 

جودي _ وايه الغريب في كده 

رودينا _ يعني مفيش اخوات بيحبو بعض بشكل ده عندك انا مثلا لو بأيدي كنت رم'يت شهاب من البلكو'نه 

جودي _ ههههه طيب انتو مجا'نين احنا لا 

رودينا بجديه _ جودي حبيبتي والله ده مش حب اخوات،  انتي بس خايفه تعترفي لنفسك عشان طول الوقت بتتعاملو على اساس اخوات 

جودي بتنهيده _ انا هتخطب يا رودينا 

رودينا _ نعم لمين ان شاءلله 

جودي _ ابن صاحب بابا 

رودينا بحيره_ طيب ومالك مش مبسوطه كده هو انتي مغصو'به عليه  

جودي عنيها تدمع_ لا بس انا زعلانه عشان كنت عاوزه اخد رايه الاول ويساعدني في  القرار ده بس هو نسيني خلاص،  تصوري نسيني اول ما راح شغله وقابل السكرتيره... 

رودينا _ دا العريس؟!  

جودي بانفعال _ مراااد مراد، عريس ايه 

رودينا تبصلها برفعة حاجب _ اخوااات اخوات يعني مفيش كلام طيب اتوكسي 

جودي _ بت امشي من اوضتي مش طيقا'كي 

رودينا _ مابلاااش انا لو مشيت من هنا مش هرجع تاني وقال اللي ضيعنا مره بالقصد مش هيلقينا تاني بالصدفه

جودي بنرفزه_ اااطلعي لا اضر'بك 

رودينا _ انتي حره بس افتكريها وبتطلع 

جودي _ بت متخ'لفه حتى انتي هتعملي زيهم

رودينا تفتح الباب وتدخل راسها_ ها حنيتي ولا لسه   

جودي متقدرش متضحكش_ ههههه تعالي تعاااالي دا اللي جايه بينه هيكون سو'اااد بسببك 

رودينا _ يابنتي انا محدش يقدر يبعد عني فينتو ثانيه 

جودي _ فينتو ايه 

رودينا _ فينتو ثانيه ايه مسمعتيش احمد حلمي هو وبيقولها 

جودي _ لا معناها ايه دي 

رودينا _ معناها جزء م.... معقول الهيافه توصل بيكي انك تسألي علي فينتو الثانيه،  سيبك سيبك و وريني صور اخوووكي مووووراد 

جودي بإبتسامة _ دقيقة واحدة،  اهو ايه رأيك

رودينا _ اوووو يااااه اووووه بقا موز خر'بيته بقولك ايه طالما انتو اخوات ما تخدميني يرضيكي بقيت 21 سنه ولسه مرتبطتش ارتبطايه واحده 

جودي بتوتر_ خديه لو تقدري توقعيه 

رودينا _ ومقدرش ليه طيب ايه رايك ان انا هتخطب معاكي في نفس اليوم اصله مش ممكن يقاوم جمالي مش كده ولا ايه

جودي تضحك من غيرنفس _ ههههه 

رودينا بخبث_ ضحكتي يبقا هتظبطيني معاه 

جودي بغيظ_ امشي اطلعي من هنا 

رودينا _ طيب بليز خليني اخود الفون اتفرج في صورة شويه 

جودي تاخد منها التليفون _ امشي يابت لا اضر'بك 

بيت مراد 

مراد بيفتح تليفونه واول حآجه بيدخل علي شات الواتس بتاع جودي بيلاقي رسايل كتير منها وبيرد عليها 

مراد _ ام لسان عامله ايه دلوقتي 

جودي بتكون قاعده جمب ملك وياسمين ورودينا وسايبه تليفونها في الاوضه

مراد _ مش بعاده تتأخر في الرد راحت فين دي 

مي _ تتعشا ياحبيبي 

مراد _ لا متشكر 

مي _ انت لسه زعلان 

مراد _ انتي ايه رايك 

مي_ طيب اعمل ايه يرضيك 

مراد _ مفيش حآجه تقدري تعمليها دلوقتي،   انا مش مجراء اكلم مصطفى بعد اللي حصل امبارح 

مي _ طيب انا ممكن امشي الليله وانت هاتو تاني طالما هتكون مبسوط 

مراد _ لا طبعا متفكريش كده ايوا انا زعلان بس مش لدرجة اسيبك تمشي،  وبعدين انا مبسوط انك. جيتي 

مي بفرحه _ ربنا يخليك ليا ياحبيبي 

مراد يقوم يحضنها _ متزعليش منى انا عارف اني بتجاوز في الكلام معاكي بس غصب عني 

مي بتفهم _ انا فاهمه ومش بزعل منك 

مراد _ ربنا يخليكي ليا ياغاليه 

مي _ ويخليك ليا ياقلب امك 

مراد _ طيب معلش هدخل ارتاح شويه 

مي _ اتفضل ياحبيبي نوم الهنا 

بيدخل مراد اوضته وهي بتقعد تفكر في حاله 

مي _ طالما ابوه رجع اكيد هيعرف باي طريقه انا مش عارفه لما يعرف هيكون رد فعله ايه..  

بيت  هشام 

هشام بفرحه_ حمدالله علي السلامه اخيرآ حنيتي علينا وجيتي 

ملك _ كنت عاوزه اجي من زمان بس شلبي كان رافض 

جودي _ مين شلبي ده يا موكا 

ملك _ اقصد جوزي 

رودينا تهمس ل جودي _ هي كده لما بتكون زعلانه  منه بتقول عليه شلبي 

جودي بهمس_ ههههه واضح انها بتعزه اوي 

رودينا _ يختي  لو تشوفي الهنا والسعادة اللي عايشين فيها 

جودي _ بتكد'بي

رودينا _ طبعا  بكد'ب ههههه 

ياسمين _ اتلميتو علي بعض بتتوشوشو في ايه انتي  وهي 

رودينا _ أبداً يا طنط انا بس بقرصها في ركبتها عشان احصلها في جمعتها ههههه اسكوتي يابت ياملك مش جودي هتتخطب 

ملك _ اااخص عليكم ومتقولليش 

هشام _ الموضوع لسه في اوله والله يا ملك،  النهارده بس بلغنا بموافقتنا 

جودي بحزن مخفي _ يعني خلاص قولتلهم 

هشام _ ايوه وبكره جايين هو وابوه 

ملك _ الف مبروك ياحبيبتي ربنا يتمم علي خير 

جودي بإبتسامة باهته _ الله يبارك فيكي،  طيب  عن اذنكم جايه تاني  

رودينا تبص عليها وهي عارفه انها مش مبسوطه 

ياسمين لنفسها _ انا عارفه انك مش عاوزاه بس انتي اللي عملتي كده في نفسك 

رودينا _ هروح وراها عن اذنكم  وبتمشي 

جودي واقف قدام المرايا وهي مخنو'قه 

رودينا بحنيه _في ايه  

جودي  _ مفيش حآجه 

رودينا _ ازاي مفيش،  احكيلي مالك 

جودي _ مفيش يا رودينا انا كويسه 

رودينا تمسك تليفونها وتدهولها_ كلميه 

جودي _ هو مين 

رودينا _ مراد 

جودي _ قولتلك قافل تليفونه وحتي لو فاتحه خلاص مبقتش محتاجه اخد رأيه في حآجه 

رودينا _ طيب خليكي براحتك وبتطلع وتسيبها 

وهي تمسك تليفونها وكالعاده تدخل على الواتس تشوف الشات وهي عارفه ان مفيش رسايل  منه 

لكن بتتفاجيء لما بتلاقيه باعتلها 

مراد _ ام لسان عامله ايه  

جودي تبص شويه وهي متردده ترد ولا لا لكن بتلاقي رساله تانيه وصلت

مراد _ كنت مستنيكي 

جودي _ ومستنيني ليه 

مراد _ وحشتيني مقدرتش مكلمكش 

جودي ببكاء _ بعد ايه لسه فاكر تكلمني 

مراد _ مالك في ايه انتي  لسه  تعبانه  ولا ايه 

جودي _ طيب كويس انك عارف اني كنت تعبانه وبرغم كده سبتني وقفلت تليفونك 

مراد _ غصب عني والله 

جودي _ مين اللي غصبك عاوزه اعرف، انت بتتلكك عشان تبعد واحده واحده 

مراد _ طيب  اخرسي مين قالك كده،  انا كنت ناوي اقفل اسبوع  كامل ومقدرتش هما يومين وفتحت علشانك انتي  

جودي _ بعد ايه بقا خلاص اقفل تاني  

مراد _ في ايه يا جودي زعلانه من ايه مش معقول يكون الزعل ده كلو عشان قفلت التليفون  

جودي _ معرفش بقا يلا انا هقفل عندنا ناس  وبتقفل الداتا وترمي التليفون بانفعال وتطلع من الاوضه 

وهو بيبعت تاني لكن مفيش رد وبيلاقيها قفلت ويبعتلها رساله اخيره

مراد _ جودي طمنيني انا قلقت بجد،  يااابنتي... 

وبيفضل سهران طول الليل يبعتلها لكن هي مبتردش 

تاني يوم 

في الشركة 

مراد بيدخل المكتب وبيقابل زينه 

مراد _ ابعتيلي جني علي مكتبي 

زينه بعدم رضا_ جني؟  ...  هي مجتش النهارده 

مراد _ طيب  هاتيلي رقمها 

زينه بغيظ لنفسها _ هي  ايه الحكاية بظبط جني جني هو مفيش غيرها  ولا  ايه 

مراد بجديه_ سمعتيني 

زينه _ ايوه  يافندم  حاضر  هجبهولك 

بعد  شويه بتجبهوله 

زينه _ اتفضل 

مراد _ متشكر  اتفضلي وبيطلب الرقم بس بيطلع موجود  عنده....  ايييي ماهو موجود،  الله  يسامحك  يا جودي لخبطتيني 

بيتصل ب جني  

مراد _ ايوا يا جني  خير مجتيش ليه النهارده  

جني _ اعذرني يا مستر بس انا النهارده رايحه مع بابا ويوسف للعروسه 

مراد _ اه طيب  تمام  ولا  يهمك،  باركي ل يوسف بنايبه عني  

جني بفرحه _ حاضر يوصل سلام 

مراد يقفل معاها ويفتح الواتس عشان يبعت لجودي اللي مبتردش عليه 

مراد _ طيب وحيات ربنا لو ما رديتي لا هكون جاي عندك دلوقتي..

لكن مفيش رد بردو 

مراد _ انا هتصل ب ماما يمكن  تعرف  في  ايه 

مي _ الو 

مراد _ ماما متعرفيش اخبار عن جودي 

مي _ لا ليه  انت سمعت  حآجه  

مراد _ لا بس بكلمها مبتردش 

مي_ طيب ياحبيبي  انا  هكلم ياسمين  دلوقتي  اشوف  هي عامله  ايه واقولك 

بيت ياسمين  

ياسمين _ ايوه يامي عامله ايه 

مي _ الحمدلله كويسه،  عامله ايه انتي  وجودي 

ياسمين _ بخير الحمدلله هتيجي امتي ولا عجبتك القعدة هناك 

مي _ يومين  كده وهاجي 

ياسمين _ تيجي بالسلامه  حبيبتي  

مي_ الله  يسلمك،  قوليلي اموركم تمام جودي خفت ولا لسه 

ياسمين _ اه الحمدلله بقت كويسه 

مي _ طيب  تمام  حبيبتي  انا حبيت اطمن عليكم بس 

ياسمين _ تسلميلي  ،  

مي _ مع السلامه حبيبتي  

بتقفل معاها  وتتصل ب مراد  

مراد _ ايه يا ماما طمنيني  

مي_ كلهم كويسين وجودي  كمان  كويسه 

مراد بحيره_ امال في ايه بس 

مي _ متقلقش هي كويسه بس يمكن مش فاضيه ترد

مراد _ طيب  ياماما اسيبك ورايا  شغل كتير  

مي_ ماشى حبيبي  مع السلامه 

مراد يقعد يفكر وبعدين يقوم ويمشي من المكتب من غير ما يقول هو  رايح  فين 

بالليل 

 جودي قاعده علي السرير وبتبكي 

رودينا _ يابنتي  هو حد  غصبك  عليه من ساعة ما مشيو وانتي  قافله علي نفسك 

جودي ببكاء _ معرفش بقا

رودينا _ طيب  تحبي اروح  اقول  لخالي انك مش  عاوزاه 

جودي _ لا لا مينفعش  بعد  ايه 

رودينا _ طيب ما تدي لنفسك فرصه مش يمكن  تحبيه 

جودي _ يمكن بقا 

رودينا بحب _ حبيبتي قوليلي في حد تاني طيب 

جودي _ لا مفيش  

رودينا _ ولا  حتي  مراد

جودي تبص بعيد ومتردش 

رودينا _ اممم طيب  انا  هسيبك  مع نفسك  شويه وبعدين  نتكلم  ..  بتمشي وتسيبها وتقفل وراها الباب

جودي لنفسها _ احبه طيب  ازاي  دا حتي  لو حبيته هوريلو وشي ازاي  هو  في اخت تحب اخوها،  اكيد  هما غلطانين انا  مبحبهوش 

وفجاه بتلاقيه داخل  من الشباك 

مراد يوقف ويبصلها وهو شا'يط 

جودي _ انت جيت تاني  ليه امشي  رودينا زمانها جايه  

مراد يمسكها من  دراعتها بعن'ف وبانفعال_ مقولتليش ليه

جودي _ مراد الله  يخليك  امشي  دلوقتي  ونبي  

مراد  _ مش همشي غير  لما  تفهميني ده حصل  ازاي،  وازاي وفقتي من غير ما تقوليلي 

جودي ببكاء _ كلمتك كتير بس انت مردتش عليه 

مراد بعصبيه _ يبقا مكونتيش توافقي غير لما تكلميني وانا  اقول  توافقي ولا  لا،  ولا انتي خلاص مبقاش ليكي كبير  

جودي بانفعال_ ملكش دعوه ماشي ملكش دعووووه امشي  اطلع برا قبل  ما حد  يجي  

مراد _ مش  همشي وهطلعلهم دلوقتي  واقولهم انك مش  هتجوزيه محدش ليه حكم عليكي غيري انا اقول  تجوزي او لا انتي  فاهمه 

وفجاه تدخل رودينا وتشوفه في  الاوضه  

رودينا _ ايه اللي بيحصل وايه جابه هنا  دا

يتبع تكملة الروايه من هنااااااا