 |
شيء من الماضي ( احببت مجنونة 2) p6
مراد نايم علي السرير وباصص لسقف بحيره_ هما اكيد غلطانين هو في اخ يحب اخته بردو، ايوه انا بهتم بيها وبزعل لو حصلها حآجه وبكر'ها لو حد اهتم بيها غيري، بس ده لأني عيشت معاها عمري كله وحاسس انها مسؤله منى، ودا احساس اخوات ملوش علاقه بالحب، اوووف. معقول يقدرو يشوشو علي تفكيري ويخلوني احتار بشكل ده.
تاني يوم
ياسمين بفرحه_ احسن النهارده
جودي _ اه الحمدلله،
هشام _ حمدالله على سلامتك ياحبيبتي
جودي بإبتسامة _ الله يسلمك ياغالي
يوسف بإبتسامة _ ايوه كده ابتسمي خلي الشمس تطلع
هشام _ الله دا بيعاكسك قدامي ولد عيب
يوسف بتلبك_ انا اسف والله مش قصدي انا بس حبيت الطف الجو
جودي _هههههه بابا بيهزر معاك
يوسف بخجل _ ايوه انا فاهم
هشام _ عاكس براحتك ما انت ماسبتناش لحظة من امبارح
ياسمين _ ربنا يحميك يا يوسف والله انت جدع
يوسف _ ربنا يخليكم
جودي تبصله بإبتسامة_ صح يا ماما يوسف جدع وطيب اوي
هشام يبصلها برفعة حاجب_ حقيقي يوسف طيب؟
جودي بتلبك _ معرفش
هشام بخبث _ هو فعلا جدع وصاحب واجب،، اخته بقا
يوسف بعدم رضا_ اختي؟!
ياسمين بخبث_ ايوه ونعم الاخ يا يوسف ههههه
هشام _ يلا بقا نشوف الدكتور اذا ممكن تخرج ولا لا
يوسف _ انا هروح وحضرتك خليك معاهم
هشام _ ماشي ياحبيبي
ياسمين _ ربنا يحميه لشبابه حقيقي راجل جدع
هشام _ وانا رايي كده، ولا ايه يا جودي
جودي بكسوف_ اللي تشوفه
بيت مراد
مراد _ صباح الخير يا درش
مصطفى _ صباح الورد خير على فين على الصبح كده
مراد _ رايح الشغل زمان عمي سليم مستنيني
مصطفى _ والشغل يلبسوله كدا تيشرت نص كوم و بنطلون جينز؟
مراد _ امال البس ايه دا اول يوم ليه ومعرفش بيلبسو ايه
مصطفى_ لا مينفعش، لازم بدله
مراد_ بس انا معنديش دلوقتي عمري ما لبستها
مصطفى_ طيب ايه رايك ننزل نختار احسن بدله عشان تروح بيها
مراد بفرحه _ موافق طبعا
مصطفى _ طيب يلا بينا
في محل الملابس
مصطفى بيختار بدله سوده وشيك خلت مراد يكون شبه رجال الاعمال
مصطفى يبصله بفرحه _ شكلها حلو اوى عليك
مراد _ كله بفضلك انا مكنتش هعرف اختار حآجه مناسبه
مصطفى _ مبروكه عليك، دقيقة وراجعلك،
مراد _ اتفضل، وهو بيتفرج على الهدوم، ف بيشوف فستان ناعم لونه ازرق سماوي مختلط بالون الابيض، جت على باله جودي
مراد بإبتسامة شارده_ اكيد هيعجبها اوي.. بياخدو ويروح يدفع تمنه
مراد _ كم تمن الفستان والبدله دول
الشاب_ الفستان ده ب 500 والبدله خلاص اتدفع حقها
مراد باستغراب _ مين دفع
الشاب_ والد حضرتك
مراد يبص ل مصطفى اللي واقف بعيد بشرود_ بس ده مش بابا
الشاب _ انا اسف بس هو شبه حضرتك بدرجة كبيره
مراد يسرح للحظات ويبص ل مصطفى ويقارن بين شكله وشكل مصطفى.. حقيقي في شبه؟!
الشاب_ شبه كبير اوي
مراد بتعجب _ بتحصل، طيب اتفضل ده تمن الفستان وخلي الباقي علشانك
مصطفى _ ايه رأيك فى القميص ده
مراد _ حلو اوي بس انت ليه دفعتلي تمن البدله
مصطفى _ اعتبرها هديه
مراد _ ماشي متشكر وان شاءلله مردوده اممم تعرف ان الشاب الي هناك كان فاكرك بابا
مصطفى بارتباك _ اشمعنا
مراد _ بيقول اني اشبهك
مصطفى _ ممكن، يخلق من الشبه اربعين... بس قولي ايه الفستان ده
مراد بتلبك_ د ده لجودي
مصطفى _ اوووه ذوقك حلو اوي اكيد هيعجبها
مراد بإبتسامة _ هي مبتعرفش تختار من غيري ف حبيت اعملها مفاجأة
مصطفى _ اااه ونعمه الاخ دي اكيد بتحبك اوى علشان متقدرش تختار من غيرك
مراد بارتباك _ بتحبني؟
مصطفى بخبث _ ايوه بتحب اخوها
مراد _ غريب انت يادرش كلامك يحمل معني تاني وبتلف وتدور انت عاوز تقول ايه
مصطفى _ عاوز اقول ان مفيش اخ بيحب اخته بشكل ده
مراد _ يعني ايه
مصطفى _ ولا حآجه
مراد بانفعال _ متلونش الكلام انت فاهم غلط صدقني هي زي اختي وبس انا تعبت ابرر لناس هي بنسبالي ايه
مصطفى _ الله! وانا قولت حآجه. بس ع فكره انت لو واثق من موضوع انكم اخوات مش هتبرر لحد ويمشي ويسيبه ليقف مراد تايه بين أفكاره
مصطفى_ هتفضل واقف عندك كتير
مراد_ هه، جاي جاي
في المستشفي
هشام_ طيب طالما لسه مش هتخرج غير اخر اليوم، انا هروح الشغل وارجع بعد ساعتين
ياسمين_ ممكن تخدني معاك اروح اغير مش طايقه هدومي
جودي_ هتسبوني لوحدي
ياسمين_ مش هنتاخر اناهرجع بسرعه
يوسف_ انا هقعد معاها يكون رجعتو
هشام_ اهو ياستي يوسف هيقعد معاكي
جودي _ طيب بس متتأخروش
ياسمين تبوسها _ حاضر ياحبيبتي، يلا باي
يوسف_ بيحبوكي اوى دا انتي ماشفتيش شكلهم امبارح وهما مرعو'بين عليكي
جودي بحب _ حبايبي ربنا يخلهملي
يوسف بإبتسامة_ ويخليكي للي بيحبوكي
جودي بخجل_ متشكره
يوسف بتردد _ ممكن سؤال
جودي_ اسأل
يوسف بتردد شديد_ انتي حبيتي قبل كده
جودي بضحكه _ ههههه لا بتسأل ليه
يوسف باهتمام وخوف من الاجابه_ امال مراد بنسبالك ايه
جودي بزهق _ انا قولتلك قبل كده ان مراد اخويا لزمته ايه السؤال ده تاني
يوسف _ معرفش ليه بحس ان في حآجه بينكم
جودي بانفعال_ يوسف متزعلنيش منك مينفعش تقول كده، عمرك شفت اخوات بيحبو بعض متخلنيش اتلخبط او اسمح لنفسي اعيد تقييم مشاعري تجاهه وانا طول عمري عايشه معاه علي انه اخويا
يوسف بفرحه_ انا اسف متزعليش خلاص ماشي هسأل تاني
جودي بعدم رضا_ سيبني طيب
يوسف_ اسيبك ازاي مقدرش افرض عوزتي حآجه
جودي_ معلش سيبني لوحدي شويه
يوسف_ حاضر وبيقوم ويمشي
جودي بشرود _ ليه مصممين يدخلو دماغي افكار مينفعش افكر فيها، مصممين يخلوني اشوف مراد بشكل تاني، مستحيل دا يحصل مراد اخويا وهيفضل اخويا،، بس هو فين دلوقتي انا بجد محتجاله اوى، ارجع بقا عشان خاطري، وتغمض عينيها لتنزل منهم دامعه سا'خنه
في مكان اخر
مراد سايق العربيه، وفجاه بتيجي علي باله جودي وقلبه يقولو ان في حآجه
مراد_ ايه مالك ما تهدي هيكون مالها يعني مش كلمتها بالليل وكانت كويسه... اه بس مكلمتنيش النهارده؛ يكون حصل حآجه تاني.... انا هكلمها مش هقدر اصبر لما هي تكلمني ... بيمسك تليفونه ويفتح الواتس
مراد_ ام لسان عاملة ايه دلوقتي
جودي تفتح عنيها علي صوت الاشعار وتمسك التليفون تلاقي رسالة منه بتفضل باصه شويه وهي شارده بتفكيرها ازاي الصدفه دي وهي لسه كانت بتفكر فيه ومحتجاله معقول يكون حس بيها
جودي باستغراب_، انت كلمتني ازي
مراد_ يعنى ايه كلمتك ازاي، كلمتك علي الواتس
ياسمين بتأثر_ تعرف انا كنت بفكر فيك وكنت بتمنا تكلمني، وقبل ما ابطل تفكير انت بعتلي
مراد بشرود لنفسه_ يمكن عشان كده حسيت بلقلق عليها
جودي_ مراد روحت فين
مراد_ هنا... طيب تصدقي اني حسيت بيكي علشان تعرفي اني بحس
جودي_ انت هتقولي ما انا عارفه
مراد_ يارب يتمر، ها عامله ايه دلوقتي
جودي_ زفت
مراد_ مالك
جودي بانفعال_ بص انا متعودتش اخبي حآجه عنك، بس بجد انا مخنو'قه وكل اللي حوليا بما فيهم يوسف هيجننو'ني
مراد بنرفزه_ مالو سي ز'فت ده
جودي بتنهيده_ كلهم مش يوسف بس، مصصمين يلخبطوني ويشوشو علي افكاري
مراد_ عملو ايه
جودي _ مراد مش احنا اخوات بجد ولا في حآجه تانيه
مراد بارتباك_ ايه اللي حصل
جودي_ اللي حصل ان كل شويه يقولولي ويلمحو ان في مشاعر غير الاخوه بيني وبينك وقال ايه احنا مش عارفين، حقيقي ناس تش'ل، انا بكره كلامهم ده وبكره نفسي لما دماغي تحاول تفكر في كلامهم اللي ميدخلش عقل
مراد يسرح وميردش عليها
جودي _ انت روحت فين انا بكلمك
مراد بجدية _ جودي مستمحيش لحد يلخبطك انا وانتي عارفين مشاعرنا كويس واحنا مش صغيرين عشان منفهمش احنا حاسين ب ايه
جودي _ عندك حق
مراد _ طيب سلام بقا علشان وصلت الشركه
جودي _ مراد؟
مراد _ ايوه
جودي بتنهيده _ متغبش كتير علشان خاطري حاول ترجع بدري
مراد _ مش هتأخر حاضر خلي بالك من نفسك
جودي _ حاضر... ويقفلو المحادثه
في الشركه
سليم بيتكلم في التليفون
سليم_ اخيرا يا يوسف، حاضر ياحبيبي بس هي تخف وانا هكلم هشام اكيد مش هيرفض
يوسف _ ياريت يابابا
سليم بخبث_ دا انت بتحبها بقا
يوسف بخجل _ لا انا مبحبهاش بس انا شايفها مناسبه مش اكتر
سليم _ ههههه ماشي ربنا يتم علي خير، زي ما قولتلك هي تقوم بالسلامة وانا هكلم ابوها
يوسف بفرحه _ طيب يا بابا عن اذنك هروح اشوفها هي قاعده لوحدها
سليم _ ماشي ياحبيبي مع السلامه... بيقفل الخط وبيلاقي مراد داخل عليه
مراد _ صباح الخير ياعمي
سليم باعجاب_ صباح النور، ايه الشياكه دي اول مره اشوفك بالبدله
مراد بإبتسامة _ قولنا نلبس حآجه مناسبه لشغل بقا
سليم _ حلوه اوي عليك، طيب تعاله اتفضل هوريك مكتبك
مراد _ ماشي اتفضل حضرتك
بيمشو داخل الشركه وفجاه بنت جميله بتوقفهم
جني _ بابا عاوزة تمضيلي علي الورق ده ضروري
سليم_ اول حآجه احنا قولنا مفيش بابا في الشغل، وتاني حآجه هاتى اهو الامضاء يستي
جني _ اسفه نسيت
مراد_ انتي جني
جني_ ايوه انا انت مين
مراد_ دي مش فكراني خالص
سليم_ هتفتكر منين دي كانت صغيره تقريبا 11 سنه قبل ما تسافر
جني بتذكر_ انت كنت بتيجي مع جودي عشان تلعبو معايا صح
مراد_ ما شاءلله ذكرتها قويه ههههه ايوه انا
جني بفرحه_ طبعا فكراك انت متتنسيش كنت رزل اوي
سليم_ ههههه حبيبت ابوها بتحدف دبش
مراد _ ههههه فعلا ودبش من الكبير كمان
جني_ اسفه مش قصدي
سليم_ طيب ياستي احب اقولك ان الرزل ده هيبقي المدير علينا كلنا، يعني شوية نفا'ق عشان يخلينا في الشركة
مراد_ ههههه متقولش كده انتو صحابها وانا جاي ضيف
سليم_ حبيبي تسلم. ماشي اتفضل مع جني هي هتعرفك مكتبك وتعرفك علي الموظفين
جني_ وانت هتروح فين ما انت عارف اني انا مش فاضيالو دلوقتي
مراد_ مش فضيالي، طيب مخصوم منك خمس ايام
سليم_ ههههه بنت احنا مش قولنا ننا'فق شويه اهو اتخصملك من اول ساعه
جني_ ههههه انا اسفه، تعاله اتفضل
مراد_ عن اذنك يا عمي
سليم_ بلاش عمي وبابا هنا قولو مستر سليم تمام
مراد_ حاضر يا مستر سليم
جني_ حاضر يا مستر
سليم_ يلا اتفضلو
مراد_ انت بتشتغلي هنا من امتي
جني_ بقالي سنتين
مراد_ طيب ودراستك عملتي فيها ايه
جني_ عارفه اوفق بينهم الحمدلله، بس قولت اشتغل بدري بدري علشان اخد خبره وهو مش فاضل غير سنه واتخرج
مراد_ ايوووه دا احنا مش قدك بقا، جدعه والله
جني _ متشكره، اتفضل اول حآجه هعرفك علي الموظفين وبعدين السكرتيرره
مراد باستغراب_ ومالك بتقولي السكرتيرره بقرف كده
جني بقرف_ هتعرف دلوقتي تعاله اعرفك علي الموظفين وبعدين نختم بيها عشان نفسك متتسدش بسرعه
مراد _ ههههه الظاهر انها مضيقاكي اوي
جني_ الحقيقة هي مضا'يقه الشركه كلها مش انا لوحدي
مراد_ ربنااا يستر
بيلفو في الشركة ويتعرف علي الموظفين وبعدين بيروح مكتبه ويقابل زينه السكرتيره
مراد اول ما بيشوفها بوقه بيتلوي تلاقائي
مراد لنفسه_ ايه اللبس ده وايه المكياج ده كله انتي بتروحي لكوافير ولا راجل محاره
زينه بمياعه تمسك بوكيه الورد وتروح ل مراد _ نورت مكتبك يا مراد بيه
جني بقرف_ مش قولتلك انها لطيفه لحقتي تجيبي ورد امتي
زينه بقرف _ اسفه ملقتكيش عشان اخد منك اذن اجيب ورد ولا لا
مراد_ متشكر يا انسه.... اسمك ايه
جني_ مش انسه اسمها مدااام زينه اصلها اطلقت اربع مرات وسبحان الله كلهم كانو صحاب شركة
زينه بغيظ _ انا مش هرد علي واحده زيك
مراد_ ايه بقا من اولها كده، اتفضلي علي مكتبك يا مدام زينه
زينه بمياعه_ تقدر تقولي يا زوزو من غير اي تكليف
جني بقرف_ لا ازاي دا حتي احترام الناس الكبيره ادب بردو
مراد يكتم ضحكته _ خلاص بقا اتفضلي دلوقتي وبعدين نشوف موضوع الاسماء وبيروح مكتبه ويسيبها
جني تمشي وراه وتبصلها من فوق لتحت بقرف
زينه بدم شا'يط _ البنت دي مش متربيه انا هعرفك شغلك ماشي
مراد_ جني مش عاوز اي جدال في المكتب هنا انتي مضايقه منها ليه دي حتي مسليه زي البلياتشو ههههه
جني_ ههههه عندك حق
مراد بجدية_ خلاص كفايه ضحك واتفضلي دلوقتي
جني_ حاضر يافندم وبتمشي
مراد بتريقه_ بقالك شركة وموظفين وسكرتيره بالالوان عجبت لك يا زمن ههههه، اما نتصور مع المكتب عشان اغيظ البت جودي ،
بيرفع الكاميرا ويتصور وهو بيمثل الغرور ويبعتها لجودي
مراد بإبتسامة _ خليني اضايقها شويه
جودي قاعده مع يوسف وفجاه يوصلها إشعار ف بتفتحه
و تترسم علي وشها ابتسامه عريضة وتبتدي تكتبله ويوسف بيبصلها وهو مش عارف بتكلم مين وايه سبب ابتسامتها دي
جودي _ اوووه مدير مدير مفيش كلام تصدق حلو البدله عليك جبتها امتي
مراد _ جبتها النهارده الصبح بس ايه رأيك شكلي نافع في المنصب الجديد ولا اطلع العب كوره احسن
جودي بإبتسامة _ ومين ينفع مدير غيرك انت
مراد بإبتسامة _ ايوه القرد في عين اخته بقا
جودي _ طيب وهو في قرود حلوه كده ههههه
مراد بضحكه_ بتعاكسيني وربنا لا اقول لا ابوكي
جودي _ ههههه قوله عادي مبعكسش حد غريب
مراد _ ماشي عاكسي براحتك ، عامله ايه دلوقتي وهتخرجي امتي
جودي _ علي المغرب كده
هشام _ كويس اوى حمدلله علي سلامتك، بس ابقي خلي بالك وبلاش نادي لغيت ما انا اكون موجود
جودي _ من غير ما تقول انا اخاف اروح اصلا
مراد _ متخافيش طول ما انا موجود
جودي _ وانت موجود فين ان شاءلله
مراد _ اممم هنبتدي بقا، بصي بس تخرجي الاول وهتلاقي مفاجأة ان شاءلله تعجبك
جودي _ اما نشوف
مراد _ طيب يلا بقا وبطلي رغي خليني اظبط السكرتيره زي ما بيعملو في الأفلام ههههه
جودي بنرفزه_ تظبط مين ياخويا انت رايح تشتغل ولا تظبط البنات
مراد _ الله وانتي مالك مدير وهستغل منص'بي بقا ههههه
جودي بنرفزه _ طيب روح لسكرتيرك والله خساره اسيب يوسف الجدع عشان اكلمك يا بارد
مراد بغيظ_ عارفه لو انتي قدامي كنت فصلت را'سك عن رقبتك، خلاص سافرت يوم هتلاقي اخ غيري
جودي _ ايوه ملكش دعوه انا هقفل وبتقفل الداتا
مراد _ انتي يابت.... جودي
مراد _ ماشي يا جودي اما ور'يتك
يوسف _ انتي بتتحولي يابنتي ايه كميّة التعابير اللي بتتغير في ثانيه دي
جودي بنرفزه_ ناس تش'ل
يوسف _ انتي كنتي بتكلمي مين
جودي _ واحده صحبتي بس واحده عر'ه
اخر اليوم
هشام _ حمدالله علي السلامه نورتي بيتك
جودي _ حبيبي تسلملي
ياسمين _ يلا بقا علشان ترتاحي في اوضتك انتي تعبانه اوي
جودي حاضر بس عاوزه استحما ريحتة المستشفى لازقه فيه
ياسمين _ طيب تعالى انا هساعدك عشان الجر'ح
جودي _ لا طبعا انا هقدر
هشام _ خلاص سيبيها بس خلي بالك
جودي _ ماشي يا حبيبي عن اذنكم
بتدخل اوضتها وتدخل الحمام الخاصه بيها،... استحمت ولبست لبس النوم وخرجت من الحمام وابتدات تسرح شعرها قدام التسريحة، وفجاه بتشوف حاجه من المرايا، بتبص علشان تشوف ايه ده لكن مبتلاقيش حآجه،ف بترجع تاني تسرح قدام المرايا، وبعدين بتتخض ل بتشوف مراد واقف وراها
جودي بخضه_ بسم الله ايه ده انت جيت امتي ودخلت هنا ازاي
مراد بإبتسامة _ وحشتيني يا جز'مه
جودي بذهول_ يا مجنون يا متخ'لف انت جيت امتي رد عليه
مراد_ مشيت بدري من الشركة عشان اجي اشوفك بس انتي جز'مه مش باين عليكي انك فرحانه بشوفتي
جودي بفرحه_ لا طبعا مبسوطه اوي بس اتخضيت، انت بجد جيت علشاني
مراد بإبتسامة_ ايوة أنا مش قولتلك عاملك مفاجأة
جودي تحضنه _ اجمل مفاجأة بجد انا بحبك اوي
مراد يحس بارتباك ولاول مره يخاف يضمها، ويحس ان في حآجه غلط، بيبعدها عنه _ انا اطمنت عليكي همشي بقا
جودي_ انت لحقت تطمن دا انت حتى مسالتنيش عامله ايه
مراد_ علشان شايفك كويسه وقمر اهو
جودي بترجي_ ممكن متسافرش تاني
مراد_ مش هينفع، انا راجع علي طول قبل ما حد يعرف اني جيت
جودي_ يعني انت مروحتش البيت
مراد_ لا
جودي _ يعني رايح جاي علشان تشوفني انا بس معقول
مراد بإبتسامة_ وانتي قليله يعني
جودي بدموع_ انت طلعت بتحس يا مراد
مراد_ تصدقي انا غلطان اني تعبت نفسي وجيتلك انا ماشي
جودي _ ههههه مش قصدي والله استنا
مراد_ لا لازم امشي كفاية كده وانتي تلحقي تنامي
جودي _ طيب ابقا كلمني
مراد بيخطي من الشباك_ حاضر هكلمك لما اطلع علي الشارع
جودي تمسك ايده _ خلي بالك من نفسك
مراد يبص لايدها كانه اول مره يمسك ايديها وبعدين يسحب ايده وينزل من غير ما يرد وبعدين يوقف تحت الشباك ويبص عليها
مراد لنفسه_ فى ايه يا مراد ايه اللى حصل يادي المصيبه
جودي تشاورله باديها _ هييي امشي يلا
مراد يستدير وهو شارد وماشي زي المتخد'ر وبيمشي لغيت نا بيوصل عربيته اللى راكنها بعيد، بيركب العربيه ويسند ضهره ع الكرسي بتوهان وفجاه التليفون بيرن
بيرود هو ومش مركز
مراد _ ايوه ياجودي
مصطفى_ جودي مين انا مصطفي
مراد بارتباك _ ان انا اسف ايوه يا درش
مصطفي _ درش مين بقا، انت فين من الصبح قلقتني عليك
مراد بإبتسامة _ قلقت عليه وآلله انت طيب اوي يا درش قلبك كبير
مصطفي _ طيب يلا بقا استعجل عشان انا عاملك صنيه مكرونه بالباشميل هتاكول صوابعك وراها
مراد _ ههههه خساره شكلها هتبرد،
شيء من الماضي ( احببت مجنونة 2) p7
بيت مراد
بيدخل مراد البيت
مراد _ اسف اسف يا درش اتاخرت عليك
مصطفى _ اتاخرت وبس كنت فين كل ده
مراد _ وصلت عند جودي ورجعت علي طول
مصطفى _ وصلتلها ع اساس هي علي اول الشارع، انت روحت القاهره ورجعت تانى ؟!
مراد _ ايوه وفيها ايه
مصطفي _ طيب ما كملتش الليل مع ولدتك ورجعت الصبح ليه
مراد _ ماهو انا مروحتش البيت و هي متعرفش اني كنت هناك
مصطفي _ وليه كده
مراد _ انا كنت رايح اطمن علي جودي وخلاص
مصطفي _ اااه جودي اختك؟!
مراد بارتباك _ ايوه
مصطفي بخبث _ ربنا يخليكم لبعض ونعم الاخوات،
مراد بتهرب_ فين المكرونة اللي قولتلي عليها
مصطفى _ بردت مش هتستناك
مراد _ بسيطه انا هسخنها في الميكرويف،
مصطفي بانفعال _ لا ميكرويف لا
مراد باستغراب_ ليه لا
مصطفي بارتباك _ مش بيسخن كويس انا هحطها في الفرن احسن
مراد _ تمام ماشي اي حآجه المهم ناكول انا جوعت
مصطفى _ طيب روح غير هدومك اكون جهزت
مراد بإبتسامة _ انا متأكد ان لو بابا عايش مكنش هيكون في حنيتك دي انت ازاي كده
مصطفى _ طيب وانا مش زي ابوك يعني
مراد بحب _ انا اعرفك من قريب بس حاسس اني اعرفك من زمان، اكيد بابا كان عنده نفس طباعك
مصطفى بتنهيده _ الله يرحمه اكيد كان نفسه يشوفك
مراد بحزن_ ياريته كان عايش حاسس انه لو كان معايا كانت حاجات كتير هتتغير
مصطفى _ وانت ناقصك ايه يعني ماشاءالله حياتكم حلوه اوي ومعاكم فلوس
مراد _ مش مسألة فلوس بس الاب بيكون سند وصاحب وامان
مصطفى يسرح في ذكرياته مع ابوه
مراد _ مالك سرحت في ايه
مصطفى _ في المكرونة اللي مركونه وانا جعان
مراد _ ههههه ماشي دقيقة واحدة هروح اغير
بعد يومين
في بيت هشام
هشام _ حمدالله علي السلامه مقولتش ليه انك جاي
سليم _ قولت اعملك مفاجأة، وبالمره اطمن علي عروستنا هي عامله ايه
هشام _ الحمدلله كويسه
سليم _ طيب هي فين عاوز اسلم عليها
هشام _ حالا،، جودي تعالي
جودي تطلع من اوضتها وهي حاطه ايدها علي الجر'ح _ ايوه يا بابا جيت اهو
سليم _ سلامتك حبيبتي الف سلامه، ايه لسه تعبانه
جودي بألم _ لا بس الجر'ح بيحر'ق شويه
هشام بقلق_ ايه ياحبيبتي نروح لدكتور
جودي_ لا ياحبيبي دا وجع بسيط انا هاخد مسكن وهيروح.. عامل ايه ياعمو
سليم_ الحمدلله حبيبتي، معلش قومناكي انتي وتعبانه
جودي_ كويس انت كنت وحشني
سليم_ متحرمش منك يا عروستنا
جودي _ عروستنا؟!
هشام _ ايه يا سليم انت جايبلها عريس ولا ايه
سليم _ طيب يا حبيبتي روحي ارتاحي عاوز بابا في موضوع
جودي باستغراب_ موضوع؟ حاضر، وبتمشي وهي متوقعة اللي هيتقال
هشام_ ها خير موضوع ايه اللي عايزني فيه
سليم_ عارف انه مش وقته بس باختصار كده ومن غير كلام كتير انا طالب ايد جودي ل يوسف ابني
هشام بإبتسامة_ والله مش عارف اقولك ايه، انا مش هلاقي حد لجودي زي يوسف، بس لازم نعرف رأيها
سليم_ اكيد طبعا وخليها تفكر براحتها خالص واتمنا توافق بصراحه انا عاوز اناسبك
هشام بإبتسامة_ ربنا يعمل اللي فيه الخير
سليم_ يارب... طيب استاذن انا
هشام_ لا والله ما ينفع انت جيت في ايه وهتمشي ف ايه لازم تتغدا معانا
سليم_ مقدرش والله انت عارف الشركة تبوظ من غيري ومراد محتاج حد ياخد باله منه
مراد_ صحيح، ماشي توصل بالسلامه ابقا كلمني
سليم _ اكيد.. مع السلامه.وبيمشي
هشام يقفل وراه ويقف يفكر في بنته اللي كبرت وبيتقدملها عرسان
ياسمين_ ايه مالك يا هشام
هشام بإبتسامة_ مش عارف هتقولي ايه بس سليم طالب ايد جودي ل يوسف
ياسمين _ وانت وافقت؟!
هشام_ مدتلهوش كلمه مش نسأل جودي رأيها ايه الاول
ياسمين_ مش هتوافق
هشام_ ليه مش هتوافق؟!
ياسمين _ كده مش هتوافق وخلاص
هشام_ قصدك عشان مراد؟!
ياسمين_ ايوة
هشام_ متحيرنيش يا ياسمين، ما انتي ومي عرضتو عليهم الجواز وقالو انهم اخوات ومستحيل يتجوزو يبقا هترفض علشانه ليه
ياسمين_ فعلاً قالو كده بس هما مش فاهمين حآجه، ولو عاوز تتاكد روح كلمها
هشام_ وان شاءلله هيفضلو يرفضو لغيت ما يعجزو ويكتشفو انهم بيحبو... انتي غلطانه وانا متأكد انها هتوافق
ياسمين_ طيب تمام روح كلمها وهنشوف
هشام_ طيب انا هكلمها... بيروح عندها الاوضه
جودي_ بابا!
هشام بإبتسامة_ ممكن اقعد معاكي شويه
جودي _ اتفضل
هشام يقعد جمبها وبحب _ كبرتي يا جودي وبقا يجيلك عرسان
جودي تبص للارض ومتردش
هشام_ شكلك كده عرفتي هو مين
جودي_ ايوه يا بابا
هشام_ طيب انتي رايك ايه
جودي _ مش عارفه
هشام _ الموضوع ده يخصك انتي لوحدك فكري براحتك وعلى مهلك وابقي قوليلي لما تاخدي قرار ويوسف واهله مش اغراب عننا وانتي تعرفيهم كويس
جودي _ وانت رايك ايه
هشام بحب _ والله انا شايف انه عريس ممتاز واظنه انه شاريكي
جودي_ الاهم اني اكون عاوزاه ومقتنعه بيه
هشام _ ومش مقتنعه ليه بقا، ولا يوسف كمان زي اخوكي
جودي _ لا مش الفكره.... اممم خلاص سيبني افكر وارد عليك
هشام_ ده الكلام المظبوط، فكري براحتك وانا مستني ردك
جودي _ ماشي يا بابا
هشام_ يلا اسيبك ترتاحي
جودي _ اتفضل، بيمشي هشام وهي بتقعد مع نفسها تفكر
جودي بحيره_ انا مش عارفه اوافق ولا لا يوسف مفهوش حآجه تترفض بصراحه، وبعدين!... مراد مفيش غيره هساله اعمل ايه والي هيقولي عليه هعملو
في الشركة
مراد _ وريني ايه الاوراق دي
زينه _ دي الاوراق الخاصه بشحنه اللي هتطلع النهارده ولازم تشوفها
مراد يمسك الورق ويلف فيه يمين شمال وبحيره_ ودا فين اوله من اخره انا مش فاهم حآجه
زينه بمياعه بتميل عليه _ انا جامبك ممكن اساعدك
مراد بتوتر_ اه م متشكر... في حآجه
زينه_ لا مفيش
مراد_ طيب ممكن تبعدي شويه بس علشان الحر
زينه_ سلامتك من الحر تحب اشغلك التكييف
وفجاه بيرن تليفونه
مراد بتوتر _ ال الو مين
جودي_ هو ايه اللي مين انت مش عارف رقمي يعني
مراد بتوتر وارتباك_ جودي هو انتي.. استني.... زينه! معلش ممكن تبعدي شويه علشان كده غلط
زينه بمياعه_ ما انا بعيده اهو
جودي تسمع الكلام وتتنرفز_ مرااااد انت يا ز'فت بكلمك.. لكن مبيسمعهاش
مراد_ يقوم من علي الكرسي ويبعد عنها، طيب اتفضلي انتي وابعتيلي جني
زينه بعدم رضا_ جني.... طيب وبتمشي بهدوء ومياعه
مراد لنفسه_ اي الستات دي... جووودي نسيتها... الو
جودي بنرفزه_ ما لسه بدري ما تخليك معاها
مراديحب يضا'يقها_ متقطعيش الارزاق بقا يا جودي قولي عاوزه ايه علشان زمانها جايه
جودي بانفعال_ واقول ليه روحلها ياخويا روح
مراد بإبتسامة _ لا مش هروح هي اللي هتيجي
جودي بغيظ تقفل في وشه السكه
مراد _ ههههههههههههه عبيطه طول عمرها بتضايق لو شافتني بكلم واحده ويجي علي باله اخر مره شافها فيها
مراد بتنهيده_ في ايه يا مراد هو كلامهم هيلخبطك ولا ايه.. جودي اختي وووبسسس اختي وبس ايوا كده... احسن حل اني مردش عليها فتره،، كده هقدر اطلع من التشويش اللي في عقلي مهما تكلمني مش هرد
جني _ هوووي انت بتكلم نفسك
مراد_ انتي دخلتي امتي
جني _ من شويه صغيرين، في ايه مالك
مراد _ احم بصي الورق ده
جني_ ايوة مالو
مراد_ مش عارفله راس من رجلين المفروض اعمله ايه ده
جني_ ههههه وريني كده
مراد_ اهو
جني بتقرا_ نينينينينينيني
مراد_ نينيني ايه هو انتي بتقري تعو'يذه فيه ايه الورق ده
جني_ ايه الصعب فيه، دا ورق الشحنه بتاعت النهارده ولازم تمضيه
مراد_ سبحان الله احمدك يارب مش عارف من غيرك كنت هعرف ازاي انه ورق الشحنه وعايز يتمضي
جني بإبتسامة_ ايه خدمه
مراد_ نعم خدمة ايه انا عارف ان ده ورق الشحنه ولازم امضيه بس بيقول ايه
جني_ طيب اهدي نطلب ساندوتشات وعصير عشان انا جعانه اوي وبعدين افهمك واحده واحده
مراد _ ماشي روحي وانا هعمل مكالمة
جني_ اوك بس شهل مش وقت لوك لوك
مراد_ امششششي...
بيتصل بمصطفي
مراد_ الووو
مصطفى_ الو خير عاوز ايه
مراد_ ههههه بطمن عليك وحشني بس
مصطفى_ هات من الاخر عاوز ايه انا مش فضيلك
مراد _ ليه بتعمل ايه
مصطفى _ بعمل بيتزا
مراد_ ههههه بيتزا ومكرونه ايه ياعم قلب الام ده، لا متطبخش انا عازمك بره
مصطفى _ مبحبش اكل برا مش نضيف ههههه
مراد _ ههههه الله يرحم ايامك يا ميمو نفس الكلمه بتقولها دايما
مصطفى_ ههههه بس عند الجيلاتي لا يمكن تقول عليه مش نضيف
مراد بجدية_ وانت عرفت ازاي ان ماما بتحب الجيلاتي
مصطفي بارتباك_ ااا ابوك قالي
مراد باستغراب_ وقالك انها بتقول عليه جيلاتي مش ايس كريم، دا انتو كنتو صحاب اوي
مصطفي بتهرب _ يلا بقا البيتزا هتتحرق
مراد_ قولي الاول الصوره اللي قولتلي عليها معاك؟!
مصطفي بارتباك _ لا هي في البيت التاني
مراد_ تمام ماشي، اسيبك تكمل البيتزا
مصطفى_ ماشي مع السلامه
مصطفى _ كنت هتوقع في مشكله انا لازم اخد بالي لغيت ما يجي الوقت المناسب
بيت هشام
جودي تطلع وهي متنرفزه _ ماما فين بابا
ياسمين_ مالك متنرفزه كده ليه
جودي_ فين بابا يا مامااا
ياسمين_ انتي اتج'ننتي اهو هناك مالك في ايه
جودي تمشي وتسيبها وتروح لابوها
هشام يبصلها باستغراب_ في ايه مالك
جودي _ انا موافقه
هشام_ موافقه علي ايه
جودي _ موافقه اتجوز يوسف
هشام_ بسرعه كده لحقتي تفكري وتقرري
ياسمين _ جودي انتي عارفه بتعملي ايه
جودي_ ايوه يوسف شاب كويس ومفهوش حآجه تترفض
هشام بفرحه_ عين العقل يابنتي
ياسمين_ استني يا هشام، يابنتي مالك معقول متديش لنفسك فرصه تفكري
جودي_ هو انا لسه هعرفه ماهو قدامي من صغري
هشام _ خلاص بقا يا ياسمين هو يوسف وحش
ياسمين بقلة حيله _ بس يا هشام...
هشام يبصلها عشان تسكت ومتجيبش سيرة مراد تانى _ خلاص يا ياسمين هى مش صغيرة
ياسمين تبص ليه بعدم رضا.. لنفسها _ اكيد لو مراد عرف الوضع هيتغير انا هكلمه لازم يعرف
بالليل في بيت مراد
مراد بزهق _ خلاص بقا يا جني هاجي الصبح ونشوف الموضوع مع بعض... طيب ماشي مع السلامه.... تليفونات تليفونات انا صدعت
مصطفى_ اقولك حآجه، الاحسن تقفله عشان نعرف ناكول البيتزا
مراد_ ههههه فكره حلوه تصدق، بس استنا نبعت رساله ل ماما عشان متقلقش لو اتصلت ولقته مقفول انا بفكر اقفله اسبوع كامل
مصطفي _ فكره بردو نفذها يلا
مراد_ تمام ثانيه وااااحده ايوه ارسااال كده تمام اهي وصلتها وبراحتها بقا لما تشوفها، وادي ام التليفون. فين بقا البيتزا
مصطفي_ استنا هجبها من المطبخ
بيت هشام
ياسمين بتتصل ب مراد لكن بتلاقيه مقفول _ يوووه هو دا وقته انا لازم اقوله وبعدين اعمل ايه ماهو لازم يكلمها قبل ما هشام يبلغهم الموافقه، اعمل ايه..... مي مفيش غيرها اكيد هتعرف توصله
بيت مي
مي بتفتح رسالة مراد... ميمو متشغليش عليا بس تليفوني وقع واتكسر وانا حطيت الخط في فون مصطفى عشان اطمنك وهقفل تاني ومتقلقيش اسبوع كده وهشتري غيره
مي بقلق_ مصطفى تاااني طلعلنا منين ده وبعدين
وفجاه بتتصل ياسمين
مي _ ايوه يا ياسمين
ياسمين_ عامله ايه
مي_ مش كويسه خالص انا هيحصلي حآجه
ياسمين_ ليه كده بعد الشر عليكي
مي _ مراد هيجن'ني مقعد في شقتنا واحد نصاب بيقول صاحب مراد وهشام وعلي يدك هشام قال معرفش حد بالاسم ده
ياسمين_ طيب اهدي مراد مش صغير
مي_ لا انا قلقانه وقلقت اكتر لما بعتلي رسالة بيقولي تليفونه اتكسر وهيقعد من غير تليفون اسبوع كامل
ياسمين_ علشان كده مبيردش عليه
مي _ انتي اتصلتي بيه
ياسمين _ ايوه كنت عاوزه اطمن عليه، المهم تحبي اكلم هشام يروحلو ويشوف مين مصطفي ده
مي بتحدي _ لا انا اللي هروح بنفسي لازم اشوفه واعرف عاوز ايه من مراد
تكملة الروايه من هنااااااا
 p6 مراد نايم علي السرير وباصص لسقف بحيره_ هما اكيد غلطانين هو في اخ يحب اخته بردو، ايوه انا بهتم بيها وبز…){kind=link}
تعليقات
إرسال تعليق