 |
فتحت أمها الباب بصدمة لدرجة إن بناتها اتخضت وقالت: بقى طلعتي بتحبي الفقير رياض اللي مصدقت لفقته للجاهلة رهف؟
نسرين وماجدة بصولها بخوف بسبب الرعب اللي بان في عينها
رضا بغضب مسكت نسرين من شعرها وقالت: مش لقيتي اللي دا بتحاولي تلفتي نظره ليكي دا أنا مش بطيقه وكمان جاهل وفقير مش حيلته بيت حتى لنفسه، يعني لو اتجوزتيه هتبقي خدامة ليه ولأهله وأخواته الولاد
نسرين بوجع: سيبي شعري يا ماما حرام عليكي
رضا وهى بتضربها: دا أنا هخلص عليكي، بدل ما توقعي ابن خالتك أهو طلع من الإبتدائي بس عندهم أرض وبيوت وهتقعدي في شقة لوحدك وأهو ولد واحد وأخواته البنات متجوزين بتدوري عالتعب مش عالراحة يا غبية
نسرين: هو الجواز بالعافية وبعدين ابن خالتي مين اللي عينه من كل الحريم مش البنات بس عامل زي الخدام ليهم
رضا: وإيه يعني مش أحسن من الجاهل دا الفقير
نسرين: بس عنده أخلاق وراجل بحق
رضا وهى بتشد شعرها أكتر قالت: كلمة كمان وهخرسك يا نسرين وإيه رأيك هتتجوزي ابن خالتك
وبصت لماجدة وقالت: وأنتِ يا اللي عاملة نفسك بتروحي تتعلمي وأنتِ زي ما بتروحي زي ما بتيجي، هتتجوزي ابن خالك أهو أخويا بيسمع كلامي وابنه مستحيل يقولك ربع التلاتة كام بقى أنا بدورلهم على الراحة وهما بيدورا عالتعب والفقر، وزقت نسرين وطلعت
عند رهف كانت قاعدة سرحانة وبتعيط على حالها وإن أبوها بيسمع كلام مراته
ولكن قررت تروح تتكلم معه
راحت لوالدها وقعدت قدامه وقالت: عايزه أقولك حاجة يابابا ممكن؟
منصور: قولي يا حبيبتي
رهف بتوتر: بابا أنا مش عايزة أتجوز رياض
منصور: ليه؟
رهف: مش عايزاه
منصور: ليه؟ دا هيشيلك في عيونه وطيب ومحترم
رهف: عارفة بس مش عايزاه أنتم كدا بتجبروني عليه
بقلم إيسو إبراهيم
مرات أبوها من وراها: احنا عارفين مصلحتك يا رهف يا بنتي، وبعدين ابن عمتك وعارفينه وطيب وبيحبك وعايزك ليه ترفضي ولا هو دلع عيال وخلاص، وأنتِ لسه صغيرة مش عارفة مصلحتك فين فاعملي اللي نقولك عليه وبس
منصور: احنا يا بنتي مستحيل نضرك، وابن أختي كويس وهديكم قيراط أرض من عندي هدية جوازكم، وأنا واثق إنك هتساعديه وهتكبروا الأرض دي
دخلت رهف أوضتها بعد لما لقت إن مافيش مفر
دخلت لها نسرين: أنا عارفة إنك مش عايزاه بس أنا عايزاه قوليله يا رهف يتجوزني أنا
رهف باستغراب: وأنا مالي أنا مليش رأي ولا قرار والبركة في أمك هى السبب روحي قوليلها أهو أخلص منه
نسرين: لما عرفت ضربتني
رهف: عشان هيتعبك وهتعيشي في دمار يا نسرين أمك بترميني للدمار وبتبعدك عنه
نسرين: بس أنا مش شايفاه دمار
رهف: وأنا مش في إيدي أعمل حاجة، أمك من يوم دخلت البيت وأنا عندي 6 سنين وهى مبهدلاني وماشوفتش يوم حلو بعد وفاة أمي، أمك بتمرمط فيا عارفة أنا معارضة جوازي من رياض ليه عشان أمك أجبرتني عليه ودا من تخطيطها يا نسرين
الراجل مش يعيبه جيبه الأرزاق من عند الله بس اللي قهرني إن أمك عايزة تشوفني حزينة ودا بيفرحها بس دا في أحلامها أطلع بس من البيت دا وبعدين هحس بالحرية أصل أنا هكون في أمان مع رياض ودا اللي بشوفه في عيونه
طلعت نسرين بزعل لأن مفيش حاجة هتتغير
في آخر اليوم كان جه رياض وأهله وبيقروا الفاتحة، ورهف في أوضتها لنفسها
حددوا الشبكة وقرروا تبقى تاني يوم عند الصايغ
في اليوم التالي في بيت كريم كان قاعد بيفطر وجنبه سهام وبناتها، رحيم اللي قاعد حزين، وجسمه تاعبه من الضرب
سهام بتوتر: بقولك يا أبو رحيم كنت عايزة أنزل أشتري حاجات للبيت
كريم: مش كنتي امبارح في السوق؟
سهام: أصل نسيت طلبين
كريم: ماشي
سهام: وكنت بقولك يعني إن الدروس فتحت وكدا ورحيم لازم ينزل عشان دروسه
كريم بص لرحيم اللي كان قاعد حزين ومابيكلش قال: انزلي بس لأن لسه ليا كلام مع رحيم
سهام: ماشي، ولمت الأطباق من عالصنية ودخلتهم المطبخ ونادت على نوران بنتها الكبيرة ذات 10 سنين تغسلهم، وحطت فلوس الخاتم في شنطتها بسرعة ونزلت
بنتها التانية اسمها سالي دخلت لنوران قعدت معها وبتساعدها في نقل الأطباق
دخل كريم أوضته ونادى على رحيم اللي راحله بسرعة بخوف وقال: نعم
قرب كريم منه، ولكن رحيم حط إيده على وشه بسرعة خوفا من أن يضربه
في بيت رهف
كانت قاعدة رهف في المطبخ عالأرض بتجهز الأكل قبل ما ياخدوها ويلبسوها الشبكة
كانت رايحة تجيب كيس ملح من برا، ولكن وقفت مصدومة من اللي سمعته من مرات أبوها
ياترى سمعت إيه؟
#معاملة_زوجة_الأب
#بارت5
#إيسو_إبراهيم
كانت رايحة تجيب كيس ملح من برا، ولكن وقفت مصدومة من اللي سمعته من مرات أبوها
رضا بطمع: الحاج مش موجود وأنا اللي همضي عالورق بتاع الأرض دي، وهو أصلا هيكتبها باسمي
الرجل: طب يا حاجة رضا اتصلي عليه
أخوها أحمد: ماتخلص يا عم يعني قولنالك جوزها عارف، وهو راح مشوار مش هيجي غير بالليل وأنت عارف خطوبة بنته الكبيرة النهاردة يلا عشان مش فاضيين
الراجل بقلة حيلة: تمام يلا يا حاجة ابصمي هنا، وفعلا كانت بتبصم بفرحة وبتنظر لأخوها بفرحة وخبث
طلعت رهف بضيق وقالت: أبويا راح فين دلوقتي يعني هو كان وقته أهي مضت بختمها على نص فيدان وبقى كدا بتاعها النصابة دي
حطت الملح وطلعت على السطوح تشوف الغسيل اللي نشرته، وقفت مصدومة عالسلم لما شافت والدها قاعد بيشرب شاي وبيتكلم في الموبايل
رجعت بسرعة اتخبت ورا الحيطة وهى مصدومة سمعته بيقول: لا يا عم هى دلوقتي اللي بتمضي مكاني وكدا بقت باسمها عشان أنت عارف أخواتي عينهم من الأراضي بتاعتي والبيوت وعايزين يسمعوا خبر موتي عشان ينهبوا كل حاجة بتاعتي فقولت أسمع كلام رضا لما فتحت عنيا وقالتلي أكتب أي حاجة بعد كدا باسمها عشان محدش يقدر يقرب عليها من عيلتي ويقفوا لهم ويقولوا دا نصيبنا وبتاع، اها يا عم مارضيتش أنزل لأني لو نزلت وقولت هى اللي تبصم الناس اللي قاعدة هتقول لأخواتي وهيشكوا فيا
كانت بتسمع بصدمة وقالت: مراتك لعبتها صح يا بابا وعملت حوار أخواتك اللي مستحيل يقفوا ويقولوا كدا وياخدوا حاجة مش حقهم حتى خلته يكره أخواته ويخاف منهم عشان تاخد كل حاجة وأنا مايكنش حيلتي حاجة، ونزلت بسرعة عشان محدش يشوفها، راحت عند المطبخ، ولكن وقفت لما سمعت كلام رضا وهى بتقول لأخوها: أهي كدا خطتي مشيت زي ما أنا عايزة وهو فوق عالسطح نايم على ودانه وضحكت، وامتى بقى أخلص من البت رهف دي
أخوها بضحك: أنتِ داهية، ودا اللي كنا عايزينه من زمان إنك تتجوزيه رغم إنك قعدتي كتير عندنا واتجوزتي وأنتِ كبيرة بس كله عشان نوصل للي احنا فيه، رغم إننا أغنياء بس مش نفس المستوى المادي بتاعه
رضا بضحك: مين كان يتوقع دا كله بس أمك هى اللي كان عليها دماغ لغاية ما وقع فيا
أحمد: حصل، يلا بقى همشي عشان أشوف هعمل إيه؟
رضا: ماشي بس ماتنساش تفاتح ابنك في جوازه من بنتي
أحمد: أكيد طبعا حتى لو رفض هجيبه غصب، وأهو نطول من الحلو شوية
بقلم إيسو إبراهيم
رضا: خليه يتجوز بنتي وأنا هدوقكم الحلو بجد
ومشي، ولكن رهف دخلت بسرعة عالمطبخ وهى حاطة إيدها على قلبها من الخوف واللي بيحصل وقالت: إيه الشيطانة اللي عايشة معنا دي
طب لو قولت لأبويا مش هيصدقني طبعا
رضا من وراها: خير ياختي لسه ماخلصتيش ليه؟ لسه 3 ساعات وهيجوا خلصي يلا بسرعة
رهف بضيق: طيب، وراحت تكمل شغلها
في المساء كانوا جابوا الشبكة، وبيلبسوهالها
ابن أخوها كان عينه على رهف وقاعد مضايق كان عايزها هى، مضايق أكتر لما والده قاله إنه هيكلم منصور على بنته ماجدة له
رياض اللي كان فرحان جدًا، ورهف قاعدة بدون أي تعابير فرح أو حزن
عند كريم كان قاعد في الصالة جت سهام وقالت: الحمد لله لقيت الخاتم يا أبو رحيم واقع تحت السرير
كريم: بجد، طب كويس يعني ظلمنا رحيم يا سهام كان لازم تتأكدي الأول الخاتم راح فين؟ رغم إني كنت واثق في ابني إنه مستحيل يعمل كدا، وضمه وقال: آسف يا حبيبي وجعتك وضربتك وشكيت فيك رغم إن قلبي كان بيقولي مستحيل ابني بعملها بس شيطاني عماني واتجننت لما تخيلت للحظة إنك ممكن تعملها، ووقتها أمك كانت هتكون زعلانة منك أوي
سهام: آسفة يا رحيم إني ظلمتك، وراحت باست رأسه وقالت بدموع: سامحني
رحيم: حصل خير، هقوم بقى أذاكر
دخل رحيم غرفته وقعد عالسرير ومسك صورة والدته وقال: عرفوا إني مظلوم يا ماما برائتي ظهرت، تعرفي كنت زعلان أوي إنهم شكوا فيا، بس بحبك أوي لآخر نفس في عمري أنتِ الوحيدة لو شوفتي غلط حصل مني كنتِ بتكلميني بهدوء
وتعرفيني الصح من الغلط وكنتِ بتثقي فيا حتى لو الكل كدبني مستحيل أنتِ تعمليها، أنتِ الوحيدة اللي في قلبي لآخر يوم في عمري نفسي أرتمي في
حضنك لو للحظة واحشاني أوي يا ماما نظرة عيونك وابتسامتك اللي كانت بتديني تفاؤل ودفئ بس خلاص راحوا معاكي....كان بيتكلم ودموعه على خده، وسهام واقفة على باب غرفته دموعها على خدها، وخرجت بسرعة من عنده
فجأة صوتت سهام وقالت: الحقني يا رحيم
رحيم اتخض وساب صورة والدته وجري يشوف إيه اللي حصل
ياترى حصل إيه؟
#معاملة_زوجة_الأب
تكملة الروايه من هنااااااا
#بارت6
#إيسو_إبراهيم
جميله
ردحذف