 |
رضا: بت احترمي نفسك...بس معلش من حقك تتعصبي وتشيطي كمان ما دا اللي أنا عايزاه عشان بيفرحني أوي.....واها أبوكِ خلاص وافق على ابن عمتك(رياض)
أهو لايقين لبعض وللفقر
وطلعت وسابتها
رهف بصدمة: رياض!!!!!
وقعدت تعيط بسبب مرات أبوها اللي مش مكفيها إنها مخلياها زي الخدامة، وافتكرت والدتها لما كانت بتخاف عليها من الهوا، وافتكرت أختها اللي كان عمرها شهرين وماتت بعد والدتها على طول عشان ماكنتش عارفة تهتم بيها وكان عمرها 5سنين ونص ماكنتش واعية لحاجة
رهف ببكاء: يارب ارحمني واجبر بخاطري وعوضني خير
وكانت رايحة تدخل أوضتها تطلع فلوس الخاتم اللي باعته علشان تروح بكرة تجيبه لقيت جوزها داخل وعينه كلها غضب
سهام خافت ليكون عرف إنها كذبت عليه وبصتله بخوف
كريم قرب منها بغضب وقال: قوليلي إزاي تسيبي حاجة زي دي قدام ولد في سن مراهقة ممكن يعمل بالفلوس حاجة تضره أو حد من المدرسة ضحك على عقله وبيخليه يسرق هو اها مش صغير بس أنا بعيد عنه الفترة دي من وقت ما والدته ماتت، أنا كنت مفكر إنك هتهتمي بيه زي والدته لكن مالقيتش كدا
سهام بتوتر: فعلا الغلط مني يا أبو رحيم بس ممكن يكون وقع مني فعلا؛ لأني ماشوفتهوش دخل الأوضة دي من وقت ما اتجوزت، وهو يدوب بيروح يتعلم مع عمه محمد النجار
كريم بعصبية: اومال اتهمتيه بدون ما تتأكدي ليه؟ وخلتيني ضربته، وخرج من عندها وراح يشوف ابنه ضميره بيأنبه جدًا عمره ما مد إيده عليه قبل كدا كان بيفهمه الغلط بهدوء بدون أذية للجسد
سهام بتنهيدة بصت من ورا الباب ولما شافته دخل عند رحيم راحت تجري تعدل الفلوس تاني بين الهدوم، وطلعت وراه
لقيت كريم قاعد جنب ابنه اللي نايم مش حاسس بحاجة من الضرب والتعب والاتهام الكاذب والدموع في عيون كريم وهو بيقول بهمس: آسف يا حبيبي أنا متأكد إنك مستحيل تعملها والغلط مني إني أهملتك ونسيت تربيتي وتربية أمك ليك قبل ما تموت بس الشيطان عماني سامحني يا حبيبي
سهام في نفسها: إيه الورطة اللي وقعت نفسي فيها دي ياريتني ما سمعت كلام مرات أبويا اللي كانت بتذلني مش عارفة كان عقلي فين؟ بدل ما أربيه وأهتم بيه، ويخاف على بناتي وهو اللي هيروحلهم لما يتجوزوا ويشرفهم قدام أزواجهم....أنا إيه اللي عملته دا؟
في بيت رهف كانت قاعدة بتعيط لما فعلا رياض راح يكلم أبوها
أبو رهف وهو غني جدًا في البلد والكل بيحترمه وبيستشيره في أي حاجة
منصور: ازيك يا ابن أختي
بقلم إيسو إبراهيم
رياض: الحمد لله يا خالي
منصور: كنت خدت بالي إنك بتلمحلي على بنتي رهف
رياض بارتباك: يا خالي أنا فعلا عايز أتجوز رهف وصدقني هحافظ عليها وأنا بشتغل أهو وبحاول ألاقي شغل كويس
منصور: وأنا متأكد إنك هتحافظ عليها وماتخفش مش هطلب منك كتير الكل اللي عايزه إنك ماتزعلهاش ولا تكسر بخاطرها في يوم
رياض: أكيد يا خالي
منصور: تمام وأنا هديكوا قيراط أرض تدبر بيه نفسك وأنت بشطارتك تخلي القيراط فدان، وبنتي متأكد هتبقى في ضهرك وهتساعدك في كدا
رياض: ودا اللي أنا عارفه عنها ومتأكد منه وعارف تربيتها وأخلاقها، وهكون محظوظ إنها من نصيبي
رضا: ودا العشم بردوا يابني، دي واحدة غالية عندنا
رياض بقرف منها لأنه يعرف معاملتها لرهف وقال: من غير ما تقولي عارفها أكتر من نفسي
رضا: طب أروح بقى أجيب العروسة عشان تعرف وبعدها تروح تجيب أهلك يابني ونقرا الفاتحة الليلة
رياض ماردش عليها لأنه عارف إن هى اللي بتمشي كلمتها في البيت لأن خاله مابيدققش على حاجة وسايب كل حاجة في إيدها وكل سهم بيشتريه هى اللي بتمضي عليه وتخليه على اسمها
دخلت رضا بخبث ومكر لأوضة رهف اللي كانت قاعدة سرحانة وقالت: اطلعي يا عروسة لعريسك الفقير برا أهو
بصتلها رهف بخضة وقالت: عريسي الفقير؟!
رضا بسخرية: أيوا يا حبيبتي الشخص اللي يليق بيكي أصل أنتِ زيك زي رجل الكرسي اللي قاعدة عليه ويمكن هو ليه قيمة عنك
رهف بغضب:*****
ياترى هتوافق ولا هيحصل إيه؟
#معاملة_زوجة_الأب
#بارت3
#إيسو_إبراهيم
دخلت رضا بخبث ومكر لأوضة رهف اللي كانت قاعدة سرحانة وقالت: اطلعي يا عروسة لعريسك الفقير برا أهو
بصتلها رهف بخضة وقالت: عريسي الفقير؟!
رضا بسخرية: أيوا يا حبيبتي الشخص اللي يليق بيكي أصل أنتِ زيك زي رجل الكرسي اللي قاعدة عليه ويمكن هو ليه قيمة عنك
رهف بغضب: أنتِ مجنونة؟! إزاي تعملي فيا كدا حسبي الله ونعم الوكيل فيك
رضا بعدم اهتمام: خلصتي حسبنة عليا يلا ياختي اطلعي خلينا نخلص منك ومن قرفك مش عارفة ملهوفين عليكي ليه وأنتِ جاهلة
رهف: بس محترمة وذكية وشاطرة في كل حاجة لولا لعبك في مخ أبويا كان زماني دلوقتي متعلمة وأحسن من عيالك وأنا أصلا أحسن منهم وأنتِ عارفة كدا إني شاطرة وكان زماني ليا مستقبل حلو
رضا: تعرفي إيه اللي مسكتني على كلامك دا إني هشوفك مذلولة طول العمر وتنامي من غير عشا كل يوم، والأهم إن رياض مستحيل يطلب من أبوكي مساعدة يلا يا حلوة عشان تقولي موافقتك، ولو رفضتي فتعرفي هوقعك في واحد أصعب منه بكتير بس وافقي على دا أهو بردوا ابن عمتك
نزلت الدموع من عيون رهف وهى متحسرة على نفسها، وطلعت لهم بعد لما غسلت وشها
منصور بابتسامة: تعالي يا رهف اقعدي، وبص لرياض وقال: رياض جاي يطلب إيدك إيه رأيك؟
بصت رهف لمرات أبوها اللي في بتبصلها بنظرة خبث
خدت رهف نفسها وقالت: اللي تشوفه يا بابا، ودخلت على أوضتها بسرعة
رضا: معلش بقى مكسوفة وكدا، وكدا عرفت رأيها يا رياض يابني هات بقى أهلك وتعالى بالليل عشان نقرأ الفاتحة ونحدد الخطوبة
رياض سرحان في شكل رهف الحزين ومضايق لأنه حس إنها مغصوبة عليه وإن مرات أبوها هى اللي أجبرتها عليه عشان حالته المادية الغير كويسة
منصور: مالك يا رياض سرحان في إيه؟
رياض: ها ولا حاجة يا خالي ماشي هجيب أهلي بالليل وأجي ومشي
دخلت رضا لأوضة بنتها نسرين وقالت: أخيرا هنخلص منها اللي شايفة نفسها دي مش عارفة على إيه...يلا أهو دبستها في جوازة هتخليها تعيط كل يوم وتنذل وضحكت لبنتها اللي كانت سرحانة
رضا باستغراب: بت يا نسرين سرحانة في إيه؟
بقلم إيسو إبراهيم
نسرين: ها ولا حاجة يا ماما
رضا: بت أنتِ بقالك يومين مش على بعضك في إيه؟
نسرين بزعيق: قولتلك مفيش يوووه مش هخلص منك
رضا ضربتها بالقلم وقالت: أنتِ بتزعقيلي يابت؟ دا أنا أدفنك مكانك، وعارفة لو كان اللي بالي هو اللي حصل لهكون مخلصة عليكي وطلعت بعصبية قابلت بنتها التانية وقالت: وأنتِ إيه اللي أخرك في المدرسة؟
بنتها ماجدة: كنت بسأل الأستاذ في سؤال مش فاهماه
رضا: سؤال؟! قال يعني عارفة حاجة أصلا في المدرسة مش عاملة زي الجاهلة اللي جوا دماغها ذكية وبتحفظ أي حاجة تتقال قدامها من العيال بسهولة وأنتم مخكوا تخين مابتفهوش
ماجدة: كل يوم تقوليلي كدا لدرجة كرهتها ياكش تموت ونخلص منها
رضا بابتسامة: هنخلص منها بس هتموت بالبطيء كل يوم وخلاص هتتجوز ابن عمتها
ماجدة بذهول: قصدك رياض؟
رضا: أيوا
دخلت ماجدة لأختها تشوفها وقالت: عرفتي إن رياض هيتجوز رياض؟
نسرين بدموع: أيوا، كنت عارفة إن أمك مش هترضى بيه ليا دا كل يوم بحلم باليوم اللي نتجوز فيه بس هو مابيحبنيش بيحبها هى يا ماجدة
فتحت أمها الباب بصدمة لدرجة إن بناتها اتخضت وقالت: بقى طلعتي بتحبي الفقير رياض اللي مصدقت لفقته للجاهلة رهف؟
نسرين وماجدة بصولها بخوف بسبب الرعب اللي بان في عينها
ياترى هتعمل ايه؟ وفعلا رهف جوازتها هتم من رياض؟
تكملة الروايه من هنااااااا
#معاملة_زوجة_الأب
#بارت4
#إيسو_إبراهيم
تكملة الروايه بعد قليل
 …){kind=link}
تعليقات
إرسال تعليق