 |
رواية كبرياء آسيا وغرور أسر البارت الاربعون 40بقلم الكاتبه بسملة صالح جميع الفصول كامله وحصريه في موسوعة القصص والروايات
#روايه_كبرياء_اسيا_وغرور_اسر
#بقلم_بسمله_صالح_البارت_40
#سبحان_الله_وبحمده_سبحان_الله_العظيم
كانت اسيا في الاستراحه بتستريح واسر خرج من الاستديو وهو حزين جدا وقلبه مكسور ومهموم وركب سيارته وساقها بسرعه جنونيه.
وفجأه جاءت لي اسيا مكالمه من شخص غريب بيقول: الو دكتوره اسيا معايا.
اسيا باستغراب: ايوه مين معايا.
الشخص :دكتور اسر عمل حادثه خطيره من خمس دقائق ودلوقت هو اتنقل على المستشفى اللي جنب الاستديو وياريت حضرتك تجي بسرعه لانه مات ولازم حد يستلم الجثه.
وقفت بصدم.
وقالت بصوت عالي : م مات اسر لا لا مش ممكن ابدا دا كان لسه بيكلمني انت كداب!
وطلعت تجري من الاستوديو والكل مستغرب من حالتها وبيحاولوا يوققوها لكنها بتقاومهم وتبعدهم عنها علشان تخرج ،وفعلا خرجت وركبت عربيتها
وبتقول بهستريا: مش معقول لا لا اسر مستحيل يسيبني هو وعدني وقالي انه عمرو ما هيسبني، اكيد بيضحكوا عليا.
ودموعها نزلت وهي بتسوق عربياتها وكانت بتسوقها باقصى سرعه وايديها بترتعش لكنها بتحاول تسيطر على اعصابها لغايه ما قدرت انها توصل لمستشفى ونزلت بسرعه ودخلت وهي بترتعش.
وبتقول بدموع للاستقبال: م من ع عشر دقائق في واحد جالكم عمل حادثه عربيه ا اسمه ااسر هو م موجود فين؟!
موظفه الاستقبال: هو في الغرفه رقم ٢٠٢ في الطابق التاني يا فندم.
طلعت اسيا بتجري ودموعها على خدها وبتكدب الي سمعته لغيت ما وصلت ادام الأوضه ،بتقدم رجل وتأخر رجل خايفه تدخل يكون هو فعلا مات وعايزه تدخل ثبت لنفسها أنه عايش واكيد الشخص دا كداب.
واخيرا دخلت وهي بتسند على باب وشافت شخص راقد على السرير ووشه متغطي مش باين وشه لانه متغطي مشيت يبطئ وأديها بترتعش وخايفه لغيت ما وقفت ادام الشخص ،وبدات تشيل الغطا وانصدمت لما لقيته اسر في آثار جروح في وشه ودم وصرخت صرخه قويه.
وقالت : لاااااا اسرررر ودموعها نزلت على وشه.
وحطت ايديها تحت انفه تشوف في نفس لكن مفيش نفس.
قالت بهستريا : لا لا اكيد في حاجه غلط اااانت مستحيل تسبني يا اسر انت وعدتني ليه بتخلف بوعدتك دلوقتي م معقول هتسيب حبيبتك اسيا لوحدها انا مقدرش اعيش من بعدك يا حبيبي.
وحضنته وهدومها اتبهدلت دم من لبسه وشددت اكتر على حضنه وهي بتصرخ.
وبتقول :لا فوق متسبنيش انا بحبك يا اسر انت لا يمكن تموت وتسبني.
ودموعها نزلا زي الشلال،وبدأت تمسح الدم من على وشه بفستانها .
وتقوله: اكيد دا مقلب سخيف.
وباسته من خده.
اسر فوق يا حبيبي ارجعلى الحياه من غيرك وحشه انا اتعذبت السنه ونصف الي كنا بعاد فيهم عن بعض ،عمري ما نسيتك دايما كنت في بالي، فتح عيونك يا اسر ، انا مسمحاك يا اسر ارجعلى وانا مستعده هرجعلك انت عملت حادثه بسببي انا لاني رفضتك ورفضت اعتذارك وانت حاولت معايا كتير لكن كبريائي كان منعني وشددت على حضنه وهي بتشهق وبتعيط بوجع.
وبتردد كلمه مسمحاك يا اسر انت حبيبي وروحي ودنيتي ، انت حب حياتي انت اه وجعتني وكسرت كبريائي وهنتني بس انا بعدت عنك وعاقبتك ، وانت ندمت واعتذرت كتير وانا دائما كنت بقفل الخط في وشك، ومبرداش اسمعك، بس كنت بعدها بعيط وكان بيبقي نفسي اكلمك ومش عارفه انت وحشتني زي ما انا وحشتك اسر فتح فوق متسبنيش، معقول هتخلف بوعدك وتسبني انا رجعت لك اهو ارجعلى بقا وفتح عينك.
وفجأه فتح اسر عينه وقال : اسيا!
اسيا بصدمه: اسر كنت عارفه انك مش هتسبني وهترجعلي.
وبدأت تلمس على وشه.
وتقول: انت كويس صح.
اسر بدموع: انت مسمحاني يا اسيا.
وقعد على السرير ومسح دموعها بي ايده: انا بحبك اكتر ما انتي بتحبيني وندمان يا اسيا عارف اني خضيتك عليا، بس انا مكنتش عارف اعمل ايه علشان ترجعيلي ،حاولت معاكي كتير بس كبريائك وكرماتك عندك فوق كل شئ.
انا ندمت واتدمرت من بعدك بس صدقيني مهما يحصل عمر ما ثقتي فيكي هتنهز ، متقلقيش عليا لان كل دا كان مقلب مني انا كنت فعلا هعمل حادثه لاني كونت طالع من الاستوديو قلبي مكسور وحزين علي بعدك عني ومكناس شايف قدامي، لكن في اخر لحظه ضغطت على الفرامل، وقولت انا همثل اني موت واسيا هتجي وهتسامحني وهنرجع لبعض، كلمت مدير المستشفي وعرفته بالخلطه وهو صديق والدي وواقف ودخلت المستشفي على اني ميت ودا مش دم دا لون والي على ورشى دا مكياج.
انا عملت كدا لاني بحبك مش قادر على بعدك عملت كل حاجه علشان تسمحينه لكنك رافضه اعتذرت قدام الصحافه وفي المطار واتصلت بيكي كل يوم وانتي كونتي بتعملي ليا بلوك عمري ما يأست انك في يوم مش هتسامحيني كنت عايش على امل انك هتسمحيني انا غلطت كثير ودي تاني مره موثقش فيكي احنا كلنا بنغلط يا اسيا احنا بشر وبنغلط وبنتعلم من اخطائنا ارجوكي سامحيني.
سنه ونصف كانت قادره أنها تعالج جروحنا ولو بنسبه بسيطه، انا اسف، عارف اني الي عملتوا غلط اني اعمل مقلب وأقلك عليا بس صدقيني مفيش حل تاني جربت كل حاجه علشان تسامحيني لكنك رافضه.
وقال بحزن وندم : اسف على كل كلمه قولتها وانا غضبان جرحتك ،اسف على كل دمعه نزلت من عينك بسببي، اسف اني كسرتك قلبك ووجعتك، حولت يوم فرحنا لذكرى سيئه، اسف على عدم ثقتي فيكي ،اسف على كل حاجه وحشه قولتها وزعلتك مني سامحيني يا اسيا وخلينا نفتح صفحه جديده.
اسيا بصدمه: يعني كل دا مقلب وخطه منك يا اسر علشان اسامحك بجد انا مصدومه فيك انت ايه يا اخي تمثل انك ميت وتقلقني عليك وقلبي كان هيقف من كتر خوفي عليك، بجد انا مصدومه فيك، انت الي غلطان ليه مجتش توجعني يا اسر بالصور الي وصلتلك عني ليه كلمت الصحافه وخليت حياتنا كل الناس تتكلم عليها، ليه فهمني!
مشكلنا كانت ممكن تتحل بتفاهم ، لكن انت غبي غبي انت فاهم الي عملته وصلنا لفين شوف كل واحد فين بقا فين بسبب غبائك،كان فين عقلك لما عملت كدا عارفه انها صعبه انك تشوف مراتك في حضن واحد غريب وان مفيش اي راجل يقدر يستحمل كدا، بس دا اثبت انك مش بتثق فيا وحبك مش قوى ليا واجهنا مشاكل كتير واتغلبنا عليها، لما مااتغلبناش على دي ها؟!
دي كانت أكبر مشكلنا واول مشكله تقبلنا واحنا متجوزين بس اثرت كتير اوي وعرفتني ناس كانت لابسه قناع الطيبه والقراءه وهما في الأساس
عقارب اقرب الناس لينا خانونا بس كل واحد اخذ جزاءه وربنا يسامحهم.
دورت عليك كتير وفي الاخر الاقيك بتخوني مع رنا بس انا مصدقتش الصور وجيت اتاكد ولقيتك بتخوني ، بس انا انجرحت اوي كنت عايزه اعرفك الحقيقه ان الصور مفبركه وقولت لما صورك انت ورنا وصلتني اكيد مفبركه والتمست ليك العذر لكنك مالتمستليش العذر احنا بنختلف عن بعض كتير، قولت افهمك الحقيقه واعرفك اني مخنتكش واكيد دا ملعوب ولازم نعرف هو مين.
لكنك رفضت تسمعني وقولتلي سيبني في حالة انا مش عايز اشوف وشك تاني اطلعي من حياتي، كنت منهاره من العياط ساعتها وانت مهتمتش بدموعي ولا لحالتي، وقولتلي انك خونتني وان الخيانه حلال ليا وحرام ليك، وبقيت بتسهر وبتشرب ومحاولتش تثبت براءتي أو تدور على الحقيقه كنت ممكن اسامحك لو اثبت براءتي لكنك كنت دائما بتروح البار.
ورفضت تطلقني وقولتلي هسيبك متعلقه مش هتعرفي تتجوزي وتكملي حياتك كل كلمه قولتها لي منستهاش كل كلمه قولتها محفوره في قلبي منستش اي حاجه دايما ذكريات الماضي كانت بتلاحقني، وافتكر كلاماتك دايما ، انا اثبت براءتي والكل عرف اني بريئه وساعتها سافرت وسيبت مصر وانا راسي مرفوعه وبقيت اكبر دكتوره اطفال في فرنسا ونزلت مصر علشان كونت ضيفه البرنامج ميأستش انا حولت حزني ووجعي لنجاح كبير والحمدلله بقيت محبوبه بين الجميع انا انتقمت بنجاحي وعاقبت ببعدي.
عمري ما هعتذر عن القسوه الي انا فيها دلوقتي، لان مفيش حد اعتذرلي لما كانتوا سبب الخراب بداخلي!
وانا نفذت طلبك وسبتك في حالك ومورتكش وشى تاني ، وخرجت برا حياتك وانا دلوقتي الي بطلب منك تسبني في حالي وتطلقني ،مفيش امل لرجوعنا ودلوقتي خدعتني استغليت حوبي ليك وعملت خطه انك موت علشان اسامحك، كنت عايز توصل لي ايه عايز تعرف اذا كنت بحبك ولا لاء؟
اه يا اسر انا بحبك وعمري ما نسيتك وكل كلمه قولتها مكدبتش فيها عمري ما نسيتك كونت عايزه اكرهك لكن مقدرتش مش بالسهل انساك أو اكرهك ، بس انا موجوعه ومجروحه منك ومش قادره انسى ،عمرك ما فارقت بالي يا اسر دايما كنت بشتقالك، وكنت بفوق على الذكرى المؤلمه، كان ممكن تعتذر وتخليني اسامحك بطريقه تانيه الي انك تخدعني يا اسر!
ونزلت دمعه من عيناها ومسحتها بسرعه وطلعت تجري برا المستشفي.
خرج اسر وراها وهو بيجري وبينادي عليها وهي ركبت عربيتها وساقت بسرعه وهو ساق وراها بعد ما ركب عربيته،وهي استغلت زحمه العربيات ولفت من طريق واختفت ووصلت بيتها وساعتها مقدرش يلاحقها ودموعه نزلت مش عارف يعمل ايه علشان تسامح جرب كل حاجه لكنه فشل.
كانت اسيا دموعها نازله وهي بتسوق عربيتها هي نفسها تسامحه ويرجعوا لبعض لكن كبريائها مانعها كانت ممكن تسامحه بس اسيا ما بتحبش الخداع وهو لاجئ للخداع علشان تسامحه وصلت بيتها ومسحت دموعها وابتسمت ولا اكن حاجه حصلت وقعدت مع اختها وعرفت ان اخوها هيتخرج بعد ثمان ايام وان هيبقى كتب كتابها على جاسر، ومعتز هيكتب كتب كتابه على ريناد.
لان اهل جاسر كانوا هنا من شويه واتفقوا على كل حاجه معتز كلم ريناد وريناد كلمت اهلها وحدده الميعاد،وهو يوم تخرج ريناد ومعتز اخر النهار هيكون كتب كتابهم وبالتالي رقيه وجاسر هيكون كتب كتابهم مع بعض.
اسر روح بيته وعرف ان بعد ثمان ايام كتب كتاب اخته وتخرجها وحاس ان في امل انه يعتذر من اسيا ثاني علشان تسامحه لان مهما كان هو اللي غلط ولازم يصلح غلطه بأي ثمن ومش مستعد يخسر اسيا او انه يخسر حب حياته.
وملك ومراد وسيلين وقصي كانوا بيجهزوا الفرحهم وخرجوا للمول وبينقوا اللبس وكل حاجه هتلزمهم للبيت وكانوا مبسوطين جدا لان بعد ست ايام هيكون فرحهم.
ومره ثلاث ايام واسيا بتفكر في اسر وعلاقتهم هتوصل لفين واسر كان بيفكر في طريقه ازاي اسيا هنسامحه ويرجعوا لبعض.
وافتكرت اسيا انها لازم تسحب فلوس من البنك علشان تجهيزات اللازمه للي كتب كتاب اخواتها وانها تشتري لهم لبس وتجهز كل حاجه وتعمل هديه لمعتز بمناسبه تخرجه وراحت البنك وفي الوقت ده كان اسر رايح البنك لان كان في مشكله في الفيزا بتاعته ورايح علشان يحل المشكله دي ويعرف ايه السبب.
ووصلت اسيا البنك وسحبت مبلغ كبير من حسابها واسر كان بيستفسر بخصوص مشكله الفيزا وفجأه سمعوا ضرب نار وخبطت اسيا في اسر من الخضه وبصوا لبعض بصدمه وساعتها اسر خاف على اسيا وشدها ورا ظهره لانه شاف........
استوب ولحد هنا استنوني في البارت القادم توقعاتكم وتفاعلتكم ورأيكم يهمني جدا، هل اسيت هتسامح اسر وترجعله؟؟
بعتذر جدا عن تأخيري بس دا كان خارج إرادتي💔
#Basmola.
تكملة الروايه اضغط هناااااااا
روووعه تسلم ايدك إلى الامام ساتابع
ردحذف