 |
رواية كبرياء آسيا وغرور أسر البارت الخامس والاربعون 45 بقلم بسمله صالح جميع الفصول كامله وحصريه في موسوعة القصص والروايات
#روايه_كبرياء_اسيا_وغرور_اسر
#بقلم_بسمله_صالح_البارت_45
#اللهم_صلي_وسلم_وبارك_على_سيدنا_محمد
وقرب منها جاسر وهي التصقت بالجدار الي وراها وهو حاوطها بي أيده.
وقال: اهدي يا روكا انتي خايفه مني.
رقيه: ساكته وبتبص في كل ركن في الاوضه، و وزقته بعيد عنها وقفت جنب طبق الفاكهه اللي كان في قلبه سك"ينه ومسكتها.
وقالت له :لو قربت مني ها"قتلك.
جاسر قرب منها اكثر وهي بدات ترجع لوراء وايديها بتر"تعش.
لغيت ما لزقت في الحيطه مره ثانيه وهو اخذ من ايديها السك"ينه ورماها بعيد.
وقال هو بيلمس على خدها: تأكدي اني عمري ما هاذ'يكي لاني باحبك انت روحي هو في احد يقدر يستغنى عن روحه او احد يقدر يعيش من غير روحه.
رقيه بضعف: وانا كمان بحبك اوي.
جاسر بحب : يبقي خليكي واثقه فيا.
رقيه: ماشي... انا واثقه فيك.
جاسر قرب منها اوي وبأسها بكل عشق وحب ونهم وشوق ورقيه رفعت ايديها ولفتها حولين رقبته واستجابت معاه وبادلته قبل*اته جاسر بدأ يلمس على ظهرها وفتح سوسته الفستان وو'قع على الارض وشالها وحطها على السرير برفق وووووو.
ذهبوا في بحور عشقهم.
(عيب بقا كدا مندخلش في خصوصيات الناس🤭🙊😂).
وفي صباح يوم جديد.
صحيت رقيه وهي مش عارفه تتحرك حاسه ان في حد مكتفها ولاقيت جاسر حاضنها بتملك وبا"سته برقه على خده، وفجأه فتح جاسر عينه وبصله بخبث فصر'خت رقيه ، اتعدل من نومته وقعد بفزع.
وقال بفزع: في أي اي الي حصل؟
رقيه : انت عملت فيا ايه اي الي نيمني جمبك!
جاسر بصدمه: نعمممم.
رقيه بصر'يخ: انت عملت فيا اي يا بني ادم رد عليا؟!
جاسر بعدم استيعاب من الي بيحصل من تصرفات رقيه: إحلفي انك مش فاكره حاجه من الي حصل بينا امبارح.
رقيه افتكرت كل الي حصل امبارح والكسوف ظهر على وشها ونزلت دماغها لتحت.
جاسر بخبث: شكلك لسه ما افتكرتيش اللي حصل امبارح انا باقول تعالي نعيده ثاني علشان افكرك.
رقيه بحده: احمم انا بقول افكرك بالسكينه الي رفعتها عليك امبارح ولا ايه؟
جاسر : لا وعلى ايه الطيب احسن اما اقوم أخد دش احسن!
رقيه: وانا بقول كدا بردك يلا قوم...
جاسر بخبث وهو بيبص علي جسمها: طيب ما تقومي انتي الاول.
رقيه اتكسفت وشدت البطانيه عليها وقالت : قوم يا جاسر وبلاش هبل..
جاسر بمكر: ليه مش عايزه تقومي انتي الاول ها وانهي كلمته بغمزه، وما انتي من دقايق كنتي عملالي فيها عبده موته.😂
رقيه بتوتر وكسوف: ها ا اصل تعبانه ومش قادره اقوم يلا قوم بقا.
جاسر محبش يكسفها اكتر من كدا وقام دخل التواليت.
وهي قامت بسرعه ولبست روب ابيض وطلبت الاكل ليهم وانتظرته يطلع علشان تدخل تاخد دش.
وفي جناح معتز وريناد.
صحي معتز وهو بيشيل خصلات شعرها من على وشها وبيتأمل ملامحها وبا'سها برقه وهمس جنب ودنها.
وقال :ريناد رينو حبيبي اصحي يلا الساعه بقت واحده الظهر صباح الخير يا قلبي.
ريناد بنوم: سيبيني شويه يا دادا انام شويه وصحيني ثاني وغطت وشها بالبطانيه وكملت نومها ضحك معتز عليها وقام دخل التواليت واخذ دش ولبس وخرج ولقاها لسه نايمه قرب منها وشال البطانيه من على وشها.
وقال: ريناد يلا علشان تاكلي وننزل نتفسح شويه ولا هنقضي يومنا كله هنا.
فتحت ريناد عينيها وقعدت على السرير وهي
بتقول :صباح الخير يا حبيبي.
معتز :صباح الجمال يا روح قلبي.
ريناد : الساعه بقت كام دلوقتي.
معتز بضحك :الساعه بقت اثنين الا ربع.
ريناد بفزع: يا نهار ابيض انا نمت كل ده ده انا عمري ما صحيت قبل كدا الساعه اتنين الظهر.
معتز بضحك وهزار: خذي بالك من قبل كده ايام السنجله، لكن دلوقتي بقينا متجوزين يعني حياتنا اختلفت صح ولا لا وغمز بعيونه.
اتكسفت ريناد وضربته بخفه على صدره.
وقالت له: طب بطل بقى ما تكسفنيش بقى يا معتز و ضحك معتز عليها واستغلت ان هو بيضحك وشدت الروب لبسته ودخلت بسرعه على التواليت تاخذ دش وقام معتز وراها قفلت باب التواليت من جوه وقعد يضحك على الباب على كسوفها وهي بتضحك من ورا الباب واخذت دش.
خرج جاسر من التواليت وهو لابس البرنس والابتسامه مرسومه على وشه.
وشاف رقيه وهي بتحط الاكل على الترابيزه قرب منها وحضنها من ظهرها.
رقيه بتوتر : ابعد بدل ما اصوت والم عليك الناس
جاسر بخبث: عادي يا حبيبتي صوتي مش هيعملوا لك حاجه هيقولوا واحد بيحب في مراته.
رقيه: سافل وقليل الادب.
جاسر بمكر :عارف يا حبيبي تعالي بقى اعرف... وما كملش كلمته لان رقيه كانت حطت ايديها على فمه وقالت له :بطل بقى قله ادب شويه.
جاسر بضحك: وهو انا لسه عملت حاجه.
رقيه :جاسر اقعد بقى يلا عشان ناكل علشان انا بجد جعانه وعايزه ادخل اخذ دش.
جاسر: فصيله بتفصليني عن كل حاجه اقعدي يا رقيه عشان ناكل.
وخلصوا اكل وجات رقيه علشان تقوم مسكها جاسر من يديها فبعدته عنها وطلعت تجري وتنط على السرير وهو بيجري وراها وبينط وراها لغايه ما مسكها ووقعها ووقع فوقها واتكسفت رقيه من وضعهم.
وقالت : جاسر لو سمحت ابعد شويه.
جاسر: تؤتؤ تؤتؤ قفشتك يا روكا،ولاحظ جاسر انها مكسوفه.
وقال لها :هو انت لسه بتتكسفي لا ده انا لازم بقى اشيل كسوفك ده خالص حد يتكسف برده من جوزوا.
رقيه بتوتر: جا سر ....
قرب منها جاسر وبدا يقبلها بشوق وحب وهي استجابت معه وبدلته قب'لاته وووو.......
(ونبعد احنا بقا🤭😂).
خرجت ريناد من التواليت وهي لابسه فستان بينك قصير.

ولقيت معتز قاعد على السرير لما شافها بص لها باعجاب وحب وهي اتكسفت وهو قرب منها وباسها من رقبتها.
وقال: تعالي ناكل علشان ننزل نتفسح شويه وننزل البحر.
وقعدوا يفطروا مع بعض وبعد كده لبست مايوه وهو لبس المايوه بتاعه ونزلوا البحر وبداوا يلعبوا في المياه ويرشوا على بعض وهو بيعلمها تسبح في جو مرح وضحك وحب.
وبعد مرور ساعات اتصلت اسماء ببنتها واطمنت عليها واتصلت بمعتز واطمنت عليهم،واتصلت منى ببنتها واطمنت عليهم.
كانت اسيا قاعده مع مامتها وبيتكلموا.
وقالت اسيا: ماما انا رايحه النهارده حفله عيد ميلاد صديقتي في الفيلا بتاعتها وهي عازماني ومصره اني اروح.
اسماء: روحي يا حبيبتي بس ما تتاخريش.
اسيا: حاضر يا ماما.
وفي الليل
لبست اسيا فستان ابيض يصل للركبه وفردت شعرها وحطت ميك اب بسيط ولبست شوز ابيض وحطت البرفان الخاص بها وركبت عربياتها وراحت حفله عيد ميلاد صديقتها في الفيلا.
اما عند أسر كان بيلبس لانه هيروح نفس الحفله دي لان البنت دي عزمته لانها تبقى زميلته في الشغل ولبس قميص اسود على بنطلون اسود وشوز اسود وساعه سوداء وصفف شعره بطريقه جذابه وطلع على الفيلا.
وصلت اسيا ودخلت وكانت في ايديها هديه وقدمتها لصديقتها وحضنتها.
وقالت : كل سنه وانت طيبه ايه يا تقى هابي بيرث داي.
حضنتها تقى واخدت الهديه.
وقالت : وانتي طيبه يا سيا.
ودخلت اسيا وقعدت على الكرسي واتجمع صديقتها حواليها وقعدوا يضحكوا ويتكلموا وكان في واحده من بعيد بتراقبها وبتبص لها بغل وحقد وفي الوقت ده دخل اسر وبصت له البنت دي باعجاب شديد وابتسمت وسلم اسر على تقى واداها هديه.
وقال : كل سنه وانت طيبه يا تقي.
تقى: وانت طيب يا اسر عقبال لما اجي ابارك لك بقى انت واسيا.
اسر ببتسامه :يسمع منك ربنا.
واسر كان بيشرب عصير وشاف اسيا وهي بتضحك وانسحر في ضحكتها وجمالها .
وفأاه قربت عليه البنت اللي اعجبت به ومدت ايديها عشان تسلم عليه وهو ما رضيش يكسفها وسلم عليها وكانت واقفه بتتكلم معه وهو بيرد عليها السؤال بالاجابه ومركز مع اسيا وهي اتضايقك جدا لانها شافت نظرات لي اسيا وحبه الي باين.
وجاء وقت تقطيع الكيك وان تقي تطفي الشمع والكل متجمع حواليها وشافت اسيا اسر في الوقت ده وبصيت له وهو بص لها وبدات الاغاني تشتغل والكل بيغني لغايه ما تقى طفيت الشمع واسيا كانت بتسقف وجات البنت من ووقفت أدام اسيا وزقتها فوقعت اسيا في البسين وكان أسر واقف من بعيد وشاف اسيا لما وقعت وجري عليها ووساب كوبايه العصير ونط بسرعه في البسين.

ولف ايده حوالين وسطها وهي كانت بتاخذ نفسها بالعافيه وكان مرسوم على وشها علامات الفزع وحضنت اسر وهو فرح وحضنها وكانت البنت واقفه حرفيا بتاكل في نفسها، والكل كان واقف مبسوط ان اسر انقذ اسيا وطلع اسر بيها من البيسين ومد ايده واسيا مسكت في ايده وطلعت وكانت جسمها بيرتعش وسقعانه فاستأذن اسر واخدها بعيد وطلب من تقى تجيب لها لبس واسيا تغير علشان هي بردانه جدا.
وتقي جابت لي اسيا لبس، واسيا غيرت لبسها واسر نشف لبسه ،وطلب منها ان هو يروحها وهو ماانتظرش ان هي ترد واخدها ووصلها لغايه بيتها وكان طول الطريق صمت رهيب بينهم ، وهو بيسوق بص لها وهي بصيت له وفضلوا باصين لبعض لغايه ما اسيا فاقت من شرودها.
وقالت له: بص قدامك عشان ما نعملش حادثه، وكمل اسر سواقه ونزلها قدام بيتها وهي طلعت وهو روح ونام على السرير وهو بيفكر فيها وهي نامت على سريرها وهي بتفكر فيه.
وفي صباح يوم جديد صحيت اسيا على صوت رنه تليفونها وقامت مفزوعه وردت.
وقالت: الو.
ورد المتصل وكان الصوت دا اسيا عارفه كويس والبنت بتقول بتعب :الو الو يا اسيا انا رنا ،ارجوكي ما تقفليش المكالمه انا باموت يا اسيا ومحتاجاكي سامحيني يا اسيا انا في اسكندريه في مستشفى الحياه انا عندي ورم بالدماغ واحتمال 70% اني اموت تعالي انتي واسر عايزه اقول لكم حاجه قبل ما اموت ويا ريت تسامحوني وتيجوا عارفه اني غلطت معاكم.
اسيا بفزع: رنا معقول.
وللحظه نسيت اسيا كل اللي رنا عملته انها كانت السبب في دمار حياته.
وقالت بفزع: انا جايه لك حالا وقفلت المكالمه ولبست وطلعت بسرعه بعربيتها على اسكندريه وكانت رنا اتصلت بأسر وترجيته انه يجي وهو فعلا راح ووصلت اسيا وصل اسر وراها وقفوا الاثنين وكانت رنا راقده على السرير وكان وشها شاحب اللون ويظهر على وجهها الضعف وكانت ضعيفه جدا وخسرت كثير من وزنها وباين على وشها الندم وتغيرت تماما.
وقفوا اسيا واسر جنب بعض وتكلمت رنا.
وقالت بتعب وضعف : انا اسفه سامحوني انا السبب في اللي انتم وصلتوا لي لغايه دلوقت بسبب حقدي وغلي وانانيتي وصلتوا لكده الحقد عباره عن سم بيعمي قلب قبل العين وبيحولك لعبه في ايد الشيطان يحركها زي ما هو عايز هيخليك تعمل اللي عمرك ما كنت تتوقعه او تتخيله وفي الاخر هتفرح شويتين وتجرب طعم الانتصار ، بس للاسف بعدها هتتقلب عليك وكل الموازين هتنقلب ضدك وعمرك ما هتفلح مهما طال الوقت وهتجرب وهتذوق في الدنيا قبل الاخره والاكيد انك هتندم بس للاسف بعد ما يكون الوقت فات بعد فوات الاوان.
انا مشيت وراوشيطاني وربنا حظرنا من اننا نسمع لوسوسه الشيطان لانه بيزين الحرام ويحلله في عينك،وان لازم نتقي ربنا في اعمالنا ونحمده على كل نعمه.
انا مشيت ورا شيطاني وحقد عليكم وغيرت من علاقتكم وحبكم لبعض ،والنتيجه اهيه خسرت نفسي قبل ما اخسركم ، انا غلطت واتعلمت الدرس بس بعد فوات الاوان تعلمت ان لازم نرضي بكل اللي ربنا اداه لنا وقسموا لينا ، لان ربنا هو عارف الخير لينا فين وان احنا لو رضينا بي الي ربنا كتبوا لينا هنعيش سعداء...
عارفه ان مهما اعتذر مش هتسامحوني بس حاولوا تسامحوني انا في اخر ايامي ولو موت ارجوكم سامحوني وادعولي بالرحمه كل ماتفتكروني ،ويا ريت ترجعوا لبعض عارفه ان اللي عملته شيء لا يغتفر بس انا ندمانه عمري ما كنت اتوقع انه اوصل للحقد والغل والانانيه دي.
ما قدرتش كل اللي اسيا عملته معايا وكل الجمايل اللي عملتها بل بالعكس افتكرت انها اخذت الشخص اللي باحبه واتاريني ما كنتش بحبك اتاريه كان مجرد اعجاب بس بشخص مغرور مش مهتم بحد لكن انا عمري ما حبيتك، واسر يا اسيا ما خانكيش كل ده كان ملعوب مني.
حتى انا اللي كنت السبب في خطفك وانا اللي حرضت سيف انه يعمل كده انا عملت غلطات كثير وبندم دلوقتي ومش مسامحه نفسي، ارجوكم سامحوني.
ونزلت الدموع من عينيها وقربت اسيا منها وحضنتها، ومسكت دموعها.
وقالت: مسامحاكي يا رنا انت مش هتموتي صدقيني انا هابقى معاكي وهتعملي العمليه وهتبقى كويسه.
وبصت لاسر بترجي ان يقول لها انه مسامحها وقرب اسر.
وقال :انا مسامحك ربنا يشفيكي يارب.
مسكت رنا اديهم وحطيتهم في بعض.
وقالت بدموع: ارجوكم ترجعوا لبعض انا كنت السبب ان فرقتكم فلازم اكون السبب ان اجمعكم وارجعكم لبعض عشان ارتاح عشان لو موت ما كنش شايله ذنب كبير اني فرقت حبيبين عن بعض، وزرعت الشك بينهم ،وسوءت سمعه اسيا سامحوني، انا ندمانه انا اسفه.
كما تدين تدان انا ظلمتكم وبعدتكم عن بعض بسبب حقدي ودلوقتي ربنا بيعقبني على الي عملته ، لان الحياه كدا خير عملته أو شر عملته هترده الحياه لك في يوم من الايام، ودلوقتي الحياه بترد ليا الي عملته.
لان ربنا مابينساش ومش بيسيب حد ، انا خليتك تبكي بسبب انك انظلومتي وإنقهرتي وربنا دلوقتي بيعقبني على كل الي عملته ،انا دلوقتي بعيط ومقهوره من الي عملته متخليتش اني في من الايامهتبقي وحشه كدا.
وعيطت.
حضنتها اسيا وعيطت في حضنها ورنا عيطت في حضنها وكان اسر متأثر جدا وهربت دمعه من عينيه.
ربنا يسامحني وانتوا تسامحوني هدعولكم دايما أن ربنا يسعدكم وهستغفر ربنا كتير.
وقعدت اسيا واسر معاها ورنا كانت تعبانه جدا وآسيا حست انها مخنوقه وزعلانه على رنا لان اسيا كانت بتعتبارها اختها ، وعمرها ما كرهتها هي زعلت وانقهرت من الي عملته لكن مكرتهاش لان الموقف دا بيبن معادن ناس كتير وربنا كشف ليها حقيقه ناس كتير وبين مين الكويس ومين الوحش.
وعرفت أن قد يبتليك الله ليفضحك لك قلوبا ادعت محبتك فلا تحزن واول ما خرجت من المستشفي نزلت الدموع من عيناها واسر حس بنغزه في قلبه وحس انه مش مطمن وان في حاجه هتحصل مش كويسه وخاف على اسيا وخرج بسرعه برا المستشفي
وشاف اسيا دموعها على خدها ومصدومه وماشيه في الطريق والعربيات حواليها وهي مش واخده بالها، من العربيات وأنهم بيضربوا كلاكسات علشان تنتبه وهي لاحياة لمن تنادي.
اسر بصوت عالي وخوف وفزع : اسياااااا حسبي العربيه.
بس اسيا مش سمعاه جري أسر في وسط العربيات ، مش همه انه ممكن يعمل حادثه عايز ينقذ اسيا بأي طريقه ، حتى لو على حسابه ولو حتي هيموت المهم انها متتأذيش وتكون بخير هو مستعد يضحي بنفسه علشان يشوفها بخير وسعاده.
ونادي بأعلي صوت وهو بيعدي الطريق وزقها بعيد عن العربيه الي جايه بسرعه عاليه، بس شكل العربيه مفيهاش فرامل والسائق مش عارف يوقف العربيه وقعت اسيا علي الارض وبعدت عن الطريق، وفاقت من شرودها لما شافت أسر اترفع في الهواء ونزل على الأرض والد*م غر*ق الأر"ض ، وبص لها وابتسم لها بو"جع وضعف.
وقال بضعف : بحبك سامحيني يا اسيا.
اسيا بخوف وفزع ودموع: اسررررر لااااااااا.
استوب ولحد هنا خلص البارت ده تفاعلتكم وتوقعاتكم ورايكم يهمني جدا ايه رايكم في الروايه والاحداث هل اسر ممكن يموت، وهل رنا هتموت وايه مصير علاقه اسيا واسر، كل ده واكثر هنعرفه في الحلقات الجايه انتظروني يا احلى عالم شكرا على دعمكم لي بحبكم كثير♥️نزلت بارت انهارده أهه طويل تعويض عن التأخير تفاعل بقا.
الروايه قربت تخلص وانتظروا الروايه القادمه✍️
#بقلم/ بسمله صالح.
يتبع.......
جميله جدا
ردحذفروعه
رجاء ما تتاخري