 |
الجزء الرابع♥️شكرا علي تفاعلكم السكر♥️بقلم سولييه نصار♥️
-ازاي عايزني اقنع جوزي أن الطفل منه ؟!
حطت امي أيدها علي وشها بتوتر وعيونها بدأت تدمع ...كانت بتترعش بتوتر وبتبص حواليها ..
اتنهدت هي بتوتر وقالت:
-طيب يا حبيبي انا هتصرف ...يالا سلام ...وانا كمان بحبك ..خلي بالك من نفسك ...
دخلت اوضتي وانا منها*رة ...
.....
تاني يوم ....
-ايه حامل ..
ابويا كان بيقولها وهو طاير من السعادة ...بدأ يضحك وفتح دراعه عشان يحضن ماما ..ماما حضنته وهي بتبصلي بتح*ذير وقالت بصوت ناعم:
-ربنا عوضنا يا حبيبي يمكن يجيلنا الولد اللي نفسنا فيه ...
هز رأسه ودمو*عه بدأت تنزل وباس رأسها وهو بيقول :
-يارب يا حبيبتي يجي الولد اللي هيسندني ...يارب
......
عشت الايام اللي بعدها في ق*هر وامي بسبب حملها بقت ترتاح في البيت وابويا كان طاير من الفرحة رغم أن ظروفنا بقت أس*وأ ...
...
في الشهر السادس حصلت المعجزة الأكبر ...طلع أن حسن معرفش يحل مشا*كله واتقبض عليه واترحل علي مصر ..وحالة بيتنا سيطر عليها الحز*ن ...
....
...
كان بابا بيخبط كف علي كف وهو حزين وبيقول:
-ياريتني ما سيبته يمشي من البيت ...اهم قبضوا عليه يا لوزة واترحل المس*كين ...
كانت امي كاتمة دموعها بالعافية ...كان باين عليها التعب والارهاق ...قامت من مكانها وقالت بتو*تر :
-انا تعبانة يا قصي هروح ارتاح شوية ...هو ربنا هيقف معاه متقلقش ...
وبعدين دخلت الاوضة ...بس قبل ما تدخل شوفت الد*موع بتنزل من عينيها ...
.....
كان بابا نايم وكنت قاعدة علي التليفزيون لما سمعت همس ..اتسحبت علي المطبخ ولقيتها بتكلمه تاني :
-ازاي مبك*يش يا حسن وابني ده اللي هيطلع من غير اب...انا بم*وت من ساعة ما عرفت الخبر ...
مسحت دموعها وكملت:
-موافقة اجيلك مصر بس أولد ههر*ب واجيلك ومش مهم اي حاجة كده كده انا معايا دلوقتي الولد ...أنا كشفت وعرفت جنس الجنين ..ولد يا حسن ...انت قولت أن نفسك في ولد وهجيب أنا الولد ...
معدتي قلبت وحسيت اني فعلا همو*ت ...ازاي هي قذ*رة للدرجادي ... ازاي قدرت تخو*ن بابا ...بابا اللي حبها وادالها اللي هي عايزاه .
.......
تمت الولادة ...امي جابت ولد واللي بابا فرح بيه اووي. وكتبه علي اسمه ..ومعاملته بدأت تتغير معايا ...
...
في يوم كان عادل اخويا الصغير علي حجر ماما وبابا بيلعبه ...قربت عشان العبه وحاولت اشيله فبابا زعقلي:
--ايه التخ*لف بتاعك ده حاسبي لتوقعيه ...ده لسه طفل ...
-بابا أنا ...
قولتها وانا كاتمة دموعي بالعافية فزعق فيا وقال :
-بلا بابا بلا زف*ت يالا غو*ري علي اوضتك مش عايز اشوف وشك !!
جريت علي اوضتي فعلا ودخلت قعدت علي السرير وانا بعيط جامد ...من اول ما جه عادل والحب اللي كان في قلب بابا من ناحيتي اختفي تماما ...بحس أنه مش بيط*يقني ..دايما بيز*عق فيا ومش عايزني المسه ... دايما كا*سر خاطري ونفسي مسحت دموعي وحسيت بالغ*ضب صعب طفلة تحسه في الوقت ده وانا مقررة اقول لبابا علي كل حاجة ...
ولسه هطلع اتجمدت مكاني وانا بسمع بابا بيقول:
-مبقتش اطي*قها يا لوزة ...انتي عارفة ...دلوقتي بقا معانا عادل ويدوب نصرف عليه وناريمان حملها كبير ..بفكر ارجعها المي*تم تاني بما أن بقا ليا ابن من صلبي !
يتبع
الجزء الخامس♥️شكرا علي تفاعلكم السكر ♥️بقلم سولييه نصار♥️
-لا طبعا يا قصي ازاي يعني نرجعها تاني ؟!مينفعش طبعا ...خليها واهي بتكبر وتساعد في شغل البيت
ده كان صوت ماما ...رجعت لورا وانا بع*يط ..انا من الاول عارفة أنهم تكفلوا بيا ....وعارفة اني مش بنتهم ...بس انا حبيتهم واعتبرتهم اهلي ...مكنتش مصدقة أن بابا يتغير بالشكل ده من ناحيتي ...بابا يعمل كده ؟!...
دخلت اوضتي وانا حاسة اني انك*سرت تماما ...مفيش حد فيهم بيحبني ..
......
عدت ايام وشهور والولد بيكبر وحب بابا ليه بيزيد ومن ناحية تانية نفو*ره مني بيزيد ...مكانش طا*يقني رغم اني بقيت أشيل شغل بيت كامل وانا عندي ١٢ سنة ....وطبعا اتصالات امي مع حسن مش خلصت ...حاولي كتير يشوفوا طريقة يبقوا مع بعض فيها لكن كل مرة تطلعلهم حكاية ...الولد كبر وبابا دخله مدرسة احسن واهتمام اكبر ...لكن مع الاسف مع مرور الوقت صحة بابا تد*هورت اكتر وتع*ب جدا ودخل المستشفي وطلبوا يعملوله عملية بسرعة ....ابويا رفض تماما لما عرف انها خط*ر عليه ورجع البيت ...
عدا اسبوع وامي ليل نهار تقنع فيه وهو رافض ...فضلت تزن بشكل غريب عليه ...عملت المستحيل عشان يرضي ...وزي ما بيقولوا الزن علي الودان أمر من الس*حر ...ابويا وافق يعمل العملية ...وراح المستشفي ...
......
كنت قاعدة في المستشفي متوترة ...كانت امي مع عادل اخويا شايلاه ومبتسمة ولا كأنها قلقانة ...فجأة طلع الدكتور وهو متو*تر ...قرب من ماما وقال:
-البقاء لله ...
امي وقتها مبكتش ...بصت للأرض وهي بتهز رأسها أما أنا فدموعي بدأت تنزل وحسيت أن قلبي هينف*جر من الا*لم ...كنت وقتها داخلة في عمر ال١٧ سنة ...كنت فهمت كل حاجة حرفيا ...فهمت أنها اقنعته يعمل العملية عشان يم*وت مش حبا فيه سمعت الدكتور وهو بيقولها بصراحة أن العملية مش مضمونة بس هي صممت ...كانت عارفة أن قلبه مش هيستحمل وهيمو*ت فيها ...وقتها كر*هتها ...كر*هتها اكتر ما كر*هت اي حد ...بس كالعادة سكتت وخوفت ...خوفت ترميني وانا مليش حد ..حتي أهل بابا بيكر*هوني لاني من ملجأ وخايفين لأورث ... ...
......
بعدها امي محزنتش اصلا بالعكس لحقت وباعت البيت والعفش ونزلنا علي مصر ...كانت سعيدة جدا أنها اخيرا هتشوف اللي بتحبه واتفقوا أنهم يتجوزوا بعد العدة عشان كلام الناس ...اشترت شقة في مصر وعشت معاها ...كنت بخد*مها هي وابنها وبم*وت من جوايا وانا بسمع بالليل مكالماتها مع حسن ...بس صبرت وسكتت ...قررت متكلمش...قولت أن كده كده انا كبرت وفي اي وقت ممكن اتجوز وابعد عنها ...لحد ما فعلا اتقدملي خالد ...كان يبان أن ظروفه مرتاحة وعملنا من البحر طحينة بس المشكلة أنه كان متجوز ...رفضت بالبداية لكن امي ضغطت عليا لحد ما وافقت ....
....
قبل كتب الكتاب بيوم ..
كان خالد ورقية قاعدين مع لوزة في الكافية ...خالد ابتسم وقال:
-ده المبلغ اللي اتفقنا عليه يا لوزة ...بس متقوليش لناريمان أن جوازنا بس عشان اخد الطفل اللي هجيبه منها ...
-اكيد مش هتكلم ...وبنتي غب*ية مش هتحس بحاجة .. بالعكس دي هتبقي خاد*متك انت ومراتك ...
وبصت لرقية اللي ابتسمتلها بخ*بث!
يتبع
الجزء السادس♥️شكرا علي تفاعلكم السكر♥️بقلم سولييه نصار ♥️
-اهم حاجة متعملناش مش*اكل مفهوم .
قالتها رقية فقالت لوزة بسرعة :
-متخافيش يا هانم ناريمان عبي*طة والله مش هتعمل حاجة ....دي ممكن تبقي خد*امة ليكي كمان ..بس اهم حاجة تعملي نفسك مش عارفة حوار أن البيه هيتجوز ...
بصلهم خالد وقال:
-وانا كمان هخليها تقتنع اني مش معايا فلوس ولما تولد هطلقها واخد الولد واختفي..أنا عرفتها علي الخادمين بتوعي علي اساس انهم اهلي وكده هي مش هتعرف تجيبني ...
هزت لوزة رأسها وقالت :
-اعمل فيها اللي انت عايزة ما دام أنا اخدت الفلوس ...المهم متقولهاش علي حاجة وبعد ما تولد طلقها علطول بالطريقة دي هي ممكن تترحل علي الاردن ونخلص منها ...
ابتسم خالد ليها وقال:
-وانا اوعدك يا لوزة اني هديكي اكتر من المبلغ ده لما اخد الطفل بس ناريمان متعرفش حاجة ...
-اكيد يا باشا ...
......
تم كتب الكتاب واتجوزته واللي حصل فيا أنهم اخدوا ابني ...لحسن الحظ كنت عارفة فين أهله علي حسب ما هو قالي...
....
خرجت من شرودي وببص جمبي علي شنطتي ملقتهاش قاعدة ...بصيت يمين وشمال وانا حاسة بالر*عب ...ده ورقي كله والفلوس بتاعة الحلق فيها اعمل ايه دلوقتي ..دورت كويس في القطر كويس بس للاسف ملقيتهومش ...فضلت ابك*ي لحد ما وصلت الإسكندرية. .
. ......
روحت علي عنوان أهله واللي استقبلوني بقلة ذوق واودوني ورقة اكتشفت انها ورقة طلاقي وطر*دوني ...كنت مصدومة من اللي حصلي ...فضلت ماشية في الشارع وانا ببكي ...ابني راح وجوزي اخ*تفي وطلقني وورقي اتس*رق بالفلوس ...انا حاليا معيش حق الاكل حتي ...قعدت في مكان وفضلت اعيط جامد ...حسيت أن وقتها معنديش حد يساعدني حسيت بالوحدة زي العادة ....فضلت ايام بنام في الشارع وبتعرض للمضايقات ..لحد ما الناس الطيبة ساعدتني ارجع القاهرة بعد ما اخدت فترة طويلة في الشوارع ...رجعت القاهرة ودورت علي امي كتير ملقيتهاش ...كنت خاي*فة ...مر*عوبة ..حاسة أن همو*ت من الجوع أو أن حد مش كويس هيعمل فيا حاجة لحد ما اخيرا لقيت امي اللي غيرت سكنها واللي اكتشفت وقتها كا*رثة عملتها ...بعد الثورة قدرت تغير اسمها باسم اختها اللي توفت عشان تكتب اسم عادل علي اسم أبوه الحقيقي وتتجوز حسن وبكده هي قانونا مبقتش امي ومفيش اي إثبات علي كده ....وانا للاسف مهد*دة في اي وقت أنه يتقب*ض عليا لاني معنديش اي ورق يثبت صحة كلامي ...حتي مقدرش اروح ابلغ عن ابني اللي اتخ*طف ....روحت لامي اللي خلتني اعيش عندها ...ممكن شفقة أو تأنيب ضمير للي عملته فيا بس مكنتش مهتمة ...كنت عايشة زي الم*يتة وانا بسأل نفسي يا تري ابني حصله ايه ...ازاي هرجعه لحضني...كان قلبي بيتق*طع ..واتبهدلت اكتر لما معاملة جوز امي بدأت تبقي وح*شة اووي ...وبعد انتهاء عدتي جابلي عريس تاني والضغط اشتغل عليا ...بس ده مكانش ظروفه مرتاحة ...فكانوا ليه عايزني اتجوزه!!! قولت يمكن عشان يخل*صوا مني ...
......
قررت اوافق وامري لله ..
-موافقة امتي هنكتب الكتاب ؟!
قولتها لحسن وماما ...فقال حسن :
-مفيش كتب كتاب انتوا هتتجوزوا عرفي!!!
-نعم!!!
صرخت في وشه فقال بقسوة:
-هو ده اللي عندي يختي والا هتروحي للشارع مكانك الاصلي !!
يتبع
#الهاوية
#سولييه_نصار
تكملة الروايه من هنااااااا
تعليقات
إرسال تعليق