 |
رواية طفلة التميم الجزء الثاني البارت الرابع والخامس بقلم مارينا عبود في موسوعة القصص والروايات جميع الفصول كامله وحصريه
🖤البارت الرابع🖤
تولين اتعصبت وقربت منها ضربتها بالقلم
- أنتِ ازاى تتجرائى وتيجى على هناا بعد كُل إللى حصل لمالك بسببك وبسبب خالتك
شيرى بندم" لو سمحتى بس خلينى اتكلم مع مالك
تولين كانت هتتكلم بس قاطعها مالك " استنى يا تولين وسبيها تتكلم تعالى يا شيرى
تولين بصتلهُ بغضب وغيره وقربت وقفت جنبه وشيرى دخلت وهى بتبصله بندم" انا اسفه على إللى حصل صدقنى انا مكُنتش اعرف انها ممكن توصل لكده عموما انا مسافره لأهلى ومش راجعه مصر مره تانى بس قبل ما اسافر عاوزك تسامحنى ولله انا مكنشى بايدى حاجه أنتَ عارف انى مش برفض اى طلب لخالتى صفيه عارفه انى غلطت لما سمعت كلامها وانى سمحتلها تتحكم فيا بطريقتها بس صدقنى انا ندمت وبتمنى انك تسامحنى وكمان قول لتميم انه يسامحنى
اتنهد " مقدرش اقولك انى هسامحك وهنسى بالسهوله ديه لكن هحاول وعموما اتمنالك السعاده وانك تبدأى حياه جديده بعيده عن خالتك والافضل انك ترجعى لأهلك صدقينى محدش هيحبك قدهم
شيرى ابتسمت وطلعت علشان معاد طيارتها وتولين بصت لمالك بغيظ وهو بصلها وضحك
- خلاص بقااا اهدى شويه
- مش مطمنه للبنت ام شعر آحمر ديه
ضحك " ام شعر احمر؟! عموما لا مظنش انها ممكن تعمل حاجه تانى واحنا ملناش دعوه بيها وبصلها بخبث وتابع " احم يلاه نادى الممرضه تيجى تساعدني
اتعصبت واردفت بغيرة" يعنى حضرتكَ انا مش ماليه عينك علشان اجيب الممرضه تساعدك ولا سيادتكَ عينك إللى زايغه
ضحك " لا طبعنا بس أنتِ بتتكسفى من اى حاجه فأ قولت الممرضه افضل وبصراحه الممرضه إللى بتجيلى ديه قمر
اتعصبت وضربته على درعه الموجوع" اااه يا بنت المجانين اهدى بهزر
- طيب يلاه قوم علشان اساعدك
ابتسم " يلاه
تولين ساعدته يقوم ويغير هدومه ودقايق وطلعوا بره المستشفى والسواق فتحلهم العربيه واخدهم ومشى
_________________
عاصم اتنهد بحزن " بص يا عمار انا عارف كويس انه الكلام إللى هقولهولك هيصدمك بس انا عارفك واعى وهتقدر تفوق من الصدمه ديه
عمار بصله بأستغراب وقلق " مالك حضرتك قلقتنى فى ايه
عاصم اخد نفس عميق وبدأ يحكيلهُ كل حاجه عملتها صفيه.....
عاصم بهدوء " ده كل إللى حصل وللأسف هى حاليا مقبوض عليها بتهمه القتل
عمار بصلهُ لثوانى وفضل يضحك بشده وعاصم بصله بخوف وقلق
- يعنى حضرتك عاوز تفهمنى انه ماما عملت ده كله؟ هو حضرتك مستوعب إللى قولته
قعد على الكرسى وعيونه اتملت دموع " ي يعنى انا امى بقت قا*تله وكل إللى عملته بس علشان توصل لأونكل جلال
رجع يضحك تانى بس المرادى دموعه خانته" يعنى هى عمرها ما حبتنى انا واخواتى وكانت وخدانا وسيله طيييب احنا ذنبنا ايييه اوووه وانا اقول كانت بتسبنا وبتسافر دائمًا ليييه
قام وبص لعاصم بغضب " ولما حضرتك عارف انها كان ليها ماضى وكله حذرك منها اتجوزتها ليييه يا عاصم باشا هاااا ذنبى انا واخواتى ايه نعانوا بسببك وبسبب اختيارك؟
عاصم كان هيتكلم بس عمار شاورله بايده انه ميتكلمش وسابه وطلع
عاصم اتنهد بحزن وندم على سوء اختياره وأللى بسببه ولاده دلوقتى بيدفعوا التمن ..
___________
تميم اخد فرح وطلع من البيت ووصلو الاتيليه دخلوا وهو ماسك ايدها
بصلها وابتسم " يلاه يا طفله اختارى إللى نفسك فيه
فرح بصتله بغيظ" تميم بطل تقولى يا طفلة
ضحك " خلاص يلاه يا طفلة التميم
ضحكت " لا اذا كان كده ماشى
قالت كده وسأبته ودخلت وهو فضل يضحك عليها
فرح اشترت لبس كتيرر ليها وكمان جابت لبس ل رهف وفساتين ليها واى حاجه تختارها تقيسها وتوريها لتميم
فرح قاست آخر فستان ولبست هدومها وطلعت قعدت على الأرض بتعب
- بس خلاص انا تعبت
ضحك " ياختى دنتِ شويه وهتشترى الاتيليه كله
ابتسمت ببراءه " لا خاالص هما كام فستان على كام بلوزه وحاجات كده
ضحك بشده وشدها قومها من على الأرض " طيب قومى ياختى قومى انا ربنا يصبرنى
بصتله بغيظ " على فكرة الكام فستان إللى معجبوش سيادتك كانوا حلوين اووى
بصلها بطرف عين " اممم قصدك الفساتين المفتوحه ديه
بصتله ببراءه وبربشت بعنيها" اااه بصراحه يا تميم كانوا جامدين
تميم لنفسه " لما هى عندها 18 سنه وقمر كده اومال لما تكبر شويه هتعمل فى امى ايييييه
- بتقول حاجه يا تميم ؟
ضحك " ولا حاجه يا عيون تميم يلاه بينااا انا ربنا يصبرنى فعلا
مشيت قدامه وهى بتبرطم" هو ليه ماشى يقول ربنا يصبرنى ربنا يصبرنى ياختى ده شكله اتجنن بسببك يا فرح حسبى الله فيكِ
تميم بهدوء" بطلى برطمه ويلاه بينا
بصتله " طيب والحاجات بتعتى أنا ورهف
- متقلقيش انا هبعت حد ياخدهم بس أنتِ ليه جبتى هدوم لفرح
ابتسمت " عادى المهم هنروح على فين
- هنروح نتغداء علشان انا جوعت بصراحه
قربت ومسكت ايده " اووك يلاه بينااا وكمان هتودينى الملاهى
- مستحيييل الملاهى لااااااا
بصتله بصدمه ودهشه ووو....
___________
اما فى النيابه فأ العسكرى طلع صفيه واخدها على مكتب اللواء بنفسه لانه حد طالب يشوفها
صفيه دخلت وبصتله بصدمه وخوف " ع عمار..
نهاية البارت "وانتظرو البارت القادم "
#رواية
#طفلة_التميم
#الجزء_الثانى
#بقلمى
#مارينا_عبود
🖤البارت الخامس 🖤
صفيه دخلت وبصتلهُ بصدمه وخوف " ع عمار.
عمار اول ما شافها كان حابب يترمى فى حضنها...حاسس بنغزه فى قلبه من حالتها ووشها الباهت لسه مش قادر يستوعب انها عملت كده عيونه اتملت دموع بس حاول يخفيها
بص للواء وهو بصله بتفهم وسابهم وطلع علشان يتكلموا
صفيه بابتسامه انتصار " كنت متاكده انك مش هتسيب امك وهتيجى تخرجنى
اتقدم كام خطوة ووقف قدامها " قبل أى حاجه انا عاوز اسألك سؤال أنتِ فعلا عملتى كده أنتِ حاولتى تقتلى مالك وكمان أنتِ إللى وقعتى بين تميم ومالك من سنين عن طريق شيرى
صفيه بتوتر " أنتَ أنتَ..
عمار بغضب " ردى علياااا اه ولا لا
صفيه بجنون وهوس" ايوه عملت كده ولو طلعت برضوا هعمل نفس إللى عملته علشان بكره سوزان هى إللى اخدت منى حب عمرى وحرقت قلبى وعلشان كده انا كمان حاولت احرق قلبها على ابنها ومش ندمانه على إللى عملته
عمار رجع لوراء وهو بيبصلها بصدمه ومش قادر يصدق انه امه كده قعد على الكرسى وهو مصدوم ودموعه نزلت
صفيه قربت منه بهدوء وقعدت قدامه " أنتَ هتطلع امك من هناا صح يا عمار هطلعنى من هناا
عمار شال ايديه من على وشه وبصلها بسخريه " ههه امى!..
عمار قام وزقها بعيد عنه " أنتِ مش أمى انا مستحيل أمى تعمل كده مستحيل أنتِ اكيد وحده تانيه انا معرفهاش وكمان هما بيكدبوا
قرب ومسكها وهو عيونه عباره عن دم والدموع مغرقه وشه " قوليلى انه كله كدب قوليلى انك معملتيش كده طييب ليه ده حتى بابا عمره ما قصر معاكِ فى حاجه ودائمًا إللى بتحتاجيه كان بيجبهولكِ طييب مفكرتيش فى اخواتى تميم ورهف طيب وانا إللى علقتينى بيكِ مفكرتيش فيا دنا كنت بقف فى وش الكل علشان خاطركِ ازاى؟!...
ولما حضرتكِ متجوزه بابا بس علشان خاطر توصلى لأونكل جلال قررتى تخلفينا ليه وتجبينا الدنيا ليييه عملتى كده ذنبنا احنا ايه؟.... يعنى علشان كده كنت دائما تسبينا وتسافرى وكنتِ تسبينا لداده وفاء فى اكتر وقت بنبقا محتاجيلك فيه بحجة الشغل طيب ومالك ..مالك ذنبه ايه علشان تعملى فيه كده وتميم إللى كان بيتعذب قدامك على فراق صاحبه وحاسس انه الكل خانه ازاى هااان عليكِ قلبكِ مكنشى بيوجعكِ على حالته مكُنتيش بتقولى ده ابنى معقولة مكنتيش بتحسى.... انا انا مش قادر استوعب أنتِ ازاى لحد دلوقتى مسميه نفسكِ ام
صفيه جسمها بقاا يترجف وقربت حطت ايدها على كتفه " ع عمار ابنى
زقها وقعها على الكرسى " متقووووليش ابنى حررام عليك كفايه بصى أنتِ من النهارده ميته بالنسبالى انا امى ماتت مش عاوز اشوف وشكِ أنتِ قلبكِ حجر إللى تستحمل تشوف ولادها بيتعذبوا قدامها بس علشان ترضى كبريائها متبقاش ام انا مش عاااوز اشوف وشكِ مره تانى
سابها وطلع وهو مصدوم واللواء اول ما شاف حالته بصله بحزن وناده على العسكرى ياخد صفيه إللى كانت فى عالم تانى
العسكرى اخدها ورجعها الحجز لحد ما تتعرض للنيابه وهى كانت مستسلمه ومش بتنطق
__________________
_ مستحييل الملاهى لاااااا
فرح بصتله بصدمة ودهشه وثوانى وفضلت تضحك على شكله
بصلها بغيظ " أنتِ بتضحكى على ايه
فرح بضحكه جميلة تخطف القلب " شكله يضحك اووى
تميم مكنش مركز معاها وكل تركيزه على ضحكتها وواقف سرحان وبيبصلها بهيام
فاق من شروده على صوتها وهى بتشاور قدام وشه " تمييييم
تميم بهيام " يا عيون تميم
فرح فضلت تضحك ومسكت دراعه واخدته وطلعوا ركبوا العربيه وبدأ يسوق
- تميم أنتَ ليه مش عاوز نروح الملاهى
- لا الملاهى لااا
ضحكت " ايوه ليه يعنى
بصلها بغيظ " حصلتلى حادثه فيها وانا صغير ومن وقتها بكرها
ابتسمت بهدوء " طيب خلاص اى رأيك نروح لمالك نطمن عليه
بصلها وابتسم " منا هاخدك نتغداء الأول وبعدين نروح لمالك
سقفت بحماس " ماشى موافقه
بصلها وابتسم
وبعد دقايق وصلوا الكافيه ودخلوا وتميم طلب اكل وفضلوا يهزرو
_________________
عمار رجع البيت وكانت حالته صعبه عيونه أشبه بالدم وداخل متعصب
رهف اول ما شافته جريت عليه بخوف لانها اول مره تشوفه بالحاله ديه " عمار مالك ايه حصلك ؟
مردش عليها وطلع اوضته واول ما دخل فضل يكسر فى كل حاجه حوليه وهو منهار لدرجه جرح ايده ووقع على الارض وهو بيعيط ومش قادر يصدق انه امه تعمل كده
اما رهف اول ما عرفت انه عاصم مش موجود فى البيت مسكت فونها وكلمت تميم
_ تميم فينك ؟
- ايه يا حبيبتى مالك صوتك
- الحقنى عمار رجع من بره وهو منهار الظاهر انه راح شاف ماما وقافل على نفسه وبابا مش موجود
تميم وقف بخوف وقلق" طيب اهدى وانا شويه وهكون عندك مش هتاخر
اردفت بدموع وخوف " بسرعه يا تميم انا خايفه عليه
- حاضر يا حبيبتى اقفلى دلوقتى وانا جاى
فرح قامت وبصتله بخوف " فى ايه يا تميم؟
تميم ناده الجرسون وحاسب واخد فرح وطلع من غير ما يرد عليها بدأ يسوق بسرعه كبيره
فرح بخوف وصوت عالى " تميم هدى السرعه هنعمل حادثه
تميم مكانشى بيرد عليها وكل تفكيره فى عمار وقلبه مقبوض عليه
وفجاة جت عربيه قدامهم
فرح بصراخ" تمييييم حااااااسب
تميم بصدمه
________________
مالك رجع البيت وجلال سنده وطلعه اوضته وسابه يرتاح وطلب من سوزان تيجى الاوضة لانه حابب يتكلم معاها فى موضوع مهم
مالك بهدوء " تولين روحى نادى ماما علشان عاوز اتكلم معاها فى موضوع
تولين بابتسامه " حاضر
تولين طلعت وراحت على اوضة سوزان ووقفت مصدومه من إللى سمعته....
نهاية البارت" وانتظرو البارت القادم "
#رواية
#طفلة_التميم
#الجزء_الثانى
#بقلمى
#مارينا_عبود
تعليقات
إرسال تعليق