 |
رواية طفلة التميم الجزء الثاني البارت السادس والسابع والثامن بقلم مارينا عبود في موسوعة القصص والروايات جميع الفصول كامله وحصريه
🖤البارت السادس 🖤
أنتِ عاوزه تجوزى ابنكِ بنت لا نعرف اصلها ولا فصلها ولا هى بنت مين اصلا أنتِ اتجننتى يا سوزان
سوزان اخدت نفس وبصتله " يا جلال اهدأ البنت اخلاقه كويسه ومالك بيحبها احنا ...
سوزان وقفت كلام اول ما سمعت صوت شهقات تولين..التفت وبصتلها بخوف
- تولين
تولين كان واقفه مصدومه من كلام جلال جريت على اوضتها وهى بتعيط
سوزان بصت لجلال بعتاب" عاجبك كده جلال قولتلك بلاش تتسرع فى قراراتك البنت طيبه اووى وبعدين والدتها متوفيه وابوها كان خاطفها وحاول يجوزها غصب ومالك جابها على هناا
سوزان قعدت على الكرسى وبدأت تحكى لجلال عن كل حاجه من وقت ما مالك ضربها بالعربيه لحد ما قررت تجوزهم
سوزان بتنهيده " البنت مش ذنبها حاجه وانا من وقت ما دخلت البيت وانا اعتبرتها بنتى مكنش لازم تقول كده
جلال قرب وباس جبينها " طيب خلاص متزعليش انا هتصرف
بصتله بزعل وعتاب ومردتش عليه وهو سابها وطلع
_________________
فرح صرخت لما شافت العربيه بتقرب منهم وتميم مش مركز وبيسوق بسرعه جنونيه
- تميييم حاااااسب
تميم لف العربيه بسرعه وقدر يتفاده الحادثه إللى كانت هتحصلهم
وقف العربيه وهو بينهت وبص لفرح إللى كانت بتترجف وبتعيط من الخوف
بصله بخوف ومسح دموعها " فرح اهدى انا اسف اهدى محصلش حاجه
فرح اردفت بغضب وصوت عالى " فى حد يسوق كده احنا كنا هنموت بسببك ايه إللى حصل من وقت ما طلعنا وانا بسألك ومش بترد عليا فى ايييه
اخد نفس وحاول يهدى نفسه علشان ميخوفهاش اكتر خصوصا انها بتخاف من سرعة العربيات بصلها وأتكلم بنبره هاديه " بصى يا فرح عمار رجع البيت وهو منهار ورهف كلمتنى وقالتلى انه قافل على نفسه الاوضة وبابا مش موجود علشان كده لازم نوصل البيت بسرعه لانى خايف عليه خصوصا انه صدمته فى ماما كبيره لانه متعلق بيها اووى
اخدت نفس وبصتله بهدوء" طيب يا تميم بس ركز فى الطريق
ابتسم ورجع يكمل سواقه" حاضر
مرت دقايق ورجع الفيلا وطلع فوق كانت رهف بتخبط على الاوضة
اول ما شافت تميم جريت واترمت فى حضنه وهى بتعيط "تميم اكسر الباب بقالى كتيرر بخبط عليه ومش بيفتح ولا بيرد عليا انا خايفه عليه
تميم طلعها من حضنه وشاور لفرح تمسكها وقرب كسر الباب .....كان عمار وقتها مرمى على الأرض ومغمى عليه وايده بتنزف اثر الجرح والاوضه متكسره
تميم اتصدم وجرى عليه سنده وحطها على السرير بخوف " رهف اطلبى دكتور بسرررعة
-عماار رد عليا فووق
فرح بصتله بخوف وجابت علبت الإسعافات ومسكت ايده عمار وهى بتحاول توقف نزيف ايده
تميم كان بيبص لعمار بخوف والدموع فى عنيه جواه احساس بالعجز وهو شايف اخوه بالحالة ديه...
بعد وقت الدكتور وصل وفحص عمار
تميم بخوف"طمنى يا دكتور
الدكتور بجديه" تميم باشا هو اتعرض لحاله انهيار عصبى انا كتبتلهُ على بعض الادويه وياريت تبعدوه عن اى ضغط نفسى او عصبى
تميم هز رأسه بتفهم والدكتور استأذن ومشى
تميم قعد جنب عمار على السرير واخده فى حضنه وفضل يلعب فى شعره...ورهف دخلت وهى بتعيط
- هو هو هيبقى كويس يا تميم صح الدكتور قالك ايه
ابتسم وشدها لحضنه من الناحيه التأنيه " اهدى يا حبيبتى هو كويس متخفيش
دقايق وعمار بدأ يفوق وكان تميم قاعد جنبه وواخده فى حضنه ورهف قاعده جنبه من الناحيه
عمار قام ومتكلمش ورهف حطت المخده وراء ضهره
تميم بهدوء " طول عمرى بقول عليك قوى متخيلتش انه ييجى يوم واشوفك بالحاله ديه
عمار بصله والدموع فى عنيه " وانا عمرى ما اتخيلت انها تعمل كده..
تميم ابتسم وشده لحضنه " اهدأ هى مفكرتش فينا لما عملت كده ولغتنا من حساباتها واحنا كمان لازم نعمل كده وبعدين أنتَ مش لوحدك انا جنبك ورهف كمان جنبك وبابا وكلنا معاك لازم تبقى اقوى من كده وانا واثق انك قدها وهتقدر تتجاوز إللى حصل وانا معاك متقلقش مستحيل اسيبك وعلشان خاطرى انا لازم تقوم وتفوق ومتخليش الموضوع ده ياثر فيك او يغيرك بأى طريقه فاهم
عمار ابتسم وبصله بحب وحضنه " واثق من كده لأنك عمرك ما قصرت معانا وعمرك ما كنت بالنسبه لينا الاخ الكبير وبس أنتَ كمان كنت الاب والاخ وكل حاجه لينا يا تميم وانا اوعدك مش هخلى الموضوع ده ياثر عليا صدقنى برغم صدمتى الكبيره فيها بس متاكد انكم جنبى وانا مش محتاج حاجه تانى
تميم ابتسم وشدد على حضنه ورهف مسحت دموعها وبصتلهم بغيظ" طيب ايه منك ليه نستونى ولا ايه
تميم ضحك وفتحلها دراعه وعمار نفس الوضع
رهف ابتسمت بحب وجريت عليهم
وهما ضموها لحضنهم ولأنها الصغيره فأ ليها مكانه كبيره عندهم.... والحقيقه انه مهما حصل فى حياتنا هيكونوا أخواتنا هما الداعم الأكبر لينا فى اى مشكله بتواجهنا وخصوصا الاخ الاكبر بيكون فى مكانة الاب واكتر كمان وجوده بيفرق اووى خصوصا فى حياة البنات لانه دائما الاخ هو اقرب شخص لأخته وحقيقى العلاقه ديه بتكون من اجمل العلاقات إللى بشوفها فى حياتى ومش هقدر اوصفها فى كام كلمه صغيره لانها محتاجه كلام كتيررر فأ هكتفى بكده ونرجع نكمل الروايه
فرح كانت بتبصلهم وغصب عنها دموعها نزلت بصتلهم بحزن وطلعت على اوضتها وتميم لاحظ ده وقام وراها
اما رهف فأ قعدت تهزر مع عمار فى محاوله منها انها تطلعه من الحاله إللى هو فيها
________________
تولين كانت قاعده بتعيط فى اوضتها والباب خبط
مسحت دموعها وقامت فتحت الباب وكان جلال والد مالك
- ممكن يا بنتى اتكلم معاك فى موضوع
ابتسمت وفتحت الباب " اكيد يا اونكل اتفضل
ابتسم ودخل قعد قصادها " بصراحه انا جايه وحابب اطلب منكِ طلب
هزت رأسها بهدوء" اكيد اتفضل
اخد نفس وبصلها " بصراحه انا ....
نهاية البارت "وانتظرو البارت القادم "
#رواية
#طفلة_التميم
#الجزء_الثانى
🖤البارت السابع🖤
تميم رجع الاوضه وكانت فرح قاعده بتعيط
قرب وقعد جنبها:
- عارف انكِ مُفتقده لأهلكِ بس ممكن تعتبرينى انا اهلكِ عارف انه ده مش هيقلل من الألم إللى أنتِ حاسه بيه بس حاولى
رفعت رأسها واترمت فى حضنه:
- وحشونى اووى يا تميم محتاجلهم اووى كان نفسى يبقوا جنبى
ابتسم وضمها لحضنه وهو بيفكر ازاى يقدر يخليها تحس بالأمان إللى فقدته من وقت وفات والدها
_____________
اخد نفس وبصلها:
- بصراحه يا بنتى انا مش عاوزكِ تزعلى منى او تفهمينى غلط انا بس خايف على مالك هو ابنى الوحيد وانا معنديش اغلى منه وانا كمان معرفكيش كويس علشان كده بلاش تزعلى من كلامى
تولين ابتسمت وقربت بأست ايده:
- لا يا عموا انا مش زعلانه منك ده ردت فعل طبيعيه ولو حضرتك عاوزنى انى امشى و...
قاطعها: لا يا بنتى خليكِ هنا أنتِ خلاص بقيتى وحده منينا وكمان هتكونى مرات ابنى وزى بنتى بالظبط ومفيش فرق بينك وبين مالك ابدا
ابتسمت بفرحه: صدقنى ده شرف كبير ليا انى اكون وحده من العيله ديه وحقيقى انتوا عوض ربنا لياا
ابتسم وحط ايده على رأسها: تسلمى يا بنتى ودلوقتى هسيبكِ ترتاحى واروح اصالح ام مالك علشان زعلانه من وقت ما شافتكِ بتعيطى
ضِحكِت بحب: لا طبعنا لازم تروح تصالحها لانه زعلها صعب اووى عن تجربه
ضحك:اممم شكلها سوزان قامت بالواجب معاكم
تولين ضحكت وهزت رأسها، وهو ابتسم واستاذن وطلع
تولين غيرت هدومها وراحت تشوف مالك فتحت الباب بهدوء ودخلت لقته نايم قربت وغطته كويس وكانت طالعه بس هو مسك ايدها
ضحكت وبصتله: يعنى حضرتك عامل نفسك نايم
ابتسم وشدها قعدها جنبه: لا بس حسيت بيكِ اول ما دخلتى قوليلى كُنتِ فين
- كنت فى اوضتى
ابتسم: متزعليش من بابا هو بيخاف عليا اووى ومش قصده يزعلكِ
بصتله بدهشه: بس أنتَ ايه عرفك
ضحك: انا مفيش حاجه فى البيت ده بتتخبئ عليا
رفعت حواجبها ورفعت سبابتها بتحذير: أنتَ بتراقبنى
ابتسم : لا طبعنا بابا كان عندى من شويه وقلى إللى حصل بصى من الاخر كده انا وبابا مش علاقة اب وابنه احنا بينا علاقة صداقه قويه وديه اجمل حاجه بحبها فى بابا
ابتسمت بحب " ربنا يخليهولك يلاه بقاا نام وارتاح شويه
- ماشى وأنت كمان روحى نامى علشان بكره هاخدك ونروح نجيب فستان الفرح
-فرررح؟!
ابتسم بحب: اه انا قررت انا وغسان نتجوز علطول مش هنعمل خطوبه
ضحكت: انتوا الاتنين مجانين ولله مجانين
قالت كده وسأبته وطلعت وهو فضل يضحك على شكلها
_____________
فرح كانت قاعده فى الجنينه ومغمضه عنيها فتحت عنيها لما حست بحد قعد جنبها
- عمار
ابتسم: احم لو وجودى مضايقكِ ممكن ادخل
ابتسمت: لا عادى بس فى حاجه؟
ضحك: لا بصراحه كنت بدور على تميم ملقتهوش بس الحرس قلى انه طلع وبالصدفه لقيتكِ هناا قولت اقعد وأتكلم معاكِ شويه واهو فرصه تتعرفى عليا اكتر
ابتسمت وهزت رأسها بهدوء
- قوليلى أنت فى سنه كام دلوقتى؟
بصتله: تالته ثانوى علمى علوم
ابتسم: جميل اوووى يعنى هيكون عندنا حد مختلف فى العيله
اردفت بتساءل: قصدك ايه
ضحك: اقولك تميم باشا ديه آخر سنه ليه فى هندسه وكام شهر وهيتخرج وانا يا ستى فى تالته هندسه ومالك كمان خريج هندسه
ضحكت: طيب ورهف
ضحك: لا رهف اداره أعمال وأنتِ هتبقى دكتوره باذن الله صح
- صح
بصلها بخبث: طيب قوليلى أنتِ بتحبى تميم
اتوترت وفضلت تفرك بايديها: احم رهف بتنادى انا هقوم اشوفها
فرح جريت ودخلت جوا وعمار ابتسم بخبث وهو بينوى يعمل حاجه
قام وكان داخل بس وقفه صوت
- ناوى على ايه يا عمار؟
عمار التفت وضحك بخبث وو.....
_______________
غسان رجع البيت وطلع اوضته ووقف مصدوم
- ينهار ابوكِ اسوود
نهاية البارت "وانتظرو البارت القادم"
🖤البارت الثامن 🖤
-نهارك ابوكِ اسود أنتِ بتعملى فى دولابى ايه يابت
البنت التفت وبصتلهَ بصدمه، وهى ماسكه الهدوم بخوف، قرب ومسكها من لياقة البيجامة زى الكتكوت المبلول
- تانى؟ تانى يا تقى؟.. يعنى مش بتحرمى يعنى كل هدومكِ مش عجباكِ جاى تسرقى هدومى
ابتسمت ببراءه:
- اهدا بس يا باشا ده هو جاكت هستعيره وهرجعولك فورا ولله
اتعصب:
- طيب اخفى من قدامى ومتقربيش تانى من هدومى ولا حتى من اوضتى
تقى اتعصبت وبصتلهُ بغيظ:
- انا معرفش حضرتك متعصب عليا ليه ده هما كام جاكت على كام تيشرت إللى اخدتهم منك
وبعدين ما حضرتك إللى بتجيب هدوم جامده وبصراحه كده مش بلاقى زيهم فأ بضطر اسرقهم وبعدين يا غسان احنا أخوات يعنى مفرقتش
بصلها وابتسم ببرود:
- ماشى يا تقى هستحملكِ بس الفتره ديه لحد ما اتجوز وابقى ورينى هتقربى ازاى من اوضتى فى وجود رهف ازاى
- طيب سبنى الأول علشان اعرف اتكلم معاك
بصلها بقرف وسابها
ضحكت وقربت همست فى اذنه:
- بص يا باشا انا مش عاوزه اصدُمك بس بعد ما تتجوز مش انا بس إللى هسرقك مراتك كمان هتقوم بالواجب معاك احنا البنات كده
قالت كده وجريت على اوضتها وغسان بصلها بغيظ:
- ديه باينلهُ هيبقا مرار طافح
رمى نفسه على السرير بتعب وهو بيبص للسقف:
انا كان مالى ومال الهم ده بس ياربى بس معلش كله يهون علشان خاطر عيون رهف هانم
ابتسم وقام غير هدومه ورجع نام
__________
- ناوى على ايه يا عمار
عمار التفت وضحك بخبث:
- ناوى اجمع عصافير الحب
رهف ضحكت وقربت قعدت قدامه:
- مش هينفع دلوقتى
بصلها باستغراب وهى رجعت تكمل كلام:
- تميم مقرر ميبدأش معاها علاقته الزوجيه غير لما تخلص السنه بتعتها وبعدين هى بنفسها تاخد القرار
ابتسم وقعد قدامها:
- لكن يا رهف خلال الفترة ديه لازم نقربهم من بعض اكتر علشان تقدر تتعلق بيه وتقدر تحدد مشاعرها بعد كده، إللى انا حاسه انها بدأت تحبه ليه منحاولشى نكبر الحب ده
- بص انا معاك بس هنعمل كده ازاى ؟
ابتسم بخبث:
- سبيلى انا الموضوع ده انا إللى هقربهم من بعض بطريقتى
قامت ووقفت قدامه:
- طيب روح نام دلوقتى علشان بابا بكره عازم عموا جلال وعيلته وكمان عموا ماجد وغسان وباقى العيله علشان يحددوا معاد فرحنا احنا الاربعه
وقف وبصلها بحماس:
- ليه مالك وغسان قرروا يتجوزوا مع بعض فى يوم واحد
ضحكت وهزت رأسها
- ده هيبقااا فرح محصلش
غمزلها:
- كبرت يا جميل وهتتجوز وهبقااا خال قريب
ابتسمت بخجل وضربته على كتفه:
- اتلم يالااا خال ايه دلوقتى
ضحك واخدها فى حضنه:
- يعنى عليك يا جميل لما بتتكسف
اتكسف وزقته وجريت على جوا
ضحك وفضل يلعب فى شعره بحيره:
- يعنى كلهم هيتجوزا وانا هقعد اتفرج عليهم يعنى
ضحك اول ما شاف ابوه داخل، وجرى عليه:
- بااابا حبيبى، بقولك ايه ما تجوزنى زى العيال دول
عاصم ضحك بشده وبصله:
- اسمع منى وخليك سنجل هما كام يوم وهتلاقيهم بيشدوا فى شعرهم خليك انت معايا لحد ما تيجى بنت الحلال إللى تخطفك منى
ضحك عمار وحضنه:
عيب عليك يا كبير انا محدش يقدر يخطفنى منك
ابتسم عاصم واخدها فى حضنه، وقعدوا يهزروا، ولأنه عاصم وجلال فيهم صفه جميله اووى، وهى انهم بيعاملوا ولادهم كأنهم صحابهم المقربين وبيشاركوهم فى كل حاجه فا ده مخليهم ابأء ناجحين و قادرين يحتوّا ولادهم بطريقه جميله ومخلى ولادهم مقربين منهم بشكل كويس علشان كده حاولوا تخلوا علاقتكم بولادكم تكون قويه خلوهم صحابكم المقربين ليكم شاركوهم كل حاجه ده هيخلى ولادكم يقربوا منكم اكتر؛ لانه البعد والاهمال بيولد الجفاء وعدم التربيه الصحيحه وقادر يخلى ابنك يكون معقد نفسيا
تميم رجع البيت ودخل الاوضه كانِت فرح نايمه حط كل الحاجات إللى جبهالها على التربيزه بشكل جميل ودخل يغير هدومه، وثوانى وطلع اخدها فى حضنه ونام
____________
وفى صباح يوم جديد فى فيلا جلال كان الكل قاعدين حوليه بيفطروا ومالك بيهزر مع تولين
- يا ولاد جهزوا نفسكم علشان عمكم عاصم عازمنا على العشاء علشان نحدد معاد جوازكم
مالك ابتسم بحب:
- اوك يا بابا بس بعد اذنك انا هاخد تولين وهنروح مشوار
- اكيد يابنى اتفضل وانا هروح الشركه وهستناك هناك علشان نمضى عقد الشركه بين شركتنا وشركه عاصم
هزت رأسها بالموافقه واخد تولين وطلع
تولين مسكت فى دراعه وبصتله بتساءل:
- مالك احنا رايحين فيين
ابتسم وفتحلها العربيه:
- هنروح نتفسح شويه وتختارى فستان الفرح
نطت بفرحه:
- ماشى يلاه بينا
ركبت العربيه، وهو ركب جنبها وفضل يضحك
_____________
اما فى فيلا الدمنهورى فأ تميم قام مفزوع على صوت صراخ فرح ...
نهاية البارت " وانتظرو البارت القادم "
#رواية
#طفلة_التميم
#الجزء_الثانى
#بقلمى
#مارينا_عبود
بصوا الروايه بدأت تحلوا بصراحه 💃❤❤
تعليقات
إرسال تعليق