مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#اسكريبت_1

#عاشقة_الصعيدي 

_حجه امينه ي حجه ي حجه الحقي ي حجه (قبلتها واحده من الخدم) بعدي اكده (وزقتها وبصوت اعلي) ي حجه امينه

حجه امينه :مالك ي صافيه بتچري اكده ليه 

صافيه وهي بتاخد نفسها : ناصر بيه وصل ي حجه البشمهندس وصل ي حجه واهل البلد بيرحبو بيه 

حجه امينه بفرحه كبير : والدى ناصر وصل  (وزغرطت بصوت عالي) 

جت بنت جميله جري من اوضتها : صحيح الي سمعته دا ي عمه ناصر وصل

حجه امينه حضنتها : ايوا ي بتي... ي فاطمه اخوكي وصل 

جت فاطمه جري : ناصر اخوي 

وقاطع كلامهم دخول ناصر وهو شايل ولد صغير كان بيسلم عليه

حجه امينه بصتله والدموع ماليه عيونها : اتوحشتك ي ولدي

ناصر نزل الولد وجري علي امه حضنها وباس ايديها بحب : وانا كمان اتوحشتك ي ست الكل (وبص لاخته) ازيك ي فاطمه

فاطمه جريت عليه وحضنته : اتوحشتك ي خوي

ناصر حضنها بحنان : وانتي كمان ي جلب اخوكي (وبص للبنت الي واقفه وبصاله بفرحه كبيره) ازيك ي جمر كبرتي وحلويتي وبجيتي جمر اسم علي مسمي 

قمر ضحكت بكسوف : انا الحمدلله ابخير وانت

ناصر ببتسامه : الحمدلله كويس

قمر : انا جولت نستنا ي راچل ومبجتش عايز ترچع اهنه خت علي عيشة مصر

ناصر ضحك : مجدرش انسي اهلي ي جمر يلا هانت فاضل سنه واخلص الچامعه وارچع اهنه

قمر ابتسمت : تنور بيتك

حجه امينه : تعالي اجعد ي ولدي ارتاح انت چاي من سفر

ناصر راح وقعد جنب مامته : اتوحشتك يما

حجه امينه بفرحه وخبطت علي خده بخفه وحنان : وانت كمان ي ضنايا جومي ي فاطمه جهزي الوكل لخوكي

قمر بسرعه : اجعدي ي فاطمه انا هجوم

ناصر : لا اجعدي انتي وهي انا هروح ارتاح شويه يما تعبان من السفر

حجه امينه : خلاص روح يولدي ونبجا نصحيك وجت العشا

ناصر : ماشي ي ست الكل

قام ناصر وخد شنطة السفر بتاعته وطلع الاوضه بتاعته 

قمر ببتسامه عريضه : هجوم احضر الوكل ي عمه 

حجه امينه ضحكت : مالك ي جمر مبسوطه اكده ولا اكنه عرض عليكي الچواز ي بت 

قمر ضحكت : ياريت ي عمه ياريت 

فاطمه ضحكت وقامت حطت ايديها علي كتفها : مستعچله علي ايه ي جمر وهو هيلاجي احسن منك فين بس انتي خليكي تجيله شوي (وكملت ضحك) كان ناجص تجومي تبوسيه 

قمر اتكسفت ومشيت بسرعه تحت ضحك حجه امينه وفاطمه 

ناصر طلع الاوضه بتاعته وغير هدومه وطلع الاب توب بتاعه من الشنطه وقاطعه رنت تليفونه ورد 

ناصر : الو 

........ 

ناصر : لا هفتحها في الموضوع النهارده 

........ 

ناصر : انا لسه راجع دلوقتي بلليل هقول ليها 

........ 

ناصر : تمام سلام 

وقفل مع الي كان بيرن واتنهد : ربنا يستر من الي هيحصل بلليل 

#يتبع 

#عاشقه_الصعيدي #ال2

كانو كلهم قعدين بيتعشو في صمت وقاطع الصمت دا ناصر 

ناصر بتردد : بجولك ي حجه 

جحه امينه ببتسامه : جول يولدي

ناصر ساب الاكل : انا ناوي اتچوز 

قمر بصت ليه ببتسامه ممزوجه بكسوف و فاطمه غمزت ليها وحجه امينه بصت ليها ببتسامه 

حجه امينه : زين ما اخترت ي ولدي جمر مفيش منها مبر... 

قاطعها ناصر بتوتر : مش جصدي علي جمر ي حجه 

كلهم بصولو بصدمه وتكلمت الحجه امينه : اومال جصدك علي مين 

ناصر : انا بحب بنت يما زميلتي في الجامعه وناوي اتچوزها 

حجه امينه قامت وقفت : وه اي الكلام الماصخ ده تتچوز من مصر انت اتچننت ي ناصر 

ناصر قام وقف : لا ي حجه بس انا بحبها وهچبها تعيش اهنه قمر دموعها نزلت وقامت جريت علي اوضتها وفاطمه وراها 

ناصر : انا مش حجي اختار يما الي ناوي اعيش وكمل حياتي وياها 

حجه امينه بغضب : وجمر مالها حتي بتحبك ودي الي هتصونك وتجدرك وتتمني ليك الرضا 

ناصر : وحور هتجدرني وتصوني يما 

حجه امينه بصتله بغضب ومشيت علي اوضتها وهو اتنهد بحزن وراح علي الاوضه بتاعته لقي حور رنه مره رن عليها وردت

حور : الو ي حبيبي ها عملت اي كلمتها 

ناصر بحزن : هقنعها ي حور

حور بضيق : انا مش فهمه انت مستني موافقتها لي انت راجل ي ناصر من حقك تتجوز الي انت عايزها وهي لازم توافق بصراحه كدا مامتك باين عليها انان....

ناصر بغضب : حور اتعدلي وانتي بتتكلمي عن امي وانا عمري ما هعمل حاجه هي مش موافقه عليها

حور : اسفه ي حبيبي بس ي ناصر هي مش موافقه عليا من قبل ما تشوفني حتي

ناصر اتنهد : هفضل وراها لحد ما اقنعها ولما تعرفك وتعرف اني موافقه بعد ما نتجوز هنعيش هنا هتوافق

حور : هاا اه اه ماشي باي وهكلمك كمان شويه ي حبيبي

ناصر : ماشي سلام

فاطمه بحزن : اهدي ي جمر متعمليش في نفسك اجده

قمر بعياط : وانا الي كنت فكراه بيحبني ي فاطمه اه ي وچع جلبي بيحب وهيتچوز ي فاطمه هيتچوز دا انا سبت ابوي وجيت اعيش اهنه عشان اكون وياه ولما دخل الچامعه استنيتو يچي دلوك يتچوز واحده تانيه

فاطمه حضنتها 

قمر فضلت تعيط : مش هجدر اشوفه مع واحده تانيه ي فاطمه انا لازم امشي من اهنه

وقامت بسرعه فتحت الدولاب وبدأت تطلع هدومها

فاطمه خدت منها الهدوم : بتعملي اي ي جمر

قمر بدموع : مش عايزه اجعد هرچع بيت ابوي

فاطمه مسحت دموعها وقعدتها علي السرير : ي بت افهمي هو لسه بيجول هيتچوز يعني مفيش حاجه لسه تمت وامي مش هتوافج

قمر بدموع : وافردي وافجت يختي لا انا همشي (وسحبت الهدوم بتاعتها)

فاطمه سحبتها منها تاني : هتفضلي طول العمر غبيه اجده ما انا معاكي اهو ي بت هنعمل اي حاچه عشان يحبك ويختارك انتي

قمر بصت ليها : وه تفتكري هيحصل

فاطمه ابتسمت : الا هيحصل وهي هتيچي حاچه جمبك دا انتي احلي منيها ميت مره 

قمر ابتسمت وقامت قدام المرايا وبصت علي نفسها : طب هنعمل اي 

فاطمه قامت ولفتها ليها : انا هجولك 

#يتبع 

#عاشقة_الصعيدي  #ال3

صباح يوم جديد ناصر صحي وجهز وخرج راح لمامته الاوضه بس مكنتش موجوده

ناصر بصوت عالي شويه : فاطمه 

: حجه امينه راحت عند ابوي الحج عثمان

ناصر لف للصوت لقي قمر واقفه وفرده شعرها الطويل وحطه ميكب خفيف بس مخليها جميله فضل باصص ليها شويه وفاق علي رنت تليفونه : هاا ماشي ي جمر

وطلع من البيت كله وبعدها خرجت فاطمه من اوضة قمر

فاطمه : ها حصل ايه

قمر بحزن زي الاطفال : ولا حاچه يختي

فاطمه : اصبري احنا لسه في الاول

قمر اتنهدت : ماشي هروح اشيل الالوان دي من علي خلجتي بيحطوها ويخرجو بيها كيف دي

فاطمه ضحكت : لازم تتعودي ي جمر

قمر : طب هنعمل ايه تاني

فاطمه بصت ليها ببتسامه وبدأت تحكي ليها

ناصر بعد ما خرج من البيت رد علي تليفونه وكان حازم صحبه

حازم : حبيبي هترجع امتي

ناصر اتنهد : لسه مش عارف لما اقنع امي ي حازم (وفتكر حاجه) بقولك اي.......

حازم : لا لا انت عايزني اموت

ناصر : استرجل ياض انا معاك متخافش بس انت اعمل الي بقولك اي

حازم : انت خايف اكتر مني ي ناصر لا مش هعمل كدا

ناصر بخبث : خلاص سلام ارن علي الحج سالم اقوله ابنه بيسهر فين طول الليل وفاشل في الكليه و...

حازم : عيزني اعمل المصيبه دي امتي ي بيبي

ناصر ضحك : النهارده

حازم نفخ بضيق : ماشي ي ناصر غور بقا

وقفل معاه وناصر بيضحك ورن علي حور اتكلم معاها شويه وقفل

رجع ناصر بلليل كانت مامته موجوده وقعده معاها فاطمه وقمر كانو بيتكلمو واول ما دخل سكتو

ناصر بستغراب : مالكو

حجه امينه : ولا حاچه ي ولدي كنت فين اكده

ناصر قعد جنبها : كنت بتمشي شويه في البلد ي ست الكل (وكمل بتردد) بجولك اي يما

حجه امينه بصتله بنتباه ومستنيه يتكلم وفاطمه وقمر كانو بيتكلمو بهمس بس سكتو وبصولو ومستنينو يتكلم

ناصر بصلهم ولسه هيتكلم قاطعه صوت حازم

حازم : انا جيت ي اهل الدار

حجه امينه ببتسامه : ي مرحب ي مرحب نورت ي ولدي

فاطمه ببتسامه  : اتفضل ي حازم 

وظهرت بنت ورا حازم كانت لابسه بنطلون ضيق وعليه تيشرت قصير بنص كم وشعرها قصير لحد كتفها وحطه ميكب 

حجه امينه بستغراب : مين دي ي ولدي 

حازم بتوتر : دي دي دي (وبص لناصر) ناصر هيقولك 

كلهم بصو لناصر وقمر كانت مستنيه رده وبتكدب الاحساس الي جواها بس غمضت عيونها بحزن لما سمعت الاسم وطلع الاحساس الي جواها صح وهي فعلا حور 

ناصر : حور يما جبتها عشان تشوفيها 

قمر سبتهم وراحت اوضتها وفضلت تعيط ومشيت وراها فاطمه كان متابعهم حازم بعيونه 

وفجأه قربت الحجه فاطمه من حور و..... 

#يتبع 

تكملة الروايه من هنااااااا