مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-انت بتعمل ايه هنا؟!

قالها مؤيد لما شافني البس البدلة اللي علي الحبل ومعايا دستة الجاتوه وجاي اتقدم لمني ...ارتبكت وانا بقول بتوتر :

-جاي اطلب ايد اختك ...

حسيت وشه حمر وشد علي أيده جامد وقتها افتكرت لما روحت اتقدم لمراته وكنت هرجع من غير عيني. ..بعد وحطيت ايدي علي عيني كأني بحميها وقولت :

-ممكن تسمعني للآخر ....

هج*م عليا وكان هيضر*بني بالبوكس جريت علي ام مني وقولت:

-الحقيني يا حماتي هيمو*تني ...

-فيه ايه يا بني انا مش فاهمة حاجة ؟!

قالتها حماتي بصدمة ..كان الكل مصدوم ...كنا زي الفل وخلاص ابو مني هيوافق عليا جه مؤيد مف*رق الجماعات عشان يفض*حني...حسبي الله ونعم الوكيل

-انت ايه حكايتك مع الستات اللي تخصني ...ليه حاطط عينيك عليهم تحب افق*علك عينيك عشان ترتاح ..؟!

-يا مؤيد أنا هفهمك.

قالتها مني مهجة قلبي والحتة الشمال 

-اخر*سي انتي يا مني ...أنا هربيه عشان يحرم يبصبص علي حد يخصني ...الاستاذ المحترم جالي من فترة طويلة وطلب ايد مراتي أنا علي أساس اني اخوها ...وجاي دلوقتي يطلب ايد اختي ...ده أنا هك*سر صف اسنانك كله هخليه من غير سنان خالص ...

-يا سعادة البيه بس اسمعني...هتك*سر سناني ليه بس خرج وشي من الموضوع واسمعني الأول ...

قرب تاني عشان يضر*بني جريت ورا ابو مني وقولت:

-الحقني يا حمايا بنتكم هتتر*مل قبل ما تتجوز ...

-اخرس ..متحيبش سيرة مني علي لسانك والا والله اقط*عه...تعالي هنا

-لا انت هتضر*بني ...

-فعلا أنا هك*سر عضامك ...

وفجأة مسكني فصر*خت وقولت:

-ابوس ايديك خليني اتجوز الأول نفسي اجرب الفيرست دانس طيب ...

صرخت مني وقربت عشان تفهمه لكن هو كان زي التو*ر...يخربيتك يا مني بسبب افكارك الغب*ية زيك همو*ت ...

بس مؤيد الحمدلله ممدش أيده عليا هو طر*دني بس ....

......

-خد يا اخويا علبة الجاتوه بتاعتك ومشوفش وشك قريب من اختي تاني ...

رمي مؤيد علبة الجاتوه بعد طبعا ما رم*اني برة البيت ...

اخدت علبة الجاتوه  ومشيت طبعا مش خو*فا منه فشر ...لكن عشان احتفظ بالباقي من كرامتي اللي اتبهدلت علي يد مني واخوها ...يقط*ع الحب والله ..أنا أعمل ايه اهي ضا*عت البنية اللي حيلتي ..

.......

بالليل 

راحت مني بيت مؤيد ويارا عشان تتكلم معاه وتفهمه الموضوع 

-والله يا مؤيد ده كل اللي حصل ...عمران بس ساعدني عشان اخليك تغير علي يارا ...

وبعدين غمزت بعينيها وهي بتبصلهم وقالت:

-واهو خطتي نجحت ...

ضحكت يارا ومؤيد بص لمني وقال:

-برضه مش هوافق عليه ...يا بنتي انتي عايزاه علي نيلة ايه ده شبه الق*رد ...

-قر*د ..قر*د أنا عايزاه ...

اتعصب مؤيد وقال:

-لمي نفسك يا بت والا هك*سر رأسك...وابعدي عن اللي اسمه عمران ده لو اضطريتي حتي تسيبي شغلك ...أمين !!!

-امين ولد ابو جليل ولا أمين ولد الطحاوي

ضحكت يارا وقالت:

-لا أمين زين الدين ...

خلع مؤيد الشو*ز بتاعه فصرخت يارا ومني وجريوا فر*ماها عليهم وقال:

-يالا يا بت انتي وهي من هنا بلاش تف*اهة !

.......

تاني يوم ...

كانت مني مستنية تاكسي عشان تروح الشغل بتاعها لما شافت عربيتي بتقرب ...شهقت وقالت لما وقفت قدامها وقولت:

-يالا يا مهجة قلبي اركبي ..

-يخربيتك يا عمران امشي من هنا اخويا لو شافك هيك*سر العربية علي دماغك ...

ابتسمت وقولت :

-علشان كده اركبي بسرعة قبل ما اخوكي يشوفنا ...

ركبت هي بسرعة جمبي وقالت بتوتر :

-يالا يا اخويا بسرعة ...

مشيت وانا بضحك ولما لقيت نفسي بعدت شوية وقفت وطلعت قزازة ومنديل من جيبي ...بصتلي مني وقالت:

-ايه ده يا عمران ...

ابتسم وقال:

-ده مخدر ومنديل 

بصتلي بحيرة وقالت :

-هتعمل بيه ايه ؟!

ضحكت وقولت وانا بحط المنديل علي مناخيرها:

-هخط*فك يا مهجة قلبي ...

عينيها توسعت بصدمة وقاومت شوية بس بعدين فقدت الوعي ...

بصتلها بأسف وقولت :

-سامحيني يا مهجة قلبي بس لو استنيت موافقة اخوكي علي جوازنا هعنس جمبك .

يتبع

الجزء التاني♥️شكرا علي تفاعلكم السكر♥️بقلم سولييه نصار ♥️

-هو فيه ايه ؟!

قالتها مني وهي شايفة نفسها مر*بوطة في الكرسي وفي مكان غريب ...بصتلها وانا بضحك وقولت:

-انا خط*فتك يا مهجة قلبي ...

-يخربيتك يا عمران اللي عملته ده يا مج*نون 

-يا حبيبتي اللي عملته ده عين العقل أنا هجيب المأذون دلوقتي ونتجوز ونحط اخوكي في الامر الواقع ...

-انت اتج*ننت يا عمران صح ...هو مؤيد ضر*بك علي راسك صح عشان كده اتع*تهت 

اتعصبت وقولت :

-فشر مين ده اللي يض*ربني علي راسي ...هو ضر*بني علي عيني وبس ...

ضحكت مني وقالت:

-طب فكني يا مج*نون وهنتفاهم 

-لا مفيش تفاهم فيه مأذون دلوقتي هيجي وهكتب عليكي ونخلص من القصة دي ...

-يا حبيبي افهم ...مينفعش نتجوز بالطريقة دي مؤيد هيقت*لني أنا وأنت ...فكني يا عمران ربنا يهديك ..

قعدت جمبها وقولت:

-يا مني لو معملناش كده اخوكي مش هيرضي يخليني اتجوزك وهع*نس جمبك ..

ضحكت هي جامد ...بصيت ليها وانا مبتسم ...ضحكتها عاملة زي الشمس اللي بتنور حياتي ...أنا طول عمري مليش حد ...اهلي ما*توا من صغري واتربيت في بيت خالي اللي كان قا*سي عليا وكان بيك*رهني من غير سبب وبيعذ*بني  ...بس مستسلمتش اصريت اتعلم لحد ما قدرت الاقي شغل واستقل بنفسي ...ولما اشتغلت قابلت مني ...وفي مدة قصيرة مني كانت كل عيلتي ...انا مليش الا مني بعد ربنا ازاي عايزين يخدوها مني ...

لما لقيتني ببصلها جامد اتوترت وقالت:

-ولا ...بتفكر في ايه يا ولا ...بتبصلي كده ليه ...

مضحكتش كالعادة وقولت:

-مني انتي كل حياتي ...يمكن متعرفيش كده بس فعلا انتي اهم شخص في حياتي انا بعد ربنا مليش غيرك ...لكن انتي عندك عيلة ...يعني لو بعدتي عني لا قدر الله هتقدري تتجاوزيني لكن انا لا ...انتي عيلتي يا مني ♡...وانا عشان عيلتي اعمل اي حاجة أن شاء الله حتي اتح*بس ...

بصتلي.مني وابتسمت وقالت؛

-وانت اغلي ما عندي وصدقني يا سيدي مش هتجوز غيرك أن شالله حتي اعمل اضراب عن الاكل ...بس مش بالطريقة دي ..مقدرش اذ*ي عيلتي يا عمران ...

اتنهدت وقولت :

-طيب هفكك ..

وفعلا بدأت افكها وانا خايف ...خايف تضيع مني ..

قعدت جمبها وقولت:

-ها ايه الخطة اللي هنتبعها عشان نقنع جلالة اخوكي اني اتجوزك  عشان مرتكبش جنا*ية !

-احنا هنتكلم معاه تاني .

-نعم ...نتكلم معاه ايه ؟!يا مهجة قلبي الكلام ده بيكون مع البشر مش التير*ان اللي زي اخوكي ..

ضر*بتني مني علي ايدي وقالت:

-عمران كلمة تاني علي اخويا هفركش واتجوز اول واحد يتقدم لي..

حطيت ايدي علي بوقي وقولت:

-توبة اقول علي نسيبي حاجة تاني يا مهجة قلبي بس انتي متزعليش مني ...

ابتسمت برضا وقالت:

-المهم دلوقتي احنا هنروحله وبعدين نحاول نقنعه سوا ..

-نروحله فين ؟؟

-الشركة...

.......

في الشركة 

-بالحضن يا نسيبي ...

قولتها بصوت عالي وانا بدخل مكتب مؤيد وكملت علي اساس بهزر:

-انا اتجوزت اختك خلاص ...

فجأة حسيت ببوكس علي عيني اليمين وفجأة. الدنيا بقت ضلمة...فصرخت برعب:

-عيني!!!انا بقيت اع*مي يا مهجة قلبي!!!

يتبع

الجزء الاخير♥️بقلم سولييه نصار♥️

-يالهووي ..ده بيهزر معاك يا مؤيد ...

صرخت مني بفزع وهي واقفة بيني وبين مؤيد بعد ما اتعميت طبعا ...بعدين بصتلي وقعدتني علي الكرسي وهي بتقول:

-حقك عليا أنا ...

-انتوا شايفيني ارجوز هنا !!!

زعق مؤيد بعص*بية وانا اتنفضت من مكاني ...الراجل ده شكله مج*نون وهيشيل عيني التانية من مكانها ...أنا ايه اللي ور*طني الور*طة السودا دي ...مسكت ايد مني وقولت:

-ابوس ايديك خرجيني من هنا ...وانا ابقي جز*مة لو سمعت كلامك تاني يا وش المص*ايب...قولتلك ده ت*ور مينفعش معاه الكلام ...

-انتوا بتقولوا ايه ؟!

ز*عق مؤيد وهو بيقرب مننا فقولت:

-ابدا يا اخويا ...ده انا بمدح فيك ..اسأل اختك ...

مسكني مؤيد من قميصي وقالي :

-انا مش قولتلك يا جدع انت مشوفش وشك جمب اختي تاني ...مبتسمعش الكلام ليه ؟!

-وحياتك قولتلها كده بس هي اصرت تجيبني....

ضر*بتني مني علي كتفي وقالت:

-بقا كده ...بتبيعني من اول قلم !

وبعدين بعدتني شوية ووقفت قدام مؤيد بشجاعة وقالت:

-يا مؤيد أنا حكيتلك علي كل حاجة ...صدقني عمران ملوش علاقة بيارا...هو عمل كده عشان أنا طلبت منه ...

رديت أنا وقولت:

-اه والله يا ابو نسب ...دي كانت فكرة اختك العبقرية اللي بتمني من كل قلبي متفكرش تاني ...

بصتلي مني بغضب بعدين بصت لمؤيد وقالت:

-حرام عليك تحرمنا من بعض عشان موضوع تا*فه زي كده ...عمران انسان كويس ...

-قوليله اني بقبض خمس  الآلاف في الشهر هيرضي ...

-بس اسكت ..

قالتها مني من تحت ضرسها ..فبصلي مؤيد وقال :

-وانا اضمن منين انك هتسعد اختي. ..

بعدت مني وقولت:

-سيبيلي الطلعة دي ..

ضبطت هدومي وانا بحط أيدي علي عيني اللي وجعا*ني وقولت:

-ثق تماما أن مني في عينيا ...طبعا عينيا الشمال  بس لان حضرتك بو*ظت اليمين ...

حاولت مني تكتم ضحكتها فكملت بجدية شوية:

-انا يتيم ..مليش حد في الحياة دي بعد ربنا الا مني وبس  ...هي كل حياتي وانا اكيد هحافظ علي حياتي ...

حطت مني ايديها علي قلبها وهي بتبصلي بحب فكملت :

-صدقني مني هي عيلتي أنا عمري ما هزعلها ولو زعلتها في يوم تعالي اعمل فيا اللي انت عايزه بس جوزهالي ...متحرمنيش منها ..

سكت وانا مستني رد فعله ...بصيت لمني بقلق وهي كمان كنت مستنيه يقول اي حاجة ...اخيرا عمل رد فعل وابتسم وابتسمت أنا كمان وعينيا لمعت لما قال:

-هجوزهالك خلاص كده كده هي بتاكل كتير وعايزين نخلص منها ...

وقتها الفرحة مكانتش سايعاني ..من فرحته حضنته جامد وانا بقول:

-انا هجيبلها الاكل اللي هي عايزاه ...شكرا ...شكرا ...

قولتها وانا حاسس ان دموع الفرحة بدأت تسيطر عليا ...

.....

بعد اسبوعين 

-بارك الله لكما وبارك عليكما وجمع بينكما في خير

الزغاريط ملت المكان لما كتبنا الكتاب ...مكنتش مصدق أن خلاص مني بقت ملكي ملكي وبس وعيني خفت الحمدلله  ....حاولت اسيطر علي مشاعري وانا شايفها طالعة بفستانها البنفسجي الجميل زيها وبتمضي علي عقد الجواز ...بعدين قربت منها ..ابتسمت بكسوف وقالت:

-مبروك علينا ...

ضحكت وحضنتها جامد ...فضلت ماسك فيها وكأنها الحياة.  ♡

-ايه يا بني ...يا بني انت اخوها وأبوها واقف احترم نفسك ..

قالها مؤيد وهو بيضحك ...

مرضتش اسيبها وقولت:

-معلش يا ابو نسب بقا بقت مراتي ..خلاص محدش ليه حكم علينا ...

بوستها من خدها فاتكسفت اكتر وشديت أيدها وبدأت ارقص معاها لما الاغاني اشتغلت 

(بتمناها ما تكون سنة زي كل سنة

بتمناها 

بتمني فيها حبيبتي لي 

لابسة الزفاف متحننة

ماسكاني من أيدي اليمين

وأهلنا واقفين حولنا

والفاتحة في بيت الحلال

يا ناس نتوج حبنا)

كنت بغني وانا برقص معاها ..كنت اسعد انسان وقتها شديتها جمبي وشيلتها وانا بدور بيها

-هتو*قعني يا عمران حاسب ...

قالتها مني بر*عب ...نزلتها وابتسمت ومسكت ايديها وقولت:

-امسكي أيدي دايما وعمرك ما تق*عي ولو وق*عتي هق*ع معاكي ...لاني عمري ...عمري ما هسيب ايدك يا مهجة قلبي  ، ♡

تمت 

#مهجة_القلب

#سولييه_نصار