 |
#عاشقة_الصعيدي #ال4
وفجأه قربت الحجه امينه من حور وهي بتبص ليها من فوق لتحت وحور كانت بصه ليها ببتسامه
مدت ايديها للحجه امينه : هاي ي طنط
الحجه امينه بصت لناصر وتكلمت بسخريه : هي دي الي عچباك
حور نزلت ايديها وبصت لناصر بغضب
ناصر قرب من مامته : لما تعرفيها اكتر هتحبيها صدجيني حور طيبه وبت ناس محترمين
الحجه امينه رجعت بصت لحور بسخريه : اما نشوف يولدي
وسابتهم وراحت اوضتها
حور : شوفت عملت معايا اي دي حتي مسلمتش عليا انا قولتلك بلاش اجي ي ناصر انا مش جايه عشان اتهان هنا
ناصر : مفيش حل غير كدا ي حور اتكلمي معاها وقربي منها وهي اكيد هتحبك
حور نفخت بضيق : حاضر ي ناصر
حازم : طب سلام بقا عشان الحق ارجع القاهره قبل ما الوقت يتاخر اكتر من كدا
ناصر : انت اه..بل يلاا مش هسيبك تمشي دلوقتي ارتاح النهارده وامشي بكرا او اقعد معايا يومين تساعدني خلي عندك د.م
حازم : خلص امبارح ونسيت اشتري
ناصر بعدم فهم : هو اي دا
حازم : الد.م
ناصر بضيق : ي د.مك السم غو..ر يلا من وشي روح اتخ.مد
حازم : حاضر ي بيبي سلاموز
ولان حازم كان عارف البيت راح الاوضه بتاعت ناصر وفضل حور وناصر
ناصر لحور : تعالى اعرفك مكان اوضتك
حور ببتسامه ومسكت ايدو : لا خليني معاك شويه
ناصر ابتسم وفضلو قعدين يتكلمو مع بعض
فاطمه كانت قعده جنب قمر الي نايمه واثار الدموع علي خدودها وبتحرك ايديها علي شعرها بحنان
قمر اتكلمت وهي نايمه : انا غلط اني حبيتك
دموعها كانت نازله حتي وهي نايمه بتفكر في ناصر فاطمه بصت ليها بحزن ونامت جنبها
وفي صباح يوم جديد قمر صحيت بتعب قامت وغيرت هدومها وطلعت برا اوضتها وباين عليها التعب
حازم شافها وابتسم : صباح الخير ازيك ي قمر
قمر بتعب ظاهر : الحمدلله
وسابته ومشيت لما لقت حجه امينه طالعه من اوضتها وفاطمه معاها وقعدو عشان يفطرو
قمر : صباح الخير ي عمه
الحجه امينه و فاطمه : صباح النور ي جمر
حازم قرب وجه ناصر ومعاه حور وقعدو كلهم عشان يفطرو
ناصر كان باصص لقمر وشايف تعبها الي ظاهر ووشها الاصفر وعيونها الحمرا من كتر العياط بص ليها بحزن وبعد ما خلصو
ناصر لقمر : ممكن اتكلم معاكي شويه ي جمر
كلهم بصو ليه بستغراب بس قمر حركه راسها بالايجاب ومشيت معاه ودخلو الاوضه بتاعت قمر
ناصر اتنهد : قمر انا عارف انك زعلانه دلوقتي انا مش عارف اقول اي بس..
قمر بصت ليه وعيونها مليانه دموع : متجولش حاجه ي ناصر وانا مش جادره احكي امشي روح لحور
ناصر : اسمعيني
قمر دموعها نزلت : امشي ي ناصر امشي عشان خاطري
ناصر كان هيتكلم بس سمع صوت حور بتنادي عليه بص لقمر بحزن وخرج من الاوضه
عدا اليوم وقمر مخرجتش من اوضتها لغايت ما جت ليها الحجه امينه : جعده لوحدك لي ي جمر
قمر : ملياش مزاج اخرج ي عمه سبوني علي راحتي
حجه امينه : مش هنسيبك ي جمر يلا امشي تعالي نتعشي سوا
قمر بضيق : ملياش مزاج ي حجه
حجه امينه : من ميتا مبترديش علي كلامي ي جمر
قمر اتنهدت : حاضر يعمه يلا
وخرجو الإتنين من الاوضه : ي صافيه فين الوكل
جت صافيه وحطت العشا : الست حور هي الي چهزت الوكل
قمر بصت ليها بحزن وهي شايفه حور جايه وراها وعلي وشها ابتسامه وناصر وحازم جم وجت فاطمه
الحجه امينه خدت معلقه من الرز الي عملاه حور واتصدمت كانو كلهم بصين ليها ومستنين رد فعلها و........
#يتبع
#عاشقة_الصعيدي #ال5
حجه امينه بصوت عالي نسبياً: ي صافيه فين الوكل
جت صافيه وحطت العشا : الست حور هي الي چهزت الوكل
قمر بصت ليها بحزن وهي شايفه حور جايه وراها وعلي وشها ابتسامه وناصر وحازم جم وجت فاطمه
الحجه امينه خدت معلقه من الرز الي عملاه حور واتصدمت كانو كلهم بصين ليها ومستنين رد فعلها
الحجه امينه بلعة الاكل بالعافيه : حطه الملح كلياته
حور بستغراب : لا والله (وداقة الرز كان فعلا مالح اوي) ازاي دا حصل
فاطمه كانت واقفه وبتحاول تكتم ضحكتها وهي بتفتكر
Flash back
حور وهي بتكلم صافيه : كدا كل الاكل خلص
صافيه : تسلم يدك ي ست هانم الوكل ريحته چميله هيعچب الحجه امينه
حور ببتسامه : تسلمي ي صافيه تعالي نروح نناديهم عشان يتعشو
وخرجو الإتنين من المطبخ وفاطمه دخلت بعدهم وحطت برطمان الملح كله علي الاكل
Back
الحجه فاطمه قامت وتكلمت بعصبيه : شيلو الوكل ده
فاطمه بسرعه : حاضر ياما هنشيله ونحضرلك الوكل انا وجمر روحي اوضتك ولما نخلص هاچيلك
حجه امينه راحت اوضتها وناصر خد حور وطلعو برا البيت وحازم راح الاوضه بتاعت ناصر
قمر بتعب : لي عملتي اجده ي فاطمه ميصحش
فاطمه حطت ايديها علي كتفها : انتي استنيتي ناصر كل ده وچايه تسبي دلوك ي جمر وتبيعي حبك
قمر : هو الي سابني وانا مستحيل اغصبه يفضل امعايا
فاطمه : هو ملكك من البدايه ي جمر حاربي عشانه بلاش تضيعي من يدك
قمر اتنهدت وفكرت في كلامها فعلا هي معاها حق ناصر حب حياتها مش هتسيبو يضيع من ايديها بالسهوله دي وهتحارب عشانه اتنهدت : هنعمل ايه
فاطمه ابتسمت : ايوا اجده بصي يستي.......
وحكت ليها هيعملو ايه وحضرو الاكل سوا وسط هزار فاطمه ومحاولتها في انها تضحك قمر
حور : انا متأكده اني محطتش الملح دا كله ي ناصر
ناصر اتنهد : حصل خير ي حور خدي بالك المره الجايه
حور بعصبيه : اخد بالي من اي انا بقولك متأكده ان الاكل كان مظبوط
ناصر صوته بقا عالي : يووووه خلاص ي حور ممكن مختيش بالك حصل خير وخلاص
وقاطع كلامهم فاطمه : تعالي ي ناصر الوكل چهز
ناصر دخل البيت وحور بصت لفاطمة ودخلت وراه ووراها فاطمه
الحجه فاطمه : هو دا الوكل ي بلاش تسلم يديكم
قمر وفاطمه : تسلمي ي ست الكل
خلصو الاكل وكل واحد راح الاوضه بتاعته بس ناصر خرج
حازم كان بيتكلم في التليفون وهو رايح الاوضه بتاعت ناصر : يومين وهاجي متقلقش عليا
سالم : طول ما انت مع ناصر مش قلقان
حازم ضحك : هو مين فينا الي ابنك عشان انا توهت
سالم ضحك : انتو الاتنين ولادي المهم خلي بالك من نفسك
حازم : ماشي سلام
وقفل معاه كانت فاطمه بتتكلم مع صافيه فضل واقف وباصص ليها ومتابعها وهي بتتكلم او بتضحك لغايت ما بصت ليه وقربت
فاطمه : واجف اجده لي ي حازم عايز حاچه
حازم انتبه وابتسم : لا تسلمي
فاطمه ابتسمت : ماشي
ومشيت وهو دخل الاوضه بتاعت ناصر
رجع ناصر في وقت متأخر كانت قمر قعده مستنياه
ناصر : لسه صاحيه لي ي قمر
قمر قامت وعلي وشها ابتسامه رقيقه : مستنياك ي ناصر مجدرتش انام غير لما ترچع واطمن عليك
ناصر ببتسامه : تسلمي روحي نامي بقا
قمر : مش عايز اي حاچه جبل ما انام
ناصر : لا تصبحي علي خير
قمر لسه هتمشي رجليها اتخبطت في الطربيزه : اااه رچلي
ناصر جري عليها وقعدها وشاف رجليها : انتي كويسه
قمر حركة راسا بالرفض : لا
ناصر شالها فجأه : هوديكي الاوضه بتاعتك ترتاحي
قمر شهقت من الخضه وفضلت بصه ليه شويه وهو بص ليها وسرحو في عيون بعض
ناصر كان بيقرب منها ولسه هيبو..سها
حور جت واتصدمت : ناصر
قمر وناصر بصو ليها بخضه و.....
#يتبع
#عاشقة_الصعيدي #ال6
ناصر شال قمر بعد ما اتخبطت : هوديكي الاوضه بتاعتك ترتاحي
قمر شهقت من الخضه وفضلت بصه ليه شويه وهو بص ليها وسرحو في عيون بعض
ناصر كان بيقرب منها ولسه هيبو..سها
حور جت واتصدمت : ناصر
قمر وناصر بصو ليها بخضه ونزلها
حور بغضب وقربت منهم : انت كنت شايلها كدا لي
قمر كانت واقفه ساكته وناصر بس لحور : اتخبطت في رجليها كنت هوديها الاوضه بتاعتها
حور بصت لقمر وجت فاطمه في الوقت دا وقربت من قمر
فاطمه : مالك ي جمر
حور لناصر : طب ممكن تروح اوضتك وانا هساعدها
فاطمه : لا روحو ارتاحو انتو الاتنين انا هفضل امعاها
حور مسكت ايد ناصر ومشيو الإتنين
قمر بحزن : مش صح الي بنعمله ده ي فاطمه
فاطمه كانت بصه لناصر وحور لحد لغايت ما اختفو من قدامها ومسمعتهاش : بتجولي ايه
قمر : مش صح الي بنعمله ده وانا مش هكمل حور وناصر بيحبو بعض ي فاطمه
فاطمه نفخت بضيق : رچعنا تاني ي جمر الي هنجوله هنعيده
قمر بصت في الأرض بحزن : مش مرتاحه للي بنعمله ده
فاطمه بعصبيه : خلاص ي جمر سبيه يروح منك وانتي اتفرچي عليه وهو بيتچوز من حور
قمر دموعها نزلت بمجرد التخيل وقلبها وجعها طول عمرها بتحلم باليوم الي هتتجوز فيه هي وناصر مش قادره تتخيل ان اليوم دا هيبقا جنبو واحده تانيه مش هي
حور لسه هتدخل اوضتها وتقفل الباب ناصر دخل وراها وقفل الباب
حور : عايز اي ي ناصر
ناصر وهو بيقرب منها وبيمسك ايديها : حور انا بحبك انتي صدقيني قمر اتخبطت في رجليها وكنت هوديها اوضتها بس
حور : ومكنش ينفع تسندها لازم تشلها يعني
ناصر ابتسمت : لا بقا دا احنا بنغير
حور بسخريه : انا اغير من دي لي ان شاء الله وبعدين هي قدامك من بدري لو كنت عايزها كنت فضلت معاها
ناصر سكت شويه وطبع بوسه علي ايد حور : تصبحي على خير
حور ابتسمت : وانت من اهله
وخرج ناصر من اوضتها ورجع اوضته الي كان حازم نايم فيها
دخلت قمر اوضتها وقفلت الباب وفضلت تعيط لغايت ما النهار طلع قررت انها مش هتحاول تفرق بين ناصر وحور يكفيها تشوف ناصر مبسوط وبس
مر اسبوع وبدات الحجه امينه تتقبل حور وناصر مبسوط من دا
حازم وناصر كانو بيتمشو في البلد : ناصر
ناصر بصله : عايز اي
حازم وقف وبصله : بص من غير مقدمات كدا انا عايز اتجوز اختك فاطمه
ناصر لسه هيتكلم قطعه حازم : انت عارف اني بحبها من اول ما عرفتك ف لو اعترضت هخطفها وعليا وعلي اعدائي
ناصر ضحك : لا ي جدع (وكمل بجديه) انا مش هلاقي احسن منك عريس لاختي ي حازم هقول للحجه واعرفك
حازم ببتسامه عريضه : ماشي
وقاطع كلامهم صوت تليفون ناصر بيرن وكانت حور رد عليها
حور : ناصر انا لازم امشي دلوقتي بابا تعبان اوي ولازم ارجع القاهره دلوقتى
ناصر : طب اهدي انا جيلك حالاً
وقفل معاها ورجع هو وناصر البيت كانت حور مجهزه شنطتها ومستنياه
الحجه امينه : ابجي طمنيني علي ولدك ي بتي
حور : حاضر ي طنط باي
حازم كان هيرجع معاهم القاهره برضو ولسه هيمشو فاطمه طلعت من اوضه قمر وهي بتنادي : الحجي جمر ياما
ناصر بستغراب : مالها
فاطمه بدموع : معرفش كنا بنتكلم فچاه لجتها اغمي عليها
ناصر جري علي اوضتها وشالها وخرج بيها بسرعه ووجه كلامه لحازم : خد حور وارجو القاهره وانا هاجي وراكم
حازم : ماشي
وفعلا خد حور ومشيو وفاطمه وناصر راحو بقمر المستشفى
وبعد ما كشف عليها الدكتور
فاطمه : طمني ي دكتور
الدكتور : الضغط واطي عندها
الممرضات علقت ليها محاليل وقمر مكنتش فاقة لسه فضل جنبها ناصر وفاطمه ورنو علي الحجه امينه طمنوها
عند حور وحازم كانو علي الطريق لسه
حازم بص ليها : مالك ي حور
حور بغضب : مالي شوفت صحبك سابني وراح مع قمر المستشفى
حازم : عيزاه يعمل اي يسبها يعني هو قال هيجي ورانا
حور نفخت بضيق : انت صحبه طبيعي هدافع عنه ي حازم
حازم : مش بدافع عنه بس دا الصح مكنش ينفع انا الي افضل
حور سكتت وبصت من شباك العربيه وكملو الطريق في صمت لغايت ما وصلو المستشفى
عند قمر صحيت بتعب لقت ناصر جنيها
قمر بتعب : انا فين
ناصر : انتي فالمستشفى تعبتي شويه
قمر بصت جنبها لقت المحلول متعلق في ايديها و.....
#يتبع تكملة الروايه من هنااااااا
#بقلمي رحمه محمد
تعليقات
إرسال تعليق