 |
رواية التوأمان البارت الاول بقلم ندى سامي في موسوعة القصص والروايات جميع الفصول كامله وحصريه
#روايه (التوأمان) # للكاتبه ندي سامي 💗✍🏻
part 1
هنتعرف تعريف بسيط علي ابطالنا الابطال
ادم البحيري: رجل اعمال وسيم جدا صاحب شركات البحيري للاستيراد والتصدير والده متوفي ويعيش مع اخيه وجده وعمته واخته عنيد وتعشقه جميع النساء ولكن هو قاسي القلب لا يحب احد ولا يعايرهم اي اهتمام ذو عضلات وبشره خمريه وعيون زيتوني يبلغ من العمر 29 عام
ادهم: اخو ادم التؤام طبيب وجراح مشهور جدا غير مهتم بمهنه اخيه لذلك قام ببناء مستشفي البحيري الخاصه ويعيش مع ادم وجده وعمته واخته وسيم ايضا يشبه اخاه ادم ولكن يستطيع الجميع تمييزهم الي حد ما لكن عكس شخصيته فانه عطوف وطيب القلب لديه نفس مواصفات ادم ف الشكل والطول والعمر
معتز: دكتور في مستشفي البحيري وكان زميل ادهم ف كليه الطب وشخص حقودي وطماع
يحيي: صديق ادهم وادم منذ الطفوله وهو محاسب ف شركه البحيري يبلغ من العمر 28 عام شخصيه مرحه جدا ويحب الهزار
ليلي: بنت بسيطه جدا ف كليه التجاره تعيش مع والدها سمير ويتيمه الام تبلغ من العمر 21عام بشرتها بيضاء الي حد ما وقصيره القامه
رقيه: صديقه ليلي وتسكن في نفس الحي وف كليه التمريض وتبلغ من العمر21 ومتوسطه الجمال و من عيله فقيره وتعيش مع والدتها دلال
نيرمين البحيري: بنت عم ادم وادهم متكبره جدا وتحب ادم جدا وخطيبته السابقه تعمل في شركه البحيري لتكون بجانب ادم (وهنعرف لي بعدين)
سهير: دكتوره ف مستشفي البحيري وصديقه نرمين شخصيه استغلاليه وتحب المال
ريتاج: اخت ادم وادهم جميله جدا تبلغ من العمر 20 وحنونه جدا
يونس البحيري: جد ادم وادهم ونيرمين وريتاج ذو شخصيه قويه ولكن طيب القلب
مدحت البحيري: عم ادم وادهم ووالد نيرمين شخص يتميز بالطمع وحب المال
فاطمه: عمه ادم وادهم ونيرمين وريتاج طيبه مثل ابيها وهي اللي مربيه ادم وادهم وريتاج بعد وفاه والدهما
الابطال كتير شويه بس احنا هنتعود علي الاسماء
صباح يوم جديد علي ابطالنا
ف احدي المناطق الشعبيه وف احدي العمارات البسيطه والقديمه استيقظت فتاه علي رنت هاتفها المزعج
ليلي: يوووه يخربيت الزف. ت دا كل شويه يرن مش عارفه انام ومين اللي بيرن ف وقت متاخر كدا والتقطت هاتفها من علي الكومودينو
ليلي: الو يبت يا رقيه حد يصحي الناس كدا يزفت. ه انتي
رقيه: نهارك مش معدي يا ليلي انتي لسه نايمه لعند دلوقتي
ليلي: احنا ورانا اي يعني هي الجامعه هطير ولا اي هما اللي اتعلموا خدوا اي يعني
رقيه: قومي يا ليلي بدل ما اجي اجيبك من شعرك والله يلا اتاخرنا انتي عندك محاضرات مهمه وانا عندي سكاشن قومي
ليلي: يادي النيله مش هنخلص بقا من التعليم دا انا قولت للحج ليلي مش عايزه تتعلم ليلي عايزه تتجوز وضحكت
رقيه: هههههه طيب يلا قومي بقا عشان خاطري ونشوفلك موضوع الجواز دا بعدين ياختي
ليلي: عشان خاطرك بس يستي سلام بقا عشان اجهز
رقيه: سلام يسكر
ليلي قامت فتحت دولابها وطلعت اللبس اللي هتروح بيه الجامعه ودخلت اخدت شاور ولبست وحطت ميكب خفيف جدا روج وماسكرا وبس لان ملامحها جميله ومش محتاجه لميكب ( كل البنات قمر بطبيعتهم من غير اي ميكب ♥)
ليلي خرجت من اوضتها ولقت والدها بيحضر السفره عشان الفطار
ليلي باست والدها: صباح الخير يا احلي اب ف الدنيا
سمير: صباح الفل يا اجمل بنوته اقعدي يلا عشان تفطري معايا
ليلي: معلش يحبيبي متاخره اووي علي المحاضرات وكمان رقيه مستنياني
سمير: ماشي يحببتي خلوا بالكم من نفسكم ف رعايه الله
ليلي: مع السلامه يحبيبي وخرجت
نروح عند بيت رقيه اللي مكون من غرفتين ومطبخ وحمام وصاله ف عماره قديمه جدا
رقيه: اهو يست الكل انا جهزت كل حاجه ومتتعبيش نفسك ولا تتحركي من مكانك الاكل انا جهزته ولما ارجع هاجي اعمل الغداء او اجيب سندوتشات فول وطعميه من بره
دلال علي كرسيها المتحرك: ربنا يسعدك ينور عيني انا متقله عليكي اووي بس اعمل اي غصب عني
رقيه بدموع: متقوليش كدا تاني يحببتي دا انتي ف عيوني لو مشلتكيش الارض اشيلك فوق دماغي يست الكل وباست علي ايديها
دلال: ربنا يباركلي فيكي واشوفك عروسه زي القمر كدا مع ابن الحلال اللي يستاهلك
رقيه: يارب ينور عيني انا هنزل بقا عشان اتاخرت علي ليلي مع السلامه يحببتي
دلال: ربنا يستر طريقكم يبنتي
ليلي نزلت من علي السلم و........
يتبع.........
تكملة الروايه بعد قليل
 # للكاتبه ندي سامي 💗✍🏻 p…){kind=link}
تعليقات
إرسال تعليق