رواية المشرحة البارت 6_7_8_9_10جميع الفصول كامله وحصريه في موسوعة القصص والروايات
 |
رواية المشرحة البارت 6_7_8_9_10جميع الفصول كامله وحصريه في موسوعة القصص والروايات
#المشرحه
#الجزء السادس
وقالت الخلاص والا تستكون انت القادم وهي بتقول كدا فجأة لقيت الكائن دا قرب مني ومسكني من رقبتي بيخنقني وقالت اسرع فقد اقترب الميعاد
قومت من الحلم مرعوب و مش فاهم حاجة بس المرة دي أنا مقرر إني لازم أعرف اي الموضوع واي قصة الجثة دي بس ابدأ منين في وسط كل تفكيري دا دخلت عليا هاله مراتي وسالتني وانا حكيت علي كل اللي حصل في الاول مكنتش مصدقة بس بعد كدا صدقت او عملت مصدقة افتكرت نفسي في الاول لمي سيد حكالي وكنت عامل نفسي مصدقه قالت انا اعرف شيخ كان صاحب ابويا اوي دا ممكن يساعدنا او يقولنا علي حد يقدار يساعدنا مكنش قدامنا حل غير إني للشيخ دا يمكن يكون الحل عنده
كان اسمه الشيخ شاكر وصلنا وحكينا له القصة كلها، وحكيت له على الاحلام اللي كنت بحلمها و كان الرد في النهاية: بص يا بني اعتقد انها احتمال من اتنين الاحتمال الاولي ان الشخص المتوفى دا حد عامله عمل ومش اي عمل دا سحر أسودو السائل اللي شوفته في الجثة دا كدا معناه إنه حد حط له السحر الاسود دا عن طريق الشرب ودا من أقوى أنواع السحر وبيدوم مفعوله حتى لو الشخص مات و روحه مش بتبقى مرتاحة وعايزة حد يخلصها من السحر والجن اللي موجود معاها و دا الاحتمال الاقوي اما الاحتمال التاني و هو اني الشخص دا كان والعياذ بالله ساحر وعامل عهد مع الشيطان وكان متلبس الجسد دا حتي بعد ما مات لسه الشيطان في الجسد وعاوز يتحرار بس مش عارف بسبب العهد اللي بينه وبين الساحر دا
عصام:بس دي وحده ست يا شيخنا
الشيخ شاكر:مش هتفرق واحده من واحد كله كفر وشرك بالله
عصام:طيب والحل يا شيخ شاكر
الشيخ شاكر:للاسف أنا مش هقدر أساعدك.
عصام:اومال مين اللي ممكن يساعدنى يا شيخ
الشيخ شاكر:والله يبني معرفش حد يقدار يساعدك اصل السحر اللي يفضل مستمر حتي بعد موت صاحبه دا سحر اسود قوي جدآ و انه يبدأ يأذي اللي حواليه دا معناه ان السحر انقلب علي الساحر دا لو كان الاحتمال الاول زي ما قولتلك اما لو كان الاحتمال التاني و دا الاسواء يبقي مفيش حد يقدار يساعدك غير الشيطان نفسه
#المشرحة
#الجزء السابع
حد يقدار يساعدك غير الشيطان نفسه
عصام:الشيطان ازاي يعني
الشيخ شاكر:في الحاله دي الشيطان عاوز يتحرار فـ هيبدأ يعرفك الطريق عشان يحرار نفسه انت هتكون المنقذ ليه
عصام:انا مش عاوز اكون منقذ لحد انا عاوز اطلع من دا كله
الشيخ شاكر:للاسف يبني مش بمزاجك اي كان اللي بيحصل فانت دخلت وصعب تقدار تطلع منها غير لمي كل حاجة تخلص كان نفسي اقدار اساعدتك
عصام:شكرآ يا شيخ شاكر و ياريت تدعيلي
الشيخ شاكر:حاضر يبني وانت خليك دايما مع ربنا ومفيش حاجة هتقدار عليك
اه صحيح عاوز اقولك ان كل سحر بيبقي ليه نقطة ضعف وكل شيطان بيبقي ليه برضو نقطة ضعف لو عرفتها هتعرف تخلص كل حاجة وترجع تاني لحياتك الطبيعية
عصام:هشوف حاضر
روحنا أنا وهاله وكل اللي في دماغنا اي هي اللي ممكن تكون نقطة الضعف وهل هعرفها ولا لا واشمعنا انا وانا ممكن اموت زي سيد كل دي اسأله ملهاش اي اجابة نمت من كتر التفكير والتعب وحلمت ب أني في بيت شكله قديم ومحروق برغم أن الجو ضلمة بس كنت شايف مش عارف ان جيت هنا ازاي لقيت نفسي بتحرك و لحد ما وصلت الي اوضة بابها كان مقفول فتحت الباب ودخلت كان في واحده واقفه مكنتش ظاهره لقيتها شاورت علي ركن في الاوضة بصيت كان في صندوق و سمعتها بتقول أسرع فليس هناك وقت
بعدها صحيت علي صوت التلفون بيرن كانت المستشفي عشان ليا يومين مروحتش قومت غيرت ونزلت وانا لسه بفكر في الحلم دا مش،مفهوم زي كل حاجة بتحصل معايا اليومين دول وصلت المستشفي كانت الساعة اربعة العصر كدا دخلت المشرحة وبدات اشتغل وكنت ببعد نفسي عن الجثة الملعونة دي علي قد ما اقدار و عرفت ان جثة سيد اتسلمت لاهله من غير اي تشريح اندمجت في التشريح والوقت عدي
عصااام...عصااام
مين اللي بينادي عليا حاولت اركز عشان اعرف مصدار الصوت الصوت سكت قولت انه بيتهأيلي رجعت اكمل الصوت رجع خرجت برا المشرحة اشوف الصوت الجو هادي ومفيش اي حاجة كل حاجة طبيعية دخلت وقولت لنفسي اهدي كدا مفيش حاجة هتحصل ملحقتش اكمل الجملة والنور قطع وانا واقف مكاني مش قادر اتحرك بعدها صوت التلفون اللي متعود اشغله سكت تخيلوا واقف في الضلمة في المشرحة وانت عارف ان في عفريت معاك في المكان كل دا كان كافي اني اموت من الرعب في الوقت دا مش قادر اسيطر علي جسمي عشان اتحرك قطع كل دا صوت انفاس بدات تيجي من حواليا وبدات تقرب مني لحد ما بقيت في وشي وقربت مني وقالت الصندوق
#المشرحه
#الجزء الثامن
وقالت الصندوق الطقس الاخير يجب ان يحدث في الميعاد بعدها صرخت وانا فقد الوعي
فوقت بعدها وانا مرعوب ومش عارف اعمل اي انا لازم اعرف كل حاجة عن صاحبة الجثة دي طلعت من المشرحة ورحت الي وائل وطلبت منه اعرف مين اللي جاب الجثة دي واسمها وكل حاجة عنها قالي هتعمل بيها اي المعلومات دي قولتله ملكش دعوة عاوزها هتعرف تساعدني ولا اشوف غيرك
قال خلاص ساعة وكل اللي انت عاوزه هيكون موجود فعلا بعد ساعة كان وائل قدامي
وائل:بص يسيدي الست دي حكيتها غريبة شواية اسمها هانم فالح سليم اللي جابها واحد اسمه احمد يوسف عبدالله و دا شيخ الجامع في القرية دي هي من قرية قريبة مننا هنا الغريب بقي ان البيت بتاعها ولع وهي موجودة جوا البيت و أهل البلد حاولوا يطفوا النار كتير بس معرفوش لحد ما النار زي ما ولعت لوحده طفت لوحدها وهي كانت عادية مفيش في جسمها اي اثر لنار او حرق واكيد انت شوفت كدا
سمعت بقي بيقولوا ان هانم دي كانت دجاله بتاع عفريت و سحر والكلام الفاضي دا
عصام:طلع كلام حقيقي،مش فاضي
وائل:تقصد اي
عصام:ها لا متشغلش بالك متشكر جدآ تعبتك معايا حاجة اخيره ممكن عنوان القرية دي
وائل:هو في حاجة
عصام:لا متقلقش
وائل:تمام هو فعلا انا بعتلك كل المعلومات دي علي الوتس عشان كنت ماشي رايح مشوار كدا علي السريع الي اسكندرية و راجع
عصام:ترجع بالسلامة مش محتاج انت مني حاجة
وائل:تسلم يا دكتور استاذن انا
مشي الدكتور وائل وانا رجعت البيت وانا عارف انا هعمل اي بكرا هروح القرية دي و اشوف نهاية لكل اللي بيحصل دا علي الساعة عشرة بالليل وانا قاعد مع هالة تلفوني رن كان الدكتور وائل رديت
وائل:منك لله انت السبب
عصام:السبب في اي
وائل:الجثة دي ملعونه لا دي لسه عايشه
عصام:اهدا طيب واحكيلي اي اللي حصل
وائل:مفيش وقت
عصام:طب انت فين
وائل:راجع من اسكندرية ......اي دا انتي اما مليش ذنب انتي...اهه
والخط قطع حاولت اكلمه كتير جرس ومفيش حد بيرد لحد ما واحد رد عليا وقال صاحب التلفون دا عمل حدث بالعربية علي الطريق ومات
معرفتش اعمل اي حاجة غير اني استسلمت لكل حاجة و فقد الوع
#المشرحة
#الجزءالتاسع
من كابوس لكابوس لحد ما صحيت وهاله جنبي سالتها انا ليا قد اي نايم قالت يومين و حرارتك كانت عالية بس الحمد لله دلوقتي بقيت كوايس
وعرفت منها موت وائل في حدثة العربية اتقلبت من غير اي سبب ومات
كدا مفيش غيري لازم اوصل للقرية دي يمكن اوصل لحل او اموت مفيش اي حل تالت قومت غيرت ونزلت روحت العنوان اللي وائل الله يرحمه كان باعته وصلت القرية وكنت عارف انا هروح فين الشيخ احمد شيخ الجامع هو اللي عنده اجابات كل الاسألة كانت صلاة الظهر باقي عليها اقل من ساعة وسالت لحد ما عرفت الجامع اللي بيصلي فيه الشيخ احمد روحت صليت وبعد الصلاة قربت منه و بدات اعرفه ب نفسي
عصام: اذيك يا شيخ احمد
الشيخ احمد:الله يسلمك يبني خير
عصام:مش خير ابدآ يا شيخ في الاول انا الدكتور عصام دكتور المشرحة في المستشفي العام بتاع المحافظة
الشيخ احمد:اتفضل يبني اقدار اساعدك ازاي
عصام:في جثة انت جبتها المشرحة من فترة
بارتباك واضح قال:جثة اي
عصام:جثة هانم الملعونه
الشيخ احمد:وطي صوتك بلاش حد يسمعك
عصام:ليه
الشيخ احمد:اهل البلد ما صدقوا خلصوا منها علي الاقل خلصوا من واحد منهم
عصام:هما مين
الشيخ احمد:انا احكيلك علي كل حاجة
عصام:وانا عاوز اعرف كل حاجة
الشيخ احمد:
هانم فالح سليم الحكاية بدات من زمان يمكن تكون من سليم نفسه جدتها سليم جه البلد دي ومفيش حد كان يعرف عنه حاجة حتي اسمه محدش عارف غير سليم كان بشهادة الكل طيب وكان بيساعد كل اللي محتاج مساعدة لحد ما بقي الشيخ سليم بامانة يبني كان بيعالج بالقران والدعاء الشيخ سليم اتجوز وكان فالح ابنه الوحيد اللي كان سبب في موت ابوه من قهرته عليه و زعله والسبب الطريق اللي فالح اختاره كان طريق الشيطان والعياذ بالله بس مكنش بياذي حد من غير سبب كان اللي يكره حد يروح الي فالح يعمله عمل يسود حياته اللي كانت بتحب واحد تروح الي فالح عشان تتجوزه وهكذا الناس من جهلها رضيت و عاشت وافتكرت ان الموضوع هيقف عند كدا فالح اتجوز وكانت هانم اول فرحته زي ما بيقول بعدها عزيز اتنين اخوات تقدار تقول عليهم شياطين مش بني ادمين ابدآ و فالح كان بفتخر بيهم وبقوتهم لحد ما في يوم هانم دخلت مقابر القرية ومخرجتش منها غير بعد اربعين يوم كله كان بيقول انها ماتت او اتجننت بس اصوات الصراخ اللي كانت بتخرج من المقابر بالليل كانت بتاكد للكل انها لسه عايشه وهترجع في الكل كان بيخاف يدخل المقابر
#المشرحه
#الجزء العاشر
وهترجع في الكل كان بيخاف يدخل المقابر بالليل حتي ابوها فالح اللي كان بدأت يخاف منها في الوقت دا كان عزيز بيكبر ويتعلم زي اخته بس الكره كان بيكبر معاه كرهه ل هانم اخته محدش عارف اي السبب بالظبط ناس قالت عشان ابوه كان بيحبها اكتر منه وناس قالت عشان هي اللي كانت السبب في موت ابوها وامها لمي رجعت اه رجعت بعد اربعين يوم زي ما قولتلك بس كانت انسانه تاني لا مش انسانه كانت شيطانه اللي رجعت وقفت في وسط القرية وقالت من هنا و رايح انا مفيش حد هيعمل حاجة غير لمي يستأذن الاول مفيش حد يفكر بس انه يرفض و اوعدكم هتشوفوا عذاب مش ممكن تتخيلوا وبعدها اختارت بيت وقعدة فيه وبدات تاذي في الكل بسبب ومن غير سبب بعدها الناس راحت الي فالح وطلبوا منه انه يساعدهم ويمنع عنهم شر هانم وافق بس طلب منهم شواية وقت في الفترة دي عزيز مكنش موجود محدش كان عارف هو فين بس الكل كان خايف من اللي هيحصل شر هانم كان صاب كل بيت في البلد لحد اليوم اللي خرج فيه فالح بيتحدي هانم وهانم قبلت التحدي من الليلة دي والنار ماسكة في بيوت وشوارع البلد لمدة اسبوع من غير من تطفئ وعرفنا ان في واحد منهم قدر علي التاني وكانت هانم واقفه في نص القرية بتتفاخر انها قدارت تكسب التحدي اللي كانت نتيجته موت ابوها وامها ورجعت تاني بيتها اتجمعنا ورحنا بيت فالح وخرجنا الجثث اللي كانت مفحمة ودفنها في مقابر القرية ودا كان اغبي حاجة ممكن تتعمل وقتها عشان من وقتها والمقابر ملعونه صراخ طول الليل ولو دفنا اي حد مات تاني يوم جثته بتكون مرمية برا القبر الوضع استمر علي كذا لحد وقت رجوع عزيز و زي الكل ما كان متوقع حرب بينهم واهل القرية هما الضحايا لحد ما صحينا في يوم علي أصوات صراخ في بيت هانم و نار لمدة يومين وعزيز اختفي تاني و هانم كانت جثة بس من غير اي اثر لحروق كانت زي ما تكون ماتت غرقانه حتي البيت حاجات بسيطة اللي محروقه فيه اما باقي البيت كان طبيعي فكرنا هنعمل اي بجثتها خوفنا ندفنها في المقابر زي ابوها لحد ما قررنا نخدها المستشفي ونسيبها وهما يتصرفه و من وقتها واحنا عايشين ل اول مرة في راحة و هدوء دي كل الحكاية يبني
الرواية كامله من البدايه من هنا
تعليقات
إرسال تعليق