مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية همس البارت الخامس بقلم إسراء ابراهيم في موسوعة القصص والروايات جميع الفصول كامله وحصريه 

البارت الخامس 

همس

بقلمي اسراء ابراهيم 

اتفاجأ فريد بالباب بيتفتح وبتدخل منه حلا وهيا بتجري ناحية دينا اللي اول ما شافتها ابتسمت بفرحة وهيا بتقؤل :

حلا ،،حبببتي وحشتيني اوي ،،انتي جيتي هنا ازاي 

حلا حضنت دينا بخوف وهيا بتقؤل :

بابا اللي جابني واول ما الممرضة شاورتلنا عالقوضة انا سيبته وجريت عشان اجيلك واشوفك ،،دينا انا خفت اوي احسن تكوني مش كويسة 

دينا ابتسمت بحب وضمتها وهيا بتقؤل :

لا يا روحي متخافيش انا كويسة 

ق*طع كلام دينا فريد لما بصلها باستغراب وهو بيقول :

مين دي يا دينا وتعرفيها منين 

دينا ابتسمت وقالت وهيا بطبطب علي حلا :

حلا اتعرفت عليها في النادي يا ابيه فريد ،،كانت تايهة من باباها ومامتها ولجأتلي ومن ساعتها بقينا اصحاب ،،مش كدة حلا 

حركت حلا راسها ببراءة وقالت :

ايوة يا دودو ،، وبقينا اصحاب اوي مش كدة 

ضحك الكل علي طريقة حلا وقا*طعهم مراد اللي كان  بيخبط وفريد فتحله الباب ودخل مراد باحراج وسلم علي فريد وهو بيعرف نفسه وبيقؤل:

اهلا بحضرتك ،،انا دكتور مراد سيف  الدين ابو حلا و

قبل ما يكمل مراد كلامه ابتسم فريد وقال بود :

اهلا بيك يا دكتور مراد  ،،انا فريد اخو دينا الكبير  ،،و دينا قالتلي علي حكاية حلا وانا متشكر ليك انك جيت تطمن عليها 

ابتسم مراد بمجاملة وهو بيقول :

ده واجب عليا بعد اللي عملته مع حلا 

وبص مراد لدينا واول ما عينه جت في عيونها دينا بصتله بحزن وحاولت تبعد عنيها بس مقدرتش فاتكلم مراد بهدوء:

الف سلامة عليكي يا انسة دينا 

حركت دينا راسها بهدوء وقالت :

الله يسلمك ،،ميرسي انك جيت تطمن عليا 

مراد ابتسم وقالها بقصد:

مكنش ينفع مجيش ،، احم بعد اذنكم 

خرج مراد من القوضة وفريد بص لدينا بغموض وهو بيقرب منها وبيقؤل بمكر:

انا شايف ان بنتي بقت تخبي عليا حجات 

دينا ضحكت اول ما شافت فريد بيقرب عليها وقالتله بتحذير :

ابيه اوعي تزغزغني هضحك بصوت عالي ومش هتعرف توقفني 

مكملتش دينا كلامها لما قرب منها فريد وبقي يضحك معاها ويزغزغها ودينا مبسوطة باهتمامه بيها وهمس كانت متابعاهم وحاسة بضيق وخنقة متعرفش سببهم وكان باين علي ملامحها كدة اوي وكانت متابعة رد فعلها راندا وحست بيها ولقتها بتقرب من حورية امها وبتقؤلها بصوت مهموم:

ماما يلا نمشي كفاية كدة 

ابتسمت حورية وردت علي همس بحنان وهيا بطبطب عليها :

يلا يا حبيبتي 

وكان سامعها فريد فقرب منهم وهو بيقؤل بابتسامة:

تمام يلا عشان اوصلكم 

ملحقش فريد يكمل كلامه لما ردت عليه همس باندفاع وحد*ة :

احنا مش محتاجين توصيلة ،، زي ما جينا هنروح ،،خليك انت في مشاغلك 

فريد اضايق من ردها عليه بالطريقة دي قدام الكل فاتعصب ومحسش بنفسه وقالها بحد*ة وهو بيمسك ايديها :

انا اللي اقرر اخليني ولا اوصلكم واياكي تتكلمي معايا بالطريقة دي تاني انتي فاااهمة 

همس انكمشت في نفسها من صريخه في وشها كدة قدامهم وعنيها دمعت وزقته وطلعت تجري علي برة،، فحورية بصت لفريد بعتاب ومتكلمتش عشان متحر*جهوش قدام اخواته البنات وسابته ومشيت ورا همس ،،اما فريد فغمض عينه بغضب وهو بيحط ايده الاتنين علي دماغه وبيقؤل بعصبية:

ليييه ،، ليه تعمل كدة 

سابهم فريد وخرج بسرعة ورا همس وحورية وخرجت وراه راندا عشان توقفه و ندهت عليه بسرعة فوقف فريد وراندا قفلت باب القوضة وراحتله وقالتله بعتاب :

طبعا انت عارف انك غِلط مش كدة؟

فريد اتنفس بضيق وقالها وهو بيحط ايده علي دماغه مكان الصداع اللي جاله فجأة :

راندا ،،الله يخليكي مش وقته ،، سيبيني اروح الحقها عشان متعملش في نفسها حاجة دي مجنونة وتعملها

قبل ما فريد يسيب راندا ويمشي مسكته من ايده وهيا بتقؤله بهدوء:

همس مغلطتش يا فريد انت اللي غلطت ومش عشان عليت صوتك عليها وزعقتلها قدامنا لا 

بص فريد لراندا باستغراب وقالها باستفهام :

اومال عشان ايه ؟

ابتسمت راندا وقالتله :

 انت جر*حتها من غير ما تقصد ،، بتضحك وتهزر مع دينا وانت عارف ان همس محتاجة الاهتمام وانها تحس نفس الشعور اللي اتحرمت منه مع اخوها ده غير انك عودتها عالاهتمام من ساعت ما مازن مات وهيا بقت حاسة انها بقي ليها فيك زي ما دينا ليها بالظبط بس انت للاسف مش بتعمل ده ،،مش بتحاول تقرب منها ،،تحسسها انها من اولوياتك وانك دايما هتفضل جمبها وسندها ،،همس محتجالك كزوج قبل ما تكون صاحب واخ يا فريد والمفروض تكون كل دول مع بعض 

فريد كان سامع كلام اخته وحاسس انه اغب*ي راجل في الدنيا ،، كان بيكلم نفسه وبيأنبها ،،انه ازاي مقدرش يفهم غيرتها عليه رغم انها لمحتله بده كذا مرة بس هو كان مش فاهم ده هو كان مفكرها بتبعده عنها مش اكتر ،، ابتسم فريد لراندا وهيا كمان بادلته الابتسامة واتأكدت انه فهم كلامها  ،، وسابها فريد ومشي وهو ناوي يصلح اللي عمله ،، وقبل ما تدخل رادندا تاني لدينا سمعت حد بيندهلها باسمها فاتصدمت اول ما عرفته من صوته 

............................................

كانت همس قاعدة في اوضتها بتعيط ،، حاسة انها رجعت لنقطة الصفر تاني ،، بتقؤل لنفسها انها ملهاش اي حقوق في فريد عشان تضايق من اهماله ليها ورمت اللوم عليه هو عشان هو اللي علقها بيه ،،هو اللي عوضها عن غياب مازن ،،ليه دلوقتي بيعمل كدة ،،قط*ع تفكيرها صوت الباب وهو بيتفتح وافتكرت همس انها حورية امها بس اتفاجأت بفريد هو اللي واقف قدامها فقامت بعصبية وهيا بتقؤله بعياط:

انت ازاي تدخل اوضتي كدة اطلع برة ،،انا مش عايزة اشوفك ،،

فريد قرب منها وهو بيقؤل بابتسامة :

انتي ناسية انك مراتي ،،يعني ادخل وقت ما انا عايز 

همس بصتله بغضب وقالتله بحد*ة : 

برضه ده ميدكش الحق انك تدخل اوضتي من غير ما تستأذن واعمل حسابك انك هطلقني وهتسيبني في حالي انا وامي ،،انت فاهم 

قرب فريد اكتر لحد ما بقي واقف قدامها وقريب منها اوي وبص في عيونها بصة طويلة و همس حست بتوتر فكانت هتتكلم بغضب بس هو منعها وهو بيحط ايده قدام شفا*يفها وبيقؤلها بندم :

انا اسف ،،حقك عليا يا بنت قلبي ،،مكنتش اقصد اني انشغل عنك ،،انتي عارفة انه كان غصب عني 

همس مردتش عليه وفضلت باصة في عيونه وهو بيتكلم وبيقؤل :

تعرفي اني علي عيني اني مشوفكيش الاسبوعين اللي فاتو ،، حتي وانا في عز مشاكلي بفكر فيكي وشايل همك ،، وكان نفسي اسمع صوتك عشان يهون عليا اللي انا فيه ،،بس انتي كنتي بتعاقبيني عقاب قوي ومش بترضي تردي عليا 

همس كانت بصاله وحاسة انها مبسوطة وان جرو*حها بتخف من جملة بسيطة منه  لما عرفت انه كان بيفكر فيها وانها بالنسباله حد مهم في حياته مش  حد اتفرض عليه ،، اتفاجأت همس بفريد وهو بيمسك ايديها وبيسألها بحنان :

ها لسة زعلانة مني يا همس 

همس حركت راسها يمين وشمال وهيا باصة في عيونه بتوهان ولاول مرة تحس انها مبسوطة وهيا معاه ،، وضحكت بخفة وهو بيقؤلها بهزار:

عارفة كنت بطمن عليكي ازاي لما بعرف من ماما حورية انك بتاكلي الشيكولاتات كلها اللي كنت ببعتهالك كل يوم   

ضحكت همس وبصت في الارض بخجل فرفع وشها فريد بايديه وهو بيقؤل بابتسامة :

عايزك تنامي كويس بقي عشان بكرة ان شاء الله هنروح الڤيلا وعشان محضرلك مفاجأة هتعجبك اووي 

ابتسمت همس بفضول وقالتله باندفاع :

قولي ايه هيا يا ابيه فريد ،، بليييز قووول 

فريد اتنهد بيأس من كلمة ابيه اللي قالتها وقالها بعند:

ابدااا ،، مش هقؤلك عليها الا بكرة واحنا هناك ،، 

كشرت همس وقالتله بزعل :

بقي كدة طب انا زعلانة منك ومخاصماك 

قبل ما تسيبه همس وتمشي كان فريد شالها فجأة فصوتت وهيا بتقؤله :

اععععع ،، نزلني 

فريد ضحك وقالها وهو بيمشي بيها :

مش قولتي مخاصماني ،،انا بقي هصالحك بطريقتي 

صوتت همس وتبتت في فريد وهو شايلها عشان خايفة احسن تقع وقالتله بمحايلة:

خلاص خلاص ،،انا مش مخاصماك ،،نزلني بقي 

ضحك فريد ونزلها بس كان لسة محاوطها بايديه وعيونهم اتقابلت وسعتها قلب همس فضل يدق جامد وكانت فرحانة اوي وهيا معاه ،، شوية وبعدت عنه بتوتر وهيا بتقؤل :

ااانا هنام بقي ،، عشان اصحي بدري احضر الشنط 

فريد بصلها بحب وهو بيحرك دماغه وسابها وخرج وهو حاسس انه مبسوط اوي عشان معاها ،،وعمره ما تخيل في حياته انه يوم ما يحب ،، يحب بنت زي همس بالنسباله طفلة،،وكمان يتعلق بيها اوي كدة 

........................................

في المستشفي 

كانت قاعدة دينا مضايقة من اللي حصل وبتفكر في همس وانها ممكن تاخد اخوها فريد منها وكمان تخليه يبعد عنها عشان كدة حست انها زعلت عشان هو كان بيهزر معاها وهيا لا ،، اتنهدت بحزن ومن جواها قررت تقابلها وتتكلم معاها وتعرف نيتها ايه من ناحيتها وليه تتجوز واحد كبير عليها زي فريد اخوها ،،قطع سرحانها الموبايل لما رن ،، مدت ايدها بأ*لم جابته وردت بتعب واتفاجأت بحلا بتكلمها :

ازيك يا دينا ،،وحشتيني 

ضحكت دينا وقالتلها بهزار:

يلا يا بكاشة منا لسة كنت شايفاكي من كام ساعة ،، احم يا حلا انا ممكن اطلب منك طلب 

حلا اتكلمت بسرعة وقالتلها :

ايوة يا دينا ،،مش احنا صحاب ،، يبقي اطلبي 

ابتسمت دينا علي براءة حلا وبعدين قالت بحزن :

ممكن متزعليش بابا وتسمعي كلامه عشان هو بيحبك وعارف مصلحتك اكتر من اي حد في الدنيا 

حلا استغربت وقالتلها :

طيب ما انا بحبه اوي يا دينا وبسمع كلامه

اتكلمت دينا وهيا بتمسح دموعها :

يبقي عشان خاطري مش تتصلي عليا تاني ،،عشان بابا لما يعرف ميزعلش منك ويقول انك مش بتسمعي كلامه ،، ماشي يا حبيبتي 

ابتسمت حلا وقالت بفرحة:

ما انا استأذنت منه اني هكلمك وهو وافق وقاعد جمبي اهو حتي فاتحين الاسبيكر وبنكلمك سوا ،،مش كدة يا بابا 

اول ما سمعت دينا كلام حلا قلبها دق واتوترت ومعرفتش ترد خصوصا اول ما سمعت صوت مراد اللي كان بيقؤل لحلا تروح تلعب لحد ما يتكلم معاها شوية ،، وانتبهت علي صوته اللي بيوترها وهو بيقؤلها :

ايه يا دينا ،، مش عاوزة تكلميني ؟ 

دينا حست ان الكلام هرب ومردتش بس اتفاجأت بمراد بيقؤلها :

انا اسف يا دينا 

دينا عنيها دمعت وقالت بحزن:

علي ايه يا استاذ مراد ،،انك خايف علي بنتك من واحدة زي ،، ولا عشان حاسس بالذنب وخايف احسن تكون السبب في اللي حصلي عموما عادي متاخدش في بالك ،،اصل اللي زي مبيزعلوش لما حد بيواجهم بحقيقتهم 

مراد اتنهد وقالها بندم كان باين في صوته :

اسف عشان مدتش نفسي فرصة اني اعرفك بجد وحكمت عليكي من مظهرك ،،انا عايزك بس تعذريني ،،انا مليش حد الا حلا بنتي ،،وبخاف عليها اوي ،،والسبب الاساسي هو اني خفت  تتعلق بيكي وانتي تسيبيها فتزعل وقلبها يتكسر ،، 

ابتسمت دينا بسخرية بعد ما سمعت كلامه واتفاجأ مراد لما لقاها بتقؤله ....يتبع

رأيكم يهمني ويا،يت تتفاعلو بعشر كومنتات عشان البارت يوصل للكل 

#بقلمي_اسراء_ابراهيم

تكملة الروايه من هنااااااا 

#همس