رواية زينة القلب البارت 11_12بقلم يارا عبد العزيز في موسوعة القصص والروايات جميع الفصول كامله وحصريه رواية زينة القلب البارت 11_12بقلم يارا عبد العزيز في موسوعة القصص والروايات جميع الفصول كامله وحصريه  |
رواية زينة القلب البارت 11_12بقلم يارا عبد العزيز في موسوعة القصص والروايات جميع الفصول كامله وحصريه
🦋 زينة القلب البارت الحادى عشر 🦋
وفجأة سمعوا صوت واحدة من وراهم
كدا يا حمزة اتجوزت من غيرى
الكل التفت اول اما سمعوا الصوت
حمزة : دادة وحشتينى جدا اتأخرتى عليا اوى كدا ليه
دادة توحيده: على عينى يحبيبى ابعد عنك وانت عارف بس انت عارف انى كان لازم انزل اسوان عشان المشاكل اللى ما بينى وما بين اخواتى ع موضوع الورث
حمزة : عارف ومقدر كل حاجه قوليلى عملتى ايه
دادة توحيده: دا موضوع يطول شرحه هبقى احكيلك بعدين خلينا نتعرف ع العروسه القمر معقول حمزة حب واتجوز وقامت رايحة عند زينة
دادة توحيده: اعرفك بنفسي انا دادة توحيده انا اللى مربية جوزك لحد ما بقى راجل كدا زى ما انتى شايفة
زينة : اتشرفت جدا بمعرفة حضرتك انا زينة
دادة توحيده: اسمك جميل اوى يا زينة وما شاء الله عليكى زى القمر يحبيبتى مش مستغربه انك وقعتى حمزة
حمزة وهو بيبص ع زينة : هى وقعتنى بس دا انا بدوب اوى اوى يعنى
زينة اتكسفت وبصت فى الارض
حمزة قام مميل ع ودنها: تمثيل تمثيل عشان نحبق الدور مش اكتر
زينة بصتله بنرفزة واتكلمت بصوت منخفض: يا ريت متأڤورش
دادة توحيده: مش قادرين تستحملوا اما تتطلعوا وتتكلموا برحتكوا
حمزة : الصراحة اه وياريت نطلع بقى ممكن
جدة زينة : اتفضلوا يحبيبى
خالد: طب مع السلامه احنا بقى يا عريس
شهد ونور : مع السلامه يحبيبتى وراحوا اخدوها بالحضن وتلاقئ لقوا نفسهم بيعيطوا
زينة : طب ممكن متعيطوش عشان معيطش انا كمان
شهد : حاضر يحبيبتى مع السلامه
زينة : سلام
ومشيوا الكل وحمزة وزينة طلعوا الاوضة
زينة بأنبهار: هى دى أوضة ولا شقة
حمزة : لا أوضة
زينة : دى أكبر من شقتنا ما شاء الله
حمزة : انتى جاية تقرى ولا ايه
زينة بعصبية: ع فكرة قولت ما شاء الله
حمزة : ع فكرة انتى بتتعصبى بسرعة اوى اتحكمى فى نفسك شوية
زينة وهى رايحة عنده وبتشاور بصبعها فى وشه: لا بقولك ايه مش عشان انكتب كتابنا وانت حمزة بيه الاسيوطى تقوم تتحكم فيا وتقولى اعمل ايه ومعملش ايه انا زينة يا بابا هاا زينة
حمزة : خفت انا كدا صح وصبعك دا ميترفعش تاانى وانتى بتكلمينى متخلنيش اوريكى مين هو حمزة الاسيوطى فعلا انا لحد دلوقتي محترم معاكى فالشوية اللى هنعقدهم مع بعض عشيهم بسلام ومتخلنيش ازعلك
زينة : انا محدش يقدر يزعلنى ع فكرة
حمزة وهو بيمسك ايدها وبيقربها: فعلا
وكان اول مرة بياخد باله من عينها اوى كدا اللى هى لونها زيتونى
حمزة : انتى ازاى عيونك جميلة اوى كدا هى دى عيونك ولا مركبة حاجه
زينة وبدأ خدودها تحمر بتوتر: لا عيونى
وبعد كدا بعدها عنه لما مقدرش يسيطر ع نفسه
حمزة بنرفزة وهو بياخد نفسه: انا هغير هدومى عشان انام
زينة ببأتسامة: ماش
حمزة بنرفزة: لا كدا مش هينفع انا بقول اقبض ع القاتل بسرعة بقى عشان وبعد كدا سكت
زينة بخبث: عشان ايه
حمزة بعصبية: انا هروح اغير هدومى
زينة : هروح اغير هدومى هروح اغير هدومى ما تروح هو انا ماسكك
وبعدها مشى وزينة لقيت نفسها بتضحك اول لما مشى
زينة بصوت عالى: طب ما هو انا كمان عايزة اغير هدومى عشان انام
حمزة خرج ومعاه هدومه: انا هغير فى الحمام انتى ادخلى غرفة الملابس وغيرى
زينة: تمام
زينة وهى جوا الاوضة: دى كلها هدوم سودة لدرجة دى بيحب اللون الاسود
وغيرت وخرجت ولقيت حمزة قاعد ع اللاب
زينة كانت خارجة بالطرحة
حمزة : ودا من ايه
زينة : مش فاهمه
حمزة : هتنامى بالطرحة
زينة: اوماال يعنى هخليك تشوف شعرى
حمزة بعصبية: هو جو المأذون والناس اللى كانت بتبارك وعقد الجواز اللى مضيتى عليه بنفسك مش واخدة بالك منه ولا ايه
زينة: ايوا وفيها ايه يعنى
حمزة : يبنتى انا جوزك
زينة : ع الورق بس
حمزة : بس جوزك يعنى لو قعدتى قدامى بشعرك مش هيبقى حرام ع فكرة
زينة : تصدق فعلا معاك حق مش حرام
حمزة : طب والله هبلة
زينة : طب متغلطيش طيب
حمزة : برضوا مصرة تعصبنى هو مفيش مرة اتكلم معاكى فيها الا اما تعصبنى وتخلينى اجيب اخرى انتى فيه حد مصلتك عليا طيب
زينة وهى عاملة نفسها متجهله وشالت الطرحة
حمزة اول اما شاف شعرها: كدا كتير بقى
زينة : فيه ايه
حمزة : دا شعرك ؟!!
زينة : ايوا انت بتشككنى فى نفسى ع فكرة
حمزة : انا طالع البلكونة
زينة : هو انا فين فونى
حمزة : بتقولى ايه يختى
زينة : فين فونى مش لاقيه
حمزة : الكلمة دى متتقلش تانى اسمه موبايل
زينة : انا متعودة اقول كدا مش ذنبى انك بتتعصب من الكلمة يعنى
حمزة : متخلنيش اتعصب عليكى يا زينة وبعدين انتى عايزة التليفون ليه
زينة : عشان اظبط المنبه لصلاة الفجر ولى القيام
حمزة : قيام وصلاة فجر
زينة : ايوا هو انت مش بتصلى
حمزة : لا
زينة: ليه
حمزة : مش عارف ممكن مشاغل مثلا
زينة: مينفعش اى حاجه تعطلك عن القيام بفروضك ابدا لازم تحط ربنا فى المقام الأول فى حياتك وبعدين الصلاة مش بتاخد وقت اكتر حاجه ممكن عشر دقايق ولا حاجه لو عايز ربنا يباركلك فى يومك املاه بالصلاة وقراءة القرآن والذكر والصلاه فرض مش تدين يعنى واجب ع كل مسلم ومسلمه
حمزة بإعجاب: انتى كلامك حلو اوى
زينة : دا مش كلامي ع فكرة دا كلام الرسول صلى الله عليه وسلم اللى واخده من ربنا
زينة: قال الله -تعالى- فيسورة البقرة: {وَأَقِيمُوا الصَّلَاةَ وَآتُوا الزَّكَاةَ وَارْكَعُوا مَعَ الرَّاكِعِينَ * أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلَا تَعْقِلُونَ * وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ}،[١] صدق الله العظيم
حمزة : صدق الله العظيم
زينة : هبقى اصحيك تصلى الفجر تمام
حمزة : ماشى شكرا
زينة : الشكر لله
زينة: انا هنام بقى تصبح ع جنة
حمزة : وانتى من اهلها
ونامت زينة وحمزة طلع البلكونه
حمزة فى نفسه: معقول فيه حد جميل اوى كدا حد جميل داخلياً وخارجياً انتى بتعملى فيا ايه يا زينة
صحيت زينة قبل صلاة الفجر بساعة الا ربع تقريبا
وصليت قيام وبعد كدا صحت حمزة وصلوا الفجر جماعة هم الاتنين وحمزة كان الإمام
فى الصباح
كانوا قاعدين ع تربيزة السفرة حمزة و زينة كانت قاعدة جنبه وجانبها جدتها وقاعد من الناحية التانية دادة توحيده
وبدأوا ياكلوا
زينة وهى بتبص ع حمزة : تيتة انتى سميتى الله
الجدة : ايوا يحبيبتى
زينة : تمام
زينة وهى بتبص لحمزة وكأنها بتوجهله الكلام: عن عائشة رضي الله عنها قالت: قال رسول الله صلى الله عليه وسلم: »إذا أكل أحدكم فليذكر اسم الله تعالى، فإن نسي أن يذكر اسم الله تعالى في أوله فليقل: بسم الله أوله وآخره
كل اللى قاعدين: صدق رسول الله صلى الله عليه وسلم
حمزة فى سره: بسم الله
زينة بصتله ببأتسامة
حمزة : الحمد لله عن اذنكوا انا لازم اروح الشغل
دادة توحيده: شغل ايه يا حمزة انت لسه متجوز انبارح
حمزة : لازم امشى يا دادة عندى شغل واكيد زينة هتقدر دا
زينة : اكيد
حمزة وهو بيبص ع زينة : خدى بالك ع نفسك
زينة : حاضر
حمزة : عن اذنكوا
زينة : طب عن اذنكوا
زينة: بشمهندس حمزة
حمزة : ياريت بلاش بشمهندس دا عشان لو حد سمعك هيشك فى حاجة
زينة : هحاول
حمزة : عايزة حاجة
زينة : هو انا مش هروح الكلية
حمزة : للاسف مش هينفع فيه خطر عليكى انا هاخدلك اجازة وتقدرى تاخدى محاضرتك من شهد صاحبتك
زينة : تمام
حمزة : انا ماشى عايزة حاجة
زينة برقة: لا شكرا
حمزة : يلهوى بقى
زينة : فيه ايه
حمزة : انا ماشى
زينة : اوك
عند اكرم
أكرم: البنت اللى شافتني دى انت لازم توصلها وتخلص عليها بأى طريقة
مجهول: البنت فص ملح وداب
أكرم بعصبية: يعنى ايه البنت دى ممكن تتعرف عليا فى اى لحظة
مجهول: عشان كدا انت لازم تختفى لحد اما نتخلص منها
أكرم: تمام بس متتأخرش والا انت عارف انا ممكن اعمل ايه
مجهول: تمام
أكرم: بس انا مرعوب دول سلموا القضية لحمزة الاسيوطى
مجهول بخوف: عرفت عشان كدا لازم ناخد كل احتياطتنا لان حمزة مش سهل
أكرم: انت هتقولى
عند منة
كانت قاعدة ع مكتبها فى الشركة وفجأة واحد دخل وكان باين عليه متعصب جدا
يتبع......
دمتم سالمين 🥰
#زينة_القلب_البارت_الحادى_عشر
#يارا_عبدالعزيز
🦋 زينة القلب البارت الثاني عشر 🦋
وقفنا البارت اللى فات على منة أما كانت قاعدة على مكتبها فى شركة حمزة
وفجأة دخل واحد بكل عصبيته
منة بخوف: أستر يارب
مازن بعصبية: انتى يبشمهندسة
منة ببرود: بتكلمنى أنا
مازن: أيوا انتى هيكون مين يعنى
منة : نعم
مازن: سمعت انك بتعملى تصاميم وبتوريها لبشمهندس حمزة
منة : وفيها ايه يعنى
مازن بصوت عالى: شفاف انا قدامك ولا ايه مش المفروض انا المسؤول عن تدريبك يعنى التصاميم دى المفروض أنا اول واحد اشوفها والله لو حلوة هعرضها على بشمهندس حمزة ولو مش كويسه هبدأ اقولك الغلطات اللى فيها عشان تصلحيها
منة ببرود: أولا صوتك دا ميعلاش عليا تانى ثانياً انا كنت اكيد هوريهملك بس حضرتك اللى مجتش انبارح
مازن: اللى عرفته انك ورتيهمله اول انبارح
منة : ايوا ما انا كنت هوريهملك برضوا
مازن بعصبية: الحاجات اللى زى دى انا اللى اشوفها الأول انتى فاهمة
منة : هو انت بتكلمنى كدا ليه
مازن: عشان انتى مش محترمه قواعد الشركة اللى انتى بتدربى فيها انتى اصلا من الاول وانتى مش ملتزمة وأنا صابر عليكى وبقول لسه جديده ومتعرفش لكن توصل لدرجة انك متحترمنيش لا لازم افوقك ودا اول واخر تحذير ليكى المرة الجاية انا هتكلم مع بشمهندس حمزة شخصياً وهقوله انك متستهليش فرصة التدريب فى شركة من شركته
وسابها ومشى
منة وعيونها مليئة بالدموع: بتبصوا ع ايه انتوا كمان
وخرجت من المكتب وراحت قعدت فى جنينة الشركة
مازن كان بيبص عليها من الشباك وقلبه وجعه اول ما شفاها بتعيط
مازن: هو انا زودتها اوى ما هى اللى مستفزة برضوا
ملوحظة: منة مش معرفة اى حد انها اخت زياد وبنت عم حمزة عشان اللى يتعامل معاها يتعامل ع اساس شغلها وشخصيتها مش لانها بنت عم صاحب الشركة
عند زينة
كانت بتتمشى فى الجنينة وفجأة لقيت اوضة باين عليها قديمة
زينة فى نفسها: غريبه الاوضة دى باين عليها قديمة اوى
وراحت عشان تشوفها بس لقيتها مقفولة
زينة : ايه دا دى مقفولة
دادة توحيده بخوف: زينة انتى بتعملى ايه هنا
زينة : هى الاوضة دى مش متجدده ليه زى باقى اوض الڤيلا وكمان ليه مقفولة
دادة توحيده بتوتر: عادى فيه شوية كراكيب كدا متشغليش بالك بيها
زينة وحسيت انو فيه حاجه: هو انا لو دخلتها هيحصل حاجه
دادة توحيده: قولتلك متشغليش بالك بيها يا زينة مفيهاش حاجه مهمة وانتى زى ما شايفها مقفولة والمفتاح مع حمزة
زينة : خلاص ماشى
زينة فى نفسها: يا ترى فيها ايه
دادة توحيده: طب انا هروح أشوف شغلى بقى
زينة : تحبى اساعد حضرتك فى حاجة
دادة توحيده: لا يحبيبتى تسلمى
عند حمزة
خالد: تقرير الطب الشرعي بيقول انو واخد رصاصة فر القلب أدت إلى الوفاة وللأسف ملقوش بصمات لحد غيره فى المكتب والناس اللى اخدنا اقولهم قالوا ان اعداءه هم اعداء شغل مش اكتر باعتباره رجل أعمال ناجح القضية كل مادا وبتزيد تعقيد اكتر يا حمزة
حمزة : كل تفاصيل الصفقات الأخيرة لطارق النويرى تكون ع مكتبى فى اقرب وقت
خالد: انت بتفكر فى ايه
حمزة : بما انه ملوش عدواة مع حد يبقى احتمال يكون بسبب الشغل نفسه
خالد: تمام فى اقرب وقت تكون على مكتبك هروح انا ع مكتبى بقى
حمزة : تمام
عند زياد
زياد: الو يا حمزة
حمزة : بترن عشان تقولى سايبنى لوحدى برضوا لو كدا قولى عشان اقفل فى وشك
زياد: هموت مرة وتتكلم بهدوء ما علينا الوفد الأمريكي اللى جاى عشان يشوف المشروع قدم المعياد وقالوا جاين بكرة
حمزة : هم بيهزروا احنا مش ملتزمين بمواعيد
زياد: هم قالوا انهم عايزين يشوفوا المشروع من اوله اقبل بتجديد المعياد ولا ليك رأى تانى
حمزة : اقبل يا زياد أنا معنديش حاجة اخاف منها وأنا عارف انهم بيعملوا كدا عشان يطلعوا غلطة علينا وافق و وريهم كل حاجه
زياد: تمام انا عايز مترجم
حمزة : ما ترن عليهم يا بنى وقولهم يبعتولك حد
زياد: تمام
فى شركة حمزة
احد الموظفين: انسة شهد جهزى نفسك لانك مسافرة شرم بكرة
شهد : شرم ليه
الموظف: فيه وفد امريكي جاى عشان يشوف المشروع الجديد ومحتاجين مترجم
شهد : ايوا بس انا مش هينفع اروح
الموظف: مفيش حاجه اسمها مش هينفع البشمهندس زياد بنفسه اللى طالب مترجم
وسابها ومشى
شهد : يارب ايه الورطة اللى انا فيها دى أكيد ماما مش هتوافق انا هكلم زينة تقول لبشمهندس حمزة يشوف غيرى
شهد : الو السلام عليكم يا زينة
زينة : بنت حلال كنت لسه هكلمك عشان اقولك تبعتيلى المحاضرات عشان مش هعرف اجاى الكلية
شهد : زينة انا واقعة فى مشكلة ومحدش غيرك هيقدر يحلهالى
زينة : فيه ايه يبنتى خير
شهد : عايزينى اسافر شرم يا زينة وانتى عارفه ان اكيد ماما مش هتوافق قولى لحمزة جوزك دا يقولهم يشوفوا حد غيرى
زينة : حاضر بس اهدى هم عايزينك امتى
شهد : بكرة
زينة : خلاص هحاول اكلمه بإذن الله سلام
شهد : سلام
زينة : ايه الموقف اللى انا اتحطت فيه دا بقى انا هرن على بشمهندس حمزة
زينة : الو السلام عليكم
حمزة : وعليكم السلام يا زينة انتى كويسة
زينة : ايوا انا تمام الحمد لله كنت عايزة اطلب منك طلب كدا ممكن
حمزة : اتفضلى
زينة : هو انت ممكن تشوف حد تاني غير شهد صاحبتى تبعته شرم
حمزة : باقى المترجمين اللى فى الشركة مشغولين بشغل مهم يا زينة مينفعش غيرها
زينة : بس هى مامتها مش هتوافق
حمزة : والله هى المفروض كانت تعرف اما جت الشركة انو ممكن يحصل حاجه زى كدا عادى
زينة : يعنى مفيش اى أمل
حمزة : للأسف مفيش
زينة بزعل : ماشى سلام
حمزة : طب وزعلتى ليه دلوقتي طيب
زينة: خلاص أنا آسفة لازعاجك
حمزة : ممكن تبطلى حركات الاطفال بتاعتك دى
زينة: انا مش طفلة انا عندى ٢٠ سنة
حمزة : مش بقولك طفلة
زينة : سلام
حمزة : سلام يا زينة وخدى بالك على نفسك وياريت متزعليش الموضوع مش بايدي
زينة بهدوء: خلاص محصلش حاجه
حمزة : ايوا كدا اكبرى
زينة : يواه بقى
حمزة : خلاص خلاص هترجعى تزعلى تانى والواحد اصلا مش اد زعلك
زينة وكان باين ع صوتها الخجل: سلام
حمزة : يعنى شايفك مش قادر سامع صوتك مش قادر برضوا اعمل ايه طيب
زينة: مش فاهمه
حمزة : مش لازم سلام
عند زينة
شهد رنت عليها
شهد : هاا يا زينة عملتى ايه
حكت زينة لشهد كل اللى قاله حمزة
شهد بعياط: طب اعمل انا ايه دلوقتي
زينة : ممكن تهدى ومتعيطيش هى المشكلة دلوقتي فى مامتك صح
شهد : ايوا
زينة: انتى كلمتيها
شهد : ايوا و رفضت
زينة : خلاص انا هاجى اقنعها
شهد : ايوا يا زينة بس خروجك خطر عليكى
زينة : باذن الله ربنا يستر وبعدين محدش فيهم عارف مكانى انا هلبس واجيلك
شهد : ماشى بس خدى بالك ع نفسك
زينة : تمام
زينة فى نفسها: اقول لبشمهندس حمزة بس لو قولتله اكيد مش هيوافق يخرجنى خلاص انا هخرج بسرعة وهاجى ع طول من غير ما حد يعرف
فى المساء
زينة خرجت فعلا وراحت بيت شهد وكان فيه عربية واقفة قدام بيت شهد
- ايوا يباشا انا رقبت اصحابها زى ما انت قولت وهى دلوقتي دخلت عند صاحبتها اللى اسمها شهد
مجهول: تمام اول ما تخرج خلص
فى منزل شهد
كريمة : خلاص يا زينة عشان خاطرك بس انا هوافق
زينة : تسلميلى يا طنط وشكراً جدا لحضرتك
شهد بفرحة: شكرا يا زينة وتسلميلى يا اجمل ام فى الدنيا
كريمة: شفتى بتاكل بعقلى حلاوة ازاى
زينة ببأتسامة: ربنا يديمكوا لبعض
عند حمزة كان قاعد على مكتبه وفجأة لاقى رسالة مبعتوله من رقم غريب
مضمون الرسالة
مراتك حياتها فى خطر هى دلوقتي عند شهد صاحبتها
حمزة اول ما شاف الرسالة جرى وهو مرعوب من خوفه ع زينة
فى منزل شهد
زينة : طب انا همشى انا بقى
كريمة: ما تستنى يحبيبتى تتعشى معانا
زينة : مرة تانية بقى يا طنط عشان مش هينفع اتأخر
شهد : اجاى اوصلك
زينة : مش عارفه الطريق انا مثلاً خليكى قاعدة مع طنط
شهد وراحت حضنت زينة : مش عارفه اشكرك ازاي
زينة : بطلى هبل يبت انتى اختى
شهد : ربنا يديمك ليا وخدى بالك ع نفسك
زينة : حاضر يلا سلام
شهد ومامتها: سلام يحبيبتى
وخرجت زينة من منزل شهد
_ خرجت يباشا
مجهول: نفذ
وكان لسه بيضغط ع زر المسد***س
يتبع .......يتبع ؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تكملة الروايه اضغط هناااااااا
#زينة_القلب_البارت_الثانى_عشر
#يارا_عبدالعزيز
تعليقات
إرسال تعليق