رواية جواز مسيار البارت الثامن بقلم حنان حسن في موسوعة القصص والروايات جميع الفصول كامله وحصريه
رواية جواز مسيار البارت الثامن بقلم حنان حسن في موسوعة القصص والروايات جميع الفصول كامله وحصريه
رواية جواز مسيار البارت الثامن بقلم حنان حسن في موسوعة القصص والروايات جميع الفصول كامله وحصريه
جواز مسيار
الجزء الثامن
للكاتبة..حنان حسن
بعدما سمعت كلام محمد
الي قالي...
انه هيثبتلي انه جن عاشق
بشرط.. اني اقولة زوجتك نفسي
وبعدها...
انام في سريري..
وانا عنيا مغمضة
روحت فعلا نفذت الي قالي علية
و نمت علي السرير
عشان..
اتاكد من كلامة
لكن...
في اللحظة دي
سمعت اصوات غريبة
في الاوضة..
معرفش كانت جاية منين ..
وفضلت الاصوات دي
تقرب مني
وبعدها ...شعرت بايد لمست ايدي
فا حاولت افتح عنيا بسرعة
عشان اشوف ايه الي بيحصل حواليا
لكن...في اللخظة دي
شوفت ادامي غمامة سودة..
وبعدها....
غيبت عن الدنيا
وبعد فترة
فتحت عنيا تاني علي ضوء النهار
الي كان جاي من ناحية الشباك
ولما بصيت علي نفسي
اتفاجئت ..
بان هدومي متبدلة
ولقيت نفسي..
لابسة العباية السودة
مع اني... قبل ما اغيب عن الوعي
كنت لابسة حاجة تانية خالص
وكأن حد نزع عني ملابسي
وغيرهالي
فا شكيت طبعا في محمد
والي اكد شكي
هو اني شوفت رسالة..بالروج
مكتوبة علي المراية
مكتوب فيها الاتي..
انتي بنت طيبة
لكن الشر في الدنيا كتير
والمشاكل
الي هتقابلك اليومين الجايين ....اكتر
ونصيحة مني..
الطريقة الوحيدة لخلاصك من الشر
هي انك ترجعي عجوزة تاني
(لازم) ترجعي عجوزة تاني.
وبعدما انتهيت من قراءة
الرسالة
فهمت ساعتها
ان محمد هو الي عمل فيا كل ده
وفي اللحظة دي
انا اتاكدت ان محمد طلع
( بني ادم )
ومش جن عاشق ولا حاجة
وعمل التمثيلية الي فاتت دي كلها
عشان يوصل لغرضة
لكن اتاكدت بعد ايه؟
ما خلاص اخد غرضة مني وهرب
وفضلت اعيط
واقول لنفسي..
انا ازاي صدقتة ؟...وسلملتلة؟ وقولتلة زوجتك نفسي؟
ازاي وثقت فيه ؟
وروحت معاه لغاية الاوضة...
ونمت علي السرير
كمان
علي اي اساس صدقتة ؟
ازاي نسيت الحدوتة الي اخترعهالي عن عشيرتة..
لما حكموا علية ميتجوزش طول العمر؟
وازاي صدقت حجتة
بانة جن عاشق
وعايز يساعدني؟
مهو لو كان جن عاشق بجد
وعايز يساعدني ؟
بدل ما كان يطلب مني اني اقتل فريال
كان قدر يجيبلي الورقة
الي فريال مسكاها عليا وبتهددني بيها..
كان ممكن كمان..
اخدني من المكان الموبوء.. ده
وبعدني عن هنا خالص
ولا حتي كان قضي علي فريال وشركائها
الا ده كان بيكدب عليا طول الوقت
ومره يقولي..
انه عرفني عن طريق
الحكاية الي انا الفتهالة..
ومره تانية يقولي..
انه اتفتن بيا.. من خلال المراية
وكدب ثالث...
لما قالي... انه دفن عنتر جنب جثة عزة
وفي اللحظة دي
افتكرت قصة عنتر
وافتكرت كمان لما انقذني من عنتر
ورجعت فكرت تاني
وسالت نفسي..
وقلت...
لكن برضوا..
ازاي في بني ادم..
يعمل كل الحاجات
الي انا شوفتها من محمد دي؟
طيب كان بيدخل هنا ازاي
بدون مفتاح ؟
وازاي كان بيدخل... ويخرج
بدون ما حد يشوفة؟
وازاي جابلي موبيل فريال في لحظة
عشان امسح الرسالة؟
وازاي خفي جثة عنتر؟
ومنين عرف بدفن عزة ؟
وازاي عرف مكان الدفن اصلا؟
وازاي شوفتة بعيني وهو بيتحرق؟
ومين الاشخاص الي كان لونهم ازرق
الي كانوا حوالية؟
وازاي كانوا بيخرجوا من الحيطة؟
وازاي محمد اتحرق من سنة
في البيت
الي اخدني فيه هو واشرف ؟
وازاي محمد مات داخل البيت؟
و هو كان موجود معايا لغاية امبارح باليل؟
وافتكرت حاجات تانية كتير
صعب العقل يستوعبها
فا مسكت دماغي
بعدما حسيت اني تعبت م التفكير
واكتشفت اني لغاية دلوقتي مفهمتش اي حاجة
ولا استقريت لمحمد علي وضع
ولا حتي اتاكدت ان
ان كان جن عاشق فعلا
ولا بني ادم عادي
واثناء ما كنت في الدوامة التفكير الي انا فيها
سمعت صوت موبيلي بيرن
وكان المتصل
هي فريال
فا قمت رديت عليها
قلت..نعم
قالتلي...بفكرك بمعاد العريس بتاع الليلة
وكنت عايزاكي كمان تكلمي العريس فيديوا
قلت..ولزمتة ايه؟
منتوا مسجلين ليا فيديوا معاكوا صوت وصورة
وكل ما عريس بيتقدم بيشوفة
وبيوافق علي طول
فا ردت فريال
وقالت..
المره دي العريس شكاك شوية
ومش عايز يكتب الكتاب
غير لما يتاكد ان كان شكل العروسة
زي الصورة ولا لا
فا طلب يشوف العروسة في الكاميرا (لايف)
ويتكلم معاها كمان
عشان يتاكد من عروستة قبل ما يكتب
قلت..بس كده هياخد رقمي
قال...
متخافيش انا بنفسي هبقي جنبة وهو بيكلمك
وحذف رقمك من عنده بعد الاتصال
قلت....تمام
خلية يتصل بيا بعد ساعة هكون جهزت وهكلمة
فا ردت عليا فريال
وقالتلي..
وبعدما تخلصي من اللايف
مش عايزة اعيد عليكي
التنبية تاني
البسي واجهزى قبل الساعة ما تيجي ٨
قلت..حاضر
وبعدما قفلت معايا فريال
فضلت اعيط علي بختي الاسود
لاني لقيت نفسي مغلوبة علي امري
ولازم انفذ كلام فريال بالحرف
وفعلا...
بعد ساعة اتصل عليا العريس
وفتح اللايف
والعريس شافني وكلمني
وانا كمان شوفتة
وصعب عليا جدا
لانة كان شاب صغير..
وباين علية انة ابن ناس
لكن يظهر ان ظروفة صعبة زي معظم الشباب ...
ومش قادر يتجوز..
ولا عنده امكانيات الجواز بتاعة اليومين دول..
المهم...بعدما انتهيت من مكالمة الفيديوا
خوفت لا المظهر يخدعني
ويطلع العريس بلوه مسيحة
و اتفاجئ تاني بعريس من نوعية عنتر
واتعرض تاني للتحرش
وفي اللحظة دي
افتكرت الرسالة الي كانت مكتوبة علي المراية
ولقيت اني فعلا لازم ارجع البس ست عجوزة
وفعلا ..
علي الساعة ٧
قمت عشان اجهز نفسي
لكن...قبل ما اعمل اي حاجة
سمعت الجرس بتاع الباب بيرن
فا قمت فتحت
واتفاجئت ادامي.. بفريال
وهي واقفة علي باب الشقة ومتعصبة
فا وقفت مستغربة انها جاية دلوقتي
ياتري جاية ليه؟
مهي لسة مكلماني في الموبيل من شوية
ومتفقة معايا علي كل حاجة؟
وقبل ما اسالها انتي جاية ليه
لقيتها فتحت شنطتها
وخرجت شنطة صغيرة..ورمتها في وشي
فسالتها..
وقلت....ايه ده؟
قالتلي..
ده الزفت الي...
خلتيني اضرب مشوار من اخر الدنيا عشان اجيبهولك
وقبل ما توضح وتقولي ايه قصدها بالزفت
لقيتها بتصرخ فيا
وبتقولي..
انتي لسه هتقفي تبصيلي وتصوريني؟
اخلصي ...وروحي اجهزي بسرعة
العريس زمانة جاي
وبدل ما تدخل..عندي الشقة
رجعت لورا وشدت باب الشقة عليا
وقفلتة ومشيت
فا استغربت من الي حصل
وسالت نفسي
هي لية فريال مدخلتش؟
و كانت جايه في اية ومشيت في اية؟
ولما لقيت نفسي مش فاهمة حاجة
فتحت بسرعة الكيس الصغير الي هي رمتة في وشي
عشان اشوف جواه ايه؟
يمكن افهم؟
ولقيت في الكيس باروكة بيضاء
قلت..باروكة ايه دي؟
ولما لقيت نفسي مش فاهمة حاجة برضوا
قلت.. اكيد فريال لسعت ولا شاربة حاجة
المهم...
دخلت ولبست وحطيت مكياج الست العجوزة
ولما الساعة جت ٨
في الميعاد
كنت جهزت فعلا
وبقيت ست عجوزة نايمة في سريرها كا العادة
بعدما تركت باب الشقة مفتوح للعريس
ومرور كام دقيقة
سمعت صوت باب الشقة وهو بيتفتح
وسمعت صوت العريس
وهو بينادي
وبيقول...صباح...صباح
وبعدها بثواني..
سمعت خطوات العريس
جنب السرير الي انا نايمة عليه في الاوضة
فا بصيت بجنب عيني كا العادة
وشوفت الشاب الصغير..
الي كلمتة من كام ساعة
في اللايف
وكان عمال يبص علي الست العجوزة
الي نايمة ادامة بذهول
وبعدها..
خرج للصالة..
وهو ماسك الموبيل ..
وبيعمل مكالمة
وشوية...
وسمعتة وهو بيكلم حد من المكتب
لانة كان بيقولة..
انا سالت عن شقة صباح العروسة الحلوة الصغيرة
الي اخدت منكم عنوانها
والجيران قالولي انها ساكنة في اول دور...
علي اليمين
ولما وصلت ودخلت الشقة الي قالوا عليها
ملقتش فيها غير ست عجوزة
فا ممكن دلوقتي تفهمني الي بيحصل بالظبط
وفضل يسمع اجابة الطرف التاني
وبعدها..
سمعت العريس بيرد
وهو بيسال
وبيقول..
موتوسيكل ايه الي انت عايز تاخده مني كمان؟
الموتوسيكل ده انا بشتغل علية دليفري
يعني مصدر اكل عيشي
وبعدين فلوس ايه تاني
الي انتوا عايزينها؟
منا دفعتلكم العمولة
وربنا وحده عالم
اني استلفت عشان اجمع لكم مبلغ العمولة
وفضل (العريس) ساكت وهو بيسمع الرد
وبعد شوية
رد العريس
وسال الي بيكلمة في الموبيل
وقالة..
يعني لو اخدت الموتوسيكل هتوصلني لعروستي ؟
خلاص تمام
انا جايلك وهسلمك الموتوسيكل
وبعدما العريس اخد.. وادي
في الكلام
مع الي بيتكلم معاه في الموبيل
شوفت العريس وهو بيخرج من باب الشقة
وهو ..عاقد العزم انه يسلمهم الموتوسيكل كمان
وبصراحة...
صعب عليا العريس اوي
وقلت لنفسي
يا ولاد الحرامية
يعني مش مكفيهم ياخدوا من العريس العمولة؟
لا ...داكمان
عايزين يسرقوا منه الموتوسيكل
الي بياكل منة عيش
وفي اللحظة دي
قررت اتصل علي العريس
واحذرة
واقولة بلاش يديهم الموتوسيكل
وبسرعة رنيت علي الموبيل بتاعة
لكن...واضح انه كان مازال مشغول معاهم
و مردش عليافي اول مره
وكنت هرن تاني
لكن...
لقيتة باعتلي دعوة كاميرة
فا قبلتها ...
بسرعة عشان اكلمة
لكن ...قبل ما الكاميرة عندي تفتح
حطيت ايدي علي الكاميرة في موبيلي
عشان العريس ميشوفش الست العجوزة ادامة
باختصار ..بقيت انا شايفاة وهو مش شايفني
واول ما شوفتة
لاحظت انه مازال واقف علي السلم...
عندي في البيت الي انا فيه
وتحديدا ادام باب الشقة الي انا فيها
فا حاولت اتواصل معاه بالكلام فقط
لكن هو مكنش فاهم ليه صورتي مش ظاهره ادامة
وباين افتكر ان في مشكلة في الكاميرة عنده
واثناء ما كنت شايفاة بيظبط في الموبيل
شوفت في الكاميرة..
حاجة غريبة.. جدا ..
ومفزعة ..جداد...جدا ..جدا...جدا
تقدروا تقولوا
اني اكتشفت بالصدفة
مصيبة من العيار التقيل
مصيبة عرفت من خلالها
الحقيقة كلها
والمصيبة دي..
خلتني عرفت حقيقة محمد ... وفريال...و عزة....
والاهم من دول كلهم...
عرفت حقيقة الجن العاشق
اكيدكلكم عرفتوا دلوقتي انا شوفت ايه.......؟
تكملة الروايه اضغط هناااااااا
لو عايز باقي احداث الرواية
عمل انضام من هناااااااااااا
تعليقات
إرسال تعليق