رواية أحببت قاصرا البارت 11_12_13_14_15بقلم شيماء الديب
رواية أحببت قاصرا البارت 11_12_13_14_15بقلم شيماء الديب
ونقوول بسم الله 🤲
🧿🖊️البارت الحادي عشر 🫶
#أحببت_قاصراً 🫶
بقلمي شيماء الديب 😍
متخافيش مني ياملك احنا هنفتح صفحه جديده
ملك // اصل انت ياابيه سيف علي طول تزعقلي وكل ماتشوفني تتعصب عليا وانا بصراحه بخاف منك
سيف بابتسامه // انا بتعصب عليكي عشان بخاف عليكي اوي ياملك بس خلاص وعد ياستي من انهارده مفيش تعصيب
ملك // بجد ياابيه سيف
سيف // بجد ياست ملك يلا بقي كلي وسبيني اكل عشان الاكل زمانه برد
ملك بقت تاكل بنفس مفتوحه اوي وهو كمان لاول مره ياكل ويحس بحلاوة الاكل كده
اثناء طلوع سيف لشقة عمه شافته اخته سمر وراقبته لحد مادخل عند ملك ونزلت جري علي امها عشان تقولها
سمر // مامتي مامتي تعالي لما اقولك سر
هاله // خير ياسوسه جايه تفتني علي مين المره دي
سمر // عارفه الواد سيف اخويا فين
هاله // عارفه في الكليه يااختي قولي حاجه جديده
سمر // لا ياست ماما ده جه من بدري وطلع شقة عمي احمد
أسعد طلع من اوضته وهو متعصب // جرا ايه ياست هاله انتي مش هتبطلي العاده الزفت دي حتي بنتك بقت زيك
هاله // جرا ايه ياخويا مالك البت معملتش حاجه غلط وبعدين فيها ايه لما بنتي تطلع شبهي ايه المشكله
اسعد // ده من نصيبي الاسود ان البت فعلا طلعت شبهك وراح باعدها من قدامه // اوعي كده خليني انزل
هاله // وانت نازل رايح فين يااستاذ أسعد
اسعد // رايح اصلي العشاء وادعي ربنا يفكني منك وهطلع ابص علي بنت اخويا عاوزه تعرفي حاجه تاني ياست هاله عشان متبعتيش بنتك تتجسس عليا انا كمان
هال بصوت عالي // جرالكم ايه انت وابنك هي الوليه دي عملالكو عمل ولا سحرالكو فيكو ايه
أسعد // لا الست دي لا بتعمل عمل ولا بتسحر بس عارفه تربي بنتها وتحتوي جوزها
اوعي من وشي اوعي بلاش قرف
هاله // ماشي يااسعد اما وريتك مبقاش هاله
بت ياسمر هو اخوكي بقاله كتير فوق
سمر بلؤم // يوووه كتير اوي
هاله // ناوليني الطرحه يابت
سمر / اتفضلي اتفضلي يامامتي
هاله نتشت الطرحه من ايديها وطلعت تلبسها علي السلم وصلت قدام الشقه ورنت الجرس
مني // ايوه حاضر وراحت فتحت لقيتها في وشها اتفضلي ياام سيف
هاله // يزيد فضلك ياختي
ازيك ياعمي ازيك ياابو ملك
خالد بص ومردش
احمد // اهلا ياام سيف اتفضلي اقعدي
مني // كنت جايه اتطمن علي ملوكه القمر وراحت رايحه علي الاوضه لقت سيف وملك بياكلو
اي ده انت هنا ياعين امك وكمان بتاكل طب والله عال
مني // فيها ايه بس ياام سيف لما ياكل مش ده بيت عمه
هاله // اااه نسيت انه بيت عمه واصل احنا اكلنا مش بيعجبه
سيف ساب الاكل من ايده // خير ياامي اديني سبت الاكل ارتحتي دلوقتي
خالد // سيف كمل اكلك واللي مش عاجبه يمشي
سيف // خلاص ياجدي نفسي اتسدت
هاله بمسكنه // هو انا ليه دايما كلامي واقف علي قلبكم كده وانت ياعمي هو انت ليه دايما كارهني مع اني انا بنت اخوك
خالد // من عمايلك يابت اخويا وعشان عارفك علي حقيقتك
مني // خلاص يابابا اهدا مفيش حاجه مستاهله لكل ده
وانتي يام سيف اتفضلي اقعدي واهدي
هاله بعصبيه // ايوه ياحبيبتي اعمليهم عليا واتمسكني
مني // اتمسكن ; طب الله يسامحك
سيف // اظن ياماما كفايا كده ويلا ننزل
سمع اسعد صوت عالي من شقة اخوه وهو راجع من صلاة العشاء طلع جري علي فوق ورن الجرس فتح احمد
اسعد // خير يااحمد ومكملش الجمله بص لقي مراته فوق
خير صوتكم عالي ليه
احمد // والله مانا عارف يااسعد اسأل مراتك
هاله // هو انا عملت ايه ان شاءالله
خالد بص لاسعد ابنه // المشكله ان مراتك مبتعملش حاجه يابني
اسعد // قولي ياحاج بس هي عملت ايه وانا هتصرف معاها
خالد // من ساعة مادخلت علينا واحنا قاعدين في امان الله وهي داخله بزعابيبها
ليه وليه عشان لقيت سيف بياكل مع بت عمه
اسعد // طب وفيها ايه دا بيت عمه وبعدين سيف راجل وعارف هو بيعمل ايه مش لسه صغير ياهاله وتجري وراه
هاله // ونبي ياخويا ماقولت حاجه ياابوسيف انت عارف عمي بيكبر المواضيع بس
اسعد // هااااله انزلي قدامي علي شقتنا
هاله نزلت علي طول من غير ماتطول في الكلام لانها عارفه النتيجه قدام عمها مش هتكسب
خالد // متزعليش يامني يابنتي انتي عارفه ام سيف لسانه طويل حبتين
سيف // حقك علي يامرات عمي ; حقكم عليا كلكم هي امي بس عصبيه شويه
خالد // دي ابتلاء يابني ربنا يصبرنا عليها
اسعد // اومال انا اعمل ايه ياحاج مش دي شورتك
يلا ربنا يعيني
احمد // كنت عاوز اتكلم معاك يااسعد انا والحاج شويه
اسعد // وماله ياخويا وادي قاعده كمان
خالد// اعمللنا ياام ملك كوبايتين شاي حلوين من ايدك
مني // حاضر يابابا حالا هيكونوا جاهزين وبالفعل راحت علي المطبخ
ملك // ابيه سيف هنبدأ المذاكره امتي
سيف بابتسامه // من الصبح ياست ملك بس جهزولي الفطار واتصلي بيا صحيني
ملك وهي فرحانه اوووي /// اكييييد حاضر يا ابيه
ونزل سيف علي شقتهم واول مافتح ودخل لقي امه قاعده وحاطه ايديها علي خدها وبتعيط راح عليها وحاول يراضيها عشان مهما كانت دي امه
سيف قعد علي التربيزه اللي قدامه ومسك ايديها // مالك ياست الكل خلاص متزعليش بقي
هاله بزعل مصتطنع // اوعي كده ابعد عني ولسانك ميخاطبش لساني
سيف // طب ياستي ادي راسك اهي وقام باس علي راسها بلاش تزعلي بقي وماهو انتي كمان بتتعاملي معايا قدام الكل اني طفل
هاله // انت مهما كبرت مش هتكبر عليا وبعدين نفسي افهم انت بتحب ملك وامها دي ازاي دا انا مش بطيقهم
سيف // والله مرات عمي دي حتة سكر وبنتها حتة عسليه كده بس انتي اللي مش عاوزه تقربي منهم وتحبيهم وعلي فكره طنط مني بتحبك وعلي طول بتتكلم عليكي بطريقه حلوه
هاله // اه بتحبني اوي يلا ماعلينا هتتعشي ولا اه نسيت انت اكلت خلاص
سيف // لا ياستي انا جعان وعاوز اكل بقي عاللنا اكل ايه
هاله // محشي وبط
سيف // الله واكبر طب يلا حضريلي عقبال مااغير هدومي وارجعلك
أسعد // خير ياحاج مالك
خالد // بصراحه يابني بنتك مش عاجبني تربيتها
اسعد // ليه بس عملت ايه سمر
احمد // هتتكلم انت ياحاج ولا اتكلم انا
اسعد // في ايه ياجماعه ماحد يتكلم
خالد // بصراحه يابني بنتك سمر عامله زي امها نفس الحقد والغل وهي السبب في اللي جرا لبنت عمها
اسعد // بتقول ايه ياحاج دا ازاي يعني فهموني 😱
رايكم يهمني ??
ونقوول بسم الله 🤲
🧿🖊️ البارت الثاني عشر 🫶
#أحببت_قاصراً🫶
بقلمي شيماء الديب 🫶😍
اسعد حس بزهول غريب وابوه بيتهم بنته انها ورا اللي جرا لبنت عمها
خالد // متزعلش مني يااسعد يابني بس هي دي الحقيقه وكان عندي استعداد امسكها املص ودانها بس خوفت علي زعلك
احمد // احنا مش طالبين من حاجه يااسعد غير انك تشد عليها شويه عشان تغير من اسلوبها عشان محدش يكرهها
اسعد // حاضر يااحمد ولايهمك تؤمرني بحاجه تانيه ياحاج
خالد // لايابني بلاش تتاخر ف الشغل بكره عشان اختك وعيالها جايين
اسعد //حاضر ياحاج هقوم اتطمن علي ملك وانزل بقي انام
احمد // طب تعالي يابو سيف البيت بيتك واخده وخبط علي باب اوضة ملك
مني // ادخل …… ودخلو علي ملك ومني في الاوضه
اسعد // عامله ايه ياغاليه يابنت الغالي
ملك // الحمدلله ياعمو
قرب اسعد عليها وباس راسها وقال // حقك عليا يابنتي متزعليش من سمر مهما حصل انتم اخوات وهي اكيد متقصدش
ملك // لا ياعمو اسعد انا مش زعلانه منها واكيد ربنا اللي كاتبلي كده
اسعد بابتسامه // ربنا يباركلك يابنتي. ويهديكي
مني // ماتتفضل يابوسيف اقعد
اسعد // يزيد فضلك ياام ملك لا انا هنزل عشان عندي شغل وعاوز انام بدري يلا تصبحو علي خير
احمد // وانت من اهل الخير ياخويا
ونزل اسعد وهو حاسس بزعل ومتضايق من تصرفات مراته وبنته وصل بابا بيته وفتح لقي هاله قاعده قدام التليفزيون
هاله // مالسه بدري يااسعد بيه 😏
اسعد // بقولك ايه لمي دورك وادخلي اتخمدي ومش عاوز كتر كلام
هاله بمسكنه // بقي انا مستنياك كل ده عشان تقولي كده
اسعد // هما كلمتين هقولهملك وخليهم حلقه في ودانك ياتعيشي بما يرضي الله في البيت ده وتربي بنتك تربيه كويسه يامشوفش وشك في البيت
هاله // انت بتطردني من البيت يااسعد
اسعد // انا اللي عندي قولته وبكره بنتك لها حساب معايا بس لما ارجع من الشغل
تصبحي علي خير ودخل علي اوضته ورزع الباب وراه
هاله قاعده في الصاله من كتر الغيظ عماله تاكل في نفسها وتكلم روحها // اه مااكيد الست مني وابوك شحنوك عليا حسبي الله فيهم 😡
وعدي اليوم ودخلت نامت البومه 🤣
اسعد راح علي شغله وسمر علي مدرستها وسيف نايم وهاله بتنضف في البيت وبعدها بشويه قام سيف من نومه وافتكر انه وعد ملك انه هيذاكرلها خرج من اوضته لقي امه في وشه
// صباح الخير ياست الكل
هاله // صباح العسل ياحبيبي يلا عقبال ماتدخل الحمام وتصحصح هكون جهزت الفطار
سيف // لا ياماما متتعبيش نفسك انا هفطر مع ملك
هاله بغضب // نعم ياخويا بتقول ايه
سيف // ونبي ياماما ماهي ناقصه خناق علي الصبح
هاله // جرالكم ايه هو انا اللي بقيت سبب النكد دايما ولا ايه
سيف // ياماما افهمي البنت انا وعدتها اني هذاكرلها لحد ماتخف وترجع تقف علي رجليها من تاني
هاله // وانت تذاكرلها ليه ان شاءالله ماالدكتوره مني تذاكرلها
سيف // لا انا ملزوم اذاكرلها علي الاقل عشان اللي هي فيه بسبب بنتك
هاله // اووووووف دي مابقتش عيشه كل حاجه بنتك بنتك اللي عاوز يعمل حاجه فيكم يعملها انا زهقت
وراحت دخلت علي المطبخ وسابته
سيف دخل الحمام وراح غير هدومه وطلع علي شقة عمه احمد و رن الجرس وفتحتلها مني
سيف // صباح الورد يامرات عمي
مني // صباح الروقان ياعم سيف
سيف // هو في حد يكون داخل بيت عمه وميبقاش رايق
مني // مش كده بردو طب ادخل ياحبيبي نورت
سيف // اومال فين ملك لسه نايمه ولا ايه
ملك بصوت عالي من اوضتها // انا هنا اهو ياابيه سيف مستنياك من بدري
مني // بقالها ساعه متحمسه ومستنياك بس هنفطرو الاول ياسيف والله جعانه والست ملك مرضتش نفطر من غيرك
سيف بابتسامه وبيبص لملك // وانا نفسي مفتوحه اوي
مني //يلا هحضر بسرعه واجيب الفطار ادخل ياسيف اقعد مع ملك وانا مش هتاخر عليكم
سيف هز راسه بالموافقه وشد كرسي وقعد جمب سرير ملك
وفضل يبص في ملامحها عن قرب وسرح في جمالها وكلم نفسه //ماشاءالله انا اول مره ياملك ابص في ملامحك عن قرب انتي مش ملك انتي ملاك
انتي ايه من الجمال
ملك // ابيه سيف ابيه سيف
سيف // ها نعم بتقولي حاجه
ملك // لقيتك بتبصلي وسرحان وبكلمك مش بترد
سيف بتهته // لا لا مش سرحان ;; ما تيلا بقي يامرات عمي انا موتت من الجوع
مني // وسسسع انا جيت ادي الفطار ياحبيبي يلا بسم الله
وقعدو جمب ملك يفطرو ويتكلمو ويضحكو ودي كانت اول مره من سنين سيف يضحك فيها من قلبه كان من جواه مش عاوز الوقت يعدي بسرعه ومش عاوز اليوم يخلص
سيف // يلا نبدا مذاكره بقي ياست ملك
ملك // يلا بينا انا جاهزه
مني // وانا هروح اعملكم عصير تشربوه
بدأ سيف يذاكر لملك والوقت يمر وهو مش حاسس بيه
ورجع احمد من الشغل ودخل عليهم الاوضه // الله ينور ياشباببيبي المستقبل ربنا يباركلك ياسيف يابني
سيف // دا واجبي ياعمي ولايهمك
مني // عقبال ماتغير هدومك يااحمد هكون جهزت الغدا
احمد // علي مهلك ياحبيبتي انا هستني امال اختي طالعه تشوف ملك هي وعيالها
مني // اي دا هي امال هنا من امتي
احمد // انا لسه بركن عربيتي لقيتها داخله من باب العماره
ودخلت عند الحاج وهتيجي دلوقتي
مني // خلاص ياحبيبي يلا غير هدومك وانا هستناها
شويه والباب رن وفتحت مني وبعد سلامات واحضان
مني // اتفضلي ياام علي نورتي الدنيا كلها
امال // منحرمش منك يام ملك الف سلامه علي ملوكه معلشي بقي الزياره اتاخرت بس غصب عني والله
مني // ياحبيبتي ولا يهمك وليه تاعبه نفسك كده مكنش له لزوم كل ده
امال // مفيش حاجه تغلا علي ملوكه حبيبت عمتو
دا علي والله واجع راسي كل شويه وعاوز يجي يشوفها ويتطمن عليها بس انتي عارفه انه في ثانويه ودروس بقي
مني // ربنا يوفقه يارب تعالو ادخلولها دا سيف جوا بيذاكرلها
ودخلو الاوضه لملك
امال // ازيك ياواد ياسيف والله ولك وحشه بقي كده متسالش علي عمتك حبيبتك
سيف سلم عليها وباسها // اسف ياعمتي بس غصب عني عشان الدراسه وكده
وجه عليه علي سلم عليه وبص لقي علي رايح علي ملك وسلم عليها وباسها سيف من غيظه كسر القلم نصين واتجرحت ايده 😭
رأيكم يهمني ??
ونقوول بسم الله 🤲
🧿🖊️ والبارت الثالث عشر 🫶
#أحببت_قاصراً 🫶
بقلمي شيماء الديب 😍
سيف محسش بنفسه غير والدم نازل من ايده علي الارض
ملك بخوف // ابيه سيف انت اتعورت وبتنزف 😳
سيف بعصبيه // ملكيش دعوه انتي وياريت تركزي في مذاكرتك وبس 😡
ملك بخوف // حاضر حاضر انا اسفه 🥹
علي // ماتهدا علي البت ياعم سيف هو انت هتعمل نفسك مدرس ولا ايه 😁
سيف بنرفزه // متدخلش نفسك في اللي ملكش فيه واتفضل اطلع بره عشان مش فاضين
امال وهي بتضحك// انت لسه زي ماانت ياواد ياسيف بزربونه كده ; واد ياعلي متزعلش ابن خالك وروح تقعد مع جدك لما انزلك
علي // لا مش نازل ياماما انا جاي لملك مش لجدي انا هستناها لما تخلص مع الاستاذ سيف
امال بتبص لمني // الحقي يامني علي حاطط عينه علي بنتك
مني بضحك // ههههه من وهو صغير وهو كده حاطط عينه علي بنتي وبيعاكسها عيني عينك
سيف مركز في الكلام وزاد تعصيبه اكتر قام فجاه وقف ورمي القلم من ايده // عن اذنكم انا ماشي
مني // رايح فين بس ياسيف ياحبيبي هو انتوا لحقتوا تخلصوا
سيف // معلشي يامرات عمي عندي محاضرات لازم الحقها
ومش سيف بسرعه رهيبه وكل تفكيره وقتعا انه يبعد عن المكان اللي فيه علي عشان مش عاوز يضربه
نزل بسرعه وركب عربيته واتصل علي يوسف // الو اي ياجو عامل ايه
يوسف // ابن حلال مصفي ياشق كنا لسه بنجيب في سيرتك
سيف // خلصت المحاضره ولا لسه
يوسف // اه خلصت وكنا هنتصل بيك تقابلنا عشان خارجين مع الشله نسهر شويه ونشهيص
سيف // طب تمام اجيلكم فين
يوسف // تعالالنا في المكان اللي سهرنا فيه اخر مره
سيف // تمام عشر دقايق وهكون عندكو
سايق سيف علي اعلي سرعه عنده ودماغه هتتفجر من كتر التفكير
وصل اخيرا ونزل واول مادخل لقي الشله كلها في انتظاره من ضمنهم منه
يوسف بيشاور لسيف وراح عليهم سلم عليهم وقعد
وفضل يشرب في سجاير ومش بيكلم حد
يوسف // مالك ياصاحبي مش في طبيعتك ليه
سيف // مفيش ياجو بس مخنوق شويه
منه // سيبه يايوسف اتلاقي النونه بتاعته مزعلاه
تامر فضل يضحك علي كلام منه راح سيف بصلها باستغراب وبص ليوسف
يوسف وبيرفع ايده باكتافه // والله ماقولت حاجه لحد
منه // بقي تسبني انا منه الشهاوي عشان بت مفعوصه زي دي
مكنتش اعرف انك لوكال بشكل ده
سيف قام وبكل غضب راح ضرب منه بالقلم علي وشها // انتي بذات متجبيش سيرتها علي لسانك وعلي فكره انتي لو اخر واحده في العالم مش هبصلك
منه حطت ايديها علي خدها مكان القلم ودموعها نازلها //انت بتضربني ياسيف طب والله لندمك علي اللي عملته
وسابتهم ومشيت وجري وراها تامر
تامر // معلشي متزعليش يامنه هو بني ادام اناني ومش شايف غير نفسه اختاري اللي يحبك مش اللي تحبيه يامنه
وراح حاضنها وبيواسيها
يوسف // مكنش يصح ياصاحبي تمد ايدك علي بنت مهما كان
سيف // طريقتها مستفزه اوي يايوسف وبعدين هي عرفت منين هموت واعرف
يوسف // مفيش غير الواد تامر دا عيل خبيث وانا عارفه
سيف // ماشي ياتامر الكلب حسابك معايا بعدين
يوسف // طب روق روق وتعالي نشربلنا كاسين وننسي اللي حصل ياصاحبي
سيف هز راسه بالموافقه
علي // وحشتيني اوي ياملك
ملك بخجل // ربنا يخليك ياعلي انت عامل ايه في دراستك
علي // طالع عيني في النذاكره والدروس وانتي عارفه بقي الثانويه العامه
ملك // انا كمان هدخل الثانويه العامه عشان نفسي ادخل كلية صيدله
علي بغزل // دا انتي هتبقي احلي دكتوره صيدلانيه في الدنيا
ملك ضحكت بخجل ومني دخلت عليهم // خف علي ملك شويه ياعلي مش قدك البنت
علي // ههههه ماشي ياطنط مني يلا هنزل انام والصبح هجيلك ياملوكه ونزل علي. عند جده
ملك بزعل // هو ابيه سيف زعل من ايه ياماما
مني // والله يابنتي ماعارفه انا استغربت وكنت هسالك نفس السؤال بس سكت عشان عمتك كانت هنا
ملك // كنت ماصدقت انه بطل يزعقلي ويتعصب عليا 🥹
مني // متخافيش ياقلبي سيف طيب وحنين اوي وبكره الصبح ياستي هبعتله وافهم ماله وايه اللي مزعله يلا بقي نامي وارتاحي
سيف // كفايا شرب ياجو انا همشي بقي
يوسف // مالسه بدري ياصاحبي هو احنا بنشوفك غير مل فين وفين
سيف // من هنا ورايح هتشوفني كتير
يوسف // بجد ليه ناوي تلتزم وتحضر المحاضرات كل يوم
سيف // اه انا لازم انجح عشان اروح الجيش وارتاح من الكل وريح دماغي من التفكير شويه
يوسف // جيش ايه ياعم انت مش لما امك تولد ونشوف اللي جاي ولد فعلا ولا بنت
سيف // يارب يكون ولد ياجو ادعيلي
يوسف // يارب ياسيدي يارب قوم بقي وصلني في طريقك
مشو ويوسف حاطط ايده علي كتف سيف وعمال يتكلم ويضحك // بس ياجدع القلم طرششششق علي وش البت منه 🤣🤣🤣🤣🤣
سيف وهو بيضحك // طب اتكتم بدل مااخليه يطرشق علي وشك انت كمان 🤣 يلا لف واركب يااخر صبري
وركب معاه ووصل يوسف لحد بيته وراح هو علي بيتهم
وهو طالع علي السلم لقي علي نازل من فوق وخبط في كتفه ومتكلمش معاه
علي // مش تفتح يابني
سيف نزل الدرجه اللي طلعها // انا عاوزك انت بس تفتح وبلاش تبص للي مش ليك
علي بضحك // ومين عرفك انه مش ليا مايمكن غيري هو اللي مفكر انها ليه
سيف // تلاشاني عشان مخليش عمتي تحزن عليك طول عمرها
علي // ولا تقدر تعمل حاجه واللي عندك اعمله 😏
سيف اتعصب اوووي ومسك في هدومه وضربه بالبوكس في في وشه 😱😱
رأيكم يهمني ?
ونقوول بسم الله 🤲
🧿🖊️ البارت الرابع عشر 🫶
#أحببت_قاصراً 🫶
بقلمي شيماء الديب 😍
علي بطبعه مستفز ودايما شايف سيف عاوز يعمل نفسه كبير علي الكل
وسيف اساسا مش بيحب علي لانه ملاحظ دايما انه بيحاول يتقرب من ملك
علي // فكك من دور الكبير اللي انت عايش فيه ده
سيف // انا كبير غصب عنك مش بمزاجك
علي // كبير علي نفسك ولا تقدر تعمل حاجه
سيف نزل وراح ضربه بالبوكس في وشه نزف من مناخيره وفضل يصرخ ومسكو في خناق بعض علي السلم سمع صوتهم جدهم وسمر من فوق سمعت الصوت ودخلت جري تصحي ابوها
سمر // الحق يابابا سيف وعلي ماسكين في خناق بعض علي السلم
اسعد سمع الكلام قام ونزل جرري
خالد طلع علي الصوت // الله الله والله وعيشت ياخالد ياسيوفي وشوفت احفادك ماسكين في بعض وبيضربو بعض
اسعد دخل في نصهم // وسع انت وهو كده ايه اللي بتعملوه في بعض ده
خالد بصوت عالي وبغضب // سييييييف سيب ابن عمتك وكلمني هنا ;
سيف // هو اللي بدأ ياجدي هو اللي قل ادبه وانا لازم اربيه
علي // لا ياجدو ده كذاب هو اللي بدا وباين علي وشي
اسعد // من امتي ياسيف وانت بتمد ايدك علي حد وبتعمل مشاكل كده اتفضل اطلع علي فوق وليا حساب تاني معاك
خالد // سيف الصبح تجيلي عشان عاوزك وانت يازفت يللي اسمك علي ادخل نام والصباح رباح
سيف // حاضر ياجدي تصبح علي خير وطلع مع ابوه علي فوق واول مادخلو شقتهم
اسعد // سيف انا عارف انك مبتكذبش احكيلي ايه اللي حصل بظبط
هاله // اكيد الموضوع في ان واحساسي ميخيبش
سيف // انا بعتذر يابابا عن اللي حصل بس معلش سبني لبكره وانا هحكيلك
اسعد // ماشي يابني هسيبك دلوقتي ترتاح وبعدين نتكلم
هاله // هو ايه اللي بكره انا لازم افهم
اسعد // ادخلي نامي احسن مش لازم تحشري مناخيرك في اللي ميخصكيش ودخل علي اوضته ونام وسابها
هاله بغيظ // ماشي يااسعد دايما حارقلي دمي كده ادخلي يابت انتي كمان نامي انا داخله اتخمد احسن
سمر // ماشي ياماما تصبحي ع خير
سيف دخل الحمام اخد دوش عشان يفوق من اللي كان شاربه وغير هدومه ودخل اوضته قعد علي سريره وبدأ يفكر في اللي حصل وازاي وصل بيا الحال ان اضرب علي
للدرجه دي ياسيف الغيره عمياك للدرجه دي ممكن تقتل اي حد يبص بس لملك ايه نوع الحب اللي انت وصلتله ده يااااه ياسيف دا انت طول عمرك البنات بتجري وراك وعمرك ماحسيت الاحساس ده
عمرك ماحسيت بالغيره علي حد كده اااااه ياقلبي نفسي ارتاح من التفكير بقي
نام ياسيف نام وريح دماغك من كتر التفكير اكيد رب الخير لا يأتي الا بالخير 😥 وبعد صراع مع نفسه نام ومحسش بحاجه نهائي غير الصبح وتليفونه بيرن بص لقاها ملك
سيف حس بخفقان بقلبه لما شاف الاسم علي شاشة تليفونه بس حاول يتحكم في نفسه ويرد بصوت رجولي شويه // الو
ملك // صباح الخير ياابيه سيف انا اسفه ان كنت صحيتك
سيف // عادي ولا يهمك في حاجه
ملك // ابدا مفيش بس بس
سيف // بس ايه اتكلمي في ايه
ملك // ولا حاجه بس ماما كانت عايزاك بس هنروح الاول للدكتور عشان افك الجبس
سيف // اي ده هتفكيه انهارده طب استنوني انا جاي هروح معاكم
ملك // مفيش داعي تتعب نفسك بابا وماما وعلي رايحين معايا
سيف بعصبيه // انتي سمعتي انا قولت ايه استني هروح معاكي
ملك بخضه // حاضر حاضر هنستناك
مني // سيف قالك ايه ياملك
ملك حاسه باحساس غريب من ناحية سيف // ها والله ماعارفه ياماما بس اتعصب بردو عليا وقالي متروحيش المستشفي غير وهو معانا
مني بابتسامه // طول عمرك راجل ياسيف
قام سيف بسرعه ودخل ع الحمام غسل وشه وطلع لبس
هاله // لابس ورايح علي فين الصبح كده ياسيف
سيف // هروح مع عمي المستشفي نفك الجبس لملك
هاله // يادي ملك اللي طلعالنا في البخت
سيف // ماما لو سمحتي اهدي شويه بلاش كل يوم نكد وخناق عشان انا تعبت وراح نازل وقفل باب الشقه وراه
هاله بتنفيخ راحت علي اوضة سمر // قومي ياست هانم عشان تفكري وتروحي دروسك
سمر // ياماما عاوزه انام بقي
هاله // نامت عليكي حيطه قوووووومي
سمر // ااووووف اديني قومت اهو
سيف لقي باب عمه مفتوح وحس علي جوه دخل علي طول بدون استئذان لقي عمه في وشه صبح عليه ودخل علي ملك لقي علي عندها
علي // صباح الجمال علي احلي ملك في الدنيا اخيرا هتفكي الزفت ده بقي وهننزل نلف براحتنا زي زمان
ملك لسه هترد لقت سيف في وشها
سيف // مش نبطل مياعه ونمشي عشان نلحق الدكتور
احمد // اه والله معاك حق يابني يلا بينا ;; اه صح ياعلي نست اسالك هو ايه الجرح اللي في وشك ده
علي // ابدا ياخالو وانا نازل من عندكم بالليل وقعت علي وشي
ملك فضلت تضحك عليه // ههههههه متخيلاك وانت واقع زي الشوال ياعلي 🤣🤣
سيف بعصبيه وراح علي ملك وشالها // يلا بينا ياعمي احسن
الكل استغرب بس محدش اتكلم
ملك لافه ايدها علي رقبة سيف وبصاله باستغراب وخوف
ملك // براحه ياابيه احسن توقعني
سيف بصلها بطرف عينه // ممكن تسكتي خالص
ملك برعب هزت راسها وسكتت
علي نزل قبلهم وبيفتح باب عربيتهم علش اساس ملك تركب معاه // تعالي ملك اركبي معايا
سيف بصلو بقرف وراح علي عربيته فتحها وركبها جمبه
احمد حس بكسفة علي // تعالي يامني نركب مع علي لاني مش هقدر اسوق
رايكم نكمل ولا لا ??
ونقوول بسم الله 🤲
🧿🖊️ البارب الخامس عشر 🫶
#أحببت_قاصراً 🫶
بقلمي شيماء الديب. 💪
احمد مراقب تصرفات سيف هو ومني ومستغربين منه جدا بس في نفس الوقت هما بيحبوه جدا ف مش قادرين يزعلوه
احمد // طب يامني بما ان ملك ركبت مع سيف تعالي احنا نركب مع علي لاني تعبان مش قادر اسوق علي الصبح كده
وبالفعل ركبوا معاه
سيف بيبص علي ملك بطرف عينه وشايفه عماله تفرك ايديها في بعضها ومتوتره راح مسك ايديها الاتنين عشان تهدا
سيف // في حاجه تعباكي او موجوعه
ملك وهي باصه في الارض هزت راسها بلاء
سيف // طب اهدي قربنا نوصل وفضل ماسك ايديها ومن جواه في قمة السعاده وهو حاسس بدفئ ايديها
فاق من احساسه ولقي نفسه حالا وصل للمستشفي نزل ولف فتح الباب وشال ملك ودخل المستشفي ودخل وراه احمد ومني وعلي ووصلو لاوضة الدكتور
الدكتور // اتفضل يااستاذ سيف نيمها هنا علي السرير من فضلك ; ها ايه الاخبار ياجميل التزمنا بالنصايح والادويه ولا لا
مني // اه يادكتور نفذنا التعليمات بالحرف الواحد
الدكتور // طب الحمدالله ودلوقتي هنشيل الجبس ونعمل اشاعه. وان شاءالله خير
احمد وسيف ومني في صوت واحد // يارب يادكتور
وبدأ بالفعل الدكتور يقطع الجبس بالصاروخ
علي بص لملك لقاها خايفه راح مسك ايديها عشان يطمنها ويهديها
سيف شاف الوضع اتجن من جواه وبدا يحاول يكتم غيظه وغله عشان الدكتور وعمه واقفين راح اخد بعضه وطلع وقف بره وطلع سيجاره ولسه هيولعها لقي مرات عمه طلعت وراه
مني // من امتي وانت بتشرب سجاير ياسيف
سيف // مرات عمي! ! لا ابدا والله بس لما اكون زهقان بنفخ شوبه فيها
مني // بقالك يومين مش عاجبني احنا ضايقناك في حاجه ??
سيف // لا طبعا يامرات عمي والله بس انا مشغول شويه عشان الامتحانات قربت وكده
مني بطبطبه علي كتفه // متقلقش ياحبيبي باذن الله ربنا هيوفقك وهتنجح. ; يلا تعالي ندخل نتطمن علي بنت عمك
سيف هز راسه ودخل وراها لقي علي لسه واقف جمب ملك وماسك ايديها
احمد // ايه الاخبار يادكتور
الدكتور // خلاص ياابوملك انا قربت اخلص اهو وهناخدها ونعملها الاشاعه متقلقش وخلص الدكتور ومسك ايديها وحاول يساعدها تقف علي رجليها
ملك // خايفه ادوس عليها يادكتور
الدكتور // ده امر طبيعي ياملك عشان بقالك فتره موقفتيش عليها بس يلا قومي لازم ندوس عليها وهتمشي لحد اوضة الاشعه كمان
الدكتور ساب ايديها عشان تعتمد علي نفسها وتمشي مشيت نص المسافه وبسرعه لحقها سيف ومسكه من وسطها كانت هتوقع علي وشها
سيف بهمس وصوت واطي // متخافيش انا وراكي وجمبك في كل مكان يلا دوسي علي رجليكي ومتخافيش
ملك لفت وشها لسيف بابتسامه كلها طمأنينه وهزت راسها وحاولت تمشي لوحدها مره تانيه لحد اوضة الاشعه ودخلت عملتها وخرجت
مني // طمنا يادكتور ونبي
الدكتور وهو بيبص للاشعه // ماشاءالله والله العضم رجع زي ماكان ولا كأن في حاجه
احمد // بجد يادكتور. يعني هترجع تمشي زي الاول
الدكتور // اه طبعا بس بلاش تنطيط او جري كتير نجاول بقدر الامكان نحافظ علي نفسنا ياست ملك وبلاش شقاوه
علي بضحك // لا متخافش يادكتور انا هفضل جمبها ثانيه بثانيه وهخلي بالي عليها
سيف بعصبيه // مش اتطمنا ياعمي يلا بينا بقي
احمد // اه الحمدلله اتطمنا ياسيف يابني يلا بينا
علي رايح بسرعه علي ايد ملك عشان يمسكها راح سيف شده من هدومه من ورا
سيف بعصبيه // لا عنك انت مش عاوزين نتعبك وراح هو مسك ايد ملك ومشي جمبها
علي بصوت واطي // اوووووف منك معرفش طلعتلي منين انت 😡
مني بضحك // لاعبه معاكي ياست ملك الشباب بتتخانق عليكي مين يميك ايدك
احمد بيضحك // هههههه اومال ايه مش بنت احمد خالد السيوفي
وخرجو من المستشفي وركبت ملك مع سيف واحمد ومني بردو مع علي
سيف // حمدلله علي سلامتك ياملك
ملك // الله يسلمك ياابيه هو انت كده مش هتذاكرلي تاني ??
سيف // مين قال كده ? اكيد هذاكرلك في اي وقت تحتاجيني كلميني علي طول
ملك بضحكة خجل // يبقي هكلمك كل دقيقه
اصل انا مش بعرف اذاكر لوحدي الاول كانت سمر بتذاكر معايا بس من وقت مااتخانقنا وهي مش بتكلمني ولا فكرت حتي تيجي تطمن عليا 🥹
سيف // كفايا ان انا بجي اتطمن عليكي كل يوم ولا مش عاجبك
ملك // لا اكيد عاجبني
سيف // طب خلاص متشغليش بالك بحد يلا احنا وصلنا تعالي اطلعك وانزل علي طول
ملك // ليه مش هتفطر معانا
سيف // لا عندي محاضرات لازم الحقها
ملك // طب ونبي ياابيه سيف خدني معاك الجامعه
سيف // مره تانيه هاخدك
ملك // ونبي ونبي ونبي عشان خاطري لو انا غاليه عندك
سيف // يابنتي مش هينفع مره تانيه قولتلك
جت مني علي عربية سيف // ايه عجبتكو القعده في العربيه مش هتنزلو ولا ايه
بصت لملك لقتها زعلانه ومش بترد // مالك ياملك مكشره ليه
سيف // اصلها شبطانه فيا وعاوزه تروحي معايا الجامعه
مني // طب دي حاجه حلوه عشان تغير جو والله ياسيف
سيف اتفاجأ من مرات عمه وفكر انها هتقولها مش هينفع
مني // خدها معاك ياسيف معلش
لسه سيف هيتكلم مني قاطعته بالكلام // استني هطلع اجبلها جاكيت عشان الجو برد
علي // مش هتنزلي ياملك
سيف بغضب // متشغلش بالك بملك هي رايحه معايا مشوار
علي // هو انت حد كلمك ياعم انت
ملك // عيب ياعلي تتكلم مع ابيه سيف كده
علي // يعني انتي مش شايفه طريقته
لسه سيف هيرد لقي مرات عمه نزلت
مني // خدي الجاكيت ياملك ودفي نفسك
علي // هتسبيها تمشي ياطنط مني وهي لسه تعبانه
مني // طول ماهي مع سيف انا متطمنه عليها
علي // والله ماانا عارف علي ايه دا انا ارجل منه
سيف بغضب // ولااااا اقف معوج واتكلم عدل بدل ماخلي وشك شوارع دلوقتي
مني // خلاص ياسيف عشان خاطري يلا امشو يلا
سيف ركب عربيته ومشي وطول الطريق وهو ساكت
ملك حاسه انه متضايق عشان راحت معاه
ملك // ابيه سيف انت اتضايقت اني رايحه معاك
سيف متكلمش ولا رد فجاه تليفونه رن بص لقي يوسف
سيف // اي ياجو
يوسف // فينك ياعم المحاضره فاضل عليها عشر دقايق
سيف // خمس دقايق وهتلاقيني قدامك
كمل سيف في طريقه بسرعه عشان يلحق يوصل قبل الميعاد
وصل سيف ونزل ملك يوسف شافه جري عليه
يوسف // ابوالسيوف وصل ;; حبيبي عامل ايه
سيف // حبيبي ياجو اخبارك ايه
يوسف // بقيت بخير لما شوفتك ياصاحبي ; اوووووبا مين المزه دي
طول عمرك محظوظ في البنات يابن السيوفي
سيف بصدمه // اكتم بوئك ده ياغبي 🤫 دي ملك بنت عمي
يوسف بانبهار // اوبسسسس ماشاءالله ; احم احم اه اهلا وسهلا ياملك
ملك بخجل // اهلا بيك
سيف // يلا بينا مش وقته تعارف خالص اخد ايد ملك ودخل المدرج
تامر سمع كلام سيف ويوسف وعرف ان دي بنت عمه اللي بيحبها راح جري علي منه ووطي عليها وبصوت واطي هي دي اللي سابك عشانها 😏
رأيكم يهمني ??
تكملة الروايه اضغط هناااااااا
تعليقات
إرسال تعليق