رواية أحببت قاصرا البارت 16_17_18_19_20بقلم شيماء الديب
رواية أحببت قاصرا البارت 16_17_18_19_20بقلم شيماء الديب
ونقوول بسم الله 🤲
🧿🖊️ البارت السادس عشر 🫶
#أحببت_قاصراً 😍
بقلمي شيماء الديب 😍🫶💪
تامر دايما الحقد ماليه من سيف عشان محبوب في الجامعه والبنات كلها بتتمني بس يقفوا معاه ولما لقي منه هتموت عليه حب يتقرب منها ويقولها اسراراه وتكون هي سبب المشاكل اللي هتحصل وهو كالعاده يتفرج من بعيد ويعمل نفسه الشخص البريئ في رواية احدهم 🤗
تامر //منه انتي قاعده هنا ومش دريانه باللي بيحصل
منه // خبر ياتامر حصل ايه احكيلي
ميل تامر عليه وبصوت واطي // الحقي حبيب القلب وصل ومعاه النونه بتاعته 🤣
منه // تقصد ايه مش فاهمه وضح كلامك
تامر // اقصد سيف السيوفي يابنتي جه الجامعه ومعاه بنت عمه البنت الصغيره اللي حكتلك عنها
منه بصدمه // انت بتهزر اكيد وهيجبها معاه ليه
تامر بخباثه // ودي محتاجه كلام اكيد عشان يغيظك بيها ياهبله ويأكدلك ان ضفرها برقبتك زي ماقالك وسطنا كلنا
منه بغضب // بقي الحكايه كده طيييييب اوعي كده من سكتي
تامر بتصنع // اهدي بس رايحه فين
منه // رايحه اردله القلم قلمين واخد حقي ومشيت وسابت تامر
تامر بضحكه خبيثه /// ههههه علقة تفوت ولا حد يموت بالهنا والشفا ياصاحبي 😁 مشي وراها عشان يشاهد الاحداث الساخنه اللي هتحصل
يوسف // يلا بينا ياسيف المحاضره هتبدا
سيف مسك ايد ملك // يلا ياصاحبي
منه وقفت قدام سيف // اي دا هي الجامعه هتعيل يايوسف ولا ايه. 😏
يوسف راح عليها // منه اظن اللي بتعمليه ملوش لازمه وعيب كده
منه // عيب هو انتو لسه شوفتو العيب 🤨 وراحت علي ملك وبتلمس شعرها هههههه انتي بقي العروسه اللعبه بتاعت سيف
ملك بدأت تخاف وتنتفض وبتمسك في دراع سيف اكتر وسيف بدأ يزداد غضبه واول ما لقاها بتلمس ملك اتجنن
سيف بغضب عارم // ايدك دي متلمسش ستك ملك
منه اتعصبت اوي // ستي مين يابتاع انت دا انا جزمتي برقبتها
سيف بغضب // منننننننه. كلمه زياده وهنسي انك بنت وهنسي اني في الحرم الجامعي
يوسف // منه اغزي الشيطان وامشي بقي ولمي نفسك شويه
منه // بقي دي يايوسف اللي عشانها سابني اجري وراه
حتة العيله دي احسن مني في ايه يايوسف
عشان دي سيف يضربني بالقلم عشانها
سيف // ولو ممشتيش دلوقتي هضربك قلم عمرك في حياتك ماهتنسيه
سيف مسك ايد ملك بقوه وسحبها وراه // يلا يوسف
يوسف مشي ورا سيف ودخلو المحاضره ومعاهم ملك
سيف // اهدي ياملك متخافيش انا هنا جمبك وقعدها ولسه بيسحب ايده من ايدها راحت شدته ناحيتها بخوف
ملك // ابيه سيف هو في ايه انا مش فاهمه حاجه ومين الست دي وليه بتكرهني كده
يوسف // دي واحده زميلتنا ياملك في الجامعه بس هي كانت متضايقه شويه من سيف مش اكتر متشغليش بالك
ملك // ابيه سيف انت مش بترد ليه عليا مين دي وعاوزه ايه منك
سيف بعصبيه // يوسف قالك خلاص اسكتي بقي
ملك فضلت تعيط // انا عاوزه اروح عاوزه ارجع البيت
سيف // بعد المحاضره هنروح اهدي بقي
يوسف // متبقيش قلبك ضعيف كده يابنتي دا سيف السيوفي بجلالة قدره يكون ابن عمك
ملك زادت في البكاء ومسكت ايد سيف جامد // ابيه سيف الحقني
مكملتش الكلمه ولسه يوسف بيلف وشه ليها لقاها اغمي عليها
سيف // ملك ملك فوقي ياملك ونبي فوقي
يوسف // شيلها ياسيف وتعالي نروح كافيه الجامعه نفوقها
شالها سيف بسرعه وطلع وراه يوسف وراحو علي الكافيه
تامر // تؤ تؤ تؤ. شكلك بقي وحش اوي يامنه قدام الطلبه كلهم
منه بغيظ // اصبر بس عليا انهارده هاخد حقي وقدام الكل
تامر // هتعملي ايه يعني هو حد قادر عليه
منه شاورتله بايديها عشان يهدا وطلعت الفون واتصلت بحد // الو محتاجه منك تنفذ اللي اتفقنا عليه
الشخص المجهول // تمام يااستاذه ابعتيلي العنوان وبكره هنفذ
منه بغضب // انهارده قبل بكره وفي الجامعه وقدام الكل ومتخافش حسابك هتاخده قبل ماتخرج من بوابة الجامعه
الشخص المجهول // تمام يااستاذه نص ساعه وهكون عندك انا والرجاله وقفلت منه المكالمه وابتسمت بخبث // لما نشوف ياسي سيف مين اللي هيضحك في الاخر 😏
تامر // نفسي افهم ايه اللي في دماغك
منه // كمان شويه هتعرف كل حاجه متستعجلش واتفرج من بعيد
تامر // ربنا يستر من دماغك دي دا انتي طلعتي مش سهله نهائي وبصو لبعض وضحكو
سيف // كرسي بسرعه يايوسف
يوسف شد كرسي بسرعه وقعدو ملك عليه وراح يوسف جاب ازازة مايه
سيف بيضرب علي وشها براحه عشان تفوق // ملك قومي ياملك ومبي بلاشي تحسسيني بالذنب ياريتني ماجبتك معايا ياريتني
يوسف // جرا ايه ياعم سيف ماتهدا شويه انا اول مره اشوفك مهزوز كده
سيف بيبصله وعيونه مدمعه // دي ملك يايوسف ملك
يوسف // متخافش ياصاحبي هتفوق دلوقتي وتبقي زي الفل
فضل سيف يفوق فيها واتلمو البنات اللي في الكافيه حواليهم وواحده كلعت البرفان من الشنطه وعطته لسيف
سيف بدا يرش علي ايده ويشممها وشويه شويه فاقت
سيف // خدي حبيبتي اشربي شوية مايه وشربت من ايده
يوسف // ملك انتي كويسه و هزتله براسها ; سيف هي اكيد مفطرتش صح
سيف // لا لسه وجري يوسف جبلها سندوتشات وعصير
يوسف // خد ياسيف اكلها وشربها العصير ده وهي هتبقي زي الفل
سيف // يلا ياملك كلي لقمه
ملك // مليش نفس ياابيه
سيف // عشان خاطري كلي سندوتش واشربي العصير حتي
في البدايه رفضت كتير بس سيف ويوسف اصرو عليها لحد مااكلت
ملك // ابيه سيف من فضلك عاوزه اروح
سيف // حاضر بس خلصي الاكل ده كله وبعدها هنروح اوعدك
فجأة ظهر مجموعة شباب من ورا سيف 😱
واحد منهم بكل غضب // مين فيكم سيف السيوفي 😡
سيف لف بوشه ليهم // انا سيف السيوفي نعم في ايه انتو مين 😱
ملك بصريخ // سييييييييف 😳
ونقوول بسم الله 🤲
🧿🖊️ البارت السابع عشر 💪🫶
#أحببت_قاصراً 🫶
بقلمي شيماء الديب
سيف // ايوه انا سيف السيوفي انتو مين
واحد منهم // هتعرف دلوقتي احنا مين ياروح امك وبسرعه رهيبه لف واحد منهم من وراه ولسه يوسف هيقوله الحق ياسيف راح الراجل نزل علي راسه بخشبه
سيف وقع علي ركبته ودروخ شويه
ملك شافت سيف بدا ينزف من راسه من ورا نسيت وقتها بفرق السن اللي بينهم وفضلت تصرخ باعلي صوت // سيييييف لا ياسيف فتح عينيك ونبي
يوسف شاف صاحبه بيتضرب دخل وسط الخناقه وكل همه ينقذ صاحب عمره
يوسف بصريخ // ياولاد الكلب ياولاااااد الااااالب ومس واحد من قميصه وبكل غل بالبوكسات في مناخيره لحد مانزف ووقع في الارض
ومن بعيد منه وتامر واقفين يشاهدو الاحداث الساخنه ونظرة الانتصار ماليه عيونها
تامر // يابنت ال…… طلعتي مش سهله
منه // انت لسه شوفت حاجه دا التقيل لسه جاي عشان يعرف اللي يدوسلي علي طرف يجراله ايه
تامر // انا لازم اتدخل الواد هيموت
منه // جرب واتدخل بس متزعلش في الاخر
تامر // اممم مادام وصلنا للتهديد يبقي بلاها احسن
منه بضحكة سخريه // هههههه ايوه كده شطور
ملك قعدت في الارض وانهارت من العياط وهي شايفه سيف بيتضرب وغرقان في دمه والكل واقف بيتفرج عليه
فجأه لقيت تليفونها بيرن جرت بسرعه علي شنطتها وطلعت الفون وبصت فيه لقيته علي اللي بيتصل فتحت بسرعه
ملك // علي علي الحقني ياعلي
!
علي // مالك ياملك فيكي ايه انطقي
ملك // سيف ياعلي سيف
علي بعصبيه // ممكن تبطلي عياط وتقوليلي عملك ايه المتخلف ده
ملك بعياط شديد // سيف هيموووت ياعلي الحقو ونبي
علي // ايه بتقولي ايه انتو فين دلوقتي انطقي
ملك // الجامعه الحقني بسرررعه ونبي ياعلي
علي بسرعه نسي كراهيته لسيف وقرر يروح يلحقو وطلع بسرعه علي شقة خالو احمد وخبط بسرعه علي الباب
مني // حاضر حاضر يلي ع الباب خير يارب مالك ياعلي
علي // فين خالي بسرعه سمعه خاله طلع علي صوته من اوضته
احمد // مالك يابني في ايه
علي // تعالي معايا بسرعه ياخالو نلحق سيف
مني // سيف مالو وملك كمان معاه في ايه انطق
علي // مش وقته ياطنط مني لازم اخد خالي وامشي وابقي احكيلو في الطريق
احمد // يلا يابني يلا بسرعه ونزلو بسرعه عشان جده ميحسش بحاجه وركبو العربيه وطلعو بسرعه علي كلية سيف
ملك // ماسكه سيف وضماه علي رجليها وعماله تعيط وتصرخ // ونبي ياسيف فتح عينيك الحق صاحبك يايوسف هيموت سيف هيضيع مننا يايوسف
يوسف ماسك في واحد منهم وعمال يضرب فيه لما فقد الوعي
احمد وعلي دخلو بسرعه ووصلو لكافيه الجامعه
ملك شافتهم من بعيد بصريخ // بابا الحق سيف ونبي
احمد // علي اطلب الاسعاف بسرررعه ; سيف سيف رد يابني سيييف
فين الامن اللي هنا وانتو واقفين تتفرجو وسايبينه سايح في دمه
فجأه منه وتامر اختفو والشباب اللي جبتهم هربو مفيش غير واحد فقد الوعي من كتر ضرب يوسف فيه
علي // خالو الاسعاف علي وصول وكلمت كمان امن الجامعه وجايين
احمد بيعيط علي منظر ابن اخوه // ابن خالك هيموت مننا ياعلي
علي // لا ياخالو اوعدك هيقوم بالسلامه بس اهدي ; اهي الاسعاف جت
احمد قام اخد ملك في حضنه وبيحاول يهديها // متخافيش ياحبيبة ابوكي سيف قوي وهيقوم منها بخير صدقيني
ملك بدموع بتهز راسها
يوسف // انا صاحب سيف ياعمي يلا عشان نروح معاه المستشفي انا هركب عربيته
احمد // اهلا بيك يابني لازم تروح المستشفي عشان الجروح اللي فيك دي يلا بينا علي هات ملك معاك وانا هركب مع يوسف في عربية
علي // حاضر ياخالو يلا بينا وطلعو كلهم علي المستشفي
ا
احمد دخل جري مع سيف // اي دكتور يطمنا ونبي اي حد يطمنا
علي ويوسف جرو علي دكتور // لو سمحت يادكتور معانا حاله فاقده الوعي وبينزف
جري الدكتور بسرعه علي سيف في الاوضه وكشف عليه
احمد // طمني يادكتور ابني ماله
الدكتور اتطمن يااستاذ بس الجرح في راسه كبير وربنا يستر ميكونش عامل نزيف داخلي بس لازم يدخل عمليات عشان نخيط الجرح ونشوف بعدها ادعوله بس
ملك ببكاء هيستيري // ونبي يادكتور اعمل المستحيل عشان سيف يقوملنا بالسلامه ابوس ايدك يادكتور ابوس ايدك
احمد ضمها علي صدره وطبطب عليها وبيحاول يهديها ويسكتها
الدكتور // باذن الله هيبقي كويس واتصل علي الممرضه // نجلاء جهزي غرفة العمليات بسرعه
وبص ليوسف // وانت يااستاذ روح علي الاوضه اللي جمبي خليهم يكشفو عليك ويعملو معاك اللازم
علي اخد يوسف وسنده وراح معاه
اخدو سيف علي العمليات وملك باصه عليه ووهو داخل انهارت وقعدت في الارض وحطت ايديها علي وشها وفضلت تعيط
ابوها وطي عليها ومسكها من دراعتها // قومي يابنتي وادعيلو بس
ملك // انا السبب يابابا انا السبب ياريتني ماروحت معاه 😭
احمد بااستغراب // انتي السبب ازاي فهميني
ولسه ملك هتحكي لقت امن الجامعه والشرطه وصلو المستشفي
الظابط // حضرتك مع الحاله اللي جت من الجامعه
احمد // اه يافندم
الظابط // طب احنا محتاجين ناخد اقواله عشان المحضر
احمد // انا عمه وملك بنتي هي اللي كانت موجوده وقت الخناقه
الظابط // طب ممكن ياانسه ياملك تتفضلي معانا عشان ناخد اقوالك
ملك هزت براسها وبصت لابوها وشاورلها تروح معاهم
احمد طلع تليفونه واتصل بأسعد // الو يااسعد تعالالي المستشفي بسرعه
رأيكم يهمني ?
ونقول بسم الله 🤲
🧿🖊️والبارت الثامن عشر 🫶
#أحببت_قاصراً 🫶
بقلمي شيماء الديب 💪
احمد بكل خوف طلع تليفونه بسرعه واتصل علي اسعد اخوه
احمد // الو يااسعد انت فين
هاله بنحنحه // ازيك يااحمد
احمد بعصبيه // والله ماوقتك خالص اسعد فيييين
هاله اتفجعت من رد فعل احمد // اسعد نايم الله براحه عليا شويه
احمد بغضب // صحيه بسرعه واديلو التليفون انجززي
راحت بسرعه علي الاوضه وصحت جوزها // اسعد ياابوسيف اصحي اخوك احمد عايزك
اسعد وهو نايم مد ايده اخد التليفون منه وبيرد وهو نعسان // الو اي يااحمد
احمد بصريخ // تعلالي المستشفي بسرعه يااسعد
اسعد قام اتفجع وقعد علي السرير // خير يااحمد فيك ايه
احمد // مش وقته شرح متحسسش حد حاجه وتعالالي بسرعه واوعي ابوك يعرف يااسعد فهمت اوعي
اسعد برعب // حاضر حاضر جاي ربنا يستر ربنا يستر
هاله // في ايه ياراجل ماله اخوك
اسعد // غوري من وشي مش فاضي لفضولك دلوقتي
قام بسرعه لبس هدومه ونزل بسرعه علي السلم قابل ابوه واخته امال قاعدين قدام العماره
خالد // مالك يااسعد يابني نازل بتجري ليه
امال بخضه // في ايه انت كمان يااسعد ياخويا رايح فين كده
اسعد بتهتهه // لا ابدا ياحاج عندي مشكله في الشغل هخلصها وراجع
خالد بتعجب // مشكله ?? طب يابني روح عشان متتاخرش
اسعد // ربنا يستر ربنا يستر ومشي بسرعه علي المستشفي
هاله // انا مش متطمنه من منظر اسعد يابابا الموضوع مش موضوع شغل معرفش ليه مش مرتاحه
خالد بقلق // هات العواقب سليمه يارب
اسعد وصل بسرعه ودخل المستشفي لقي ملك في جمب والشرطه بتحقق معاها واحمد واقف قدام العمليات
احمد قابله ودموعه علي خده وراح عليه ومش بينطق
اسعد برعب وبانفاس عاليه // اي يااحمد اي. في اي انطق
احمد // سيف
اسعد بصدمه // س س سيف مالو انطق يااحمد مالو ابني
احمد بدموع متزايده // طلع عليه مجموعة شباب ضربوه ودخل غيبوبه وهو في اوضة العمليات دلوقتي
اسعد سند ضهره علي الحيطه ولقي اعصاب رجله مش شيلاه فضل ينزل ينزل لحد ماقعد علي الارض // بتقول سيف ابني في غيبوبه
احمد نزل علي ركبته // ونبي يااسعد تجمد كده ومتخلنيش اندم اني كلمتك وعرفتك
اسعد بدموع // ابني هيضيع مني يااحمد دا سيف يااحمد يااااااااارب ونبي يارب ابني لا ده اللي حيلتي ده اللي طلعت بيه من الدنيا
احمد حضن اخوه وفضلو يعيطو
علي خلص مع يوسف وخيطو جروحه واتطمن عليه وراح لخاله عشان يتطمن علي سيف
علي // شد حيلك كده ياخالو اسعد وخليك قوي زي ماحنا متعودين عليك
اسعد // خالك مبقاش قوي ياعلي ادعي لسيف اخوك ياعلي ادعيلو كل اللي بيحبه يدعيلو
احمد مش قادر يمسك نفسه لان فعلا سيف غالي عنده اوي وبيحبه جدا // خليك مع خالك ياعلي انت ويوسف وانا هروح اشوف ملك عملت ايه
الظابط // طب ياانسه ملك انتي ليه شاكه في البنت دي بالذات
ملك بدموع // عشان قبلها جت اتخانقت مع سيف بسببي وسيف شتمها وكان هيضربها وهي هددته قدامنا كلنا انها هتندمه علي اللي عمله والناس دي وهي بتضرب سيف قالولو عشان تطاول علي اسيادك
احمد واقف ومتابع التحقيق عشان يفهم اللي حصل
احمد // طب ياحضرة الظابط في واحد منهم كان جاي مع الاسعاف كان مغمي عليه ويوسف صاحب سيف كمان كان موجود ممكن تاخد اقوالهم وهتتاكد من كلام بنتي
انا عاوز حق سيف يرجع ارجوك وزي مااتضرب قدام الكل واتهان ترجعله كرامته قدام الكل
الظابط // يااستاذ احمد انا مش عاوزك تقلق احنا هنكمل التحقيق مع امن الجامعه كمان ولو اتاكدنا من الكلام ده هنتخذ الاجراءات اللازمه
احمد هز راسه// انا واثق في نزاهة القانون ياحضرت الظابط
الظابط // احنا ممكن نحتاج الانسه ملك تاني في القسم بعد اذنك يااستاذ احمد
احمد // تحت امر حضرتك في اي وقت ومش الظابط ورايح يشوف حالة الشاب اللي يوسف ضربه وياهد اقوال يوسف كمان لحد ماسيف يفوق ويستجوبه كمان
احمد // تعالي ياملك عمك اسعد هنا لازم نكون جمبه
ملك هزت براسه ومشيت مع ابوها واول ماشافت عمها قاعد في الارض وبيعيط راحت عليه واترمت في حضنه وهي منهاره // سامحني ياعمو انا السبب في اللي جرا لسيف سامحني ياريتني ماروحت معاه ياريتني
اسعد مش بينطق بس حاضنها وبيسكت فيها وعلي ويوسف وااحمد واقفين بيعيطو علي منظر اسعد وخايفين علي سيف
مني في البيت قلقانه وعماله تتصل بااحمد وعلي وملك ومحدش بيرد ويطمنها
مني بقلق // لا ماانا مش هفضل قاعده في نار كده انا هلبس وهروح الجامعه وافهم فيه ايه واللي يحصل يحصل بقي
وبالفعل لبست ونزلت لقت حماها وامال قاعدين
خالد // رايحه فين انتي كمان يامني
مني بقلق // والله مانا عارفه يابابا
خالد // هو فيه بظبط مالكم انهارده
امال //مش قولتلك يابابا في حاجه غلط اتصل علي اسعد وافهم منه
بالفعل طلع تليفونه واتصل علي اسعد ومش قادر يرد عليه فضل يتصل كتير وفي الاخر علي اخد التليفون من خاله ورد
خالد بعصبيه // فينك يااسعد ومش بترد ليه فجاهزلقي علي اللي بيرد
علي // انا علي ياجدو
خالد // في ايه ياعلي وايه وصلك لخالك انتو فيييين ??
امال // علي يالهههههوي ابني جراله ايه
علي // بصراحه ياجدو انا في المستشفي عشان سيف في غيبوبه
خالد بصدمه // سيف في غيبوبه ازااااي
هاله نازله من فوق سمعت الكلمه راحت مصوته /// يالهههههههههههوي سيييييف يابني لااااااا
قام بسرعه خالد وشاور لامال تطلع تجبها من فوق
خالد // لازم نطلع علي المستشفي وبسرعه
طلع خالد واخد مني وامال وهاله وسمر معاه وطول الطريق وهاله عماله تندب وتصوت لحد ماوصلو المستشفي ودخلو
هاله اول ماشافت ملك واقفه بتعيط في المستشفي حست انها لها يد في الموضوع
هاله بصريخ وبكاء وغضب // ارتحتي ياست ملك ارتحتي يابت مني خلاااااص اخدتي حقك
حسبي الله ونعم الوكيل فيكي حسبي الله ونعم الوكييييييل
رأيكم يهمني 🥹??
ونقوول بسم الله 🤲
🧿🖊️ والبارت التاسع عشر 🫶
#أحببت_قاصراً
بقلمي شيماء الديب 💪
هاله اصيبت بحاله غضب هيستيري اول ماسمعت ان ابنها دخل غيبوبه وفي العمليات وفضلت تصرخ وتقول كلام مش حاسه بيه
مني // اهدي ياام سيف باذن الله سيف هيقوم بالسلامه وهنتطمن عليه
هاله بكل غيظ وغل زقت مني // اوعي كده انتووو عاوزززززين مني ايه زمان انتي اخدتي مني حياتي ودلووقتي بنتك بتعيد اللي فات منكو لله منكو لله
خالد بغضب // هاله 😡 لحد دلوقتي انا مطول بالي عليكي بس كمان كلمه واحده هنسي انك بنت اخويا وانك مرات ابني فهمتي
هاله // خلاص بقي اللي عندك اعمله ياعمي انا عارفه انك بتكرهني وكلكو بتكرهوني انا وبنتي
اسعد فاق من زعله علي ابنه وقام وقف وبص لهاله بغضب // انتي ايه ياشيخه انتي اييييه ابنك بين الحياه والموت وانتي بتفتشي في الماضي
هاله // ماهو اللي فيه ابني بسببها هي وبنتها حسبي الله ونعم الوكيل ربنا ياخدهم
اسعد بكل غضب راح ضاربها علي وشها وقعت في الارض ومني وامال وسمر بنتها جريو عليها
وفجأه حست بطلق الولاده
سمر // ماما قومي ياماما قومي متزعليش ونبي
مني بتشد ايديها عشان تقومها هي وامال ولسه بتزق ايديها راح صارخه // اه ااه شكلي هولد شكلي هولد ااااااااه
مني بتبص لاحمد وبتصرخ // شوفلنا دكتور بسرعه ياااااحمد
وجري احمد علي الاستقبال بسرعه شاف دكتور وراحلهم
الدكتور بص عليها // دخلوها بسرعه اوضة الولاده دي علي اخرها
قومتها مني وامال وسندوها لحد اوضة الولاده
سمر بعياط // امي واخويا في نفس الوقت ليه كده ياربي ليه كده
راحت عليها ملك وحضنتها // متخافيش باذن الله هيطلعو بالسلامه الاتنين وهنتطمن عليهم
سمر فضلت تعيط وهي في حضن سمر // سامحيني ياملك ونبي ماتزعلي مني يمكن ربنا بيعاقبني في امي واخويا بسبب اللي عملته فيكي
ملك // لا ياحبيبتي متقوليش كده احنا ولاد عم واخوات واللي حصل قضاء وقدر
سمر // انتي طيبه اوي ياملك معرفش ازاي كنت بكرهك كده
هاله سمعتها وردت عليها // من غباء امك ياسمر ياحبيبتي انني ملكيش ذنب
مني حضنت سمر وفضلت تطبطب عليها
يوسف بيبص لاحمد بقلق // هو الدكتور اتأخر كده ليه
احمد // والله مانا عارف يابني
لسه مكملش كلامه لقي دكتور طلع من العمليات كلهم راحو عليه
اسعد // طمني علي ابني يادكتور بالله عليك
الدكتور // حضرتك والده
اسعد // ااه يادكتور
الدكتور // مكدبش عليك الحاله صعبه والضرب اللي اخده علي راسه ده شروع في قتل ونزف كتير للاسف احنا عملنا اللازم وهندخله العنايه المركزه
خالد // بص يابني انا مستعد ابيع كل مااملك بس حفيدي يقوم بالسلامه ولو محتاجين نسفره بره نسفره عادي يادكتور
الدكتور // بص ياحاج لو عدت عليه 48 ساعه اللي جايين بخير يبقي عدينا مرحلة الخطر ولو لا قدر الله انتكس وقتها هقولك سفره لان عنده النزيف داخلي بس ادعوله
الظابط // طب هنقدر ناخد اقواله امتي يادكتور
احمد بغضب // سمعت الدكتور قال ايه يعني مش هتعرف تاخد اقواله روحو حققو مع اللي عملو كده في ابن اخويا حق ابن السيوفي مش هيروح هدر وعندي استعداد اصعد الموضوع لما يوصل راي عام
الظابط // انا مقدر في حالتكم واحنا بنكمل التحقيقات واخدنا اقول الشاب اللي جه مع سيف كمان وبعتنا قبضنا علي باقي الشباب وقريب جدا هنجيب الفاعل
الدكتور // بعتزر من حضرت الظابط بس المريض حالته مش مستقره
خالد // اتمني حق حفيدي يرجع باسرع وقت
الظابط // اوعدك بكده ياحاج بالاذن منكم واي جديد هكلمكم
علي // اهدو ياجماعه لما نتطمن بس علي سيف وبعدها يحلها الحلال
خالد هز براسه // علي رايك يابني
وشويه وطلعو سيف من العمليات ورايحين بيه علي العنايه الكل جري عليه وفضلو يبصو عليه ويعيطو
ملك بعياط // ابيه سيف انا اسفه كل ده بسببي ونبي تسامحني ونبي ارجعلي وزعقلي براحتك وانا مش هزعل منك ابدا بس ارجع
سمر بدموع غزيره // ونبي ياسيف تسامحني واوعدك مش هزعلك تاني بس قوم بقي انت قوي وهتقوم منها زي ماعودتنا
الممرضه شدت السرير بسيف ودخلت العنايه وقفلت عشان محدش يدخل
امال واقفه بتعيط لما شافت ابوها لاول مره يتهز كده ويعيط عشان حد وراحت عليه هي واحمد // بابا اجمد كده بالله عليك
احمد // ايه ياحاج احنا متقويين بيك اوعي تتهز عشان هننكسر كلنا
خالد بعياط // ابن اخوك هيقوم منها يااحمد ??
احمد ودموعه نازله // اه باذن الله هيقوم وهيبقي احسن من الاول بس ندعيله
خالد // استرها يارب استرها من عندك ملناش غيرك
اسعد واقف قدام الزجاج بتاع العنايه وبيبص علي سيف من بعيد وبصوت مهزوز وكله حزن // هتقوم ياسيف صح هتقوم عشان نرجع نتخانق زي زمان وانا مش هزعلك بس قوم
اول مره احس ان انت اللي سندي مش انا ياسيف
سمر راحت علي ابوها // متقلقش يابابا اخويا هيقوم بالسلامه وهيخف
ملك بعيون كلها حزن // متخافش علي ابيه سيف ياعمو باذن الله هيقوم بالسلامه
علي // اوعدك ياخالو هرجع حق سيف من كل اللي كانو السبب .
اسعد // يارب ياولاد يارب طمنا يارب ربنا رجعلي ابني 🥹
فجأه الدكتور خرج من اوضة الولاده واحمد ومني راحو عليه
احمد // خير يادكتور طمنا
الدكتور // الف مبروك المدام ولدت ولد زي القمر ودخلناه الحضانه
مني // طب هاله عامله ايه يادكتور
الدكتور // هي نزفت كتير وهي بتولد للاسف ومحتاجين كيس دم نفس الفصيله بتاعتها ضروري
احمد // هي فصيلتها ايه يادكتور
الدكتور. // O +
مني // انا فصيلة دمي. O + يادكتور وهتبرعلها
احمد // انتي بتقولي ايه يامني 😳
كل اللي واقفين اتصدمو 😱😱 من رد مني بالرغم من كل اللي حصل من هاله
رايكم يهمني ??
ونقوول بسم الله 🤲
🧿🖊️ والبارت العشرين 🫶💪
بقلمي شيماء الديب 💪
#أحببت_قاصراً 🤗
احمد بصدمه // مني انتي مش مجبره انك تضحي مع واحده مريضه بكراهية الناس والحقد عليهم دي بنت عمي واعرفها اكتر منك عمرها ماهتتغير
مني // كل اللي انت بتقوله يااحمد ملوش علاقه بالانسانيه ومساعدة الناس من فضلك سبني اعمل اللي انا شيفاه صح
خالد // طول عمرك بنت اصول يابنتي وانا تأكدت ان احمد ابني عرف يختار
مني // ربنا يخليك يابابا ; انا جاهزه يادكتور
الدكتور // تمام يامدام اتفضلي معايا
احمد وملك راحو معاها واحمد متضايق من اللي هيحصل لانه شايف بنت عمه متستاهلش ان حد يقف جمبها
امال // والله يابابا مني مرات احمد اخويا دي جدعه اوي
بالرغم من ان هاله سليطة اللسان وبتاعة مشاكل معلش يااسعد ياخويا يعني في الكلام بس هي مش هاين عليها تسيبها في محنتها
اسعد // من غير ماتتأسفي ياامال يااختي انا عارف الكلام ده ودايما بحس ان جوازي ليها كان تخليص ذنوب بس كان لازم اعمل كده عشان اخويا يعيش سعيد في حياته
خالد // معلش يابني انا السبب في الجوازه دي سامحني
اسعد بحنيه بيطبطب علي كتف ابوه // لا ياحاج متقولش كده كل شئ نصيب
علي رجع من بره هو ويوسف وبيسأل علي ملك بلهفه وخوف // امي هي ملك فين ??
امال // متقلقش ياحبيبي دي دخلت مع طنط مني عند الدكتور
سمر سرحانه في الاحداث اللي بتحصل حواليها واهتمام علي الزايد بملك وبتكلم نفسها // حتي الشخص الوحيد اللي حبيته في الدنيا طلع بيحب ملك ليه كده يارب
انا عارفه اني وحشه ومش طيبه زي ملك عشان حد يحبني ويهتم بيا بس انا حبيتك ياعلي من وقت ماكنا صغيرين وبنلعب في الشارع وبردو من صغرنا وانت مهتم بس بملك
فاكر لما كنا بنلعب وملك دخل عينيها شوية تراب جريت عليها بلهفه وخوف ازي وفاكر لما كنا نازلين علي السلم وهي اتزحلقت ووقعت شوفت لهفتك عليها ازاي اااااااه كنت كل مره اتمني اكون انا مكان ملك عشان احس بلهفتك دي
سمر سرحت في عالم الزكريات ومحستش بنفسها غير ودموعها نازله علي خدها وباصه علي علي
علي لقي سمر متنحه ليه ودموعها بتنزل علي خدودها راح عليه // سمر مالك ? بت ياسمر انتي يابت مالك مخشبه كده
سمر // ها اي ياعلي في ايه
علي // انتي اللي فيكي ايه مالك
يمر // لا ابدا زعلانه علي وضع سيف وماما
علي // اتطمني باذن الله هيقوموا بالسلامه الاتنين امسحي دموعك دي بقي يلا وروحي اغسلي وشك
سمر هزت راسها بأريحيه ومسحت دموعها وراحت علي الحمام تغسل وشها
يوسف // طب ياجدو خالد انا هروح اجيب شوية سندويتشات اهي حاجه تسندكم شويه لان شكل الوضع مطول وعشان كمان مامت ملك لازم تاكل وتشرب عصير بعد السحب منها
خالد بابتسامه // والله يابني انت جدع وابن اصول ويازين مااختار سيف صاحب وصديق زيك
يوسف // ده اقل واجب اقدر اقدمه ياجدي دا صاحب عمري ومليش غيره في الدنيا
خالد // ربنا يخليكم لبعض يابني
علي // يلا يايوسف انا جاي معاك واخد يوسف ومشيو
احمد باصص علي مني مراته وحبيبته وهما بيسحبوا دمها وزعلان وقلبه بيتقطع راح قرب عليها ومسك ايديها // اول مره تعصيني يامني ومتسمعيش كلامي
مني // ياحبيبي ده الصح وده اللي كان لازم يتعمل معاها او مع اي حد غريب
احمد // كل دقيقه بتمر عليا وانا معاكي بتأكد اني عرفت اختار شريكة حياتي ياااه بعد كل اللي عرفتيه عنها زمان ومتغيرتيش تجاها ولا معاملتك اتغيرت معاها
مني // ياحبيبي مين مننا مكنش عنده ماضي زمان ومفيش داعي افكر في اللي فات اهم حاجه النهايه انا معاك وانت معايا وبس
احمد باس ايديها // ربنا مايحرمني منك ياام ملك
ملك // ايه يابابا الرومانسيه دي كلها خلي شويه لما نرجع البيت
مني بابتسامه // عجبك كده اهي بنتك كسفتنا
الممرضه // خلاص يامدام تقدري تقومي بس لازم حالا تشربي سوايل كتير
احمد // اكيد طبعا قومي ياحبيبتي يلا وراحو عند العيله
خالد // اي الاخبار يااحمد
احمد // كله تمام ياحاج وهيعقلو الدم لهاله وبعدها نقدر ناخدها علي البيت هي والطفل
خالد // عقبال مانتطمن علي سيف ونخرج بيه
اسعد يابني روح بص علي مراتك وبالمره روح شوف ابنك اللي في الحضانه واذن في ودانه يابني
اسعد // مليش نفس ياحاج الاهم اني اتطمن علي سيف وبعدها يحلها الحلال
امال // ميصحش ياابوسيف لازم تروح تاذنزفي ودان ابنك وتبص علي مراتك يلا وانا هروح معاك مع اني مش طايقه ابص في خلقتها
هالد // امال اخوكي مش ناقص روحي معاه وانتي ساكته
امال // حاضر يابابا يلا قوم يااسعد وبالفعل دخلو علي هاله الاول
اسعد واقف بيبصلها وملوش نفس يتكلم معاها وامال حبت تنقذ الموقف // حمدالله علي سلامتك ياام سيف
هاله // الله يسلمك مفيش اخبار عن سيف ابني
امال // متقلقيش انتي بس خليكي في نفسك وباذن الله سيف هيبقي كويس
هاله // ايه يابوسيف حتي حمدالله علي السلامه مش عاوز تقولها
اسعد بقرف // حمدالله علي السلامه وراح ماشي
هاله بدموع // شايفه عمايل اخوكي ياامال
امال // معلشي استحميله هو قلقان علي سيف المهم خليكي في نفسك وبطلي هري واكل في نفسك عشان انتي لسه نافسه 😏
وسابتها وراحت ورا اسعد علي الحضانه تشوف البيبي
دخلت لقيت اسعد شايله وبيأذن في ودانه راحت عليه وباسته
امال // ماشاءالله يااسعد ابنك زي القمر هتسميه ايه
اسعد // تعيشي ياختي والله ماناعارف ولا مركز في حاجه غير في سيف وبس
امال // ماهو لازم ينكتب ياحبيبي عشان تطعيماته بص ايه رايك في ساجد عشان يبقي عيالك كلهم بحرف واحد
اسعد // ماشي ياهاله حلو ابقي اتكلمي مع احمد وروحي انتي وهو الصبح اكتبوه
هاله // عيوني ياخويا حاضر متشلش هم
يوسف // يلا ياجماعه لقمه علي الماشي كده
احمد // هو مين بس ليه نفس ياكل يايوسف يابني
علي // ماهو لازم ناكل كلنا ياخالو عشان نقدر نقف علي رجلينا
خالد // يوسف وعلي معاهم حق ياحمد وانا كمان هاكل معاكم ويلا يااحمد كل واكل مراتك دي بدل الدم اللي اخدوه منها
يوسف // بصي ياطنط ام ملك انا جايبلك عصير كمان عشان يقويكي شويه مع الاكل
مني // تسلملي يايوسف منحرمش منك يارب
احمد // والله يايوسف يابني انت غلاوتك عندنا بقت من غلاوة سيف
يوسف // والله ياعمي انا كان نفسي نتقابل ونتعرف في ظروف افضل من كده بس فعلا انا حبيتكم من كل قلبي وربنا يديم المحبه بينا
خالد // يلا ياولاد اهو اسعد وامال جم كلوا يلا الاكل برد
وبدأو ياكلو والكل بيبلع الاكل بالعافيه والكل بيفكر بس في سيف
ملك اهدت سندوتش وراحت في جمب لوحدها وقعدت تاكل وبتفتكر الاحداث كلها اللي حصلت ومنظر سيف وهو غرقان في دمه لقت دموعه بتنزل بدون ماتحس
يارب ياسيف يارب تقوم بالسلامه يارب ونبي يارب 🥹
يوسف شافها من بعيد وهي بتاكل ودموعها نازله وزعلان عشانها اوي فقرر يجمد قلبه ويروح يتكلم معاها
يوسف // ملك
ملك // نعم يايوسف
يوسف// كنت عاوز اقولك سر بس اوعديني محدش يعرفه نهائي
ملك باستغراب // سر ?? سر ايه ده يايوسف
يوسف // سيف بيحبك
ملك // بتقول ايه.😱😳
تكملة الروايه اضغط هناااااااا
تعليقات
إرسال تعليق