رواية أحببت قاصرا البارت 21_22_23بقلم شيماء الديب
رواية أحببت قاصرا البارت 21_22_23بقلم شيماء الديب
ونقوول بسم الله 🤲
🧿🖊️ البارت الحادي والعشرون 🫶💪
#أحببت_قاصراً🫶
بقلمي شيماء الديب 😎
يوسف واقف حيران يقول لملك ولا يسكت
خايف سيف يزعل منه
يوسف عارف صاحبه بطبعه تقيل ومش بيحب يظهر مشاعره
ونفس الوقت حاسس بالمسؤوليه ناحية ملك لانها حبيبة صاحب عمره بس يوسف نفسه يحكي لملك علي كل حاجه عشان سيف هيحتاج اللي يوقف جمبه الفتره الجايه
يوسف بيكلم نفسه // اول مره في حياتي اقع في حيرة كده
اول مره احس بالمسؤوليه اصلا تجاه اي حد طول عمري ضارب الدنيا صارمه دانا من يوم ماوعيت علي الدنيا وانا مش حابب حتي ادور علي اهلي اللي اتخلو عني من صغيري وخلوني اتربيت في ملجأ ومحدش وقف جمبي من اول المدرسه لحد الجامعه غير سيف 😥
بص جمد قلبك يايوسف وروح احكلها وهي اكيد هتقف جمبك وتساعد صاحبك يقف علي رجليه مره تانيه ويرجعلك يايوسف بدل مانت حاسس باليتم من غيره كده
يوسف حس بدموعه هتنزل قدام الواقفين فاق بسرعه لنفسه وقرر يروح لملك
ملك في جمب بتاكل لوحدها وشارده بتفكر في ابن عمها
يوسف // ملك اجبلك اكل تاني
ملك بتمسع عيونها وبتبص ليوسف // لا شكرا يايوسف انا مليش نفس اكل اصلا
يوسف // بس لازم تاكلي عشان تقدري تقفي علي رجليكي ونعدي من المحنه دي علي خير
ملك // يارب يايوسف يطمنا علي ابيه سيف
يوسف // ملك هو انا ممكن اقولك سر
ملك // سر ?! اكيد اتفضل قول
يوسف // بس اوعديني يفضل بينا حتي سيف ميعرفش
ملك // سيف ?? وايه علاقة ابيه سيف بالسر ده اتكلم قلقتني
يوسف // ماهو السر ده عن سيف ياملك
ملك بلهفه // قول قول اوعدك مش هجيب سيرة لحد
يوسف // سيف بيحبك ياملك
ملك بدهشه // يوسف انت اكيد بتهزر
يوسف // صدقيني ياملك والله سيف بيحبك
ملك // بيحبني 😳 ازاي وامتي دا انا اصغر منه بسنين كتير
يوسف // بيحبك من وانتي صغيره كان بيراقب تفاصيلك يوميا وانتي بتكبري قدام عينيه
ملك بزعل // طب ازاي دا كان علي طول يزعقلي وكان بيحسسني بكراهيته ليا
يوسف // بالعكس دا من غيرته عليكي مكنش حابب يبين ليكي مشاعره مكنش حابب تحسي بضعفه قدامك
ملك ببكاء شديد // ااااه ياوجع قلبي يعني انا معرفش كل ده غير وسيف مش معانا. يعني محسش بوجعه وعذابه غير وهو في الحاله دي
يوسف // عشان كده قولتلك وحكيتلك مع ان سيف لو عرف اني اتكلمت معاكي ممكن يقاطعني فيها بس كان لازم احكيلك عشان انتي الوحيده اللي هتقدري تقفي معايا جمب سيف
ملك // اه انا لازم انا اقف جمبه يايوسف سيف لازم يرجعلي سيف لازم يرجع لازم يسمعني انا انا عندي كلام كتير لازم احكيهوله يايوسف 🥹😥
يوسف // اهدي ياملك اهدي باذن الله هيرجع وهيسمعك بس خليكي قويه
ملك مسحت دموعها بقوه // اه اه انا لازم اكون قويه لازم
مني انتبهت علي ملك وراحت عليها // مالك ياعيوني مش بتاكلي ليه
يوسف // بنتك بتدلع ياطنط مني وبتقول ملهاش نفس
مني // لازم تاكلي ياملوكه مش هقولك عشان خاطري هقولك عشان خاطر ابيه سيف انا عارفه انه غالي عندك يلا بقي كلي
ملك هزت براسها // اه ياماما غالي عشان كده هاكل
مني // شاطره ياقلب ماما
سمر دخلت تطمن علي امها // عامله ايه دلوقتي يامامتي حمدالله علي سلامتك
هاله // مش مهم انا ياسمر طمنيني علي اخوكي الاول
سمر // لسه ياماما محدش طمنا بس باذن الله خير ادعيله بس
هاله // ياحبيبي يابني كان مستخبيلك كل ده فين منهم لله اللي كانو السبب
سمر // مش وقته يامامتي الكلام ده واهدي بقي لما نتطمن علي اخويا
الكل متجمعين ومنتظرين الدكتور يجي يطمنهم
علي //انا هروح ياجدو انادي علي الدكتور يطمنا وراح وراه يوسف وجابو الدكتور ورجعو
خالد // طمنا يادكتور اي اخبار سيف
الدكتور // من هنا لحد الصبح هنشوف ياحاج اخر التطورات في حالته وهطمنكم بس وقفتكم دي ملهاش لازمه الوقت اتأخر ممكن تروحو وتاخدو معاكم الحاله اللي ولدت هي بقت كويسه وتيجو بكره تطمنو علي سيف
خالد // لا يابني احنا هنبات قدام العنايه مين هيجيله قلب يمشي ويسيب سيف
الدكتور // صدقني ياحاج وجودكم ملوش لازمه ولو في اي حاجه هنتصل بيكم متقلقش
اسعد // انا هفضل هنا لو حتي هنام في الطرقه دي مش هتحرك
خالد // لا يااسعد يابني واسمع كلام الدكتور وكلها ساعات والنهار هيطلع هنيجي تاني
احمد // الحاج معاه حق يااسعد يلا بينا وراح علي اخوه سنده ومشي جمبه
خالد // امال خدي مني وروحي هاتي مرات اخوكي وابنها من الحضانه
امال // حاضر يابابا يلا ياام ملك
خالد //علي جهز عربيتك وخد معاك مرات خالك اسعد وسمر وامك
ويوسف هياخد مني وملك واحمد بعربية سيف وانا هركب مع اسعد
الكل هز راسه وبدأو بتنفيذ الاوامر زي ماطلب جدهم
مسافة السكه والكل وصل قدام العماره ويوسف رايح لخالد عشان يديه مفتاح عربية سيف
خالد // لا يابني خليه معاك لحد ماسيف يقوم بسلامه
يوسف // حاضر ياجدي والصبح هتلاقوني قدام العماره
خالد // ماشي يابني خلي بالك من نفسك
ولسه طالعين علي السلم ومني سانده هاله هي وامال راح زاقه ايد مني بقوه كانت هتوقع علي ضهرها بس لولا ستر ربنا احمد طالع وراها ومسك مراته بسرعه
اسعد شاف الموقف راح مطبطب علي كتف مني من ورا وسكت
احمد بصوت واطي // والله يااسعد لولا الظروف اللي احنا فيها ماكنت ساكت
اسعد // حقك علي راسي ياخويا امسحها فيا
ملك اخدت امها وطلعو ودخلو شقتهم
وهاله طلعتها امال وسمر لحد شقتهم ونزلت امال قابلت احمد واسعد علي السلم // والله يااسعد لو مسكتها لمسح بكرامتها السلالم بس انا ساكته عشان ابوك لوحده مش طايقها
احمد // خلاص ياامال نستحمل عشان خاطر سيف
امال بنرفزه // اديني انكتمت تصبحو علي خير يلا ياعلي ونزلت عند ابوها
طلع اسعد علي شقتهم بنار في قلبه وغل من هاله واول مادخل الاوضه لقاها نايمه علي السرير والبيبي الصغير جمبها
هاله // اقوم احضرلك لقمه يابوسيف
اسعد بغضب // انتي ايه ياشيخه انتي ايه انتي شيطانه ولا ايه بظبط
هاله // انا شيطانه يااسعد
اسعد // مفكراني اعمي ومش شايف عمايلك مفكراني مش عارف سر حقدك وكرهك من مني مفكراني مش عارف انك كنت هتموتي علي احمد اخويا وهو مش معبرك مفكراني مش عارف انك كنتي عملاله عمل لما خطب مني عشان يسيبها
مفكره نفسك انتي بس اللي مفتحه والكل حواليكي اغبياء
انتي مش طايقه فكره ان ملك تقرب من سيف خايفه القديم يتجدد حتي بنتك مسلمتش من سِمك اللي بختيه في ودانها وخلتيها تبقي نسخه منك
هاله بصدمه // ياااه ولما انت عارف كل ده اتجوزتني ليه
اسعد // اتجوزتك عشان اكسر سِمك من ناحية اخويا والبنت اللي حبها اتجوزتك وضحيت بسعادتي عشان اخويا يعيش سعيد ومرتاح
هاله // انا بكرهها وبكرهه بنتها ومش هديهم فرصه يتنهنو لحظه واحده في حياتهم ولا ياخدو ابني مني
اسعد // احب اقولك ان تلست اللي انتي بتكرهيها دي انقذتك من الموت وعطتك دمها اللي هو خساره فيكي من الاساس
هاله بصدمه // انت بتخرف بتقول ايه
اسعد // روحي اسالي بنتك هي مش بتنقلك كل حاجه ازاي منقلتش حاجه زي دي
انا هسكت بس لحد مااتطمن علي ابني وبعدها ليا تصرف تاني معاكي وراح اخد بعضه وراح علي اوضة سيف وقفل علي نفسه اول مادخلي لقي صورة سيف علي المكتب اخدها في حضنه وفضل يعيط علي سرير سيف لحد مانام ومحسش بنفسه
ملك طول الليل بتفكر في كلام يوسف وطلعت صورة سيف علي موبايلها وفضل تتكلم مع الصورة كأنه هو // معقول ياابيه سيف ورا الوش العصبي ده حد بالطيبه دي وبيحب كمان يااااه انا كنت فهماك غلط وكنت دايما اقول ليه بيعمل معايا كده بالرغم من حبي له 🥹 ربنا يشفيك ياسيف ويرجعك لينا بالسلامه 😭
احمد // متزعليش يامني حقك عليا انا قولتلك هي عمرها ماهتتغير
مني // ياحبيبي عادي ولايهمك مهما كان الست لسه والده وقلبها مفطور علي ابنها ربنا يكون في عونها
احمد // انتي طيبه اوي يامني ربنا يهديكي ليا يارب
مني // ولا طيبه ولا حاجه انت بس اللي بتحبني 😁
احمد بابتسامه // هو انا بحبك بس دا انا زي مايكون وقعت من الدور العاشر وانتي استلقيتني 🤗
مني // طب الحق ناملك شويه ياسي احمد قبل. النهار مايطلع عشان نلحق نروح المستشفي
احمد // اه والله ربنا يطمن قلبنا علي سيف اتصدقي يامني مكنتش اعرف اني بحبه كده
مني // هو غالي علينا كلنا وانا كمان بحبه ربنا يشفيه ويعافيه يارب يااحمد
احمد // يلا ياحبيبتي نامي وارتاحي
الكل نام وارتاح وعدي الليل بتقله وهمه وحزنه والساعه 7 الصبح قام اسعد علي رقم غريب بيتصل بيه
اسعد خير يارب مين ده وفتح // الو مين معايا
الرقم // احنا بنكلم حضرتك من المستشفي
اسعد بلهفه وخوف // خير يابنتي سيف جراله حاجه
المستشفي // استاذ سيف فاق ومش بينطق غير بأسم ملك وعمال ينادي عليها 😱
رأيكم يهمني 🤨🤨
ونقوول بسم الله 🤲
🧿🖊️والبارت الثاني والعشرون 🫶💪
#أحببت_قاصراً 🫶
بقلمي شيماء الديب 😎
ليله صعبه علي الجميع والكل بيتمناها تعدي بوجعها
اسعد نام بخيبة الامل وحزنه ان لاول مره يختار غلط وللاسف بيدفع التمن
نام بحزنه وضم صورة سيف لعلها تكون الايد الحنينه اللي تهون عليه كسرة الخاطر اللي هو فيها بسبب مراته
وفي عز نومه العميق فاق علي صوت تليفونه بيرن فاق بسرعه وبقلق بص لقاه رقم غريب فتح ورد
اسعد بصوت نعسان // الو مين معايا
المتصل // انا بتصل بحضرتك من المستشفي حضرتك والد استاذ سيف ??
اسعد بفزع وخوف وقلق // اه يابنتي خير ابني ماله طمنيني يابنتي
المستشفي // اتطمن ياحاج ابنك فاق بس مش بينطق وبينادي غير علي اسم واحد وهو ملك وبكلم حضرتك عشان لو تعرف صاحبة الاسم لازم تجيبها وتيجي حالا
اسعد // اه اه يابنتي دي بنت عمه مسافة الطريق وهنكون عندك
قام بسرعة البرق من علي السرير لبس بسرعه وهو طالع قابلته هاله قدام باب الاوضه
هاله // خير يااسعد في اخبار عن ابني
اسعد بقرف // اكيد كالعاده اتسنطتي وسمعتي المكالمه اوعي الله لايسيئك انا مش فايقلك عالصبح
هاله // هو انت ليه ظالمني كده انا سمعتك بالصدفه
اسعد // سبحان الله انتي كل حاجه في حياتك بالصدفه كده ??
وراح بعدها عن طريقه وفتح باب الشقه وطلع بسرع علي شقة احمد اخوه وبيخبط بسرعه علي الباب
احمد // اي ده مين بيخبط كده
مني // خير اللهم اجعله خير قوم رد بسرعه يااحمد احسن يكون سيف جراله حاجه
احمد بهروله // استر يارب استر وطلع يفتح ووراه مني وملك سمعت صوت الباب فتحت اوضتها وطلعت
فتح احمد لقي اخوه اسعد بياخد نفسه بسرعه // مالك يااسعد في ايه سيف جراله حاجه
اسعد بنفس عالي // لا لا يااحمد سيف فاق وبينادي علي ملك
احمد ومني بفرحه بنفس واحد // بتتكلم جد
اسعد // اه والله لسه مكلمني من المستشفي
وبص لملك بعيون كلها دموع محبوسه //يلا ياحبيبة عمك البسي بسرعه ابنك عمك الظاهر روحه متعلقه فيكي
ملك بدموع هزت راسها بالموافقه وراحت تلبس
واحمد ومني دخلو يلبسو كمان ونزل اسعد بسرعه يعرف ابوه واخته خبط بسرعه طلعت امال ووراها خالد وعلي // تعالي يااسعد رايح فين كده
اسعد // انا رايح لسيف عشان كلموني وقالو فاق وبينادي علي ملك
امال // يافرج الله يماانت كريم يارب
خالد بابتسامه // اللي حسبته طلع صح
اسعد // تقصد ايه ياحاج
خالد // بعدين بعدين هتفهم انا هلبس وجاي معاكم
علي سمع الخبر فرح وفي نفس الوقت اتضايق عشان بيحب ملك
امال فاهمه سكوت ابنها وحاسه بيه // يلا ياعلوش ياحبيبي اغسل وشك وجهز عربيتك عقبال مانلبس انا وجدك
علي بابتسامة رضا هز براسه ودخل الحمام
اسعد واقف عن عربيته تحت ومستني العيله تتجمع وهاله واقفه في البلكونه بتراقب الاحداث كالعاده
نزل احمد ووراه مني وملك ودقايق لقو يوسف جاي بعربية سيف
اسعد بااستغراب // انت عرفت منين يايوسف يابني
احمد // انا اللي كلمته يابوسيف يوسف بقي واحد مننا دلوقتي
اسعد بيبطبطب علي كتف يوسف بابتسامه // اكيد طبعا دا صاحب الغالي
خالد // يلا ياولاد احنا جاهزين مش لازم نروح بعربياتنا كلنا انا واسعد وامال هنركب مع علي
احمد // تمام ياحاج واحنا هنركب مع يوسف يلا ياملك انتي ومني
وركبو كلهم وهاله واقفه محروق دمها والنار شاعله في قلبها عشان ملهاش عين تنزل وتروح لابنها بغض النظر انها والده بس اسعد حلف بالطلاق عليها ماتروح المستشفي تاني ولا عاوز يشوفها هناك
فاتت دقايق ووصلو المستشفي ودخلو كلهم ورا بعض ووقفوا قدام العنايه وبيبصو علي سيف من ورا الازاز وفي انتظار الدكتور يسمحلهم بالزياره
ملك سانده بايديها الاتنين علي الازاز وباصه علي سيف بعيون مليئه بالدموع وهو مغمض عيونه ولابس ماسك التنفس وبتكلم نفسها //
انا جيت ياسيف حبيبتك ملك هنا حاسس بوجودها قوم يلا عشان نتخانق زي زمان وحشتني ووحشني الكلام معاك
لو حاسس بوجودي جمبك هز صباعك فجأه لقيته رفع صباع من ايده وبضحكه كلها حزن وفرح مع بعض بتمسح دموعها من علي خدها
الدكتور // صباح الخير ياجماعه
اسعد // طمني يادكتور
الدكتور // مبدائيا هو فاق وفضل ينادي باسم ملك ورجع في الغيبوبه تاني
خالد // طب وبعدين ياابني
الدكتور // خير ياحاج متقلقش كل ده وارد بس مين ملك فيكم
اسعد شدها بلهفه عليه // اهي يادكتور ملك تبقي بنت عمه
الدكتور // طب الاول اسمحولي هدخل ملك لوحدها عليها واشوف هيحصل استثاره منه لما يسمع صوتها او لا
خالد // اتفضل يادكتور اعمل الصح وماعلينا غير الصبر والدعاء
الدكتور اخد ملك ودخل لسيف ومسك ايده وقاس النبض ولقاه كويس // بص ياسيف مين جه عشان يزورك وبص لملك وهز راسه ليها عشان تتكلم
ملك // ابيه سيف سامعني انا ملك قوم يلا عمو اسعد وجدو عاوزين يتطمنو عليك وقربت منه ومسكت ايده بايديها الاتنين ودموعها بدأت تنزل
حقك عليا ياابيه انا السبب في اللي جرالك انا السبب ياريتني انا وانت لأ
سيف فجأه اول ماقالت كده ضغط ضغطه خفيفه علي ايد ملك
راحت بصت لدكتور بابتسامه ودموعها ماليه وشها
خالد متابع اللي بيحصل من ورا الازاز وبدون مايحس دموعه نزلت
احمد واسعد واقفين جمبه من الناحيتين وايديهم علي كتافه وبيهدوه
الدكتور // سيف لو حاسس بايد ملك هز صباعك
سيف بالفعل هز صباعه
الدكتور بابتسامه شاور للعيله تدخل
كل فرد من العيله يتكلم معاه الدكتور يسأله انت حاسس بفلان يهز صباعه
اسعد // طب هو ليه مش بيفتح عينه يادكتور
الدكتور // حضرتك مستهزي باللي حصله ابنك انكتبله عمر جديد
خالد // نحمدو الله انه رجعلنا يااسعد يابني
الدكتور // باذن الله شويه شويه هيتحسن مش عاوزين نستعجل
فجأه بص خالد ورا الازاز لقي الظابط راح طالعله هو واحمد ويوسف
احمد // في جديد ياحضرة الظابط
الظابط // احنا حققنا مع الشاب اللي كان هنا يوم الحادث وهو اعترف علي باقي شركائه
يوسف // طب هما قالو مين اللي وراهم
الظابط // بعد محاولات كتير كانو مصممين ان مفيش حد وزهم علي سيف بس بعد ضغط مننا اعترفو علي بنت اسمها منه وكانت علي خلاف سابق مع الاستاذ سيف من قبل
يوسف // اه يافندم بس هي اللي كانت بتضايق سيف دايما
الظابط // احنا هنكمل التحقيقات معاها انهارده وهتتعرض علي النيابه واي جديد هعرفكم اكيد
طلع الدكتور والظابط راح عليه // ممكن يادكتور اتطمن علي حالة استاذ سيف لان زي ماحضرتك عارف ده يعتبر شروع في قتل
الدكتور // اكيد انا فاهم بس الحاله لسه مش مستقره ولسه المريض يادوب بيستجيب لبعض الاستثارات الخارجيه
الظابط // طب اتمني اول ماحضرتك تلاقي الحاله استقرت تبلغنا عشان نكمل المحضر
الدكتور هز براسه // باذن الله وسابهم ودخل العنايه لسيف
ملك كل ماتحاول تسحب ايديها من سيف يضغط علي ايديها زي مايكون بيقولها متسبنيش انا محتاجلك
مني // يلا ياملك نطلع ونسيب سيف يرتاح دلوقتي
ملك بتشيل ايديها سيف ضغط عليها مره تانيه // لا ياماما مش هسيب ابيه سيف
الدكتور // انه يمسك ايدك انتي بالاخص دي حاجه كويسه هتساعدينا في العلاج
ملك // انا معاك يادكتور في اي حاجه المهم اننا نتطمن عليه
الدكتور // انا هسمحلك تخليكي جمبه بس افضل اتكلمي معاه
ملك هزت براسها
الدكتور //ممكن تتفضلو كلكم في الاوضه التانيه مش عاوز حد هنا غير ملك بس
اسعد // ماشي يادكتور احنا موجودين بره لو احتجت حاجه ابعتلنا
الدكتور بعت ممرضه تقعد مع ملك عشان لو احتاجت حاجه وفضلت ملك طول اليوم قاعده علي كرسي جمب سيف وهو ماسك ايديها وطلعت مصحف وفضلت تقرأ جمبه
يوسف راح جبلها اكل وعصير ونادي علي الممرضه // معلشي ياانسه بالله عليكي خليها تاكلها لقمه
الممرضه // ممنوع يااستاذ الاكل في العنايه
راح يوسف مطلع فلوس وعطاها للممرضه // بالله عليكي
خليها تاكل وانا هراقب السكه لو الدمتور جه هقولك قبلها
الممرضه // ماشي يااستاذ ربنا يستر واخدت الاكل لملك
اتفضلي ياانسه ملك الاكل ده
ملك // مين اللي جابو
الممرضه // الاستاذ ده وشاورت علي الازاز
يوسف شاورلها وقالها بشفايفه وحياة سيف تاكلي
ملك ابتسمت وهزت راسها بالموافقه
مر الوقت وعدي علي نفس الحال ومش عارفه تشيل ايديها من ايده لدرجة سندت راسها علي كف ايده من التعب وراحت عليها نومه
احمد // الوقت اتاخر ياحاج خلي علي ياخدكم يروحكم وانا هفضل هنا مع اسعد وهنجيب ملك ونيجي
قطع كلامهم فجأه تليفون اسعد وجاله اتصال من القسم
اسعد خير يارب ده بيتصلو بيا من القسم
خالد // رد يابني رد يمكن يكون في جديد
اسعد هز براسه ورد // الو ايو ياحضرة الظابط خير
الظابط // بصراحه مش خير يااستاذ اسعد بس من
التحقيقات مع البنت دي قالت انها حامل من ابنك سيف😱
أسعد بصدمه // بتقول ايييييه 😳
رأيكم يهمني ?? نكمل ولا لا 🤗
بقلمي شيماء الديب
ونقوول بسم الله 🤲
🧿🖊️والبارت الثالث والعشرون 🫶🤲
#أحببت_قاصراً 🫶
بقلمي شيماء الديب
الظابط //تعرفي ان اللي عملتيه كان شروع في قتل ممكن اعرف ايه الدافع اللي خلاكي تأجري ناس عشان تقتل سيف اسعد السيوفي
منه // انا انا انا
الظابط بعصبيه قام وقف وخبط علي المكتب // هو انتي لسه هتهتهي انطقي يابت ميغركيش شويه الاحترام اللي بكلمك بيهم عندي استعداد اخليكي تنطقي غصب عن اهلك
منه // خلاص خلاص هتكلم اصل انا لقيت نفسي حامل منه في اسبوعين وروحت اقوله انه لازم يتجوزني ويعترف بالي في بطني رفض وبعتله ناس بس تديلو قرصة ودن مش اكتر
الظابط // يعني انتي حامل منه ??
منه //اه طبعا اومال من مين
الظابط // بلاش لماضة يابت وردي علي قد السؤال
منه // حاضر ياباشا
الظابط // قررنا نحنا بحبس المتهمه 3 ايام علي زمة التحقيق لحين انتهاء التحقيقات وعرضها علي الطبيب الشرعي
منه بصدمه // طبيب شرعي 😳😱
الظابط // اومال انتي مفكره ايه ياروح امك خدها يابني علي الحبس
وراح مطلع التليفون ومتصل بأسعد // الو يااستاذ اسعد
اسعد // الو ياحضرة الظابط خير في جديد
الظابط // بصراحه الجديد مش خير خالص
اسعد // في ايه ياحضرة الظابط اتكلم
الظابط // البنت قالت في التحقيقات انها حامل من ابنك سيف
اسعد // انت بتقول ايه حامل من ميييييين ??
الظابط // انا عارف انها صدمه عليك بس متقلقش لسه هنعرضها علي الطبيب الشرعي ويمكن تكون بتكذب ومش حامل اصلا
اسعد حس ان الدنيا بيتتهد بيه وقعد بكل قوته علي الكرسي حس ان رجليه مش شيلاه واعصابه سابت
احمد // مين بيكلمك يااسعد في ايه انطق وللاسف اسعد من صدمته مش بينطق راح احمد شد التليفون من ايده ورد لقاه الظابط
// خير ياباشا انت قولت ايه لاسعد
الظابط حكي لاحمد كل حاجه حصلت في التحقيقات
احمد // لو سمحت ياباشا تابعني بكل جديد يظهر مع حضرتك
وقفل الخط
خالد وامال ومني وعلي يوسف كلهم واقفين
خالد// الظابط بيقولك مين حامل من مين يااحمد ??
احمد // للاسف ياحاج بيقول البنت اللي حرضت علي سيف حامل منه ولما رفض يتجوزها هي عملت كده
ملك طالعه من العنايه من عند سيف سمعت الكلام
خالدبصدمه // كدب الكلام ده كله كدب انا واثق في تربية سيف
ملك بزهول وصدمه //حضرتك بتقول ايه يابابا ابيه سيف عمره مايعمل كده اكيد في حاجه غلط صح يايوسف ولا ايه انطق
يوسف // دي اكيد مؤامره علي سيف عشان يشوهو سمعته دا صاحبي وانا اعرفه اكتر من اي حد دا اساسا مش بيطقها
علي // يعني سيف افندي كان عامل علينا كبير وهو هلس
ملك بصريخ وصوت عالي // اخررررررس سيف كبير غصب عنك وعمره ماكان هلس كل ده كدب كدب وراحت علي امها
صح ياماما مش انتي دايما تقوليلي انك بتثقي فيه
مني بحزن // اكيد في حاجه غلط ياحبيبتي اهدي
يوسف // اوعي تصدقي ياملك اوعي كل ده كدب والايام هتثبتلك
احمد // اهدو ياجماعه في حاجه غلط في الموضوع وانا مش هسكت اوعدكم بكده
يوسف // اكيد ياعمي وانا هروح ادور علي حق صاحبي ومش هرجع غير وانا معايا الحقيقه واثبتلك ياسي علي ان سيف عمره ماكان هلس زي مانت بتقول
علي بضحكة سخريه // ههههههع تكشف ايه ما الحقيقه انكشف قدامنا كلنا اهو هو في حقيقه تانيه انه طلع بني ادم رخيص
امال بغضب // اخرررررس وضربته بالقلم اياك تنطق حرف علي ابن خالك سمعتني
علي وايده علي وشه // بتضربيني ياامي عشان بقول الحقيقه
امال // واقطع لسانك كمان لو كترت بالكلام
علي خد بعضه وبص ليوسف بقرف ومشي وسابهم
ملك دخلت علي سيف وخطواتها اتقل من الجبال ودموعها مغطيه وشها بتقدم خطوه وبتاخر خطوطتين وخايفه يكون الكلام صح راحت علي ايد سيف ومسكتها // سيف ونبي فتح عينيك وقولي الحقيقه البنت دي حامل منك اوعي ياسيف تكسر قلبي اوعي ياسيف يطلع صح وتخزلني
قوم ياسيف اديني اي اشاره ونبي حرك صباعك او اي حاجه
ريح قلبي حاسه انه هيقف من الصدمه
الدكتور // كفايا عليه كده انهارده ياانسه ملك مش عاوزين نرهقه
ملك // خليني جمبه ونبي يادكتور مش هتكلم نهائي والله
الدكتور / الوقت اتأخر ومش هينفع اكتر من كده و الصبح تعالي
مني // يلا يابنتي والصباح رباح
احمد // يلا ياملك والصبح هنيجي تاني وراح مسك ايديها وسندها
يلا يااسعد قوم عشان نروح
اسعد // هو انا بقي فيا حيل يااحمد
احمد بنرفزه // اي يااسعد انت هتصدق الكلام الفارغ ده
خالد بعصبيه // يلا ااسعد وياريت تقفلو علي الموضوع ده لما نتطمن علي سيف
احمد // اؤامرك ياحاج قوم يااسعد يلا
وكلهم نزلو ركبو عربياتهم ومشيو
كل واحد طلع بيته واسعد اول مادخل بيته جت هاله عليه جري
هاله // اتاخرتو كده ليه يااسعد طمني علي ابني
اسعد ماشي مش بيرد علي حد ودخل اوضة سيف وقعد علي السرير دخلت وراه
هاله // هو انت مابتردش ليه عليا عبرني ورد عليا هو انا مش زي الست مني ولا ايه
اسعد بغضب // هاله انتي طالق ومش عاوز اشوف خلقتك قدامي وقام فضل يزق فيها لحد ماطلعها بره الاوضه وقفل في وشها 😱
اللي عاوز البارت الجديد يعمل انضمام من هناااااا علشان يوصلكم اشعار بالنشر فورا
الرواية كامله من👈 (رواية أحببت قاصرا)
اضغط على اسم الروايه ☝️☝️☝️
تكملة الروايه اضغط هناااااااا
تعليقات
إرسال تعليق