رواية عاشق ليلي الفصل السادس 6بقلم مني راضي
رواية عاشق ليلي الفصل السادس 6بقلم مني راضي
عاشق ليلي 🌸
الفصل السادس 💙
خرجت ليلي من المشفى وذهبت للقصر مع عمر فرحت والدته كثيرا وكذلك رباب ولكن عندما راهم والده قال : اهلا يابنتي عامله ايه
ليلي : الحمد لله بخير
عمر : ليلي بقيت مراتي وحامل وهتعيش معانا هنا لأن حسن اتهجم عليها ولسه خارجه من المستشفى
نظرت والدته بخوف وقالت : انتي كويسه دلوقتي
اومأت ليلي برأسها وقالت : الحمد لله بس دكتور قال لازم ارتاح
نظر والده بغضب وقال : هو المفروض اباركلك ولا اعمل ايه ابني الوحيد بيعرفني انه اتجوز ومراته حامل زي زي الغريب
نظرت له زوجته وقالت : معاك حق تزعل وتعمل اي حاجه بس حفيدك حياته ف خطر مين هيحميه غيرك
في هذه اللحظه أدرك أن زوجته على حق ويجب حمايه ابنه وعائلته فقال : خديها يا رباب عشان ترتاح وخلي بالكو منها وتركهم وخرج غاضبا
ابتسم عمر فكان يعلم أن والده ذو قلب طيب
صعدت ليلي لغرفه عمر وحاولت أن تنام فيكفيها ماحدث
عندما عادت ندى من النادي أخبرتها رباب بزواج عمر من ليلي وأنها حامل
غضبت ندى ولم تستوعب ان عمر ضاع منها للأبد وقالت : بقى واحده زي دي تاخده مني انا دي هتشوف سواد اكتر من اللي عيلتها عملته هخليها تندم انها فكرت تاخد حاجه مش بتاعتها
اتصلت ليلي بمروه لتخبرها ماحدث معها وهنا دخل عليها حسن وقال : طبعا الهانم كانت عارفه ان ليلي متجوزه وحامل مش كده
مروه : يهمك في ايه هي حره تعمل اللي هي عيزاه
اقترب منها ومسكها من شعرها وقال : اقسم بالله هقتلك قبلها يامروه انتي عارفه مين ده ده اللي أهله قتله مرات عمي واكيد هما برده اللي قتله جدو وعمي خليها نايمه في حضنهم بس لما تخسر كل حاجه متجيش تعيط عشان نلحقها
مروه : لا متخافش عمر واخد باله منها وهيحميها من الدنيا كلها شيلها انت من دماغك
حسن : هنشوف مين اللي هيضحك في الاخر
كانت ليلي تستمع لكل شئ وتبكي لما وصل الحال معها لذلك لماذا لا يتركها حسن لزوجها وطفلها لكن كلامه بدأ يتردد عليها هل فعلا عمه السبب بمقتل والدها وجدها هل عمر كان يعلم كل ذلك احست بدوار خفيف وجلست على السرير
دخل عمر ولاحظ تعبها فاقترب منها وقال : حبيبتي انتي كويسه حاسه بحاجه
نظرت داخل عينيه وقالت : هتفضل تحبني على طول وعمرك ماهتخبي عليا حاجه مش كده ياعمر
عمر : انا محبتش ولا هحب غيرك ياليلي ليه بتقولي كده
ليلي : متزعلش اكيد الحمل مخليني متوتره
اقترب منها وضمها لحضنه وقال : ربنا يخليكي ليا
احست براحه وأمان وهي بحضنه ولعنت حسن لأنه تسبب ف تشتيتها
مر شهر كامل وليلي مازالت بالقصر لا تتحرك منه َتحاول تجنب ندى حتى لا تضايقها
اما مروه فعاد حماسها للعمل وكانت تقضي معظم أوقاتها بالمجله
ورباب كما هي مشغوله بالجامعه ودراستها
باحد الايام ذهبت ندى للنادي وهناك قابلت حسن فذهبت إليه وقالت : مكنتش اعرف انك جبان كده وبتسيب اللي يخصك
نظر لها حسن وفهم كلامها وقال : الحال من بعضه ياقلبي ما انتي كمان ليلي خطفت منك عمر
غضبت ندى وقالت : يبقى نتفق عليهم ايه رايك
حسن بتفكير : وهتعملي اللي اقولك عليه
ندى : اي حاجه ترجعلى عمر هعملها طبعااا بس انت عرفني دماغك فيها ايه
حسن : الكلام هنا مش هينفع تعالى شقتي نتكلم براحتنا ايه رايك
ندى : ابعتلي العنوان وهجيلك
بالمجله استدعى الأستاذ فاروق الجميع بمكتبه وقال : طبعا كلكم عارفين الفتره دي صحتي مش كويسه ولازم اسافر للعلاج وطبعا كان لازم اخد قرارات عشان مجله فأنا رشحت مروه عشان تكون نائب للمدير الجديد هو هيوصل حالا وهتتعرفه عليه مش عايز حد يكسفني معاه لاني أكدت عليه أن كل واحد يفضل في مكانه
في هذه اللحظه دخل رجل طويل القامه شعره اسود يحبس الأنفاس لم تستوعب مروه انه أمامها قالت لنفسها : أدهم مستحيل يكون أدهم بس شكله متغيرش كتير بس بالدقن شكله بقى احلى انا مش مصدقه هو بجد قدامي واحست بضربات قلبها تعلو وتعلو
سلم أدهم على الاستاذ فاروق وقام بتعريف الجميع عندما وقعت عيناه على مروه سرح بها وقال : لسه حلوه زي ما انتي بس لمعه عيونك راحت هتبقى بتاعتي يامروه واغمض عينه محاولا التركيز مع الجميع
عندما انتهي الاجتماع حاولت مروه الخروج لكن الأستاذ فاروق قال : مروه معلش استنى
لعنت نفسها ولعنت الجميع فهي لا تتحمل فكره وجوده بالمكتب
نظر لادهم وقال : احب اعرفك بمروه أشطر واحده هنا تقدر تعتمد عليها في أي حاجه وهتساعدك كتير
أدهم مد يده ليصافحها وعندما لمست يده احست برعشه تسري في جسدها واحس أدهم بارتباكها وقال : انا واثق في اختيار حضرتك واكيد هنعمل شغل حلو جدا ولا ايه يا استاذه مروه
مروه : هااا... أكيد طبعا طبعا
وقف الأستاذ فاروق وقال : اسيبكو انا تتفقه وانا هروح كده انت استلمت كل حاجه شد حيلك يا أدهم
عندما خرج من المكتب حاولت مروه الخروج لكن منعها أدهم من الخروج وقال : رايحه فين يامروه
مروه : بعد اذنك لو مش محتاجلي في حاجه اسمحلي اخرج
أدهم : عمري مابطلت احتجلك على طول محتاجلك وامسك يدها
سحبت يدها من يده وخرجت مسرعه من المكتب
ضحك أدهم وقال : لما اشوف هتهربي لحد امتى
خرجت مسرعه من المجله واتصلت بليلي وقالت : ليلي انا محتجالك أدهم رجع
يتبع...
تكملة الروايه اضغط هناااااااا
لتكملة الرواية عمل متابعه من هنااااااا علشان توصلكم الرواية كامله
الرواية كامله من (رواية عاشق ليلي)
اضغط على اسم الروايه ☝️☝️☝️
تعليقات
إرسال تعليق