رواية نور احاطني من الظلام البارت التاسع عشر والعشرون 19_20بقلم شيماء عبد الباسط
رواية نور احاطني من الظلام البارت التاسع عشر والعشرين 19_20
بارت 19☺️☺️❤️
.
.
.
بدر : كفارة يابكر بيه
بكر بجدية : جهزت الي قولتلك عليه
بدر : حصل ياباشا كل الي أمرت بيه جاهزة
بكر : اطلع
في نفس اللحظة كانت العربية اتحركت لوجهتها
****
في بيت ادهم
دخل ادهم الأوضة لقي سيليا بتنوم خديجة بعد ما نامت فريدة راح ناحيتها وشال منها البنت
ادهم بهمس : روحي انتي ..... انا حنومها وانتي ارتاحي شوية
هزت سيليا راسها بابتسامة لانها فعلا كانت محتاجة ترتاح طلعت قعدت برا شوية وادهم نوم خديجة وطلع بعدها
راح قعد جمبها ...... سندت سيليا راسها علي كتفه
ادهم : تعبتي صح
سيليا بابتسامة : ابدا والله ..... بس بيذلوني في النوم بس
ضحك ادهم وسيليا ...... سكتوا شوية وكمل ادهم كلامه
ادهم : بقولك ياسيليا ..... كنت عايز اكلمك في موضوع
رفعت سيليا راسها وركزت معاه : موضوع ايه
ادهم : انا عرفت من دكتور عمر انك كنتي جراحة قلب ممتازة اوي في لندن
هزت سيليا راسها بمعني اه وقالت : امم فعلا
كمل ادهم : يعني انتي دراستي واجتهدتي وبقيت من احسن الجارحين في لندن وجاية دلوقتي توقفي كل حاجة
بصت سيليا في الأرض وعينها بدأت تدمع : كل الي درسته وشغلي السنين الي فاتت ما ساعدتني اني انقذ بابا
ادهم وهو بيمسح دموعها : حبيبتي الموت والحياة ده قدر ومحدش يقدر يمنع قدر ربنا مهما حصل ...... وبعدين انتي فاكرة عملية باباكي ومش فاكرة العملية بتاعتي ولا ايه
بصتله سيليا بضيق عشان فكرها باليوم ده هي طول الوقت كانت بتحاول تنساه لأنها في اليوم ده حست أن حياتها بتنتهي للمرة التانية ...... ادهم فهم بصتها ليه مسك أيدها
ادهم بأسف : انا اسف والله ما قصدي افكرك باليوم ده ....... انا عايز افكرك بالانجاز الي عملتيه ....سيليا باباكي مش حيكون مبسوط بالي عملتيه ده ولا أنا ولا اي حد ..... انتي نفسك مش حتبقي مبسوطة وانتي بترمي السنين الي. فاتت دي علي الارض كده
بصتله سيليا من غير كلام وبعدها بصت للأرض
بصلها ادهم بابتسامة وقال : قومي يادكتورة نامي بدري معاكي شغل بكرا الصبح بدري
بصوره سيليا بعدم فهم وقالت : شغل ايه
ادهم : مستشفي ** مستشفي كويسة خالص وصاحب المستشفي صاحبي وانا كلمته عنك وقالي تقدري تشتغلي من بكرا
سيليا : مش حينفع ياادهم ......
قاطع كلامها وقال : لا حينفع حرام عليكي تبقي قضيتي حياتك كلها في المهنة دي ودلوقتي مش عايزاها ........ سيليا انا ما كنت حوافق انك تشتغلي لو كنتي طلبتي بس لما عرفت أن شغلك كان كل حياتك انا مستحيل امنعك عنه ..... مستحيل امنعك عن حاجة حتكون سبب سعادتك
سكتت سيليا شوية وبعدين كملت : طيب والبنات
ادهم بابتسامة : انا اتصرفت ومن بكرا حيكون في معاهم دادة تراعيلهم وقت شغلك وتساعدك كمان باقي اليوم
بصتله سيليا وهي مبسوطة وفرحانة أنه مقدر مجهودها وعارف طموحها وبيشجعها عليها وأنه عكس رجال كتير
سيليا بابتسامة : حاضر ياادهم ..... حاضر
مسك ادهم أيدها وباسها وقامت عشان تنام عشان تصحي بدري زي ما قال
****
تاني يوم صحي ادهم وسيليا كل واحد جهز نفسه عشان ينزل شغله
شوية وجات الدادة وادهم وسيليا شرحهولها كل حاجة ووصوها علي البنات ...... بعدها نزل ادهم وسيليا في عربية ادهم وصلوا عند المستشفي
ادهم : يلا ياحبيبتي خدي بالك من نفسك واول ما تخلصي انا حاجي ونروح مع بعض اوكيه
بصتله سيليا وابتسمت ....... وبعدها نزلت من العربية ودخلت المستشفي وطلع ادهم علي شركته
وصل ادهم الشركة ودخل مكتبه
شوية ودخل يوسف
يوسف : صباح الفل
ادهم : صباح النور ياسيدي
يوسف : اخبار حبيبتي ايه
ادهم بياس منه : استغفر الله العظيم .....بخير ياسيدي
يوسف : طيب بوسهالي بقا مادام مانعني ........ انا مش فاهم انت ليه مانعني
ادهم : بغير علي بناتي عندك مشكلة
يوسف : ابدا ياعم
شوية ودخلت ندي السكرتيرة
ندي بابتسامة : صباح الخير يابشمهندس
ادهم : صباح النور
ندي : اتفضل ده كشف بالناس الي مقدمة علي الوظيفة الي حضرتك أعلنت عنها
ادهم مسك منها الملف وقال : تمام يا ندي اتفضلي
ندي : تمام عن اذنكوا
فتح ادهم الملف وبدأ يشوف الأشخاص الي فيه بس وقف فجأة
ادهم : نرمين الحديدي
يوسف بصله : نرمين مين
ادهم : نرمين اخت سيف الحديدي
يوسف باستغراب : ودي ايه جابها تشتغل هنا
ادهم : مش عارف ..... بس يمكن محتاجة الوظيفة وخاصتا اني سمعت أن البنك حجز علي معظم ممتلكات سيف
يوسف : وناوي علي ايه .... حتوافق تشتغل هنا
ادهم : هي معاها انترفيو النهاردة تعمله ويشوفوا إذا تنفع ولا لا
يوسف : خلي بالك محدش من العيلة دي يطمن ...... انا حقوم اشوف الي ورايا
هز ادهم رأسه بمعني حاضر وطلع يوسف من المكتب
في المستشفي عند سيليا
دخلت سيليا المستشفي وسالت الاستقبال عن مكتب المدير وقالولها عنه وطلعت مكتب المدير خبطت وسمحلها بالدخول
سيليا : صباح الخير
ماجد : صباح النور ...... اتفضلي
قعدت سيليا في الكرسي الي قدام مكتب ماجد
سيليا : انا سيليا ادم ......
قاطعها ماجد بسرعة : مرات ادهم
سيليا هزت راسها بمعني اه
ماجد بابتسامة : اهلا بحضرتك ....... انا ادهم كلمني عنك وعرفت انك جراحة معروفة في لندن علي الرغم من صغر سنك وبصراحة أنا مبسوط بأن تشتغلي معانا هنا
سيليا بابتسامة : متشكرة خالص لحضرتك
ماجد بابتسامة : تمام تقدري تبدأ من دلوقتي ....... حبعتلك دكتورة ملك وهي حتكون معاكي طول الوقت تساعدك في أي حاجة
سيليا : تمام عن اذنك حضرتك
طلعت سيليا من مكتب ماجد بس وقفت لما سمعت صوت حد بينادي عليها
ملك بابتسامة اطفال : هاي
سيليا بابتسامة : هاي
مدت ملك أيدها عشان تسلم وقالت : انا دكتورة ملك حبقي معاكي في كل عملياتك وحساعدك في كل حاجة هنا
سيليا بابتسامة : اهلا انا دكتورة سيليا ادم ..... مبسوطة اوي بمعرفتك
ملك حطت أيدها علي كتف سيليا : ده انا الي مبسوطة جدا اني اشتغل معاكي
سيليا بصتلها وقالت : انتي تعرفيني
ملك بابتسامة : طبعا انا كنت متابعة كل إنجازاتك والعمليات الصعبة الي كنتي بتعمليها ..... ولما عرفت انك حتشتغلي معانا هنا ما صدقت نفسي كنت حطير من الفرحة
سيليا ضحكت الي طريقتها في الكلام وكأنها طفلة مش دكتورة وكملت كلام وقالت : شكلنا حنبقي صحاب اوي ياملك
ملك : احنا لسه حنبقي ....... احنا بقينا خلاص ولا ايه
سيليا بابتسامة : اكيد طبعا صحاب
ملك : اهم حاجة بس ما تصدعيش مني لاني رغاية بشكل لا يوصف
سيليا بابتسامة : ولا يهمك ...... ممكن تعرفيني بالمستشفي بقي
ملك هزت راسها بابتسامة واخدت سيليا وبدأت تعرفها عن كل الأقسام في المستشفي وأوض العمليات وبدأت تشوف معاهم الحالات
******
خلص اليوم وطلع ادهم من الشركة وراح المستشفي عشان ياخد سيليا
سيليا قدام باب المستشفي هي وملك واول ما جه ادهم استأذنت من ملك وراحت ركبت العربية
وطلع ادهم علي البيت اول ما دخلوا الشقة جريت سيليا علي البنات وشالتهم وكأنها محرومة منهم بقالها زمن
ادهم بضحك عليها : ايه ياحبيبتي انتي كنتي مهاجرة
سيليا : وحشوني اوي من الصبح
ادهم بغمزة : هما بس
ضحكت سيليا وكملت بضحك : اه هما بس
راح ادهم ناحية البنات وقال : انا كمان هما بس الي واحشني
ضحكت سيليا عليه وكملت بنفس النمط: هما بس
ادهم بابتسامة وهيام وهو بيقرب منها : لا طبعا وهو انا اقدر استغني عنك ده انتي حبيبتي وروحي و......
قاطع كلامهم صوت الدادة : الغدا جاهز حضرتك
كشر ادهم بغيظ طفولي خلي سيليا تضحك علي منظره
سيليا وهي بتحاول توقف ضحك : تمام اتفضلي انتي
ادهم بفرسة : حدخل اغير هدومي
سيليا هزت راسها وهي بتحاول تكتم ضحكتها
ادهم : ما تكتميهاش
في اللحظة دي وكأنها اخدت الإشارة الي تخليها تضحك براحتها علي وضعه
بصلها ادهم بابتسامة ودخل الأوضة
شوية وطلع ادهم وسيليا واتغدوا مع بعض وبعدها قعدت سيليا تحكيله عن الي حصل في أول يوم ليها بالتفاصيل خلص اليوم
******
عدي يومين بنفس النمط
في شركة ادهم
وصل ادهم بعد ما وصل سيليا المستشفي .... دخل مكتبه بص علي الملف الي علي المكتب فتحه لقي فيه اسماء المقبولين في الوظيفة وكانت نرمين واحدة منهم .....رفع ادهم سامعة التليفون
ادهم : تعالي عايزك
شوية ودخلت ندي
ندي : أيوة يابشمهندس
ادهم : ابعتيلي مسؤل الhr
ندي هزت راسها وقالت : حاضر يافندم
شوية ودخل الاستاذ منير مسؤل الhr
منير : صباح الخير يابشمهندس
ادهم : صباح النور
وبعدها شاور ادهم علي الكرسي الي قدامه عشان يقعد
قعد منير وهو بيقول : خير يافندم ..... حضرتك طلبتني
ادهم مد أيده بالملف : امم ..... اتفضل
منير اخد الملف من ادهم وفتحه لقي فيه اسماء المقبولين كمل وقال
منير : أيوة يافندم ماله الملف مش فاهم
ادهم : لا ملهوش بس كنت عايز اعرف الي اتوافق عليهم دول كفاءتهم كويسة
منير : اه طبعا انا بنفسي عملت معاهم المقابلة وكانوا افضل المتقدمين حضرتك
سكت ادهم شوية وبعدين كمل : تمام تقدر حضرتك تتفضل
منير بابتسامة : تمام حضرتك ..... عن اذنك
ادهم : اتفضل
طلع منير من المكتب وبدأ ادهم يفكر ياتري هي فعلا جاية تشتغل هنا ولا في حاجة تانية في دماغها
عند سيليا في المستشفي
ملك : ده ملف المريضة الي حنعملها العملية يادكتورة
سيليا اخدت منها الملف وبدأت تقرأه بتركيز عشان تجهز للعملية
شوية ودخلت سيليا وملك ودكتور ماجد ودكتور شريف اوضة العمليات
عملوا العملية ونجحت وطلعوا كلهم مبسوطين
ملك بابتسامة : انا بجد مبسوطة اني كنت معاكي في العملية دي حرفيا ده شرف ليا اني اكون بدرب معاكي
سيليا بابتسامة : انا الي شرف ليا انك تكوني معايا بجد
مشيوا الاتنين وراحت سيليا مكتبها شوية وخبط الباب
سيليا : اتفضل
دخل دكتور شريف وعلي وشه ابتسامة باردة
شريف : برافوا يادكتورة سيليا ......ومبروك نجاح العملية
سيليا بدون تعابير علي وشها : متشكرة لحضرتك
قعد شريف من غير ما سيليا تسمحله وكمل كلامه
شريف : انا عرفت انك كنتي في لندن وانك مش أمهر الجراحين هناك
سيليا ما عرفت تمنعه من أنه يقعد ويتكلم فقعدت علي الكرسي وكملت الكلام : اه يادكتور
شريف ببرود : ليه حضرتك ودكتور شيلي الألقاب وناديني باسمي ....... شريف
في اللحظة دي دخلت ملك
ملك : دكتورة سيليا انا .......
قطعت كلامها لما لقت شريف قاعد
ملك : انا اسفة لو عطلتكوا عن اذنكوا
سيليا بسرعة : لا ما عطلتينا تعالي اتفضلي ...... عن اذنك يادكتور المكتب مكتبك
وطلعت سيليا مع ملك
سيليا لملك : بجد انا مش عارفة اشكرك ازاي
ملك بابتسامة : اي خدمة
بصتلها سيليا وهي بتفكر في حاجة بس ملك كملت بسرعة
ملك بابتسامة خبيثة : اصلي ملاحظة أنه مركز معاكي من بدري ولما خلصنا العملية وانتي روحتي مكتبك لقيته راح المكتب وراكي ففهمت أنه حيبقي رخم فقولت اساعدك
سيليا وهي متنحة من كلامها : انتي عرفت كل ده ازاي وازاي لاحظتيه
ملك بثقة : يابنتي دي قدرات ....... وبعدين شريف ده معروف أنه مش كويس وأنه بصباص
سيليا : امم ....طب عشان قدراتك العسل دي انا حزعمك علي اي حاجة انتي عايزاها
ملك بابتسامة : اشطا يلا
خلصت سيليا شغلها وجه ادهم واخدها وكان في نظرات طبعا بتراقبهم وهي نظرات شريف
*******
تاني يوم في شركة ادهم
اول يوم شغل لنرمين ادهم لاحظتها انها بتشتغل بكفاءة عالية فعلا ...... راح ناحيتها
ادهم بابتسامة : صباح الخير
بصت نرمين وراها لقت ادهم
نرمين بابتسامة : ادهم ازيك عامل ايه ....... سوري قصدي بشمهندس ادهم
ادهم بابتسامة : انا تمام الحمد لله ....... اتمني تكوني مبسوطة معانا في الشغل
نرمين بابتسامة : لا انا مبسوطة جدا بصراحة
ادهم : طب عن اذنك اتفضلي كملي وفعلا مشي ادهم ناحية مكتبه ورجعت نرمين تكمل شغلها
في مكتب ادهم شوية ودخل يوسف
يوسف بغمزة: ايه الاخبار
ادهم : لا تمام اوي ما تقلقش
يوسف : متاكد
ادهم : ما تقلقش ..... صحيح انا حروح بدري النهاردة
يوسف : ليه ياعم
ادهم : حاخد سيليا ونتغدي برا
يوسف : تمام ياسيدي ...... انا معزوم في الليلة دي
ادهم بصله بابتسامة : طبعا لا
يوسف : ونعمة الصحاب يابني ....... انا ماشي
طلع يوسف من المكتب ومسك ادهم الموبايل
ادهم : حبيبي عامل ايه
ماجد : تمام يابشمهندس اخبارك ايه
ادهم : بخير الحمد لله ...... بقولك انتوا معاكوا عمليات النهاردة
ماجد بخبث : احنا برضوا ولا هي
ادهم ببرود : هي طبعا ...... أنجز بقي
ماجد بضحك : لا ياعم مفيش ولو في اعتبر مفيش
ادهم : حبيبي ....... بحبك وانت فاهمني
ماجد : مراهق
ادهم : امشي يلا من هنا
قفل الاتصال مع ماجد
وبعدها اتصل ادهم بسيليا وقالها تجهز نفسها إنهم حيتغدوا برا
وفعلا خلص ادهم شغله وراح المستشفي راح ناحية مكتبها خبط وسيليا سمحت له بالدخول دخل لقاها بتخلص شغلها خلاص عشان تطلع معاه وأثناء ما بتخلص دخل شريف من غير حتي ما يخبط علي الباب
شريف بابتسامة باردة: ازيك ياسيلي.......
وقف الكلام وراحت الابتسامة اول ما شاف ادهم قاعد وادهم عينه ما نزلت من عليه
سيليا بهدوء : خير يادكتور في حاجة
شريف بارتباك : ابدا يادكتورة بس كنت جاي اقولك عن عملية كمان شوية
سيليا كانت حترد بس رد ادهم مكانها
ادهم :دكتورة سيليا خلصت عملياتها خلاص النهاردة
شريف بابتسامة متوترة : اه طبعا فاهم ...... انا كنت جاي اخد رأيها في حاجة
ادهم بابتسامة باردة : أتفضل خد رأيها
شريف : لا خلاص واضح انها مشغولة استأذن انا
وطلع شريف وما بص وراه حتي وادهم نظراته مع شريف لغاية ما طلع من المكتب قطع تركيزه صوت سيليا
سيليا : ادهم ...... يلا خلصت كل حاجة
ادهم بابتسامة : اه ياحبيبتي يلا بينا
وفعلا طلعوا الاتنين وراحوا مطعم عشان يتغدوا
هما وبيتغدوا كان في الي بيصورهم
****
بدر : اتفضل يابكر بيه
اخد بكر ظرف في صور
بدر : احنا مراقبينهم من بدري ودي كل تحركاتهم بقالهم اسبوع هو بيطلع علي شركته الصبح بدري وهي بتروح المستشفي وبيخلصوا ويروحوا بقالهم اسبوع علي الحال ده
بكر : خليك متابعتهم اول باول ......... ونفذ الي قولتلك عليه
بدر : تحت امرك يابكر بيه
بكر لنفسه : ورحمة ولدي لادفعكوا تمن الي عملتوه في ولدي غالي قوي
*******
في بيت ادهم
صحي ادهم وجهز نفسه وراح الشركة زي كل يوم وهو شغال قطع تركيزه صوت التليفون مسك الموبايل لقي طارق بيرن
ادهم : اه ياطارق ......انت بتقول ايه .... مستشفي ايه ...... انا جاي حالا
يتبع .........
بارت 20☺️☺️❤️
.
.
.
وصل ادهم المستشفي لقي طارق واقف برا راح ناحيته
ادهم : ايه الاخبار
طارق : لسه الدكتور ما طلع من جوا
ادهم : خير باذن الله
شوية وطلع الدكتور
ادهم : خير يادكتور
الدكتور : مع الاسف استاذ حمزة اتصاب بشلل ..... الضربة الي أخدها علي دماغه كانت قوية جدا اتسببت في شلل نصفي
ادهم : لا حول ولا قوة الا بالله
طارق : طب هو صاحي نقدر نتكلم معاه
الدكتور : لا هو نايم دلوقتي ....... بس هو كمان فقد النطق يعني مش حيقدر يتكلم
ادهم بحدة : ازاي حنعرف مين عمل كده ازاي
طارق : تمام يادكتور شكرا لحضرتك
مشي الدكتور وبص طارق لادهم
طارق : تفتكر مين الي عمل كده
ادهم باصص للأرض بتفكير : مش عارف ما ده الي حيجنني انا
فضل ادهم في المستشفي هو وطارق علي أمل أن حمزة يفوق ويحاولوا يعرفوا منه أي حاجة
شوية ورن موبايل ادهم بص للموبايل لقي الي بيتصل سيليا بص للساعة فهم أنه اتاخر عليها رد عليها بسرعة
ادهم : أيوة ياحبيبتي ...... لا انا اسف جدا ربع ساعة واكون عندك ..... ماشي ياحبيبتي سلام
قفل الخط مع سيليا وبعدها بص لطارق
ادهم : انا حروح اوصل سيليا واراجعلك تاني تمام
طارق : تمام روح انت وانا حقعد هنا لو حصل جديد حاصل بيك
ادهم : خلاص تمام
مشي ادهم شوية ووصل المستشفي راح ناحية مكتبها قبل ما يفتح الباب سمع صوت سيليا وهي بتتكلم
سيليا بحزم وحدة : اسمع يادكتور شريف لو حضرتك ما عرفتش تلتزم بآداب المهنة واني التعامل بيني وبين حضرتك شغل بس انا وقتها حنسي اداب المهنة وحتعامل بأسلوب حخليك تندم انك جيت وكلمتني اصلا
شريف : انتي بتكلميني كده ليه ...... انا بعزم حضرتك علي العشا علي اساس اني زميلك في الشغل مش اكتر
وقتها سيليا اتعصبت وطردته من مكتبها بعصبية اول ما ادهم حس الباب حيتفتح بعد عن الباب وبعد ما مشي شريف راح ادهم المكتب وكأنه مش عارف حاجة دخل المكتب
ادهم بابتسامة : حبيبتي اسف جدا اني اتاخرت بس كان معايا شغل
سيليا حاولت تكون هادئة وما تعرفه الي حصل
سيليا بابتسامة : لا ياحبيبي ولا يهمك .....يلا بينا
نزلوا الاتنين وركبوا العربية وطول الطريق ادهم ملاحظ علامات الغضب علي وشها من الي حصل وصلوا البيت ودخلوا راح ادهم ناحية اوضة المكتب وقفل الباب وراه اتصل علي ماجد
ادهم : ازيك ياماجد عامل ايه
ماجد : بخير ياحبيبي
ادهم : طالب منك خدمة
ماجد : اومر
*******
في المستشفي
قاعد شريف في المكتب ومعاه دكتورة مها
مها بثقة : يابني قولتلك مش حترضي شكلها مش من النوع بتاعك
شريف بصلها بطرف عينه وكمل : كله نوع واحد بس كل واحدة وليها طريقة ومسيري حوقعها
مها : تبقي بتحلم
قطع كلامهم صوت موبايل شريف بيعلن عن وصول رسالة مسك شريف الموبايل وفتحه وابتسامة خبيثة اترسمت علي وشه وبعدها أطلق ضحكة عالية
مها باستغراب : ايه في ايه ..... بتضحك كده علي ايه
لف شاشة الموبايل ليها وكمل كلامه بضحك : واضح انها مش زي الباقي .....يابنتي مفيش واحد تقول لشريف السيوفي لا
مها بخبث : يابن الايه عملتها ازاي ..... اومال هي راسمة دور المحترمة ليه من ساعة ما جات
شريف : هو الاحترام مش باين ولا ايه وبعدين دي كلها شكليات مش اكتر ....اهو باعتة بتقولي اسفة ياشريف علي الي عملته الصبح وتعويضا عنه ايه رايك نتقابل النهاردة في كافيه زي ما طلبت
مها بخبث : حتعمل ايه
شريف : هو انا ممكن افوت فرصة زي دي برضوا
مها : طب انا حقوم اشوف شغلي وما تنساش تحكيلي بليل عملت ايه اوكيه
شريف : تمام
طلعت مها ومسك شريف الموبايل وفتح الرسالة ورد
شريف : ولا يهمك ما تعتذريش ..... بس بلاش كافيه ما تنسيش انتي متجوزة وممكن حد يشوفك معايا في الكافيه يفهم غلط
بعت الرسالة وبعدها جاله الرد من سيليا بتقول فيه
( طيب نتقابل فين في المستشفي )
شريف ضحك علي سذاجتها وكمل : لا طبعا برضوا مكان عام ....... بصي انا عندي شقة جمب المستشفي لما بكون معايا شيفتات بليل بروح فيها وارجع اكمل ايه رايك نتقابل هناك
جاله الرد منها بتقول
( لا طبعا ما ينفع ياشريف )
شريف : انتي فهمتي ايه ياسيليا لا طبعا انا حكون هناك وانا مجموعة من الدكاترة من هنا انا وحضرتك ودكتورة مها ودكتور ماجد ودكتورة ملك كمان
جاله الرد بتقول
( خلاص تمام مادام كلنا موجودين )
بعتلها وقالها تمام
وبعدها قام وخلص شغله وطلع علي الشقة قبل ما تاجي
____
في شقة شريف قاعد مستنيها تاجي وطبعا لوحده في الشقة مش زي ما قالها
شوية وخبط الباب ابتسم بخبث وقام وهو مبسوط والإبتسامة علي وشه بس للاسف الابتسامة دي راحت بسرعة اوي لما فتح الباب ولقي ادهم بدل سيليا
ادهم واقف عند الباب مبتسم ابتسامة ما فهم شريف معناها
شريف بتوتر : استاذ ادهم
ادهم : ازيك يادكتور شريف ..... مش حتدخلني ولا ايه
شريف بتوتر : لا طبعا اتفضل
دخل ادهم وقعد علي الكرسي وحط رجل علي رجل
شريف بابتسامة مهزوزة : ايه سبب الزبارة الجميلة دي ..... وحضرتك عرفت شقتي من فين
ادهم بابتسامة باردة : عرفته من دكتور ماجد الي بياجي هنا هو ودكتورة مها وكمان دكتورة ملك مش كده
شريف اتوتر وزاد توتره لما قام ادهم وراح ناحيته فضل شريف يترعش ووشه بدأ يعرق بغزارة
ادهم ببرود : مالك يادكتور عرقان ليه ده حتي التكيف شغال
لسه شريف حيتكلم بس ما لحق ولقي لكمة قوية خلته ينزل علي الارض من قوتها والإبتسامة الي كانت علي وش ادهم اختفت تماما راح ادهم ناحيته وقومه من لياقة قميصه
شريف بتوتر : حفهمك والله ..... استني هي السبب
ما لحق يكمل كلامه لان في اللحظة دي ادهم كان ضربه برأسه خلي ينزف دم من أنفه وبعدها رماه علي كرسي وقعد ادهم علي كرسي قدامه
ادهم : تعرف الناس كلها بتتجنب مني حاجتين عصبيتي وغيرتي وللاسف انت لعبت في عداد عمرك لما قررت تتكلم مع مراتي
شريف بصوت بيطلع بالعافية : هي مش انا هي الي رامية نفسها عليا من اول يوم وهي الي قالت أنها تاجي هنا
قام ادهم من مكانه ونزل ضربه فيه بكل قوته لغاية ما وش شريف اختفت ملامحه من الدم بعدها قومه من مكانه ودخل بيه المستشفي والكل مصدوم من المنظر الي عليه شريف ووقتها ماجد كان عند الاستقبال اول ما شاف المنظر اتصدم من الي شافه راح بسرعة ناحية ادهم الي كان وشه كله عرق من كتر غضبه وصدره الي طالع نازل بسرعة من كتر ما كان بينهج
ماجد : انت عملت ايه انت اتجننت
ادهم بصله بضيق وبصيغة أمر : يعيش ....... وتشوفله علاج وبعدها تسلمهولي ..... سامع
ماجد لأول مرة يخاف من ادهم ومن نبرته الي حس فيها برعشة .... سابه بسرعة وراح ناحية شريف حط أيدها علي رقبته لقي لسه فيه نبض
ماجد : عايش بسرعة انقلوه علي الطوارئ
وفعلا راح الكل بسرعة مع دكتور ماجد وادهم فضل مستني بره الأوضة لغاية ما طلع ماجد الي كان باين عليه الغضب من الي عمله صحبه راح ناحية ادهم ومسكه من دراعه
ماجد بحدة : انت اتجننت ايه الي خلاك تعمل فيه كده ده كان حيموت لولا لحقناه بسرعة
بصله ادهم وهو بيحاول يهدي عشان غضبه ما يطلع علي ماجد لانه من اعز اصدقائه
ادهم : ماجد الي عملته يستاهله ولسه لما يطلع من المستشفي الواد ده بتاعي ووحياة أمه ما حخليه يشوف الشمس تاني
ماجد بعصبية : عمل ايه لكل ده
في اللحظة دي المستشفي كلها اتلمت علي صوت زعيق ماجد وادهم لاحظ نظرات الكل وقتها مسك ماجد من دراعه واخده في المكتب وبدأ يحكيله الي حصل بالكامل من اول ما سمعه في المكتب لغاية الرسائل الي بعتها بعد ما اخد الرقم من ماجد وما حب أن حد من المستشفي يعرف الي حصل عشان سيليا
اول ما ماجد سمع كلام ادهم سكت وحس بالغضب من شريف
ادهم : لو مكاني ياصاحبي حتعمل ايه
بصله ماجد وكمل : علاجه الي يخليه يعدي مرحلة الخطر حيخلص بعد يومين وتقدر تستلمه زي ما تحب بعدها
بصله ادهم وابتسم ابتسامة خفيفة : تمام ياصاحبي ...... استأذن انا
في اللحظة دي مش ادهم وراح علي شقته لقي سيليا نايمة علي الكنبة وفي أيدها فريدة والمربية معاها خديجة
بص ادهم ناحية المربية وبعدها رجع نظره علي سيليا تاني راح ناحيتها وشال البنت منها واداها للمربية وبعدها راح ناحية سيليا تاني وشالها ودخلها اوضتها عشان تكمل نوم ونزل باس راسها وكان لسه حيطلع من الأوضة بس سيليا مسكت أيده
سيليا : كنت فين ياادهم
ادهم حاول يكدب عليها وما يعرفها حاجة : ابدا ياحبيبتي بس كنت عند يوسف
سيليا : ادهم انا عارفة انك سمعتني وانا بتكلم مع شريف في المكتب عندي
بصلها ادهم باستغراب : وانتي عرفتي ازاي
سيليا : وانا بتكلم مع شريف خدت بالي أن في حد واقف ورا الباب ولما دخلت بعد ما شريف طلع علي طول فهمت أن الي كان واقف هو انت وفضلت طول الطريق واحنا مروحين خايف تعمل حاجة تاذيك انت
يصلها ادهم بابتسامة هادئة علي وشه وقال : حبيبتي انا مستحيل اخلي حاجة تضايقك مهما حصل انا كنت متاكد من الاول أنه بيحاول يتكلم معاكي وكنت ناوي اربيه بس لعب في عداد عمره بدري اوي وده خلاه يقع في أيدي
سيليا : هو انت عملتله ايه
ادهم بصلها وبعدها بص للأرض وقال بهزار : قولي ما عملتش ايه
في اللحظة دي بص ادهم علي سيليا بعد ما لقاها بتضحك ....شوية وكمل كلامه
ادهم : ما تقلقيش ما حصلهوش حاجة هو بس في المستشفي بيحاولوا يلموا الباقي منه وكمان مفيش حد من المستشفي عرف حاجة من الي حصل
سيليا : اهم حاجة انك بخير
شوية ونامت سيليا والبنات طلع ادهم من الأوضة واتصل بطارق
ادهم : ازيك ياطارق
طارق بنعاس : تمام يا ادهم
ادهم : معلش لو صحيتك من النوم
طارق وهو بيفرك في عينه : لا ياحبيبي ولا يهمك
ادهم : كنت عايز منك خدمة
طارق : أمرني
ادهم : الأمر لله وحده .....كنت عايزك تجبلي حد يحرس سيليا ويفضل وراها طول الوقت بس من غير ما تحس ولا حتي حد يلاحظ
طارق : من عنيا حاضر بس ليه مش عايزها تعرف
ادهم : لأن سيليا حتسالني السبب ...
طارق : لحظة واحدة انت عايز تعمل كده ليه
ادهم : انا شاكك في حاجة كده ولغاية ما اتاكد عايز سيليا تبقي في امان مش اكتر ..... واه كمان عايز حرس تحت البيت وبرضوا محدش يلاحظهم
طارق : من عنيا بكرا الصبح الي انت عايزه حيكون حصل
ادهم : تمام ياحبيبي تسلملي
قفل ادهم مع طارق الخط ودخل عشان ينام
في مكان تاني عند بكر
بكر ضرب بدر بالقلم
بكر بعصبية : انت غبي انا قولتلك تخلصوا عليه الاقيه في المستشفي لسه عايش
بدر وهو باصص للأرض : يابكر بيه انا بعت واحد عشان يقتله وضربه ضربة شديدة في دماغه سببتله شلل نصفي علي الرغم الضربة الي أخدها كانت حتموته بس شكله ماسك في الحياة ومش عايز يفارق الدنيا
بكر بصله بضيق فكمل بدر بسرعة
بدر : خلاص يابكر بيه انا حروح بنفسي المستشفي بكرا واديله حقنة هوا تخلص عليه
بكر بحدة : ما انا مشغل معايا اغبياء وانت فاكر أنه في المستشفي حيكون سهل تعمل حاجة زي دي زمان البوليس في كل حتة حواليه
بدر : سيبلي بس الموضوع ده وانا حخلصك منه
رجع بكر بضهره لورا وقال : اما نشوف حتعمل ايه
بدر : ما تقلقش المرة دي اطمن وانا حجبلك خبره من غير اي مشاكل
بكر : ماشي يابدر بس ورحمة ولدي لو غلطت المرة دي لادفنك ...... سامع
بدر بتوتر : حاضر ياباشا ....عن اذنك
***
تاني يوم في الشركة
ادهم قاعد سرحان فمين ممكن يكون عمل في حمزة كده والي حصل ده يخلي في خطر علي مراته وبناته قطع تفكيره صوت الباب بيخبط
ادهم : ادخل
دخلت ندي وقالت : استاذ طارق برا وعايز يقابل حضرتك
ادهم : دخليه بسرعة
دخل طارق وقعد علي الكرسي الي قدام ادهم وبعدها مد أيده بملف
ادهم اخد منه الملف وفتحه لقي فيه معلومات عن مجموعة من الشباب طوال القامة قوي البنية
طارق : شوف بقي انا جبتلك اتنين ورا سيليا واحد جوا المستشفي يفضل متابعتها من غير ما تحس وكأنه مريض أو حد بيشتغل هناك واتفقت مع ماجد أنه يسمحله بكده وواحد برا بعربيته يتابع دخولها وخروجها ولو شك في حد داخل يتصرف
ادهم : تمام .... طيب والبيت
طارق : البيت بقي مخلي في اربع شباب اتنين تحت البيت واتنين فوق مختفين بطريقتهم ويقدروا يراقبوا البيت بسهولة خالص
ادهم : تمام اوي .... شكرا ياطارق بجد
طارق : بتشكرني علي ايه بس .....استأذن انا بقي عايز اي حاجة تاني مني
ادهم بابتسامة : لا ياحبيبي تسلم
قام طارق عشان يمشي بس وقفه صوت تليفونه بيرن فتح الموبايل لقاه الدكتور الي متابع حالة حمزة فتح طارق الموبايل
طارق : صباح الخير يادكتور .....بجد ..... طب تمام انا جاي حالا
قفل الخط وبعدها لف لادهم
طارق : حمزة فاق والدكتور كلمني دلوقتي
قام ادهم بسرعة من مكانه واخد مفاتيح عربيته
ادهم : طب يلا بسرعة
وفعلا طلعوا الاتنين وفي طريقهم للمستشفي
*****
في المستشفي
دخل بدر في زي ممرض وطلع علي اوضة حمزة الي كان واقف عندها اتنين عساكر فضل مستني لغاية ما واحد منهم اتحرك من قدام الأوضة وراح للتاني وكأنه ممرض عايز يتابع حالة حمزة وطبعا العسكري سمحله ودخل
دخل الأوضة لقي حمزة نايم طلع حقنة من جيبه ولسه حيحطها في رقبته بس الباب اتفتح فرمي الحقنة بسرعة ورفع الماسك علي وشه
دخل ادهم والدكتور وطارق وطبعا بدر حاول يكون هادي ويكمل علي أنه ممرض
الدكتور : هو كان فايق من شوية بس اثر الأدوية مخليه بيلجا للنوم
طارق كمل كلامه مع الدكتور وادهم تركيزه علي الممرض الي اول ما دخل حس أن نظراته متوترة ادهم حاول أنه ما يركزش معاه بس التوتر كان بيزيد وكان باين
بدر لاحظ نظرات ادهم ليه بس ما بصش ناحيته وراح ناحية الباب عشان يطلع بس ادهم نادي عليه في اللحظة دي بدر جري بكل سرعته وادهم طلع وراه بسرعه هو وطارق وفضل يجري وراه لغاية ما طلع قدام باب المستشفي في اللحظة دي ادهم مسكه بسرعة
ادهم بحدة : انت مين وبتجري ليه
بدر ما لحق يتكلم
عربية سودا كان فيه اتنين ملثمين ضربوا نار ناحية ادهم وبدر بس الرصاص جه في بدر وانهي حياته
يتبع ...........
تكملة الروايه اضغط هناااااااا
تعليقات
إرسال تعليق