رواية انا الشريره الفصل الثالث عشر 13بقلم نوران احمد جديده وحصريه (جميع الفصول كامله)
رواية انا الشريره الفصل الثالث عشر 13بقلم نوران احمد جديده وحصريه (جميع الفصول كامله)
انا الشريره 13
بقلمي نوران احمد
جميله بضيق : ابعد ايدك عني واقف هنا هو في اي انا مش قادره افهم دخولك في حياتك بالشكل ده واي الطريقه اللي سحبتني بيها دي واي سبب عصبيتك دي انا عايزه افهم في اي بالضبط
سيف بغضب : من وقت ما وقعت عيوني عليكي وانا معجب بيكي ومستحيل اسمح لحد يقرب او يبص للي ملكي
حسيت بصدمه وقلبي دق بشكل غريب في حاجه جوايا اتحركت مش عارفه اي الشعور ده مكنتش قادره اتكلم بس الغريب اني مبسوطه بكلامه حاولت أمثل البرود وقولت
جميله : راجع نفسك وفكر مره تانيه انا بقيت مشوهه من جوه وأدام بدأت في حاجه مش هرتاح الا لما اخلصها هتتعب معايا شوف حد غيري احسن
سيف : انتي عبيطه انا معاكي في كل حاجه وعارف اي اللي جواكي ولو عايز اي حد تاني كنت شوفت بس بحبك انتي ومش هسيبك يا جميله
رن فون سيف رد
سيف : اول مره تفكر تعبرني وتكلمني يا نعم عايز اي جاي في وقت زي الزفت
فارس بحزن : اخرس شويه خليني اتكلم ايهاب بيه جه وسحب رهف معاه وانا خايف جدا عليها ومش عارف اتصرف هستناكم في الكوخ اللي بتقعدو فيه ده عشان نتفق هنعمل اي سلام
ابتسمت جميله بانتصار
سيف : اوعي تقولي انك السبب في الحوار ده اكيد مش حقيقي صح ضحكتك مش مريحه انتي عملتي حاجه يا جميله
جميله : الصبر حلو اصبر وهتشوف يلا خلينا نرجع نجهز حاجتنا بكرا رايحين القاهره
سيف : انا بردو قولت هدوءك وتصرفاتك العقلانيه دي اكيد وراها حاجه مش هسالك علي حاجه يا جميله هستناكي تيجي تحكيلي بنفسك خليكي هنا هجيب العربيه واجي في عقله ( فضولي هيقتلني اتجاه البت ده عملت اي تاني بس شكلها هتغير مجري القصه كلها ربنا يستر منها )
ابتسمت جميله ورنت علي حد : زين مازن جاهزين للخطه التانيه البيانات والمعلومات تكون عندي النهار ده بكرا التنفيذ سلام
في المطعم
مازن : خلاص نتكلم جد شويه انا مش عاجبني حوار انك بعيد عن اهلك ده حتي لو فيهم اي الاهل سند وانتي نفسك بتقولي مش عارفه تعيشي وحاسه بالذنب اتجاه اختك التؤام يبقا ليه اصلا من الاول بقا
رانيا : اللي اتكسر مبيتصلحش انا مش فاهمه انت اي اللي مخليك تقولي الكلام ده دلوقتي..... اااه كدا انا فهمت انت مستعر مني عشان هربانه وخايف اهلك يقولولك اختيارك غلط عشان واحده من الشارع
مازن : اي ده اي ده في اي وصلتي بالكلام ازاي الحته دي اكيد لا طبعا انا بحبك ومتاكد من أخلاقك واهلي ملهوش انهم يحكمو عليكي ومش هسمح لحد يتكلم عنك اصلا اخر همي اهلي بس انتي هتكوني سعيده وانتي بعيد عن اهلك او بعيد عن أختك ومش عارفه تكوني معاها لا في فرح ولا في حزن هتكوني راضيه عن نفسك كدا
رانيا بدموع : انا كل يوم بكره نفسي اكتر ومش عارفه اتخطي او اعيش من غيرها بحاول مكلمهاش لان اخر مكالمه عملت ليها مشكله كبيره وعرفت انها في المستشفى وانا مفيش بأيدي حاجه اعملها غير اني اطمن عليها من بعيد هي كل عيلتي ندمانه اني هربت وسبتها بس كنت خايفه عليها معنديش مشكله لو حصلي اي حاجه في المغامره بتاعتي دي لكن هي اي ذنبها تتعب معايا
مازن : عشان كدا يا حبيبتي لازم نروح البعد مش حل ان شاء الله من بكرا نطلع علي الصعيد علي بيت اهلك نقعد فتره ودنيا تتصلح واطلب ايدك منهم مش هقبل اخدك من غير موافقتهم ها قولتي اي
رانيا : انا انا مبسوطه من كلامك بس انا خايفه خايفه ممكن يضربوني
مسك مازن ايدها وقال : مش هسيبك ومش هسمح لحد يمسك وانا موجود سيبيها عليا ومتشيليش هم اي حاجه ...... سيف بعتلي انهم روحو يلا اروحك ومتفكريش في اي حاجه توكلي علي الله وخير
في البيت
جميله : عرفت اللي حصل من سيف بكرا هنتحرك علي القاهره وهنشوف الموضوع ده وهتتحل
فارس : علي فكره انا شبه اتقدمت ليها بس هو رفضني وبشده ومبقتش عارف اعمل اي
جميله بابتسامه : متقلقش هتتجوزها وهو بايده اللي هيديهالك مبسوط وراضي
فارس : يا بنتي ده مش طايق يبص في وشي هنعمله سحر يعني ولا اي مش مرتاح للحوار
جميله : سيب الامور عليا ومش هتندم ابدا هما بس يومين تلاته بالكتير بس جهز اهلك عشان يروحو يتقدمو قبل ما تقول اي كلمه مش هيبقا في مجال اصلا للرفض وهفهمك ده بعدين
سيف : انتي بتفكري في اي اي خططك الجايه وليه مش بتشاركينا احنا معاكي علي فكره
جميله : اكيد أما مقدره ده بس كل شي في وقته حلو
مازن : معلش يا شباب رحلتنا معاكم خلصت هنا للأسف احنا مسافرين علي الصعيد بكرا ان شاء الله انا ورانيا يعني ممكن قريب جدا تسمعو اخبار كويسه
رانيا بكسوف بتحاول تغير الموضوع : بس هكون معاكم خطوه بخطوه ولازم اعرف وصلتي لايه كل خطواتك اعرفها اول باول والا هفضحك انتي حره هسيب مفتاح البيتي معاكي عشان لو احتاجتيه
سيف : بالتوفيق يا صاحبي ربنا يكمل ليكم علي خير ويسعدكم وبص لجميله وقال عقبالي يارب عقبالي بقا
فارس : وأنا معاه يا رب ده انا غلبان
جميله بقرف : هو ده موسم التزاوج ولا اي ما تمسك نفسك ياض انت وهو اي الهم ده بس ياربي
في قصر كبير
رهف وهي بتترعش : و و والله ي يا بابا مش مش هعمل كدا تاني انا انا اسفه والله
كان بيسحبها بوجه غاضب وعلامات البرود علي وشه لحد ما وصل بيها لاوضه تحت الارض
اتصدمت رهف اول مره تشوف المكان ده ازاي كان موجود كل ده في القصر وعمرها ما شافته مكان ضلمه لدرجه ان صعب جدا تقدر تشوف ايدك وريحه المكان كانت صعبه جدا خوفي كان بيزيد كل خطوه وايدي بتوجعني من قبضه ايده عليا اول مره احس ان ده شخص غريب مستحيل يكون ده بابا معقول طول حياتي كنت عايشه في كدبه هي صح كانت صح وانا اللي كنت عميه عن الحقيقه برغم كل للضرب اللي اتضربته بس قلبي وجعني دلوقتي اكتر من اي حاجه تانيه كنت تايهه في افكاري ومحستش غير بنفسي بترمي علي الارض في مكان مقرف جدا وباب بيتقفل عليا وسمعت صوته بيقول
ايهاب : لو هتكوني نقطه ضعفي وفاكره انك ممكن تكسريني تبقي غلطانه هكسرك قبل حتي ما تفكري
رهف بدموع : طبعا زي ما عملت مع اختك مش كدا اتوقع اي من واحد عمل كدة في اخته أنا عارفه اني غلطانه ومبنكرش بس مستاهلش كل ده منك انت اللي مكنتش بحس ابدا بالأمان الا معاك مش مصدقه اني خايفه منك اوي دلوقتي احبسني في اوضتي موافقه ومش هخرج خالص بس بلاش في المكان ده عشان خاطري انا خايفه اوي يا بابا
قفل ايهاب الباب وسبها ضامه نفسها وبتترعش من الخوف حست ان في حاجه بتتحرك خوفها زاد وفضلت تطمن نفسها اكيد مش ههون عليه شويه وهييجي يطلعني سمعت صوت فحيح وحركه وفجاه حست بلدغه قويه في رجليها اتوجعت وثواني وبدأت تحس بالحراره والدوخه واغمي عليها ووو
 رواية انا الشريره الفصل الثالث عشر 13بقلم نوران احمد…){kind=link}
تعليقات
إرسال تعليق