رواية أحببت مجنونه احببت اخى الجزء الرابع البارت السابع وعشرون 27بقلم نجمه براقه في موسوعة القصص والروايات جميع الفصول كامله وحصريه

#أحببت_أخي_البارت_27♥

#سيف

كنا قربنا نوصل لفيلا عاصم ف وصلني تليفون من زين

سيف بقلق _ ايه يا زين مسك. كويسه حد اذاكم

زين بوشوشه _ طلعونا من الفيلا لمكان تاني

سيف_ فين

زين _ معرفش هما غمو عنينا لغيت ما وصلنا والراجل ده واقف بره

سيف _ مسك كويسه طيب؟

زين _ مش كويسه لسه في دنيا تانيه،،

سيف _ طيب متقلقش انا هعرف اوصلكم خلي التليفون معاك وانا هخلي عبقرينو يعرف موقعه

خالد_ هو مين اللي بكلمك

سيف بقرف_ ملكش دعوه انت روح معاهم وشوفها اما نشوف يا روبن هود هتجيبها ازاي وقف هنا انا هنزل

خالد بغيظ _ هجيبها وابقا اتريق بعد كده

سيف _ اما نشوف

نزلت من العربيه وسبته يروح مع البوليس واتصلت ب كردي

كردي _ امرك اباشا

سيف بغضب _ انت غبي.. ازاي يخرجو قدامك ومتبلغنيش

كردي _ هما خرجو بجد

سيف _ لا بهزر معاك .. طبعا خرجو انت فين

كردي _ قدام الفيلا مستخبي ورا الشجرة اهو

سيف بغضب _ انت لو قدامي. كنت صفيتك تجيلي فورا على *******

كردي _ امرك اباشا

اكيد. عرف ان البوليس رايح عشان كده نقلهم،، بس عرف ازاي مش عارف...

#عاصم

عرفت ان البوليس جاي في الطريق، وبسرعة بعتهم مع سلفستر لمكان تاني وبعد شويه جه

البوليس ومعاهم خالد

الظابط_ البنت فين

عاصم_ بنت مين

الظابط_ مسك مراد اللي انت خاطفها

عاصم_ الحقيقه انا.مشوفتهاش مين اللي مقدم البلاغ ده

الظابط_ الاخ ده

عاصم_ ويكون مين الاخ وبيتهمني علي اي اساس

خالد_ انت اللي خاطفها. مسك فين

عاصم_ الفيلا قدامكم دورو عليها

الظابط يدي إشارة للعساكر يدورو وبعد شويه بيرجعو ويقولو انها مش موجوده

عاصم_ زي ما سمعت حضرتك مفيش حد هنا ومفيش دليل علي كلامه

خالد بغضب_ وديتها فين اعترف احسنلك

عاصم ببرود_ انا بعمل محضر للاستاذ بمحاولة تشويه سمعتي

الظابط_ قدامي من فضلك

خالد بانفعال_ بقولك هو اللي خاطفها

الظابط_ مفيش دليل. اتفضل قدامي

عاصم ببرود_ خلاص حضرة الظابط سيبو انا متنازل عن حقي وهو معذور بردو

الظابط_ طيب احنا اسفين علي الازعاج. اتفضل معانا انت

عاصم_ خليه اتفضلو انتو

بيمشو الظباط و عاصم بيوقف قدامه ويبصله بإبتسامة

عاصم _ هه برافو

خالد بإبتسامة_ تعبت وانا بمثل

عاصم_ لجل الورد يا خلود

خالد_ انا ساعدتك تخطفها وجبت البوليس زي ما قولت هي فين بقا

عاصم_ في امان متخفش

خالد_ هو الواد اللي اسمه زين.. ابنك يعرف طريقها منين

عاصم_ هو معاها اصلا

خالد _ وانت ازاي تقوله دا لسه مكلم سيف يعني اكيد قالو

عاصم _ يكلم سيف منين هو.مش معاه تليفون اصلا

خالد بغيظ_ لسه مكلمه قداامي ازاي مش.معاه

عاصم بغيظ_ يعني بيخدعني.. دقيقه هتصل بسلفستر

#خالد

من كام يوم بعد خناقتي في المطعم مع سيف لقيت عاصم داخل عليه وبيعرفني بنفسه

عاصم _ انا عاصم قابيل.. ابو سيف اخو خطيبتك

خالد باستغراب_ نعم

عاصم_ انا اللي كنت مربيه في امريكا

خالد _ اه هو فعلاً كان عايش هناك، وبعدين انا اقدر اساعدك ازاي

عاصم_ انا اللي عاوز اساعدك

خالد_ ازاي

عاصم _ عرفت ان امبارح كان هنا وعملك فضيحه في المطعم وانه مضايقك انت وخطيبتك وكمان حلف ما يخليك تجوزها

خالد _ ايوه وبعدين هتساعدني ازاي بردو

عاصم_ توصلني ليها يعني تخليها تطلع لاي سبب وانا هاخدها وانت تعمل البطل اللي بينقذها من الاشرار وبكده هي اللي هتتمسك بيك

خالد بزهق_ وانت هتستفاد ايه من ده كلو

عاصم_ ابني زين يرجعلي واقرص ودن سيف عشان عصاني

خالد بحده_ ياريت تقتله لو تقدر

عاصم_ نفكر في الموضوع ده بعدين

خالد_ واضمن منين طيب انك مش هتأذيها وهترجعهالي لما اجي اخدها

عاصم_ مفيش ضمان بس انت لو مسعدتنيش مش هتجوزها اصلا. سيف مش هيوافق

عشان بيحبها

خالد باستغراب_ مش فاهم

عاصم_ قبل ما يعرفو انهم اخوات حبو بعض

خالد بذهول_ حب حب من اللي هو عشق ولا

عاصم_ حب حب.. وكان عاوز يتجوزها

خالد _ علشااان كده.. اعوذ بالله هو في كده

عاصم_ بقولك كانو بس البنت وافقت عليك ونسيته هو بقا متربي في امريكا ولاس فيجاس تحديدآ معروف عنها ان كله مسموح هناك.. المهم دلوقتي موافق ولا لأ

خالد بتنهيده_ موافق طبعا لازم انقذها منه ومن نيته الوسخه، بس انا مش هقدر اخليها تخرج ده مش بيسيبها دقيقة واحدة

عاصم _ اتصرف ياحبيبي

وافقت وانا كلي قناعه اني لازم اربيه بعد ما عرفت نيته النجسه تجاه اخته. انا كنت دايما شايف ان دي مش غيرة اخوات ودلوقتي عرفت سبب تصرفاته دي.. قررت اني هسلمهالو بس مكنتش عارف هخليها تخرج ازاي من غيره.

وفي نفس اليوم روحت هناك وانا متوقع اني اقابله بس عرفت انه مش في البيت وقبل ما افتح موضوع الخروج معاها هي دخلت ومخرجتش تانى. وبعدين مشيت وكلمت عاصم وقولتله اني مقدرتش اخرجها، ف طلب مني العنوان وادتهولو وبعد شويه بعتلي واحد طويل جداً وضخم. وقفت معاه بعيد وحاولت اتصل بيها عشان تخرج وتقابلني، بس مردتش وبعد شويه شوفتها طالعه تجري. سبت الراجل يروح يجيبها وانا مشيت بسرعه قبل ما تشوفني

وبعد ما خطفها كان لازم ابين اني قلقان واثبتلهم اني اقوا منه وهقدر اجيبها. كلمت عاصم واتفقنا اني اجيب البوليس ك محاولة مني لانقذها، علشان مبانش اني مستحقهاش، وبالفعل خدت البوليس وروحنا بس كان خلاص وداها مكان تانى

#سيف

روحت عند عبقرينو وطلبت منه يعرف مكان رقم زين. وحددلي مكانه فين بظبط

خدت كردي و روحنا المكان المحدد لقيناه صحره بقيت الف حولية اني الاقي حيطه حته ملقتش. طلعت تليفوني واتصلت برقم زين ، ف لقيت الصوت قريب منى جداً بصيت حوليه لقيت تليفون زين واقع قريب منى

كردي _ الحق ياباشا

سيف بغيظ _ اه يا ولاد ال**** يعني عرفو انه بيكلمني.. ماشي ياعاصم الكلب ..

كردي _ وبعدين ياباشا

سيف _معرفش خلينا نرجع ونشوف هنعمل ايه

رجعت البيت وانا مش عارف اقول لبابا ايه

مراد _ مجتش معاك ليه وفين خالد

سيف بخيبه _ ملقتهاش

مراد بدموع _ يعني ايه ملقتهاش طيب والبوليس اللي راح. معاكم

سيف _ معرفش انا مدخلتش ومعرفش عملو ايه بس الاكيد انهم ملقوهاش

مراد بغيظ _ امال روحت فين لما مروحتش معاهم

سيف _ كنت بدور عليها هي خرجت من هناك

مراد _ خرجت راحت فين

سيف _ معرفش معرفش..

مراد بقهر _ تبقا عمرها ما هترجع فين زين لازم عاصم يرجعلي بنتي علشان يقدر ياخده

سيف بخيبه _ ماهو رجع ليه خلاص

مراد _ رجع ازاي

سيف _ انا قولتله يرجع عشان نوصل لمسك عن طريقة

مراد بغضب _ علشان كده ملقتهاش، ماهو ابنه يا خايب واكيد قاله. انت تسكت وتسيب خالد يجيبها

سيف بحده _ زين مخطوف معاها. ومتقوليش خالد هيرجعها تاني .. مسك تخصني انا وبس

مراد بغيظ _ انت السبب في خطفها والسبب في اننا مش هنعرف نوصلها. تعرف تبعد عن الموضوع ده خالص. كفايانا اللي حصل لحد دلوقتي بسببك

خالد بيخبط و رودينا بتفتحلو

خالد _ للأسف، قدر يعرف اننا رايحين وخرجها من هناك

مراد يبص لسيف بغيظ_ قولتلي زين مخطوف يعني مش هو اللي قالوه انك بتحاول توصلها

سيف يبص ل خالد _ ومين اللي قاله وخلاه يعمل حسابه

خالد _ معرفش بقا مين اللي فضل يفرك لغيت ما لفت انتباهو

سيف يضم قبضته ويضربه لكمه في وشه وبغضب_ اطلع بره اديك عملت فيها رئيس جمهورية ومقدرتش ترجعها اطلع بره متجيش هنا تاني

خالد يمسك فكه بألم ويبصله بتحدي _ مسك خطيبتي وبنحب بعض وطلبت مني مبعدش عنها أبداً ولغيت ما الاقيها انت اللي متدخلش. وبيجي يرد ليه الكمه ف يمسكه من ايده ويضربه براسه في دماغه وبغضب _ مسك مش ليك... مسك ليه انا وبس انسا اي كلام اتقالك

مراد بغضب_ سيف انت اتجننت

سيف _ اه اتجننت ولو الشئ ده جه هنا تاني هقتله

خالد يحط ايده علي راسه بألم _ ليك انت.. لا انت مريض وعاوز تتعالج

سيف بحده _ ولا علي المريض حرج يعني لو رجعت هنا تاني هدبحك

مراد بحده _ انت زودتها اوي ارجع مطرح ما جيت يكون مسك رجعت مش عاوز اشوف وشك

سيف _ بتطردني تانى وعشان دا.طيب... رودينا هاتي مفتاح بيت جدو هشام هقعد هناك اظن دا ورثي من ماما

مراد _ ادهولو خليه يمشي سيف يرفع صوباعه في وش خالد _ مش هتجوزها متحلمش.. وبيمشي ويسيبه

#جميله

كنت بحاول اتكلم مع بابا واقوله اللي حصل، بس كان خارج هو وماما وقالي خليها لما ارجع وفي الوقت ده رحيم مكنش في البيت وكنت وانا ومريم بس. وبعد ما مشيو.. لقيت مريم جيالي

مريم _ كنتي عايزة تقولي ايه لبابا وبتلفي وراه من الصبح

سكت ومردتش عليها

مريم بحده _ بقولك عاوزة تقولي ايه لبابا يا جميله

جميله بالكتابة _ هقوله اللي حصل

مريم _ ببساطة كده مش تسألي حبيب القلب الأول

جميله _ انا معنديش حبايب عشان اسألهم

مريم _ مش هتقولي يا جميله دا لمصلحتك احسن والله اعملك فضيحه وسط الناس كلها واخليهم يعرفوكي علي حقيقتك

جميله _ اعملي اللي عاوزاه، انتي مش هتجوزي على

مريم بغيظ _ هتجوزه غصب عنك ولو قولتي حآجه لبابا هقتلك

جميله _ مش شايفه انك قولتي هقتلك لتاني مره

مريم _ والله ما بهدد انتي عرفاني مش مريم اللي واحده خرسه زيك تاخد منها حآجه

سبت الوحه ومسكت التليفون وبدات اكتب لبابا رساله بالي حصل بعد ما استفزني كلامها وبعد ما خلصت كتابه وقبل ما اضغط ارسال وريتهالها، وفجاه خطفت التليفون مني ورمته على الأرض.

جميله بالكتابة _ كسري التليفون هو مش هيجي يعني .. هيجي وهقوله بنفسي

مريم تذقها بقوه على الأرض وبعدين تروح تسحب حطبه مشتعله من الدفايه وتقربها منها وبتهديد_ شايفه النار دي اللي انتي بتخافي تقربي من الدفايه بسببها. هحطك جواها

بقيت بصالها برعب وانا اسحف على الأرض من الخوف ومش عارف اتكلم ولا صوتي طالع وهي تتقدم نحيتي وتكمل تهديد

مريم بغيظ _ جربي بس تكتبي بأيدك كلمه وانا هحرقك وهحرق ايدك ولسانك المشلول دا

وصلت للحيطه سحف وقعدت جمبها وانا بهز راسي بخوف لتفهم اني مش هقوله

مريم تقرب منها وفي ايدها الشعله وبتحذير وعيون بيطلع منها الشر _ .. ومش بس كده انتي تبعدي عن علي وعن ايمي وتبطلي سهتنه مع رحيم . فاهمه

بقيت اهز في راسي بخوف وهي سابتني بعد ما اتاكدت اني مستحيل اتكلم بسبب خوفي منها.. وهي ماشيه تعرقلت بسجاده و وقعت على طرف التربيزه ومنها على الأرض و الحطبه وقعت على السجاده والنار التحمت في الانتريه . ومريم داخت من الوقعه ومبقتش قادره تقوم... قومت بسرعه وانا مرعوبه من النار و وقفت في زاويه وجسمي بيرتجف وانا عاجزه عن الهرب حتى .. ومريم علي الارض بتمدلي ايدها عشان اساعدها.. من كتر الخوف مكنش عندي الجراءه اقربلها لكن حسيت النار هتوصلها. وبقيت احاول اصوت وصوتي مش طالع واحاول تاني وتالت وفجاه احس انى صوتي طلع بس مش باين كويس ومع محاولات مريم انها تقوم ومش قادره . نسيت خوفي وجريت عليها سندتها علي كتفي لغيت ما طلعنا بره الشقة ريحتها بعيد ورجعت تانى علشان الحق اجيب التليفون واكلم بابا يلحقنا

#مريم

انقلب السحر على الساحر وانا اللي كنت هموت مش هي وبعد ما طلعتني شوفتها راجعه تاني وبعدها محستش بنفسي.. وبعد وقت فتحت عيني لقيت ناس كتير حوليه والمطافي بتطفي وماما قاعده جمبي بتصرخ وتقولي فين اختك

مقدرش ارد عليها من الصدمه والخوف

رحيم _ ردي علينا فين اختك

صبا بصدمه _ انتي جميله ولا مريم .

رحيم _ دي مريم يا ماما

صبا بصدمه _ امال مبترديش ليه انطقي

ماما معرفتنيش عشان مبردش اتلخبطت بينا انا وجميله. ومع خوفهم وعدم معرفتهم عرفت ان جميله جوه لسه مطلعتش، اكيد ماتت.. يلا في داهيه قررت اني اقول اني جميله مش مريم، عشان اتجوز على واجرب حبهم شويه بدال ما انا الفرع الميت اللي في العيلة .

صبا ببكاء_ دي جميله مش شايفها مبتردش

رحيم_ دا لبس مريم يا ماما. استني بس هي مصدومه ودلوقتي تتكلم

بقيت ارتجف بخوف واعملها اشارات زي ما جميله كانت بتعمل

رحيم يطلع تليفونه بقلق_ اكتبي هنا

مريم بالكتابة وهي تبكي _ انا جميله. مريم لسه في النار. الحقوها

صبا تصرخ وتجري على البيت

ورحيم يجري وراها ويلحقها

صبا بصراخ_ مريم بنتتي. حد يلحقهاااا

رحيم ببكاء _ خلاص يا ماما اهدي علشان خاطري النار كلت البيت كله

صبا بصراخ_ سيبني

رحيم يمسك فيها ويبكي _ عشان خاطري اهدي

انور بيجي من وسط الزحمة _ البنت فين . فين جميله

رحيم ببكاء _ دي جميله مريم هي اللي مختفيه

انور بصدمه_ اكيد مش موجوده في البيت صح

صبا بصراخ_ في البيت خلوني الحقها

انور بصدمه_ لا لا اكيد خرجت

رحيم ببكاء_ جميله فاقت وقالت ان مريم دخلت تاني جوه

جميله من الخلف وهي بترتعش وبتتلعثم في الكلام_ ماما

صبا بذهول _ مريم بنتي وتخدها في حضنها

جميله محدثه نفسها بدموع_ قالتلهم انها انا ليه

رحيم بفرحه_ خرجتي امتى وازاي جميله قالت انك دخلتي جوه

جميله بدموع وتلعثم _ ان انا ط طلعت وو جريت بعيد. ان انده لحد يلحقنا

صبا_ بتتكلمي كده ليه

انور بفرحه_ وقعتي قلبنا عليكي ياحبيبتي

اااه حسيت بالقهر وانا شيفاها عايشه، طلعت ازاي من النار، يعني بعد ما قولتلهم اني انا جميله رايحه ترجع وكمان بتتكلم.. بكرهك ومستعده اقتلك مليون مره

بعد احضان وفرحه بانها عايشه جت عندي وهما بقو يحاول يلحقو اي حآجه وماما قاعده علي الأرض بحزن علي بيتها اللي اتحرق

جميله بهمس وتلعثم _ ان انتي اييه حتى في الموت مش راحمه حد

مريم تبصلها بكره وقهر _ انتي مموتيش ليه وكمان راجعتي تتكلمي.. اخلص منك ازاي

جميله بحده وكره_ قلبك الاسود قلب حقدك وكرهك عليكي،، انتى اللي عملتي كل ده واخترتي تعيشي خرسه، اشبعي. وخلينا نبدل الادوار.. اه ومش هطلع سوده زيك وانسا اشكرك انك كنتي السبب في رجوع صوتي

بتقولي كده وتبصلي بكره واستحقار وتروح عند ماما... يتبع

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل

متابعه لصفحتنا على فيس بوك هنااااااااااا

الرواية كامله الجزء الأول من هناااااااااا

الرواية كامله الجزء الثاني من هناااااااااا

الرواية كامله الجزء الثالث من هناااااااااا

الرواية كامله الجزء الرابع من هناااااااااا

مجمع الروايات الكامله اضغط هناااااااا