مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية معتكف ف محراب قلبي الفصل 31-32-33الاخيربقلم مى سيد (جميع الفصول من الفصل الأول إلى الفصل الأخير كامله)

رواية معتكف ف محراب قلبي الفصل 31-32-33الاخيربقلم مى سيد (جميع الفصول من الفصل الأول إلى الفصل الأخير كامله)

مُعتكف ف محراب قلبي 

البارت الواحد والثلاثون 

صلِّ علي رسول الله ♥

رد وهو بيضمني ينزلني من ع الكرسي 

= والله انا بحبك ، والله العظيم بحبك 

اتكلمت وانا مازلت ف حضنه 

_ قولتلي بقا الدكتوره كانت عايزه اي ؟

رد وهو بيبعد عشان امسكه انا تاني 

= كانت..كانت بتقولي ع حاله ماما 

_ اممم ، وماما عامله اي بقا 

رد وهو بياخدني ف حضنه عشان اسمعه بيزفر براحه 

= ماما حلوه 

ده امك نحله عشان خلفتك يجدع ، سوري يجماعه حاولت ازعل منه كتير بس مقدرتش ازعل غير الشويه دول 

والحقيقه اني مبهواش الزعل بدون مبرر ، جديا بعد م قعدت مع نفسي وحطيت نفسي مكانه لقيت اني كنت هختار نفس اختياره 

امي ال بحبها هتروح مني ، واضطريت اعمل سلفه والمكان الوحيد ال هقدر استلف منه شرط عليا شرط 

اي كان الشرط ده فانا هنفذه عشان انقذ والدتي ، والشرط كان اني اتجوز بنت صاحب الشركه 

الموضوع مش مشكلة غير اني كنت بحب واحده تانيه ، ومع ذلك وافقت عشان برضو انقذ والدتي 

وبعد الجواز المفروض اخدت الفلوس ال عايزها ومش عايز حاجه من البنت ال اتجوزتها دي تاني 

اعاملها وحش عادي مش مشكله ، مانا كده كده متجوزها غصب عني وهي ال حرمتني من ال بحبها 

والبنت دي بتحبني ، يعني راميه نفسها عليا ، يعني اتسلي بيها يومين وارميها ومش عايز منها ولا من ابوها حاجه تاني

الحقيقه ده كله كان هيكون تفكير شخص معندوش لا قلب ولا ضمير ، لكن الحقيقه ان نوح معملش كل ده بالعكس 

هو قرب مني ، كان بيعاملني بحنيه ، كان بيهتم بيا ، قربني من ربنا وحببني ف الحجاب والصلاه  ، اهتم بزعلي وفرحني عشان مكونش زعلانه 

مخدش حقوقه مني غصب ، 

بالعكس سالني لو حابه او رافضه ، ف حين انه لو كان قرب انا مكنتش همانع ، بحبه بقا وكده ههه 

الحقيقه انه عمل كل حاجه كانت بتتعمل بين اي اتنين بيحبو بعض ، الا انه حبني 

وبما انه قال انه حبني ف مفيش داعي اني اضيع وقت من عمري وعمره ع الفاضي 

محدش ضامن عمره ، الوقت ال انا جمبه دلوقتي احتمال مبقاش موجوده فيه تاني ، لي ابعد عن شخص بحبه وهو كل دقيقه يثبتلي انه بيحبني 

لو جينا للحق هو مش مجبر يعمل كل ده ، ولو مش بيحبني فعلاً فببساطه ممكن يطلقني ويخلص مني ويتجوز ال بيحبها 

مهو خلاص مامته هتعمل العمليه وانا مش هيكون محتاجني ف حاجه 

لكن الحقيقه اني مصدقاه ، ومصدقه انه بيحبني ، لكن مفيش مانع من بعض الدلع والدلال

كل تفكيري ده كان وانا ف حضنه ، ف مكان محدش موجود فيه غيرنا 

جيت ابعد عشان اشوفه كويس ولا لا 

لكن الحقيقه اني دخت ، فسندني بسرعه وهو بيسال بخضه 

= اي ف اي مالك ؟

اتكلمت بتعب وانا بسند ع صدره 

_ عايزه بس العلاج 

وفجاه ومن حيث لا ادري لقيته مطلعه من جيبه ، لحظه هو بجد شايل علاجي معاه ، ده بجد والله ؟

قبل م يفرغ الحقنه اتكلم وهو بيستوعب 

= استني انتي ماكلتيش حاجه ، هروح اجيب اكل الاول واجيلك 

تعالي ادخلك عندهم عشان ابقي مطمن عليكي 

هو الحقيقه كل ال قاله ده انا مركزتش معاه ، انا كل تركيزي وتفكيري ف انه شايل علاجي ف جيبه ، 

انا حقيقي عايزه احضنه واعيط ، عايزه اقوله اني بحبه ، واني خلاص مش زعلانه منه 

واني زعلانه بس اني عمري ال عدي ده عدي وهو مش موجود فيه ، واقوله اني حابه حنيته 

وحابه غيرته ، وحابه كل انش فيه 

= حوراء انتي كويسه ؟

اتكلمت وانا ببصله بدموع مش قادره احبسها من حبي ليه 

_ هو انت بجد شايل علاجي معاك ؟

رد بابتسامه حنينه وهو بيمد ايده يمسح دموعي 

= وهو ده ال منزل اللؤلؤ ده من عيونك ال بيخطفوني دول  

_ انا..انا بس مش مصدقه 

= اومال لو عرفتي اني شايل علاجك ف جيبي وشايلك انتي كلك ف روحي وقلبي 

بدون م ارد قربت عليه وانا بلف دراعي من تحت الجاكيت عشان استخبي ف حضنه 

ضمني ليه وهو بيتكلم بضحك حسيته ف صوته 

= طب انتي بتعيطي لي دلوقتي

رديت وانا بمسح وشي ف صدره 

_ عشان بحبك 

= طب مانا كمان دايب فيكي  

اتمسكت بيه بدون م اتكلم وانا خايفه اكون بحلم ، خايف يكون ده كله عشان بس انا بتمني ده ال يحصل 

فضل حاضني ، وانا حضناه خايفه اسيبه ، خايفه يبعد عنه

شويه واتكلم بهمس وهو ساند دقنه فوق راسي 

= حبيبي

رديت وانا بمسح وشي ف صدره باستمتاع ، بريحته وقربه 

_ همممم 

 = عايز اجبلك اكل عشان تاخدي العلاج 

رديت باعتراض وانا مش عايزه ابعد عن الدفا ال انا مغموره فيه 

_ لا انا بقيت كويسه 

ضحك بهدوء وهو بيرد عليا وانا مازلت ف حضنه 

= معلش عشان اطمن عليكي

بعدت بمضض وانا ببصله بزعل ، عشان ياخد باله ، فيقرب عليا وهو بيبوس جبهتي 

= نخلص عمليه ماما ، واول م نرجع مصر مش هخرجك من حضني نهائي 

رديت بمشاكشه عشان اخرج من الخجل ال احتلني بكلامه وقربه ، وانه خد باله اني مش عايزه اسيب حضنه 

_ ده لما تصالحني الاول يحبيبي 

= عمري كله اقدمهولك عشان تتصالحي ينور عين حبيبك 

اي يجماعه ده ، طب اقوله اني اتصالحت خلاص ولا ابوسه ولا اعمل اي طيب ، الجدع كلامه قمرين وبيخطفني وانا كده كده مخطوفاله لوحدي

قبل م ينزل بعد م باس جبهتي مسكت فيه بعنف وانا ببصله بشر 

_ انت رايح فين 

رد بصدمه وهو مش مستوعب التغير ال ظهر فجاه 

= ف اي يوليه مالك ، هنزل اجبلك اكل 

رديت ببرود مصطنع وانا ببصله بابتسامه مصطنعه 

_ هتنزل كده يروح الوليه 

= كده ازاي يعني ؟

رديت وانا بقفله القميص بعنف 

_ بعضلات صدرك ال باينه دي ؟ لي حد قالك اني ديوثه ؟ 

ضحك بعنف وهو بيرد عليا وجسمه بيتهز من كُتر ضحكه 

= لا رَاجْله ماشاءالله عليكي يحبيبتي 

مسدت ع صدره بعد خلصت زراير القميص قفلان ، وسبتله ال عند رقبته عشان ميتخنقش ، وانا اهم حاجه عندي راحته واسيبله مساحه روح قلبي ده 

_ يلا يحبيبي اتفضل ، اوعي حد يعاكسك 

= لو حد كلمني هبقي اناديلك يحبيبتي 

_ يبقي ياريت والله 

رد وهو بيوطي يبوس جبهتي قبل م يمشي 

= انا نازل يمجنونه سلام 

نزل ، وانا دخلت لماما واميره ، قعدنا نتكلم ف مواضيع مختلفه بدون م نتكلم ف معاملتها ليا قبل كده 

مش عايزه الحقيقه ، مش عايزه اتكلم ف اي حاجه ، عايزه ابدأ كل حاجه من جديد ، حتي علاقتي بيها 

ماما كانت لسه نايمه ، صحيناها اكلنا وصلينا ، بقا كل فرض نوح يصلي بينا ويقرب يسبح ع ايدي 

وحقيقي ده الطف US ممكن يتعمل ف الدنيا كلها 

عملنا كده ف كل الصلوات ، حتي القيام ، انا واميره نمنا ف الاوضه ال مع المرافق ونوح نايم ف الاوضه مع ماما 

وحسيت اني عايزه اسيبه معاها ، ياخد راحته معاها ، كل شويه ادخل اطمن عليهم واخرج تاني 

لحد م الفجر اذن ف فون نوح ، وساعتها قلوبنا كلها أذنت 

ماما هتعمل العمليه دلوقتي وكلنا مرعوبين ، بس كلنا متماسكين 

جت الممرضات عشان يجهزو ماما للعمليه ومعاهم الدكتوره ال مبتنزلش عينها من ع نوح 

وحقيقي ف كل ال احنا فيه ده مقدرتش امنع نفسي من اني اقرب ادخل ف حضنه وهو واقف وانا ببصلها باستفزاز  ، عشان تفضل تبصله برضو ببجاحه 

 _ نوح قولها ان انا مراتك 

رد وهو حاطط ايده ع كتفي ضامنني ليه وهو مركز مع ماما 

= حاضر يحبيبتي 

قالها كلام معرفتش افهمه وهو برضو مركز مع ماما ، فبعدت عننا وهو بتبصله باسف

خلصو تجهيز عشان ماما تدخل العمليه واحنا وقفنا حواليها 

اتكلمت وانا بوطي ع ايديها ابوسها وانا بحاول مبكيش 

_ هستناكي تخرجيلي وانتي كويسه 

* وانا هستني اخرج الاقي خلافك انتي وهو اتحل 

مكنتش محتاجه شرح عشان افهم انه نوح ، ال قرب عليها وعيونه بتنزل دموعها بدون م يحاول يخبيها 

= انا هستناكي تكوني كويسه 

* وانا هستني اربيك يعديم التربيه ، بقا بتبكيلي بنتي ي نوح ؟!

رد وهو بيعيط بعد م وطي عليها حضنها 

= ربيني براحتك بس اخرجي بالسلامه ، بالله عليكي ي امي تخرجيلي بالسلامه 

ضمته وهي بتطبطب ع ضهره وهي بتبكي هي كمان  ، خلصو بكا وانا بقوي نفسي عشان خاطره ، عشان يخلص مع مامته ويتسند عليا 

اميره كلمتها وبكت هي كمان، والدكاتره دخلو وبدات العمليه 

نوح قعد ع الكرسي قدام اوضه العمليات بهمدان ، وانا قربت من اميره بهدي فيها ، من كُتر بكاها نامت ، 

نوح شالها دخلها الاوضه ورجع ، وانا كنت قاعده مستنياه 

جه قعد جمبي ، وانا قومت اخدته ف حضني وانا بحاول اسانده عشان يهدي ويكون بخير 

الحقيقه اني عمري م هديت راجل ، او عمري م شوفت راجل بيبكي ، يمكن عشان مكنش فيه تعامل وعلاقه وطيده بيني وبين بابا عشان اشوفه وهو بيبكي 

لكن بُكا نوح كان بيوجعني ، مش قادره اعمله حاجه ، مش قادره اهديه ولا اصبره 

عجزي مخليني مش بعمل حاجه غير اني بضم راسه ليا وانا بضمه اكتر 

شويه وقومنا احنا الاتنين عشان نصلي وندعيلها ، محدش فينا ف ايده حاجه غير اننا ندعيلها 

اكيد ربنا مش هيوجعنا كلنا بفقدها ، اكيد ربنا عالم اني مش هقدر افقد امي بعد م لقيت حنانها تاني 

اكيد ربناا حنين علينا كلنا ومش هيرضي بالوجع ال مش هنقدر نتحمله ده 

عدي علينا 5 ساعات ، نصلي وندعي ونقرا قران وكل فتره بابا يرن عشان يطمن علينا 

 ، لحد م الدكتور خرج وهو بيزفر بعنف 

قام نوح جري عليه بسرعه وهو بيتكلم معاه يفهم منها 

عشان يتكلمو شويه والاقي علامات الرضي بتظهر ع ملامح نوح تدريجياً 

عشان يقرب عليا وهو بياخدني ف حضنه وبياخد انفاسه ال فقدها خلاص الساعات ال فاتت بارتياح 

_ الدكتور قالك اي ، طمني 

= الحمدلله العمليه نجحت ، هيخرجوها كمان شويه ف اوضتها لحد م تفوق من البنج 

والحمدلله خرجت فعلاً  ، واستعادت انفاسها ، بعد م بكينا انا واميره حواليها بعنف واحنا بجد مش مستوعبين ان كابوس حياتنا عدي الحمدلله 

عدي أسبوع علينا ف المستشفي ، وده عشان نطمن ان مفيش اي اعراض جانبيه للعمليه وانها الحمدلله عدت ع خير 

ايامنا كانت عاديه ، نوح بيحاول يصالحني عادي ، وانا بتقل عادي جداً برضو 

رجعنا الشقه ال كان نوح مأجرها لينا ، ماما ف اوضه واميره ف اوضه وانا وهو ف اوضه 

او المفترض ان انا وهو ف اوضه عشان احنا معاهم ف نفس المكان ومينفعش كل واحد يبقي ليه اوضته 

دخلت الاوضه ال المفروض هتبقي اوضتنا وانا واقفه مستنيه سي نوح يجي عشان نشوف هنعمل اي 

شويه ودخل الاوضه بعد م نَيّم ماما وجه لقاني واقفه مكتفه دراعي ومستنيه 

اتكلم وهو بيبصلي باستغراب 

= واقفه كده لي ؟

_ انا هنام فين ؟

رد بتلقائيه وهو مستغرب من سؤالي 

= ع السرير 

_ وانت هتنام فين ؟

=  ع السرير 

_ وحياة ماما صفاء 

= اظبطي 

_ تمام ، انا مش هنام معاك ع السرير 

رد وهو بيقرب عليا ويبصلي بابتسامه خبيثه 

= لي كده ي حورائي 

لا بص ، ياء الملكيه دي مش هتضعفني متحاولش ، او هي ضغفتني خلاص 

اتكلم وهو مازال بيقرب وانا مازلت ببعد 

= طب اي ، مش هتيجي ولا ايه 

_ اجي فين ؟ لا بقولك اي ، انا لسه مبكلمكش ، ولو قربت هصو...

قطعت كلامي لما لقيته حضني بتعب وهو بياخدني عشان ننام 

= انا ميت من الأسبوع ال فات ، ننام بس ونصحي نتخانق جامد اوي 

_ بجد ؟

= طبعا يحبيبتي ، نامي دلوقتي نامي 

عملت نفسي مصدقاه وانا بتسمتع بحضنه فعلاً عشان انام براحتي وانا بتمسك فيه بشده 

قبل م انام اتكلمت وانا بروح ف النوم 

_ نوح 

= همممم 

_ احنا هنرجع مصر امتي ؟

= عايزانا نرجع امتي ؟

رديت عليه وانا بستسلم لدوامه النوم 

_ عايزه نرجع بسرعه ، البيت وحشني 

نمت قبل م اخد بالي من الابتسامة ال اترسمت ع وشه ، لكن حسيت بضمته ليا ال زادت ، وقُبلته ال اتطبعت ع جبهتي 

صحينا تاني يوم فطرنا ، ونوح اخدنا عشان يفسحنا شويه بما اننا مسافرين بكره 

والحقيقه اني كنت فعلاً حابه ارجع البيت عشان وحشني  

قضينا اليوم عادي ورجعنا اكلنا وصلينا القيام ونمنا عشان نقدر نصحي للطياره بما انها الفجر 

قومنا صلينا ولمينا الشنط ال كنا مجهزينها وتوكلنا ع الله عشان نمشي 

ركبنا الطياره ونفس ال حصل واحنا رايحين حصل واحنا راجعين 

نزلنا من الطياره وخرجنا من المطار كان صاحب نوح مستنينا ، خرجنا وركبنا وبعدين رجعنا البيت 

دخلنا الشقه عند ماما ونوح طلع الشنط ودخلنا كلنا 

قعد هو وماما ف الاوضه وانا واميره قومنا عشان نعمل الأكل 

اكلنا وصلينا ونوح بيستعد عشان نطلع الشقه بعد م مسك ايدي وقام وهو بيقول لماما 

= طب بعد اذنك ي ماما 

اتكلمت بدون م تبصله وهي بتسبح ع السباحه ال ف ايديها 

* رايح فين يروح ماما 

رد عليها وهو بيشبك صوابعنا ببعض 

= هنطلع شقتنا 

اتكلمت وهي بتبصله بخبث ومازالت صوابعها بتحرك خرز السبحه 

* اممممم ، طب خد بعضك واطلع لوحدك ، حوراء مش هتطلع معاك 

رد عليها وهو مش مستوعب كلامها

= ازاي يعني مش فاهم ؟

اتكلمت وهي بتبصلي بابتسامه تعزز بيها كرامتي حتي لو كانت مش عارفه ال حصل بينا 

* يعني بنتي عندي لحد مانت تتربي ، وتعرف قيمتها وتعرف ازاي تبكيها 

رد عليها وهو بيبصلها بضعف 

= ي ماما والله عارف قيمتها ، وانا والله مش هزعلها تاني 

بصتله بهدوء وهو بتبتسم ببرود 

* خلاص يروح ماما تتعاقب ع الزعل الاولاني 

اتكلم برجاء وهو بيبصلها بأمل عشان توافق

=  ي ماما بالله عليكي 

* يلا يحبيبي عشان ننام بدري 

بصلي وهو بيتكلم كانه بيستنجد بيا 

= طب اساليها طيب ، مش انا صالحتك يحوراء 

* انا بنتي متكسرش كلمتي ، مش كده ي رورو ؟

اتكلمت وانا بحاول مبصش لنوح عشان مضحكش ، ف حين ان اميره كانت بتغمزلي وهي بتضحك قدامه عادي 

_ احم ، كده ي ماما 

ردت وهي بتقوم من مكانها وبتتحرك عشان تدخل اوضتها

* شطوره يعيون ماما ، قومي يلا وصلي جوزك لحد الباب 

قومت فعلاً وانا حقيقي بحاول اكتم ضحكتي ع شكل نوح المصدوم ، خرجنا من الأوضة ال كنا فيها وطلعنا الصاله 

اتكلم وهو باصص قدامه ببرود 

= اضحكي يحبيبتي متكتميهاش ف نفسك 

ضحكت بصوت عالي وانا عيني بطلع نجوم من فرحتي ،  فرحتي عشان ماما بتردلي الجزء الاخير من كرامتي ال حسيته كان واقع 

وفرحتي عشان تمسكه بيا قدامهم وغضبه ال حساه قدامي دلوقتي 

مسكني من ايدي الاتنين وهو بيقربني عليه وبيجز ع اسنانه بغيظ 

= انتي بتبعيني يحورا 

اتكلمت وانا ببصله ببراءه 

_ الاه ، هو انا عملت حاجه  ، مش ماما ال قالت 

اتكلم بغضب وهو بيهزني برفق 

= وانتي مش عارفه تقوليلها انك مش زعلانه 

اتكلمت وانا بهزر كتافي الاتنين بدلال 

_ مانا لسه زعلانه هكدب يعني ؟

بصلي شويه بدون م يرد وبعدين ابتسم بحنيه 

، بعدين اتكلم وهو بيوطي عليا عشان يقرب من طولي شويه 

= حوراء ، انتي فرحانه 

رديت وانا برفعلي عيني بحذر ، عشان اشوف التشجيع ف عينه ف اتكلم بصراحه بعد م ابتسمت باتساع 

_ اها 

مشي ايده ع شعري بحنيه وهو بيتكلم بتفكير 

= طب افرحك اكتر ؟

_ ياريت 

ابتسم وهو بيقرب عليا عشان ياخدني ف حضنه وهو بيهمسلي بحنيه 

= احنا هنتخطب ، هنعيش فتره الخطوبه ال انا بغبائي معرفتش اعيشهالك ، واهو بالمره نكون متجوزين ، عشان نظره كده ، لمسه كده ، بوسه كده ، حضن كده لا وكده مخدش عليهم ذنب ، 

ولحد م تقولي خلاص ي نوح انت اتمرمطت ببعدي بما فيها الكفايه وخلاص صعبت عليا وهتمنن عليك بقربي ، ساعتها هعرف انك اتصالحتي

اي رأيك ؟

ختم كلامه وهو بيغمزلي بمشاكسه مع كل كلمه كان بيقولها ويظهر تاثيرها عن طريق الخجل ال بينتشر ع خدودي 

.........

اي رأيكو يرجاله 🥺

#يتبع 

مُعتكف ف محراب قلبي 

البارت الثاني والثلاثون 

صلِّ علي رسول الله ♥

ابتسم وهو بيقرب عليا عشان ياخدني ف حضنه وهو بيهمسلي بحنيه 

= احنا هنتخطب ، هنعيش فتره الخطوبه ال انا بغبائي معرفتش اعيشهالك ، واهو بالمره نكون متجوزين ، عشان نظره كده ، لمسه كده ، بوسه كده ، حضن كده لا وكده مخدش عليهم ذنب ، 

ولحد م تقولي خلاص ي نوح انت اتمرمطت ببعدي بما فيها الكفايه وخلاص صعبت عليا وهتمنن عليك بقربي ، ساعتها هعرف انك اتصالحتي

اي رأيك ؟

ختم كلامه وهو بيغمزلي بمشاكسه مع كل كلمه كان بيقولها ويظهر تاثيرها عن طريق الخجل ال بينتشر ع خدودي 

هزيتله راسي بسرعه وانا ببصله بابتسامه دليل ع موافقتي 

_ موافقه ..انا موافقه 

بصلي بابتسامه وهو بيمشي ايده ع شعري بحنيته ال بتخطفني 

= بس متتقليش عليا ي حورا ، ماشي ؟

هزيتله كتفي بدلع وانا بسوق ف الدلال 

_ والله براحتي ، انت زعلتني براحتك وانا اتصالح براحتي 

= بس انا والله مكنتش مرتاح وانا مزعلك 

_ المهم اني هتصالح براحتي 

هزلى رأسه بابتسامه وهو بيخرج بعد م باس جبهتي 

قفلت الباب وراه وانا بسند ضهري ع الباب بحالميه ، هو اينعم انا كان نفسي اتقل عليه بس وانا ف بيته مبعدش عنه كده 

بس احسن يستاهل ، انا مبسوطه انه متعذب ببعدي كده 

فوقت من دوامه الرومانسيه ال ابتلعتني ع صوت ماما وهي بتتكلم بتهكم 

* يبت اتقلي مش كده 

اتفزعت وانا ببصلها عشان الاقيها واقفه وجمبها اميره بتضحك علينا 

اتكلمت وانا بحاول اخبي كسفتي منها 

_ مانا تقيله اهو ي ماما 

* تقيله اااه ، مهو باين يحبيبتي باين 

بصيتلهم بدون م ارد وانا من جوايا قلبي بيرفرف بفرحه 

* ورى مرات اخوكي اوضه جوزها عشان تقعد فيها لحد م الييه يتربي 

دخلت الاوضه بعد م اتطمنت ع ماما وبعدين فتحت الدولاب قعدت اقلب ف هدومه واشمها ، لحد م اخدت جاكيت لبسته عشان ادفي بريحته 

صليت القيام وقعدت ع السرير فتحت الفون عشان اقلب فيه شويه 

عشان توصلي مسدج ع الواتساب من نوح 

= صاحيه لي ؟

رديت وانا فعلاً بختبر جو المخطوبين لاول مره ، ومن الواضح انه فعلاً بيتكلم جد 

_ مش جايلي نوم 

= ولا انا ، انتي مش عارفه تنامي لي ؟

الحقيقه كان نفسي اقوله مش عارفه انام عشان هو مش ف نفس المكان ال انا فيه ، لكن ميحصش ، انا بتقل 

_ عادي يعني ، وانت ؟

رد بصراحه رسمت الضحكه ع شفايفي وطلعت قلوب من قلبي 

= عشان انتي مش ف البيت فمش مستريح فمش قادر انام 

ضحكت وانا بتكتبله بفرحه 

_ اتعود بقا عشان انا زعلي بياخد وقت 

= مش هقدر اتعود ع غيابك 

وبما ان ماما قالتالي اتقل فقفلت معاه كلام 

_ طب انا هنام تصبح ع خير 

مستنتش اشوف رده وقفلت الفون عشان انان فعلاً وانا بعيش جو اول مره اعيشه 

عدي أسبوع ، واسبوعين ، وشهر 

مبشوفش فيهم نوح ، وده مش عشان انا مش عايزه اشوفه ، انما عشان ماما مكنتش بتسمح انه يدخل البيت اصلا 

كل ليله نتكلم شويه ع الواتساب  ، مره اكلمه عادي ، ومره اتقل 

مره اضحك واهزر معاه ومره انكد واقلب الليله ، 

والحقيقه انه كان متقبل كل ال انا بعمله بصدر رحب 

لحد م صحينا ف يوم ع صوت الخبط المستمر ع الباب 

فتحت اوضتي ال كانت اوضته وخرجت بسرعه عشان  افتح الباب اشوف مين ، وقبل م اعمل كده فعلاً 

لقيت ماما بتنادي عليا وهي بتخرج مت اوضتها بسهوله 

* انتي راحه فين 

_ احم ، هفتح ي ماما 

*  ارجعي يحبيبتي ، ده اكيد الحيله بتاعي جاب اخره زي كل يوم من شهر 

_ احم ، طب اشوفه 

* مكانك من غير م تتحركي ، هطرده واجيلك 

هزيتلها راسي بسرعه وانا ببص للباب مستنيه المح طيفه ، عشان المح طيفه فعلاً 

وانبهر بشكله ال بيزيد وسامه يوم عن يوم ، دقنه طولت شويه اكتر ، زادته وسامه ع وسامته

عيونه ال بلون الغابات دايما دايما بتخطف قلبي ، خطفته النهارده كمان زياده عشان واحشني 

شعره وال هموت واغرس ايدي فيه امشيها ف شعره ف لحظه صفا بينا والحياه تكون طبيعيه 

شكل عضلاته ال بيخليني نفسي البسه شوال عشان ميحددش شكله ولا حد يبصله غيري 

نرجع تاني لعيونه وال كانت بتبصلي بلهفه كنت بحلم بيها طول عمري ، دلوقتي بتبصلي فعلاً بلهفه وهي بتدور عليا 

فوقنا احنا الاتنين من نظراتنا المتبادله ع صوت ماما وهي بتبصله بسخريه 

* خلصت بحلقه يحبيبي ، يلا اطلع برا بقا 

رد وهو بيبصلها برجاء كل ثواني ف حين ان نظراتها كلها متوجه ليا

= يماما بالله عليكي ، هو انا كل ده متعاقبتش ؟

* اطلع برا ينوح 

= طب اقعد معاها شويه حتي ، ده لو مخطوبين هقعد...

مستنتش تسمع منه وهي بتقفل الباب ف وشه ، وانا الحقيقه اسكتفيت من بعده عني وبعدي عنه ، عايزه يقرب 

ياخدني ف حضنه ، حضنه وحشني ، الدفا والامان ال فيه وحشوني 

دخلت اوضتي تاني وفضلت طول اليوم زعلانه ، انا عايزاه جمبي بقا ، حتي هو مكلمنيش 

طول النهار مكلمنيش ، لا رن عليا عرفني عمل اي زي العادي ، ولا بعتلي ع الواتساب عرفني بتحركته برضو زي العادي 

متكلمتش طول اليوم مع حد ف البيت ، يدوب رد ع كلامهم بس ، مش عشان زعلانه منهم 

لكن عشان زعلانه عشان هو محاولش اكتر من ال عمله ، انا عايزاه يتجنن ، يعمل حاجه special كده 

بعد م صليت القيام طلعت ع السرير وانا بمسك الفون بلهفه عشان اشوفه بعت حاجه ولا لا 

عشان لهفتي دي تتقلب لخيبة امل وانا بلاقي ان مفيش مسدج منه جاتلي 

عشان ف ثواني الاقي عيني بدات تفرز دموعها بدون اي سابق انذار 

ضميت رجلي لصدري ودفنت راسي بينهم وانا بعيط بعنف وبحاول معملش صوت عشان محدش ياخد باله 

هو معقول زهق مني بسرعه كده ، هو عشان اتدلعت عليه كده زهق مني ، طب ، طب محاوله اخيره طيب 

انا والله كنت بتدلع عليه عادي مش قصدي يزهق 

وانا متلهيه ف تفكيري محستش بيه وهو بيتسحب من البلكونه بهدوء عشان محدش يحس بيه 

وبدون م احس وبدون م اخد بالي لقيته اخدني ف حضنه بسرعة وهو بيتنهد براحه 

لفيت ايدي حوالين رقبته وانا بتمسك فيه 

عيطت وانا بدفن وشي ف تجويف رقبته 

_ متسبنيش تاني ، والنبي متسبنيش تاني 

اتخض من بكايا الشديد فرد وهو بيمشي ايده ع ضهري بدفء

= هششش ، اهدي انا جمبك اهو . اهدي 

اتكلمت وانا ببعد عنه عشان امسح دموعي عشان لو دموعي مزهقاه 

_ انا..انا أسفه والله ، مش هزعل تاني ، انا اصلا خلاص مش زعلانه وهقول لماما 

عيطت تاني وانا بدفن نفسي ف حضنه للمره التانيه بعنف اكبر

_ متسبنيش تاني والنبي 

شد ع حضني وهو بيبوس جبهتي 

= ممكن تهدي ، انا مسبتكيش اولاني عشان اسيبك تاني 

هديت شويه فرديت عليه بالراحه وانا لسه ف حضنه 

_ لا انا قصدي متسبنيش انام هنا 

اتكلم بابتسامة حسيتها ف صوته وهو بيمشي ايده ع شعري 

= مانا برضو مسبتكيش تنامي هنا 

زقيته ابعد عنه وانا بتكلم بنفاذ صبر 

_ خلاص ي نوح مدام انت مش فاهمني 

رد بغضب وهو بيبصلي بغيظ 

= والله العظيم انتي ال جموسه ولا فاهمه حاجه 

_ نوح متشتمش 

اتعصب ، فحاول يوطي صوته عشان محدش يصحي 

= مشتمش اي ده انتي هتشليني ، انا بنام معاكي هنا كل يوم ي عديمه البصر والبصيره انتي 

ده بجد ، يعني ريحته ال كنت بشمها ف الاوضه كل يوم م بسبب اني ف اوضته ، يعني عشان كنت بنام ف حضنه وانا غيبوبه مش حاسه بحاجه

اتكلمت بسخريه وانا ببصله بعدم تصديق 

_ لا ع فكره انت بتضحك عليا ، انا كنت بقوم ع اذان الفجر مش بلاقيك جمبي 

رد بمطنقيه وهو بيبصلي بحسره ع غبائي 

= مش يمكن عشان انا ال بأذن للفجر ده  

_ ولو كنت بتيجي ازاي ماما كانت بتسيبك تدخل 

= مش يمكن عشان مش بتحس بيا !!

اتكلمت بسخريه وانا ببصله بطرف عيني 

_ لي ي اخويا نمله ، هتدخل من الباب من غير م تحس بيك 

رد وهو بيضربي ع دماغي برفق 

= لا ي لمضه مش نمله ، لكن عشان كنت بتحسب من البكونه زي الحراميه لاجل عيونك 

سكتت شويه عشان استوعب فعلاً غبائي ، او عشان استوعب اني كنت بكون مقتوله مش نايمه عشان كل ده يحصل بدون م احس 

اتكلمت وانا ببصله بعصبيه من غير م اعلي صوته ، مش عشان محدش يصحي ، انما عشان لا يصح 

_ الله ، وانت سايبني ومقولتليش لي 

رد وهو بيتكلم بتريقه مع تقليده لحركاتي ال كنت بعملها 

= مش انا ال كل م اقول لماما خلاص ي ماما انا وهي اتصافينا تيجي قدامها واول م تسالك تقوليلها لا ي ماما لسه زعلانه ، لا ي ماما متصالحتش 

حصل ده ولا محصلش 

= احم ، حصل 

_ يبقي مترجعيش تعيطي بقا 

اتكلمت وانا بقرب عليه الف ايدي حوالين رقبته احضنه

= يوووه ، 

بقولك اي ، انت وحشتني 

ضحك وهو بيلف ايده حواليا يشد ع حضني 

_ بجد نفسي افهمك 

اتكلمت ف ودنه بهمس خرج ضعيف من حبي ليه ال زاد عن حده 

= متسبنيش ي نوح 

اتكلم بنفس الهمس وهو بيدفني ف حضنه اكتر 

_ مقدرش يعيون نوح ، حوراء انا ممكن مش عارف اوصلك انا بحبك قد اي ، بس بجد كل ال اقدر اقولهولك اني بحبك حب متخيلتش اني ممكن احبه لحد ف الدنيا دي كلها

انا مش هبقي ببالغ لو قولتلك ان انتي النفس ال بتنفسه ، واني م بصدق تنامي عشان اجي اخدك ف حضني واقدر انام انا كمان 

_ طب انت لي مقولتليش 

= عشان كنت عايز اثبتلك اني مغلوب ع امري ، واني قاعد رهن اشارتك ، اشارتك انتي بس ، وان ال انتي عايزاه هو ال هيحصل 

ومدام انتي مش عايزه ترجعي دلوقتي يبقي انتي لسه شايله ف قلبك حتي ولو جزء بسيط ، يبقي انتي لسه عايزاني احاول تاني وعاشر ومليون 

وانا قولتلك انا مستعد ارهن عمري كله ف سبيل انك تتراضي 

رديت وانا ببعد عنه وامسك ايده  عشان نستعد نقوم 

_ خلاص انا مش زعلانة ، يلا بقا نطلع شقتنا 

مسكني قعدني مكاني وهو بيتكلم بهدوء 

= أسبوع كمان بس ، أسبوع كمان ومش هتفارقي حضني أبداً ي حورا 

مردتش ، ف اتكلم تاني وهو بيقرب عليا عشان ياخدني ف حضنه 

= ممكن متزعليش ،  انا بس مشغول الفتره دي ف الشغل ، اول م الأسبوع ده يخلص هفضالك عمري كله 

بصيتله بزعل وانا بتكلم بدلع ، جوزي واتدلع عليه براحتي

_ يعني الشغل اهم مني ي نوح 

بصلي بحنيه وهو بيتكلم ، وانا الحقيقه مفيش حاجه تضعفني غير عيونه بدون حنيه ، تخيلو بتعمل فيا اي بقا وهو بيبصلي بلهفه كده 

​= ولا اي حاجه ف الدنيا دي كلها اهم منك يعيون نوح ، بس عشان خاطري 

ده اخر طلب هطلبه منك ، ممكن ؟ 

بصتله بامعتاض وانا بهز رأسي بدون رضا كعلامه الموافقه 

شد خدودي بمشاكسه عشان يضحكني وهو بيتكلم بابتسامه 

= ممكن ننام بقا يعيون نوح 

ضحكتله بفرحه وانا بهزله راسي بسرعه ، عشان بنفس السرعه ياخدني ف حضنه ، وبنفس السرعه انام بدون م افرك كتير 

وعدي الأسبوع ، زي م عدي الشهر ال فات ، بس الفرق ان مكنتش بكلم نوح ، ولا برد ع مسدجاته  ، مش هو ال مشغول ، براحته بقا 

ع الرغم من اني مكنتش بكلمه ع الرغم من محولاته المتكرره ، الا اني كنت بستناه يجي كل ليله ، وميكنش بيخليني استني كتير 

مكنش بيكلمني ولا انا بكلمه ، بيجي يلاقيني نايمه ، او عامله نفسي نايمه ، ياخدني ف حضنه بهدوء وننام 

عارف اني بستناه ، وانا عارفه انه عارف ، ومع ذلك مكناش بنتعاتب ،

ياخدني ف حضنه وانا اتمسك بيه وننام بدون م حد ينطق بكلمه 

كان احساسنا ف الوقت ده مفيش كلام ممكن يوصفه ، وهو ده الحقيقي فعلاً ، انا مش ممكن اوصف حضنه ، مش هقدر أصلاً 

صحيت تاني ع اميرة وهي بتصحيني ، بحكم اننا بقينا صحاب خلال الفتره ال قضيتها هنا 

" حور ، قومي يلا 

رديت بنوم وانا بشد البطانيه عليا اكتر 

_ مممم ، سبني شويه ي نوح 

ردت بضحك وهي بتسحب البطانيه تاني 

" لا انا مش نوح يعيون نوح ، انا اخت نوح 

الكسفه فوقتني ، فبصتلها وانا بحاول افتح عيني 

_ احم ، صباح الخير ي أميره 

" صباح النور يقلب اميره ، قومي يلا عشان ورانا مشاوير كتير النهارده 

اتكلمت باستغراب وانا ببصلها بعدم فهم 

_ مشاوير اي 

" بصي عندي فرح واحده صاحبتي وعايزاكي تيجي معانا ،  بس الأول عايزه اطلب منك طلب 

اتعدلت وانا برد عليها وانا بحاول الم شعري

_ اطلبي يحبيبتي 

" هي حصل مشاكل بينها وبين خطيبها ، ورافضه انها تتجوزه ، وهما مش هينفع ياجلو الفرح ، فممكن تيجي تقيسي الفستان بدالها ، هي ف نفس جسمك كده 

اتكلمت باستغراب وانا مش فاهمه نص كلامها 

_ ازاي فرحها ولسه مأجرتش الفستان 

" احنا هنشتري مش هنأجر 

_ طب والميكب بتاعها هتعمله ازاي 

" لا ده هنعملهولها احنا ف البيت 

_ خلاص ماشي ، هصلي الضحي واجيلك 

اتكلمت وهي بتقوم من ع السرير بعد م باستني من خدي بفرحه 

" ماشي ياقلبي وانا هحضر الفطار ع م تخلصي

قومت صليت وفطرنا ولبسنا واتوجهنا عشان نخرج ، عشان تقوم ماما تطلعنا لحد الباب وهي بتبصلي وعنيها مدمعه بدون م افهم السبب 

قبل م نخرج سالتها بدون م ابين لهفتي 

_ احم ، هو نوح مسالش عليا يماما 

ردت وهي بتبصلي بخبث بعد م مسحت عنيها 

* لا ، سلم عليا ونزل ع طول 

هزيتلها راسي ومشيت انا واميره بدون م اتكلم وانا بقرر مع نفسي اني مش هنام ف حضنه النهارده 

وهقول لماما لما نرجع ان كان بيتسحب يدخل اوضتي غصب عني ، 

مش هو مسالش عني يلبس بقا 

.........

اي رأيكو يرجاله 🥺

#يتبع 

مُعتكف ف محراب قلبي 

البارت الاخير

صلِّ على رسول الله ♥

قومت صليت وفطرنا ولبسنا واتوجهنا عشان نخرج ، عشان تقوم ماما تطلعنا لحد الباب وهي بتبصلي وعنيها مدمعه بدون م افهم السبب 

قبل م نخرج سالتها بدون م ابين لهفتي 

_ احم ، هو نوح مسالش عليا يماما 

ردت وهي بتبصلي بخبث بعد م مسحت عنيها 

* لا ، سلم عليا ونزل ع طول 

هزيتلها راسي ومشيت انا واميره بدون م اتكلم وانا بقرر مع نفسي اني مش هنام ف حضنه النهارده 

وهقول لماما لما نرجع ان كان بيتسحب يدخل اوضتي غصب عني ، 

مش هو مسالش عني يلبس بقا 

قفلي اليوم ابن ماما صفاء ، فيها اي يعني لو كان سال عليا زي كل يوم ، كان هيحصل حاجه ، والله م كان هيحصل حاجه 

بس ماشي ، براحته 

عدينا ع كذا اتيليه كويسين، بس اميره مكنتش بترضي ندخلهم ، عشان ندخل اتيليه تالت خالص ، فخم جداً ع الرغم من بساطته 

واحنا ماشيين لمحت مصطفي ،  ماشي دراعه مكسور وساند ع عجاز ، الحقيبه مش عارفه مين ال عمل فيه 

هو اللهم شماته يعني بس هو يستاهل

دخلنا الاتيليه ال اميره اخترته وانا مش مستوعبه ازاي دخلت هنا ، او لي اصلا 

الفكره ان الاتيليه ده للمحجبات بس ، وع حسب وصف اميره لصحبتها دي فهي مش محجبه 

سالتها وانا بحاول افهم ال بيحصل 

_ يبنتي صاحبتك مش محجبه ، جايباها الاتيليه ده لي ، هي مش هتعمل الميكب هنا 

" ل..لا هتعمله ، تعالي بس نختار ونبقي نشوف هنعمل اي 

" يلا قوليلي ، اي ال عجبك 

_ يبنتي دي صاحبتك انتي ، المفروض تكوني عارفه ذوقها

" عادي م احنا هنحتار مع بعض 

بصيتلها باستغراب من توترها وسكت بدأت فعلاً ادور ف الفساتين ، وانا بفتكر يوم م جيت عشان اختار فستان ليا 

لما كان نوح قاعد مش مهتم بيا ولا بوجودي ، يومها لما بكيت ف البروفا عشان انا وحيده 

يوم م حسيت اني ماليش اي حد جمبي 

حوراء فوقي ، نوح بيحبك ، خلاص متقلبيش ع نفسك المواجع وخلاص ،جوزك وبيحبك ، وحماتك وبقت والدتك ، واخته والعلاقه بينكو بتتحسن 

خلاص متنكديش ع نفسك

لحد م وقفت قدام فستان اسطوري ، حته من الخيال ، مش هقدر اوصفه غير انه فعلاً متلبسوش غير سندريلا ، سندريلا ف الواقع مش ف الخيال 

الفستان مكنش مبهرج ، كان سيمبل جدا ، ابيض اووي ، ومفيش فيه اي زينه غير ف الاكمام بتاعته 

ناديت لاميره بسرعه وانا بشاورلها عليه 

_ أميره ده تحفه 

" عجبك 

اتكلمت وللحظه اتمنيت اني انا ال البسه 

_ اوي ، ده تحفه 

" طب خلاص ادخلي قيسيه 

قبل م ادخل فعلاً او اتحرك من مكاني وانا مازلت واقفه مصدومه من حلاوه الفستان 

سمعت صوت نوح وهي بيتكلم وهو باصص للفستان 

= امممم ، فعلاً شكله حلو

بدون م استوعب هو هنا لي اصلا ، دورت وشي الناحيه التانيه بدون م ابصله بما اني زعلانه مني 

اخد باله اني مردتش فجه وقف قدامي وهو بيتكلم بابتسامه وايده ف جيوب بنطلون بدلته ، وال بالمناسبة زايداه حلي ع حلاه 

= ده انتي عامله زعلانه بقا

اتكلمت بنبره غصب عني عارفه انها طلعت طفوليه 

_ لا انا مش عامله زعلانه انا زعلانه 

رد وهو عامل متفاجيء بيجاريني ف الكلام

= اوه ومين ال يقدر يزعل نور عين نوح 

ضحكتله بسماجه وانا ببصله بسخريه 

_ ههه نوح 

رد برومانسيه وهو بيبصلي بابتسامه دوبتني 

= يعيون نوح 

​

اتكلمت بنفس السماجه وانا ببصله ببرود 

_ لا يحبيبي انا مش بنادي عليك ، انا بجاوب ع سؤالك 

عمل نفسه متفاجيء وهو بيرد 

= اي ده قصدك ان انا ال مزعلك 

بصيتله بسخريه وانا رفعاله راسي بحكم فرق الطول 

_ شوفت المفاجأة 

رد وهو بيقرب عليا بشكل خطر 

= لا لا ماليش حق ، انا لازم اصالحك 

اتلفت حواليا عشان اشوف لو ف حد بيبص علينا ، بس المفاجأة انه مفيش حد ف المكان غيرنا بس 

التفتله عشان ارد عليه لقيته قدامي ، وقبل م اتكلم لقيتني ف حضنه ، وقبل م استوعب لقيته بيبوس جبهتي وهو بيهمس 

_ انا اسف ، حقك ع قلبي 

وع قلبه كانت ودني مستقره بتسمع نبضات قلبه ال حادث فيها خلل ، عشان تعمل ف نبضات قلبي نفس الخلل 

بس الخلل ده كان بعيد كل البعد عن روحي ال كانت مستقره ف مأمنها ، وسكنها 

حضنه نساني المكان ال انا فيه ، فبعدت بسرعه خوفا من ان حد يشوفنا 

فسمح اني ابعد ع مضض وهو بيبصلي بامتعاض 

عشان استوعب مره واحده سبب وجوده هنا 

اتكلمت وانا ببصله باستغراب وعدم فهم 

_ لحظه ، هو انت بتعمل اي هنا ، ومين ال قالك ع مكاني اصلا 

رد وهو بيسند ع الجدار ال وراه ويرجع لوقفته المعتاده ، ايده ف جيوبه بكاريزما بتخطفني 

= اميره ال قالتلي ، وبعمل اي فجيت عشان انقي فستان الفرح لعروستي 

وقفت لحظه استوعب رده ، عشان اصرخ فيه بدون حذري ال كنت وخداه من شويه وخوفي من وجود حد 

_ انت هتتجوز عليا ي نوح ؟

قرب بسرعه وهو بيحط ايده ع بوقي برفق 

= يوليه هو انا اتجوزتك انتي عشان اتجوز عليكي 

فضلت ازوم بصوتي عشان اعرف ارد عليه بما انه كاتم نفسي 

اتكلم بتحذير وهو بيبصلي بشك 

= هشيل اي بس متتجننيش ، ماشي ؟

هزيتله راسي بسرعه وانا ببعد ايده عشان يستجيب لمحولاتي ويبعدها فعلاً 

_ اومال بتعمل اي هنا ؟

رد بصدق باين ف عينه ال والله بتدوبني 

= والله جاي انقي فستان الفرح معاكي

رديت بغباء وانا ببصله كاني فهمت 

_ اه فستان فرح صاحبة اميره وكده ، بس انت مالك يصاحبي 

رد وهو بيبصلي بقرف 

= صاحبي ؟! انتي جايه منين يست انتي 

اتكلمت بعنف وانا ببعده 

_ بقولك اي امشي من هنا ، مالك ومال صاحبه اميره مش فاهمه 

رد وهو بيضرب ايد ع ايد بعدم تصديق 

= والله العظيم م شوفت ولا هشوف ف غبائك 

_ متشتمش 

سمع كلامي ومشتمش فعلاً ، ههه بهزر معاكو 

= مشتمش اي ده انتي حلوفه

_ قولتلك متشتمش 

اتكلم وهو بيحاول يفهمني بهدوء

= هو انا اقربلك اي يوليه 

_ جوزي 

= يعني انتي مراتي ؟

بصيتله ببرود وانا بتكلم بنفاذ صبر 

_ اه ي نوح ، اي الاسئله الغبيه دي 

رد بسخريه وهو بيبصلي بقرف 

= معلش استحمليني اصل انا غبي 

اتكلمت بشفقه حقيقيه بعد م اقتنعت فعلاً انه هو ال غبي 

_ ولا يهمك يحبيبي ، انا بحبك بغبائك ولا يهمك 

اتكلم وهو بيحاول يهدي نفسه عشان ميتشلش 

= شكراً يحبيبتي ، قوليلي بقا انا قولتلك انا جاي لي 

_ جاي عشان تنقي فستان الفرح لمراتك 

زعق وهو بيبصلي بعدم تصديق من غبائي انا فعلاً

= طب اي ي ام جهل انتي ؟

رديت ببرود بعد م استوعبت قصده 

_ ااااه ، يعني انت جاي تنقي فستان فرح ليا ؟

عشان البرود ده ف ثانيه يتقلب لصدمه 

لحظه ، بصيتله بصدمه وانا بفتح عيني بسرعه بعدم تصديق ، عشان افضل بصاله مستنياه يأكد او ينفي ال انا فهمته 

بصلي بابتسامه حنينه وهو بيهز راسه بسرعه ، عشان بنفس السرعه اعيط بصوت عالي زي الأطفال 

وف نفس اللحظه الاقي حضنه بيستقبل بكايا زي العادي ، بدون م يتكلم فضل يطبطب عليا بهدوء 

= ممكن تهدي ، لو فضلتي تعيطي هلغي الفرح 

هزيتله راسي بسرعه برفض وانا مازلت ف حضنه متمسكه بيه 

= خلاص يبقي تهدي ، وتدخلي تقيسي الفستان عشان نلحق الفرح 

بعدت وانا بمد ايدي امسح دموعي ، عشان كالعادي يسبقني ويمسحها هو 

_ خلاص انا سكتت 

= حبيبي شطور بيسمع الكلام ، يلا ادخلي البسي الفستان عشان اشوفك بيه

_ بس انا مش هوريك الفستان ،  هيبقي فال وحش 

اتكلم وهو بيبصلي بعينه برجاء طفولي 

= عشان خاطري 

_ لا لا متبصليش كده ، هتشوفه باليل 

كملت وانا ببعده عشان يخرج من الاتيليه 

_ اطلع يلا عشان متعطلنيش 

استجاب لمحولاتي اني اخرجه ، عشان يخرج فعلاً ، وقبل م يخرج يلفتلي يبوس جبهتي وهو بيتكلم 

= لو احتجتي حاجه رني عليا بسرعه ، وخلي بالك من نفسك 

عجزت عن الرد من كُتر المفاجات ، فهزلته راسي بسرعه وانا بضحك بعد تصديق 

عشان ادخل الاقي اميره ف وشي ، وكل ده كان الساعه 12 

عشان الاقي مره واحده الساعه بقت 6 والمفروض نوح هيجي ياخدني كمان ساعه 

طبعاً ماما كانت معايا ، بتاكلني زي م عملت ف الفرح الاول ، والمرادي اميره كمان جمبي 

وبما ان استاذ نوح عملي مفاجأة فمفيش مانع اعمله انا كمان مفاجأة 

العشاء اذنت ، صليتها بصعوبه طبعاً بسبب الفستان ، بس صليتها 

عشان مره واحده اسمعهم بيهتفو ان العريس وصل 

عشان اقف متوتره كانها اول مره وانا مديه ضهري للباب بعد م كل ال ف الاوضه خرجو 

بس بما اني انا كمان عملاله مفاجأة فالتفتله انا قبل هو م يوصل ويبقي قدامي 

عشان الصدمه تظهر ع ملامحه ف ثواني ، وف الثواني ال بعدها الاقي عنيه بتدمع وهو بيقرب عليا بلهفه 

عشان يرفع النقاب ويبص لملامحي بشوق 

اتكلمت وانا ببصله بابتسامه خجوله 

_ شكلك حلو 

فضل شويه ساكت بيبصلي بابتسامه بس ، لحد م فقدت الامل 

لقيته بيرد وهو بيقرب عليا يبوس جبهتي 

= وانتي شكلك..ملاك ، ملاكي 

_ اي رأيك ف المفاجأة ؟

= حلوه ، زيك 

نزل النقاب بهدوء ، عشان يقرب عليا ياخدني ف حضنه ، ومره واحده يشيلني ويلف بيا بفرحه ، بلهفه ، بعدم تصديق 

مكس مشاعر كان موجود عندنا احنا الاتنين 

نزلني ، مسك ايدي واخدني ع العربيه ال كان مزينه بالورد ال انا بحبه 

لقيت بابا واقف مستنينا بره وهو متشيك ، واضح كده ان كله كان عارف بفرحي الا انا 

اتصدم لما شافني بالنقاب والخمار بس بعدين فرح واخدني ف حضنه وهو بياكدلي ان نوح وقع ف حبي خلاص 

وقبل م ارد عليه لقيت نوح بياخدني من حضنه وهو بيبصله بسماجه زي يوم م كنا عندنا 

عشان يضحك بابا علينا ويسبنا فعلا نركب العربيه 

طول الطريق ايدي ف ايده متفارقتش ، كاني كنت غايبه ولسه راجعه من سفر بعد عُمر طويل 

وصلنا مكان الفرح ، وال كان اسلامي ، منفصل ، الرجال ف مكان والنساء ف مكان تاني ، مفيش ميوزك ، دُف بس 

دخلت ،  معظم الموجودين مكنتش اعرفهم ، بس كانو فرحانين من قلبهم ، باين عليهم 

عشان بعدها نوح يدخل عشان يفضل معايا شويه 

بس بما اني لمحت ان العين عليه فطردته عادي ، ده جوزي يجماعه يعني اكيد مش مستغنيه عنه 

شويه والفرح خلص ، او نوح ال خلص عليه ، انا كنت مبسوطه مش عايزه امشي ، بس مشينا ، روحنا البيت

سلمت ع بابا ، وكذلك ماما ، ال مكنتش محتاجه توصي نوح لو زعلني هتعمل فيه اي ، لانه already جرب وخلاص 

طلعنا الشقه عشان يطلب اني اغمض عيني ، امتثلت لأمره وغمضت فعلاً 

عشان ادخل البيت ، والف ف الاوض الاقيها زي م تمنيت فعلاً  ، نفس الالوان بنفس الديكور 

حتي البلكونه حط فيها زرع وكرسيين زي م كنت بحلم

بصيتله بعدم تصديق وانا بحاول مدمعش 

_ انت ازاي عملت كل حاجه كده  

قرب عليا وهو بيبصلي بابتسامه حنينه 

= بيت احلامك كان لازم يبقي حقيقه 

_ بب..بس انت عرفت ازاي 

= مهي أميره قالتالي ، اومال انتي مفكره هي كانت بتسالك لي 

وف لحظه افتكرت فعلاً اسئله اميره عن بيت احلامي ، واني كنت عايزه بيتي يبقي عامل ازاي ، واني ساعتها كنت بجوابها بتلقائيه عادي 

وف اللحظه ال بعدها لقيتني برفع الفستان عشان اجري استخبي ف حضنه 

_ انا بحبك ي نوح ، بحبك اوي 

= وانا دايب فيكي يعيون نوح 

فضلت شويه استمتع بحضنه وانا نفسي العمر يقف بينا هنا ، مش عايزه اسيب حضنه ، عايزه افضل هنا طول عمري 

= ف اوضه مدخلنهاش ، تعالي اوريهالك 

ودخلنا فعلاً ، لقينا ركن للعباده ، ركن مريح ، نبعد بيه عن تعب الدنيا الفانيه 

ركن هادي بعيد كل البعد عن زحمه العالم 

بنفس فستاني ونفس بدلته ، قعدنا وقعدته قدامي ع سجاده الصلاه 

مديتله ايدي عشان نشبك صوابعنا الصغيره ببعض 

اتكلمت وانا ببصله بعيون بتطلع غصب عني نجوم من الفرحه 

_ اوعدني 

= اوعدك 

_ اننا عمرنا م ننام وحد فينا زعلان من التاني 

= اوعدك 

_ اننا عمرنا م ننام وانت مش واخدني ف حضنك ، حتي لو زعلانين 

= اوعدك 

_ اني لو بعدت عن ربنا خطوه تقربني خطوتين 

= اوعدك 

_ ان اي وقت احتاج حضنك الاقيه 

= لازم هتلاقيه ، لاني انا ال محتاج حضنك ، اوعدك 

___________________ 

وعدي ع الوعد ده 6 سنين ، عمر م حد فينا خل بالاتفاق ، ولا حد فينا بعد عن التاني ، ولا حد قدر يبعد اصلا 

ف نفس المكان ال اتوعدنا فيه ، هو نفس المكان ال ختمت فيه القرآن بعد جوازنا بسنه ، وده بفضل مساعدته 

هو نفس المكان ال فجاني بتذاكر الحج ال حجزها كمكافئه ليا عشان ختمت 

هو نفس المكان ال زعلت منه بدون سبب  ولجأتله فجه يصالحني فيه بدون م يسال انا زعلانه لي ، 

هو نفس المكان ال زعل مني عشان النقاب مكنش مظبوط وبين عيني كلها فروحت عشان اصالحه واخدت مكافئتي ، حضنه 

هو نفس المكان ال احتفلنا بيه بحملي ف عُمَر ، وكذلك حملي ف قدس 

هو نفس المكان ال احتفلنا فيه بانه بقا شريك مع بابا بالنص ف شركته 

هو نفس المكان ال عيطت فيه عشان سمعت واحده بتتغزل فيه قدامي بدون م تعرف اني مراته ، ويومها صالحني بورد ، وشوكولاتة ، وحضنه 

هو نفس المكان ال زعل مني فيه عشان اكلت مربي من وراه وتعبت ، وصالحته عشان برضو اروح لحضنه

هو نفس المكان ال فرحته فيه بخبر اني مش عايزه اشتغل ، وعايزه افضي للبيت عشان استقبل حضنه وهو خارج للشغل وهو راجع منه 

هو نفس المكان ال قاعدين بنحفظ فيه عُمَر وقدس القرآن حاليا 

عشان بدون م احس ، اقرب عليه وادفن نفسي ف حضنه وانا بهمسله 

_ بحبك 

عشان يرد بنفس الهمس وهو بيشد ع حضني 

= وانا دايب فيكي 

عشان يكتمل المشهد بقرب عُمَر ال بيحاول يسند اخته الصغيره عشان يقربو علينا ، قدس وعمر ف حضني ، بما اني واخده حضنه كله لوحدي

عشان لأول مره احس بجمله 

" وبعد التوهه والحيره تقابل حد يكونلك عوض كافي عن مُر الايام  .. 💜 "

#تمت

#Mai_Sayed