مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية احببت مجنونة الجزء 5 (عشق بالخطأ) الفصل الثالث عشر 13بقلم نجمه براقه جديده وحصريه 

رواية احببت مجنونة الجزء 5 (عشق بالخطأ) الفصل الثالث عشر 13بقلم نجمه براقه جديده وحصريه 

P13

بعد يوم 

#مسك 

روحت بلغت عن الشنطة قبل ما خالد يطلع الصبح علشان ميروحش معايا، ولما رجعت الاوتيل لقيته قدام باب اوضته 

خالد _ طيب ليه 

مسك _ ليه إيه 

خالد _ ليه مش عايزة تتكلمي معايا ولا تخليني اساعد

مسك _ ما انا بتكلم معاك اهو 

خالد _ انا مش قولتلك اوصلك علشان تبلغي،  ينفع تروحي لوحدك وانتي مش معاكي اي اثبات شخصيه افرضي وقعتي في مشكله كان مين هيساعدك

مسك _ انا مش صغيره عشان اقع في المشاكل يا خالد، 

خالد _ انتي ست ولو وقعتي في مشكله مش هتعرفي تتصرفي لوحدك،  انا خايف عليكي 

مسك _ لا متخافش.  عن اذنك 

خالد _ مسك استنى

مسك _ افندم 

خالد _  احنا صحاب من زمان ملهوش لازمه التهرب ده،  انا نسيت فترة الخطوبة واتجوزت وخلفت وانتي كمان ف ليه التعقيد ده

مسك _ لأن ببساطة سيف مش هيحب اني اتكلم معاك وانا مش حابه ازعله،    

سبته ودخلت اوضتي والباب خبط ولما فتحت لقيته هو 

مسك _ نعم 

خالد _ المفروض انك مخرجه كبيرة وليكي اسمك وحره تصادقي اي حد طالما واثقه انه شخص كويس..  ولا انا بنسبالك مش شخص كويس 

مسك _ اولآ مينفعش تخبط عليه علشان انا لوحدي،  ثانيآ حتي لو انت كويس بس طول ما سيف مش حابب كده انا مش هتعامل معاك ك صديق او غيره...  عن اذنك لازم ارتاح شويه 

قفلت الباب عليه وروحت اترميت علي السرير والباب خبط تاني  ،  قومت وانا ناويه اهزقه ولما فتحت لقيت زين 

زين _ تعبتييييني اوي 

مسك _ يانهار ابيض،  انت ايه جابك هنا 

زين _ هقف على الباب كتير

مسك _  ادخل،   

زين _   ايه يابنتي انا عمال اتصل بيكي وابعتلك مسجات وانتي ولا هنا 

مسك _ شنطتي اتسرقت بكل اللي فيها 

زين _ اوبا، طيب  وعملتي ايه 

مسك _ روحت بلغت ويارب يلاقوها 

زين _ يعني، انتي كده مش هتقدري ترجعي معايا 

مسك _ وانت راجع امتي 

زين _ لسه محددتش،  بس في اي وقت ممكن ارجع  

مسك _ طيب جاي ليه 

زين _ جاي ارجعك  

مسك _ ترجعني؟  عيله انا علشان تيجي ترجعني 

زين _  مش عيله بس لازم تعرفي اللي حصل 

مسك _ وهو ايه اللي حصل بقا 

زين _ اسمعيه من سيف  هو هيفهمك احسن مني 

مسك _ الظاهر انه قدر يقنعك أنه مظلوم 

زين _ من غير ما يقولي حاجه انا لو شوفت بعيني مش هصدق ان سيف يخونك 

مسك _ لا،  لو شوفت كنت صدقت 

زين _ يابنتي دا بيقول شربته حاجه في العصير،  ودا وارد 

مسك _ ههههه شربته حاجه اصفره اظن..  انت بتصدق في الحاجات دي، 

زين _ ولازم انتي تصدقي،،  البنت كانت مريضه وبتموت،  وابنها مخطوف،  مفيش واحد طبيعيّة هتعمل علاقه مع واحد وهي في الحاله دي 

مسك _ انت بتتكلم عن مين..  مين اللي ماتت ومين دي اللي مريض،  وابن مين 

زين _ البنت اللي شوفتيها مع سيف 

مسك _ بنت مين يازين انت هتجنني،  ريماس تموت طيب ازاي  ومرض ايه ده اللي عندها وانا معرفهوش ومين ابنها ده 

زين _ دا اللي انتي متعرفهوش،  هي كان عندها مشاكل في القلب، ومعاها ولد كان مخطوف ورجع في اليوم اللي مشيتي فيه،  وهو دلوقتي مع سيف 

مسك _ لا استني دماغي بتحمل،،  ابن مين مع سيف؟

زين _ ابن ريماس يامسك في ايه 

مسك _ لا انت اكيد تقصد واحده تانيه،  ريماس مخلفتش ومش عيانه 

زين _ ده اللي حصل هي معاها ولد وماتت بمرض في القلب،  ودلوقتي ابنها مع سيف،  وتبناه 

مسك بانفعال _ وحتي لو كلامك صح هو  يتبناه بتاع ايه وهو بيقول انها شربته حاجه  

زين _ هو بيقول موصياه عليه 

مسك بنرفزه _ اااه وانتو صدقتوه طبعآ،.. شربته حاجه و وقعت بينا،  وببساطه كده تقوله موصياك علي ابني وهو يوافق،  

زين _ طيب ما تهدي بتزعقي ليه دلوقتي  ..  اه ده اللي حصل وانا مصدقه 

مسك _ حقكم...  دا مش بعيد يكون ابنه منها،  طبعا ما انا المغفله...  وعمال يقولي مش بتهتمي،  اتاري كل ده علشان يلاقي لنفسه عذر يخوني علشانه 

زين _ الولد معدي 5 سنين  يعني قبل ما نيجي من امريكا 

مسك _ والولد ده عايش فين 

زين _ مع سيف في البيت 

مسك _ وأسر فين

زين _ معاهم 

مسك _ كمااان،  اديني تليفونك 

زين _ هتعملي ايه 

مسك _ اديني التليفون بقولك 

زين _ طيب اهدي،  خدي اهو 

خدت منه التليفون واتصلت بسيف 

#سيف 

وصلني اتصال على المسنجر من زين   و رديت 

سيف _ حبيبي عامل ايه 

مسك بانفعال _ انت ازاي تجيب ابن صحبتك يعيش مع ابني في نفس البيت 

سيف _ مسك 

مسك _ متجبش اسمي علي لسانك،  وفورآ تودي أسر عند ماما، ابني ميقعدش مع الولد ده دقيقه واحده 

سيف _ ابنك من اي نحيه،  انتي ناسيه انك سبتيه لوحده وسافرتي 

مسك _ انا  حره،  والكلام اللي بقوله يتنفذ،  ابني يروح عند ماما لغيت ما اجي اخده 

سيف _ لا مش هيروح  وهيتربا مع سليم،  انتي بقا شوفي شغلك وحياتك 

مسك _ يبقا انت اللي اخترت 

سيف _ لا مش  فاهم  ...  دا تهديد يعني 

مسك _ زي ما تعتبره،  والنهارده تطلقني واجي الاقي ورقتي عند ماما 

سيف _   لما ترجعي 

مسك _ دلوقتي 

سيف _ مبعرفش اطلق في التليفون 

مسك بانفعال _ امال تعرف تخون 

سيف _ ايوه بعرف اخون بس مش علي التليفون،  زي مانتي شوفتي

مسك بغيظ _ اووكي، افتكر كلمتك دي علشان لما اخونك انا كمان متزعلش،  

سيف _ تخونيييني،  

مسك _ اه هخونك،  ولو مش  عاوز ده يحصل طلقني دلوقتي  علشان لما اروح اقابل خالد متبقاش قرطاس

سيف _ خالد؟  ...  هو عندك 

مسك _ ايوه،  وفي الاوضه اللي جمبي بظبط، يعني ثانيه اكون في اوضته، 

سيف بغضب  _ اقسملك ما اعرف انك بتصبحي عليه  لا ارجعكم جثث في شنط انتي وهو 

مسك _ هيحصل وهصبح وامسي واحضن كمان ف طلقني بكرامتك

سيف بغضب _ انتي..... 

مسك _ ايوه كمل  ولا خايف 

سيف _   اقفلي دلوقتي،  

مسك _ ماشي، انت  اللي  اخترت تكون قرطاس 

سيف _ قرطاس؟ 

مسك _ ايوه ولو مطلقتنيش ياسيف هخونك  

سيف _اوكي، انتي طالق و ورقتك هتستناكي عند رودينا 

مسك بدموع _ احسن   وبتقفل في معاه 

بعد ما قفلت معايا فوقت على حجم المشكله اللى عملتها،  مكنش ينفع اخليها تستفزني بشكل ده واطلقها 

خدت أسر وسليم وديتهم عند بابا علشان ابعد يومين ولما وصلت لقيتهم عارفين اللي حصل،  ومسك كلمتهم علشان يخلو أسر معاهم 

مراد _ انت ايه اللي عملته ده 

سيف _ مش عاوز اتكلم دلوقتي 

مراد _ امال هنتكلم امتي...  ازاي  قدرت تطلقها 

سيف بانفعال _ دي بتقولي هتخوني مع  خالد...  خالد اكتر واحد كرهته في  حياتي،،  انت امتي هتوقف معايا  مره زي ما  بتوقف معاها 

سليم _ خالد الحرامي  

مراد _ دي بتهدد من زعلها منك،  مسك مستحيل تعمل كده وانت عارف 

سيف _ حتي لو زعلانه متقوليش كده...  يرضيك تقولي  خالد جاري وفي  ثانيه  اكون  في  اوضته 

سليم _ بابا بابا 

سيف _ استنا يا سليم 

سليم _ بابا 

سيف بعصبيه_ وبعديين ياسليم بقولك استنا

سليم يبعد عنه وهو بيبكي 

مراد _ بتتعصب على الولد ليه 

سيف  بخنقه _ يارربي،  سليم  تعاله...  خد ياحبيبي 

مراد _ زعل  منك مسبتش حد مزعلتهوش حتى الطفل 

سيف بتنهيده _ انا اللي بزعل بس،  متشكر  ...  سليم تعاله 

سبتهم وروحت  عند سليم في الاوضه لقيته قاعد جمب الالعاب وبيحسس علي  صباعه،  ف روحت عنده و شيلته 

سيف _ انا اسف،   

سليم بدموع _ عاوز ماما 

سيف _   متزعلش، اوعدك مش هزعقلك تاني 

سليم بدموع _ لا انت  زعقتلي 

سيف _ انا اسف،  عاوزني اعمل ايه علشان متزعلش منى 

سليم _ عاوز مسدس

سيف _ طيب نروح دلوقتي ونجيبه من البيت 

سليم _ انا عاوز مسدس زي بتاعك 

سيف _  هتحارب ولا ايه 

سليم _ هضرب خالد بالرصاص 

سيف بإبتسامة _ هو مزعلني بس مش لدرجة نضربه برصاص ياحبيبي 

سليم _ خالد اللي ضربني 

سيف باهتمام _ اللي ضربك اسمه خالد 

سليم _ ايوه 

سيف _ الحرامي اسمه خالد 

سليم _ ايوه اسمه خالد ااااا... عمار 

سيف _ خالد عمران؟ 

سليم _ ايوه هو قالي كده 

في اللحظه دي فهمت كل حاجه،  علشان كده ريماس قالتلي اني كتير هيموت بسببك مش  ابنك بس،  يعني خالد اللي عمل كدا علشان يوصل لمسك..  وبعدين  راح تركيا واكيد هيلف حواليها عشان ترجعله 

سبت سليم،  وطلعت عند بابا ورودينا وانا ناوي اسافر اصفي خالد وارجع مسك معايا

سيف _ هسافر يومين وخلو بالكم من أسر وسليم 

رودينا_ تسافر فين

سيف_ هرجع مسك 

رودينا _ ايوة كده ربنا يصلح حالكم

مراد _ كويس اوي، روح ومترجعش من غيرها

سيف _ اوك،.. وانا هكلم سرور وكردي ياخدو بالهم منكم يكون رجعت

مراد_ ماشي يابني، ربنا يهديكم

#زين

مسك بقت تبكي ومش عايزة حد جمبها، ف سبتها وروحت الأوضة بتاعتي وكلمت نسمه، 

زين _ مفيش صباح الخير

نسمه _ صباح الخير 

زين _  وحشتيني

نسمه_ شكرا 

زين _ مالك حد زعلك؟

نسمه _ ايوه وكنت متردده اكلمك او لأ 

زين _ في ايه يا نسمه

نسمه _ واقعه في مشكله مش عارفه اطلع منها ازاي 

زين باهتمام _ مشكله أيه

نسمه _ الفيديوهات بتوعي 

زين _ مالهم 

نسمه _حد بيهددني بيهم

زين _ وده وصلولوه ازاي 

نسمه _ معرفش انا دماغي وجعتني من التفكير

زين _ طيب  ومين ده ومن امتي بيهددك

نسمه _ بعد ما قفلت معاك..  انا خايفه اوي لا ينشرهم يازين

زين _ متخافيش انا معاكي  ...  هو قالك عاوز إيه مقابل 

نسمه _ فلوس 

زين _ كام يعني 

نسمه _ 3 مليون جنيه 

زين _ اه،  طيب،  انا يوم وهرجع متخافيش 

نسمه _   انا  بفكر اقول  ل بابا 

زين  _ لا متقوليش قبل ما ارجع ونحلها مع بعض 

نسمه _ وانت هتعمل ايه يعنى 

زين _ هحلها متقلقيش،  بس  الفيديوهات دي وصلته ازاي لازم تعرفي

نسمه  _ معرفش فكرت كتير وموصلتش لحاجه

زين _ حد غيرك  بياخد الفلاشه بتاعتك 

نسمه  _ لأ مفيش حد خدها.... 

زين  _ متردده تقولي  محدش  خدها غيرك 

نسمه  _ ايوة،  بس  اكيد  انت مش هتعمل  كده  معايا 

زين  _ اكيد،  انا  ههددك واطلب فلوس  ليه 

نسمه _   طيب  هتعمل  ايه 

زين  _ هندفعلو 

نسمه _ ندفعلو منين،  دول تلاته مليون 

زين _ ولو تلاتين مليون،  المهم  ميحصلكش مشكله  

نسمه _ ايه اللي بتقولو ده،  دا حتي لو بعت دهبي و سرقت من بابا زي ما قالت اسراء  مش  هكملهم 

زين _  اسراء  قالتلك اسرقي 

نسمه  _ ايوة،  عشان  احل المشكله  

زين  _ هي البنت  دي بتاخد الفلاشه منك 

نسمه  _ لأ خالص 

زين  _ تمام..  انا  مش  عاوزك  تقلقي،  ولما يكلمك  الشخص  ده  قوليلوه  استنا يومين 

نسمه _ هتعمل  ايه

زين _ ملكيش دعوه 

نسمه _ زين انا مش بشتكيلك عشان  تتعطف عليه  وتدفعلي،  انا  هقول  لبابا وهو  يتصرف 

زين _ مش هتقولي حاجه،  وملكيش دعوه  بالموضوع  ده  انا  هخرجك منه 

نسمه _ اعرف  هتعمل  ايه  

زين _ هدفعلو 

نسمه _ مستحيل،  انا  مش  هسمح بكده 

زين  _ وانا  مش  باخد رأيك علشان  تسمحي ولا  لأ  

نسمه  _ مبهزرش يا زين 

زين _ ولا انا 

نسمه  _ يابني اسكوت انا  مقدرش  اردلك المبلغ ده  طول عمري 

زين   _ بكلمه واحده منك تقدري ترديهم وتاخدي فوقيهم كمان 

نسمه _ اللي هي؟

زين _ تقولي انك بتحبيني

نسمه _ انت هترجع امتي 

زين _ بعد بكره 

نسمه _ اوكي

زين _ مكنتش هاجي قبل ما تقوليها بس المشكله تستاهل اتنازل 

نسمه _ هستناك 

زين _ هتستنيني عشان مشكلتك ، مفيش كلمه كده ولا كده طبعا

نسمه _ انا بشتكليك علشان  محتجاك معايا مش عشان تدفعلي، وانا لسه مش موافقه، لكن عشان ردت فعلك واهتمامك،.. لما تيجي هقولك اللي عاوز تسمعه 

زين _ انا مش داخل صفقه وعاوز مقابل، المهم تكوني حاسه بالكلمة اللي هتقوليها 

نسمه _ عمري ما كنت هقولها لو مش حساها 

زين بإبتسامة _ ااه لو بأيدي كنت رجعت دلوقتي، بس للأسف ظروفي اقوي مني 

نسمه _ كويس اوي، يكون ظبط الدنيا مع حسام

زين بإبتسامة _ Really, I am very happy 

نسمه بإبتسامه _ كويس

زين _ لما يكلمك الشخص ده قوليلوه زين بيحبك ولما اشوفه هحضنه 

نسمه بضحك _ اشمعنا 

زين _ عشان هو السبب انك تحسي،

نسمه _ ههههه ماشي

زين _عقبال ما توافقي علي الشغل معايا كمان

نسمه _  قولتلك لأ يا زين

زين _ ارفضي براحتك انا ليه خططي اللي هتخليكي توافقي

نسمه _ هي ايه

زين _ مش هقولك 

نسمه _ لا بجد قول

زين _ تؤ مش قايل مخليها مفاجأة، 

نسمه بابتسامة _ ربناااا يستر 

كنت ناوي لما اخلص المشكله بتاعتها، اطلب ايدها من باباها وبعد ما نتجوز محدش له دعوة بينا وبحايتنا، وهنشتغل مع بعض ونكون احسن couple ، بس يارب الموضوع يمشي زي ما انا مخططله 

#نسمه 

الموضوع جه بسرعه والمفروض  منحكمش علي مشاعرنا بسرعه دي، ولازم ناخد فرصتنا عشان نقول اننا بنحب الشخص ده او لا.... لكن انا مش هنكر انجذابي لزين وتعلقي بيه بسرعه، ومش هنكر برضو اني بلاقي نفسي معاه، وتقريبآ نسيت حسام من وقت ما اتقابلنا، ويمكن هكون انانيه شويه وهختار الطريق السهل، اللي هو زين، بدل ما اختار حسام اللي مفيش توافق بينا من النحية الماديه، والاهم من ده كله انا هسيبه عشان مبقاش بخونه وانا مشغوله بواحد تاني....

بعد ما قفلت مع زين وعلى غير عادتي كلمت حسام عشان اقابله واقوله اني خلاص هبعد،، من غير ما استشير اسراء،  لاني كنت حاسمه الموضوع ومش عايزة راي حد يشوش عليه او يخليني اتراجع....

وبعد ما كلمته وطلبت منه يقابلني، خرجت من البيت بسرعه وروحتلو الكافيه اللي بنتقابل فيه، ولقتيه مستنيني هناك

حسام _ اخيرآ حنيتي عليه

نسمه _ ازيك يا حسام

حسام _ بخير، طول ما انتي معايا 

نسمه _ مامتك عامله ايه دلوقتي 

حسام _ بقت احسن

نسمه _ الحمدلله

حسام _ مالك

نسمه _ حسام احنا لازم نسيب بعض

حسام _ نسيب بعض؟ طيب ليه 

نسمه _ متزعلش منى بس انا مبقاش جوايا مشاعر ليك

حسام _ مبقاش جواكي مشاعر ليه.. ايوووه طبعا، مش جاورتي الفنان الي كنتي هتموتي وتشوفيه، وطالما جه، نرمي الكلب الفقير اللي خلاص مبقاش من مستوانا 

نسمه تبص حواليها تلاقي الناس بتبص عليهم 

نسمه _ حسام الناس بتبص علينا 

حسام _ خليهم يتفرجو،... ايوه انا الفقير اللي حب بنت الباشا وسابته عشان المغنواتي المعفن بتاع امريكا 

نسمه _ تصدق انا غلطانه علشان حبيت اصارحك،.. انا ماشيه 

جيت امشي ف مسك دراعي

حسام _ رايحه فين ياحلوه 

نسمه _ سيب ايدي يا حسام الناس بتبص علينا 

حسام _ مش هسيبك قبل ما تعقلي 

سليمان يمسك ايده ويبعدها عنه ويضربه بالقلم _ انت بتعمل ايه يا حيوان 

نسمه بصدمه _ بابا 

حسام _ انت بتضربني

سليمان ن _ واشرب من دمك، وانتي قدامي حسابك معايا في البيت

حسام _ ماشي والله لا ماشي 

بابا شدني من دراعي وخدني معاه في عربيتي، وخلا السواق يرجع عربيته هو

نسمه _ بابا

سليمان _ ولا كلمه

نسمه بدموع _ بابا انا اسفة والله 

سليمان  _ قولت ولا كلمه،،، 

روحنا البيت وبابا قال متخرجش من البيت وحبسني في اوضتي 

#اسراء 

حسام كلمني وطلب مني اروحلوه بيته وهو متعصب اوي  ولما  روحت  قالي  ابعتيلي  الفيديوهات  بتوع نسمه 

اسراء  _ ليه 

حسام _ ابعتي  وملكيش  دعوه 

اسراء  _ اعقل يا حسام،  عاوز تعمل  ايه 

حسام بعصبيه _ هنشرهم وافضحها 

اسراء  _ ايه اللي  حصل  

حسام _ الاستاذه  كلمتني عشان  اقابلها ولما  روحت قالتلي  احنا  لازم  نبعد قال ايه مبقاش جواها مشاعر  ليه،  والدكتور ابو قرون جه فجأه وضربني قدام  الناس،  وديني لا ازلهم

اسراء  _ طيب  اسكت متبوظش كل حاجه 

حسام  _ خلي كل  حاجه تبوظ المهم  افضحهم

اسراء  _ قولتلك  اسكت،  وهيحصل اللي  انت عايزة 

حسام  _ ناويه علي  ايه 

اسراء  _ انا محروقه منها  اكتر  منك،  واللى  ناوياه،  هيبوظلها حياتها،  وهناخد من وراها فلوس كمان ف اقعد  علي  جمب واهدا 

حسام _ اما نشوف  اخرتها معاكي 

اسراء  _ اسكت  هكلمها 

حسام  _ شغلي الاسبيكر 

اسراء  _ طيب 

اتصلت  بيها  وردت عليه  هي  وبتبكي 

اسراء  _ حبيبتي  مالك  بتعيطي  ليه 

نسمه ببكاء  _ حصلت مشكله كبيره  معايا وبابا حبسني في  اوضتي 

سألتها على  السبب قالتلي  كل  حاجه والكلام  اللي  قالهولها زين بأنه هو  اللي  هيدفع لها  الفلوس،  وانها سابت حسام  علشانه،،،  وبعد  ما خلصت  وعدتها اني  هساعدها ومش  هسيبها،  وقفلت معاها 

حسام  بغيظ _ كنت  عارف  ان هو  السبب  وديني  لا اقتله

اسراء  _ تعرف  تسكت،  قال يعني  كنت  بتحبها  

حسام  _ انتي  بتقولي  ايه،  دي بتخوني وانا  راجل  مقبلش بكده 

اسراء  _ ههههههههههههههه ضحكتني  ينيلك،  ونبي وحشتني  يا واد 

حسام  _ ودا وقته اقعدي مليش  نفس 

اسراء  _ طيب  روق كده  انا  هقولك  كلمتين يخلوك تهدا ويرجعولك نفسك 

حسام  _ قولي  اما نشوف  دماغ ابليس اللي  عندك 

#مريم 

روحت ال Nightclub وكانت الساعه  7 مسآء عشان اقابل المدير 

المدير _ انتي  تاني 

مريم  _ لو سمحت  انا  واقعه في  مشكله  ومحدش هيساعدني غيرك 

المدير  _   اتفضلي 

مريم  _ عاوزة  اشوف تسجيلات الكاميرات 

المدير  _ حضرتك  من البوليس 

مريم  _ لأ  بس  انا  لازم  اشوفهم ضروري  لو سمحت 

المدير  _ مش  هينفع  للأسف 

مريم  _ ارجوك،  انا  حياتى هتبوظ لو  مشوفتش التسجيلات  دي

المدير  _ يافندم  مش  هينفع 

مريم  _ مفيش  اي طريقه اشوفهم بيها  طيب  

المدير  يبصلها  برغبه _؛ فيه 

مريم  _ ايه

المدير  _ اعزمك علي كاس هنا 

مريم _ لا مش  بشرب،  تاخد  كام وتخليني اشوف 

المدير  _ انا  ممكن  ادفعلك لو توافقي 

مريم  باحتقار _ متشكره  مش  عايزة  منك  فلوس...  قولي  تاخد كام 

المدير  _ ماشي  ماشي...  خمسين الف 

مريم  بذهول  _ خمسين إيه 

المدير  _ خمسين الف جنيه

مريم  باحتقار  _ انت انسان  زباله

المدير  _ هتغلطي هخليهم يرموكي بره 

مريم  _ ماااشي،  هجبلك الفلوس بعد  يومين 

المدير  _ طيب  يختي،  اتفضلي 

طلعت  من عنده ولقيت شاهر  علي  البار،  وتجاهلته ومشيت  وهو  جه ورايا و وقف قدامي 

شاهر _ عجبتك الفكره  وجايه تدوري على  واحد  تاني 

مريم  ترفع ايدها  عشان  تضربه وهو  يمسكها 

شاهر  _ مابلاش تعملي  عليه  شريفه،  ما المستور اتكشف 

مريم  تشد ايدها  منه _ لو مبعدتش عني  هصوت والم عليك  الناس 

شاهر  _ وحيات القلمين اللي  ادتهمني لا اردهملك عشره 

مريم  _ مش  خايفه  منك ومش  هتقدر تعمل  حاجه،  

شاهر  _ هتشوفي،  ...  الا قوليلي صحيح هي حسنه واحده  ولا  اكتر 

مريم _ ايه 

شاهر _ ايه 

مريم _ حسنة ايه اللي بتتكلم عنها 

شاهر  ببرود  _ الحسنه اللي في  جسمك، في الجمب الشمال  هو  انتي  متعرفيش  ان ياسر  مش  بيخبي عني  حاجه

مريم  بدموع  _ هو  قالك 

شاهر  _ للأسف قالي،.. وهموت واشوف بنفسي 

سبته وروحت  البيت  وطلعت  الاوضه عند  ياسر واول ما شافني جه وقف جمبي وشكله متعصب

مريم  بانفعال  _ وصلت  بيك الحقاره انك تحكي بتفصيل لابن عمك

ياسر _ كنتي  فين 

مريم  تضربه  في  كتفه_ ردي علي  سؤالي،  انت ازاي  بعد  اللي  عملته تعد حسنات جسمي وتحكي بيها،  بزمه مش  مكسوفه من  نفسك 

ياسر  يمسكها  من رقبتها ويخبطها في  الحيط  _ انتي  شكلك  مستعجله علي  ليله  الدخلة،  انا  مش  قولتلك  لو ايدك  لمستني مش  هحرم نفسي من  حاجه

مريم _ كنت اقتنعت انك  سكران،  بس  طلعت  زباله ومعندكش نخوه، 

ياسر  يضغط علي  رقبتها _ انتي  تاني،  ما كفاية  بقا كفاية 

مريم  تشد في  ايده  وتتنفس بصعوبه وياسر يسيبها

ياسر _ احمدي ربنا  اني  سيبتك تعيشي

مريم  _ انتي ازاي  طايق نفسك  كده،،،  معدتك ما بتقلبش وانت بتبص لنفسك  في  المرايا 

ياسر  _ مش  معنا اني  سيبتك اني  مش  هقدر  اخنقك بجد  ،  اتلمي

مريم  تقف قدامه _ اه لو تعرف  انا  شيفاك ازاي  دلوقتي  ..  واااااطي اوي

ياسر _ طيب  ابعدي عني  دلوقتي  

مريم  _ نفسي  اعرف  ازاي  قدرت تحكي تفاصيل جسمي لابن عمك،،،  دا حتى  انا  دلوقتي  اسمي مراتك ومش  من الرجولة  انك تعمل  كده 

ياسر _ انا  مشوفتش حاجه علشان  احكيها،  ارحمي نفسك  شويه مبتزهقيش من الكدب والحوارات 

مريم _ امال هو  عرف  ازاي اني  عندي  حسنه وتحديدا في  جمبي الشمال،،  قولي 

ياسر  _ انتي  بتمثلي ومصدقه نفسك،  ودا مش  موضوعنا...  كنتى  فين 

مريم  _ حاجه متخصكش 

ياسر  بحده _ كنتتتي فين 

مريم  _ اسأل  ابن عمك 

ياسر  يذقها ويمسك التليفون  ويتصل ب شاهر 

شاهر _ ايوه  يا ياسر 

ياسر  _ انت شوفت  مريم  النهارده 

شاهر  _ لأ 

ياسر _ ثانيه واحده  ...  بيشغل الاسبيكر ويقرب من مريم  ويرجع يكلمه

ياسر _ هسألك تاني... انت شوفت مريم النهارده

شاهر _ لأ انا مخرجتش من البيت النهارده

ياسر _ جيت في يوم وقولتلك علي حاجه في جسمها

شاهر _ لا مقولتش، هو ايه اللي حصل

ياسر _ طيب هكلمك بعدين

مريم _ كداب والله بيكدب هو لسه مقابلني ف ال Nightclub

ياسر _ روحتى ال Nightclub

 مريم _ ايوه 

ياسر _ روحتي تعملي ايه وانا مش معاكي... روحتي تقابلي مين فهميني 

مريم بدموع _ روحت ادور علي دليل بس والله شاهر قابلني وقالي اللي حكتهولك دلوقتي

ياسر  _ امشي من وشي 

مريم ببكاء _ مبكدبش والله

ياسر بغضب _ قولت امشي من وشى

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الأول1 من هناااااااااا

الرواية كامله الجزء الثاني2 من هناااااااااا

الرواية كامله الجزء الثالث3 من هناااااااااا

الرواية كامله الجزء الرابع4 من هناااااااااا

الرواية كامله الجزء الخامس5 من هناااااااااا

مجمع الروايات الكامله اضغط هناااااااا