مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 روايةلعبه القدر الفصل السابع والثامن 7-8بقلم يارا عبدالعزيز جديده وحصريه (جميع الفصول كامله)

روايةلعبه القدر الفصل السابع والثامن 7-8بقلم يارا عبدالعزيز جديده وحصريه (جميع الفصول كامله)

الفصل السابع 

غيث راح عندها و اتكلم بهدوء و ثقه :- بصي يا ريهام انا مش هطلق شجن 

ريهام كانت لسه هتتكلم بس قاطعها و هو بيتكلم ببعض العصبيه :- و لا هطلقك و لا حتى زياد هيخرج من بيت ابوه خروج زياد من هنا يا ريهام هيكون على جثتي... و انتي عارفه كويس اوي غيث الاسيوطي ممكن يعمل ايه فيلاش تتحديني يا ريهام احسنلك 

ريهام بصتله بغيظ شديد و غضب و كانت عيونها مليانه شر... ، راحت عند شجن و مسكتها.. من شعرها بكل قوتها:- انتي السبب يخاطفه الرجاله و الله ما هسيبك 

غيث راح عندها بسرعه كبيره و حاول يبعدها عن شجن بس ريهام كانت ماسكه فيها بكل قوتها 

غيث بغضب :- ريهام ابعدي عنها ابعدي بقولك 

شجن كانت ما بين ايد ريهام و كانت بتعيط ان بسببها ريهام وصلت للمرحله دي و كانت مستسلمه ليها كليا و مش عايزة تدافع عن نفسها و شايفه انها تستاهل كل دا 

غيث بعد ريهام عنها بصعوبه و هو بيضرب... ريها بالقلم... على وشها ، بصتله ريهام و شجن بصدمه كبيره و خصوصاً ريهام اللي الدموع اتكونت في عينيها 

ريهام بغضب :- انت بتضربني... يا غيث و عشانها هي انا همشي و هاخد زياد و انت ابقى وريني هتعمل ايه يا غيث يا اسيوطي و ما بينا المحاكم 

كانت لسه هتمشي بس مسك ايديها و دخل اوضتهم و قفل الباب بغضب في وش شجن اللي كانت واقفه متابعه كل اللي بيحصل بحزن ، لاقيت نفسها بتدخل اوضه زياد و قعدت جنب سريره على الارض و اتكلمت بهمس 

:- يا ترى مستنيكي ايه تاني يبنت ماهر 

غيث بغضب و هو لسه ماسك ايد ريهام:- انتي عايزه ايه يا ريهام بتمسكيني من ايدي اللي بتوجعني.. ليه 

ريهام بدموع و غضب :- مش عايزه واحده تانيه تشاركني فيك يا غيث انت لازم تطلقها... و تطردها من حياتنا

غيث بعصبية:- يبنتي افهمي انا عملت كل دا عشان احمد انا اكيد مش هبقى قاصد اخرب.. بيتي بايدي 

ريهام بغضب :- كنت ممكن تعمل اي حاجه كنت سفرها برا في مكان اخوك ميعرفش يوصلها فيه كان عندك مليون حل غير انك تتجوزها بس هي شكلها عجبتك يا غيث و عملت احمد حجه عشان تبقى معاك و طظ.. في ريهام و في ابني المهم انت و بس صح انا اكتر واحده فاهمك يا غيث بس اقولك حاجه انا اللي رخصت... نفسي ليك و لازم اتحمل عواقب افعالي 

غيث بشفقه عليها راح عندها و حط ايديه على كتفها بحنيه :- انا اسف يا ريهام انا مكنتش اقصد احسسك بكل دا بس مكنش في بالي غير احمد و ايه اللي ممكن يحصله بسبب حبه لشجن و مكنش قدامي اي حل غير دا عشان يشيلها من دماغه و دا حل مؤقت متخافيش لحد اما احمد يستوعب انها خلاص مبقتش تنفعه و يشيلها من دماغه و بعدين هطلقها متبعديش زياد عني زياد هو الحاجه الوحيده اللي مخلايني اعيش عشانها 

ريهام بدموع :- طب و انا و انا فين في حياتك يا غيث غيث انا بحبك و انت عارف يبقى ليه تتعامل معايا كدا و تلغيني خالص كدا من حياتك 

خد نفس عميق و شدها لحضنه... بحنيه و فضل يملس... على شعرها بحنان :- انتي مراتي و ام ابني و دي الحقيقه اللي مش هتتغير 

ريهام بحزن :- و انت عايزاها تتغير يا غيث 

ميل على وشها و قبل.. خدها بحنان و اتكلم بهمس :- مفيش غيرك ليها الحق فيا يا ريهام و استحملي لحد اما اطلقها و شيلي من دماغك موضوع انك تمشي انتي و زياد من هنا 

ريهام ببأبتسامه:- ماشي يحبيبي بس اوعدني ان انا و بس اللي ليها حق عليك انا و بس يا غيث و البنت دي هتكون مجرد زوجه على الورق و بس 

غيث بحزن :- اوعدك 

بدأت تفك... زراير قميصه برقه و اتكلمت بهمس :- انا هنسيك كل تعب انهارده 

غيث و هو بيبعد ايديها عنه برفق:- انا هروح انام في اوضه زياد و انتي نامي و ارتاحي 

قال كلامه و منتظرش ترد عليه و خرج من الاوضه ، ريهام بصتله بغضب :- ماشي يا غيث اما نشوف هتفضل كدا لحد امتى 

رنا وصلت البيت لوحدها لان سيف قالها تروح ترتاح و هو هيفضل مع احمد فروحها مع السواق 

ناهد بسخرية:- انتي شرفتي يختي مش قولتي انك هترجعي الصبح جايلي في نص الليل القاعدة عند اهلك عجبتك اوي كدا طب ما خليكي عندهم على طول و بلاش توريني وشك دا تاني 

رنا بهدوء و ارهاق:- انا اسفه يطنط بس حصل مشكله انهارده في بيت اهلي خلتني ارجع متأخر 

قامت من على الكرسي و راحت عندها وقفت قدامها و اتكلمت بسخريه و برود:- عرفت يختي عرفت ان اخوكي اتجوز على مراته و ام ابنه ما هو هيجيبه من برا ابن فريده طالع لامه واطي... زيها 

رنا بغضب :- لو سمحتي انا مسمحلكيش تتكلمي عن امي و اخويا بالطريقه دي 

ناهد بغضب و هي بتمسك رنا من طرحتها :- انتي بتعلي صوتك عليا يبت لا فوقي دا انا ست البيت هنا و انتي هنا خدامه لابني 

رنا بدموع :- اه حرام عليكي انتي بتعملي فيا كدا ليه هو انا عملتلك ايه 

ناهد و هي بتشدد من مسكتها اكتر :- انا مش طايقكي و مكنتش عايزكي تتجوزي سيف بس هو اللي اصر عليكي و نبهتك كذا مره ابني لا يا رنا لسه ماشيه على حبوب منع الحمل و لا بطلتيها 

رنا بدموع :- لسه ماشيه عليه 

ناهد بتهديد:- حسك عينك تقولي لسيف حاجه عشان انتي عارفه كويس اوي لو حملتي انا هعمل فيكي و في اللي في بطنك ايه فاهمه 

رنا بخوف و دموع :- فاهمه فاهمه سيبني بقى حرام عليكي شعري وجعني... 

سابت شعرها و هي بتزقها... بغضب :- غوري.. من وشي 

طلعت رنا بخوف و هي بتعيط بقوه ، فكيت طرحتها و قعدت على السرير و هي بتعيط بقوه لاقيت نفسها بترن على سيف 

سيف :- ايوا يحبيبتى وصلتي 

رنا مردتش عليه و فضلت تعيط بقوه 

سيف بخوف :- ايه دا فيه ايه رنا اهدي ايه اللي حصل 

رنا بشهقات:- تع تعالى يا سيف انا محتاجك اوي و حا حاسه اني مخنوقه... اوي و مش قادره 

سيف بخوف شديد:- حاضر حاضر اهدي انا جاي فورا اهدي يحبيبتى و خدي نفسك ماشي انا جاي اهو 

قفلت الفون و فضلت تعيط 

دخل غيث غرفه زياد لاقى شجن قاعده على الارض 

:- ايه اللي مقعدك هنا 

شجن :- عادي قولت افكر نفسي بمكاني الحقيقي و اني هنا مربيه لزياد مش اكتر المهم صالحت مراتك اتمنى تكون هديت شويه 

غيث :- اولا انتي مش مربيه لزياد انتي هنا مراتي و تاني حاجه اه صالحت ريهام و بطلي تحسي بالذنب... انتي معملتيش حاجه 

قال كلامه و فرد... جسمه على الكنبه بتعب 

شجن بصيت لهدومه اللي كانت مليانه بدم... احمد و قميصه اللي كان مقطوع من الكم

كانت لسه هتتكلم بس لاقيته غمض عيونه ، قربت عليه و خلعت... قميصه بخجل مفرط و راحت جابت مياه و قطعه قماش و بدأت تمسحله.... بطنه بخجل مفرط 

غيث كان حاسس بيها و مكنش عايز يفتح لانه كان مستمتع جدا بقربها منه ، كانت لسه هتبعد بس مسك ايديها بحب و اتكلم بهمس و هو بيفتح عيونه و مركز بنظره على عيونها 

:- خليكي هنا متمشيش 

شجن بخجل :- هنام فين 

غيث بجراءه و هو بيشاور على صدره:- هنا 

شجن بخجل مفرط و هي بترجع شعرها ورا ودنها:- اممم مش هينفع

غيث :- ليه مش هينفع هو مش احنا متجوزين 

شجن :- اه متجوزين بس 

مكملتش كلامها و شهقت بصدمه و خجل لما لاقته شدها و وقعها عليه و اتكلم بهمس و هو بيحط راسها على صدره.. و بيمسك فيها بقوه :- تصبحي على خير 

وصل سيف الفيلا بتاعته و طلع اوضته هو و رنا ، لاقها قاعدة على السرير و بتعيط ، راح عندها بسرعه و حضن... ايديها بين ايديه:- ايه يحبيبتى مالك اهدي يروحي فيه ايه 

حضنته... بكل قوتها و اتكلمت بشهقات : انا مخنوقه.. من كل حاجه بتحصل هو ليه بيحصل معايا كدا 

سيف بحنيه:- مضايقه عشان احمد و غيث هيتصالحوا هم ملهمش غير بعض و احمد بقى كويس و الله هم بس حاطينه تحت المراقبه في المستشفى مش اكتر اهدي بقى و بطلي عياط 

رنا كانت عايزه تقوله اللي حصل بس افتكرت كلام مرات عمها و خافت ، مسكت فيه اكتر حس بخوفها اتكلم بخوف 

:- فيه حاجه تانيه حصلت انتي خايفه كدا ليه 

رنا و هي بتطلع من حضنه.. و بتمسح دموعها:- لا مفيش حاجه حصلت انا بقيت كويسه متخافش 

حط كف ايديها على خدها ، غمضت عينيها بحب اتكلم بهمس و هو يقبل... خدها مكان دموعها:- انتي عارفه اني مش بقدر اشوف دموعك كنتي قولتلي اروح معاكي لما حسيتي انك مخنوقه كدا 

رنا بهدوء:- حصل خير بقى هقوم احضرلك الحمام 

كانت لسه هتقوم بس مسك ايديها و وقعها... على رجله و اتكلم بحب :- تعالي هنا انتي وحشاني اوي 

رنا :- و انت كمان يحبيبي بس 

سيف باستغراب:- بس ايه انتي تعبانه 

رنا كانت عايزاه يدخل الحمام عشان تعرف تاخد مانع الحمل بس مكنتش عارفه تقوله دا فضلت ساكته و هي بتفكر هتعمل ايه و يا ترى اللي بتعمله دا اصلا صح و لا غلط 

سيف بشك :- مالك يا رنا فيه ايه 

رنا بتوتر :- مفيش مفيش يحبيبي

دفن... وشه في عنقها بعمق و اتكلم بهمس و هو بيستنشق ريحتها:- انا بحبك اوي يا رنا 

رنا بحب و هي بتغمض عينيها :- و انا كمان 

غيث صحي من النوم في الفجر لاقى شجن نايمه في حضنه... بعمق ، بصلها بحب و اتكلم بهمس :- انا ازاي معرفتكيش من اول ما شوفتك و انا فيه حاجه بتشدني ليكي و كنت مستغرب نفسي بس دلوقتي عرفت ايه السبب يا شجن 

قبل... رأسها بحب كبير و خدها و دفن... وشه في عنقها و كان لسه بيفتح زراير بلوزتها بس وقف لما لاقى اوكره الباب بتفتح و 

يتبع....

الفصل الثامن 

و كان لسه بيفك زراير بلوزتها بس وقف لما لاقى اكوره الباب بتفتح ، قام بسرعه من مكانه و هو بيوبخ... نفسه على اللي كان هيعمله ، فتح الباب نص فاتحه قبل ما يتفتح و خرج و قفله وراه 

غيث بغضب :- انت ايه اللي خرجك من المستشفى الدكتور قال لازم تعقد انهارده تحت المراقبه 

احمد بعصبيه:- شجن جوا انت كنت معاها صح كنت بتعمل ايه 

كمل و هو بيمسكه من رقبته.... بقوه كبيره لدرجة ان غيث حس انه هيتخنق... 

:- و الله لو لمست... منها شعره واحده لهكون مموتك... يا غيث 

غيث بعده عنه بكل قوته لدرجه ان احمد كان هيقع لولا انه مسك في تربزين السلم 

غيث:- لا انت اتجننت... رسمي طب الصبح و قولنا مصدوم فوق يا احمد شجن بقيت مراتي فاهم يعني ايه مراتي يعني انت ملكش اي حق انك تقولي اعمل ايه و معملش ايه و يا ريت تستوعب دا بسرعه عشانك 

احمد ببرود عكس ما بداخله من بركان.. :- هههه مراتك تمام يا غيث هنشوف موضوع مراتك دا و خد بالك بقى عشان انا عيني عليك و اي حركه منك هتلاقيني مخلص... عليك انت و هي 

غيث بصله بخوف شديد و صدمه و مكنش متوقع منه انه يقول كدا على شجن كمل احمد و هو بيتكلم بحده :- اصلي كدا كدا خسرتها اخسرها و هي مش لغيري احسن ما اخسرها و انا شايفها في حضن... واحد تاني و ياريته اي حد دا اخويا حاسب عليها بقى عشان متخسرهاش... 

قال كلامه و ساب غيث اللي كان مرعوب... من كلام احمد ، دخل الاوضه لاقى شجن رايحه في نوم عميق ، قعد جنب الكنبه على الأرض و مسك ايديها و حضنها... بين ايديه بحب كبير و اتكلم بحزن :- محدش فيهم عايزنا نبقى مع بعض حتى انتي و انا هكون اد وعدي لريهام محدش غير ريهام و بس اللي ليه حق عليا انا اتجوزتك عشان اخويا عشان اخويا و بس يا شجن 

قال كلامه و خرج من الاوضه و راح اوضته هو و ريهام ، بصلها و هو نايمه بتفكير و خد نفس عميق و راح عندها و مرر... ايديه على وشها برغبه... ، ريهام صحيت على اثر لمساتها... 

ريهام بخوف :- غيث فيه ايه يحبيبى زياد كويس 

غيث :- اه انا عايزك يا ريهام 

ريهام بفرحه و هي بتحضنه... بقوه:- و انا كلي ليك يعيون ريهام 

في الصباح 

كانت قاعدة ناهد في جنينه الفيلا و معاها صفاء اختها 

صفاء :- طب بدل ما انتي بتخليها تاخد موانع حمل خليها تطلب منه الطلاق احسن و اهو نخلص منها 

ناهد بشر... :- مينفعش سيف مش هيوافق و هيفضل يضغط عليها عشان تقوله السبب و هي بت هبله... و بتحبه و هتعترفله بكل حاجه و وقتها انا ممكن اخسر سيف للابد سبيها كدا تاخد موانع حمل و انا شويه شويه و هقوله اتأخرت في الخلفه ليه و اتجوز عليها عشان تجبلك حته عيل يشيل اسمك 

صفاء :- و طبعا مفيش عروسه لسيف احسن من نڤين بنتي انتي عارفه هي بتحب سيف اد ايه من وقت ما كانوا صغيرين بس هي بس البت بنت فريده خاطفه الرجاله هي السبب 

ناهد :- بنت فريده دلوقتي تحت ايدي و انا بحركها زي ما انا عايزه ياما كان نفسي فريده تبقى موجودة دلوقتي و تشوف عذاب... بنتها اللي شهدته على ايدي من ساعه ما جيت هنا

صحيت رنا قبل سيف و بصتله بخوف و اتكلمت بهمس:- مكنش لازم تعملي اللي في دماغك يا رنا كان لازم تاخدي الحبايه انبارح يا رب ما يحصل اللي في بالي 

حطيت راسها على صدره.. بحب كبير و غمضت عيونها بألم.. :- انا اسفه بس و الله كل دا عشانك انت و عشان بحبك اوي يحبيبى 

صحى سيف من النوم و بصلها و ابتسم :- لدرجه كنت وحشك 

رنا بخجل و هي لسه مغمضه عينيها:- اوعدني انك عمرك ما هتسبني ابدا انا من غيرك اموت... يا سيف 

سيف بحب و هو بيقبل... رأسها :- ربنا يبارك فيكي يحبيبى و يديمك ليا انهاردة مش هروح الشركه و هنفضل هنا في الاوضه مش هنخرج منها انا عارف ان بقالي كتير بعيد عنك بسبب الشغل و سايبك لوحدك انا اسف 

رنا بدموع و اللي نزلت على صدر... سيف و حس بيها :- ياريتك تفضل معايا على طول سامحني و الله غصبن عني 

سيف بخوف :- فيه ايه يا رنا انتي مخبيه عني ايه 

رنا و هي بتتهرب منه و بتقوم تقف :- مفيش انا هروح الحمام 

اتعدل و قعد على السرير و هو بيبص لطيفها بشك 

دخلت رنا الحمام و فضلت تبص لنفسها في المرايا و اتكلمت بحزن :- بس انا نفسي ابقى ام و نفسي اجيب حته منه بس برضوا يا رنا مكنش ينفع تعملي كدا لو حملتي مرات عمك هتنفذ تهدديها و هتقول لسيف على كل حاجه لا لا لا مينفعش مينفعش تقوله اي حاجه و اكيد مش هيحصل حمل اكيد 

في قصر الاسيوطي كانت ماشيه شجن في الجنينه بشرود ، فجأه لاقيت اللي ماشي وراها و بيزقها... في حمام السباحه ، شهقت شجن بخوف و حاولت انها تعوم بس معرفتش و فضلت راسها تنزل تحت المياه و هي حاسه ان نفسها بتاخده بصعوبه ، احمد بصلها و هو بيعقد على حافه البسين و بيتكلم بسخريه:- هاتي ايديك 

بصتله بخوف و هي مش قادره تاخد نفسها و وشها بيهبط و يعلو فوق في المياه كمل احمد بأستمتاع 

:- محدش هيقدر ينقذك من هنا غيري جوزك اللي انتي اتجوزتيه عشان يحميكي مني غرقان في العسل مع مراته الاول و يعيني محدش هيسمعك غيري ايه يا شجن بتموتي... لا يحبيبتي امسكي نفسك لسه اللي جاي اقوى بكتير 

نزل البيسين و شدها و خرجها منه ، قعدت على حافه حمام السباحه و هي بتاخد نفسها بصعوبه ، اتكلمت و هي بتنهج 

:- انت بني ادم مريض مستحيل تكون طبيعي زينا 

احمد :- اه مريض بس مريض بحبك اللي مش عارف اتخلص... منه انتي عمرك ما هتكوني لغيث يا شجن انت انكتبتي ليا انا و بس و اللي حصل دلوقتي كان البدايه و ابتدا العد التنازلي لوجودك في حضني تيك توك تيك توك 

قال كلامه و مشي من قدامها ، بصيت لطيفه بخوف و قامت تروح اوضتها تغير هدومها اللي اتبليت بالمياه 

احمد دخل القصر لاقى غيث نازل من على السلم ، بصله بكره و اتكلم بسخريه:- تصدق مراتك التانيه بتبقى جامده في البيسين 

غيث بص لهدوم احمد المبلوله ، بصله بغضب مفرط و هو بيمسكه من هدومه :- الزم حدودك و اعرف انك بتتكلم عن مرات اخوك 

احمد ببرود:- مرات اخويا ازاي بقى إلى حد علمي يعني انك بيت انبارح عند ريهام بقى كدا يا غيث تنكد عليها كدا يوم فرحها خليتها تروح تدور على الحنان عند غيرك 

غيث ضربه... بقوه في وشه لدرجه ان احمد نزف... دم... من فمه ، بصله ببرود و هو بيمسح الدم... :- معلش ما انت الكبير بقى و لازم استحملك انجوي يا عريس 

قال كلامه و ساب غيث بيشيط... من الغضب ، لاقى نفسه بيروح اوضه شجن بغضب ، و لسوء حظ شجن كانت لسه طالعه من الحمام 

جت تجري من قدامه بخجل و تدخل الحمام مسك ايديها و شدها عليه بغضب :- كنتي بتعملي ايه مع احمد من شويه 

شجن :- مش فاهمه معنى السؤال وضحه اكتر معلش 

غيث :- لا انتي فاهمه كويس ادام بتحبيه عملتي الشويتين بتوع انا بكره عليا ليه انتي في دماغك ايه يا شجن 

شجن بحده :- عارف في دماغي ايه يا غيث اقتلك... انت و اخوك و الله العظيم لو كنت اعرف اعملها كنت عملتها انتوا الاتنين اوقح... من بعض و وجودكم معايا في اي مكان بقى بيخنقني... 

غيث بغضب :- انا سألت سؤال واضح كنتي مع احمد في المياه بتعملوا ايه 

شجن ببرود:- و انتي مين معلش عشان تسألني سؤال زي دا او حتى تتهمني... 

غيث :- انا جوزك 

شجن :- متديش لنفسك حق انا مدتهوش ليك يا غيث و ركز مع مراتك و ابنك هم اولى بيك اما بقى بالنسبه لسؤلك اخوك رماني... في المياه عشان يثبتلي ان محدش غيره يقدر يحمني... و ينقذني كتر خيره و الله و اتفضل بقى اطلع برا من غير مطرود و لو سمحت لما تيجي هنا تاني ابقى خبط على الباب و لتاني مره هقولهالك عشان تفضل فاكرها متديش لنفسك حق انا مدتهولكش يا غيث 

قالت كلامها و دخلت الحمام و هي بتقفل الباب في وشه ، سمعت صوت ازاز بيتكسر... ، شهقت بخوف و خرجت بعد ما سمعت صوت رزع... الباب ، لاقيت الفازه واقعه على الأرض و مكسوره... ، اتنهدت بقله حيل و بدأت تلم.. في الازاز...

في المساء كان الكل متجمع على تربيزه السفره على العشا ، فجأه دخلت الخدامه... و هي بتتكلم بخوف 

:- غيث باشا فيه ظباط برا و عايزين حضرتك 

بصتله ريهام و شجن بخوف و احمد بص بأستغراب و خرجوا كلهم برا 

الظابط :-  غيث باشا حضرتك مقبوض عليك بتهمة قتل.. نورا حسن 

ملحوظه عشان انا عارفه انكوا ممكن تكونوا نسيتوا نورا مع أحداث الرواية نورا دي البنت اللي كانت شغاله عند غيث و حطيت السم.. لزياد في اللبن

يتبع.... 

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا