رواية امامى الفصل 11-12-13-14-15بقلم ياسمين (جميع الفصول كامله )

💍البارت الحادي عشر💍

تسنيم : انت تسكت خالص

امام بص ليها بأسف

وسها بصت ليها: انا لو مكانك اسيبه دا واحد فرط فيا ومعملش ليا حساب

ولسه هتكمل قطع كلامها قلم من تسنيم

تسنيم بصت ليها وعنيها كلها قوه وثقه: انتي تحمدي ربنا اني مش هدفنك مكانك قربك من جوزي دا شئ يوسخه وينضفك انا واحده واثقه ف جوزي ثقه عاميا

انتي الي واحده مشافتش يوم واحد تربيه وعلي فكره انتي غبيه اوي

يعني انتي الي مقبلاني وقلت ليا ان الاسانسير عطلان وجايه تقربي من جوزي وهو ماسك ساجده الصلاه

يا بجاحتك يشيخه الحاجه الي هقولها ليكي ربنا يهديكي

سها ببجاحه: سجاده اي دا مقاضيها

تسنيم قربت منها تاني وضربتها بالقلم بس دا اقوي ومسكتها من شعرها وخبتطها ف الحيط: انا جوزي اشرف من عيلتك وكلمه كمان

هخليهم يجيو يشلوكي ع نقاله انتي فاهمه

امام واقف مصدوم مراته البرئه تعمل كدا: سبيها يا تسنيم هتموت ف ايديك

تسنيم الغير عميها ومش شايفه قدامها غير واحده قربت من جوزها

امام: تسنيم بالله عليكي سبيها

تسنيم سابتها وخرجت من المكتب والشركه كلها وهيا الدموع ف عنيها

صعبه اوي لما تلاقي حبيبك وجوزك وسند وملجئك واحد تانيه بتقرب منه فما بالك بقا انها لمسته

تسنيم كانت ماشيه زي العاميه كل اللي شايفه هو امام والقميص مفتوح والبنت وشعرها وهدومها

ياتري قربت منه قد ايه طب لمسته

طب اي اللي قطع قميصه ياااااااااااارب انت العالم بقلبي والنار اللي فيه ياااااارب صبرني واديني القوه اااااااااااااه

وقعت ف الشارع رجلها معدتش قادره تشالها قعدت وهيا عماله تعيط

امام خرج وقعد يدور عليها لغايه م شاف حد قاعد ف شارع جانبي

جري عليها

تسنيم انتي كويسه اي اللي مقعدك كدا تسنيم ردي عليا بالله عليكي

تسنيم سمعت صوته عياطها زاد اكتر

إمام قرب منها ولسه هيحضنها بعدته عنها: متلمسنيش

امام اتصدم من ردة فعلها: تسنيم انتي مش واثقه فيا مش واثقه ف إمامك وجوزك

تسنيم ليه وعنيها كلها دموع و وجع:

روحني

امام بص ليها بحزن: حاضر

امام روحها

تسنيم اول م دخلت البيت جريت ع اوضته إمام وقفلت ع نفسها الباب

وقعدت تعيط وصوت شهاتها بقا عالي وإمام سامعه بره وقلبه بيتقطع عليها

امام واقف ع الباب: لي بس يا تسنيم مش انتي قولتي ان ثقتك فيا عاميه لي بتعملي ف نفسك كدا

طب عشاني انا افتحي الباب إمام تعبان من غيرك وقلب اإمام محتاجك زي م انتي دلوقتي محتاجه تسنيم بالله عليكي ردي عليا والله محصل حاجه بينا والله م لمستها غير لما بعدت ايدها عني

تسنيم بالله عليكي ردي

إمام كلامه دا كله واهو اقف ع الباب وعكال يخبط عليه

تسنيم جواه فتحت الدولاب بتاع إمام وشدت تي شرت ليه وحضنته وقعدت تعيط لغايه م راحت ف النوم

تسنيم هي دي عادتها لما بنتزعل بتنام

امام بره قلقان عليها وخايف

اميره طلعت ع صوته واستغربت قميصه المقطوع

اميره: اي يا إمام اي اللي حصل

إمام بص ليها وهو بينهج من التعب: تسنيم

اميره قربت منه: إمام خد نفسك براحه

امام قعد ع الارض: وحكي لاميره كل حاجه

اميره قربت منه وقعدت جمبه وطبطت عليه واتكلم بهدوء: يا حبيبي لازم تعذرها دي اصعب حاجه بتألم الست اكنك بتدبحها بسكينه بارده شويه كدا هتهدي متقلقش المهم قوم اتوضي وصلي العصر

إمام بص ليه ورد بصوت واطي من التعب: صليته

اميره: طب قوم اقف كدا تعالي نام ف اوضته بابا

إمام: مش قادر يا اميره دموعها قطعت قلبي مش قادر المشكله اني حاسس بيها وتعبان الضعف

اميره: يا حبيبي دا اختبار من ربنا

بيعلمنا الصبر ويقوينا انا اللي هقولك بردو يا شيخ إمام

امام بص ليها: عندك حق انا هقوم اتوضي واصلي ركعتين لله

اميره: ماشي يا حبيبي قوم ربنا يقويك

إمام راح اتوضي وصلي

واميره راحت عند مريم

مريم بقلق: خير ابيه ماله

اميره: مفيش خير باذن الله

مريم: اميره ردي عليا ابيه ف اي

اميره: حكت لمريم كل حاجه

مريم بغيظ: اه يا بنت**

يا حبيبتي يا تسنيم ربنا يكون ف عونها

اميرة: يارب

مريم: ازاي المدير الزفت دا يعين واخده بالاخلاق دي وكان فين ف المهذله دي

اميرة: هو ماله هو ليه كفأتها ف الشغل وبس وبعدين مكنش هناك انا سألت إمام

مريم: الزفت دا لازم يعرف ويطردها من شغلها

اميرة: انتي بتقولي اي عايزه تروحي تفضحي واحده ست انت متعرفيش ان مذيع الفاحشه كفاعلها استريها ف الدنيا عشان ربنا يسترك ف الاخره

مريم: بس دي مينفعش تفضل ف الشركه وأبيه هريج ازاي وهيتعامل معاها ازاي دانتي كدا بتقولي ليها اغلطي وطلعي لسانك لينا م احنا مش عارفين نجيب حقنا

اميره: حقك هيجي تالت ومتلت

انتي نسيتي ان ليكي رب اسمه الحق والعدل

مريم بعدم اقتناع: ماشي يا اميرة ممكن بقا تجيبي ليا موبيل ابيه

اميره: لي

مريم: عايزه ابلكيشن مهم من عنده

عشان مشروع التخرج وبدور عليه مش لاقيه

اميره: حاضر

اميرة راحت ل إمام

امام

إمام قام بلهفه من ع السجاده: تسنيم فتحت الباب

اميره بحزن ع اخوها اتكلم والدموع في عنيها: لا يا حبيبي

امام رجع قعد تاني وكل خذلان: خير يا اميره

اميرة: هات تلفونك عشان مريم عايزه ابلكيشن مهم عشان مشروع التخرج

امام بلا مبالاه: خدي يا اميره

اميرة اخدت التليفون واديته لمريم

اميره: اتفضلي

مريم: شكرا

مريم قلبت ف التلفون ودورت ع رقم مراد لغايه م لقته

مريم ف سرها: ايوا مستر مراد حتي ف الفون محترمه والله يا ابيه انت عمله نادره اليومين دول

اميرة:خلصتي

مريم:ايوا اتفضلي واقعدي مع ابيه شويه وهوني عليه وروحي لتسنيم

وكلميها

اميره:حاضر ربنا يعديها ع خير ويجازي اللي كان السبب

مريم بخبث:باذن الله

اميره طلعت وقعدت مع امام

مريم رنت ع مراد

مراد قاعد قدام البحر وسرحان

ف الراحه والهدوء وشكل البحر وجماله بس للاسف رنة الموبيل قطعت تفكيره

بس للنمره وكنسل لما لقه رقم غريب

مريم:يعني مغرور وبارد ومستفز وقليل الذوق كدا كتير بصراحه صبرني يا رب

ورنت تاني

مراد:اي كائن الغتاته دا

فتح الموبايل ولسه هيرد سمع

مريم:يعني مغرور ومتكبر ومتعجرف وقليل الذوق كمان كدا كتير بصراحه لا وفوق دا كله مش عارف يختار الناس اللي بتشتغل معاه انت جايبها من اني داهيه دي

مراد استغرب مين الي يقدر يكلم مراد الدمنوري بطريقه دي: انتي عارفه انتي بتكلمي مين يا شاطره

مريم: هو انت مش حافظ غير الكلمه دي ايوا يعم عارفين احنا بنكلم مين مراد الدمنهوري صاحب مجموعه شركات الدمنهوري جروب

مراد اتصدم اكتر من الجراء واتكلم بغضب:انتي عايزه اي يا بت انتي وازاي تكلميني بطريقه دي انطقي

مريم:اولا بت ف عينك ثانيا اكلمك بالطريقه اللي تليق مع واحد مشغل واحده عنده عايزه تخرب بيت اخويا وبتعرض نفسها عليه وعملت مشاكل بينه وبين مراته

مراد.:مشاكل ووحده مين واخوكي مين انا مش فاهم حاجه ممكن تفهمني لو مش هجرح روح عبده موته الي جواكي

مريم بغيظ:انا ابقي مريم اخت إمام والسكرتيرة الي عندك اقتحمت ع اخويا مكتبه وهو بيصلي وحاولت تقرب منه وسعتها دخلت مرات اخويا وشافته ومن البجاحه الهانم بتقول ليها انا لو منك اسيبه روح اسألها وانت تعرف واظن شركه بالحجم دا فيها كامرات وبعد كدا ابقا اختار ناس محترمه تشتغل معاك

انا عايزه خق اخويا يجي و نسخه من سجل الكامرا يتبعت ليا عشان مرات اخويا تشوفه سلام

وقفلت ف وشه

مراد لسه مش مستوعب انا ف حد ف شركتي بالاخلاف دي

ومين سها

مرود ؤاح ع الشركه وغضب الدنيا كله فيه دخل المكتب وقفله من جوا

وفتح لاب توب خاص بيه مراد عامل كامرات سريه للموظفين ومحدش يعرف عنها حاجه

فتح الفديو وشاف كل حاجه من اول مره سها تضايق إمام فهم لي إمام كان مضايق وطلع بره يدوره ع سها

مراد:سها انتي اي اللي عمل فيكي كدا

سها بكدب:ابدا وقعت من ع السلم واتعورت

مراد:طب تعالي انا عايزك

سها اتوترت:ح... حاضر

مراد دخل وسها دخلت وراه

مراد بهدوء مميت:اي الي حصل بالظبط ولي متعوره كدا

سها بخوف:قولت لحضرتك يا فندم

مراد ع نفس الهدوء:قولتي اي

سها لسه هتكدب لقت مراد:لو هتفكر تكدبي النره دي كمان يبقي تحضري كفنك

سها:راحمني ياباشا انت عارفه اني غلط سامحني

مراد:انا مش زعلان منك انا زعلان عليكي ليه يا بنت الناس تعملي ف نفسك كدا لي تستسلمي لشطانك

وترخصي نفسك ليه متبقيش غاليه

ليه متفرحيش للناس لي

سها بدموع:اسفه والله اسفه

مراد:لا الاسف ولا الندم بيفديو للاسف انت معتش ليكي عيش هنا

سها لسه هتقرب من عشان تبوس ايده

مراد:بطلي بقا ترخصي نفسك

سها:والله مش هعمل كدا تاني بس بلاش شغلي بلاش انا مليش حته تانيه اروحها شقتي معتمده ع فلوس مرتبي

صعبت ع مراد:خلاص هنقلك شركه تانيه بس بمرتب اقل لغاية م تسبتي نفسك من اول وجديد بس بعد كدا الغلطه بطردك من هنا مفهوم

سها:مفهوم ياباشا مفهوم

مراد طلع وراح لا إمام

امام واقف ع باب الاوضه ومستني تسنيم تطلع

تسنيم ردي عليا

تسنيم قامت من نومها عنيها ورامه وحمرا من كتير العياط

قامت بتاكسل فتحت الباب

اما اول مفتحت الباب لسه هيقرب منها

تسنيم:روح اقلع القميص دا وارميه ف بسكت الزباله وخد شور

إمام بص ليها وفهم انها مش طايقه اي حاجه تفكرها بسها

حاضر

تسنيم خرجت وحاولت انها تكون طبيعيه

اميره تسنيم حبيبتي انتي كويسه اجبلك تاكلي

تسنيم هزت دماغها ونسيت انها صايمه

مريم اتعكزت ع العكاز بتعها

:سيمو انتي لازم يكون عندك ثقه ف ابيه اكتر من كدا ابيه ميعملش كدا ابدا

تسنيم بهدوء:انا عارفه جوزي ع ايه

وبالله عليكي قفلي ع الوضوع دا

انا عايزه انام

ونامت ع السرير

الباب خبط مريم فكرت ان دا عم محمد او احمد

ظبطت خمارها وطلعت

اي يا بابا اتاخرت كدا لي

اتفأجت ب مراد

يارب تكون جاي بالفديو وانت جايب حق اخويا اعمل حاجه صح ف حياتك

مراد بغضب مكتوم:انا مش هايز اسمعلك نفس انتي اتكلمتي بما فيه الكفايه كلمه كمان وهخليكي تحضري حفله التخرج وانتي ف العنايه المركزه بهدوء كدا نادي اخوكي

مريم خافت منه ومن صوته وعينه اللي بطق شرار وقفلت الباب ف وشه

مراد:وبتقول عليا قليل ذوق بت مستفزهه ربنا مقصر ف طولها معوضه ف لسانها

مريم دخلت ونادت ع إمام

خير يمريم

مريم:ابيه ف حد عايزك بره

امام:حد مين

مريم بتوتر:مستر مراد

امام استغرب:واي اللي جايبه

مريم:معرفش

امام راح لمراد ودخله الصالون

مراد:امام اقعد ولوسمحت نادي لمراتك

امام ستغرب:نعم

مراد:يبني ادم افهم انا جايب دليل برءتك

امام:بس انا مش محتاج لدليل انا الحمدلله كلمتي لوحدها ثقه مراتي واثقه فيا وستحاله تصدق حاجه زي دي عني كل م في الامر انها بس مصدومه من المنظر اللي شافته

مراد بص ليه بتفهم:تمام اتفضل الفلاشه دي عليها فديو صوت وصوره للي حصل

امام:متشكر جدا لمجهود حضرتك بس ممكن اعرف انت عرفت ازاي

مراد:ابدا سالتها الجرح اللي ف راسك دا من اي لقيتها اتوترت كدا وحسيت ان ف حاجه غلط ف دورت ف الكاميرات وعرفت اي الي حصل

امام بعدم اقتناع:شكرا جدا ع تعب حضرتك

مراد:كان سبق وحد عزيز عليا قال ليا ان مفيش شكرا بيت الاخوات ولا اي يا إمام

إمام بص ليه وظهر شره ابتسامه ع وشه:اكيد طبعا

مراد:طب استإذن اانا بقا

إمام:رايح فين ماانت قاعد

مراد:معلش ف كذا مشور لازم اعملهم ضروري

امام:ربنا معاك

مراد خرج ومريم راحت ل إمام

مريم:هو كان عايز اي يا ابيه

امام:ابدا كان جايب فلاشه فيها اللي حصل صوت وصوره هيا تسنيم فين

مريم:ف الاوضه

بتاعتي

لا بتعاتها

امام:طب ممكن محدش يزعجنا

مريم:اكيد طبعا

امام دخل لتسنيم وقفل الباب

تسنيم حست بيه

بس فضلت مغمضه عنيها

امام:قومي اتكلمي وطلعي كل اللي ف قلبك

تسنيم دموعها نزلت غصب عنها

اما قومها وهيا بصت ليه

عايزني اقولك اي

قولي كل اللي ف قلبك مش انا صاحبك احكي ليا

تسنيم:قلبي وجعني اوي

إمام الكلمه زي ما يكون خنجر واتغرز ف قلبه:بعد الشر ع قلبك يا نور عيني ، كملي

تسنيم:صعبه ي امام صعبه انا والله واثقه فيك جدا بس صعبه القيي واحده ف حضن جوزي وقميصه مقطوع صعبه يا إمام انا قلبي بيقيد نار لما بتهزر مع مريم ولا اميره اقوم اشوف وحده بالقرب دا منك قلبي واجعني اوي حاسه اني في حد بيحط عليه مايه نار عشان يزيد حرقان

امام اخدها ف حضنه وطبطب عليها:اسف والله حقك عليا بس انا كنت بصلي وبلتفت شوفتها ملحقتش اتكلم ولقيتك داخله تسنيم والله ما لمستها غير وانا بزق ايدها اللي مسكت القميص هو دا اللي قطعه

تسنيم حطت ايدها ع بوقه:متحلفش انا مصدقاك وواثقه

فيك

امام شدد عليها وهيا ف حضنه

:مين عايز يسمع قران

تسنيم بفرحه زي الاطفال: تسنيم

امام:نقراء شويه عقبال م الاذان ياذن ماشي يا بنوتي

تسنيم: حاضر يا بابتي

امام قعد يقراء ليها قران لغايه ماراحت ف النوم

وهو كمان نام

عم محمد رجع البيت

هو لسه امام واتسنيم مرجعوش

اميرة بتعب: لا يا حبيبي هما جوا

محمد: جوا فين وانتي مالك يا حبيبتي

اميرة:حصل سوء تفاهم كدا بس يا بابا وبسه هتكمل للاسف جريت ع الحمام عشان تستفرغ

محمد:في اي بنتي قومي شوفي اختك يا مريم

مريم راحت اميره

انتي كويسه يا اميره

اميره وهيا بتاخد نفسها: اه

محمد:انتي كويسه يا بنتي ولا اطلب الدكتور

اميره:لا يا بابا الحمدلله

محمد: طيب يا بنتي اي اللي حصل لا امام وتسنيم

مريم: احكيلك انا يحج

محمد: احكي يا سوسه

مريم حكت الحكايه كلها

محمد:استغفر الله ربنا يهديها ويصلح حالها استغفر الله

اميرة:انت كنت فين يابابا واتاخرت كدا ليه

محمد:ابدا يا حببتي كنت مع احمد عند الراجل صاحب الشقه والحمدلله وافقك وهتنقلو هنا بركه باذن الله

مريم:الله ايوا بقا هيا دي السكنه ولا بلاش

اميره:بس ابت

مريم:الله يسامحك

اميرة:هروح اجهز الفطار لا إمام وتسنيم

محمد:خليكي انتي ي حبيبتي تعبانه

اميرة:لا يحبيبي مش تعبانه ولا حاجه وبعدين تسنيم مجهزها تنا يدوب هغرف روح انت غير عشان تروح الجامع

محمد:حاضر

مريم:اجي اساعدك

اميرة:اتفضلي يا ختي

🌸سبحان الله وبحمده🌸

مراد روح البيت وهو بيفكر ف امام وازاي مراته واثقه فيه الثقه العاميا دي وغصب عنه اقتحم تفكيره مريم

برخماتها ولسانها الطويل بس حب فيها الجراء وخوفها ع اخوها

🌸الله اكبر🌸

اميرة خلصت الاكل وراحت خبطت ع الباب

امام سمعها وقام برحه من جمب تسنيم واخد الصنيه منها

اميره:لو احتاجت حاجه نادي عليا

امام:تسلميلي

امام قرب من تسنيم وحاول يصحيها بهدوء

تسنيم يلا يحبيبي قومي عشان تفطري

تسنيم فتحت عنيها براحه وبصت ليه : اكل

امام ضحك:ايوا اكل يلا قومي

تسنيم قامت:طب نغسل وشنا الاول

امام :عندك حق يلا بينا

خرجو وااكل مستغرب هو مين اللي زعلانين من بعض

اميرة بصت ليهم وابسمت ودعت ربنا يكمل فرحتهم ع خير

خلصو ودخلو الاوضه وكملو اكل

تسنيم:امام

نعم

عايزه اصلي معاك جماعه ومتنزلش المسجد

امام:حاضر يا حبيبي من عيوني حاجه تاني

تسنيم بحب:تؤتؤ

رايكم يهمني 👇

💍البارت الثاني عشر💍

🌸صلي على رسول الله 🌸

تاني يوم امام صحي ورح خبط ع تسنيم

تسنيم قومي يلا عشان الصلاه هروح اصحي اميره ومريم تكوني قومتي ولا انتي حره الميه السقه بتنادي عليكي

تسنيم بنوم: حاضر قايمه اهو

امام خبط براحه ع اميره ومريم ومفيش رد

اميره قومي انتي والبت المقتوله

اميره بنوم: انا مش هصحي حد

امام. فتح الباب

مريم انتي ابت قومي

🌸سبحان الله🌸

مريم:.........

امام ضحك: دي واحده اخده شومه ع راسها قومي يابت

مريم :........

امام: استغفر الله ع الاستفزاز

مريم ولو ما قومتيش هجيب مايه سقعه

مريم:.........

اميرة: طب ربنا يعينك بقا انا ماشيه

امام: خدي يابت انا هصحي القتيله دي لوحدي

امام راح جاب قزازة مايه ورشه حبه ميه ع مريم

مريم قامت مفزوعه: اي ف اي اي اللي جاب البحر هنا

امام واقف ومش قادر يمسك نفسه من الضحك ع شكلها: قوي يختي عشان تصلي

مريم بنوم: خمس دقايق بس وهقوم

امام: ولا خمس ثواني حتي قومي يابت بدال ما اكب عليكي القزازه كلها الله يكون ف عون اللي هيتجوزك اي دا

مريم بمشاغبه: امه دعيا ليه وقالت ليه ربنا يرزقك ب احلي وارق بنت ف الدنيا

امام واقف بذهول: اماااااااااال يختي انتي هتقولي ليا قومي يابت

🌸الله اكبر🌸

مريم قامت قعدت ع السرير: طب ناولني العكاز بتاعي

امام ادها العكاز وراح يشوف تسنيم

لا بقا هو انا هلاقيها منين ولا منين

تسنيم قومي

تسنيم:حاضر

امام:قومي يا تسنيم بدال م اجيلك انتي كمان

تسنيم قامت وفتحت الباب بكسل:قومت

امام:صباح الخير يا حبيبي

تسنيم بنوم:وانت من اهله

امام ضحك عليها وع شكلها ولاحظ انها خارجه بشعرها

زق تسنيم جوا وقفل الباب

: تسنيم

اممم

امممم اي بس فوقي كدا ولفي خمارك

تسنيم بدات تفوق:حاضر

امام:هروح اشوف القتيله اللي جوا دي صحيت ولا لسه

تسنيم ضحكت:نومها تقيل اوي

امام:الله المستعان

كل واحد صلي ف ماكنه وايجي وقت صلاه الفجر

احمد صحي وعم محمد صحي

محمد:انا نازل يا امام عشان اذن

امام:ربنا يعينك يا حجوج

احمد:وانا هروح مع بابا عايز حاجه

امام:تسلم يا ابو حميد عايز سلامتك

احمد:ع فكرا اناوبابا كلمنا الراجل وهنقل العفش النهارده باذن الله

امام ابتسم:ربنا يجعلها عتبت خير عليك يا احمد

🌸سبحان الله وبحمده🌸

احمد:امين

امام:انا هحاول اطلع بدري من الشغل واجي عشان نفرشها سوي

احمد:جميل اوي وانا هروح اشقر ع المصنع واجي ع طول

محمد:ربنا يقويكم يا حبايبي

يلا بينا يا ابو حميد

احمد: يلا يا حج

عم محمد واحمد نزلو وامام فضل عشان يصلي بتسنيم والبنات جماعه

تسنيم خلصت وجت قعدت جمبه

بس عماله تبص ليه وغصب عنها شكله هو البنت ايجي ف بالها وعنيها دمعت

امام بص ليها بحزن لانو عارف ان الموضوع صعب وهياخد وقت: بتفكري ف اي

تسنيم حاولت تكون طبيعيه: ولا حاجه عادي

امام: تنسيم

تسنيم بصت ليه: نعم

امام قرب منها ومسك ايديها: انا مش عايزك تباني قويه انا عايزك تقولي كل اللي ف قلبك انا موجود هنا عشان اسمك عشان لما تتعبي تهربي ف حضني قولي يا روح قلبي مالك

🌸صلي ع رسول الله 🌸

تسنيم بصت ليه ودموعها ف عنيها:

مش قادره انسي المنظر مش قادره

امام: هششش اهدي انا جمبك ومعاكي وملكك انتي وبس وانتي الوحيد اللي ليكي الحق انك تقربي مني وتلمسيني

تسنيم: بس ف واحده لمستك غيري

وشاركتني فيك

امام:مفيشحد يقدر يشاركك فيا انا ملكك انتي وبس

تسنيم بصت ليه بحب: سامحني بس الموضوع صعب

امام بحب وحنان: لا يحبيبي انتي مش غلطانه وانا عارف ان الموضوع صعب ربنا يقويكي بس عايز اقولك حاجه طول م انا وانتي ف بنا ثقه وتفاهم محدش هيقدري يفرقنا عن بعض

تسنيم: بحبك

امام لسه هيرد مريم جت

ابيه الاذن اذن يلي عشان نصلي

امام وه بيجعز ع سنانه: مرحب

مريم بعدم فهم: مرحب ع اي

امام بغيظ: هو انتي مش بتوفقي ع العرسان لي

مريم: ناس دمها يلطش

امام: يبنتي والله لسانك دا هيوديكي ف داهيه

مريم: معلاش

امام بنفاذ صبر: نادي اختك

مريم: جايه

امام: هو انتي حفلة التخرج بتاعك امته

مريم: ولا اعرف

امام بغيظ: واحده ف كليه هندسه ومتعرفش هتتخرج امته صبرني يا رب

🌸سبحان الله🌸

مريم بستفزاز: متدعيش ع نفسك بس

امام: ادعي ع نفسي ازاي يعني

مريم ببرود: بتدعي ان ربنا يخليك صبار. الصبار وحش ع فكره وبيشوك

تسنيم قاعده هتموت من الضحك

امام: قومي يا مريم من قدامي قومي بت مستفزه

مريم: تسلم يا ابيه ربنا يحفظك ويطول ف عمرك وتفضل دايما كدهون تمدح فيا وف صفاتي الحلوا

امام: بارده

مريم: دا شئ طبيعي

امام حدفها بـ المخده بتاعت الانتريه: قومي من هنا بدال متاخدي الشهادة بتعتك من العنايه المركزه

مريم قامت: هو انتو حاجزين تذكره هناك كل م اكلم حد يقولي عنايه مركزه

🌸الله اكبر 🌸

اميره ايجت ع صوت إمام: متتعبش نفسك معاها دي لوح تلج متحرك

تسنيم: والله دمها خفيف

امام قرب من ودانها: والله انتي اللي عسل

تسنيم اتكسفت وسكتت

مريم: حبيبي يا سيمو روحي الهي تنجبر يا بعيده زي مجبرتي بخاطري

امام: كمان شويه وتقعدي تشحتي ف السيده

مريم: حبيبي يا ابيه دايما مقدر مواهبي وبتشجعني

امام بغيظ: اااه لا كدا كتير انا هقوم

تسنيم مسكت فيه: رايح فين يلا عشان نصلي

إمام: تؤمر يا حبيبي

مريم: يعيني يعيني هيييححححح

اميرة خبطتها: اتهدي بقا

مريم: حاضر هنصلي ولا اي

امام: استغفر الله

مريم: شوفت يا ابيه بخليك تاخد حسنات ازي

امام: دي الحاجه العدله اللي بتعمليها

وقامو صلو وامام كان إمامهم وخلصو صلي

مريم: ابيه يا سكره

تسنيم جزت ع سنانها

امام لاحظها :احم خير

مريم:ممكن تتكلم عن فضل الصدقه

تسنيم بصت ليه:اه يا إمام ياريت

امام بص ليهم بحب:حاضر بس يلا كل واحده زي الشطوره كدا تقول الاذكار وتقراء صفحتين من القران

مريم:حاضر بس ممكن تقول لينا اذكار وصانا الرسول صلي الله عليه وسلم بيها

اميرة وتسنيم:ياريت يا إمام

امام:حاضر ياحبايبي

قال رسول الله صلى الله عليه وسلم: (مَن سَبَّحَ اللَّهَ في دُبُرِ كُلِّ صَلاةٍ ثَلاثًا وثَلاثِينَ، وحَمِدَ اللَّهَ ثَلاثًا وثَلاثِينَ، وكَبَّرَ اللَّهَ ثَلاثًا وثَلاثِينَ، فَتْلِكَ تِسْعَةٌ وتِسْعُونَ، وقالَ: تَمامَ المِئَةِ: لا إلَهَ إلَّا اللَّهُ وحْدَهُ لا شَرِيكَ له، له المُلْكُ وله الحَمْدُ وهو علَى كُلِّ شيءٍ قَدِيرٌ غُفِرَتْ خَطاياهُ وإنْ كانَتْ مِثْلَ زَبَدِ البَحْرِ).

قال رسول الله صلى الله عليه وسلم: (مَن قالَ: لا إلَهَ إلَّا اللَّهُ وَحْدَهُ لا شَرِيكَ له، له المُلْكُ وَلَهُ الحَمْدُ وَهو علَى كُلِّ شيءٍ قَدِيرٌ، عَشْرَ مِرَارٍ كانَ كَمَن أَعْتَقَ أَرْبَعَةَ أَنْفُسٍ مِن وَلَدِ إسْمَاعِيلَ).

قال رسول الله صلى الله عليه وسلم: (أَلَا أُخْبِرُكَ بأَحَبِّ الكَلَامِ إلى اللهِ؟ قُلتُ: يا رَسُولَ اللهِ، أَخْبِرْنِي بأَحَبِّ الكَلَامِ إلى اللهِ، فَقالَ: إنَّ أَحَبَّ الكَلَامِ إلى اللهِ: سُبْحَانَ اللهِ وَبِحَمْدِهِ)

امام مسك ايد تسنيم وك العاده سبح ع ايديها وسط خجل تسنيم

مريم بصت ليهم واتمنت ان ربنا يرزقها واحد زي إمام ف طيبته وحنيته وإيمانه ودعت ربنا يحفظهم ويحميهم لبعض

اميرة لاحظت اختها فقربت منها:هيجي

مريم بستغراب:هو مين

اميرة:اللي يسعدك ويخطف قلبك

🌸سبحان الله وبحمده🌸

مريم بتغير الموضوع:يباشا محدش يقدر يخطفني اخوك جامد بردو

اميرة:متغيريش الموضوع يا مريم

مريم:انت عايزه توصلي لاي يااميرة

اميرة:وافقي ع العرسان يحببتي نفسي افرح بيكي

مريم:لما ربنا يريد وبعدين انتي هتفرحي بيا قريب

اميرة:اي في حد

مريم:لا سبت

اميرة خبتطها:انطقي يا بت

مريم:التخرج يا اميرة

ايدك تقيله اوي

اميرة:فكرت

🌸الله اكبر 🌸

‏

مريم:متفكريش التفكير بيتعب الدماغ

اميرة:انا غلطانه انتي مينفعش الكلام معاكي

مريم:عشان انا قمر والقمر محدش بيكلمه غير عشان يمدح فيه

اميرة بغيظ:انا غلطانه واستاهل الضرب

مريم:اقراي اخلصي

اميرة بصت ف المصحف وكذالك الامر مريم

خلصو وإمام بدا يتكلم معاهم

امام:بصو يا حبايبي مش كلنا نفس المستوي ف المعيشه او التفكير

وربنا طبعا ليه حكمه ف كدا اولا عشان نساعد بعض ونكون ايد واحدها والغني يدي الفقير اما بالنسبه لتفكير عشان العالم ينصح الجاهل ويكسب فيه ثواب

نيجي بقا ل الصدقه ونعرفه تعريف الشرع

(تعرّف الصدقة لغة بأنها المال أو الطعام أو اللباس وغيره الذي يُعطى إلى الفقير ونحوه تقرّبا إلى الله تعالى، أما اصطلاحا فهي إخراج المال في سبيل الله -تعالى- تقربا إليه، والعطية التي يُبتغى بها الأجر والثواب من الله عز وجل، وللصدقة نوعين؛ فالأول هو الصدقات المالية؛ كالطعام، واللباس، وتسديد الفواتير عن المحتاجين، وبناء المساجد والمنشآت المفيدة للمجتمع، والثاني هو الصدقات المعنوية؛ كالتسبيح، والتهليل، والتكبير، والأمر بالمعروف، والنهي عن المنكر، وهذا من فضل الله -تعالى- على عباده بأن جعلها متاحة للناس، فيستطيعها كل أحد منه

دا غير ان رسول الله امرنا بيها

قال رسول الله صلى الله عليه وسلم: (إنَّما الدُّنيا لأربعةِ نفرٍ عبدٍ رزقَهُ اللَّهُ مالًا وعلمًا فَهوَ يتَّقي ربَّهُ فيهِ ويصلُ فيهِ رحمَهُ ويعلمُ للَّهِ فيهِ حقًّا فَهذا بأفضلِ المنازلِ).__ قال رسول الله صلى الله عليه وسلم: (والصدقة تطفيء الخطيئة، كما يطفئ الماء النار).__ قال رسول الله -صلى الله عليه وسلم- في حديث السبعة الذين يظلهم الله في ظله يوم القيامة: (ورَجُلٌ تَصَدَّقَ بصَدَقَةٍ فأخْفاها حتَّى لا تَعْلَمَ يَمِينُهُ ما تُنْفِقُ شِمالُهُ).__ قال رسول الله صلى الله عليه وسلم: (دَاوُوا مَرضاكُمْ بِالصَّدقةِ).__ قال رسول الله صلى الله عليه وسلم: (إنْ أردتَ أنْ يَلينَ قلبُكَ، فأطعِمْ المسكينَ، وامسحْ رأسَ اليتيمِ).__ قال رسول الله صلى الله عليه وسلم: (ما مِنكُم مِن أحَدٍ إلَّا سَيُكَلِّمُهُ اللَّهُ، ليسَ بيْنَهُ وبيْنَهُ تُرْجُمانٌ، فَيَنْظُرُ أيْمَنَ منه فلا يَرَى إلَّا ما قَدَّمَ، ويَنْظُرُ أشْأَمَ منه فلا يَرَى إلَّا ما قَدَّمَ، ويَنْظُرُ بيْنَ يَدَيْهِ فلا يَرَى إلَّا النَّارَ تِلْقاءَ وجْهِهِ، فاتَّقُوا النَّارَ ولو بشِقِّ تَمْرَةٍ)

قال رسول الله صلى الله عليه وسلم: (ما مِن يَومٍ يُصْبِحُ العِبادُ فِيهِ، إلَّا مَلَكانِ يَنْزِلانِ، فيَقولُ أحَدُهُما: اللَّهُمَّ أعْطِ مُنْفِقًا خَلَفًا، ويقولُ الآخَرُ: اللَّهُمَّ أعْطِ مُمْسِكًا تَلَفًا).__ قال رسول الله صلى الله عليه وسلم: (مَن تَصدَّقَ بعَدْلِ تمرةٍ مِن كسْبٍ طيِّبٍ، ولا يَصعَدُ إلى اللهِ إلَّا طيِّبٌ؛ فإنَّ اللهَ يَقبَلُها بيَمِينه، ثمَّ يُربِّيها لِصاحِبِها، كما يُربِّي أحدُكم فَلُوَّه، حتى تَكونَ مثلَ الجبلِ).__ قال رسول الله صلى الله عليه وسلم: (الرَّجلُ في ظلِّ صدقتِه حتَّى يُقضَى بين النَّاسِ).__ قال رسول الله صلى الله عليه وسلم: (قالَ اللَّهُ: أنْفِقْ يا ابْنَ آدَمَ أُنْفِقْ عَلَيْكَ).__ قال رسول الله صلى الله عليه وسلم: (ما نقصت صدقة من مال).

تسنيم:ممكن تقولي ايات من القران ع الصدقه

امام:اكيد طبعا

قال تعالى: (مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّائَةُ حَبَّةٍ ۗ وَاللَّهُ يُضَاعِفُ لِمَن يَشَاءُ ۗ وَاللَّهُ وَاسِعٌ عَلِيمٌ).__ قال تعالى: (الَّذِينَ يُنفِقُونَ أَمْوَالَهُمْ فِي سَبِيلِ اللَّهِ ثُمَّ لَا يُتْبِعُونَ مَا أَنفَقُوا مَنًّا وَلَا أَذًى ۙ لَّهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ).__ قال تعالى: (يَا أَيُّهَا الَّذِينَ آمَنُوا لَا تُبْطِلُوا صَدَقَاتِكُم بِالْمَنِّ وَالْأَذَىٰ كَالَّذِي يُنفِقُ مَالَهُ رِئَاءَ النَّاسِ).__ قال تعالى: (مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً).

مريم: ابيه ممكن تقول ليا فضل الصدقه

🌸سبحان الله وبحمده🌸

امام: اكيد طبعا

فضائل وفوائد الصدقة__ فضائل الصدقة كتيره جدا، وكلها تعود بالخير والأجر العظيم على صاحبها، ومن الفضائل دي:__ محو الذنوب والمعاصي._ الوقاية من نار جهنم._ دواء للأمراض البدنية والقلبية._ دفع المصائب والابتلاءات._ دعاء الملائكة للمتصدق._ البركة في الأموال._ طمأنية القلب، وانشراح الصدر._ تطهير المال من ما يصيبه من اللغو، والكذب، والحلف، والغفلة._ مضاعفة الأجر والثواب والحسنات.

اميرة: اول مره البت دي تقول حاجه صح يعني لو مكنتش سالت مكناش عرفنا

مريم: هو كدا الجامد مبيحكيش ع جمدانه

تسنيم ضحكت عليها وامام غصب عنه ضحك عليها

تسنيم قربت من إمام وهمست ف ودنه: امام

امام: نعم يا حبيبي

🌸لا اله الا الله 🌸

تسنيم بحب: انا عايزه اتصدق ليا وليك

امام بص ليها بحب: ياروحي انت حاضر عيوني حاجه تاني

تسنيم: تسلملي

مريم: انا هقوم انام عشان معرفتش انام طول الليل

اميره بصت ليها بصدمه: نـــــــــعـم

هيا مين دي اللي معرفتش تنام دانتي زي م يكون كنتي ف غيبوبه

امام بص ليهم وضحك: طب يلا كل واحده تسحب كدا بالذوق عشان انام ليا ساعه ولا حاجه قبل م اروح الشركه

تسنيم بصت ليه: هتروح لي

اميرة شدت مريم وطلعت

امام: اي اللي هروح ليا يا حبيبي دا شغلي

تسنيم: بس وسكتت

امام بص ليها بحب: بس اي متسكتش اتكلمي

تسنيم: هتروح وهيا هناك

إمام: لا هيا مش هناك

تسنيم: ازاي

امام: مراد نقلها شركه تانيه

تسنيم بحزن: طيب ربنا معاك

امام: متخافيش كدا يا تسنيم ومش عايزك تزعلي

تسنيم ابتسمت شبه ابتسامه: حاضر

امام قرب منها وباس راسها: حضرلك الخير يا نور عيني

تسنيم: هقوم احضر الفطار انا

امام: اجي اساعدك

تسنيم: لا ياحبيبي نام انت شويه زمانك تعبان

تسنيم قامت وحضرت الفطار بس وهيا خايفه وكل شويه تجي ليها فكره شكل

عم محمد واحمد ايجو البيت

مريم راحت لتسنيم المطبخ

واحمد دخل لمراته

احمد: اميره حبيبتي اني كويسه

اميره: ايوا يا حبيبي متقلقش

احمد قرب منها واخدها ف حضنه:

وابني

اميرة: الحمدلله بس كان مشتاق لباباه اوي

احمد: وباباه كمان كان مشتاق ليه

اميرة: مش مصدقه انك كنت بعيد عني

احمد: ف بيت واحد بس اكن بينا بلاد متقلقيش يا حبيبتي انا كلمت شكره شحن وهتجيب العفش النهارده كلها كام ساعه ونكون ف بيتنا

اميرة: يجيو بالسلامه يا حبيبي انت اخبارك اي واخبار المصنع ماشي

احمد: انا الحمدلله بخير طول مانتي بخير وجمبي بالنسبه للمصنع ف الحمدلله ماشي كويس جدا وكلها كام شهر وهنفتح فرع لينا ف القاهره

اميره: اللهم بارك يا حبيبي ربما يزيدكم

احمد:امين

مريم خبطت ع الباب

انتو يا عالم يلي جوا

احمد:اختك دي عايزه حد يلف بوقها

ببلستر

اميره غصب عنها ضحكت وبعدت عنه:تعالي يا حبيبتي

مريم:ابيه احمد قوم عشان تاكل مع ابيه امام وبابا

احمد:حاضر

سابهم وقام

تسنيم خلصت وراحت تصحي إمام

بصت ليه وغصب عنها عيطت

بقا هيا كانت عايزه تشراكني فيك

انا مقدرش اتخيل يومي وانت مش فيه مقدرش اتخيل مين اللي يصحيني ومين اللي يعرفني ف ديني ومين اللي يخدني ف حضنه

ومين اللي يديني القوه بعد ربنا

سماحني يا إمام بص الموضوع صعب قوي وكل م افتكر الموقف مقدرش امسك نفسي

قربت منه بهدوء ورمت نفسها ف حضنه

🌸الله اكبر🌸

‏

امام حس ان في حاجه تقيله ع صدره بيقوم لقها تسنيم

اخدها ف حضنه وطبطب عليها

:عارف ان الموضوع صعب بس طول م احنا بنستسلم لشطانا وبنبص للماضي عمرنا مهنتقدم يا تسنيم

اقسم بالله الموضوع م صعب عليكي انتي بس دا اصعب ليا

انا اللي بتألم الضعف بتالم لما بشوفك بتبكي وانا السبب وبتالم لما بفتكر المنظر وبقرف من نفسي اوي

تسنيم قامت براحه من حضنه: انت ملكش ذنب

امام: ولا انتي ليكي ذنب يبقي لي نعاقب نفسنا ع خطاء مرتكبنهوش

تسنيم: عندك حق انا معنتش هفكر ف الموضوع وهحاول انساه

امام: حبيبي الشطور برافوا عليكي

تسنيم ابتسمت

امام: عامله فطار اي انا جعان

تسنيم بصت ايه وضحكت: قوم اتوضي وصلي الضحي وتعالي وانت تعرف

امام:حاضر

محمد نادي ع تسنيم

تسنيم:طيب قوم وانا هروح اشوف بابا

تسنيم:نعم يابابا

محمد:تعالي يا حبيبتي اقعدي عايزك

تسنيم قعدت :اتفضل يا بابا

محمد:بصي يا حبيبتي انا عرفت بالي حصل بس مرضتش ادخل دي مشاكلكم وانتو الي تحلوها والحمدلله عيالي طلعت شاطره

بس انا عشان ابوكي ف واجب عليا نصيحتك

تسنيم بصت ليه بحب:اتفضل يا حبيبي

محمد:بصي يا تسنيم تبقي غلطانه لو هتفكري ان حياتك هتبقي وردي ف وردي لا يحبيبتي في ايام شداد بتيجي ع كل بيت والست الشاطره هيا اللي تقف ف ضهر جوزها وتقول ليه انا ايدي ف ايدك وومهما حصل انا معاك وف ضهرك وعشان تقدري تبني بيتك صح وتحافظي عليه

ثقي ف جوزك وافهميه ولو حصل وغلط ف حقك عتبيه وقولي ليه ان دا بيزعلي اوعي تكتمي جواكي لا عرفيه وخليكي انتي الصدر الحنين لجوزك خليه يلاقي فيك حنان الام واحتواء الاخ ومشاركه الاخت

بمعني اصح اغنيه عن اللي حواليه

🌸استغفر الله🌸

تسنيم بصت لمحمد وهيا عنيها كلها دموع لي يا بابا مكنتش كدا ليه مقربتش مني كدا ونصحتني وصحبتني لي م ختنيش ف حضنك

وطبطت عليا زي اي اب بس الحمدلله يا بابا انا مش محتاجه ليك عندي بابا محمد وامام بدنيا وما فيها تسنيم قامت وحضنت محمد

شكرا اوي يا بابا محمد شكرا بجد علي انك دايما جمبي وسندي وسكرا ع اجمل هديه هديتها ليا وهيا إمام بجد يا بابا انت مصدر السعاده الاساسي ف حياتي

محمد طبطب عليها:العفو يا نن عين ابوكي دا وجبي يا بت انتي بنتي قبل متكوني بنت رشدي

يلا روحي جهزي الفطار انا جوعت

تسنيم غصب عنها ضحكت:لا دي جينات ورسيه ف العيله بقا

محمد:بتقول اي يا بت

تسنيم ضخكت مبقولش حاجه

امام خلص صلي وخارج من الاوضه شاف احمد قاعد ع السفر ابتسم زحب يرخم عليه

امام:بتعمل اي يا احمد

احمد:باكل

امام:طب بالنسبه للناس اللي المفروض تاكل معاك اي بح

احمد: يعم انت عيله نكد انا مالي انا واحد جعان وعايز ياكل عمال ادور عليكم مش لاءيكم اعمل اي يعني

امام: اخنا عيله نكد يا احمد ماشي

اروح اخلي اميره تصبح عليك واعرفك مين هما النكد

احمد قام بسرعه من ع السفر:لا احيات عيالك يا جدع بهزر انا اللي نكد

سيب اميره اصلا الدكتوره قالت ليا انا هطلع عيني اليوكين الجاين بهرمونات الحمل

امام ضحك عليه:ايوا كدا

اتاخر بقا خلينا ناكل

احمد بغيظ: اتفضل

امام بستفزاز:يزيد فضلك يا ضنايا

احمد بص ليه وسكت

امام:العفش هيجي امته

احمد:باذن الله كلها كام ساعه

امام:تمام

احمد:طب استاذن انا بقا

امام:رايح فين

احمد:هؤوح اشقر ع المصنع واجي عشان اباشر العمال

امام:طيب ربنا يعينك ويقويك

احمد مشي وامام دخل غير ولسه هيطلع تسنيم مسكت فيه

وبصت ع قميصه

امام بص ليها بشئ من الحزن:احنا قولنا اي

تسنيم بصت ليه:حاضر تروح وتيجي بالسلامه

امام:الله يسلمك يا حبيبي

تسنيم:ف رعايه الله وحفظه لا اله الا الله

🌸استغفرالله🌸

‏

امام:محمد رسول الله

تسنيم دخلت وامام راح الشركه

امام اول م دخل الشركه ومشي فيها بص ع مكتب سها لقاه فاضي

ابتسم بحزن ربنا يهديكي يا سها

دخل مكتبه بس اتفاجأ ان المكتب فاضي

راح عند مراد

امام:السلام عليكم

مراد:عليكم السلام ورحمة الله وبركاته

امام:هو انا مكتبي فاضي ليه

مراد: نقلتك مكتب تاني

امام:لي

مراد بعمليه:امام انت من اكفئ المهندسين هنا واهما حاجه للمهندس خياله والابداع وانت لو كنت فضلت ف المكتب دا مكنتش هتتقدم بالعكس كان هيبقي عندك صراع مع نفسك ف انا حبيت افور عليك الصراع وتقدر تقول نبدا بدايه جديده

امام بص ليه بامتنان:انا مش عارف اشكر حضرتك ازاي انا فعلا كنت جاي وشايل هما القعده فيه اوي

مراد:سبق وقلت مفيش شكر بين الاخوات يا هندسه

امام حب يهزر: هو مش المفروض ف موقف ظي دا تبتسم هو انت حد

معقدك ف الابتسامه

مراد غصب عنه ابتسم:لا محدش معقدني ولا حاجه مل م في الامر اني اتعودت ع كدا

امام:باذن الله هتتعود عليها من اخوك

مراد:ماشي يعم يلا بقا ع شغلك دا فايل حاوا تخلصه النهارده عشان مهم

امام:حاضر

🌸اللهم صلِّ علي سيدنا محمد🌸

احمد رجع ومان معاه الناس

احمد:اميره

نعم

اعملي دور شاي

اميره:حاضر يا حبيبي

اميره بتعمل الشاي

تسنيم:هو العفش جه

اميره:ايوا احمد لسه جاي

تسنيم:ربنا معاكم

مريم دخلت:بتعملوا اي من غيري

اميرة:بت انتي انا مش طايقه نفسي

مريم:هو انا جيت جمبك اي الناس دي

اميره:انتي كائن الغتاته والرخامه لدي الجميع

مريم: مش لازم الناس كلها تحبني لان مش الناس كلها عندها ذوق

اميره:صبرني يا رب

مريم:بس يا حبيبتي متدعيش ع نفسك

تسنيم بتكتم ضحكتها بالعافيه:مريم

بس بقا اختك تعبانه

مريم:خلاص تنزل المرادي

اميره:نفسي اشوف اللي امه داعيه عليه اللي هيتجوزك يا فاقعه مرارتي

مريم:قمر باذن الله زي مراته

اميره:اها قولتي ليا من اول يوم وهتشرفينا

مريم:مقدرش استغني عنكم يا روحي

تسنيم:بس بقا انتي وهيا اوعي يا اميره وهعمل انا الشاي وانت شوفي حاجه اعمليها ومتتحركيش كتير عشان رجلك

اميره:هيا دي حاجه بتعوق فيها مكسوره وبتتحرك بردو

مريم:محسوده

تسنيم ضحكت عليهم:طب يا مريم اقعدي يا حبيبتي عشان رجلك

مريم:حاضر يا جميل انت تؤمر

انا رايحه الاوضه

اميره:مشكله

تسنيم:والله عسل اوي ودمها خفيف واحلي حاجه انها مش شايله لدنيا هم

اميره:فعلا

تسنيم خلصت الشاي

اميره رني ع جوزك يجي يا خد الشاي

حاضر

تسنيم طلعت من المطبخ وراحت

تكلم إمام

امام ف المكتب مندمج ف شغله بس للاسف قاطع اندماجه صوت الموبيل

امام ابتسم لما شاف الاسم

(وصيه رسول الله)

امام:السلام عليكم ورحمة الله وبركاته

تسنيم:وعليكم السلام انت فين

امام:خير ان شاء الله ف المكتب لي

تسنيم:عفش اميره جه واستاذ احمد فوق لوحده

امام:حاضر يا حبيبي نص ساعه باذن الاه واكون عندكم مش محتاجه حاجه اجبهالك معايا

تسنيم: عايزك تكون بخير يلا تيجي بالسلامه

امام:ماشي يا حبيبي سلام

🌸سبحان الله وبحمده🌸

امام قفل مع تسنيم وراح لمراد

مراد:اتفضل

امام: بعد اذنك يا فندم ممكن اروح بدر النهارده

مراد:لي خير

امام:اصل احمد هينقل ف الشقه اللي فوقيني وكنت عايز اقف معاه عشان ميكنش لوحده

احمد مين

امام :جوز اختي

مراد:تمام اتفضل يا امام ربنا يقويكم

امام روح وراح لاحمد

امام:دا احنا هنتاكل علقه النهارده انما اي عسل

احمد:ومن سمعك يلا ربك يهونها

امام:هنبدا منين

احمد:بـ اوضه النوم وبعدين المطبخ

امام:تمام

احمد:احنا محتاجبن سلم عشان النجف

امام:لازم يعني انت التاني

احمد: دا كانت اميرة تضردني انا وانت وبعدين بالمره

امام:حاضر هروح اجيبه

امام نزل وخبط

مريم: مين

انا يا مريم امام

مريم:ابيه انت مش لسه طالع اي خلصتو بالسرعه دي

امام:اوعي يا مريم من وشي

مريم:حاضر يا ابيه يا سكره انت تؤمر

امام:تسنيم فين

مريم:ف المطبخ بتحهز الغدا

اميرة:امام هو في حد فوق

امام:لا انا واحمد بس

اميره:انا طالعه يا مريم

مريم: ماشي

امام: انا هسال تسنيم السلم فين

تسنيم ي تسنيم

امام استغرب لانه بينادي وهيا مش بترد

دخل المطبخ وقرب منها

تسنيم

شافها وهيا واقفه ومبسوطه

قرب منها ولمس كتفها

تسنيم اتخضت وخافت

امام:اهدي دا انا بنادي عليكي مش بتردي لي

تسنيم: كنت حاطه الهاند فري

امام: بتسمعي اي

تسنيم بصت ليه: بسمعك

بتسمعيني؟

تسنيم بصت ليه بحب: اصل انا بسجل ليك وانت بتقراء ليا قران عشان احفظ وبقعد اسمها طول اليوم وكمان بعمل الفون وضع طيران عشان محدش يزعجني

امام بص ليها بحب:يسلملي القمر الشطور ربنا يحفظك يا حبيبي قولي ليا بقا فين السلم

تسنيم:سلم لي

امام:عشان نعلق النجف

تسنيم بص هتلاقيه........

امام:ماشي يا حبيبي يلا جهزي الاكل بسرعه عشان انا واقع من الجوع

تسنيم:حاضر ياحبيبي

امام طلع لاحمد

احمد: تمام اوي كدا

اميره:هانت اهي خلصنا الاوضه عقبال الباقي

امام:هنخلصهم باذن الله

احمد: امام احنا محتاجين مفك

امام: لا مش قادر ومش نازل

اميرة: ولا انا

احمد: اندال ، طب رن علي مراتك يا امام تجيبه

امام بيدور ع تلفونه مش لقيه

مش معايا ممكن اكون نسيته تحت

اميرة : خلاص رن علي مريم

🌸استغفر الله 🌸

عند مريم الباب بيخبط

مريم ياني ياما تسنيم تقعد ف المطبخ وانا ابقي البواب

مريم بصوت عالي: ايوا يا ابيه جايه خاليك كدا نازل طالع والله يا جماعه مسكوره والله مكسوره الله يسامحك يا ابن المضيقه يالي خبطني

مريم وهيا ماشيه تلفونها رن

ايوا يا ابيه هوانت اللي بتخبط والا ابيه امام

احمد: انا وابيه امام هنا مفيش حد نزل بقولك ابعتي مرات اخوكي بالمفك اصل كلنا جبنا اخرنا وقطعنا النفس

مريم: حاضر

امال مين اللي بيخبط

مريم: مين اللي بيخبط

مراد بغيظ: ابن المضيقه اللي خبطك

ياشبر ونص

رايكم يهمني 👇

(بارت طويل اهون مدلعاكم اخر دلع انا

😂😂😂😂❤)

#إمامي💍❤

💍البارت الثالث عشر💍

🌸صلي على رسول الله 🌸

مرادبغيظ: ابن المدايقه اللي خبطك ياشبر ونص

مريم واقفه مصدومه: نهاااااااار اسوح دا هو اعمل اي

مريم بصوت مهزوز: مين اللي بيخبط

مراد: مراد الدمنهوري

مريم بصوت واطي: حصلنا الرعب

نعم عايز اي

مراد: كان في حد قالي اني قليل الذوق بس طلع هو اللي قليل الذوق ومفكر الناس كلها زيه

مريم: متكلم عدل يا جدع انتا

مراد:اتكلم عدل؟

انتي يا بنتي ربنا مقصر ف طولك وعوضه ف لسانك اي البت دي احمدي ربك انك بنت

مريم:ولا تقدر تعمل حاجه ما علينا

عايز اي

مراد بنفاذ صبر: عايز اخوكي

مريم: اخويا فوق

مراد: مات

مريم : بعد الشر يا بني امام ف الشقه اللي فوقينا

مراد: تمام ولسه هيمشي

مريم: استنا

مراد: نعم

مريم: هجيابلك حاجه تديها لابيه احمد

مراد فضل واقف مستنيها

مريم فتحت الباب: اتفضل

مراد: اي دا

مريم بـ برود: مفك اديه لا بيه احمد

بعد اذنك

وقفلت الباب

مراد واقف متغاظ: ع اخر الزمن واحده تقفل الباب ف وشي وتقول خد المفك اديه لابيه وبتامرني كمان

الصبر من عندك يارب

. 🌸استغفر الله 🌸

مراد طلع وخبط امام اللي فتح

امام: اتاخرتي كدا ليه يا تسنيم

وبعد كدا اتفاجأ بمراد

اي دا حضرتك بتعمل اي هنا

مراد: كنت جاي اجبلك الموبيل بتاعك نسيتوه ف المكتب

امام: تعبتك معايا اتفضل

مراد: انت بتعمل اي وعايز مفك ليه

امام بتسغراب: وانت عرفت منين اني عايز مفك

مراد بص ليه واداه المفك: اختك جابته ليا وقفلت الباب ف وشي

امام ابتسم: معلش مريم تحسها غريبه شويه بس طيبه والله

مراد: غريبه شويه قول هربانه من مستشفي العباسيه

امام: متنساش انها اختي تعالي ادخل دانت هتتسحل معانا النهارده ادخل يجدع

مراد بص ليه:اتسحل لي

امام:هو انت مفكر اي الصحبيه بلاش يلا عشان تساعد احمد اخوك ف فرش العفش

مراد بص ليه بصدمه:عفش؟

امام عايز مراد يكون واحد من العيله ويسيبه بقا من التعقيد اللي هوا فيها ان هوا يامر يطاع وان هوا مراد الدمنهوري:ايوا يلا يا عم مراد اخلع الجكت بتاع البدله وشمر ايدك

وتعالي نشوف العضلات دي هتقدر ع الشيل والحط ولا اي

مراد ابتسم ليه:يلا يعم

مراد من جواه فرح اوي انو هيقعد مع حد وفرح انو حس ان بقا ليه عيله وصحاب ولاجمل ان هو هيشتغل معاهم

امام:ايوا كدا ابتسم

مراد دخل معاهم

امام اخد اميره ع جمب

إمام: اميره تعالي ثواني

اميرة: طالعه من غير متقول بس كنت مستنيه تفضو الطريق

امام:شطوره يلا انزلي

امام اخد مراد عرفه ع احمد

احمدتعالي

احمد:نعم يا امام

امام:تعالي ام اعرفك ع مراد صاحبنا الجديد

احمد:اهلا يا استاذ مراد

مراد:اهلا بيك يا احمد وبالاستاذ انا مراد

امام:دا احمد صاحبي من ايام المدرسه وتقدر تقول اخويا التاني

ودا يا احمد مستر مراد وصاحبي واخويا زيك بالظبط

احمد ابتسم:اهلا نورتنا

مراد:دا نوركم ها هعنمل اي بقا امام بيتحاداني وانا بصراحه بعشق التحدي

احمد:تعمل اي حضرتك تقعد واحنا نعمل كل حاجه

امام:يعم بقولك صاحبي واخويا تقولي يقعد يلا يصاحبي قدامي ع المطبخ عشان نركبه

احمد بص لامام:مينفعش كدا يبني

امام:ملكش فيه

مراد ابتدا يتعود عليهم:اي احنا هنبدأها كلام مينفعش كدا يلا يعم.منك ليه

امام ضحك:ايوا كدا يلا شيل قبالي

احمد بص لامام واتكلم ف سره هتفضل كد يصاحبي طول عمرك بتدور ع راحه اللي حواليك وسعادتهم

🌸صلي علي رسول الله🌸

امام:مراد احكم بيني وبين احمد وشوف مين فينا الاحسن ف تلاوه القرآن

احمد بص ل امام:يبني انت هتجيب صوتك لصوتي يلا يبابا من هنا ان اللي اكسب طبعا

امام:انت صوتك عالي انما صوتي يلمس القلب انا اللي اكسب

مراد:بس انت وهو انا اللي هحكم

امام:هتقراء من سوره اي يااحمد

احمد:سورة يوسف انت عارف اني بحبها اوي

مراد:وانت يا امام هتقراء من سوره اي

احمد سبق امام:البقره امام بيعشق سوره البقره عنده استعداد يقراءها طول النهار والليل

مراد بص لامام:أنا بحب سورة البقره جدا ، بس دايما كنت بسأل نفسي سؤالين وماكنتش عارف إجابتهم

أول سؤال هى ليه سورة البقرة اسمها كده؟

ثانى سؤال هو ايه علاقة مواضيع سورة البقرة ببعضها ، يعنى ربنا سبحانه بيتكلم فيها عن مواضيع كتير أوى ، ايه علاقة المواضيع دى كلها ببعضها ؟

امام ابتسم وبداء يشرح بصدر رحب: سورة البقرة من أكثر السور القرآنية اللى المستشرقين خدوا عليها مطاعن ، كانوا بيقولوا سورة 286 آية 49 صفحة ، انت مش عارف انت طالع منين وداخل فين ،

كل شوية الموضوع يتغير .

بل لدرجة إن بعض كبار علماء التفسير قال سورة البقرة لايوجد ترابط بين آياتها ، فهى سورة كلها أحكام .

وظهر فريق آخر من العلماء ردوا على المستشرقين إن مافيش كلمة فى القرآن مالهاش حكمة ،

بل كل كلمة ليها حكمة وترابط مع غيرها لإن ده كلام ربنا سبحانه .

اجابة السؤال الأول وهو سبب التسمية ، واحد من بني إسرائيل قتل واحد تاني ومكانوش عارفين مين اللي قتله ، راحوا لسيدنا موسى -بصفته النبي- وسألوه مين اللي قتل ، باعتبار انه أكيد متصل بالله ..

ف ربنا رد على سيدنا موسى بأمر ذبح البقرة الصفراء عشان كده هما ردوا بعدها "أتتخذنا هزوا"

يعني احنا بنقولك مين اللي قتل الراجل تقولنا اذبحوا بقرة !

وقعدوا يماطلوا كعادة بني إسرائيل ، بعد ما ذبحوا البقرة، ربنا امرهم يضربوا الشخص المقتول بعظم البقرة الصفراء المذبوحة، ولما عملوا كده الشخص قام بعد موت وقال مين اللي قتله.

"فقلنا اضربوه ببعضها كذلك ييحي الله الموتى ويريكم اياته ..".

القصه كلها عن معجزه تبين قدرة الله تعالي وانه لا يستحيل عليه شئ .

إجابة السؤال الثانى:

‏

‏ باختصار هنحاول نربط الآيات ببعضها فى إيجاز .

‏سورة البقرة جزءين ،

‏

‏ الجزء الأول عبارة عن 3 قصص ل 3 خلفاء فى الأرض .

‏

‏الخليفة الأول هو سيدنا آدم

‏"إنى جاعل فى الأرض خليفة" .

‏ربنا كلفه تكليف وكانت النتيجة إنه عصى ثم أطاع و جاب 50% فى التكليف "وعصى آدم ربه فغوى "

‏

‏الخليفة التانى بنى اسرائيل

‏"ولقد اخترناهم على علم على العالمين".

‏

‏ربنا كلفهم تكليف ، كانت النتيجة 0% مسابوش معصية فى حق الله إلا فعلوها .

‏

‏الخليفة الثالث إبراهيم عليه السلام "إنى جاعلك للناس إماما"

‏كانت النتيجة 100% وأطاع تمام الطاعة .

‏

‏ الجزء التانى من سورة البقره كله أحكام :،

‏ احكام الصيام والقصاص والأسرة وتحريم الربا وأحكام الدين والإنفاق .

‏

‏ربنا قبل مايقول لنا الأحكام ، بيقول لنا انتو هتبقوا مين فى التلاته ،

‏

‏ هتبقوا زي آدم (تطيعوا وتعصوا) ،

‏

‏ ولا زي بنى اسرائيل "قالوا سمعنا وعصينا"

‏

‏ولا زى ابراهيم تطيعوا تمام الطاعة .

‏

‏علشان كده الجزء الأول كان فيه قصة الثلاث خلفاء وبعد كده الجزء الثانى الأحكام والتشريعات

‏

‏وفي الآخر قوله تعالي "لله مافى السموات ومافى الأرض وإن تبدوا مافى أنفسكم أو تخفوه يحاسبكم به الله ".

‏

‏لما نزلت الآية راح الصحابة للنبى صل الله عليه وسلم وبكوا وقالوا يارسول الله أمرنا بالصلاة والصيام والزكاة فصبرنا وامتثلنا لأننا كلفنا بما نطيق ولكن هذا تكليف بما لانطيق ،

‏

‏ فقال النبى صل الله عليه وسلم لاتكونوا كبنى اسرائيل مع موسى قالوا سمعنا وعصينا ولكن قولوا سمعنا وأطعنا ، ف لما قالوها وأكثروا منها مدحهم الله بقوله تعالى "آمن الرسول بما أنزل إليه من ربه والمؤمنون " ، "وقالوا سمعنا وأطعنا غفرانك ربنا وإليك المصير ".

‏ونزل التخفيف من الله عنهم بقوله "لا يكلف الله نفسا إلا وسعها لها ماكسبت وعليها مااكتسبت" .

‏

‏والختام بدعاء الصحابة لله بقولهم

‏

‏"ربنا لاتؤاخذنا إن نسينا أو أخطأنا " يعنى بلاش تعاملنا يارب زي آدم لو عملنا زيه ف نسينا التكليف او أخطأنا ف تطردنا من جنتك .

‏"ربنا ولاتحمل علينا إصرا كما حملته على الذين من قبلنا" متعاملناش يارب زي بنى اسرائيل ، الإصر هو الشىء الثقيل على النفس لإن ربنا قالهم

‏ (فتوبوا إلى بارئكم فاقتلوا أنفسكم) .

‏

‏"واعف عنا واغفر لنا وارحمنا أنت مولانا فانصرنا على القوم الكافرين ".

مراد بص لامام وابتسم:بجد يا إمام ربنا يحفظك ويحميك بجد ابهرتني

امام: امين يا حبيب اخوك

ابدا يا احمد اقراء واحنا بنشتغل عشان الشغل يهون

احمد بداء تلاوة ومراد مستمتع جدا مع احمد وامام ونسي نفسه خالص

كل اللي هوا حاسس بيه انو مبسوط وبس

🌸استغفر الله♥استغفر الله🌸

عند تسنيم ومريم واميره

مريم قاعده ساكته وهما مستغربينها

اميرة: مالك يا مريم

مريم: مفيش

تسنيم: امال وشك احمر لي كدا

اميره: في حاجه قولي عملتي اي

مريم: مصيبه

اميره: انا قولت كدا بردو ومهو انتي متقعديش ساكته كدا غير لما تكوني عامله مصيبه

تسنيم: عملتي اي

مريم بص ليهم وبلعت رقها: احم..

من غير عصبيه

اميره: انطقي عملتي

مريم : دا انا لسه بقول من غير عصبيه تقومي تنطي كدا طب مش قايله

تسنيم: لا يحببتي اتكلمي في اي

تعبانه ولا حاجه قولي عملتي اي عشان نقدر نساعدك

اميرة: انتي هتشليني انت كمان يا تسنيم

مريم: عليا الطلابات ياسيمو انتي عسليه وهتكلم عشانك انتي يا قمر

يابختك يا ابيه

اميرة: اوعي يا تسنيم سبيني عليها

مريم: اه ياني يا مسكينه ياني هو انا عشان وليا ومكسوره الجناح تعملو فيا كدا ولا عشان انا واحده بتستقوي عليا اعااااااااااااا

تسنيم فطست علي نفسها من الضحك

اميره: اه يا مرارتي اه انتطقي يابت

مريم اخدت نفس طويل وحكت ليهم اللي حصل

اميرة واقفه اتعصبت للراجل سلف

وبتبص جمبها ع تسنيم ملقتهاش

: اي دا هي تسنيم فين ولسه هتكمل كلامها لقت تسنيم قاعده ع الارض

تسنيم بضحك : اه يا بطني الله يسامحك يا مريم مش قادره

اميره: انتي عيله مهزقه اصلا قولت ليكي كذا مره لسانك دا هيودكي ف داهيه

مريم: اصلا انا مش بطيقه يستاهل

تسنيم قامت: لا بقا نتكلم جد شويه

انتي غلطانه سبق وابيه امام كلمك وقالك مينفعش تذكري اخاكي المسلم بما يسوءه صح

مريم: اسفه

تسنيم: يا حبيبتي انا مش بقولك كدا عشان تتاسفي انا بقولك كدا عشان خايفه عليكي وعلي الاسف ميفدش بدال متعلمناش من غلطتنا

مريم: قربي

تسنيم بصت ليها بستغراب: نعم

مريم: قربي مش قادره اقف اتحركت كتير النهارده ورجلي وجعاني

تسنيم قربت منها مريم اخدتها ف حضنها

مريم: بجد انتي حنينه اوي وطيبه وابيه امام ميستحقش غيرك ومينفعش اصلا واحده غيرك تكون ليه

اميره: فعلا البت دي اول مره تقول حاجه صح ربنا يحميكم ويحفظكم

تسنيم بصت ليهم بحب: ويحفظكم وميحرمنيش منكم ابدا يا احلي اخوات ف الكون

مريم: انا جعانه

اميرة: انتي فصلان

تسنيم ابتسمت: حاضر يا حبيبتي ثواني واجبلك تاكلي انتي لازم تتغذي عشان تقومي لينا بسلامه

اميره: امال مش تتغذي والله انتي طيبه

مريم: حطا نقرك من نقري لي يام حزومبل

اميرة: حزومبل مين يا بت

مريم: ابنك

اميرة: مستفزه وانا مش هرد عليكي

تسنيم: بــــــــــــــس انتي وهيا انا قايمه اعمل اكل عشان امام مكلش ولا بابا

تسنيم خلصت الاكل ورنت ع امام يجي ياخد الاكل

🌸استغفر الله🌸

‏

امام:ها يا مراد من احسن انا ولا احمد

مراد قاعد محتار :بصراحه مش عارف

احمد: اكيد انا اللي هكسب هو مش راضي يقولك عشان ميجرحش مشاعرك

مراد:يبني لا بس بجد كل واحد بيتميز بحاجه معينه

يعني مثلا انت صوتك تبارك الله قوي حنجرتك قويه وعندك المد جميل جدا بتثير انتباه السامع

اما امام صوته الصوت الهادي اللي يخليك تغيب معاه عن الواقع ويخليك تتمعن ف ايات الله صوت يسحر كدا فاهم انتو الاتنين حلوين

امام:اتبطيت يا احمد لا انا ولا انت

احمد:طب ياخويا تلفونك بيرن

وصيه رسول الله

امام جري ع التلفون:فضيحه لازم تقول الاسم هات

اخده وبعد عنهم

تسنيم:السلام عليكم

امام:وعليكم السلام ورحمة الله وبركاته وحشتيني

تسنيم ابتسمت:احم الاكل جهز

امام:هو دا الرد ع جوزك لما يقولك وحشتيني

تسنيم:وانت كمان

امام:وانا كمان اي

تسنيم بصوت واطي:وحشتني

امام:لا كدا الموضوع كبير بقا انا نازل ليكي

امام رجع ليهم

امام:انا هنزل اجيب الغداء

احمد:ايوا بالله عليك انا فطست من الجوع والراجل دا زمانه ميت هو كمان بس مكثوف يتكلم

مراد:عادي انا مليش ف الاكل اوي

امام:حظك النهارده في شويه مكرونه بشاميل وكفته صدقني هتبات عندنا كل يوم من حلاوتهم

علي ضامنتي

مراد:يا خوفي احسن تيجي انت تزورني انت ف المستشفى وانا بعمل غسيل معده

احمد ضحك عليه:اي دا الهندسه بيقلش زينا اهو اخير ياعم

مراد ابتسم شبه ابتسامه: تعود مش اكتر

امام:طب يا خفيف انت وهو الاكل هيجي ولا هيمد ايده هكهربو

احمد:لا احيات عيالك يا شيخ انا مش قادر انا بطني لزقت ف ضهري من الجوع يا عالم يا مفتريه

امام بص ليه:اصدق صعبت عليا

انا نازل

امام نزل لتسنيم

يا جبروتك يتسنيم

🌸سبحان الله وبحمده🌸

تسنيم لي يا حبيبي

امام قرب منها: الاكل رحته تجنن

وانا مش قادر بصراحه محتار

تسنيم: محتار في اي

امام بص ليها بحب: محتار اخد مين ف حضني حبيبي اللي وحشني ولا الاكل

تسنيم بصت ف الارض: الاكل يا هندسه صحابك هيموتو من الجوع

امام: طب بالنسبه لحبيبك مفيش حاجه كدا تعوضه عن تعب اليوم

تسنيم: زي اي

امام قرب منها واخدها ف حضنه: زي كدا بجد النهارده يوم متعب جدا بس خلاص

تسنيم: خلاص اي

امام: ارتحت لما حضنت حبيبي

وقلبي اطمن

تسنيم: عملت اي ف الشغل النهارده

امام عرف هيا عايزه تسال ع اي بالظبط: ملقتهاش هناك زي م مراد قال وفي حاجه كمان

تسنيم: حاجه اي

امام: مراد نقلني مكتب تاني عشان

نفسيتي متتعبش من اللي حصل

تسنيم: بجد ربنا يكرمه ويحميه بجد فرحت اوي

امام: عقبال م اشوف الفرحه ف عنيه

تسنيم: لي هو ماله

امام: مراد طول عمره وحيد والحزن اتملك منه خلاه انعزل عن العالم مراد اشبه بـ روبت متحرك حياته كلها شغل ف شغل عنيه كلها حزن

تسنيم: صعب عليا اوي امام بالله عليك متسيبوه خاليك جمبه

امام باس راسها وبعدها عنه براحه: جوزك استحاله يتخلي عن حد حتي لو كان الشخص دا مطلبش المساعده انا اقدمها قبل كان بها مقبلش اسمها عملت اللي عليا

تسنيم بصت ليه بحب: ربنا يبارك ليا فيك يا حبيبي وميحرمنيش منك ابدا ولا من طيبة قلبك يلا اتفضل الاكل اهو روح لصحابك عشان زمانهم جاعو

امام: حاضر يا حبيبتي بس انتي اكلتي ولا لاء ومريم واميره اكله

تسنيم: اه يا حبيبي اكلنا

امام طلع بالاكل

🌸سبحان الله 🌸

احمد: يارويحك يا حج هات

امام: اتفضل بلهنا والشفا علي قلبك

قرب يا مراد متعمليش فيها غريب الحق كل حاجه قبل احمد ما ينسف الاكل

مراد قرب وبدا ياكل بس الغريب ان

اول مره يحس بطعم الاكل كل مره بياكل عشان يعيش اول مره ياكل عشان حابب الاكل واحساس اللمه والصحاب والعيله بجد اليوم دا فرق مع مراد اوي من بدايه المجنونه اللي تحت لغايه اخوها اللي قمه ف الاخلاق ونعم الاخ والزوج والصديق

واحمد اللي مبيبطلش ضحك مراد غصب عنه ابتسم و اول مره ابتسامته تكون من قلبه

امام لاحظ مراد وفرح اوي من جواه ان قدر يدخل السرور ع قلبه ولو بشئ بسيط

احمد: عندك حق يا إمام الاكل اللهم باك تحفه

مراد: فعلا ممتاز ربنا يزيد ويبارك

امام: يبني انت وهو مش اي حد اللي عامل الاكل لازم يكون حلو ربنا يبارك ليا فيها ويحفظها

احمد: تسنيم

امام بتصحيح : مدام تسنيم يا ابوحميد

مراد: هو انا ممكن اسال سوال

احمد: اي يبني الاحترام اللي انت فيه دا اسال ع طول ارزعها ف وشه كدا خبط لزق احنا مبقناش غراب عن بعض

امام ضحك ع صحابه: هو زيك اخرص يا احمد كمل يا مراد

مراد: هو مين وصيه رسول الله

انا شاكك بس حابب اتاكد عشان اسال السوال اللي بجد

احمد: يبني اخبطها ف وشه كدا

امام بص لاحمد وضحك: مراتي

مراد: وانت ليه مسميها كدا:

عشان حبي ليها يزيد ميقلش

مراد بستغراب: ازي مش فاهم

امام: بمعني اني لو في يوم ضيقتها افتكر ان هيا وصيه ومن مين من احب واحد علي قلبي ف احافظ ع الوصيه واكرمها وكل ما افتكر ان هيا وصيه من حبيبي حبي ليها يزيد

فهمت يا صاحبي

مراد بص ليه وابتسم: فهمت ربنا يبارك ليكم ويرزقكم الذريه الصالحه يارب

احمد: مش لما يعملو فرح الاول

مراد: انت معلتش فرح

امام: لسه في حجات كتير زي فرش الشقه والفستان والقاعه والحجات دي

مراد: اي الي ناقصك وانا سداد مش احنا اخوات ولا اي

امام: اكيد طبعا اخوات ربنا يحفظك ويحميك بس و الحمدلله معايا كل ما في الامر اني كل م اقول همروح نجيب الحاجه تحصل حاجه تعطلنا

مراد: اعتبر انك ف اجازه بكره

وروح هات الفرش بتاع الشقه

احمد: ايوا بالله عليك الواحد عايز يفرح

امام: تمام بس ليا طلب

مراد: اتفضل

امام: تخصم اليوم دا من مرتبي

مراد بص ليه: انت كدا بتعمل فرق بينا

امام: لا والله مبعمل فرق ولاحاجه كل ما في الامر اني مش عايز ليك الاذيه احما اخوات وكل حاجه بس الشغل شغل واجبي اخدو من بيتك مش من شغل واكل عيشك

مراد ابتسم امام كل يوم بيكبر ف نظره عن اليوم اللي قبله: حاضر

استاذن انا بقا

احمد: متخليك قاعد انت قعدتك حلوا والله

مراد: وانت والله يا احمد قعدتك ميتشبعش منها بس معلش ورايا شويه حجات عايز اخلصها

يلا ف رعايه الله

امام واحمد: في رعايه الله

🌸استغفر الله 🌸

اميره: مريم انتي مستفزه بطلي استفزاز

مريم: دا انا قمر انت بس اللي عصبيه زياده عن اللزوم

اميره: انتي جايبه البرود دا منين يا بت

مريم: مش هقولك عشان متروحيش تجيبي زي يا قلوده

وطلعت ليها لسانها

اميره قامت وضربتها: عبو استفزازك

مريم بصوت عالي: مغص ف خدودك يا اميرة شكه ف حواجبك اسهال ف منخيرك يا بعيده

مراد كان نازل من ع السلم وسمعها

وغصب عنه ضحك بس ضحكه من القلب: اوزعه ولسانها طويل ومهفوفه كمان لا كدا كتير ربنا يكون ف عونهم

وقعد يضحك

رايكم يهمني 👇

( طبلو ليا بقا عشان اختكم تعبانة يا عيال يا جلده😂😂😂❤)

#إمامي💍❤

💍الرابع عشر💍

🌸صلي علي رسول الله 🌸

مراد رجع البيت دخل بيته اوي نقدر نقول كهفه بيت مظلم كائب رجع وحس بالوحده تاني بتنهش فيه

انعدام الرغبه ف كل شئ الوحده والانعازل زي ما يكون مرض خبيث واتمكن منه دخل وقفل باب الشقه

ودخل وقف ف البلكونه

امته بقا هعيش زي الناس تعبت من الوحيده تعبت من اني اعمل الحاجه عشان لازم تتعمل مش عشان انا حبباه النهارده اول مره بعد موت والدي احس اني عايش دف العيله ولمه الصحاب كنز بجد يارب قويني

انا مش عايز اموت وانا لوحدي

. 🌸استغفر الله 🌸

احمد وامام دخلو الشقه

احمد:اميره يا اميره

نعم

احمد:يلا يا حبيبتي عشان نطلع بيتنا

اميره: حاضر ثواني

امام:ومالك مستعجله كدا ليه يا حجه اميره

احمد:انت مالك يا جدع اي الغتاته دي

امام:ماشي ياعم احمد براحتك

احمد:يلا يا ميرو

اميره:هو انتو فرشتو الشقه كلها

امام:لا اوضه النوم ولاطفال والمطبخ

والباقي بقا انتي وتسنيم ربنا يعنيكم فيه

مريم:طب وانا ا

أحمد:كلي واسكتي

امام: نقطينيا بسكاتك

مريم:الله يسامحكم انا هروح لحبيبي

امام :حبيبك مين يا بت

مريم :الاكل يا ابيه:الناس تجرحك والاكل يريحك

امام واحمد ضحكو عليها

امام:اضحك الله سنك يا مريم

اميره:فظيعه يلا يا احمد

مريم:هتوحشيني يا ميرو

اميره:يلا ابت من هنا دا انا هستريح منك

مريم:مش عارفه اوديها فين

احمد:هيا اي

مريم:محبه الناس الناس بتعشقني من كتر حبهم فينا بيتخانقو مع بعض مين اللي هيجب الكبريت ومين اللي هيجيب الجاز

كلهم ضحكو عيلها

انا ماشيه اكل

احمد واميره مشيو وامام نادي ع تسنيم

نعم

امام:تعالي يا حبيبي عشان نتكب اللي احنا هنجيبه بكره

تسنيم:لي احنا هنروح فين

امام:هنجيب العفش

تسنيم بفرحه:بجد

امام بفرحه لفرحتها:ايوا بجد عبال متجيبي الورقه والقلم اكون غيرت

تسنيم: حاضر يا حبيبي ثواني

تسنيم دخلت الاوضه لقت مريم بتذاكر

تسنيم بتعملي اي يا مريم

مريم بذاكر عشان الامتحنات قربت

تسنيم ربنا يعنيك يا حبيبتي لو احاجه وقفت قدامم ابيه امام بره قولي ليا وانا انديه ليكي

مريم لم تقف حاجه قدمي هروح ليه اصلي بقالي كتير معصبتوش

تسنيم بحب:لي بس دا امام طيب

مريم: طيب مين انتي مشوفتهوش وهو بيصحيني

تسنيم ضحكت: انتي بصراحه مستفزه

مريم:الحمدلله اللهم ادمها نعمه بس دا بردو مضرش انو بيرخم عليا

تسنيم:هو في زي امام وطيبه وحنيه

امام دا راجل راجل اي دا سد الرجاله

امام فعلا اسم ع مسمي قدوه وراجل يعتمد عليه وقت الحزن صاحبك ومطيب جرحك ووقت الجد ابوكي وسندك

مريم دموعها لمت بس حبت تدريها

مريم:اي ياختي السند والمستند وفواحه ومعطر جوا يلا يا تسنيم من هنا

تسنيم طلعت وهيا بتضحك عليه

وبدور ع امام مش لاقيه

راحت خبطت ع اوضته

امام يا امام انت جوا

فتحت الباب براحه لقيته نايم بهدومه والشوز وكله

ابتسمت بحب:حبيبي ربنا يقويك ويعينك ويحفظكم

قربت بهدوء منه وخلعته الشوز وغطته كويس وقربت منه

وقعدت تبص ليه وهو نايم وانكلمت هيا بتمشي ايدها ف شعره

تعرف لما ببص ليك وانت نايم كدا

بحسد نفسي وبخاف عليك مني

انت جميل اوي ف كل حلاتك حتي وانت نايم قمر وانت نايم بردو مديني احساس بلامان والراحه

البصه ف وشك كدا لوحدها عندي بالدنيا كلها سعات بحس اني ولدتك مش مراتك بحس بلمسؤليه اتجاهك

امام انا لوقعدت عمري كله اوي انا بحبك قد ايه هظلم حبي ليك

بس ف كلمه لما بقولها بتعبر بايجاز عن حبي ليك وهيا إمامي بحبك وبعشقك بحب فيك كل حاجه ابتسامتك البسيطه نظره عنيك اللي كلها دف وحب وجدعنتك وطيبه قلبك وتدينك بعشقك ي امام بعشق انت بقت اشبه بالنفس اللي بتنفسه

اخدت نفس طويل وقربت منه بهدو

وقبلت جبينه بحبك يا اغلي م املك

وقامت براحه من جمبه وقفلت الباب وهيا خارجه لاحظت مريم واقفه ف البلكونه

قربت منها

بالراحه واخدتها ف حضنها

مريم اتفاجئت بتسنيم بس فرحه اوي من جواها لانها كانت محتاجه الحضن دا اوي

تسنيم وهيا بطبطب عليها: في اي مالك لي الحزن اللي ف عنيكي دا

مريم: مش حزن خوف وقلق

تسنيم: من اي

مريم: من الجاي خايفه ميكنش زوجي صالح واتعب ف حياتي

تسنيم ابتسمت براحه زطلعتها من حضنها: ولي متظنيش الظن الخير

وتكوني ع يقين تام ان ربنا هيراضيكي ظني بالله ظن خير وربنا هيرزقك امام ف مره قالي حديث عن رسول الله وكان عن الظن ف الله

🌸 أنا عند حسن ظن عبدي بي 🌸

عَنْ يَزِيدَ بْنِ الأَصَمِّ عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم (( إِنَّ اللَّهَ يَقُولُ أَنَا عِنْدَ ظَنِّ عَبْدِي بِي وَأَنَا مَعَهُ إِذَا دَعَانِي )) صحيح مسلم

ادعي من قلب مش عشان مفيش قدامك حل تاني لا ادعي عشان انتي واثقه ف ربنا وامام بردو قالي جمله جميله اوي رب الخير لاياتي الا بالخير

مريم حضنت تسنيم جامد: بحبك اوي

تسنيم : احبتك الجنه وخالها وعباد خالقها وانا كمان بحبك يا مريوم

مريم : انا داخله انام تصبحي ع خير

مش هتنامي

تسنيم: ايوا بس اطمن ع بابا الاول

وهجاي انام

مريم : ماشي

. 🌸سبحان الله 🌸

تسنيم راحت تشوف عم محمد لقيته نايم

قفلت الباب تاني وطلعت وراحت نامت

امام صحي ك العاده بدري بس اتفاجا بنفسه: اي دا هو انا نمت بهدومي دلوقتي تسنيم تقول اي

قام اتوضي وخبط ع تسنيم

تسنيم حبيبي قوم يلا عشان القيام

تسنيم قامت براحه:حاضر يا حبيبي قايمه اهو

امام:صحي القتيله اللي جمبك دي

تسنيم فتحت الباب:لا مليش فيه انا قايمه بالعافيه

امام: دا تعب اليوم كله كوم وانك تصحي القتيله دي كون تاني

الله المستعان

تسنيم ضحكت:ربنا معاك

امام:بصي بقا يا مريم هنادي مرتين قومتي تمام اوي مقومتيش هغرق

مريم بت يا مــــــــــــريـــــــــــــــــم

امام هو بيهز فيها:قومي يا مريم ينهار ابيض ربنا يكون ف عون جوزك

مريم بتكلم بنوم:الله ملاهي مرجحني يا عمو كمان

امام ضحك:ملاهي مين يا مجنونه قومي انا امام قومي يا بت

مريم وهيا بتشد الغطا:ابيه السكره اخبارك اي واخبار جدك الله يرحمه اي كويس

امام بضحك:جدي الله يرحمه بيسلم عليكي وبعتني ابعتك ليه قومي يا بت

مريم:هو الواحد لا يعرف ياكل ولا ينام ف البيت دا

امام:قومي بدال ممد ايدي عليكي

مريم:طب اقولك نكته تسبني

امام بص ليها:مريم

مريم:اي دا انت ازاي واقف كدا هو انا كل يوم اقعد اصحي فيك احنا ف حضانه هنا ولا اي قوم يا ابيه يعني قوم يا ابيه جيل اخر زمن

امام:يلا يا اوزعه افندي انا هروح اصلي تكوني اتوضتي وصليتي

واه خلصي عشان هنتكلم ف موضوع مهم النهارده

مريم:موضوع اي ابيه يا سكره

امام:الغيبه والنميمه وخفي من سكره دي عشان تسنيم متعملش منك عجوه

مريم ضحكت:ليه حق تغير انا لو منها هحبسك حبس مؤبد

امام حدفها بالمخده اللي جمبها:مؤبد ف عينك ي ام لسانين

🌸استغفر الله 🌸

تسنيم خلصت صلي وراحت ل امام

امام اول م شافها شاور ليها تقعد جمبه:حبيبي زعلان مني

تسنيم:اكيد لا طبعا ربنا يكون في عونك يا حبيبي انت بتتعب وانا مقدره دا

امام:يسلملي الشطور اللي مقدر ظروفي

تسنيم:ها يا حبيبي هنتكلم عن اي النهار

امام : بصراحه يا تسنيم انا ملاحظ سلطات لسان مريم وعايز اوجه دا ليها بطريقه غير مباشره

تسنيم:فعلا عندك حق

مريم جت:ها يا هندسه اتفضل

امام:مقبوله يا مريوم اقعدي

احنا النهارده هنتكلم عن حاجه من الكبائر وهي الغيبه طبعا كلنا عرفينها

الغيبه يا حبايبي هيا ءكر اخاك المسلم بما يسؤه ويجرحه بالاجماع هيا من الكبائر الامام ابن حجر قال ف كتابه الزوجر عن اقتراف الكبائر

بيقول ان سيدنا النبي صلي الله عليه وسلم بيقول ( كل المسلم علي المسلم حرام دمه، وماله، وعرضه)

عرضه دي اللي هيا الغيبه ان اجيب سيرتك بشئ سلبي ف ضهرك حط جمبها الدم واللي هوا القتل والمال اللي هيا السرقه وبيروي عن رسول الله حديث اخر بيقول (انا من اكبر الكبائر استطاله المرء في عرض اخيه) ان انت يبقي حد مش موجود واتكلم عليه كلام يئذيه ف نفسه

نيجي بقا لرائي الشرع

فالغيبة: عرفها العلماء بأنها اسم من اغتاب اغتياباً، إذا ذكر أخاه بما يكره من العيوب وهي فيه، فإن لم تكن فيه فهو البهتان، كما في الحديث: "قيل ما الغيبة يا رسول الله؟ فقال: ذكرك أخاك بما يكره، قيل: أفرأيت إن كان في أخي ما أقول؟ قال: إن كان فيه ما تقول فقد اغتبته، وإن لم يكن فيه فقد بهته" رواه مسلم.

والغيبة محرمة بالكتاب والسنة والإجماع، وعدَّها كثير من العلماء من الكبائر، وقد شبه الله تعالى المغتاب بآكل لحم أخيه ميتاً فقال: (أيحب أحدكم أن يأكل لحم أخيه ميتاً فكرهتموه) [الحجرات: 12].

ولا يخفى أن هذا المثال يكفي مجرد تصوره في الدلالة على حجم الكارثة التي يقع فيها المغتاب، ولذا كان عقابه في الآخرة من جنس ذنبه في الدنيا، فقد مرَّ النبي صلى الله عليه وسلم ـ ليلة عرج به ـ بقوم لهم أظفار من نحاس يخمشون وجوههم وصدورهم، قال: فقلت: "من هؤلاء يا جبريل؟ قال: هؤلاء الذين يأكلون لحوم الناس ويقعون في أعراضهم" والأحاديث في ذم الغيبة والتنفير منها كثيرة.

وأسبابها الباعثة عليها كثيرة منها: الحسد، واحتقار المغتاب، والسخرية منه، ومجاراة رفقاء السوء، وأن يذكره بنقص ليظهر كمال نفسه ورفعتها، وربما ساقها مظهراً الشفقة والرحمة، وربما حمله عليها إظهار الغضب لله فيما يَدَّعي.. إلى غير ذلك من الأسباب.

وأما علاجها فله طريقان: طريق مجمل، وطريق مفصل كما ذكر الغزالي فالأول:

أن يتذكر قبح هذه المعصية، وما مثل الله به لأهلها، بأن مثلهم مثل آكلي لحوم البشر، وأنه يُعرِّض حسناته إلى أن تسلب منه بالوقوع في أعراض الآخرين، فإنه تنقل حسناته يوم القيامة إلى من اغتابه بدلاً عما استباحه من عرضه، فمهما آمن العبد بما ورد من الأخبار في الغيبة لم يطلق لسانه بها خوفاً من ذلك.

أما طريق علاجها على التفصيل: فينظر إلى حال نفسه، ويتأمل السبب الباعث له على الغيبة فيقطعه، فإن علاج كل علةٍ بقطع سببها.

فإن وقع العبد في هذا الذنب فليرجع إلى الله سبحانه وليتب إليه، وليبدأ فليتحلل ممن اغتابه، ففي الحديث عن النبي صلى الله عليه وسلم قال: "من كانت له عند أخيه مظلمة من عرضه أو شيء فليتحلله اليوم قبل أن لا يكون دينار ولا درهم، إن كان له عمل صالح أخذ منه بقدر مظلمته، وإن لم يكن له حسنات أخذ من سيئات صاحبه فحمل عليه" متفق عليه من حديث أبي هريرة، فإن خشي إن تحلله أن تثور ثائرته ولم يتحصل مقصود الشارع من التحلل، وهو الصلح والألفة، فليدع له، وليذكره بما فيه من الخير في مجالسه التي اغتابه فيها، ومما ينبغي التنبه له أن الشارع أباح الغيبة لأسباب محددة من باب الدخول في أخف المفسدتين دفعا لأعظمهما وهي:

الأول: التظلم، فيجوز للمظلوم أن يتظلم إلى السلطان أو القاضي، وغيرهما ممن له ولاية أو قدرة على إنصافه من ظالمه.

الثاني: الاستعانة على تغيير المنكر، ورد العاصي إلى الصواب، فيقول لمن يرجو قدرته، فلان يعمل كذا فازجره عنه.

الثالث: الاستفتاء، بأن يقول للمفتي ظلمني فلان أو أبي أو أخي بكذا فهل له كذا؟ وما طريقي للخلاص ودفع ظلمه عني؟

الرابع: تحذير المسلمين من الشر، كجرح المجروحين من الرواة والشهود والمصنفين، ومنها: إذا رأيت من يشتري شيئاً معيباً ، أو شخصا يصاحب إنساناً سارقاً أو زانيا أو ينكحه قريبة له ، أو نحو ذلك ، فإنك تذكر لهم ذلك نصيحة، لا بقصد الإيذاء والإفساد.

الخامس: أن يكون مجاهراً بفسقه أو بدعته، كشرب الخمر ومصادرة أموال الناس، فيجوز ذكره بما يجاهر به، ولا يجوز بغيره إلا بسبب آخر.

السادس: التعريف، فإذا كان معروفاً بلقب: كالأعشى والأعمى والأعور والأعرج جاز تعريفه به، ويحرم ذكره به تنقيصاً. ولو أمكن التعريف بغيره كان أولى . وقد نص على هذه الأمور الإمام النووي في شرحه لمسلم ، وغيره. والله أعلم.

أما الهمز واللمز: فهما من أقسام الغيبة المحرمة، فالهَّماز بالقول، واللمَّاز بالفعل، قال الإمام الغزالي: الذكر باللسان إنما حُرِّم لأن فيه تفهيم الغير نقصان أخيكَ، وتعريفه بما يكرهه، فالتعريض به كالتصريح، والفعل فيه كالقول، والإشارة والإيماء والغمز والهمز والكتابة والحركة، وكل ما يُفهم المقصود فهو داخل في الغيبة، وهو حرام. ومن ذلك قول عائشة رضي الله عنها: "دخلت علينا امرأة فلما ولت أومأت بيدي: أنها قصيرة، فقال عليه السلام: اغتبتها" أخرجه ابن أبي الدنيا في كتاب الغيبة.

أما النميمة: فهي السعي للإيقاع في الفتنة والوحشة، كمن ينقل كلاماً بين صديقين، أو زوجين للإفساد بينهما، سواء كان ما نقله حقاً وصدقاً، أم باطلاً وكذباً، وسواء قصد الإفساد أم لا، فالعبرة بما يؤول إليه الأمر، فإن أدى نقل كلامه إلى فساد ذات البين فهي النميمة، وهي محرمة بالكتاب والسنة والإجماع، فأما الكتاب فقد قال تعالى: (هماز مشاءٍ بنميم) [القلم: 11].

أما السنة فقد مر النبي صلى الله عليه وسلم بقبرين فقال: "إنهما يعذبان وما يعذبان في كبير، أما أحدهما فكان يمشي بالنميمة، وأما الآخر فكان لا يستتر من البول" متفق عليه، وروى أبو داود والترمذي وابن حبان في صحيحه عن أبي الدرداء أن النبي صلى الله عليه وسلم قال: "ألا أخبركم بأفضل من درجة الصيام والصلاة والصدقة؟ قالوا: بلى قال: إصلاح ذات البين، فإن إفساد ذات البين هي الحالقة".

وأما الإجماع فقد قال ابن حجر الهيتمي في كتابه الزواجر: قال الحافظ المنذري أجمعت الأمة على تحريم النميمة، وأنها من أعظم الذنوب عند الله ـ عز وجل ـ انتهى.

وليحذر المسلم هذا الداء العضال، وليجعل بينه وبينه جُنَّة تقيه لفح جهنم وحرها يوم القيامة، وليسع في الإصلاح ما استطاع. والله أعلم.

مريم بصت للارض:انا كدا ارتكبت كبيره من الكبائره

امام اتكلم بحنيه: معلكيش حرج انتي مكنتيش تعرفي بس.من دلوقتي يبدا الحساب لانك عرفتي

احنا مش ملايكه يا مريم احنا بشر ودا طبيعي لينا ان احنا نغلط ونتوب

بس اهم حاجه ان احنا نعترف بغلطانا ومنكرروش تاني

مريم بفرحه: هيااااااا يحياااااا ابيه السكره بحبك يا ميمو يا عسل انت

مش هعملها تاني وعد

امام فرح لفرحتها:شطوره يا حبيبتي

تسنيم بغيظ:طب يلا الاذان اذن

امام قرب من ودنها واتكلم بصوت واطي بس كله حب وحنان:انا ملكك انتي وبس وانتي ملكي انا وبس بحبك يا ملكه قلب امام

تسنيم ابتسمت:وانا كمان بحبك يا ملك قلب تسنيم

صلو وخلصو امام اخد تسنيم وراحو اشترو اوضته النوم والاطفال والصالون

ورجعو

مريم: حمدلله ع السلامه

وروني جبتو اي

امام: استني هطلعلك الانتريه من جيبي

مريم: اصدق انا غلطانه

تسنيم: احنا جبنا صور ليهم شوفي اهم

مريم قدعت تتفرج

امام: انا داخل اصلي وانام عشان مش قادر

تسنيم: تصبح ع خير يا حبيبي

امام: وانتي من اهلي

مريم: انا جعانه

تسنيم: اي يا بنتي هو انا فاتح للشاهيه كل م تشوفيني انا جعانه

مريم: جعانه بردو

تسنيم ضحكت: حاضر ثواني هحضرلك الاكل

عدت الايام ومريم فكت الجبس

وايجي يوم التخرج وامام عزم مراد

وامام حدد معاد الفرح

مراد: يبني دي اختك وبتتخرج انا مالي مشحتتني معاك لي

امام: بحب ارخم عليكي يا جدع

مراد: براحتك يا عم

مريم قربت منهم

مراد شاف مريم انصدم من جمالها اي البت عاوزه مني اي

مريم بص لامام: ابيه تعالي عشان نتصور صوره عائليه

مراد اتحرج: طب انا هروح اجيب حاجه من العربيه وجاي

امام مسك ايده: انت مسمعتش مريم ولا اي

مراد: مخدتش بالي

امام: كداب يا مراد لغايه امته هتفضل تعمل فرق

مراد: مفيش فرق ياصاحبي يلا بينا

راحو اتصور ومريم كانت مبسوطه جدا متنكرش انا فرحت بقرب امام من مراد

خلصو ومراد جاي يمشي امام مسكه

مراد:في اي يعم انت هو انا خطبتك كل شويه تمسكني

امام ضحك:اضحك الله سنك ضحكتني رايح فين

مراد:عايز اروح ولا لسه ف حاجه تاني

امام:بصراحه فيه

مراد:اي

امام:في واحد متقدم لمريم وعايزك تكون موجود

مراد اضايق اوي واتعصب بس مش عارف هو زعلان ايه: اي اللي انت بتقوله دا تتجوز ومين الافندي

امام لاحظ تغيره: زاحد شافها اعجب بيها

مراد:امممم طيب يلا بينا

ف البيت عند امام مريم جايه تدخل اوضتها

مريم

نعم

امام:جهزي نفسك عشان عريسك جاي ف الطريق

مراد غصب عنه خبط امام جامد ف بطنه:متقلش زفت عريسها لسه مبقاش

امام استغرب بس ابتسم:حاضر نقول جوزها المستقبلي

مراد تخيل ان مريم تكون لحد غيره

الغيره سيطرت عليه وعينه احمره وكور ايده واتكلم بصوت بينهج من الغضب:امام لم الدور

دا كله ومريم واقفه مصدومه

مريم بعدم فهم:جوزي مين

مراد بعصبيه: مسموش جوزك اسمه بني ادم جاي يقعد معاكي وتشوفو هيكون فيه قبول ولا لاء

امام قرب من مراد: مراد ف اي انت ملاحظ طريقه كلامك ثم انك بتكلم اختي بصفتك اي

مراد اتضق اكتر:عندك حق اديني ساكت اهو

وحلف من جواه انو هيندم الشخص اللي جاي دا

(بصو يا حبايبي الجزئيه اللي جاي دي مش من تالفي)

في الصالون ..عبر الرؤية الشرعية

_ ازيك يا انسه

=أحسن منك .

_نعم

=اقصد يعنى الحمد لله وكدا

= حضرتك بقا خريج ايه

_,انا دكتور ياافندم

=. ايوا مقلتش برضو خريج ايه يعنى

_زراعه!!

=اه يعنى حضرتك دكتور زراعى

_انا اول مره في حياتى اسمع المهنه دى بس ماشى شغال

= طيب وحضرتك عاوز ايه دلوقت

_لا مفيش اى حاجه انا بستنى الاتوبيس زى ما انتى شايفه كدا

. معلش في السؤال حضرتك متابعه معانا ولا جاى زياره وماشيه

= مش فاهمه سؤال حضرتك

_ انتى العروسه ولا صاحبتها ايه الوقعه دى

= ايوا ياافندم انا العروسه هما ماكدين عليا كدا قبل ما ادخل لحضرتك

_ مأكدين عليكى !! حضرتك مش مدركه لحجم الكارثه اللي احنا فيها دلوقتى ؟؟

=مدركه ياافندم ومتعاطفه معاك جدا

_يعنى دا نظام تطفيش؟!

=لاء تطنييش

_نعم !

=تفتيش

_مش فاهم !

=تسلم وتعيش

_ طيب ممكن نتكلم في الوضع اللي احنا فيه دلوقت

= تمام ياافندم انا علي وضعى حضرتك ايه نظامك

= ولا اى حاجه انا هتشل بس

=مفيش مشكله يا فندم دى اعراض وارده للموقف اللي احنا فيه

_ عادى يعنى مقلقش

= لا ياافندم لا داعى للقلق اومال

حضرتك ناوى تكمل معايا ازاى

_ أكمل ايه !

=نص دينك يافندم !

_لاء ما انا قررت احافظ ع النص اللي معايا وبارك الله لكى يااختاه

=ياافندم.. ياافندم طب استنى نتفاهم .اول مره اشوف دكتور زراعى خُلقه ضيق كدا

امام: في اي بس يا دكتور

-مش عايز انجوز يعم سلام

مريم قعدت تضحك ومراد فرح من جواه

امام: اي اللي انتي عملتيه دا يا مريم

مريم: مع احترامي لحضرتك يا ابيه بس حضرتك حتطني قدام الامر الواقع اكنك بتغصبني ع شئ وانا لا يمكن اقبل ان حد يغصبني ع حاجه

امام: انا مش قصدي والله طب بالله عليكي ينفع اللي انت عملتيه ده

مريم: اه

مراد اتكلم بدون وعي : امام انا عايز اتجوز اختك

صدمه لجمت افواه الجميع

رايكم يهمني 👇

#إمامي💍❤

💍البارت الخامس عشر💍

🌸صلي علي رسول الله 🌸

‏

مراد: عايز اتجوز اختك مريم

مريم واقفه مصدومه : اي

امام: انت بتقول اي يا مراد الكلام مش كدا

مراد: انا اسف يا امام ممكن نتكلم جوا

امام: طب اتفضل مريم

نعم

ادخلي جوا

مريم : حاضر

مراد بص لامام: انا اسف بس صدقني مش قصدي اني اقلل منك

او من شأن

امام: اللي انت عملته دا مينفعش بس هقدرك وهعتبر ان محصلش حاجه

مراد:والله اسف انت عارف اني مليش حد ابويا وامي ماتو انا يشرفني اني طلب ايد اختك

امام:الصراحه انت فجئتني ومش عارف ارد اقول اي

مراد:انا مش عايز رد دلوقتي

امام:هسالها الاول وربك يقدم اللي فيه الخير

مراد:وانا منتظر ردك

مراد مشي وهو مش مصدق انا قولت كدا البت دي عملت فيا اي شقبت كياني وحياتي وهو فعلا كنت غيران عليها باين كدا حبيتك يا مريم

مريم ف اوضتها اي البني ادم دا ازاي يتكلم كدا هو مفكر نفسه مين

بس هو انا ليه فرحانه انا مش فاهمه نفسي

امام دخل قعد معاه

مريم

نعم يا ابيه

امام: انا عارف ان طريقه مش لطيفه بس بجد باين عليه بيحبك استخيري وردي عليا

مريم:يا ابيه انا معرفوش وباين عليه مش ملتزم بصراحه انا عايزه واحد ملتزم زيك كدا

امام ابتسم: ما يمكن يكون هو احسن مني

مريم:لا طبعا انت مفيش حد احسن منك

امام:لا يا حبيبتي في مراد بيصلي

وقرب من ربنا كتير اوي عن الاول

وشخصيه محترمه بصراحه انا بحبه

جدا واثق انو هيسعدك

مريم:خايفه

امام:من اي

مريم:مش عارفه

امام:صلي بس الاول استخاره وخدي وقتك ف التفكير

مريم:حاضر

🌸صلي ع رسول الله🌸

امام طلع وهو مبسوط مراد شخصيه محترمه جدا وراجع ضغري

ومتاكد ان مراد هيسعد اخته وان اخته هتقدر تطلع مراد من الحزن اللي هوا فيه

تسنيم شافته قاعد قعدت جمبه

مالك سرحان ف اي

امام: ف حبيبتي اللي معرفتش اقعد معها النهارده ومش راضيه تمن ع قلبي

تسنيم ضحكت: ياااااه دي شريره اوي

امام: تؤتؤ دي اجمل حاجه حصلتلي ف دنيتي

تسنيم: اممم مالك بردو

امام ضحك: اي دا انتي الواحد ميعرفش يحور عليكي

تسنيم: اولا انت ملكش ف التحوير

ثانيا انا وانت شخص واحد يعني انا اكتر واحده احس بيك زي م انت بتحس بيا

امام ابتسم بحب: بفكر ف عرض مراد

تسنيم: هو بيصلي

امام: ايوا الحمدلله دا بقا يجي ليا نصلي سوا جماعه انا هو

تسنيم: طب كويس هو بخيل

امام : نهائي دا كريم جدا وجدع اوي

تسنيم: سليط اللسان

امام: بقولك محترم وابن ناس بصراحه مسمعتوش قبل كدا شتم

بس هو كتوم شويه وكلامه قليل

تسنيم: اختك هتخليه يكلم نفسه

امام ضحك: ها في اسئله تانيه

تسنيم: لا متخافش باذن الله خير

وانا هقعد معاها ونتكلم سوا

امام قرب منها: وحشتني اوي ع فكره

تسنيم بصت ليه بحب: بس انت موحشتنيش

امام اتصدم: نعم

تسنيم: صوتك دايما معايا وبريحني اوي دا غير ان في حاجه بصراحه لا هما حاجتين

امام ضحك: قولي عملتي

تسنيم اتكلمت بخوف: احم اص.... اصل

امام قرب منها واخدها ف حضنه: عيب اوي ف حقي انك تخافي وانا معاكي مفهوم

تسنيم حضنته: انا كدبت انت وحشتني اوي وبتعذب جدا ف بعدك

امام: طيب عملتي اي بقا

تسنيم بصت ليه بصه بريئه: انا بستناك لما تنام وبدخل اصورك وانت نايم عشان بتوحشني اوي وف حاجه كمان

امام بص ليها بحب: قولي يا قلب امام انا اصلا كلي ملكك

تسنيم بصت ف الارض: انا بلبس تي شرتاتك من وراك

امام ضحك بصوته كله: حرمييا

واي يعني امام كله تحت امرك مجتش ع كام تي شرت

تسنيم: بحبك

امام: بعشقك

تسنيم بصت ف الارض

امام: طب اي

تسنيم: اي

امام: مش هنقوم نصلي ولا اي

تسنيم بفرحه:بجد طب يلل قوم بسرعه

امام ابتسم:يلا يا حبيبي

🌸سبحان الله وبحمده🌸

مريم قاعده محتاره:انا دلوقتي خايفه ومحتاره وفرحانه اي الهطل اللي انا فيه دا دا مغرور بس لي دايما بلمس فيه الحزن لي دايما بحس ان هو شايل جبال من الالم

يارب هونها عليا يارب اختار لي ولا تخيرني

عدا يومين ومريم لسه مقالتش رايها

امام:حبيبي هتقعدي مع مريم الراجل قاعد ع نار

تسنيم:اكيد انا هنتظر بس اميره تنزل عشان نقعد معاها شويه

امام:ماشي يا حبيبي انا هطلع اقعد مع احمد شويه وياريت لو تقول رايها النهارده المفروض الراجل يقعد ماها وبعدين تحكم

تسنيم:هيا مش عايزه حد يتكلم معاها وبتقول سبوني

امام: طيب الله المستعان

انا هقوم

تسنيم:ماشي يا حبيبي استعجل اميرة بس

امام:حاضر

. 🌸سبحان الله العظيم🌸

امام طلع ل احمد

احمد:اي دا امام باشا بنفسه عندنا

امام: يعم بطل بكش ودخلني

احمد: ادخل يخويا انا مش ببكش انا بتريق

امام: الله يسامحك بت امير

اميـــــــــــرااااا انت ابت

اميرة طلعت من المطبخ مخضوضه: اي يا امام ف اي خضتني

امام: مرات اخوكي عايزكي تحت

اميره: وقعت قلبي

احمد: سلامه قلب حبيبي

امام: لم نفسك انا واقف

احمد: مراتي يعم

اميره: بس انت وهوا انا هخلص كام حاجه كدا وهنزل ليها

امام: هتخلصي اي يعني

اميره: هروق المطبخ واشوح اللحمه وهغسل المواعين

امام: انزلي وانا واحمد هنعمل دا كله

وحاولي مع اختك تقعد معاه النهارده انا عزمته يجي يقعد معانا شويه واهو بالمرع نسحله ف المطبخ

احمد واميره ضحكو

اميره: يا شرير انتا

امام: يلا ابت من هنا

اميره: ماشي انا نازله اصلا

اميره نزلت واحمد االتفت لا امام

احمد: ارك اتوذع شامهه من مالك امك

امام: لم لسانك يلا

احمد: انا مال امي بالمطبخ يا جدع انتا

امام: ساعد مراتك يلا معندكش دم

مرات حامل وتعبانه

احمد: بساعدها والله

امام: ماشي يخويا

احمد: انا مش داخل المطبخ

امام بص ليه : نـــــــــــعـــــــــــــــم يخويا

احمد بخوف مصتنع: اي برنس

مش هدخل المطبخ غير لما مراد يجي غلط انا

امام ضحك: لا خقاني ياض

احمد بضحك: من يومي

امام: طيب انا هدخل اشوح اللحمه

احمد: اشطا

🌸لا اله الا الله 🌸

اميرة نزلت لمريم وتسنيم

تسنيم : هنعمل معاها اي دي حتي م راضه تقابله

اميرة: اختي ضعفت ولما بتضعف بتهرب مبتحبش تبين نقطه ضعفها

تسنيم: قصدك اي

اميره: مريم من اول يوم وهيا مياله لمراد بس كانت بتقاوح

تسنيم: قصدك حبته

اميره: يمكن هنعرف دلوقتي

تسنيم: مريم محتاره يا اميره وبصراحه عندها حق

اميره: طب تعالي ندخل ليها

دخلو لمريم

مريم اول ما شافتهم

اي دخلين عليا كدا ليه جايبين اكل

انا جعانه

تسنيم ضحكت: مفجوعه

اميره: دا منظر واحده هتجوز قريب

مريم: مش هتجوز

تسنيم: طب نبطل هزار ونتكلم جد شويه

اميره قربت من مريم: مريم حبيبتي انا عايزه اعرف اي اللي ف مراد مخليكي مش عابزه حتي تعقدي معاه

مريم: خايفه

تسنيم: من اي يا حبيبتي

مريم: انو ميكنش كويس واتعذب

تسنيم: تاني يا مريم انا مش قولت ليكي ظني الظن الخير

اميره: انتي صليتي استخاره

مريم: ايوا

تسنيم: حسيت اي

مريم ابتسمت: براحه رهيبه

تسنيم: امال انتي عايزه اي تاني

مريم: عابزه اعرف عنه اكتر

اميره: الصبر كن عندك يارب عايزه تعرفي عن ايه وانتي حتي م راضيه تقعدي معاها

مريم: م عايزه اقعد

تسنيم بصت ليها بحب: لي

مريم قربت منها: انا ول عمري قويه

ودايما بتكلم وانا واثقه ف نفسي

بجي قدام دا واقلب بطه بكيمي

تسنيم ضحكت : يا جباره دا انتي مفيش مره شوفتيه اتكلمت معاه عدل ع طول بتمسحي بكرامته الارض

مريم اتحرجت: عشان بحس بالضعف ف بحاول ابين لنفسي اني قويه

اميره: تقومي تستقوي ع الراجل الغلبان دا

مريم: اهو اللي حصل

تسنيم: مريم يا حبيبتي الراجل محترم ومافيش عليه حرج محترم وابن ناس ف حاله وبيصلي وجدع

وكريم

مريم: كريم ولا عاطف هيهيهيهيه

اميره ضربتها ع كتفها: ابو استزرافك

تسنيم: ها هتقعدي معاه ولا اقله امشي

مريم: امري الي الله هقعد معاه

اميره: اياكي ثم اياكي تغلطي فيه وتلمي لسانك دا

مريم: شيء صعب بس هحاول

تسنيم ابتسمت: شطوره يا حبيبتي

مريم: انا جعانه

اميره سابتها: لا انا مش موجود

مريم: نداله عاااااااا

وبصت لتسنيم مرات اخويا القمريا

تسنيم: ولا انا موجود وطلعت وسابتها

مريم بصوت عالي: عاااااااااااا جعانه يا بشر ويا خلق يا هوووووووووو

اعااااااااااااااا يا عيني عليكي يا لوزه ياصغيره ع الهم يا لوزه

تسنيم: بس خلاص فضحتينا هجبلك تاكلي

وسابتها وراحت ع المطبخ

مريم طلعت من الاوضه واتكلمت بصوت عالي

: روحي الهي تنستري دنيا واخره ومتنفضحي ابدا يا تسنيم يابت بطني

🌸سبحان الله 🌸

مراد كان طالع ع السلم وسمعها وقعد يضحك: بقا المجنونه دي هتبقي مراتي مجنونه

خبط ع الشقه

احمد فتح ليه:لا

مراد:لا اي

احمد:مش مصدق نفسيتي

مراد:نفسيتك؟؟ لي

احمد:مراد باشا بذات نفسه عندنا

مراد: اه شوفت بقا

احمد:يعم انت صدقت ولا اي انا بتريق عشان من شافك ياخويا

مراد: طب هدخل ولا اروح

احمد بضحك وهو بيخبط ع صدره:ادخلي يا شابه دا احنا هنريحوووووكي

مراد بص ليه:هيا العيله كلها كدا اوعا يعم

احمد:ادخل

مراد دخل وفضل واقف مكانه

احمد:يعم ادخل مفيش حد المدام تحت

مراد:ريحتيني ورايح ناحية الصالون

أحمد:انت رايح فين

مراد:اقعد

احمد:ع المطبخ

مراد:نعم يخويا

احمد:ع المطبخ يا ضنايا

مراد:انت مجنون يا احمد ولا اي اعمل اي ف المطبخ

احمد ضخك: امام ف المطبخ بيعمل اكل وانا بغسل المواعين وانت هتحط السفره يلا يابرنس شمر وتعالي

مراد اتصدم:مواعين وطبخ وسفره

لا دا كدا احلوت اوي

احمد: اي خدعه عد الجاميل بقا

مراد بغيظ: بعدهم اهو

احمد:يلا اتفضل

مراد: حاضر

امام:منور يا مراد

مراد : بنورك بتعمل اي ف المطبخ يا امام

امام:بشوح لحمه لي

مراد:غريبه يعني

امام ضحك وافتكر تسنيم لما دخل عليها المطبخ وقالت ليه غريبه بردو

مراد: اي سرحت فين

اما انتبه:ها لا ابدا كنت بتقول اي

مراد :غريبه

امام ابتسم:لا غريبه ولا حاجه الرسول صلى الله عليه وسلم

كان بيساعد اهل بيته واحنا بنتبع قدوتنا

مراد بص ليه : كل يوم بتعلي ف نظري عن اليوم اللي قبله

امام:ربنا يحفظك يلا افرش السفره

مراد:حاضر بس فين الطباق

احمد:شوفت الضرفه اللي وراك دي فيها الطباف

امام: غسلت المواعين ولا لسه

احمد:خلصت بس فاضل اللي احنا هناكل فيهم نبقي نغسلهم بعد م ناكل

مراد بص ليهم

احمد:متبوصش هتغسل اللي انت كلت فيه ايوا يخويا اني ايدي اتهرت من الغسيل

امام:ايوا يختي الله يكون ف عونك

احمد بتقليد صوت ست:انا هلاقيها منين ولا منين العيال ولا البيت ولا المطبخ ولا الراجل المفتري اللي مبيسالش فيا

مراد ضحك بصوته كله: انت مشكله يا احمد والله

امام وهوبيضحك:احمد كدا طول تمره يعشق الهزار ويااااه بقا هو ومريم لما يتلمو ع بعض تفطس ع نفسك من الضحك

مراد بغيره:وهو بيقعد مع مريم

احمد لاحظ غيرة مراد ف حب يشتغل عليها:ايوا يبني دا مريم دي حتته سكره دمها خفيف بشكل تعرف انا لو كنت شوفتها قبل اميره كنت اتجوزتها هيا

مراد بص ليه وعنيه بطق شرار واتكلم بهدوء:تجوز مين

احمد بخوف مصتنع:انا متجوز اصلا يا باشا

مراد ع نفس الهدوء:تجوز مين

احمد وهو بيعمل انو بيعيط:اقسم بالله كنت بهزر عشان شوفتك غيرت والله

امام ضحك ع شكل صحابه:اهدي يامراد دا احمد اللي مربي مريم يعتبر بنته اصلا

مراد وهوبيبص لحمد: متلعبش ع الوتر دا تاني عشان رده فعلي ممكن متعجبكش

احمد وهو بيقرب منه:ياجدع بقولك اختي وبعدين انا بعشق مراتي كل م في الامر كنت عايز اتاكد من حاجه

متقلقش يا صاحبي

مراد: تتاكد من اي

احمد:زي مقولت ليك مريم اختي وكنت عايز اطمن ع اختي هتجوز راجل وبيغير عليها وبيحبها ولا لاء

مراد اتكلم بثوت كله حزن:ع اساس ان اختوكو وافقت عليا

وبص ل امام

لو هيا م عايزيني قول بس بالله بلاش تعمل فيا كدا

امام قرب منه وخبط ع كتفه:والله يا صاحبي هيا مقالت حاجه وانا جبتك النهارده عشان تقعد معاها

مراد:يعني هيا ممكن توافقك

احمد:يجدع انت بتقول اي هو حد يرفضك هو انت اي نعم كشري ورخم

مراد بص ليه

احمد كمل بهزار: بس راجل وجدع

ومفيش منك ياواد يامرمر يا عسل انتا

مراد:قفلتني مرمر ف عينك

امام ضحك عليهم وفرح ان صاحبه قرب من مراد وان مراد بقب وا حد منهم

احمد: يلا يا جماعه انا جعان يولاه

امام:يلا يعم مراد جهز السفره اخواتك هيموتو من الجوع

مراد بتلقائيه:بعد الشر ع اخوتي حاضر

مراد طلع بره وجهز السفره

احمد: والله ابن حلال يارب اختك توافق الواد دا هيدمر لو اختك موافقتش

امام: ربك يقدم اللي فيه الخير

قعدو وكلو

مراد من جواه حس ان وسط عيلته وان احمد وامام اخواته بجد وفرح اوي ان لقي عيله بجد وحبهم اوي

ودعي من جواه ان مريم توافقه

خلصو اكل

احمد: يلا يا هندسه منك ليه كل واحد يغسل طبقه احسن مراتي تبيتني بره الليله

امام ضحك: عندك بدل البت اتنين

متاخفش اخواتك موجودين

مراد: اكيد طبعا بيتي هو بيتكم

في وقعت انا تحت امركم

امام: ربنا يزيدك ويبارك ليك يا مراد

احمد: يخويا انت وهو خلاص شوفتوني بره البيت اخلص يعم

عشان محضر ليكم فقرة اسئله انكا اي مكن

امام: ياخوفي منك يا احمد

مراد: اسئله نوعيتها اي

احمد: اسئله دينيه اسماء الصاحبه والقبهم

مراد: الله شوقتني

امام: حلو دا

احمد: طب يلا

🌸استغفر الله 🌸

خلصو اكل وغسلو المواعين

وقعدو

احمد : بصو بقا انا هسأل واللي يعرف يرفع ايده ويقول الكنافسه هتكون بينكم

امام: تمام

مراد: تمام

احمد: واللي هيخسر عليه طقم نسكافيه لينا

مراد: مش فاهم

احمد: يعني اللي يخسر يعمل لينا نسكافيه

امام: يلا

احمد: السوال الاول من هو

عبدُ الله بن أبي قَحافَة

مراد: سيدنا "أبو بكر الصديق"

احمد: الله عليك بدايه مبشره

عُمَر بن الخطاب

امام رفع ايده: انا "الفارُوق" طبعا

احمد: الله عليكي يا حبيب والديك

واحد واحد

عُثمان بن عفان

امام: "ذِي النورَين"

مراد: لا دي مش عارفه

احمد:بصو هنعمل تعديل لان الوضع كدا مش نافع انا هسال كل واحد 8اسئله

تمام

امام ومراد: تمام

احمد: نبدا ب مراد

خَالد بن الوليد

مراد: "سيفُ الله المَسلُول"

احمد: عليّ بن أبي طالب

مراد: "الإمام"

احمد: مُصعَب بن عُمَير

مراد: "سفِيرُ الإسلام"

احمد: اي دا مراد هيكسب الله عليك يا مرمر يا جامد

مراد: مرمر ف عينك يا مستفز متقولش مرمر مفهوم

احمد: مفهوم يا باشا يلا

ياسر بن عمار

مراد:نقيت فيها مش عارف

احمد:كدا امام يجاوب ضاعت منك نقطه وروحت ل امام قول ي امام

امام ابتسم: "الطَيبُ المُطَيبُ"

احمد: برنس يا ابني والله

يلي يعم مراد

حَمزة بن عبد المطلب

مراد: "أسَدُ الله"

احمد: الزُّبَيْر بن العوَّام

مراد: "حواريُّ الرسول صلى الله عليه وسلم"

احمد: عَمرو بن العاص

مراد: "داهيةُ الإسلام"

احمد: حُذيفة بن اليَمان

مراد: "صاحبُ سِر الرسول صلى الله عليه وسلم"

احمد: أسامة بن زيد بن حارثةة

مراد: لا مش عارف

احمد:من نصيبك ياعم امام

امام ابتسم:

‏" ابن حُب رسول الله صلي الله عليه وسلم"

احمد: أبو عُبيدة بن الجرَّاح

مراد: "أمينُ الأمة"

احمد:مراد جبت 6من 8 لانك ضيعت منك نقطتين راحو لامام يلا يا امام دورك

عبدالله ابن العباس

امام : "حَبر الأمةة"

احمد:حسَّان بن ثابت

امام: "شاعِرُ الرسُول صلى الله عليه وسلم"

احمد:عبد الله بن جبير

امام: "أمير الرماة يوم أحد"

احمد:زيد بن ثابت

امام: "جامع القرآن"

احمد : معاويةة ابن ابي سفيان

امام: "كاتب وحي رسول الله"

احمد:بِلال بن رباح

امام: "مُؤذنُ الرسول صلى الله عليه وسلم"

احمد: اي يعم متقع بقا انا مش بحسد انا بقر بس

امام ضحك: طب يخويا كمل

احمد: عبدُ الله بن مسعود

امام: "ترجمان القرآن"

احمد: زيدُ بن حارثة

امام: "حُب رسول الله صلى الله عليه وسلم"

مراد: النتيجه محسومه من الاول اصلا انا هجي اي ف امام

امام بص. ليه بزعل: انت احسن من امام ومبعدين انا اللي خلاني اجوب ليني بحب القراءه معلومات عامه مش اكتر

احمد: ع فكره انا تفاجت بيك معلومتك كويسه جدا يلا يهندسه ع المطبخ

مراد بهزار: يعم كرهتني ف المطبخ

حاضر قايم اهو

تكملة الرواية من هنااااااا

موسوعة القصص والروايات

القائمة الرئيسية

الصفحات

رواية امامى الفصل 11-12-13-14-15بقلم ياسمين (جميع الفصول كامله )

أخر المواضيع من قسم : روايات مشوقه

تعليقات

إرسال تعليق