رواية امامى الفصل 6-7-8-9-10بقلم ياسمين (جميع الفصول كامله )
رواية امامى الفصل 6-7-8-9-10بقلم ياسمين (جميع الفصول كامله )
💍الفصل السادس💍
إمام نادا ع تنسيم
تسنيم
نعم
إمام: كنت عايز اخد رايك ف حاجه كمان
تسنيم رجعت وقعدت
واتكلمت بحب : اتفضل
إمام: اي رايك احفظ الاطفال القران الكريم ف الجامع اعمل ساعتين كل يوم لتحفيظ
تسنيم بحماس وفرحه: الله ي إمام ياريت انا كمان نفسي احفظه اوي
🌸استغفرالله🌸
إمام كان عايز يعمل كدا فعلا بس مش هو دا الهدف الرئسي من سؤاله هو كان عايز يعرف رايها ف حفظ القران بس ع المتغطي وفرح جدا لما عرف رده فعلها
إمام ببتسامه: ع بركه الله نبدا من بكره حفظ القران ونعمل ورد يومي لينا
تسنيم: هو انت حافظ القرآن
إمام بتغير لمجري السؤال: نحفظه
سوي
تسنيم: حلو اوي بس يعني اي ورد
إمام: ورد يعني تخصص وقت كدا نقراء فيه قران حتي ولو صفحتين
والقران المفروض يتقسم ف اليوم قراءه وحفظ وتفسير
تسنيم: ازاي
إمام: يعني نحفظ ولو خمس ايات يوميا بتفسرهم ونقراء صفحتين الموضوع مش هياخد منك ربع ساعه
تسنيم: الله جميل اوي انا هسمع احسن منك وهكون اشطر منك
إمام ابتسم للمشاغبتها وحب يجاريها: يلا يا شاطره العبي بعيد انا اللي هسمع احسن طبعا
تسنيم بمشاغبه: هنشوف حدد معاد نحفظ فيه ومعاد نسمع فيه يا عم المغرو
إمام: القراء والحفظ بعد الفجر مباشره والتسميع بعد العشاء اي رايك يا مشاغبتي
تسنيم بتفكير: اممم حلو اوي طب مين هيسمع
إمام: بابا طبعا ولو مش قادر يبقي انا اسمع ليكي وانتي تسمعلي ونحسب عدد الاخطاء والاقل التاني يطلب منه طلب وينفذه
تسنيم: قبلت التحدي يا إمامي
إمام: قولتي اي
تسنيم بتسغراب: قبلت التحدي
إمام: اللي بعدها
تسنيم بتفكير: يا إمام
إمام: اممم يقبا انا سمعت غلط
تسنيم: سمعت اي
إمام بص ليها: سمعت حاجه فرحتني بس ياخساره كان نفسي تبقي حقيقه
تسنيم بابتسامة خجل: هيا حقيقه ويلا عشان هتتاخر ع الصلاه ي إمام
وسكتت شويه يا إمامي وسابته وجريت ع المطبخ
إمام ضحك ونزل لعم محمد ف المسجد
🌸صلي علي رسول الله🌸
إمام قبل ما يروح المسجد راج جاب بونبوني وقال ف الميكروفون بتاع الجامع ان ف تحفيظ ف الجامع وقال الموعيد وخلي البنبوني ف الجامع عشان الاطفال
محمد: جميله اوي الفكره دي يا إمام
إمام بمشاغبه: انت اجمل يا والدي
محمد: بكاش
إمام: الله يسامحك
انا هستاذن يا بابا
محمد: لي رايح فين
إمام: في وظيفه هشوفها بدل م انا قاعد كدا
محمد: ربنا يرزقك من وسع ويجعلك ف كل خطوه سلامه
🌸سبحان الله 🌸
امام راح البيت غير واخد السي في بتاعه
ولسه هيطلع من
إمام
نعم يا تسنيم في حاجه
تسنيم بصت لامام وكان لابس زي رسمي :ممكن اعرف انت رايح فين كدا
إمام بمشاغبه:اي الجميل بيغير ولا اي انا عارف اني واد حليوه ويتغار عليا بس مش لدرجه
تسنيم بغيظ:اممم طب يا عم الحليوه انت رايح فين بقا وانت متشيك كدا ومش المفروض تقول لمراتك انت رايح فين
إمام:اي مراتي بتخاف عليا ولا اي
تسنيم اتكسفت وبصت للارض:وهيا عندها حد غيرك انت وبابا محمد عشان متخافش عليكم
إمام بحنيه:حبيبي انا اصلا كنت هقولك لان فعلا مينفعش اطلع من غير ما اقولك بس عملت كدا عشان انتي تسألي وتتعودي ع كدا بس انما انا لو انت فاضيه يعني عندي استعداد اديكي تقرير مفصل عن يومي عشان انتي بنتي قبل صحبتي قبل م تكوني مراتي
تسنيم:انت كل مره تكسب كدا
إمام ضحك بصوته: مكسبي هو مكسبك يا قمري
تسنيم:رايح فين
إمام بغيظ:انتي يابت انتي كبل الرومنسيه العمومي مقطوع من عندك رايح اقدم ع شغل ف شركه عملت سرش ولقيت طالبين مهندسين هروح اشوف وربنا ييسر الامر
تسنيم بصت ليه بثقه:هتلي حاجه حلوة وانت جاي عشان هتتقبل
إمام بص ليها: مين قلك اني هتقبل
وبعدين انا مبجبش حجات حلو ل عيال رخمه
تسنيم بزعل: كدا يا إمام ماشي الله يسامحك روح يارب يجيلك صداع ف صوابع رجلك ومغس ف شعر راسك هه
إمام ضحك بصوته كله:انتي بتخترعي دعاوي جديده ولا اي وبعدين يا حبيبي هو في اب يرضي بزعل بنته مقدرش ع زعلك يا حبيبي
تسنيم بصت ليه وافتكرت كل مره ابوها ضربها وسابها عمره ما جة ف يوم ورضاها او سئل عنها ومن غير اي مقدمات اترمت ف حضن إمام اكنها بتقوله اني فعلا بنتك ايوا انا اتولدت من جديد انت بس ملجأ ليا وأماني انت بس اللي تستاهل لقب اب
إمام استغرب من ردة فعلها بس اخدها ف حضنه وطبطب عليها
إمام بصوت كله دفئ واحتواء وحنيه:بس يا حبيبتي متخفيش انا هنا جمبك وطول م انا جمبك مينفعش تخافي اهدي يا روحي عشان إمام ميزعلش اهدي
تسنيم اتكلمت وهيا ف حضنه وماسكه فيه جامد وكل ايامها مع ابوها بتتعرض قدمها اكنها شريط سنيما ودموعها سابقها
إمام بالله عليك متسبني اوعي في يوم تجرحني اوعي ف يوم تخذلني انا عمري متعلقت بحد كدا بجد يا إمام انت اللي هتكسر قلبي وتقطم ضهري انا من غيرك ولا حاجه تسنيم من غير إمامها تضيع
إمام النغزه اللي بتيجي ليه ايجيت ليه شدد عليها وهيا ف حضنه وحضنها جامد اكنه بيطمن قلبه ان هيا بخير اهي حبيتك بخير متخافش إمام استغرب حببتك ايوا حببتك انا حبتها ايوا انا بحبك يا تسنيم
إمام بصوت مهزوز من الالم والحيره:
وإمام من غير تسنيمه يضيع،وعد مني يا تسنيم اني هـ حافظ عليكي وعمري ف يوم ماهسيبك غير ع قبري انا جمبك ومحتاجلك اكتر م انتي محتجالي وبس بقا عشان قلب حبيبك وجعه اوي طمنيه انك بخير بالله عليكي لان الألم صعب ولا يحتمل
تسنيم بذهول:وانت قلبك وجعك ليه
إمام وهو بيحضنها جامد:انا بتجيلي نغزه ف صدري علي طول من غير سبب بس بقت تجي وانت بتعيطي او زعلانه باين كدا ان احنا روحنا متعلقه ف بعض طمنيه بقا
تسنيم بحب:اطمن ياقلب إمامي انا بخير ويلا بقا شد حيلك عشان تروح وتشرفنا وتفرح قلب تسنيمك
إمام بصلها بحب وطلعها من حضنه وباس راسها:تسنيمي تؤمر وإمامها ينفذ يلا ف رعايه الله
تسنيم بحب:ربنا يحفظك ويحميك ويقويك ويوقف ليك ولاد الحلال
إمام امن ع دعائها ومشي ع الشركه
وتسنيم دخلت اتوضت وفضلت تدعي ليه انو يتقبل
إمام راح ودخل الشركه
🌸استغفر الله 🌸
السكرتيره: بشمهندس إمام محمد يتفضل
إمام وهو غضض البصر ودخل لقي شخص قاعد كله هيبه ووقار سنه لا يتخطي 30 عام
مراد برسميه:اتفضل يا بشمهندس
(نتعرف بـ مراد الدمنهوري رجل اعمال ورث الشركه عن والده شركه الدمنهوري للمعمار وهوا بشطارته كبرها نقدر نقول رجل آلي كل حياته شغل وبس وشخصيته قسيت اكتر بعد موت والدته ماتت وهيا بتولده والده مات قضاء وقدر)
إمام ابتسم:زاد الله فضلك يا استاذ مراد
مراد بص ل إمام بستغراب
إمام بص ليه بقلق:في حاجه في السي دي حضرتك
مراد بتصحيح:قول مفيش حاجه ف السي دي
إمام بخضه:ازاي يعني
مراد ابتسم:مفيش غلطه بس مستغرب ازاي واحد زيك بذكاك دا ومهارتك ويرجع من امريكا عموما مبروك علينا انت يا بشمهندس إمام
إمام ابتسم:حضرتك وقت قلبي ف رجلي ، الله يبارك ف حضرتك يافندم دا شرف ليا ويارب اكون عند حسن ظن حضرتك
مراد برسميه:وشك فيه القبول وراحه كدا غريبه انا بفهم الناس من نظره واحب اقولك ليك مستقبل باهر يا إمام واسمك كمان جميل
إمام بابتسامه بشوشه زيه: والله يفندم انا مش عارف اقول لحضرتك بس كل اللي احب اقوله لحضرتك ان دا شرف ليا كبير اوي اني هشتغل هنا وهكتسب خبره من حضرتك وربنا يارب يديم عليك النعمه
ممكن اعرف من حضرتك هبتدي شغل امته
مراد:بكره الساعه تسعه با الدقييقه تكون هنا اظن ان حضرتك متعود ع الانضباط لان امريكا بتقدر الثانيه
إمام:فعلا يا فندم حاضر بإذن الله هكون هنا تسعه بالدقيقه
إمام مشي وهو بيفكر ف تسنيم وكلامها
مراد ندا عليه:إمام
نعم
مراد بجديه:مستغني عن السي دي ولا اي من اولها دا انا لسه بشكر فيك مع ان دا قليل اني اشكر ف حد
إمام بص ليه:معلش اصل انا مستغرب ومبسوط ومش عارف
مراد غصب عنه ابتسم من طريقه إمام:مستغرب من اي
إمام حب يهزر مع مراد لانه لمس منه الحزن :بصراحه من مراتي
مراد:نعم
إمام:بالله متبص ليا كدا اصل انا قبل م اطلع قالت ليا انك هتتقبل وهتيجي مبسوط وربنا هيجبر بخاطرك ف مستغرب الثقه دي ما علينا بعد اذن حضرتك
مراد ابتسم واتكلم بحب: ربنا يبارك لكم وبعدين اتكلم بحزم
بس انت اول ما تدخل الشركه دي تنسي اي حاجه حتي اسمك هنا شغل وبس مفهوم يا إمام
إمام: حاضر يا فندم بعد اذنك
إمام روح وهو مش عارف يجيب اي لتسنيم وابتسم لما افتكر طريقتها ف الكلام ونظرتها اللي كلها ثقه فيه يااااه يا تسنيم مش عارف امته حبيتك وامته دخلتي قلبي يارب دومها عليا نعمه واحفظها من الزوال ودخل جاب ليها بوكيه ورد كبير وبوكس شكلاته
🌸استغفر الله 🌸
ورواح البيت وحط الحجات بره ودخل لقي تسنيم قاعده ومستنيها
تسنيم: ها اتقبلت صح
إمام بتمثيل الحزن: كان نفسي افرحك بس يلا قدر الله وماشاءفعل
تسنيم بحب:ولا يهمك هما الخسرانين مش انت اكيد مكنتش خير ليك ربنا هيعوضك متقلقش يلا بقا عشان انا عامله اكل تاكل صوابك وراه ادخل اتوضي وصلي عقبال م اغرف الاكل
إمام:انا زعلان لاني مكنتش قد ثقتك فيا
تسنيم قربت منه ومسكت ايده وقعدته واتكلمت بحب وثقه واضحين ف صوتها : ثقتي فيك تتخطي الحدود انا واثقه ف جوزي وشطارته وذكاه ومش حتت شركه هيا اللي تقلل ثقتي فيك يلا يا بابتي عشان بنوتك جعانه ومكلتش عشان تاكل معاك
إمام قرب منها وباسها من راسها:ربنا يبارك ليا ف بنوتي القمر اللي منوره حياتي.ممكن بس بنوتي تغمض عنيها ثواني وسابها وطلع يجيب الحاجه
تسنيم نفذت طلبه بس حست بفراغ مجرد م قام حست انها بقت لوحدها طول النهار وهيا بتشغل نفسها ف اي حاجه عشان متفكرش فيه بس دايما بيجي ف بالها تعالي يا إمام تعالي تسنيم اشتاقت ليك وملحقتش تشبع منك
إمام قرب منها وحط البوكس ع رجليها ومسك الورد ف ايده
فتحي عنيكي
تسنيم حست بحاجه بتتحط ع رجلها بصت للبوكس وبصت ل إمام ولقيته ماسك بوكيه ورد جميل
تسنيم بحب:لي تعبت نفسك
إمام قرب منها:لو متعبتش نفسي عشان مراتي ووصيه حبيبي ورسولي هتعب عشان مين وبعدين انا عندي حتت زوجه عليها احساس رائع وابهرني صراحةً
تسنيم بعدم فهم:مش فاهمه
إمام بهزار: دا الطبيعي
تسنيم خبطته ف كتفه
إمام بتأوه:متاكده ان دي ايدك
تسنيم برخامه:لا ايد الجران مش فاهمه
إمام ابتسم:ابدا يا ستي اتقبلت ف الوظيفه وهشتغل من بكره وحبيت افرح مراتي
تسنيم بفرحه وقامت حضنته:بجد يا إمام اتعينت مبروك يا حبيبي الف مبروك دا انا كنت زعلانه عشان زعلك
إمام بتوهان: حا اي حبيبك انتي قولتي اي
تسنيم اتكسفت لانها بتتكلم بدون وعي والاغرب اندفعها وحضنها ليه
🌸استغفر الله🌸
سبته وجريت زي عادتها
دخلت ع اوضتها وفضلت ماسكه الورد واخدته ف حضنها وقعدت ع السرير وفتحت البوكس لقيت فيه كل انواع الشوكلاته وفتحت الورقه اللي ف الورد ولقت فيها (كنت اعلم ان عوض الله جميل ولكنه ابهرني بجماله،عصمت نفسي عن الحرام ورزقني الله لذه الحلال بالقرب منك
لا اعلم كيف دق قلبي لكي ولكني اعلم اني احبك ومن كل اعماق قلبي
مع تحيات إمام)
تسنيم كان عندي حق من اول يوم لما قولت انك خطر انا بقيت بتصرف من غير عقل اكن عقلي ف وجوده بياخد اجازه
وانا كمان بحبك وبحبك اوي كمان يااااااه نفسي يكون عندي الجراءه دي واقولك اني بحبك بحبك اي بس دا كلمه بحبك قليله اوي دا انا بداء اعيش ع ايدك واتعلم معني السعاده منك يارب قدرني علي سعادته وارزقني القوه والصبر واجلعني زوجه صالحه ليه
إمام بتوعد ماشي يا تسنيم ماشي ام اروح افرح الحج
بابا يا بابا
محمد: عامل غاغا لي
إمام: ربنا يحفظني واعملك غاغا ع طول هتبقي انت والبت دي عليا ولا اي
محمد بضحك: من اولها بتشتكي لسه بدري
إمام: اشتكي من مين يا حج هو في زي مراتي م عالينا مش عايز تعرف انا عملت اي ف المقابله
محمد: اكيد عايز اعرف احكي يا حبيبي
إمام: اتقبلت وبإذن الله هتعين بكره
محمد: ربنا يحفظك ويحميك وهما هيلاقو احسن منك فين متخرج من جامعه ف امريكه وبمنحه بمجهودك وتبارك الله اخلاق وجمال ربنا يحميك يا ابني
إمام ابتسم: اي دا كله دا انا كدا اتغر بقا
محمد: ربنا يحفظنا من الغرور
دا انا بس بجبر بخاطرك
إمام بغيظ: انا رايح اصلي عشان جعان وبنتك قاصده تجوعني بريحه اكلها دا
محمد: بنتي تعمل اللي هيا عوزاه
إمام بحب: اكيد طبعا
محمد: يلا يا محترم روح صلي عشان الاكل لو اتحط انا مش هستني حد
إمام: فوريره يا حج
محمد ابتسم اوي لما شاف ابنه مبسوط واتمني ليهم السعاده الدايمه
🌸استغفر الله🌸
تسنيم خرحت وبتحطت الاكل وعم محمد قعد تسنيم دخلت تجيب حاجه من المطبخ وإمام دخل يساعدها بس كان شعره مبهدل ومبلول تسنيم بصت ليه كان شكله لذيذ اوي
إمام قرب منها واكنه بيساعدها
واتكلم جنب ودنها بصوت اشبه بالهمس
لدرجه دي شكلي حلو
تسنيم بصت ليه وتاهت في بحر عنيه وقالت: انت خطر
إمام مازال بيقرب منها وبنفس الصوت: خطر ليه مبتحبنيش يعني
تسنيم بصت ليه: انا معرفتش الحب غير علي ايدك
إمام: امال خطر ليه
تسنيم وهيا غايبه عن الوعي: خطر ع قلبي بيدق بسرعه اوي ف وجودك صوتك وضحكتك بتخليني ابعد عن العالم كله وابقي ف عالمي انا وانت وبس
إمام قرب منها وباسها من خدها: هيجي يوم وهاخدك لعالم يبن ليكي قد ايه بحبك وبعشقك وبتمناكي
تسنيم بعدته عنها: اي اللي انت عملته دا ازاي تتت
إمام بضحك ع حالتها ووشها اللي بقا احمر ونفسها اللي بتاخده بسرعه وصدرها اللي بيعلي ويوطي: اهدي يا تسنيم انتي مراتي اقسم بالله بطلي هبل وروحي اغسلي وشك
وقرب منها تاني وبعدين انا اعمل اللي انا عاوزه وافتكري اني اعترفت بحبك فاضل انتي
تسنيم طلعت جري عشان تغسل وشها او بمعني اصح تهرب منه
إمام طلع الأطباق الباقيه
وقعدو ياكلو
تسنيم قاعده سرحانه ومبسوطه يارب متحرمنيش منه وافتكرت لما قرب منها وغصب عنها ابتسمت وبعد كدا وشها قلب احمر تاني
إمام متابعها وابتسم لما هيا ابتسمت
مكنتش متخيل الفرحه اللي انا فيها
انا بحب مش مصدق انا طول عمري حارم نفسي عن الحرام عشان ادوق لذة الحلال بس متخيلتش انها حلوا اوي كدا انا كنت مفكر اني هحب مراتي عشان هيا مراتي او عشان هيا اول وحداه ف حياتي انما متخيلتش اني هعشق وهبقي زي المراهقين اد اي شعور جميل يارب احفظها واحميها ومتحرمنيش منها وتمم لينا علي خير وارزقنا الذريه الصالحه يارب
محمد بص لتسنيم:مالك يا بنتي وشك احمر لي كدا انتي سخنه ولا حاجه
تسنيم اتوترت اكتر:ها لا بابا انا شبعت وقامت علي اوضتها
إمام ابتسم
محمد:عملت اي ف البت ياولا
إمام ضحك :هو انا الحيطه المايله انا مالي انا كل ما في الامر قولت ليها هساعدك
محمد بعدم اقتناع:إمام البت غلبانه اوعي تكون رميت دبش من بتاعك دا
إمام ابتسم وبص لابوه:انا مش دبش يا والدي بس لكل مقام مقال ودي مراتي وعمري م هئذيها تسنيم بقت بنتي قبل م تكون مراتي وانا اللي مرضهوش ع بنتي معلموش ف مراتي اطمن يا حج
محمد ابتسم وبص ليه بحب:ربنا يحميك لشبابك يا حبيبي
إمام وهو بيشيل الاكل
ايوا كدا يابو حجوج يا سكر ادعي ادعي
إمام دخل الاكل وهو بيفكر ف تسنيم
تسنيم دخلت اوضتها
هو في اي بقا الواد دا هيجيب اجلي انا مبعرفش اتنفس ف قربه وسرحت شويه وبعد كدا افتكرت الاكل جريت علي بره عشان تدخله
كان عم محمد دخل ينام
تسنيم لسه هتدخل المطبخ لقت إمام في وشها
إمام برخامه:اي لسه فاكره ينفع كدا يعني في زوجه تسيب الاكل علي السفره اه ياني يحظك يا إمام يلا عليه العوض ومنه العوض
تسنيم قعدت تضحك عليه وعلي شكله
حرام عليك والله انت عايز توقف قلبي باي طريقه
إمام بحب واضح في صوته:بعد الشر علي قلب حبيبي
تسنيم:دا انت مصر توقفه انا رايحه انام
إمام ابتسم:شطوره عشان هتصحي بدري هنادي مره واحده بس وبعد كدا الميه هيا اللي هتفوقك
تسنيم ابتسمت:حاضر تصبح علي خير
إمام:وانتي من اهل الخير
رايكم يهمني 👇
بارت كله رومنسي اهو اي خدعه عدو الجمايل بقا 😂😂😂❤
#إمامي💍❤
💍الفصل السابع 💍
إمام كا العاده صحي بدري واتوضي ورايح عشان يصلي افتكر تسنيم راح خبط علي الباب
تسنيم يا تسنيم قومي
تسنيم سمعت صوته وافتكرت انها بتحلم
تسنيم لو مقومتيش الميه جاهزه اهي ومن التلاجه
تسنيم قامت مفزوعه : اي دا حقيقي
حاضر قايمه اهو
(نفسي اكون من البنات الرقيقه اللي نومها خفيف دي،دا الشارع كله بيصحي من صوت ماما عشان انا اصحي 😂)
قامت ولسه هتفتح الباب لقيته ف وشها : والله العظيم انت عايز توقفه
واقف كدا لي يا إمام
إمام: معنديش استعداد اجي اصحيكي تاني يلا صلي القيام وتعالي عشان نبداء حفظ يلا يا بنوتي
تسنيم بنوم : حاضر كنت مفكره الموضوع سهل
إمام: ازاي يعني سهل لازم يكون في مجاهده والشيطان بقا يقعد يوسوس طب نام بس خمس دقائق والخمس دقائق يبقو ساعه وبعد كدا تصحي علي الشروق طب هو اصلا مش فرض هتقوم ليه وهكذا
تسنيم: عندك حق هنبداء حفظ صح
إمام بابتسامه : ايوان ويلا عشان منتاخرش هروح اصلي وانتي صلي ف اوضتك وبعد كدا تعالي عشان نحفظ
تسنيم: حاضر
تسنيم خلصت وصلت وراحت لـ إمام
🌸سبحان الله🌸
إمام بابتسامه:اهلا بـ بنوتي الكسوله
تعالي اقعدي
تسنيم ابتسمت:عشان لسه الموضوع جديد عليا وبعدين مش انا بنوتك اعمل اللي انا عايزه
إمام ابتسم:وعشان انا بحب بنوتي وخايف عليها عايزها تصلي القيام والفجر وتساعدني علي حفظ القرآن
عشان عايز انا وبنوتي نبقي ف الفردوس ولا اي يا بنوتي
تسنيم بصت ليه بحب:يلا بينا نحفظ يابابتي
إمام:بص يا حبيبي قبل م نبداء ناخد كدا شويه معلومات عن كتاب الله
القران 30جزء، 114 سوره اطولهم سوره البقره واقصرهم سوره الكوثر
وفي 20سوره مدنيه 82سوره مكيه 12 سوره مختلف ف تنزليها
القرآن المدني هو ما نزل من القرآن بعد الهجرة، ولو كان نزوله في غير المدينة المنورة و القران المكي هو ما نزل قبل الهجرة و لو كان نزوله في غير مكه
تمام يا بنوتي
تسنيم:اول مره اعرف المعلومات دي
إمام بحب:ازيدك من الشعر بيت
بصي بقا احاديث الرسول عن فضل القرآن
عن عثمان بن عفان رضي الله عنه قال: قال رسول الله صلى الله عليه وسلم: (خيركم من تعلم القرآن وعلمه) رواه البخاري
عن عمر بن الخطاب رضي الله عنه قال: قال رسول الله صلى الله عليه وسلم: (إن الله يرفع بهذا الكتاب أقواما، ويضع به آخرين) رواه مسلم
عن أبي هريرة رضي الله عنه أن رسول الله صلى الله عليه وسلم قال: (لا تجعلوا بيوتكم مقابر، إن الشيطان ينفر من البيت الذي تقرأ فيه سورة البقرة) رواه مسلم
سوره البقره بصراحه من احب السور علي قلبي لانها مليئه بالمواعظ وتشرح الصدر كدا
تسنيم بحب:ربنا يحفظك ويحببك فيه اكتر م انت بتحبه وزي م انا حابيته
إمام:امين ،يلا بقا نحفظ
تسنيم ابتسمت:تمام هنبدا حفظ من سوره النبإ ولا البقره
إمام:من النبإ عشان يبقي الحفظ سهل والقراءه من سوره البقره،
انا هقراء مره بصوتي وبعدين هقراء وانتي تعيدي ورايا تلات مرات
يلا بسم الله الرحمن الرحيم
وبداء يقراء بصوته العذب وتسنيم معاه بقلبها قبل عقلها
يلا يا بنوتي انا هقراء وانتي تقراءي ورايا
إمام بداء يقرا وتسنيم تقراء وراه
إمام ابتسم:اللهم بارك علي بنوتي وعلي شطارتها عقبال متسمعي
تسنيم بصت ليه:ربنا يبارك ف ابو بنوتك عشان هيا من غيره لا تذكر
إمام قرب منها وباس راسها:ويبارك ف بنوتي اللي نورت حياتي هقوم انا بقا اصحي ابي عشان الصلاه
🌸سبحان الله 🌸
تسنيم مسكت فيه:متصلي معايا هنا انا عمري م صليت جماعه نفسي تصلي معايا
إمام اتكلم بهدوء:حاضر بس هصحي والدي واجي نصلي سوي
تسنيم ابتسمت ليه وقعدت تراجع وتحفظ ف القران
إمام وهو بيصحي ابوه:بابا حبيبي قوم يلا عشان الفجر
محمد بص لـ إمام:صباح الخير يا حبيبي
إمام:صباح الخير يا حجوج
محمد قام اتوضي
يلا يا إمام عشان نصلي
إمام ابتسم انا هصلي هنا يا بابا
محمد: غريبه دي دانت اكتر واحد بتكون متحمس لصلاة الجماعه براحتك
إمام: معلش يا بابا تسنيم عايزاني اصلي معاه هنا
محمد: ماشي يا حبيبي علي راحتكم استاذن انا بقا
إمام: اذنك معاك يا حج
تسنيم
نعم
إمام: نعم الله عليكي يلا بينا نعرف تفسير الايات اللي هنحفظها
تسنيم ابتسمت : يلا بينا
إمام بمشاغبه: جايه ف اي حاجه
تسنيم بخبث: إمامي مبيقولش حاجه وحشه هو انا اطول اروح مع إمامي في حته
إمام: اه يابت ثبتيني انتي كدا تكسبي المره دي
تسنيم بضحك: ايوا بقا اول مره افوز
إمام: يلا يا غلبويه
وقعدو يعرفو التفسير ودا طبعا من كتب مع إمام وهو بيقراء ويشرح لتسنيم
وبعد كدا صلو الفجر وبعد التسليم
إمام: تسنيم
نعم
إمام قرب منها واخد ايديها في ايده وقعد يسبح عليهم
تسنيم بصت ليه
إمام: اي بتبصي كدا لي عايز نتقاسم الاجر سوي
تسنيم مسكت ايده وباست بطن ايده: انت نعمه هفضل طول العمر ادعي بعدم زوالها
إمام:مش لوحدك علي فكره
وقعد يسبح علي ايدها ويقول اذكار الصلاه وهيا تقول وراه
تسنيم جايه تقوم
إمام انتي راحه فين
تسنيم: ابدا هروح اجهز الاكل
إمام بهدوء:لسه بدرى وبعدين مفيش قومه من ع السجاده غير لما نخلص الورد والتسبيح والاذكار
تسنيم:م احنا قولنا الاذكار
إمام بتصحيح:قولنا اذكار الصلاه انما مقولناش اذكار الصباح
تسنيم: هو اي اهميته الاذكار
إمام بشرح:بص يا حبيبي الذكر عمتا ليه دور كبير جدا في استجابه الدعاء دي حاجه الحاجه التانيه طول ما ذكر الله علي لسانك او في قلبك يبعد عنك الشيطان لان الشيطان بيجي يديكي بس نبذه عن المعصيه وانتي بيبقي في ايدك الاختيار يتعصي ربنا يا تبعدي عنك الشيطان ووسوسته غير ان اذكار الصباح والمساء بتحفظك وغير طبعا الاجر والثواب عند الله واحنا عايزين قلبنا يكون عمران بذكر الله ولا اي يا حبيبي
🌸الحمدلله🌸
تسنيم بصت ليه بإبتسامة:عندك حق يلا قول عشان اقول وراك
وقلي اي الذكر اللي اقوله عشان اخد عليه حسنات كتير
إمام:في حديث عن رسول الله صلى الله عليه وسلم
عن أبي هريرة رضي الله عنه قال: قال رسول الله صلى الله عليه وسلم: (كلمتان خفيفتان على اللسان، ثقيلتان في الميزان، حبيبتان إلى الرحمن، سبحان الله وبحمده، سبحان الله العظيم) رواه البخاري ومسلم
وسبحان الله 100 تكتب لك الف حسنه او تحط عنه الف سيئه
وسبحان الله وبحمد 100 حطت خطاياه، ولم يأت احد يوم القيامه بأفضل مما جاءبه
وطبعا الصلاه علي رسول الله تنفع وتشفع، يلا بقا نقول اذكار الصباح
تسنيم: يلا بينا قول وانا اقول وراك
إمام ابتسم ليها وقعد يقراء وهيا تقول وراه
(يابختك يا بنت المحظيظ اوعدنا يارب بعد امتحان المدخل انا تأكدت ان البنت ملهاش اللي بيت جوزها انت فين يا بو حصان مكسح 😂)
إمام: بسم الله ماشاء الله النهار طلع
اللهم ادمها نعمه واحفظها من الزوال
يلا يا حبيبي شوف البيت محتاج اي ولو احتجتي مساعده نادي عليا انا هروح ارتب ورقي وانام ليا ساعه ولا حاجه عشان اروح الشركه فايق صحيني الساعه8
تسنيم بطاعه: حاضر
إمام دخل رتب ورقه وجهز حاجته ونام
وتسنيم دخلت المطبخ عملت الفطار وروقت البيت وعم محمد رجع من الجامع قعد ف البلكونه ومعاه المصحف بتاعه وقعد يقراء قران تسنيم بتبص في الساعه لاقتها
تمنيه الا عشره
تسنيم: اروح اصحي إمام
تسنيم دخلت بهدوء ولسه هتصحي إمام بصت ليه وقالت ف نفسها
هو دا طبيعي ان يكون الجمال دا كله ليا وشه فيه راحه وبراءة تخطف القلب اسم علي مسمي إمام وهو إمام فعلا فعلا عوض ربنا جميل اوي يااااه لو اقدر اترمي ف حضنك
بجد سعات بحس انك كتير عليا بس انا بحبك اه بحبك وبحبك اوي كمان
انت اللي لقيت فيه امان الاب وسند الاخ وحنان الام وخوف فاكر اول مره قعدنا فيها مع بعض قولت ف عقل بالي لما سألتني طلباتك اي طلبت الحنان والتقدير والحب والاحتواء زي مايكون انك سمعتني
بحبك يا إمام بحبك
وقالت بصوت مسموع: بحبك يا اجمل واحن وارجل راجل ف العالم بحبك
إمام سمعها لان نومه خفيف بس محبش يكثفها
تسنيم بهدوء: إمام يا إمام يلا يا حبيبي عشان متتاخرش علي شغلك
إمام فتح عنيه ببطئ وبص ليها
وهيا بصت ليه
تسنيم ف نفسها دا انت لو قاصد تهبلني مش هتكون ب الجمال دا انت اي يا اخي جميل ف كل حلاتك
وبعد كدا علت صوتها بنفعال: قوم يعم انت هتجيب اجلي قريب
إمام بص ليها بستغراب: انتي عندك انفصام يا بت انتي في واحده تصحي جوزها بالطريقه دي
عبو اللي يقولك صحيني تاني يا شيخه اوعي ابت
تسنيم: مهو مش معقول يعني اي دا
إمام بستغراب اكتر: اي دا اي انا مش فاهم حاجه تسنيم انتي سخنه يا ماما وقرب منها وحط ايده علي راسها
🌸استغفر الله 🌸
تسنيم بصت ليه واتكلمت بدون وعي: انت جميل اوي يا إمام انا مستحقش
إمام بص ليها مش عارف يضحك ولا يخدها ف حضنه: حبيبي انا مش ملاك ومش معصوم من الخطاء كل م في الامر اني لقيت اللي يرشدني لـ الصح اما بقي بالنسبه لانك متستحقنيش انا مش عايز اسمع الكلمه دي تاني انتي ليا وانا ليكي
تسنيم انتي جميله اوي والله بنت قمر تبارك الخلاق فيما خلق ومطيعه وبنت اصول كفايه انك مش عايزه تسيبي بابا مع ان اي بنت مكانك هتعوز انها تعيش لوحدها كفايه فرحتك لما بقولك علي حاجه في الدين انت والله لو لقيتي اللي يرشدك من صغرك كنتي هتبقي احسن مني الف مره تسنيم في حجات الواحد بيعملها لا ارديا بتبين معدنه فاكره اول يوم جيت فيه انتي مدخلتنيش غير لما عرفتي انا مين ومرضتيش تفتحي دي تربيه واحترام حاجه
اندفاعك وانا باكل وبابا قلي قوم دي طيبه وكرم ولما قولت ليكي علي فكره احمد مرضتيش تكسري بخاطري ولا خاطره ووافقتي
انتي بنت جميله اوي وانا محظوظ بيكي وبإذن الله مش هسيبك غير لما تبقي احسن مني
تسنيم بصت ليه وعنيها كلها دموع فرح وغصب عنها اترمت ف حضنه: هتفضل اماني وملجاءي وإمامي
بحبك
إمام بعده عنه: قولتي اي
تسنيم بمشاغبه: هتفضل اماني وملجاءي وإمامي
إمام بغيظ: اللي بعدها
تسنيم قربت منه تاني واتكلمت جنب ودنه بهدوء: بحبك ومحبتش حد قد حبك ومعرفتش الحب غير علي ايدك يا إمامي
وبعد كدا سابته ومشيت
إمام اقل م يقال عنه ان هو مصدوم لدرجه ان ابوه دخل عليه وكلمه وهو لا هنا
🌸استغفر الله🌸
إمام انتي يا بني هتتأخر ع شغلك
واد يا إمام
إمام:........
إمام انتي يلا هو ماله الواد ده
إمام:..........
تسنيم جت عشان تشوفه لقيته ف الحاله دي قعدت تضحك عليه
محمد: هو الواد دا ماله
تسنيم بضحك: معرفش
اخير إمام فاق: ها بتقول حاجه يا والدي
محمد: حمد لله على السلامه كنت فين
إمام وهو بيبص لتسنيم: الله يسلمك
انا هقوم عشان اتوضي واصلي الضحي
قام وهو طالع قرب من تسنيم اللي واقفه: انتي اللي بقيتي خطر
تسنيم: اممم معلش عشان تحس بيا
إمام بحب: انا قلبي بيحس بيكي من قبل م يشوفك
تسنيم بصت ليه: يلا عشان هتتاخر علي شغلك يا هندسه
إمام بص بغيظ: فصلان بلا حدود استغفر الله
محمد بص ليه وقعد يضحك
وبعدين بص لتسنيم: عملتي اي ف الواد يا بنت
تسنيم ببراء: انا ونا مالي
محمد: اه منك يا اروبه يلا جهزي السفره
تسنيم راحت باسته من خده: حاضر يا حبيبي انت تؤمر
وبعد كدا راحت تجهز السفره
🌸الحمدلله🌸
إمام خلص وراح فطر ومشي وقبل ما يمشي باس ايد والده وقرب من تسنيم وباسها ف راسها وقرب من ودنها: مش هعديلك اللي انت عملتيه
تسنيم قربت منه وقالت ليه ف ودنه: دوق شويه من اللي شوفته يلا هندسه عشان متتاخر انا محبش حد يتأمر ع جوزي ويقوله اتاخرت ليه
وبعد كدا قربت منه اوعي تفكر تبص لوحده
إمام ابتسم : انا مليش ف الحرام وانتي عارفه كدا كويس لازم مراتي الشطوره تثق فيا اكتر من كدا
تسنيم بحب: انا واثقه فيك اكتر من نفسي بس بصراحه خايفه عليك منهم انت حليوه بردو
إمام ضحك: الله يسامحك يا بعيده
اوعي يا تسنيم خليني امشي
تسنيم: اتفضل ربنا يجعلك ف كل خطوه سلامه يارب
🌸لا إله إلا الله🌸
إمام راح الشركه وكان معاده بالظبط وحظه انو ركب مع مراد الاسنسير
إمام بابتسامه بشوشه تدل علي التفاؤل:صباح الخير يا مستر مراد
مراد بص ليه واتكلم برسميه:صباح النور ف معادك بالظبط
إمام بص ليه: عايز اكون قد ثقة حضرتك فيا يا فندم
مراد بعمليه:برافوا ياريت تستمر ع كدا بعد اذنك وخرج من الاسنسير
إمام راح قعد علي مكتبه ولقي عليه شغل كتير وبعد شويه لقي السكرتيره جايه ليه
بشمهندس إمام مستر مراد عايز حضرتك
إمام برسميه:اتفضل حضرتك وانا جاي وراكي
🌸سبحان الله🌸
إمام استاذن وبعدين دخل: حضرتك عايزني
مراد بجديه:ايوا اتفضل
إمام برسميه:تحت امر حضرتك
مراد:الفايل دا في موصفات لفندق ف العجمي وريني شطارتك عايز التصميم يكون علي مكتبي بكره
إمام ذوهل في الاول وبعد كدا ابتسم:حاضر يا فندم حاجه تاني
مراد استغرب ابتسامته وليه دايما مبتسم:هو انا ممكن اسالك سؤال
إمام: اكيد طبعايا فندم اسأل
مراد:هو انت لي دايما مبتسم كدا
إمام:وازعل ليه
مراد:معرفش بس كل واحد فينا ليه همه وفي حاجه بتحصل ف يومه بتزعله او ماضي حجات كتير
إمام لاحظ راحة مراد معاه ف الكلام ودا شئ فرحه: اشيل هم لدنيا ليه
وهي لاتسوي عند الله جناح بعوضه
اما بالنسبه للماضي ف احنا بادينا نمحيه ونعمل حاضر ومستقبل يريحنا وانا بحب ابتسم لان الرسول صلي الله عليه وسلم بيقول اي الابتسامة في وجهه اخيك المسلم صدقه،دا غير اني لما ابتسم في وش
حد اعرفه ان الدنيا لسه فيها خير ولسه فيها سعاده بس احنا اللي دايما بنحب نبص لـ الجانب المظلم بس
مراد بصله:امممم تفكير مش بطال علي مكتبك بقا
إمام طلع بس شايف نظره الحزن اللي ف عين مراد وعايز يمحيها بأي طريقه
🌸استغفر الله🌸
السكرتيره وقفته
مستر إمام
إمام غض بصره: نعم
السكرتيره برقه: تحب تشرب حاجه ابعتهالك
إمام اضايق من سوألها: لا شكرا وعلي م اظن انك سكرتيره لمستر مراد مش ليه انا لما احب اشرب حاجه هطلبها شكرا بعد اذنك
السكرتيره ف نفسها اي دا ماله اللي يشوفه ميقولش انه رسمي اوي كدا ياباي عليه
إمام دخل مكتبه وقد يقرا الفايل ويشوف الموصفات والطول والعرض
في مكتب مراد الشخص دا غريب جدا في تفكيره نفسي اكون بالبساطه دي نفسي ارتاح من الوحده
بعد فتره
قطع شرود مراد اتصال
مراد: الو ايوا يا مستر شريف
شريف:.......
مراد: حاضر تمام هضيف التعديلات
سلام
مراد قام من مكانه عشان يروح لـ إمام بنفسه يقول ليه علي التعديلات
بنفسه لان حس براحه مع إمام واتمني ان يكون صديقه بس مش بالساهل مراد يدخل حد حياته عمره م كان عنده صديق او صاحب وحس بالشعور دا مع إمام
لسه هيخبط ع الباب سمع صوت إمام وهو بيقراء قران واستغرب
فتح الباب ودخل لقي إمام بيصلي
مراد ف باله هو انا امته اخر مره صليت وليه حاسس بالراحه للشخص دا
إمام كان بيقراء سوره ق وبتأثير
خلت عين مراد دمعت وبعد كدا ساب المكتب ومشي بهدوء وساب الشركه كلها
🌸اللهم صلِّ علي نبينا محمد🌸
هو انا ليه مش بصلي يمكن اكون مش مرتاح عشان مش بصلي
ليه حاسس بتقصير ف حقك ربنا
الحياة شغلتني ولهتني ونستني ازاي اعيش انا لازم اتغير
وفضل يلف بالعربيه بتاعته
وهو عمال يسأل نفسه اسأله كتير
إمام خلص لقي السكرتيره بتخبط ع الباب
إمام: اتفضلي
السكرتيره : مستر مراد بيقول لحضرتك اتفضل دي شويه تعديلات
للفندق اللي حضرتك هتعمله
إمام مسك الفايل: تمام تقدري تفضلي
إمام اضاف التعديلات علي المشروع
بس حب يستفسر عن حاجه وخرج
راح لمكتب مراد
إمام : لو سمحتي يا انسه هو مستر مراد فين
اسمي هايدي ومستر مراد خرج
إمام: تمام
خلصو شغل وإمام روح علي البيت تعبان بسبب الضغط اللي عليه والمشروع اللي المفروض يقدمه بكره روح لقي احمد واميرة ف البيت ومريم اخت اميره اصغر منها بسنتين
طبعا تسنيم والبنات كانو قاعدين ف اوضه تسنيم وعم محمد وحمد ف الصالون
إمام دخل دور بعينه علي اللي واخده قلبه بس ملقهاش سمع صوت ضحك وهزار
عرف ان احمد هنا
يا اهلا وسهلا با احمد باشا اخبارك اي
احمد بمشاغبه: احسن منك بقا يا راجل متسألش ع اختك وتعرف عملت اي مع الدكتوره
إمام خبط راسه: والله انشغلت ف الشغل معلش حقها عليا المهم اخبارها اي
احمد ابتسم: هتبقي خال قريب حامل ف الشهر التالت ومريم جت تاخد بالها منها
إمام ابتسم بفرحه: مبارك عليك يا احمد ربنا يرزقكم بالذريه الصالحه يارب هيا فين عشان ابارك ليها،والبت مريم وحشاني اوي والله
احمد: عند مراتك
إمام باسف: اسف يا حج والله الواد دا لبخني ونسيت اسلم عليك وقرب منه وباس ايده
اما اروح اشوف اميره ومريم
او بمعني اصح يشوف اللي واحشته واللي حاسس اكنه متغرب عنها بقاله سنين
خبط ع الباب
تسنيم اصلا مس ساعه ما سمعت صوته وهيا مش ع بعضها عايزه تطلع تاخده بالحضن عايزه تشبع منه ومن ريحته واول ما هبط فتحت ع طول
إمام بص ليها بنظره كلها شوق وغرام وحنين وقرب منها وباس راسها وتكلم بهدوء جمب ودنها: وحشتيني لدرجه اني عايز ادفنك جوا حضني من شوقي ليكي
وبعد كدا بعد عنها
يا اهلا باالام المستقبليه والخاله المستقبليه
عامله اي يا مروم اخبارك اي يا ميرو
مريم راحت حضنته: اخبارك اي يا ابيه ليك وحشه والله
تسنيم كانت عايز تشدها من حضنه وتقول ليها وللعالم كله ان حضنه مالكها هيا وبس
إمام وهو باصص لتسنيم: وانتي كمان وحشتني اوي
اميرة: يلا هقرفكم بقا انا وابني
إمام بحنيه: براحتك يا حبيبي انت وابنك تعمله اللي انتو عايزنوه احنا عندنا كام اميرة يعني
مريم تلفونها رن طلعت تتكلم بره
واميره حبت تسيب إمام وتسنيم لوحدهم
إمام قفل الباب وقرب من تسنيم ولسه هيحضنها
تسنيم بغيظ بتحاول تدريه: ممكن ايدك وتغمض عينك
🌸استغفر الله 🌸
إمام ابتسم ومد ايده: اتفضلي
تسنيم مسكت ايد إمام وعضتها
إمام بتأوه: اه يا عضاضه طب لي طيب انا عملت اي
تسنيم قربت منه وضربته ف صدره: داخل عمل تحضن ومنشحك اوي لا وكمان بتقول ليها يا حبيبي انا بس اللي يتقالي حبيبي مفهوم تسنيم كانت كل كلمه بتقولها بتخبط إمام بغيظ ف صدره
إمام استني لما خلصت خالص وشدها غصب عنها ف حضنه بهدوء وصوت اشبه بالهمس: هششش اهدي خلاص عندك حق مفيش حد ف الدنيا دي حبيبي غيرك انتي بس اللي حبيبتي ومراتي وعشقي الاول والاخير
وبدا يتكلم بصوت فيه عتاب: وبعدين هيا دي حمدلله على السلامة اللي تتقال لجوزك بعد يوم تعب وشغل وارهاقك
تسنيم طلعت من حضنه وبصت ليه
واتكلمت بحب وحنيه: اسفه يا حبيبي حقك عليا بس بصراحه مقدرتش استحمل اشوف حد ف حضنك حتي لو اختك
إمام شدها تاني ف حضنه واتكلم
بصوت مرهق وتعبان لقي راحته ف حضن حبيبه: تاني غلطه اهي
متطلعيش من حضني كدا مره واحده قلبي بيتعب لما بتبعدي عنه كدا مره واحده سبيه يرتاح شويه من اللي شافه طول اليوم وشدد علي حضنها اكتر ورفعها لمستواه
تسنيم كانت اكتر منه وهو وحشها اوي ف مصدقت
ودفنت وشها رقبته واتكلمت بصوت
طالع بالعافيا: وانا مقدرش ع تعب قلب حبيبي ع فكره انت كمان وحشتني اوي
قطع لحظهتم الرومنسيه اميرة
إمام يا إمام افتح مايصحش كدا
تسنيم بتتحرك ولسه هتطلع من حضن إمام
إمام بتعب: قولت اي انا لسه ملحقتش اشبع منك سيبك منها انتي مراتي واحنا مبنعملش حاجه غلط
تسنيم بخجل: ايوا بس هيا دلوقتي تفكر
إمام قرب اكتر من ودنها بهمس: تفكر اي
تسنيم دفنت وشها ف رقبته: بس بقا مش كفايه اني بقيت بعمل حجات انا مش عارفه بعملها ازي
إمام استغرب: حجات اي
تسنيم بخجل: زي دلوقتي
إمام ضحك: لا اتعودي ع كدا
تسنيم: طب ممكن تسبني مينفعش كدا قلة ذوق لما نسبهم لوحدهم كدا
إمام سابها بشئ من الحزن: حاضر، اما اشوف كائن الرخامه اللي بره دا عايز اي
تسنيم لما إمام سابها حست بفراغ كل الامان اللي كانت فيه راح ياااه لدرجه دي انا مش عارفه انا حبيته امته او ازاي بس اللي اعرفه انو بقا
روحي وحياتي
إمام فتح لاميرة بغيظ: خير
اميرة برخامه: قافل الباب لي
إمام بص ليه بغيظ: واحد عايز يقول حاجه لمراته من غير ما حد يقاطعه مالك انتي بقا اش حشرك
وبعدين بص لتسنيم بحب:حبيبي ممكن الغداء عقبال ما اصلي
تسنيم بصت ليه بحب:حاضر
مريم جت:ابيه بعد اذنك هروح لنهي
صحبتي اللي ف العماره اللي قابلنا
لسه رنه عليا وبصراحه وحشتني اوي
إمام بص ليها:روحي يا مريوم مفيش مشكله المهم متتاخريش
تسنيم وقفتها واتكلمت بطيبه وكرم:مريم يا حبيبتي استني اتغدي وبعدين روحي
مريم بصت لتسنيم:شكرا يا سيمو بس بجد مش قادره اكل الحمدلله شبعانه
إمام بص لتسنيم:سيمو؟!!
مريم:ايوا انا بدلعها بكدا
إمام:طيب اما اروح اصلي
تسنيم راحت تحضر الغدا وإمام صلي بس كا العاده بيحب يقراء صفحه من القرآن بعد كل فرض بس هو فيه عاده انو لما بيقراء قران بيقراء بصوت وبينسي نفسه
تسنيم دخلت الاوضه ولسه هتتكلم سكتت ودخلت بهدوء عشان ميحسش وقعدت تسمعه
إمام خلص وقفل المصحف وفضل مكانه:لو بتحبي صوتي اوي قولي متكسفيش دا انا زي جوزك بردو
تسنيم بصدمه:انت حسيت بيا ازاي دا انا داخله ع طرطيف صوابعي
إمام قام من ع السجاده:قلبي كان بيحس بيكي وانت ف دوله غير الدوله ف ما بالك بقا لما نبقي انا وانتي ف بيت واحد واوضه واحده
تسنيم:بس بابا قالي انك لما بتقراء قران مبتحسش بحد حواليك
إمام بتصحيح: مبحسش بحد انتي مش حد انتي مراتي وحطي تحت كةمة مراتي دي مليون خط مراتي اللي مخلوقه من ضلعي لازم احس بيكي لانك حتة مني
تسنيم:ازاي يعني مخلوقه من ضلعك
إمام:بص يا حبيبي احنا مش ولاد ابونا ادم وامنا حواء اهي امنا حواء دي مخلوقه من ضلع ابونا ادم والرجال بتصف بـ ادم والنساء بتصف بـ حواء فهمتني
تسنيم بحب:ومين معاك ميفهمش
انت احساسك بيوصل قبل كلامك
إمام بص ليها ونفسه لو يدخلها ف حضنه ويدفنها جوا قلبه :طب انا بقول نقوم عشان ميحصل حاجه نندم عليها بعدين
تسنيم فهمت كلامه وقامت جري
إمام ضخك عليها: هتجنيني يا تسنيم انا بقيت حاسس اني زي المراهق اللي عنده 18 سنه
مريم نزلت وبتكلم صحبتها ف الفون ومندمجه معاها اوي
مريم: والله وانتي كمان وحشتيني اوي يا نهي
نهي: انا هطلع اقف ليكي ف البلكونه
مريم : ماشي سلام
ولسه هتقفل الموبايل
تخبطها عربيه
مريم: ااااااااااااه
نهي: مـــــــــــــريــــــــــــــــــــم
ياتري مين اللي خبط مريم رايكم يهمني 👇
💍الفصل الثامن🍒
مريم: ااااه
نهي رنت عي اميره ونزلت جري
إمام كان لسه هياكل لقي اميرة نازله جري
إمام:ف اي يا اميرة بتجري كدا لي
اميره:الحقني يا امام بيقولو مريم اتخبط تحت
إمام بثبات:خير باذن الله استني انا هاجي معاكي
اميره نزلت جري هيا واحمد وإمام
مريم بتاوه:اه
مراد كان سايق وهو مش مركز خبط اميرة
🌸الحمدلله🌸
مراد:انتي كويسه يا انسه انا اسف بجد مش قصدي
مريم بألم:الحمدلله
مراد لسه هيقرب منها عشان يساعدها
مريم:انت هتعمل اي
مراد:هساعدك تقفي و تركبي العربيه عشان اوديكي المستشفى
اميره بصوت يغلبه الالم: وانت متعرفش ان حرام تلمس امرءه لا تحل ليك
مراد استغرب تفكيرها: انا مكنتش اقصد انا كنت عايز اساعد بس
مريم بتعب: متلمسنيش اختي زمانها جايه
اميره:مريم حبيبتي انتي كويسه اي اللي حصل
إمام:مستر مراد حضرتك بتعمل اي هنا
مراد:للاسف انا اللي خبط الانسه
اميرة:مريم يا مريم ردي عليا
مريم اغمي عليها ي احمد ساعدني نوديها المستشفى
امام حطوها ف العربيه
وراح فتح العربيه لاحمد واميرة
اميره ركبت ورا وحطو مريم ع رجلها واحمد مع مراد
إمام بص ليهم
انا هروح اغير واجي وراكم
احمد:متتعبش نفسك
إمام:مش هعتبك دلوقتي بعدين
مراد مشي طلع ع المستشفى وامام طلع فوق
تسنيم كانت قاعده ع اعصابها وعنيها كلها دموع
إمام او ما فتح الباب تسنيم جريت عليه
🌸استغفر الله🌸
خير اي اللي حصل هيا كويسه
إمام بص ليه واخدها ف حضنه وطمنها :اهدي يا حبيبتي هيا باذن الله هتبقي بخير اهدي وبطلي عياط رب الخير لا يإتي الا بالخير
تسنيم مسكت فيه جامد وف
ال تي شرت بتاعه جامد
إمام مش عايزها تزعل حب يبعد عنها الحزن والخوف: اللي يشوفك كدا يقول بتتلككي عشان تحضنيني مالك ماسكه ف التي شرت كدا اي عجبك اخلعة
تسنيم وهيا لسه ف حضنه:انت ف اي ولا اي انت مش خايف عليها
إمام بثقه:هتقوم وهتبقي بخير
الخبطه مكنتش جامده وهيا كانت ماسكه رجليها متقلقيش
تسنيم بداءت تهدي بس مش قادره تبعد عنه بعدها عنه بياخد مجهود عشان تقدر تبعد وبتحاول واخير هتبعد
إمام: انا لي كلامي مش بيتسمع قولت لما تبقي ف حضني متطلعيش اللي بأذني
تسنيم: إمام احنا ف اي ولا اي
إمام رجعها تاني لحضنه: وانامعاكي بنسي كل حاجه حتي نفسي فما بالك بقا لما تبقي في حضني انت المخدر اللي بيعزلني عن العالم
تسنيم قلبها بيدق بسرعه
اتكلمت بهدوء:وانت الأمان اللي بيخليني اقابل العالم بقلب قوي
بس ممكن تبعد عشان نشوف مريم
🌸الله اكبر🌸
إمام:حاضر انا هروح اغير واجي
تسنيم مسكت فيه:انا عايزه اجي معاك
إمام:طب ونسيب بابا لوحده ينفع
تسنيم بتفكير:لا طبعا مينفعش روح انت وانا هفضل مع بابا حبيبي عشان ميفضلش لوحده
إمام رجع ليها تاني:وبتقولي بحبك لي يا شيخه في حد بالجمال دا وميتحبش انا همشي عشان متهورش
تسنيم فضلت متابعه لغايه مدخل اوضته وابتسمت وهيا طايره من الفرح كل يوم بحبك اكتر وبتعلق بيك يا إمام بحبك اووووي دا اتخطيت الحب دا انا بقيت بتنفسك
يومي مبيكملش اللي بيك
إمام دخل غير وخرج لقي تسنيم واقفه مستنيها وف ايديها سندوتشات
إمام بستغراب:واقفه كدا لي واي اللي انتي مسكاه دا
تسنيم بحب:اصل انت معرفتش تاكل فـعملت ليك كام سندوتش تاكلهم زمانك جعان
إمام اخد من السندوتشات وحطهم ع الترابيزه وقرب منها وباس ايدها
:ربنا يبارك ليا فيكي وميحرمنيش منك ولا من حنيتك ابدا بس مش هاكل
تسنيم بخضه:لي
إمام ابتسم:الا لما تاكلي معايا
تسنيم وإمام قعدو إمام اكل ومشي راح المستشفى
🌸استغفر الله🌸
تسنيم خلصت وافتكرت ان عم محمد مش ظاهر راحت اوضته
بابا انت بتعمل اي
بصت لقيته بيصلي فضلت مستنيه لغايه م خلص
تسنيم:انت كنت بتصلي اي
محمد:ركعتين شكر لله انها ايجيت ع قد كدا وبإذن الله هتقوم بخير
تسنيم:ربنا يقوي ايمانك يا بابا إمام بيقول انها منزفتش ولا حاجه
محمد:ايوا يا حبيبتي انا شوفتها من البلكونه الحمدلله سليمه
تسنيم:طب يا حبيبي يلا عشان تروح الجامع وانا هروح اخلص اللي وارايا عشان اراجع ع القران
محمد:ماشي يا حبيبتي ربنا معاكي
إمام راح المستشفى وسال عليها وعرف اوضتها وراح عند الاوضه شاف مراد
إمام:خير يا استاذ مراد هيا كويسه
مراد:اه الحمدلله كسر بسيط ف رجليها
إمام:طب الحمدلله
مراد: هيا تقرب لك اي
إمام:تقدر تقول اختي
مراد : ازاي انت مش ولد وحيد
إمام: مريم تبقي اخت اميره وانا واميره اخوات ف الرضاعة وامي كانت مسئولة عن مريم علشان والدتها ماتت وهيا بتوالدها وامي اللي اخذتها ورضعتها وبقا عندي كدة اختين
مراد:تمام
إمام: هو احنا نقدر ندخل
مراد: مش عارف
إمام:طب انا هروح اشوف كدا واجي
إمام راح خبط ع الباب وسمع الاذن بالدخول
اميره:لي يا حبيبي تعبت نفسك
إمام بص ليها بعتاب:هو انت اتعلمتي من جوزك كل حاجه حتي الغباء انا مش هرد عليكي
وبص ل مريم
: ه يا مريم اخبارك اي
🌸سبحان الله🌸
مريم:الحمدلله يا ابيه بخير
إمام:ادام الله حمدك
مستر مراد عايز يجي يشوفك
مريم ف نفسها شوفو قطر سواقه اعمي انسان غتت
احمد:خليه يتفضل
إمام طلع لمراد ونادا عليه
مراد دخل بأحراج:حمدلله علي سلامتك يا انسه
مريم ببردو:شكرا
مراد اتضيق من طريقتها ف الكلام:انا مكنش قصدي اني اخبطك
مريم:لما مبتعرفش تسوق بتشتري عربيه لي سرحان مضايق متسوقش
ولا حياة الناس بالنسبة لناس اللي زيك رخيصه
اميرة ضربت مريم ف كتفها
مراد جاب اخره من مريم لانو مش متعود حد يكلمه بطريقه دي
: انتي عارفه لو مكنتيش بنت وتعبانه كنت عملت فيكي اي دي جزاتي اني جبتك هنا وبتكلم معاكي بحترام انت متعرفيش انا مين ولا اي
مريم اتغاظت منه ومن غروره: ميهمنيش انت مين وليا الشرف اني معرفكش واحد مغرور اما بقي بالنسبه انك جبتني هنا دا واجبك اصلا وانت السبب ف اللي انا فيه
مراد لسه هيرد
إمام:مريم ميصحش اللي انتي بتقوليه دا عيب وبعدين دا قضاء وقدر بعتذر لحضرتك يا مستر مراد
مراد بص ليه:انت مغلطش يا إمام
وبعدين بص لمريم
اللي غلط هو اللي لازم يعتذر
مريم: بعدك يا مغرور
احمد: في اي يا مريم مخلاص بقا
مريم بصت ليه وسكتت
مراد استاذن انا بعد اذنكم
مراد مشي وغيظ الدنيا كله فيه
انا حتت بت زي دي تعمل فيا انا كدا
مراد الدمنهوري يتبهدل ومن مين من دي
عند مريم
إمام:مريم انتي عارفه ان ميصحش اللي انت عملتيه صح
مريم:يا ابيه ما هو اللي مستفز وبارد
وشايف نفسه ومغرور اوي وانا مبحبش كدا
إمام:تحبي ولا متحبيش انتي مالك
وبعدين متشتميش حد حرام ميصحش
مريم بغبظ:حاضر
اميرة بتعب:يلا ي مريم عشان نروح
إمام لاحظ صوتها قام وقف جمبها:اميرة انتي كويسه
اميره بتعب ولسه هتكمل وقعت من طولها
إمام جري عليها:اميرة يا اميره ردي عليا
🌸لا اله الا الله 🌸
مريم:اميره قومي
إمام احمد فين يا مريم
مريم وهيا بتعيط راح يشوف الدكتور
إمام شال اميرة وطلع بيها
احمد كان ف الطرقه ف شافه
احمد بخوف: في اي يا إمام انت شايل اميره لي كدا
إمام :اغمي عليها معرفش
احمد شالها من إمام وجري بيها ع الدكتور
احمد: خير يا دكتور هيا مالها
الدكتور: متقلقش هيا بخير بس دي مضعافات بسبب الحمل هو كدا الخمل الاول بيبقي متعب المهم دلوقتي الراحه وتاخد بالها من الفيتامين والادويه
احمد اتنفس براحه: الحمدلله حاضر يا دكتور
إمام اخد الروشته وراح الصيدليه يجيبها وهو ماشي بيحط نفسه ف مكان احمد وتسنيم هيا اللي حامل يااه امتي يبقي عندي حته منك يا تسنيم اكيد هيطلع قمر زيك وابتسم
احمد قعد جمب اميرة: ينفع كدا تخوفيني عليكي
اميرة: بعد الشر عليك
احمد وهو بيحط ايده ع بطنها: ينفع كدا يا واد يا شقي انت تتعب ماما كدا
اميره ضحكت: متعب زي ابوه
احمد قرب منها: وماله ابوه بقا
اميرة بحب: روحي وحياتي وكل حاجه ف دونيتي
احمد: لا احنا كدا هنتمسك تحري
اميره ضحكت عليه
امام رجع: الله اكبر مش كنا تعبنين من شويه يلا يختي بطلي دلع
اميره: الله يسامحك
إمام: امين ياختي خد يا احمد الدواء اهو انا هروح اشوف مريم وارجع
🌸سبحان الله🌸
إمام راح لمريم شاف الممرضة بتساعدها
مريم: ابيه هيا اميرة كويسه
إمام: ايوا الحمدلله متقلقيش هيا بخير بس تعب الحمل دا طبيعي
احمد جة وهو ماسك اميره
مريم: اميره انتي كويسه يا حبيبتي
اميره: ايوا يا حبيبتي متقلقيش
امام: انا كلمت اوبر وزمان العربيه جايه
راحو ركبو العربية
امام قال للسواق ع عنوان بيته
احمد: روحنا احنا الاول وبعدين روح
امام: انتو هتقعدو عندي لغايه ما مريم تخف
احمد: انت بتقول اي ازاي يعني
امام: زي ما انت سامع هتودي مراتك التعبانه فين واللي المفروض جايه تاخد بالها منها اتكسرت هدوديهم فين يا احمد تعالو عندي واهو تسنيم تاخد بالها منهم
احمد: والله والمفروض انك مراتك الغلبانه تاخد بالها من البيت وابوك ومراتي واخت مراتي انت بتقول اي
امام: ملكش فيه اذا كان مراتي نفسها هيا اللي قالت ليا كدا وهيا مبسوطه مش زعلانه مالك انت بقا
اميره: احمد عنده كق يا امام
إمام: نروح بس ع البيت ويحلها الله
راوحو ع بيت امام بس قبل ما يطلعو امام رن ع تسنيم
إمام:السلام عليكم ورحمةالله وبركاته تسنيم حطي حاجه ع شعرك عشان احمد طالع معانا
تسنيم:حاضر
تسنيم مستغربه أحمد طب اي اللي جايب احمد مش المفروض يكون مع مراته واختها
إمام دخل هو واحمد وحطو مريم ف اوضته تسنيم
واميره قعدت جمبها
تسنيم:الف سلامه عليكي يا مريم
مالك يا اميره يا حبيبتى حساكي تعبانه
احمد:مفيش يا مدام بس الحمل وكدا كمنها اول حمل ليها
تسنيم بحنيه:الف سلامه عليكم يا حبايبي ممكن اطلب من حضرتك طلب يا استاذ احمد
احمد:اتفضلي
🌸استغفر الله🌸
تسنيم بحنيه وطيبه:ممكن تخليهم هنا معايا مريم مكسوره ومحتاجه حد معاها واميرة اول حمل ليها هيتعبها ومحتاجه مراعيه خليهم هنا وانا اودعك اني هحطهم جوا عنيا
دا بعد اذنك طبعا
إمام ابتسم علي قلبها وحنيتها مينكرش انو كان خايف من رده فعلها بس هيا طلعت اجدع منه نفسي اجري عليكي اخدك ف حضني
كل يوم بتعلقيني بيكي اكتر كل يوم بتحببيني فيكي اعمل اي فيكي يا وجعاه قلبي
احمد بص ل إمام
إمام:اهو يعم مش قولت ليك ان هيا اللي قايله ليا رد بقا واكسف مرات اخوك ف اول طلب تطلبه منك
احمد باحراج:موافق وانا كل يومين كدا ولا حاجه هجي اشوفهم
محمد:طول عمرك عبيط البيت بيتك يا غبي
احمد:تشكر يا بابا
محمد:مانت مستفز اعمل اي
احمد ضحك:طب هستاذن انا
إمام:اقسم بالله عبيط اقعد يلا هتبات معايا النهارده
مع اصرار امام احمد وافق
؟
تسنيم:طب انا هروح اعمل لقمه سريعه كدا واجي ليكم ع طول
اميره بتعب:استني انا هاجي اساعدك
تسنيم:لا يا حبيبتي خليكي هنا متتعبيش نفسك انت عايزه راحه
اميرة بحب:مش عارفه اقولك اي يا تسنيم والله لو اختي مش هتعمل اللي انتي بتعمليه دا
تسنيم:لي بس تزعليني منك عيب عليكي وبعدين احنا اخوات فعلا وبعدين امام والاستاذ احمد تحسهم مننا ف اي ربنا وحده يعمل اني بحبكم قد اي
مريم:لما قالو ليا ان ابيه امام اتجوز استغربت انو اتجوز بالسرعه دي بس دلوقتي اكتشفت ان لازم يستعجل
لانه معاه جوهره زيك ربنا يبارك ليكم ويكملها ع خير
تسنيم ابتسمت بحب ليهم:يارب يا حبايبي انا هقوم انا بقي
🌸الله اكبر ولله الحمد🌸
امام كان قاعد هو واحمد ومحمد ف البلكونه
لمح تسنيم وهيا راحه ع المطبخ ف هرب منهم
امام:استاذن انا هروح اغير
امام دخل عليها المطبخ
وقرب منها وحط ايده ف وسطها
وقرب من ودنها واتكلم بصوت اشبه بالهمس:ب ح ب ك يا اطيب واحن قلب ف الوجود
تسنيم بمعني الكلمه مش قادره تتنفس فرحانه ع مكسوفه ع حاسه بامان العالم كله ونفسها اللحظه دي متخلصش
تسنيم بصوت مهزوز: بتعلم منك مش انت إمامي وانا لازم اتعلم من قدوتي
امام قربها منه اكتر: انتي هتتفوقي ع قدوتك
تسنيم بحب: محدش يقدر يغلب إمامي لان هو واحد بس ومفيش منه
إمام: هو انا لو اخدتك وهربت بيكي هيحصل اي
تسنيم بكسوف: معرفش
إمام بعدم وعي وهو بيقربها منه اكتر: انتي لي بتخطفيني كدا لي بتجذبيني بطريقه دي لي مش ببقي عايز ابعد عنك انتي بقيتي ادمان بالنسبه ليا بحبك اوي يا ملكه قلبي
تسنيم وهيا بتحاول تجمع حروف الكلام:نفس اللي انت بتحس بيه انا بحس بيه ويمكن اضعاف
إمام لفها ليه وبص علي وشها
تسنيم لاحظت سرحانه
امام في اي بتبص كدا لي
إمام:مستغرب
تسنيم:مستغرب اي
امام:الصدفه انا لاكنت اعرفك ولا انتي وكان كل واحد فينا ف دوله والقدر يجمعنا ويخلينا نعشق بعض
تسنيم بحب:اجمل واحلي صدفه
واوعي بقا عشان العيال جعانه
🌸سبحان الله وبحمده🌸
امام بهيام:عقبال عيلنا
تسنيم حطت وشها ف الارض:اطلع بره
امام:نــــــــــعــــــــــم يا ختي مش طالع قال اطلع قال
تسنيم ضحكت ع شكله:طب خلاص ساعدني
امام:انا كنت جاي عشان اساعدك اصلا بس اعمل اي بتنسيني نفسي
تسنيم:طب قطع الخضار عشان اعملعم شربه خضار
امام:حاضر امري الي الله
تسنيم بصت ليه اتكلمت بسرعه:استني
امام اتخض:اي
تسنيم: انت صليت
امام حدفها بـ قشر البطاطس:يعني الخضه دي عشان صليت ولا لاء هو انا من امته بضيع مني فرض يا موكوسه قطعتي لامي الخلف
🌸استغفر الله🌸
تسنيم قعدت تضحك لدرجه انها قعدت ع الارض من الضحك
إمام بص ليها بغيظ:قومي يا اخرة صبري قومي
تسنيم بضحك:كنت بستفسر
امام:محدش منعك يا حبيبي بس مش تخضيني انا قلت ان في تعبان ولا حاجه كنت همسكه
تسنيم ضحكت: حد قالك قبل كدا ان دمك خفيف بجد ضحكتني
إمام:قالوا ليا كتير بس اول مره تكون بالحلاوه دي
تسنيم:طب يعم الحلوي كمل تقشير
إمام:اه ياني ياغلبان ياني
تسنيم قعدت تضحك عليه
امام:تعرفي ان ضحكتك حلوه اوي
تسنيم:تعرف انت قبل دخولك حياتي انا كنت ناسيه ازاي اضحك
إمام بص ليها بحب: مفيش غير الحب والفرحه بس لحياتك
تسنيم:كفايه وجودك ف حياتي
إمام:يا بنت الحلال انتي عايزه اي بالظبط
تسنيم بستغراب لتغيره:اي ف اي
امام:يعني ان مراتي تقولي الكلام دا
وهيا عارفه ان ف قربها بنسي نفسي
والمفروض مني اني اقدر امسك نفسي اسكتي يا تسنيم اسكتي
تسنيم بضحك:حاضر بس قولي
امام: اقولك اي
تسنيم:انت مقلتش ليا ان هما جاين لي
🌸الحمدلله🌸
امام:انت عارف اني غلطان بس والله اتلغبط ومعرفتش اكلمك وبلاضافه ان احمد مكنش راضي ف انا قولت ليه انك انتي اللي قولتي ليا انهم يجيو وبصراحه كنت خايف من رده فعلك
تسنيم بحب:لي يا حبيبي دول اختك وصاحب عمرك دا انا لو مشلتهمش الارض احطهم فوق دماغي
كفايه انهم من رحيتك
امام بص ليها بنظره عاشق:اصيله يا تسنيم ربنا يبارك ليا فيكي يا حبيبتي
تسنيم:طيب يلا عشان ياكلو وياخدو الدواء ونسمع ونشوف مين اللي هيكسب
إمام:حاضر يا بنوتي
تسنيم:الله بقالي كتير اوي مسمعتش
امام:بكاشه دا انا لسه قايلها الفجر
تسنيم:بردو كتير
امام: خلاص حقك عليا
(
💍الفصل التاسع💍
إمام وتسنيم خلصو العشاء وتسنيم اخدت العشا لمريم واميره وامام اخد لاحمد وابوه
تسنيم بحنيه: يلا ي حبايبي عشان تاكلو
اميرة: معلش مش قادره اكل
تسنيم: معلش يا حبيبتي كلي ع قد نفسك المهم تتغذي عشان اللي ف بطنك
🌸الحمدلله🌸
اميره: مش قادره اصلا م طايقه ريحه الاكل
تسنيم: معلقتين بس عشان ابنك انتي مبتكليش ودا غلط معلش تعالي ع نفسك
كلي يا مريم ولا انتي كمان مش هتاكلي
مريم بهزار: مكلش لي اكل طبعا انا مفيش حاجه تبعدني عن حبيبي ولا يمكن حد يفرقنا
(مريم دي بتمثلني اوي 😂😂)
تسنيم بضحك: بالهنا والشفا يا حبيبتي
مريم اكلت وتسنيم ادت ليها الدوا
اميره حاولت تاكل حاجه عشان علاجها
🌸صلي ع رسول الله🌸
احمد:ينفع كدا يعني يا امام يابني انت ف اي ولا في اي ومراتك المسكينه دي هتقدر ع اي ولا اي
محمد:انت يلا عايز تضرب ولا اي
ومن امته ف الحساسيه دي بينك وبين امام انتو طول عمىك مع بعض
سفر امام بس هو اللي بعدكم نسيت المدرسه والكتاب والمسبقات نسيت
دا كله بطل عبط عشان والله هزعل بجد
احمد:يا بابا والله مش قصدي بس انا خايف ع زعل مرات اخويا
امام:لا انا اتكدت ازك عبيط يابني ما هيا بذات نفسها اللي قايله ليك خليهم بتخب تعيد وتزيد ف الكلامك مش عارف لي
محمد:طب خلاص احل ليكم مشاكلكم
احمد:اي هو الحل
محمد:الشقه اللي فقوينا السكان اللي فيها مشو وانا كنت عرضتها ع اخوك بس لا هو ولا مراته موافقين
شوف صاحبها وانت كدا كدا قاعد اجار
🌸استغفرالله🌸
احمد بتفكير:والله فكره حلو
امام: ربنا يبارك لينا فيك يا حجوج يا قمر انت وتفضل تحل ف مشاكلنا
احمد بحب:امين
محمد:ربنا يحفظكم يا حبايبي
امام:يلا يا حجوج عشان تسمع ليا انا والبت تسنيم
محمد بغيظ: بت ف عينك
إمام بضحك: الله ياسمحك
احمد: تسمع اي يبني احنا مش حافظين القران سوي ولا اي
امام: اه الحمدلله بس انا براجع مع مراتي
احمد بتفهم: اللهم بارك
امام: امين، بس تسنيم متعرفش اني خاتم القرآن مفهوم
احمد: لي
🌸الله اكبر ولله الحمد🌸
امام: عشان متحسش انها اقل مني
احمد: حاضر متقلقش انا هموت وانام
امام:ومن سمعك انا اتمرمط النهارده ف الشركه دا غير المشروع المطلوب مني
وبعدين سكت
المشروع ينهار ابيض المشروع المفروض يتسلم بكره
احمد: اهدي باذن الله خير متقلقش
امام: امين، بص انت هتنام مع بابا ف اوضته
احمد: طب وانت
إمام: انا لسه هسهر عشان المشروع
هقعد ف الصالون
احمد: لا طبعا هنام ان ف الصالون
وانو نام مع بابا
امام: يبني انت دماغك غير البشر
انا ورايا شغل وعايز اسهر انام مع بابا عشان اقلقه وبعدين انا بصحي بدري سبني ع راحتي بقا
🌸سبحان الله وبحمده🌸
احمد: طيب
امام: شرير
احمد: استزراف
امام: مش هرد
احمد: لا رد
محمد: بس منك ليه شويه اطفال
قوم نام وانت قوم شوف شغلك عيال تجيبو الصداع
احمد وامام قعدو يضحكو
احمد: تصبح على خير
امام: وانت من اهل الخير
تسنيم واقفه ف المطبخ مش عارفه تنام فين
امام دهل لقاه واقفه سرحانه
حبيبي سرحان فيا ولا ف مين
تسنيم بنوم: عايزه انام
امام اخدها ف حضنه: طب تعالي
تسنيم: اجي فين
امام: هتنامي ف اوضتي
تسنيم: وانت
امام: هنام ف الصالون
تسنيم: انا ممكن افرش ف الارض وانام مع البنات وانت نام ف اوضتك انت تعبان كول النهار ومعرفتش تستريح ونومت الكنب مش مريحه
امام طلعها من حضنه براحه وهدوء:
والله والمفروض اني لوحدي اللي شغال وتعبان طول النهار واللي شايله البيت ع راسها مش تعبانه
ومن الرجوله اني اسيب مراتي تنام ع الارض
تسنيم:مش قصدى
امام:عارف يلا عشان تنامي انا اصلا كدا كدا ورايا شغل لازم اخلصه
تسنيم بص ليه بحب :خلاص اقعد معاك وانت بتشتغل
امام:ماشي بس لفي خمارك كويس
تسنيم:حاضر
امام اخدها وقعد يشتغل وتسنيم بتبص ليه بحب
امام واخد باله منها:كدا مش هشتغل كدا هعمل حاجه مش لطيفه
تسنيم بصت للارض:اسفه
امام ساب الورق الي ف ايده:هو في واحده تعتذر انها بتبص لجوزها بس كل م في الامر اني مش قادر ع بعضك ف بتلكك اني اجي اخدك ف حضني
تسنيم خبطته ف كتفه براحه:قوم شوف شغل ي هندسه عشان انا مبحبش حد يقلل من قيمه جوزي
امام:عيوني
تسنيم بصوت واطي:يسلمولي
امام سمعها وابتسم
تسنيم كل شويه تتاوب
امام تسنيم صعبانه عليه
تسنيم يا حبيبتي قومي نامي
تسنيم بحب:لا مش هسيبك تسهر لوحدك
امام: يعني انتي مرتاحه كدا
تسنيم:اه جدا
امام: براحتك
تسنيم بصوت واطي: انت راحتي
امام سمعها بردو وابتسم ومن جواه فرح جدا ع اهتمامها وحبها
بعد وقت امام بيبص ع تسنيم لقاها نامت
ساب الي ف ايده وقرب منها وشالها
تسنيم بتتحرك بنوم
امام:هشش دا انا امام وبطلي حركه انتي مش ع سرير انتي ع دراعي
تسنيم مسكت ف رقبته ودفنت وشها ف صدره
اما ابتسم ع حركتها ومشي بيها
ودخل اوضته وحطها ع السرير
وفك ليها الخمار
وقرب منها وباس راسها
:ربنا يديمك نعمه ف حياتي وميحرمنيش من وجودك ابدا
وفضل باصص ليها شويه وبعدين طلع بره الاوضه وراح يخلص شغله
خلص المشروع وراح يطمن ع تسنيم
دخل براحه لقاه راميه الغطا:الله هو انتي منهم بترمي الغطا ونقعد ندور عليه
قرب منها وغطاها
تسنيم حست بيه
واتكلمت بنوم:امام
امام قرب منها:نعم يا قلب امام
تسنيم:حطت الموبيل بتاعك هنا واظبط المنبه عشان انت ممكن تنام ومتقومش تصلي
امام:حاضر يا حبيبي بس نامي انتي
تسنيم:امام
امام:الصبر يارب يابت انتي انا لو فضلت بخدودك الحمره دي وشعرك المفرود دا هنزعل من بعض
تسنيم بنوم:خلص شغل عشان المدير
إمام:حاضر
وطلع جري
وخرج كمل شغل وبعد كدا النوم غلب عليه ف نام
المنبه رن عند تسنيم
اتحركت ف نومها وصحيت
تسنيم وهيا بتحضن الغطاء: ياااه يا إمام حتي ريحتك بتفرق معايا انا حاسه اني بقالي كتير اوي مانمتش
من ساعت ما نمت ع صوتك يوم كتب كتابنا انت العوض الجميل اللي ايجي بعد التعب انت الراحه والامان والحنيه انت ملخص لـ الزوج المثالي
ربنا يبارك ليا فيك ويديمك عليا نعمه وميحرمنيش منك ولا من حنيتك
وقامت ولسه هتخرج بشعرها افتكرت وجود احمد ف البيت
رجعت تاني وحطت الخمار ع شعرها بطريقه عشوائيه
وخرجت راحت لا إمام
تسنيم دخلت عند إمام لقيته نايم وباين عليه الارهاق والتعب قربت منه ومشت ايدها ف شعره
: يا حبيبي باين عليك التعب يارب احميه وقويه ومتحرمنيش منه
وقعدت جمبه وبصت ليه
ماما كانت بتقولي جمله غريبه اوي ومكنتش بصدقها دلوقتي صدقتها يا إمام قالت ليا هيجي ليكي حضن ينسيكي كل الهم والحزن اللي حصلك واهو فعلا انت جيت ليا ونستني كل الهم اللي شوفته
انا عندي استعداد اعيش اللي عشته دا الضعف بس عشان المحك وانت فرحان واشوفك وانت نايم جميل ف كل حلاتك انا سبق وقلت ليك بحبك دلوقتي بقولك اني اتخطيت الحب بمراحل انا بقيت بعشقك بتنفسك بقيت حاسه انك اوكسجين حياتي ف بعدك مبعرفش اتنفس
انا بعشك يا إمامي بعشقك
إمام صحي ع كلامها وشدها ف حضنه: وانا بعشقك يا قلب وروح إمام
تسنيم خبت وشها ف صدره
وغصب عنها الخمار اتزحلق من ع راسها
امام وهو بيزقها: قومي يا تسنيم
تسنيم استغربت طريقته: في اي
إمام قام قفل باب الصالون
تسنيم بصت ليه بستغراب: ف اي
إمام قرب منها تاني واخدها ف حضنه: خفت احسن حد يصحي ويشوف شعرك
تسنيم: انت كان ممكن تقولي لفي الخمار
إمام بحب: حبيبي لسه صاحي من النوم اقوم اقوله لفي الخمار وبعدين انتي مش معاكي دابابيس هتلفيه ازاي بقا وبصراحه عايز اشوف شعر حبيبي اللي مخبيه عني
وقرب منها وشال الخمار
تسنيم بكسوف : امام بس
امام: تؤتؤ وبعدين انا مبعملش حاجه حرام واحد عايز يشوف شعر مراته اللي دايما مخبيه تحت الطرحه ف البيت اعمل اي
تسنيم بصت ليه: يعني كدا انت ممكن تسبني عشان مش مهمله ف نفسي
امام ضحك ع كلامها واخدها ف حضنه: انتي بتقولي اي لا طبعاً استحاله اسيبك وبعدين انتي مش مهمله ولا حاجه الست الشاطره والنضيفه شاطره ونضيفه ف كل حاجه حتي نفسها كل م في الامر يا حببتي انك لسه مش متعوده مش اكتر
تسنيم طلعت من حضنه وبصت ليه
: حد قالك قبل كدا انك اجمل راحل ف الكون كله
امام بص ليها: تؤ حتي لو حد قالي متلزمنيش بدال مش طالعه منك
وحضنها تاني
تسنيم دفنت وشها ف صدره: تعرف ي إمام انا عايزه افضل عمري كله كدا وانا ف حضنك
إمام: ومن سمعك وانا كمان نفسي افضل ف حضن ملكة قلبي
تسنيم قامت بخضه من حضنه
: الصلاه احنا مصلناش القيام
إمام بص ليها بغيظ وشدها جامد لحضنه لدرجه ان تسنيم اتألمت
تسنيم: اه يا إمام وجعتني
إمام: قولت قبل كدا كذا مره متطلعيش من حضني كدا
وبعدين انتي مبصتيش ف المنبه
تسنيم بزعل: لا لي
إمام: عشان الساعه لسه 2
تسنيم: وجعتني
إمام بحب: طب وقلبي
تسنيم: ماله
إمام: ببتعب لما حبيبته تبعد عنه
تسنيم بحب: الف سلامة علي قلب حبيبي
إمام شدد ع حضنها جامد واتكلم بصوت مهزوز من المشاعر: تسنيم
نعم
مش هينفع نفضل ع الوضع دا كتير
تسنيم بعدم فهم: ازاي مش فاهمه
إمام: احنا هننزل نجيب العفش بتاع الشقه بكره
تسنيم : حاضر
إمام بيجاهد نفسه عشان يبعدها عن حضنه: طب يلا يا حبيبي عشان اتسحر
تسنيم: ليه
إمام: عشان هصوم بكره الخميس
تسنيم: ينغع اطلع من حضنك عشان اعرف اتكلم وافهم
إمام ضحك: حاضر وسابها
تسنيم: لي بتصوم
إمام: اولا عشان سنه عن رسول الله
ثانيا عشان ليها فضل كبير جدا
تسنيم: اي هواه فضله
إمام: بص يا حبيبي ربنا قال اي ف كتابه العزيز (وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّـهَ كَثِيرًا وَالذَّاكِرَاتِ أَعَدَّ اللَّـهُ لَهُم مَّغْفِرَةً وَأَجْرًا عَظِيمًا). بيكفر الذنوب والخطايا
و رسولنا وحبيبنا قال اي وفي حديث صحيح أخرجه مسلم، عن أبي هريرة، رضي الله عنه، أنّ رسول الله قال: (تُعْرَضُ الأعْمالُ في كُلِّ يَومِ خَمِيسٍ واثْنَيْنِ، فَيَغْفِرُ اللَّهُ عزَّ وجلَّ في ذلكَ اليَومِ، لِكُلِّ امْرِئٍ لا يُشْرِكُ باللَّهِ شيئًا، إلَّا امْرَءًا كانَتْ بيْنَهُ وبيْنَ أخِيهِ شَحْناءُ، فيُقالُ: ارْكُوا هَذَيْنِ حتَّى يَصْطَلِحا، ارْكُوا هَذَيْنِ حتَّى يَصْطَلِحا).
كما اختص الله الصائمين في الأجر والثواب والمغفرة فقال في كتابه العزيز في سورة الأحزاب،:(إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ الله كَثِيرًا وَالذَّاكِرَاتِ أَعَدَّ الله لَهُم مَّغْفِرَةً وَأَجْرًا عَظِيمًا)، وفي سورة البقرة قال الله سبحانه وتعالى، وَأَن تَصُومُواْ خَيْرٌ لَّكُمْ إِن كُنتُمْ تَعْلَمُون.
تسنيم قامت اترمت ف حضن إمام
: انا بعشقك يا إمام وبموت فيكي هصوم معاك بكره تمام
إمان وهو بيحضنها: حاضر بس انتي اللي جبتيه لنفسك
تسنيم بعدم فهم : ازاي
إمام: انك ف حضني ومش هتطلعي منه غير بمزاجي
تسنيم: إمام بطل رخامه بقي
إمام: طب عشان طولة لسانك دي انتي معاقبه
تسنيم حزن مصتنع: هتعاقب بنوتك
إمام: ايوا
تسنيم: طب اي هو العقاب
إمام بص ليه بخبث:لما بابا حبيبك يزعل بنوتي الشاطره تعمل اي
تسنيم بحب:تصالحه
إمام:صالحيني
تسنيم:ازاي
إمام طلعها من حضنه وقرب منها وباسها ف خدها:كدهون
تسنيم ضربته:قليل الادب اوعي يا إمام دا انا بقول انك محترم
إمام بيضحك عليها بصوته: بطلي جنون انتي مراتي يا هبله يعزي محترم مع الكل الا انتي انتي عبيطه يابت
تسنيم: قولت ابعد
إمام: طب مش هكمل فضل الصوم
وبعدين متكبرهاش ف دماغي وتخليني اعمل حاجه مش لطيفه
تسنيم بصوت واطي: وقح
إمام:لمي لسانك انا كدا محتاج تعويض ع الشتايم دي كلها
تسنيم بغيظ:بتحلم ومتكلمنيش
إمام شدها عليه تاني وقربها منه:اممم هتصالحيني ولا اعمل حاجه مش لطيفه
تسنيم بكثوف وخجل وعنيها دمعت:
إمام بجد مش هقدر
إمام سابها بسرعه واتكلم بحب:اسف يا حبيبي لو كنت دايقتك والله مقصد ممكن متعيطش تسنيم ردي عليا
تسنيم بصت ليه هو ازاي يكون ف راجل بـ الرقه دي والحنيه والتفاهم دا وبدون وعي قربت منه وباسته
ف خده:اسفه
إمام مذهول لدرجه انو مش عارف يتكلم
تسنيم:إمام انت كويس
إمام:..........
تسنيم:امام
إمام:.......
تسنيم بصت ليه واستوعبت هيا عملت اي واتكلمت بصوت مخنوق بالدموع:انا مش عارفه عملت كدا ازاي
إمام فاق واخدها ف حضنه: هششش انتي معملتيش حاجه غلط انا حوزك يا روحي دا شئ طبيعي
تسنيم وهيا بتعيط: لا امت زمانك بتقول عليا قليلة الادب تسنيم وحشه
إمام غصب عنه ضحك علي الطفله اللي ف حضنه: لا انتي مش قليله الادب ولا حاجه تسنيم قمر
تسنيم: يعني هتقول ليا بقيه فضل الصيام
إمام بضحك: ايوا
الصيام هو تهذيب للنفس وصيام مبقتصرش بس ع الاكل لا عدم اللغو
بالكلام وغض البصر والاحساس بالفقراء والمساكين وحجات تاني كتيرة اوي
تسنيم: طب يلا عشان ناكل.
إمام يلا ي حبيبي بس الاول انا نروح نجيب الدابابيس واجي عشان تظبطي خمارك
تسنيم: حاضر
💍البارت العاشر💥
🌸سبحان الله وبحمده🌸
قاموا واتسحرو وصلو القيام والفجر وكأ العاده قعدو يقراوء الاذكار والورد اليومي
احمد وعم محمد صحيو نزلو صلو ف المسجد وطلعو
محمد: صباح الخير يا امام
إمام : صباح النور يا والدي
محمد : امال تسنيم فين
امام: بتجهز الفطار يا والدي
احمد:قولي يا بابا هو الراجل صاحب الشقه اللي فوقينا فين عايز رقمه
محمد:طب استيني نفطر الاول
احمد:م انت عارف يا بابا اني صايم
محمد:انا الوحيد اللي فاطر فيكم
إمام:يا والدي انت صاحب مرض
احمد:قول يا والدي رقمه
محمد:في اجنده جوا هتلاقي فيها ارقام كتير دور ع الحج سيد
احمد قام يجيب الاجنده ولقي الاسم
إمام:بتعمل اي يا بني
احمد:هرن ع الراجل
امام: هترن ع الراجل الساعه ٥الصبح
انت مستعجل كدا لي يا بني ادم انت
احمد:مفيش عادي يعني
إمام: احمد خد بالك من تصرفاتك لانها بدأت تزعلني البيت دا بيتك قىل ما يكون بيتي انا هروح اشوف الفطار
محمد: ينفع كدا يا احمد تزعل اخوك منك
احمد: والله يابابا ما اقصد بس انا مش عايز اسبب الاذي لحد الاول كان عادي اجي ابات هنا بالشهور
انما دلوقتي الوضع يختلف ف مرات اخويا واحده عايزه تاخد رحتها ف بيتها فهمتني يا والدي
محمد ابتسم: طول عمرك واد حر ومجدع ماشي يا حبيبي اللي يريحك بس استني كامن شويه ع الساعه 10 كدا ولا حاجه ابقي رن عليه قوم لو عايز تنام شويه قبل ما تروح المصنع
احمد: عندك حق يا بابا هقوم انام ساعه كدا ولا حاجه
. 🌸سبحان الله🌸
إمام راح لتسنيم وهو مضايق
تسنيم لاحظت دا عليه
امام: اساعدك ف حاجه
تسنيم: لا ربنا يحفظك
مالك
إمام: احمد بيضايقني بتصرفاته دي
تسنيم: واي هيا تصرفاته
إمام: عايز رقم الراجل صاحب الشقه
وعايز يرن عليه دلوقتي متقوليش ان احنا بنعذبه
تسنيم سابت الي ف ايديها وقعدته ع الكرسي الي ف المطبخ
واتكلمت بهدوء: عنده حق
امام بص ليها واستغرب: عنده حق في اي بقا
تسنيم بهدوء: احمد اولا ملتزم وثانيا
من كلام بابا عليه واحد حر وراجل جدا وعشان فعلا وجوده ووجودي ف البيت مش لطيفه اوي انا عادي والله مش مضايقه من وجود بس ف نفس الوقت حاسه اني متربطه مع انه شخصيه ف قمه الاحترام والادب كفايه انو صاحب جوزي
امام بغيرة: متمدحيش حد
تسنيم بص ليه وضحكت: المهم دلوقتي انك تفهم وجه نظر صاحبك وتاخد الامور ببساطه وبلاش القفش دا
امام: حاضر اي اوامر تانيه يا مامتي
تسنيم ضحكت: انت بتتريق عليا ولا اي واه في طلب مش امر شوف البنويت صحيو ولا لاء ولو صحيو مريم ليه دواء قبل الاكل ادهولها
امام ابتسم ع حنيه قلبها واهتمامها ب اخواته: حاضر
ولسه هيطلع من المطبخ
تسنيم: امام
امام لف ليها: نعم
تسنيم: خلصت المشروع بتاعك
امام: ايوا الحمدلله يا حبيبي
تسنيم: ادام الله حمدك وجعلك الله من الحامدين الشاكرين
امام بص ليها وابتسم: امين
وخرج راح لمريم واميره
🌸استغفر الله🌸
راح لقياهم نايمين يسكت لا يصحيهم
يعيال قومو
اميرة:امام بالله عليك اسكت انا مصدقت نمت
مريم طبعا ولا الهوي
مريم يا مريم قومي يا بت
مريم:تؤتؤ
امام:هو اي اللي تؤتؤ قومي يا بت
مريم بنوم: انا عايزه اعرف اي مشكلتكم مع مريم حتي وهيا مكسوره عايزين تصحوها بدري
امام:اه يام لسانين قومي عشان تاخدي الدواء
مريم:حاضر ممكن تجيب كوبيه ميه
امام:حاضر هروح اجيب
مريم خلته طلع ونامت تاني
امام رجع لقاها نايمه
انتي يا بت يا مصيبه قومي
مريم:انت جيت ليه
امام بستغراب: هو اي اللي جيت لي اخلصي قومي خودي دواكي انا لو ف حضانه من هناهد كدا اخلصي عايز اراجع ع المشروع قبل ماامشي
مريم وهيا بتاخد الدواء:حاضر
امام:يحضرلك الخير يختي
مريم :انا لو منك ماروحش للراجل دا مغرور ومتكبر استغفر الله حاجه كدا اوڤر شناعه
امام ضربها بخفه ع دماغها:حراام يا ام لسانين حرام متذكريش اخاكي المسلم بما يسؤه وفي ضهره كمان
وبعدين انتي مالك مغرور ولا مش مغرور بدال متعرفيش ظروف حد يبقي متكلميش وبلاش ظن السوء
انتي مقراءتيش الحديث اللي بيقول
اياكم والظن
عن أبي هريرة رضي الله عنه أن رسول الله صلى الله عليه وسلم قال: (إياكم والظن، فإن الظن أكذب الحديث، ولا تحسسوا، ولا تجسسوا، ولا تنافسوا، ولا تحاسدوا، ولا تباغضوا، ولا تدابروا، وكونوا عباد الله إخوانا) رواه البخاري ومسلم
مريم:اسفه يا ابيه مش هعمل كدا تاني
امام:شطوره
امام راح يراجع المشروع
وتسنيم دخلت حطت الاكل
تسنيم:يلا يا مريوم
عشان تفطري
مريم:حاضر يا سيمو
تسنيم:هيا اميرة نايمه لي
مريم:معرفتش تنام طول اليل
تسنيم:ربنا يقويها
مريم:سيمو انتي مش هتاكلي
تسنيم:لا يا حبيبتي بالهنا والشفا على بدنك
مريم:انتي صايمه زي ابيه احمد وامام
تسنيم بصت ليها بحب:ايوا
مريم:امممم ابيه امام مسيطر بردو
تسنيم استغربت: مسيطر لي يعني
مريم:اصل ابيه امام من يومه وهوا عليه اسلوب ف الحوار واقناع متعرفيش بيقنعك ازاي
تسنيم ابتسمت:عندك حق
يلا كملي اكلك
الساعه جت 8 ونص احمد صحي ونزل المصنع وامام لبس وجهز
وتسنيم واقفه معاه تودعه
امام:حبيبتي بابا هيعديكي عليا ف الشركه وانا وانتي نطلع نشوف معرض محترم كدا نجيب منه العفش
تسنيم:حاضر ربنا يوفقك يارب
امام بص ليها وابتسم:يارب يلا في رعايه الله
🌸استغفر الله🌸
امام راح الشركه بس منتظر رده فعل مراد وكان عايز يعرف مراد جاي ليه لي ولا كان موجود ف المنطقه بتاعتهم ليه
مراد طلب من السكرتيره انها تبعت امام
سها هو مهندس إمام وصل ولا لاء
سها:وصل يا فندم
مراد:ابعتيه
سها:حاضر يا فندم
سها راحت لـ إمام
خبطت ع الباب واتكلمت بمياعه:امام مستر مراد عايزك
امام اضايق انها رفعت الالقاب ومن طريقتها ف الكلا:تمام
جاي عشان يخرج هيا واقفه ع الباب
امام:ف حاجه يا انسه سها
سها بدلع:تؤتؤ
امام بنفاذ صبر:لما هو مفيش واقفه لي ع الباب بعد اذنك عايز اعدي
سها:متعدي
امام: هو في اي يا بنت الناس
سها بدلع:ف انك مش حاسس بيا
ومش معبرني وع طول مديني الوش الخشب تقلان لي
امام اتفاجأ:تقلان بصي يا انسه يا محترمه انا واحد متجوز حتى لو كنت مش متجوز مينفش اتعامل معاكي عادي لان في حدود بين الراجل والست ومينفعش نتخاطها
لانه حرام يا محترمه وياريت بعد اذنك تحترمي نفسك وتحلي عني عشان انا بعد كدا مضمنش تصرفي معاكي هيكون عامل ازاي وياريت انك تحتفظي بلالقاب
وعديني
سها واقفه مذهوله بقا انا حد يقولي لاء انا يتقالي الكلام دا طب اما وريتك انت ومراتك مبقاش انا سها
امام بغضب مكتوم وهو غاضض بصره خبط الباب خبطه جامده واتكلم :متعاديني
سها اتخضت وبعدت فورا
امام ماشي وهو بيحاول يكتم غضبه
خبطت ع مكتب مراد ودخل بس مراد لاحظ انو مش زي العاده مش مبتسم
مراد بعمليه:خلصت المشروع
امام:ايوا اتفضل يا فندم
مراد: احم احم مالك
امام:ولا حاجه بعد اذنك
مراد:مش عايز تعرف انا كنت جايلك لي
امام:لي
مراد:لا دا انت دمك واقف اوي النهارده
امام وهو بيحاول يرجع لطبيعته:
انا زي م انا يفندم
مراد:ممكن نبعد عن الشغل ونتكلم اكننا صحاب
امام ابتسم:اكيد طبعا اتفضل
مراد بتسأول:اي اللي خلاك تصلي ف المكتب
امام عرف ان هو عايز يوصل لحاجه بس بطريقه غير مباشره:ممكن اسال حضرتك سؤال
مراد:هترد ع السوال بسوال
امام:ولي متقولش ان اجابت سوالك
هيا اجابتك لسوالي
مراد:اتفضل اسال
امام:لو السيد الوالد نادي عليك هتعمل اي
مراد: هرد عليه
امام:قصد حضرتك تلبية النداء صح
مراد:صح
امام ابتسم:اهو دا بالظبط اللي عملته اني لبيت النداء
مراد بعدم فهم:مش فاهمك
امام ابتسم:لله المثل الاعلي
ربنا سبحانه وتعالي بينادي عليك خمس مرات ف اليوم ولما ربك يإمر ما علي العبد غير الطاعه
بيقولك يلا ع الصلاه يلا ع النجاة
يعني صلاتك هيا نجاتك وصدقني
مفيش حد هيستحمل تروح ليه خمس مرات وتشكي وتبكي وتدعي غيره احنا بناخد مفهوم الصلاه بطريقه غير صحيحه وهيا ان الصلاه روتين مش اخدنها انها الراحه والسكينه والتضرع لله
مراد بص ليه بذهول:عندك حق
طب ممكن اسال سوال
امام:اتفضل
مراد:طب لو عايز انتظم ع الصلاه
انتظم ازاي
امام:لو عايز تعمل اي حاجه صح وتنتظم عليها اولا النيه نيتك تكون خير والدعوه انك تدعي ربنا انو يوفقك وتقدر تاخد الخطوه اي كان هيا اي ثانيا الصحبه الصحبه يا مراد
ملازمه صحبه الصالحين تصلحك
وتاخد بايدك للجنه
نيجي بقا ازاي انتظم
اولا حاجه زي ما قالنا النيه
تاني حاجه افضل ادعي ربنا انو يثبتك ع دينه
تالت حاجه حفظ القران بيخلي عندك نشاط وهمه انك تصلي بآيت جديده
رابع حاجه اسمع شيوخ واعرف عقوبه تارك الصلاه
حاول بس تجرب دول كدا لمدة 22يوم وهيبقي الموضوع بالنسبه ليك عاده بس عايز افهمك حاجه ان
شيطانك هيحاول يوقفك ويمنعك
زي ما يعصيك ف الطاعه اعصيه ف المعصيه
مراد:مش فاهم اخر جمله
امام:زي ما شطانك يعصيك انك تعمل طاعه سواء بقا صلاه صيام
ويقعد يوسوس ليك انك متعملهاش
انت كمان لما يوسوس ليك انك تعمل معصيه اعصيه وقول ليه لا مش عامل انت عارف هيبدا معاك ازاي
مراد:ازاي
امام:يبداء بقا يقولك انت كدا كدا مش بتصلي وكدا هتتعاقب وكدا هتتعاقب تصلي ازاي بكل الذنوب دي انت مش فاكر اخر مره قولت هتصلي ومصلتش وهعمل ومعملتش
انت منافق، وهو ما يعرفش ان خير الخاطئين التوابين
مراد بصوت كله ندم:يعني ربنا يقبل توبتي
إمام:اكيد طبعا الانسان مش معصوم من الخطاء وربك غفور رحيم
وكريم اوي بعباده اتوكل انت بس علي الله وقدم المشيئه وباذن الله خير
مراد بص ليه:انا بجد مش عارف اشكرك ازاي
امام:عين يا صاحبي مفيش شكر بين الاخوات
مراد ابتسم ليه بامتنان:عندك حق يا صاحبي
امام خرج راحه مكتبه يخلص الشغل اللي وراه
ومراد خرج وقعد يلف بالعربيه شويه لغايه م وقف قدام جامع
ونزل
دخل الجامع وحس براحه اول مره يحسها وكلام إمام عمال يدور ف دماغه راح اتوضي وسجد واكن هموم الدينا كلها وقعت من كتفه اما سجد واتكلم بدموع وندم
يارب انا عارف اني غلط ف حقك كتير ومكنتش بصلي وانك كتير اوي دعتني لصلاه وانا كنت بطنش يارب اغفرلي ذنوبي يارب انا جاي وكلي عشم ف رضاك ورحمتك يارب ارحمني وقويني يارب
كل كلمه بيقولها بدموع الندم
قام وهو مستريح ومطمن ووعد وعد انو مش هيسب ولا فرض وهيقرب من ربنا اكتر من كدا
خرج من الجامع واكنه انسان جديد ابن النهارده
(ليه حق دا دين علينا ولازم نوفيه انت لما بيبقي عليك فلوس لعبد بتبقي مخنوق ومهموم ولله المثل الاعلي فما بالك بقا برب العباد)
تسنيم ف البيت بتتحايل ع اميرة عشان تاكل
يا بنتي مش هينفع كدا لازم تاكلي اي حاجه كدا هتقعي من طولك
اميرة:مش قادره يا تسنيم مش قادره
مريم:هاتي هنا يا سيمو وانت اكل انا قادره انا
تسنيم واميره غصب عنها ضحكت ع اختها المفجوعه
اميرة:طب اعملي حساب لختك التعبانه ولا بيت الناس اللي احنا فيه
مريم:يختي كلها كام شهر وهتقومي زي القرد اما بقل لبيت الناس ف دا بيت اخويا حبيبي واعمل فيه اللي انا عايزه
تسنيم ابتسمت بحب:طبعا يا حبيبتي بيت اخوكي ودا كله بعد بركه ربنا خير اخوكي وعزه اعملي اللي نفسك فيه
مريم بصت ليه بحب:والله ليه حق يحبك ويعشقك كمان هو في حد بالحنيع والطيبه دي حبك كتير يا روحي
اميرة:اول مره تقولي حاجه عدله
فعلا تسنيم حنينه وجدعه وكريمه وطيبه ربنا يحميكم ويحفظكم ويتتم ليكم ع خير الا بالحق انو هتفرشو الشقه امته عشان الفرح
تسينم:امين، باذن الله هنروح النهارده نشوف معرض كدا
مريم:اوعو تعملو الفرح وانا متجبسه والله ازعل الله يسامحك يلا ف بالي
اميرة بمشاغبه:دا انت طلعتي عين الولا مسحتي بكرمته الاسفلت
مريم بغيظ:يستاهل واسكتي بقا عشان مشتمهوش وابيه إمام يزعل
تسنيم:يزعل من اي
مريم:اصل قال ليا مجبش سيرة حد
واذكرو بحاجه وحشه
تسنيم:شطوره انا هقوم اعمل الغداء
عقبال ما بابا يرجع من المسجد
اميرة:اجي معاكي اساعدك ف حاجه
تسنيم:لا يا حبيبتي خليكي انتي ارتاحي انتي مش قادره توقفي ع حيلك
تسنيم خرجت
مريم:البنت دي طيبه اوي
اميرة:امام ابن حلال ويستاهل كل خير ربنا يحفظهم ويحميهم ويرزقك الزوج الصالح اللي يسعدك ويفرحك
مريم:انا قاعده ع قلبكم
اميرة:ومالو يا ختي اقعدي
🌸استغفر الله 🌸
عم محمد رجع من الصلاه
تسنيم يا بنتي
تسنيم: ايوا يا بابا
محمد: جهزتي يا بنتي ولا لسه
تسنيم: حاضر يا حبيبي ثواني بس
اغرف الاكل لمريم عشان الدواء وهروح البس
محمد: ماشي يا حبيبتي
تسنيم غرفت لمريم ولبست دريس سماوي وخمار اوف وايت كانت جميله اوي ورقيقه
محمد: بصي يا حبيبتي انا هوديكي الشركه وانت تروحي لا إمام عشان بس احمد رن عليا وعايزيني معاه عشان الراجل صاحب الشقه
تسنيم: تمام يا بابا
مشيو وصلو الشركه وتسنيم طالعه
خبطت ف بنت ف سالتها عن مكتب إمام والبنت قالت ليها بس كان جنب البنت دي سها
تسنيم مش غايز ترن ع إمام عايزه تعملها لي مفاجأة
سها: انتي مين وعايزه مستر إمام ف اي
تسنيم: انا مراته
سهام اتصدمت بق انتي اللي فضلها عليا كدا احلوت اوي
: للاسف الاسنسير عطلان ممكن تطلعي ع السلم
تسنيم: مفيش مشكله
سها شافت تسنيم طالعه ع السلم لفت وشها وطلعت بالاسنسير وراحت ع مكتب إمام
فتحت الباب براحه لقيته بيصلي
دهلت وقفلت الباب براحه وفضلت واقفه ونكشت شعرها ومسحت الروج بتاعهاا
امام خلص صلي وبيطبق المصليه وبيبص وراه شاف سها
امام بغضب: انتي بتعملي اي هنا وازاي تدخلي من غير استاذان
سها قربت منه وبتحاول تفتح زرار قميصه امام بعد ايدها جامد بس للاسف كانت هيا ماسكه القميص ف الزرار ااتقطع
إمام: اطلعي بره ومش عايز اشوف وشك انتي فهمه انا سكت ومردتش اقول حاجه لمستر مراد بس توصل بيكي الوقاحه لدرجه دي لحد هنا وكفايه غوري بره
سها: لي بس كدا يا بيبي انا بحبك
إمام لسه هيرد بس قاطعه ان تسنيم فتحت الباب
تسنيم بصت ع سها ومنظرها إمام اللي قميصه مقطوع
سها وقفن بستفزاز جمب إمام ومسكت دراعه: مين دي يا بيبي
امام واقف مصدوم زي تسنيم بالظبط: تسنيم انا معملتش حاجه اقسم بالله
سها: ف اي يا بيبي اي يعني متقول ليها كنا بنعمل اي
إمام بغضب وصوت عالي: اسكتي بقا اسكني خرام عليكي عملت ليكي اي عشان تعملي دا كله فيا
وبص لتسنيم بنظرة ترجي: تسنيم بالله عليكي تصدقي
تسنيم بصت ليه بعيون كلها دموع
: انت تسكت خالص
ياتري اي رده فعل تسنيم واي المفروض تكون رد فعلها
 رواية امامى الفصل 6-7-8-9-10بقلم ياسمين (جميع الفصول كامله ) 💍الفصل السادس💍…){kind=link}
تعليقات
إرسال تعليق