رواية قصر السلطان الفصل الاول والثاني والثالث والرابع والخامس بقلم إيمان شلبى كاملة
رواية قصر السلطان الفصل الاول والثاني والثالث والرابع والخامس بقلم إيمان شلبى كاملة
#البارت_الاول
يعني ايه يابابا حضروا هدومكوا انتوا اتجوزتوا ؟!
هتفت بها فتاه في منتصف العشرينات وهي تقف امام والدها الراجل الاشيب ذو الانحناءه في ظهره والتجاعيد في وجهه ولكنه برغم ذاك تتبين القسوه في ملامحه
ممدوح بقسوه : يعني زي ما سمعتي ياختي انتوا التلاته كل واحده تحضر شنطه هدومها وتطلع عشان تروح مع جوزها
اقتربت منه " تاليا" تلك الفتاه قصيره القامه وهي تهتف بعصبيه وقد احمر وجهها من الغضب : انا مش موافقه علي الجوازه ديه انا لسه عندي١٩ سنه
ممدوح وهو يجذبها من ذراعيها بعنف : مش بمزاجك ياروح امك،انتي خلاص اتجوزتي وهتمشي مع جوزك
تاليا وهي تأن بألم: مش همشي مع حد
اقتربت منها " جوري" شقيقتها الوسطي وهي تهتف بهدوء: تاليا حبيبتي ،انتي مش كنتي عايزه تمشي من البيت ده ومتضربيش تاني!!
تاليا وهي تهز رأسها وتهتف من بين دموعها: ايوه بس مش بالطريقه ديه ،مش اني اتجوز واحد انا لاشوفته ولا شافني خبط لزق كده
مرام شقيقتهم الأكبر : اي حد هيكون اهون من العيشه اللي احنا فيها دي ،يالا نحضر هدومنا ونمشي
ممدوح وهو يبتسم بأستفزاز ويربت علي وجنتيها : طول عمرك عاقله ياحبيبه ابوكي
نفضت يديه بكره وهي ترفع سبابتها في وجهه وتهتف بكره: انت من دلوقتي ولا ابونا ولا نعرفك ،ولا عايزين نشوف وشك تاني انت فاهم ؟!
ممدوح وهو يلتف ليهتف ببرود وهو يخرج من الغرفه : يكون احسن كتكم الهم عيال فقريه
خرج من الغرفه لتغلق "مرام" الباب خلفه بعنف وكادت أن تسقط دموعها رغماً عنها ولكنها تحلت بالشجاعه وهي تقترب من اشقائها وتهتف بهدوء: يالا نحضر هدومنا
تاليا بخوف وارتعاشه في جسدها: انا خايفه
جوري بقلق : وانا كمان ،اكيد.اتجوزنا ناس كبيره عشان الفلوس صح ؟!
تاليا: ااه ،لا انا الموت اهون عندي من اللي هتجوزه انا مش عايزه امشي ،ياماما تعالي خديني عندك ،انتي ليه سبتيني اهئ اهئ
مرام وهي تقترب منها وتضمها الي صدرها لتهتف من بين دموعها : اهدي ياروحي ،اهدي عشان خاطري متخافيش احنا معاكي ،مايمكن ميكونش كبير ،
تاليا وهي تتشبث بها: ولو كبير هعمل ايه ،انا خايفه
انتفضت الفتيات بعنف اثر طرق الباب ومن ثم صوت والدهم وهو يهتف بخشونه: يالا يابت منك ليها العرسان مستعجلين عندهم شغل
مرام بحشرجه :طيب خارجين
ابتعدت عنها وهي تحاوط وجهها وتهتف بخفوت: انا معاكي وربنا معانا ،واثقه في ربنا ؟!
تاليا وهي تهز رأسها: اه
مرام: يبقي متخافيش طالما وثقتي فيه
تاليا بضعف: حاضر
مرام وهي تقبل جبينها : يالا حضري هدومك
التفت "تاليا" تبحث عن ملابسها هنا وهناك بدموع ،بينما اقتربت "مرام" من "جوري " والتي تقف وتحدق في الفراغ
مرام : جوري انتي كويسه ؟
جوري بشرود: اه
مرام: طب يالا حضري هدومك
انتهت الفتيات من تحضير حقائبهم ودموع " تاليا" و"جوري" لا تتوقف خوفاً من القادم ،خوفاً من زيجه فُرضت بالاجبار وكأنهم ليس ببشر لهم حق الاختيار بالموافقه أو بالرفض وكأنهم سلعه تُباع وتُشتري كيفما يشاء والدهم ذاك الاب والذي لم يكن في يوم بأب حقيقي يُحب أولاده يعاملهم بحنان كجميع الآباء يعوضهم حنان الام والتي ماتت منذ سنوات في حادث سياره مثلما يقول هو أو مثلما يخدعهم بتلك الاكذوبه فهو في الحقيقه من قتلها ليتخلص منها !
مرام بحشرجه: انا خلصت هطلع استناكوا برا
جوري : وانا كمان استني جايه معاكي.
مرام : وانتي ياتاليا ؟!
تاليا بتوتر: ها ا انا لسه اطلعوا انتوا وانا هاجي وراكوا
خرجت الفتاتان وهما يرتجفان رعباً وقد كانت جوري تتشبث في كتف مرام وجسدها يرتعش برعب حقيقي حتي كادت أن تفقد وعيها من الذعر ...
ممدوح وهو يراهم يقتربون منه لينهض وهو يهتف بتلعثم : اهم ياباشا جم ..تعالي يابت منك ليها سلمي علي حماكي
اقتربت منه مرام وهي تهتف بتوتر: السلام عليكوا
طارق بترحاب: وعليكوا من السلام ...مرام مش كده ؟
هزت رأسها وهي تبتسم ابتسامه رقيقه : ايوه
ممدوح بخفوت لجوري: فين مقصوفه الرقبه اختك ؟
جوري بكره: جايه دلوقتي
طارق وهو يقترب من جوري: وانتي جوري؟
جوري بحده: ايوه
ممدوح: اتكلمي كويس يابت انتي
طارق وهو يشير بيديه ويهتف بحده: متدخلش ،انت دلوقتي ملكش حكم عليهم ! يالا يابنات ولادي مستنين تحت
ممدوح : طب استني في لسه واحده جوا ،ادخلي يابت هاتي اختك
دلفت جوري وبعد دقائق استمع الجميع الي صوت صراخها ....
........................................
في الاسفل كان يقف ثلاث شباب جميعهم طوال القامه ذو جسد رياضي وملامح حاده يبدو علي قسماتهم الغضب حتماً
هتف أصغرهم ويدعي "سالم" وهو يشير إلي ساعه معصمه : هما اتأخروا ليه كده الاميرات بيتقلوا علينا ولا ايه !
هتف الاخر ويدعي "حازم" بتهكم : هما كانوا يحلموا اصلا يتجوزوا ولاد السلطان اصلاً؟
مروان بغرور وهو يعقد ذراعيه أمام صدره: مش فاهم لحد دلوقتي ليه ابوك قالنا نتجوزهم
حازم : والله لهطلعوا علي عين اللي جابها بت الشحات
مروان بغضب: حازم قسماً بالله لو مديت ايدك عليها هكسرهالك
حازم بضيق: انا مقولتش هضربها ،بس انا اصلا موافق علي الجوازه ديه عشان ابوك هددنا هيكتب الورث كله بأسم مراته لو موافقناش !
سالم وهو يهتف بصدمه : ايه ده مين اللي بابا شايلها ديه ؟
#إيمان_شلبي
#قصر_السلطان
#البارت_الثاني
سالم وهو يهتف بصدمه : ايه ده مين اللي بابا شايلها ديه ؟
اقترب منهم طارق وهو يحمل "تاليا" الغارقه في دمائها ويهتف بلهفه وقلق: افتح عربيتك بسرعه ياسالم
سالم بتعجب: مين ديه في ايه يابابا ؟!
طارق بعصبيه: انت لسه هتقولي مين ديه البت بتموت اخلص
فتح باب سيارته الخلفي ليضعها "طارق" ويلتف الي الامام وهو يهتف للجميع : انا وسالم هنروح المستشفي هاتوه البنات وحصلونا
التف سالم الي الجانب الآخر ليقبع خلف مقود السياره وهو يهتف بضيق: ممكن افهم بقي ايه اللي حصل ومين المنتحره ديه ؟!
طارق وهو يلهث بتعب : مراتك
سالم بدهشه: نعم الطفله ديه مراتي ؟!
طارق وهو ينظر إليه ويهتف بنظره تحذيريه: ديه مش طفله عندها ١٩ سنه
سالم وهو يلوي جانب فمه بسخريه : انا اللي طفل
طارق بغضب: سوق وانت ساكت يالا
سالم بضيق : طيب ،ليهتف في نفسه بشر: شكل ايامك هتبقي فل
بينما علي الجانب الآخر كانت تقف "مرام" وبجانبها"جوري" وكلاً منهما تنهمر دموعها بقوه
اقترب مروان من مرام وهو يتفحصها من أعلاها الي أسفلها ويهتف بغرور: انتي مرام ؟!
توقفت مرام عن البكاء وهي ترفع وجهها وقد تعامدت اشاعه الشمس في عينيها لتعطي لها بريق خاص لتهتف بحشرجه : ايوه انت مين ؟!
مروان ببرود: جوزك اللي مكنتش تحلمي تكلميه اصلا
مرام وهي تبتلع إهانته في حلقها بوجع لتهتف بضعف: مجبره للاسف
مروان بحده : يالا قدامي علي العربيه
اقتربت مرام من السياره لتفتح الباب الخلفي وكادت أن تصعد لتجده يغلق الباب مره اخري بعنف ،التفت بفزع لتصطدم بصدره وقد تسارعت دقاتها بعنف وهي تهتف بتوتر: في ايه !
مروان وهو يميل برأسه قليلاً ليهتف بأنفاس حاده أمام وجهها: انا مش السواق اللي ابوكي الشحات جبهولك ،اركبي قدام
مرام وقد هبطت دمعه حارقه علي وجنتيها لتهتف بحشرجه: حاضر ،طب ممكن تبعد عشان اركب !
ابتعد مروان وهو ينفض قميصه ويهتف بسخريه : بعدنا اتفضلي ياسنيوريتا
فتحت باب السياره الامامي وهي تصعد وتجاهد لمنع دموعها من الهطول أمام ذاك المتجعرف ...
بينما علي الجانب الآخر كانت تقف جوري وهي تتطلع الي شقيقتها والتي اهانها المتجعرف لتفور الدماء في رأسها ولكنها لا تقو علي الحديث فهي مثلها مثل شقيقتها كلاهما مجبرون تلك الزيجه
حازم وهو يقترب ويهتف بحده: يالا
جوري بفزع: يالا ايه انت مين ؟
حازم وهو يجذبها من معصمها ويتجه بها نحو سيارته ليهتف بتهكم : علي الأساس متعرفيش يعني ،تلاقيكي مطبخاها انتي واخواتك وابوكي سوا
جوري وهي تتلوي وتحاول الفكاك من قبضته: مطبخه ايه وزفت ايه ابعد عني يابني ادم انت
حازم وهو يدفعها داخل السياره بعنف : ادخلي بقي متقرفنيش انا علي أخري ومش طايق الجوازه المهببه ديه
جوري بغضب: علي الأساس أن انا اللي طايقه الجوازه المطينه علي دماغك ديه
حازم بغضب وقد برزت عروقه ليهتف بشر: انا هوريكي الجوازه المهببه ديه يابنت الشحاتين
التف الي الجهه الأخري وهي يصعد سيارته خلف المقود ويقود بأعلي سرعته
جوري بقلق: براحه
حازم بمكر وهو يزيد اكثر من سرعه السياره : من عنيا عز الطلب
جوري وهي تتشبث في باب السياره وتهتف بذعر ودموع: وقف والنبي وقف متجريش بالله عليك انا بخاف ،
مست دموعها قلبه ليبطئ من سرعه السياره وهو يهتف بحده: خلاص اسكتي
توقفت عن الصراخ والبكاء وهي تضع يديها ثوب قلبها محاوله تهدئه نبضاتها والتي ارتفعت حد السماء من الذعر فهي تخشي السرعه وتخشي اي وسيله مواصلات من الاساس فقد توفت والدتها بحادث كما قال لها ممدوح ....
جوري وهي تهتف بخفوت: منك لله
حازم وهو يرفع حاجبيه ويهتف بغضب: قولتي ايه ؟!
جوري وهي تهتف بتوتر: مقولتش
حازم ببرود: بحسب
وصلوا الي مقر المستشفي ليترجل "مروان " أولاً وهو يعدل من وضع سترته بغرور ليدلف بخطوات واثقه متجعرفه ويترك تلك المسكينه والتي اغمضت عينيها في الطريق وغرقت في النوم رغماً عنها من التعب...
لم يجدها بجانبه ليلتف وهو يبحث عنها ليجدها كما تركها في السياره ...
مروان وهو يمسح علي وجهه بغضب: يحرق ديه جوازه
عاد مره اخري ليلتف إليها وهو يفتح باب السياره ويهزها بعنف: انتي يابتاعه انتي
انتفضت مرام بفزع وهي تهتف بذعر: في ايه ؟!
مروان بتهكم: في اننا وصلنا ياختي
مرام وهي تمسح دموعها وتهتف بهدوء: طيب
لتترجل من السياره وهي تهتف بقلق: ه هي فين تاليا هي كويسه
مروان ببرود: معرفش مكنتش بشم علي ظهر ايدي يالا اتنيلي قدامي
مرام بدموع:طيب
في ذلك التوقيت قد وصل "حازم" ليترجل من السياره هو وجوري والتي وضعت يديها فوق رأسها وترنحت بتعب ..
حازم وهو يقترب منها ويسندها من خصرها ليهتف بلهفه: مالك
جوري بتعب: دوخت شويه عشان مأخدتش الدوا بتاعي
حازم: دوا ايه؟
جوري: السكر
ابتعد عنها ليهتف ببرود: طب يالا
مرام وهي تقترب من جوري بلهفه: جوري انتي كويسه؟
جوري وهي ترتمي في أحضانها وتهتف بدموع: انا خايفه
حازم بعصبيه:خايفه من ايه متجوزه واحد مكنتيش تحلمي تتجوزيه ولا تسلمي عليه من الاساس ايه اللي مخوفك !!
مروان بسخريه : قولهم يابني دول حظهم من السما
حازم بحده: خلصتوا احضان يالا ندخل
دلف الجميع وقد سأل مروان عن رقم غرفتها ليخبرهم أحد الأشخاص بأنها في الدور الثاني
صعدوا الي الاعلي مقتربين من الغرفه ليفتح مروان باب الغرفه علي مصرعيه ليصطدم الجميع مما حدث ...
فلاش باك
وصل سالم الي المستشفي ليترجل هو أولاً في انتظار أن يترجل "طارق" ويحمل تلك الطفله بالنسبه له وهو يدعو في سره ان تكون توفت فهو مجبر تلك الزيجه
طارق بغضب: انت يابني ادم مش هتشيل مراتك وتدخلها
سالم بعصبيه: بابا بقولك ايه انا لا طايقها ولا متقبل تبقي مراتي عايز تشيلها انت تدخلها شيلها مش عايز براحتك ياكش تغور في داهيه
طارق وهو يفتح باب السياره ويحملها ليهتف بغيظ من تصرفات ابنه الهوجاء: انا هربيك ياكلب انت واخواتك
دلف وهو يحملها ليظل سالم في مكانه وهو يزفر بضيق ليعلن هاتفه عن اتصال ما ،ليجيب بضيق
الو
ناني بدلع: ايه موحشتكش ولا ايه ؟
سالم بحده: بقولك ايه ياناني انا مش فاضيلك الله يخليكي دلوقتي
ناني بحزن مصطنع: مين بس مزعلك ياحياتي
سالم : محدش هبقي اكلمك سلام
اغلق الهاتف في وجهها ليستند بظهره علي السياره وهو يعقد ذراعيه أمام صدره وقسماته تتضع علي معالمها الغضب ...
بعد دقائق وجد "طارق " يخرج وهو يهرول ويهتف بسرعه: بقولك ايه اطلع لمراتك فوق هما حطولها محاليل وخمس دقائق وهتفوق وانا همشي عشان في مشكله في الشغل هاخد عربيتك
سالم بضيق: طيب
دلف الي الداخل وهو يصعد الي الطابق الثاني ويدخن ببرود
احدي الممرضات : ممنوع التدخين هنا يافندم
سالم وهو يتطلع إليها من أعلاها الي أسفلها بسخريه: انتي بتكلميني انا كده؟!
الممرضه بتوتر: ايوه حضرتك التدخين هنا ممنوع لأنه خطر علي المرضي
سالم وهو يدخن في وجهها: الكلام ده يتقال لحد غير "سالم السلطان" تعرفيه ولا تحبي اعرفهولك
الممرضه وهي تبتلع ريقها بتوتر: ا انا اسفه يافندم والله ما كنت اعرف
سالم وهو يتجاهلها ليهتف بغيظ: فين اوضه البت اللي كانت جايه منتحره
الممرضه وهي تشير الي غرفه بجانبه: اهي يافندم
سالم : طب غوري يالا
دلف الي الغرفه وهو يقتحمها دون استأذان ليجد "تاليا" تقبع فوق الفراش وقد انتفضت بفزع
تاليا بفزع: عااا
تصنم "سالم" في وقفته وهو يحدق في عينيها بأعجاب فكأن البحر في عينيها وخصلاتها المتمرده فوق عينيها والتي تتطاير بفعل نسمات الهواء البارده ...
سالم بدون وعي: صغيره بس حلوه اوي
تاليا بغضب: انت يابني ادم انت مين وايه اللي دخلك هنا !!
سالم وهو يقترب منها حتي وقف أمامها ليهتف ببرود: انا جوزك ياقطه
تاليا بغضب: هو انت اللي ضيعت شبابي منك لله يأخي دفعتله كام ياحيوان دفعتله كام عشان يوافق علي الجوازه الزباله ديه ؟!
سالم بغضب وهو يجذبها من خصلاتها بعنف: دفعت ايه ياشحاته يابت الشحاتين انا سالم السلطان زباله زيك تقولي ياحيوان ده انتي ليله ابوكي مش فايته ....
احمرت وجنتيها بغضب وهي تتلوي و تحاول أن تفك خصلاتها من قبضته لتبصق في وجهه وهي تهتف بغضب: اوعي يازباله
في ذاك التوقيت قد دلف الجميع وسالم يرفع يديه ويصفعها بعنف حتي سقطت ارضاً ...
#إيمان_شلبي
#قصر_السلطان
#البارت_الثالث
اقترب "مروان" منه وهو يجذبه من ذراعيه ويهتف بغضب: سالم انت اتجننت ولا ايه ؟!
سالم بغضب: بنت الشحات بتشتمني انا ؟!
اقتربت منه جوري وهي تهتف بعصبيه وقد احمر وجهها : انت بني ادم همجي انت واخواتك ،ولاد الشحاتين اتجبروا علي الجوازه المهببه ديه يااستاذ منك ليه ،وبعدين بسيطه كل واحد فيكوا يطلق مراته واحنا هنمشي من غير شوشره واهانه !
حازم وهو يعقد ذراعيه أمام صدره ويهتف بتهكم: هه واحنا هنضيع ثروه كامله عشان شويه شحاتين زيكوا ؟! مفيش طلاق ياقطه منك ليها زي مانتوا مجبورين فاحنا كمان مجبورين ،ناخد الورث ونرمي كل واحده فيكوا زي الكلاب
مرام وهي تضم "تاليا" المنهاره في أحضانها : عمر ماكانت الرجوله انك تمد ايدك علي انسان ضعيف لاحول له ولاقوه ،عمر ما كانت الرجوله انك تهين فيها بالشكل ده بدافع أن ربنا مديك شويه فلوس وشركات ومديك نعمه ،مديك سلطه تمشي تتنطط بيها علي الغلبان اللي انت في يوم كنت زيه بس الفرق في أن ربنا وصلك لثروه ونعمه كبيره لو كانت في ايد غيرك مكانش يتردد لحظه أنه يشكره ليل مع نهار ،عمر ماكان الغني بالفلوس والثروه ،الغني غني القلب والروح الطيبه مش القاسيه ،
مروان وهو يصفق ويهتف بسخريه : لا برافو يارورو اثرتي فيا اوي لا وكمان غيرتي فيا كتير حياتي بقت احسن بكتير انا حسيت فعلاً بالتغير !
مرام وهي تتطلع إليه بأحتقار: النفوس القاسيه عمرها ما تتأثر بالكلام ده وهتشوف أنه تافه بس هو بيحمل الف معني ومعني يااستاذ ،هتفهمه لما كل اللى في ايدك يتمحي في غمضه عين ..
مروان ببرود:خلصتي محاضره ياست الشيخه ؟! اتمني نمشي كلنا عشان مش فاضين عندنا شغل بملايين
مرام وهي تعدل من وضع شقيقتها وتمسح دموعها لتحاوط وجنتيها وهي تهتف بأبتسامه هادئه: معلش ياروحي حقك عليا انا
تاليا وهي تهز رأسها بدموع: اتعودت يامرام كل ليله كنت بنام وكف أيده متعلم علي وشي ،
سالم بحده: يالا اخلصوا مش وقت صعبانيات
جوري وهي تقترب منهم وتهتف بحشرجه : يالا نمشي
حازم وهو يجذبها من معصمها ويهتف بجديه : احنا هنمشي
جوري وهي تسحب معصمها بقوه: هنمشي فين؟!
حازم بغيظ: هنروح في داهيه تحبي تشوفيها؟!
جوري وهي تجز علي اسنانها: هنمشي فين؟!
حازم بحده: هنروح القصر اللي عمرك ما كنتي تحلمي تدخليه !
جوري وهي تبتلع إهانته بحرج: ط طب واخواتي
مروان بقرف: كلنا هنروح القصر
حازم وهو يجذبها من معصمها ويسير بها خارج الغرفه : يالا مش فاضيلك
مروان وهو يهتف بحده: يالا انتي كمان
مرام برجاء: لو سمحت اختي تعبانه ممكن اخدها معايا ،لاني عارفه أن محدش هيهتم بيها لو سمحت
سالم : انا مش كيس جوافه انا موجود
مرام بسخريه: اه ماهو واضح حضرتك كنت بتضربها لما دخلنا واضح انك هتهتم بيها اوي
سالم ببرود: هي اللي غلطت فيا ياانسه وده كان جزاءها !
مروان بعصبيه: اخلصي يالا مشى هتحايل عليكي عندنا شغل متوقف
مرام بدموع:طيب ،لو سمحت خلي بالك منها ،بلاش تقسي عليها لأنها مشافتش يوم حلو من ساعه أما اتولدت
سالم بضيق: أن شاء الله
خرجت مرام ودموعها تنهمر بقوه على حالها وحال اشقاءها ...
سالم بهدوء: يالا
تاليا بتعب: ماشي
سالم ببرود: تعبانه؟!
تاليا بسخريه: لا بتدلع
سالم : هه مانا عارف دلع البنات الماسخ ده
تاليا وهي تغمض عينيها بتعب: لو سمحت ،خلي في شويه رحمه في قلبك وسيبني في حالي
سالم وهو يهز رأسه : حاضر من عيوني ،بس مش هيدوم
تاليا: يعني ايه؟!
سالم: يعني هسيبك في حالك دلوقتي بس اهانتي مش هتعدي بالساهل !
تاليا بضعف ودموع: انا اسفه
سالم وقد مست دموعها قلبه ولكنه هتف بقسوه مزيفه: اخلصي عشان نمشي
تاليا وهي تترنح: اتفضل
اقترب منها لتبتعد بخوف ليقترب لتبتعد هي خطوه وكلما اقترب تبتعد حتي وصلت إلي الحائط خلفها لتهتف بتوتر ودموع : ف في ايه
شهقت بفزع وهو يحملها لتتشبث في رقبته وهي تهتف بذعر: انت شايلني ليه ،هترميني منين خلاص انا اسفه والله انا اسفه مش هشتمك تاني متحدفنيش والنبي مش عايزه اموووت عااااااااا
سالم وهو يحاول أن يكبت ضحكته ليهتف بحده مصطنعه: اخرسي
تاليا وهي تتشبث اكثر في رقبته وتهتف بخوف: حاضر بس والنبي ما...
قاطعها سالم وهو يقرب وجهه من وجهها ويهتف بحده ونظره تحذيريه: قولت اسكتي
هزت رأسها برعب وهي تتشبث به ...
سالم بمكر:اومال انتي مش عايزه تموتي انتحرتي ليه !
تاليا بدموع وكأنها طفله تشكي الي والدها : عشان خايفه
سالم بهدوء: من ايه ؟!
تاليا: منك ،كنت مفكراك عجوز
سالم بتعجب: عجوز؟!
تاليا : اه
سالم بمكر: طب وبعد ما شوفتي اني شاب ؟
تاليا بعفويه: خوفت اكتر
سالم بغضب: ليه شوفتي عفريت؟!
تاليا بضيق: انت شايلني ليه سيبني لو سمحت
سالم ببرود: لا انا حر
تاليا وهي تتلوي وتحاول الهبوط : بقولك نزلني بقي
سالم بحده: لو محترمتيش نفسك هطلع فوق السطوح وارميكي
تاليا بذعر: لا لا والنبي خلاص
سالم بغرور: يبقى تخرسي
تاليا: حاضر
سالم وهو يسير بها بغرور لتدفن رأسها في صدره بخجل من نظرات الجميع والتي اخترقتهم فمنهم من ينظر إليهم بتعجب فمن تلك التي يحملها "سالم السلطان"؟!، منهم من تنظر إليهم بأحتقار وغيظ ،لكن سالم قد نظر إلي الجميع نظره تحذيريه جعلتهم يخفضون أعينهم برعب
........................................
في سياره "حازم" كان يقبع خلف المقود وهو يسير بسرعه متوسطه نوعاً ما ،بينما بجانبه "جوري" والتي تستند برأسها علي زجاج السياره وتتطلع الي الطريق بشرود ..
حازم وهو يدير رأسه نحوها ويهتف بنبره عاديه : انتي كويسه ؟!
جوري : اه
حازم : اسم الدواء بتاعك ايه؟!
جوري بسخريه: ليه ؟!
حازم بحده: اتكلمي عدل
جوري بتعب : لو سمحت انا تعبانه ومش قادره اتكلم
حازم بعصبيه: اسم الدواء ايه؟!
جوري بقله حيله اسمه"*****"
حازم : ماشي عندي منه
جوري : انت مريض سكر
حازم : بعد الشر عني ،كان في منه قبل ما امي تموت
جوري بتأثر: الله يرحمها
حازم بسخريه: والست الوالده ايه نظامها مسمعناش عنها حاجه ولا شوفناها يعني ؟! بتشتغل رقاصه ولا ايه ماهو مش بعيد علي الزباله ابوكي ما و*** اكيد امك زيه
جوري وهي تدير رأسها بعصبيه وتهتف من بين دموعها: اخرس قطع لسانك امي اشرف من الشرف ،ربنا هيحاسبك اوي علي اللي بتعمله ده بتشتم واحده ميته في تربتها حسبي الله ونعم الوكيل فيك ...
حازم وهو يتوقف مره واحده لتصدر السياره صرير عالي ليلتف وهو يجذبها من ذراعيها : بتحسبني عليا يابت الشحات ؟!
جوري وهي تأن بألم وتهتف بدموع: انت ايه يااخي كل شويه بنت الشحات بنت الشحات انت ليه بتعمل كده محدش اختار يبقي ابن فقير أو غني ،محدش اختار أهله محدش اختار أبوه ،لو كنت بايدي الاختيار كنت اخترت اب تاني ،مش شرط اب غني ،كنت محتاجه اب حنين ،اب بيحب بناته مش بيفضل الفلوس ويبيع ويشتري فيهم زي السلعه !!
حازم وقد مست تلك العبارات قلبه ولكنه هتف بجمود وهو مازال يتمسك بذراعيها : دموع التماثيل ديه والكلام الحمضان ده ميمشيش معايا ! اقسم بالله لو لسانك تخطي حدوده معايا تاني هتشوفي اسود ايام حياتك سامعه ؟!
كانت تتطلع الي عينيه بكره وغل وهي تتمني أن تصفعه في تلك اللحظه ...
حازم بحده: ردي
جوري بتعب: ماشي
حازم ببرود: اسمها حاضر
جوري بعناد: ماشي
حازم وهو يضغط علي معصمها بعنف ويهتف بنبره تحذيريه : اسمها حااااضر
جوري بألم : ااه ح حاضر
حازم وهو يبتعد عنها ويُكمل قيادته ببرود الي القصر "قصر السلطان " والذي سيمتلئ بالاحداث فيما بعد
........................................
يانهارك اسود ايه القرف ده ؟!
هتف بها "مروان" وهو يتوقف بسيارته بينما كانت مرام تتقيئ بتعب وقد شحب لون وجهها حتي انتهت وهي تستند برأسها علي الكرسي ....
مروان بقرف: اعمل ايه انا دلوقتي في القرف ده ؟!
مرام وهي تهتف بتعب ودموع: اسفه
مروان بغضب: وانا اعمل ايه بأسفك يعني ،اسفك نضف العربيه ؟!
مرام : انا هنضفها متقلقش
مروان بأشمئزاز: يخربيت القرف ياشيخه
مرام بعصبيه: اعمل ايه يعني غصب عني !!
مروان : ليه ياختي كنتي حامل ؟
مرام وهي تهز رأسها : ايوه في الشهر التاني !
مروان بصدمه:.....
........................................
ياتري ايه اللي هيحصل وهل فعلا مرام حامل ولا بتضحك عليه ؟! 10k وانزل البارت الرابع يالا همتكوا😉
#إيمان_شلبي
#قصر_السلطان
#البارت_الرابع
مروان بصدمه : نعم ياختي ؟!
مرام وهي تهز رأسها وتهتف يتعجب من عدم معرفته لذاك الأمر: انت متعرفش !!
مروان وهو يجذبها من ذراعيها بعنف: معرفش ايه ياروح امك ؟! معرفش انك حامل ،حامل من مين يازباله ياحقيره ياخااينه
مرام بدموع وهي تتلوي بين ذراعيه : ابعد ايدك القذره ديه عني حرام عليك
مروان بغيظ: حامل من مين يازباله، اه قوليلي بقي وافقتي تتجوزيني عشان تداري علي عملتك الزباله اللي زيك ،ماهو مين هيوافق يتجوز واحده شمال زيك !
مرام بدموع وعصبيه: حرام عليك متتهمنيش بالباطل ،انا غصب عني كل ده واتمني لو اقتل الطفل واقتل نفسي ...
مروان بحده طفيفه وقد مست دموعها قلبه: مين عمل كده ؟!
مرام بشهقات: ص صاحب بابا
مروان بصدمه: نعم ؟! ازاي
مرام بدوار وهي تستند برأسها علي زجاج السياره وتهتف بشرود: كان بابا في يوم عامل سهره في البيت حشيش وخمره وستات وكل المعاصي اللي في الدنيا ،وانا واخواتي كل واحد كان في الاوضه بتاعتي قافلين علي نفسنا من الخوف ،بابا خبط الباب ساعتها وانا اللي فتحتله و....
توقفت عن الحديث وهي تشهق بعنف وقد تحول لون وجهها الي اللون الاحمر ودموعها تنهمر كالشلال وهي تتذكر تلك الليله المآسويه بالنسبه لها ....
مروان وهو يهتف بنبره هادئه: تحبي ننزل نقعد في كافيه وتكملي
هزت رأسها بنفي وهي تستكمل حديثها : قالي اخرجي يامرام عايزك ...خرجت وكل صحابه عنيهم كانت بصالي بطريقه قذره وبالأخص واحد فيهم نظراته كانت مرعبه ،بابا قالي احضرله الشاي ،لتبتسم بتهكم: أصله بيحب الشاي بتاعي ،عملت الشاي ودخلت اوضه جوري اجيب الدوا بتاعها لأنها كانت تعبانه ،سمعت صوت ورايا لفيت لقيته بيبصلي بطريقه قذره زيه ،لف وقفل الباب بالمفتاح وقرب مني ،فضلت اصوت ...
توقفت وهي تشهق بعنف وقد ارتعش جسدها وهي تتذكر تلك الليله المآسويه والتي قلبت حياتها رأساً علي عقب ،وضع مروان كف يديه علي كفها وهو يهتف بشفقه : كملي
مرام وقد ارتعش جسدها اكثر من مجرد لمسته لتسحب يديها برعب وهي تهتف برجاء: متقربش
مروان وقد أشفق علي حالها ليهز رأسه ويهتف بنبره تشوبها الحزن: طب كملي
مرام بشهقات: اعتدي عليا ،اعتدي عليا وانا بصرخ واستنجد بحد ومحدش سامعني،عمل عملته وطلع من الاوضه يمشي وكأنه معملش جريمه ،بابا لما عرف كتم علي الموضوع بشويه ملاليم منه عشان مفضحهوش ،انا مش وحشه ،انا مش شمال
مروان ولأول مره ينطقها وبدون ادني غرور : انا اسف
مرام وهي تمسح دموعها بكف يديها كالاطفال وهي تهتف ببراءتها والتي سحرته وجعلت قلبه يدق بعنف :مش زعلانه ،ولو انت متضايق طلقني والله انا مش هزعل
مروان وهو يدير سيارته ويهتف بجمود جعلها تفتح فاهها بتعجب من تصرفه المتناقض تماماً عما حدث منذ ثواني بالتقريب ؟!
مروان : لا مش هطلقك مش مستعد اخسر ثروتي
قال جملته لينطلق بسيارته ومرام مازالت تحدق به بتعجب !!
........................................
انتي يابت المجنونه انتي بتعملي ايه ؟!
هتف بها "حازم" بجنون وهو يتوقف بسيارته لتصدر صرير عالي وهي تحتك بالأرض ....
جوري وهي تصرخ بأعلى صوتها : عااااااااا الحقوني انا مخطووووفه
حازم بغضب وهو يجذبها من ذراعيها بعنف:اخرسي خالص
جوري وهي تصرخ بصوت اعلي : عااااااااا الحقوني ياناااس
ولسوء الحظ كانوا بالقرب من كمين ليقترب منهم الظابط وهو يهتف بحده: في اي يا انسه ؟!
جوري وهي تهتف بتوسل: الحقني ياحضره الظابط الحيوان ده خاطفني
الظابط وهو يلتف الي حازم والذي يقبع خلف مقوده ببرود ليهتف بحده : اسمك ايه يالا ؟!
حازم وهو يخلع نظارته السوداء ويترجل من السياره وهو يعدل من وضع سترته ويهتف بجمود : يالا !!
الظابط بغضب: اه يالا مالك فارد جناحاتك ليه ؟! وبتخطف بنات الناس ليه مفكر محدش يقدر يحميها ؟ انت متعرفش انا مين ولا ايه ؟
حازم وهو يبتسم ابتسامه لا تمس للمرح بصله وهو يجذبه من تلابيبه ويهتف بصوت جهوري: لا الظاهر انك انت اللي متعرفش انا مين ؟ سياده الرائد حازم السلطان تعرفه ولا تحب اعرفهولك بنفسي !
الظابط وهو يزدرد ريقه بتوتر: ا آانا اسف يا سياده الرائد مكنتش اعرف ياباشا والله اعذرني
نفضه حازم بغرور وهو يهتف بخشونه: لولا اني مش فاضي كنت وريتك شغلك
صعد السياره وهو يتطلع الي جوري والتي انكمشت في نفسها عندما علمت هويته .....
حازم وهو يقود بسيارته ويهتف بهدوء تعجبت هي منه وعقدت حاجبيها بدهشه : انا خاطفك؟!
جوري وهي تزدرد ريقها وقد تكونت حبات العرق فوق جبينها لتُهرول الحروف من فوق لسانها وتحدق في حدقتيه والتي اخترقت حدقتيها لتري جهنم
حازم بحده: ردي انا خاطفك !
جوري وهي تهز رأسها بسرعه : لا
حازم بغضب وهو يضرب المقود بعنف: اومال ايه اللي انتي عملتيه ده ؟! انا لا طايقك ولا طايق ابص في وشك وزي مانتي مجبوره انا كمان مجبور عشان مش مستعد اخسر ثروه بسبب واحده زيك !
جوري بغضب: ومالها بقي الواحده اللي زي
حازم وهو يركن سيارته في مكان خالي من الماره ويهتف بحده : الواحده اللي زيك مش استايلي ياست هانم بصي لنفسك في المرايه عامله ازاي ....بصي يابت ممدوح انا وافقت اتجوزك عشان اخد ثروتي وبس مش عشان سواد عيونك ...ده اولا ،ثانياً أن كنتي فاكره اني ممكن احبك تبقي غلطانه لاني زي ما قولتلك مش استايلي اشكالك !
جوري وهي تفتح باب السياره: وانا مش هقبل اكمل مع واحد شايفني رخيصه اوي كده
وكادت أن تهبط ليقبض علي معصمها بعنف وهو يجذبها ويضغظ احدي الازرار ويغلق الباب وهو يهتف من بين أسنانه: لا ياحلوه مش بمزاجك مضطره تكملي غصب عنك
جوري بغضب وقد هبطت دموعها رغماً عنها: لا مش مضطره ومش عايزاك طلقني
حازم وهو يكمل قيادته ببرود: مانا قولت مش مضطر اخسر فلوس بسببك
جوري بتعب وهي تستند برأسها علي زجاج السياره : وانا مش مضطره اكمل مع واحد مش عايزني ...هكرهك في نفسك وهخليك تطلقني
حازم وهو يبتسم بسخريه : هه كان غيرك اشطر ياحلوه
تطلعت إليه بحقد وهي تتوعد له
......................................
وصل مروان ومرام أولاً الي قصر السلطان لتفتح ابواب القصر علي مصرعيها ليدلف مروان بسيارته في الرواق الطويل المؤدي الي القصر ....فتحت مرام عينيها علي مصرعيها بدهشه من تلك الجنه والتي دلفت إليها فهي لم ترِ جمال كهذا من قبل ....قصر ضخم ذو ثراث راقي وثلاث طوابق بالتأكيد كل طابق كمنزل كبير ...حديقه رائعه تخطف الأنفاس بزهورها الملونه وخاصه زهره الجوري والتي تعشقها ....
ركن مروان سيارته وهو يهتف بلامبالاه لتلك المندهشه بجانبه:يالا
لم يتلق رد وانما وجدها كصنم ليهزها هزه بسيطه وهو يهتف بأسمها
مرام بفزع: ايه
مروان بسخريه: ايه مالك ؟ اول مره تشوفي قصور مش كده
مرام وهي تبتلع إهانته بكسره: اه
مروان وهو يترجل من سيارته : يالا
ترجلت مرام وقد سقطت دمعه حارقه من عينيها وفي ذاك الوقت قد وصلت سياره "حازم" ليترجل منها وتترجل جوري وهي تهرول نحو مرام وتندفع الي أحضانها وتبكي بعنف
مرام بقلق: مالك في ايه ؟!انت عملت ايه في اختي !
حازم ببرود: معملتش حاجه
جوري وهي تشهق بعنف: انا عايزه امشي من هنا مشيني من هنا يامرام اهئ
مروان بحده: بقولكوا ايه احنا مش فاضين للكهن ده يالا ادخلوا بقي ديه كانت جوازه مهببه علي دماغنا .....
........................................
في سياره "سالم" كان يقود سيارته والصمت سائد بينهم و"تاليا" تتطلع الي الطريق بلهفه وشغف وكأنها لأول مره تري طريق ....بينما سالم يتطلع إليها بطرف عينيه وهو يتعجب من تلك الطفله الكبيره فهي تتبين فتاه ناضجه بينما تصرفاتها لا تتناسب مع هيئتها تماماً
سالم وهو لم يتطلع إليها ليهتف بسخريه: مالك فرحانه ليه كده اول مره تشوفي طريق
تاليا وهي مازالت تتطلع بلهفه : اه
سالم وهو يعقد حاجبيه بتعجب: نعم؟
تاليا بحزن: مكنش بيخليني انزل مكان لوحدي ...بس كان بيخليني ارقص قدامهم
سالم وهو يتوقف مره واحده لترتد الي الامام وهي تصطدم بالسياره ....
سالم بغضب: نعم بترقصي قدام مين؟
تاليا بخوف وهي تزدرد ريقها : ف في ايه
سالم بغضب اكبر : ردي كان بيخليكي ترقصي قدام مين ؟
تاليا بخوف ودموع : صحابه ...بس والله انا مكنتش عايزه والله كان بيضربني عشان ارقص متضربنيش والنبي
سالم وقد أشفق حالها ليجذبها الي صدره وهو يربت علي ظهرها برقه : خلاص اهدي ...اهدي مش هضربك خلاص
تاليا وهي ترفع وجهها وتهتف بدموع : بجد
سالم بحنان: بجد
تاليا وهي تبتعد عنه بخجل وقد احمرت وجنتيها : ش شكراً
سالم بمكر: وهو في حد بيقول لجوزه شكراً
تاليا بتوتر: هه هو احنا قربنا ولا لسه كتير لاني تعبانه
سالم بضيق من تصرفها: قربنا
تاليا : اوك ...
بعد دقائق وصلوا الي القصر لتفتح فاهها كالاطفال وهي تلتف وتدير رأسها بلهفه تُمتع عينيها بجمال المنظر
تاليا وهي تصفق بفرحه: الله انا هعيش هنا
سالم وهو يبتسم بهدوء : اه
ابتسمت وهي مازالت تتطلع الي كل ركن في تلك الحديقه الرائعه لتهتف بلهفه: بحب اوي ورد عباد الشمس بحسه من الحاجات النادره الجميله في الطبيعه
سالم بدون وعي :زيك
احمرت وجنتيها خجلا من ذاك الاعتراف المباشر لتفرك اناملها بتوتر حتي وصلوا الي اخر الرواق ليركن سيارته وهو يترجل ويلتف اليها ليفتح لها باب السياره لتبتسم برقه : شكراً
سالم بجمود: هتقدري تمشي؟!
تاليا وهي تتكأ علي السياره بتعب: هحاول
شهقت بعنف وهو يحملها لتتشبث في رقبته بخوف وهي تهتف بتذمر: انت بتشلني ليه نزلني
سالم ببرود: اسكتي
تاليا بضيق: ب..
سالم بحده: اسكتي
تاليا وهي تتأفف: طيب
دلف سالم وهو يحمل تاليا لتجد اشقاءها وطارق وشخص آخر ...
تاليا وهي تهبط وتهتف بدموع وصدمه : م ماما !!
........................................
صدمات صدمات من غير اسباب 😂😂😂🙄
#إيمان_شلبي
#قصر_السلطان
#البارت_الخامس
سالم بصدمه : نعم ماما مين ديه عمتو
نهض طارق وهو يتطلع الي الجميع بطرف عينيه ليري الشيئ ونقيضه في حدقتيهم ...مرام صامته دموعها تنهمر بصدمه ولكن هناك طيف يبتسم من بين دموعها ....جوري تحدق في الفراغ بصمت تام ملامحها خاليه من اي مشاعر ...بينما تاليا والتي استندت علي سالم وهي تترنح بصدمه فمن تقف أمامها والدتها ! احقاً هي ام شبيهتها ...دارات الاسئله في عقلها وكل سؤال يليه الآخر كيف متي لماذا ...حقاً انها حيره وصدمه في ذاك الوقت !
طارق وهو يكسر الصمت ويهتف بهدوء مريب : احب اعرفكوا ياولاد السلطان ....بنات عمتكوا
مروان بصدمه : نعمم مين دول اللي بنات عمتنا؟!
طارق وهو يرفع حاجبيه الأيسر ويعقد ذراعيه أمام صدره: جوري وتاليا ومرام ولاد عمتكوا
حازم بجنون: يعني ايه ولاد عمتنا ...انت عايز تجننا ازاي وامتي وهي عمتو مش ولادها ماتوا زي ما قولتلنا؟!!
طارق وهو يغمض عينيه ويهتف بغموض: ده اللي كنت بقوله عشان اقدر اوصلهم وارجعهم لعمتكوا
مرام وهي تنهض وتهتف بحشرجه: ليه ...ليه ياماما ...ليه كل السنين ديه مفهمانا انك ميته وسايبانا عند الحقير ده يبيع ويشتري فينا ؟!
لم تنطق بحرف وانما انهمرت دموعها وهي تضع يديها ثوب فمها تكتم شهقاتها ....
طارق : امك كانت فاقده الذاكره يامرام ...ولسه الذاكره راجعالها من اسبوع ..
سالم وهو يبتعد ويهتف بعصبيه: انا مش قادر اصدق ...حقيقي مش مصدق ازاي بين يوم وليله نطلع عندناعمه ونقول ماشي ونعديها ...إنما يبقي عندنا ولاد عمه لا بقي انت كده بتحور علينا ومش بعيد تكون انت مش ابونا كمان !
التف وجهه الي الجهه الأخري اثر صفعه طارق والتي تردد صدي صوتها في القصر بأكمله ليهتف طارق بعصبيه: اخرسي قليل الادب انا معرفتش اربيك ولا انت ولا اخواتك ....القصر ده بقي بتاعهم وهما من حقهم يعملوا في اللي هما عايزينه ومحدش فيكوا يعترض واللي هيعترض انا اللي هقفله ...
سالم بغضب : اشبعوا بالقصر انا مش قاعدلك فيه
خرج سالم بغضب وهو يصفع الباب خلفه ..
مروان بغيظ: بس القصر ده بتاعنا احنا ...احنا اللي تعبنا وشقينا عشان نعمله
طارق : متنساش انهم ولاد عمتك يعني الثروه اللي جدك سابها هما ليهم فيها ....يعني هما مش ولاد شحاتين هما من عيله السلطان دلوقتي يابشوات ....
حازم بغضب :عايز تفهمنا أن دول ليهم نصيب من الثروه ؟!
طارق : اه
مروان : اقدر افهم حضرتك ليه خليتنا نتجوزهم؟!
طارق : عشان اقدر أخدهم من ممدوح ...اللي عايز يطلق مراته يتفضل ...ولاد اختي مش بيفرضوا نفسهم علي حد ! والف حد يتمناهم
مروان بتهكم : هه ميعرفوش اللي فيها
طارق بشك: قصدك ايه؟!
مروان وهو يتطلع الي مرام والتي رفعت وجهها المنهمر بالدموع ليهتف ببرود وغموض: وعلي ايه اللي بيستر انسان ربنا بيستره
حازم لجوري والتي مازالت شارده: انتي طالق
طارق ببرود: اتفضلوا يالا
مروان وهو يعقد حاجبيه بتعجب: انت بتطردنا عشان دول ؟!
طارق بحده: في شغل في الشركه متوقف اتفضلوا علي الشغل ..
مروان بضيق : طيب
خرج كلاً منهما الي وجهته ليتجه طارق نحو الاريكه وهو يقبع فوقها ويهتف بهدوء: انا عارف ان انتوا مصدومين من كل اللي حصل وبتسألوا ازاي ...ليتنهد طويلاً وهو يتذكر ما حدث منذ ثلاثون سنه بالتقريب
فلاش باك
لا يابابا انا هتجوزه يعني هتجوز يا ممدوح يا بلاش جواز خالص !
محمود وهو يصفعها بعنف: بتعصي كلام ابوكي يابنت الكلب ....
جميله بعصبيه: انا مش بعصي كلامك انا بحبه وهتجوزه
طارق وهو يقترب منها ويجذبها من خصلاتها بعنف: انتي محدش قادر عليكي ولا ايه ده انا ادفنك حيه هنا ....مفيش جواز من ممدوح بتاع النسوان الصايع وده اخر كلام ياجميله !
جميله بدموع وعصبيه : وانا مش هتجوز غيره يأما هقتل نفسي
طارق بقسوه: اقتلي نفسك برضو مش هتتجوزيه
جميله وهي تتجه نحو المطبخ وتأتي بسكين وهي تضعها علي معصمها وتهتف بعصبيه: ياتوافق ياهقتل نفسي بجد
محمود بقلق: نزلي السكينه ديه ...متضيعيش نفسك يابنتي ده مش شخص كويس حرام عليكي نفسك ليه تتجوزي واحد فاسد وانتي دكتوره في الجامعه حرام عليكي
جميله وهي تهز رأسها بندم : عشان مينفعش غيره ...مينفعش
طارق بغضب: ليه ماسك عليكي ذله؟!
جميله بشهقات وهي تهتف برجاء: وافق يابابا عشان خاطري وافق ....
محمود : لا لاااا ...انتي متعرفيش هو عمل ايه ...ممدوح ضيع بنات كتير اوي يابنتي ...ده واحد صايع وفاااسد حرام عليكي
جميله بصراخ ودموع : انا من ضمن البنات اللي ضيعهم
محمود وهو يضع يديه ثوب قلبه: ا انتي بتقولي ايه ؟!
جميله وهي تهتف بندم : ا انا اسفه ...غصب عني هو ضحك عليا
طارق وهو يتقدم منها ويجذبها من خصلاتها وهو يوجه لها الصفعات واحده تلو الآخري وهي تصرخ وتستنجد ولكن لا حياه لمن تنادي وكأنهم في صحراء خاليه من البشر تماماً
محمود بضعف وتعب: ط طارق خلاص يابني سيبها ...عشان خاطري
طارق وهو مازال يكيل لها الصفعات بغضب: انا هقتلها ...هقتلها اللي حطت راسنا في الطيين
محمود وهو يتنفس بصعوبه : سيبها ياطارق ....الحقني يابني
طارق وهو يقترب منه بقلق: بابا في ايه ؟!
طارق بتعب : وديني المستشفي
بااك
طارق وهو يتنهد ويهتف بتذكر : ساعتها اخدت بابا المستشفي واخد نفس وطلعنا ...لما رجعنا البيت ملقناش جميله هربت مع ممدوح ومن ساعتها مشوفناش وشها ...دورت عليها كتير بس هوصلها ازاي وابوكوا مغير اسمها ...
مرام بدموع: ياريتك سمعتي كلامهم ياماما ....ياريتك
جميله وهي تنطق بدموع: كان غصب عني يابنتي ...غصب عني ابوكي ضحك عليا وضيعني ...
جوري وهي تنطق بعد صمت : ليه كذبتي علينا وعملتي ميته؟!
جميله بضعف: عشان اهرب من ابوكي ...عشان تعبت من الذل والاهانه ...تعبت منه ومن عيشته
تاليا بدموع: هان عليكي تسبينا وتمشي ...ليه مأخدتناش معاكي ليه
جميله بندم: انا اسفه ...اسفه والله ساعتها فكرت الف مره قبل ما اعمل كده ...فكرت لو هربت بيكوا انتوا التلاته هيقدر يوصلنا باي طريقه ...كنت تعبت تعبت وبموت ومحدش حاسس بيا ..ممدوح مع اول اسبوع جواز بدأ يبان علي حقيقته ...كان يضربني لما يعدمني العافيه وفي الاخر يجي يعيط ويقولي اسف وبحبك ...وانا من غبائي اسامحه ...فضل الحال ده لحد ما جبت تاليا ...سامحوني
مرام : فقدتي الذاكره ازاي
جميله:وانا بهرب عملت حادثه ولحسن الحظ خالك كان اللي خابطني ..
تاليا وهي تندفع نحو احضانها: وحشتيني اوي ياماما
جميله وهي تضمها بقوه: وانتي كمان وحشتيني ...سامحوني ياحبايبي سامحوني
اندفعت نحوها مرام وأيضاً جوري لتضمهم بدموع وهي تعتذر عما بدر منها ...
طارق بمزاح: بس بناتك حلوين زيك ياجميله..الحمد لله محدش فيهم طلع لممدوح
جميله وهي تبتسم وتضمهم الي صدرها بقوه: الحمد لله
تاليا وهي تبتعد وتهتف بعفويه: بس عيالك محدش فيهم شبهك ياخالو ...عليهم كميه غرور وقله ذوق مش طبيعيه
جميله بتوبيخ: تاليا عيب
طارق وهو يقهقه بشده: ههههه سيبيها ياجميله هي مقالتش حاجه غلط...انا ولادي فعلا متربوش
جوري بغيظ: وبالذات اللي كنت متجوزاه الحمد لله أنه طلقني
طارق : أن جيتوا للحق عيالي متربوش اصل أمهم ماتت وهما صغيرين وانا مكنتش فاضي اربيهم
تاليا بضيق: وانا كمان عايزه اتطلق
طارق : عيوني هخليه يطلقك ....وانتي يامرام لو عايزه تتطلقي قوليلي عندي ليكي عريس احلي من الواد مروان ده وهيحطك في عنيه
مرام وهي تفرك اناملها بتوتر: هه ...لا ياخالو ا انا موافقه اكمل معاه
جوري : معقوله يامرام ..موافقه بعد الاهانه اللي اهانهالك ديه؟!
مرام بدموع : انتي عارفه اللي فيها ياجوري
جميله بقلق: في ايه يامرام ؟!
مرام وهي ترتمي في صدر والدتها لتضمها بقوه: انا حامل ياماما
جميله: ايه !! حامل انتي اتجوزتي
هزت مرام رأسها بنفي لتسرد لها ما حدث بالتفصيل وشهقاتها تزداد ...
جميله وهي تضمها وتبكي حال ابنتها وما حدث لها علي يد ذاك الحقير : حسبي الله ونعم الوكيل ...منك لله ياممدوح
طارق وهو يقور قبضه بغيظ: وحياه امي لهدخلك السجن ياممدوح
جميله : طارق ممكن اطلب منك طلب !
طارق: اتفضلي
جميله: ممكن نعمل فرح لمروان ومرام ...نعلن أنهم اتجوزوا بس وبعدين لو حابب يطلقها براحته بس عشان بنتي متتفضحش ابوس ايدك
طارق : حاضر ياجميله ...يالا انا هروح اجيب "مروه" من النادي
تاليا :مروه مين !!
طارق بقرف: مراتي
جوري: ومال حضرتك مش طايقها ليه كده!
طارق بغموض: عادي ...عن اذنكوا
خرج "طارق" لتهتف جميله وهي تنهض بفرحه لأنها استطاعت أن تجد بناتها مره اخري بعدما فقدت الامل في عودتهم الي أحضانها : تعالوا افرجكوا علي القصر
........................................
في شركه السلطان وخاصه في مكتب مروان كان يقبع خلف مكتبه وهو يستند بيديه فوق المكتب ويهتف بغيظ لشقيقه حازم : بقي الشحاتين طلعوا ليهم في الورث؟؟
حازم وهو يقضم أظافره بغيظ: والله ما هسيبهم يتهنوا ...احنا اللي تعبنا عشان نحافظ علي الثروه ديه ميجوش هما وياخدوا كل حاجه علي الجاهز كده !
مروان : سالم راح فين ؟!
حازم: اكيد في المكان بتاعنا
مروان وهو يلتقط مفاتيح سيارته وهاتفه وينهض: طب يالا
حازم بتعجب: يالا علي فين ؟!
مروان: هنروح احنا كمان مش طالبه معايا بشغل
حازم: بس بابا لو عرف هيطين عيشيتنا ...مفيش غيرنا في الشركه
مروان ببرود: يعرف ولا ميعرفش هتيجي معايا ولا اروح لوحدي؟!
حازم : هاجي يالا
........................................
يعني ايه يامروة مش هتيجي ؟!
هتف بها طارق وهو يقبع أمام زوجته والتي هتفت ببرود : يعني مش هاجي طول ما الشحاتين دول في البيت
طارق بغضب: مروه احترمي نفسك دول ولاد اختي يعني ولادي
مروه بغرور: اوك يا انا ياهما
طارق وهو يعقد حاجبيه بدهشه: انتي بتقايضيني؟!.
مروه وهي تضع ساق فوق الاخري : اه
طارق : تمام ...وانا مش هتخلي عن ولاد اختي
مروه بصدمه : يعني هتتخلي عني ؟!
طارق ببرود: انا متخلتش عنك انتي اللي مش عايزه تيجي القصر
مروه بعصبيه: ايوه انا مش هقدر اتعايش مع الناس البيئه ديه !
طارق بحذر: مرووة ...متنسيش انتي منين
مروه بدموع مزيفه: انت بتعايرني ياطارق اني كنت فقيره !
طارق : مش بعايرك بس متنسيش اننا كلنا ولاد تسعه
مروة وهي تنهض وتلتقط حقيبتها : اوك انا مش هروح البيت ياطارق سلام
طارق بحده: لو مشيتي اعتبري نفسك متحرمه عليا ليوم الدين ...ورقه طلاقك هتوصلك بكره بالكتير
مروة وهي تلتف بصدمه وتهتف بتوتر: هتبيع مراتك عشان ولاد اختك ياطارق!
طارق ببرود: لما مراتي متحترمش اختي وعيالها يبقي ابيع الدنيا بحالها ...الزوجه بتتعوض إنما الأهل عمرهم ما يتعوضوا أبداً
مروة وهي ترفع رأسها بشموخ: يبقي طلقني
طارق : انتي طالق بالتلاته ...ورقتك هتوصلك بكره
قال جملته ببرود شديد وهو ينهض ويسير بجانبها متجهاً نحو سيارته ويبتسم براحه وكأن هناك جبل وانزاح من فوق قلبه ...
مروه بغيظ: ماشي ياطارق...انا هوريك انت وولاد الشحاتين
........................................
في المساء وخاصه في قصر السلطان كان الجميع في غرفته فيما عدا "مرام" والتي فضلت المكوث في حديقه القصر وخاصه أمام زهره الجوري والتي تعشقها ....التقطت زهره وهي تتحسسها بحب بينما دموعها تهبط فوقها وكأن الامطار هبطت فوق الزهره لتعطي لها بريق من نوع خاص ....
وصل مروان أولاً في تلك اللحظه وهو يسير بسيارته بينما تترنح سيارته يمين ويسار كحاله فكيف يسير بها وهو ليس في حال جيد من تلك الخمور والتي شرب منها بكميات كبيره ولأول مره يفعلها ....فهو يشرب القدر الكافى والذي يجعله في وعيه ولكن اليوم مختلف ...
استمعت مرام الي صوت سيارته لتلتف بفزع فهي كانت شارده تتحدث مع الزهره وكأنها شخص تشكي له ما تشعر به ...
ترجل من سيارته ليجدها تتطلع إليه وقساماتها تتضح عليها الفزع ...
مروان وهو يقترب منها ويهتف بتوهان: ه هو الورد قاعد مع الورد بيعمل ايه ؟!
مرام بتوتر وهي تنهض وتبتعد عنه: انت بتقول ايه انت سكران؟!
مروان وهو يقترب ويهتف وهو يفتح عينيه نصف فتحه: لا سكران ايه ...انا في وعي جداً اوي خالص
مرام وهي تبتعد خطوه الي الخلف وتهتف بذعر: انت بتقرب ليه طيب ...ابعد لو سمحت
مروان : وهو حد يشوف القمر ويبعد وده كلام ؟!
مرام بصراخ: مروان انت مش في وعيك ابعد
مروان بهيام: هو انا اسمي حلو كده ...يانهار قمر ...تعالي بس انا هقولك حاجه
مرام وهي تدفعه بعنف :ابعد كده
كادت أن تهرول من امامه ليجذبها من معصمها لتصطدم بصدره الصلب لتتسع عينيها علي وسعيهما وهي تدفعه بدموع: ابعد عني ...عااااااااا
مروان وهو يحكم قبضته علي خصرها ويقرب وجهه من وجهها وانفاسه تلهف وجهها: اهدي مش هعملك حاجه
مرام وهي تتلوي بين ذراعيه بدموع: والنبي سيبني
مروان بهدوء: مالك خايفه مني ليه ....ده انا مروان السلطان عارفه يعني ايه يعني اي واحده مكانك تتمني قربي !
مرام بغضب: انا مش عايزه قربك سيبني يااخي بقي
مروان وهو يضغط علي خصرها بعنف: انتي مراتي وانا حر
مرام وهي تأن بألم: طلقني انا مش عايزه أكمل
مروان ببرود: تؤ تؤ مبطلقش
مرام بغضب: انت عايز ايه مني !
مروان : عايزك ...ولا هو وحش ليا وحلو لغيري
مرام بدموع: انت عارف أنه غصب عني حرام عليك بقي
مروان بتهكم: وفكرك صدقت الحوار بتاعك ده ؟! تبقي هبله
مرام وهي تدفعه بقوه اكبر ليترنح : صدق ولا عنك ما صدقت ...انت بني ادم حقير ومفيش عندك رحمه حسبي الله ونعم الوكيل فيك
مروان بغيظ وهو يجذبها من خصلاتها ويقرب وجهه من وجهها وهو يهتف بصوت جهوري: بتشتمني ياشحاته يابنت الشحات؟!
مرام وهي تضع قبضتها فوق قبضته وتحاول الفكاك : ابعددد
مروان بغيظ: ماشي ...بس انا مش هطلق ويكون في علمك جوازنا هيبقي فعلي
مرام بذعر وتوتر: ده علي جثتي مش هسمحلك
مروان وهو يبتسم ابتسامه لا تمس للمرح بصله: لا مش بمزاجك ياقطه
مرام وهي تقضم أصابعه ليفك قبضته من فوق خصلاتها وهو يأن بألم: آااه يابنت ال***
هرولت من أمامه وهي تبكي وترتعش بخوف لتتجه نحو غرفتها وتغلقها بقوه وهي تستند بظهرها علي الباب وتقبع ارضاً وهي تضم ركبتيها الي صدرها وتشهق بعنف وهي تتذكر تلك الليله كلما اقترب منها شخص فها هي أصبحت عقده بالنسبه لها أن يقترب منها اي شاب
.......................................
في الصباح نهضت تاليا أولاً لترتدي ملابسها والتي عباره عن هوت شورت ابيض وكنزه حمراء كات وتركت لشعرها الاشقر الطويل العنان ليصل الي ما بعد خصرها ...وقفت أمام المرآة تضع احمر شفاه وترسم عينيها بكحل اسود لتعطي لها بريق خاص مع لون عينيها الزرقاء فكأنها لوحه مرسومه وليست فتاه حقيقيه .....انتهت وهي تلتقط هاتفها وتهبط الي الاسفل فلم تجد أحد لتتجه نحو الحديقه وهى تتجه نحو زهرتها المفضله عباد الشمس لتبتسم براحه وهي تتطلع إليها بشغف ...استمعت إلي صوت سياره لتلتف وهي تتطلع لتجدها سيارته ...اختبئت خلف احدي الأشجار وهي تهتف بخفوت: هو ايه اللي جابه الاهبل ده مش كان قال " اشبعوا بالقصر انا مش قاعدلك فيه" لتقلد صوته بسخريه وهي تشيح بيديها وتقلب عينيها بأستهجان
ترجل من سيارته بغرور كعادته لتبتسم تاليا بمكر وهي تلتقط صخره صغيره من الأرض لتقذفه بها في ظهره لتختبئ سريعاً خلف الشجره
سالم وهو يأن بألم : آاااه ...ليلتف خلفه وهو يبحث عن المصدر فلم يجد أحد
سالم بألم : ااه ظهري مين جت منين الطوبه ديه
تاليا وهي تحاول أن تكبت ضحكاتها : ههه احسن احسن ..لتهتف بوعيد : ده انا هوريك ايام عنب علي اللي عملته فيا يابن السلطان صبرك عليا
شهقت بعنف وهو يجذبها من معصمها ويهتف ببرود: وياتري بقي هتعملي ايه يابنت عمتي؟!
تاليا وهي تزدرد ريقها وتهتف بتوتر: ا انت شوفتني ازاي
سالم بتهكم: اصلك هبله ...اه والله مش عارفه تستخبي في حته مكشوفه عن كده شويه
تاليا بتوتر: استخبي ايه ...وانا هستخبي منك ليه يعني خايفه منك !
سالم وهو يرفع حاجبه الايسر ويهتف باستهجان: مثلا
تاليا بغضب: وانا هخاف منك ليه يعني ...بقولك ايه سيب ايدي
سالم وهو يضغط علي معصمها بعنف ويهتف بغيظ: هسيب ايدك بس مش قبل ما تتعاقبي علي اللي عملتيه
تاليا بذعر: ه هتعمل ايه والله لو عملت اللي في دماغي هصوت والم عليك الدنيا
سالم وهو يقترب منها ويهتف بمكر: وايه اللي في دماغك !!
تاليا وهي تبتعد وتهتف بحذر: ابعد
سالم وهو يقضم معصمها بعنف : مش قبل ما سناني تعملك ساعه حلوه علي ايدك
تاليا وهي تصرخ بألم: عااااااااا
سالم وهو يبتعد ويغمز لها ويرمي لها قبله في الهواء : اتمني عقابي يفكرك انا مين
تاليا وهي تجز علي اسنانها بعنف لتلتقط بعض من الصخور وهي تهتف بغضب وهي تقذفه بهم: واتمني دول يفكروك انا مين
سالم بوجع وهو يهرول : اااه يابت المجنونه
تاليا وهي مازالت تهرول خلفه : والله ما هسيبك
سالم وهو يهرول ويلهث بعنف: اهدي بقي خلااص اهدي
كادت أن تكمل ما تفعله ليستمعوا الي صراخ لتتسع عينيهم بقلق
تاليا وهي تلهث: ايه ده في ايه ؟!
سالم وكان شيئ لم يكن : مش عارف تعالي نشوف
دلفوا الي القصر ليجدوا طارق يصفع حازم وهو يهتف بصراخ: ادي آخره دلعي فيكوا ياشويه زباااله
سالم بقلق : في ايه !
طارق بغضب: تعالي شوف المحترم اخوك ...كان هيعتدي علي بنت خالته الزباله
حازم بكذب: انا معملتش حاجه ...هي اللي قالتلي تعالي الاوضه عندي وانا سكران ومش حاسس بنفسي
جوري ببكاء: كذاب حرام عليك والله العظيم ما حصل هو اللي دخل الاوضه بتاعتي والله اهي
طارق بحزم : اعمل حسابك انت واخوك فرحكوا يوم الخميس علي جوري ومرام ....
..........................................
تعليقات
إرسال تعليق