رواية قصر السلطان الفصل السادس والسابع والثامن والتاسع والعاشر بقلم إيمان شلبى كاملة
رواية قصر السلطان الفصل السادس والسابع والثامن والتاسع والعاشر بقلم إيمان شلبى كاملة
#قصر_السلطان
#البارت_السادس
حازم : نعم انا طلقتها استحاله ارجعها تاني!
طارق بغضب: هترجعها ونعمل فرح ورجلك فوق رقبتك
حازم بعصبيه: انت مش قولت اللي عايز يطلق مراته يطلقها؟!
طارق: اه ...بس عملتك المهببه خلتني اغير رأي ..
مروان بغيظ: انا مش هعمل افراح ...كفايه اني رضيت اكمل معاها في الجوازه ديه !
طارق بحزم ونبره لا تقبل النقاش: الفرح يوم الخميس مفيش نقاش في الموضوع ده تاني
جوري ببكاء: خلاص ياخالو ...انا مش هفرض نفسي عليه
طارق بحذر: جوري ..مش عايز اسمع كلمه
حازم بتهكم : مش هفرض نفسي عليه ...انتي كذابه وتتمني ارجعك ليا عشان تلهفي كل حاجه لوحدك ثروتك وثروتي ..انا عارف البنات اللي من عينتك
جوري بعصبيه: انت بني آدم زباله حسبي الله ونعم الوكيل فيك ...وانا مش هتجوزك ولا عايزاك ...لو سمحت ياخالو انا مش عايزه اتجوزه ارجووك
طارق بضيق : تمام ياحازم لا انت ولا اخواتك ليكوا مكان في البيت ده
مروان : يعني ايه يابابا ...انت بتطردنا
طارق ببرود: اه بطردكوا ...يالا برا
كادوا أن يخرجوا ليهتف طارق ببرود: كل واحد فيكوا يسيب الكريديت والعربيه بتاعته ومش عايز اشوف وش حد فيكوا في الشركه تاني
سالم بصدمه : يعني ايه هترمينا في الشارع ؟!
طارق: عايز افكر كل واحد فيكوا اصله ايه !
حازم : يعني ايه
طارق : يعني زي ما سمعتوا ....اتفضلوا ياولاد السلطان ...وروني بقي هتبقوا رجاله وتعتمدوا علي نفسكوا ولا السلطان مخلف شويه نسوان ....
مروان بغيظ: وايه علاقه ده بده
طارق: عقاب قله ادبكوا والانعره الكدابه بتاعتكوا
مروان بتحدي: ماشي يابابا ....احنا هنمشي بس يكون في علمك انت بتبني عداوه بينك وبينا بسببهم !
طارق وهو يلتف ويهتف ببرود شديد: بالسلامه
خرج الشباب بغيظ بينما الفتيات تفتح فاهه بصدمه وفرحه في نفس الوقت
تاليا بعفويه: تحيا خالو تيحا خالو
مرام بتوبيخ: تاليا
تاليا ببراءه: انا عملت ايه بس ..بصراحه كده خالو عنده حق اصلهم مغرورين اوي
جميله بهدوء: ليه كده ياطارق دول عيالك برضو مكنش ينفع تعاقبهم كده !
طارق بحزن: اسكتي ياجميله انتي متعرفيش حاجه انا بربيهم
جوري بدموع: خالو صدقني انا معملتش حاجه والله
طارق وهو يضمها ويقبل اعلي رأسها: انا عارف ياحبيبتي حقك عليا
.......................................
في الخارج كان يسير مروان وبجانبه حازم وسالم صامتين وبداخلهم بركان لو انفجر سيحرق الارض واليابس معاً
سالم بعصبيه: هنروح فين احنا دلوقتى لا عربيه ولا فلوس ولا اي نيله هنشحت علي اخر الزمن ؟!
مروان : مين معاه فلوس !
حازم : انا معايا ٥٠٠٠
سالم : وانا معايا ١٠٠٠
مروان بتفكير: وانا معايا ١٠٠٠٠....هنروح نبات في اي اوتيل لحد ما نشوف هنعمل ايه !
حازم بتهكم : ادي آخره مجئ شويه الشحاتين عندنا ...اترمينا في الشارع بسببهم !
مروان : حد فيكوا يعرف مكان قريب من هنا ؟!
سالم : للاسف هنمشي طريق طويل
حازم بغيظ: امرنا لله بس برضو مش همشي اللي في دماغ بابا ومش هتجوزها
مروان بشك: صحيح انت حاولت تعتدي عليها؟!
حازم بتوتر: هه لا طبعا ديه بت كذابه
مروان بصرامه: حااازم انت كنت هتعتدي عليها؟
حازم بقله حيله: كنت سكران ومش في وعي يامروان
سالم وهو يقبع فوق احدي الارصفه ويهتف بتعب: انا حاسس ان اللي احنا في ده عقاب من ربنا
حازم وهو يقبع بجانبه: واحنا عملنا ايه عشان نتعاقب؟!
مروان بندم: عملنا كتير ...يمكن عشان كده ربنا بيعاقبنا
حازم بتأثر: احنا للدرجادي وحشين ؟!
مروان وهو يقبع بجانبهم: تقريباً الفلوس غيرتنا ...خلتنا نعمل اي حاجه من غير خوف ولا حساب ...خلتنا منخافش ربنا ونعصيه ...تفتكروا ممكن ربنا يسامحنا؟!
سالم : أن الله غفور رحيم ...بس احنا لازم نثبت لبابا اننا قد المسؤليه واننا نقدر نعتمد علي نفسنا من غير فلوسه ولا شركاته
حازم بتهكم: واحنا هنعمل ايه يعني ؟! هنروح نشتغل عند حد واحنا اللي كنا بنشغل الناس عندنا؟!
مروان بثبات: وماله
حازم : نعم ؟! لا طبعا انا مش نشتغل عند حد انا كده كده ليا مهنه
كاد أن يتحدث ليهتز هاتفه معلناً عن اتصال ما ...التقطه من جيب سرواله وهو يتطلع الي الاسم وينتفض بتوتر ...
مروان بتعجب: في ايه؟!
حازم وهو يزدرد ريقه بتوتر: ده سياده اللواء ...اهو انا بخاف من. الراجل ده مش بيكلمني غير لو في مصيبه
سالم : طب رد اخلص
ضغط علي زر الرد ليهتف بتوتر: الو ازي حضرتك ياسياده اللواء
اللواء بجديه: ازيك ياحازم
حازم وهو يبتسم بتوتر: بخير يافندم
اللواء: حازم ...انت مفصول من الخدمه
حازم بصدمه : نعم ...ليه يافندم انا عملت ايه
اللواء ببرود: من غير ليه ...مع السلامه
اغلق الهاتف في وجهه ليقبع حازم وهو يهتف بصدمه : انا اتفصلت من شغلي
سالم : نعم ليه ؟!
حازم : معرفش
مروان وهو يمسح علي وجهه بغيظ: كملت ...بقينا لا شغله ولا مشغله
حازم بعصبيه: انا مش هسكت ...هما مش هيتمتعوا بكل حاجه لوحدهم واحنا مرمين في الشارع ...
مروان : هنعمل ايه يعني !
حازم بوعيد: نخطفهم ويعيشوا معانا مش هنعيش في الفقر لوحدنا
مروان : نعم نخطف مين انت اتهبلت ...وبعد ما نخطفهم ؟!
حازم بعقلانيه: مش ابوك عايزنا نعتمد على نفسنا ؟!
مروان بتهكم اه
حازم: واحنا عايزين نثبت ده
سالم وهو يلوي جانب فمه بسخريه: وايه علاقه ده بأننا نخطفهم؟
حازم : يعيشوا معانا في الفقر زي ما هنشوف فقر وذل هما كمان يشوفوا فقر
مروان: وهما هيوافقوا يعني....اسكت ياحازم متقولش افكار تاني
حازم بضيق: اومال هنهبب ايه ؟!
مروان وهو ينهض بتعب: نشوف مكان نتنيل في وبعدين نفكر قوموا
........................................
في المساء وخاصه في قصر السلطان كانت تقبع الفتيات في الخارج وهما يتحدثون
مرام بشفقه: صعبوا عليا اوي
جوري بغيظ: ميصعبش عليكي غالي ياختي خليهم يتربوا.
تاليا بشماته : فرحانه في الواد سالم اوي اخد حته قلم من أبوه عنب احسن احسن
الواد سالم هيديكي قلم عنب دلوقتي ياقطه
التفت تاليا وشقيقاتها بفزع لتجد الشباب يقفوا بملابس سوداء وملثمين ....
تاليا : عااااااااا حرامي عاااا
سالم وهو يضع يديه فوق فمها : اخرسي احنا مش حرامين
تاليا بخوف ونبره طفوليه : اومال ايه عفاريت !
جوري بغيظ: انتوا ايه اللي جابكوا مش خالو طردكوا من البيت ؟
حازم بغيظ : يابجحتكوا....قاعدين في القصر بتاعنا ومتمتعين وكمان بتتأمروا
جوري وهي تعقد ذراعيها أمام صدرها ببرود: اهو الغرور ده اللي وصلكوا لكده
مرام بهدوء : يالا يابنات ندخل
مروان وهو يبتسم ابتسامه صفراء: لااا نمشوا فين بس انتوا هتيجوا معانا
مرام باستنكار: نعم هنروح معاكوا فين؟!
مروان ببرود: مطرح مانروح ...هتيجوا معانا مش هنعيش في الفقر لوحدنا
انتوا ايه اللي جابكوا هنا ؟!
نطق بها " طارق" من خلفهم ليلتف الشباب بفزع وهما يتطلعون الي والدهم بحرج
طارق وهي يرفع حاجبه الايسر ببرود: مسمعتش ؟! ايه اللي جابكوا ...تكونوا فكرتوا في الموضوع كويس ورجعتوا لعقلكوا
مروان بسرعه : اه يابابا احنا موافقين
حازم بصدمه: نعم هو ايه آ
مروان وهو يقاطعه : اسكت انت ...بابا احنا فكرنا كويس ووافقنا ..بس عندنا شرط
طارق وهو يقبع ويضع ساق فوق الأخري ويهتف بتهكم : وياتري ايه شروط البهوات ؟!
مروان وهو يهتف بتلعثم : ا احنا مش هنتجوز هنا
طارق وهو يرفع احدي حاجبيه ويهتف بأستنكار: اومال هتتجوزوا فين في الشارع؟!
مروان : لا يابابا كل واحد ياخد شقه في اسكندريه وبس
طارق : بمعني؟!
مروان بثبات: مش حضرتك قولتلنا عايز تشوف انت مخلف رجاله ولا نسوان ؟!
طارق : اه
مروان : واحنا عايزين نثبت اننا رجاله ويعتمد عليها ...كل اللي طالبينه شقه واحنا علينا الباقي
طارق : اممم حلو تمام جدا ...يعني موافقين تتجوزوا بنات اختي؟!
سالم بضيق: ااه
طارق وهو يبتسم ابتسامه صفراء: تمام وانا مش موافق
مروان بصدمه: نعم ؟!
طارق: زي ما سمعتوا
حازم بغيظ: احنا مش ميتين في دباديبهم يعني
طارق بحده : اخرس خالص
مروان وهو يجز علي أسنانه: يعني حضرتك عايز ايه دلوقتي ؟!
طارق : عايز كل واحد يطلق مراته عشان خطوبتهم يوم الخميس علي ولاد عمكوا التلاته رجاله زي الفل ويعتمد عليها ...
مروان بغضب : وهتتجوز ازاي وهي حامل ؟!
طارق ببرود: ميخصكش مالك زعلان ليه ؟
مروان : وانا مش هطلقها
مرام وقد خرجت عن صمتها : وانا عايزه اتطلق
مروان بغيظ: مفيش طلاق
مرام بعناد: وانا هطلق...
مروان : لا
مرام بغضب : هتطلقني ولا ارفع عليك قضيه خلع !!
مروان وهو يجذبها من معصمها ويهتف من بين أسنانه : مش هطلقك
مرام بتوتر: ليه ؟! انت لا بتحبني ولا انا بحبك ليه مصمم
مروان بغضب : مين قال اني مش بحبك ؟
مرام : يعني ايه ؟
مروان بثبات: يعني انا بحبك من زمان
الجميع بصدمه : نعمممم
وحياه النبي محمد ما حد هيجبلي جلطه غير شويه المعاتيه دول 🙂🙂🤦♀️
#إيمان_شلبي
#قصر_السلطان
#البارت_السابع
مروان بثبات: زي ماسمعتوا بحبها من زمان
حازم وهو يحك أنفه بتعجب: بتحبها ازاي هو انت تعرفها اصلا يامروان ؟
مروان : اه
طارق بأستهجان: وتعرفها منين بقي من احلامك؟
مروان وهو يبتسم بهدوء: انت عرفت منين !
طارق بجنون : عرفت ايه !
مروان : ايوه اعرفها من الحلم كنت دايماً بحلم بيها قبل ما شوفها
مرام بسخريه : والله ليه مكشوف عنك الحجاب!
مروان وهو يبتسم ببرود: النصيب بقي اني اشوفك قبل ما نتجوز
تاليا بعفويه : كانت شبه الحلم بالظبط بالظبط!
مروان وهو يكبت ضحكته : جدا جدا ...حتي كانت تخينه كده
مرام بعصبيه : انا مش تخينه احترم نفسك
مروان بحده: لسانك ميغلطش يابت
مرام وهي تهوي علي الكرسي خلفها بتعب: خالو بقولك ايه انا مش موافقه اكمل مع البني ادم ده طلقني منه
طارق بسخريه : طلقها يااهبل في حد يكذب علي حد كذبه هبله زى ديه !
مروان بغيظ: مش هطلقها
مرام بغيظ اكبر : بقولك ايه انت هتطلقني ودلووووقتي والله لو ما طلقتني بكره الصبح هروح ارفع عليك قضيه
مروان بسخريه: طبعا هتلهفيلك كام الف من بابا ...اصل انتي هتجيبي فلوس منين !
مرام وقد هبطت دمعه ساخنه علي وجنتيها: ربنا يسامحك
مروان ببرود: انا مقولتش حاجه
طارق بعصبيه: برااا
سالم وهو يهبد علي الطاوله امامه: علي فكره ده بيتنا احنا مش هما
طارق وهو يدفعهم بعنف وعصبيه: بررااااا ياشويه صيع بررا يالي متربتووووش
مروان بعصبيه: ماشي هنطلع بس اعتبر انك ملكش ولاد من النهارده ...من دلوقتي لا انت ابونا ولا نعرفك عشان تبقي تكرشنا كويس
خرج مروان بغضب وخلفه حازم وسالم وبداخل كلاً منهما نيران تحترق ...
حازم وهو يركل صخره ارضاً بغضب : انا مش هسكت بقي ومش هخليهم يتهنوا
سالم : هنعمل ايه يعني!
حازم بشر: نفضحهم
مروان : نعم ...نفضح مين انت اتهبلت
حازم : مش بابا مش موافق نتجوزهم
سالم: احسن
حازم : لا مش احسن ...احنا هنتجوزهم عشان نذلهم
مروان بضيق: بس ياحازم تفكير الروايات ده الله يخليك
حازم بعصبيه: ده مش تفكير روايات ...احنا مينفعش نستسلم ونسيب فلوسنا يلهفوها لوحدهم
سالم بتفكير: عندي فكره
مروان بسخريه: اشجينا
سالم بشر: نخطف ولاد عمك يوم الخطوبه ...وبكده مش هيقدروا يحضروا وبكده ابوك هيبقي مش عارف يتصرف ولازم يعمل اي حاجه عشان تداري علي الموقف فيضطر يلجأ لينا واحنا بما أنه ابونا ومنرضاش يبقي شكله وحش قدام الناس هنوافق ونعمل العرسان وبعد ما الخطوبه تخلص نعتذر لابوك ونتكرم ونعتذر لشويه الجرابيع دول ونكون علي نفس خطه مروان كل واحد ياخدله شقه لوحده في اسكندريه ويشتغل ويعتمد علي نفسه ونعيشهم في الفقر معانا !
مروان وهو يمسح علي وجهه ويهتف بعصبيه: بقولكوا ايه محدش فيكوا يتكلم ايه الأفكار المتخلفه بتاعه العيال ديه ...محدش ينطق انا اللي هتصرف يالا نروح الاوتيل عشان نتخمد
........................................
في صباح يوم جديد حيث اشرقت الشمس لتُنير أنحاء العالم ....خاصه في قصر السلطان وفي تلك الغرفه الكبيره في الطابق الثاني والتي تخص تلك العفويه الصغيره "تاليا" حاولت أن تفتح عينيها لتستطع أخيراً أن تفارق جفنيها لتتثائب بقوه وهي تتطلع علي تلك الساعه أمامها لتجدها مازالت الثامنه صباحاً بالتأكيد الجميع يغرق في ثبات عميق ....نهضت لتتجه نحو المرحاض لتنعم بشوار دافئ ...لتخرج بعد فتره لتتجه نحو خزانتها وهي تلتقط ترنج اسود رياضي ...لترتديه وترفع شعرها على هيئه ديل حصان وتلتقط هاتفها وسماعات الرءس وهي تهرول الي الاسفل لتقرر أن تمارس رياضه الجري ...
ظلت تهرول وتهرول وهي تستمع الي موسيقتها المفضله وتدندن معها بأعلى صوت وكأنها عصفور وتحرر من سجنه ...
تاليا وهي تدندن بمرح: حلوه وبتحلي اي مكان وتنوره والله ماتلاقوا زيها لفوا الدنيا ودوروااا
بصراحه هي قمر
توقفت تاليا وهي تلهث بتعب لتجد من يهرول بجانبها ويهتف تلك الجمله بمكر ونظره شهوانيه ...
تاليا بخوف: انت مين ؟!
الشخص بمكر: انا اللي لو وافقتي تيجي معاه هتدوقي الشهد
تاليا وقد تسارعت نبضاتها وظل صدرها يهبط ويصعد بعنف : ل لو سمحت ابعد عني ...انا مش هاجي مع حد
الشخص بحده: هتيجي بمزاجك ولا تحبي اخدك غصب عنك
تاليا بذعر: لا مش هاجي ولو قربت مني هصوت والم عليك الدنيا
الشخص وهو يحك أنفه : اممم يبقي هضطر اتعامل بالعافيه ..."ليل السلطان" ميتقالوش لا
تاليا بصدمه : ا انت اخو سالم
ليل ببرود: ابن عمه ...انتي تعرفيه
تاليا وهي تزدرد ريقها بتوتر: ا اه سالم جوزي
ليل وقد برزت عروق رقبته بشده ليتقترب منها وهو يهتف بشر: كمان ...لا ده انتي جتيلي علي الطبطااب
تاليا وهي تصرخ بفزع: انت عايز مني ايه عاااا يامامي الحقووني
ليل وهو يكتفها ويهتف بصوت جهوري: اسكتي
تاليا بدموع: والنبي سيبني حرام عليك انا معملتش حاجه والله
ليل وهو يضغط علي الشريان الرئيسي خلف رقبتها ليهتف بغموض: بس ذنب اللي عمله سالم هيترد فيكي
ليحملها وهو يتجه بها نحو سيارته ويضعها في الكرسي الخلفي ليلتف وهو يصعد خلف المقود ويتجه بها إلي مكان مجهول
( بالله كيف عرفت أن الفانز جابوا آخرهم من الصدمات😂🌚)
........................................
في قصر السلطان التف الجميع حول المائده في انتظار هبوط طارق ...
جميله بأستغراب: الله اومال فين اختك تاليا
مرام : سألت الأمن قالولي انها طلعت تجري شويه
جميله بقلق': ربنا يستر متوهش اختك متعرفش حاجه هنا
جوري وهي تلوك طعامها وتهتف بأستنكار: ياشيخه ديه تتوه بلد اسكتي
جميله بغيظ: بت انتي احنا مش قولنا استني خالك لما ينزل نأكل سوا
جوري بضيق وهي تترك الطعام: مانا جوعت صراحه
طارق وهو يهبط ويهتف بأبتسامه واسعه : صباح الخير
الجميع : صباح النور ياخالو
طارق : معلش اتأخرت عليكوا
جوري : لا ولا يهمك ...احنا مرضناش ناكل غير لما تنزل
مرام بسخريه : اومال
طارق وهو يقهقه: لا الطبق باين !
جوري بخجل: سوري بصراحه كنت جعانه
طارق : هههه ولا يهمك ياحبيبتي ...يالا اتفضلوا
جميله وهي تلوك طعامها: صحيح ياطارق مروه فين؟!
طارق ببرود: طلقتها
جميله وهي تخبط علي صدرها : يالهوي ليه ...الا يكون بسببنا
طارق : كبري دماغك ...راحت لحالها ...صحيح فين تاليا!!
مرام : طلعت تجري شويه برا
طارق بخوف: يارب متقولش لحد انها مرات سالم
جميله بشك: ليه ياطارق انت كمان متبري مننا ولا ايه؟!
طارق وهو يهز رأسه بسرعه: لا طبعا ...بس بس سالم ابني عامل مصيبه سودا قبل كده وانا خايف حد يعرف وينتقم مننا في البنات
جميله وقد تسارعت نبضاتها : عامل ايه؟!
طارق وهو يترك الطعام ويهتف بضعف: سالم اعتدي علي بنت عمه قبل كده ومن ساعتها وهما مقاطعينا وحالفين ياخدوا حقهم مننا ...
جميله بخوف: يالهووي ...بنتي انا عايزه بنتي دلوقتي
طارق: حاضر اهدي ياجميله هخلي حد يطلع يجبها دلوقتي
جميله وهي تنهض وتهتف بدموع: بسرعه والنبي ياطارق
طارق : حاضر حاضر اهدي انتي بس
هرول طارق إلي الخارج وكاد أن يتحدث إليهم ليجد سالم ومروان وحازم أمامه ...
طارق بغضب: انتوا ايه اللي جابكوا هنا دلوقتي
سالم وهو يلهث بعنف: بابا تاليا فين ؟!
طارق بتوتر: و وانت مالك عايز منها ايه
سالم بعصبيه: بابا تاليا فين
طارق بعصبيه : معرفش خرجت تجري شويه في أية
سالم وهو يشد علي شعره بعنف: يعني الكلام طلع صح
طارق بشك: كلام ايه ؟
حازم : ليل بعت رساله لسالم وقاله مراتك معايا
طارق بصدمه : ايييه
سالم بغضب: وحياه امي ما هسيبه
طارق وهو يجذبه من تلابيب قميصه بعنف: شوفت آخره عماايلك ياحيوان
سالم بعصبيه: انا معملتش حاجه هي اللي واحده زباله وعشان انا رفضت اتجوزها عملت الحوار دده
طارق بصراخ : انت كذاب
سالم وهو يدفع والده ويهتف بصراخ : انا مش كذاب ...وسيبني بقي وهات مفاتيح العربيه عشان ألحقها قبل ما يعمل مصيبه
اخرج طارق مفاتيح سيارته ليقذفها في وجهه وهو يجذبه من تلابيب قميصه ويهتف وهو يجز علي أسنانه بعنف : وحياه امك لو البت حصلها حاجه ما هيكفيني عمرك
سالم بصراخ: سيبني طيب
دفعه طارق ليهرول سالم ويصعد سيارته متجهاً بها إلي وجهته
مروان : يالا نلحقه
طارق : لا هو اللي يتحمل عملته لوحده
مروان بعصبيه: بابا احنا مش وقت عتاب دلوقتي
طارق بغضب: لا وقته ...وقته عشان تفوقوا لنفسكوا بقي والتصرفات الزباله بتاعتكوا ...
حازم بهدوء: طب حاضر هنفوق والله بس احنا مينفعش نسيب اخونا يروح لوحده صح !
طارق وهو يخرج مفاتيح سيارتهم : ماشي ..اتفضلوا
جوري ببكاء من خلفهم: انا هاجي معاكوا....
طارق بسرعه : جوري ...عشان خاطري متقوليش حاجه لمامتك
جوري ببكاء: ماشي ...بس خليهم ياخدوني معاهم
حازم بعصبيه: تيجي معانا فين انتي كمان غوري بقي كل اللي بيحصل ده من تحت راسكوا
طارق بغضب: خدها معاااك
حازم وهو يشير إليها بعصبيه: اتنيلي
اتجه الجميع الي سيارتهم لتصعد جوري بجانب حازم وهي تبكي وتدعو ربها أن تكن شقيقتها بخير
بينما اتجه طارق إلي الداخل لتنهض جميله وهي تهتف برجاء: تاليا فين
طارق بتوتر: ا خليت حد يروح يجبها
جميله بخوف: استر يارب ...فين جوري انا كنت بعتاها تسالك
طارق : انا اديتها فلوس خليتها تروح تشتريلي حاجه من عند السوبر ماركت اللي جمبنا متقلقيش
مرام بتعب: اااه
جميله بقلق: مرام مالك ياحبيبتي
مرام : اااه بطني بتوجعني
جميله وعينيها تتسع بصدمه: مرام ايه الدم ده ؟!
(شويه صدمات ونكد إنما ايه اورجانيك🙂)
........................................
وصل الجميع الي القصر ليترجل مروان وهو يتجه إلي الداخل ومن خلفه حازم وجوري ...
احد الاشخاص: انت داخل فين ؟!
مروان بغضب: ابعد من طريقي يالا
الشخص بحده : لا مش هبعد وأمشي من هنا
مروان وهو يلكمه بعنف: بقولك ابعد من هنااا
كاد أن يرد ليستمع الجميع الي صوت ضرب نار و صراخ تاليا وهي تهتف باسمه : سااااااااالم
......................................
🙂🙂
#قصر_السلطان
#البارت_الثامن
جوري وهي تضع يديها ثوب فمها وتهتف بدموع: سالم ماات
مروان وقد برزت عروقه ليلكم الشخص وهو يدفعه بغضب ويهرول باعلي سرعته ومن خلفه حازم وجوري
مروان بصراخ : سااااااااالم
طرق باب القصر بعنف حتي كاد أن ينكسر من شده الغضب : سااااااااالم ...هقتلك يالييييل هقتتتتتتتتلك
فتحت الخادمه الباب بخوف ليدفعها مروان وهو يهتف بأسم سالم بصراخ هز أرجاء القصر وكأن هناك زلزال سيهدم المكان ومن فيه بأكمله
حازم للخادمه: فين ليل
الخادمه وهي تبتلع ريقها بخوف:ف فوق
هرول الجميع الي الاعلي وخاصه الي غرفه ليل ليدفع مروان الباب علي مصرعيه وهو يلهث بعنف
جوري بصدمه : تاليا
كانت تاليا تتشبث في احضان سالم وعينيها تنهمر بالدموع وهي تغلقها بخوف في اعتقادها بأن النيران إصابته بسوء
مروان بقلق: سالم ايه اللي حصل لتاليا
سالم وهو يجز علي أسنانه بعنف: لحقتها
مروان وهو يزفر براحه: الحمد لله ...ليقترب من ليل وهو يجذبه من تلابيب قميصه ويهتف بصوت جهوري :عارف لو كان حصل حاجه لاخوياا ولا بنت عمتي أنا مكنش هيكفيني عمرك ياليل
ليل وصدره يهبط ويصعد بعنف ليهتف بغضب: هيحصل ....المره ديه قدرتوا تلحقوها المره اللي جايه هحصره علي مراته زي ما حصرني علي اختي
مروان وهو يهزه ويهتف بغضب: افهم بقي يامتخلف افهم سالم مقربش من اختك ...دلعكوا في اختك خلاها تاخد اي حاجه عب عايزاها حتي لو هتتبلي علي الناس ...اخويا مش زباله اوي كده عشان يعمل كده في بنت عمه واللي من صلبببه افهم بقييي
ليل وهو يدفعه بغضب: مش مصدقكوا ولا هصدقكوا وهفضل عايش بخطط ازاي انتقم منكوا في اقرب الناس ليكوا
مروان : اقرب الناس لينا تبقي بنت عمتك ....عايز تعتدي علي بنت عمتك !!
ليل بصدمه: بنت عمتي مين...انا ماليش عماات
مروان وهو يهزه بعنف: انت مش عايز تفوق ليه بقي ...فوق ياخي فوق وارجع ليل بتاع زمان معقوله مش مصدق اخواتك ...احنا كنا اكتر من اخوات وانت عارف ان احنا عمرنا ما نعمل كده !
ليل وهو يضع مسدسه في وجهه سالم : كنا ...وبقينا دلوقتي اكتر من الأعداء ويا انا يا انتوا
مروان وهو يقف أمامه شقيقه: نزل مسدسك ده
ليل وهو يهز رأسه ببرود: انت عايز تموت مكانه ...اوك معنديش مشكله ...بس برضو موتك مش هيطفي ناري لازم اخد رووحه
حازم وهو يقترب منه ليلكمه بغضب : لو قدرت تعملها يابن عمي ...
ليل بغضب وهو يلكمه أيضاً: لا اقدر واقدر اوي كمااان
دارت معركه بينهما ليتدخل مروان وهو يفصل بينهم ...بينما سالم مازال يضم تاليا والتي ترتعش برعب حقيقي بين ذراعيه ....
مروان بغضب: حااازم خلاص
حازم وهو يلهث بعنف: لا مش خلاص ...مش هسمحلك تأذي اخويا بسبب كذبه اختك الزباله اللي متربتش....اختك اللي كل يوم في نايت شكل ...اختك اللي تعرف كل يوم واحد شكل ...لا ومش اي واحد ديه بتروح للتقيل اللي يدفععع
ياحقير يازباله حسبي الله ونعم الوكيل فيك ...
التف الجميع الي مصدر الصوت لتكن "ليان" شقيقتهم والتي تنهمر دموع التماسيح خاصتها بعنف ...
حازم بغضب: انتي اللي زباله وحقيره ...انتي اللي وقعتي ما بينا كلنا عشان سالم اخويا مش عايزك ولا بيطيقك
ليان بأنهيار: حرام عليكوا ...حسبي الله ونعم الوكيل فيكوا
هنا اندفعت جوري تدافع عن فتاه في اعتبارها انها بالفعل ضحيه مثل شقيقتها لتهتف بغضب: انت ايه يااخي حرام عليك ...ليه تتبلي علي الناس كده
حازم بغضب: اسكتي انتي متعرفيش حاجه !
جوري بغضب وهي تقف أمامه : ماكل حاجه واضحه زي الشمس اهي ...الظاهر أن خالو دلعكوا بزياده مبقتوش قادرين تفرقوا ايه الصح وايه الغلط ...الدلع الزياده وصلكوا لانكوا تضيعوا بنات الناس حتي لو اقرب الناس ليكوا وفي الاخر تنكروا ده
حازم وهو يجذبها من معصمها بعنف: احنا لو زباله زي مانتي فاكره كنا فرحنا بالجوازه واهو بنات حلوين ومفيش فيهم غلطه هنقضيلنا يومين ونطلقهم لو حابين ...بس احنا اللي رافضين من الاساس يعني لو تحسبيها بعقلك هتعرفي اننا نعمل اي حاجه إلا أننا نعمل كده
جوري بتهكم : اه ...بأماره اما حاولت تعتدي عليا صح !
حازم بغضب: مكنتش في وعي
جوري: اكيد ساعتها برضو مكنتش في وعيييك ...
حازم وهو يدفعها بعنف: اخرسي بقي اخرررسي
ليل بهدوء: برا
مروان بغيظ: مش هعديلك اللي حصل لاخوياا واللي كنت هتعمله في بنت عمتي
ليل بصراخ وقد برزت عروق رقبته: برااااااااا
خرج الجميع وتاليا تتشبث في سالم والذي لف ذراعه الأيمن حول خصرها وهي تستند برأسها علي صدره بدموع ...
سالم وهو يقبل اعلي رأسها بحنان: اهدي خلاص انتي كويسه
تاليا ومازالت دموعها تنهمر لتهتف بشهقات: ك كان هيحصل فيا زي مرام ...
سالم وهو يهدئها: الحمد لله محصلش حاجه اهدي انا معاكي اهو
تشبثت به أكثر ليضمها الي صدره وهو يسير بتعب
بينما هبطت جوري تهرول بأعلي سرعتها الي الاسفل ليهرول حازم خلفها بغضب .....ومن خلفهم مروان
حازم وهو يلحقها ويجذبها من ذراعيها: انتي رايحه فين اصبري
جوري وهي تسحب ذراعها بقوه: ابعد ايدك ديه عني ...
حازم بعصبيه: مش وقتك خالللص ...اتنيلي قدامي
جوري بعناد: لاا مش هركب معاك في مكان واحد ...ياعالم ممكن تعمل اي فيا
حازم وهو يشد علي شعره ويجز علي أسنانه بعنف: اركبي العربيه وعدي يومك علي خير يابنت الناس بدل وربي هوريكي وشي اللي محبش تشوفيه!
جوري بعند اكبر: لا لا لا ...انا همشي اوصل لوحدي
مروان من خلفهم : انتوا وقفين ليه يالا
حازم بغضب: الهانم مش عايزه تركب معايا
مروان بغيظ: ليه
حازم وهو يهبد علي سيارته بغضب: وقته لعب عيال هووو
مروان بهدوء: طب اركبي معايا انا ياجوري
جوري بغضب: كلكوا زي بعض ...مش هركب مع حد
تاليا بحشرجه: تعالي معايا في العربيه ...وارجوكي متقوليش لا انا تعبانه اوي
جوري وهي تجذبها الي أحضانها : الحيوان ده قربلك
تاليا وهي تهز رأسها بنفي : لا
سالم بغضب: مش يالا بقي !
تاليا : يالا ياجوري
صعد الجميع الي سيارته ليتجهوا الي قصر السلطان
بعد دقائق وصلوا لتتسع عين جوري بصدمه لتترجل من السياره سريعاً وهي تجد سياره اسعاف امام القصر
جوري لاحد الأشخاص بخوف في ايه ؟!
الشخص: مرام هانم
جوري وقد تسارعت دقات قلبها: مالها؟!
الشخص بحزن: سقطت
هرول الجميع الي الداخل واولهم مروان والتي تسارعت دقاته بخوف وقد وصل في وقت قياسي الي الداخل
ليجدها علي الترولي ويحملها شخصان متجهين الي سياره الاسعاف ...
مروان بقلق: بابا ايه اللي حصل
طارق بحزن: كانت قاعده ومره واحده بطنها وجعتها ونزل دم ...بيقولوا البيبي نزل
مروان وهو يهرول خلفهم : استنوا انا جاي معاكوا
جميله ببكاء: انا هاجي معاك
مروان: تعالي مع بابا في العربيه ياعمتو ورانا
هرول طارق وجميله الي الخارج ليصعد سيارته خلف سياره الإسعاف ....
في سياره الاسعاف كان مروان يقبع أمامها وهي تهتف بخفوت: م ماما انتى فين
مروان بسرعه : انا معاكي
مرام بتعب: تاليا فين ...تاليا اختي كويسه
مروان وهو يهز رأسه : متقلقيش اختك بخير
مرام بدموع: ابني ...ابني مات يامروان
مروان وهو يجذب كفها ويهتف بشفقه: ربنا يرحمه ...احمدي ربنا أنه متولدش انتي مكنتش هتتحملي تشوفي ابنك من اب بتكرهيه
مرام وهي تزدرد ريقها وتهتف بصعوبه: ع علي قد ماانا فرحانه ...علي قد ما صعبان عليا البيبي
مروان : الله يرحمه
مرام وقد بدأ تأثير البنج أن يستحوز عقلها وهي تغلق عينيها :م مروان متسبنيش
مروان وهو يضغط علي كفها ويهز رأسه : مش هسيبك متخافيش
اغلقت عينيها وكفها يحتضن كفه وقد سقطت دمعه عالقه في جفنيها ليمد كف يديه وهو يمسحها برقه ويقبل اعلي رأسها بحنان
الممرضه بأبتسامه حزينه: شكلك بتحبها ...ربنا يعوض عليكوا
اكتفي ببسمه صغيره وهو يتطلع الي ملامح وجهها البرئ ويتشرب ملامحها وفي صراع بين قلبه وعقله
عقله : ايه مالك كده متأثر
قلبه مش متأثر بس لو شوفت اي حد مكانها هتضايق
عقله: ياراجل !
قلبه : ليه حاسس انك بتتريق ؟!
عقله: عشان انت بتدق بطريقه غريبه ولاول مره ياسلطان الغرام
قلبه : بس بلاش هبل ...عادي يعني قلقت شويه هي برضو بنت عمتي
عقله بسخريه: بكره نشوف ياسلطان ...شكلك وقعت ولا حدش سمي عليك
فاق من شروده علي صوت الممرضه وهي تهزه بقوه : يااستاذ وصلنا اتفضل عشان نشيلها
مروان : هه تمام ...لا انا هشيلها
حملها برقه وهو يترجل من السياره ويتجه الي الداخل بسرعه ...
........................................
في القصر...
جوري بعصبيه: بقولك انا عايزه اروح عند اختي المستشفي
حازم بغيظ: لا مينفعش كلنا نروح ...مروان وبابا وعمتو هناك
جوري وهي تقترب منه وتضربه بقبضتها الصغيره علي صدره : انت ملكش حق عليا وملكش حق ترفض ولا توافق انت ملكش لازمه في حيااتتي ..انت فااهم ولا لا !
حازم وهو يكتف ذراعيها ويجز علي أسنانه بعنف: انتي اتماديتي اوي معايا
اقترب منه سالم وهو يجذبه : خلاص ياحازم مش وقته دلوقتي
ابتعد عنها وهو يقبع علي الاريكه ويضع رأسه بين يديه ويهز قدمه بعصبيه ...
تاليا بدموع: هي مرام هتموت
سالم وهو يربت علي ظهرها بحنان: لا أن شاء الله مش هيحصلها حاجه اهدي
تاليا وهي تذم شفتيها الي الامام كالاطفال وعينيها مغرورقه بالدموع: ك كان هيحصلي زي مرام ...اهئ
اقترب منها سالم وهو يجذب رأسها الي صدره ويهتف بندم : الحمد لله اني لحقتك متعيطيش
جوري وهي تهتف بتهكم: ما كان هيحصل ده بسبب حضرتك ....أن شاء الله لما اختي تقوم بالسلامه تطلقها واخوك التاني يطلق مرام ونخلص من القرف ده
حازم بغضب: احنا اللي قرف برضو ولا انتوا اللي من ساعه مادخلتوا البيت والمصايب بترف علي دماغنا
سالم وهو يضع ساق فوق الأخري ويهتف ببرود: ثم انا مش هطلق اختك
حازم ببرود أيضاً: وانا رديتك لعصمتي
جوري بغضب: انت بتقول ايه !
حازم بلامبالاه: زي ما سمعتي انتي مراتي
جوري بهدوء : مش هتناقش معاك دلوقتي لأنه مش وقته ...بس خليها حلقه في ودنك انت هتطلقني تاني
حازم بأبتسامه بارده: أن شاء الله ياحبيبتي روحي كلي جاتوه
تطلعت إليه بغيظ لتتجه الي الاريكه أمامه وهي تقبع وتهز قدميها بعصبيه وتقضم اظافرها بغيظ ...
بينما تاليا قد غفت علي صدر سالم وهي تتشبث في قميصه ودموعها منهمره علي وجنتيها
اخفض سالم رأسه عندما شعر بأنتظام أنفاسها ليزيل خصله شارده علي وجنتيها خلف اذنيها وهو ينهض ويحملها بهدوء لتلف يديها حول عنقه وتستند براسها علي صدره
جوري وهي تنهض بفزع: انت هتاخد اختي فين ؟!
سالم بحده: هوديها اوضتها عشان نامت مش هاكلها
جوري وهي يعقد ذراعيها أمام صدرها: وانا مش واثقه فيك انا هاجي معاك
سالم ببرود: اعملي اللي تعمليه
اتجهت خلفه ليصعد سالم الي غرفه تاليا ويضعها علي الفراش برقه وهي تتشبث في عنقه وتهزي بخوف ...
م متسبنيش
التف سالم وهو يرفع احدي حاجبيه ببرود: اظن حضرتك سمعتي اختك ...قالت متسبنيش !
جوري بتوتر ودموع:م متأذيش تاليا ...تاليا اطيب انسانه ممكن تشوفها في الدنيا ...ارجوك العالم كان قاسي معاها اوي متبقاش انت والعالم ديه لسه صغيره ...
سالم وهو يحاول أن يهدء أعصابه : حاضر
خرجت جوري لتهبط الي الاسفل لتستمع الي حديثه مع شقيقه
اخدت تقترب منه واذنيها تستمع ما جعل قلبها يدق بعنف: لاحول ولا قوه الا بالله أن لله وان اليه راجعون ...
جوري بصدمه وهي تضع يديها ثوب فمها : لاااا
التف حازم ليجدها تفقد وعيها وهي تسقط ارضاً ....
#إيمان_شلبي
#قصر_السلطان
#البارت_التاسع
التف حازم ليجدها تفقد وعيها وهي تسقط ارضاً ...ليقترب منها بسرعه وهو يجعل رأسها علي قدمه ويربت علي وجنتيها ..
جوري ...جوري قومي في ايه اللي حصل
لم يتلقِ رد ليضع يد اسفل ظهرها ويد اسفل ثنيه قدميها وهو يحملها ويتجه بها نحو الاريكه ...ليضعها برقه وهو ينادي بأعلى صوته علي أحد الأشخاص
حازم بصراخ: هاانم ..هانم
هرولت اليه الخادمه والتي تُدعي هانم وهي تهتف بخوف : ايوه يافندم
حازم : هاتيلي كوبايه مايه بسرعه وتعالي فوقيها معايا بسرعه
هانم وهي تهرول الي المطبخ: حاضر حاضر ثواني
بعد ثواني أحضرت كوب به ماء لتعطيه لحازم والذي نثر منه قليلاً فوق وجهها ...لترمش بعينيها عده مرات والصداع يداهمها وهي تتذكر ما حدث قبل أن تفقد الوعي ..
جوري ببكاء وهي تنهض : مرام ...مرام لا متموتيش
حازم وهو يقترب منها: اهدي مرام كويسه
جوري بلهفه: بجد ..بجد اختي كويسه
حازم وهو يهز رأسه بتأكيد: والله كويسه ...البيبي هو اللي نزل
اخرجت زفير قوي وهي تضع تهتف براحه : الحمد لله
حازم وهو يقبع بجانبها ويهتف بضيق: ..يارب نخلص من الحوارات ديه
جوري بغيظ وهي تلتف بنصف جسدها: حوارات ايه اللي تخلص منها
حازم بغيظ اكبر: من حواراتك انتي واخواتك !
جوري وهي تنهض وتشيح بيديها في الهواء بعصبيه: بقولك ايه احترم نفسك بقي انا مش طايقاك
حازم وهو ينهض ويقف أمامها بطوله : يعني انا اللي طايقك ياختي كتك نيله
جوري بغضب: نيله تاخدك
حازم وهو يجذبها من معصمها بعنف ويهتف وهو يرفع حاجبه الايسر بهدوء : انتي عارفه انتي بتشتمي مين ؟!
جوري وهي تزدرد ريقها لتهتف بشجاعه زائفه: اه انت
حازم وهو يهتف من بين أسنانه بهدوء: ومش خايفه ؟
جوري بشجاعه : وهخاف من ايه !! انا مش بخاف من حاجه
حازم بغموض: هقولك دلوقتي
ابتعد عنها وهو يخرج من باب القصر ببرود ...لترفع جوري حاجبيها بتعجب من رده فعله وهي تهتف بداخلها ماذا سيفعل ياتري !
جوري وهي تقضم اظافرها بتفكير: هو هيعمل ايه انا خايفه
شهقت بعنف وهي تصعد فوق الاريكه وتصرخ بذعر عندما دلف حازم ومعه كلب اسود كبير ...
جوري وعينيها تتسع : ا انت جايب الكلب ده هنا ليه ؟
حازم ببرود : القصر بتاعي وانا حر
اتجه نحو الاريكه التي أمامها وهو يضع ساق فوق الأخري ويهتف بجمود: انتي واقفه كده ليه !
جوري بتوتر: هه عادي يعني ...انت مالك انا حره
حازم وهو يفك حصر الكلب ويهتف ببرود: اممم صح
جوري بذعر: انت بتفك الكلب ده ليه !
حازم : جيسي عايزه تلعب
جوري : جيسي؟!
حازم : اه كلبه مش كلب
جوري بغيظ: حتي الكلاب بنات ...بتموتوا في البنات زي عنيكوا صنف عره
صرخت بذعر والكلب ينبح بشده ويقترب منها لتهتف بأهتزاز: هو بيقرب ليه !
حازم وهو يبتسم ابتسامه صفراء: اصلها مش متعوده علي الناس الغريبه في القصر وبتعض اي حد
جوري وعينيها بدأت أن تدمع بخوف : ط طب أبعدها عني
حازم : ليه ...انتي مش قولتي انا مش بخاف من حاجه ؟
جوري وهي تزدرد ريقها وقد بدأت حبات العرق أن تتكون فوق جبينها : ل لو سمحت امسك الكلبه ديه
حازم ببرود : ليه !
اقتربت منها الكلبه اكثر وهي تنبح حتي وقفت أسفلها مباشره لتهبط جوري وهي تهرول برعب لتهرول الكلبه خلفها بنباح ...
جوري وهي تهرول : عااااااااا امسكها ...امسكها هتعضني عااا
حازم بسخريه : الله في ايه انتي طلعتي بتخافي !
جوري وهي تلهث وتقف خلف احدي الكراسي : والنبي وقفه
حازم وهو يعقد ذراعيه أمام صدره: اوك ...بس بشرط
جوري بلهفه : ايه !
حازم : تعتذري
جوري ببكاء: انا اسفه ...اسفه والله
مست دموعها ونبره صوتها قلبه ليهتف بأسم الكلبه لتلتف وهي تتوقف عن النباح ليشير إليها بأصابعه إلي الخارج لتخرج بطاعه ....
اخد يقترب من جوري والتي تنفست براحه لتتطلع إليه بتوتر وهى تري في عينيه نظره الانتصار حتي وصل أمامها ليميل بجسده ويهتف بجانب اذنيها بجديه : تاني مره متغلطيش في اسيادك ....المره ديه الكلبه اللي اتعاملت المره اللي جايه انا اللي هتعامل وقلبتي اسود من اي حاجه تتخيليها تمام ؟!
لم يتلق رد وانما استمع الي صوت أنفاسها الهوجاء ليرفع جسده وهو يتطلع إليها ليجد دموع تنهمر فقط ونظره احتقار خاصه به ...ليلتف بجسده وهو يصعد ببرود الى غرفته
جوري وهي تقبع فوق الكرسي خلفها بكسره: ربنا يسامحك ياخالو ....انت اللي عملت كده فيهم وخلتهم يعتبروا كل الناس حشرات حتي اقرب الناس ليهم
........................................
في المستشفي وخاصه في غرفه مرام ...كانت تنام فوق فراشها وفي يديها المحاليل ..أمامها يقبع مروان علي اريكه يراقب حركه تنفسها ..يراقب ملامحها بطرف عينيه وهو مازال في صراع ابدي بين قلبه وعقله
عقله : مالك اتشقلب حالك ليه ...اوعي تحبها مفيش حاجه اسمها حب !
قلبه : ليه يعني ...لا في ده الرسول عليه افضل الصلاه والسلام كان بيحب
عقله : لا انت الرسول ولا مرام السيده خديجه !
قلبه : ايه يعني لما احب ...لا عيب ولا حرام ليه محبهاش!
عقله : مرام مش مستواك
قلبه بغيظ: ياااه انت بتفكر فيها كده !! الحب ملهوش دعوه بالغني والفقر
قاطع وصله تفكيره دلوف الطبيب لينهض وهو يهتف بثبات : هي تقدر تخرج النهارده ؟
الدكتور وهو يبدل المحلول للمره الثالثه : ايوه يافندم أن شاء الله .....ده اخر محلول ولما تفوق تقدر تخرج
مروان بجديه : طب هي حالتها عامله ازاي ...يعني نقدر نعالجها من البيت ولا محتاجه تفضل هنا
الدكتور وقد انتهي ليلتف إليه وهو يهتف : ايوه أن شاء الله هنكتب لحضرتك روشته بالعلاج المطلوب والمواعيد ...حمدلله علي سلامتها وربنا يعوض عليكوا
مروان بجديه : شكرا
جميله ببكاء: ياحبيبتي يابنتي كان مستخبيلك كل ده فين ياضناياا
طارق بحزن : الحمد لله انها جت علي قد كده وبنتك بخير
جميله بشهقات : بخير ايه بس ...بنتي اتدمرت ومستقبلها اتدمر ولا حد هيقبل بيها لما يعرف انها ...
بطرت جملتها وهي تشهق بعنف وتندب حظ ابنتها
مروان بغيظ : يعني ايه محدش هيقبل بيها انا جوزها علي فكره
جميله بحزن : وانت مش بتحبها وهتطلقها !
مروان بجمود: لا مش هطلقها
جميله بفرحه : بجد
مروان : ايوه انا هكمل معاها
طارق وهو يبتسم بهدوء : رجعت لعقلك
تطلع الي والده ولم يرد وانما اغمض عينيه وهو يقبع مره اخري فوق الاريكه ويهتف بداخله : مش عارف انا ليه قولت كده وازاي بس كل اللي اعرفه اني مش عايز اطلقك وأثبت لبابا اني اقدر اعتمد علي نفسي ...
همهمت مرام وهي تفتح عينيها بصعوبه لتقترب منها جميله وهي تهتف بلهفه : مرام حبيبتي
مرام وهي تهتف بصعوبه : ع عطشانه
جلبت إليها جميله كوب من الماء وهي تعدل رأسها قليلاً وتقربه منها لترتشف منه القليل وهي تعود إلي وضعيتها مره اخري
مروان : حمدالله علي سلامتك
هزت رأسها بأمتنان وهي تعود إلي النوم مره اخري ...
........................................
مر اليوم بلا احداث جديده سوي عوده مرام الي القصر واستقبال جوري لها بالدموع وتاليا مازالت في غرفتها وبجانبها سالم والذي ظل يتشرب ملامحها حتي غف بجانبها قسراً .....ذهب الجميع عند عودتهم الي غرفهم فكانت الساعه الواحده صباحاً والجميع منهمك من أحداث ذاك اليوم ...
في الصباح وخاصه في غرفه تاليا كانت مستغرقه في نومها لتُحرك رأسها قليلاً لتستشعر بصوت انفاس شخص تلفح وجهها ....فتحت عينيها بهدوء لتتسع بذعر وهي تجد "سالم" ينام بجانبها ...لتنتفض بصراخ انتفض له سالم
سالم بلاوعي: ايه في ايه البيت بيولع ؟
تاليا وهي تقبع علي ركبتيها وتهتف بذعر: انت عملت فيا ايه !
سالم وهو لم يفق بعد ليهتف بلاوعي: عملت ايه ...مش عارف
تاليا بغضب: يعني ايه مش عارف ...انت ايه اللي جابك هنا اوضتي و...
بطرت جملتها وهي تتطلع الي ملابسها والتي عباره عن شورت وكنزه سوداء كات ...لتضع يديها ثوب فمها وهي تهتف بأهتزاز ودموع : ا انت عملت فيا ايه ؟
سالم بسرعه : والله ماعملت فيكي حاجه
تاليا : اومال مين اللي قلعني هدومي ولبسني دول ...اوعي تكون انت !
سالم ببرود : وفيها ايه مش مراتي !
تاليا بغضب : ياحقير ....منك لله
سالم بغضب اكبر: احترمي جوزك يابت
تاليا بصراخ: طلقني دلوووقتي ...مش هكمل مع واحد زباله زيك مغتصب بنت عمه حقير
سالم وهو يجذبها من ذراعيها بعنف : انتي هتحترمي نفسك ولا اطلع كل خلقي فيكي واوريكي الزباله اللي علي حق
تاليا وهي تأن بألم : مش محترم نفسي ومش هسكت وهتطلقني
سالم ببرود : لا مش هطلقك
تاليا وهي تضربه بقبضتها الصغيره فوق صدره بغضب : انت حيوان بقي طلقني وخلي عندك دم يااخي
سالم وهو يكتف ذراعيها ويدفعها نحو الحائط خلفها بعنف ليهتف بصوت جهوري : انتي متربتيش ...انا اللي هربيكي من اول وجديد ومفيش طلاق انتي فاهمه ...
تاليا بتوتر: لا ..مش فاهمه ولو مبعدتش عني دلوقتي هصوت والم عليك القصر كله !
سالم وهو يقرب وجهه اكثر : صوتي ...ساعاتها هقولهم مراتي واحنا حرين
تاليا وهي تتلوي بين ذراعيه : ابعد عني
سالم ببرود: لا ..
تاليا بعصبيه : بقولك ابعد عني
سالم وهو يقترب اكثر : لا مش هبعد غير لما تعتذري
تاليا بغضب: اعتذر عن اييييه
سالم : عن الشتيمه !
تاليا بعناد: لا
سالم ببرود : اوك وانا مش هبعد غير لما تعتذري خلينا هنا للصبح بقي
اغمضت عينيها بقوه وهي تكور قبضه يديها وتهتف بغيظ: انت هتبعدد ولا لا
سالم ببرود وهو يزيل خصله شارده من خصلاتها خلف اذنيها ويتطلع داخل حدقتيها ويهتف بهيام: انتي ازاي حلوه كده
تاليا بتوتر وقد احمرت وجنتيها: ي يعني ايه ازاي
سالم بلا وعي: هو انا ممكن اعمل حاجه ؟
تاليا بتعجب: ايه !
مال برأسه قليلاً ليضع قبله فوق وجنتيها بهدوء ...
تاليا وعينيها تتسع : ا انت ايه اللي انت عملته ده !
سالم : عادي انا جوزك
التقطت تاليا كوب من المياه علي الكمود بجانبها لتقذفه فوق وجهه وهي تهتف بغيظ: انت شكلك لسه مفوقتش ...لتدفعه بعدها بأقوي ما لديها وهي تهرول من أمامه الي الاسفل
سالم وهو يكور قبضه يديه بعنف ويهتف من بين أسنانه : ماشي ياتاليا انا هربيكي ..
........................................
في الاسفل كانت مرام اول من استيقظ لتهبط الي الحديقه وهي تقبع أمام زهره الجوري خاصتها شارده كالعاده ...
صباح الخير
التفت بفزع لتجد مروان يقف أمامها بحله سوداء وقميص اسود ورائحه عطره والتي اخترقت أنفها لتغمض عينيها بتأثير ...
مرام بتوتر: ص صباح النور
مروان بثبات : عامله ايه دلوقتي!
مرام : الحمد لله شكرا
مروان : اخدتي العلاج
مرام : لا
مروان بحده : ليه
مرام بحرج : قريت أنه لازم اخده بعد الاكل
مروان بتعجب : ومكلتيش ليه !
مرام بحرج اكبر: مستنيه الكل يصحي
مروان بغضب: وانتي مستنيه الكل ليه ...انتي تعبانه قومي يالا هخلي الخدامه تعملك تاكلي
مرام بأمتنان : شكرا
مروان بملامح خاليه من اي تعبير: يالا
نهضت مرام لتتجه أمامه الي الداخل وهي تهتف بحرج : ممكن اطلب منك طلب
مروان وهو يسير خلفها : اتفضلي
مرام وهي تزفر بأختناق وتهتف بحشرجه : ممكن تطلقني
مروان ببرود : لا مش هطلقك
مرام وهي تفرك اناملها بتوتر: ب بس انا عايزه اتطلق
مروان وقد توقف ليهتف بغضب: وانا قولت لا ...مين هيقبلك باللي انتي في ده ؟!
مرام بعصبيه ودموع : حبيبي هيقبلني ومستنيني !
........................................
الفانز : وه وه 😂😂😂👀
#إيمان_شلبي
#قصر_السلطان
#البارت_العاشر
مروان وهو يعقد حاجبيه ويهتف بتعجب: حبيبك !!
مرام بتوتر: ايوه
مروان وهو يبتسم ابتسامه لا تمس للمرح بصله : انتي ليكي حبيب كمان ؟! ماشاء الله
مرام بغضب من سخريته : وميبقاش ليا حبيب ليه مش انسانه وعندي مشاعر !
مروان وهو يعقد ذراعيه أمام صدره ويهتف بتهكم : اه طبعا انسانه وكل حاجه ...بس ياتري حبيبك عارف ماضيكي ولا نعرفه قبل ما ياخد علي قفاه
مرام بدموع : ميعرفش ...بس لو عرف استحاله يتخلي عني لأنه بيحبني
مروان بهدوء: تعرفوا بعض منين !
مرام : كان جاري
مروان ببرود: اوك ...لو حابه تقابليه وتحكيله اللي حصل مفيش مشكله ...لو تقبل الأمر ساعتها هطلقك ...لو متقبلش مش هطلقك يامرام !
مرام بصدمه: انت موافق بجد؟!
مروان وبداخله يحترق : اكيد ...ديه حياتك وانتي حره وانا مقبلش تكملي حياتك معايا غصب عنك انا مش شيطان للدرجه ديه ...انا كمان انسان وعندي مشاعر ..
ابتسمت مرام بأمتنان وهي تفرك اناملها بتوتر لتقترب منه وهي تقف علي أطراف أصابعها لتقبل وجنتيه وهي تهتف برقه : شكراً
تسارعت دقات قلبه وظل صدره يهبط ويصعد بعنف وهو يتطلع الي وجنتيها والتي احمرت بشده ...
اخذ يقترب منها لترمش عينيها عده مرات بتوتر وهي تجده يميل بنصف جسده ويقبل وجنتيها قبله طالت لأكثر من دقيقتان ليبتعد وهو يهتف بجانب اذنيها : العفو
ابتعد عنها لتلتفت بجسدها وهي تهرول الي الداخل بتوتر حتي كادت أن تسقط اكثر من مره
دلفت لتجد تاليا تقبع فوق الاريكه بتوتر لتقترب منها بلهفه : تاليا حبيبتي انتي كويسه ؟!
تاليا: الحمد لله ...ب بس خايفه
مرام بتعجب: خايفه من مين ؟!
تاليا وهي تتطلع الي الاعلي : سالم
مرام : ليه ؟!
تاليا : اصل انا كبيت كوبايه الماء علي وشه
مرام وهي تلطم : يخربيتك ليه !!
تاليا بعصبيه: ماهو اللي قليل الادب ...وبعدين انا خايفه من حاجه تانيه خالص ؟!
مرام بفضول : ايه هي؟
كادت أن ترد لتستمع الي صوته وهو ينادي بغضب ...
تاليا وهي تنهض بذعر : يالهوي هيقتلني يانهار اسود يانهار اسوود ...استخبي فين ...استخبي فين ...ايوه لقيتها
اتجهت نحو الطاوله لتنزل أسفلها وهي تدعو أن يمر اليوم بسلام ...
كانت مرام تتطلع إليها بصدمه وهي لا تعلم ماذا حدث لتخشي سالم هكذا ...
هبط سالم وهو مازال ينادي بأعلى صوته ...
سالم بغضب: اختك فين !
مرام بتوتر: م معرفش ...في ايه
سالم بغضب : تاليااااااااا
هبط الجميع علي صوته ليهتف طارق بغضب : ايه في ايه الزعيق ده علي الصبح
سالم بغضب : في اني هقتل بنت اختك النهارده
طارق بصراخ : في ايه اللي حصل ؟!
سالم وهو يقبع علي احدي الكراسي : في أن الهانم بتخوني
طارق بتعجب: بتخونك !
سالم : اه...البيه اللي بتخوني معاه اتصل بيها
طارق ببرود : طب ما تتكلم مع اللي هي عايزه تتكلم معاه انت كده كده هتطلقها مالك زعلان ليه؟!
سالم بتوتر: ايوه بس انا لسه جوزها؟!
طارق : بسيطه ياسيدي ...طلقها دلوقتي ...اطلعي ياتاليا من تحت السفره خليه يطلقك ونخلص
تاليا بصدمه وهي مازالت تحت الطاوله : يالهوي هو شافني ازاي !
رفع سالم مفرش الطاوله ليجدها تتكور كالجنين وهي تتطلع إليه بصدمه وتوتر
سالم : اخرجي
تاليا وهي تنكمش بخوف : لا ...طلقني الاول
سالم بعصبيه : اطلعي بقولك
طارق بحده : طلقها الاول
سالم : انتي طالق
طارق : وانت ياحازم
حازم : وانا ايه يابابا ؟
طارق : طلق جوري
حازم : ب بس
طارق بحده اكبر : مبسش..طلقها
حازم : انتي طالق
طارق : مروان
مروان ببرود: لا
طارق بحذر : مروووان يالا
مروان وهو يتطلع إليها ويهتف بمكر: اسالها الاول مش يمكن مش عايزه تتطلق ؟!
طارق : مرام
مرام وهي تفرك أناملها بتوتر: انت عارف اللي فيها ياخالو
طارق بضيق : ماشي ...بس صدقني لو اذيتها مش هيحصلك طيب !! يالا كل واحد يتفضل ...
حازم : نتفضل فين ؟
طارق : برا
سالم بغضب:تاني يابابا
طارق بعصبيه: وعاااشر كمان ...لحد ما تتعدلوا وتبقوا بني ادمين ...ولو حد فيكوا اتعرض للبنات انا مش هسكتله مفهوم ؟
مروان : بس هي مراتي
طارق : مراتك امانه هنا لحد ماتبقي الزوج الصالح يامروان بيه !
استكمل حديثه وهو يقبع فوق الاريكه ويضع ساق فوق الأخري: هديكوا مفاتيح شقه المعادي تقعدوا فيها ....عشان متقولوش اتخليت عنكوا
مروان : تمام
اخرج من جيب سترته المفاتيح ليقذفها في وجه مروان والذي لحقها قبل أن ترشق في وجهه ..
مروان بغيظ: يالا ياحازم ...يالا ياسالم
خرج الجميع من القصر متجهين الي منزلهم الجديد وحياتهم الجديده أيضاً
طارق : عامله ايه دلوقتي يامرام
مرام بحزن: الحمد لله ياخالو
طارق : البقاء لله يابنتي ربنا يرحمه
مرام : يارب
احضرت الخادمه الفطار ليتجه الجميع الي الطاوله ليشرعوا في تناول الفطار بجوع شديد فهما لم يأكلوا منذ صباح أمس ...
بعد الانتهاء نهضت مرام لتتجه الي غرفتها ..
جميله : رايحه فين ياحبيبتي
مرام : طالعه اوضتي ياماما ...هنام شويه
جميله : ماشي حبيبتي لو احتجتي حاجه ناديلي
مرام بأبتسامه هادئه: حاضر
صعدت الي غرفتها لتغلق الباب خلفها وهي تتجه نحو الفراش وتقبع فوقه وهي تضم ركبتيها الي صدرها بحزن وتتحدث الي نفسها : ياتري يامرام ايه اللي مستخبيلك تاني... ياتري "حمزه" هيتقبل اللي حصلك ولا هيتخلي عنك زي الجميع ...ياتري لو مقبلش هتفضلي مكمله مع مروان ؟؟ ساعات كتيره بحسه طيب ،ساعات تانيه بحسه مغرور ،ساعات بحسه فارق معاه وساعات بحسه عنده لامبالاه من الدنيا ،في عنيه نظره حزن طول الوقت بيحاول يخفيها بالغرور ...حالي اتشقلب ومش قادره احدد انا عايزه أكمل ولا ارجع لحمزه اللي قال إنه بيحبني ومستعد يعمل اي حاجه عشاني !!
اهتز هاتفها معلناً عن وصول رساله لتلتقطه من فوق الكمود وهي تقرأ رسالته بتعجب :
"متنسيش تاخدي الدوا...ربنا يشفيكي"
مرام وهي تغلق الهاتف وتضعه بجانبها: غريب في كل حاجه ...مش قادره احددلك شخصيه واحده ..
لتنهض بثقل وهي تلتقط الادويه وتلتقط كوب الماء بجانبها وترتشف منها حتي انتهت لتغلقهم وهي تستند برأسها علي الفراش وتذهب في نوم عميق ...فهي بحاجه للراحه ...الراحه وكفي
........................................
يانهار اسود ...ايه ده ؟!
هتف بها سالم وهو يتطلع الي المنزل المليئ بالاتربه
حازم: كح كح ..احنا هنقعد هنا
مروان بتهكم : البيت مركون زي كوبايت النيش طبيعي يبقي مليان تراب ...
حازم : طب نكلم حد ينضفه
مروان : معاك فلوس !!
حازم : قربت تخلص
سالم : وانا مش معايا
مروان : احنا اللي هنضف البيت
سالم بصدمه : نعم مين احنا !
مروان ببرود: احنا
سالم : انت بتقول اي يابني انت ؟
مروان : خلاص روح جيب واحده واديها ٥٠٠ جنيه واشحت انت
حازم بقله حيله : مروان عنده حق ...احنا مضطرين
مروان : يالا كل واحد يغير هدومه عشان ورانا شغل كتير
سالم بغيظ: منكوا لله ياشويه شحااتين
بعد دقائق قد بدل الشباب ملابسهم ليتوقفوا في منتصف المنزل بحيره
سالم : احنا هنبدأ بايه ؟!
مروان بتفكير : مش عارف !
حازم : انا كنت بشوف هانم بتنضف اوضتي ..كانت بتشيل الملايات وتغيرها ...وكانت بترش مايه كتير علي الأرض بخرقه كبيره معفنه
مروان : طيب ...ادخل انت ياسالم هات جردل مليان مايه ...وانت ياحازم دور علي ملايات نضيفه ...وانا هحاول انفض التراب اللي علي الكنب ده واشيل السجاد
دلف سالم الي المرحاض ليملئ الجردل بالمياه وهو يخرج ويترنح من ثقله ...
سالم وهو يسكبه ارضاً : ادخل اعمل واحد تاني
حازم بصدمه : يانهار ملهوش الوان ...انت عملت ايه يابني ادم
سالم وهو يقترب منهم لتنزلق قدميه ويسقط ارضاً علي ظهره
سالم بوجع : ااااه
كاد أن يقترب منه حازم لتنزلق قدميه ايضا ويسقط بجانبه ...
مروان وهو يخبط علي رأسه : يخربيت الغبااااء ..
سالم وهو يحاول أن ينهض بوجع: ااه مش قادر ظهرري
مروان بغيظ: ماهو مفيش حد عاقل يعمل كددده
حازم وهو يأن بألم: منك لله ياسالم ..ااه ياظهري
مروان : قوم ...قوم يافالح منك ليه خلينا نتنيل نخلص
........................................
اتأخرت عليك ؟!
هتفت بها تاليا بتوتر وهي تقبع أمام شخص ما ليتطلع إليها وهو يهتف بتوهان: هه
تاليا وهي تفرك اناملها بتوتر: ا انت مش يونس !
يونس : اه ..انا بس مكنتش اتوقع تبقي بالجمال ده هو انتي تاليا اللي بكلمها فيس ؟! بجد انتي
تاليا وهي تبتسم بأهتزاز: ايوه انا ....انت كمان شكلك متغير عن الصور خالص كأنه مش انت اصلا
يونس بتوتر: هه اه ..مانا صوري غير شكلي خالص
تاليا : اه
يونس : تحبي تشربي ايه ياقمر.
تاليا بحرج : اي حاجه
يونس وهو يغمز بعينيه : تشربي فراوله يافراوله انتي ؟!
تاليا بأبتسامه رقيقه : اوك
يونس وهو ينادي علي النادل ويغمز له بخبث: اتنين فراوله
النادل بخبث وهو يتطلع الي تاليا بشهوانيه : من عيوني يا يونس بيه
اهتزت تاليا من نظرات ذاك النادل لتفرك اناملها وهي تتطلع الي المكان بخوف ...
بعد دقائق وضع النادل الفراوله أمامها لتتطلع الي يونس والذي ابتسم بهدوء: اتفضلي
ابتسمت بأهتزاز وهي ترتشف اول رشفه من الكوب وتضعه مره اخري ...
يونس : ها بقي ياستي احكيلي عنك
تاليا بتوتر : م مانا حكيتلك كل حاجه علي الفيس
يونس : تؤ ...انا عايز اعرف عنك أكتر ..يعني مثلا بتحبي ايه بتكرهي اي ..نفسك في اي كده
تاليا بعفويه: نفسي اروح الملاهي
يونس بتعجب: هو ده اللي نفسك في ؟!
تاليا وهي ترتشف من الكوب مره اخري: اه ...جدا
يونس: اوك ..نفسك في اي تاني
تاليا بحزن وقد بدأ الصداع أن يداهمها: نفسي حد يحبني ...ويسمعني ...نفسي حد يحتويني
يونس : انا موجود
تاليا وهي تغمض عينيها اثر المخدر: ااه انا مصدعه اوي ...
أسندت رأسها فوق الطاوله لينهض يونس وهو يحملها ويتجه بها إلي الخارج ونظرات الجميع تحاوط بتعجب ..وضعها في سيارته وهو يتجه إلي مكان مجهول ...مكان ستكن منه بدايه هلاك ملاك برئ خرج للعالم المرعب القاسي ...
........................................
في القصر كانت تقبع جوري تتصفح هاتفها لتجد صفحته ...صفحه ذاك المغرور حازم لتفتحها بفضول وهي تتطلع الي صوره والتي تُعلق عليها جميع الفتيات وكأنه احدي نجوم بليود
جوري: يخربيتك كل ديه بنات ...ايه قلبك قلب رمانه
ظلت تتصفح وتتصفح حتي توقفت عند احدي المنشورات منذ ثلاثه اشهر فكان يتصور هو وفتاه تبدو عاهره وليست فتاه طبيعيه ويكتب فوق الصوره " زوجتي المستقبليه " فتحت الكومنات لتجد المباركات لتبحث عن الكومنت الخاص بها لتجده اخيرا
"حبيبي احلي زومي في الدنيا كلها انا محظوظه انك خطيبي بحبك "
جوري بتعجب: خطيبي ؟
ظلت تتصفح وتتصفح حتي انتهت لتزفر بتعب : اوف يخربيتك علي بيت اللي تعرفهم ايه البناات ديه. كلها
خطرت ببالها فكره لتبتسم بشر وهي تقرر فعلها
جوري: انا اعرف في الهكر وعمري ما استخدمته بس ميمنعش اني استخدمه ونتسلي شويه
بعد دقائق فتحت الاكونت الخاص به لتنشر بوست علي الفيس
حبيبتي سامحيني انا بقولهالك قدام الناس كلها لو سامحتيني كلميني خاص "
بعد ثواني فتحت الرسائل لتجد اكثر من فتاه تتحدث إليها لتبتسم بمكر وهي تكتب العنوان ومن ثم اغلقت الهاتف
جوري وهي تستند برأسها علي الاريكه : انجووي يابيبي
#إيمان_شلبي
تعليقات
إرسال تعليق