رواية حكاية زهرة الفصل الثالث وعشرون23بقلم شيماء منير (حصريه وجديده في مدونة موسوعة القصص والروايات)
رواية حكاية زهرة الفصل الثالث وعشرون23بقلم شيماء منير (حصريه وجديده في مدونة موسوعة القصص والروايات)
الفصل الثالث والعشرون
عدى يومين
الكل صحي الصبح على صوت زعيق وخناق
مازن وزهره خرجوا من غرفتهم
وكمان جيهان ومصطفى
مصطفى:في ايه ؟؟؟
مازن:والله يابابا مش عارف
جيهان:الصوت دا من عند حسام ومريم؟؟؟
زهره:تقريبا
فجاءه مريم خرجت من الاوضه
وبتتكلم بصوت عالي
مريم بعصبيه انا هرن على اخويا يجي ياخدني
حسام بصوت عالي هو كمان بقولك ايه بطلي هبل بقا ووطي صوتك
مريم واتحركت من مكانها قابلتها جيهان في ايه يامريم ايه ياحسام؟؟
حسام بضيق:مفيش ياماما
مريم واتحركت بغضب انا هتصل على اخويا يجي ياخدني
حسام وممسكها من ايدها بعصبيه كفايه بقا كدا ويلا ندخل اوضتنا
مريم بضيق:سيب ايدي
جيهان : بس بقا انتوا الاتنين عيب كدا
حسام بضيق انتي مش شايفاها بتستهبل ازاي
مازن متدخل:خلاص بقا ياحسام اهدا بقا
مريم ببكاء انا عايزه ارجع انا عايزه اروح لماما
جيهان وخدتها في حضنها اهدي بقا هو انا يعني مش ماما والا ايه؟
مريم:انا مش عايزه اقعد هنا خليه يكلم ست نهله دي براحته
الكل اتفاجاء من الكلام وبص لحسام
حسام بضيق:مريم متحوريش وتقولي اي كلام وخلاص
مريم ببكاء انا مش بحور انا سامعك بودني وانتي بتكلمها وعامل فيها نحنوح
جيهان بضيق ممكن تفهومنا في ايه؟؟
حسام:ياماما مفيش حاجه دي مدام نهله موظفه عندنا في الشركه وكنت بكلمها في شغل
مريم بضيق:اه عشان كدا رنت عليك الساعه٣الفجر
حسام :ما انا كلمتها قدامك وطلع ولادها بيلعبوا في الموبيل ورنوا بالغلط
مصطفي:يابنتي اخزي الشيطان دي مدام نهله ست محترمه واسالي حتى عمر اخوكي وشغاله معانا من سنين
مريم: ببكاءانا عايزه امشي ياعمو
زهره :طيب اهدا يا مريم عشان البيبي
جيهان:تعالي بس ندخل اوضتك انا وانتي ونتكلم شويه
جيهان وشاورت لمازن
مازن فهمها تعالي ياحسام تعالى نطلع الجنينه بره
في الجنينه
مازن:ايه ياعم ما تهدا شويه غيرانه عليك
حسام:بالله عليك تسكت بجد الحمل دي بيغير الستات بياثر على عقلهم
مازن وضحك بقوه يابني متظلمش الهرمونات والله حتى لو في العادي دول بيألفوا حوار في دماغهم ويجيوا يحاسبوك عليه دا لو كبرت الموضوع في دماغها شويه وطولت في التفكير هتكون اتجوزت عليها وخلفت عيلين كمان
جيهان وقربت منهم
جيهان:سيبني مع اخوك شويه يامازن
مازن وقام وقف:حاضر انا هدخل اكمل نوووم بقا
مازن مشي
جيهان وقعدت جمب حسام ايه ياحسام دي مشكله تافهمه تسمعوا بيكم الكل بسببها
حسام:ياماما هي اللي مكبر المواضيع
جيهان:هي بتقول انك كل يوم تتخانق معها
حسام :اكيد مش دا السبب حناقتنا
جيهان:وايه سبب حناقتكم؟؟؟
حسام:السبب انها معدتش مهتميه بيا نهائي وطول الوقت ماسكه الموبيل والفيس
جيهان:معلش اعذرها الحمل بردوه شاغلها
حسام :انا عذرها بس بجد هي بتفضل تقعد تمسك الموبيل ومتقعدش معايا
جيهان:حتى لو كدا فاهمها براحه واتكلم معها بهدوء
حسام:والله قولتلها اكتر من مره بس مفيش تغير
جيهان:معلش ياحبيبي براحه وربنا هيهديها
بعدها قرروا يرجعوا على الفيلا بعد ما الامور هديت بين حسام ومريم
عدى يومين
وكل واحد رجع لحياته العاديه
في يوم
الكل كان قاعد في الايفنج ماعدا مازن اللي كان في الصاله الرياضيه
سمعوا صوت خناق بره
حسام وقام وقف في ايه؟؟
مصطفى:في صوت حد بيتخانق
جيهان بقلق الصوت قريب مين هيكون بيتخانق هنا
في الوقت دا الصوت قرب اكتر
والبواب اللي شكله بيمنع حد من الدخول لباب الفيلا الداخلي
وقتها حسام وقرب من الباب وفتحه
كان البواب واقف وجمبه شخص شكله صعيدي ومتعصب والباب ماسك فيه
حسام:في ايه ياعبده؟؟
عبده:يابيه الراجل دا مصمم يدخل وبيقول انه يعرف زهره هانم وعايز يقابلها
حسام بتعجب واتكلم انت مين؟؟
عمار :اني ابجا عم جنا
حسام وبص لزهره اللي كانت واقفه جمب مريم وبتبص بدهشه وخوف تعرفيه يازهره؟؟
زهره وابتلعت ريقها بتوتر وهزت دماغها بالايجاب اه دا عم جنا
حسام :طيب روح انت ياعبده
حسام لعمار:اتفضل
عمار ودخل وفضل يتأمل في الفيلا
حسام :اتفضل على الصالون
حسام ووجه للصالون
عمار دخل وقعد وهو عينه هتطلع على كل حاجه في الفيلا
حسام :تشرب ايه حضرتك؟؟
عمار:شااي بس يكون تجيل شويه
حسام وطلب شاي من الشغالين وزي ما عمار طلب
مصطفى كمان قعد معاهم وانضمت ليهم جيهان
زهره كانت قاعده متوتره وماسكه بنتها بخوف
مريم:ايه يا زهره مالك في ايه؟؟
زهره بصتلها بخوف هو عرف مكاني ازاي دا؟؟
مصطفى طلب من جيهان انها تكلم مازن لانهم مش فاهمين حاجه من عمار وزهره رافضه تدخل تقابله
جيهان كلمته وقالها انه في الطريق
وفعلا وصل بعد شويه اتفاجاء بوجود عمار اللي هجم عليه ومسكه من هدومه
مازن بغضب ايه اللي جاب الزفت دا هنا
حسام وهو بيحاول يبعد مازن عن عمار يابني اهدا وفهمنا في ايه وبعدين سيبه هيموت في ايدك
مصطفى :متدخل بعصبيه مازن وقف اللي بتعمله دا وفهمني في ايه؟؟
مازن اخيرا ساب عمار اطلع يابنى ادم انت بره
عمار:انا مش طالع من اهنه جبل ما اخد بنت اخوي معاي
مازن:دا انت بتحلم لما اسيبها لواحد صا..يع زيك
عمار:ابوي الحاج جمال الراوي هو اللي عايزاها وانا هاخدها غصب عنك
مازن بعصبيه وقرب منه بس حسام وقف قدامه مازن واتكلم بغضب مش هو عايزاها ابعته بنفسه ياخدها
عمار:احنا مش هنجبل انها تعيش في بيت الغرب
مازن:وانا بقولك خليه هو يجي ياخدها ..ويلا من غير متطرود واياك تقرب من الفيلا تاني والله لو لمحتك بس قدام الفيلا لكون مرجعك الصعيد في عربية الموتى
عمار مشي وهو بيزعق وبيستحلف انه هياخد جنا
مازن وقعد بغضب
مصطفى:ايه الموضوع دا؟؟
مازن :عايز ياخد جنا الصعيد
مصطفى:وانت ازاي متحلش الموضوع دا وسايبه مفتوح كدا هما اصلا من حقهم ياخدوها
مازن:ميقدروش
مصطفى بعصبيه غير معتاده وصوت عالي وبعدين بقا في اسلوبك دا لا من حقهم دي بنتهم وبعدين بالنسبه لهم دلوقت عايشه في بيت غريب مع راجل غريب ودا عندهم حاجه مش عاديه الموضوع دا ميتحلش كدا
حسام:بابا عنده حق يامازن لازم تحل الموضوع دا
مازن بصلهم بصمت واتنهد بضيق
بعد ساعتين في غرفة مازن وزهره
زهره ببكاء لا مستحيل اروح هناك
مازن:لازم نحل الموضوع دا
زهره ببكاء:لا انت عايزني اديهم بنتي بايدي لا لا
مازن:ممكن تهدي احنا لازم نروح نتفق معاهم نضع حد للموضوع دا بدل ما اقت.ل عمار دا وادخل فيه السجن
زهره ببكاء:يامازن مش هيسبوها هياخدوها مني انا عارفهم كويس
مازن:طالما انتي عارفاهم كويس يبقا لازم نروح ونحل الموضوع دا
زهره بدموع :انا خايفه
مازن وهو بيشدها لحضنه متخافيش انا معاكي وجمبك
زهره غمضت عيونها بتعب ودموعها بتنزل
تاني يوم الصبح
مازن اخد زهره وجنا قررو يسافروا على سوهاج
طول الطريق زهره شايله جنا على رجليها وحضنها وكل شويه تمسح دموع تنزل من عيونها
مازن كان سايق في صمت برغم طول الطويل
كان بيوقف العربيه كل فتره يرتاحوا شويه واشترى اكل كمان
موبيله رن
مازن ورد الو
:ايوه يابني انت فين؟؟
مازن:انا عديت المنيا
:كويس هتلاقيني مستنياك على مدخل سوهاج
مازن:تمام ..ماشي مش انت عارف البيت
زهره بصتله باستغراب
:ايوه عارفه متقلقش طول ناس معروفين هنا
مازن:تمام ..
قفل الخط
زهره:بتكلم مين؟
مازن:دا عماد صاحبي من ايام الجامعه كان بيدرس معايا في جامعة القاهره بس هو من سوهاج .كنت كلمته عشان يعرفنا البيت ويكون معانا
زهره:انا عارفه البيت
مازن:عارف بس لازم حد يدخل معانا انا عرفت انهم ساكنين في دوار كبير وفي غفر وكدا فالدخول مش هيبقا على طوول كدا وبعدين كان لازم قبل ما اجي اعرف الناس اللي انا رايح لهم عشان ابقا عارف انا بتعامل مع مين
بعد فتره وصلوا
كان عماد منتظرهم
سلم هو ومازن على بعض وركب معاهم العربيه
وصلوا عند بيت جمال الراوي
اللي كان عباره عن دوار كبير وحواليه غفر كتير
زهره اول ما قربوا بصت بخوف وبلعت ريقها بتوتر
الغفر وقف العربيه
وعماد اتكلم معاهم وعارفهم ان جنا بنت المرحوم اشرف بن جمال الراوي
بسرعه واحد من الغفر بلغ جمال اللي سمح لهم بالدخول على طول
مازن دخل بالعربيه وركنها في مكان
نزل من العربيه وكمان عماد
مازن فتح الباب اللي الخلفي لزهره عشان تنزل هي وجنا
زهره بصتله بخوف بس هو طمنها بعيونه
مازن وشال جنا وزهره نزلت
كان جمال واقف منتظره في شرفه كبيره وينظر لهم
رجل في عقده السابع ولكن يتميز بجسد قووي على الرغم من بياض شعره وذقنه
ينظر اليهم وبتمعن وهو يرى زهره وهي تمشي بخطوات بطيئه بجانب مازن
جاءت عينه على جنا اللي كان مازن شايلها اهتز قلبه
تكلم بصوت قووي اهلا وسهلا نورتنا
مازن واقترب منه
ونزل جنا اللي مسكت في ايد زهره
مازن ومد ايده اهلا بيك ياحاج جمال
جمال وهو يمد ايده هو الاخر منورنا يا ولدي
ثم وجه كلامه لزهره اهلا يازهره يابتي عامله ايه
زهره بتوتر كويسه ياعمي الحمدلله
جمال وهو ينظر الى جنا بشوق تعالي ياحبيبة چدك سلمي علي
جنا ومسكت في زهره بخوف
جمال:معتخافيش انا چدك
مازن ومسك ايد جنا وشالها دا جدو ياجوجو عارفه بابا اشرف
جنا وهزت دماغها بالايجاب
مازن:دا باباها يبقا جدو سلمي بقا عليه
جنا وهزت دماغها برفض وخوف ومسكت في قميص مازن وخبت وشها في رقبته
مازن وقعدها على احد المقاعد وقعد قدامها القرفصاء جوجو مش احنا كبار لازم منخافش وبعدين جدو بيحبك اووي وهيلعب كمام معاكي
جنا وهي بتبص حواليها بتوهان زي جدو مصطفى
مازن بابتسامه ااه
جنا وبصت لجمال وبعدين بصت لمازن وقالت بصوت هامس بس انا خايفه
مازن وحضنها متخافيش انا معاكي اهوه
مازن وشالها وقرب من جمال اللي كان قاعد على احد المقاعد سلمي بقا على جدو
جنا وقربت بخوف وسلمت على جمال اللي شدها لحضنه وبكى تعالي يابنت الغالي انا شامم ريحته فيكي
فجاءه ودخلت امراءه في عقدها السادس
وجريت اتجاه جمال وجنا
وشدت جنا لحضنها وقالت ببكاءياحبيبتي يابنت الغالي
مازن فهم ان دي جدتها
في الوقت دا جنا عيطت بخوف
زهره قربت منهم واخدت جنا في حضنها وهدتها
مازن :معلش ياجماعه هي بردوه مخضوضه وخايفه
عليه والدة اشرف:مخضوضه مننا ليه دا احنا اهلها
مازن:معلش بس اول مره تشوفكم
عليه بضيق وهي تنظز لزهره منه لله اللي كان السبب
زهره بصتلها بضيق وهي محتضنه جنا
جمال:وبعدين يا ام اشرف سيبك من الكلام الفارغ ده عاااد بتنا معانا اهيه
زهره وبصت لمازن بخوف اللي طمنها بعنيه
جمال:تعالى ياولدي اجعد مش هتفضل واقف اكده
مازن وقرب منه
جمال:خلي البنته يحضروا فطور لينا اهنه وخودي زهره وجنا معاكي عند الحريم چوه
عليه:حاضر تعالى يازهره
عليه اخدت زهره وجنا ودخلوا جووه
مازن و قعد جنب جمال ورفع نضارته الشمسيه على شعره
جمال: منورنا ياولدي
مازن:دا نورك ياحاج
جمال:انا بجولك ياولدي لانك جد ولادي
مازن:ايوه طبعا حضرتك زي والدي
جمال:انا سأل عنك من وجت ما عرفت انك جاي هنا وعرفت ان اهلك ناس مستواهم عالي في مصر وانك بن اصول
مازن:شكرا لحضرتك. وانا سامع بردوه عن حضرتك كل خير
حضرلهم الاكل
وبداء مازن ياكل هو وجمال
فجاءه دخل عمار اللي
اول ما شاف مازن
عمار بغضب ايه اللي جاب الراجل دا اهنه وقرب من مازن اللي كان قاعد جمب جمال
ونكمل الحلقه الجايه
وياترى ايه اللي هيحصل
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هنااااااا
 رواية حكاية زهرة الفصل الثالث وعشرون2…){kind=link}
تعليقات
إرسال تعليق