رواية حكاية زهرة الفصل الثالث 3بقلم شيماء منير (حصريه وجديده في مدونة موسوعة القصص والروايات)
رواية حكاية زهرة الفصل الثالث 3بقلم شيماء منير (حصريه وجديده في مدونة موسوعة القصص والروايات)
الفصل الثالث
تاني يوم مازن صحى من النوم
مسك الموبيل كانت الساعه ١١ ص
قام اخد شاور ولبس عشان يروح الصاله الرياضيه
نزل بخطوات سريعه على الدرج
كان يرتدي قميص من اللون الاسود يشمره الى مرفقه وبنطال من اللون الابيض
مازن سأل على جيهان وكانت في الجنينه بره
خرج وقرب منها وضع قبله على يديها
مازن:صباح الخير ياماما
جيهان بابتسامه :صباح الخير ياحبيبي .ايه خارج؟
مازن:ايوه هروح الصاله في كذا جهاز عطلان والمهندس جاي يشوفهم
جيهان:ماشي ياحبيبي هخليهم يجهزوا ليك الفطار هنا في الجنينه
مازن وقام وقف لا هفطر هناك اي حاجه
جيهان وهي تمسك ايده ومازلت قاعده عشان خاطري متتاخرش على الغداء
مازن:هحاول ياماما
جيهان:على فكره انا عازمه خالتك سوزي وولادها وجوزها على الغداء
مازن:تمام هحاول اكون موجود
جيهان بإصرار:مش هتحاول اكيد مش كل مره متكونش موجود وبعدين مش بتتجمع معانا نهائي وعلى طو...
قاطعها مازن خلاص خلاص ياماما انتي ما صدقتي عموما المهندس يخلص وهاجي على طول
مازن بعدها خرج واخد عربية والداته وراح على الصاله الرياضيه
كانت صاله رياضيه كبيره
نزل من العربيه
مازن وكلم واحد من الامن اللي على البوابه خود اركن العربيه دي في مكان كويس
الحارس:ماشي يافندم تحت امرك
مازن دخل
وكان الاستقبال وموجود فيه كذا موظف واللي لما شفوا مازن وافقو ومازن القى عليهم التحيه ودخل على مكتبه اللي في اول الصاله الرياضيه
الصاله كانت كبيره ومتقسمه بحرافيه
كانت عباره عن مكان خاص بالتمارين الرياضيه كجيم
وفي مكان اخر لممارسة الالعاب الرياضيه ككرة القدم والسله والتينس
وكمان مكان للسباحه
كان المهندس في انتظاره
مازن اتكلم معه والمهندس بداء يشوف شغله وطبعا كان معه مساعدين
مازن كان قاعد في المكتب و كان فاتح قدامه كاميرات الصاله وكمان الكاميرا اللي قدام الشقه
مسك موبيله ورن على خليل
مازن:ايوه ياعم خليل
خليل:ايوه يامازن بيه
مازن:كنت عايزك تخلي مراتك وبنتك يطلعوا ينضفوا الشقه لمدام زهره
خليل:حالا يابيه هخليهم يطلعوا
مازن وبص في الساعه كانت ١٢ لا استنى كمان ساعه كده يكونوا صحيوا
خليل :ماشي يابيه بعد ساعه تؤمر بحاجه تانيه
مازن:لا خلاص ولما يطلعوا عرفني
خليل:حاضر يابيه
مازن قفل ورجع يشوف شغله....
_________________________
كانت تنهي ما تبقى من عملها
زهره وغسلت ايدها بعد ما خلصت تنطيف الشقه وبصت حواليها براحه نفسيه هي صحيح مش هطول هنا بس عشان كانت الشقه متربه ومش نطيفه ومينفعش تفضل فيها كده نظفت الشقه كلها ماعدا الاوضه اللي كان فيها حاجات مازن
فاقت على صوت جنا
ماما
زهره: تعالي ياحبيبتي صحيتي
جنا :ايوه انا خوفت انا مكنتش عارفه المكان احنا جينا امتى هنا
زهره وافتكرت انها كانت نايمه
زهره:جينا هنا وانتي كنتي نايمه
جنا:الله ياماما هنعيش هنا دا مكان جميل
زهره:لاوياحبيبتي فتره بس لحد ما نلاقي مكان نقعد فيه
جنا:طيب انا جعانه
زهره تعالي في المطبخ فيه اكل
زهره وجنا لسه هيتحركوا الجرس رن
زهره بصيت من العدسه وكان خليل وجمبه واحده ست وبنت تيجي١٥سنه
زهره استغربت وخافت نوعا ما
زهره واتكلمت من وراء الباب :في حاجه ياعم خليل؟
خليل:لا ياهانم مازن بيه اللي باعتني لحضرتك
زهره سمعت اسم مازن اطمنت شويه
جابت الحجاب على شعرها وفتحت كالعاده جزء من الباب
زهره:في حاجه؟؟
خليل وهو بيعرفها دي حسنيه مراتي وعليا بنتي
ابتسمت زهره بخفه وحركت دماغها ليهم
خليل وكمل:مازن بقا طلب مني انهم ينطفوا لحضرتك الشقه
زهره:لا شكرا انا خلاص نطفتها
خليل:ازاي بس ياهانم دي اؤامر مازن بيه
زهره:قوله اني نطفتها بنفسي وخلاص
خليل :اخد مراته وبنته ونزل
زهره قفلت الباب ودخلت اتوترت وخافت انه يضايق انها عملت حاجه في الشقه
فاقت على صوت جنا ماما يلا جعانه
زهره :ماشي يلا ياحبيبتي
__________________________
في شركة المنشاوي
حسام كان قاعد هو ومصطفى بيخلصو شغل
مصطفى:خلاص كده كله تمام
حسام :ايوه يابابا تمام
مصطفى :مش عايز غلطه ياحسام وظبط المزنيه مع عمر
حسام:ماشي حاضر يابابا كل حاجه هتبقا زي ما حضرتك عايز
حسام بص لوالده وسكت بتردد
مصطفى:مالك عايز تقول حاجه؟؟
حسام بتردد اه انا..
مصطفى:انت ايه؟؟
حسام بلهجه سريعه بابا انا كنت عايز اخطب
مصطفى ابتسم بقوه دا خبر كويس جدا اخيرا دا انا وانا قدك كنت انت عندك ٤سنين
ابتسم حسام بخفه الزمن غير الزمن بقا
مصطفى:اهم حاجه من العروسه اللي خلتك تقول ياجواز
حسام:مريم بنت خالتي
ابتسم مصطفى طيب كويس مريم محترمه وعسوله
حسام بإحراج تمام
مصطفى:خلاص انا هبقا اكلم عمك نبيل وكمان هخلي جيجي تكلم سوزي
حسام بسعاده ماشي تمام
_____________________________
عند
مازن
الباب خبط
دخل عليه خالد ودا ماسك ادارة الجيم في غياب مازن وهو شاب في اوائل العشرينات
مازن:تعالى ياخالد
خالد:كنت عايز اراجع مع حضرتك إيرادات الايام اللي فاتت اللي حضرتك مكنتش موجود فيها
مازن وهو يدخن سيجاره ماشي تعالى اقعد
خالد وقعد في المقعد اللي قدامه
مازن:تشرب قهوه
خالد بحرج:لا شكرا
مازن واتكلم بسخريه لا العفو..بس هتشرب حاجه اخلص اطلبلك ايه؟
خالد بحرج وتوتر:ماشي قهوه..مع حضرتك
مازن :وطلب قهوه ليه ول خالد
مازن وبص في الورق اللي خالد حاطه قدامه
فتره بسيطه ودخل العامل ووضع القهوه قدامهم وخرج
مازن بعد فتره خلص مراجعة الورق
مازن:تمام كله تمام
تتمتم خالد بخفوت ماشي يافندم
خالد وخرج مبلغ من المال وحطه قدام مازن
خالد:اتفضل حضرتك دي الفلوس اللي كنت مدهالي ووقت ما والدتي تعبت
مازن بص للفلوس وبعدين بصله والله؟!!
خالد وابتلع ريقه بتوتر:انا قدرت اوفرهم والحمدلله الامور احسن شويه..وبعدين كفايه ان حضرتك لسه لحد النهارده بتبعت العلاج شهريا دا موفر علينا كتير
مازن بحد خفيفه وانت زعلان ليه ؟؟وبعدين هي مش والدتك دي زي والدتي وانا ابنها زيك ..شايل ياخالد الفلوس وبطل هبل واياك تكرر اللي عملته دا تاني
خالد :بس حضرتك..
مازن قاطعه :يلا يا خالد اشرب قهوتك اللي بردت دي وبعدها على شغلك وابقى عدي على المهندس والا معه وشوف ايه الاخبار
خالد بطاعه :ماشي حاضر وبداء يشرب من القهوه
موبيل مازن رن وكان خليل
مازن رد
مازن:ايوه ياعم خليل ..ايه؟؟ اممم ..خلاص ماشي ..لا انا عندي شغل وهخلصه وهعدي عليك ..ماشي. ..
وقفل
مازن رجع دماغه لوراه على الكرسي مستغرب من تصرفها ابتسم بخفه لما افتكر عيونها وملامحها البسيطه وحجابها مستغرب نفسه اشمعنا هي دا قابل بنات اكتر من عدد شعر رأسه بس هي مختلفه!!!
فاق على صوت خالد
خالد:حضرتك محتاج مني حاجه انا هروح اعدي على المهندس
مازن واتعدل احم انا جاي معاك هشوف وصل لفين
_________________________
في شركة المنشاوي
حسام عدى على عمر اللي كان قاعد في مكتبه وبيخلص شغل
حسام:فاضي والا مشغول؟؟
عمر:تعالي ياحسام لو مش فاضي افضالك
حسام:ايه يابني مشوفتكش النهارده
عمر:عادي مشغول بس شويه
حسام:اخبارك ايه؟
عمر:الحمدلله
حسام بتردد عمر انا كنت عايز اتكلم معاك في موضوع كدا
عمر بانتباه خير موضوع ايه
حسام :انا خلاص قررت اخطب واتجوز
عمر بفرح بجد ياحسام كويس مبرووك
حسام :الله يبارك فيك ..مش هتسألني مين؟؟
عمر بانتباه :صحيح مين نعرفها والا لا؟؟
حسام باحراج:اه تعرفها
عمر:مين؟؟
حسام:احم مريم
عمر:مريم مين؟؟
حسام : احم اختك
عمر بعدم تركيز اختي مين؟؟
حسام:ايه ياعمر انت فقدت الذاكره
عمر:اه مريم بجد طيب
حسام:ايه ياض البرود اللي انت فيه دا
عمر :ههههههههههههه اصلك بصراحه متأخر اووي انا عارف من زمان وبجد اول عريس كان هيجي مناسب ل اختى كنت هوافق عليه عند فيك
حسام:لا ياعمر ماتهزرش انا كلمت بابا وهو هيكلم عمو نبيل في اقرب وقت
___________________________
اخر النهار الكل اتجمع في فيلا مصطفى المنشاوي
الكل كان موجود وبيتكلموا مع بعض
وكمان عبير اخت مصطفى وبنتها ساره
سوزي:فين مازن ياجيجي ؟
جيهان :كان عنده شغل في الصاله وعلى صول انا لسه مكلماه
ساره ابتسمت بفرح لانها بتحب مازن ونفسها كمان تشوفه
الكل بيتكلم معه بعضه
دخل مازن وسلم على الكل واتفاجاء بعمته وبنتها
مازن بص لجيهان بعتاب لانها مقالتلوش ان عمته وبنتها جايين مكانش هيجي
جيهان عملت نفسها مش واخده بالها
سوزي:انا زعلانه منك يامازن مش بتسأل على خالتك نهائي
عبير متدخله بالحديث:ولا عمته وحياتك دا حسام على طول بيكلمني
مازن بملل:معلش انا مش فاضي شويه
جيهان متدخله معلش الصاله شاغلاه شويه وبيعمل فيها حاجات جديده
سوزي:ربنا يوفقك ياحبيبي وتوصل للكل اللي بتحمل بيه
مازن بابتسامه شكرا ياخالتو
الكل اتجمع على السفره واتغدوا مع بعض في حب
وبعدها فضلوا يتكلموا في مواضيع مختلفه
مازن كان مرهق جدا ونفسه يقوم ينام بس مش عارف يقوم
ساره قاعده جمبه ترغي وتحاول تقرب منه وهو تقريبا مش سامع هي بتقول ايه بس سايبها ترغي
عمر كان مبسوط ان خلاص حسام هياخد خطوه هو عارف انه بيحب مريم من زمان ..هو بيثق فيه جدا ولو كان مش بيثق فيه مكانش دخله بيتهم
حسام بقا قلبه مش شايله وهو قاعد بيختلس النظرات لمريم ومش مصدق خلاص انه اخيرا هياخد خطوه
مريم اللي قاعده محرجه من نظراته ونفسها الارض تنشق وتبلعها
مازن ابتسم بخفه وهو بينقل نظراته بين مريم وحسام
هو عارف قد ايه هو بيحبها ومن سنين
استغرب شويه اخوه وهو ليه لحد دلوقت ماتجوزهاش وقال جواه انا لو مكانه كان زماني مخلف منها مش متجوزها بس
فاق على صوت ساره
ساره:مازن انا بكلمك سرحان في ايه؟
مازن بملل مفيش هقوم اشرب
ساره:طيب اجبلك انا مايه
مازن وقام وقف:لا بحب اشرب بايدي
مازن قام من مكانه
وهو معدي على حسام
انحنى شويه وهمس في ودانه كفايا نظرات بقا البت قاعده مكسوفه مش ناخد خطو ه. جد بقا لتطير مننا
حسام وقرب منه بنفس الهمس كلمت بابا النهارده وهو هيكلم عمو نبيل
مازن بص ل اخوه وابتسم
القاعده فضلت مستمر لحد الساعه١٠ بالليل
مصطفى كلم نبيل وقوله انه هيجي يشرب الشاي معه بكره ونبيل رحب جدا
نبيل مشي هو ومراته وولاده
لكن عبير وبنتها هيعقدوا كذا يوم
ودا ضايق مازن شويه لان ساره بتلزق فيه باستمرار
مازن اول ما خالتو مشيت
طلع على طول على اوضته اخدت شاور دافي لانه كان حاسس انه مرهق
خرج من الحمام
فرد نفسه على السرير
ومسك الموبيل فتح الكاميرا اللي عند الشقه
رجع اللي فاته
مكانش غير مرات البواب بتنطف قدام الشقه وخبطت اخدت القمامه اللي عند زهره
ومفيش جديد
اتمنى لو يشوفها ..اتمنى لو كانت تخرج شويه ويشوفها
اتنهد بتعب جواه عليها من نفسه هو مستغرب نفسه وتفكيرها معقول!!!
لا مش كده هو تعاطف مش اكتر مع حالتها
ايه يامازن هي دي اول مره تتعامل مع حد ظروفه كده عادي يعني
هو تعاطف انا عارف
وذهب في ثبات عميييق
____________
الساعه ١٢ص
كانت تجلس بجانب ابنتها النائمه والتي تسعل
فالدوء اللي ادتولها مش جايب نتيجه
مكانتش عارفه تعمل ايه
خرجت للصاله
كان لسه الاكل اللي باعته مازن مع خليل من ساعه مكانه
تنهدت بتعب ياترى دا كله هيبقا ليه مقابل ايه؟؟
شالت الاكل بتوهان وحيره وتعب
ورصت كل حاجه مكانها
وقعدت تفكر في حالها وتفكر انها تمشي وتحاول تلاقي شغل
فاقت على صوت جنا
جنا فضلت تكح كتير ومكانتش قادره تاخد نفسها
زهره قربت منها بقلق وخوف
زهره :ايه ياجنا مالك
جنا بتكح باستمرار
زهره بصت في الساعه كانت واحده ونص مكنتش عارفه تعمل ايه هتنزل بيها دلوقت طيب هتروح فين
والفلوس اللي معاها متنفعش
زهره وجابت الكارت بتاع مازن وكتبت رقم موبيله
اتردد انها ترن
بس صوت حكة بنتها وخنقتها وهي مش قادره تاخد نفسها خلها تضغط على الزار
مازن كان نايم
موبيله رن
كان رقم غريب
مازن وبص شويه للموبيل
مازن بصوت نائم :الوو
شعرت بالتوتر لما سمعت صوته غمضت عيونها بتوتر
فاقت على صوت مازن :الوووو
زهره بتوتر:ايوه حضرتك...
مازن واتعدل وقعد :مين؟
زهره بخفوت:انا زهره..
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية حكاية زهرة الفصل الثالث 3بقلم شيماء من…){kind=link}
تعليقات
إرسال تعليق