رواية حكاية زهرة الفصل الرابع 4بقلم شيماء منير (حصريه وجديده في مدونة موسوعة القصص والروايات)
رواية حكاية زهرة الفصل الرابع 4بقلم شيماء منير (حصريه وجديده في مدونة موسوعة القصص والروايات)
الفصل الرابع
مازن:ايوه مين معايا؟؟
زهره بتوتر:انا زهره
مازن :ايوه يازهره انتوا كويسين
زهره بدموع:انا كويسه بس جنا كحتها وحشه اووي وحاسه انها بتتخنق ..انا اسف اتصلت على حضرتك دلوقت بس مش عارفه اتصرف
مازن نزل من على السرير وفتح الدولاب الخاص بيه وطلع لبس دا كله وهو بيكلمها اجهزي هعدي عليكم نوديها اي مستشفى
مازن قفل الخط ومستناش يسمع ردها
لبس بسرعه تشيرت لون اسود وبرموده سوده
اخد موبيله ومفاتيحه وحاجته ونزل على طول واخد العربيه
جيهان سمعت صوت حركه وعربيه
بصت من شباك غرفتها لاقت مازن واخد عربيتها وخرج بيها بسرعه
بصت في الساعه كانت ٢الصبح
جيهان بقلق:ودا راح فين دا مسكت موبيلها ورنت عليه مردش عليها
جيهان بقلق:ياوجع القلب على طول يامازن كده
مازن وصل في وقت قياسي عند العماره
على طول فتح الاسانسير حتى ما ردش على خليل اللي كلمه
طلع عند الشقه
ورن الجرس
زهره بصت من العدسه ولاقته مازن فتحت الباب وكانت شايله جنا اللي كانت بتكح جامد
مازن اخدها منها ودخلوا الاسانسير ونزولو وكان سايق بسرعه جدا لدرجة ان زهره كانت خايفه
وصلوا المستشفى وكان موجود دكتور وممرضين واخدو البنت ودخلوا غرفه معينه
مازن وزهره فضلوا واقفين وزهره كانت دموعها بتنزل وخايفه على ابنتها
مازن :هي اول مره يحصل معها كده
زهره من بين دموعها ااه
مازن:طيب ممكن متعيطيش هي هتبقا كويسه إن شاء الله
زهره ومسحت دموعها وبتحاول تبطل عياط
وقتها الدكتور خرج
اول مازن وزهره شافوو قربوا منه
زهره كانت لسه هتتكلم
بس مازن وقف قدامها ورجعها هي وراه
مازن بتساؤل:طمنا يادكتور
الدكتور:متقلقوش هي كويسه وجواه بنعملها جلسة الادرالاين
زهره كانت واقفه وراء مازن مصدومه من تصرف مازن اتمنت لو فعلا هو يكون لو حد قريبها بس تتحمى وراء ظهره كدا من الناس اللي في الدنيا
فاقت على صوت مازن وهو بيسأل الدكتور
مازن:هي ايه المشكله بالظبط؟؟
الدكتور :متقلقش مفيش حاجه بنت حضرتك جالها حاجه اسمها السعال الديكي
زهره بصتله وانصدمت من كلمة الدكتور استنت انه يقول لا مش بنتي بس هو اتكلم عادي بعدها وكأنه سمع حاجه عاديه
مازن:ودا جالها ليه؟؟
الدكتور :متقلقش حضرتك دي حاجه بسيطه ودا بيجي بعد نزلة برد وواضح ان البنت كانت تعبان وكمان عندها كحه هي دلوقت بتاخد جلسه جووه
الدكتور وكتب شوية حاجات في روشته وادها لمازن تجيبوا الحاجات دي وان شاء الله هتبقا كويسه
مازن:طيب احنا ممكن ندخل نشوفها
الدكتور:ايوه طبعا ..وهي هتخلص الجلسه وتقدورا تمشي
الدكتور مشي
مازن ودور وشه لزهره اللي واقفه وراه
يلا ندخل نطمن عليها
زهره ومشيت وراه بهدوء ودخلوا جنا كانت راقده وبتاخد الجلسه
مازن قرب منها
نزل لمستواه الف سلامه يا جوجو
جنا حاولت تبتسم
زهره قربت منها وحضنتها بهدوء
مازن وقف عشان يبعد شويه ويدي فرصه لزهره تطمن على بنتها
جيه يتحرك جنا مسكت ايده
مازن دور وشه وبصلها
وجنا حركت دماغها بالرفض انه يمشي
مازن ابتسم وشد كرسي و قعد جمبها ومسح على شعرها بهدوء انتي تؤمري ياجوجو
جنا بصتله بحب وفضلت ماسكه ايده
زهره كانت متابعه الموقف وكانت مصدومه من تصرف بنتها هي دايما بتخاف من الناس وخصوصا الرجاله اشمعنا دا!!
بعد ربع ساعه
كانت الجلسه خلصت
مازن شال جنا
وخرج هو وزهره وركبوا العربيه ومشيوا
وقف قصاد صيدليه وجاب العلاج وكل حاجه مطلوبه
وصل العماره كانت الساعه بقت ٤ص
ركبوا الاسانسير وطلعوا فوق نزلوا من عند الشقه
زهره فتحت الباب
مازن فضل واقف مكانه
مازن:هي نايمه دخليها مكانها
زهره واخدتها منه :شكرا لحضرتك انا عارفه اني تاعبه حضرتك معايا
مازن:ولا تعب ولا حاجه اهم حاجه اديها العلاج بانتظام
زهره :ماشي
مازن:انا هبقا اتصل اطمن عليها ..وانتي لو حصل اي حاجه متترديش ثانيه انك تكلميني
زهره بحرج :ماشي
مازن بعدها طلب الاسانسير
وركب ونزل فيه
زهره دخلت الشقه وقفلت هي كانت مبسوطه مش عارفه ليه بس مبسوطه وبس
حطت جنا على السرير وقبلتها بحب ونامت جمبها
------_-------
مازن ركب العربيه وهيروح على الفيلا
طول الطريق يفكر فيها مش عارف ليه جواه احساس انه مكانش عايز يسيبها دموعها دي غاليه عليه اووي بس مش عارف يعمل ايه معقول كل اللي هو فيه تعاطف!!
مازن وحرك ايده في شعره من الخلف
وابتسم بسخريه شكلك وقعت يابن المنشاوي
مازن وصل الفيلا
نزل من العربيه
اول ما دخل الفيلا لاقى جيهان مقابله
مازن:صباح الخير
جيهان:كنت فين؟؟
مازن:كنت في مشوار
جيهان بضيق من هدوءه مشوار ايه اللي تخرجله
الساعه٢
مازن بضيق خفيف:في ايه ياماما هو انا عيل صغير وبعدين مشوار مع واحد صاحبي
جيهان وقربت منه انت شكلك كنت في مستشفى ريحتك كلها بنج واوديه
مازن وعارف امه دكتوره صحيح بعيده عن الشغل بقالها سنين لكن بردوه مش ناسيه
مازن:واحد صاحبي كان تعبان واحتاجني ونزلتله
جيهان بصتله بعدم تصديق واحد صاحبك والا حاله من حالاتك الغريبه دي
مازن بضيق:ايه الغريب فيها هي مساعدة الناس والعطف عليهم بقا شئ غريب
جيهان :انا مش هدخل معاك في جدال بس بعد كده اما ارن عليك ترد عليا مش هتكنسل عليا وتقفل الموبيل في الاخر
مازن:كنت مشغول
جيهان بتصميم ونبره عصبيه ترد عليا بردوه
مازن بضيق ماشي ياماما اي اوامر تانيه؟؟؟
جيهان بصتله وسكتت وهو كمان طلع على فوق
دخل اوضته ورزع الباب بقوه
جيهان غمضت عينها بتعب هي عارفه ان ابنها عنيد ومش بيحب حد يفرض عليه راي بس هي امه وكمان قلقت عليه
طلعت غرفتها
وخعلت الروب اللي كانت لابسه وعلقته بزهق
:ايه رجع؟؟
شهقت بخضه ايه يامصطفى خضتني يعني انت صاحي وسايبني في القلق دا لوحدي
مصطفى:حاسس بيكي من وقت ما خرج
جيهان وقعدت جمبه على السرير ياسلام دا الهدوء اللي انت فيه دا
مصطفى وبصلها عشان لو كنت قمت من مكاني مكنتش مدخله البيت اصلا ..وبعدين لما لاقيتك بتزعقي مرضتش ادخل
جيهان بضيق يعني البيه عاجبه اهو طلع ورزع الباب مش عاجبه كلامي وانا خايفه عليه
مصطفى:هو كان فين؟؟
جيهان :بيقولي واحد صاحبه كان تعبان انا مش مصدقه وحاسه انه كان مع حد في مستشفى انت عارف ابنك الشهامه بتاخده لما يكون حد محتاجله
مصطفى:على فكره دي ميزه فيه مش عيب
جيهان بضيق ماشي يامصطفى انا مش رافضه المبداء بس خايفه عليها وخايفه حد يعمل فيه حاجه او مثلا واحده تجروه ل طريق مش كويس دا ابني
مصطفى:وهو بردوه مش عيل صغير دا راجل
جيهان:دا مخوفني اكتر انه راجل وقيمته ظاهره عليه وخايفه ينطمع فيه
لو حسام مكنتش خوفت عليه حسام عقلاني اكتر لكن مازن حنيته بتتغلب على علقه
مصطفى:سيبها لله إن شاء الله الخير اللي بيعمله يقعدله
ثم اكمل بمرح
ابتسم مصطفى بخفه وحب يخرجها من زعلها بس تصدقي ان فرحان فيكي انتو وهو وقعتووو في بعض احسن
جيهان بضيق خفيف انسى اه صحيح زعلانه منه انه قلقني عليه بس عمرنا مانوقع بعض انا ومازن
مصطفى:الواد علاجه يتجوز هيعقل ويهدى
جيهان ابتسمت بسخريه اذا كان اخوه العاقل داخل على التلاتين ولسه بيفكر يخطب تخيل دا بقا
مصطفى:على فكره مازن بياخد قرراه بثقه وبسرعه يعني لو قرر يتجوز مش هياخد وقت عكس حسام
جيهان:ربنا يهديه...
__________________________
تاني يوم
زهره فاقت من النوم ولاحظت انها نامت بملابسها اللي كانت خارجه بيها
قامت ومسكت الموبيل ولاقت الساعه٢بعد الظهر
استغربت انها نامت كل دا
قامت غيرت اخدت شاور وغيرت ولابست لبس بيتي مريح
جهزت فطار وصحت بنتها عشان تأكلها وتديها العلاج
على الفطار
جنا:هو عمو اللي كان هنا امبارح اسمه ايه؟؟
زهره وابتسمت بخفه اسمه عمو مازن
جنا:طيب هو ليه مش موجود النهارده
زهره:عشان ياحبيبتي هو في بيته ومينفعش يكون هنا
____________________________
تاني يوم في شركة المنشاوي
في مكتب مصطفى
مصطفى:نورت الشركه يافتون
فتون بابتسامه دا نورك ياعمو
مصطفى:اخيرا جيتي تشتغلي معانا
فتون:معلش بقا ياعمو
مصطفى:والدتك عامله ايه؟؟
فتون:ماما الحمدلله بخير وباعته لحضرتك السلام
مصطفى:سلميلي عليها كتير
فتون:الله يسلم حضرتك
طرقات على الباب ودخل حسام
حسام :السلام عليكم
الاتنين وعليكم السلام
حسام:مش معقول فتون دا الشركه منوره
فتون بابتسامه دا نورك يا حسام
مصطفى:اخيرا فكرت تيجي تشتغل
حسام:دا الشركه هتنور
فتون بخجل:ربنا يخليك
مصطفى:خودها بقا وعرفها مكانها
فتون:انا ليه بس طلب ياعمو مش عايزه حد يعرف اني قريبة حضرتك
مصطفى:ليه كده؟؟
فتون:معلش عايزه اشتغل ومحدش عارف دا عشان الكل يتعامل معايا بطبيعته
مصطفى:اللي يريحك
حسام:سيبها يابابا هي مجتهده تعالي بقا عشان تشوفي الاجتهاد بجد
فتون بابتسامه يلا
___________________________
في فيلا المنشاوي
وخصوصا في غرفة مازن
فاق من النوم بص في الساعه كانت اربعه العصر
مازن قام اخد شاور
خرج من الحمام ولبس هدومه
لبس تشيرت بيتي وبرموده من نفس اللون وهو البني
مسك موبيله قرر يرن على زهره رن بس الموبيل كان مغلق او غير متاح
قفل ورن على خالد واطمن على الشغل وان كله تمام
رجع رن تاني على زهره وادله غير متاح تاني
نزل تحت
الجو كان هادي نوعا ما ولاحظ عدم وجود ساره وعمته فتوقع انهم مشيوا حمد ربنا من جواه
خرج على الجنينه يشوف والداته لانه توقع انها هناك
فعلا كانت موجوده بس للاسف ساره كانت قاعده جمبها اتنهد بضيق وقرب منهم
مازن:مساء الخير
الاتنين :مساء النور
ساره اول ما شافته ابتسمت بفرح
مازن قعد جمب جيهان ووضع قبله على رأسها
مازن:عامله ايه ياجيجي
جيهان وبتحاول تكون عاديه قدام ساره كويسه تمام
مازن وحس في طريقتها انها زعلانها
مازن:هو مفيش حد هنا والا ايه؟؟
جيهان :حسام وبابا على وصول كويس انك صحيت اخيرا هتتغدى معانا
مازن بتعجب الله؟؟!ما انا ماتغدي معاكم امبارح
جيهان:دا بس عشان انا كنت ماكده عليك لكن عمرك ما تعملها من نفسك
ساره:مازن ماتيجي تخرجني عايزه اروح اتفسح
مازن بسخريه ليه هو انتي. صغيره ماتقومي تخرجي والا تشوفي عايزه تروحي فين
ساره بصتله بضيق وقامت دخلت جووه
جيهان بعتاب براحه شويه هي قالت ايه لكل دا
مازن بضيق:اووف اتخنقت
جيهان بهدوء:على فكره بتحبك وانت جاف معها جدا
مازن بحده خفيفه:حبها بورص ماما اطلعي من دماغي دي عيله انا ناقص وجع دماغ
جيهان:ياحبيبي دي في اولى جامعه يعني معدتش عيله
مازن:ماما متلفيش ودوري عليا ريحي دماغك اللي بتفكري فيه مش هيحصل نهائي
جيهان:يابني انا عمري ماشوفتك حتى بتكلم بنت هقول مرتبط بواحده بس انت مش بتكلم حد قافله ليه كده طيب اخطب بقا والا انتوا حالفين ماتتجوز الا لما يبقا عندكم تلاتين سنه
مازن وموبيله رن برساله وشافها ان الرقم متاح
مازن وقام وقف طيب هعمل مكالمه واجي....
_______________
عند زهره
كانت قاعده هي وجنا
كانوا قاعدين في الرسبشن جنا بتسمع كرتون على الشاشه وزهره قاعده. جمبها وسرحانه في دنيا تانيه
افتكرت لما وقف قدمها وكلم هو الدكتور ريحة برفانه وصلت مناخيرها مش بس كده دا حست وقتها انها وصلت لعقلها وجمدته
فاقت على صوت موبيلها البسبط بنغمته البسيطه
اتوترت لما لاقيته رقم مازن
زهره فتحت الخط بتوتر الو
مازن:ايوه عاملين ايه؟؟
زهره:الحمدلله.كويسين
مازن:وجنا؟؟
زهره:الحمدلله بقت احسن
مازن:تمام كويس هي صاحيه والا نايمه؟؟
زهره: صاحيه وبتسمع كرتون
مازن:تمام ادهالي اكلمها
زهره وكلمت جنا
عمو مازن عايز يكلمك
جنا بصتلها بابتسامه واخدت الموبيل
زهره كانت فاتحه الاسبيكار
جنا :الو
مازن:ايو ياجوجو عامله ايه؟؟
جنا:كويسه
مازن وابتسم:طيب الحمدلله مش عايزه اي حاجه ابعتهالك؟؟
جنا:لا
مازن:طيب مش نفسك في اي حاجه؟؟
جنا بطفوله:اممم نفسي اروح الملاهي ماما مش بترضى اروح هناك
مازن:بس كده جنا هانم تؤمر وانا انفذ..خلاص بكره هعدي عليكي واخدك ونروح احلى ملاهي
صاحت جنا بفرح ماشي
زهره كانت قاعده جمبها وسامعه كل الحوار اول مره تشوف بنتها بتضحك من قلبها كده
فاقت صوت مازن وهو بيقول ادي الموبيل لماما ياجنا
زهره اخدت الموبيل من بنتها
وردت بخفوت:ايوه..
مازن:انا هعدي على جوجو بكره واخدها اخرجها واغيرلها جو دا لو مش هيضايقك
زهره:ماشي مفيش مشكله
مازن:تمام
وقفل المكالمه مع زهره
___________________________
في المساء
في شقة نبيل الصاوي
كانوا في انتظار وصول اسرة مصطفى المنشاووي
بعد ما مصطفى اتصل على نبيل واكد مجيئهم ووضحله سبب الزياره
نبيل رحب طيعا وقاله انه هيكون منتظرهم
الجرس رن
مريم حست بالارتباك اول ما الجرس رن
عمر وفتح الباب
وسلم على جوز خالتو وكمان خالتو وسلم جامد على حسام اما هو ومازن فسلموا على بعض بفتور كالعاده
مازن كان على اخره مكانش عايز يجي بس إصرار والدته وكمان حسام خلاه يجي
الكل دخل وبداء السلامات من جميع الاطراف
قعدوا يتكلمو شويه في مواضيع مختلفه
سوزي:دا انا اصلا المفروض ادبح واعمل وليمه ان مازن دخل عندي الشقه يابني انت مجتش عندي من وقت ماكنت في البيت القديم
مازن ابتسم بخفه مش مشكله المكان ياطنط اهم حاجه نتقابل وخلاص
سوزي باعتراض متقولش طنط دي قول ياخالتو طنط دي تقولها للناس الغريبه
ما زن :تمام ...
بعدها مصطفى هو ونبيل قعدوا في البلكونه واتكلموا في الموضوع وطلب منه انه ياخد طبعا راي مريم
نبيل طبعا فرح وقاله انه مش هيلاقي احسن من حسام لمريم بس هياخد راي بنته
بعد كده سهروا مع بعض وبعد كده مصطفى استاذن واخد عيلته ومشي
نزل نبيل وعمر معاهم لحد ماركبوا عربيتهم ومشيوا
وطلع نبيل وعمر
___________________
تاني يوم الساعه ٥م مازن خلص شغله في الصاله الرياضيه وبعدها
مازن فضل كتير يرن على موبيل زهره وكان بيدي مغلق
كان قلقان ومش عارف يعمل ايه
كان عايز يروح ياخد جنا يخرجها زي ما وعدها
في الاخير راح العماره
رمى السلام على خليل اللي كان قاعد في مدخل العماره
ودخل الاسانسير وطلع فوق ورن الجرس
زهره وجنا كانوا قاعدين قدام الشاشه بيسمعوا فيلم كرتون كالعاده
جنا:مش عمو مازن قالي هياخدني الملاهي النهارده مجاش ليه
زهره:ممكن يكون ياجنا مشغول
جنا بصتلها بضيق وسكتت
الجرس رن
زهره فكرت كالعاده ان دي مرات عم خليل
كانت لابسه بيجامه بكم من اللون الازرق وضعت حجاب على شعرها البني بإهمال وفتحت من غير ماتبص من العدسه
زهره وفتحت الباب ايوه يا....
ابتلعت باقي كلامها لما لاقت مازن واقف قدمها
زهره وبتحاول تعدل حاجبها
مازن اتفاجاء من شكلها اول مره يشوفها كده وكمان شعرها البني اللي بيان من الحجاب اللي لابسه
زهره مكانتش عارفه تعمل ايه تدخل ولا تقف ولا تعمل ايه
مازن :.....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية حكاية زهرة الفصل الرابع 4بقلم شيماء م…){kind=link}
تعليقات
إرسال تعليق