مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية حكاية زهرة الفصل السابع 7بقلم شيماء منير (حصريه وجديده في مدونة موسوعة القصص والروايات)

رواية حكاية زهرة الفصل السابع 7بقلم شيماء منير (حصريه وجديده في مدونة موسوعة القصص والروايات)

الفصل السابع

بعد يومين 

في فيلا الصاوي

كان ينزل على الدرج يرتدى قميص كروهات يغلب عليه اللون الازرق ويشمره الى اعلى مرفقه وبنطال جينز من اللون الازرق

الجميع يجلس في الليفنج

مازن:مساء الخير

الجميع:مساء النور

جييهان:ايه دا انت خارج انا قولت مش هتخرج النهارده

مازن وهو يجلس بجانب حسام  هعدي على الصاله واشوف الشغل فيها عامل ايه

ثم وجه كلامه لحسام هتيجبوا الشبكه امتى؟

حسام:النهارده الساعه٦

مازن:تمام...انا همشي لو خلصت قبل ٦هجيلك

حسام:تمام

مازن خرج وكالعاده جيهان خرجت وراه

جيهان:حاول بقا متتأخرش

مازن:مش عارف ياماما ممكن ماجيش عادي يعني

جيهان:لا طبعا لازم تيجي وتشارك اخوك في يوم زي دا

مازن:ماما انا اساسا مش مقتنع ان حد يروح معاهم هو المفروض كان حسام هو راح اشترها لوحده او اخد مريم معه وبس لكن انا مش مقتنع ان الكل يروح كده 

جيهان:احنا عايزين نشاركهم الفرحه وبعدين لا حسام ولامريم عندهم اعتراض وعشان بس تكون عارف هو النظام عند عمك نبيل كده

مازن:خلاص تمام هما احرار

جيهان :المهم هتيجي ها هستناك انت عارف عنوان المحل مش معقول الكل هيكون موجود وانت لاا

مازن:تمام ياماما حاضر 

مازن وقبل رإسها همشي انا بقا عشان متأخرش

مازن وودع جيهان ومشي

ركب العربيه وراح على الصاله

_______________________

في الشركه

حسام وقابل عمر في الطرقه

عمر:ايه يابني توقعت مش هتيجي  النهارده

حسام:ماهو انا مش هطول هنا هخلص شوية شغل واروح

اقتربوا من مكتب عمر وكانت فتون واقفه هناك ومعها فيل في ايدها

حسام:صباح الخير يافتون

فتون:صباح الخير..سمعت كدا خبر حلو مبرووك

حسام الله يبارك فيكي عقبالك 

فتون:ميرسي

عمر ودخل على مكتبه

حسام:هسيبك بقا عشان شغلك

فتون وهزت دماغها تمام

حسام:سلامي لطنط ..مع السلامه

فتون:الله يسلمك

اخدت نفس طويل 

وخبطت على الباب اللي كان مفتوح ودخلت

قتون:صباح الخير

عمر اللي كان قاعد على المكتب وفاتح الاب توب وبيبوص فيه صباح النور

فتون ووقفت قدامه  الشغل دا انا خلصت نصه لاني مش عارفه اخلص الباقي

عمر وقفل الاب 

وبجديه وريني كدا

فتون وحطت الفيل قدامه

عمر وشارو ليها تقعد

فعدت

عمر وبداء يبتفحص الشغل

فتون بصت عليه اتأملت في ملامحه الرجوليه  وذقنه الخفيفه اللي مخليه شكله جذاب

فاقت على صوته :تمام ...انا هفهمك الباقي تخلصيه ازاي

فتون بتوتر :تمام .

__________________________

بعد ساعات

في بيت نبيل الصاوي

كانوا بيستعدو عشان هيروحوا يشتروا الشبكه

كانت مريم بتجهز في الاوضه

طرقات على الباب ودخلت سوزي

سوزي جهزتي والا لسه؟؟

مريم :خلاص اهوه ..

سوزي بحب:ماشاء الله قمر

مريم:بجد ياماما

سوزي:اه ياحبيبتي جميله وقمر يلا خلصي عشان حسام زمانه على وصول

________________________

عند مازن

مسك الموبيل ورن على زهره بقاله يومين مشافهم وحاسس انه ناقصه حاجه

مازن:الو

زهره:ايوه

مازن:عامله ايه؟؟

زهره:الحمدلله

مازن:وجوجو عامله ايه؟؟

زهره :كويسه قاعده بترسم

مازن:اه بالمناسبه انا هقدملها في روضه مينفعش تفضل كده

زهره وحست بفرح جواها دي حاجه كانت في نفسها في ايه بس مكنتش عارفه تعملها

مازن:ايه روحتي فين؟؟

زهره :احم معاك

مازن:تمام انا هقدملها انا بس في كذا روضه بختار بينهم 

زهره بخفوت :تمام

مازن:احم زهره عند مشكله لو كتبنا الكتاب النهارده

زهره ابتلعت ريقها بتوتر لا.. معنديش

مازن:تمام ممكن اعدي عليكي الساعه٩ 

زهره:ماشي تمام

الباب خبط عند مازن

مازن:ادخل

ودخل خالد

مازن :طيب انا هقفل دلوقت وهنتكلم تاني

زهره :ماشي مع السلامه

زهره قفلت

وحطت ايدها على قلبها اللي دقاته زادت

عند مازن

دخل خالد وخلص شغل مع مازن 

مازن:بقولك ايه ياخالد كنت عايزك النهارده في مشوار كدا

الساعه٩

خالد:ماشي تحت امر حضرتك حاجه خاصه بالشغل

مازن:لا كنت عايز تيجي تشهد على جواز كتب كتاب يعني

خالد :ماشي ..بس كتب كتاب مين؟

مازن:كتب كتابي انا

خالد  بالرغم من دهشته وعدم فهمه بس قال

خالد:تمام.مبروك

مازن: الله يبارك فيك خلاص الساعه٩هقولك على المكان تيجي فيه

خالد:تمام

____________________________

في فيلا المنشاوي

حسام وجيهان

ركبوا عربية حسام عشان يرحوا على بيت نبيل  وياخدوا مريم وسوزي  وكمان يارا   وعمر طبعا عشان يجبوا الشبكه

جيهان وهما في العربيه في طريقهم

جيهان:حسام كنت عايزه اقولك على حاجه كده واخد رأيك فيها

حسام:خير ياماما

جيهان:ايه رايك في فرح بنت طنط ماجده

حسام:رأي فيها ازاي يعني؟؟

جيهان:انا قولت لمازن يجلنا على المحل وهي جايه هي ومامتها معنا انا طلبت منهم يجيوا بما ان هي صاحبتي يمكن لما يشوفها تعجبه هي مؤدبه وهاديه طالما مش عايز ساره

حسام:ماما مازن مش هيجوز بالطريقه دي ولو عرف اللي في دماغك هيعاند اكتر

جيهان:ماهو مش هيفضل كده لازم يبداء حياته بقا 

حسام:هو فجاءه هتلاقيه بيقولك  عايز اتجوز وفلانه

جيهان:وفيها ايه لما يشوف كذا واحده

حسام:عايزه نصيحتي سيبي مازن يختار بنفسه ابنك له طبع خاص ومش اي واحده هتعجبه اخويا وانا عارفه كويس سيبه يختار اللي يعرف يتأقلم معها وبصراحه بقا انا فرحت انكم صرفتوا نظر عن موضوع ساره مكنتش هتفهمه وكان هيتعبها وكان هيبقا موجود مشاكل مش هنخلص منها..

_______________________________

عند زهره

الجرس رن

بصت من العدسه كان خليل البواب

زهره ولبست الاسدال وفتحت الباب

زهره:ايوه ياعم خليل

خليل:مازن بيه باعت دي لحضرتك

زهره واخشدت الشنطه منه ماشي تمام شكرا ياعم خليل

خليل مشي 

زهره واخدت الشنطه وفتحتها كان موجود فيها فستان وكان لونه اوف وايت  كان ضيق من على الصدر وعليه شغل بسيط ونازل بوسع من تحت وطرحه من اللون دهبي  وشوز لونه اوف وايت وبورتفيه لونه ذهبي

زهره كانت مندهشه من جماله ورقته

الموبيل رن وكان مازن

زهره:الو

مازن:الحاجه وصلت 

زهره:ايوه..مكانش في داعي موجود عندي لبس كتير

مازن:بس انا حابب النهارده تلبسي على ذوقي

زهره بحرج تمام  ماشي اللي انت عايزه

مازن:ذوقي عجبك؟؟

زهره :اه رقيق وتحفه

مازن:تمام  الساعه٩ تكوني جاهزه

زهره:حاضر 

مازن وقفل مع زهره

وبص في الساعه كانت٦.١٠ 

اخد حاجته  وخرج وركب عربيته وراح على المحل اللي حسام هيجيب من شبكته

وصل وكان عربية اخوه موجوده قدام المحل وكمان عربية عمه نبيل

تنهد بزهق هو مش عاجبه الفكره اصلا وشايف ان الشبكه دي هديه من العريس للعروسه كان حسام ممكن يجبها  ويقدمها لمريم

موبيله رن وكانت طبعا جيهان

مازن بملل:ايوه ياماما

جيهان :انت فين ياحبيبي؟؟

مازن :انا قدام المحل

جيهان :طيب ادخل

مازن:تمام

مازن دخل وسلم على خالته شوزي وعمر 

جيهان وقربت منه

جيهان:تعالى بقا سلم على طنط ماجده صاحبتي

مازن بابتسامه خفيفه: اهلا ياطنط

ماجده  وبادلته بالابتسامه:اهلا يامازن انا على فكره مشوفتكش قبل كده

جيهان وكملت تعارف

وهي بتشاور على فرح دي بقا فرح بنت طنط ماجده بتدرس في كلية علوم

مازن :تمام ..اهلا وسهلا

فرح بهدوء:اهلا بحضرتك

جيهان. وقامت من الكرسي اللي قصاد فرح

جيهان:اقعد ياحبيبي

ومازن وطبعا فهم تفكير جيهان واضايق نوعا ما

مازن:لا ياماما ارتاحي انتي.  انا هشوف حسام ومريم وصلوا ل ايه

عند حسام ومريم

حسام:دا ارق على فكره

مريم:تمام ولو عاجبك هجيبه

حسام وهو بيبوصلها:اهم حاجه يعجبك انتي

مريم بخجل وتوتر هو كويس

مازن كان قرب منهم

 

مازن:مبرووك يامريم

مريم بابتسامه الله يبارك فيك يامازن عقبالك

مازن ابتسلمها وكلم حسام

مازن:خلصتوا والا لسه؟؟

حسام:خلاص مريم اختارت  دول

مازن:حلووين مبرووك

حسام الله يبارك فيك

عمر كان قاعد 

قام وقف وقرر يخرج بره

 كان مازن خرج بره و بيشرب سيجاره 

عمر ابتسمله بفتور ومازن قابله بنفس الابتسامه

عمر هو مازن مش بيتفقوا من ايام ثانوي على الرغم انهم نفس السن لكن اتخانقوا قبل كده

Flash back

مازن كان واقف هو مروان عند باب المدرسه اللي فيها على الرغم انها مش مدرسته

عمر وواحد صاحبه خارجين ومعاهم اخت واحد صاحبه

مروان بهزار وزق مازن على البنت

مازن وابتسم بمكر لان فهم صاحبه

اخو البنت وكان اسمه رامي:مش تفتح

مازن ببرود وحب يضايقه اكتر وبص ل اخته مختش بالي

رامي ووقف في وشه ليه اعمى

مروان :مش قالك مخدش باله ..شكلك عايز تتخانق

رامي بغضب لمروان اوعى تكون فاكر اني مش واخد بالي من حركتك القذره اللي شبهك

مروان وقرب منه ومسكه من مقدمة قميصه

في الوقت دا ادخل عمر اللي التزم من البدايه بالحياديه لانه عارف اللي هيحصل

عمر وسلك بينهم وبعدهم عن بعض

عمر:مروان لو سمحت انت انك غلطان ياريت بقا تبعد دي اصلا مش مدرستكم واقفين هنا ليه

مروان بص لمازن  وبعدها بعد

مازن:نقف في المكان اللي يعجبنا

عمر اكتفى بالصمت ومردش عليا

رامي واتحرك من مكانه شوية صيع وزب...

رامي مكملش الكلمه وكان مازن ماسكه من قميصه من وراه ولكمه كذا لكمه في وشه 

عمر وبعد عنه بالعافيه

مازن من بين انفاسه خوده وامشي عشان انا لحد دلوقت باقي على صلة القرابه

عمر فعلا اخد رامي ومشي ..

فاق على صوت 

سوزي وهي بتقوله يلا عمر

كانوا خلصوا

وبدوا يركبوا العربيات

مازن اخد جيهان معه لانه هيروح على الفيلا

حسام واخد  مريم

مريم اللي كانت راكبه جمب حسام ومكسوفه جدا

عمر اخد سوزي معه على البيت

وصلوا عند بيت نبيل وطلعوا كلهم وحسام كمام طلع معاهم

____________________________

في المساء

نزل على الدرج كان يرتدي قميصا من اللون  الزيتي والذي يعكس لون عيونه الخضراء ويشمره لاعلى مرفقه  بقليل وبنطال جينز من اللون البيج ويرتدي ساعته اليديه

ويصفف شعره بعنايه

الجو هادي من الواضح ان اخيه لم يأتي حتى الان والده والداته يجلسان في غرفتهم

خرج من الفيلا وركب عربيته.

مازن بص في الساعه كانت٨.٣٠

مسك الموبيل واتصل على خالد وقاله على مكان المأذون وقاله انه هيقابله هناك الساعه٩

واتصل على مروان واداله العنوان بس مديلوش التفاصيل بس طلب منه يجيب بطاقته معه

مروان كان مستغرب بس راح للمكان اللي صاحبه قال عليه

مازن اخد عربيته وراح على العماره اللي فيها زهره

زهره كنت جهزت هي وجنا

الموبيل رن

طبعا كان مازن

وقالها انه تحت وطلب منها تنزل هي وجنا

زهره وقفت قدام المرايه تبوص على نفسها

كانت جميله في الفستان كانت حاسه انها مرتبكه ومش قادره تاخد نفسها

اخدت جنا و ركبوا الاسانسير

نزلوا

اول ما الاسانسير اتفتح اتفاجاءت بمازن اللي كان واقف بشكله اللي وترها اكتر

مازن بابتسامه حمدلله على السلامه

جنا جريت عليه  وحضنته  وهو بادلها الحضن

لكن عيونه كانت على زهره اللي كانت جميله فوق الوصف

زهره قربت منهم

مازن:يلا؟؟

زهره واشارات بدماغها اه

ركبوا العربيه وجنا ركبت على رجل مازن وزهره جمبه

زهره كانت شارده طول الطريق مش مركزه مع هزار مازن وجنا  خايفه تكون خطوه غلط تعملها جرح هي مش قده او تكون في حلم كبير عليها  ياترى هو عايز اتجوزها ليها ..ياااه سؤال متاخر اووي يازهره..معقول يكون حبني زي ما انا حبيته ..طيب هو يتحب انا اتحب على ايه؟؟

فاقت على صوت مازن

مازن:وصلنا

زهره وبصت على المكان

كان مكتب مأذون

نزلت ومازن نزل هو جنا وقفل العربيه

مازن دخل وهي دخلت وراه

مازن لاقى خالد موجود

سلم عليه  

وعرفوا هو وزهره على بعض

لسه مازن هيرن على مروان

بس كان مروان دخل

مروان اللي اتفأجاء بزهره  وبصلها شويه

زهر اما شافت مروان ارتبكت وبصت في الارض بارتباك

مازن شده عشان يبطل يبوصلها وقاله اتاخرت ليه؟؟

مروان:الطريق كان زحمه ..

مروان وقرب من مازن وبصوت واصل بس لمازن

هو ايه الموضوع بالظبط؟؟

مازن:انا وزهره هنتجوز

مروان:دا ازاي دا مش دي البت بتاعة الكافيه

مازن :بقولك ايه طلع بطاقتك وامضي من غير ماتفتح بقك

مروان ادى للمأذون بطاقته وكمان خالد 

وكتبوا الكتاب

بعد كده طلعوا من عند المأذون 

مازن ركب زهره وجنا العربيه

مازن:انتظروني دقيقتين بس

زهره :تمام

مازن راح لمروان اللي كان مستنيه في عربيته

مروان:ايه النظام؟؟

مازن:نظام ايه زي ما انت شوفت

مروان:ايه حكاية الجواز دي واشمعنا دي وبعدين مقولتش ل اهلك

مازن:هقولهم بس هعرفهم عليها الاول

مروان:هو ايه دا انا مش فاهم تفكيرك على فكره بس دا متنفعكش دي تقضي معها يومين وتسيبها مش جوازه دي

مازن بضيق:تصدق انا غلطان اللي بتكلم معاك اصلا وغلطان اللي جبتك من الاول

مازن وجيه ينزل من العربيه

مروان مسكه من ذراعه انا مقصدش حاجه انا اسف يامازن اهلك مش هيوافقوا هي حلوه شويه  لكن لاظروفها ولامستواها ينفعوك

مازن:دي مشكلتي انا

مروان:تمام ..اهم حاجه تكون انت مرتاح

زهره كانت قاعده في العربيه وعيونها على عربيه مروان اللي قصادها بس بعيده شويه 

كانت حاسه انهم بيتنقشوا بعصبيه كانت حاسه ان النقاش عليها

مازن نزل من العربيه 

وراح ناحية عربيته

ومروان اخد عربيته ومشي

مازن ودخل عربيته

مازن:معلش لو اتاخرت عليكي

زهره:عادي ولا يهمك

مازن:ايه دا جوجو نامت

زهره:ايوه نامت

مازن:كنت ناوي اخدكم نتعشا سوا

زهره  بتردد:ممكن نتعشا في البيت

مازن:تمام خلاص نطلب اكل  يجلنا على البيت

زهره:ماشي

________________________________

عند نبيل الصاوي

حسام كان قاعد هو ومريم

وعمر كان قاعد معاهم وسوزي

وكانوا قاعدين بيتكلموا

حسام:هو عمو نبيل ممكن يرفض؟؟

سوزي:مش عارفه اما يجي ياحبيبي ونسأله عن موضوع كتب الكتاب دا

عمر:اما يجي انا هقوله واشوف رإيه ايه

حسام :تمام ..انا هقوم امشي بقا الوقت اتاخر

سوزي :لسه بدري ياحبيبي الساعه١١

عمر:اقعد شويه ياحسام هتروح تعمل ايه

حسام :انت ناسي ان عندنا شغل بكره

حسام سلم عليهم ونزل اخد عربيته ومشي على الفيلا

___________________________

مازن وزهره طلعوا الشقه

اخدت منه جنا ونيمتها في سريرها

مازن وقعد في الايفينج وبص للشقه بصه سريعه ابتسم بخفه انها منظمه كل حاجه في مكانها بالظبط

الجرس رن وكان الاكل اخده وقفل تاني

حط كيس الاكل على السفره

زهره خرجت بعد ما نيمت جنا

كانت حاسه انها مرتبكه

بس بتحاول تكون عادي

زهره:الاكل وصل

مازن:ايوه

زهره :تمام هجيب اطباق من المطبخ

مازن وفتح الاوضه اللي كان متعود ينام فيها بس اكتشف انها زي ماهو سابها حتى مكان مطفئة السجاير

استغرب شويه

لكن دخل  وفتح الدولاب وخرج برموده وتشيرت لونهم اسود

خرج من الاوضه

كانت زهره بترتب الاطباق على السفره

زهره اتفاجاءت بشكله بس حاولت تبان عادي

مازن:حبيت اكون براحتي دا لو مش هيضايقك

زهره:لا عادي براحتك

قعدوا يأكلوا

ومازن لاحظ انها بالفستان  بس معلقش وحب يسبها براحتها

مازن:غريبه اوضتي الوحيده اللي مش مترتبه

زهره وبلعت الاكل بتوتر خوفت تضايق لو شالت حاجه من مكانها انا لاحظت انها فيها حاجتك

ما زن:لا مش هضايق ولا حاجه وبعدين هي فيها ايه دا شوية لبس وبرفيم  

زهره بخفوت تمام

_______________

حسام وصل الفيلا

قابلته جيهان

جيهان:حمدلله على السلامه ياحبيبي

حسام:الله يسلمك ياماما ..ايه الجو هادي محدش هنا والا ايه

جيهان :بابا نام ومازن خرج ولسه مجاش

حسام:طيب انتي صاحيه ليه؟

جيهان:اما اطمن عليكم الاول 

حسام:بس الساعه ١٢ واعتقد مازن لسه قدامه كتير على مايرجع انتي عارفه بيتأخر

جيهان: هستنى بردوه انت عارف بقلق عليه..

____________________

خلصوا اكل زهره بداءت تشيل الاطباق

مازن قرر يساعدها

زهره كانت في المطبخ واتفاجاءت بيه موجود وبيديها اطباق 

زهره ابتسمت واخدت منه الاطباق

زهره:تشرب ايه؟؟

مازن ومسك ايدها ووباسها برقه قهوه من ايدك الحلوه دي

زهره ارتبكت من حركته وبداءت تعمل القهوه

كانتةمتوتره انه واقف جمبها

مازن فاضل باصص لها شويه بصمت

مازن:على فكره مينفعش تفضلي مكتفه نفسك بالفستان كده

زهره وبصتله بحرج لكن في صمت 

وصبت القهوه في الفنجان

وقربت القهوه قدامه 

زهره :اتفضل

في الوقت دا مازن شدها  وايده في ضهرها وقربها ليه بقا وشه في وشها عيونهم اتقابلوا

زهره وبصت في عيونه الخضره تاهت  بتحس بالدفا فيهم  ..

مش قادره تحرك عيونها عنه حاسه انها مش شايفه الدنيا كلها كل حاجه حواليها بقت لونها اسود ماعد عيونه نور فيها  ..هي لازم تبعد حاسه حصونها بتنهار

مازن سرح في عيونها العسليه بحر كبير بيتوه فيه  صحيح دايما نظرتهم متوتره بس هما دول اللي سحرووه دول اللي خلواه ياخد قررات متوقعش انه ياخدها في يوم دوول اللي حركوا قلبه 

فاق على صوت ....

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا