مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية الأمانة الفصل الحادي وعشرون والثانى وعشرون والثالث وعشرون والرابع وعشرون بقلم نرمين قدرى جديده وحصريه 

رواية الأمانة الفصل الحادي وعشرون والثانى وعشرون والثالث وعشرون والرابع وعشرون بقلم نرمين قدرى جديده وحصريه 

الفصل الواحد و العشرون 

أجابت حياة بثقة : 

بقول لحضرتك أن ده شغلي مش بحب حد يدخل فيه تمام واللي أنا حشوفه صح هو اللي يتعمل بعد اذنك يا بشمهندس ركز في الكلام ده كويس علشان نتجنب اي خلاف قدام

التفتت جنة لكلامها وقالت : 

اهدي يا حياة احنا لسة جاين مش داخلين حرب 

كلام مين اللي لازم يمشي هي مش بتتقاس كده ده في الاول والاخر شغل يعني الرأي بالإجماع مش حد ينفرد برأيه ولاية يا حياة 

رفعت حياة عينها لأختها بغضب وقالت : 

هو اية الرأي بالإجماع ده شغل ديكور وفن مش اي حد يفهم فيه و كتر الآراء بتبوظ الشغل لأن مش كلنا ذوقنا مش واحد ولا اية 

ظفر اسر عن انفاسة بضيق ولكنه التزم الصمت ولم يجيب علي كلامها 

قطع كلامهم وصول اكرم بصحبة مراته و أبنائة مما أثار انتباه الجميع 

التقت عين حياة مع جنة وكلا منهما شهق من المفجاءة 

نزل اكرم من السيارة و فتح الباب الخلفي لينزل منه طفلين في غاية الجمال 

ابتسمت حياة لهم و قربت منهم فاهما يخطفان النظر حقا 

ونزلت من الباب الامامي بجوار السائق فتاه رقيقة للغاية 

اقترب اكرم من أسر وأحمد و قال وهو يبتسم :

ها أتأخرت عليكم ولا أيه يادوب رحت جبت أمل و الاولاد وحيت تعالوا لما اعرفكم بيها

ضربه أسر علي كتفه بمزاح وقال : 

تعرف مين علي مين يابني أنت لسه عايش في الغيبوبه انت ناسي أنها كانت بتشتغل عندنا في الشركة و نص فريق العمل هنا عارفها

خبط اكرم علي رأسة فهو لم يعمل حساب هذه المعلومة نسي الأمر تماما 

تغيرت معالم وجه وبدأ القلق يظهر عليه 

اقترب أحمد منه و قال :

في ايه يا أكرم ملامح وشك اتغيرت ليه كده متقلقش محدش من العمال اللي معانا يقدر يتكلم أو يخرج كلمة برا 

أجاب اكرم وهو يظفر انفاسة ؛ 

ماهو لو متكلموش قدمنا حيتكلموا من ورانا وانا بصراحة خايف الخبر بتسرب لماجدة انا مش حمل صراع معاها دلوقتي خالص بصراحة 

قال أسر و قد ارتسم الجدية : 

أكرم بقولك ايه اتعامل عادي خالص محدش ليه عندنا حاجة اعمل اللي يريحك و يبسطك و انبسط مع اولادك و طظ في كلام اي حد .

انت فاهم وزي ما تيجي تيجي كده و لا كده ماجدة حتعرف حتعرف كبر دماغك منها بقا و عيشلك يومين انت و اولادك وحاول تعوض مراتك علي الأيام اللي مش بتقعد معاها فيها و يلا بقا تعالي عرفها بينا و بالبنات 

ثم رفع عينه وجد أمل أصلا واقفة مع جنة وحياة وصوت ضحكاتهم يعلو

التفت أسر لإخواته وقال:

وعلي ايه يا أكرم تعرفها هما أتعرفوا خلاص ربنا يستر 

اقتربوا من البنات 

ووضع أكرم يده علي كتف أمل وقال :

ها يا لولو عارفيتهم بنفسك ولا لسة 

ابتسمت أمل و تلجلجت في الكلام وقالت:

بصراحة يا أكرم لاء انا قلت لما انت تيجي ونشوف عاوزة تقولهم ايه 

ضمها اكرم إليه أكثر وقال وهي يشعرها بالأمان : 

يا حببتي انتي مراتي و حببتي وكل حاجة ليا ازاي ما تقوليش ليهم .

انا جايبك معايا علشان اعرفك علي ناس دي كلها وتعالي اعرفك دي جنة مرات أحمد اخويا واللي جنبها دي بتكون حياة أختها الصغيرة واللي ماسكة شغل هندسة الديكورات للقرية السياحية هنا 

ابتسمت لهم أمل وقالت

خلاص بقا إحنا نبقي أصحاب أصل أنا مش عندي أصدقاء 

ضحكت حياة وقالت:

أولا يشرفني انك تكوني صاحبتنا بس التعريف كده ناقص انت ما كملتش التعريف يا أستاذ أكرم 

أجاب احمد وقال بضحك:

يا باي عليكي انتي مافيش حاجة تعدي من بين ايدك خالص لازم تدققي علي كل صغيرة وكبيرة 

رفعت حياة حاجبيها وقالت بثقة :

طبيعة شغلي التركيز يا أبو حميد ثم غمزت بعينها وقالت :

ولا إيه ها بس برضوا مين ها مين القطة قول انت يا أكرم 

ضحكت امل وقالت :

انا بكون مرات اكرم ودول اولادنا 

شهقت حياة وقالت بشقاوة 

اوبا اوبا هو ده الكلام ولا بلاش مش عفريت العلبه اللي قاعدلنا هي و الملونه أختها الجوز شبه شياطين جهنم الله يعينك والله عليهم 

ضحك أسر علي تعليقها فاهي وصفتهم بدقة متناهية 

اقترب منهم مازن و وائل 

تحولت عيون أسر لغيرة واضحة 

التفت أحمد لمازن و ائل وقال:

اهلا بالرجاله و الصحاب الحلوة ايه فينكم من زمان محدش شافكم لازم نقبل مشروع كبيرة كده علشان نشوف الساده المهندسين 

ضحك مازن وقال و عينه تتجه نحو حياة :

لا خالص والله يا أحمد بس ضغط الشغل مش سامح لحد بأي رفهيات 

ظفر أسر انفاسة بصوت مسموع وقال:

المهم خالونا بقا في الشغل دلوقتي أنا عاوز اعمل اجتماع يضم كل المدراء التنفيذيين و كمان المدير العام للمشروع علشان محتاج موافقته علي الشغل 

نظر وائل في ساعة يده وقال :

و امتي بقا عاوز كل بتعمل علشان احسب وقتي علشان لازم ننزل للعمال في الموقع اتأخرنا عليهم 

أجاب أسر بحزم : عاوز الكلام ده امبارح تمام 

تسرعت حياة كالعاده وقالت دون أن تفكر في الكلام : 

هو ايه اللي امبارح إذا أردت أن تطاع أمر بما يستطاع براحة علي الناس شوية في اية 

لم يستطيع أسر التحكم في أعصابه أكثر من كده وقال بحده :

خير يا بشمهندسه أنا وجهت ليكي كلام انا طلبت منك شغل 

هزت حياة رأسها بالنفي 

ثم اكمل أسر بعصبية بمالغ فيها أما بتحشري نفسك في الكلام ليه ها د انتي لسة من حبه صغيرين عماله تصدري أوامر أن محدش يخش في شغلك انتي بقا بتدخلي فيا و في شغلي ليه 

أجابت حياة ببلاها فقد أدركت أنها تسرعت وعكت الدنيا كالعاده وهو أحرجها أمام الجميع 

فقالت : 

مين انا فين انا بس عصبني طلبك وانك عاوز طلباتك تتنفذ قبل ما تتطلب و كأنه اللي قدامك مش بني ادم كأنه جني خارج من مصباح علاء الدين علشان ينفذلك طلباتك ويدخل المصباح تاني 

ضحك الجميع بصوت علي علي كلام حياة مما زاد غضب اسر 

غمزت جنة لحياة بأنها تهدي اللعب شوية 

قال مازن ممازحا وهو يضحك : 

اوبا خالي بالكم كده هولاكو جاب آخره قصره بقي واتقوا شره انهاردة

ثم التفت إلي وائل وقال بجد : وائل تعالي نروح بقا للعمال الموقع بسرعة علشان ما يتعصبش اكتر من كده أسر بجد متعصب قوي أنا اكتر واحد بعرفة لما يكون جايب آخره 

قالت حياة وهي تعبث في اغراضها :ربنا يستر و هلاكوا بتاعكم ده ما ياكلنيش انهاردة شكله كده تحول لمصاص دماء و حياكلني ربنا يستر عليا هو لساني اللي مش بيعرف يسكت انا مالي يطلب الإجتماع امبارح ولا السنة اللي فاتت أنا مالي بتحشر زي البقدونس ليه 

بجد شكله يخوف قوي وانا اللي حبقي في وش المدفع طول الوقت صح

ادعولي بقي ما يخدش باله مني 

ضحك كلا من مازن و ائل علي طريقتها الطفوليه

قال مازن ضاحكا : اقولك البسي طاقيه الإخفا كده مش حيشوفك خالص و اعملي نفسك مش سامعة اي زعيف له 

ثم أكمل بضحك: انتي يا بنتي متاكده انك مخلصة هندسة زينا بصراحة مش مقتنع انا حاسس ان بتكلم مع طفله والله 

قطعة وائل كلامهم بمرح : ولا انا عن نفسي مقتنع انا شاكك أنها هربانه من ثانوي و جاية تستخبي عندنا 

قالت لهم حياة بشقاوتها المعتاده: اخرابي علي عسل منك له في ايه بس هو انا شكلي عيل قوي كده 

أومأ براسهما معا دليل علي تأكيد كلامها 

بصت لهم حياة و قلبت شفتيها السفليه مثل الاطفال 

مما أثار ضحكهما بصوت مرتفع 

مما جعل أسر يلتفت لهم ولكن انقظ الموقف دخول سيارة ارض الموقع و تنزل منها سيده غاية في الشياكة والجمال والأناقة 

أطلق مازن صافرة اعجاب طويله و قال بصوت عالي :

اوبا كاريمان هانم بجلاله قدرها أية يابنتي مختفية فين ليكي وحشة والله 

انزعت كاريمان نظارتها الشمسية من علي وجهها وقالت بثقة :

بس يا بكاش منا لو كنت و حشاك كنت كلفت خاطرك وسألت عليا والله أسر بس اللي في الخير و بيسال عليا علطول و هو اللي اتصل بيا علشان اشتغل معاكم في المشروع ده 

ثم قربت من أسر ووضعت يدها حول خصره وقالت ؛

هاي أسوره تأخرت عليك ولا ايه 

أجاب أسر وهو يبتسم: انتي تتأخري براحتك يا سمو البرنسس ثم قبلها من وجهها و قال:

اهلا كوكي عاملة ايه بجد ليكي وحشة ثم نظر لها بتأمل وقال :

بس اده كل يوم بتحلوي اكتر من قبل ايه يا بنتي بتاكلي ايه علشان تبقي حلوة قوي كده 

شعرت حياة بغليان في رأسها بدون مبرر وسرعة خفقان ضربات قلبها وغصة غريبة بداخلها وكأنها تود أن تبكي ولكنها تماسكت والتفتت إلي جنة وقالت :

أنا حروح اشوف الشالية اللي حقعد فيه عاوزة ارتاح شوية قبل الإجتماع انا مانمتش بقالي كام يوم من ساعة ما كنت سهرانه معاكي في المستشفي 

مشت حياة ولكن عيون أسر عليها اللي أن وصلت الشماليه بتاعها ارتسمت علي وجه ابتسامة لم يكن يعرف معناها 

لا حظت كريمان عيون أسر وتتبعه لحياة و لكنها عملت نفسها متجاهلة الأمر 

قال أسر وهو ينظر الساعة يده:

يلا بقا كل واحد يشوف الشالية بتاعه علشان قدمنا ساعة بس راحة و بعدين حنبداء الاجتماع يلا يا جماعة نتقابل بعد ساعة 

ذهب الجميع لتسكين داخل الشاليهات 

وفي هذه الأثناء خرجت كريمان من الشالية تبحث عن أسر و تحاول جمع اي معلومة عن البنت التي كان يتابعها أسر بعينيه

وفجاءة وهي ماشية و بيحث بعينيها خبطت في حياة بدون قصد فقالت بعجرفه:

في ايه مش تخالي بالك و تبصي قدامك ايه عامية مش شايفة وانتي ماشية محتاجة نظارة قولي 

رفعت حياة حاجبيها وقد تملك الغضب منها وقالت :

اااايه طايحة كده ولا كأن ليكي صاحب في ايه يا قطة اهدي كده وقولي هديت أنتي اللي خبطي فيا وانتي ماشية كمان مش حاسة بنفسك ايه شاربه ايه عصبح اللي حاجات دي علي حد علمي بتتشرب بليل مش الصبح ولا ايه 

ثم تركتها تاكل في نفسها و مشت وقالت في نفسها :

اوف هو انا اخلص من ماجي تطلعي واحده ملزقه وانا ياربي حظي كده موقعني في الملزقين بس بصراحة البت حلوة و مش حلوة بعقل كفايا ريحة برفانها اللي مغرقة الجو كله بجد تتاكل 

دخلت حياة الشالية وغيرت ثيابها و أحضرت كل الاوراق الخاصة بالاجتماع و ذهبت كي لا تتأخر عن الاجتماع 

وصلت حياة لمكان الاجتماع وكان مصمم بدقه عاليه. تليق برئيس إدارة شركة هندسية كبير 

دخلت وهي مبهوره بجمال التصميم و سارحة في دقة الفن الهندسي و غير ناظرة أمامها وفجأة خبطت في حائط و وقع كل ما في يدها علي الارض أحدث ضجة

وما كان الحائط هو أسر نفسة رفعت عينيها و تصلبت مكانها من المفجاءة

قال أسر و هو ينظر لها بغضب شديد : هو في ايه يا بشمهندسه هي الناس بتمشي تبص قدمها ولا تتلفت حواليها وتلبس في اي حد ماشي لو سمحتي خالي بالك المكان هنا ملينا عملاء واحنا صوره لشركتنا عيب قوي لما مانبقاش مركزين كده و نخبط في أي حد ماشي 

قالت حياة وهي بتجمع اغراضها من علي الارض :

معلش بعتذر ما اختش بالي كنت سرحانه شوية محصلش حاجة لكل ده 

قال أسر لها و هو ينظر للأشياء الواقعة على الأرض : المهم خلاص كفايا كده وقت كتير ضاع. لمي حاجتك دي بسرعة و اتفضلي علي جوا علشان عندنا شغل كتير انهاردة و اعملي حسابك أن مافيش راحة غير لما الشغل ده يخلص كله احنا بنعمل اكبر تصميم هندسي لأكبر قرية سياحية 

قالت وهي تقوم من علي الإرض: ازاي يعني مافيش راحة الاا لما شغل يخلص هو مش في معاد محدد الشغل الموظفين بيروحو فيه و لا احنا شغالين بنظام السخره

نظر لها وهو يرفع حاجبيه وقال:

هو احنا شغالين في حكومة بنروح بمعاد احنا في شركة هندسية كبيره وعندها شغل بملايين و عندنا رسم لا كبر قرية سياحية و أن يوقع العرض ده علي شركتنا من وسط كام شركة دي ثقة ولازم نكون قدها واللي حقول عليه حيتعمل يعني الكل سهران في شغل و انا اه بشغلكم في سخره عندك مانع اتفصلي ضيعتي كتير من وقتي وانا اصلا معنديش وقت علشان يضيع في الكلام. 

قالت حياة بثقة: بشمهندس أسر هو حضرتك مش واخد بالك مين اللي وقع عليكم عرض الشركة يعني مين اللي خاله الشركة توافق أننا ننفذ لها المشروع ياريت حضرتك تراجع نفسك كده وحتعرف مين السبب 

هزت حياة رأسها بغيظ و تركته و ذهبت و دخلت المكتب المخصص لها وكان بجانب مكتبه مباشرا وضعت أغراضها علي مكتب و ألقت التحية علي الفتاه الجالسة أمامها وقالت لها وهي تظفر أنفاسها 

هاي ريهام انتي بتعملي ايه هنا هي شركة كلها انتقلت هنا ولا اية 

ابتسمت لها الفتاه و قالت : انا سكرتيره باشمهندس أسر و تقدري تقولي المساعده بتاعته كمان ثم اكملت وقالت : هو اصلا مش بيروح مكان من غيري علشان انا اللي معايا كل مواعيده و شغله 

مر عليهم أسر و معه المالك التنفيذي للمشروع يتحدث إليه

مر دون أن يلتفت إليهم أو يلقي عليهم اي طلبات ودخل مسرعا علي مكتبه جلس علي الكرسي الخاص به و فتح العديد من الملفات و انهمك في الشغل بشده مع المالك للمشروع 

في هذه الأثناء كانت حياة تحضر أوراقها و ترتيبها استعدادا الاجتماع فاهي تود أن لا يمسك عليها أي خطأ

بدأت توضع النقط المهمة و ترتب أفكارها 

تتعرف جيدا علي ريهام فاهي لم تأتي الفرصة للتعرف عليها في الشركة 

وتعرفت كل منهما علي الأخري و تودد. لبعض 

رن جرس أمام ريهام أجابت كان صوت أسر يخبرها أنه يريد حياة عنده 

التفت ريهام لحياة وقالت لها : 

حياة البشمهندس أسر عاوزك جوا في غرفة الاجتماعات

رفعت حياة عينها من علي الورق الذي امامها وقالت بخضه :

اده هو الاجتماع بدأ وانا مأختش بالي ولا اية 

ضحكت ريهام علي طفولتها و عفويتها في الكلام وقالت بضحك:

لاء لسة بس بشمهندس طلبك تقريبا كده عاوز يناقش معاكي شوبة حاجات قبل الكل ما يوصل 

هزت حياة رأسها وجمعت أوراقها وقامت واقفة تستعد للدخول 

دخلت حياه غرفة الاجتماعات 

وجدت العميل موجود وينظر الي رسومات أمامه 

قال لها وهو يجلس : اتفضلي يا بشمهندسه اعرفك و شاور بيده علي الشخص الجالس أمامه الاستاذ ماجد رافت واحد من الشركة في القرية السياحية اللي شركتنا واخده كل شغلها زي ما بيقولوا من بابه 

احنا و اخدين الديكور و التصميم الداخلي والخارجي والتشطيبات كلها 

أومأت حياة برأسها تحيه بأدب

ثم أكمل أسر التعارف وقال وهو يشير اللي حياة : ودي بقي يا استاذ ماجد عبقرينوا الرسم الهندسي البشمهدس حياة أفضل واحده في التصميم بصراحة متتوقعهاش ولا تتوقع تصميماتها بجد و بشهادة الكل حد مختلف جداا 

أجاب ماجد وهو يبتسم :

انت حتقولي يا اسر منا شوفت بعنيا شغلها وده اللي خلاني بصراحة أوقع مع شركتك انت عارف ان دماغي مختلفة وبصراحة شغلها حاسيت أنه شبه اللي جوا في دماغي 

ابتسمت حياة وقالت يارب اكون عند حسن ظنكم 

ابدي العميل إعجابة بشخصية حياة المرحة و زاد إعجابة بها ثقتها في نفسها 

نظر أسر لساعتة وقال :

احنا قدمنا ربع ساعة والاجتماع يبدأ تحبوا نشتغل لحد ما الناس تتجمع 

أحاب العميل وقال : ياريت علي الاقل الجزء الخاص بشغل الانسة حياة لحد ما الكل يتجمع 

هز أسر راسة والتفت لحياة وقال لها :

بصي كده يا حياه علي الرسم الهندسي ده وقال لها. بجدية تامة : ركزي كده و قولي ايه اللي ممكن يكون تصويرك المبدأي قبل الاجتماع عاوز الاستاذ ماجد يسمع تصورك المكان ده قبل الكل ما يجتمع عاوزة بسمع رايك انتي و تصورك 

ماسكت قلمها وقالت: بص كده يا بشمهندس ده رسم تخطيتي للقرية تمام هنا ممكن نعمل مساحة للاطفال و حتبقي جنب المطاعم ودي ميزتها أن الطفل دائما وهو بيلعب 

بيعترض علي الاكل او نوعة بيكون تركيزه مشتت مع اللعب فا بياكل بسرعة علشان يجري يلعب 

ماسكت نورين الورق و قالت: تمام يا بشمهندس نظرت بدقة شديده الرسم وبدأت في الشرح بدقة و حرفيه تامة 

و في ناحية دي لازم يكون في مساحات خضراء لأنها واسعة ومن الممكن نضع كراسي الاستراحة

قال. ماجد لها منبهرت بتفكيرها: 

طايب ممكن تشرح لي اشمعنا المساحة دي اللي اخترتي تبقي خضرا وفيها زرع وورد 

أجابت نورين وهي تشدد التركيز على الورق : طبيعي جدا علشان مساحتها الواسعة وقربها من المحلات التجارية فمن الطبيعي بعد الف الطويل في المحلات بنحتاج اي كرسي نقعد نرتاح علية ودي اقرب منطق. المحلات و يا سلام بقي لو نعمل فيها كافية يقدم مشروبات مختلفة كلنا بعد الف بنحتاج تشرب حاجة وقف حضرتك اي حد في مول بيلف علي محلات من بدري واسأله محتاج ايه دلوقتي اول كلمة حا يقولها كرسي اقعد علبه و مايه وعصير أو قهوة حسب رغبته 

وفي المنطقة دي حتعمل حمامات السباحة طبعا بأحجمها

التفت ليها ماجد و قال وهو ينظر للورق: معلش كده اشمعنا اختارتي أن تكون حمامات السباحة هنا لية ما تكونش هنا مثلا وأشار لمنطقة أوسع 

وضعت حياة القلم علي الطاولة وقامت وقفت وهي تنظر للورق بجدية وقالت : 

اقولك بص كده معايا انت اختارت هنا علشان أوسع صح 

هز ماجد راسة بالايجاب 

ابستسمت حياة وقالت : .كنت متوقعة بس انا اختارت هنا للمسة فنية تعالي معايا واحده و احده 

أولا موقع حمامات السباحة هنا قدام كل الشاليهات بمعني اي حد مش حابب يخرج يكفي قوي أنه بقعد في البلكونه بتاعة الشالية قدامة حمام سباحه

دي حاجة 

تاني حاجة المنطقة دي قريبة من البحر يعني ممكن اي ام. تسيب اولادها وهي مطمئنه أنها جنبهم وتروح البحر أو ممكن تقعد في البلكونه وعيالها قدمها تحت

قام اسر من مكانه وسقف بيده دليل على براعتها في التدقيق و الشرح في هذه الأثناء طرق الباب وبدأ 

المهندس يتوافدون علي غرفت الاجتماعات

نظرت كريمان باستهزاء و هي داخلة عندما وقعت عينها علي حياة تجلس قبل جميع الحاضرين

وقالت بصوت يكاد مسموع للآخرين بما فيهم أسر : هي الباشمهندسة بردو مش من ضمن فريق العمل ولا هي ليها وضع خاص هنا معلش علشان نعرف بس احنا بنتعامل مع مين 

التفتت حياة بغضب و كادت تتكلم لولا نظرة أسر لها اسكتتها 

ثم التفت الي كريمات وقال لها وهو يجز علي أسنانه: 

خير يا كوكي نهدا كده احنا معانا الاستاذ ماجد شريك من الشركه في القرية و هو اللي طلب يشوف شغل حياة علشان هو اللي ماسكة معظم الشغل هنا فكان لازم استاذ ماجد يدي موافقة علي رسمها 

هزت كاريمان رأسها وقالت لي بردو متعرفناش علي الاستاذه 

لطف مازن الجو و قال: 

كوكي احنا بليل عاملين حفلة سمر علشان نتعرف علي بعض كلنا خلينا دلوقتي في الاجتماع ممكن 

وفي هذه الأثناء دخلت السكرتيرة وبدأت توزع ورق علي كل الجالسين في الاجتماع علي حسب الاسم اللي علي الملف من الخارج 

قال أسر بصوت مسموع للجميع : دلوقتي قدام كل مهندس رسم التخطيطي للقرية طبعا كل واحد

عارف ايه هي طبيعة شغله الرسم معاكم 

قطعت حياة كلامه و قالت : 

بعتذر يا بشمهندس انا بس ممكن اشرح ليهم بس الرسم علشان الكل يشتغل بدقة لأن الشغل لازم يطلع بنفس دقة الرسم حتي الالوان انا عاوزه اشوفها بنفسي 

تأففت كريمان بصوت عالي

التفت أسر ليها وقال مبتسما 

اقدم ليك مدام كريمان تخصص الفندقة هي اللي حاتمسك كل فرش وكل حاجة تخص الفندقة في الشاليهات و الكافتريات 

هز ماجد رأسه يحبها ويعلن أعجابه بشياكتها وجمالها مما زاد من غرورها 

ابتسمت حياة وقالت بصوت منخفض : براحة علي نفسك احسن تتر شقي من كتر النفخ دانتي غلبتي ماجي مش سايبة حته في وشك غير ما دهناها الالوان 

سمع كلامها كلا من أكرم ومازن و انفجروا ضحكا غصب عنهم 

رمقهم أسر نظرات تحذيرية ولكنهم غير قادرين علي سيطرة علي ضحكهم كل ما بينظروا لوجه كاريمان يضحكوا 

زاد غصب أسر و توسعت نظراته المريبة لهم حاولوا السيطرة علي أنفسهم 

بدأ أسر و ماجد يستمتعوا بدق. لكل مهندس يبداء بشرح فكرته في الرسم و يسمع آراؤهم 

جاء دور حياة في شرح عملها بدقة 

وقف مازن و ائل بصقفو من دقة الشغل وقال مازن بلهفه :

حياة بجد ابدعتي برافوووو عليكي مشاء الله 

ولكن نظرة واحدة من أسر ألجمته مكانه 

نظر أسر لمازن جعله يجلس مكانه في صمت 

سلم ماجد علي حياة و ابدي إعجابه لابداعها المتميز و الدقيق 

ثم اللقي التحية علي الجميع و تركهم وغادر 

قال أسر وهو ينظر للحاضرين : تقدروا تتفضلوا علي شاليهات تريحوا بس انا بعد ساعة عاوز كل المهندسين يتواجدا في الموقع 

تقدروا تتفضلوا شكرا. لمجهودكم بجد الكل عمل شغل ممتاز 

قام الجميع وذهبا اللي شاليهتم للاسترخاء فا الكل محتاج لراحة فعلا لقد قام الكل بمجهودات كبيرة اليوم 

قامت كريمات وهي تحمل نظرات حقد وغل لحياة وقالت وهي خارجة : ايه يا أسر لسة قاعد ولا اية نظامك 

بص اسر لاحمد نظرة بمعناها أن يخلصه منها 

غمز له احمد بمعني تدفع كام و اخلصك 

نظر له أسر بتوعد ثم التفت لكاريمان وقال :

روحي انتي علشان ترتاحي يا كوكي انا لسة عند شغل كتير و مش عارف لسة حيخلص أمتي 

أجايت كاريمان بدلع : اوف بقا يا أسر انت عارف ان شغلي لسة مش حيبدا دلوقتي انا اخر حاجة تتعمل وهي الفرش انا زهقانه خالص و عاوزاك معايا 

التفت ليها اسر وقال : 

حبيبي احنا جايين نشتغل و شغل اية اللي اخر حاجة انتي عندك شغل كتير توفيق الالوان مع بعضها و اختيار نوع الفرش و حاجات كتير بتاعتكم المفروض كل ده يكون خالص قبل ما نسلمك الشاليهات ولا ايه 

كل ده وحياة مازالت جالسة تتفرج عليهم في صمت وكأنها تشاهد مشهد بايخ في فيلم رومانسي 

ثم أصدرت حركات بوجهها كرد فعل غير متوقع دليل علي أن الكليل قد فاض بيها 

قامت حياة واقفة وقالت بغيظ : سلام اشوفكم في الموقع بعد ساعة 

قام مازن مسرعا وقال بصوت عالي:

انسة حياة ممكن دقيقه من فضلك 

التفت حياة علي صوت مازن وقالت : 

خير يا بشمهندس في حاجة عاوزة اللحق ارتاح قبل ما اقابل هولاكو في الموقف ده لوحده عاوز ذهن صافي خالص 

ضحك مازن بصوت عالي وقال:

بصراحة يا حياة عليكي خفة دم بجد روحك حلوة قوي

عيون أسر كانت زي الصقر عليهم وكأنها سوف تنقد عليهم في أي دقيقة 

التفتت كاريمان وقالت بزعل متصنع : في ايه يا أسر انت مش معايا خالص انا شكلي كنت بكلم نفسي ولا ايه

انتبة أسر لكلام كريمان و قال :

معلش يا كوكي انا بجد مشغول جدا روحي انتي ترتاحي دلوقتي و نتقابل بليل في حفله السمر اوكيه عاوزك اجمل واحده في الحفلة اوك 

هزت كريمان رأسها بثقة وقالت :

انا من غير حاحة اجمل واحده هنا ولا اية رايك يا اسر 

اصلا أسر مش سامعها من أصله تركيزه كله علي حياة 

وفي هذة الأثناء

اخذ اكرم امل والاولاد و احمد و جنة و ذهبوا للبحر للاستمتاع بلجو الأسري الجميل

تقربت جنة من أمل و ارتاحت لها امل حد طيب و صافية من داخلها بعكس ماجدة التي تحمل غضب علي العالم كله ولا تحب الخير. لاحد 

فتحت جنة قلبها لامل و حكت لها عن كل تخوفتها من ماجده و سر خوفها من الإقامة معهم في الڤيلا 

و في ڤيلا الفضالي 

دخلت ماجدة علي ماجي التي كانت تتحدث في التليفون بطريقه جديدة 

حاولت ماجده تستشف مين اللي علي طرف الآخر ولكن أشارت لها ماجي بأن تصمت 

أجابت ماجي وقالت :

الو انت محمد صح قريب حياة وجنة 

أجاب الطرف الآخر وقال : ايوا انا محمد انتي مين عاد 

قالت ماجي بمكر: مش مهم تعرف انا مين المهم تسمع الكلام اللي حقولهولك كويس ياريت تتصرف في اقرب وقت

أجاب محمد وقال: قولي عاد وانا احكم اخلصي انا مافضيش 

قالت ماجي بهدوء تام: بص يا سيدي الأول كده حياة مش مخطوبة اصلا لأسر هما اشتغلوك علشان متاخدهاش معاك غير كده لافي شرط جزائي في الشغل ولا يحزنون يعني من الاخر لبسوكم العمة يا صعيدي 

و خد بالك حياة وجنة انا سمعت انهم ناوين يبيعوا أرضهم لحد غريب 

أجاب محمد بعصبية : أباي ياولاد الرفدي و غلاوة ابوي ما حسبها بقا حتة حرمة تتضحك عليا انا وأبوي و تلبسنا العمة كلتنا هي اللي زنت علي خراب عشها عاد تستحمل جانب البرنسية اللي حيحوصل لها والله لكون ساحبها اهنه و حا وريها العذاب اللون تستقبل بقا 

قالت ماجي بخبث: انت حر اعمل فيها اللي انت عاوزة حقك الصراحة بص انت حتلاقيها في العنوان ده مع أسر لوحدهم 

زاد غضب محمد وقال: لوحديهم كيف و هو ما قيلش عليها ولا خاطبها ماشي يا بنت البندر أن ما ربيتك من اول و جديد مبقاش انا محمد ولد وهاب 

ضحكت ماجي في شماتة و أغلقت التليفون و التفت لماجده و قالت بغل:

ايه رايك في اختك لعبتها صح ولا ايه 

رفعت ماجده حاجبيها وقالت: أستاذة و رئيسة قسم كمان لعبتها صح و صح الصح كمان بس لو أسر عرف أن احنا الي عطيناه العنوان مش حيحصل كويس وانتي عارفة أسر و جنانه وقت غضبه مش بيعرف مين قدامة 

ضحكت ماجي وقالت : عيب عليكي دي كمان ليها حل عندي تعالي لما اقولك احنا حتعمل ايه

وفي القرية السياحية بدأ الكل يجهز لحفله السمر و التعارف 

وكالعادة ارتدت كاريمان افخم الملابس وكانت مثل العروس في ليلة زفافها

ارتدت جنة ملابس هادئة وامل أيضا فهم أصبحوا صديقتان مقربتنان

و عند حياة ارتد فستان بسيط جدا بلون الأرجواني و اكتفت بوضع تاج من الورد علي رأسها و ضعت بعض المساحيق التجميلة الخفيفة جدا اللتي تعطي ضو ولا تبان و ظهرت وكأنها ملاك من شده بساطتها 

احيانا البساطة الزائده تلفت الإنتباه و الأنظار أكثر من البهرجة و الالوان 

استعد الجميع للحفل خرجت كريمان كالطاووس تتباهي بملابسها العارية و بجمالها وجمال مساحيق التجميل في وجهها وكانت تظن أن التفات الناس لها انها اجمل حاجة حصلت و يزداد غرورها بنفسها أكثر

ابدي أسر إعجابه بيها و بملابسها كنوع من أنواع المجامل

الفصل الثاني والعشرين

وعند اكرم كان يجلس و يضع يده علي كتف أمل أمام الجميع وكأنه يجهر بها امام الكل و هي سعيده جدا فا  هي تعشقه جدااا و حاضنة  يده  بقوه كأنها مالكه العالم بأسرة 

وفجأة أطلقت حياة شقهت  عالية وجرت تسحب امل من يدها مسرعة تحت نظرات اكرم المستعجبة من فعل حياة ولكنه انتبه اللي نظرات حياة فقام واقفا 

كانت ماجدة و ماجي يستعدان للنزول من السيارة 

ج اكرم من السيارة وقال مستعحبا :

اده انتم ايه اللي جابكم هو احنا في فسحة هنا

رفعت ماجدة حاجبها وقالت بحده :

خير يا اكرم ما كنتش عاوزنا نيجي ليه عارفة انكم في شغل بس أحمد اخوك جايب معاه جنة يعني محدش اتكلم ولا هي لناس و ناس ولا اية غير أن ماجي بتشتغل في الشركة ليه تبقي الشركة كلها هنا وهي لاء اشمعنا 

جاء صوت من خلفها وقال :

انا اقولك يا مرات اخويا ليه ماجي مش هنا بس هي للاسف مافهمتش انا و أكرم وأحمد سايبين احنا الثلاته الشركة محدش فينا موجد المفروض مين بقا اللي حئتمنه  علي الشركة  وانا واخواتي  مش موجودين غير حد انا بثق في بس هي للاسف 

ثم التفت إلى ماجي وقال:

هي مطلعتش قد الثقة دي حتي ما كلفتيش نفسك تليفون تقوليلي انا حقفل الزريبة اللي انت فاتحها واجي

لسة ماجي حتتكلم سبقها وقال:

خلاص خلاص مش عاوز اسمع صوتك اتفضلي مش جيتي استمتعي بوقتك و فاضي دماغك و ملكيش دعوة باي حاجة استجمي بس انت ومتفكريش غير في نفسك وانا ليا تصرف تاني 

وسابها ومشي وهو جز علية الضحك من منظرها 

التفت عيونه بحياة التي كانت تحاول اخفاء أمل عن أنظار ماجدة 

ذهب إليهم وكانت حياة تأخذ امل اللي الشاليه عندها كي تهدي من روعها 

دخل أسر ورأهم الشاليه والتفت لامل التي كانت الدموع عالقة فيها وقال لها :

في ايه يا امل انتي عارفة أن اكرم اد ايه بيحبك وهو غصب عنه معذور لازم كان يعمل كده علشان يحافظ عليكي و علي الاولاد

ضحكت امل نصف ضحكة و قالت وعينها تذرف للدموع :

انا حاسة بإهانة كبيرة قوي حاسة أن انا حعيش و اموت في الضلمة

قامت حياة وقفت و التفت اللي امل وقالت:

متزعليش مني يا امل انتي اللي اختارتي تكوني في الضلمة و بمزاجك ولا انا غلطانه محدش جبرك علي الوضع ده 

هزت امل رأسها وقالت بحسرة : 

عارفة يا حياة الست اللي اتوجعت كتير اوي في حياتها ..

تلاقيها بتنسى  كتير اوي

بتموت في الوحده وبتحبها ،، عيونها بتلمع علشان فيه ديما دمعه محبوسه جواها ...

اوقات كتير تلاقيها سرحانة

بتعدى  حاجات كتير مبتتعداش بس لما بتزعل بتبقى قاسية ..

دمها خفيف بس ضحكتها مش من القلب حتي لو صوتها عالي اصل دا بتدارى  بيه اللى جواها 

ومع ذلك  هى اللي بتدى  امل وتفاؤل للي حواليها .

بس ياريتها  تتعلم  لان محدش يستاهل ثقتها دي 

اوقات كتير بنام ودموعي علي خدي مستنية الساعة اللي أكرم حيسرقها علشان يعرف يقضيها معايا و كأننا بنسرق من العمر اجمل سنين عمرنا 

قربت منها حياة وقالت : عارفة يا امل ان كل ده كان غصب عنك و أن الوضع هو الي حاطك كده يبقي مافيش داعي للزعل ده كله 

بس انتي  اكيد اتغيرتي  و اتعلمتي 

ضحكت أمل بصوت عالي وقالت: 

- ومين مابيتغيرش؟؟ 

أيوة اتغيرت وعرفت قيمة نفسي، بطلت أجي عليها بزيادة عشان خاطر حد، بطلت أجي عليها أصلا لأن ببساطة محدش هينفعني وقت ما أقع من كتر ما بحملها فوق طاقتها، 

قدرت أعمل خطوط حمرا واشطب من حياتي اللي يعديها أو يسمح لنفسه إنه يقلل مني ومن أحلامي سواء بهزار بقااا ولا بجد، اتعلمت أقول لأ وقت ما أكون فعلا رافضة، 

اتعلمت أفارق وقت ما يكون اللي قدامي مش مقدّر قيمتي ولا عامل لزعلي حساب بدل جملة عادي مش مشكله لأن زعلي مش عادي وأيوة فيه مشكلة .. 

عرفت واتأكدت إن مش كل اللي بيضحك في وشي ضحكته صادقه، ولا كل اللي بينصحني بيبقى عايز مصلحتي 

أوقات كتير نصيحته بيبقى قاصد يضيعلي بيها حياتي، 

بطلت أدّي الأمان والثقة الكاملة وقدرت أقوّي قلبي وابعد عن ناس كتير مكنتش اتخيل في يوم أعيش من غيرهم، يمكن لسه معرفش انا عايزة ايه بالظبط بس عارفة ومتأكدة أنا مش عايزة ايه .. 

اتغيرت فعلا بس لمصلحتي

علشان كده كررت اواجه و انا اللي حقف قدام ماجدة و بقوة و ححارب علشان بيتي وجوزي وعيالي 

شعرت حياة بمرراة احساس امل و شعورها بالقهر فاهي  لا تَعي بمرارة هذا الشعور، لا تُدرك معني أن يُصبح الأنسان فارغًا تمامًا بداخِله، يُصبح ضحية لأفكاره، فتفترس عقله كل ليلة وتأكل من رأسه وتُمسي فريسة لأنيابها، لا تُدرك معني أن تُحاصرك خواطرك ولا تستطيع الفِرار، أن لا يُحالِفك النوم إلا بعد نِزاع بينك وبين كل ما مررت به وكل ما أستوطنك من آلآم، أن تستيقظ كل صباح وأنت مُجبر على تجاوز الأمر وأن تستمر في المسير وأنت غاضض الطرف عما يحدث داخلك، أن ينطفئ شغفك وتزول رغبتك تجاه كل شئ حتى ما كنت تترقبه يومًا، أنت لا تَعي معنى أن تنطفئ روحك 

طبطبت حياة علي ظهر أمل وقالت لها : 

الواحد لما بيّمُر بفترة صعبة بيلجأ لأكتر ناس قويّة في حياته؛ والقوّة هنا مش قوّة العضلات لأ قوّة النفوس، الناس اللي مبادئها قويّة، حنيّتها قويّة، طيبتها قويّة، رحمتها قويّة.. الناس اللي قادرة تحتويك وتلملم وجعك، وبالنسبة ليا الصِفات دي هي القوّة الحقيقية اللي قادرة تحتوي أي إنسان على وجه الأرض وتطمنه.

الفصل الثالث والعشرين 

وفي الشالية مازلت أمل تبكي علي حظها و علي الوضع التي أجبرت أن تعيش بداخله هي وأبنائها 

نظرت حياة لأسر و أشارت له انها تريده بلخارج  

خرج أسر و نظر لها وقال:

ايه يا حياة خير عاوزة ايه 

أغمضت حياة عينيها وزفرت أنفاسها وقالت:

بص يا بشمهندس الوضع كده شكله مش حيهدا. 

أمل مش حتهدا  غير لما أكرم هو اللي يجلها يهديها بنفسة غير كده احنا بنضيع  مجهود علي فاضي لازم أكرم هو اللي يحتوي الموقف بنفسة

هرش أسر في راسة وقال: 

وانا دي حعملها ازاي بقا ده مع ماجدة فاهمة يعني اية ماجده يعني عيونها عاملة زي الصقر حتفضل حطاهم علي اكرم مش بعيد تعد عليه النفس اللي بياخده

ابتسمت حياة وقالت وهي تنظر له :

في حاجة تانية فاتتكم و لو محدش لحقها حتحصل مصيبة

رفع أسر حاجبية وقال باستغراب خير يا أم العرف أتحفينا ما هي ناقصة مصايب

كشرت حياة وقالت:

أتصدق بالله أنا غلطانه ومش حقولك خليكم كده احتاسوا و استحملوا بقا اللي حيجري ليكم لما ماجده تخش الشالية بتاع اكرم وتلاقي حجات امل و الاولاد جوا شوف بقا  رد فعلها قدام الناس الي هنا والعمال غير أن العمال هنا كلهم شافوا امل و أكرم و هما ماسكين ايد بعض دلوقتي ايه اللي الحل حنفسر ايه اللي بيحصل عندك انت حل بقا ولا اية 

خبط أسر علي راسة وقال:

هو احنا ازي عدتنا كل الامور دي وكان أكبر همنا أننا ت

نداري امل وبس 

قالت حياة متسرعة :

استنا بس علشان في حاجة اهم من كل ده الاولاد حتعملوا معاهم ايه حتقنعوهم ما يجروش علي أكرم ولا يقوله بابا ازاي حتعرفوا تعملوها ازاي

ظفر أسر انفاسة بصوت عالي وقال بعصبية:

حياة كفايا كفايا اعصابي باظت اية كمية المشاكل دي كلها حتتحل ازاي الله يكون في عونك يا أكرم 

طلعت أمل من الداخل وقالت :

الحل الوحيد لكل ده ان انا اخد عيالي و اروح اكرملنا انا اللي اخترت أن أكون في الظل بس للاسف. اولادي هما اللي بدفعوا ضريبة اختياري

تنهد أسر وقال:

بس انتي عارفة يا أمل أن أكرم بيحبك انتي و متأكده بكده هو كمان محطوط في وضع صعب بينك وبين ماجدة من ناحية خايف عليكي و علي مشاعرك 

فجاءه خبط الباب قامت حياة تفتح الباب دخل اكرم وعلي وجه ابتسامة باهته و وجه نظرة علي أمل وقال بلهفه:

امل حقك عليا يا ام العيال و اقترب منها و وضع قبله علي جبينها

هزت أمل رأسها وقالت :

أكرم انا عاوزة اروح انا و الاولاد حالا

التفت أكرم ليها وقال :

استهدي بالله يا أمل حنحلها اصبري بس يطلع النهار و أن شاء الله خير اصلا أكرم عطا ماجي كلمتين من ساعتها هي و ماجده بيلفوا حولين نفسهم

قالت أمل بصوت باكي: 

لاء يا أكرم هي ملهاش حل انا حفضل اللي في السر و اللي دايما مركونة علي الرف غير كده مليش مكان روحني بيتي يا أكرم انا مش مستحملة اجي علي نفسي اكتر من كده بجد

قالت حياة بجدية:

اهدوا بقا علشان نعرف نفكر صح  ثم التفتت توجه الكلام لأكرم دلوقتي عندنا كذا مش مشكلة أهمها الاولاد حتعملوا معاهم ايه حتقنعوهم ازي يشفوك من بعيد لبعيد من غير ما يقربوا منك و حاجات امل حتشلها ازاي 

قالت امل بصوت عالي مملؤ بالبكاء :

قلتلكم انا عاوزة اروح عاوزة اروح و انهارت في  البكاء

شدها اكرم اللي حضنه يبث لها الامان و بعتذر لها  

خبط الباب فجاءة ارتبكوا جميعا و تبادلوا النظرات حزم الأمر وقوف أسر وتوجه للباب و فتح 

دخلت ماجي بعجرفتها المعتادة وهي تنظر لناس من فوق

نظرت للكل وقالت:

هو ايه اللي بيحصل هنا وانتم سايبين الناس برا وقاعدين هنا انا بقالي ساعة بدور عليكم ايه بتعملوا ايه هنا 

ثم التفت إلى أمل وقالت وهي تدقق النظر فيها هي مين المدام معلش

التفت أسر ليها وقال بقرف وبصوت عالي :

ماجي انتي ايه اللي جابك هنا ممكن افهم وانتي اصلا مالك مين المدام ياريت تخليكي في حالك ممكن ولا انتي لو عشتي في حالك تموتي انطقي بقا جاية وعمالة تدوري علينا ليه انا ممكن افهم 

نظرت له ماجي بحده وقالت: 

هو في ايه يا أسر ممكن افهم و عمال تزعقلي انا مش فاهمة

ظفر أسر انفاسة وقال :

اخلصي يا ماجي عماله تدوري  عليا ليه في ايه 

قالت ماجي بهدوء: اهدي بقا يا أسر شكلك لسة زعلان مني علشان جيت من غير ما اقولك بس ماجدة كانت عاوزه تكون مع أكرم و بصراحة. انت يا أكرم غلطان احمد  واخد جنة انت ليه ما اختش ماجدة معاك 

زاد تعصب أسر و قال بغضب شديد و هو يجز علي أسنانه :

في أية يا ماجي بدوري عليا ليه انطقي بقا اعصابي خلاص ما بقتش عارف اتحكم  فيها 

قالت ماجي:

يوووووووو يا أسر كنت جاية اقولك أن انا خلاص الصبح حروح علشان الشركة متبقاش لوحده 

اسر بغضب : مااااااااجي اخفي من قدامي دلوقتي

نظرت ماجي ليهم بريبة وهي خارجة ألقت نظره علي امل التي التزمت الصمت التام 

خرجت ماجي وهي تفكر و علي وجهها علامات استفهام حول أمل و علي سر ععصببة أسر الغير مسببه

التقت ماجي بماجده نظرت لها ماجده بحيرة وقالت لها :

خير يا ماجي معالم وشك مش بتتفسر ليه خير في ايه 

وضعت ماجي يدها علي خصرها و قالت وهي شارده وتنظر إلى لا شيء :

مش عارفه يا ماجدة بس حاسه ان في حاجة بتحصل بس هي انا مش عارفه حاجة غامضة كده بس اصبري عليا يومين كده و حجيب قرار الموضوع  

نظرت لها ماجده بحيرة: ايه يا ماجي قلتيني وشك بجد مش بيتفسر في ايه قولي اللي عندك 

جلست ماجي مكانها وقالت :

مش انتي قلتيلي روحي اعتذري لأسر و قوليلوا انك قد الثقة و حترجعي علشان الشركة ما تكونش لوحدها 

هزت ماجدة رأسها وقالت : 

اه انا فعلا قلتلك كده ايه الغلط في كده لازم تحسسية انك جيتي بس علشان توصلني و انك راجعة علشان انتي مكانهم في الشركة ايه المشكلة اوعي تقولي أنه ما اقتنعش بكلامك

ظفرت ماجي انفسها واغمضت عينها وقالت:

مش هي دي المشكلة دلوقتي يا ماجدة انا فعلا عملت زي ما انتي قلتيلي و بدأت ادور على اسر علشان اشرحله وجة نظري قاعدت ادور عليه ساعة لحد ما لمحت أكرم داخل شالية ماشيت ورا و خبط أسر فتحلي لقيت العقربة حياة و اكرم و معاهم واحده انا معرفهاش وشكلها معيط كتير وشها أحمر قوي و أكرم كان قريب منها قوي بطريقة تلفت الإنتباه 

رفعت ماجدة حاجبها وقالت بحده: 

هي فين البت دي وشكلها عامل ازاي 

رفعت ماجي اكتفاها بلا مبلاه : 

عادي شكلها عادي خالص ست زي اي ست يمكن حلوة شوية بس عادي يعني مش احسن حد 

قالت ماجدة بغيظ: و رهالي يا ماجي عاوزة اشوفها المهم عملتي ايه في موضوع العقربة حياة ايه وصلتي لفين قامت ماجي من جلستها وقالت : 

بقولك ايه يا ماجدة اطلعي انتي منها احسن علي الأقل انا علي بر لو موضوع اتعرف 

هزت ماجده رأسها وقالت :

طايب. علي الاقل قوليلي حتعملي ايه بس علشان اكون في الصورة و أسند معاكي 

قطع كلامه طلوع اكرم و أسر من الشالية وراهم حياة و أمل

التفت ماجي ليهم و اشارت بعينيها لماجده نظرت ماجدة بدقة علي. امل قربت منه وهي رافعة حاجبيها وقالت :

ايه يا أكرم هو انا أجي علشان انت تختفي انت كنت فين ولا انت متعمد تهرب مني 

أكرم بزهق : وانا حهرب منك ليه يا ماجدة بس كان في مشكلة مع الأستاذة أمل وكنا بنحلها

ماجدة بإ استغراب:. امممممم الأستاذة أمل مين بقا الاستاذة امل احب اتعرف 

رد أسر عليها دي الاستاذة امل ماسكة حسابات المشروع و ماسكة العلاقات العامة

أجابت ماجده : اه وبعدين مالها بقا الأستاذة علشان نعرف يمكن نقدر نساعدها  

ردت حياة : لا متقلقش يا طنط انا حلتها خلاص و شدت امل من أيدها وقالت لها 

يلا يا امل تعالي علشان زمان اولادك قلقنين عليكي

الفصل الرابع والعشرين 

أجابت ماجده  وهي ترفع حاجبها و تلعب في السلسلة التي ترتديها : 

اه وبعدين مالها بقا الأستاذة خير. احكوا  علشان نعرف يمكن نقدر نساعدها  أو نقدم اي خدمه ليها

ردت حياة متسرعة  : 

لا متقلقش يا طنط انا حلتها خلاص شكرا لزوقك  و شدت أمل من يدها وقالت لها 

يلا يا أمل تعالي علشان زمان أولادك قلقنين عليكي يلا بسرعه 

اختفت أمل وحياة من تحت نظر ماجدة التي بدأ الشك يتسرب الي قلبها من ناحية أمل 

التفت ماجده ناحية أسر و أكرم وقالت بغضب و عصبية:

هو ممكن حد فيكم بتقولي تطلع مين اللي أسمها أمل 

أجاب أكرم عليها :  

هو في اية بالظبط يا ماجده ممكن افهم في ايه هو تحقيق كل شوية مين امل مين امل ايه هي الوحيده الست اللي في منتجع ما احنا حولينا  ناس كتير خير يا ماجدة زهقتيني

أجابت ماجده بأستخفاف :  يا سلام انتم ليه محسسني أنه سر حربي وانا حعرفه في ايه

أجاب أسر بمنتهي الهدوء : ولما انتي عارفة أنه مش سر ليه الإلحاح الغريب علشان تعرفي هي مين واشمعنا دي عمتا يا ستي دي شغاله معانا هنا و معاها مشكلة مع طلقها فا جابت عيالها معاها و هي خائفة احسن يعرف و ياخد منها العيال علشان كده كانت بتعيط ساعة ما ماجي شافتها و ما كدبتش خبر و جات تقولك 

ثم التفت إلى ماجي وقال:

كل يوم ثقتي فيكي بتروح بصراحة يا ماجي انتي لو قاصده أن أفقد الثقة فيكي مش حتظبطيها قوي كده ونظر لها من أعلي ألي أسفل بقرف و تركهم و غادر المكان بأكمله

وعند محمد في قنا عزم علي تنفيذ خطته وبداء فعلا في التنفيذ 

وفي صباح اليوم التالي بدا الكل يشتغل علي قدم وساق .  

.لاحظت حياة أن جنة مختفية من اول النهار تركت عملها وذهبت تبحث عن اختها داخل الشالية 

لمحتها ماجي انها تركت عملها 

قالت لها بصوت مرتفع بأسلوب أمر  لكي  تستفزها كالعاده فقالت لها: 

علي فين أن شاء الله  يا جناب البرنسية ولا هي وكاله من غير بواب انتي ما تعرفيش اي هي في قواعد هنا الشغل مش سويقه

التفت ليها حياة وقالت: 

ماجي الله يكرمك ابعدي عن  الساعة دي علشان عفاريت الدنيا بتننط قدامي الله يكرمك ابعدي 

وتركتها وماشت تبحث عن جنة التقت بأحمد في الطريق وسألته عن جنة الذي بدوره تبلغها بأن جنة في الشاليه بسب ارتفاع حرارة يا سين 

انخضت حياة و ركضت لتطمئن علي ياسين 

التفت ليها حياة وقالت: ماجي الله يكرمك ابعدي عن وشي  الساعة دي علشان عفاريت الدنيا بتننط قدامي الله يكرمك ابعدي علشان انا اصلا مش حكون مسؤوله علي ممكن اعمله فيكي اتقي شري يا ماجي

ضحكت ماجي ضحكة صفراء وقالت : 

اتصدقي بالله خفت منك انا خفت وانبي خفت 

نظرت ليها حياة بقرف وتركتها وماشت تبحث عن جنة التقت بأحمد في الطريق وسألته عن جنة الذي بدوره أبلغها بأن جنة في الشاليه بسب ارتفاع حرارة ياسين 

اتخضت حياة و ركضت لتطمئن علي ياسين ولكنه أوقفها صوت أحمد وهو يقول لها بصوت عالي :

حياة اوعي تنسي معاد الاجتماع ده مهم علشان حناقش فيه ايه هي  خطوات تحضير الشغل وخالي بالك أسر مش بيحب حد يخش بعده غرفة الاجتماعات لازم تبقي هناك قبله مش ناقصين الجنونه بتاعتة تطلع عصبح 

التفت له حياة وقالت وهي بتضحك :

أحمد قول يا بسط انا رايحة اطمن علي ياسين و هلاكوا بتاعتكم ده يخوفكم انتم انا مش بخاف سلام يا انشطة علشان متأخرش علي يويو حبيب قلب خالتو

وتركته و جرت مسرعة 

ضحك احمد وقال في سره : اقسم بالله مشغلين معانا عيلة ولاء مجنونه كمان ربنا يستر بقا و منتأخرش احسن أسر اجن منها و في الشغل مش بيعمل حساب للقرابة بيشوط و زي ما تيجي تيجي ربنا يستر اللحق انا اروح بدل ما خشي ضمن جنانه 

دخلت حياة عند جنة في الشالية وجدتها جالسة بجوار ياسين تتابع حرراته قامت واقفة فور رؤيتها لأختها 

قربت حياة منها و سالتها بخوف عن حاله ياسين 

أجابت جنة ببكاء: مش عارفه يا حياة الصبح لقيته سخن شوية بس قلبي وجعني عليه قوي خفت بجد احسن يحصله حاجة انا كنت اتجنن والله 

ابتسمت حياة في حب و قالت بحنان : الف بعد الشر عليه يا حببتي ربنا يباركلك في متقلقيش أن شاء الله شوية برد و يعدوا بس طمنيني هو دلوقتي بقا احسن

تنهدت جنة وقالت وهي تبتسم لأختها: اه الحمد لله الحرارة نزلت بس انا بردو متبعها علشان اخاف احسن تعلي مره تانية

رفعت حياة حاجبيها وقالت: اه طبعا كده احسن 

ثم قربت من ياسين وقالت وهي وداعيه: 

هو احنا عندنا كام يويو بس يدلع براحته حبيب قلب خالتو يا خلاثو علي العثل ده ينااس بجد قلبي انا يا يويو

بداء ياسين يستجيب لها ويضحك علي مداعبتها

قالت لها جنة وهي تضحك علي طريقتها في اللعب مع ياسين : الاا صحيح يا حياة انتي خلصتي شغلك بدري قوي كده ازاي مع أن انا شايفة  أن عندكم شغل كتير و الكل علي أعصابه وأسر مكهرب الجو خالص 

شهقت حياة بصوت عالي ونظرت اللي ساعتها وقالت : يالهوي يالهوي انا اسر حيعلقني الاجتماع بدأ من ربع ساعة و علي بال ما اوصل عندهم مش اقل من ربع ساعة كمان قولي علي اختك الله يرحمها عااااااااااااااااا سلام و جرت مسرعه دون أن تلتف ورائها 

ضحكت جنة بصوت عالي علي جنان اختها وقالت في نفسها: عمرك ما حتعقلي ابدا حتعيش عمرك كله بقلب طفله مش بتكبر بس ياريت تفضلي كده علطول و ما يكسركيش هم الزمن ربنا يسعدك يا حببتي 

جرت حياة با أقصي ما لديها من قوة حتي لا تتأخر أكثر من كده فالحديث ومداعبة ياسين إخداها و تناست الوقت تمام

وصلت حياة مكان الاجتماع و دخلت وهي تلهث أنفاسها 

بسرعة عالية وقفت مكانها علي الباب كان الكل مجتمع أسر يجلس على رأس الطاولة وبجانبة ماجي تسجل الملاحظات و علي الطرف الآخر تجلس كاريمان في قمة شياكتها وكأنها في حفل لعرض الازياء و كانت ترمق ماجي بنظرات حاده و ماجي أيضا تبادلها نفس النظرات وكأنه دخلوا سراع البقاء الاقوي وكأنهم يتسابقون علي  جائزة من سيربح المليون 

و كان يجلس أحمد و أكرم و وائل و مازن علي باقي الكراسي و علي الطرف الآخر من الطاولة يجلس الاستاذ ماجد أو صاحب المشروع  ويوجد كرسي فارغ بالتأكيد هو كرسيها  وكان يجلس أيضا بعض العاملين بلمشروع

تنحنحت حياة وقالت بصوت منخفض: السلام عليكم بعتذر عن التأخير و بدون اراده منها وقعت عينيها علي أسر الذي كان الغضب يتتطاير منهم 

هبد أسر يده علي الطاولة أصدرت صوت عالي مما جعل الجميع ينتفض و يلتفتون له قام اسر واقفا وتوجه لها وقال بصوت يشبه الرعد :

خير يا انسة مش حاسة أن حضرتك مستعجلة شوية طايب كنتي قلتلنا كنا أجلنا الاجتماع ولا كنا اخرناه لحد ما حضرتك تتعطفي و تصحي من النوم و لا اقولك بلاش كنا احنا كلنا كده بربطت المعلم جينا لحد الشالية بتاعك و عملنا الاجتماع وحضرتك في السرير 

بلغت حياة ريقها بصوت مسموع وقالت والكبرياء وهي تحاول أخفاء ضعفها:

جرا اية لكل ده يا بشمهندس انا اتاخرت ربع ساعة بس الدنيا مش حتتقلب يعني ولا نظام الكون حيختلف

شهق معظم الحاضرين علي كلام حياة لأنهم أكثر الناس دراية بأسر وهو في حالات غضبة و اكثر الناس معرفة بأنضباطة في المواعيد فاهو لا يتهاون في الدقة في المواعيد علي اعتقاده أن الالتزام هو اساسا كل شيء 

ضحك أسر بصىوت عالي و فجاءة كشر عن انيابه وكأنه تحول من شخصية لشخصية أخري في لاحظة و أقترب منها بشده و قال بصوت أشبه بفحيح الأفاعي المهندس اللي ميحترمش مواعيدي مايستهلش يشتغل معايا و انتي شخصية مستهترة  و كل حياتك عشوائية  ومتعرفيش يعني ايه احترام المواعيد و لا معني النظام ايه 

قربت منه حياة. هي الأخري و قالت بنفس الفحيح :

عارفة أن انا عشوائية في كل تصرفاتي و انا سبق وقلتلك نفس الكلام قبل ما اشتغل معاك وانت قبلت 

ثم رفعت إصبعها محذرة وقالت : 

خد بالك كويس أن عشوائتي  دي سبب تميزي في مجالي لكن جو الروتين و الخنقة و القلم و المسطرة اللي انت ماشي عليهم دول مياكلوش معايا و خد بالك كويس يا بشمهندس عشوائيتي دي هي اللي جابتلكم شغل بالحجم ده و أسال الاستاذ ثم التفتت الي العميل الجالس علي الطرف الآخر من الطاولة 

ابتسم ماجد و قال بهدوء وهو ينظر الجميع :

فعلا يا جماعة شغل الانسة حياة فعلا مختلف تماما انا اتعرض علشان تصورات كتير و من شركات كبيرة في السوق بس انا و كل الشركة لفت نظرنا اختلاف شغل الانسة عن باقي الشركات بجد في حاحة مختلفة

قال أسر مسرعا : ما هو مش  علشان شغلها حلو او مميز ما تحترمش مواعيدها اللي متحترمش معاد إجتماع وعارفه و متأكده أنه إجتماع مهم يبقي مش حا تحترم كلمتها مع العميل في تسليم معاد  الشغل 

بدأت حياة الدنيا تلف بيها من كثره الإهانة أمام الجميع و ضحكات ماجي و كريمان العالية و شعورها بالإهانة 

بدأ وشها يحمر بشده و هي تجز علي أسنانها من الغيظ ثم لمحت الشماته في عيون ماجي واضحة نظرت لها بتعمق و رفعت رأسها عالية وقالت  بتحدي وبصوت عالي أمام الجميع :

تمام جدا يا بشمهندس كلامك وصلني كويس و انا قدام  الكل بعلن انسحابي من المشروع و من الشركة كلها  انا كده ومش حتغير حعيش عشوائية و حموت كده تمام و حضرتك مش قابل كده يبقي خلاص نفضها وبلاها إهانات و حضرتك ليك ايه عندي غير شغلي لكن تحاول تهني أو تمس كرامتي لاء وانا بقولهالك يا بشمهندس أسر لاء اهانه و قلت قيمة لاء كرامتي هنا خط أحمر وحضرتك اتعديت الخط ده وانا مش حقبل بكده علشان كده انا قدام الكل بعلن انسحابي علشان انا اتهانت قدامهم كلهم 

غمز أحمد لاكرم و ميل عليه وقال:

قوم انقذ الموقف اخوك زودها قوي مع حياة بجد كده كتير قوي 

رد وائل عليهم وقال: 

بس بصراحة حياة ماقصرتش و ردت علي دراكولا كلمة بكلمة و بتحدي بجد شابو ليها بس ربنا كمان يسترها معاها أحسن اخوكم مش بيعدي اي موقف كده 

قرب منهم مازن وقال:

وهو يجز علي شفايفه مش قلتلكم البت دي نوع مختلف انا ما جربتوش شرسة كده حموت و أجربه بصراحة جبارة بجد جبارة. هي صحيح شبر و نص  بس  شايله كفنها علي كتفها و شايطة في الكل و مش بيهمها اموت انا في النوع الشرس ده 

ضحك وائل وقال: هما مش قالولك أحترس كل من  أقترب من الأرض بس البت فعلا تتاكل والله

قام احمد وقال: ما تلم نفسك منك ليه انتم ناسين أنها اخت أم ياسين ولا ايه و اسكتوا بقا خلينا نشوف اخرت اللي إحنا في ايه و خناقة دي حترسي علي اية 

سمعوا صوت أسر يعالوا ويقول : انسحاب ايه اللي تنسحبي ما هو اصلا مش بمزاجك في عقود ممضية يعني حضرتك مجبره انك تشتغلي محدش خيرك ده إجبار

وضعت حياة يدها في خصرها و تناست أنها امام ناس و هبدت بقدمها علي الارض بطريقة طفولية وقالت : يا سلام وانا اية اللي يجبرني علي ده لاء بقا انا حامشي و حالا و مش مكملة المشروع ووريني حل تمنعني ازي 

فاقت على صوت ضحكات الجميع علي طريقتها مما زاد وجهها إحمرارا

تقدم وائل من أسر وشد يده وهمس في أذنه وقال:

في أية يا أسر خف شوية مش كده البت ماتت في ايدك انت فرحت عليها الاجتماع كله  بتلك من نظرات ماجي و كريمان الاتنين شمتانين فيها فوق ما تتخيل براحة بقا ياعم مش كده هدي اللعب وما تنساش أنها صاحبة الفضل اصلا في دخول مشروع بالحجم ده لشركتنا ود مشروع زي ده احنا كنا عاوزين  واحده زيه  من زمان فاكر

قام ماجد يلطف الجو و قال: خلاص بقا يا بشمهندس أسر مش حكاية أنها اتاخرت حبه المهم شغلها منظبط 

شعر أسر  بأنه فعلا زودها معاها أشار لها للجلوس وقال :

اتفضلي اقعدي كفايا الوقت اللي ضيعتيه عاوزين نكمل شغل

حبست دموعها وقالت بتحدي: واللهي يا بشمهندس انت اللي ضيعت الوقت مش انا لو كنت سبتني اقعد اول ما دخلت كان زمنا وفرنا وقت كتير لكن انت فضلت تتكلم أكتر من الوقت اللي انا اتأخرته ثم جلست بمنتهي التعالي و كأنها هي انتصرت و فعلا هي انتصرت أمام الجميع

كتم الجميع ضحكاتهم علي كلامها 

جلست حياة و هي تحاول أن تسيطر على دموعها بشكل فاق السيطرة 

لاحظ أسر دمعها وهي تهدد بالانهيار فجاءة قلبه وجعة وشعر أنه زودها معاها اول مرة يحس بعطفه أمام أحد و شعوره الغريب بلذنب 

قام مازن من مكانه يحمل منديلا محاولا التقرب منها ولكن نظر أسر لمازن  جعله يجلس مكانه في صمت 

التفت العميل الي  حياة  و ابدي إعجابه  لابداعها المتميز و الدقيق وقال ممكن بقا مبدعتنا الصغير اللي شبه البنبوناية تقوم تقف وتحكي عن ابداعتها وتقول عملت ايه في الرسم بتاعها 

اشتعلت نار الغيرة بشده داخل اسر و بدأ يقبض  معصم يده في بعضه من الغيظ و احمر وجه 

أشار مازن لأحمد علي وجه اسر الذي ابتسم علي شكل اخوه عيونه فضحها فا هو عاشق حد النخاع و دائما العشق تفضحة العيون  

قامت حياة و راسها مرفوعة  لاعلي في  محاولة إخفاء  أحرجها و دموعها العالقة رفعت راسها و ماشت  بكبريائها 

اتحاه البورد الكبيرة المتعلقة علي الحائط 

وبدأت في عرض نقاط المشروع العامة علي لوحة و الاشاره لادق التفاصيل و النقاط للمشروع

لاحظ اسر نظرات ماجد المتفحصة لجسم حياة رغم بساطة ملابسها وشكلها ولكنها كانت بساطتها الزائده سر اغرائها الشديد في طبيعتها الخلابة هي من تجذب الانظار لا بلابسها ولا بمساحيق التجميل كما فعلوا الباقي هناك 

قال أسر بصوت عالي بعد مجهود شديد في المحاولة علي السيطرة علي نفسة ولكن نفسة أبت عليه و تحكمت الغيرة عليه و احرجها مره ثانية أمام الجميع وقال بحده ممزوجة بالإهانة: 

هي الانسة ما تعرفش تشرح وهي قاعده لازم تقوم تستعرض عرض الأزياء اللي لبساه وتفرح الكل علي جمال لبسها 

ثم اكمل بسخرية ماشي يا ستي خلاص عرفنا أن لبسك شيك واخر حاجة في الدنيا

رمت حياة القلم من يدها و نظرت لنفسها من فوق لتحت تبحث عن ما يقوله علي لبسها فاهي ترتدي بنطال من الچينز و علية بلوزة واسعة و عقدت شعرها لاعلي بمشبك شعر عادي خالص وترتدي حذاء رياضي علي الارض فلات و وجهها خالي بدون اي مساحيق التجميل

بعكس ماجي و كريمان الذين يرتدون احدث الماركات و وجهم شبه عروسات المولد من كثره المساحيق 

رفعت حياة عينها وقالت له بصوت مستهزء: 

انت بتكلمني انا صح انا اللي جاية اعرض ازياء ولا انا اللي مش واخده بالي 

قامت كريمان واقفة  وهي تحمل نظرات حقد وغل لحياة  وقالت وهي خارجة : يا بخت من كان النائيب خاله اوعدنا يارب لما تمشي بلحب كده مش بشطارة  بصراحة شكل الاجتماع انهاردة كله علي ست حياة انا شايفه أنه ملهوش لازمة و نقوم نشوف اشغالنا كفايا بقا الوقت اللي ضاع علي فاضي 

هز أسر راسة و تنهد بصوت مسموع قال وهو ينظر للحاضرين : تقدروا تتفضلوا علي اشغالكم  بس انا بعد ساعة عاوز المهندسين الي حقول أسماءهم كلهم في ارض الموقع  علشان هما دول اللي حيشاركوا معايا في تنفيذ الأولي للمشروع 

البشمهندس    مازم و وائل و و ابراهيم و احمد  و أكرم  و الانسة حياة طبعا علشان هي صاحبة الرسم و ححتاج يا ماجي يا ريهام علشان تسجيل أي نقط 

أجابت ماجي متسرعة : ريهام طبعا حتكون معاكم انا مقدرش علي الشمس دي بشرتي تبوظ 

نظرت له حياة بتستهزاء و تركتهم وقالت قبل أن تغادر و هي لم ترفع عينها في : أن شاء الله حنكون هناك 

ابتسم اسر وحب يغظها: بس ياريت حضرتك تخفي وقوف قدام المرايه و تبطلي استهزاء و تيجي في معادك ياريت لو سمحتي 

رفعت حياة عينها له و التقت عيونهم مابين تحدي منه و محاولة إخفاء دموعها و ضعفها 

نظرت له نظرات ليس لها معني و تركته وماشت 

التفت أسر لباقي فريق العمل وقال  

وباقي المهندسين يقدرا يروحوا  شكرا. لمجهودكم تقدروا  انفضلوا  دلوقتي الاجتماع خلص 

قام الجميع وذهبا اللي مكاتبهم  ليس هناك ما يحتاج الاستفسار الكلام كان واضحا من الذي تم اختيارهم في مشاركة في الموقع 

بص اسر  لأحمد  نظرة بمعناها أن يقوم وراها 

قام احمد  من مكانه و  خرج وراء حياة وقال بصوت عالي ممزوج بالخوف   أوقفها مكانها وهو ينادي علي اسمها :

حياة دقيقة من فضلك استني عاوزك في كلمة قطعتي نفسي من الجري وراكي ايه مركبه عجل في رجلك نفسي انقطع منك لله 

قربت  حياة  من  أحمد

توقع احمد بمجرد ما يهزر معاها   أنها   سوف تضحك و تشاغب كا عادتها ولكنه اتفاجاء بشخصية مختلفة تماما وكأنه يراها لأول مرة يري حياة جديدة عليه 

أفاق علي صوتها  وهي  تتكلم بحزم و عصبية و تقول  : خير يا احمد في ايه ا تاني 

ابتسمت احمد و قال : 

اهدي بس يا حياة علشان نعرف نتكلم 

حياة بنفس نبرة الحدة : يعني  عجبك  انت اللي اخوك  عمله قدام العميل ممكن افهم  احنا من امتي بننقض بعض قدام العملا  من امتي بنرمي كلام علي بعض كده  تصرفه  ده غير مقبول واظن انك موظف  قديم  وعارف قواعد الشغل كويس وان تصرف اخوك  ده ممكن يعطي العميل صورة وحشة عننا و يشوف أننا مش عارفين حتي نحترم بعض قدام الناس الغريبة 

فجاءة افترب منهم مازن و وائل  

التفتت حياة لهم ولكنها انتفضت مكانها وقالت انا ماشية 

مع اني كنت مستنية ردك   انا  عاوز رد حالا يا احمد  من امتي احنا بنعمل كده قدام العملا 

و تعالي هنا ايه حكاية في أن انا بعرض عرض ازياء بزمتك انت ده لبس عارضة 

انفجر مازن ضاحكا علي طريقتها في تقليد أسر  

أكملت  حياة بغيظ و  بدون تفكير: و اللهي  كده  شكلها  ماشية بالكوسة و الوسطا  هو مش واخد باله من عروستين المولد اللي كانوا قاعدين واحده علي يمين و تانية علي شماله و هو قاعد زي هارون الرشيدي و حريم السلطان حواليه .

وقع مازن من كثرة الضحك و انفجر وائل ضاحكا بصوت عالي وأحمد ماسك بطنه من كثره الضحك 

وعيون أسر مرقباهم من علي بعد وهو بشتعل غيرة لكثرة ضحكهم وهو  يسمع كلامهم و   سبب هذا الضحك اصلا 

أكملت حياة انا اشتغل و ارسم و اجيب العملاء  

و في الاخر متوقع مين اللي حا يتصقفله في الاخر فا  ليه بقي اتعب نفسي و افكر  بقا لاء و كمان يتمسح بيا و بكرمتي الأرض قدام الكل غير ضحك الأستاذين المحترمين عليا 

رفع أسر حاجبية وهو يستمع في صمت ولا يراه أحد

تركتهم حياة و ماشت والدموع تنهمر من عينيها ولا تستطيع التحكم فيهم 

دخلت  كريمات علي أسر و كان الغضب يتتطاير منه 

قالت وهي تنظر له بتفحص : يعني لما تيجي حته  امبارح و تاخد تارجت اعلي من حجمها و تاخد مميزات اقدم موظف مش معاه المميزات دي كل ده علشان باتظبط مزاج رئيس مجلس إدارة الشركة انت ايه رايك في الكلام ده يا أسر بيه 

استشاط اسر  من الغيظ  و لم يعد قادرا علي التحكم في أعصابه أكثر من ذالك ذهب إليها و ماسك يدها بقوة و قال: انتي ازاي يجيلك جراه تقولي كلام ده انتي تعرفي حياة منين علشان تتكلمي عنها بطريقة المخزية دي 

قالت باستهزاء : انا مش لازم اعرفها كفايا قوي اللي شوفته بعنيا  و غيرتك الواضحة في كل تصرف و افتعالك الغضب منها  ده كان كفايا قوي بصراحة  واضحة للاعمي ده لو عيل صغير يلاحظها و يلاحظ خناقك معاها المفتعل 

استغرب اسر.  من كلامها لأن حياة من ساعة ما جت شركة ما اجتمعتش معاه في مكان بمفردهم  قامت كريمان  وهي تحمل نظرات حقد وغل لحياة  وقالت وهي خارجة : يا بخت من كان النائيب خاله اوعدنا يارب لما تمشي بلحب كده مش بشطارة  و قربت منه بشده لدرجة أنها استنشقت انفاسة وقالت بنعومة شديدة :

ما تقولي بس اية اللي البت دي بتعملة بيبسطتك وانا اعمله احسنت منها كمان علي الأقل انا شياكة و مستوي مش حتة بت شكلها جاية من الحواري

وفجاءة فتح الباب ودخلت حياة و لكنها شهقت من منظر قربهم خفضت عينهيها لاسفل واعتذرت وقالت:

بعتذر ما كنتش اعرف ان لسة في حد هما انا فكركتم رحتوا الموقع انا جيت الم شغلي و رسوماتي انا حمشي دلوقتي وارجع لما تخلصوا 

وتركتهم وماشت دون النظر ورائها 

زق اسر كريمان ونظر لها بنظرات حاده و تركها دون التفوه باي كلمة  ثم رجع بضهره وقال باستهزاء : 

ياريت الست المحلله تقولنا شافت ايه بعنيها خلينا نعرف احنا كمان 

قالت بضحكه سخرية:لما تبقي مهندسة محترمة ونزله و رايحة جاية معاك و الكل بيتكلم أنها بتروح الصبح معاك شركة في عربيتك ده أسمه اية 

جن جنون حمزة وكاد أن يفتك بيها لولا أنه  مسك العصابة  في آخر لحظة 

قال لها وخدي الكبيرة كمان : بتبات معايا في نفس الڤيلا ايه رايك 

قالت نجلا باستفزازا: ممكن حضرتك تدي تفسير لكلامي 

رد أسر  بغضب  وانا افسرلك بتاع ايه وانتي مين اصلا علشان افسرلك انا بعمل ايه انتي هنا موظفة في شركة تعملي الشغل اللي يطلب منك وبس لكن تخشي في حياتي أو في حياتي اي  حد من الموظفين  هنا ده مش من حقك اصلا مين عطاكي الحق بكده 

قالت وهي تعدل شعرها: خلاص بقي ماتقعدش تعمل حوارات واجتماعات علشان نقعد نصقف للهانم اللي انت اصلا قايلها تعمل ايه وتقول ايه علشان تبان أنها اشطر مهندسه هنا في شركة

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا