رواية عشق الصخر البارت الواحد وعشرون والثانى وعشرون والثالث وعشرون والرابع وعشرون والخامس وعشرون بقلم شيماء عصمت
رواية عشق الصخر البارت الواحد وعشرون والثانى وعشرون والثالث وعشرون والرابع وعشرون والخامس وعشرون بقلم شيماء عصمت
الواحد والعشرون
الفصل 21
مسك بردح : يالهووووووي انت مين ياجدع انت وهو وازاي تتجرء وتتخل بيتي كده طب ومن نبى النبي نبي لكون مصواته ولمى عليك امه لا اله الا الله
عشق برعب ورتباك: صخر
مسك سكتت وعرفت ان دا زوج عشق
صخر قرب من عشق ورفع ايده بص في ساعته وبهدوء مرعب وملامح صخرية قال: مش الوقت لسه بدري على انك تزوري حد يا مدام عشق .. قال اخر كلامه وهو بيضغط على كلمة (مدام) .. عشق بقت عامله زي الكتكوت المبلول مش عارفة ترد ولا تبرر موقفها .. متخيلتش للحظة ان صخر يلاقيها بالسرعة دي
صخر بص لـ مسك بهدوء وقال: بعتذر على كسر الباب دلوقتي الحرس هيصلحوا وشكرا على استقبالك للمدام في وقت زي ده عن اذنك
بص لعشق واشار ليها بمعني تحصله .. من غير ولا كلمة مشيت وراه وصلوا للعربية ركب صخر مكان السواق وعشق لسه هتركب في الكرسي اللي وراء
صخر بجمود: انا مش السواق بتاعك يامدام
من غير اغتراص ركبت جانبه
صخر اتحرك بالعربية بسرعة وهو ساكت مبينطقش .. عشق حاولت تتكلم وتبرر لكن معرفتش .. بمرور الوقت حست ان صخر مش ماشي في طريقة للقصر .. دا في مكان تاني خالص
عشق بتوتر وخوف: صـ صـ صخر .. احنا رايحين فـ فين
صخر مردش عليها ولا حتي بصلها ودا زود من رعبها وقلقها .. دقايق وكان واقف قصاد برج كبير جدا في منطقة تقريبا خالية
صخر نزل من العربية وببرود قالها: انزلي
نزلت ورجليها بتخبط في بعض منظر صخر ميطمنش ابدا .. ركبوا الاسانسير وصلوا لدور معين .. صخر دخل شقة واشار ليها بالدخول
قفل الباب بقوة من قوة الصوت عشق اتفزعت والدموع لمعت في عنيها حاولت تتكلم: صخر انا اسـ
قاطعها بصوت جهوري: اخرررررسي مش عايزة اسمع صوتك ودا لمصلحتك
عشق دموعها نزلت وجسمها اترعش من الخوف .. كل تفكيرها واحسسها انه ممكن يأذيها بعصبيته دي
عشق ببكاء: انت بتزعقلي ليه؟! مش كفاية اللي عرفته عنك!! .. انت ازاي كده؟ وازاي انا كنت مخدوعة فيك!! انت مخلف من طالقتك .. مراد ابنك .. لا ومش بس كده انت مخبي ابنك ومش معترف بيه ولا معرف اي حد بيه! ازاي تحرم طفل من ابوه .. عشان مين اصلا تخبيه .. ازاي ياصخر
قرب منها وبتلقائية دارت وشها بأديها بحماية وكأنه هيضربها!!
صخر بجمود: متخافيش مش همد ايدي عليكي .. ومش عشان سواد عيونك؟ لا .. عشاني انا .. عشان احترامي لنفسي .. زمان ضربتك بالقلم وندمان عليه لحد دلوقتي .. بهروبك من بيتي انتي كسرتي اي حاجة كانت بينا .. وتابع بسخرية: دا اذا كان فيه حاجة مابينا اصلا .. كمل ببرود:انا اسف لنفسي اني حبيت واحدة زيك!! واحدة صغيفة وجبانة ومعندهاش اي احساس بالمسؤولية، انا بجد ندمان علي حبي ليكي عمري ماخطرلي للحظة واحدة اني اندم علي حبك حتي لو انتي محبتنيش بس انتي بغبائك وسذاجتك وصلتيني لدرجة اني كرهت حبي ليكي، بس كفاية لحد كده انا اكتفيت ياعشق انا هسيبك زي ما دايما بتطلبي مني احنا لازم نطلق
عشق بصتله بصدمة وحاولت تتكلم بس مش لاقيه كلام تقوله! هتقول ايه!! قلبها وجعها حاسه ان روحها بتروح منها!! معقول صخر هيطلقها!!
صخر شايف حالتها وشكلها المنهار اتمني لو يروح يضمها!! بس خلاص تعب مجرد انه تعب واكتفي منها!!
كمل بجمود: بعد طلاقنا هعلن جوازي من دينا هرجعها على ذمتي من تاني واعرف الناس كلها ان مراد ابني .. انتي كان عندك حق مفيش اي حد يستاهل اني اخبي ابني عشانه
عشق بصاله بوجع ومبتنطقش دموعها متجمدة في عيونها مش هتسمح لنفسها تنهار قدامة خلاص كل حاجة انتهت مبقاش فيه اي كلام تقولة!
صخر: هتفضلي عايشة هنا .. تاكلي وتشربي ومحاظراتك هتوصلك لحد عندك لحد مانطلق وبعد كده كل واحد يروح من طريق
خلص كلامة وخرج بره الشقة وقفل عليها بالمفتاح
_______________
هـ تطلقها ياصخر .. دا اللي قالته كريمة وهي مصدومة
صخر بهدوء: ايوه هطلقها .. انا وعشق مننفعش لبعض
كريمة بغضب: ليه ان شاء الله! مش دي عشق اللي كنت بتحبها وتتمنلها الرضى ترضى و اللي استنيتها من سنين وسنين .. ولا كنت بتتسلى ببنتي ياصخر
صخر وقف بغضب حاول يتحكم فيه وبهدوء قال: اول مره احس اني مش ابنك .. ولا انك امي! انتي عارفة انا بحب عشق قد ايه ومع ذالك مجتيش تقوليلي انها هتهرب من هنا .. انتي متخيله كان ممكن يحصلها ايه لو انا ملقتهاش؟ كانت هتروح فين اصلا؟ بنتك ملهاش حد وانتي كنتي هضيعيها من تاني بس المرادي بمزاجك
كريمة ببكاء: صخر متزعلش مني انت اكتر من ابني والله انا بس انصدمت لما قولتلي انك هتطلق عشق .. انا مقولتلكش لان عشق حلفتني واترجتني اني لو بحبها بجد مقولكش وهي كانت هتعقد في فندق كام يوم بس .. متزعلش مني ياصخر
صخر بهدوء: ان شاء الله .. انا رايح الشركة عن اذنك
خلص كلامة ومشي من غير ما يسمع ردها
__________
في شركة السيوفي .. تقريبا مفيش حد فلت من عصبية صخر .. وتقريبا رفد نص الشركة ورجع عينهم تاني عادي .. دخل عليه علي
علي بمرح: مالك ياسطا عامل زي التنين المجنح كده ليه .. الموظفين برة مرعوبين
ايه اللي حصل
صخر بجمود: انا وعشق هنطلق
علي بمرح: الف مبروك عقبال الـ اييييييه
صخر: صوتك يابني ادم بقولك هنطلق عادي
علي بريبة: هتطلق عشق؟ وعادي!!!! طب ازاي
صخر ببرود: زي الناس مفيش نصيب بينا
علي: انت مش طبيعي على لفكرة
صخر انا طبيعي وطبيعي جدا كمان كل الحكاية اني عقلت والغشاوا اتشالت من على عنيا .. عشق متنفعنيش ولا انا انفعها
علي: واكتشفت الاكتشاف العظيم دا ازاي؟!
صخر قام وبيخرج من المكتب : انت فايق وهتهزر بقا انا ماشي سلام
__________
كانت قاعدة في شقتها بملل مستنيه تعرف خطتها مشيت زي ماهي عايزة ولا لا .. سمعت صوت جرس الباب .. قامت تفتح ومهتمتش باللبس اللي مبين اكتر ماهو مداري .. فتحت وبرقت بصدمة: صخرر
صخر: تتجوزيني
الفصل 22 من 👈 عشق الصخر
كانت قاعدة في الارض في زاوية من البلكونة دافنة وشها مابين رجليها .. خايفة ومرعوبة .. اكتر حاجة بتخاف منها انها تقعد في مكان لوحدها .. واللي زاد خوفها اكتر ان الكهرباء قاطعت .. حاسه انها محبوسة ودا رجعها لذكريات كانت بتتمنى تنساها .. مربوطة بحبال ومرمية على ارض باردة مليانة كراكيب .. مفيش اي نور .. من غير اكل ولا شرب .. ايام كتيرة قضتها كده وعلى ايد مرات ابوها "نريمان" .. وكأن الايام عادت من تاني بس المرة دي على ايد حد تاني .. هي عارفة ومتأكدة ان صخر ميقصدش ابدا انه يعيشها نفس التجربة لانه ببساطة ميعرفش هي عاشت ازاي و حصل معاها ايه .. حاولت تقوم من مكانها تدور على تليفونها تتصل على صخر .. بس الشقة كلها ضلمة ومفيش اي نور .. قامت بالعافية بتمشي بخوف وحذر .. خبطت في حاجة وفي نفس اللحظة سمعت صوت زجاج بينكسر .. بتخطي اول خطوة صرخت بآلم وحست ان رجليها انجرحت وبتنذف قعدت مكانها وعياطها بقى شهقات عالية .. كتمت نفسها برعب .. وهي سامعة صوت خطوات في الشقة .. مفيش اي نور ومش شايفة اي حاجة .. جسمها اترعش برعب .. خبت وشها بين ايديها .. ثواني وحست بحد بيلمسها وبعدين بيضمها صرخت بخوف وصوت عياطها علي .. اما اللي حضنها فـ بيقربها منه اكتر .. عرفته مين ريحته .. من حنان حضنه وبادلته العناق .. وعياطها زاد اكتر واكتر
_شششششـ اهدي دا انا
عشق ببكاء وشهقات عاليه: صخرر .. متسبنيش هنا لوحدي ارجوك ياصخر ارجوك متسبنيش
جه يبعد عنه مسكته بقوة وكأنه هيهرب منها .. قال ببرود: مش همشي
نبرت صوته الباردة قتلتها ودموعها نزلت اكتر واكتر .. ثواني وكانت الكهرباء رجعت .. بعد عنها ووقف بهدوء بص لرجليها اللي بتنزف .. عشق حاولت تقوم بس مقدرتش .. صخر قرب منها وشالها بين ايديه وراح بيها اوضة النوم وحطها على السرير بهدوء وبعدين اتجه للحمام وجاب علبة الاسعافات الاولية .. ورجع لـ عشق وابتدأ يداوي جرح رجليها وسط صمت من الطرفين ماعدا صوت شهقات بكاء عشق اللي بتحاول على قد ماتقدر تتحكم فيها .. عقم الجرح ولف رجليها بالشاش .. رجع الاسعافات الاولية مكانها ورجع عند عشق من تاني
صخر ببرود: جبتلك اكل بره وقت ما تجوعي ابقي كولي
قال كلامة والتفت عشان يمشي
عشق بحزن وخوف: متمشيش ياصخر خليك معايا .. انا محتجالك
غمض عيونة بوجع .. مش عايز يلين معاها لازم يقسى ويبعد بس قلبه مش مطاوعة .. بصلها وببرود قال: لازم انزل عندي معاد مهم
عشق بـ استغراب: معاد مهم الساعة 12باليل وبغيرة كملت: معاد ايه دا ان شاء الله
صخر ببرود: مع انه ميخصكيش بس هقولك عشان اريح فضولك مش اكتر .. رايح اشوف خطبتي
الكلمة وقعت عليها زي الصاعقة .. الدموع لمعت في عنيها وبصوت مهزوز قالت: خطبتك!!
صخر ببرود: ايوه خاطبتي وهبعتلك ماما تقعد معاكي .. سلام
قال كلامة وطلع من الاوضة وليه هيفتح باب الشقة .. سمع صوت تكسير في الاوضة وعياط عشق .. حاول يتجاهلها ويمشي بس مقدرش .. اتنهد بصوت عالي ورجع لاوضة عشق تاني .. اللي تقريبا اللي فوقيها بقا تحتيها في ثواني .. شاف عشق اللي صدرها بيطلع وبنزل بسرعة ورجلبها اللي هي واقفة عليها ورجعت تنزف من تاني
صخر بقوة: ممكن اعرف ايه اللي انتي بتعمليه دا؟
عشق قربت منه وبشراسة قالت وهي بتضربة على صدرة مع كل كلمة بتقولها: انا اللي بعمل ايه؟ شوف نفسك الاول يااستاذ مش على اساس بتحبني؟ فين الحب ده؟ ايه الحب العظيم اللي يخليك تخطب وانت متجوز والمفروض بتحب مراتك
صخر بسخرية : انتي اخر واحدة تتكلمي على الحب اللي زيك ميعرفش الحب اصلا
عشق بغضب: وانت اللي تعرفه؟ انت مش مكفيك انك اتجوزتني بالغصب وكذبت عليا من اول يوم شوفتك فيه وغير كذبك بخصوص ابنك ياصخر بيه
صخر بغضب وصوت جهوري: انتي غبييية بجد غبية مش ساذجة وبس .. تفتكري انا لو عندي ابن فعلا هخبي عليكي ليه؟! ها .. مش انا اللي قولتلك ان دينا تبقى طالقتي ولا انتي اللي عرفتي لوحدك؟ انطقي مين اللي قالك
عشق بخوف وارتباك: ا انت
صخر بغضب وهو بيضغط على ايديها: ولما هو انا تفتكري كنت هخاف منك ومقولكيش على ابني اللي اصلا مش موجود
عشق بصدمة: تقصد ايه؟ انت معندكش ولاد
صخر بيأس: انا بجد تعبت منك .. انتي اللي جبتي نهاية علاقتنا اي حاجة كنت هقولها كنت هقولها لمراتي وحبيبتي مش لواحده هربت من بيتي! للدرجة دي شيفاني مش راجل ومش هقدر احميكي؟ للدرجادي معندكيش اي ثقة فيا؟ انا صغير في نظرك للدرجادي؟
عشق ببكاء: صخر انا مقصدتش كده ابدا .. والله انا بس
قاطعها: خلص الكلام ياعشق وزي ما قولتلك في اقرب وقت هطلـ
حطت ايديها علي فمه تمنع يكمل الكلمة .. وبنهيار قالت: متقولهاش ياصخر .. متقولهاش عشان خاطري
شال ايديها وبسخرية قال: ومقولهاش ليه؟ مش دا كان طلبك من اول ما اتجوزنا؟! ايه اللي اختلف دلوقتي .. احنا مننفعش لبعض
عشق بـ أنهيار: لا ننفع .. ننفع صدقني .. واللي اختلف اني بقيت بحبك والله العظيم بحبك وكل كلمة قولتهالك قبل ما امشي من القصر كانت حقيقة ومن قلبي .. انت اماني ياصخر .. انا فعلا غبية عشان مقولتش ليك كل حاجة من الاول كان لازم اقولك ان سيف بيتصل بيا وبيهددني اني لو مسبتكش هيبلغ بابا ان امي لسه عايشة .. من خوفي على امي وافقت .. كان لازم احكيلك بس بغبائي بوظت كل حاجة .. انا اسفه والله اسفه بس متبعدش عني انا
قاطعها كلامة بأنه ضمها بقوة .. عشق عياطها زاد وبتضمه وكأنها خايفة يهرب منها ..
بعد هنا بهدوء: انا كنت عارف من الاول ياعشق
عشق بـ استغراب: عارف ايه؟
صخر: عارف ان الحيوان سيف بيهددك عارف حاجات كتيرة عقلك الصغير دا ميفهمهاش
عشق بغضب طفولي وايديها في خصرها: مين دي اللي عقلها صغير؟ علفكرة بقا انا اذكى منك انت شخصيا
صخر بتريقة: اه ما انا عارف
عشق بغضب: صخرر
صخر برفعة حاجب: نعمم
عشق بغيظ: حاجات ايه
صخر ضحك بصوت عالي: هههههههه لما تكبري هبقى اقولك .. وكمل بجدية: دلوقتي عايزك توعديني
عشق: بأيه؟
صخر: انك مش هتخبي عني حاجة بعد كده اي حاجة ياعشق مهما ما كانت تافهه بالنسبالك .. المرة دي هسامحك عشان بحبك المرة الجاية رد فعلي مش هتعجبك خالص .. الكذب وقله الثقة حاجتين ممكن يدمروا اي علاقة مهما كانت قوية
عشق بصدق: اوعدك عمري ما هخبي حاجة عنك وكملت بتحدي: وانت كمان اوعدني
صخر ببتسامة حنونة: اوعدك
قربت منه وركزت في عيونه: يبقى قولي بقا انت ناوي علي ايه واحكيلي على كل حاجة
صخر ببتسامة: بصي ياستي ......
____________
في صباح اليوم التالي .. في مكان ما في شقة على النيل
_ ها ايه الاخبار
:كله تمام متقلقيش عشق سابت قصر السيوفي وصخر قالب الدنيا عليها وملقهاش
بلهفة قالت: متاكد ياسيف
سيف بضحكة شر: عيب ياقلب سيف متاكد طبعا ..قوليلي بقا الخطوة التانية هتكون ايه يا دينا
دينا بحقد: هنخلص من نريمان وبنتها متنساش ان مايا عايزة تاخد صخر باي طريقة
سيف بتفكير: و دول هنخلص منهم ازاي
دينا بشر: هقولك انت تتصل علي مايا وتقولها ...
____________
في قصر السيوفي .. كريمة اتصلت بـ علي وبلعته انها عايزة تشوفه ضروري .. فات حوالي نص ساعة وكان علي وكريمة قاعدين في جنينة القصر
علي بقلق: قلقتيني ياماما كريمة اول مرة تتطلبيني بدري كده
كريمة ببتسامة: بدري ايه ياحبيبي الساعة يادوب 10الصبح هو انت مرحتش الشركة ولا ايه؟
علي بمرح: رحت طبعا ابنك الظالم سايب كل الحمل عليا ومقضيها مع مراته
كريمة بحزن: مقضيها اي بس انت متعرفش ولا ايه
علي بستغراب: معرفش ايه بالظبط
كريمة: صخر هيطلق عشق
علب بضحكة عالية: هههههههههههه
كريمة بغيظ: انت بتضحك على ايه ياهبل انت
علي ببتسامة: على النكتة اللي حضرتك قولتيها دي
كريمة: نكتة ايه! انا بتكلم جد يابني
علي: يا امي ياحبيبتي انتي تصدقي ان صخر ابنك وتربيتك ممكن يبعد عن عشق ساعة واحدة
كريمة بنفي: لا طبعا ميقدرش
علي ببتسامة: ولما هو ميقدرش ازاي تصدقي انه ممكن يطلقها
كريمة: تصدق عندك حق يا واد ياعلي انت كبرت وبقيت ذكي كده امتي
علي بمرح: ابدا لقيت نفسي فاضي قولت اكبر شوية
ضربتة على كتفة وبمكر قالت: تصدق كنت هجوزك بنتي بس بعد لماضتك دي غيرت رأيى
علي بلهفة مسك ايديها باسها وبدراما قال: امي وحبيتي وكل حاجة في الدنيا دي معقول وافقتي اني ابقى عريس لـ بنتك
كريمة: ههههههه يابني اتكلم جد شوية بقى
علي اتعدل وبجدية قال: سامعك
كريمة بهدوء: كتب كتابك انت ومريم يوم الجمعة الجاية
علي بذهول: حضرتك بتتكلمي جد
كريمة: وجد الجد كمان
علي قام يطنط من الفرحة وكريمة بصاله بذهول
قاطعهم صوت مريم اللي قالت بصدمة: ايه اللي بيحصل هنا بالظبط؟!!!
____________
اما في قصر ناصر عمران
مايا بتساؤل: ها يامامي عملتي ايه
ناريمان بأنتصار: شرب العصير وراح في سابع نومة
مايا بقلق: سيف كلمني
نريمان: طب ومالك قلقانة كده ليه؟
مايا: بيقولي صخر السيوفي عرف كل حاجة كنا بنخططلها ولازم نتقابل كلنا في العنوان ده (شاارع***** شقة رقم*****)
نريمان: واحنا هنروح نشوفه في شقة ليه؟ ما نقابله في اي مطعم ولا اي حته تانية ليه المكان البعيد ده
مايا: ياماما افهمي هو عايز يشوفنا في حته مدارية خايف لصخر يكون مراقبنا ولا حاجة فهمتي
نريمان بقلق: انا مش مطمنة ربنا يستر بقا
___________
عشق: هنعمل ايه ياصخر انا خايفة
صخر: حبيبي اطمني انا مرتب كل حاجة طول ما انا جانبك متخافيش
عشق: ربنا يخليك ليا ياحبيبي
صخر: لا بالله عليكي ياشيخة متقولليش حبببي دي خالص مبقتش بتفائل بيها
عشق: ليه بس كده
صخر: فاكرة اخر واول مرة قولتيها حصل ايه؟ سبتي البيت ومشيتي
عشق بخجل واعتذار: غلطة ومش هتتكرر تاني ياصخر انا مستحيل ابعد عنك تاني
صخر باس دماغها: ربنا يخليكي ليا .. انا هقوم البس عشان لازم اروح البيت
عشق: طب وانا
صخر: المفروض انك هربتي وانا بدور عليكي واكيد الكلاب دول مرقبين القصر
عشق بزعل: يعني هفضل هنا لوحدي
صخر بحنان: هجيلك بليل وطول اليوم هكون معاكي على التليفون بس اهم حاجة ياعشق متفتحيش الباب لاي حد مهما كان انا لما اجي هفتح الباب بالمفتاح اللي معايا تمام
عشق: تمام
صخر جهز نفسه وودع عشق واتجه لقصر السيوفي
__________
مايا ونريمان راحوا على العنوان اللي قالهم عليه سيف .. نريمان كانت قلقانة وجواها خوف مبهم مش عارفة سببه .. طلعوا الشقة واستقبلهم سيف .. وقدملهم عصير يشربوا .. دقايق وغابو عن الوعي
بمرور الوقت
فاقت نريمان على صوت: بوليس الاداب بره
يتبع
الفصل 23 ❤🦋
إنَّ للهِ نفَحَاتِ رحمةٍ تُصيبُ المُكثِرينَ مِنَ الصَّلاة على النَّبيِّ ﷺ " 💙🌸
فاقت على اصوات كتيرة مش قادرة تميزها .. فتحت عيونها وهي مش مستوعبة هي فين وبتعمل ايه .. الاصوات ابتدات توصخ وميزت جملة: بوليس الادب بره .. لسه هتقوم وهي مفزوعة لقت نفسها من غير ملابس ويادوب في ملايه ستراها ومش بس كده .. لا .. دا في واحد نايم جنبها .. عقلها وقف وابتدات تضرب نفسها بمعنى اصح (تلطم) .. ومفيش على لسانها غير كلمة: اتفضحت ... ثواني والبوليس كان بيقتحم الاوضة اللي هي فيها وتم القبض على نريمان وهي ملفوفة في ملايه واتحولت للقسم التابع للمنطقة اللي هي فيها
______________
قبل الوقت بعدة ساعات
دينا: ها ايه الاخبار
سيف:كله تمام متقلقيش عشق سابت قصر السيوفي وصخر قالب الدنيا عليها وملقهاش
بلهفة قالت: متاكد ياسيف
سيف بضحكة شر: عيب ياقلب سيف متاكد طبعا ..قوليلي بقا الخطوة التانية هتكون ايه
دينا بحقد: هنخلص من نريمان وبنتها متنساش ان مايا عايزة تاخد صخر باي طريقة
سيف بتفكير: و دول هنخلص منهم ازاي
دينا بشر: هقولك انت تتصل علي مايا وتقولها ان صخر السيوفي كشف كل خطتنا واننا لازم نتقابل ضروري وفي مكان مداري عشان لو صخر مراقبنا
سيف: وبعدين
دينا بمكر: وبعدين ياسيدي هتقابلهم في العنوان اللي هقولك عليه ده (قالتله العنوان) وبعدين هتخدرهم
سيف: ودا ازاي
دينا: حابيتين منوم من العيار التقيل في كوباية عصير لكل واحده فيهم .. دقيقة ولا اتنين وكل واحده هتروح في سابع نومة هتاخدهم وهتوديهم على شقة اللي في ****
سيف بأعجاب: يابنت اللذينة هتلبسيهم قضية اداب
دينا بحقد: ومش بس كده
سيف: ناوية على ايه تاني
دينا ببرائة مصطنعة: قضية صغيرة كمان
سيف: واللي هي
دينا بشر: قضية مخدرات
سيف: دا انتي ناوية تقضي عليهم خالص
دينا: انا اضحي باي حد واي حاجة عشان اوصل لصخر وفلوس صخر
سيف: طب قوليلي هنثبت التهمة عليهم ازاي
دينا: اتفقت مع كام بت من اللي عندهم ملف في الاداب عشان لما يتقبض عليهم يعترفوا ان نريمان هي اللي بتسرحهم مش هما بس لا وبنات كتير اووي ويبقى اتقبض علي شبكة دعارة كبيرة اوووي صحيح واحدة خدت 10الف بس مش خسارة فيهم .. ودا غير الكام فرش حش*ش اللي حطتهم في شنطة في الاوضة اللي فيها نريمان .. وفي الوقت المناسب وبـ تليفون صغير من فاعل خير للبوليس .. وخبر صغير للصحافة بالقبض على زوجة رجل الاعمال ناصر عمران وبنتها في وضع مخل في شقة مشبوهه وبكده نبقى خلصنا من نريمان وبنتها ويفضلنا عشق هانم اللي هنخلص منها وبسهولة اوي اوي
____________
الخطة فعلا مشيت زي ما دينا خططت بالظبط .. بس اللي معملتش حسابه ان مايا تفوق قبل وصول البوليس بدقايق .. وقدرت تهرب قبل اقتحام البوليس للشقة .. عن طريقة باب المطبخ اللي بيودي للباب الخلفي للعمارة ومنه للشارع الرئيسي
____________
خبر القبض على نريمان انتشر بسرعة البرق .. ناصر كان هيتجنن وهو شايف صور مراته منتشره فكل مكان .. سواء على الانترنت .. او المجلادت .. معقول مراته تكون كده فعلا! كان ناوي يطلقها ويخليها على الحديدة .. كان عايز ينتقم منها على كل حاجة عرفها واكتشفها عنها بس مفكرش ابدا يفضحها بالطريقة دي .. بس صحيح .. الجزاء من جنس العمل .. زمان ظلمت كريمة وهو كمان ظلمها! .. ايوة ظلمها افتكر من حوالي 4 ايام لما صخر السيوفي طلب انه يقابله
فلاش بااااك:
كان قاعد في اوضته وبيفكر ينتقم من عشق وصخر ازاي .. وزي ما بيقولوا ابن الحلال عند زكروا بيبان .. اتفاجئ بصخر بيتصل عليه .. رد بـ استغراب: الو
صخر بجدية: عايز اقابلك
ناصر بتريقة: ودا ليه ان شاء الله
صخر: موضوع يهمك ياناصر
ناصر: موضوع ايه بالظبط
صخر ببرود: لما تيجي هتعرف .. وقفل من غير ما يزيد ولا كلمة
وفعلا صخر وناصر اتقابلوا .. واتفاجئ ناصر بـ اللي شافوا .. فديو مسجل صوت وصورة لـ نريمان وهي بتعترف على كل حاجة عملتها زمان في كريمة وازاي خلت ناصر يشك فيها ويشوفها بعيونه وهي بتخونة .. ناصر كان مزهول من اللي شافه وسمعه .. معقول كل اللي عاشه كان مجرد كذبة ومن مين؟ من الست اللي امن ليها على اسمه وعرضه وبيته!!
ناصر بصدمة: بس ازاي انا .. انا اتاكدت بنفسي ان عشق مش بنتي؟ ايوه اتاكدت
صخر ببرود: اتاكدت منين وازاي؟ مش نريمان اللي حطت في دماغك انك تعمل تحليل DNA لعشق؟ بالعقل كده اللي قدرت تعمل كل ده مش هتقدر تزور نتيجة تحليل؟!!
ناصر بزهول: تقصد ان .. ان عشق تبقى بنتـ
صخر بثقة وتأكيد: بنتك .. ومن صولبك .. تقدر تتاكد من كلامي بتحليل صغير ممكن تعيدة من تاني بس ياريت المرة دي تبقى لوحدك وبعيد عن نريمان
قال كلامة ومشي وساب ناصر وهو مصمم يتاكد ان كانت عشق بنته او لا
باااااك
ناصر بحقد: تستاهلي يانريمان تستاهلي واكتر من كده كمان .. اللي حصلك رحمك من اللي كنت هعمله فيكي .. وكمل بندم: وعشق هعمل المستحيل علشان تسامحني هعوضها عن كل حاجة حرمتها منها
___________
صخر راح القصر واتفاجئ بـ علي اللي واقف يطنط مكانه وامه بتضحك على جنون صاحبه واخته اللي واقفة مصدومة
صخر: هو ايه اللي بيحصل هنا بالظبط؟
مريم جريت عليه بلهفه: الحق ياصخر ماما عايزة تكتب كتابي على علي يوم الجمعة اللي هو بكره؟!!
علي وقف وبصلها بتركيز وقلق انها تكون رافضاه!
صخر بحنان: وانتي مش موافقة يامريم
مريم بخجل واحراج: لا .. اه .. اقصد ان هو اصل
كريمة بضحك: اهدي ياحبيبتي محدش بيجري وراكي
صخر: ايه رايك تقعدي تتكلمي مع علي واي قرار هتاخديه انا معاكي فيه .. تمام
مريم بخجل: تمام
صخر قرب من علي وهمس: خمس دقايق وقول اللي عندك انا هقف فوق وعيني عليك كلمة كده ولا كده يا علي هزعلك على نفسك
علي ببتسامة صفرة: تمام
صخر اخد كريمة ودخلوا القصر وسابوا علي مع مريم في الجنينة
علي بهدوء: انتي رافضاني يامريم
مريم بلهفه: لا بس .. سكتت بخجل من نظرات علي
علي بهدوء: مريم انا لا يمكن اجبرك على حاجة
مريم بخجل واحراج: عارفة ياعلي بس انا مش مستعدة اتجوز دلوقتي انا لسه صغيرة اوووي وقدامي لسه جامعة وحاجات كتيرة اوي عايزة اعملها
علي بتفهم: عارف وفاهم اللي بتقوليه واحنا مش هنتجوز علطول زي ما انتي متخيله .. يعني ممكن نكتب كتابنا بكره بس فراحنا يبقى بعد سنتين تلاته او حته اربعة انا معنديش مشكلة هستناكي قولتي ايه
مريم بخجل وارتياح نوعا ما: موافقة
علي فرح جدا وبلع كل من صخر وعلي بموافقت مريم واتفقوا ان كتب الكتاب بكره
___________
صخر اخد على وقعدوا لوحدهم في مكتب صخر اللي موجود في القصر
صخر ببتسامة: مبروك ياعريس
علي بسعادة: الله يبارك فيك ياحبيب اخوك عقبال ما افرح بيك
صخر بضحك: ايه هتجوز تاني ولا ايه
علي: هههههه لا بعيالك يعني
صخر: ان شاء الله .. بقولك عرفت اخر الاخبار
علي بأستغراب: لا ايه اللي حصل
ص
خر حكاله كل حاجة حصلت لنريمان وقاله على مقابلته لناصر عمران
علي: يلا اخدت نصيبها .. بس تفتكر مين عمل فيها كده
صخر: هيكون مين يعني غير .....!!
علي بفضول: غير مييين
صخر بمكر: لما تكبر هبقى اقولك
علي بغيظ: علفكرة بقيت بتخبي عليا كتير ودا مش مريحني
صخر: اطمن كله تحت السيطرة .. ها هتتغدا معانا
علي بنفي: لا ياعم انا عريس وعندي حاجات قد كده اعملها .. عايز حاجة مني قبل ما امشي
صخر ببتسامة: عايز سلامتك
علي: سلام
__________
عشق كانت قاعدة في الشقة زقهانه وحاسه بملل رهيب .. حاولت تعدى الوقت في الظبخ والتنضيف بس لسه في وقت كبير على ما صخر يجيلها .. طلعت تليفونها واتصلت بيه ثواني وكان رادد
عشق: السلام عليكم
صخر بحب: احلى السلام عليكم في الدنيا .. حبيبت قلبي عامله ايه
عشق بأبتسامة رقيقة: عامله خط وماشيه عليه
صخر بصدمة: مين معايا
عشق بضحك: سميحة شواية
صخر: طب اقفل انا بقا
عشق: ههههههه لا لا متقفلش بهزر معاك والله
صخر: وحشتيني
عشق: ربنا يخليك
صخر بتكشيرة: انتي بتكلمي عم عبدة السواق ياعشق؟ بقولك وحشتيني
عشق: وانا رديت علفكرة
صخر: لا والله؟
عشق: اه والله زيمبقلك كده
صخر بزعل مصطنع: تمام ياعشق سلام عندي شغل
عشق بلهفة: لا استنى انت زعلت بجد؟ انا بهزر معاك
صخر بجدية مصطنعة: خلاص ياعشق عايزة حاجة انا هقفل
عشق بنبرة اوشكت على البكاء: علفكره وحشتني
صخر: هههههه طب ما كان من الاول لزمته ايه الحوار ده كله
عشق بغيظ: انت بتضحك عليا ياصخر؟ وانا اللي فكرتك زعلت بجد! طب ماشي انا هقفل ومهما ترن مش هرد عليك ومن غير سلام
وقفلت السكة في وشه
___________
صخر بضحكة عالية: هههههههه متجوز طفلة ياربي! اصالحها بيه بقا؟ اجبلها مصاصة؟ ههههههههه
__________
ماشي ياصخر بتضحك عليا كده وانا اللي طبخت وعذبت نفسي وعملتلك فول وفلافل طب والله خسارة فيك!
بعد حوالي ساعة او ساعة الا ربع سمعت خبط على باب الشقة .. قرب بأستغراب من الباب وبصت من العين السحرية مشفتش حد واقف بس لسه سامعه صوت الخبط .. بسرعة مسكت تليفونها وبعتت رساله لصخر مضمونها: لو انت اللي على الباب وعامل فيا مقلب هزعل!
الخبط لسه مستمر وبقى بطريقة مرعبة .. ثواني وتليفونها رن وكان صخر
صخر بأستغراب: معناه ايه الرساله دي؟!
عشق: صخر انت اللي بتـ
قاطع كلامه باب الشقة اللي انكسر ودخول اخر شخص كانت تتوقعة
عشق بصدمة: .......
استوب انتهى البارت
تفتكروا مين اللي دخل على عشق؟ وعايز منها ايه؟ تفتكروا صخر هيلحقها؟ ولا هيكون فات الاوان؟ وياترى النهاية سعيدة على ابطالنا ولا؟!
________★_________ يتبع
٢٤/٢٥
الفصل 24 ❤🦋
ضعي يدك علي قلبك وقولي اللهم يا خالق هذا القلب املاه آيمانا حتي القاك يوم لا ينفع مال ولا بنون إلا من اتي الله بقلب سليم رب إني استودعك حياتي فلا تجعل مرها يشقيني ولا حلوها يلهيني 💙🌸 ❤
بعد حوالي ساعة او ساعة الا ربع سمعت خبط على باب الشقة .. قربت بأستغراب من الباب وبصت من العين السحرية مشفتش حد واقف بس لسه سامعه صوت الخبط .. بسرعة مسكت تليفونها وبعتت رساله لصخر .. مضمونها: لو انت اللي على الباب وعامل فيا مقلب هزعل!
الخبط لسه مستمر وبقى بطريقة مرعبة .. ثواني وتليفونها رن وكان صخر
صخر بأستغراب: معناه ايه الرساله دي؟!
عشق: صخر انت اللي بتـ
قاطع كلامه باب الشقة اللي انكسر ودخول اخر شخص كانت تتوقعة
عشق بصدمة: بابا!!!! حضرتك بتعمل ايه هنا
ناصر بحنان اول مرة تشوفه منه: جاي انقذك يابنتي
عشق بأستغراب: تنقذني؟ وكمان بنتك! طب ازاي؟ هو في ايه بالظبط؟
ناصر بندم: انا ندمان على كل حاجة عملتها فيكي ياعشق صدقيني يابنتي ندمان وبتمنى الزمن يرجع بيا وساعتها عمري ماهغلط في حقك ابدا
عشق بوجع: الزمن عمره ماهيرجع واللي انت عملته فيا وفي امي عمري ما هسامحك عليه
ناصر بصدمة: امك! وانتي عرفتي اللي انا عملته فيها ازاي
عشق بكذب: مش مهم تعرف ولو سمحت امشي دلوقتي قبل ما صخر يجي انا مش عايزة مشاكل
ناصر قرب منها وحاول يلمسها بس بعدت عنه بخوف: خلاص مش هقرب .. انا عايز اخلصك من صخر انا عارف اني جوزتك ليه غصب عنك .. انا هعمل اي حاجة تسعدك ياعشق صدقيني ياحبيبتي
عشق بضحكة وجع: ههههه حبيبتك! حلوه دي .. ما علينا انا مقدرش اسيب صخر فى وجودك حاليا ملهوش معنى
ناصر: لو مهددك بحاجة او انتي خايفة منه .. انا هحميكي منه ومن اي حد يفكر يأذيكي انا ابوكي ياعشق ومحدش هيخاف عليكي قدي
عشق بسخرية وقهر : دلوقتي بتقول بنتك! بعد ايه؟ وبعد كام سنة؟ انت عارف انا عشت عمري كله وانا عامله ازاي؟ وانا بيحصل فيا ايه؟ انا لحد كام شهر بس كنت بتضرب واتهان في بيتك وعلى ايد مراتك وبنتها ومنك انت شخصيا! انا عمري ما هسامحك عمررري .. انا ضعيفة وجبانة ومعنديش شخصية وكل ده بسببك .. انا مبعرفش اتعامل مع اي حد من حبستك ليا في اوضة من اربع حيطان .. انا معرفش الصح من الغلط ودا لانك معلمتنيش اي حاجة .. انا معنديش اي ثقة في نفسي .. ياريتك ما كنت ابويا .. على الاقل مكنتش هتحرم من امي وبسببك .. كل حاجة وحشة حصلتلي في حياتي فهي بسببك انت وبس .. انا حتى لو عايزة اسامحك مش هقدر .. قلبي وعقلي هيمنعوني .. ظلمك ليا هيمنعني .. ضربك واهاناتك ليا اللي دايما بتتردد في عقلي هتمنعني .. امي اللي كل ما ابصلها واعرف انت حرمتني من ايه .. كل دول هيمنعوني اني اسامحك .. ربنا كبير وعظيم وممكن يسامحك لكن انا مستحيل اسامحك مستحييييل
ناصر بدموع: يعني كريمة عايشة
عشق بغضب: سواء عايشة او لا دا شيء ملكش فيه لو سمحت امشي انا مش عايزة اشوفك حتى لو صدفة اخرج بره حياتي بقا سبني اعيش اللي باقي من حياتي وانا سعيدة .. مع ناس احبهم ويحبوني
ناصر: يابنتي انا خايف عليكي صخر السيوفي مش سهل والله اعلم ناويلك على ايه تعالى معايا ياعشق تعالي وانا هحميكي صدقيني
عشق ببكاء هستيري: هتحميني من مين؟ من جوزي؟ اللي انت بنفسك اختارته ليا؟ انا بحب صخر ولا يمكن اسيبه .. صخر اماني وابويا واخويا وحبيبي وكل حاجة انا اتحرمت منها هو العوض اللي ربنا بعتهولي ولا يمكن افرط فيه ولا ابعد عنه ولو ثانية واحده .. امشي لو سمحت صخر زمانه جاي امشييي
ناصر قرب منها ومسكها بعنف بسيط: افهمي ياعشق صخر ميستهلكيش تعالي معايا انا
قاطع كلامة دخول مايا ومش هي لوحدها .. لا دي معاها حوالي اربع رجاله شكلهم مرعبين واجسامهم ضخمة جدا
مايا بمكر: Surprise .. Surprise
عشق بقلق وخوف من شكل الناس اللي معاها: مايا!! انتي بتعمليي ايه هنا؟
مايا بشر: ابدا جايه اخلص عليكي بس
ناصر اخد عشق خباها وراه بحمايه وبجدية قال: عايزة ايه يابنت نريمان من بنتي امشي اطلعي بره
مايا قعدت على كرسي كان موجود وحطت رجل على رجل وبضحكة كلها استهتزاء: هههههه بنتك؟ ودا من امتى بقا يا اونكل؟
ناصر: من دلوقتي ويلا من هنا و ورينا عرض كتافك
مايا وقفت بغضب وشاورت للحراس اللي معاها على عشق وقالت: هاتوها
نفذوا الامر فعلا وقربوا من عشق وبيحاولوا يمسكوها وسط مقاومة منها ومن ناصر .. اللي كان نصيبة ضرب وبطريقة بشعة من قبل الرجال اللي مع مايا لدرجة ان جسمة بقى ينذف .. بس لأخر لحظة كان بيحاول بكل قوته يمنعهم من اخد عشق .. بس زي ما بيقولوا القوة تغلب الشجاعة .. ومسبهوش الا وهو مغمى عليه .. وقدروا يمسكوا عشق ويخدروها ومش بس كده دول اخدوها ومشيوا ومعاهم مايا وتركوا ناصر غرقان في دمه
____________ استغفر الله العظيم
اما عند صخر فكان بيسوق العربية زي المجنون .. بعد ما سمعوا صوت ناصر وتاكد من وجوده مع عشق واللي ذاد قلقه اكتر ان تليفون عشق اتقفل ومبقاش عارف حصلها ايه .. في اقل وقت كان وصل للشقه .. دخل وقلبه بيدق بخوف ورعب عليها .. شاف دم .. وحاجات كتيرة متكسرة وكأن كان فيه معركة هنا .. دور بهستيريا ورعب على عشق في الشقة ملقهاش افكار كتيرة سوداء هاجمته .. اتجمد مكانه لما شاف ناصر مرمي في الارض زي الجثة الهامدة قرب عليه بسرعة وحاول
يفوقه واخيرا قدر
ناصر بتوهان وصوت ضعيف : ا لـ حـ ق عـ شـ صخر بعدم فهم: بتقول ايه مش سامعك .. عشق فين .. ايه اللي حصل؟
ناصر استجمع قوته وقال بتعب: الحق ععـشق يا صصـخر مايا خطفتها .. قال كلامة ورجع اغمى عليه
صخر بخضه وذهول : خطفتها
قام برعب اتصل على الاسعاف وطلب على وحكاله على كل اللي حصل وطلب منه يبلغ الشرطة ويجي يلحق ناصر ويكون معاه
ولحسن حظه ان عشق كانت لبسه السلسلة اللي ادهالها هدية يوم ما اعترفتله بحبها .. السلسلة اللي ساعدته اول مره يلاقيها دلوقتي هتساعده من تاني
_______________ اللهم صلي على سيدنا محمد
فاقت لقت نفسها في مكان كله كراكيب ومربوطة في كرسي .. الخوف اتمكن منها والدموع عرفت مجراها بتدعي ربنا ينجيها .. عياطها بقا شهقات عاليه
_تؤتؤتؤ وفري دموعك ياحلوة
اتفاجئت بمايا قدمها وعيونها مليانه كره وحقد
مايا بشر: مالك خايفة اوي كده ليه دا احنا حتى لسه في البداية .. متتخيليش فرحتي قد ايه وانا شيفاكي منهارة بالشكل ده فرحانه فوق ما تتخيلي
عشق ببكاء: حرام عليكي يا مايا انا عمري ما اذيتك؟!!! .. ليه بتكرهيني بالشكل ده انا عملتلك ايه؟!
مايا بكره: متعمليش فيها الملاك البريئ بسببك انتي الانسان الوحيد اللي حبيته محبنيش .. فاكرة دكتور طارق اللي كان عندنا في الجامعة كنت بحبه .. لا بعشقه قررت اصارحة بمشاعري بس للاسف البيه كان بيحبك انتي فيكي ايه زياادة عني عشان يحبك انتي وانا لا فيكي اييييييه
عشق : انا مليش ذنب انا حتى مش فاكره الدكتور اللي بتقولي عليه ده
مايا بغل: بس انا فاكرة وزي ما حرمتيني من الانسان الوحيد اللي حبيته هحرمك انتي كمان من صخر هخليه يكرهك ويكره اليوم اللي شافك فيه هخليه يقرف يبص في وشك .. هخليه يبعد عنك ويرميكي وساعتها بقى هخليه يحبني باي طريقة وهتجوزه وهنعيش في سعادة متتخيلهاش
عشق بصراخ: لو فاكرة ان صخر ممكن يبصلك حتى فـ تبقى عبيطة صخر بيحبني انا .. انا وبس
مايا مسكتها من شعرها بعنف: والحب دا هينتهى بمجرد ما يشوفك مشوهه سواء من جوه او من بره
عشق بخضه وخوف : مشوهه؟!! قصدك ايه ؟ ا انتي ناويه على ايه يامجنونه
مايا بمكر: ناويه على كل شر .. واهدي كده ونصيحة مني وفري الدموع دي هتحتاجيها بعدين وحضوصا بعد الماجئة اللي انا محضرهالك
عشق بخوف وبكاء : حرام عليكي سبيني امشي
مايا: تمشي هههههه دا بعدك وبعدين انتي لسه معرفتيش بقيت شركائي
دقايق ودخلوا اخر اتنين عشق كانت تتخيل يكونوا مع بعض .. سيف ودينا
عشق بصدمة ورعب: انتوا
سيف قرب منها ولمس بطريقة وقحة: ايه رايك في المفاجئة دي؟ حلوه صح!
عشق بصراخ: ابعد عني يا حيوان انت ابعد ايدك صدقني صخر لو عرف هيقتلك سامع هيقتلك
دينا ضربتها بالقلم: اخرسي بقا صدعتيني .. وبعدين صخر هيعرف مكانك من ياحلوة
عشق بثقة: هيعرف دا مش اي حد دا صخر السيوفي ياحيوانات .. هيعرف وهيلاقيني ووقتها هتندموا على الساعة اللي فكرتوا تقربوا مني
مايا: ههههههه طموحه اووي ياعشق وحتى لو زي مابتقولي ولقاكي ف اكيد مش هتبقي عايشة لاني هخلص عليكي بايدي دي
وفي ثانية قربت منها وخنقتها بـ ايديها لدرجة ان عشق ما بقتش قادرة تتنفس
___________
اما صخر فكان في طريقة هو ورجالته اللي كان عددهم مهول وكأنه رايح يحارب .. لمكان عشق ودا عن طريق جهاز التتبع اللي موجود في سلسلتها .. فهل هيقدر يلحقها ولا الوقت
الفصل 25 ❤🦋
سبحان الله وبحمده ، سبحان الله العظيم💙🌸
عشق بخوف وبكاء : حرام عليكي سبيني امشي
مايا: تمشي هههههه دا بعدك وبعدين انتي لسه معرفتيش بقيت شركائي
دقايق ودخلوا اخر اتنين عشق كانت تتخيل يكونوا مع بعض .. سيف ودينا
عشق بصدمة ورعب: انتوا
سيف قرب منها ولمسها بطريقة وقحة: ايه رايك في المفاجئة دي؟ حلوه صح!
عشق بصراخ: ابعد عني يا حيوان انت … ابعد ايدك احسنلك … صدقني صخر لو عرف هيقتلك سامع هيقتلك
دينا ضربتها بالقلم: اخرسي بقا صدعتيني .. وبعدين صخر هيعرف مكانك منين ياحلوة
عشق بثقة: هيعرف دا مش اي حد … دا صخر السيوفي ياحيوانات .. هيعرف وهيلاقيني ووقتها هتندموا على الساعة اللي فكرتوا تقربوا مني
مايا: ههههههه طموحه اووي ياعشق وحتى لو زي مابتقولي ولقاكي ف اكيد مش هتبقي عايشة لاني هخلص عليكي وبايدي دي
وفي ثانية قربت منها وخنقتها لدرجة ان عشق ما بقتش قادرة تتنفس
دينا بغضب لسيف: الحق المجنونة دي هتموتها وساعتها كل حاجة خططنا ليها هتضيع
سيف قرب من مايا وحاول يبعدها عن عشق اللي وشها احمر جداا وواضح عدم قدرتها عن التنفس .. بس مايا كانت مسكاها بعنف وحقد لدرجة ان رقبه عشق انجرحت من اظافر مايا وبقت بتنذف.. سيف شد مايا بقوة وقال بغضب: اتهدي بقااااا .. من قوة دفعة سيف مايا وقعت على الارض ومن سوء حظها خبطت دماغها في حجرة في سن حاد ادى لنذيف فوري لمايا .. اللي جسمها بيتنفض ورحها راحت للي خلقها .. في ثانية خسرت حياتها .. عشق عيونها وسعت بصدمة ودموعها نزلت من منظر مايا الغرقانة في دمها .. دينا قربت من مايا بذهول واتفقدت نبضها اللي مكنش موجود واتاكدت ان مايا .....
دينا بذهول وتوتر: ماتت
سيف بخوف وقلق: ماتت!! طب وهنعمل ايه .. انا .. انا هتعدم!! وبسبب كلبة زي دي هتعدم!! احنا لازم نهرب وحالا
دينا قربت منه ومسكت وشه بين ايديها وبلهفة قالت: حبيبي متقلقش انا لا يمكن اسمح ان يحصلك حاجة اهدي وتعالى نداري مايا لحد ما نقابل صخر وبعد ما ناخد اللي احنا عاوزينه هنهرب ونسيب البلد باللي فيها
عشق بصدمة: حبيبك!!
دينا قربت منها وبصتلها بشر: ايوه حبيبي ومش بس كده دا كمان جوزي
عشق بذهول: جـ جوزك!! طب ازاي؟ ولما هو جوزك ليه عايزة تتجوزي صخر
دينا بضحكة وقحة: انتي عبيطة اوي ياعشق ومش فاهمة اي حاجة بس هكسف فيكي ثواب وافهمك .. من حوالي 5 او 6 سنين اتعرفت على سيف في الجامعة حبينا بعض بجنون بس بابا بقا الله يسامحه رفض سيف نهائي اصل كان نفسه يجوزني صخر وباي طريقة مش طمعا في فلوسه .. لا خالص كان شايفه مناسب والكلام الفاضي ده .. المهم انا وسيف اتجوزنا عرفي .. صخر عرف اني بقابله بس معرفش ان احنا اتجوزنا .. بعت ناس تهدد سيف.. رغم انه عمره ما شاف سيف اينعم دي كانت نقطة في صالحنا بس لوكان صخر اقنع بابا بجوازي من سيف مكنش دا كله حصل.. المهم وقتها سيف طلقني واختفى نهائيا ..وتمر الايام واكتشف اني حامل بابا لما عرف مستحملش ودخل المستشفى وطلب من صخر يتجوزني ويخلي باله مني .. طبعا صخر رفض وقاله انه هيحميني وكل حاجة بس من غير جواز .. وقتها بابا قاله اني حامل وعرف انه من سيف .. قلب الدنيا عليه بس وقتها وكأن الارض انشقت وبلعته .. كان مصمم بردو ميتجوزنيش عشان السنيورة عشق اه ماهو بيحبك من زمان اوي .. بابا مات وكريمة هانم اشتغلت زن على صخر ان حرام يسبني وانا بنت عمه وشرف العيلة وهكذا لحد مااتجوزنا .. من غير فرح ولا اي حاجة مجرد كتب كتاب .. ومن وقتها مشفتش وشه الا لما جالي نذيف والبيبي مات عارفة اول حاجة قالهالي ايه
عشق: ايه
دينا بضحكة كلها حقد: انتي طالق بمنتهى البساطة .. وسابني ومشي بس بصراحة كان كل شهر بيبعتلي مبلغ محترم .. ايام تمر وبحاول ارجعه ليا باي طريقة معرفتش .. مش عشان جمال عيونه اطلاقا .. انا كنت بس عايزة فلوسه بس كان بيحبك ومش شايف غيرك .. وقتها سيف ظهر في حياتي من تاني ورجعنا لبعض وخططنا نستولى على فلوس صخر السيوفي كلها .. واول خطوه من خطتنا اننا نخلص منك وساعتها بعتلك سيف يمثل دور العاشق الولهان وكنا هنخلص منك ليله الفندق فاكرها
عشق ببكاء وغضب: انتي مجرمة
دينا بغل ضربتها بالقلم من قوته انجرحت شفايفها وبقت بتنزف: لسانك ياحلوة ولا تحبي اقطعهولك وبعدين سبيني اكمل .. وقفت فيين ااه افتكرت ليله الفندق كنا هنخلص منك وللابد اصل مهما كان بيحبك مستحيل يقبلك وفي راجل تاني لمسك بس صخر ابن ال***** لحقك
سيف كمل: بعد ما اخدك ومشي امر رجالته تحبسني في مخزن الله واعلم مكانه فين .. عذبني زي الحيوانات ودا كله عشان قربت بس من عشق هانم .. وقتها قررت اني هنتقم منك انتي وهو حتى لو فيها موتي
___________
اما صخر فكان في طريقة هو ورجالته اللي كان عددهم مهول وكأنه رايح يحارب .. لمكان عشق ودا عن طريق جهاز التتبع اللي موجود في سلسلتها .. بلغ البوليس بالمكان اللي عشق فيه .. بمرور الوقت وصل للمكان الاخير اللي بيحدده جهاز التتبع .. امر الحراس يفضلوا برة ويستنوا اشارة منه .. قرب بحزر وقلق من باب المجزن اللي حابسين عشق فيه .. سمع صوت بكاءها .. قلق والخوف عليها بيزيد .. حاول يشوف مكان غير الباب الرئيسي ومن حسن حظه ان في باب خلفي للمخزن
___________
كملت دينا: قررنا وقتها نضم نريمان وبنتها .. بجد اغبيه اوي وفكروا ان سيف واقف معاهم وبيساعدهم
سيف بمكر: واحنا في الحقيقة كنا عايزين نخلص منهم ماحنا عرفنا انهم ناوين يكوشوا على صخر السيوفي وفلوسه
دينا بمكر: احنا السبب في حبس نريمان .. وبنتها كانت هتحصلها بس بنت ال**** هربت في اخر لحظة وبغبئها جت لينا رغم انها عارفة ان سيف هو اللي وقعها في المصيبة دي هي وامها وبلغ عنها بوليس الاداب بس حقدها وكرهها ليكي كان عميها عن اي حاجة غير اذيتك
سيف: ههههه استغلناها لحد ماخطفتك مكناش عايزين اي دليل ضدنا .. وديها اخدت جزائها وماتت ودلوقتي دورك بس فضلك شوية وقت واوعدك هيكونوا صغيرين اووي
اللي قدامة شوية صغيرين هو انت مش هي
دينا برعب وخوف: صـ صخر
سيف قرب من عشق وطلع مسدس كان شايله معاه وحاطه على دماغها
عشق صرخت ببكاء وخوف: ضخرررر
صخر بقلق: اياك .. صدقني هتندم لو فكرت تاذيها انا مش هنا لوحدي لا كل رجالتي بره والبوليس في الطريق ف شغل عقلك كده وسبها
دينا بحقد وقلق: ولا نسيبها هنكسب ايه .. بالعكس دا هي دلوقتي الوسيلة الوحيدة اننا نخرج من هنا
صخر : عندي استعداد انسى كل ده واخليكي تهربي انتي مهما كان بنت عمي
دينا بغل: للدرجادي بتحبها!
صخر بتاكيد: واكتر مما تتخيلي سبيها يادينا وانا هديكي اللي انت عايزاه خليه يسيبها
كانت لسه هترد بس سمعوا صوت عربيات البوليس .. سيف ضغط بالمسدس على راس عشق .. عشق عياطها زاد وبقى شهقات عالية .. صخر بيحاول يطمنها .. بص لسيف وقال: لسه فيه فرصة تهربوا .. دينا انتي ذكية شغلي دماغك البوليس لو قبض عليكم هتقضي عمرك كله في السجن انتوا قتلتوا وكمان خطافتوا ودي جرايم مش قليلة
دينا بخوف غاضب: نهرب ازاي ؟ صدقني ياصخر البوليس لو قبض عليا هقتلها واحرق قلبك عليها
صخر : في باب خلفي للمخزن ده وعربيتي وقفه باره ورجلتي وقفين عند الباب الرئيسي سواء هما او البوليس
سيف: ونضمن منين ان كلامك صح ومش لعبه منك عشان تسلمنا للبوليس تسليم اهالي
صخر بغضب بيحاول يتحكم فيه: هضحك عليك ليه ياغبي .. دينا مهما كان بنت عمي ولا يمكنا اتخلى عنها واكيد مش هخاطر بحياة مراتي .. سيبوها وامشوا
دينا بمكر: احنا فعلا هنمشي بس مش لوحدنا
صخر بقلق: قصدك ايه
دينا بحقد: هنطلع وهيا معانا ولو كلامك صح ومفيش حد بره هسلمك حبيبة القلب قبل مانركب العربية .. بس لو حصل غير كده فأدعيلها من دلوقتي
قربت من عشق وفكت رجليها واديها المربوطين .. عشق اول ما اتفكت لسه هتجري عند صخر .. سيف مسكها من شعرها بعنف وبغضب قال: خطوة كمان وهتودعينا
صخر بغضب: ايدك ياحيوان انت .. ابعد عنها
بص لـ دينا: احسنلك تمسكيها انتي .. وبلاش تختابري صبري
دينا بخوف من صخر وتهديده الصريح مسكت عشق ووجهت المسدس على دماغها: قدامي بخوف وحظر ابتدوا يطلعوا من الباب الخلفي .. صخر مابيفكرش فأي حاجة غير ان عشق ترجع لحضنه .. فكره ان في خطر مهدد حياتها موقف عقله الي حد ما .. قلبه هو اللي بيتحكم فيه مش مهم يعاقب مايا وسيف على الاقل حاليا .. المهم ان عشقه ترجعله من غير مايصيبها اي مكروه
____________
اما في المستشفى فـ على نفذ كلام صخر ووصل ناصر المستشفى والدكاترة عملوا اللازم
علي بهدوء : خير يادكتور حالتو ايه
الدكتور بعملية: جروحوا مش خطيرة بس واصخ ان اللي عملوا فيه كده عارفين بيضربو فين بالظبط .. يوم ولا اتنين ويقدر يخرج من هنا عن اذنك
الدكتور مشي من هنا ومريم وكريمة وصلو
كريمة بقلق: هو فيه ايه ياعلي؟ ايه اللي حصل
علي بجدية: اللي حصل لايتشاف ولا يتقرا
مريم بتوتر: في ايه متقلقناش اكتر من كده
علي بدراما: ابدا ياستي كل الحكاية ان في حد باصصلي في ام الجوازه دي .. يعني ياشيخة يوم ماقلبك يحس بيا كل دا يحصل بيا دا احنا خلاص كنا هنكتب كتابنا بكره! ياشيخة حسبى الله ونعمى الوكيل
مريم ضحكت على طريقة علي .. كريمة خبطته بعنف على كتفه: بقى بالزمه انت عندك دم! جايبنا على ملى وشنا من غير ماتقول في ايه ولا ايه اللي حصل والخوف هيموتني وفي الاخر بتستظرف ياعلي!! طب تصدق بالله
علي: لا اله الا الله
كريمة بتحدي: مفيش كتب كتاب بكره .. كان لسه هـ يتكلم قاطعته: وكلمة زيادة ومش هيبقى فيه جواز من اصله ودلوقتي احكيلي ايه اللي بيحصل بالظبط
___________
سيف فتح الباب الخلفي للمخزن وراقب الطريقة ملقاش حد فعلا .. وان صخر بيقول الحقيقة .. راح عند عربية صخر اللي مركونة وبهدوء فتح بابها وركب مكان السواق .. بص لـ دينا وبهمس قال: الدنيا امان تعالي .. راحت بحذر وهي لسه ماسكه عشق ومواجهه سلاحها عليها .. كل دا وصخر متابعهم ومستني الوقت المناسب .. دينا لسه هتركب اتفاجئت بالبوليس بيظهر من العدم ومحاوطهم
سيف :اركبي يادينا بسرررررعة
دينا بغضب وحقد وهي باصه للبوليس: اللي هيقرب مني هقتلها وصدقوني مش هتردد للحظة واحدة اني اموتها
صخر استغل انها مشغولة مع البوليس وبسرعة هجم عليها وخلص عشق من بين ايديها .. دينا من الهجوم المفاجئ معرفتش تعمل ايه .. البوليس قرب منها ولسه هيقبض عليها وجهت المسدس على صخر .. اللي كان مخبي عشق وراه بحماية وفي لحظة تهور ضربت صخر برصاصة وبسرعة شديدة ركبت العربية وثواني وكان سيف مشغل العربية على اقصى سرعة وماشي بيها .. دينا وسيف هربوا والبوليس بيطاردهم للقبض عليهم ... صخر وقع في الارض ومغمض عيونة ومش بيتحرك .. عشق ضماه لحضنها وبتبكي بوجع وقهر .. صخر هيموت!
عشق ببكاء هستيري وهي ماسكه وشه مابين ايديها: صخر .. صخررررر رد عليا متسبنيش .. ارجوك ياصخر .. انا هموت من غيرك والله العظيم هموت .. صخررر رد عليا ... ااااااه يارب .. يارب مش تاخده مني .. يارب مش بعد ماحبيته وبقى كل حاجة ليا ياااااارب
ضمته ليها وفضلت تبكي بأنهيار .. ثواني واتجمدت مكانها من اللي سمعته ...
ياترى صخر هيعيش ولا!! رايكم في نهاية مايا؟ سيف ودينا البوليس هيقدر يلاقيهم ولا هيهربوا ؟
_______★_______
تعليقات
إرسال تعليق