مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية( تري يا قلب احببت من ) من الفصل الأول إلى الفصل الثاني عشر بقلم ريحانة الجنة

رواية( تري يا قلب احببت من ) من الفصل الأول إلى الفصل الثاني عشر بقلم ريحانة الجنة

قبل ان نبدا اول مشهد في حكايتنا. نتعرف علي ابطال قصتنا وهم.

أدم :دكتور مخ واعصاب. وحيد ليس له اخوه ويعيش مع امه وابيه ادم شاب في منتصف الثلاثين وهو أدم حسين البدري. ابن الدكتور حسين البدري صاحب واحدة من اكبر المستشفيات الاستثماري.أدم شاب وسيم جدا بشرة بيضاء وعيون تميل الي الاخضر الجميل وشعر بني وجسم ممشوق ولكن ليس بالجسم الرياضي المفتول العضلات ولكن هو جذاب بوسامته وشخصيته الهادئة والرزينة والعاقلة ايضا. وأدم لا يتخلي ابدا عن اطلالة كلاسيكية حتي لو لم يرتدي البدلة كعادته ولكن ايضا في لبسه العادي يكون محتفظ بوقاره وأدم لا يهتم بأي شئ غير عمله فقط وليس من النوع الذي يصاحب بكثرة وليس عنه الا عدد من الاصحاب معدود.

مهاب :مهاب عز الدين. وحيد ليس له اخوة ايضا وامه توفت منذ كان صغير مهاب ظابط شرطة برتبة رائد في ادارة محافحة المخدرات. مهاب ابن الدكتور عز الدين صاحب وشريك الدكتور حسين البدري في المستشفي ولكنه توفي عندما كان مهاب في الكلية. مهاب عكس أدم في كل شئ شخصية قوية وجريئة بحكم شغله وسيم بشكل فظيع ببشرته القمحي وشعره الاسود الناعم وعيونه الرمادي وجسم رياضي يظهر شخصيته كظابط شرطة بجدارة . مهاب لا يحب اللبس الكلاسيكي الا في العمل او الحفلات ويتأفف منه بسرعة ويحاول ان يعود في اسرع وقت للاطلالة كاجول جذابة سواء بلبس القمصان الانيقة او التيشيرتات الجميلة التي تظهره بمظهر خلاب. مهاب واثق في نفسه جدا وبيستمتع بنظرات البنات والستات ليه بإعجاب ولكن هو لا يبالي بهم ويتركهم هم ليقتربه منه في محاولة منهم للفت نظره والكلام معه. وهو يكتفي في البداية بعدم الاهتمام ليزيدهم شوقا اليه ثم يبدا في الدخول معهم في علاقة التي غالبا ما تكون لابعد الحدود.

نغم : نغم فؤاد الجندي. نغم فتاه في العشرينات. في آخر سنة في نهائي طب وتعمل ممرضة من وقت ما كانت في سنة 2كلية بعد انتهائها من الكلية وذالك لموت والدها في هذه الاثناء ولكي تساعد والدتها في الحصول علي مال أكثر لتنفق علي المنزل وعلي اخواتها ندي وأمجد. نغم فتاه جميلة. ورقيقة جدا لها بشرة بيضاء ناصعة وعيون بنية كلون الشيكولاتة وشعر بنفس درجة لون عنيها بني جميل وناعم وجسم ليس بممتلئ ولكن جميل ويضغي بأنوثة صارخة.

ندأ اول مشهد في قصتنا.

(في ڤيلا الدكتور حسين البدري )

علي السفرة يجلس الدكتور حسين يستعد للافطار ويقرا ويتابع الاخبار علي التاب الخاص بيه. وتأتي اليه زوجته دولت.

دولت:باست حسين من خده بإبتسامة. صباح الخير يا حبيبي.

حسين: قرب منها وباس ايديهاوهو مبتسم. صباح النور يا حبيبتي. طمنيني عاملة ايه النهاردة ايه اخبار الضغط.

دولت : الحمد لله النهاردة احسن كتير من امبارح

حسين :حبيبتي انا عايزك تخلي بالك من نفسك. ومتضغطيش علي نفسك اكتر من كدة وسيبي ادم يعيش حياته زي ما هو عايز هو مش صغير

دولت: ازاي بس انا ام وعايزة تطمن عليه ادم زي ما انت شايف من العيادة للبيت لابيخرج مع حد ولا بيصاحب حد ومن يوم ما مي مراته ماتت وهو بقي اسوء. حتي النادي بحاول اخليه يروح معايا يمكن تعجبه واحدة يتعرف علي واحدة ويحبها ويتجوز. بس هو بيطلع روحي ولو جه يقعد نص ساعة بالعافية ويتحجج بمعاد العيادة. وكل ما اكلمه في موضوع الجواز. يقولي لا انا مش هتجوز غير لما قلبي يدق. وهو بقي هيدق ازاي وهو حابس نفسه كدة هيشوفها فين في احلامه.

حسين :يا حبيبتي اهدي بس. هو مش صغير وعارف مصلحته. ولو علي انه يشوف ويتعرف فخلاص انا اتكلمت معاه امبارح واقنعته انه يجي يمسك معايا ادارة المستشفي وهو اخيرا اقتنع بعد عذاب. وكدة بقي ممكن يقابل دكتورة زميلة ليه ولا حاجة ويحبها وهو اللي يجي يقولك عايز اتجوز. خلاص المهم انتي تخلي بالك من صحتك انا معنديش اغلي منك. يا دودي.

دولت:ابتسمت خلاص بعد دودي دي انا لازم اسمع الكلام.

حسين :قرب منها وباسها.

أدم:نزل في الوقت ده. بإبتسامةانا شكلي كدة جيت في وقت مش مناسب. اطلع تاني بقي.

حسين ودولت :هههههههههن

حسين: لا يا سيدي انت كل اوقاتك مناسبة.

دولت: اقعد يا حبيبي علشان تفطر.

أدم: بإبتسامة. حاضر يا ماما دودي. وابتدي أدم يفطر

حسين : هاه يا دكتور . جاهز لاول يوم ليك في المستشفي.

أدم: اتنهد بضيق. والله يا بابا انا مش عارف ليه حضرتك مصر اوي كدة اني اجي امسك معاك المستشفي انا مرتاح في شغلي وعيادتي مع المرضي بتوعي وكمان انا مش عايز حد يقول جاب ابنه معاه

حسين: يا أدم يا حبيبي انت ابني الوحيد وكدة كدة نص المستشفي دي ليك بعد عمرا طويل .و انت لازم تعرف كل حاجة وتتعود علي كل اللي شاغلين هناك . ولو علي العيادة انا مطلبتش منك تسيبها خليك في المستشفي الصبح والعيادة بالليل.

أدم: والله يا بابا مش عارف اقولك ايه.

دولت: يا حبيبي اسمع كلام بابا هو عايزك تكون جنبه وكمان مش معقول ان يبقي ابوك يملك اكبر مستشفي استثماري وانت مدخلتهاش من سنين حتي العمليات بتاعتك بتعملها في مستشفيات بره.

حسين :كمان يا ابني انت ناسي انك انت اللي هتكون مسؤل عن المستشفي. دي لوحدك . انت عارف مهاب ظابط ملوش في حكاية الطب دي. وانت لازم تكون واعي لكل حاجة وتخلي بالك علي نصيب مهاب لانه مش هيدخل في الادارة اصلا .

أدم :حاضر يا بابا خلاص هعمل اللي يريحك.

(في بيت نغم )

سهام والدة نغم :بصوت عالي. يا نغم يالا يا حبيبتي بسرعة كدة هتتأخري علي الكلية.

نغم :... خلاص يا ست ماما انا خلصت اهو. وباست مامتها من خدها. صباح الخير يا قمر

سهام: بإبتسامة واسعة. صباح النور . بس انتي اللي قمر مش انا

نغم :هههههه حبيبتي سوسو. قوليلي أمجد وندي صحيو

سمهام: ندي صحيت وفطرت ونزلت علشان معاد المدرسة. لكن بأي أستاذ أمجد ولا هيصحي دلوقتي . ياربي انا نفسي اعرف ازاي ده هيجيب تقدير

نغم: متقلقيش ان شاء الله هيجيب تقدير. هو لعبي بس شاطر يالا بقي انا نازلة سلام

سهام :ايه ده انتي لحقتي تفطري يا بنتي اقعدي كلي زي الناس

نغم :لا يا سوسو كدة حلو اوي علشان الحق ومتأخرش

سهام: طيب ياحبيبتي ربنا معاكي نغم

نغم : لفت تاني

سهام :خالي بالك من نفسك وانتي راجعة بالليل انا ببقي خايفة عليكي

نغم: بإبتسامة. متقلقيش عليا بنتك بميت راجل . ادعيلي انتي بس سلام ياقمر. وخرجت نغم وقفلت الباب

سهام:اتنهدت بحزن. اه يا حبيبتي شيلتي الهم بدري. ربنا معاكي ويوقفلك ولاد الحلال. يارب انا نفسي افرح بيها ابعتلها ابن الحلال اللي يحبها ويريحها .

(في الجامعة )

نغم بعد انتهاء المحاضرات . وهي ماشية مع سهي صاحبتها. وبتتكلم معاها وبتضحك. نده عليها زميل ليها

نادر: نغم . دكتورة نعم .

نغم : وقفت. خير يا نادر . وبعدين يا ابني مش قلنا بلاش دكتورة دي لسة فاضل السنة دي .

نادر: ههههه لا بقي انتي دكتورة ولا ناسية كل سنة تقدير الامتياز انا مفيش حد بينافسني علي التقدير غيرك يا دكتورة

نغم :هههههه ماشي يا عم هاه عايز ايه

نادر: ايه اه اه. انتي مش كان في مرجع بتدوري عليه في المكتبة ومش لاقياه

نغم :اه ده انا طلعت روحي ولسة مش لاقياه

نادر: طيب يا سيتي اهو اتفضلي.

نغم :تنحت لما شافت الكتاب. ايه ده بجد جبته ازاي

نادر: عيب ده انا الدكتور نادر . انتفضلي واي مرجع تحتاجيه قوليلي وانا اجيبهولك علي طول

نغم:بفرحة شكرا بجد يا نادر. بس قولي اشتريته بكام

نادر: اه جينا للكلام اللي يزعل. انتي مالك بكام

نغم :نادر انا عارفة انه غالي قول بقي بسرعة

نادر: ولا غالي ولا حاجة. ذاكري انتي بس وملكيش دعوة. ويا ستي اعتبريه هدية خلاص

نغم :بس انا مبقبلش هدايا وانت عارف

نادر: عارف. امممم طيب بصي اكنك استلفتيه خلصي السنة وابقي رجعيه. تمام كدة

نغم :بإبتسامة. تمام ماشي وشكرا تاني يا نادر . عن اذنك

ومشيت نغم وسهي

سهي: واقع اوي الواد ده

نغم : واد مين

سهي : نادر يا اختي هو في غيره

نغم : علي فكرة نادر زميل مش اكتر . وانتي عارفة

سهي: ده من ناحيتك انتي لكن هو لا ده بيحبك جدا وواضحة اوي

نغم :كل ده علشان جابلي الكتاب

سهي:مش بس الكتاب. هو علي طول مهتم بيكي ومبيشوفش غيرك. ده حتي لما كلمك مسلمش عليا اكني هوا مش شايفني

نغم:ههههه طيب يالا يا هو هوأخر علي معاد المستشفي.

في ادراة مكافحة المخدرات. في مكتب الرائد مهاب عز الدين مهاب قاعد خلف مكتبه وكعادته جالس وساند ظهره علي الكرسي ورافع رجله علي المكتب وواضح عليه الثقة والغرور. اتفتح الباب ودخل سامح صديق وزميل مهاب. في كل حاجة

سامح: دخل وقفل الباب. هوبا صباح الخير

مهاب: زي ماهو مرفعش راسه حتي من الملف اللي في ايده. صباح الخير يا خويا

سامح:يخربيت غتتك يالا طيب حتي بوصلي وانت بتقولها

مهاب: ساب الملف علي المكتب وبصله بإستفزاز. ماجيش كمان اخدك بالحضن يا سي سامح

سامح: طيب وماله وانت عسل وحليوة كدة

مهاب :هههههه اه يا ابن الذين يا شمال. انت ياض بتحسيني انك مراتي

سامح: اعملك ايه انت اللي مش عايز تتجوز. وتفرحني بيك

مهاب: ههههه كدة قلبت علي أمي بقي

سامح: لا بجد انت هتفضل كدة متعقد

مهاب: بان عليه الضيق. وقام من علي المكتب وحط ايده في جيبه. وبحزن. انا مش معقد انا شايف الحقيقة اللي كلكم بوهربوا منها ومش عايزين تشوفوها

سامح: يا ابني والله انت اللي مكبر. الموضوع.

مهاب : بنرفزة مكبر ايه بالظبط. لما كل يوم والتاني واحد مننا يخطفوا مراته ويغتصبوها ويرجعوهالو جثة يا اما عايشة ميته بسبب اللي حصلها يا اما ميتة فعلا.يبقي مش مكبر الموضوع. لما واحد مننا ابنه يتخطف ويتبهدل وهو متكتف ومش قادر يعمله حاجة.يبقي مش بكبر الموضوع.

وطبعا لاحد بيعرف ولا حد بيشوف والرد يبقي معلش لازم نستحمل ده واجبنا ولازم نعمله.

لما كل يوم نروح جنازة واحد مننا واشوف اهله ومراته وولادة وحزنهم وانكسارهم وقلبي يتقطع علي منظرهم . يبقي مش مكبر الموضوع

انسي اني افكر اتجوز ارتبط بإنسانة ملهاش ذنب وابهدلها معايا ولا اخلف طفل يتخطف ولا يتقتل قدام عيني وانا معرفش اعمله حاجة.

سامح: يا مهاب انا معاك في كل اللي قولته بس لو هنمشي كلنا بالمنطق ده يبقي محدش فينا هيحب ولا يتجوز ونعيش بقي كدة اكننا ألات من غير. احساس

مهاب: كل واحد وليه وجهة نظر وانا شايف كدة ومش هغير فكرتي وخصوصا اني لحد دلوقتي الحمد لله مقبلتش الانسانة اللي احبها واللي ممكن تخليني اضعف واغير رأي . ثم يا اخويا انصح نفسك انت الاول ما انت كمان مش عايز تتجوز

سامح: اه بس انا مش علشان السبب العقيم الاولاني لا علشان التاني انا لازم اتجوز اللي احبها وتدخل قلبي غير كدة مش لاعب

مهاب: اتنهد. يارب يحققلك اللي بتتمناه ويارب انا لا مش عايز اليوم ده يجي .

سامح: اللاهي يا رب تقبلها قريب علشان ساعتها هروقك تريقة

مهاب: هههههههه بعيد عن شنبك . انا كدة حلو وبقضي وقتي زي الفل كل يوم مع واحدة وكلهم يتمنوا رضايا

سامح : هههههه انت هتقولي ده انت جبار مبتتهدش كل يوم يا مفتري كدة هتخلص

مهاب: هههههه الله يخربيت امك بطل قر يا حمار

سامح: والله انا عرفت دلوقتي خراب بيت امي شكله علي ايدك بسبب الدعوة دي كل ما تشوف وشي تلبسهالي

مهاب:هههههههه ليه ابوك طلقها

سامح:ههههههه لا لسة بس شكله هيطلقها قريب

مهاب: هههههههه طيب يا اهبل . قولي اللواء سراج. بعتلك ملف القضية الجديدة

سامح :اه بعته وقريته وانت

مهاب : اه لسة مخلصه.

سامح: بس شكلها قضية صعبة و منيلة دول ناس مش ساهلين ابدا. ربنا يستر

مهاب: لا ولا صعبة ولا حاجة انت بس اللي قلبك رهيف.

سامح:انا مش عارف انت بتجيب القلب الجامد ده منين

مهاب: اتنهد. من اللي لسة قايلهولك من شوية علشان معنديش اللي اخاف عليه فمبيهمنيش حاجة هي موتة ولا اكتر. تعالي يالا علشان نشوف هنعمل ايه مع ولاد الهرمة دول.

((((تري يا قلب احببت من)))) بقلم ريحانة الجنة 🌹

(((الحلقة الثانية)))#ريحانة

(في المستشفي دكتور حسين البدري)

دخل أدم مع والده الي المستشفي وكل العاملين فيها ينظرون الي أدم منهم من يعرفه ومنهم من لا يعرفه ومنهم أكيد نغم والتي لم تكن موجودة اثناء دخوله. كانت مازالت في الجامعة وبعد ما دخل أدم كان يظهر عليه الشدة والحزم كأنه يحظرهم انه ليس من النوع السهل ولا المتهاون. ودخل أدم مع والده الي مكتبه الذي اعده له والده.

أدم :ايه يا دكتور حسين كل ده كل ده علشاني

حسين : طبعا واحنا عندنا كام دكتور أدم. بس بصراحة عجبك

أدم: جدا بس كتير والله وبعدين شكله جديد

حسين: فعلا انا جهزته من جديد وغيرت كل حاجة علي زوقك. اسيبك بقي تستكشف المستشفي براحتك

أدم : تمام واتنمي اكون عند ثقة حضرتك فيا.

حسين :انا متأكدة من كدة. عن اذنك

وخرج حسين وأدم قلع جاكت البدلة ولبس البالطوا الابيض الخاص بيه وخرج ولف علي كل الاقسام في المستشفي واتعرف علي معظم اللي شاغلين في المستشفي. وشاف حالات كتير وطبعا اكتر قسم اهتم بيه هو المخ والاعصاب لانه تخصصه وغير ادوية لبعض المرضي. وبعد وقت كبير من المرور رجع مكتبه وكان تعبان ومصدع. وطلب من ممرضة من اللي كانت معاه اثناء المرور انهاتجبله قهوة

الممرضة أسماء: حاضر يا دكتور . تحب اجبلك معاها حاجة تاكلها

أدم: بحزم اظن انا طلبي كان واضح قهوة وبس.

أسماء: بإحراج. اسفة ثواني والقهوة تكون عندك.

أدم: وهو بيبص في تليفونه. متشكر.

خرجت أسماء علشان تجيب القهوة وقابلت نغم.

أسماء : نغومة عاملة ايه

نغم : تمام قوليلي ايه الاخبار النهاردة

أسماء: اسكتي النهاردة الدكتور حسين جه ومعاه ابنه الدكتور أدم. علشان هو اللي هيمسك المستشفي. بس ايه حته دكتور فظيع

نغم : هو اصلا الدكتور حسين عنده ابن دكتور

اسماء: اه انتي متعرفيش

نغم : لا مكنتش اعرف وهعرف منين

أسماء: انا كنت عارفة بس عمري ماشوفته. بس ايه حكاية

نغم: ههههههه اه يا واقعة انتي مفيش فايدة فيكي . بس قوليلي هو عامل ازاي يعني شخصيته كدة متفاهم وهيريحنا ولا شديد وهيطلع روحنا

أسماء : هو عنيه حلوة وشكله يجنن

نغم: يا هبلة بقولك شخصيته مش عنيه.

أسماء: ما انا عارفة

بس شخصية الواحد بتبان من عنيه. بس هو عموما انسان محترم بس واضح انه شديد شوية. بس لسة كاسفني

نغم: معلش لازم نستحمل هنعمل ايه

أسماء: لا بس انتي غيرنا انتي كلها سنة وهتبقي زيك زيه دكتورة ده غير انك حلوة مش زينا

نغم : ايه الهبل ده يا بنتي احنا عيشرة عمر وحتي ان شاء الله لما ابقي دكتورة. عمري ما هتغير عليكم. وبعدين ايه حلوة دي ما انتي زي القمر اهو

أسماء: ربنا يجبر بختطرك. وخبطت راسها بإيديها. يا نهار مش فايت القهوة ده دكتور أدم هيبهدلني اوعي بسرعة. وجريت علشان تجيب القهوة

نغم :ههههههه اه يا جبانة. وراحت تمر علي المرضي وتديهم الادوية بتاعتهم.

في الوقت ده خرج أدم تاني علشان يروح القسم بتاعه واللي كانت موجودة فيه نغم ولما راح وقرب من غرفة مريضة هناك كانت نغم واقفة بجنبها وبتتكلم معاها والمريضة بتطلب منها تغيرلها نوع من الدواء اللي بتاخده لان التاني بيخليها تدوخ.

نغم :حاضر بصي هديكي دن بداله مش هيدوخك

أدم: لما شافها بلبس الممرضات اتنرفز ودخلها وزعق. انتي بتعملي ايه

نغم: لفت ليه بخوف. ااانا ممين حضرتك

أدم:في الحظة دي سهم قصاد عنين نغم البني الواسعة الجميلة وملامحها الجميلة وشفايفيها اللي خلته يبصلها غصب عنه.

نغم:بصت لأدم اللي متنح ليها ومش بيرد. بقولك مين حضرتك.

أدم:فاق ولم شتات افكاره. ااانا انا الدكتور أدم البدري

نغم:😳😳😳 دكتور أدم انا اسفة والله مكنتش اعرف حضرتك انا اول مرة اشوفك.

أدم:اديكي عرفتي ممكن بقي اعرف انتي ازاي تغيري دواء انا كاتبه من نفسك

نغم: اصلها يا دكتور بتقول انها بتدوخ منه.

أدم: يبقي ترجعيلي انا انا اللي دكتور مش انتي ومتنسيش انك ممرضة مش دكتورة . فاهمة.

نغم: سمعت كلامه وزعلت علي نفسها لانها المفروض انها كلها سنة وتبقي دكتورة زيه بس ظروفها هي اللي مخلياها تشتغل ممرضة. وعنيها اتملت دموع ودموعها نزلت بسرعة

أدم: بطبعه انسان حساس ومش بيجرح حد واتضايق انه زعلها. وبصلها بحنيه. وقبل ما يتكلم هي اعتذرت

نغم: بدموع وصوت مخنوق. اانا اسفة مش هنسي نفسي تاني ومشيت بسرعة من قدامه

أدم: كان زعلان وحس انه اتنرفز عليها مش علشان الدواء لا علشان عجبته وهو مش عايز يفكر في حد من بعد مي مراته ماماتت. وهو لسةواقف

المريضة: ليه بس كدة يا دكتور دي الانسة نغم بنت زي السكر ومؤدبة

أدم: هي اسمها نغم

المريضة: اه هو حضرتك متعرفش

أدم: بإحراج عن اذنك وانا حخليهم يغيرولك الدواء . ومشي يدور علي نغم وقابل دكتور كان زميله وبيشتغل مع باباه في المستشفي من سنين.

أدم: دكتور. وائل. بقولك ايه عايز اسالك علي حاجة

وائل: نعم يا دكتور أدم أؤمر

أدم: في ممرضة هنا اسمها نغم تعرفها

وائل: ههههههه اه اعرفها انت لحقت عنيك تزوغ

أدم: بنرفزة. وائل لم نفسك انت عارف ان اننا مش كدة.

وائل: خلاص يا دكتور متزعلش. اه اعرفها عايزها ليه

أدم: يعني اصلها كانت بتكتب دواء لمريضة غير اللي انا كاتبه وانا لما شوفتها اتنرفزت عليها وزعقتلها

وائل: حرام عليك والله ملقتش غير نغم . دي بنت غاية في الهدوء والادب

وبعدين علي فكرة دي في نهائي طب يعني كلها السنة دي وتبقي دكتورة زيك

أدم: مش معقول وليه بتشتغل ممرضة

وائل: علشان تساعد نفسها ومامتها في المصاريف. بعد موت باباها.

أدم: انب نفسه اكتر لما افتكر انه قالها انها مش اكتر من ممرضة. طيب ممكن تبعتهالي علي المكتب

وائل: حاضر هبعتهالك . روح انت

وراح وائل ونده لنغم وراحت لمكتب أدم وهي فاكرة انه بعتلها علشان يكمل تهزيأ فيها علي اللي عملته وكمان لانها مشيت وسابته. خبطت ودخلت

أدم: اول ما دخلت بصلها تاني بإعجاب مش عارف يداريه وملحوظة نغم مع كل جمالها الا انها محجبة وحجبها مزينها اكتر.

أدم: تعالي يا دكتورة اتفضلي

نغم: عنيها دمعت وعيطت افتكرته بيتريأ عليها.

أدم: استغرب هي عيطت تاني ليه. اخد منديل وقرب منها وبحنيه. اتفضلي امسحي الدموع دي وتعالي

مالك تعالي اقعدي

نغم : متنحة ومستغربة من فعل أدم . قعدت ومسحت دموعها.

أدم: قعد علي الكرسي اللي قصادها مش علي كرسي مكتبه. وابتسم. ممكن نبطل عياط

نغم : حاضر

أدم: ابتسم اكتر. فعلا زي ما قالوا عنك

نغم:؟؟ هما مين وقالوا ايه

أدم:هههههه لا مفيش بس عموما يا دكتورة انا مش عايزك تزعلي مني

نغم :حضرتك بتتريأ تاني. علي فكرة انا..

أدم: قاطعها. من غير ما تكملي انا عارف . انك في نهائي طب علشان كدة بقولك يا دكتورة مش تريأة.بس مش انتي معايا انك غلطانة حتي لو كدة انتي مش مسموح ليكي تكتبي دواء خالص لحد لما تبقي دكتورة رسمي حتي لو كنتي متمرسة بسبب شغلك. صح

نغم : بصت في الارض. صح انا اسفة

أدم: وعنيه كلها اعجاب. لا خلاص متتأسفيش. المهم اننا منبتديهاش مع بعض بمشكلة ولا ايه

نغم : ابتسمت. لا مفيش مشاكل

أدم: ابتسم أكتر من ابتسامتها. احمم طيب قوليلي انتي ايه تخصصك

نغم: هههههه مخ وأعصاب

أدم:هههههههه لا ده انتي مصتقصداني بقي

نغم : هههههههههه.

أدم: سرح في ضحكتها.

نغم: اخدت بالها من انه بيبصلها بإعجاب. احممم وقامت. طيب استأذن انا وعموما انا بعتذر تاني لحضرتك.

أدم: لا ابدا مفيش حاجة ومن هنا ورايح اي حاجة تحتاجيها في المذاكرة تقوليلي سواء عملي او نظري . اتفقنا

نغم : بإبتسامة. هزت راسها . حاضر ان شاء الله. وخرجت وهي معجبة بأدم

أسماء: ايه يا بنتي ده انا قولت ربنا يرحمها. اكيد ادهوملك

نغم: مبتسمة. بالعكس ده دكتور أدم طلع انسان حساس جدا وزوق بجد

أسماء: مطت شفيفها. لا بجد اه طيب عن اذنك.

ومن اليوم ده ولمدة شهر كان أدم بيقرب من نغم وكل واحد حس ان التاني معجب بيه بس أدم من النوع الخجول ومش بسهولة يبين مشاعره او يظهرها واكتفي بإظهار الاهتمام بنغم بس من غير مايبين اكتر من كدة. ونغم كانت معجبة بشخصيته ورزاتنة وهدوئه. بس كانت حاسة وقتها انه اعجاب مش حب.

وفي يوم أدم كان قاعد في أوضة وسرحان في نغم وبيفتكر كلامها معاه في المستشفي وبيسمع اغنيه هادية وجميلة هزت مشاعره.وكانت( حبيت يا قلبي لعمرو دياب)(حبيت يا قلبي ولا ايه ملهوف عليه وشاغلني بيه ودي مش عاويدي حصلي ايه بهتم بيه وواحشني ليه. بقي يجي كتير في بالي ولا بيفارق خيالي ويا قلبي حلهالي هنعمل. احساسي متغير معاه مبقتش انا من يوم لقاه. وده مش بيتهيألي لا لا قدام عنيه بنسي الحياه. بقي يجي كتير في بالي ولا بيفارق خيالي ويا قلبي حلهالي هنعمل ايه. )

ودخلت عليه دولت مامته ولقته بيسمعها وسرحان. فرحت وابتسمت .

دولت : انا اقولك تعمل ايه تجبهالي علشان اشوفها واجوزهالك علي طول

أدم: قام مخضوض لا نه محسش بيها لما دخلت. ايه هي مين دي

دولت : الحلوة اللي شغلتك وخلتك تسمع الاغنية الحلوة دي

أدم: بإحراج. بيمسح شعره بإبتسامة. هههه لا عادي انا بسمعها عادي يعني

دولت: يا دودمة علي ماما. يا حبيبي فرحني علشان خاطري نفسي يكون ليا حفيد

أدم: هههههههه حفيد مرة واحدة طيب مش لما اتجوز الاول

دولت : قلبي بيقولي انك لاقتها وقلبي ميكدبش عليا ابدا

أدم: قام وقف وهو مبتسم. يعني هو مش باظبط بس تقدري تقولي اني معجب بواحدة اوي وعمر ما في بنت عجبتني كدة

دولت: خلاص تعالي نتقدملها.

أدم: اهدي يا دودي هانم بس.وتعالي اقعدي بصي انا لسة بختبر مشاعري ومشاعرها انا اعرفها بس من شهر واحد. لازم يكون في فرصة ليا وليها

دولت : اه وعلي بال بقي ما انت تتأكد يا دكتور تكون هي طارت منك

أدم: هههههه لا متخفيش لو كانت هتطير كانت طارت من زمان اصبري انتي بس وادعيلي

دولت: طبعا بدعيلك هو انا ليه غيرك انت وباباك. بس علشان خاطري متطولش.

أدم: ابتسم وباس ايديها حاضر مش هطول وقريب جدا هعرفك عليها.

وبعد اسبوعين في يوم حسين قرر انه يعمل حفلة عنده في الڤيلا بمناسبة ان أدم هو اللي مسك المستشفي بداله علشان يعلن ده لكل الناس. وطبعا كان في ناس كتير معزومة وأدم فكر انه يعزم نغم علشان يعرف يتكلم معاها بعيد عن المستشفي وكمان يعرفها علي دولت والدته

أدم: نغم ممكن تحصليني علي المكتب

نغم : حاضر يا دكتور .

أسماء : الله يسهلوا كل شوية يبعتلك

نغم: اسماء لمي نفسك هاه انا نغم

أسماء : وهو انا قلت حاجة . روحي شوفيه عايزك في ايه.

نغم راحت مكتب أدم وخبطت ودخلت .

نغم: نعم يا دكتور أدم

أدم: بإبتسامة. تعالي اقعدي

نغم: قعدت علي الكرسي اللي قدام المكتب وأدم قام وقعد علي الكرسي اللي قصادها. ومد ايده بيديها دعوة

نغم : ايه دي؟؟

أدم: دعوة لحفلة بابا عاملها علشاني بمناسبة اني وافقت ادير المستشفي . وكنت عايزك تيجي

نغم : ايوة بس انا مش بروح حفلات

أدم: ليه بس

نغم: حضرتك أصل بخلص متأخر وعلشان احضر الحفلة يبقي هبات في الشارع للصبح.

أدم: اممم خلاص انا هروحك بدري اليوم ده علشان تستعدي للحفلة ومتتأخريش بالليل اتفقنا

نغم : بس .. يعني.. هو

أدم: ههههه ايه ماك متلخبطة ليه

نغم : ابدا بس هو انا بس اللي معزومة من المستشفي

أدم: فهم سؤالها. ابتسم اه يا نغم انتي بس وكام واحد بس يعني القريبين مننا بس في المستشفي هما اللي جاين

نغم : اتكسفت من كلمته يعني هي قريبة منه. بصت في الارض بكسوف

أدم: كان مبسوط بكسوفها. وابتسم. خلاص هتيجي

نغم : هزت راسها ان شاء الله هاجي .وقامت وقفت عن اذن حضرتك علشان عندي شغل

أدم: اتفضلي .

وبعد ما خرجت أدم : اتنهد . هو ايه اللي بيحصلي ده بس انا شكلي حبيتها بجد ولا ايه . بس بصراحة هي رقيقة وجميلة وطبعها قريب مني وكمان هادية. الغريب انها لما بتكون معايا ببقي مبسوط ومرتاح واول ما بتبعد بعيد عني بحس بفراغ كبير . يا تري يا نغم انتي عملتي فيا ايه

(في بيت نغم )

سهي: هههه لا فعلا شكله معجب بيكي

نغم : تفتكري

سهي: اه طبعا اللي بتحكيه عن شخصيته انه رزين وعاقل كدة ومع ذالك بيحاول يتقربلك دي حاجة واضحة جدا

نغم : بصراحة مش عارفة

سهي :طيب انتي ايه حاسة من ناحيته بإيه

نغم: مش عارفة بس هو شخصية جميلة هادي وعاقل ولبق وكمان وسيم بس مش عارفةحاسة انه اعجاب بشخصيته عادي يعني

سهي: اممم طيب ايه هتروحي الحفلة

نغم: اه طبعا هو قالي وعزمني ومينفعش ماروحش

سهي : تفتكري يكون عزمك علشان

يتكلم معاكي بعيد عن المستشفي ولا هو فعلا عزمك عادي

نغم : مش عارفة . بس عموما لما اروح هعرف.

سهي: طيب اسيبك انا بقي واروح علشان اتأخرت

نغم :اوك خالي بالك من نفسك.

وبعد يومين جه يوم الحفلة اللي عاملها الدكتور حسين البدري وراحت نغم... الحفلة

((((تري يا قلب احببت من)))). بقلم ريحانة الجنة

(((الحلقة الثالثة)))#ريحانة

(في ڤيلا الدكتور حسين البدري)

طبعا الحفلة كبيرة وفيها ناس كتير وكانت نغم لابسة فستان من اللون الموڤ الهادي وحجاب ستان بدرجة اهدي من لون الفستان وجزمة وشنطة سواريه لونهم اسود ومكنتش حاطة ميكب كتير كان بسيط جدا لانها ببساطة جميلة من غير. ميكب. وكانت شكلها جميل وساحر جدا. واول ما دخلت كانت بتدور علي ادم علشان تسلم عليه وتحاول تمشي بسرعة علشان متتأخرش. في الوقت ده كان مهاب وصل الحفلة وكان هو كمان بيدور علي حسين وادم ودولت. وهما الاتنين ماشين في الجنينه في الحفلة بيتلفته وبيبصوا علي اللي بيدورا عليهم. وهما كدة خبطوا في بعض. واول ما كل واحد لف للتاني علشان يشوف مين ده اللي خبط فيه اول ما بصوا لبعض الاتنين في لحظة او ثانية او دقيقة محدش عارف الوقت اللي عدي وهما بصين في عنين بعض.

مهاب: كان بيبصلها بإعجاب وحس بحاجة غريبة. وابتسم

نغم: كانت مسهمة من وسامة مهاب وشياكته ولون عنيه. بس فاقت لنفسها بسرعة. احممم ايه يا استاذ مش تخلي بالك

مهاب: رفع حاجبه وهو مبتسم. انا بردوا وانتي ايه بقي كنتي مخليه بالك

نغم :احمم اه انت اللي خبط فيا

مهاب:وهو لسة محتفظ بإبتسامته. بس انتي كمان كنتي باصة وراكي ابقي خالي بالك بعد كدة علشان المرة الجاية مش هتكون خابطة وبس تؤتؤ حتكون حاجة تانيه.

نغم : اتنرفزت من طريقته في الكلام. والله ابقي وريني شطارتك. عن اذنك

مهاب: مسكها من ايديها. تعالي هنا انتي ازاي تسيبيني وتمشي وانا بكلمك.

نغم : شدت ايديها. ايه ده انت مجنون انت ازاي تمسك ايدي كدة. وبعدين اه اسيبك وامشي وانت مين اصلا

مهاب: اتنرفز. هو اصلا مفيش حد عمره كلمه كدة وخصوصا البنات والستات بيتهبله عليه الا نغم كسرت القاعدة. انا انا مهاب عز الدين يا حلوة وابقي اسألي مين مهاب

نغم : بإستهزاء. وانا اسأل ليه مش عايزة اعرف. عن اذنك. ومشيت

مهاب: ابتسم. اه يا بنت اللذين دي اول مرة تحصل وواحدة تكلمني كدة بس ايه موزة بنت الايه.

وفضل مهاب باصص علي نغم يشوفها راحة لفين بس خبط علي كتفه الدكتور حسين

حسين: مهاب باشا بنفسه

مهاب: لفله. ازيك يا اونكل عامل ايه. واحشني جدا

حسين: انت ولد اونطجي ده انت حتي مبتسألش عليا بالتليفون ولا حتي علي دولت دي مستحلفالك

مهاب: هههههه حقكم عليا بس انت عارف انا شغلي صعب ازاي

حسين: عارف يا حبيبي والله. بس لو مكنتش جيت النهاردة كنا كلنا زعلنا منك.

مهاب: ان جيت للحق مكنتش جاي انت عارف بكره جو الحفلات والبدل والجو الملزق ده

حسين: هههههههه انت عمرك ما هتتغير هتفضل مصيبة كدة

تعالي معايا في ناس عايز اعرفك عليهم.

ومشي مهاب مع حسين وهو بيتلفت علشان يشوف نغم اللي حتي ميعرفش اسمها. بس مش شايفها. وارح واتعرف علي الناس دي واتكلم معاهم وبعد شوية انسحب بهدوء ورجع يدور علي نغم . في الوقت ده كانت نغم وهي بتدور علي أدم قابلت كامل مدير الحسابات في المستشفي

كامل: اول ماشاف نغم استغرب. نغم ازيك

نغم : اهلا استاذ كامل ازي حضرتك والمدام والاولاد

كامل: الحمد لله بس قوليلي انتي جيتي ازاي. من غير دعوة

نغم : لا طبعا جاية بدعوة

كامل : مين اللي عزمك

نغم : احممم. دكتور أدم

كامل : واضح انه بيعزك لان دي حفلة خاصة مش اي حد بيجي فيها.

نغم: ايه لا طبعا وهوهيعزني ليه. هو بس انسان حساس وزوق. اصل هو كان اول لماجه زعقلي وهزقني شوية كدة . وانا اعتذرت منه. فهو ممكن يكون بس عزمني علشان يراضيني مش اكتر .

كامل: مش مهم المهم انك جيتي بس ايه رأيك في الحفلة....

من بعيد مهاب بيدور علي نغم ولما شافها لقاها واقفة مع كامل وبتتكلم وتضحك. حس انه اتضايق.

أكمل: وده بقي مين ده. معقول تكون متجوزة. لا لما مسكت ايديها الشمال مكنش فيها دبلة. طيب يمكن خاطبها اصل انا مشوفتش ايديها اليمين تؤ وانت مالك يا مهاب هي لحقت تعجبك

ومسح شعره بإبتسامة. بصراحة عسسل بس انا لازم اعرف اذا كانت مرتبطة ولا لا

في الوقت اللي مهاب بيكلم فيه نفسه جه من وراه أدم

أدم: هوبا واحشني يا حضرة الرائد

مهاب: ههههه. دومة حبيبي عامل يا دكتور انت اللي واحشني

أدم: طيب اسأل عليا بلاش انا ماما دودي يا اخي دي هتتجنن عليك.

مهاب: معلش انا لما اشوفها هصالحها.

أدم : ماشي . وبص من بعيد شاف نغم وابتسم طيب عن اذنك يا مهاب في ناس من المستشفي اروح اسلم عليهم بسرعة وارجع

مهاب اخد باله ان أدم كان باصص علي نغم واللي معاها فقال فرصة اعرف مين ده

مهاب: طيب ممكن اجي معاك انت شايف جو الحفلة منشي وانا اتخنقت

أدم: ههههه طيب تعالي.

وراح أدم ومهاب وقربه من نغم وكامل

أدم: ازيك يا كامل وايه فين المدام

كامل: معلش حضرتك عارف الاطفال بقي بيحبه ينامه بدري والمدام متقدرش تسيبهم .

أدم: اه تمام. وبإبتسامة واسعة وكلها إعجاب ازيك يا نغم .

نغم ومهاب كانوا الاتنين سراحنين في عنين بعض وساكتين

أدم: نغم .... نغم.

نغم : فاقت. وبعدت عنيها عن مهاب ايه اه احممم اهلا بحضرتك يا دكتور أدم.

أدم : تمام انتي عاملة ايه. الحفلة عجبتك

نغم : كانت بتبص لمهاب اللي كان بيبصلها وبيبتسم. اه جميلة

أدم: أعرفكم الرائد مهاب عز الدين ابن الدكتور عز الدين شريك بابا الله يرحمه واللي طبعا بقي شريك هو دلوقتي

كامل : اهلا يا سايدة الرائد والله اتشرفت بحضرتك انا كان نفسي اقبلك من كلام الدكتور حسين عنك

مهاب: اهلا بيك متشكر اوي. ايه طيب مش تعرفنا مين الانسة يا أدم

أدم: دي يا سيدي الدكتورة نغم في آخر سنة في كلية الطب وبتشتغل معانا في المستشفي ممرضة

مهاب: مد ايده وسلم علي نغم وهي سلمت عليه. بس مهاب كان ضاغط علي ايديها اوي. اهلا يا نغم

نغم : اتكسفت وبتحاول تشد ايديها. اهلا بحضرتك. وشدت ايديها بصعوبة

أدم: اخد باله من اللي عمله مهاب ونظراته لنغم. زغد مهاب ووشوشه. مهاب خف شوية البنت مش من اياهم

مهاب: انا وانا عملت حاجة

نغم : احمم دكتور أدم بعد اذنك انا مضرة امشي

أدم : ليه يا نغم لسة بدري

نغم: معلش انا اصلي اتأخرت ومش هينفع اتأخر اكتر من كدة

أدم: طيب ثواني اجيب مفاتيح العربية واوصلك

نغم : لا ملوش لزوم حضرتك تتعب نفسك

أدم : لا مفيش تعب مش هينفع تمشي لوحدك متأخر كدة

مهاب: ادخل. لا يا أدم انت مينفعش تسيب الحفلة وضيوفك انا ممكن اوصل الانسة نغم. لو مش يضايقك يا أنسة نغم

نغم : ايه لا مش حكاية اضايقك بس والله حضرتكم كدة بتتعبه نفسكم انا ممكن امشي لوحدي

مهاب : لا ازاي مينفعش. تروحي لوحدك المكان هنا هادي وميصحش بنت حلوة زيك تمشي فيه لوحدها

أدم: بحزن حتروحي معاه يا نغم

نغم : ابتسمت. خلاص مدام انتوا مصممين مع اني مكنتش عايزة اتعب حضرة الرائد.

أدم: زعل كان فاكر نغم هتصمم ان أدم هو اللي يوصلها مش مهاب لانها اصلا متعرفهوش. طيب لو سمحت يا مهاب خلي بالك منها وبطل حركاتك اياها

مهاب: بسخرية. انت عايز تسوأ سمعتي ولا ايه ده انا حتي مؤدب وهادي. كان بيتكلم وهو بيبص لنغم وغمزلها بعنيه

نغم: اتكسفت وخافت من مهاب. انا بقول والله هروح لوحدي يا جماعة متقلقوش

مهاب: قلنا لا خلاص هي كلمة تعالي يالا

نغم: افندم؟؟

مهاب: لا بقولك ايه انا بقول الكلمة مرة واحدة تعالي أوصلك عن ازنك يا أدم. وشد نغم من ايديها

نغم: ايه ده اوعي ايدي . وشدت ايديها.

أدم: راح لمهاب. مهاب امشي انت انا هوصلها مش مهم الحفلة

مهاب: انا قلت هوصلها يعني هوصلها وانت خليك في حفلتك أونكل هيزعل لو ملقاكش. ومتخفش مش هضيقها. اتفضلي يا أنسة

نغم : مشيت معاه. وهي مرعوبة شخصية مهاب غير أدم خالص ده جرئ ونظراته جريئة جدا وكمان تصرفاته. وفي سرها. يارب استرها معايا ده شكله مجنون

وكانوا وصله للعربية. ومهاب فتح الباب لنغم. اتفضلي يا أمورة

نغم : اصلا خايفة وواقفة مترددة تركب معاه

مهاب: بنفاذ صبر وهو بيجز علي سنانه . اركبي علشان انا جبت اخري منك انا عمري ما فتحت لواحدة الباب بنفسي ولا طولت بالي علي حد كدة

نغم : بخوف انت بتتكلم كدة ليه. لا خلاص مش راكبة ااانا حروح لوحدي ولفت علشان تمشي

مهاب: شدها من ايديها ولفها ليه وبصلها بحنية. تؤتؤ اوعي تخافي مني انا والله طيب تعالي واوعدك مش هزعلك

نغم : شدت ايديها وركبت وهو لف وركب وساق بسرعة.

نغم : ممكن حضرتك تسوق بهدوء. انا بخاف من السواقة دي

مهاب: يا روحي من عنيا بس كدة اهو هديت السرعة حلو كدة

نغم: بتبرطم . ايه يا ربي الانسان المجنون ده كل ساعة بحال

مهاب: بتقولي حاجة

نغم : لا مبقولش.

مهاب: بس انا سمعت حاجة كدة زي مجنون هو مين ده يا حلوة

نغم: ايه لا مفيش حد.

مهاب: اممم عموما انتي مشوفتيش لسة جناني.

نغم : والله انا لا عايزة اشوف جنانك ولا عقلك انا عايزة اروح بس

مهاب: امممم طيب عموما. انتي اللي جبتيه لنفسك انا حالا ممكن اوريكي جناني.

نغم : اوففف

مهاب: اهلا هي فيها اوفف ماشي ووقف العربية.

نغم : خافت انت وقفت العربية ليه

مهاب: تخيلي انتي بقي مكان هادي زي ده وبنت عسسل زيك وواد حليوة زي حالاتي وفي العربية يبقي ايه

نغم : اترعبت. ااانت لو فكرت تقرب مني والله ازعق والم عليك الناس

مهاب: هههههههههه ناس مين يا حلوة هو انتي شايفة حد وحتي لو فيه انتي مع مهاب عز الدين. محدش يقدر يتنفس معاه. وبعدين مش يمكن الموضوع يعجبك ونروح البيت عندي ونكمل السهرة هناك

نغم : شهقت وحطت ايديها علي بقها. انت مش بس جرئ انت وقح وانا غلطانة اني وافقت اركب معاك عن اذنك. وفتحت الباب ونزلت.

مهاب: ابتسم لانه كان بيختبرها بعد ماعجبته وهو مفيش بنت شدته اوي كدة ولا حس انها دخلت دماغه زيها. نزل وراها. وقرب منها. اركبي يالا علشان اروحك بس بشرط تعتذري

نغم :نعم مين اللي يعتذر انت اللي غلطت

مهاب: لا انتي بتحلمي مهاب ميعتذرش لحد. وبعدين انتي اللي قولتي عليا مجنون وخرجتيني عن شعوري. يالا قولي اسفة علشان اوصلك

نغم : بعند ابدا مش هتأسف. مش علشان توصيلة هتزلني انا هاخد تاكسي.

مهاب: هههههههه كدة ماشي ادينا قاعدين لما نشوف حتركبي تاكسي ازاي. وقلع جاكت البدلة وحطه في العربية وشمر كم القميص بتاعه وقعد علي العربية من قدام وولع سيجارة وهو بيبتسملها بإستفزاز

نغم: الله ما طولك يا روح . دي ليلة سودا

مهاب: هههههه تاني بتبرطمي تاني مبتحرميش انتي

قرب تاكسي منهم ونغم شاورتله. والتاكسي وقف.

مهاب: امشي يا بني من هنا.

السواق: اومال وقفتونا ليه بتتسلوا

مهاب: نزل من علي العربية وطلع المسدس من ظهره. وشد الاجزاء الرائد مهاب يا روح امك. عايز حاجة

السواق: بقلق لا يا باشا انت حر وقف زي ما انت عايز سلام ومشي السواق.

نغم : كانت متنحة. وبتبص لمهاب بغيظ. وبعدين انا عايزة اروح

مهاب : سند علي العربية وحط ايده في جيبه. وهو بيبتسم. والله الحل في ايدك اعتذري وانا اروحك غير كدة خلينا هنا للصبح عادي انا مبسوط اويي كدة

نغم : ياربي دي كانت شورة مهببة.

مهاب: علي فكرة لو وقفتي تاكسي تاني انتي الجانية علي نفسك. هعمل حاجةمش هتعجبك

نغم : كانت حاسة انها دايخة من الخوف. حححاجة ايه

مهاب : قرب منها وبص في عنيها. والله ده يتوقف عليكي وعلي درجة نرفزتي منك. ممكن ارزعك بوسة علي شفايفك الحلوة دي اوي اشيلك واحطك في العربية وانتي ونصيبك بقي واللي هعمله فيكي

نغم : رجعت لورا. وهي بتبلع رقيها بصعوبة. ودموعها نزلت لو سمحت انا مش كدة منفضلك انا عايزة اروح.

مهاب: لان لما شاف دموعها وحس بخوفها. قرب منها بحنية. خلاص يا نغم انا بهزر والله ما هعملك حاجة. متخفيش

نغم : عياطها زاد. وابتدت تشهق من العياط والخوف

مهاب : نغم والله ما تخافي مش هقربلك انا بس كنت برخم عليكي مش اكتر. ومسك وشها بايده. ومسح دموعها.

نغم : بتحاول تبعد ايده.

مهاب: متمسك بوشها بين ايديه.وبهدوء ششششش خلاص بطلي عياط

نغم : بتاخد نفسها. حاضر ممكن لو سمحت تروحني. ارجوك

مهاب: ابتسم وهو باصص في عنيها. تعرفي انتي عنيكي حلوة اوي. وخدودك وكمان ..

نغم : نزلت ايده وبعدت وهي مكسوفة لو سمحت. عايزة اروح

مهاب: حاضر علشان خاطرك بس هتنازل عن الاعتذار وهروحك. تعالي اركبي. وفتحلها الباب

نغم : ركبت. وهي مش عارفة ايه الاحساس اللي حسته ناحية مهاب لما كان قريب منها.

مهاب: ساق وهو كمان بيحاول يفهم ايه اللي حس بيه ناحيتها من اول ماشافها وزاد اكتر لما قرب منها

مهاب: قوليلي صحيح انتي ساكنة فين.

نغم : ايه ده هو انا مقولتلكش

مهاب: هههههه تصدقي. وانا ملحقتش اسألك كنت مستني لما نخرج من هنا. هاه ساكنة فين

نغم: في المعادي

مهاب: يا نهار ابيض المعادي وجاية التجمع جيتي ازاي بالليل كدة

نغم : في تاكسي

مهاب : بجدية وبقلق. لا اوعي تعمليها تاني فاهمة انتي ممكن حد يأذيكي وانتي لوحدك

نغم : بصتله بإستغراب ولوم .

مهاب: فهمها. لا متبصليش كدة. انا كنت برخم مش أكتر لكن مكنتش هأذيكي انا مش من النوع اللي بياخد حاجة بالغصب. فاهمة

نغم : هزت راسها.

مهاب: لا اسمع

نغم: اتنهدت. فاهمة.

مهاب: ابتسم. طيب انتي في المعادي الجديدة ولا القديمة

نغم : لا القديمة

مهاب: اوبا لا لما نوصل خليكي معايا علشان المعادي القديمة دي بتوه

نغم :هههههههه فعلا اللي مش منها بيتوه الشوارع كلها شبه بعض

مهاب: مع ان. لو جيتي للحق يبقي كويس لو تهنا واحنا مع بعض. علشان تقعدي معايا وقت اكتر

نغم : ابتسمت ودارت وشها.

مهاب: لا والله انا مش حمل الكسوف ده. شكلك عسل اوي وخدودك حمرة كدة

نغم: هو حضرتك مش بتتكلم جد ابدا

مهاب: اولا بقي مفيش حضرتك دي انا مهاب بس اتفقنا.ثانيا هو في احلي من الهزار وخصوصا مع واحدة حلوة زيك

نغم : اتكسفت وسكتت

مهاب: اسمع بقي مهاب من غير حضرتك.

نغم: بس صعب

مهاب: تؤتؤ مفيش حاجة صعبة. قولي معايا كدة م ه ا ب

نغم: بتكتم ضحكتها.

مهاب: يلا قولي بدل ما وقف العربية انتي حرة

نغم : لا خلاص. احمم مهاب

مهاب: يا لهوي والله عسل. هو انا من شوية قولتلك اني كنت برخم ومش هعملك حاجة. غبي اتسرعت انا كان لازم اقول كدة.

نغم : ضحكت اكتر.

مهاب: والله عمري ماشوفت ضحكة تجنن كدة.

نغم: ممكن لو سمحت تبطل طريقتك دي لحد ما نوصل.

مهاب: اتنهد. حاضر امري لله هسكت.

((((تري يا قلب احببت من)))).. بقلم ريحانة الجنة

(((الحلقة الرابعة )))#ريحانة

وفضل مهاب طول الطريق يتكلم مع نغم ويهز ويضحكها وكان مبسوط جدا وهي معاه ومكنش عايز الطريق يخلص. ووصل مهاب المعادي

مهاب: خسارة وصلنا

نغم : ابتسمت. اهو ترتاح من التوصيلة اللي جاتلك بالغصب دي

مهاب: انا قولتلك انا مبعملش حاجة غصب. انا اللي مكنتش هسيب حد يوصلك وانا موجود

نغم : ليه بقي انت اول مرة تشوفني

مهاب: ماهو ده اللي مجنني انا حاسس اني اعرفك من زمان مش اول مرة اشوفك

نغم : ابتسمت. وباصت الناحية التاني. احممم. الشارع اللي جاي يمين

مهاب: ده اوك.

نغم : بس هنا كدة كويس

مهاب: هتنزلي هنا.

نغم : ايوة مش هينفع تدخلني عند العمارة يعني الوقت متأخر وحضرتك فاهم

مهاب: تاني حضرتك. بس عموما معاكي حق خلاص انزلي وانا هنزل امشي وراكي علشان الشارع هادي اوي ومينفعش اسيبك لوحدك

نغم : بس

مهاب: شششش مفيش بس انزلي يالا

ونزل مهاب ونغم وقفل العربية وهي مشيت وهو ماشي بعيد عنها شوية

مهاب: ماشي وحاطت ايده في جيبه. تعرفي انا مش عايز الشارع يخلص. علشان تفضلي ماشية قدامي كدة

نغم : اتكسفت ووقفت

مهاب: ايه وقفتي ليه

نغم : ممكن حضرتك تمشي قدامي انت. وانا وراك

مهاب:هههههه ليه قطع الارزاق ده بس

نغم : كدة يبقي كنت بتت. بتت

مهاب: هههههه مالك تهتهتي ليه. قصدك يعني ببص عليكي. بصراحة اه مقدرش انكر

نغم : كدة طيب اتفضل امشي انت قدامي

مهاب: ههههه حاضر همشي بس انا معرفش البيت

نغم : انا هقولك.

مهاب: ماشي مع اني محدش كان يجرأ اصلا ان يمشي كلامه عليا. بس انت حالة خاصة

ومشي مهاب ونغم وراه وشاورتلو علي العمارة

نغم : العمارة اهي دي اللي علي الشمال. عن اذنك

مهاب: كان زعلان انها ماشية وسايباه. سلام خلي بالك من نفسك اوك

نغم :هزت راسها. وطلعت وهو واقف باصص عليها وفضل يشوف المكان علشان يحفظ الشارع. وبص علي العمارة بتاعتها كانت نغم طلعت وكانت ساكنة في الدور التاني ووقفة في الشباك وباصة علي مهاب وهي مبتسمة.

مهاب: رفع راسه وشافها. ابتسم وهو بيشاورلها وبيحرك شافيفه. ت ص ب ح ي علي خ ي ر.

نغم : وا ن ت من ا ه ل ه

مهاب: ضحك وغمزها بعنيه ومشي

نغم : كانت مبسوطة جدا وحاست انها مكنتش عايزة تسيبه ومحتارة في شخصيته غريبة بس عجباها. وفضلت بعد ما غيرت هدومها سراحنة ومبتسمة وبتفتكر كل اللي حصل من اول ما شافت مهاب.

مهاب ركب عربيته ومشي وهو مبسوط وشغل اغنية وعلاها جدا وكان مبتسم وبيفكر في نغم وازي شغلته بيها وكانت( نفسي ابقي جنبه لحماقي)( فات قرب عليا وخد تلت اربع حاجات. خد قلبي مني خد عقلي بالساعات. وانا مفكرتش في كدة مهما كان. دي حكاية دي بعين المسلسلات. احساس كدة قالوا بيعمل معجزات. خلاني اجمع واسمع معلومات. ده قمر يجنن وعمالي قلبان. وده اللي من زمان نفسي ابقي جنبه واللي اتقلب مجنون علشان نفسي ابقي جنبه واللي راضي راضي اموت كمان بس ابقي جنبه يعني اديلوا عمري طيب من باب اللي إحتياط. متقولولو خدها من قاصيرها من سكات من سكات. مين يعمل كدة الا ناس قليلين. كأنه جنبي وحبيبي من سنين وده مش طبيعي ده سحر ولا ايه. وانا كنت عادي لسة من يومين. مبقتش بحلم وخلاص مبقاش خيال. حبيته طبعا مش محتاجة لسؤال. وان انا اسيبه مفيش فيها احتمال. ماهو ده اللي من زمان كان نفسه ابقي جنبه واللي اتقلب مجنون بس ابقي جنبه واللي راضي راضي اموت كمان بس ابقي جنبه)

وهو علي حاله وبيفكر في نغم تليفونه رن سامح.

مهاب: الو .. ايوة يا مزعج مش وقتك انا كنت بسمع اغيه حلوة اقفلها واسمع صوتك.

سامح: ههههههه طيب بذمتك مش صوتي حلو.

مهاب: ههههههه اوي انت هتقولي . غني يا خويا عايز ايه

سامح : عايزك تيجي المكتب بسرعة في معلومات عايزها من عنك علي الاب بتاعك.

مهاب: يخربيت فصلان اهلك انا كنت مزاجي عالي ومروح.

سامح: لا بقولك ايه وربنا اكلم اللواء سراج وهو يكلمك.

مهاب: بتهددني وحياة امك انت عارف اني مبخفش بس اللوء سراج حبيبي بردوا

سامح: هههههه اهو جاب ورا تعالي ياض انت بسرعة انا مستنيك .

مهاب: اتنهد بضيق. حاضر جاي غور بقي. وقفل التليفون . وفكر في حاجة وخبط راسه بإيده. يا نهار علي الغباء انا ازاي مخدش رقمها وهي معايا يا لاهوي علي اللخبطة اللي انا فيها . تؤ بس مش مشكلة اخده من أدم اكيد يعرفه

(في الڤيلا عند أدم)

ادم قاعد في أوضته بعد الحفلة ومتضايق من نظرات الاعجاب اللي شافها من مهاب لنغم. وكان هيتجنن انه سابها معاه يوصلها هو وهو عارف مهاب وطريقته اللي بتعلق الستات بيه.

أدم: يارب انا ازاي بس سببته يوصلها. بس هي غلطانة كانت المفروض. تصمم اني انا اللي اوصلها مش مهاب وهي تعرفوا منين . بس يا أدم هي كانت هتعمل ايه. انت اللي متردد كان المفروض انا اللي اصمم مش مهاب واخدها وامشي بس انا معملتش كدة

اوفففف يا رب انا خايف تعجب بيه مهاب خبرة في حكاية الستات دي وممكن يشغلها. وفضل طول الليل يفكر وغيران علي نغم من مهاب.

في مكتب مهاب فتح مهاب الباب ودخل. ولسة بيحط الجاكت بتاعه سامح فتح الباب ودخل وراه

سامح : كنت فين كل ده وايه الشياكة دي يا هوبا انت كنت فين

مهاب: يارب انتحر من الواد الغبي ده. انت يا ياض انت مش قايلك اني رايح حفلة الدكتور حسين وأدم

سامح: اه صحيح تصدق نسيت المهم الحفلة كانت جامدة صح

مهاب ابتسم هي جامدة بعقل دي جامدة موت ياض يا سامح

سامح: لا وربنا دي مين بقي الحفلة ولا واحدة من اللي في الحفلة.

مهاب: انت ياض مش هتبطل دور خالتي الاتاتة ده. خليك في حالك

سامح : طيب تعالي افتحلي يا خويا الاب بتاعك علشان اخد المعلومات من عندك

مهاب : هات الفلاشة بتاعتك.

سامح اداله الفلاشة ومهاب حطها ونزل المعلومات لسامح وقفل اللاب بتاعه وراح فرد جسمه علي الكنبة اللي عنده في المكتب وسامح قاعد علي المكتب بيشغل الفلاشة علي الاب بتاعه والباب خبط ودخل العسكري اللي علي الباب

العسكري: مهاب باشا في واحدة برة عايزاك

مهاب: واحدة مين اسمها ايه

العسكري: بتقول شهندة

مهاب وسامح مع بعض : شهندة

مهاب: روح اندهلها

سامح: اه يا بن المحظوظة حفلة وشهندة في نفس ذات الليلة ربنا علي المفتري

مهاب: هههههههههه

دخلت المدعوة شهندة بنت ببشرة بيضاء وشعر اسود طويل وعيون سوداء وجسم ممشوق وجميلة جدا وبلبس يكشف اكثر ما يستر جيب قصيرة جدا تكاد تكون ميكرو جيب وبادي ضيق وبحمالة واحدة وحذاء بكعب عالي و طبعا من المفترض بعد دخولها بهذا الجمال والاثارة الصارخة ان يندفع اليها الاثنين. لكن مهاب كعادته مع كل النساء وطبعا ده بإستثناء نغم اللي اخترقت كبرياء وغرور مهاب من اول ماعنيه شافتها. كان تقيل وواثق انها هي اللي هتقرب منه. وفضل نايم مكانه علي الكنبة وما اتحركش. اما سامح قام من علي المكتب ووقف وهو متنح وبيصفر بهيام.

سامح: اوعي ايه بس ده انت جيتي هنا غلط هنا ادارة المخدرات الاداب في الشارع اللي ورانا.

شهندة. او شاهي زي ما بتحب الناس تتدلعها

شاهي: ضحكت بصوت عالي ضحكة اقل ما يقال عنها انها فعلا تستحق انها يستدعي لها بوليس الاداب. سمسم ازيك عامل ايه وحشاني خفة دمك

سامح: وهو بيبصلها نظرات كلها اثارة وولع بجمالها. انا انا تعبان ونفسي حد يطبطب عليا

شاهي: هههههههه طيب استني لما اشوف حبيبي الاول. وراحت ناحية مهاب اللي نايم علي الكنبة وساند ايده تحت راسه. قربت منه وقعدت علي ركبتها جنبه وملست علي شعره وباسته. وحشتي يا هوبا اوي اوي اوي

مهاب: ابتسم بثقة. ماانا عارف. بس قوليلي ايه اللي جابك دلوقتي.

شاهي: كدة طيب حتي قولي اني وحشتك.

مهاب: هههههه اكدب يعني. انتي عارفة انا اوحش الستات اه لكن حد يوحشني تؤتؤ. مبيحصلش.

شاهي : بدلع. قربت منه ووشوشته. ولا حتي وحشك اللي انا بعمله.

مهاب: ههههه لا ده بالذات بقي وحشني

شاهي: ههههههه خلاص يبقي وحشتك ما انا اللي بعمل كدة. بقولك ايه هي الكنبة دي متتحملش اتنين

مهاب: هههههههه لا يا مجنونة متتحملش وبعدين انتي عايزة تلبسيني ولا ايه ده مكتب مش أوضة نوم ربنا يهدك

شاهي: طيب خلاص تعالي نروح شقة المهندسين.

مهاب: تؤتؤ مليش مزاج النهاردة

شاهي: قربت منه وقعدت تبوس فيه بحنية في كل وشه. وحياتي علشان خاطري.

سامح: ربنا علي المفتري يعني البت بتتحايل عليك وانت تقلان ده انت جبار. بقولك ايه يا شاهي انا فاضي والله تعالي معايا

شاهي : بدلع. تؤتؤ انا عايزة هوبا

مهاب: بص لسامح. ههههه بتحرج نفسك انت اوي

سامح: ماشي يا خويا ربنا يسهلك. انا بقول امشي انا وابعتلك اتنين لمون ولا تحب ابعتلك حاجة تانية

مهاب: لا متبعتش حاجة شاهي اصلا ماشية.

شاهي: ليه بس ده انت واحشني اوي بقالي اسبوع مشوفتكش

مهاب: مش انتي عايزة تروحي شقة المهندسين.

شاهي: طبعا. عايزة

مهاب: خلاص روحي وانا ححصلك.

شاهي: طيب استناك واركب معاك. اناعربيتي في للصيانة وجاية في تاكسي

مهاب: لا انا لسة ورايا شغل روحي في تاكسي زي اللي جيتي فيه. وقومي بقي بدل ما ارجع في كلامي

شاهي : لا لا وعلي ايه انا ماشية . وباسته بإثارة وغمذته. متتأخرش عليا.

مهاب: ابتسم. لا مش هتأخر.

شاهي: وهي خارجة. باي يا سمسم

سامح: باي يا ختي

وبعد مامشيت قرب من سامح من مهاب.

سامح: اموت واعرف بتجيب الثبات ده كله ازاي. البت صاروخ وعمالة تتدلع وتتحايل عليك وانت زي لوح التلج. والمصيبة انها عجبها ولازقة فيك. حاجة غريبة

مهاب: هههههه يا ابني الستات تحب الراجل التقيل اللي هي تغريه وتوقعه. مش اللي بيريل زي حالاتك.

سامح: انا بريل. تصدق ان انا غلطان كان المفروض اتصل بالواد خالد بتاع الاداب وهي معاك هنا والبسك قضية آدب علشان تتربي

مهاب: هههههههه. متقدرش ده انا حبيبك

سامح: بس يا مهاب بجد نفسي تريحني وتجاوب علي سؤال محيرني

مهاب: سؤال ايه يا حيشري

سامح: ههههه الله يسامحك. لا بجد انت ليه مبتركبش معاك العربية اي واحدة من اللي بتعرفهم ولا بتاخدهم شقتك اللي في الزمالك ليه بتروح شقة المهندسين

مهاب: قام من علي الكنبة وقعد. اولا يا ناصح انا مركبش جنبي غير اللي تستاهل انها تقعد جنب مهاب عز الدين. المكان ده لحبيبتي ومراتي وبس. وكمان بيتي مدخلوش الاشكال دي علشان كدة اخدت شقة المهندسين. بيتي ده متتدخلوش غير مراتي وبس. فهمت يا غباوة

سامح: اه طيب وانت.

مهاب: انا ايه مش فاهم

سامح: يعني انت شايل الاماكن دي كلها ومحافظ عليها لمراتك اللي لسة متعرفهاش. وانت مش شايل نفسك ليها ليه وانت كل يوم مع واحدة. مش انت اولي تشيلها نفسك.

مهاب: اتنهد. كان نفسي بس انت عارف انا بحاول اهرب بالعلاقات دي علشان مضعفش في يوم وافكر احب واتجوز. وانت عارف انا مستحيل اتجوز

سامح: متأكد

مهاب: اه ما انت عارف

سامح: اصل بصراحة حاسس انك ممكن تغير رأيك

مهاب: ليه بتقول كدة

سامح: اصلك النهاردة اول مرة تقول حبيبتي ومراتي. حسيت انك بتتكلم عن واحدة بعينها مش بتتكلم عموما كدة

مهاب: اول ما سامح قال كدة افتكر نغم علي طول وابتسم

سامح: ايه الابتسامة دي تكنش بتحب يا منيل ومخبي عليا.

مهاب: شال الفكرة من دماغه. مهاب خايف يحب نغم وتخليه يغير رأيه. لا لا طبعا احب ايه وبتاع ايه. وقام واخد تليفونه ومفاتيحه والجاكت بتاعه. انا ماشي زمان شاهي وصلت المهندسين.

سامح: ماشي براحتك مع السلامة بس. لو هتبات معاها هناك خالي بالك لتروح عليك نومة عندنا اجتماع الصبح مع اللواء سراج.

مهاب: طيب ناشي سلام.

وخرج مهاب وركب عربيته وعلي قد ما كان مبسوط بإحساسه ناحية نغم وانها اول واحدة يحس ان قلبه دق لما شافها.لكن الاحساس ده خوفه انه كدة ممكن يحبها وساعتها ممكن يضعف وهو كان مقرر انه ميحبش ولا يتجوز.وخصوصا ان هي الوحيدة اللي ركبها معاه في عربيته من غير تفكير حتي. كانه بيعمل المفروض اكنها حبيبته فعلا.

مهاب: لا انا لازم مفكرش فيها لازم اخرجها من دماغي. وكويس اني مأختش رقمها علشان مضعفش واكلمها. البنت دي لخبطتني اوي من وقت ما شوفتها.

وراح مهاب شقة المهندسين وكمل السهرة مع شاهي وبات معاها هناك كمان

(تاني يوم في الصباح )

أدم اصلا منمش طول الليل وهو بيفكر في نغم ومهاب وكان هيتجنن ويعرف هما عمله ايه لما ميشيوا ومهاب عمل ايه مع نغم وكان الوقت لسة بدري جدا بس هو اول ما النهار طلع اتصل بمهاب ....

مهاب نايم في وجنبه شاهي وتليفونه يرن

أدم: الو .. يا مهاب انت نايم

مهاب: وهو نايمان علي نفسه.

ايوة يا أدم اي يا حبيبي انت كنت بتحلم بيا ولا حاجة. حد يتصل بدري كدة

أدم: معلش يا مهاب. ااانا بس كنت عايز اسألك علي حاجة

مهاب: اتنهد. حاجة ايه دي علي الصبح

أدم: انت.. انت

مهاب: لا والله انت نسيت ولا ايه طيب بص سيبني انام وابقي افتكر براحتك.

أدم: لا استني. انا بس عايز اسألك انت وصلت نغم امبارح لحد البيت ولا لا

مهاب: لما سمع اسم نغم فتح عنيه وقام قعد. ايه اه اه وصلتها لحد العمارة كمان ليه في حاجة

أدم: مهاب اوعي تكون عملت معاها حركة من حركاتك حاكم انا عارفك

مهاب: مسح شعره وابتسم. لا متخفش معملتلهاش حاجة.

أدم: مهاب مش مرتاحلك

مهاب: ههههههه انت بستجوبني ولا ايه. مالك يا أدم . هي قالتك حاجة اشتكت مني

أدم: لا انا لسة مشوفتهاش انا اصلا لسة في البيت وحتي لما اروح حيكون لسة معاد الشفت بتاعها مجاش هي بتكون في الجامعة الصبح علشان كدة كلمتك اطمن.

مهاب: لا متخفش هي كويسة. انا متأكد

في الوقت ده قلقت شاهي وقربت من مهاب وباسته وهي بتدلع

شاهي: حبيبي بتكلم مين علي الصبح كدة وساسيبني.

مهاب: ثواني بس اهدي اخلص التليفون اللي معايا

أدم: اتجنن مين اللي معاك دي يا مهاب

مهاب: ههههه ليه لو قولتلك هتعرفها.

أدم: مهاب قول بسرعة مين دي

شاهي : اخدت التليفون من مهاب وقفلته. وحطته علي الكمود

مهاب: انتي هبلة يا بت انتي ايه اللي عملتيه ده

شاهي: بدلع. ايه يا روحي عايزة اخد حقي قبل ما تسيبني وتنزل.

مهاب: ههههههه الله يخربيتك انت يا بت انتي مبتشبعيش مكفكيش اللي عملتيه امبارح ربنا يهدك

شاهي: تؤتؤتؤ انت يا حبيبي ميتشبعش منك انت غير كل الرجالة. انت مهاب. بس قولي هو لون عنيك وانت صاحي بيبقي حلو ليه كدة

مهاب: هههههه معرفش

شاهي: طيب تعالي نعرف سوا...........

أدم : رايح جاي. ومخنوق معقول ممكن تكون هي اللي معاه. لا لا نغم بنت ناس دي دكتورة لا مش ممكن تعمل كدة لا . طيب ليه اول ما سألته مين اللي معاه قفل التليفون. وكمان لما سألته عن نغم ليه قالي انه متأكد انها كويسة يقصد ايه. لا انا مخي هيطير انا لازم اكلمها واشوف.. اتصل أدم علي نغم..... بس تليفونها مقفول

أدم: مقفول ليه بقي مقفول معقول يكون صح اللي بالي . لاانا لازم اروح المستشفي حالا بس حتي لو روحت معاد الشفت بتاعها لسة بدري عليه. اوففففف يارب انا ايه بس اللي بفكر فيه ده معقول اكون حبيتها بجد وبغير عليها للدرجة دي. اتنهد الظاهر اني فعلا حبيتها. انا حروح المستشفي واستناها واحاول اعرف منها ايه اللي حصل امبارح طريقة مهاب في الكلام مش مريحاني حاسس ان في حاجة حصلت بينهم امبارح.......

((((تري يا قلب احببت من)))).. بقلم ريحانة الجنة #ريحانة

(((الحلقة الخامسة)))

في بيت نغم سهام داخلة تصحي نغم

سهام : نغم... اصحي يا نغم قومي يا حبيبتي كدة هتتأخري علي الكلية

نغم: نيمانة. صباح الخير يا سوسو

سهام: صباح الخير يا حبيبتي ايه هو مفيش كلية النهاردة

نغم: قامت قعدت وبتلعب في شعرها بحركة تدل علي الصحصة. لا مش قادرة تعبانة النهاردة. هنزل علي معاد المستشفي

سهام: مالك يا نغم اجبلك دكتور

نغم: ههههه ايه يا سوسو اتخضيتي ليه انا بس مصدعة ومش هبقي مركزة.

سهام : طيب ياحبيبتي قوليلي الحفلة كانت حلوة.

نغم: افتكرت مهاب وابتسمت. اه يا ماما كانت حلوة اوي اوي

سهام: انا كنت قلقانة عليكي لما اتأخرتي علشان عارفة انك راجعة في تاكسي لواحدك وفضلت استناكي لحد ما نمت وانا قاعدة. قوليلي حد ضايقك وانتي راجعة

نغم : لا يا ماما متقلقيش وبعدين انا مرجعتش في تاكسي

سهام : اومال رجعتي في ايه

نغم : هقولك في واحد اسمه الرائد مهاب وده يبقي شريك دكتور حسين ودكتور أدم. وكان موجود وصمم انه يوصلني.

سهام: وده ينفع يا نغم حبيبتي الناس تقول ايه لما ترجعي مع واحد في عربيته في وقت متأخر كدة

نغم: انا اسفة يا ماما بس هو صمم وكمان المكان هناك كان هادي وساكت وانا كنت خايفة بصراحة انا عارفة اني مكنش المفروض اروح الحفلة بس دكتور ادم عزمني بنفسه وكان ممكن يزعل

سهام: خلاص يا حبيبتي مفيش حاجة وبعدين انتي اصلا من حقك تغيري جو انتي من سنين مابين الكلية والمستشفي لا بتخرجي ولا بتتفسحي زي البنات مجراش حاجة وكويس ان الظابط ده وصلك اهو أكيد راجل محترم وخلي بالوا منك احسن ما كان حد اتعرضلك في المكان اللي هناك ده

نغم: حطت ايدها علي بقها وكتمت ضحكتها. وبتكلم نفسها. اه لو تعرفي هو عمل فيا ايه مكنتيش قولتي كدة

سهام: انتي بتضحكي علي ايه

نغم : انا ولا حاجة بس اصلي افتكرت حاجة كدة في الحفلة المهم قومي انتي علشان متتأخريش علي شغلك وانا هنام لحد معاد المستشفي

سهام: ماشي يا حبيبتي بس تاكلي قبل ما تنزلي فاهمة

نغم: حاضر هاكل متقلقيش.

نغم اخدت تليفونها وفتحته لقت رسايل كتير من تليفون أدم انه حاول يتصل بيها كتييير.

نغم: ايه ده كل دي مكلمات من الدكتور أدم يا تري في ايه.

وهي لسة بتكلم نفسها التليفون رن أدم

نغم: الو ايوة يا دكتور أدم

أدم: ايوة يا نغم انتي قفلة تليفونك ليه

نغم : بقلق معلش يا دكتور كنت نايمه

أدم: غار أكتر وخبط بإيده علي المكتب نايمه فين يا نغم

نغم : بإستغراب. هكون فين يا عني يا دكتور في البيت طبعا

أدم:انتي مروحتيش الكلية

نغم : لا بصراحة تعبانة وجسمي كله مكسر. هريح النهاردة

أدم: بغيظ ويتري بقي جسمك مكسر من ايه بالظبط

نغم : مش فاهمة سؤال ادم. ابدا يا دكتور عادي تعب عادي

أدم: طيب متتأخريش علي معاد الشفت بتاعك. مع السلامة

نغم قفلت وهي مش فاهمة حاجة . هو كان متصل ليه اصلا وايه الاسألة الغريبة دي يالا مش مهم انا حكمل نوم. بس اول ما حطت راسها علي المخدة افتكرت مهاب وابتسمت. غريبة هو ليه مش عايز يروح من بالي حتي لما كنت نايمة حلمت بيه بس بصراحة هو لذيذ اوي...

في مكتب مهاب مهاب داخل متنرفز وبيرزع الطبنجة بتاعته علي المكتب ووراه سامح.

مهاب: سامح مسمعش صوتك انا مش طايق نفسي

سامح: مالك يا مهاب.في ايه انت اول مرة تقعد في إجتماع وتبقي مش مركز كدة وكمان خليت اللواء سراج ياخد بالوه. واول مرة يكلمك كدة بنرفزة

مهاب: انا مخنوق اوي يا سامح

سامح: ليه بس مالك هي البت شاهندة زعلتك في حاجة ولا ايه

مهاب: تعرف اول مرة امبارح احس اني قرفان من نفسي اوي ومش عايز اعمل كدة كنت حاسس انه مغصوب وانا معاها

سامح: لا متقوليش ان مهاب عز الدين بيفكر يتوب. ده تبقي كذبة الموسم

مهاب: سامح مش ناقصاك امشي روح مكتبك

سامح : مهاب انت بتتكلم جد مالك في ايه انا كدة قلقت

مهاب: مفيش. مفيش يا سامح سيبني لوحدي دلوقتي

سامح: مهاب احنا اخوات ايه اللي حصل انت امبارح كنت مبسوط وكويس ايه اللي حصل

مهاب: اتنهد وقعد علي كرسيه. بعدين يا سامح احكيلك بعدين. سيبني بس لوحدي دلوقتي.

سامح: ماشي يا مهاب هسيبك بس شوية كدة وجاي لازم اعرف مالك

وخرج سامح ومهاب قاعد بيفكر

مهاب: ايه يا نغم مرحتيش من دماغي من ساعت ما شوفتك واخرتها انا خايف تكوني انتي اللي كنت بهرب منها من سنين. بس دي وحشتني اوي عايز اشوفها. انا هكلم أدم واخد رقمها منه واكلمها حتي اسمع صوتها. واتصل مهاب بأدم

أدم قاعد في مكتبه ومش طايق حد يكلمه وغيران جدا وتليفونه رن .. مهاب

أدم: ايوة عايز ايه يا مهاب

مهاب: أدم معلش علي اللي حصل البت اللي كانت معايا هي اللي مجنونه وقفلت التليفون متزعلش

أدم: أكيد مجنونة بيك وبحركاتك ما انت مفيش ست بتقف قدامك.

مهاب : هههههه اعتبر ده قر عيني عينك كدة.

أدم: ممكن اعرف انت عايز ايه

مهاب: مالك يا أدم بتكلمني كدة ليه

أدم: مهاب انا عندي شغل خلص لو سمحت

مهاب: اوك. انا كنت عايز رقم تليفون نغم.

أدم: ¡¡ نعم وهو انت ومعكش رقمها

مهاب: لا مش معايا ملحقتش اخدوا منها امبارح

أدم : هو انت مشوفتهاش من امبارح

مهاب: لا وهشوفها فين

أدم: هدي شوية. طيب وانت عايز رقمها ليه

مهاب: ايه اااه علشان كنت عايز اطمن عليها اصلي امبارح رخمت عليها شوية وخايف تكون زعلت

أدم: ليه يا مهاب ليه حرام عليك ما انا قيلك دي مش من البنات اللي انت بتعرفهم . يبقي علشان كدة مراحتش كليتها النهاردة. بس انا اللي غلطان انا اللي سيبتها تمشي معاك وانا عارف تصرفاتك الغير مسؤلة

مهاب: ادم انا مش ناقصك انت كمان هات رقمها وخلاص من غير كلام كتير

أدم: لا يا مهاب مش هديك الرقم وياريت تبعد عن نغم خالص وكفاية اوي انك خلتني اا

مهاب: خليتك ايه يا ادم

أدم: ولا حاجة المهم ملكش دعوة بنغم هي بتشتغل معايا وفي حمايتي وابعد عنها كفاية عليك الستات اللي حواليك

مهاب: ماشي يا أدم مش عايز منك حاجة انا هعرف ازاي اجيبه. واسمع مش مهاب عز الدين اللي حد يأمره يعمل ايه وميعملش ايه فاهم.

وقفل مهاب التليفون وكان مخنوق من أدم ومتنرفز ماشي يا أدم بتتحداني وبعدين هدي وفكر. بس أدم عنده حق نغم متستهلش تكون تكون مع واحد زيى

دي بنت بيور ورقيقة وانا عايش في مستنقع. انا خلاص ححاول ابعد عنها ومفكرش فيها. واتنهد. بس ازاي بس دي زي ما تكون اتحفرت في دماغي . اه يا نغم ملامحك وعنيكي وكلامك وضحكتك حتي شكل شفايفك وانا قريب منك مش عايز يغيب عني لحظة بجد نفسي اشوفها. وقعد مهاب علي كرسيه وسند راسه وشغل أغنيه حلوة بتحكي موقفه مع نغم من اول ما شافها وابتسم وقعد يفتكر نغم بكل تفصيلة فيها. وكانت أغنية( كانت هناك)( كانت هناك واقفة بتتكلم مع واحد معاها وفضلت انا واقف مكاني بس قلبي راح وراها. كان المكان في ناس كتير مش بس هي مابقتش شايف انا غيرها بعنية. اعرف منين ان اللي واقفة معاه يا قلبي مش حبيبها خايف اروح تحصل معايا اي حاجة مش حاببها. لو كان يا قلبي قلبها من الحب فاضي ممكن قصاد الناس اخدها في حضني عادي. وابتديت اسمع جوايا حاجة. حاجة حلمت اسمعها من سنين. والليالي الحلوة اللي في خيالي.الليلادي انا بيني وبينها خطوتين. بالصدفة كان في حد صاحبي عارفني عاليها. وقف الزمان بيا وبيها لما جات عيني في عنيها. مدت ايديها وسلمت قلبي وجعني. بالسرعة دي معقولة اكون حبيتها يعني. كان الكلام في عيونها بيقول اللي تاه فوق الشفايف. كدة خلاص مبقاش في عندي اي حجة اني ابقي خايف. قلتلها انتي اللي منايا ابقي ليها. ضحكت عيونها ضحكة لسة مش ناسيها. وابتديت اسمع جوايا حاجة. حاجة حلمت اسمعها من سنين. والليالي الحلوة اللي في خيالي اليلادي انا بيني وبينها خطوتين)

وكان مهاب سرحان في الاغنية وبيبتسم. ودخل سامح.

سامح: يا حبيبي يا رايق ده انا قلت هاجي الاقيك ضاربلك اتنين تلاتة علي الحالة اللي انا كنت سايبك فيها من شوية. اجي الايقيك بتسمع مزيكا. وبعدين مين دي يا خويا اللي كانت هناك.

مهاب: اوفففف مش ممكن عيل فصيل وربنا. انت ايه اللي جابك وبعدين انا اسمع زي ما انا عايز خليك في حالك

سامح : ماشي اسمع بس قولي بجد مالك في ايه انت متغير من ساعت ما جيت من الحفلة.

مهاب: قام وقف وسند علي المكتب وحط ايده في جيبه. سامح عايز اسألك علي حاجة

سامح: اسألني يا خويا وانا صغير

مهاب: هو فعلا في حاجة اسمها حب من اول نظرة. يعني ممكن تحب حد بسرعة كدة من اول مرة تشوفه فيها

سامح: طبعا في وهو الحب ايه غير كدة. تعرف الحب ده من وجهة نظري عامل زي ايه

مهاب: هنفتي بقي. زي ايه يا مخترع

سامح: ماشي هعديها. بس بجد هقولك زي بالظبط الفيرس كدة.يعني لما تكون صحتك حلوة كدة وزي الحصان وتخاد حمام وتخرج تعطس وتجيلك انفلونزة وترقد في السرير . الحب كدة تبقي عايش سلطان زمانك وضارب الدنيا جزمة وكل يوم مع واحدة شكل. وفجأة تقع عينك علي واحدة تحس كدة ان سهم ضرب في قلبك وبس علي كدة يا معلم تلبس بقي حب وغرام وعشق وسهر ووجع قلب.

مهاب: ابتسم ابتسامة واسعة. تعرف يالا انا كنت ظالمك وبقول عليك غبي وحمار طلعت بتفهم والله انت زي ما تكون حللت فعلا اللي حصلي

سامح: قام من علي الكرسي وهو متنح. نعم هو ايه ده اللي حصلك انت بتحب يا مهاب ومخبي عليا

مهاب: ابدا والله مش مخبي بس الحكاية كلها امبارح بس اول مرة اشوفها ولخبطيتني لخبطة يا سامح مش ممكن حاجة كدة ولا في الافلام

سامح: مسك مهاب من ايده وقعده. لا يا حبيبي انا عايزك تحكيلي بالتفصيل كل حاجة هي مين دي اللي عملت كدة في مهاب عز الدين.

مهاب: انتهد . ححكيلك. اسمع انا اول ما روحت الحفلة .........

سامح: ههههههه يا عيني دي بنت خام اوي. بس هي فعلا جميلة كدة زي ما بتقول.

مهاب: مش بس شكلها يا سامح روحها وضحكتها وكسوفها ورقتها كل حاجة فيها تخطف قلبك من اول ما تشوفها

سامح: مصدقك طبعا اللي تعمل كدة في مهاب تبقي مفيش منها.

مهاب : بس انا خايف اوي يا سامح خايف احبها اكتر واتعلق بيها اكتر وساعتها هتعب اوي

سامح: مهاب سيبك من الاوهام اللي في دماغك وعيش حياتك وحب واتجوز وافرح بقي هتفضل لحد امتي كدة الحب ما بيجيش غير مرة واحدة متضيعهاش من ايدك

مهاب: انت بتقول ايه انا اتجوز مستحيل لا طبعا

سامح: يعني ايه اومال انت كنت عايز رقمها من أدم ليه وانت عارف انها مش شمال ولا ليها في السكة اياها

مهاب : مش عارف يرد. علشان .. علشان

سامح: علشان اتعلقت بيها وعايز تعرفها اكتر طيب حتي لو ده حصل اخره ايه تفتكر هي من النوع اللي بيتسلي عادي

مهاب: معرفش بقي انا انا خلاص مش هفكر فيها واعتبرني محكتلكش حاجة فاهم .

في الوقت ده تليفون المكتب بتاع مهاب رن مهاب رد. المتصل اللواءسراج

مهاب: تحت أمرك يا سيادة اللواء.... حاضر يا فندم ثواني واكون عند حضرتك. وقفل التليفون

سامح : ايه عايزك ليه

مهاب: أكيد عايز يكمل تقطيم فيها مكفهوش اللي عمله في الاجتماع.

سامح: مهاب انت عارف اللواء سراج بيحبنا كلنا زي ولاده وخصوصا انت . بس هو استغرب منك النهاردة انت اول مرة تكون سرحان في اجتماع وخصوصا إجتماع مهم زي بتاع النهاردة. ده انت كنت اكتر واحد مهتم بكل تفاصيل العملية دي بس معلش اديني عرفت السبب

مهاب: اتنهد ياريتني ما كنت قابلتها. هي السبب ولسة لو سيبت نفسي ليها اكيد مش هقدر ابقي مهاب اللي قلبه ميت زي ما كنت

سامح : مهاب سيب نفسك وحب وعيش مش هقولك غير كدة

مهاب: لا لا يا سامح انا خلاص مش هفكر فيها مش عايز .وبنرفزة . انا رايح للواء سراج اشوفه عايزني في ايه

((((تري يا قلب احببت من))))... بقلم ريحانة الجنة

(((الحلقة السادسة))) #ريحانة

في مستشفي الدكتور حسين البدري

في مكتب أدم

أدم رايح جاي في مكتبه وهو متضايق انه شك في نغم.

أدم: منك لله يا مهاب انت اللي زرعت الشك جوايا. بس انا كنت غيران عليها اعمل ايه بس. لا بس انت يا أدم كلمتها بطريقة وحشة وتلاقيها زعلانة. بس معلش اول ما توصل انا حصالحها. ورفع أدم سماعة تليفونه.

أدم: ايوة هي الانسة نغم وصلت ولا لسة

الممرضة : لا يا دكتور لسة هي الشيفت بتاعها كمان ساعة

أدم: طيب اول ما توصل تخليها تجيلي مكتبي بسرعة حتي قبل ما تغير هدومها مفهوم .

الممرضة : حاضر يا دكتور. حاجة تانية

أدم: لا متشكر.

(في مكتب اللواء سراج )

اللواء سراج رجل كبير في السن نظرا لرتبته ومنصبه وهو شخصية ذات شموخ وهيبة ولكنه مع الظباط تلاميذه هو ليس فقط رئيسهم وكبيرهم لا فهو كأنه ابا لهم يغضب ويعاقب وينهر ولكن بحب

مهاب: خير يا سيادة اللواء خضرتك طلبتني

اللواء سراج: قام من علي مكتبه وقرب من مهاب وطبطب علي كتفه مهاب انت عارف كويس انا بعزك وبحترمك اد ايه

مهاب: طبعا سيادتك وده شرف ليا بصراحة

اللواء سراج: اقعد يا مهاب.

مهاب: قعد وهو مركز مع اللواء سراج علشان يسمع كلامه

اللواء سراج: انت يا مهاب ظابط شاطر وقوي وقلبك ميت ودي اكتر حاجة عجباني فيك. وكل رؤسائك بيثنوا عليك وعلي شطارتك. وعلي فكرة تريقيتك جاية خلاص اتمضت. بس مشكلتك بس في الجزء المهبب اللي في حياتك

مهاب : احممم تقصد ايه سيادتك

اللواء: بنفاذ صبر. مش عارف الستات اللي انت معاهم كل يوم والتاني واللي بيجولك مكتبك هنا كمان يعني حتي في مكان الشغل مش عاتق نفسك

مهاب: مسح شعره وظغط علي شفايه بإحراج. حضرتك اللي حصل ..

اللواء : قاطعه. انا مش بستجوبك. انا بس بعرفك اني مش نايم علي وداني. مهاب انا زي ما قولتلك انت ظابط شاطر وخسارة تضيع حياتك كدة ليه يا ابني مبتتجوزش احسن من العك ده

مهاب: حضرتك عارف وانا اتكلمت معاك في الموضوع ده قبل كدة.

اللواء: مهاب. انا منكرش ان كلامك صح وان احنا كلنا كمسؤلين عن حماية البلد دي ان حياتنا وحياة عائلتنا في خطر مستمر بس مفيش في ايدينا غير ان ان احنا نقوم بواجبنا علي اكمل وجه ونحاول نعيش حياتنا علي قد ما نقدر. والمصير ده بقي بتاع ربنا مش بإيدينا خليك مؤمن وماتحولش تحدد مصيرك بنفسك كل شئ مكتوب. فاهم يا مهاب

مهاب: اتنهد فاهم سيادتك

اللواء: ابتسم . تعرف لولا علاقاتك النسائية اللي اكتر من شعر راسك. انا كنت جوزتك بنتي اصل انت في الشغل بتفكرني بنفسي

مهاب: هههههههه طيب ما انا اتوب وجوزهالي سيادتك

اللواء: بعينك انا اقهر بنتي وكل يوم تجيلها واحدة تقولها انا كنت مع جوزك . ابدا

مهاب: ابتسم وهو بيمسح شعره. مقبولة منك سيادتك

اللواء: المهم انا عايزك تركز بقي في العملية الجديدة لازم تشد حيلك معايا الاخبار اللي جاتلنا ان التسليم بعد شهرين لازم نعرف معاد ومكان التسليم فاهم.

مهاب : تحت أمرك سيادتك. بس هو معلش استفسار حضرتك من شوية قلت ان ترقيتي اتمضت الكلام ده صح

اللواء: ده علي اساس اني بهزر معاك مش كدة

مهاب: لا والله حضرتك مقصودتش

اللواء: هههههههه ماشي عموما ايوة صح وان شاء الله بعد العملية اللي جاية حنقولك يا سيادة المقدم.

مهاب: ابتسم. متشكر حضرتك. وان شاء الله ارفع راسك.

اللواء: وانا متأكد من كدة

مهاب: قام وقف. حضرتك تؤمرني بحاجة تانية.

اللواء : لا يا مهاب ربنا معاك

في المستشفي

وصلت نغم في معادها للمستشفي

أسماء: نغم تعالي بسرعة دكتور أدم قالب عليكي المستشفي وسأل عليكي يجي 100 مرة

نغم : بقلق ليه في ايه

أسماء: معرفش انا من ساعة ما جيت وهو مبطلش سؤال عليكي وكمان مرڤت قالتلي انه من الصبح كان بيسأل عليكي وقالها انك اول ما تيجي تروحيلوا بسرعة حتي قبل ما تغيري

نغم : ربنا يستر انا رايحالوا

في مكتب أدم الباب يخبط

أدم: ادخل.

نغم : تفتح الباب وتدخل. مساء الخير يا دكتور أدم

أدم: وهو مبتسم بلهفة مساء النور يا نغم تعالي اقعدي

نغم : دخلت وقعدت. وهي قلقانة خير قالولي ان حضرتك سألت عليا كتيير

أدم: ايه اه اه. قوليلي مهاب عملك ايه ضايقك امبارح

نغم : سمعت اسم مهاب قلبها دق وافتكرت الليلة اللي فاتت كانت شكلها ايه. وابتسمت. حضرت الظابط معملش حاجة

أدم: نغم متخفيش منه انا اللي هقفله انا عارف مهاب كويس وعارف حركاته

نغم : بس هو فعلا معملش حاجة ده حتي وصلني لحد باب العمارة مسبنيش خالص

أدم: بس هو قالي انه رخم عليكي وكان عايز رقمك بس انا رفضت .

نغم : جزت علي اسنانهاوفي سرها. ليه بس كنت اديهوله حرام عليك

أدم: متقلقيش من حاجة انا مش هخليه يضايقك ولو حتي جاب رقمك من حد تاني وكلمك قوليلي وانا هتصرف معاه واوعي تخافي منه علشان ظابط فاهمة

نغم : حضرتك مكبر الموضوع حضرة الظابط معملش حاجة هو بس بيحب يهزر مش أكتر

أدم: استغرب انها مقلتش عنه حاجة وحشة لا كمان بتدافع عنه.

طيب يا نغم عموما انا قولتلك لو في اي وقت مهاب تجاوز حدودو معاكي قوليلي وانا هتصرف معاه

نغم : حاضر ان شاء الله. طيب بعد اذن حضرتك علشان عندي شغل

أدم: نغم اول ما تخلصي مرور تعالي علشان اشرحلك اللي فاتك النهاردة في الكلية.

نغم: ملوش لزوم حضرتك تتعب نفسك

أدم: لا مفيش تعب ولا حاجة انا منتظرك.

نغم: بإبتسامة. حاضر وخرجت نغم وهي بتكلم نفسها. ومبسوطة معني انه طلب رقمي من دكتور أدم انه بيفكر فيا زي ما انا بفكر فيه من ساعة ما شوفته. وابتسمت

أسماء: ايه يا هانم سارحانة في ايه

نغم :ايه لا لا مفيش حاجة. اوعي لما اروح اغير هدومي

(في مكتب مهاب)

قاعد قلقان وبعدين قام من علي المكتب وفضل رايح جاي بحيرة ومسح وشه وشعره بغيظ.

مهاب: وبعدين مكنتش مرة دي اللي شوفتها علشان تعمل فيا كدة تؤ اوففف لا في حاجة غلط انت من امتي بيحصلك كدة معقول اكون فعلنا حبيتها. هو فعلا ممكن يكون كلام سامح صح وان الحب بيجي فجأة كدة بس لا انا مش ممكن احبها لا دي من مرة واحدة وكنت وانا معاها اكني مسحور وضعيف معاها لا انا لازم انساها لا مش مهاب عز الدين اللي الحب يضعفه ويزلوا لا.

وبعد مرور اسبوع علي الحال ده

نغم طول الوقت بتفكر في مهاب ومش بيروح من بالها ولا لحظة ومهاب عقله مشغول بنغم وبيركز في شغله بصعوبة وطول الوقت شايفها قصاده بخجلها وضحكتها.بس مهاب كان معاند نفسه وبيتحداها انه يبعد نغم من تفكيره وينساها لكن كان فاشل ومعرفش يعمل كدة. وفي يوم مهاب في مكتبه قاعد كاعادته من يوم ما شاف نغم سرحان فيها وبيفكر يقرب منها ولا يبعد ولو حاول يبعد هل فعلا هيقدر وهو شاف نفسه الاسبوع ده عدي عليه ازاي

مهاب: قام من علي كرسيه بسرعة ولهفة لا خلاص مش قادر انا هتجنن مش عارف اكمل كدة انا حروح اشوفها اه لا مش هقدر استحمل تاني لا. وخرج مهاب من مكتبه بسرعة

في مستشفي الدكتور حسين البدري

في مكتب أدم

أدم قاعد ومعاه نغم بيشرحلها أجزاء من دراستها زي ماكان بيعمل كل يوم طول الاسبوع اللي فات بس نغم كانت مش مركزة وسرحانه في مهاب ووحشها ونفسها تشوفه

أدم: مالك يا نغم انتي مش مركزة معايا ليه

نغم: اكنها بترجع من بعيد بتفكيرها. هاه حضرتك قولت حاجة

أدم: لا انتي مش معايا خالص وسرحانة. وابتسم ممكن اعرف بقي كنتي سرحانه في ايه

نغم : بحزن. لا ابدا انا بس مصدعة من الشغل والمذاكرة مش أكتر

في الوقت ده الباب خبط خبطة واحدة واتفتح ودخل مهاب. واول ما دخل نغم قامت وقفت وابتسمت بفرحة وعنيها عليه وهي بتحاول تتأكد ان هو اه هو بكل تفاصيله هو ده الجسم القوي اللي كانت وهي ماشية جنبه حاسة بصغر جسمها هي دي ملامح الرجولة اللي اتحفرت في عقلها وقلبها هي دي العيون الرمادي الواسعة اللي تاهت فيها من اول ما بصت ليها.

اما مهاب فحدث ولا حرج اكنه لقا روحه اللي كانت ضايعة منه الاسبوع اللي فات ده وهو مسهم قصاد عنيها البني الجميلة وشفيفها اللي مغبتش عن باله ثانية وكان كل يوم بيأنب نفسة انه ما التهمهاش لما كانت معاه وماسك وشها بإيديه. علشان يروي احتياجه ليها. وفضله الاتنين لدقائق بيبصه لبعض وكأن كل واحد فيهم بيحضن التاني بعنيه. وده طبعا اثار غيرة و أعصاب أدم وقرر يقطع الصمت ده

أدم: مهاب خير ايه اللي جابك.

مهاب: وهو بيحارب نفسه علشان يقدر يبعد نظره عن نغم ويبص لادم ويكلمه.

مهاب: احممم يا أخي الناس تسلم الاول وانت تقولي ايه اللي جابك وقرب من نغم وبصلها بحنيه. ازيك يا نغم

نغم: من كتر ما كانت مش مصدقة كانت بتبصله وحاسة انها مش قادرة تتكلم

مهاب: نغم ازيك ايه انتي زعلانة مني من يومها ولا ايه

نغم: بعفوية شديدة. لا لا خالص والله

مهاب: ابتسم ابتسامة واسعة. طيب مش بتردي ليه

نغم : اتكسفت من طلقائيتها دي. احمم لا ابدا انا بس مكنتش مركزة

أدم : مش سلمت خلاص . قول بقي جاي ليه

مهاب: قعد علي الكرسي اللي جنب نغم. وكان بيبصلها. ابدا اصلك وحشتني اوي يا أدم وكنت هتجنن واشوفك. وكان بيتكلم وباصص لنغم وهو يقصدها هي وعايزها تفهم وقد كان فهمت وابتسمت بخجل.

نغم: احممم طيب عن اذنكم انا علشان عندي شغل.

مهاب:قام وقف قصاها. وهو بيتعمد لما يكلمها يبص في عنيها ايه هو اذا حضرت الشياطين ولا ايه

نغم : لا طبعا مش كدة خالص. بس انا عندي شغل

مهاب: بس انتوا كان شكلكم بتشتغلوا هنا كملوا وانا مش هعطلكم

أدم: بيجز علي سنانه. لا انا كنت بذاكر لنغم. بشرحلها حاجات

مهاب: طيب حلو اوي كملوا اللي كنتوا بتشرحوه

أدم: لا احنا خلصنا النهاردة روحي يا نغم شوفي شغلك

نغم : هزت راسها. حاضر وهي خارجة

مهاب: نغم استني. وقرب من الباب. هو انتي بتخلصي الشفت بتاعك الساعة كام

نغم: اااانا ليه

مهاب: لا عادي بسأل بس

نغم: احمم 11

مهاب: بص في ساعته. يعني كمان ساعة مش كدة

نغم: هزت راسها اه

أدم :بغيظ وغيرة. مهاب تعالي عايزك وانتي يا نغم امشي دلوقتي لو سمحتي

خرجت نغم ومهاب كان بيعض علي شافيه.

مهاب: اه يا بنت اللذين كنتي عايزة حضن وانتي جنبي كدة بس لو مكنش أدم واقف

أدم: مهاب هتفضل متنح للباب كدة كتير

مهاب: لفله بغيظ. هو اصلا مش طايقه من اسبوع لما كلمه في التليفون. نعم يا أدم عايز ايه

أدن: انا اللي بسألك انت كنت جاي ليه وعايز ايه.

مهاب: قعد وحط رجل علي رجل وولع سيجارة. وبكل ثقة رجع مهاب المغرور مش العاشق اللي كان حاضر في وجود نغم. اظن دي كمان المستشفي بتاعتي زيك تمام يعني اجي وقت ما احب. ده لو معندكش مانع

أدم: بغيظ. والله ود من امتي بقي انت عارف انت بقالك قد ايه مجتش هنا. ايه اللي جد دلوقتي

مهاب: بمنتهي الهدوء والاستفزاز. مزاجي كدة انا حر واعمل حسابك هتشوفني كتير بعد كدة

أدم: مهاب احنا طول عمرنا اخوات واصحاب بلاش تخليني اخسرك. انت عارف انا مبحبش الاسلوب ده في الكلام

مهاب: قام وقف وحط ايده في جيبه. انت عارفني من زمان مش جديد عليك. مالك بقي اليومين اللي فاتوا دول حاسس انك مش طايقني ليه

أدم: مش عارف ليه علشان البنت اللي انت بتتعمد تضايقها. وانا حزرتك اكتر من مرة انها متنفعش للي في دماغك وانت مصر انك تضايقها

مهاب: امممم . تقصد نغم

أدم: ايوة نغم. سيبها في حالها نغم مش قدك. ولا تنفعك

مهاب: انا بس نفسي اعرف انت مين قالك اني بضايقها وكمان ايه بقي اللي في دماغي وهي متنفعش ليه يا ادم

أدم: انت عارف انا بتكلم عن ايه.

مهاب: اممم. طيب بص يا ادم انا عايزك تسأل نغم اذا كنت بضايقها ولا لا. ولو يا أدم قالتلك اه اوعدك ان لا انت ولا هي هتشوفوني تاني . واعمل حسابك لحد ده مايحصل انا هكلم دكتور حسين يجهزلي مكتب هنا في المستشفي وهكون موجود هنا بإستمرار. عن اذنك يا دكتور ادم

وخرج مهاب وهو ماشي كل الممرضات كانوا بيتكلموا عليه

مرڤت: شوفتي يا أسماء مش ممكن. هو في كدة

اسماء: مسبلة لمهاب وبتتنهد. اه يا مرڤت انا مش عارفة مهاب بيه ده كان فين من زمان. انا مصدقتش الامن لما قالولي انه هو ده شيريك الدكتور حسين

مرڤت: بيقولوا ظابط.

هناء: باين انه ظابط اوي

مرڤت: هههههههههه

هناء: ضميرك وحش مقصدش اللي في دماغك.

مرڤت: طيب عيني في عينك كدة.

هناء: لا انا عيني عليه هو .

مرڤت: ههههههههه الله يخربيتك ما خلاص مشي فوقي بقي .

خلصت نغم شغلها في المستشفي وهي خارجة. وماشية لقت مهاب واقف قدام عربيته وساند ظهره عليها وحاطت ايده في جيبه وبيبص عليها واول ما شافها ندهلها

مهاب : نغم .. نغم وشاورلها تعالي.

نغم : قربت منه وهي مكسوفة. احمم خير حضرتك عايز حاجة

مهاب: اتعدل في وقفته وربع ايده. تاني حضرتك انتي مبتحرميش.

نغم: بصت في الارض ومردتش.

مهاب: اممم. واضح ان انا بضايقك فعلا زي ما قال أدم. يظهر انك اشتكتيلوا

نغم : بإندفاع. لا لا محصلش انا مشتكتلوش والله

مهاب: اتنهد وبصلها بعتاب طيب ليه هو قالي كدة

نغم : بصراحة مش عارفة.بس اه هو اللي قالي علي فكرة ان انت اللي قولتلوا انك رخمت عليا لكن انا مقولتش حاجة

مهاب : ابتسم. يعني انا مش بضايقك

نغم: بكسوف. لا مفيش حاجة. عن اذنك علشان اتأخرت

مهاب: راحة فين تعالي اوصلك في طريقي

نغم : لا متشكرة. مش هينفع

مهاب: ليه بس الوقت اتأخر وبعدين لسة كتير علي الشارع العمومي والشارع ده هادي جدا.

نغم: لا عادي انا متعودة علي كدة ربنا معايا متقلقش.

مهاب: لا طبعا اقلق. تعالي بس اسمعي الكلام

نغم: علي فكرة انا لما ركبت مع حضرتك قبل كدة كان لظرف معين مش لاني بنت سهلة بتركب مع اي حد

مهاب: اممم وهو مين قالك اني فاكرك سهلة. بصي يا نغم انا عمري ما عرضت علي واحدة انها تركب معايا وعلي فكرة انتي اول ست تقعد علي الكرسي اللي جنبي ده بعد طنط دولت والدة أدم

نغم: تنحت. معقول ازاي

مهاب: هو كدة من غير ازاي. هاه هتيجي اوصلك

نغم: اصل بصراحة ماما زعلت مني لما عرفت انك وصلتني يوم الحفلة علشان مينفعش ارجع بالليل مع واحد في عربيته. وانا وعتها انها مش هتتكرر

مهاب: ابتسم. هو انتي بتحكي لمامتك كل حاجة

نغم: اه طبعا هي مش بس مامتي دي صاحبتي كمان.

مهاب: انا معاكي بس اكنك مثلا راكبة تاكسي عادي

نغم: حضرتك التاكسي ده وسيلة مواصلات كل الناس بتركبها عادي لكن لما ارجع في عربية خاصة ده مش عادي

مهاب: مسح شعره بإيده وابتسم. اممم منطق بردوا. بس انا قلقان عليكي

نغم: لا متقلقش وبعدين حتي لو خليتك توصلني النهاردة حعمل ايه بكرة وبعده

مهاب: لا متقلقيش من بكرة وبعده دول سيبهم عليا انا

نغم: يعني ايه مش فاهمة.

مهاب: ايه ده هو انا مقولتلكيش

نغم : هههه لا مقولتليش.

مهاب: هههه اصل انا يا سيتي ناوي اجي ادير المستشفي مع أدم.

نغم: بفرحة. بجد يعني هتيجي كل يوم

مهاب: ابتسم. لما حس انها هتكون مبسوطة من وجوده. اه بجد بس يا رب بقي اعجبكم ومحدش في المستشفي يضايق من وجودي

نغم: بتكلم نفسها بهمس. تعجبهم طيب دول كانوا هيكلوك بعنبهم جوا.

مهاب: بتقولي حاجة

نغم: ايه لا لا مفيش. بس انا واثقة انهم هيحبوك. بس اه

مهاب: بس ايه

نغم: لا بس اصل حضرتك اوقات بتخوف

مهاب : ضحك ضحكة عالية. هههههههه انا بخوف ليه بقي ده انا حتي طيب وحنين والله

نغم: يعني بصراحة بتقلب بسرعة من شخص متنرفز لشخص بيهزر مببقاش فهماك

مهاب: قرب منها. لا انتي بالذات اوعي تخافي مني. بس لازم تتعودي علي كدة لان انا فعلا بقلب في ثانية

نغم: رجعت لورا. احمم انا ماشية

مهاب: ماشي بس همشي وراكي بالعربية لحد ما تخرجي من الشارع ده مفهوم

نغم : بس اه

مهاب: ششش مفيش بس خلصت اتفضلي امشي وانا وراكي

مشيت نغم وهي حاسة بسعادة متتوصفش معقول الهيبة والشخصية دي بيقرب مني انا. بس فجأة خافت طيب هو عايز مني ايه ليكون ... لا لا بس انا كدة هبتدي اخاف منه وبعدين ده جاي المستشفي. وهشوفه بإستمرار. ربنا يستر

مهاب ماشي جنب نغم بالعربية بسرعة بطيئة وبيتابعها بعنيه وهو مستغرب نفسه ليه بيعمل معاها كدة وليه هي بالذات . اتنهد وبعدين شغل سي دي العربية وكانت أغنيه حلوة خلت نغم تبتسم غصب عنها وكأن مهاب بيعاتبها انها مركبتش معاه بس بطريقة لذيذة.

وكانت أغنية (جري ايه لحماقي)( جري ايه بتعمل كل ده ليه. علي ايه تعابني معاك علي ايه وده ليه كل ده علشان بحبك بحبك بحبك. عامل ملاك وبرئ ورقيق واتاريك اتاريك. بالك طويل يا حبيبي وتقيل مايبنش عليك. جري ايه تعابني معاك علي ايه وده ليه كل ده علشان بحبك بحبك بحبك. صابر عليك بناديك واداديك. علي الحال ده بعيش. ما انا لو لفيت علي 30 بيت زيك مالقيش جري ايه بتعمل كل ده ليه علي ايه كل ده علشان بحبك بحبك بحبك)

وفضل مهاب ماشي ورا نغم لحد ما ركبت وروحت ومش وراها لحد البيت واول ما نزلت من التاكسي عند العمارة. ولفت شافت مهاب واقف بعربيته وابتسم لها وغمزها. تصبحي علي خير. ومشي بالعربية كأنه بيقولها بردوا وصلتك ومسبتكيش.

وطلعت نغم وهي حاسة انها هتطير من الفرحة بإهتمام مهاب بيها. ونامت وهي بتفكر فيه.

((((تري يا قلب احببت من)))).. بقلم ريحانة الجنة

(((الحلقة السابعة))) #ريحانة

وفعلا مهاب عمل اللي قال عليه وخلي الدكتور حسين يجهزلوا مكتب في المستشفي وكان كل يوم بالليل بعد ما يخلص شغله يروح علشان يشوف نغم وكان اوقات يبعتلها في مكتبه ويقعد يتكلم معاها في اي كلام المهم تكون معاه وطبعا بشخصية زي شخصية مهاب الغريبة دي كانت موضع فضول من نغم انها تقرب منه وتحاول تفهمه اللي جانب انها ابتدت تحس انها فعلا بتحبه. وعدي علي الكلام ده حاوالي شهر ونص وفعلا مهاب كان قرب من نغم جدا ومبقاش بيقدر يبعد عنها وكان بيخلص شغله بسرعة علشان يلحقها في المستشفي قبل ما تمشي وكمان كان كل يوم يمشي وراها بالعربية وهي راكبة التاكسي لحد البيت وهي كانت بتشوفه بس مهاب كان كل ما يجي يعترفلها انه حاسس ناحيتها بحاجة كان يتراجع ويخاف لانه عارف لو اعترفلها خلاص مش حيسيبها واكيد هيتجوزها.

أما أدم كان كل يوم حزنه بيزيد وهو شايف مهاب بيقرب من نغم وكمان هي مرتاحة للقرب ده وحس انها معجبة بمهاب وقرر انه يتراجع وميحولش يقرب من نغم تاني ويتعامل معاها في حدود الشغل بس بس اوقات كتير كان بيضعف وبيحنلها غصب عنه.

وفي يوم مهاب كان في مكتبه الصبح وبيشتغل ودخل عليه سامح

سامح: شوفت يا عم القرف بيقولوا في قنبلة عند الجامعة انفجرت دلوقتي

مهاب: ساب اللي في ايده وقام مفزوع . نغم دي عندها محضرات النهاردة وحاول يخرج بسرعة

سامح: استني بس كلمها الاول وشوفها فين

مهاب: طلع تليفونه واتصل بنغم.... يوه متنيل مقفول اوعي يا سامح لازم اطمن عليها بسرعة

سامح: مسكه من ايده استني. طيب لو اللواء سراج سأل عليك. اقوله ايه

مهاب: يووووه انت كمان قولو اي حاجة بص قولوا بيجيب معلومات للعملية بتاعتنا واوعي بقي من قدامي . وخرج مهاب وساق وهو طاير علي جامعة نغم وطول الطريق بيتصل بيها. بس تليفونها لسة مقفول ووصل عند الجامعة ونزل بسرعة وبيحاول يكلمها تاني لقي جرس ....

نغم: الو.

مهاب: بعصبية انتي فين مبترديش ليه بكلمك كتير وانتي تليفونك مقفول

نغم: حححضرتك انا في الجامعة و لسة بدري علي معاد المستشفي.

مهاب: ما تتحرق المستشفي. انا مش بكلمك علشان كدة. المهم انتي فين انا واقف قدام الجامعة عند الباب الرئيسي.

نغم: كانت قريبة منه بس معاها اصحابها. ااانا قريبة منك بس هو حضرتك جاي ليه.

مهاب: انتي هتحققي معايا تعالي بسرعة انا مستنيكي.

نغم : قفلت التليفون وهي مش عارفة تروحلوا ولا لا طيب زمايلها هيقولوا عليها ايه. بس خافت من طريقة مهاب في الكلام كان متنرفز وبيزعق وهي لما بيبقي كدة بتخاف وكمان عايزة تعرف هو جاي ليه اكيد في حاجة كبيرة حصلت خلته يجيلها الجامعة. استأذنت من صحابها وراحت علي المكان اللي مهاب قالها عليه ولقته واقف قصاد عربيته وشكله متوتر. مهاب اول ما شافها قرب عليها بلهفة وبسرعة مسك ايديها وقربها منه

مهاب: نغم انتي كويسة حصلك حاجة

نغم : تنحت من التغير المفاجئ ده هو ده اللي كان لسة هيضربها في التليفون. وكمان اتكسفت لما مسك ايديها. وحاولت تشدها براحة. احمم اه انا كويسة ليه في ايه

مهاب: اخد نفسه ومسح شعره بإيده. في قنبلة انفجرت من شوية وانا كنت هتجنن عليكي وسياتك قافلة تليفونك وسايباني اخمن بقي حصلك ايه لما كان عقلي هيطير.

نغم: قلبها دق وابتسمت. معقول هي غالية عليه اوي كدة علشان يتلهف عليها كل اللهفة دي. اصل حضرتك انا كان عندي محاضرة وببقي قافلة التليفون ولسة مخلصة حالا

مهاب: قرب منها اكتر وابتسم. خلاص محصلش حاجة المهم انك بخير.

في الوقت ده قرب عليهم نادر زميل نغم. وهو متضايق ومستغرب مين اللي نغم بتكلمه وقريب منها كدة

نادر: دكتورة نغم في حاجة

نغم: ارتبكت. ايه لا مفيش

مهاب: الدم غلي في دماغه. وعنيه كلها شرار. وده مين بقي ان شاء الله

نادر: انت اللي مين

مهاب: نعم يا حيلتها وانت مالك. انا اللي بسأل.

نغم: براحة حضرتك ده نادر زميلي في الجامعة

مهاب: بصلها بشزر وغيظ. زميلك دي جوه الجامعة مش براها وكمان مش مسموح تتكلمي مع حد جوه الجامعة مفهوم.

نغم: استغربت من طريقته ده اكنه بيكلم خطيبته او مراته. سكتت

نادر: اتغاظ. وانت مالك انت وكمان انت مين وعايز منها ايه.

مهاب: امشي يالا انت من قدامي بدل اقسم بالله ادفنك هنا.

نادر: ليه انت فاكرها سايبة انا هندهلك الامن

مهاب: طلع مسدسه. من ظهره. انا الامن يا روح امك

نغم: شهقت وهطت ايديها علي بقها وخافت. ومسكت ايد مهاب. ارجوك يا سيادة الرائد. اهدي هو بس بيطمن عليا.

مهاب: وهو مال امه بيكي ما يخليه في حالو.

نادر: مين ده يا نغم وليه خايفة منه كدة علشان ظابط ولا يهمك البلد فيها قانون

مهاب: قرب من نادر يضربه.

نغم : مسكته من دراعه تاني. ثانية بس حضرتك. يا نادر ده يبقي الرائد مهاب صاحب المستشفي اللي بشتغل فيها.

نادر: حتي لو كدة مش من حقه يكلمك كدة

مهاب: مش عارف يمسك نفسه قرب من نادر ومسه من هدومه وضربه بالبوكس

نغم : خافت ان مهاب يأذي نادر اكتر خصوصا مع فرق الجسم مهاب جسمه اقوي اكبر وعضلاته هتفرتك قميصه ونادر شاب بجسم عادي والي حد ما رفيع ومش هيستحمل ضرب مهاب

و كمان في ناس كتير اتلمت عليهم وكمان الامن بتاع الجامعة.

نغم : قربت من مهاب ومسكت ايده وبتعيط. لو سمحت كفاية هو معملش حاجة.

مهاب: ساب نادر بعد ما ضربه اكتر من ضربه مقدرش نادر يرد منهم ضربه واحدة. ومسك ايد نغم وجرها وراه وفتح باب العربية وركبها ولف وركب عربيته وساق بسرعة وهو متنرفز وكلمها وهو بيجز علي سنانه.

مهاب: ممكن اعرف في ايه بينك وبينه

نغم: بتعيط. والله مفيش حاجة هو زميلي بس مش أكتر

مهاب: طيب ليه كان بيكلمك اكن في حاجة بينكم.

نغم : لا والله بس حضرتك اللي عصبي وفهمت غلط. هو عارف اني مبتكلمش مع حد وخصوصا بره الجامعة فأكيد استغرب بس مش أكتر

مهاب: هدي ولان شوية. وبصلها بحنيه. طيب انتي بتعيطي ليه دلوقتي

نغم: علشان انا خلاص اتحطيت في موقف وحش وكل زمايلي هيتكلموا عليا بعد اللي حصل. وانا من وقت ما دخلت الجامعة عمر ما حد اتكلم عني كلمة وحشة.

مهاب: طيب خلي كدة اي كلب فيهم يجيب سيرتك بكلمة وهو يبقي الجاني علي نفسه

نغم : بنرفزة انا بقي عايزة اعرف ليه حضرتك بتعمل كدة وليه مهتم بيا كدة وكل يوم تمشي ورايا لحد البيت بعربيتك وكمان اللي عملته النهاردة انت عايز مني ايه

مهاب: مبقاش عارف يرد. لو قال غير الحقيقة. ممكن تروح منه. ولو قال الحقيقة مش عارف النتيحة هتكون ايه.

نغم: ممكن اعرف انت ساكت ليه رد عليا انت بتعمل كدة ليه.

مهاب: وقف العربية. وبصلها بهدوء. علشان بحبك.

نغم: ملامحها المتعصبة لانت واتصدمت. ايه انت قولت ايه

مهاب: كررها تاني علشان بحبك بحبك يا نغم وعمري ماحبيت غيرك.

نغم: بتحاول تستوعب. معقول مهاب بيحبها فعلا.

مهاب: ساكته ليه

نغم: هقول ايه.

مهاب: تقولي اللي جواكي تقولي حاسة بيا ولا لا انا ايه بالنسبة ليكي.يا نغم

نغم: من كسوفها مش عارفة ترد.

مهاب: بص قدامه بحزن. يظهر اني اتسرعت في كلامي واضح ان في حد تاني

نغم: بإندفاع. لا والله مفيش حد تاني انا كمان ب..

مهاب: انتي كمان ايه يا نغم قولي

نغم: انا كمان بحبك

مهاب: اخد نفسه وابتسم واخد ايدها وباسها بحنية اخيرا يا نغم قولتيها

نغم: خدودها احمرت. واتكسفت وبصت الناحية التانية

مهاب: مسك ذقنها ولف وشها ليه. نغم اوعي تتكسفي مني انا بالذات انا حبيبك

نغم : بصتله. معقول انت حبيبي انا

مهاب: اه يا حبيبتي حبيبك انتي انا عمري ما كنت اتخيل اني اقول الكلمة دي لحد يا نغم انتي عملتي اللي مفيش واكدة غيرك عرفت تعمله. وبهزار. دخلتي قلب مهاب عز الدين اللي كان مقفول انتي بس اللي عرفتي تفتحيه.

نغم: ابتسمت بخجل.

مهاب: مسك ايديها. نغم ممكن نروح مكان نتكلم فيه عايز اتكلم معاكي ممكن.

نغم: هزت راسها. ممكن.

مهاب: ابتسم وباس ايديها. ودور العربية وساق. ومسك ايديها تاني وهو سايق.

نغم: ممكن تسيب ايدي انا اول مرة حد يمسك ايدي كدة

مهاب: اولا انا مش حد انا مهاب. ثانيا أنا اول واخر واحد هيمسكها. ثالثا بقي وده الاهم اني مش هسيبها انا مصدقت امسكها اصلا

نغم: ابتسمت. وسكتت

ومهاب اخدها مطعم هادي جدا وشيك وقدوا مع بعض. ومهاب من وقت ما قعدوا وهو بيبصلها وسكت.

نغم : انت بتبصلي كدة ليه

مهاب: انتهد. اصلي بصراحة مش مصدق اني اعترفتلك بحبي وانتي كمان اعترفتيلي انك بتحبيني. حاسس بحاجة غريبة

نغم : حاجة ايه.

مهاب: بحزن. حاسس اني خايف

نغم: خايف؟؟ من ايه

مهاب: مش عارف اذا كنتي هتفهميني ولا لا

نغم: هفهمك بس اتكلم.

مهاب: اتنهد. نغم انا كانت اخر حاجة ممكن افكر فيها ان انا احب . لان متأكد ان الحب ضعف وانا عمري ما كنت ضعيف ولا احب اكون ضعيف

نغم: بس الحب مش ضعف. الحب شئ جميل الضعف فينا احنا مش في الحب

مهاب: بس انا مش بسهولة ابان ضعيف . نغم انتي متعرفيش شغلي صعب ازاي

نغم: وايه علاقة شغلك بالحب

مهاب: علاقة قويه. انا ممكن في لحظة اخد رصاصة في اي عملية من اللي بكون فيها واموت وابقي سيبتك لمين وقتها. لو اتجوزنا وخلفنا اسيب ابني ولا بنتي لمين. بلاش احنا كل يوم والتاني واحد فينا بيتهدد بسبب شغله اللي يهددوه بمراته واللي بولاده واللي بأهله. بس انا عمري ما دخلت عملية وانا خايف. علشان ببساطة معنيش اللي اخسره لكن من وقت ما انتي دخلتي حياتي وانا بقيت بخاف بخاف عليكي تضيعي من او تتأذي بسببي. بخاف علي نفسي علشانك علشان متحرمش منك. نغم انا بجد تعبان ومحتار . مش عارف اعمل ايه اكون اناني واكمل معاكي وانا عارف ايه اللي ممكن يحصل علي الاقل في ابسط الظروف اني اموت واسيبك لوحدك. ولا اني اسيبك تشوفي حياتك بعيد عني وانا اتعذب كل يوم في بعدك.

نغم: دمعت. معقول انت مهاب . جواك كل المشاعر دي معقول بتحبني للدرجة دي

مهاب: اتنهد بحرقة. اه يا نغم جوايا كل ده انا في حرب مع نفسي من يوم ما شوفتك. ولولا اللي حصل النهاردة مش عارف كنت هعترفلك امتي.

نغم: مسكت ايده. انا معاك ومش هسيبك. وسيب بكرة واللي هيحصل فيه علي ربنا متحملش هم قدر مش في ايدك

مهاب: استغرب وفرح انها هي اللي مسكت ايده. يعني لو في يوم اتأذيتي بسببي مش هتلوميني .

نغم: هزت راسها يمين وشمال. تؤتؤ لا مش هلومك. لان ببساطة اي اذي بنشوفه بيبقي بقدر ربنا ملناش دخل فيه.

مهاب: بحبك يا نغم بحبك اوي اوي

نغم: انا كمان بحبك اوي يا مهاب

مهاب: باس ايديها. نغم تتجوزيني

نغم : 😍😍😍😍

#

((((تري يا قلب احببت من)))... بقلم ريحانة الجنة

(((الحلقة الثامنة))) #ريحانة

نغم: سهمت وتنحت من طلب مهاب مكنتش متوقعة انه يطلبها للجواز بالسرعة دي.

مهاب: نغم . نغم مالك في ايه انتي سمعتيني. كويس

نغم: ابتلعت ريقها بصعوبة. قول تاني كدة

مهاب: ههههههه. وهو بيضغط علي الحروف. تتجوزيني

نغم: ابتسمت. وهزت راسها.

مهاب: اتنهد اوعدك اني احاول اسعدك واحميكي لحد اخر نفس جوايا. مستحيل اخلي حد يأذيكي.

نغم: انا متأكدة من كدة

مهاب: طيب قوليلي بقي اجي اتقدملك امتي.

نغم : حكلم ماما واتفق معاك.

مهاب: قام من علي كرسيه وقعد علي الكرسي اللي جنب نغم. ومسك ايديها وباسها. معقول انتي حتبقي مراتي

نغم: اتكسفت وباصت في الارض

مهاب: ههههههه. تعرفي انا معرفتش يعني ايه بنت بتتكسف الا معاكي.

نغم: عقدت حاجبها. ليه عمرك ما شوفت بنت بتتكسف قبل كدة

مهاب: ههههههههه خالص. كل اللي عرفتهم ميعرفوش الكسوف ده ولا عدي عليهم اصلا

نغم: وشها احمر واتغاظت. نعم ايه كل اللي عرفتهم دي انت بتعرف ستات كتير ولا ايه

مهاب: مسح شعره بإيده. وعض علي شفايفه. بصراحة كتيييير.

نغم : اتضايقت اكتر وشدت ايديها منه وباصت الناحية التانية وهي مبوزة

مهاب: ابتسم. ولف شها ليه بإيده. بس عمري ما حبيت ولا اتمنيت غير واحدة بس انتي يا حبيبتي.

نغم: ابتسمت. بجد يعني محبتش واحدة منهم.

مهاب: تؤتؤتؤ عمري ما عرفت يعني ايه حب الا لما شوفتك اول مرة.

نغم: انا كمان اتعلقت بيك من اول يوم شوفتك فيه. ومغبتش عن بالي يوم واحد

مهاب: يوم بحاله. انتي بقي مبتغيش عني لحظة علي طول في قلبي وعقلي

نغم: باصت في الساعة واتخضت.مش ممكن انا كدة هتأخر علي معد المستشفي. وقامت وقفت.

مهاب: بكل هدوء. شدها من ايديها وقعدها تاني. مستشفي ايه بس دلوقتي. اذا كان صاحبها قاعد معاكي. خايفة من مين. نغم انتي هتبقي مراتي مراة مهاب عز الدين يعني متخفيش من حد ولا تعملي حساب لمخلوق. فاهمة

نغم: بس الدكتور أدم

مهاب: قاطعها. ملكيش دعوة بحد لو فكر ادم يكلمك قوليوا. كلم مهاب سامعة

نغم: بس ده شغل ملوش دعوة بحياتنا الخاصة.

مهاب: يبقي خلاص تسيبي الشغل ده من النهاردة وكفاية عليكي الجامعة.

نغم : لا يا مهاب مستحيل

مهاب: ليه بس انتي هتبقي مراتي وملزمة مني اللي تحتاجيه انا اديهولك وبلاش حكاية المستشفي دي

نغم: بإحراج. لا طبعا انا لسة مبقتش مراتك. لما نتجوز ابقي ساعتها ملزمة منك. لكن دلوقتي اسفة مش ممكن اخد حاجة من حد.

مهاب: نغم انتي زعلتي يا حبيبي والله انا بس خايف عليكي وعايز اريحك.

نغم: مهاب احنا الحمد لله مش محتاجين حاجة من حد. معاش بابا وشغل ماما وشغلي مريحنا وعمرنا ما طلبنا حاجة من حد

مهاب: لاحظي انك قولتي حد دي اكتر من مرة وانا قلتلك قبل كدة انا مش اي حد.

نغم: يا مهاب مقصدش. بس انا فعلا مقدرش اسيب الشغل الا لما اخلص السنة دي وكمان أمجد يتخرج هو كمان

مهاب: اه مش هو في اخر سنة في كلية صيدلة

نغم: اه وكمان ندي اختي السنة دي ثانوية عامة. مقدرش اسيب الشغل في الوقت ده دي اهم سنة لينا كلنا

مهاب: اتنهد بحيرة. طيب ايه رأيك نتجوز بسرعة وساعتها حتبقي مراتي وابقي اديهم اللي هما عايزينوا

نغم: مهاب لتاني مرة بتجرحني. احنا مبنشحتش. وحتي لو انا اتجوزتك فانا اللي حتجوزك. مش اهلي ولا انا ولا هما هنقبل انك تصرف عليهم.

مهاب: انتي ليه مكبرة الموضوع كدة بس. عادي يا نغم

نغم : لا مش عادي. بص يا مهاب السنة دي مهمة لينا كلنا انا هتخرج وأمجد كمان. وندي تدخل الجامعة ان شاء الله. كمان انا مقدرش اتجوزك الا لما اخلص. علشان أمجد يكون اتخرج واشتغل ويقدر هو يساعد ماما انا مكلمالوا واحد من شركة الادوية اللي المستشفي بتتعامل معاها وهو وعدني انه يشغله معاه. اول لما يتخرج.

مهاب: جز علي سنانه. مكلامله مين يا حبيبتي. اسمعي بقي من هنا ورايح المحك بس بتتكلمي مع اي راجل حدبحك فاهمة.

نغم: ليه بقي هعيش مع الناس خرسة.

مهاب: اه يا نغم عيش خرسة وكلي عيش معايا بدل ما اخرسك انا.

نغم: لا بقولك ايه انت متتكلمش معايا كدة.

مهاب: مسك ايديهاوضغط عليها. ومازال بيجز علي سنانه. انا محدش يأمرني فاهمة واللي اقول عليه يتنفذ الكلام مع اي راجل في اضيق الحدود واضح

نغم: اي ايدي يا مهاب. كدة. لاعلي فكرة انا انا اصلا كنت بخاف منك ودلوقتي خفت اكتر.

مهاب: اتنهد بنفاذ صبر. ليه بتخافي مني ليه كل ده علشان غيران عليكي

نغم: مش بس الغيرة انتي عصبي ومبتتحكمش في اعصابك. وده مش هينفع.

مهاب: مسح وشه بإيده بيحاول يهدي. هو ايه ده اللي مش هينفع.

نغم: اننا نكمل مع بعض.

مهاب: فرد ايده وحاوط نغم من ذرعها. وضغط عليه بقوة وهو متغاظ. انتي خلاص بقيتي بتاعتي وليا وبس مفيهاش كلام يعني لو سمعتك قولتي كدة تاني. انتي حرة فاهمة

نغم: خافت من مهاب. ودمعت.

مهاب: حس انه اتنرفز عليها وصعبت عليه. حبيبي بتعيطي ليه.

نغم: مهاب انا بحبك بس بجد بخاف منك انت بتقلب بسرعة من النقيض للنقيض. ودي حاجة تخوف.

مهاب: عض علي شفايفة وهو بيأنب نفسه. معلش يا حبيبتي بس ده طبعي انا مبحبش حد يا نقشني اتعودت علي كدة

نغم: بس انا المفروض مش اي حد صح

مهاب: ابتسم. صح وصح الصح كمان. بس اغذريني انا بحبك و بغير عليكي. وانتي نرفزتيني بكلامك. بتقوليلي منكملش عايزاني اعمل ايه مش فاهم

نغم: معلش انا خاني التعبير مقصودش

مهاب: هههههه ياربي. ايه بس البرائة دي. وباس ايديها. حقك عليا يا روحي متزعليش

نغم: ابتسمت. خلاص مش زعلانة.

مهاب: اتنهد. طيب يا نغم انا مش هلح عليكي في حكاية الشغل دي وهسيبك تخلصي السنة دي وكل حاجة تبقي تمام. بس هنعمل خطوبة لحد لما تخلصي اوك.

نغم: ابتسمت وهزت راسها. اوك. ممكن بقي تسيبني اروح المستشفي علشان بجد اتأخرت.

مهاب: ماشي بس جمدي قلبك كدة انتي معايا تعالي يالا انا رايح معاكي.

واخد مهاب نغم وراحه المستشفي. وهما داخلين.

نغم: انا هدخل الاول. وانت ابقي ادخل بعدي مش عايزة حد يتكلم عني لحد ما نتخطب.

مهاب: مردش عليها ومسك ايديها واخدها ودخل قدام كل المستشفي.

نغم: اتكسفت. وبتحاول توقفه. مهاب ايه اللي بتعمله ده استني بس

وطبعا كل اللي شاغلين في المستشفي والممرضات باصين ومتنحين للي لمهاب ونغم وهما داخلين وماسكين ايدين بعض ومهاب واخدها علي مكتبه وهي وشها احمر من كتر الكسوف وكل زاميلها بيبوصاها بأستغراب. لحد ما وصل مهاب ونغم قصاد مكتب مهاب بس قابلهم أدم اللي اول ما شافهم عقد حاجبه في غضب وباص علي ايديهم اللي مشبكنها في بعض

أدم: ايه ده يا مهاب

مهاب: بص لنغم وابتسم. مش هتباركلنا يا ادم انا ونغم هنتجوز. ولف لباقي الممرضات اللي كانوا اكنهم مضروبين علي دماغهم ومتنحين. وانتوا متنسوش تباركوا لنغم علشان خطوبتنا قريب وشد نغم وراح مكتبه وقفل الباب

طبعا كلمهم مش مصدقين ان مهاب هيتجوز نغم. واتفاجؤا هي ليه مقلتلهمش حاجة. أما أدم فكان لسة واقف مكانه من الصدمة لانه متوقعش ان مهاب يتجوزها هو كان فاكره ممكن يحاول يشاغلها شوية وخلاص خصوصا انه عارف ان مهاب مش بتاع جواز بس فاق علي همسات الممرضات

مرڤت : شوفتي بنت المحظوظة هتتجوز مهاب بيه القمر ده وعاملة نفسها غلبانة

أسماء: انا مش مصدقة معقول. طيب ليه مقالتلناش واحنا يعني نكرهلها الخير.

أدم: بغيظ. ممكن كل واحدة علي شغلها. مش هنسيب شغلنا ونقعد نرغي. ودخل مكتبه وهو حزين حزن ميتوصفش.

أدم: قعد علي الكرسي وهو بيحاول يتماسك. كدة يا مهاب بالسرعة دي مقعقول هتتجوزها يعني خلاص مفيش امل انها تكون ليا. ليه يا نغم ليه. انا حبيتك وكنت فاكرك حاسة بيا. مهاب عمره ما هيحبك قدي. مهاب مينفعكيش مهاب اناني وانتي هتتعبي معاه انا عارف. ليه بس ليه أدم حاول يمسك دمعة هاربة من عنيه. بس نزلت غصب عنه.

في مكتب مهاب.

مهاب: ههههههههه ممكن اعرف بس انتي مكسوفة من ايه.

نغم: من اللي حصل. انت مشوفتش كانوا بيبوصلنا ازاي.

مهاب: يا حبيبتي عادي. هو انا قولتاهم احنا متصاحبين. انا قلتلهم اننا هنتجوز . انتي بس اتعاملي عادي. انا قلتلهم كدة علشان لو حد فكر يضايقك يفهم وضعك الجديد فاهمة يا روحي

نغم: هزت راسها وقامت. انا هروح بقي علشان عندي شغل.

مهاب: قام وقف وقرب منها. ومسك وشها بإيده. اوعي تخافي ولا تقلقي من حاجة طول ما انا موجود

نغم : بصتله. وابتسمت حاضر

مهاب: ابتسم. احلي حاضر سمعتها كل كلمه بتطلع منك ليها طعم تاني اكني اول مرة باسمعها.

نغم: بصت في الارض.وسكتت

مهاب: قرب منها أكتر وكان بيفكر انه يخطف منها بوسة. بس الباب اتفتح ودخل أدم.

نغم: حاولت تبعد عن مهاب وهي محرجة من أدم.

مهاب: فضل متمسك بيها ومخلهاش تبعد. وبص لأدم خير يا أدم في حاجة

أدم: اللي كان بيحاول يداري غيرته. احمم اه كنت عايزك . نغم اظن عندك شغل وأكيد شغلك مش هنا اتفضلي روحي علي شغلك.

نغم: اتكسفت. حاضر يا دكتور. وبتحاول تفك ايد مهاب من ايديها.

مهاب: متمسك بيها. واتغاظ من أدم. ادم نغم خطيبتي وهتبقي مراتي مراة مهاب يعني مفيش مخلوق يكلمها كدة. تجي وقت ما تحب وتشتغل وقت ما تحب ومتكلمهاش كدة تاني. واضح

نغم : مهاب دكتور ادم عنده حق ده شغلي لو سمحت سيب ايدي علشان اروح علي شغلي.

مهاب: لفلها ومسك ايدها التانيةوباس ايديها الاتنين بحنية. حبيبتي متخفيش من حد ولو حد بره اتنفس معاكي تقوليلي وانا اربيه فاهمة يا روحي

نغم : ابتسمت. لانها حاست بالامان اللي كانت مفتقضاه من وقت موت باباها وان في حد بيدافع عنها. فاهمةعن اذنكم. وخرجت

مهاب: لف لادم وهو بيحط ايده في جيبه. وهو متنرفز. أدم لو فكرت تضايق نغم بكلمة تاني انا مش هسكتلك انت صاحبي واخويا اه لكن نغم خط احمر في حياتي ومش هسيب مخلوق مهما كان انه يزعلها ولا يضايقها حتي لو بكلمة

أدم: بتجاهل لكل اللي قاله مهاب. ليه يا مهاب

مهاب: عقد حاجبه. هو ايه اللي ليه

أدم: ليه قلت انك هتتجوزها. وانا وانت عارفين انك مش بتاع جواز. مهاب نغم بنت بريئة ومتربية فلو انت فاكر انك هتضحك عليها بحكاية الجواز دي لحد ما تشبع منها وترميها. فاانا بقولك اياك تعمل كدة

مهاب: اضحك علي مين انت بتقول ايه. انا فعلا بحب نغم وهتجوزها

مهاب: مهاب انت بتتكلم جد. مهاب اوعي تضيع نغم هي واضح انها بتحبك وواثقة فيك بلاش تكون ندل معاها

مهاب: ايه يا أدم انت محسسني اني شطان مالك. والله بحبها انا يمكن عمري ما كنت افكر اني احب واتجوز بس نغم غيرت كل حياتي قلبتها فوق تحت. بس متخفش انا بحبها ومش بلعب بيها.

أدم: هز راسه. ماشي يا مهاب بس في حاجة. لحد ما تتجوزها ياريت تراعي انك في مكان شغل وبلاش كل شوية تجيبها المكتب وتقفل عليكم. كدة المستشفي كلها هتتكلم عليها وانت مترضاش ان حد يقول عليها كلمة مش تمام. فاهمني يا مهاب

مهاب: فاهمك بس خلي كدة كلب من اللي بره ينطق بحرف عليها وانا ادفنه هنا

أدم: يا مهاب الدنيا مش عافية كدة في اصول لكل حاجة يا سيدي دي حتي لو مراتك بردوا لازم تعمل اللي قلت عليه علشان خاطر نغم لو بتحبها زي ما بتقول حافظ علي شكلها قدام الناس وخصوصا زميلها

مهاب: خلاص يا ادم. ححاول انا ماشي بقي عندي شغل كتير. وهو خارج.

أدم: قرب منه وحضنه. مبروك يا مهاب.

مهاب: ابتسم وحضنه. الله يبارك فيك. متزعلش مني يا أدم لو اتنرفزت عليك

أدم: لا مش زعلان وانت كمان ياريت متزعلش مني ومن كلامي انا فعلا كنت خايف علي نغم دي بنت جميلة و بريئة وانت عارف نفسك وبلويك وسمعتك المنيلة

مهاب: هههههه ماشي هعديها دي بس نغم بجد حاجة تانية دي حبيبتي بس ابقي خلي بالك من كلامك بعد كدة علشان عدتلك انا جميلة وبريئة دي انا بغير عليها

أدم: هههههههه ماشي يا سيدي هخلي بالي. ربنا يسعدكم قولي هتعملوا خطوبة امتي

مهاب: والله انا كان نفسي نعمل فرح علي طول بس نغم رافضة الجواز لحد ما تتخرج هي واخوها السنة دي

أدم: هي معاها حق دي سنة مهمة في مستقبلها كله وانت لازم تساعدها وتقف معاها

مهاب: عندك حق. بس عموما انا لسة هتقدم لمامتها ونحدد كل حاجة

أدم: طبطب علي كتفه. ان شاء الله ربنا يخليكم لبعض.

مهاب: بس خالي بالك وانا رايح اخطبها هتيجي معايا انت واونكل حسين وطنط دولت انا مليش غيركم

أدم: حس بغصة في حلقه. اه طبعا ان شاء الله انت بس حدد المعاد وقولنا واحنا معاك.

مهاب: تسلم يا دكتور. يالا بقي سلام وخرج مهاب وهو خارج سأل

علي نغم. و زميلتها ندهتلها ولما جات

مهاب: حبيبتي انا ماشي عندي شغل كتير بس اوعي تمشي لوحدك انا ححاول ارجع بسرعة قبل ما تروحي علشان اوصلك لو خلصتي وانا لسة ماجتش تستنيني سامعة

نغم: ابتسمت حاضر سامعة. خلي بالك انت بس من نفسك

مهاب: ابتسم. وانتي يا روحي خالي بالك من نفسك. واتنهد اه يا ادم دخل في وقت غلط

نغم: اتكسفت. ههههه انا اصلا مكنتش هخليك تعملها. لما نبقي نتجوز ان شاء الله

مهاب: امممم خليها بظروفها. اصل انا اوقات بحب المفاجأت ممكن في لحظة افجأك بحاجة كدة ولا كدة انتي ونصيبك بقي

نغم : امشي يا مهاب بدل ما اخنقك

مهاب: ههههههه حاضر ماشي بس متنسيش اللي قولت عليه اوعي تمشي لوحدك حدبحك

ومشي مهاب ونغم رجعت شغلها.

((((تري يا قلب احببت من)))) .. بقلم ريحانة الجنة

(((الحلقة التاسعة))) #ريحانة

(في مكتب مهاب)

دخل وقعد مبسوط ودخل وراه سامح

سامح: تصدق انت بارد كل ده بتطمن عليها ربنا يهدك غلبت اداري عليك اللواء سراج مبطلش سؤال عليك

مهاب: معلش انا دلوقتي حدخله.

سامح: طيب حضرتك تليفونك مقفول ليه بتصل بيك من بدري كنت خايف للموزة يكون جرالها حاجة

مهاب: مسك سامح من هدومه. وكان غضبان. سامح اوعي تتكلم عن نغم كدة دي هتبقي مراتي فاهم

سامح: نزل ايد مهاب بزعل. كدة يا مهاب انا بتمسكني كدة ده انا سامح

مهاب: سامح انت عمرك ما اختبرت غيرتي علي اوي واحدة علشان مكنش فيه اللي اغير عليها لكن نغم دي حاجة تانية بقولك هتبقي مراتي يعني لو ابوبيا مش هخليه يتكلم عنها كدة

سامح: ماشي يا مهاب انا مش هزعل منك علشان عارف طبعك المهبب. بس قولي ايه حكاية مراتي ده انت هتتجوز بجد

مهاب: اتنهد. اه هتجوزها انا خلاص يا سامح مبقتش قادر ابعد عنها عايزها ليه ومعايا علي طول.

سامح: سبحان مغير الاحوال دي نغم دي فيها حاجة لله وربنا. بس بجد ومن غير غيرة ومد ايد علشان انت ايدك طرشة. انا نفسي اشوف البنت اللي خلت مهاب عز الدين يبقي كدة لا وكمان يتجوزها.

مهاب: بيجز علي سنانه. طيب امشي من قدامي بدل ما ارزعك الم يعدلك.

سامح: هههههههه والله فضول مش اكتر.

مهاب: ان شاء الله يا خويا في الخطوبة ابقي شوفها بس من بعيد لاني لو لمحتك بتبص عليها هروقك

سامح: يا عيني عليكي يا نغم مكنش يومك تتجوزي مهاب المجنون والله البنت دي صعبانة عليا دي هتشوف ايام سودة

مهاب: ههههههه تصدق صعبانة عليا انا كمان. بس بحبها اعمل ايه انا لو عليا مخليهاش تكلم ولا حشوف ولا حتي تلمح راجل غيري

سامح: بس خلي بالك الغيرة الزيادة بتضيع الحب لانها ببساطة ممكن تقلب بشك.

مهاب: طيب يا مخترع خلينا بقي نشوف شغلنا

في الوقت ده الباب خبط و دخلت شهندة

مهاب: بغضب. شهندة انتي ازي تدخلي كدة فين الحيوان اللي بره

شهندة: مكنش فيه حد برة وبعدين ايه المقابلة دي ايه موحشتكش

مهاب: شهندة امشي من وشي دلوقتي بدل ما الجنان يطلع عليكي

شهندة: كدة ده انا شاهي حبيبتك بتطردني

سامح: شاهي احسن ليكي امشي دلوقتي من قدامه

شاهي قربت من مهاب ولسة هتحضنه

مهاب: مسك ايديها وبعدها وهو بيضغط علي ايديها

بصي يا شاهي من غير كلام كتير مشوفش وشك تاني سامعة

شاهي: بغضب ليه بقي شوفتلك شوفة جديدة عادي ما انت طول عمرك بتلف تلف وترجعلي تاني مفيش غيري فهماك وفاهمة دماغك

مهاب: مسك ذرعها وضعط عليه

ولا انتي ولا غيرك انا خلاص هتجوز ولو لمحتك قدامي في يوم هنا تاني حيكون اخر يوم في عمرك

شاهي: مصدومة ايه هتتجوز مهاب يتجوز وده من امتي بقي طيب وانا مفكرتش فيا

مهاب: نعم يا روح امك انتي نسيتي نفسك ولا ايه امشي من هنا يالا ومشفش وشك تاني

سامح: تعالي يا شاهي معايا مهاب بجد ممكن يأذيكي وهو متنرفز

شاهي: مشيت مع سامح. بس لفت لمهاب ماشي يا مهاب همشي بس وحياة الحب اللي حبتهولك لهتشوف انا هعمل ايه

سامح : شدها وخرج وقفل الباب

مهاب: غوري ربنا يحرقك دمك بت زبالة.

(في مكتب سامح)

سامح : ممكن تهدي بقي انا مبحبش شغل الجنان ده

شاهي: اعمل ايه يا سامح ده مهاب وانت اكتر واحد عارف انا بحبه ازاي

سامح: شاهي متضحكيش علي نفسك انتي عارفة اللي كان بينكم ايه يعني لكان بيحبك ولا وعدك بحاجة ده غير ان انا وانتي عارفين انك اخر واحدة حد فينا ممكن يتجوزها

شاهي: ليه بقي مش بني أدمة

سامح: وهو في بني أدمة كل يوم والتاني بتتنقل من حضن راجل للتاني مين الحمار ده اللي يتجوزك. وكمان انتي بتحلمي ملقتيش غير مهاب مش ممكن

شاهي: بس انا بحبه بجد ومن يوم ما عرفته من 3سنين ومفيش راجل غيره في حياتي ومحدش لمسني غيره انت نفسك حاولت معايا كتير وكنت برفض. انا عايزاه هو يا سامح

سامح: خلاص خلصت انسي مهاب هيتجوز وكمان بيحبها جدا فابعدي عنه احسن ليكي مهاب. لما بتقفل معاه مبيعرفش ابوه

شاهي: هو هيتجوز مين

سامح: واحدة متعرفيهاش. دي دكتورة حاجة كدة نضيفة مفتكرش انك ممكن تعرفي الناس النضيفة دي

شاهي : ماشي يا سامح بس انا وهو والزمن طويل بكرة اندمه علي اللي عمله معايا

سامح: مسكها مش شعرها. لا بقولك ايه متنسيش نفسك يا حلوة ماشي وامشي بقي من هنا بدل ما البسك قضيه اداب واعلمك الادب يالا امشي. وفتح الباب وخرجها وقفله

شاهي: كدة ماشي بكرة اوريك مين اللي هتلبس قضية اداب يا باشا.

(وبعد يومين في ڤيلا الدكتور حسين البدري)

حسين : ههههههه لا قول كلام غير ده يمكن اصدق مهاب يتجوز لا مش ممكن

دولت: خلاص بقي يا حسين بطل هزار احنا مصدقنا حد من الاتنين دول يقول هتجوز

مهاب: شوفتي يا دودي يا اللي بيحصلي اهو انا اتهريت من ده اليومين اللي فاتوا كل ما حد يعرف اني هتجوز يسمعني كلمتين من دول محسسني اني مثلا كنت دراكولا

دولت: ههههههه بس ان جيت للحق يا هوبا انت فعلا كنت شقي ومفيش واحدة بتعدي من تحت ايدك

مهاب: هههههه حتي انتي يا دودي ماشي بس والله خلاص توبت بقي علي ايد نغم

دولت: بس تعرف اسمها حلو اوي يا هوبا يا تري بقي هي حلوة كدة زي اسمها.

مهاب: حلوة ايه بس دي حاجة كدة مفيش منها

حسين: ههههههه يا سيدي يا سيدي ايه ده كله والله انا مش مصدق ان انت مهاب

مهاب: هههههه وربنا ولا انا

دولت: هههههه انت مصيبة. ايه يا أدم ساكت ليه

أدم: احممم ايه لا ابدا مفيش حاجة انا معاكم.

حسين: بس بصراحة انت اخترت صح نغم بنت ناس ومحترمة وكمان هتبقي دكتورة وكل المستشفي بيحبوها حتي العيانين

مهاب: اه يا اونكل هو ده اللي مجنني انا مش عايز حد يشوفها غيري. انا لو عليا احبسها مخرجهاش

دولت: للدرجةدي بتحبها يا مهاب

مهاب: واكتر يا دودي. انا مش عارف ازاي مشوفتيهاش هي كانت هنايوم الحفلة بتاعة أدم

دولت : لا مشوفتهاش. ليه معرفتنيش عليها يا أدم

أدم: بحزن. كنت ناوي اعرفك عليها بس مهاب خطفها

دولت : ايه؟؟

أدم: فاق. اااقصد يعني كنت هعرفك عليها بس مهاب بقي عجبته وخطفها من الحفلة ووصلها. صح يا مهاب

مهاب: هههههه اه انا اصلا كنت يومها فعلا عايز اخطفها. بجد

حسين: هههههه خلاص اديك هتتجوزها وابقي اخطفها براحتك

دولت حست بإبنها انه حزين ومش طبيعي بس محبتش تسأله في وجود مهاب وحسين. وسكتت وهي قلقانة

مهاب: طيب يا أونكل انا حددت معاد مع نغم بعد بكرة ان شاء الله وطبعا انا مليش غيركم انت وماما دودي وأدم أكيد مش هتسبوني اروح لوحدي

حسين: انت بتقول ايه انت ابني زي أدم تمام ومش ممكن تروح تخطب من غيري كلنا هنكون جاهزين وفي انتظارك ان شاء الله وربنا يتمملك بخير يا حبيبي.

مهاب: شكرا يا أونكل استأذن انا بقي دلوقتي. سلام يا ماما دودي. اشوفك بعد بكرة بقي

دولت: ان شاء الله يا حبيبي انت متعرفش انا فرحنالك ازاي.

مهاب: عارف والله انتي امي اللي مشفتش غيرها. ربنا يخليكي ليا. سلام يا دومة

أدم: بإبتسامة حزن. سلام يا مهاب ربنا معاك.

ومشي مهاب وأدم كان مسهم وسرحان

دولت: مالك يا أدم حاساك في حاجة مضايقاك.

أدم: لا ابدا يا ماما انا كويس. بس مجهد شوية من الشغل عن اذنكم تصبحوا علي خير. وطلع ادم أوضته. وكان حاسس انه بيتقطع. ومش عارف يعمل حاجة. وكان قاعد بيسمع أغنيه بيلوم بيها نفسه علي حبه لنغم. وكانت (ايام وبنعشها لعمرو دياب) ( ايام وبنعشها هنعمل ايه يا قلبي في ناس مهياش ناس مفيش احساس ومش بيحسه بجروحنا. دي دموعنا هنحوشها عشان مش صح نبقي ضعاف نبان ساعة الفراق بنخاف. ياريت نغصب علي روحنا. وعلي ايه دي حكاية خلصت من بدري والله خلصت من بدري والغدر حسيت بيه وعلي ايه علي ايه هنبكي علي الماضي ايام وعدت علي الفاضي. في ايه هنبكي عليه. مش فارقة نتكلم نعيد ونزيد في ايه علي ايه معتدش يفيد بكانا عليه خلاص الجرح اهو معلم. ويارتنا نتألم ولا نأسي وداع بوداع. محدش ساب حبيبه وضاع وادينا خلاص بنتعلم. وعلي ايه والغدر حسيت بيه)

ودخلت دولت لقت ادم واقف في بلكونته وبيسمعها وشكله حزين وسرحان. دخلت وقفت جنبه وطبطبت عليه

دولت: مالك يا حبيبي انت شكلك متضايق.

أدم: لا ابدا انا زي ما قلتلك تعبان بس ومجهد مش اكتر

دولت: متأكد

أدم: اتنهد. اه يا ماما متأكد

دولت: طيب مش انت قلتلي انك معجب بواحدة وانك هتعرفني عليها من فترة ولحد دلوقتي معرفتنيش عليها. ايه رأيك عرفني عليها ونعمل خطوبتك انت ومهاب في يوم واحد

أدم : اتنهد بحرقة. ياريت كان ينفع. بس خلاص كل حاجة خلصت

دولت: ليه بتقول كدة انا مش فاهمة

أدم: خلاص يا ماما انسي اي حاجة قولتهالك البنت اللي حكتلك عليها خلاص طارت زي ما انتي قولتي

دولت: حزنت. ليه يا حبيبي ايه اللي حصل.

أدم: مفيش طلعت بتحب واحد تاني وهتتجوزه.

دولت: انت كل ده مكنتش صارحتها بحبك يا ادم

أدم: لا يا ماما مقولتلهاش

دولت: يبقي يا حبيبي متلومش غير نفسك. انت اللي متردد يمكن لو كنت صارحتها مكنتش راحت لغيرك.

أدم: لا يا ماما هي اصلا محبتنيش وسواء كنت صارحتها او لا بردوا مكنش فيه حاجة هتتغير. لو كانت حبتني مكنتش حبت غيري ووافقت تتجوزه.

دولت: خلاص يبقي تنساها وتشوف حياتك. وجرب تاني

أدم: تؤ خلاص مبقاش ينفع. انا الانسانة دي بالذات حبيتها يمكن اكتر من مي الله يرحمها مع اني وقتها مكنتش اتخيل اني ممكن احب واحدة زيها. بس ن. وسكت ادم علشان كان هيقول اسمها

دولت : حاست ان اللي فكرت فيه صح. بس ايه يا ادم كمل

أدم: مفيش يا ماما. كفاية لو سمحتي انا مش قادر اتكلم وكمان عايز انام

دولت: طبطبت عليه خلاص يا حبيبي مش هتقل عليك اكتر من كدة وهسيبك تنام بس لو في اي وقت حسيت انك عايز تتكلم انت عارف اني دايما مستعدة اسمعك ماشي يا حبيبي

أدم: حضنها. ادعيلي يا ماما انساها ارجوكي انا تعبان

دولت: دموعها نزلت. وحضنته هدعيلك يا حبيبي بس متعملش كدة انت الف بنت تتمناك انت يا حبيبي مفيش منك وصدقني هي الخسرانه عمرها ما هتلاقي زيك. يالا يا حبيبي تصبح علي خير.

وعدي اليوم التاني وجه معاد مهاب عند نغم و طبعا ادم مكنش عايز يروح معاهم بس مهاب ودولت اصره عليه انه يروح معاهم وفعلا لبس وكان بيتمني انه وهو يجهز كدة ان يكون هو اللي رايح يخطبها وراحوا كلهم علي بيت نغم

(في بيت نغم )

مهاب: انا كدة يا طنط سهام شرحت لحضرتك كل حاجة وزي ما قلتلك نغم هتكون في عنيا. هاه قولتي ايه

سهام: فرحانة وسعيدة. طبعا انا والله مش عارفة اقول ايه انت والدكتور حسين ومدام دولت وكمان دكتور أدم. حاجة تشرف بجد وان كان عليا انا معنديش مانع. بس الرأي في الاول والاخر لنغم هي اللي تقول

مهاب: طيب بصرف النظر عن رأي نغم علشان انا عارفه وزي ما انتي شايفة وشها خلاص من كتر ما احمر قرب يبقي طماطماية.

كلهم ضحكوا :هههههههه

دولت : فعلا يا مهاب هي مكسوفة جدا انا لغاية دلوقتي مسمعتش صوتها. ايه يا نغم سمعينا رأيك

نغم : بصتلها وسكتت. الموقف كاسفها جدا. وقعدة تفرك في ايدها من التوتر

مهاب: هههههه خلاص يا دودي بقي سيبيها. انا عارف مش هتعرف ترد

دولت : لا بقي بصي يا نغم لو مقولتيش رأيك. انا هاخد مهاب وامشي واجوزه انا بقي واحدة بتتكلم

نغم: بصتلها وتنحت.

دولت: هههههههه. الحق يا مهاب دي صدقت

مهاب: ههههههه مش قلتلك مفيش منها. حبيبتي دي

سهام : هههه ردي يا نغم بدل ما العريس يهرب

مهاب: اهرب ايه بس انا خلاص انا جيت ومش ماشي من هنا الا لنا نحدد معاد الخطوبة. قولي يا نغم بقي موافقة ولا لا شكلي بقي وحش

نغم: بصتله وابتسمت بخجل. موافقة طبعا.

مهاب: الحمد لله نطقت اتشاهد انا بقي.

حسين: هههههه مبروك يا مهاب مبروك يا نغم

نغم : الله يبارك في حضرتك

مهاب : الله يبارك فيك يا دكتور

دولت : مبروك يا حبيبي. ربنا يتمم بخير

أدم: بيحاول يتمالك اعصابه. مبروك يا مهاب وبص لنغم مبروك يا نغم.

مهاب: الله يبارك فيك يا دكتور عقبالك

نغم: الله يبارك فيك

وقعدوا كلهم يتكلموا في كل التفاصيل وفتحوا مواضيع كتير وضحكوا وهزروا جدا وكان وقت لطيف عليهم كلهم الا أدم. وبعد ما خلاص جم ماشين مهاب طلب من سهام والدة نغم طلب

مهاب: ممكن يا طنط اخد نغم واعزمها علي العشاء بره وهرجعا بدري متقلقيش

سهام: والله يعني مش عارفة اقولك ايه

دولت: خليهم يروحوا مع بعض يا مدام سهام الايام دي مبتتعوضش.

سهام: عندك حق خلاص معنديش مانع. روحي هاتي شنطتك. يا نغم.

ونزلوا كلهم ومهاب كان ماسك ايد نغم واخدها

وراكبها عربيته وأدم كان بيبصلهم بحزن وغيرة ووجع حاجات كتير جواه محدش كان حاسس بيه

ومهاب اول ماطلع بالعربية مسك ايد نغم وباسها وهو فرحان

مهاب: مبروك يا روحي

نغم : ابتسمت. الله يبارك فيك. انا مبسوطة اوي يا مهاب بجد

مهاب: مش اكتر مني يا حبيبتي صدقيني . قوليلي بقي تحبي تروحي فين.

نغم: عادي اي مكان المهم اكون معاك.

مهاب: ابتسم بخبث. اي مكان متأكدة

نغم: فهمته. هاها لا طبعا اقصد مكان عام انا فاهمة دماغك فيها ايه

مهاب:هههههه ظالماني يا حياتي والله

نغم : انت . والله انت كارثة بس بحبك

مهاب: ابتسم وفضل ماسك ايديها وشغلها اغنيه حلوة وكانوا طول الطريق فرحنين الاتنين. وكانت (واحدة واحدة لحماقي)( الله بقي اللخبطة دي ليه يااللي خطفني ياريت تقولي. ايه حصلي علي كدة بقي ده اللي بالملي اللي انا عشت احلم بيه. الليلة اختني علي مشمي وكنت راضي. ده احنا يدوب بنقول يا هادي. اومال لو فات شهر هيحصل ايه. طب واحدة واحدة وبلاش كل ده يجي مرة واحدة لتجنن كدة. لو ده النظام معاك بالشكل ده مقدرش عليه. ده حلم ده ولا قولي ايه. ده شئ خيالي قلبلي حالي. حيرني معرفش مالي غيرني. ولا داري بقيت كدة ليه. بالذمة فيه في الدنيا دي بالسرعة دي حد نأمنله. مش عارف. وبنطمنله انا خايف. مستحملش اللي انا فيه. طب واحدة واحدة وبلاش كل ده. يجي مرة واحدة. لتجنن كدة) وكان مهاب طول الطريق مش راضي يسيب ايديها خالص وسايق بإيد واحدة ووصله المطعم.

(في بيت شهندة)

ريم صاحبة شاهندة: اهدي بقي خلاص هو حر

شاهندة: اهدي ازاي انا شهندة يعمل فيا كدة. لا وكمان هيتجوز ماشي يا مهاب

ريم: شاهندة انتي من الاول عارفة انه مكنش هيتجوزك خلاص بقي فكك منه وشوفي حالك

شاهندة: ابدا مش قبل ما احرق قلبه واربيه واكسر عينه

ريم: ازاي بقي يا بنتي انتي بتتكلمي عن مهاب عز الدين ده يوديكي ورا الشمس

شاهندة: ما هو مش هيعرف ان انا اللي وراها

ريم: ورا ايه بالظبط انا مش فاهمة

شاهندة: مش هو عايز يتجوز الدكتورة المحترمة اللي شاغالة ممرضة وسابني انا شاهندة. خلاص انا هفضحها قدامه وقدام كل الناس واخليه تبقي سيرته علي كل لسان

ريم: انتي ناوية علي ايه

شاهندة: بإبتسامة ماكرة. هلبسهالوا قضية دعارة ويبقي يوريني بقي هيتجوزها ازاي.

ريم:😳😳😳😳

((((تري يا قلب احببت من)))) بقلم ريحانة الجنة

(((الحلقة العاشرة))) #ريحانة

في مطعم علي النيل شيك وهادي

مهاب: ماسك ايد نغم. حبيبتي تعرفي انا كان نفسي اوي النهاردة نكتب كتابنا علي طول واخطفك علي بيتي.

نغم: اتكسفت. وبعدين بطل بقي

مهاب: هههههه ماشي هبطل. بس تعرفي شقتكم زوقها حلو اوي

نغم: اصلا دي شقة تيتة والدة بابا الله يرحمها وبابا وماما كانوا عايشين معاها ولما توفت بابا ورثها عنها. وقبل ما يموت كان مغير كل حاجة ومجدد البيت كله

مهاب: ليه هي تمليك.

نغم: اه كانت تيتة مشتريها. من زمان انت عارف المعادي طول عمرها كانت هادية وتيته كانت بتحب الهدوء جدا.

مهاب: وانتي بقي طالعة لتيته هادية ورقيقة صح

نغم: ابتسمت. هو انا هادية

مهاب: ابتسم. طبعا هادية انتي اكنك نسمه بالظبط. بس بالنسبة للي عملتيه في قلبي فكنتي عاصفة.

نغم: هههههههه. عاصفة مرة واحدة

مهاب: هههههه اه عاصفة فتحتي قلبي ودخلتي من غير استأذان ورزعتي الباب وراكي

نغم: ضحكت بصوت عالي. هههههههههه

مهاب: قلب وشه وجز علي سنانه. لو ضحكتي كدة تاني متعرفيش انا هعمل فيكي ايه

نغم: اتكسفت. احممم اسفة والله مقصدتش

مهاب: بص جنبه شاف شابين قاعدين وكانوا بيبوصوا علي نغم ولفت نظرهم صوت ضحكتها. اتنرفز اكتر وكانت نغم قاعدة ووشها ليهم بس هي ماكنتش واخدة بالها.

مهاب: بحزم. قومي اقعدي مكاني وانا هقعد مكانك

نغم: هزت راسها. وقامت وقعدت مكانه.

مهاب: بص علي الشابين بنظرة ترعب وهما خافوا منه ومن هيأته. وشكله الغضبان. فبعدوا بنظرهم عنه

نغم: مهاب انا اسفة بجد. والله مش هكررها تاني

مهاب: مسح وشه بإيده علشان يهدي. نغم لازم تخلي بالك الناس مش كلها بتفهم صح ممكن كدة حد يطمع فيكي.

نغم : والله انا اصلا عمري ماضحكت بصوت عالي دي اول مرة انا معاك بضحك من قلبي صدقني

مهاب: مسك ايديهاوطبطب علي كف ايديها بحنية. خلاص يا حبيبتي انا مش زعلان بس لازم تعرفي ان نرفزتي دي من غيرتي عليكي انا مبطقش حد يبصلك.

نغم: عارفة. بس انا عايزاك تعرف حاجة مهمة. انا من وقت موت بابا وانا مفتقدة الاحساس بالامان كنت دايما بخلي بالي من كلامي ومن تصرفاتي علشان مليش حد يحميني وعارفة اني مسؤلة عن نفسي بس وانا معاك . احساسي بالامان بيرجعلي تاني مببقاش خايفة وحاسة اني مسؤلة منك وانك حتحميني وتخاف عليا.

مهاب: بصلها بحنية. يعني بتحسي بالامان معايا ومبتخفيش مني حتي وانا متعصب

نغم: ابتسمت. تؤتؤ مبخفش منك ممكن اكون بخاف من عصبيتك. لكن مش منك لاني عارفة انك عمرك ما هتأذيني

مهاب: وانا اوعدك اني احميكي. واكون امانك فعلا ومتحسيش بالامان والراحة غير وانتي في حضني. بس عايزك تتحملي عصبيتي ونرفزتي

نغم: هتحمل بس انت كمان حاول تتحكم في اعصابك انت بتتعصب بسرعة

مهاب: هحاول. علشان خاطرك بس نساعد بعض اتفقنا. وعايزك تفضلي كدة لما تلاقيني متعصب خليكي انتي هادية واوعي انا بحزرك انك تفكري تردي عليا او تعلي صوتك.

نغم: انت هتخوفني ليه بقي

مهاب: لا متخافيش. طول ما انتي هادية وبتسمعي الكلام يبقي خلاص انا ههدي بسرعة. فاهمة يا ناني

نغم: تنحت. ناني

مهاب: اه ناني بدلعك بلاش

نغم: بحزن. لا بس اصل ده الاسم اللي بابا كان بيدلعني بيه. من وقت مامات وانا مبخليش حد يناديني بيه

مهاب: واضح اني انا وبابا في بينا حجات مشتركة كتير. بس لعلمك من هنا ورايح هندهلك ناني فاهمة

نغم: ابتسمت. فاهمة.

مهاب: رجع ظهره علي الكرسي. ومسح شعره بإيده. ماتيجي افرجك علي الشقة بتاعتنا.

نغم :ههههههه

مهاب: بصلها علشان صوت ضحكتها كان هيعلي

نغم: حطت ايديها علي بقها بتكتم ضحكتها

مهاب: ضحك من منظرها. ههههههههه والله انتي هتجننيني

نغم: انا بردوا . ياحبيبي انتي اللي شكلك هربان من مستشفي المجانين

مهاب: ههههههه ماشي هعديهالك. انا دي. بس انا كدة بقي عجبك ولا لا

نغم: اتنهدت بنفاذ صبر. عجبني اعمل ايه مش بإيدي

مهاب: قرب منها. اومال بإيه

نغم: بصت في الارض. بقلبي

مهاب: يا بنت الحلال اسمعي الكلام وتعالي افرجك علي الشقة

نغم: ههههه بعينك لما تنجوز بقي ان شاء الله

مهاب: ماشي. بس بقولك ايه صحيح. اخوكي أمجد مكنش موجود ليه النهاردة

نغم: اتنهدت. والله ما عارفة اقولك ايه امجد الفترة دي حاله ملخبط ومحدش عارف هو بيروح فين ومع مين. والسنة دي اصلا مهمة ليه بس مش عارفة ايه اللي جراله.

مهاب: يعني هو كان عارف ان احنا جاين

نغم: طبعا انا وماما مأكدين عليه بس زي ما شوفت لحد ما نزلنا مكنش جه.

مهاب: خلاص يا روحي متقلقيش انا حعرفلك كل حاجة واطمنك

نغم: بجد يعني ممكن تعرف بيروح فين ومين صحابوا

مهاب: ابتسم اه يا حبيبتي دي حاجة سهلة متشغليش بالك انتي بس وخليكي مركزة معايا.

نغم: اكتر من كدة

مهاب: هههههه اه اكتر بكتير ويالا شوفي بقي هتخطاري ايه علشان نطلب العشاء

(في بيت شاهندة )

ريم : لا لا يا شاهي حرام عليكي انتي مشكلتك مع مهاب مش معاها هي ذنبها ايه

شاهي: ذنبها انها خلتوا يحبها ويفضلها عليا. ذنبها انه بسببها رماني ومسألش فيه. ذنبها انه شايفها ملاك وانا شايفني رخيصة. عرفتي بقي ذنبها ايه

ريم: انتي ناوية تعملي ايه

شاهي: هقولك علشان ححتاجك معايا في اللعبة دي

ريم: انا لا لا ابوس ايدك ابعديني عن مهاب ده قرصتي والقبر. متدخلنيش بينكم.

شاهي: لا انتي اللي هتسعديني انتي وأيمن. علشان اضمن ان محدش غريب يفتن عليا

ريم: وأيمن دوره ايه بقي وانا هعمل ايه مش فاهمة

شاهي: انا هقولك انا اصلي خليت ايمن يراقبها اليومين اللي فاتوا وعرفت معاد مروحها المستشفي ومعاد خروجها واتفقت مع ايمن انك هتروحي معاه وتستنوها وهي رايحة المستشفي وانتي هتقفي تسأليها علي عنوان قريب وأيمن هيكون مجهز المخدر واول ما تكلمك هو هيخدرها بسرعة. ويحطها في العربية

ريم: وليه بقي منعملش كدة وهي مروحة علي الاقل نكون بالليل بدل ما حد يشوفنا واحنا بنخدرها

شاهي: مش هينفع علشان سي مهاب بيوصلها كل يوم بالليل. وكمان متخفيش الشارع اللي في المستشفي ده هادي اوي. المهم انكم تخلصوا بسرعة

ريم: طيب وبعد كدة

شاهي: ولا حاجة ايمن هيخدها علي شقة الدقي. وهيكون مجهز كل حاجة هيخلص معاها ويصورها صور وسي دي

ريم : بضيق. وبعدين

شاهي: بعد كدة هينزل ويبلغ علي الشقة وتتمسك مع اللي هناك. ويبقي يروح حضرة الظابط. يستلمها من القسم وهي بالملايا. ههههههههه

ريم: بحزن. يعني هتخليهم يقبضوا عليهم كلهم علشان تنتقمي من مهاب

شاهي: في ستين داهية. انا مليش غالي. وبعدين وانتي زعلانة ليه يكنوش من بقيت اهلك.

ريم : اوففف. واحنا هنعرف شكلها ازاي بقي

شاهي: انتي غبية بقولك ايمن كان بيراقبها بقالوا يومين وكمان صورها من بعيد وفتحت تليفونها. اهي صورتها اتفضلي

ريم: والله خسارة. دي بنت صغيرة وحرام مستقبلها يضيع كدة بسببك انتي ومهاب

شاهي: بقولك ايه متخنوقنيش. انا دماغي بتغلي اسمعي الكلام من غير مناقشة علشان انتي عارفة لو قلبت عليكي حيحصلك ايه

ريم: والكلام ده هيحصل امتي بقي

شاهي: يعني بكرة بعده المهم خليكي جاهزة في اي وقت

(في عربية مهاب)

مهاب: والله صعب عليا اوصلك بإيدي و اسيبك وامشي انا بجد يا ناني. نفسي تبقي معايا علي طول. عايز اصحي الاقيكي. قصادي وانام وانتي في حضني. واقعد معاكي طول الوقت

نغم: اتكسفت. قريب ان شاء الله

مهاب: هههههههه انتي هتبطلي الكسوف ده امتي حرام عليكي وشك اتهري . صدقيني الحمرار ده. خطر عليكي

نغم: مهاب بس. وبعدين لو عايزني ابطل كسوف. بطل كلامك اللي بيكسفني ده

مهاب: امممم. ماشي بس دلوقتي كلامي بيعمل فيكي كدة اومال بعد الجواز لما يتحول لفعل هتعملي ايه يا روحي

نغم: بحدة وهي بنجز علي سنانها. مهاب اسكت لحد لما توصلني

مهاب: ههههههه. بس بالله عليكي ما تخوفيني كدة تاني اصلي قلبه ضعيف

نغم: هههههه

انا مش عارفة هعمل معاك ايه بعد كدة انت مش ممكن

مهاب: باس ايديها. انا اقولك انتي متعمليش حاجة سيبيلي نفسك انتي بس وملكيش دعوة

نغم: ابتسمت. خاليني معاك للاخر

مهاب: بصلها بحنة. اوعدك مش هتندمي.

ووصل مهاب نغم للبيت وطلعها لغاية الشقة. وعند باب الشقة.

مهاب: مسك ايديها. وقرب منها وهو باصص في عنيها تصبحي علي خير.

نغم: باصت في الارض. تصبح علي خير

مهاب: رفع وشها ليه. تؤتؤ لما تقوليها تبصي في عنيها... هاه اسمعها

نغم: بصت في عنيه تصبح علي خير

مهاب: بحبك.

نغم:ايديها ابتدت تترعش

مهاب: ابتسم. طيب ادخلي بقي بدل ما يغمي عليكي وانتي بحالتك دي

نغم: اتغاظت. قصدك ايه

مهاب: ههههههه وطي صوتك بدل ما تصحي الناس ويفتكرونا كنا بنعمل حاجة كدة ولا كدة

نغم: فتحت الباب بسرعة ودخلت. يالا امشي

مهاب: ساند علي الباب بكتفه. اممم مينفعش تبيتوني عنكم الليلة

نغم: هههههه والله انت مش ناوي تجيبها لبر. امشي بقي

مهاب: خلاص ماشي. وفاجأها ببوسة علي خدها.

نغم : تنحت. انت عملت ايه

مهاب: بقولك تصبحي علي خير بس بطريقتي باي يا روحي. وغمزها ونزل بسرعة

نغم : علي قد ما اتضايقت من اللي عمله. بس حطت ايديها علي خدها وابتسمت. ودخلت تشوفه من شباك أوضتها.

مهاب: شاورلها ومشي

وكانت ليلة فارقة في حياة مهاب ونغم لان خلاص القدر ربطهم ببعض ومهاب مبقاش قدامه فرصة انه يرجع عن قراره في انه يتجوز نغم مهما اتألم بعد كدة لخوفوا من انها تتأذي بسببه.

وعدي يومين وكان مهاب تقريبا بيكلم نغم طول الوقت في التليفون. ولازم يوصلها البيت كل يوم وفي يوم ونغم رايحة المستشفي كعادتها. لقت بنت واقفة شكلها بنت ناس ولبسها شيك قربت من نغم. (ايوة البنت دي ريم) ممكن تقوليلي الاقي العنوان ده فين.

نغم: ملحقتش ترد علشان أيمن جه من وراها. وخضرها وبسرعة شالها وحطها في العربية

أيمن : يالا يا ريم اركبي بسرعة قبل ما حد يشوفها معانا

ريم : لا لا روح انت وانا حركب عربيتي واجي وراك مش هينفع اسيبها هنا.

أيمن: انتي حرة . وركب عربيته وطلع بسرعة. وكان بيبص لنغم نظرات قذرة ومتوعدة بخبث وحقارة

وكان بيملس علي وشها وبيتوعدها . اوعدك يا حلوة نقضي وقت لطيف مع بعض. بس والله مهاب ده صعبان عليا حتروح عليه موزة حلوة زيك. اصلي مفتكرش بعد اللي هعمله فيكي انه ممكن يتجوزك. هههههههههههه.

(في مكتب مهاب)

قاعد قلقان وسامح دخله

سامح: مالك يا عريس

مهاب: مش عارف قلقان علي نغم وقلبي مش مطمن بكلمها مش بترد عليا

سامح: ههههههه من امتي مهاب قلبه ضعيف كدة كل القلق ده علشان مردتش عليك يمكن لسة في الجامعة

مهاب:لا انا كلمتها من شوية وكانت خلصت ورايحة المستشفي. والغريب انها بعد ما كان تايفونها مبيردش فجأة اتقفل لا بجد قلبي بيقولي انها في خطر

سامح :تليفونه رن. طيب يا مهاب هرد بس علي التليفون وارجعلك

مهاب: هز راسه. بضيق.

سامح: الو...

((((تري يا قلب احببت من)))) ... بقلم ريحانة الجنة

(((الحلقة الحادية عشر))) #ريحانة

سامح: الو... اهلا يا ريم ازيك يا مزتي عاملة ايه

ريم: سامح في حاجة مهمة لازم تعرفها تخص مهاب والبنت اللي هيتجوزها.

سامح: بان عليه القلق وبص لمهاب. في ايه يا ريم اتكلمي بسرعة

ريم: بس متقولش لمهاب اني كنت اعرف حاجة انت عارف انا مش قد مهاب

سامح: بعضب. ريم انطقي انا جبت اخري

ريم : انا هقولك . اصل شاهندة ناوية...........

سامح: اتصدم. يا نهاركم اسود يا ولاد الكلب. ده انا حربيكم. هاتي العنوان بسرعة......

مهاب: مالك يا سامح في ايه.

سامح: مهاب لازم نلحق نغم بسرعة

مهاب: قلبه اتخطف. نغم مالها حصلها ايه

سامح: ححكياك في الطريق

في عربية أيمن.

أيمن بيكلم شاهندة في التليفون

أيمن: لا معايا متخفيش .

نغم: اول ما تخلص معاها تبعتلي الصور والڤيديو وتكلمني بسرعة

أيمن: لا بقولك ايه دي طلعت جامدة سيبيني اشبع منها وبعدين اكلمك

شاهندة: ههههههه عجبتك اوي كدة

أيمن: موت بت ايه عسل لا وكمان اول مرة حاجة كدة مبلقهاش كتير ما انتي عارفة

شاهندة: اهي معاك اعمل اللي علي مزاجك المهم تظبطلي الصور انا عايزة احرق قلب مهاب و اجيب راسه في الارض

أيمن: من عنيا. سلام بقي علشان اشوف الاشارة اللي واقفة دي

وبعد شوية وصل أيمن عند عمارة الدقي علشان يذبح نغم. واول ما نزل من العربية ولف وفتح باب نغم ولسة هيشيلها سمع صوت فرملة عربية وقف قلبه خصوصا ان مقدمة العربية كان خلاص خبط في ظهره. وكانت المفاجأة. كان مهاب وسامح

مهاب نزل زي المجنون ومسك أيمن ونزل فيه ضرب اه يا بن الكلب وحياة امك لهوريك ايام اسود من شعر راسك علشان تتجراء علي خطيبتي. انت يا حيوان تلمسها وتشيلها بإيديك دي ورحمة ابويا لقطعهالك.

سامح: كان واقف قدام نغم وهي مغمي عليها وسرح دي اول مرة يشوفها. حس بحاجة غريبة. احساس اتمني يحسه من زمان بس فاق بسرعة. وقرب من مهاب

سامح: كفاية عليك كدة سيبهولي انا وشوف نغم

مهاب: ضرب أيمن أخر ضربة واشدهم ورماه في الارض علشان سامح يكمل

سامح: انت مسبتليش حاجة ده قطع النفس يالا لما بفوق بقي.

مهاب: جري علي نغم بلهفة. ورفعها من علي كرسي العربية. وبيحاول يفوقها. نغم . نغم حبيبتي ردي عليا.

سامح: ايه مش عايزة تفوق

مهاب: لا اكيد ابن الكلب ده مزودلها المخدر علشان متفوقش بسرعة. سامح افتح باب عربيتي اللي ورا بسرعة.

وفتح سامح الباب وشال مهاب نغم وقعدها ورا وقعد جنبها وفضل حضنها وبيحاول يفوقها. وكان قلقان عليها ومرعوب. كل ما يفتكر ان الحيوان أيمن ممكن يكون لمسها اي لمسة. وهي معاه في عربيته

سامح : كان بيبص لنغم في المرايا ومضايق. اوفففف سبحان الله بقي يوم ما اشوف واحدة وقلبي يدق كدة

تطلع حبيبة مهاب يا نهار اسود علي الحظ. اوفففففف

مهاب: سامح هات المياه اللي جنبك دي بسرعة خليني احاول افوقها.

سامح: ادالو ازازة المياه. معاك. طيب بيرفيوم في العربية هنا.

مهاب: اه عندك في التابلوه

سامح: فتح التابلوه واداله كمان البيرفيوم.

وفضل مهاب يحاول يفوق نغم.

مهاب: اه يا ولاد الكلب كل ده مخدر هما ايه كانوا عايزين يموتوها. قولي وصتهم علي الحيوان ده احد ما ارجعلوا

سامح: ايوة متقلقش. هيعملوا معاه الصح لحد ما نرجع خليك انت بس مع نغم علشان نطمن عليها. ما تخلينا نوديها المستشفي عندك علشان تتطمن عليها

مهاب: لا خاليك سايق زي ما وصفتلك انا حروحها البيت مش عايز حد هناك يعرف حاجة.

في الوقت ده نغم ابتدت تفوق. وبتفتح عنيا بس الرؤية مش واضحة بس لمحت مهاب.

نغم: بصوت هامس. مهاب انت ده ولا انا بحلم

مهاب: لا يا روحي انا معاكي مش بتحلمي. فوقي فوقي علشان خاطري

نغم: حاولت تفوق وتفتح عنيها ولقت نفسها في العربية مع مهاب وافتكرت اللي حصل واتخضت علي نفسها وقعدت تبص علي هدومها بقلق

نغم : مهاب كان كان في واحدة ووو

مهاب: بس بس ششششش خلاص مفيش حاجة انا لحقت متخفيش

نغم : بصتله بحزن وعيطت يعني معملوش فيا حاجة

مهاب: لا يا حبيبتي متخفيش محدش لمسك

نغم: رمت نفسها في حضنه. انا كنت خايفة لما لقيت حد بيخدرني اوي لحظة صعبة اوي يا مهاب

مهاب: ضمها اكتر وطبطب عليها. وهو بيجز علي سنانه. والله يا روحي لهربيهم واخدلك حقك منهم بس انتي اهدي وبطلي عياط

سامح: كان باصص في المرايا. ليك حق يا مهاب تتغير علشنها. دي تجنن اتنهد. ربنا يخليهالك

نغم: احنا رايحين فين

مهاب: هروحك يا حبيبتي علي البيت.

نغم :مين ده

سامح: انا السواق بتاع البيه

مهاب: ههههههه ده سامح صاحبي وزميلي واخويا كمان

نغم: ظابط زيك

مهاب: حبيبتي بقولك زميلي هيبقي مهندس مثلا انتي لسة تحت تأثير البنج ولا ايه.

نغم : خبطته في كتفه. بس هو انا ناقصاك

مهاب: هههههههه طيب تعالي انتي خرجتي من حضني ليه

نغم: اتكسفت وبصت علي سامح. ااانا مكنش قصدي احضنك اصلا كانت غلطة

مهاب: هههههه غلطة والله لوريكي. بس مادمت غلطة بقي انا ميرضنيش لازم تصلحي غلطتك.

نغم: ازاي بقي .

مهاب: شدها وحط راسها في حضنه. كدة عقابا ليكي هتفضلي في حضني لحد ما نوصل.

نغم : بيتحاول تخرج من حضنه. مهاب بجد مينفعش اوعي

مهاب: متمسك بيها. تؤتؤ ششش اسكتي انتي لسة دايخة حاولي تهدي لحد ما نوصل البيت

نغم : كانت بتقاومه في الاول. بس بعد كدة استسلمت وحاست احساس غريب انها وهي في حضنه متطمنه ومش خايفة. وحوطته بإيديها وحضنته.

مهاب: ابتسم لما لاقاها حضنته ومبقتش بتقاوم. طبطب عليها وباس راسها. قلتلك متخفيش طول ما انا جنبك.

نغم: انت عرفت اللي حصل ازاي

مهاب: اتنهد. ومسح وشه بإيده. بعدين هبقي احكيلك خليكي انتي بس نايمة في حضني لحد ما ارجعك البيت.

ووصل سامح عند بيت نغم ومهاب نزلها وكانت لسة دايخة وبتتحرك بعدم اتزان

مهاب: حاوطها بيإيده وشالها وطلعه

سامح: هههههه ربنا يسهله يا معلم

مهاب: اخرس يا حيوان استناني هنا لحد ما انزل

سامح: حاضر ما انا السواق اللي جبهولك البيه ابوك

نغم: مهاب نزلني الجيران يشفوك يقولوا عليا ايه

مهاب: يتفلقوا واللي يتكلم انا هقطع لسانه. وطلعها البيت وخبط مامتها فتحت. وهي متنحة

سهام: نغم. في ايه مالها يا مهاب

مهاب: متقلقيش حاجة بسيطة قوليلي اقعدها فين

سهام: تعالي قعدها هنا علي الكنبة دي

مهاب: قعد نغم . بهدوء.

سهام: قولي يا ابني مالها نغم

مهاب: نغم اتخدرت وكانت هتتخطف بس الحمد لله لحقتها علي أخر لحظة

سهام: شهقت من الصدمة. بنتي وقربت منها قوليلي حصلك حاجة حد اذاكي

نغم: متخفيش يا ماما. مهاب لحقني وانا كويسة وبصت لمهاب بإمتنان. مهاب مش ممكن يخلي حد يأذيني

مهاب: ابتسم. حبيبتي انا ادفع عمري كله ومخليش حد يأذيكي انت روحي

سهام : بصتلهم وابسمت.شكرا يا مهاب من غيرك يا ابني كانت نغم ضاعت.

مهاب: بتشكريني علي ايه. نغم خطيبتي وهتبقي مراتي ومش هخلي اي كلب تاني يفكر انه يقربلها

سهام: ربنا يخليك ليها ولينا انا حروح اعملك حاجة تشربها.

مهاب: لا معلش انا عندي مشوار مهم ولازم انزل انا بس كان لازم اطمن علي نغم واجبها لحد هنا.

سهام: علشان خاطري. اشرب اي حاجة

مهاب: معلش اعزريني ممكن بس تجيبي حاجة لنغم تشربها.

سهام: طيب ثواني اجبلكم عصير بسرعة. ومشيت

مهاب: قرب من نغم وقعد جنبها. ومسك ايديها حبيبتي انا لازم امشي دلوقتي وهرجعلك تاني

نغم: خليك معايا شوية

مهاب: باس ايدها معلش في حاجة مهمة لازم اعملها الاول واوعدك مش هتأخر. وهو قايم

نغم: مسكت ايده. مهاب انا بحبك اوي

مهاب: قعد تاني وابتسم. وبعدين انا كدة ممكن ابعت اجيب المأذون واكتب الكتاب دلوقتي حالا

نغم: ههههه لا انا بتكلم جد انا طول ما انا معاك ببقي مطمنة ومش خايفة

مهاب: اتنهد. للاسف انتي بتتاذي بسببي انا بس اوعي في يوم تكرهيني يا نغم

نغم: مش ممكن اكرهك. بس ليه بتقول انتي بتأذي بسبلك وانت دخلك ايه باللي حصل.

مهاب: جز علي سنانه. في شوية كلاب كانوا عايزين بنتقموا مني فيكي بس معلش انا هعرف ازاي اعلمهم الادب واعرفهم مين هو مهاب عز الدين. المهم انتي ارتاحي دلوقتي وانا مش هتأخر عليكي. اتفقنا.

نغم: هزت راسها. حاضر بس متتأخرش عليا

مهاب: تؤتؤ مش هتأخر. وسيبي ايدي بقي بدل مامامتك تدخل وتفتكرني بستغل الموقف.

نغم: متخفش هي اصلا سابتنا لوحدنا علشان نتكلم

مهاب: هههههه مامتك دي عسل. يالا يا روحي باي.

وخرج مهاب ونزل لسامح اللي كان قاعد علي العربية وبيشرب سيجارة

سامح: ما بدري يا حبيبي انا قلت ده اتغدي وقيلوا شوية. انت بستعبط

مهاب: ركب العربية. هتركب ولا اسيبك وامشي

سامح: ركب. هقولك ايه واطي. قولي انت هترجع معايا الادارة.

مهاب: لا انا لازم اروح اربي الكلبة اللي اسمها شاهندة. بس اوعي يكون الزفت اللي اسمه ايمن ده عرف يكلمها

سامح: عيب عليك يا معلم ده واخد ضرب يهد حمار

مهاب: خلاص انا هوصلك الادارة واروح للجزمة دي

سامح: لا اطلع عليها علي طول انا جاي معاك

وراح مهاب وسامح علي بيت شاهندة. واول ما فتحت مهاب ضربها بالقلم وشدها من شعرها وجرها علي جوه الشقة

مهاب: انا تلعبي معايا اللعبة الوسخة دي وحيات امك لربيكي. وكان عمال يضربها بالاقلام

شاهندة: بتعيط مهاب.فيه ايه انا مش فاهمة حاجة

مهاب: شدها تاني من شعرها. مش عارفة انا تبعتي الحيوان ايمن يغتصب خطيبتي وكمان يصورها. لاو ايه عايزاها يتقبض عليها في شقة مشبوهة بس وحياتها لوريكي مين اللي هتلبس قضية الدعارة دي

شاهندة: مهب ارجوك سامحني معلش انا اسفة انا عملت كدة علشان بحبك وكنت غايرانا. اوعي تعمل اللي في دماغك

مهاب: و هو انتي تعرفي انا هعمل ايه. انا هنزلك من هنا ملفوفة في ملايا يا كلبة يا رخيصة

شاهندة: لا لا بلاش فضايح يا مهاب ارجوك بص اضربني موتني بس بلاش فضايح

مهاب: وانتي اللي زيك يهمه الفضايح. ولما انتي تخافي من الفضيحة كانت نغم هتعمل ايه وانتي كنتي عايزة تدبحيها.

شاهندة: مهاب. معلش غلطة غلطة ومش هتتكرر. سامح كلمه ارجوك قله بلاش

مهاب: سامح شوف حاجة واكتم البت دي مش طايق اسمع صوتها بدل ما اقتلها دلوقتي.

سامح: جاب مفرش من اللي علي الطربيزة وكتم بقها.

مهاب: طلع تليفونه . واتصل بخالد صاحبه اللي في الاداب..... ايوة يا خالد بقولك اكتب العنوان ده وابعتلي حد يخاد واحدة شمال بس بسرعة... تمام مستنيك.

شاهندة: بتهز راسها وبتترجي مهاب.

مهاب: قعد قدمها وولع سيجارة. كان لازم تفكري الف مرة قبل ما تلعبي مع مهاب يا زبالة يا واطية. اقسم بالله لو كنتي اذيتيها مكنت سيبتك تتنفسي نفس واحد كنت قتلتك ودفنتك مكانك. بس حظك حلو اني لحقتها. بس اللي هعمله فيكي ده قرصة ودن علشان تفكري كويس بعد كدة.

وفعلا جه خالد ومعاه 3 رجالة.

مهاب: قلعوها ولفهوالي بالملاية دي.

وفعلا عمله كدة.

مهاب: خالد انا عبعتلك العيل الواطي اللي زيها علي هناك وعايز بقي محضر ميخرش المياه عايز اجدعها محامي ميعرفش يخرجها منها لا هي ولا هو. ماشي

خالد: عيب عليك ده انا خالد. وكمان ده انا هخليهم يعملوا عليها حفلة.

شاهندة: بعد ما شالوا الرباط من علي بقها. صرخت لا يا مهاب ارجوك ده انا شاهندة

خالد: مالك يا حلوة هي اول مرة ولا ايه انتي ناسية انها شغلتك ولا ايه يالا يا ابني انت وهو نزلوهالي علي تحت.

ونزل مهاب وسامح. بعد ما خالد اخد شاهندة ومشي.

سامح: يالا بينا احسن اللواء سراج هينفخنا علي التأخير ده احنا من الصبح سايبين الدنيا بايظة ومشينا

مهاب:تؤ انا مش راجع معاك انا رايح لنغم

سامح: نعم وسيادة اللواء بقي هقولوا ايه

مهاب: اي حاجة انا لازم ارجع اطمن علي نغم . ولو لقيته هيتعصب قولوا الحقيقة مهاب خطيبته كانت هتتخطف وهو معاها. وانا عارف هو هيفهم الموقف صح

سامح: بتردد. احمم طيب تحب اجي معاك

مهاب: رافع حاجبة. وتيجي معايا ليه لا انا هوصلك واروحلها وهمشي من عندها علي البيت

سامح: اتنهد. وسرح انا ايه اللي انا قولته ده غبي

(في بيت نغم)

مهاب: دخل لقي نغم نايمة علي الكنبة زي ما سابها من شوية بس كانت غيرت هدومها. هي كويسة يا طنط ولا لسة دايخة

سهام: لا الحمد لله هي اخدت حمام وصممت متنمش في الاوضة علشان انتي جاي. وفضلت قاعدة مستنياك هنا لحد ما نامت وهي قاعدة فغطيتها

مهاب: ابتسم. هي بتلبس الحجاب في البيت كمان

سهام: لا يا شقي انا اللي حطيتلها الحجاب لما انت جيت. وبعدين متستعجلش لما تتجوزها ابقي شوفه

مهاب: هو ايه ده.

سهام: ههههه شعرها اللي عينك هتطلع وتشوفه

مهاب: مسح شعره بإحراج . هو انا باين عليا اوي كدة

سهام : ههههههه اه اوي. مهاب انا يا ابني بثق فيك واللي عملته النهاردة كبرك في نظري اكتر. ارجوك خلي بالك من نغم. نغم ملهاش تجارب وانا بصراحة شايفة مشاعرها مندفعة ناحيتك وبتحبك اوي. فأوعي يعني ..

مهاب: قاطعها. اوعي تفتكري اني ممكن العب بنغم ولا واخليها تعمل حاجة غلط. انا بحب نغم بجنون ومش ممكن ارخصها ابدا. بس انا في حاجةعايز اكلمك فيها قبل ما تصحي.

سهام: خير يا ابني

مهاب: بعد اللي حصل النهاردة انا لازم اتجوز نغم بسرعة وبما انها رافضة الجواز لحد ما تخلص السنة دي فعلي الاقل نعمل كتب كتاب بدل الخطوبة. نغم لازم تبقي مراتي والكل يعرف علشان محدش يفكر يأذيها تاني

سهام: والله انا لو عليا اجوزهالك النهاردةقبل بكرة بس نعرف رأيها ونقول لامجد

مهاب: انا هتكلم معاها ولو علي امجد انتي كلميه وانا كمان هبقي اكلمه. بس قوليلي هو لسة بره

سهام: اتنهدت بنفاذ صبر. اه يا ابني والله الوالد ده هيجنني جاي يبوظ علي أخر سنة

مهاب: لا كدة انا لازم ادخل لو تسمحيلي واعرف هو ايه اللي جرالوا لان نغم كمان اشتكتلي منه.

سهام: يا ريت ده. بيعاندني علشان مفيش راجل يقفله فاكر انه كبر عليا

مهاب: خلاص متقلقيش انا هتصرف. ممكن اروح اشوف نغم

سهام: روح يا حبيبي وانا حروح احضر العشاء واعمل حسابك هتتعشي معانا

مهاب: ابتسم. ماشي. وقام وراح جنب نغم ونزل قعد علي ركبته جنبها وكان بيبصلها بحنية. وكان في خصلة من شعرها نازلة من تحت الحجاب. ابتسم وشالها براحة ودخلها تحت حجابها تاني. اه يا نغم انا مش عارف لو كان الكلب ده قربلك كنت عملت ايه انا كان ممكن اموت ساعتها. الا انتي يا نغم

نغم: صحيت وفتحت عنيها. وابتسمت . انت جيت

مهاب: اه يا قلبي جيت. طمنيني. عليكي انتي كويسة

نغم : قامت. وقعدت. وبتفرك في عنيها. اه كويسة. كنت خايفة متجيش

مهاب: بيبصلها بإعجاب علي جمالها وبرائتها وهي بتفرك عنيها وشكلها اكنها طفلة. و بيحاول يمسك نفسه

نغم: ساكت ومبتردش ليه

مهاب: علشان لو رديت عليكي وانتي كدة ردي هيكون شديد جدا

نغم: ابتسمت. كدة اللي هو ازاي يعني.

مهاب: يعني بصي علي البيجامة العسل اللي انتي لابساها دي وخصل شعرك اللي نازلة من تحت حجابك وشكلك وانتي لسة صاحية واعرفي الحرب اللي جوايا شكلها ايه.

نغم: عدلت حجابها ودخلت شعرها وعدلت هدومها. وبعدين معاك مفيش فايدة فيك.

مهاب: قام وقعد جنبها. تؤتؤ تؤ مفيش فايدة. وبعدين انتي لسة مشوفتيش حاجة

نغم: اتكسفت. وسكتت

مهاب: نغم احنا هنكتب كتابنا مع الخطوبة. مبينعش نستني اكتر من كدة

نغم: بس صعب

مهاب:لا مش صعب انا لازم اكون قريب منك الفترة الجايه لحد ما نتجوز. وده صعب واحنا مخطوبين مش عايز حد يتكلم عليكي كلمه واحدة فاهمة يا حبيبتي

نغم: هزت راسها. فاهمة.

مهاب: يعني موافقة

نغم: طبعا. موافقة.

مهاب: ابتسم. وبسها من خدها. دي بقي بمناسبة الموافقة. بس اوعدك بعد كتب الكتاب مش هتكون في خدك.

نغم: اتكسفت. انا رايحة اشوف ماما فين

مهاب: مسك ايديها. تؤتؤ ماما بتحضر العشاء. بس خسارة انا حليت قبل العشاء

نغم: هههههههه. انت فظيع. بس بحبك

مهاب: اه يا رب الصبر من عندك. انا يجي عليا يوم اتمني في بوسة اه يا زمن

نغم: ههههههه

مهاب: فرحانة فيا. بس حقك اضحكي بكرة تندمي. تعالي بقي علشان نشوف هنعمل ايه في حكاية الخطوبة وكتب الكتاب دي......

((((تري يا قلب احببت من)))) .. بقلم ريحانة الجنة

(((الحلقة الثانية عشر)))#ريحانة

في مكان هادي في شارع جانبي كان واقف أمجد ومعاه اتنين صحابه بيشربوا سجاير. بس لاسف مش سجاير عادية. وشكلهم زي ما يكون واخدين حاجة تانيه. مهاب كان بقالوا فترة باعت ناس يعرفوا هو بيروح فين ومع مين وبيعمل ايه. وكان عارف

انه هناك. مهاب قرب منهم بعربيته ونزل بهدوء وراح لأمجد وحط ايده علي كتفه.

مهاب: ازيك يا أمجد

أمجد: تنح لما شاف مهاب وبلع ريقه بصعوبة. ممممهاب اهلا

مهاب: بص للاتنين اللي معاه بصة جامدة وترعب. في ثانية مشوفش واحد فيكوا احسن والله اخدكم علي القسم بالزفت اللي بتشربوا ده

صحاب امجد خافوا وركبوا العربية وجريوا وسابه أمجد

مهاب: لف وشه للعربية. وكان بيكلم أمجد. اركب بسرعة

أمجد: ركب وهو خايف من مهاب.

مهاب: مكنش بيتكلم معاه. لحد ما وصلوا في مكان هادي وقعد مهاب وأمجد

أمجد: ممكن اعرف انت ليه عملت كدة مع اصحابي وكمان جايبني هنا ليه

مهاب: والله كويس انك كمان ليك عين تسأل وتتكلم. بص يا أمجد انسي خالص اني ظابط. واعتبرني بس خطيب اختك وزي اخوك الكبير. ممكن اعرف انت ليه بتشرب الزفت ده وانت دكتور صيدلي

أمجد: ااانا مبشربش حاجة

مهاب: قلع الساعة بتاعته وحطها جنبه وجز علي سنانه انا سألتك سؤال واظن الاجابة غير اللي انت قولتها. وخبط علي الترابيظة. وبكل حزم وغضب. جاوب

أمجد: اتخض من مهاب. انا هقولك. انا من فترة كنت مع صحابي سهرانين وانا مش من عادتي اشرب الحاجات دي. بس كنت تعبان من المذاكرة وكان معانا واحد واداني نوع برشام اخته علشان الصداع ومجاش في بالي وقتها اني حتي اسأله عن اسمه. لاني كنت شارب ومش مركز وبعدها بيومين رحنا تاني المكان اللي بنسهر فيه وشربت تاني وسكرت وهو اداني من البرشام ده تاني وانا كنت محتاجه حسيت انه بيريحني وابتدي كمان يديني السجاير اللي انت شوفتها . ومن يومها وانا مش عارف ابطل حاجة من دول وحالتي بتسوء.

مهاب: بغيظ. علشان كدة سايب مامتك واخواتك البنات لوحدهم. وسيبت اختك في يوم كان لازم تكون معاها فيه لما انا اتقدمتلها. ليه يا أمجد. ده المفروض انت الراجل انت اللي تحافظ عليهم

أمجد: انا كنت ببعد علشان مكسوف منهم وخايف يبان عليا حاجة. وكمان نغم كانت صعبانة عليا هي تشتغل وتذاكر وتتعب وتديني فلوس وانا اضيعها علي الزفت ده. والغريب انها عمرها ما طلبت منها فلوس ورفضت.

مهاب: اتنهد. بص يا أمجد انت لازم تبطل الحاجات دي وترجع لدراستك. وحياتك حرام مستقبلك يضيع.

أمجد: صدقني حاولت كتير بس مش قادر والله مش قادر

مهاب: طيب انا عايزك تحاول تبطل بس اليومين دول لحد ما نتكتب كتابي انا ونغم وبعدها انا هويدك مصحة تبع ناس اعرفهم وهما هيسعدوك بس حاول تتماسك اليومين دول علشان خاطر نغم. ماشي

أمجد: حاضر وانا متشكر انك. مأختش موقف من نغم بسببي

مهاب: ههههه انت عبيط يا ابني. لا طبعا نغم دي خلاص هتبقي مراتي. وانت اخوها وزي اخويا الصغير. بس انت من هنا ورايح تخلي بالك من نفسك وتكون راجل بجد

أمجد: ابتسم حاضر.

مهاب: طيب يالا بينا بقي علشان اروحك واروح اشوف ورايا ايه .

ووصل مهاب أمجد البيت وهناك

نغم : مش ممكن أمجد في البيت وكمان قبل لفجر سبحان الله

أمجد: ههههه البركة في مهاب هو اللي جابني من قفايا

مهاب: المرة الجاية حتضرب عليه بقي يا خويا ماشي

أمجد: وهو بيحط ايده علي قفاه. لا كله الا كدة خلاص كل يوم من العشاء هكون في البيت

مهاب ونغم وسهام: ههههههههههههه

سهام: ربنا يخليك يا مهاب. انت بردوا زي اخوه الكبير

مهاب: طبعا يا طنط. استأذن انا بقي علشان ورايا حاجات كتير

نغم : خليك شوية علشان خاطري

مهاب: يا حبيبتي والله ورايا حاجات بخلصها علشان كتب الكتاب.

سهام وامجد استاذنه وسابوهم يتكلموا.

نغم : قاعدة مبوزة

مهاب: قرب منها وابتسم. ممكن اعرف حبيبي زعلان ليه

نغم: علشان انت بقالك يومين مش بشوفك وكمان مش مخليني اروح المستشفي الا بعد كتب الكتاب يعني حتي الوقت اللي كنت بتوصلني فيه راح عليا

مهاب: هههههههه لا ياروحي مفيش حاجة هتروح عليكي. بس انتي شايفة الوقت ضيق وانا بخلص حجز القاعة والمأذون والحاجات دي عايز اتجوزك بسرعة.

نغم: ابتسمت. يا سلام ولا تلاقيك قلت ارتاح منها اليومين دول

مهاب: طيب بلاش تستفزيني علشان انا ممكن اثبتلك كلامي دلوقتي . بس انتي اللي تتحملي النتيجة.

نغم: خلاص فهمت

مهاب: ما كان من الاول. اديكي جبتي ورا اهو علشان جبانة

نغم: انا مش جبانة انت اللي متضمنش

بتعمل حاجات مفاجأة.

مهاب: بص علي مامتها وامجد ملقهمش. قرب منها ووشوشها. بحبك

نغم : اتكسفت كالعادة ووشها احمر من قربه ومش من كلمته.

مهاب: شوفتي بقي انك جبانة. يالا انا ماشي وانت شوفي حاجة لوشك اللي احمر ده. انا كدة هتجوز واحدة من الهنود الحمر. باي يا موزتي.

نغم : قامت وبصت في المرايا لقت فعلا وشها احمر جدا. يا نهار ايه ده والله عنده حق ايه الحمار ده

مهاب: مكنش مشي ورجعلها. وباسها من خدها. انا يا روحي علي طول عندي حق غمزها ومشي.

نغم : جريت علي اوضتها. تبتسم وفرحانة بحب مهاب ليها وحبها ليه اللي احتل كل قلبها وعقلها وكل جوارحها واتمنت اليومين دول يعدوا بسرعة علشان اسمها يرتبط بإسم مهاب.قعدت تسمع أغنية جميلة (لشيرين اسمها ومين اختار)( ومين اختار يعيش حياته مين اختار يحب مين. يومين وياك حبيبي فاته يومين حلوين حنينين. اعيش انا عمري مرة واحدة اعيش. تغير عمري بنظرة واحدة. اعيش. اقبلك من يومين احبك. وهو ده الاعجاز بذاته. يومين نسوني اسمي حبيبي وكنت مين وجيت منين. يومين وانا حالي حال يا حبيبي وهعمل ايه كمان يومين. اعيش انا عمري مرة واحدة اعيش . تغير عمري بنظرة واحدة اعيش. اقبلك من يومين احبك وهو ده الاعجاز بذاته. ومين اختار)

وفعلا مهاب جهز كل حاجة وجه يوم كتب كتابه هو ونغم وفي اليوم ده الصبح مهاب راح للمحامي صحبه.

كريم المحامي: وصية ليه يا مهاب

مهاب: معلش اسمع كلامي. بص انا كتبتها بخط ايدي وقفلتها ومش عايزك تفتحها الا لو انا مت وقتها تفتحها وتديها لنغم وكمان في شرط تاني

كريم: ايه هو

مهاب: شرط مهم هقولك......

وجه الليل ومهاب كان حاجز لنغم قاعة كبيرة وجميلة جدا وراح اخدها من البيوتي سينتر وكان مستنيها واول لما شافها ابتسم من جمالها كانت شبه الاميرات بفستنها الجميل والهادي زيها وكان لونه اوڤ وايت وحجبها الذهبي وكانت جميلة بمعني الكلمة وساحرة فعلا. وخدها من ايديها ومسك اديها الاتنين وحضنهم وهو بيبصلها بحب وعشق وباسا ايديها. مبروك يا احلي حاجة في حياتي

نغم: ابتسمت بخجل. الله يبارك فيك

مهاب: ينفع كدة ايه الجمال ده بس انا كدة مش هطول معاكي هموت بسرعة

نغم: قلبها اتقبض لا متقولش كدة انا مقدرش اعيش من غيرك

مهاب: هههههههه مالك خوفتي ليه. للدرجة دي بتحبيني

نغم: بحبك بس انت كل حياتي يا مهاب

سامح: من بعيد شوية. انا بقول تروحوا البيت وتبقي دخلة. ماتنجز يا عم الحبيب

مهاب: بص لنغم. معلش يا روحي هو كدة حشري. وبيدخل في اللي ملوش فيه. بس مردودلك. يا خويا لما تتجوز هوريك الغلاسة شكلها ايه

سامح: يارب يا اخويا اصل انتوا بصراحة فتحته نفسي. وكان بيبص لنغم

مهاب: جز علي سنانه. سامح امشي اركب عربيتك. بدل مايبقي النهاردة فرحي وجنزتك.

سامح: ليه بس انا كنت ناوي اسوقلك العربية

مهاب: ليه يا حبيبي شايفني مكسح. امشي يا بارد من هنا

سامح: عجبك كدة يا انسة نغم

مهاب: مدام نغم يا حمار. خلاص كتبنا الكتاب امبارح. انت مغيبب

نغم: وشوشت مهاب. بس لحد ما نتجوز هفضل انسة متنساش

مهاب: وشوشها. عادي ممكن نتجوز دلوقتي لو تحبي

نغم: زغدته في كتفه.

سامح: والله انا بقول تروحوا ماتيالا يا ابني الناس خللوا في القاعة

مهاب: ركب نغم وركب وسامح ركب عربيته.

في عربية سامح

سامح: كان بيحاول يداري اعجابه بنغم . يارب انا مش عارف ليه هي بالذات ما انا شوفت كتير معقول نغم. مش ممكن دي خلاص بقت مرات مهاب يارب خرجها من دماغي انا مش عارف ازاي بفكر فيها اصلا. اوفففف

في قاعة الفرح

كل الناس بتهني مهاب ونغم وطبعا هما الاتنين في غاية السعادة ومبسوطين جدا لكن في ركن بعيد كان واقف أدم وبحاول يتماسك وميبنش عليه حزنه وغيرته وهو شايف حبيبته بتنجوز ومبسوطة وكمان بتتجوز صاحبه واخوه. كان كتير علي ادم كل ده بس دولت كانت حاسة وفاهمة ومكنتش عايزة تقوله انها عرفت ان البنت اللي كان بيحبها هي نغم. وقربت منه.

دولت : مالك يا حبيبي واقف بعيد ليه

أدم: لا ابدا بس انتي عارفاني ماليش في الدوشة دي والمزيكا كمان عالية جدا

دولت: معلش ده فرح. مش هتيجي نبارك لمهاب ونغم

أدم: بص عليهم بحزن. اه اه طبعا جاي اتفضلي. وراحوا لمهاب ونغم

دولت: مبروك يا هوبا الف مبروك يا نغم يا حبيبتي

أدم: مبروك يا جماعة عقبال الفرح ان شاء الله

نغم : الله يبارك فيكم متشكرة اوي يا طنط دولت.

مهاب: الله يبارك فيكم عقبالك يا دومة لما تلاقي اللي تختفك زي ما انا نغم خطفتني كدة

أدم: انت اللي خطفتها مش هي اللي خطفتك

مهاب: هههههه عندك حق فعلا انا خطفتها بس هي خطفت قلبي

نغم : كانت بتبسم ومكسوفة

أدم: عن اذنكم.

وراح أدم ودولت يقعدوا.

دولت: انسي يا حبيبي انسي

أدم: انسي ايه

دولت: لو خبيت عليا الدنيا بحالها انا لا انا حاسة وعارفة كل حاجة. بس هما ملهمش ذنب انت مقولتش حاجة

أدم: بصلها بحزن. حاضر ححاول انسي

دولت: اتنهدت بينها وبين نفسها. اه يا مهاب ليه بسببك ابني يتوجع مرتين مش كفاية المرة الاولي. بس هرجع واقول ملكش ذنب هما اللي حبوك ومحبهوش. بس ليه وأدم ميستهلش كدة. اه يا حبيبي ربنا يفرحك. اكيد ربنا شايلك فرحة كبيرة ان شاء الله. ودمعت.

أدم: مالك يا ماما بتعيطي ليه

دولت: بتمسح دموعها. لا يا حبيبي مش بعيط. انا بس كان نفسي اشوفك عريس من تاني. انت ملحقتش تفرح المرة الاولي.

أدم: الحمد لله. ده مكتوب يا ماما. ان شاء الله هنسي بسرعة وارجع اعيش لنفسي وبس انا اصلا مليش اني احب. واتجوز يظهر اني هفضل كدة.

في الوقت ده جه حسين

حسين: ايه ده مالكم حزننين ليه كدة

دولت: ابدا بس فرحانين لمهاب ونغم. وانت عارفني ازعل اعيط افرح اعيط

حسين: ههههههه ايوة عارف. عقبالك يا دكتور

أدم: ابتسم. ان شاء الله يا بابا. بقولك يا ماما انا ماشي مش قادر اقعد صدعت.

حسين: ليه يا ابني لسة بدري

دولت: سيبه براحته روح يا حبيبي وحاول تنام وترتاح

أدم: ان شاء الله تصبحوا علي خير.

بس وهو ماشي بص علي مهاب ونغم اللي كانوا بيرقصوا سلو وحاضنين بعض. وكل عنيهم حب وغرام. حزن وحس ان قلبه بيتقطع. وده لفت نظر سهي صاحبة نغم. لانها عرفت انه أدم. لما راح وسلم علي نغم ومهاب وهي كانت قريبة من نغم وسمعت اسمه.

سهي: لا الدكتور أدم اكيد بيحب نغم. النظرة دي بتقول كدة. سبحان الله يا بختك يا نغم الاول نادر. وبعدين أدم. ودلوقتي تتجوزي مهاب. اه الا مهاب ده فظيع ياريت كان ليه اخ شبه كدة.

وهي بتلف وتمشي خبطت في شاب ووقعتلو العصير علي بدلته. وتنحت ليه لانه ليه نفس هيئة مهاب في الجسم والشكل. بس مع فرق الملامح. وده كان سامح

سامح: اتنرفز. وبصلها بغيظ. انا نفسي اعرف اللي في وشك دول ايه عنين ولا حاجة تانية

سهي: بصة ليه وبتبتسم.

سامح: بصلهابإستغراب ورفع حاحبه. مالها دي. انتي متنحة ليه مش بكلمك

سهي: ايه اه اه معلش انا اسفة مأختش بالي

سامح: اتنهد بنفذ صبر. طيب ابقي خدي بالك بعد كدة. والله لو كان راجل كان زمانه دلوقتي في الانعاش

سهي: هههههههه.

سامح:ههههه عجبتك اوي

سهي: اتكسفت. عن اذنك. ومشيت. يالهوي ايه الحلاوة دي هو ده

سامح: الله يخربيتك. بوظتي البدلة. كان نفسي ارزعك قلم بس معلش. كانت حلوة بردوا.

مامت سامح جات وراه.

فريال والدة سامح: انت يا استاذ. مش ناوي تفرحني زي صاحبك

سامح: ربنا يخليكي ابقي اتنحني يا حجة خضتيني

فريال: يا خبتك يا فريال مخلفة شحت طول بعرض. لا وكمان ظابط وبيركب الهوا

سامح: ههههههه بتنكتي يا فوفة. ماشي انتي زي امي بردوا

فريال:متغيرش الموضوع. انت هتتجوز امتي

سامح: كمان سنتين زي دلوقتي كدة.

فريال: يظهر ان ايدي علي قفاك وحشتك

سامح: لا وربنا ازعل منك عيب شكلي يبقي وحش وسط المزز اللي في الفرح

فريال: يبقي ترد عدل. يا ابني عايزة اجوزك وافرح بيك

سامح: والله يا فوفة وانا كمان نفسي افرح بيا. بس اعمل ايه عايز احب. اول لما احب هجبهالك علي طول

فريال: ربنا علي المفتري انا عارفة مش هاخد منك حق ولا باطل

سامح: بقولك ايه. روحي شوفي بابا علشان شكله كدة بيظبط موزة هناك. روحي بدل ما تحضري فرح مهاب تحضري فرح جوزك

فريال: ده كنت قطعته حتت ورميتوا للكلاب ولا يقدر

سامح: ههههههه اه يافوفة يعجبني فيكي قلبك الجامد. روحي بقي سيبيني اشوف حالي. متقطعيش عليا

فريال: خلاص يا اخويا ماشية.

مهاب ونغم بيرقصوا مع بعض.

مهاب: حاضن نغم وبيوشوشها. بحبك بحبك اوي

نغم: وانا كمان بحبك اوي

مهاب: فرحانة انك بقيتي مراتي.

نغم: طبعا فرحانة جدا. مش مصدقة ان مهاب عز الدين بنفسه. بقي حبيبي انا وبتاعي انا وبس

مهاب:ههههههه اه منك انتي دوبتيني.انا لحد دلوقتي مش مصدق اني حبيت واتجوزت كمان. انتي عملتي فيا ايه بس

نغم: حبيتك.

مهاب: حضنها اكتر. وانا عشقتك مش بس حبيتك. اوعي تسبيني يا نغم اوعي

نغم: وهي حاطة راسها في حضنه. مستحيل. اسيبك انت حبيبي وجوزي

مهاب: بعدها عن حضنه شوية بس لسة قريبة منه. قوليها تاني كدة

نغم: هي ايه.

مهاب: جوزي دي اللي قولتيها حالا

نغم: هههههه ايوة مش انت بقيت جوزي

مهاب: يا جدعان حد يقولها تخليها دخلة

نغم: زغدته. مهاب وطي صوتك

مهاب: مين اللي يوطي صوته انا اقول اللي يعجبني انتي خلاص مراتي يا روحي

نغم: ابتسمت بخجل. طيب كفاية بقي الناس بتبص علينا. تعالي نقعد

مهاب: تعالي يا روحي.

سامح: راح لمهاب ونغم. مبروك يا هوبا وحضنه وباسه.

مهاب: الله يبارك فيك. عقبالك

سامح: يارب يا خويا. ومد ايده لنغم. مبروك يا نغم

مهاب: مسك ايدة. لا بقت مدام مهاب عز الدين. والمدام متسلمش علي رجالة خلاص كان زمان.

سامح: كدة ماشي صحيح. ماانتي خلاص بقيتي مرات مهاب الاسد. ووشوش مهاب. انا خايف عليها مش هتستحمل معاك.

مهاب: زغده في بطنه. اتلم بدل ما المك.

سامح: يخربيت ايدك الطرشة. انا بس بقولك علشان تخلي بالك. وتراعي فرق الحجم والطول

مهاب:بيجز علي سنانه ده كتب كتاب مش دخلة يا حمار.

سامح: ههههههه وانت. في حاجة بتصعب عليك.

مهاب: بصله بغضب.

سامح: رفع ايده بحركة استسلام. خلاص يا باشا حقك عليا انا بحبك

مهاب: سامح روح شوف امك

سامح: لو سمعتك بتقول امك دي هتروقك.

مهاب: ههههههه لا امك بتحبني

سامح: خلي بالك يا نغم. الواد ده كان بيعاكس امي انا بقولك اهو

مهاب: ههههههه متصدقيهوش. هي اللي كانت بتحبني.

نغم: ابتسمت. اظن لو سمعتكم دلوقتي اكيد هتزعل

سامح ومهاب: هههههههه

سامح: تزعل مين دي مبتتعملش غير يإيديها.

وهما كدة جات فريال.

فريال: وضربت سامح علي دماغه. انت يا غبي واقف كاتم علي نفسهم ليه.

مهاب: هههههه حبيبتي يا فوفة انتي فين من الصبح. ده واد غتت.

سامح: هو انا مش قلتلك. بلاش كدة قدام الناس. وربنا عيب

فريال: اعملك ايه انت اللي لازق للواد وعرسته غيران منه اعمل زيه واتجوز

سامح: طيب استأذن انا يا جماعة علشان امي هتبدأ وصلة الردح ومش هنخلص

فريال: انا بردح يا قليل الادب

مهاب: اهرب يا يالا هتروقك قدام الناس.

سامح: طار بسرعة

فريال: عجبك كدة بس معلش لما ارجعله البيت.

مهاب: براحتك ولعي فيه ده غلس

فريال: مبروك يا عروسة

نغم: الله يبارك فكي

فريال: عروستك قمر يا مهاب. بقولك ايه ملكيش اخت حلوة زيك كدة

نغم: ههههه متشكرة لحضرتك اوي بس اختي لسة صغيرة

مهاب: وبعدين انا مراتي مفيش زيها. متتعبيش نفسك

فريال: هههههه ربنا يخليهالك. هات بوسة بقي علشان امشي

مهاب: بس براحة مراتي بتغير

فريال:باست مهاب وحضنته. ربنا يتمملك بخير ويارب اشوف ولادك.

مهاب: وشه اتغير. ان شاء الله

ومشيت فريال. ومهاب بان عليه الضيق.

نغم: مسكت ايده. مالك يا حبيبي

مهاب: ابتسم وباس ايديها. مفيش يا روحي.

نغم: لا شكلك متضايق.

مهاب: لا ابدا. بقولك ايه. مش كفاية كدة احنا لسة هنسهر برا انا حجزلك في حته مطعم حكاية. هنسهر للصبح

نغم: اللي يعجبك يا حبيبي انا معاك.

مهاب: طيب ياللا بينا.

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا