رواية( تري يا قلب احببت من ) من الفصل الثالث عشر إلى الفصل الثامن عشر بقلم ريحانة الجنة
رواية( تري يا قلب احببت من ) من الفصل الثالث عشر إلى الفصل الثامن عشر بقلم ريحانة الجنة
((((تري يا قلب احببت من)))).. بقلم ريحانة الجنة
(((الحلقة الثالثة عشر)))#ريحانة
في مطعم فخم جدا وشيك مهاب ونغم كانوا قاعدين
مهاب: حبيبي عجبه المكان
نغم: اه جميل اوي وهادي
مهاب: حبيبتي انا حاسك حزينه. ليه
نغم: انا لاطبعا انا اسعد واحدة في الدنيا النهاردة. بس
مهاب: بس ايه قولي يا روحي مالك
نغم: عيطت. كان نفسي بابا يكون معايا النهاردة.
مهاب: صعبت عليه.وكان قاعد قصاها قام وقعد جنبها. وحضنها بس يا روحي متزعلش. انا معاكي اكني بابا. منفعش
نغم: انت حبيبي وكل حاجة ليا. انت الوحيد اللي بتطمن وانا معاك
مهاب: وانا معاكي ومش هسيبك ابدا.
نغم: مهاب هو انت ملكش قرايب خالص
مهاب: لا انا طول عمري وحيد ليا خال واحد مهاجر من زمان ومعرفش عنه حاجة.
نغم: هي مامتك ماتت وانت صغير
مهاب: ايه هو انتي ناوية تستحوبيني
نغم: لا والله انا بس عايزة اعرف عنك كل حاجة عايزة ابقي جزء من حياتك
مهاب: باسها من خدها. حبيبتي انتي حياتي كلها. بس انا ححكيلك. انا ماما ماتت وانا عندي 6 سنين تقريبا مش فاكرها اوي. كنت صغير. وبابا كان رافض انه يتجوز كان خايف عليا لو اتجوز مراته تتعبني او يخلف غيري ويبعد عني. وكنت دايما وحيد كنت بشوف صحابي وهم مع مامتهم في المدرسة وهما مروحين او في النادي وانا بلعب. كنت بزعل بس كانت طنط دولت حاسة بيا وصممت بعد كدة اني في الاجازة من كل سنة اقضيها معاهم في الڤيلا. وفعلا فضلت كدة لحد ماكبرت كانت بتحبني اوي وانا كمان كنت بحس انها امي. وكنت انا وادم اخوات وصحاب. بس دماغنا مش واحدة. لحد ما دخلت كلية الشرطة. وبابا مات هو كمان. وقتها طنط دولت صممت اني اعيش معاهم علي طول لحد ما اتجوز. وفعلا كنت لما بنزل اجازة بروح هناك وفضلت معاهم لحد ما اتخرجت واشتغلت. بس مشيت بعد جواز ادم من مي الله يرحمها.
نغم : ليه. هو اللي طلب منك كدة
مهاب: بالعكس كلهم واولهم أدام كان رافض. اني امشي بس مكنش ينفع. لان كان صعب لقيت ان مي منحقها تحس بالحرية مع جوزها ووجودي هيكون في حرج ليهم. خصوصا بعد..
نغم: بعد ايه
مهاب: ايه لا ولاحاجة. المهم رجعت شقتي اللي في الزمالك وعشت بقي واتعودت ابقي لوحدي. وقرب منها وابتسم بس خلاص من هنا ورايح مفيش وحدة انتي هتملي عليا حياتي
نغم: انت اللي مليت دنيتي كلها. واوعدك ان شاء الله لما نتجوز هنخلف ولاد كتيييير علشان يملوا علينا البيت. مهاب: اتضايق تاني لما جت سيرة الولاد والخلفة.
نغم: ايه مالك انا قلت حاجة غلط.
مهاب: ابتسم. لا يا قلبي انا بس عايزك
تنسي موضوع الاطفال ده. مش وقته علشان انا لما نتجوز عايز اشبع منك. ولو خلفنا هتنشغلي عني. وبعدين انتي ناسية انك وراكي لسة ماجستير ودكتوراه ولا ايه. وانا والبيبي كتير عليكي
نغم: امممم عندك حق خلاص نأجل
مهاب: هههههه مصدقتي انتي. شكلي واحشك زي ما انتي واحشاني
نغم: اتكسفت. مهاب
مهاب: يا عيون مهاب.
نغم: ممكن نتعشي انا جعانة
مهاب: فصلتيني يخرب عقلك
نغم: ههههههههه احسن علشان تتهد وتهدي شوية
مهاب: انا مش ههدي الا لما يعدوا الكام شهر دول واتجوزك بقي انا خلاص تعبت
نغم: تعبت من ايه
مهاب: ايه لا ياحبيبتي مفيش لما نتجوز هبقي اقولك
نغم: ليه يعني
مهاب: تحبي تعرفي
نغم : اه احب اعرف
مهاب: طب هاتي ودنك. ووشوشها ...
نغم: بعدت عنه وهي مكسوفة ووشها احمر من الخجل. اااانت قق
مهاب:ههههههه. اقسم بالله لسانك يطول. اموتك
نغم: يعني ينفع اللي انت قولتوا ده
مهاب: ههههههه اه ينفع عادي. انتي مش مراتي ولا ايه.
نغم : اه بس كدة عيب
مهاب: طب اسكتي بدل ما اتصل بمامتك واقولها اني غيرت رأي وهخليها دخلة واخدك علي البيت. انتي حرة
نغم: كتمت بقها. سكت اهو والله حرام عليك. انا حاسة اني دايخة من كتر الكسوف
مهاب: باس ايديها. يا حبيبتي حرام عليكي وربنا وشك ده مبيصعبش. عليكي ايه الكسوف ده. يا نغم انتي مراتي والله عادي.
في الوقت ده تليفون مهاب رن سامح
مهاب: انا نفسي اعرف المتخلف ده بيتصل ليه دلوقتي والله لهزقه.... ايوة يا زفت
سامح: بجدية. مهاب فوق كدة واسمعني. انت لازم تيجي دلوقتي معاد التسليم اتغير. هيسلموا البضاعة الفجر تعالي بسرعة مفيش وقت
مهاب: قام من مكانه مفزوع. طيب خلاص هوصل نغم وجاي حالا. سلام
نغم: قلقت خير يا حبيبي في ايه.
مهاب: معلش يا روحي. لازم امشي بسرعة العملية اللي بنحضرلها من شهور غيره معاد التسليم. وانا لازم اروح بسرعة. تعالي علشان اوصلك.
في عربية مهاب
مهاب: يا قلبي بتعيطي ليه بس
نغم: وهي بتحاول تاخد نفسها. علشان خايفة عليك.
مهاب: باس ايديها. يا روحي متخفيش دي مش اول عملية اطلعها. انا متعود
نغم: بس انا خايفة. هو هيكون فيه ضرب رصاص.
مهاب: ههههههههه اه يا قلبي طبعا. يعني عصابة بتاجر في المخدرات واحنا رايحين نقبض عليهم هيكون فيه ايه هننفخ باللالين مثلا
نغم: بتتريق وانا هموت من القلق عليك.
مهاب: ولا يهمك. المهم انتي ادعيلي بس اني ارجعلك
نغم : حاضر هدعي بس علشان خاطري خالي بالك من نفسك وبلاش قلبك الميت ده. انا اوقات بحس انك مبتخفش من حاجة ابدا
مهاب: اتنهد. كان كان ميت لحد ما حضرتك دخلتي فيه بقي ضعيف. بس حاضر حخلي بالي من نفسي علشانك انتي علشان مسبكيش لوحدك يا حبيبتي
ووصل مهاب نغم عند البيت.
مهاب: تعالي اطلعك فوق
نغم: لا روح انت علشان متتأخرش. انا هطلع لوحدي
مهاب: كلمة واحدة انزلي
وطلعها مهاب البيت وفتحلها الباب. ودخلت.
نغم: بدموع. خلي بالك من نفسك
مهاب: مستحملش. خدها في حضنه. علشان خطري بطلي عياط. الا دموعك دي اقوي من الرصاص عليا
نغم: حاضر هبطل. مهاب: مسك وشها بإيده ومسح دموعها. وبصوت هامس تعرفي وانا ماسكك كدة افتكرت اول مرة شوفتك فيها. لما كنتي بتعيطي وخايفة مني. يومها اتمنيت ابوسك بس مردتش اعمل كدة. بس دلوقتي خلاص بقيتي مراتي. ومفيش حاجة تمنعني. وقرب منها وباسها وكأنه اخر مرة هيبوسها فيها
نغم: اتكسفت مهاب كفاية لو سمحت ممكن ماما تصحي
مهاب: بعد عنها. وابتسم. انا هبعد بس
مش علشان ماما تؤتؤ علشان انتي خلاص مش هتتحملي اكتر من كدة. ممكن يغمي عليكي. تصبحي علي خير
نغم: مسكت ايده وهو ماشي. ممكن تكلمني اول ما تخلص العملية علشان اطمن
مهاب: ابتسم حاضر من عنيا بس انتي حاولي تنامي وترتاحي.
نغم : مش هنام الا لما اطمن عليك
مهاب: الموضوع بيطول نامي وانا هبقي اكلمك. تصبحي علي خير يا حبيبتي
نغم: مهاب استني
مهاب: لفلها. وبعدين كدة هتأخر
نغم: قربت منه وباسته في خده. افتكر اني بحبك ومليش غريرك
مهاب: حضنها حاضر هفتكر بس انتي لازم تعرفي انك كل يوم بتضعفي قلبي
انا عمري ما خفت علي نفسي بس بسببك هبتدي اخاف. واتنهد. يلا تصبحي علي خير
ومشي مهاب وراح لسامح وكان وهو بيغير هدومه سامح لقاه بيلبس القميص الواقي للرصاص
سامح: وده من امتي ده طول عمرك مبتلبسوش. اشمعن النهاردة.
مهاب: اتنهد اعمل ايه علشنها. خايف اموت واسيبها
سامح: انا مش مصدق انك بتحبها اوي كدة
مهاب: ولا انا. حبها ده مش بإيدي سامح لو جرالي حاجة. تروح ل كريم المحامي وتقولوا اني
سامح: بس اسكت في ايه ده انت مهاب الاسد اللي مبيخفش. انسي كل ده انت هتخلص العملية زي كل مرة من غير خدش وهترجع لنغم وتتجوزها. فاهم وحضن سامح مهاب
مهاب: ماشي بس خليك في ظهري
سامح: احنا طول عمرنا في ظهر بعض
وبعدين انت علي طول بتدخل العملية من غير القميص ده وبتبقي وحش. جاي وانت لابسة وتعمل كدة
مهاب: ماقلتلك بقي هي السبب. المهم يالا بينا قولي صحيح مين اللي طالع العملية دي عزمي الفيومي ولا عدنان اخوه
سامح: تؤ الراس الكبيرة. حامد الفيومي بنفسه
مهاب: حلو اوي ده هتبقي ليلة فل انا مش هسيبه الا لما اجيبه او اقتله راس الأفعة ده
سامح: ربنا معانا جاهز يا وحش
مهاب: جاهز بينا.
(في فيلا الدكتور حسين البدري)
دولت قلقانة ومش جايلها نوم قامت لأوضة ادم تطمن عليه وفتحت لقته نايم بصتله بحنيه الام وبكت وخرجت قعدت في التراس واتنهدت ورجعت
( فلاش باك)
أدم لما اتعرف علي مي اتعلق بيها بسرعة وهي كمان وفي ظرف 3 شهور كانوا محددين معاد الفرح. ومهاب كان مسافر مأمورية. ومي مكنتش شافته ولا تعرفه. ولما اتجوزه ومهاب مسافر
مهاب رجع وكان عدي علي جواز أدم ومي شهر وفي يوم مارجع كانت دولت محضرالوا الاكل اللي بيحبه وبتجهز كل حاجة ومي معاها. واول ما مهاب دخل.
دولت: هوبا وحشتني يا حبيبي
مهاب: انتي اللي وحشتيني يا دودي. فين أونكل وأدم
دولت: أونكل في المستشفي وأدم في العيادة. بس تعالي لما اعرفك علي مي مرات أدم مي ده مهاب ابني هو كمان
اللي حكتلك عنه.
مهاب: سلم علي مي. اهلا مي الف مبروك والله كان نفسي احضر فرحكم بس شغلي بقي
مي: اول ما شافت مهاب انبهرت بيه وبشكله وهيئته وكل حاجة فيه واعجبت بيه جدا.اهلا مهاب انا مكنتش متخيلاك كدة. وكانت نظرته ليه واضحة جدا وهو اخد باله ودولت كمان
مهاب: ساب ايديها اللي كانت ماسكة فيه. هههه كدة ازاي يعني
مي: يعني انت ولا ابطال سينما الاكشن
مهاب: مسح شعره بإحراج من دولت. ايه الكلام ده مش اوي كدة
مي: لا بجد يمكن انت كمان احسن منهم هما تمثيل لكن انت حقيقة
دولت: احمم تعالي يا مهاب علشان نتغدي
مهاب: كان متضايق من مي متوقعش انها تبصله كدة وكلامها معجبوش خصوصا انها مرات ادم. معلش يا دودي انا تعبان وعايز انام
دولت: لا تعالي نتغدا وبعدين اطلع نام
وراحوا هما الثلاثة يتغدوا. وهما علي السفرة. مي منزلتش عنيها من علي مهاب ومهاب مش عارف يعمل ايه ومش عايز دولت تاخد بالها مع انها اصلا خدت بالها بس مبينتش
مهاب: الحمد لله انا طالع انام
مي: بلهفة. ليه بس خليك شوية تحب اخليهم يعملولك قهوة
مهاب: بجفاء لا شكرا انا هنام جاي من سفر وتعبان وطلع مهاب
دولت: بحزم. مي ياريت ملكيش دعوة بمهاب. مهاب طبعه صعب وممكن يتنرفز عليكي. وانا مش عايزة مشاكل بينه وبين أدم دول اصحاب واخوات من سنين. مفهوم
مي: بإحراج وووانا عملت ايه كل ده علشان قولتلو اعملك قهوة
دولت: قامت وهي ماشية. لا مش علشان كدة انتي فاهماني كويس. انا طالعة اوضتي.
وفضلت مي علي الحال ده مبتفوتش فرصة الا وتحاول تتقرب من مهاب وهو بيحاول يبعد عنها وبيتعمد يتأخر في الشغل علشان ميشوفهاش بس لاسف كانت بتستناه وتنزل وتحاول تكلمه وتتقربله وهو بيصدها بس خلاص لقي مفيش فايدة وقرر انه يسيب البيت ويرجع شقته وقال لدولت وحسين وادم وابتدي يجهز حجاته علشان يمشي وفي يوم كان راجع علشان يخاد هدومه وحاجاته وهو في اوضته وضب كل حاجة ودخل ياخد حمام ولما خرج لقي مي في الاوضة مهاب اتعصب ودمه غلي
مهاب: بعصبية انتي ايه اللي جابك هنا امش بره
مي: مهاب انتي ماشي ليه انا مقدرش اعيش منغيرك
مهاب: انتي مجنونة فكك بقي من اللي في دماغك انت واحدة متجوزة ومش متجوزة اي حد ده أدم اخويا وصاحبي
مي: خلاص هتطلق منه ونتجوز مهاب انا بحبك
مهاب: ضربها بالقلم. اقسم بالله كلمه كمان وحجرك من شعرك لأدم واقوله مراتك زبالة ومتستهلكش. امش بدل ما حد يشوفك هنا
مي: قربت منه تاني متخفش كلهم برا
وطنط في النادي . بس ليه انت شايفني زبالة علشان بحبك
مهاب: لا علشان مش محترمة جوزك. وبعدين انا عمري ما عرفت واحدة متجوزة. مابالك انتي بقي وانتي مرات ادم. انسي يا مي وريحي نفسك انا سايبلك البيت كله وماشي وامش بقي قبل ماحد يشوفك. وفتح الباب وخرجها وقفل الباب. وخرجت مي بتعيط وراحت أوضتها. بس دولت كانت واقفة جنب الوضة من الاول لما سمعت مهاب بيزعق وهي راجعة من النادي. وسمعت كلامهم كله ورفض مهاب لمي وزعلت من مي واللي عملتوا. بس سكتت علشان خاطر ادم وقالت اكيد لما مهاب يمشي هتفوق وترجع تحب أدم. بس منسيتش وكانت بتتعامل مع أدم بفتور ومن غير حب لحد ما ماتت في حدثة عربية. ولحد ما ماتت أدم مكنش يعرف حاجة.
وفاقت دولت من شوردها. اه يارب ليه يا أدم حظك كدة ليه مفيش واحدة حبيتها وكانت تستاهل حبك. بس كمان مهاب ملوش ذنب هو صد مي زمان ومكنش يعرف انك بتحب نغم دلوقتي. يارب يريح بالك يا أدم وتلاقي اللي تستهلك.
في مكان وسط جبل وطريق سريع كان صوت ضرب الرصاص زي المطر ومهاب وزميله بيطاردوا حامد الفيومي تاجر المخدرات. وبعد وقت طويل من تبادل ضرب النار مهاب وزميله قدروا يظبطوا البضاعة وقتله من العصابة ناس كتر لكن حامد الفيومي كان بيحاول يهرب. بس مهاب لمحه وراح وراه وضربه ولما حاول يهرب منه مهاب
ضرب عليه نار وقتله. وواحد من اللي كانوا مع حامد ضرب نار علي مهاب ومهاب نزف ووقع في الارض
سامح: جري علي مهاب. مهاب . مهاب مالك. مهاب حاول تمسك نفسك لحد ما نروح المستشفي. متخفش دي بسيطة
((((تري يا قلب احببت من)))) بقلم ريحانة الجنة
(((الحلقة الرابعة عشر))) #ريحانة
سامح مع مهاب في العربية وهو زميل ليهم تاني اسمه رامي. بيحاولوا يوقفوا النزيف ومش عارفين.
مهاب: بصوت كله الم وتعب. سامح اتصلي بنغم. عايز اسمع صوتها.
سامح: مهاب لو سمحت اهدي انت بتنزف والكلام غلط عليك.
مهاب: بخنقة. بقولك اتصلي بنغم. عايز اسمع صوتها.
سامح: طلع تليفون مهاب واتصل بنغم
نغم . كانت قاعدة في أوضتها وخايفة وقلقانة علي مهاب. وخصوصا ان النهار طلع من بدري وهو لسة مكلمهاش. بس تليفونها رن مهاب. نغم فرحت وابتسمت وردت بلهفة
نغم: حبيبي وحشتني.
سامح: نغم انا سامح.
نغم: قلقت. سامح انت بتتصل من تليفون مهاب ليه
سامح: نغم مهاب انصاب وانا واخده علي المستشفي بس هو مصمم يسمع صوتك. كلميه هو معاكي. وحط التليفون علي ودن مهاب اللي كان خلاص من التعب ابتدي يغيب عن الوعي.
مهاب: بصوت واهن. حبيبتي وحشتيني
نغم: بتعيط. حبييبي ارجوك متتكلمش انا جايالك المستشفي.
مهاب: نغم. انا بحبك لو مت سامحيني. اني سيبتك
نغم: بس متقولش كدة. انت كويس انت مهاب اللي مفيش حاجة توقعه ابدا. مهاب انت قوي علشان خاطري اوعي تسيبني. مهاب مهاب رد عليا
مهاب.كان فقد وعيه لانه كان مضروب رصاصتين والاتنين في كتفه وصدره
وابتدي يعرق ويسخن
سامح: نغم اقفلي مهاب اغمي عليه تعالي علي المستشفي. انا هوديه عند
دكتور ادم
نغم : بإنهيار ارجوك خلي بالك منه علشان خطري انا مش هتأخر.
نغم راحت صحت متامتها
نغم : ماما ماما اصحي بسرعة
سهام : نغم مالك يا بنتي ايه اللي حصل
نغم : بتعيط. مهاب يا ماما مهاب انصاب في العملية اللي كان فيها وراح المستشفي.
سهام : يا نهار ابيض معقول حبيبي يا ابني. طيب روحي البسي بسرعة وانا هصحي أمجد علشان نروحله
وراحت نغم ومامتها واخوها المسشفي ونغم دخلت زي المجنونة عايزة تطمن علي مهاب. وقابلت أدم.
نغم: وهي منهارة من العياط. مهاب فين عايزة اشوفه
أدم: نغم اهدي ارجوكي مهاب دخل العمليات. وانا داخله هححضر العملية معاه متقلقيش.
نغم: انا عايزة احضر العملية ارجوك
أدم: مستحيل مش هتتحملي تشوفيه كدة وممكن تنهاري جوا. لو سمحتي اهدي بقي واستني هنا
نغم: هو مصاب فين.
أدم: اتنهد. رصاصتين. واحدة في كتفه والتانية في صدره. بس ربنا ستر كانت قريبة من القلب.
نغم :نزلت علي الارض وهي بتعيط.
أدم: لو سمحتي يا طنط سهام حاولي تهديها شوية كدة ممكن ضغطها يعلي ولا يجلها هبوط.
سهام: كانت بتعيط. حاضر يا دكتور
وقعدت جنب نغم حبيبتي اهدي وادعيله وان شاء الله هيبقي كويس متقلقيش.
نغم : انا خايفة عليه. انا كنت حاسة انه هيجراله حاجة. قلبي كان مقبوض
أمجد: اهدي يا نغم ان شاء الله مهاب هيبقي كويس متقلقيش.
سامح: نغم. مهاب موصيني انك تفضلي جنبه لحد ما يفوق عايزك تكوني اول واحدة يشوفها لما يفوق ان شاء الله وطبعا مينفعش يشوفك كدة
حاولي تهدي وروحي اغسلي وشك علشان لما يخرج من العمليات. تكوني موجودة
نغم : هزت راسها ومامتها سندتها. وراحت غسلت وشها ورجعت وبعد حاوالي 3 ساعات مهاب خرج من العمليات.
نغم : جريت علي أدم. مهاب جراله ايه بقي كويس.
أدم: متقلقيش. ان شاء الله هيبقي تمام. بس هيدخل العناية المركزة. لحد ما حلتوا تستقر
نغم : انا رايحالوا
أدم: مسك ايدها. يا نغم اسمعي الكلام لما يفوق
نغم: بغيظ زقت ايده. قلت انا رايحالوا لازم اكون جنبه
أدم: من جواه معقول. دي نغم معقول بتحب مهاب اوي كدة. ااانا رايح مكتبي لما مهاب يفوق تبلغيني. كان بيقولها للممرضة اللي جنبه.
الممرضة: حاضر. هبلغ حضرتك
ودخلت نغم العناية لمهاب. وقعدت جنبه ومسكت ايده وهي بتعيط.
نغم: حبيبي. فوق بقي عايزة اطمن عليك انا قلبي واجعني مش متحملة اشوفك كدة. مش مهاب اللي ينام كدة. انتي اقوي من كدة فوق بسرعة علشان خاطري. وباست ايده وحضنتها
وفضلت جنبه وسامح وأدم وسهام وامجد وحسين ودولت كلهم برا وشايفين نغم وهي قاعدة جنبه من الازاز بتاع العناية.
سامح: بيحاول يمسك دموعه وبيكلم نفسه. قوم يا صاحبي قوم ده انت صاحب عمري مقدرش اعيش من غيرك. يارب متعقبنيش علشان انا فكرت في نغم وتاخدوا مني. والله كان غصب عني. مهاب اخويا وحبيبي يارب ناجيه وانا ححاول انساها بس خليه يرجع ويتجوزها ده بيحبها بيحبها اوي.
أدم: خلاص يا نغم انا لازم انساكي. اللي تحب واحد اوي كدة أكيد حتي لو مهاب مكملش مش هيكون في مكان في قلبك لحد تاني. يارب يا مهاب تعيش وترجعلها علشان تفرحها
وتتجوزها.
وبعد مرور اسبوع مهاب كان اتنقل أوضة عادية بس لسة مافقش. نغم كانت لسه قاعدة جنب مهاب ومش بتسيبه ولا بتشتغل شغلها اصلا وطول الوقت جنبه تصلي وتقرألوا قرأن. وأدم كان سايبها علشان مقدر اللي هي فيه. وفي يوم. نغم كانت بره بتتكلم مع زميلة ليها ومهاب فاق. و قام مهاب من النوع القوي ومش سهل يفوق ويفضل في السرير. قام يشوف ايه اللي حصله لقي ذراعه في جرح وصدره وذراعه مرفوع بالحزام قام وراح ناحية الباب سمع صوت نغم بتبكي وهي بتتكلم مع زمياتها مهاب ابتسم ولما لاقاها خلاص داخلة رجع سريره وعمل نفسه نايم. ودخلت نغم وقربت منه وهي بتعيط
نغم: اتنهدت. اه يا حبيبي فوق بقي كفاية اسبوع وانا شايفاك كدة انا هموت ارجوك عايزة اشوف عنيك. وقربت منه علشان تبوسه من خده. بس مهاب لف بسرعة وحاوطها بإيده السليمه وباسها هو. وكانت وحشاه
نغم: حاولت تبعد وتاخد نفسها ومش مصدقة. وابتسمت حبيبي انت فوقت
مهاب: مد ايده ومسح دموعها. وابتسم اه يا حبيبتي فوقت وحشششتييني اوي
نغم: انت وحشتني اكتر كنت هموت من قلقي عليك. ورمت نفسها في حضنه
مهاب: اتألم. اه يا مجنونة
نغم: رجعت. بسرعة وكتمت نفسها خايفة تكون اذته. اانا اسفة والله مش قاصدي
مهاب: هههههههه. ولا يهمك انا فداكي. وحاول يقعد.
نغم: ساعدته وعدلتله المخدة. وسندتله ظهره. وكانت قريبة منه
مهاب: قربها منه وحضنها.
نغم: في الوقت ده زي ما تكون اول مرة من اسبوع تكتشف ان مهاب بصدر عاري ومش لابس قميصه. لانها ببساطة مكنتش بتفكر في حاجة غير انها خايفة عليه وحزينه. واول لما مهاب حضنها وايديها جات علي كتفه
اتكسفت وحاولت تبعد
مهاب: مقربها ليه ومش عايزها تبعد مالك مش كنتي عايزة تحضنيني من شويه انا اتعدلتلك اهو علشان اعرف احضنك
نغم: اتكسفت. ايه لا انا بس كنت خايفة عليك. بس دلوقتي
مهاب: ابتسم. دلوقتي ايه
نغم : اااانت مش لابس حاجة
مهاب: هههههههه وانتي بقي معايا كل الفترة دي ومكنتيش واخدة بالك اني كدة.
نغم: ايه لا والله مش كنت مركزة
مهاب: باسها من خدها. خلاص لازم تتعودي علي كدة. انتي بقيتي مراتي. احنا مأجلين الجواز بس لحد ما تتخرجي هتفضلي تتكسفي مني كدة والله اعمل الدخلة هنا في المستشفي انتي حرة
نغم : ابتسمت بخجل. طيب ممكن تسيبني انا مش عايزة ابعدك علشان موجعكش.
مهاب: بحنية. وانتي لسة هتوجعيني ما خلاص اتوجعت من زمان من اول ما شوفت عنيكي.
نغم: هههههه مهاب انت لحقت تفوق علي شقواتك دي. ابعد لحد يدخل ويشوفنا كدة
مهاب: تؤتؤتؤ مش هبعد الا لما اخد اللي انا عايزه
نغم: اللي هو ايه بقي
مهاب: قربها منه اكتر وباسها بس كانت طويلة ايييي.
في الوقت ده دخل أدم وسامح.
نغم: زقت مهاب وبعدت. وهي مكسوفة
مهاب: هو الباب ده عملوه ليه مش علشان الناس تخبط. انتوا ايه مبتفهموش.
سامح: ههههههه اه يا بن اللذين ده انت كنت عايز رصاصة في لسانك كمان. هو انت لحقت تفوق علشان تطول لسانك
أدم: بغيرة. احنا اسفين بس مكناش نعرف انك فوقت. وكنا جاين نطمن عليك. بس واضح انك بقيت زي الحصان
مهاب مسك ايد نغم اللي كانت قريبة منه وقعدها جنبه وبيبتسم.
مهاب: طبعا لازم ابقي زي الحصان مش معايا حبيبتي وروح قلبي
أدم: طيب متنسيش يا نغم تغيريله علي الجرح وتديله الدوا بتاعه
نغم: حاضر يا دكتور أدم.
وخرج أدم. ونغم قامت تجيب الحاجات اللي هتغير بيها علي جرح مهاب. وقرب سامح من مهاب
سامح: ارحم نفسك ربنا يهدك انت لحقت تقوم. وبعدين متنساش انت بذراع واحد استني لما التاني يخف
مهاب: هههههههه مش محتاجه في حاجة يا غشيم. عادي انت عارف انا بتعامل.
سامح: ههههههه انت هتقولي ماشي المهم حمد لله علي سلامتك يا هوبا. ده انت وقعت قلبي
مهاب: الله يسلمك. قولي الزفت ده مات
سامح: حامد اه غار في داهية بس ربنا يستر بقي. ولاده عرفه ان انت اللي قتلته.
مهاب: ولا يهمك. يعملوا اللي يعملوه انا بس خايف يعرفوا اني اتجوزت خايف علي نغم.
سامح: انا مستعد اوصلها كل مكان تروحوا لحد ما انت تخرج من هنا
مهاب: مفيش حل تاني لازم نخلي بالنا منها. انا حاسس اني اناني اوي يا سامح
سامح: ليه يا مهاب.
مهاب: علشان بحبها وعايزها جنبي ومعايا. وانا عارف انها ممكن يحصلها حاجة بسببي
سامح: بقولك ايه مش احنا اللي نسيب حريمنا يتبهدلوا انا معاها لحد ما انت تخرج وتستلمها مش هسيبها تخرج لوحدها ابدا
مهاب: ابتسم. حبيبي يا سمسم. ربنا يخليك نردهالك كدة لما تضرب بالرصاص يا حبيبي
سامح: تصدق ان انا غلطان. اني بعبر واحد تنح زيك.
ودخلت نغم علشان تغير لمهاب علي الجرح
سامح: غمز مهاب. احممم انا ماشي بقي علشان اسيبك ترتاح
مهاب: هههههه بالسلامة يا اخويا
نغم: ممكن تخليك انا هغيرلوه علي الجرح بسرعة
سامح: متصنع الحزن. لا اصلي قلبي ضعيف مستحملش المظر
نغم: عقد حاجبها ازاي ظابط وبتضرب بالنار وتخاف من شكل الجرح
مهاب. وسامح: ههههههههههه
سامح: يكون في عونك يا ابني ده انت هتبدي من الاول
مهاب: عمرك شوفت عسسل كدة
صدقت انك بتخاف من الجرح
سامح: هههههه معلش انا ماشي. نغم هو انتي مروحة امتي علشان انا اللي هوصلك لحد ما مهاب يخرج من المستشفي
نغم: لا انا مش بروح انا قاعدة هنا لحد ما مهاب يخرج
مهاب: ليه يا حبيبتي انتي مروحتيش من ساعت من انا دخلت هنا. طيب وجامعتك
نغم: ماما بتجبلي كل حجاتي وسهي صاحبتي بتجبلي الحضرات اللي بتفوتني. انا مش ممكن اسيبك لوحدك ابدا
مهاب: ابتسم. طب بس بقي علشان الواد ده قرار وعينه وحشة ممكن يجبنا الارض
سامح: بيعض علي شفايفه. اه يا ابن الحظوظة. كل ده حب
نغم: اتكسفت. وبصت في الارض
مهاب: برة يا لا متجيش هنا تاني
سامح: ماشي يا ندل. هات حضن بقي
مهاب: لو قربت مني هروقك. وانت زي الحيطة كدة انا لسة تعبان
سامح: لا وربنا. جات علي الحضن بتاعي ما انت كنت عايش من شوية
مهاب: اقسم بالله انيمك علي السرير اللي جنبي دلوقتي. والدكاترة يحتاره فيك. امشي يا غلس. ولو نغم هتخرج هكلمك
سامح: هههههه ماشي سلام يا عريس سلام يا نغم ومشي سامح
نغم: ساكته ومبوزة
مهاب: حبيبي زعلان ليه
نغم: يعني مش عارف. علشان كنت بتترأ عليا انت وسامح
مهاب: ههههه ابدا والله ده كان اعجاب ببرائتك وانك مش فاهمة هو يقصد ايه
نغم: ليه يعني هو كان يقصد ايه
مهاب: باس ايديها. كان يقصد انه عايز يسيبنا لوحدنا علشان عارف اني عايز افترسك. وانتي بتغيرليلي علي الجرح
نغم: هههههه لا بجد وانتوا بتفهمه بعض ازاي كدة
مهاب: هههههه لا يا قلبي دي اي حد يفهمها بس انتي اللي مش من الدنيا دي.
نغم : طيب ممكن تبطل كلام كتير. علشان اغيرلك علي الجرح
مهاب: حاضر هسكت. وكان بيبصلها وهي بتفك الحزام علشان تغيرله علي الجرح.
نغم: كانت متلخبطة ومكسوفة وهي بتلمسه وكمان من نظراته ليها ممكن تبص بعيد انا متلخبطة لوحدي
مهاب: ابتسم. حاضر هبص بعيد وحاوطها بإيده السليمه من خصرها
نغم: مهاب لو سمحت اثبت وبطل الحركات دي مش عارفة اخلص بسببك
مهاب: ومين قالك اني عايزك تخلصي انا عايزك تفضلي تعملي كدة علشان تكوني قريبة مني وفي حضني
نغم: ربطت الجرح وخلصت. انا خلصت ممكن تسيبني بقي بدل ما حد يدخل تاني
مهاب: هسيبك بس ادفعي الاول
نغم: ادفع ايه
مهاب: يا لهوي علي رأي سامح ده انا هبتدي معاكي من الاول.
نغم : مش فاهمة حاجة
مهاب: انا هفهمك..........
نغم : مهاب اوعي بجد لا متعملش كدة تاني
مهاب: ههههههه هو مفيش حاجة في الادوية دي لوشك اللي احمر ده
نغم: بغيظ. لا في اني همشي واسيبك
لوحدك
مهاب: واهون عليكي
نغم: اعملك ايه ما انت اللي.ببتت
مهاب: ههههههه خلاص اوعدك هبقي مؤدب بس خليكي معايا علشان خاطري
نغم: ابتسمت. خلاص هقعد. بس بعيد عنك
مهاب: ابتسم مش مهم المهم اني اشوفك
(في ڤيلا حامد الفيومي)
قاعد. شوقي مساعد عزمي الفيومي ابن حامد الفيومي اللي مهاب قتله
ومعاه عزمي الفيومي واخوه عدنان الفيومي.
عدنان: بيخبط بإيده علي الحيطة بغيظ. وديني يا مهاب الكلب لقتلك زي ما قتلت ابويا
عزمي: ثابت ومش منفعل. اهدي مش بسهولة كدة نقتله. ده لازم نسويه علي نار هادية.
عدنان: اومال انت ناوي علي ايه تسيبه عايش بعد ما قتل ابونا.
عزمي: قام وهو عنيه كلها شر وخبط علي كتف عدنان. لا طبعا بس انا لازم ازله الاول واكسر عينه واخليه هو بنفسه اللي يدخلنا البضاعة اللي جاية
عدنان: ازاي مش فاهم
عزمي: ابتسم بمكر. انا عرفتا إنه كتب كتابه بس متجوزش لسه. يعني خلاص قرب يحط رقبته تحت جزمتي.
عدنان: طيب حلو ما نخطفها ونظبطهالوا قبل الفرح وتبقي الهدية بتاعته
عزمي: لا يا غشيم. كدة ممكن متوجعوش علشان لسة علي البر. انا هستني وهسيبوا يتجوز وينبسط وكل الناس تعرف انه اتجوز. علشان لما اخطفها واحرق قلبه عليها توجعه اكتر وكمان لسة احنا متفقناش علي البضاعة الجديدة. علي بال ما احنا نخلص والعين تبعد عننا يكون هو اتجوز. بس المهم مش عايزه هو وهي يغيبوا عن عنيكم لحظة.
عدنان: متخفش هخلي الرجالة معاه زي ضله.
عزمي: كور بقرضة ايده بغل. ورحمة ابويا الغالي يا مهاب ما هسيبك وهفرمك.
((((تري يا قلب احببت من)))) .. بقلم ريحانة الجنة
(((الحلقة الخامسة عشر))) #ريحانة
(في المستشفي)
نغم قاعدة بتأكل مهاب.
مهاب: حبيبتي شبعت والله.
نغم : علشان خاطري. دي وبس
مهاب: انا علشان خاطرك ممكن اكلك انتي شخصيا
نغم: هههههههه ماشي انا راضية.
في الوقت ده دخل سامح ومعاه اللواء سراج مهاب حاول يقوم علشان يسلم عليه.
اللواء سراج: مسكه من كتفه خليك مكانك. انت تعبان
مهاب: ميصحش سيادتك
سراج: هههه لا يصح انا جيت اطمن عليك معلش اتأخرت شويه عليك بس انت عارف كنت لازم اقفل القضية
مهاب: يا خبر ازاي بس ده كفاية ان سيادتك جيت بنفسك.
سراج: لا ازاي مجيش اشوف الاسد بتاعنا بنفسي بس قولي سامح قالي انك كنت لاول مرة تلبس القميص الواقي. انصبت ازاي
مهاب: بصراحة سيادتك انا بعد ما لبسته وكل واحد فينا راح مكانه. حسيت اني مش انا مهاب. اللي عمر الخوف ماعرف طريق لقلبه قلعته وراميته وكملت من غيره
سراج: طبطب علي كتفه وهو فخور بيه. صحيح وحش من يومك عموما حمد لله علي سلامتك مش دي العروسة بردوا
مهاب: بص لنغم ايوة سيادتك هي نغم
سراج: ان شاء الله ربنا يطمنك عليه وتتجوزه قريب
نغم: متشكرة لحضرتك
سراج: طيب اشوفك علي خير يا سيادة المقدم
مهاب: بصله بجد
سامح: انا وانت يا حلو اترقيت معاك
سراج: الف مبروك يا ولاد يالا بقي يا بطل قوم محتاجينك
مهاب: فرحان ان شاء الله سيادتك انا خارج بكرة وهرجع الشغل بسرعة
سراج: لا انت معاك اجازة مفتوحة تخف براحتك. انا عايزك ترجعلي احسن من الاول. اسد بصحيح مفهوم
مهاب: هههههههه تحت امرك سيادتك
ومشي سراج وسامح وجه تاني يوم مهاب مروح البيت بس لسة كتفه مربوط والجرح لسة بيحتاج يغير عليه. ونغم كانت بره الاوضة لحد مايلبس هدومه المهمة وهي تساعده في باقي اللبس وخبطت نغم
مهاب: بنفاذ صبر. بعد ما لبس البنطلون بس. ادخلي يا حبيبتي
نغم : دخلت محرجة. خلصت. اجي اساعدك في الباقي
مهاب: قصدك اتعذبت. سيبتيني في المهم وجاي دلوقتي تقوليلي اساعدك
نغم: يعني عايزني اعمل ايه اقف ازاي وانت من غير هدوم
مهاب: متصنع الزعل. طيب شكرا مش عايز منك حاجة انا هكمل
نغم: قربت منه. واخدت القميص منه انا هلبسهولك
مهاب: مبوز. شكرا انا هلبسه
نغم: مهاب متبقاش غلس والله كنت مكسوفة
مهاب: ما احنا كتبنا الكتاب علشان تفكي شوية وانتي لسة بتتعاملي معايا اكني غريب مش جوزك.
نغم: طيب خلاص حكاول اتأقلم مع الوضع الجديد. وابتدت تلبسه القميص. وهي كدة وواقفة قدامه
مهاب: حاوطها من خصرها. وضمها ليه مش هتصلحيني
نغم: اصالحك ازاي
مهاب: لسة بتسألي
نغم: باسته من خده. متزعلش
مهاب: اللي لعده
نغم: مهاب كفاية
مهاب: خلاص اوعي
نغم: استني بس انت بتغضب زي الاطفال
مهاب: نغم انا بحبك وانتي مراتي يعني اي حاجة بينا مش عيب فاهمة. انا متحمل بعدك بس علشان وعدي ليكي اننا نأجل الدخلة لحد ما تخلصي الترم ده. لكن تبعدي عني بالشكل ده كدة كتير بصراحة.
نغم : طيب ممكن نأجل كلام في الموضوع ده بعدين سامح مستنيك بره علشان يروحك
مهاب: هو انتي مش جاية معايا .
نغم: ارتبكت. ايه لا طبعا اجي معاك البيت. لوحدنا
مهاب: تاني يا نغم وبعدين انتي ناسية انك هتغيريلي علي الجرح وكمان في دواء هخده.
نغم: بس اصل
مهاب: بخنقة متصنعة. خلاص يا نغم انا هخلي أدم يشوفلي ممرضة كويسة تيجي معايا وتخلي بالها مني. واداها ظهره
نغم: بنرفزة. حطت ايديها في وسطها. نعم يا حبيبي ممرضة ايه دي بقي اللي عايزها تروح معاك. ده كنت اخنقك
مهاب: مديها ظهره وبيكتم ضحكته. ايوة اعملك ايه تبقا مراتي دكتورة ومش عايزة تخلي بالها مني. بس وحياتي انتي عارفة زوقي شوفيلي واحدة حلوة. وتفتح النفس
نغم: جزت علي سنانها. وخبطته في كتفه
مهاب: اه يا مجنونة حرام عليكي كتفي بيوجعني.
نغم: احسن علشان تتربي. ده بعينك اني اخلي واحدة تانية تقرب منك
مهاب: ابتسم وضمها ليه. بتغيري عليا
نغم: مبوزة. اه طبعا وانت عندك شك في كدة
مهاب: اممم طيب جاية معايا ولالا
نغم: طيب ممكن استأذن من ماما الاول
مهاب: ابتسم. ممكن كلميها يالا
نغم : اخدت التليفون. وكلمت مامتها.... ايوة يا ماما كنت عايزة استأذنك ممكن اروح مع سامح وهو بيوصل مهاب البيت علشان اطمن عليه وكمان اغيرله علي الجرح واشوفه لو محتاج حاجة
سهام: اه يا حبيبتي ممكن. بس عايزة اقولك حاجة خلي بالك انتي اه مراتوا وانك تروحي معاه لا هو عيب ولا حرام بس كمان عايزاكي تحافظي علي نفسك لحد ما نعمل الفرح متضيعيش فرحتي يا نغم
نغم : لا لا يا ماما انتي فاهمة غلط والله احنا بس مش
مهاب: اخد منها التليفون. ايوة يا طنط انا مهاب
سهام: ايوة يا حبيبي حمد لله علي سلامتك. انا بكرة ان شاء الله هاجي اطمن عليك.
مهاب: تشرفيني يا حماتي. مش عايزك متخافي علي نغم وهي معايا
سهام: يا حبيبي مش خايفة بس الانسان ضعيف يا مهاب. واحنا اتفقنا نأجل اي حاجة لحد ماتخلص امتحانات.
مهاب: متخفيش انا عند واعدي هي بس هتقعد معايا شوية وسامح هيوصلها
سهام: ماشي يا حبيبي خلي بالك منها. مع السلامة
مهاب: قفل التليفون. ممكن بقي نمشي
نغم: اتفضل.
ومشي مهاب ونغم وسامح وهما في العربية
سامح: اعرف بس انت بتجيب الغلاسة دي منين سواق اهلك انا علشان تقعد ورا حضرتك.
مهاب: ههههههه انت عايزني اسيب حبيبتي لوحدها واقعد جنبك. سوق وانت ساكت
سامح: بارد .
مهاب: مسمعش صوتك لحد ما نوصل
سامح: ماشي. طيب تحب سيادتك اجبلكم غداء واحنا في الطريق
مهاب: اه يا ريت علشان مفيش اكل في البيت. ناني حبيبتي تحبي تاكلي ايه
نغم: لا طبعا اكل من مطاعم وانت تعبان لا انت لازم تاكل اكل من البيت
مهاب: ده اللي هو ازاي مين اللي هيعملوا بقي انا اصلا معرفش شكل مطبخ شقتي
نغم: خلاص انا لما نوصل هعملك اكل
مهاب: لا بجد هو انتي بتعرفي تتطبخي
نغم: هههههه اه طبعا مالك مستغرب ليه
مهاب: ابدا يعني جامعة ومستشفي ومذاكرة بتتعلمي الطبخ امتي
نغم : انا بحب الاكل وبدخل مع ماما المطبخ علي طول
سامح: بيضالك في القفص يا ابن المحظوظة
مهاب: اخرس. يخربيتك. مش سالم من قرك حتي وانا تعبان
سامح: اعملك ايه انت اللي حظك نار. دكتورة وبتعرف تتطبخ
مهاب: ربنا يهدك يا شيخ
نغم : انت بس قولي تحب تاكل ايه وانا اعملهولك.
مهاب: لا بقي لو علي اللي احبه اقولك. بتعرفي تعملي مكرونة بالباشمل. وبفتيك
سامح: ههههههه طفس
مهاب: قلتلك اخرس
نغم: هههههههه اه طبعا بعرف بس الاكل ده تقيل عليك وانت لسة تعبان واصلا انت خرجت بدري من المستشفي
مهاب: تقيل علي مين انا مهاب يا روحي. متقلقيش قولي بقي انك مبتعرفيش تعمليها.
نغم: بتتحداني. ماشي خلاص هعملهالك
سامح: وانا اعمليلي شوربة
مهاب: روح لفوفة تعملهالك يا اخويا. وانت فاكر انك هتقعد معانا
سامح: ليه الندالة دي انا عايز ادوق الباشميل
مهاب: لا انا ممكن ادوقك حاجة تانية لو تحب
سامح: لا شكرا .. يالا وصلنا بس بقولك كلمني قبل ما نغم تمشي علشان الحق اجيلك
مهاب: تمام سلام
وطلعت نغم مع مهاب البيت. ولما دخلت عجبتها الشقة جدا
مهاب: مالك يا روحي اقعدي
نغم : لا وريني المطبخ الاول عايزة اعملك الاكل بسرعة
مهاب: قرب منها للدرجة دي عايزة تخلصي مني وتمشي
نغم: رجعت لورا. احممم ايه لا والله انا بس علشان تلحق تاكل وتاخد دواك
مهاب: طيب تعالي نقعد شوية وبعدين قومي اعملي الاكل..
نغم: قعدت وهي قلبها بيدق وخايفة دي اول مرة تقعد مع مهاب لوحدها هي اه مراته بس هي مكسوفة
مهاب: قاعدة بعيد ليه
نغم: لا مش بعيد ولا حاجة انا قريبة اهو
مهاب: نغم ممكن تقلعي الحجاب لحد ما تنزلي اظن انه خلاص بقيت جوزك مش معقول تقعدي معايا بالحجاب
نغم : اه طبعا. بس
مهاب: جز علي سنانه. نغم
نغم: خلاص خلاص هشيلوا. وفكت نغم الحجاب وكانت مفاجأة لمهاب اول مرة يشوف شعرها لونه طوله نعومته كأنه كمل مع وشها الجميل والبرئ صورتها الجميلة
مهاب: قام وقرب منها. مش ممكن ايه الجمال ده هو في كدة وكان بيملس علي شعرها لون شعرك حلو اوييي
نغم: وشها احمر وابتدت تترعش من لمسات مهاب. هي بتحبه بس خجلانه منه
مهاب: حبيبتي ممكن تهدي انا مش هعملك حاجة انا بس معجب بجمالك اللي كل يوم بيزيد وبتفاجأ بيه ده
نغم: مهاب ممكن توريني المطبخ
مهاب: ممكن بس ممكن اخد حاجة صغيرة كدة. وقرب منها ونسي نفسه شوية معاها لانها واحشاه ومصدق تبقي مراته. وبعد شوية بعد عنها بعد لما هي عيطت. قام وهو متضايق لانه زودها شوية وخصوصا لما لاقاها بتعدل هدومها وافتكر انه ايده طولت شويتين.
نغم: بتعيط. انا عايزة امشي
مهاب: قرب منها معلش حقك عليا انا زوتها شوية بس عادي احنا مبنعملش حاجة حرام ولا عيب.
نغم: ايوة بس انا مش متعودة
وكمان انت وعدت ماما
مهاب: بيمسح دموعها. اه وعدتها بس وعدتها اني ميحصلش جواز لكن اللي حصل دلوقتي عادي يا روحي مفيهوش مشكله
نغم: ساكته.
مهاب: طيب متزعليش واوعدك مش هقربلك تاني لحد ما تروحي خلاص
نغم: خلاص. ممكن بقي توريني المطبخ
مهاب: ابتسم تعالي يا روحي هوريهولك. واخدها المطبخ بصي بقي اكتشفي براحتك واي حاجة محتاجاها ومش موجودة عندك هنا تليفون السوبر ماركت. اتصلي يبعتولك اللي انتي عايزاه. هما عارفين رقم التليفون والعنوان.
نغم انت هتروح فين
مهاب: هدخل اخد حمام علشان افوق. وارجعلك بسرعة ماشي
نغم : هزت راسها ماشي.
ودخل مهاب الحمام واخد حمام وكان متضايق من نفسه انه اتسرع معاها. غبي مش قادر تمسك نفسك. بس اصلها واحشاني اوي بنت اللذين. بس انا لازم اراعي ان نغم ملهاش تجارب ودي اول مرة دي كانت بتترعش وانا قريب منها. لا انا لازم استني عليها لحد ما نعمل الفرح وقتها اكيد هتكون اخدت عليا شوية. وخرج من الحمام ولبس بيجامة وراح لنغم المطبخ وكانت واقفة بظهرها اتسحب براحة وحاوطها وحضنها وحشتيني الشوية دول
نغم: شهقت من الخضة. مهاب والله حرام عليك مش تعمل اي صوت كدة قلبي بيدق والله
مهاب: ههههههههه معلش متزعليش بس وريني كدة دقات قلبك
نغم: ضربته علي ايده. ايدك كفايه اللي عملته من شوية.
مهاب: مسح شعره بإيده وابتسم. خلاص بقي ميبقاش قلبك اسود قلتلك مش هتتكرر لحد ماتروحي
نغم:طيب قولي كتفك عامل ايه
مهاب: كتفي كويس بس قلبي هو اللي تعبان
نغم: ابتسمت وكملت اللي كانت بتعمله
مهاب: ماشي يا عم المنفض انت . قوليلي اساعدك في ايه بقي
نغم: ههههه تساعدني وكمان وانت بإيد واحدة. ازي
مهاب: لا متستقليش بالإيد دي ده انا مهاب يعني ممكن اشقلبلك دلوقتي
نغم: هههههههههه لا خلاص مصدقاك بس انت ممكن تقعد بره لحد لما اخلص. انا خلاص حطيت المكرونة في الفرن
مهاب: لا انا هقعد هنا اتفرج عليكي
نغم: ابتسمت خلاص اقعد بس وانت ساكت.
مهاب: ههههههههه حاضر
وبعد شوية نغم خلصت الاكل ومهاب ساعدها في تحضير السفرة وقعدوا يتغدوا
مهاب: تسلم ايدك يا قلبي الاكل جميل
زيك بالظبط
نغم : بالهنا والشفا بس يا ريت متكونش بتجاملني
مهاب: لا متقلقيش انا مجملش علي حساب بطني ابدا. وبعدين انا اكلت نص الصنية تقوليلي بجامل
نغم: هههههههه واضح انك كنت جعان
مهاب: هههههههه جدا اصل اكل المستشفي ده ملوش طعم
نغم : طيب تحب تشرب ايه قهوة ولا شاي اللي يعجبك
مهاب: يا سلام لو قهوة مظبوط تبقي حبيبتي بجد
نغم : ابتسمت. حاضر ثواني
وشالت نغم الاكل ووضبط المطبخ وعملت القهوة لمهاب. وجابتهالو وكان بيشرب سجاير
نغم: اتفضل. بس ممكن بقي تقلل السجاير دي شوية انت لسة تعبان وبعدين دي غلط علي صحتك
مهاب: تسلم ايدك. بس متقلقيش علي صحتي انا كويس.
نغم : مهاب انا اتأخرت ممكن اروح
مهاب: ليه بس يا روحي خليكي معايا شوية. نغم هتصدقيني لو قولتلك اني النهاردة مبسوط جدا وانتي معايا هنا احساس جميل اوي انا كنت محروم منه انا طول عمري لوحدي بس النهاردة كنت سعيد اوي وانا شايفك في المطبخ وبتتغدي معايا وقاعدة معايا ارجوكي خليكي شوية
نغم : حاست انه صعب عليها لانه فعلا عايش علي طول لوحده. قربت منه. وطبطبت علي كتفه. خلاص هقعد شوية بس اوعي تأخرني
مهاب: ابتسم وحضنها. متخفيش مش هأخرك. بس خليكي معايا شوية
وقعدت نغم شوية تاني مع مهاب وكان عند وعده مقربش منها خلاص كانوا بيتكلموا ويضحكوا واتفرجوا علي فيلم سوا. وبعدين مهاب بان عليه التعب المسكن مفعوله راح والجرح شد عليه
نغم: حبيبي انت شكلك تعبان ثواني اجيب الحقنه بتاعت المسكن
مهاب: يا ريت يا نغم الجرح بيشد اوي
نغم : بسرعة حضرت الحقنة. وادتهالوا وكمان ادتلوا الدواء. مهاب ممكن تكلم سامح انا اتأخرت وكمان انت محتاج تنام وترتاح.
مهاب: حاضر يا حبيبتي عنك حق انا اخرتك النهاردة. ثواني وكلم مهاب سامح وقالو انه جاي بسرعة.
نغم : حبيبي انت شكلك نعسان خالص ادخل نام وانا لما سامح يجي هنزل علي طول
مهاب: انا فعلا عايز انام بس تعرفي نفسي انام وانا في حضنك
نغم : اتكسفت. ان شاء الله بعد الفرح هتزهق مني
مهاب: انا مستحيل أزهق منك ازهق من روحي. بصي يا حبيبتي لو نمت وانا قاعد معاكي من الدوا اللي اديتيهولي ده. خلي بالك سامح مش هيطلع هو هيتصل علي تليفوني ردي عليه وانزليله. ماشي
نغم : حاضر بس ادخل نام جوا بلاش هنا مش هتكون مرتاح
مهاب: تؤتؤتؤ انا عايز افضل معاكي ولو دخلت جوا انتي مش هتكوني معايا
نغم: سكتت شوية. وبعدين قامت ومسكت ايده تعالي انا هقعد جنبك لحد ما تنام
مهاب: ابتسم. بجد يعني مش خايفة مني
نغم: تؤتؤ مش خايفة انت وعدتني وانا بثق فيك
مهاب:ههههههههه بتحرجيني انتي بس بشياكة. بس ماشي انا عند وعدي تعالي
ودخلت نغم مع مهاب ونيمته في السرير وقعدت جنبه وهو حضنها ونام وهي بتملس علي شعره
مهاب: ياه يا نغم انا عمر ماحد عملي كدة. تعرفي انتي حنينة اوي
نغم: تعرف انت اني مكنتش اتخيل انك ممكن تكون هادي ورقيق كدة شخصيتك بتقول عكس كدة.
مهاب: نغم انا مش سهل ابان ضعيف قصاد اي حد انتي الوحيدة اللي بحب ضعفي معاها
نغم: وانا بحبك اوي. ويارب اقدر اعوضك عن وحددتك السنين اللي فاتت دي وتكون سعيد معايا
مهاب: حضنها اكتر. طبعا هكون سعيد من وجودك معايا. انا لو عليا مسبكيش ابدا واخليكي معايا علي طول
نغم: طيب ممكن تبطل كلام وتنام انت تعبت اوي النهاردة
مهاب: غمض عنيه. اهو خلاص هنام
وفعلا مهاب نام بسرعة من مفعول المسكن. ونغم كانت بتبصله وهي مبسوطة.
نغم: والله يا حبيبي نفسي انام جنبك واخدك في حضني بس معلش هانت اخلص بس الترم ده وافضالك. اصل بصراحة انت لو اتجوزتك يبقي مش هتخرج في سنتي. وابتسمت
وتليفون مهاب رن .. سامح
نغم : ايوة يا سامح. انا نازلة حالا
وقربت نغم من مهاب باسته وسابته ينام ونزلت لسامح
سامح: فتح لنغم الباب اتفضلي
نغم : ركبت. وسامح لف وساق
سامح: بيكلم نفسه. يارب شيلها من دماغي ايه بس ده. انا حاسس اني بخون مهاب. بتفكيري فيها بإستمرار. استغفر الله العظيم. قوليلي يا نغم مهاب عامل ايه دلوقتي
نغم : الحمد لله بس لسة تعبان هو نام ان شاء الله يومين ويبقي كويس
سامح: طيب بصي اي وقت هتخرجي فيه من البيت تخلي مهاب يكلمني اوعي تخرجي لوحدك تاني سامعة
نغم: بس ليه تتعب نفسك انا هبقي كويسة
سامح: نغم انتي مرات أخويا وزي اختي ولازم احافظ عليكي لحد ما مهاب يقوم بالسلامة. اي وقت تخرجي تكلمي مهاب ممكن
نغم : ابتسمت. ممكن وشكرا لتعبك
سامح: هههههه علي ايه بس مهاب لو كان مكاني كان عمل كدة.
وعدت فترة علاج مهاب وكانت نغم بتروحلوا بعد الجامعة وتطمن عليه وتغيرلوا علي الجرح وكمان اخدت عليه كتير عن الاول وده شئ كويس علشان الرهبة والخوف اللي كان جواها من الجواز تقل وفعلا قلت كتير عن الاول . ونزل مهاب الشغل بعد لما خف خالص. وبعدها بشوية نغم خلصت الامتحانات و كمان النتيجة طلعت ونجحت بإمتياز.وحددت هي ومهاب معاد الفرح وجه اليوم اللي مهاب كان هيموت عليه 😉😉😉😉😍😍😍😍😍
((((تري يا قلب احببت من)))) بقلم ريحانة الجنة
(((الحلقة السادسة عشر))) #ريحانة
امام بيوتي سينتر كبير واقف مهاب ببدلته السوداء الشيك جدا وقميصة الابيض والببيون الجميل وكان واكنه فارس من فرسان الرويات الخيالية. وكان مستني أميرته الجميلة واللي فعلا كانت هي كمان سندريلا بفستانها الابيض المنفوش الجميل. وحجابها الجميل كانه الاتنين قمة في الجمال والشياكة والروعة ومهاب اول ماشاف أميرته الجميلة راحلها وهو مش مصدق جمالها وسحرها
مهاب: بنظرة عاشق وحبيب. حبيبتي مش ممكن ايه الجمال ده
نغم: ابتسمت. مين فينا اللي يقول كدة انت مش شايف نفسك ولا ايه. انت عسسل اوي بالبدلة
مهاب: الله بقي انتي هتعكسيني من دلوقتي طيب استني بعد الفرح لما نروح.
نغم : ههههههههه ماشي هستني.
مهاب: باس ايديها. أميرتي تسمحلي. نروح القاعة بقي.
نغم: هزت راسها. اسمحلك.
مهاب:فتحلها الباب وركبت وركب هو كمان علشان يروحوا القاعة. وكل شوية يبصلها ويبتسم بإعجاب
نغم : بص قدامك.
مهاب: بيعض علي شفايفه. اه والله انا معايز فرح انا عايز اروح
نغم: ههههههههه ليه حرام عليك كنت عايز تتحوزني سكيتي من غير فرح
مهاب: باس ايديها. ودي تيجي يا روحي ده عملك احلي فرح في مصر كلها.
نغم : ربنا يخليك ليا يا حبيبي
مهاب: ويخليكي يا روحي. هشغلك اغنية حلوة زيك اوك
نغم: ماشي سمعني.
مهاب شغلها اغنية تحففففة لحماقي (اسمها اديني بدوب)( من اول يوم يا حبيبي. من اول عمري بحبك.ولأخر يوم يا حبيبي من عمري انا هفضل احبك. وعمري ماكنت اصدق عمري. قلبي يوم يحتار. ولا يطول الليل مع قمري وحدي ليل ونهار.واديني بدوب يا حبيبي بدوب يا عيوني بدوب وبحبك. من اول يوم ولاخر يوم من عمري انا هفضل احبك. ولا قبلك شوق ولا بعدك شوق. خلاني اقول يا حبيبي . خلاني اقول يا حبيبي. احلي كلام في عنيك خلاني. دوبت في بحر هواك. بعد البر ما كان عنواني. فجأة غرقت معاك. واديني بدوب يا حبيبي بدوب يا عيوني بدوب وبحبك)
ومهاب كان طول الوقت بيغنيها معاها وحاضن اديها ومبسوط.
في قاعة كبيرة في فندق 7 ستار. مهاب ونغم داخلين مع زفة تحححفة وخيالية وجميلة. وقعد هو ونغم
سامح بيقرب من مهاب علشان يبارلكلوا. وكان بيتمني يلاقي بنت زي نغم.
سامح:حبيبي يا هوبا الف مبروك يا وحش. اخيرا هتتهد وتجوز
مهاب: ههههههه حبيبي يا سمسم. عقبالك.
سامح: قبل ما يرد علي مهاب عينه وقعت علي بنت زي القمر واقفة جنب نغم. تنح وبإبتسامة وعينه عليها.شكلها قريب يا هوبا. ومال علي مهاب. بقولك ايه مين الصاروخ اللي جنب نغم دي
مهاب: بص عليها. ايه ده انت متعرفهاش
سامح: لا يا خويا والنبي ما اعرفها هو انالو اعرفها كنت سألتك
مهاب: ههههههه. طيب هقولك دي ندي اخت نغم
سامح: وانا اقول الجمال ده مش غريب عليا
مهاب: وحياة امك فريال هروقك قدام الناس.
سامح:هههههه والله ما اقصد بس واضح كدة ان امهم كانت بتتوحم علي مربي وعسل ابيض. البت عسسل اوي يا مهاب
مهاب: ههههههه ايوة فعلا. بس خالي بالك دي صغيرة عليك دي يا دوب اولي جامعة السنة دي
سامح: عز الطلب احب انا السن ده. ابوس ايدك عرفني عليها
مهاب: هههههه بس خلي بالك دي تبعي دلوقتي يعني تقل عقلك انت حر
سامح: والله العظيم. هعقل بس عرفني عليها بقي
مهاب: استني. ندي تعالي يا حبيبتي
ندي : قربت. نعم يا أبيه مهاب
سامح: اهلا هي فيها أبيه ده كدة هبقي جدو
مهاب: زغده في كتفه. احمم بقولك ايه يا دودو بلاش أبيه دي انا اسة صغير خليها مهاب اتفقنا
ندي: هههههه اتفقنا
نغم: وشوشت مهاب. ممكن اعرف كنت بتتوشوش انت وسامح علي ايه
مهاب: بعدين يا روحي. احمم اعرفك يا ندي سامح صاحبي وزميلي
سامح: مد ايده يسلم علي ندي وبيبصلها بإعجاب. اهلا ندي
ندي: اصلا عنيها كانت هتطلع علي سامح بس كانت بتخبي. احمم اهلا يا حضرة المقدم
سامح: لا مفيش حضرت. سامح بس
مهاب ونغم :هههههههههه
مهاب: فاكرة يا روحي
نغم: ههههه اه فاكرة نفس المشهد
سامح: ما تضحكونا معاكم
مهاب: وانت مالك بينا. بقولك ايه خد ندي واقف بعيد عايز اقول لعروستي كلمتين سر
سامح:بس كدة من عنيا
وراح سامح وندي وقفه بعيد.
سامح: قوليلي انتي دخلتي كليه ايه
ندي: كلية علوم
سامح: ايه العيلة اللي طالعة من مجلة طبية دي اختك دكتورة واخوكي صيدلي وانتي علوم ليه كدة
ندي: هههههههههه
سامح: يخربيت ضحكتك
ندي: احمم اعتبر دي معاكسة
سامح: والله اعتبريها زي ما يعجبك المهم ان ضحكتك تحنن
ندي: اتكسفت.
سامح: انتي فين يا فريال
ندي: مين فريال دي
سامح: ههههههه دي امي.اصلها كل ما تشوف وشي تقولي مش ناوي تتجوز وانا مكنتش لاقي اللي تستاهل. بس واضح كدة اني خلاص لاقتها
ندي: اتكسفت ووشها احمر. احمم عن اذنك
سامح: مسك ايدها. تعالي بس رايحة فين.
ندي: هروح اشوف ماما وامجد
سامح: لا وحيات ماما خليكي شوية
ندي:طيب ممكن تسيب ايدي. لو سمحت
سامح: ولونها حلوة ومتتسبش بس هسيبها علشان خاطرك
ندي: علي فكرة انت فيك كتير من مهاب
سامح: بس انا عنيه سوداء
ندي: ايه لا مقصودش كدة. ااقصدي في الهزار وخفة الدم وكدة
سامح: ابتسم. يعني انتي شايفة دمي خفيف
ندي :ابتسمت. وهزت راسها
سامح: لا والله كدة ماينفع انتي فين يا فريال.
فريال: جات من وراه وضربته علي دماغه. ايه بتنده عليا ليه
سامح: يا ماما عيب كدة قلتلك بطلي تخضيني
فريال: ابتسمت لما شافت ندي. قولي مين السكر دي
سامح: هههههه هي فعلا سكر. دي ندي اخت نغم
فريال: شدت ندي وحضنتها وفضلت حضناها وعمالة تتفحصها. اهلا اهلا بعروستنا ايه الحلاوة دي
ندي: عقدت حاجبها وبتبص لسامح
سامح: بيكتم ضحكته وبيبص لندي وبيقولها معلش
سامح: كفاية يا ماما. البت هتموت في ايدك
فريال: اخرس انت
سامح: بيجز علي سنانه. ماما عيب مش قدام المزة
ندي: اتكسفت. عن اذنكم اشوف نغم. ومشيت
سامح: عجبك كدة طفشتيها. ده انا مصدقت كلمتها
فريال: بس قمر يا واد يا سامح زي اختها
سامح: لا ندي احلي
فريال: لحقت تاكل عقلك
سامح: ماما اهدي بقي مش انتي عايزاني اتجوز سيبيني بقي اظبت الدنيا
مهاب: مش هنرقص تاني بقي ولا ايه
نغم: هنرقص. بس انا اللي مختارة الاغنية اللي جاية يارب تعجبك
مهاب: طبعا. تعالي يا قلبي هتعجبني
وابتدت الاغنية ومهاب لما سمعها
مهاب: ايه الاغنية التحفة دي
نغم: عارفها. علي فكرة انا اقصد كل كلمة فيها علشانك.
مهاب: طبعا دي جميلة. بس كتيرة عليا. ايه ده نغم انتي بتعيطي
نغم: مهاب احضني
مهاب: حضنها بس يا روحي مالك
نغم: اصل كنت كل لما اسمع الاغنية دي. ببقي عايزاك تسمعها. مهاب انت كل حاجة ليا. اوعي تسيبني في يوم من الايام
مهاب: مستحيل يا حبيبتي اني اسيبك. بطلي عياط بقي وخلينا نسمع الاغنية الحلوة اللي مختاراها دي
وفضلت نغم في حضن مهاب بيرقصه. وهي متعلقه فيه اكنه ابوها مش بس حبيبها وجوزها.
والاغنية دي كانت( لإليسا حالة حب)( عايشة حالة حب معاك واخداني. وصعب انها تتكرر تاني. وبعيشها لو انت بعيد او قدامي. واخيرا الايام رضيوا عليا. اخيرا جه يا حبيبي يوم بيا ارتاح من قسوة ايامي.سيبني اسرح فيك شوية. وانسي ايام ضاعوا مني. نفسي عمري يعدي بيا وانت بعنيك دول حاضني. وانا جنبك شايفة منك. حاجة من ريحة ابويا. حب الدنيا دي جواك ومعاك. شايفة حنية اخويا. وانت هنا معايا. بدعي من جوايا. تجمعني الايام بيك. ربنا يقبل دعايا. عايشة حالة حب معاك واخداني وصعب انها تتكرر تاني. كل يوم بينك وبيني مش هيبقي يوم وعدا. بكرة يجي وتلاقيني. نفس احساس النهاردة. من هنا ورايح سنيني. ناوية اعشهالك بحالها. صعب سنيني في يوم تتعاش غير لإنسان يستاهلها. وانت هنا معايا. بدعي من جوايا تجمعني الايام بيك. ربنا يقبل دعايا)
مهاب: حبيبتي كفاية عياط. انا جنبك ومعاكي.
نغم: مهاب انا عمري ما حسيت بالاحساس ده غير معاك انت وانت معايا بلاقي فيك كل اللي بتمناه بلاقيك حبيبي وابويا واخويا
انا بحبك اوي
مهاب: يا قلبي والله انا كمان بحبك اوي. اوي. بس بطلي عياط كدة الناس هتفتكر اني متجوزك غصب
نغم: بتمسح دموعها. ههههههه غصب ايه بس وانا اصلا هموت عليك
مهاب: طيب بس بقي اتلمي لحد ما نروح بس يارب تثبتي علي كدة. ومتقلبيش طماطم
نغم: ههههههههه انت هتلعها عليا ولا ايه كل شوية طماطم
مهاب: اعملك ايه ما انا كل ماالمسك لمسة وشك بيقلب طماطم
نغم: بدلع. لا النهاردة مفيش كسوف
مهاب:هههههه لا والله من امتي عموما لما نروح هشوف تعالي نقعد شوية.
وكملوا الفرح وكان فرح جميل وكل الموجودين فيه مبسوطين ما عدا ادم طبعا. أدم كان واقف لوحده وشكله حزين قربت منه سهي صاحبة نغم
سهي: دكتور أدم
أدم: فاق من شروده. ايوة مين حضرتك
سهي: انا سهي صاحبة نغم ونفس تخصصها
أدم: اه اهلا انسة سهي.
سهي: اهلا بحضرتك. نغم بتتكلم عن حضرتك كتير وبتقول انك دكتور شاطر جدا وانسان رائع
أدم: متشكر ليكي. هي نغم بتحب تبالغ بس
سهي: وهي بتسلم لأدم. لا خالص مبالغة ايه فعلا حضرتك انسان مفيش زيه
أدم: احممم متشكر. ده من زوقك
سهي: دكتور حضرتك عارف ان التكليف بتاعي انا ونغم كمان كام شهر
وطبعا حضرتك عارف ان نغم بعد سنة التكليف هتشتغل مع حضرتك في المستشفي
أدم: اه طبعا عارف ليه
سهي: يعني لو ينفع حضرتك توافق اشتغل مع نغم عندك في المستشفي بعد التكليف
أدم: اه طبعا ممكن مفيش مشكلة خلصي بس التكليف بتاعك وربنا يسهل. عن اذنك
ومشي أدم وسهي متغاظة
سهي: ياربي يعني مش طايق يقف معايا شوية. اعمل ايه بس نغم واختها كوشوا علي الاتنين اللي عيني كانت هتطلع عليهم. هي اخدت مهاب واختها السهتانة لازقة لسامح صاحبه. وادم مش طايق يتكلم معايا كلمتين اوفففف
وعدي الفرح ومهاب ونغم روحوا البيت وبقيوا لوحدهم
مهاب:بيقرب من نغم. حبيبة قلبي اخيرا هتبقي مراتي بجد مش علي الورق بس
نغم: بتبعد. احمم مهاب بقولك ايه
مهاب: قولي يا روحي
نغم : عايزين نصلي
مهاب: جز علي سنانه. اه نصلي ماشي نصلي منصليش ليه.
نغم: طيب هروح اغير الفستان واجيلك.
مهاب: تعالي هنا الفستان ده تبعي انا اللي هقلعهولك. انتي مش متوضية
نغم: ايه اه من وقت ماصليت العشاء في البيوتي سنتر
مهاب: خلاص استنيني اتوضي واجيلك. واوعي تقربي من الفستان لحد ما ارجعلك سامعة
نغم: هزت راسها. ولما مشي اخدت نفسها. يارب عديها علي خير انا خايف
مهاب شكله مش ناوي يجبها لبر
مهاب اتوضي ورجعلها وصلوا وبعد شوية
مهاب: مخنوق وعلي أخره. مش كفاية يا حبيبتي احنا لحد دلوقتي مصلين 6 ركعات ايه جاية توبي النهاردة ولا ايه
نغم: مكسوفة وقلقانة. ايه لا خلاص
مهاب: قرب منها. طيب تعالي بقي ندخل أوضتنا
نغم: بقولك ايه ما تيجي نقعد نتكلم شوية
مهاب: اه نتكلم وماله نتكلم استني كدة
وابتدي يفك قميصة
نغم: قلبها وقع. اااانت بتعمل ايه
مهاب: قرب منها وشالها هنتكلم بس في الاوضة علشان الجيران متسمعناش. تعالي
نغم: لا مهاب استني علشان خاطري
مهاب: دخل وقفل الباب برجله. 😊😊😊😊😊😉😉😉😉
((((تري يا قلب احببت من)))).. بقلم ريحانة الجنة
(((الحلقة السابعة عشر)))#ريحانة
(في بورتوا السخنة )
مهاب ونغم بيتمشوا علي البحر ومسكين ادين بعض.
مهاب: عجبك المكان يا قلبي
نغم : موت يجنن جميل اوي
مهاب: كل ده لا انا بغير . مش عايز حاجة تجننك غيري
نغم : هههههههه طبعا مجنونة بيك انت حبيبي.
مهاب: انتي اللي حبيبتي وروحي انا قلبي مدقش غير معاكي انتي وبس
نغم : يعني خلاص نسيت كل الستات اللي كنت تعرفهم ومش ممكن تحب غيري
مهاب: هههههه اه والله نسيت جالي فقدان ذاكرة
نغم: هههههه ححاول اصدقك. بس اعمل حسابك يوم ما تبص لغيري. انا اللي هموتك مش العصابة
مهاب: يا واد يا شقي انت. عموما متقلقيش. انا قلبي مفتاحه معاكي انتي وبس.
نغم: وانا خلاص رميت المفتاح في البحر ده علشان متعرفش تخرجني من قلبك.
مهاب: ابتسم. بقولك ايه ما تيجي نرجع الشاليه.
نغم: ههههههه لا انا عايزة اقعد علي الصخرة دي شوية
مهاب: امم دي ماشي وكمان هسمعك اغنية حلوة علشان تعرفي ان خلاص مفيش في حياتي غيرك انتي وبس لحد ما اموت.
نغم: بعد الشر عليك متجبش سيرة الموت تاني كفاية اللي حصلك قبل كدة. انا خلاص مقدرش اعيش منغيرك.
مهاب: باس ايديها. حاضر تعالي بقي.
واخدها مهاب وقعدها علي الصخرة ووقف جنبها وسمعها الاغنية دي وهي كانت حضناه وهو واقف جنبها. وكانت اغنية لذيذة( لعمرو دياب اسمها اهو ليل وعدي)( اهو ليل وعدي ليل وعدي ليل وراح. اهو ليل وعدي ليل وعدي معتش تاني جراح. ملكيش في الكون بديل ما صعب ومستحيل. اعشق واحب واميل. معقولة احب عليكي. هنعيش كتير حكايات. وان كان علي الماضي فات. دلوقتي امنيات العمر كله ليكي. اهو ليل وعدي وراح. اهو ليل وعدي معتش تاني جراح. اجمل ما فيكي روح. قلبك كتاب مفتوح. دلوقتي مش مسموح لحد يبص ليكي. اهو ليل وعدي)
وبعد الاغنيه مهاب لفلها وحوطها بإيده.
مهاب: هاه فهمتي
نغم: ابتسمت اه فهمت.
مهاب: حبيبتي . اوعي تخافي من اي حاجة وانا معاكي. انا مش ممكن افكر في غيرك. انا مفكرش في حاجة غير فيكي وفي اني ازاي اسعدك واحميكي
نغم: اه يا مهاب. انا مش عارفة ازاي كنت عايشة من غيرك. قبلك كانت حياتي. ملهاش طعم. جامعة ومذاكرة وشغل. مكنتش بفكر في نفسي اصلا. بس من يوم ما شوفتك وانت دخلت قلبي وعقلي مكنتش ببطل تفكير فيك
مش عارفة لو مكنتش روحت الحفلة وشوفتك. كنت هقبلك ازاي
مهاب: حضنها. اكيد كنا هنتقابل في مكان تاني. حبيبتي احنا اتخلقنا علشان نكون مع بعض.
ومن بعيد كان في تلاثة رجال بيتمشوا. ودول كانوا ظباط ومن دفعة مهاب وسامح. وكانوا. زياد الكومي. و. رأفت.و. ماجد.
زياد: بصوا مين هناك. مش ده مهاب عز الدين اللي حاضن البنت اللي هناك دي.
رافت: اه تقريبا هو تلاقيها موزة جديدة.
ماجد: ربنا يهده مبيعتقش.
زياد: بس شكلها جامدة. بقول ايه تعالوا نرخم عليه شوية
رافت: لا بقولك ايه بلاش مهاب. انت عارفه. دماغوا جزمة
ماجد: اه يا زياد مش حابة فضايح. وانت وهو مبتقبلوش بعض ولا بتتفقه
زياد: مش عيب عليكوا وانتوا شحطة كدة وخايفين منه
ماجد: لا مش خوف. بس مهاب طبعه صعب واحنا بنحتاجه في شغلنا بلاش نخسره علشان شوية هبل
زياد: طب ايه رايك بقي انا رايحلوا. وكمان هعلق منه البت دي.
رافت : بلاش يا زياد
زياد: تعالوا انتوا بس وملكوش دعوة.
وقربوا من مهاب ونغم اللي كانوا بيتكلموا ويضحكوا.
وجه زياد من وراه مهاب وخبط علي كتفه. ازيك يا هوبا.
مهاب: لف كعادته بمنتهي الثبات والثقة. ولما شاف زياد ورافت وماجد. بان عليه الغضب. اهلا زياد ازيكم يا رجالة.
ماجد: ازيك يا مهاب عامل ايه.
رافت : حمد علي السلامة عرفنا انك كنت مصاب. بس معلش مجناش نشوفك. انت عارف مأموريات ووجع قلب.
مهاب: ولا يهمكم. عادي انا الحمد لله بقيت كويس
زياد: وهو بيبص لنغم. مبروك الترقية سمعنا انك اترقيت.
مهاب: اه عقبالك.
زياد: ياريت. بس انت كل القيادة بتحبك وخصوصا اللواء سراج
مهاب: انا اترقيت علشان شغلي مش محبة. احنا شغلنا مفهوش محسوبية وانت أكتر واحد فاهم ولا ايه
زياد: اه طبعا. بقولك حلوة الموزة دي ابقي اديهالي بعد ما تخلص
مهاب: الدم غلي في دماغوا. ومسك زياد من هدومه وزنقه في الصخرة اللي وراه وضربه ضربة توجع. لو فكرت تتكلم عنها كدة تاني ورحمة ابويا اخلي السمك يعمل عليك حفلة النهاردة انت سامع
ماجد: اهدي يا مهاب معلش. محصلش حاجة
رأفت: حقك علينا يا مهاب انت عارف زياد بيحب يهزر
زياد: كدة يا مهاب ماشي شكلها داخلة دماغك. خلاص بس هي معهاش حد تاني جاية لوحدها ولا ايه
مهاب: ضربه بالبوكس. وقعه علي الارض. دي مراتي يا حيوان. ولو فكرت تعيد كلمه كمان هدفنك هنا
زياد: تنح. مراتك وانت اتجوزت امتي
مهاب: بغضب. وانت مال اهلك. يخصك ايه زياد مش مهاب عز الدين اللي تلون معاه فاهم
زياد: ماشي يا مهاب بس انا مش هردلك اللي انت عملته قصاد مراتك. علشان بس متشوفكش بتضرب
مهاب: ههههه لا وحيات اهلك ما تعرف تعمل حاجة وجرب كدة وانت تشوف
رأفت: عيب كدة يا رجالة انتوا مش صغيرين علي كدة
مهاب: قول للبيه اللي بيستهبل وبينسي نفسه.
ماجد: خلاص يا مهاب. وعموما ألف مبروك علي الجواز
مهاب: الله يبارك فيك.
زياد: علي فكرة يا مدام. تلاقي دلوقتي. كل واحدة من اللي جوزك كام يعرفها عاملة محزنة اصل مهاب كان بتاع ستات
مهاب: حط ايده في جيبه. وببرود. اه ما هي عارفة وانت كمان عارف اصل مهاب مش سهل يتنسي يا زياد. فاكر ولا افكرك
زياد: اتغاظ من مهاب. لا فاكر بس انت كمان ابقي افتكر لما اردهالك
مهاب: ههههههه ولا تعرف. انا خلاص سيبتهملك كلهم اشبع بيهم.
ماجد: يالا يا زياد خلينا نمشي. سلام يا مهاب.
ومشيوا وكان زياد بيبص لمهاب بغيظ وغل. وغيرة ومهاب بيبصله بتحدي وغرور.
وبعد ما مشيوا. مهاب لف لنغم اللي كان شكلها خايف وقلقان
مهاب: قلق. مالك يا حبيبتي وشك اصفر ليه كدة انتي تعبانة
نغم: هزت راسها. وعنيها دمعت
مهاب: مالك يا نغم في ايه يا روحي
نغم: بدموع. كنت خايفة عليك
مهاب: ابتسم. خايفة عليا من ايه بس
نغم: منهم هما كانوا 3 وانت لوحدك خفت يشتبكوا معاك. وخصوصا اللي اسمه زياد ده شكله بيكرهك
مهاب: ههههههه. طيب خافي عليا من حد تاني ملقتيش غير زياد. ده بق علي الفاضي. وبعدين يا قلبي لو حتي كانوا10 مش3 انت لسة متعرفيش انتي متجوزة مين مهاب مبيخفش. فاهمة
نغم: فاهمة بس انا من بعد اللي حصلك وانا بخاف عليك اوي
مهاب: متخفيش عليا. انا اعرف ازاي اتعامل مع اي حد. وبعدين انتي ماشوفتيهمش كانوا مرعوبين وخايفين ازاي. هما عارفين انا مين واقدر اعمل ايه
نغم: ربنا يخليك ليا. انت فعلا اماني يا مهاب. انا مبخفش علي نفسي بس بخاف عليك. تعرف كان نفسي اروح اضربه والله
مهاب: ههههههه يا خلاثثي يا روحي علي العسسل اللي عايزة تتخانق علشان جوزها. هو في كدة
نغم: هههههه اه في
مهاب: باس ايدها. انت طول ما انتي معايا خلي قلبك قوي واوعي تخافي خلي عندك ثقة فيا سامعة .
نغم: ابتسمت. سامعة مهاب ممكن نروح الشاليه
مهاب: هههههه بقتي شقيه انتي يا ناني
نغم: هههههه بس بقي الله
مهاب: ههههههه خلاص متتكسفيش. تعالي يا حبيتي نروح الشاليه
(في شاليه زياد)
زياد : اه يا مهاب الكلب. ماشي والله لوريك.
جيرمين. واحدة من اللي كان مهاب يعرفها وكمان زياد
جيرمين: اهدي بس وفهمني ايه اللي حصل وانت شوفت مهاب فين
زياد: هنا البيه بقيضي شهر العسل مع مراتوا
جيرمين: 😳😳 مهاب اتجوز. ازاي وامتي ده عمره ما فكر في الجواز
زياد: اهو فكر واتجوز لا وكمان حته موزة تخبل وكمان محجبة خسارة في امه
جيرمين: قعدت علي السرير وهي حزينه. اشمعن اتجوز دي وليه مفكرش يتجوزني انا بعد اللي عمله معايا
زياد: علشان غبية. وانا وقتها حزرتك منه وقلتلك اني بحبك وهتجوزك بس انتي اللي سيبتيني وروحتيلوا وبعد ما اخد اللي هو عايزه رماكي وخلاكي ملطشة لصحابه
جيرمين: عيطت. كفاية يا زياد اسكت
زياد: لا مش هسكت. علشان لو كنتي حافظتي علي نفسك كان زمانك مراتي مش جايبك أقضي معاكي يومين.
جيرمين: انا غلطانة اني وثقت فيك وحكتلك كل حاجة وقربت منك
زياد: لا متكدبيش علي نفسك. انتي جتيلي علشان كنتي عارفة اني بحبك. وفاكرة اني ممكن اتجوزك. لاكن انا لو بموت فيكي مش ممكن اتجوزك بعد ما سلمتيلوا نفسك. بس والله لهردهالوا. وانكد عليه عيشته وانتي هتساعديني
جيرمين: انا ازاي. لا ابعدني عنه
زياد: بسخرية. ايه لسة بتحبيه. وقلبك مش مطاوعك تأذيه
جيرمين: بينها وبين نفسها. اه بحبه بس هو جرحني وباعني.
زياد: بغيظ. مسكها من ذراعها وهزها.ساكته ليه. لسة بتحبيه يا شيخة حرام علكي. انتي ليه رخيصة كدة. كل اللي عمله فيكي ولسة باقية عليه. حتي بعد ما تجوز.
جيرمين: بتعيط. اي ايدي يا زياد خلاص قولي اعمل ايه وانا اعمله.
زياد: هقولك احنا هنتبتديها بقرصة ودن هنا ولما نرجع بقي هظبطلوا مصيبة علي كيفي. اسمعي......
(في القاهرة في مكتب سامح)
سامح متوتر وبيفكر. هو انا بس عايز اعرف انا اعجبت بندي علشان هي فعلا عجبتني ولا لانها شبه نغم ولا علشان اختها ولا ايه بس. اوففففف يارب انا متلخبط. لا بس انا اعجبت بيها هي شغلتني بيها وعمال افكر فيها
وابتسم. بس عسسل ورقة اوي. طيب ما اكلمها واحاول اقرب منها وساعتها هعرف اذا كنت بحبها فعلا ولا لا. ايوة ما اخت رقمها من مهاب. وطلع سامح تليفونه وكلم ندي ....
ندي: لقت رقم غريب. ألو
سامح: يا قلبي اللي اتوجع ايه الوا دي بس حرام عليكي. احلي الو سمعتها في حياتي.
ندي: عرفت صوت سامح وابتسمت بس ما بيتنش. مين اللي بيتكلم
سامح: لا كدة انا ازعل. معقول مش عارفة صوتي.
ندي: لا معرفش ولو مقولتش انت مين هقفل التليفون
سامح: لا استني بس هقولك. انا سامح
ندي: ابتسمت. سامح مين بالظبط
سامح: بغيرة. نعم وانتي تعرفي كام سامح ان شاء الله.
ندي: بتكتم ضحكتها. ااااه المقدم سامح
سامح: اه هو. قوليلي بقي تعرفي حد تاني اسمه سامح ولا حاجة
ندي: لا معرفش. انا بس كنت بسأل. طيب حضرتك عايز ايه
سامح: انا اه كنت عايز اطمن علي مهاب
ندي: بتكتم. ضحكها. وانت متصل بيا تطمن علي مهاب. ومكلمتوش هو ليه
سامح: اصل انتي عارفة بقي واحد بيقضي شهر العسل. محبتش اكلمه واغلس عليه قولت اكلمك واطمن منك.
ايه ضايقتك
ندي: في سرها ضيقتني ايه بس ده كنت هموت وتكلمني. احممم لا خالص بس كنت مستغربة. وكمان مش عارفة انت جبت رقمي منين
سامح: لا عادي دي حاجة سهلة المهم اني مش بضايقك بإتصالي.
ندي: ابتسمت. لا مفيش مشكلة وعموما انا لسة مكلمة نغم من شوية وقالتلي انهم كويسين ومبسوطين
سامح: ابتسم. عقبالي كدة لما ابقي كويس ومبسوط
ندي: هو انت خاطب
سامح: بخبث. تؤتؤ بس بفكر
ندي:قلبها دق وفرحت. احمم ويا تري مين العروسة
سامح: والله انا لسة بظبطها علشان تحن وتوافق. اصلي خايف لترفضني
ندي: اتنطتت في مكانها. اممم ربنا معاك بس اكيد هتوفق.
سامح: بجد شايفة كدة يعني انا مثلا لو اتقدمتلك توافقي
ندي: تنحت اااانا. احمم ايه مش عارفة.
سامح: هههههه مالك اتلخبطي ليه.
ندي: معلش انا هقفل علشان ماما عايزاني
سامح: استني بس هقولك. انتي مينفعش تنزلي تقابليني ونتكلم شوية
ندي: انا ليه ونتكلم في ايه
سامح: عادي اهو نتعرف علي بعض
ندي: لا انا مبخرجش مع حد وكمان اقول لماما ايه خارجة مع المقدم سامح صاحب مهاب. ابسط حاجة هتقولي ليه بصفته ايه
سامح: ههههههه اه يا بنت الليذين. ده انتي بتدبسيني بقي
ندي: اتغاظت. نعم وادبسك ليه انا بقولك اللي هيحصل
سامح: هههههه لا متزعليش انا بهزر. بس اوعدك قريب اوي هيكون ليا صفة وصفة جامدة اوي
ندي:ابتسمت. طيب باي
سامح: طيب ممكن تقوليلي باي يا سامح.
ندي: ههههههههههه
سامح: لا بلاش الضحكة دي انا مش هتحمل.
ندي: برقة. باي يا سامح
سامح: لا وربنا انا كدة ممكن اتهور واحصل مهاب قبل ما يرجع من شهر العسل
ندي: اتكسفت. باي بقي
سامح: ماشي بس ممكن ابقي اتصل بيكي علشان اطمن علي مهاب وعنين مهاب وحلاوة مهاب
ندي: هههههه اه ممكن يالا سلام
سامح: سلام يا عسسل.
وقفل سامح : لا انا كدة اتأكدت دي تهبل بنت الايه وعليها رقة. ومسح شعره وبسعادة اه يا فريال شكلك هتفرحي قريب.
(في برتوا السخنة)
مهاب واقف في بلكونة الشاليه وبيشرب سيجارة. ونغم دخلت وراه وحضنته. وهو ابتسم
نغم: كدة ستيبني لوحدي وقاعد هنا
مهاب: لفلها وحضنها. ابدا يا روحي بس كنت بشرب سيجارة ومحبتش اشربها جوة علشان مضايقكيش. وكمان القمر يجنن النهاردة
نغم: كدة يعني انا احلي ولا القمر
مهاب: هههههه لا انتي احلي
نغم: بجد طيب ايه احلي حاجة فيا
مهاب: ليه السؤال الصعب ده اصلك كلك حلوة مفكيش غلطة
نغم: ههههههه لا والله
مهاب: ههههههه اه والله. هو انا مش باين عليا اني متجنن بيكي ولا ايه
نغم: بدلع. اممم مش قوي
مهاب: كدة. طيب تعالي اسمعك أغنية حلوة تقولك انا بحب فيكي ايه وبعدين هثبتلك بطريقة تانيه. اوك
نغم: اوك عايزة اسمع
مهاب شغلها اغنية شقيه شوية وجميلة وكانت لحماقي (احلي حاجة فيكي)( عارفة احلي حاجة فيكي ايه. بتحلي اي شئ عنيكي تيجي فيه. قمر ده ايه اللي تتاساوي بيه. وتعالي اقولك احلي حاجة فيكي ايه واللي انتي فاهمة قاصدي واللي بالي فيه. فيكي اللي ياما انا حلمت بيه. ليالي يالا انشاله اموت في هواكي انشاله. ده كتير عليا الحب ده والله. هتمني اكتر من كدة ايييه. حد بالبرائة دي مفيش ولا في الغلاوة دي انا معنديش. انا كلي ليكي متكدبيش. عليكي قلبي عقلي روحي عمري كلهم مش هردهم عمري. ولحد اخر يوم في عمري. شاريكي والله. ويالا انشاله اموت في هواكي انشاله ده كتير عليا الحب ده والله هتمني اكتر من كدة اييييه)
مهاب كان حاضنها وبيملس علي شعرها وهي بتسمعها.
مهاب: هاه عرفتي انا بحب فيكي ايه.
نغم: ابتسمت اه عرفت. بس لسة الاثبات
مهاب: ضحك ضحكة عالية. هههههههههه مش بقولك بقيتي شقية فين الكسوف بتاع زمان خلاص راح موسم الطماطم
نغم: ضربته في كتفه. غلس انا غلطانه
مهاب: تؤتؤ يا روحي مش غلطانة
وحاوطها بإيديه وشالها.
نغم: ايه رايح فين
مهاب: بخبث. مش انتي عايزة الاثبات انا هثبتلك. يا حبيبتي واعرفك انا بحب فيكي ايه......
(في ڤيلا الدكتور حسين)
أدم بيتكلم في التليفون مع حد مش مصري ودخلت دولت. وبعد ما خلص
دولت: كنت بتكلم مين يا حبيبي وسفر ايه اللي كنت بتتكلم عنه
أدم: اتنهد. ابدا دكتور تشارلي. عايزني اروح ادرس في الجامعة هناك في لندن وكمان اشتغل معاه في المستشفي بتاعته
دولت: بقلق. تسافر طيب وانت قولتله ايه
أدم: والله مش عارف انا محتار يا ماما
من ناحية عايز اسافر وابعد وانسي نغم ومهاب وكل حاجة حصلت. ومن ناحية قلبي مش مطاوعني ابعد عنها عايز افضل جنبها انتي عارفة مهاب
ممكن يغدر بيها في ثانية وانا لازم اكون معاها مش ممكن اسيبه يبهدلها
دولت: أدم انت اعقل من كدة. مش ممكن تدخل بين راجل ومراته. وبعدين مفتكرش ان مهاب ممكن يأذي نغم ولا يغدر بيها ده بيحبها جدا وده واضح. انسي بقي يا أدم وخليك في حياتك بقولك ايه سافر يا أدم وكمل هناك في لندن
أدم: انتي اللي عايزاني اسافر يا ماما ده انتي ايام الدراسة كنتي طول الوقت قلقانة وعايزاني ارجع دلوقتي بتقوليلي سافر.
دولت: ايوة انا اللي بقولك. انا اتحمل بعدك بس متحملش اشوفك بتتوجع كل يوم وهما قصاد عنيك. قلبي بيوجعني عليك
أدم: اتنهد. هفكر هفكر يا ماما واشوف هعمل ايه.
دولت: ربنا يريح بالك يا حبيبي. تصبح علي خير
أدم:بإبتسامة وجع. وانتي من اهله يا حبيبتي.
وقعد يفكر أدم في حاله واللي وصله وبيسأل نفسه هو العيب فيه ولا في اللي حبهم وهما محسوش بيه. وقعد سمع أغنية تعبر عن حالته واللي بيفكر فيه. وكانت (لحماقي من ضيقتي)( مستني اللحظة اللي هقول فيها خلاص انا فوقت كتر التفكير.
كان فادني بيه غير اني تعبت. وسواء كان كدة او كدة كله بيتنسي بالوقت. في الدنيا انا شوفت بعيني اللي مشفهوش ولا حد. كان في اسألة جوايه لا ليها جواب ولا رد. من ضمنها ليه مبقاش في حد بيحب بجد. بيا ومن غيري هتمشي فرحت انا ولا بكيت. مين فاكر ليا ان انا ضحيت وكتير اديت. والله انا منسي خلاص زي ما حبيت ونسيت. مضحكتش يوم علي نفسي وقولت كلام مش فيا. ولا يوم فكرت اتمني حاجات اصلا مش ليا. من وجهة نظري الدنيا دي فعلا جاية عليا. مشكلتي بس اننا عايش بس ده مش زمني ووقتي. وفي قلبي حاجات تعباني وهم كبير فوق طاقتي. وسامحني يا رب كلامي ده كان احساس من ضيقتي) 😔😔😔😔😔😣😣😣😣😣😣😣😣
((((تري يا قلب احببت من))))بقلم ريحانة الجنة
(((الحلقة الثامنة عشر)))#ريحانة
في الصباح في شاليه مهاب ونغم نغم صحيت ولقت مهاب حضنها ابتسمت وحاولت تشيل ايده بالراحة بس اول ما شالتها لقته حضنها تاني وقربها اكتر
نغم: ههههههه ايه ده انت صاحي
مهاب: ابتسم وهو بيملس علي شعرها بحنيه. من بدري بس كنت بتأمل كل تفصيلة فيكي. ومحبتش اصحيكي
نغم: ابتسمت. هو انت لسة بتتامل مزهقتش مني بقالي معاك اسبوع بحالو
مهاب: اسبوع وعايزاني ازهق. والله ولو بعد 100 سنة عمري ما ازهق منك. انا مصدقت لقيتك واتجوزتك. تعرفي يا نغم انا عرفت ستات كتير بس انتي ليكي طعم تاني مختلفة بحس اني مش عارف اشبع منك
نغم: اه يا ربي انا دلوقتي اتاكدت اكتر ليه الستات كانت بتحبك.
مهاب: هههههههه ليه هو انتي فاكرة اني عمري قلت الكلام ده لحد قبلك
نغم: اومال كنت بتقولهم ايه
مهاب: يا حبيبتي انا كانوا بيقولولي لكن انا عمري ما قلت كلمة اعجاب ولا حب لاي واحدة. مكنتش بلاقي اللي تستاهل. لكن انتي حبيبتي
نغم: طيب انا المفروض دلوقتي قلبي يتحمل كلامك ده يعني. ومهاب بنفسه بيعترفلي اني حبيبته الوحيدة اللي عمره ما قال لغيرها كلمة حلوة ازاي بس
مهاب: امممم. لا لو علي قلبك ده سيبهولي وانا اخليه يتحمل
نغم: ازي
مهاب: هقولك...............
نغم: هههههههههههه طيب ممكن تسيبني بقي انا عايزة افطر
مهاب: طيب ما احنا هنفطر اهو
نغم: ههههههه لا بجد جعانة
مهاب: اموت واعرف انتي بتودي الاكل ده فين بتكلي ومش بيبان عليكي يخرب عقلك.
نغم: يا حبيبي اهم وجبة في اليوم كله هي الفطار. علشان الجسم يبقي نشيط. ويحرق كويس
مهاب: اممم. تمام تعالي بقي لما افطرك فطار يشبعك لحد بالليل......
نغم: ههههههه لا والله ابدا. و قامت تجري منه
مهاب: كدة طيب والله ما انا سايبك . تعالي هنا وقام جري وراها.......
بالليل مهاب ونغم قاعدين يتعشوا مع بعض في المطعم وبيتكلموا وجات جيرمين من ورا مهاب وحضنته من رقبته وباسته كتيييير.
جيرمين: حبيبي وحشتني اوي يا هوبا
نغم: فتحت عنيها وتنحت 😳😳
مهاب: قام ولف بسرعة يشوف مين دي لقاها جيرمين.
وللعلم جيرمين جمييييلة جدا بنت بيضاء وبشعر اصفر خلاب وعيون خضراء تجنن وجسم ممشوق علي الاخر.
مهاب: احممم. جي جي انتي بتعملي ايه هنا
جيرمين: اتعلقت في رقبته. مش ممكن وحشتني جي جي دي منك اوي
مهاب اصلا جيرمين كانت عاجباه زمان بس لما سلمته نفسها قبل كدة بقت بالنسبة ليه زيها زي غيرها بس لسة بتعجبه.
مهاب: بص لنغم وابتسم بإحراج. ايه اللي جابك هنا يا جيرمين
جيرمين: ابدا بقضي يومين كدة بس مصدقتش نفسي اول ما شوفتك يا روحي
مهاب: بيوشوشها. خفي الله يخربيتك
جيرمين: قربت منه وحشتك
نغم: قامت من مكانها وماشية
مهاب: مسك ايديها. نغم انتي راحة فين
نغم: بنرفزة. قولت اسيبك تاخد راحتك مع الهانم علشان تعرف تسلم عليها براحتك
مهاب: نغم. جي جي صديقة مش أكتر
صح يا جي جي
جيرمين: بصت لنغم بقرف. مين دي يا هوبا
مهاب: مسكها من ذراعها وضغط عليها
لا بقولك ايه دي تبقي مراتي يعني لو بصتلها كدة تاني والله اوريكي مقامك فاهمة
نغم: ابتسمت وبصت لجيرمين بنصر
جيرمين: كدة يا مهاب ده انا الحب الاول. تعمل معايا كدة. وكمان تتجوز
وهنا ابتدت جيرمين تعيط بجد. مش تمثيل زي ما كانت متفقة مع زياد الكومي.
جيرمين: بتعيط ليه يا مهاب انا كنت بحبك ليه سيبتني واتجوزت واحدة تانية
مهاب: حس انها صعبت عليه. خلاص يا جيرمين كل حاجة خلصت من زمان وانا عمري ما وعدتك بحاجة يبقي ملوش لزمة اللي بتعمليه ده ودلوقتي عن اذنك ومسك ايد نغم ومشي وطلع الشاليه
(في شاليه زياد)
زياد : ههههههههه حلو اوي اللي حصل ده.
جيرمين: بحزن هو ايه اللي كويس كسرة قلبي ولا الكلام اللي يوجع اللي سمعته منه. ولا انا فضل عليا واحدة تانيه وكمان قالهالي في وشي ولا اني بقيت لعبه في ايدك. تلعب بيها مع مهاب
زياد: بسخرية. اللي يسمعك كدة ميقولش انك اصلا كنتي لعبه بيلعب بيها مهاب. وكان عجبك وعلي مزاجك. جات عليا انا بقي ولا ايه
جيرمين: وتفتكر بقي اللي حصل ده هيعمل حاجة انت عارف مهاب ممكن يقدر في ثانية يخليها تنسي اللي حصل
زياد: ههههههه وانتي فاكراني بقي خليتك تعملي كدة علشان مراته تتخانق معاه
جيرمين: اومال كنت تقصد ايه
زياد: بخبث.انا خليتك تعملي كدة علشان مراته تشوفك وتعرفك علشان اللي ناوي اعمله لما نرجع القاهرة
جيرمين: وانت ناوي علي ايه بقي مش فاهمة.
زياد: لما نرجع هبقي اقولك. بس انا عايزك كل لما تلاقيهم مع بعض هنا اليومين دول تخليها تشوفك وكمان عايز مهاب يشوفك ويحن لزمان. واظن دي حاجة علي مزاجك ولا ايه
جيرمين: اتنهدت. وهزت راسها
(في شاليه مهاب ونغم)
مهاب: وبعدين يا نغم انا مش عارف انتي عاملة مشكلة ليه بس
نغم: بصوت عالي والله عايزني اشوف واحدة حاضنه جوزي وبتحب فيه وهو مبسوط ومعملش مشكلة
مهاب: بغضب. صوتك ميعلاش فاهمة
نغم: لا هعلي صوتي. ايه مش عايزني اغير كمان
مهاب: مسح وشه بإيده مش عايز يتعصب عليها. نغم قولت صوتك ميعلاش واظن انا قلتلك قبل كدة اني ممكن اتعصب عليكي بشكل مش هيعجبك لو صوتك علي او رديتي عليا
متخلنيش اعمل حاجة انا مش عايز اعملها
نغم: اللي هي ايه بقي
مهاب: نغم شكلك طالبة معاكي خناق. انا نازل تحت لما تفوقي لنفسك وتعرفي تتكلمي معايا ابقي اطلع
نغم: انهارت وعيطت. روح تلاقيك عايز تنزل للهانم ام شعر اصفر ما انت واضح ان وحشتك الرمرمة
مهاب: جز علي سنانه. يا نغم اتلمي احسن ليكي
نغم: ماشي خلاص هسكت ما انا مليش اني اتكلم ولا اغير. المفروض اعيش خارسة زي ما قلتلي قبل كدة.
ما انت مهاب محدش يتنفس معاك.
مهاب: اتضايق لما لاقاها بتعيط ومن كلامها وكمان انب نفسه علشان هو كان المفروض يحتويها مش يتعصب عليها. قرب منها علشان يحضنها لقاها خافت وبعدت
مهاب: مالك يا نغم انتي خايفة مني
نغم: بتعيط. افتكرتك ممكن يعني
مهاب: استغرب. ايه يا نغم معقول افتكرتيني ممكن اذيكي
نغم: مش انت قلت دلوقتي انك ممكن تعمل حاجة مش عايز تعملها.
مهاب: انتي متخيلة اني ممكن امد ايدي عليكي يا نغم انا اضربك
نغم: عيطت اكتر. اصل انت مش شايف نفسك متعصب ازي
مهاب: شدها وحضنها. اوعي تفكري اني ممكن اعمل كدة. انتي حبيبتي. حقك عليا مكنش قصدي اتنرفز عليكي
نغم: هو انا مش من حقي اغير عليك.
مهاب: طبعا يا حبيبتي من حقك غيري زي ما يعجبك. بس انا مكدبتش عليكي. وانتي عارفة اني كنت بعرف ستات قبل كدة. وانتي الفترة اللي جاية ممكن تتعرضي للموقف ده تاني. يبقي بقي كل مرة نتخانق علشان واحدة زبالة عايزة تنكد علينا
نغم: بعني هي مش عجباك وكنت عينك هتطلع عليها
مهاب: ابتسم بخبث. بصراحة هي صاروخ
نغم: عضته من ايده.
مهاب: اه يا مجنونة. كدة بتعضيني
نغم: اه بعضك. والمرة الجاية اللي تقول كدة قدامي هكلك بسناني
مهاب: قربها وحصنها. وانا تحت أمرك. كليني
نغم: ابتسمت بعتاب. يا سلام اضحك عليا.
مهاب: تؤتؤ انا لسة هضحك. عليكي
نغم: لا انا لسة زعلانة
مهاب: طيب ممكن اصالحك
نغم: سكتت.
مهاب:تعالي .. تعالي
نغم: لا انا عايزة ادخل اخد حمام. حاسة ان الزفته دي خلت دماغي تغلي
مهاب: وانا ميرضنيش. تعالي انا جاي معاكي
نغم: هاها لا لوحدي
مهاب: وحياتك ما هيحصل انا جاي يعني جاي
نغم: جريت بسرعة علي الحمام
مهاب:هههههههه هجيبك. وجري وراها ولحقها قبل ما تقفل الباب. ودخل وقفل الباب........
وقضي مهاب مع نغم باقي الاسبوع هناك وكانوا كل لما يشوفوا جيرمين. يتجاهلوها. ومهاب فهم نغم انها تنسي خالص وتتأكد انه بيحبها هي والدليل انها الوحيدة اللي اتجوزها. ورجعوا القاهرة وعدي كام شهر وابتدي التكليف بتاع نغم ومهاب بعلاقاته. خلي التكليف بتاعها في مستشفي قريبة منهم علشان يبقي مطمن عليها وكان بيوصلها كل يوم الصبح ويرجع يرجعها البيت ويرجع تاني شغله. ونسيوا زياد وجيرمين بس زياد كان في مأمورية ومش ناسي مهاب وبيظبطلوا مصبيبة يبوظ بيها علاقته بنغم.
وكمان ابتدت الدراسة. وسامح كان من وقت للتاني بيكلم ندي فون ويحاول يقرب منها وهي كانت معجبه بيه جدا ومع الوقت حبيته وهو كمان حبها جدا واتعلق بيها بس كان خايف تكون بس معجبه بيه وبإهتمامه بيها ومتوفقش تتجوزه علشان يعني هو اكبر منها. بس في يوم قرر انه لازم يكلمها ويعرف رأيها وفعلا راحلها اليوم ده عند الجامعة. وكلمها في الفون....
ندي واقفة مع اصحابها ايمان ورشا. ولما الفون رن ولقت رقم سامح فرحت.
ندي: يا بنات سامح بيتصل
إيمان: طيب ردي عليه
ندي: احمم الو ..
سامح: الو ازيك يا ندي.
ندي: الحمد لله انت عامل ايه
سامح: انا بكون كويس لما بسمع صوتك
ندي: ابتسمت. وسكتت
سامح: هههههههه. ماشي مترديش. قوليلي انتي في الجامعة صح
ندي: اه في الجامعة
سامح: طيب خلصتي محضراتك ولا لسة.
ندي: اه خلصت وكنت مروحة بعد شوية
سامح: طيب بصي انا واقف برة الجامعة. تعالي علشان عايزك في موضوع مهم
ندي: اتنطتت وقلبها دق. تمام خلاص جاية.
سامح: بس متتأخريش
ندي: لا مش هتأخر. سلام
ندي : الحقوني قلبي هيقف. سامح برة الجامعة وعايزني في موضوع مهم
رشا: لا بجد. ده انا هموت واشوفة. اصلي مجيتش فرح نغم وملحقتش الفيلم من اوله. تعالي وريهولنا بسرعة
ندي: تعالوا. بس والله واحدة فيكم تعاكسوا هخنوقها
إيمان: اه يا رشا ده حته موز يلوح
ندي: زغدتها. كدة طيب خليكي هنا بقي
إيمان: لا لا خلاص. جاين من سكات
وخرجت ندي واصحابها ولما قربت من سامح. كان هو واقف مستنيها وساند علي عربيته.
ندي: اهو هو ده
رشا: مش ممكن اللي لابس نظارة شمس ده
ندي: ايوة هو
رشا: لا حد يسندني هيغمي عليا. يخربيتك حظك مولع ايه ده بس
ندي: بتجز علي سنانها. اتلمي بقي بلاش فضايح. يالا سلام انا رايحالو
وندي لما قربت من سامح لقت فيه 4 بنات واقفين قريب منه وعنيهم عليه ومعجبين بيه جدا بس هو مكنش واخد باله كان مركز علي ندي لحد ما يشوفها. ولما راحتلو قرب عليها وابتسم
سامح: ايه يا ندي اتأخرتي ليه
ندي: بغيظ. عادي ما انت واضح انك كنت بتسلي نفسك
سامح: عقد حاجبه. مش فاهم بسلي نفسي ازاي
ندي: مش واخد بالك حضرتك من اللي واقفين جنبك دول وعنيهم هتطلع عليك.
سامح: بص علي البنات ورجع بصلها وابتسم. ايه تكونيش بتغيري عليا ولا حاجة
ندي: ايه لا وانا اغير عليك ليه.
سامح: بص حاواليه.ومسك ايديها طيب تعالي نروح مكان نشرب حاجة علشان عايز اتكلم معاكي
ندي: اتكسفت وقلبها دق لما مسك ايديها. هزت راسها.حاضر
سامح: ابتسم وفتحلها وركبها وركب وراح مكان هادي في المقطم ووقف العربية. ندي خافت
ندي: ااانت جيت هنا ليه
سامح: ههههههه مالك خوفتي ليه ايه خايفة اغرر بيكي ولا ايه
ندي: ايه لا طبعا انا مبخفش. بس انت قلت هنقعد في مكان نشرب حاجة
سامح: اتكلم معاكي الاول وبعدين اشربك اللي انتي عايزاه بس نتكلم الاول
ندي: اتفضل اتكلم
سامح: احمم. الاول عايز اسألك سؤال
انتي ايه رأيك لما اتنين يرتبطوا ببعض وفي فرق سن بينهم مثلا 10 سنين كدة وممكن اكتر تفتكري حاجة كويسة ولا لا
ندي:ابتسمت. عادي اصلها مش بالسن
سامح: اتنفس. حلو اوي اومال بإيه
ندي: يعني المهم يكونوا متفاهمين وعايزين بعض والاهم انهم اااه
سامح: ايوة الاهم ايه بقي
ندي: احمم يعني انهم يكونوا بيحبوا بعض
سامح: ابتسم طيب انا عايز اقولك علي حاجة
ندي: اتفضل قول
سامح: طيب ممكن تبصيلي وانا بقولها
ندي: قلبها عمال يدق ومكسوفة وبصتله اهو قول بقي
سامح: بحبك يا ندي من اول ما شوفتك وانا بحبك
ندي: حطت ايديها علي وشها وهي هتموت من السعادة.
سامح: هههههه مالك خبيتي وشك ليه بس. ومسك ايديها وشالها من علي وشها. بصيلي وردي عليا
ندي : ارد اقول ايه بس
سامح : هي كلمة من الاتنين بحبك او مش بحبك هاه قولي بقي نشفتي ريقي
ندي: غمضت عنيها. وقالتها. بحبك بحبك اوي كمان
سامح: يا عسسل انتي ايوة بقي كنت خايف تكوني مش بتحبيي واكون جيت غلط
ندي: ابتسمت. لا مش غلط
سامح: باس ايديها. يعني يا ندي مش هيجي يوم وتندمي انك اتجوزتي واحد اكبر منك بالفرق اللي بينا ده كله
ندي: هزت راسها لا طبعا عمري ماهندم. انا لو هندم هندم اني مقبلتكش من زمان
سامح: هههههههه ده علي اساس اني كنت اروح اخدك من الحضانة صح
ندي: اتغاظت. هنلغبط بقي من اولها لا بقولك ايه انت متعرفنيش انا مجنونة
سامح: ههههههه لا خلاص واضح فعلا انك مجنونة. بس بجد بقي انا اللي ندمان اني مشوفتكيش من اول ما مهاب اتقدم لنغم كان زمانة متجوزين دلوقتي.
ندي: لا طبعا مش لما اكمل 21 سنة تبقي نتجوز
سامح:خبط راسه بإيده. يا نهار مش فايت لهو انا هستني لحد لما تكملي 21 سنة ده ممكن اموت
ندي: هههههههههههه
سامح: بتضحكي. لا مش هينفع بصي انا ممكن اخطفك عادي لحد لما تتميهم وبعدين ارجعك ونعمل فرح ايه رأيك
ندي: ههههه امم افكر
سامح: عض علي شفايفه. اه يا بنت اللذين انتي شكلك هتطلعيهم علي جتتي.
ندي: ممكن تروحني بقي اتأخرت
سامح: غمزها. متخلينا شوية
ندي: لا كفاية كدة علشان ماما متقلقش عليا
سامح: وانا ميرضنيش قلق ماما تعالي اروحك. وعلي فكرة انا هكلم مهاب واخليه يحدد معاد مع مامتك واتقدملك. واهو نعمل خطوبة لحد لما الحظر يتفك.
ندي: هههههه ماشي
ووصلها سامح وكلم مهاب وحدد معاد واتقدم لندي وفعلا حصل قبول وحددوا معاد الخطوبة وفي يوم نغم كانت عند مامتها بتجهز مع ندي لخطوبتها وطبعا مش ممكن تمشي الا لما مهاب يروح ياخدها. ومهاب كان في اليوم ده رجع البيت لوحده يخاد حمام ويلبس ويروح لنغم. بس وهو لسة بيلبس الجرس رن. ومهاب راح يفتح. اتصدم 😳😳
مهاب: جيرمين انتي ايه اللي جابك هنا
جيرمين: زقته ودخلت. ايه موحشتكش
مهاب:بعصبية. جيرمين بقولك ايه متعمليهمش عليا فكك من الحوار ده قلتلك
جيرمين: اتعلقت في رقبته. تؤتؤ انت وحشتني اوي اوي ومش ممكن هفكني من الحوار ده انا لسة بحبك وعارفة انك لسة جواك حاجة ليه.
مهاب: كان فعلا معجب بيها وحس انه ممكن يضعف. جيرمين انا خلاص اتجوزت شوفي حالك بعيد عني. وشال ايديها وبعد عنها
جيرمين: قربت منه تاني. طيب ما انا عارفة انك اتجوزت. بس ايه اللي يمنع انك تكون معايا واوعدك محدش هيعرف. مهاب انت عايزني وبتكابر
مهاب: جيرمين بقولك ايه امشي دلوقتي
جيرمين : حضنته لا بقولك وحشتني وانا كمان عارفة ان مراتك مش هنا
مهاب: حس انها وراها حاجة. اتعصب ومسكها من شعرها. قولي كدة بقي ناوية علي ايه يا جيرمين تمام وحيات امك لربيكي تعالي وفتح الباب علشان يخرجها بس المفاجأة انه لقي نغم ونغم اتصدمت لما شافت مهاب من غير القميص بتاعه وجيرمين خارجة من الشقة دموعها نزلت ورجعت لورا
مهاب: اتخض عليها علشان السلم وراها وخاف تقع. نغم استني اوعي تقعي
نغم: كنت من الصدمه مش سامعة بترجع وهي مصدومة ورجلها فلتت ووقعت علي السلم واغمي عليها
مهاب: جري عليها نغم .. نغم فوقي يا نغم. اه يا بنت الكلب انتي السبب والله لوريكي هعمل فيكي ايه
جيرمين : جريت بسرعة علي تحت وهي خايفة من مهاب
مهاب: شال نغم بسرعة وطلع بيها علي المستشفي.وهي غايبة عن الوعي ودماغها بتنزف 😞😞😞😞
 من الفصل الثالث عشر إلى الفصل الثامن عشر بقلم ريحانة الجنة رواية( تري يا قلب احببت من ) من الفصل الثالث عشر …){kind=link}
تعليقات
إرسال تعليق