رواية( تري يا قلب احببت من ) الفصل التاسع وعشرون والثلاثون والواحد والثلاثون والثانى والثلاثون بقلم ريحانة الجنة
رواية( تري يا قلب احببت من ) الفصل التاسع وعشرون والثلاثون والواحد والثلاثون والثانى والثلاثون بقلم ريحانة الجنة
((((تري يا قلب احببت من))))..بقلم ريحانة الجنة
(((الحلقة التاسعة والعشرون)))ريحانة
في السخنة
امام يخت كبير واقف مهاب ونغم.
مهاب: هههههههههه. والله عيب عليكي تبقي متجوزة مهاب عز الدين وخايفة تركبي يخت في البحر.
نغم: اتريأ زي ما يعجبك بردوا مش هركب. انا اصلا بخاف انزل البحر علي الشط.تقوم حضرتك. عايزني اركب يخت وتدخل بيا في وسط البحر حرام عليك. انت عايزني اولد وانا في الخامس. من الرعب
مهاب: طيب والله لتركبي وكمان هتنزلي المياه ايه رأيك بقي
نغم:برجاء طفولي. بلاش يا هوبا وحياتي وحياتي.
مهاب: هههههههه والله ابدا. واطلعي بمزاجك احسن ليكي بدل ما شيلك انا
نغم: بتدبدب برجلها زي الاطفال. والله حرام كدة ايه الافتري ده
مهاب: هاه قولت ايه هتركبي ولا
نغم: خلاص هركب. بس امسك ايدي
مهاب:ههههههه يا لهوي علي التلاكيك. مش قادرة تصبري لحد ما نركب
نغم: زغدته. في كتفه. اسكت هو انا ناقصاك
مهاب: ههههههه. خلاص اشيلك وامري لله. مع انك تقلتي الشهرين اللي فاته دول.
نغم: كدة ماشي شيل بقي.
مهاب: شالها. ومشي بيها وباسها من خدها وشوشها. علي فكرة انتي احلوتي لما تقتلتي اوي
نغم: ابتسمت. قليل الادب
مهاب: هو انتي لسة شوفتي قلة ادب. ده مش بعيد يطب علينا خفر السواحل
نغم: هههههههههههه
علي اليخت
مهاب: سايق اليخت ونغم ماسكة في دراعه. هههههههه يخربيت الجبن يا ناس.
نغم: اه جبانة هاه
مهاب: جبانة جبانة بس بحبك.
نغم: بثقة. طب ما انا عارفة
مهاب: كدة. ماشي ليكي حق ما مهاب بذات نفسه. مسلم ليكي وسيبلك قلبه تلعبي بيه.ليكي حق تتغري
نغم: والله علي ايه يعني. هو مفيش غيرك وسيم وجميل وعنيه رمادي تجنن
مهاب: هههههههه. الله ده انا بتعاكس بقي
نغم: ههههههه ايوة طبعا بعاكسك.وهو فيه غيرك يستاهل يتعاكس
مهاب: لفلها وحضنها وقربها ليه. وبخبث. طيب قوللي بقي. ايه اللي عاجبك فيا تاني غير عنيا.
نغم: اممم. كتيير.
مهاب: احب اعرف
نغم: اتعلقت في رقبته. وبصت في عنيه. كل حاجة فيك. رجولتك شخصيتك. قلبك. قوتك. وبدلع حنيتك. وملامحك اللي تخطف القلب. حبك ليا خوفك عليا. كل حاجة فيك عجباني ومجنناني.
مهاب: ضمها اكتر وشالها. الكلام ده ملوش غير رد واحد.
نغم: ابتسمت. اللي هو ايه
مهاب: تعالي جوا في الاوضة وانا اقولك كل كلمة بالتفصيل..........
في القاهرة في المستشفي
في مكتب ادم
أدم قاعد مشغول . والباب خبط
أدم: ادخل.
سهي :دخلت وقفلت الباب. مساء الخير يا دكتور ادم
ادم: مساء النور يا دكتورة سهي. اتفضلي خير في حاجة
سهي: ايه لا اه. كنت عايزة بس اراجع مع حضرتك الفصول اللي خلصتها في الرسالة بتاعتي. ده يعني لو حضرتك معندكش مانع
ادم: لا ابدا. مفيش مشكلة اتفضلي انا معاكي.
سهي: احمم. تمام وابتدت. سهي تراجع مع ادم وتسأله وهو يصححلها بعض النقط. وبعد حوالي ساعتين.
سهي: ياه انا عطلت حضرتك كتير. انا اسفة جدا.
أدم: لا معطلتنيش ولا حاجة. بس كفاية كدة النهاردة نكمل بكرة انتي كمان تعبتي
سهي: وهي بتبص في عنيه. اتعب وانا قاعدة مع حضرتك ازاي بس. ده حتي حضرتك القعدة معاك تنسي الدنيا واللي فيها.
أدم: اخد باله من تلميحها. احمم متشكر. عن اذنك علشان عندي مرور قبل ما امشي.وقام علشان يخرج
سهي: قربت منه.دكتور ادم. هو انا ممكن اعزمك علي العشاء النهاردة
أدم: انتي اللي تعزميني. ازاي بس
سهي: عادي ايه المشكلة. هو علشان انا بنت مينفعش اعزمك
أدم: لا مقصوتش بس العرف يعني ان الراجل هو اللي بيعزم مش البنت.
سهي: اممم. افهم من كدة انك انت اللي هتعزمني
أدم: ايه احمم اه طبعا معنديش مانع بس مش النهاردة خليها يوم تاني ممكن
سهي: بفرحة. اه طبعا الوقت اللي يريحك.
أدم: تمام عن اذنك دلوقتي. سلام
وخرج ادم وخرجت وراه سهي. وهي بتكلم نفسها
سهي: اه كدة تمام شكله قرب يقع. اه يا ادم. والله ما انا سايباك غير لما اخليك تحبني وتموت فيا وانت بنفسك اللي تطلب تتجوزني
في بيت سامح وندي. هما الاتنين في أوضتهم.
ندي: لا انا زعلانة. ومش بكلمك
سامح: لا كله الا كدة انا مقدرش علي زعل موزتي
ندي: يا سلام. علشان كدة مخلتناش نسافر زي نغم ومهاب.
سامح: يا حبيبتي. انتي لسة والدة وتعبانة. وكمان مهاب الصغير لسة صغير علي السفر وتغير الجو. ده غير اني والله مينفعش اسيب الشغل. انا ومهاب مع بعض. الدنيا تبوظ
ندي: لا ينفع. مش حصلت قبل كدة
سامح: ايوة حصلت بس كان وقتها مفيش عملية جديدة.مسحولين فيها. وكمان رامي الله يرحمه كان موجود. لكن دلوقتي مفيش غيري انا وحازم في الفريق ومهاب مسافر.
ندي: بس انا كنت عايزة اغير جو انا زهقانة
سامح: ليكي عليا يا روحي مهاب بس يكبر شوية كدة. ونسافر انا وانتي بس لوحدنا واسيب مهاب بقي يتسحل هو في الشغل. وكمان يا قلبي هو واخد مراتوا يصالحها. مكنش ينفع نبقي معاهم.
ندي: خلاص ماشي. بس افتكر ان انت وعدتني
سامح: ههههههه لا متخفيش هفتكر. قوليلي بقي هو الحزر هيتفك امتي انا مش واخد علي كدة
ندي: هههههههه. لا شكل الموضوع مطول
سامح: يا دي النيلة. وربنا كدة ما ينفع.
ندي: هههههههه. طيب قوم يالا علشان نتغدي
سامح: ماشي. جاي ما احنا شكلنا هنقضيها اكل وفرجة علي التلفزيون. مكنش يومك يا سامح
ندي: هههههههه. طب تعالي اقولك حاجة قبل الغدا
سامح: ههههههه. ده زي تسريب الامتحانات كدة
ندي: ههههههه. حاجة زي كدة
سامح: وانا معاكي اهو احسن من مفيش.......
في السخنة علي اليخت.
نغم نايمة في حضن مهاب. وهو بيملس علي شعرها.
مهاب: حبيبتي. انتي لسة زعلانة مني
نغم: تؤتؤتؤ. مش زعلانة. والا ما كنتش زماني هنا ومعاك دلوقتي.
مهاب: انتي قلبك ابيض اوي علشان تسامحيني بعد اللي انا عملته. انا يا نغم لحد دلوقتي والله ما عارف انا عملت كدة ازاي.
نغم: حبيبي اللي حصل حصل. وعلي فكرة انا كنت عزراك وعارفة انك عملت كدة من خوفك وقلقك علي ابننا
مهاب: حط ايده علي بطنها. وكلم البيبي. انا اسف يا حبيبي حقك عليا كنت غبي وانا بفكر اقتلك بإيدي. بس اوعدك واوعد ماما. وبص لنغم. اني لحد ما اموت مخليش حد يقرب منكم ولا يأذيكم واحافظ عليكم لاخر نفس جوايا
نغم: حضنته. انا وهو عارفين ومتأكدين من كدة ومكنش عندي
شك ابدا انك بتحبنا وبجنون كمان. حبيبي انت حبك مختلف ليك طريقتك اللي بتحب بيها وانا عجباني طريقتك وجنونك ده بحبك كلك علي بعضك كدة. زي ما انت
مهاب: ابتسم. وملس علي خدها. تعرفي اني سمعتك وانتي بتتكلمي مع ادم. في المكتب قبل ما ادخل عليكم. وسمعت كلامك اللي قولتيه كله عني ودفاعك الشرس عني.
نغم: بجد. وليه ما بنش عليك لما دخلت. اي حاجة
مهاب: مكنتش عايز ابين لادم اني سمعت. لاني كنت فاضلي دقيقة واموته. علي الكلام اللي قالو. وكمان خفت لو بينت تعاندي وتيجي في صف ادم
نغم: انا اجي في صف حد غيرك. مستحيل.
مهاب: نغم هو انتي عمرك. قبل كدة حاسيتي ان ادم معجب بيكي
نغم: ارتبكت واتلخبطت. ايه لا لا محستش بكدة
مهاب: بس انا حسيت. ادم من اول يوم شوفتك في في الحفلة وهو مهتم بيكي وبيخاف عليكي. بس انا عارف ومتأكد. انك بتحبيني انا
نغم: طبعا بحبك. انت وعمري ما حبيت غيرك. بس انت ممكن تكون فاهم غلط. انا وادم. ممكن نكون كنا قريبن من بعض بحكم الشغل وكمان احنا نفس التخصص. لكن مفيش اي حاجة تانية.
مهاب: ممكن من ناحيتك . لا لكن ادم انا متأكد. انه في جواه حاجة ليكي. علشان كدة. انا عايزك الفترة اللي جاية. تحاولي تقللي احتكاكك بيه. نغم انا بغير عليكي جدا.و بعد الكلام اللي قاله أدم ده انا خلاص معنديش ثقة فيه. فاهمة
نغم: هزت راسها. فاهمة بس والله أدم انسان مهذب وطيب ومحترم. وعمره ما تجاوز معايا في اي حاجة.
مهاب: شدها ونيمها وهو فوقها. انا مراتي متمدحش راجل غيري ابدا وكمان قدامي.سامعة
نغم: ابتسمت. بطل غيرة يا غيار
مهاب: تؤتؤ مش هبطل. وكمان انتي لازم تتعاقبي علي مدحك ليه قصادي
نغم: والله. طيب وريني بقي هتعاقبني ازاي.
مهاب: ده تحدي بقي
نغم:هزت راسها. اه تحدي
مهاب:اوك. وانا اموت في التحدي. بس المهم مترجعيش في كلامك
نغم: هههههههه. مستحيل ارجع في كلامي بس وريني شطارتك
مهاب: ..........................
في الصباح
مهاب ونغم في البحر
نغم: ههههههه. طيب والله لو سيبتني لموتك. انا اصلا خايفة
مهاب: ههههه مستحيل يا قلبي حد برضوا يسيب روحوا
نغم: بس انا خايفة تعالي نطلع انا سمعت اني في قرش ظهر هنا.
مهاب: هههههههه قرش. لا ياروحي متخفيش وبعدين حتي لو جه يبقي هو الجاني علي نفسه.
نغم: يا سلام. كمان مش هتخاف من القرش.
مهاب: عمرك شوفتي اسد بيخاف
نغم: ابتسمت. تؤتؤ. لا مشوفتش
مهاب: طيب تمام. وانتي متجوزة اسد يا قلبي يبقي اوعي تخافي وانتي معاكي الاسد
نغم: هههههههههه ماشي يا اسد. بس بجد كفاية طلعني انت ناسي اني حامل واصلا مليش نزول المياه
مهاب: عندك حق كفاية كدة علي حبيب بابا تعالي يا قلبي اطلعك.
وطلعوا الاتنين واخدوا حمام واتغدوا
نغم: حبيبي هو احنا راجعين القرية امتي
مهاب: ايه زهقتي مني ولا ايه
نغم: لا طبعا يا حبيبي. بس بسأل
مهاب: النهاردة. علشان خلاص احنا مسافرين الصبح
نغم : خسارة كانوا يومين حلوين اوي اوي
مهاب: اوعدك يا حبيبتي كل ايامنا مع بعض تبقي حلوة اوي اوي اوي.
بقولك ايه تعالي اسمعك اغنية حلوة.
نغم: يا سلام عليك يا هوبا والله كنت لسة هقولك. فين اغانيك الحلوة
مهاب: ههههههه موجودة وتحت امرك يا عسسل تعالي في حضني الاول. طيب ايه رايك بقي انتي اللي تسمعيني.
نغم : ابتسمت. وانا موافقة استني.
اسمع كدة
وشغلت نغم اغنيه جميلة( لأليسا اسمها تصدق بمين)
وكانت نغم بتسمعها معاه وبتبصله نظرة حبيبة وعاشقة ودايبة فيه وفي حبه. وهو كمان كان طول الاغنية بيبصلها ومبتسم وسعيد بالاغنيه اللي اختارتها وبحبها اللي باين في عنيها. وكانوا في دنيا تانية كلها حب وغرام مفيهاش غيرهم هما الاتنين بس. الاغنية
( تصدق بمين. بعدنا ويادوب معداش يومين. وجتلك قوام لقيتك واحشني وحشة سنين. تصدق بمين. انا وقلبي كنا مش داريانين. منين جينا ولا فين روحنا ولا احنا شوفنا مين. تصدق بمين.في 100الف حاجة ما بينا. مش حاجة او حاجتين. ولوننسي بعض انا وانت. من بعض نروح فين. انا انت وكمان انت انا وكأننا واحد وكل الناس تندهلوا بإسمين. مخبيش عليك. ده لو يوم يعدي وانا بين ايدك. يساوي في عنيا. علي الدنيا دي كمان دنيتين. مخبيش عليك. مبحلمش عمري غير بس. بيك والا ابقي ليك. ولو ضعت مني اموت مرتين. مخبيش عليك)
مهاب: حضنها اوي مش ممكن ايه الاغنية الحلوة دي. معقول كل ده انا
نغم: يا حبيبي انا لو غنتلك اغاني الحب اللي في الدنيا دي كلها مش هتكفيني وكمان تبقي قليلة عليك.
مهاب: ايه الكلام الجامد ده ده احنا بقينا اشقيا اوي
نغم: البركة فيك. خليتني كدة انا كنت بتكسف من خيالي اصلا بس انت بقي مينفعش معاك الكسوف
مهاب: ضحك ضحكة عالية. هههههههههه انا طيب والله انا مؤدب
نغم: هههههه والله هتدخل النار بكدبك ده
مهاب: كدة طيب خلاص انا هثبتلك اني مؤدب. تعالي جوا بقي
نغم: اجري ورايا ولو حصلتني اثبتلي
مهاب: هههههه ما بلاش هتخسري ولو وقعتي تحت ايدي ساعتها هروقك
نغم: ههههه جرب وجريت منه.
مهاب: هههههههه شكلك عايزة تتروقي وراكي يا موزة. وجري وراها
😉😉😉😉😉😉😉😉😉😉😉
في القاهرة في مكتب سامح. تليفونه بيرن
سامح: مين ده مراد سلام خير هيكون عايز ايه. الو ازيك يا مراد
مراد: ايوة يا سامح. بقولك ايه هو مهاب في العين السخنة.
سامح: ايوة ليه في حاجة
مراد: ..............
سامح: انت بتقول ايه مهاب. انا رايح علي هناك بسرعة لازم ابلغ مهاب.
((((تري يا قلب احببت من)))).. بقلم ريحانة الجنة
(((الحلقة الثلاثون)))#ريحانة
مهاب ونغم رجعوا وهما نازلين من اليخت نغم نازلة ومهاب ماسك ايديها وبيرجع بظهره علشان يخالي باله منها.
مهاب: علي مهلك خالي بالك. مش كنت شيلتك احسن
نغم: لا خلاص انا كويسة. وكمان انت ناسي ان انت ايديك اتجرحت قبل ما نيجي .
كانوا وصلوا خلاص للمرسي.
مهاب: يا روحي ولا يهمك. انجرح اموت المهم انتي وحبيب بابا تبقوا بخير
نغم: ابتسمت. بس فاجأة ابتسامتها راحت لما سمعت صوت رصاص ولقت مهاب غمض عنيه. بس مهاب مش سهل يقع تحامل علي نفسه وعلي الرصاصة اللي تخدها في ظهره. وطلع مسدسة بسرعة ولف وخبي نغم وراه كان كل همه انها متتأذيش. وال ما لف لقي عدنان وماسك مسدسة ومصوبه لمهاب.
عدنان: كنت مستنيك. لحد ما ترجع. يارب تكون انبسط علشان دي اخر حاجة هتعملها في حياتك.
مهاب: صوب علي عدنان وضربه بالنار.
عدنان: الرصاصة جات في كتفه. وضرب هو كمان علي مهاب اللي كان بيبعد بنغم وهي وراه عايز يخبيها بعيد عن المواجهة دي. واول ما خباها بعيد جنب اليخت ولف وهو بيتألم من الرصاصة اللي ظهره. لقي عدنان قدامه وصوب علي مهاب 3 رصاصات ورا بعض. مهاب وقع وخلاص مش قادر يقف.
في الوقت ده سامح كان وصل وضرب عدنان بالنار وموته.
نغم:كانت بتحرك راسها بزهول وهي مش مصدقة اللي هي شايفاه. وجريت علي مهاب وقعدت جنبه وخدت راسه في حضنها. وهي بتصرخ
نغم : لا لا متموتش علشان خاطري . مهاب لا
مهاب: كان بياخد اخر نفس ليه. نغم انا اسف
نغم: ششششش اسكت متتكلمش انا هويك المستشفي وهتعييش لا انت مبنفعش تسيبني لا
مهاب: وهو بيقطع الكلمات. نغم الوصية يا نغم نفذيها لو كنتي بتحبيني.
نغم: بتبكي وتصرخ. لا قلتلك هتعيش مفيش وصية. انا مقدرش اعيش من غيرك لا وحياتي متسبنيش
مهاب: بحبك ومحبتش غيرك. افتكريني يا نغم اوعي تنسي مهاب.
ودي كانت اخر كلمة قالها مهاب ومات
😣😣😣😓😓😓😓😓😤😤😞😞😞😞😞😞😞😞😞😞😞😞
نغم :لا لا انت وعتني مش هتسيبني لا
وهي بتهزه جامد لا متنمش كدة قوم مش مهاب اللي يقع كدة اقوم . انت قلتلي انك اسد والاسد ميقعش كدة لا مهاب مهاب علشان خاطري قوم لا وحياة ابننا قوم مين اللي هخلي باله مننا اه اه اه مهاب رد عليا رد عليا
سامح كان قاعد جنبه ودموعه مطر ومش عارف يتكلم قرب منه وحضنه
ليه ليه سيبتني يا صاحبي ليه. احنا طول عمرنا مع بعض. احنا اتفقني نفضل سوا ليه خلفت وعدك وسيبتني ليه.
نغم : شدته منه. لا مهاب عايش مامتش. سامح تعالي نوديه المستشفي هو هيقوم زي المرة اللي فاتت ايوة انا عارفة ارجوك ارجوك بسرعة
سامح: خدها في حضنه. وهو بيبكي. مهاب مات يا نغم مات خلاص
نغم: بتعيط وتصرخ وتعافر في حضنه وتضربه بإيديها. لا لا كداب مهاب عايش مهاب مش ممكن يسيبني لا اوعي وزقته. وحضنت مهاب. مهاب ليا وبس ومش ممكن يموت لا مفيش حاجة هتخده مني حتي الموت لا
وفضلت نغم حاضنة مهاب لحد ما جات الاسعاف علشان تاخد مهاب. وسامح مكنش قادر يبطل بكي هو كمان ولما جم يا خوه من حضنها كانت بتصرخ وماسكة فيه.
نغم : لا سيبوه محدش هياخد حبيبي مني لا سيبوه . سامح قولهم يسيبوه علشان خاطري.
سامح: شدها لبعيد. علشان خاطري انتي اهدي كفاية خلاص يا نغم لازم يخادوه
نغم : بزقه بعيد وهي بتصرخ وبتمد ايديها عليه عايزة تمسكه. لا محدش هيخدوا مني مهاب مهاب متسبنيش وحياتي لا قوم بقي قوم .
وق
في الحظة اللي شافتهم بيحطوه جواه الكيس وبيقفلوه. نغم متحملتش. ووقعت واغمي عليها.
سامح:لحقها وشالها. نغم نغم
ووداها المستشفي بسرعة علشان يطمن عليها. وكانت حالتها صعبة ومش بتفوق سامح نقلها القاهرة في المستشفي عند ادم.
نغم جالها نزيف نتيجة الانفعال الزايد وجالها انهيار عصبي حاد من الصدمة ودخلت في غيبوبة حوالي اسبوعين. وده بيحصل لما الانسان بيتحط تحت ضغط عصبي شديد ويبقي عايز يهرب من الواقع لانه مش قادر يتحمل الصدمة اللي هو فيها. والبيبي كمان المرة دي كان قوي زي ابوه ومنزلش ولا ساب امه لوحدها. واتحمل معاها الصدمة والوجع والالم. وبعد الاسبوعين دول نغم لما فاقت لقت نفسها في اوضة في المستشفي. وامها قاعدة جنبها وندي وادم كمان
نغم: افتكرت اللي حصل وصرخت فين مهاب راح فين هو ليه مش هنا.
كانوا كلهم بيعيطوا وساكتين. ومش عارفين يقولها ايه.
سهام: يا بنتي اهدي علشان اللي في بطنك.
نغم: بقولك فين مهاب حبيبي فين سابني ليه ليه وفضلت تعيط وتصرخ
سهام وندي بيحاولوا يهدوها
ندي: حرام عليكي يا نغم ده قضاء ربنا وبعدين ابنك ده مش صعبان عليكي. ذنبه ايه في اللي بتعمليه ده
نغم: كانت من صدمتها وانهيارها. مش في وعيها. وقعدت تضرب بطنها. وتصرخ. وانا مش عايزاه هو السبب هو اللي بعد حبيبي عني . بسببه زعلني وخدني يصلحني يا ريتوا ما جه يصالحني يا ريتوا مسافر ياريت
انا مش عايزاه انا عايزة مهاب هاتولي مهاب
سهام : الحقنا يا دكتور ادم اعملها اي حاجة بنتي كدة هتضيع مني .
ادم: هز راسه بحزن . وشاور للممرضة تجيب حقنه المهدئ. وادها لنغم .
وابتدت نغم تهمد من الحقنة وتأن بدموع والم. مهاب . مهاب انا عايزة مهاب.
ورجع ادم مكتبه. وهو مش عارف هو حزين علي صاحبه واللي كان زي اخوه ولا علي حبيبته. اللي شايفها بتحب جوزها حتي بعد مامات ومنهارة بالشكل ده .
وفضلت نغم علي الحال ده لمدة شهر لحد ما ابتدت تستوعب اللي حصل وان مهاب خلاص مات. ورجعت شقتها ومرضيتش تروح مع امها بيتها. كانت عايزة تفضل في بيتها اللي عاشت فيه مع مهاب علشان في كل ركن فيه ليها ذكري معاه. وبعد كانت طول الوقت ماسكة صوره وهدومه وبتبكي بحرقة ومش قادرة تنسي ولو للحظة المها وحزنها عليه وليه لا وهو فعلا الراجل اللي اي ست تحزن عليه عمرها كله. هو كان امنها وحبها وراحة باليها هو اللي كانت في حضنه بتنسي الدنيا واللي فيها. وكانت نغم لبتكلم حد ولا بتشوف حد وطول الوقت قاعدة في اوضتها مع مهاب وذكريتها معاه. وفي يوم كانت قاعدة بتعيط وماسكة صورته وبتسمع أغنيه اظهرت وبينت حزنها اكتر واكتر وكانت
(لشيرين. كدة ياقلبي )
(كدة. كدة يا قلبي يا حتة مني يا كل حاجة حلوة فيا. كدة. كدة هتمشي وتسيبني وحدي في الحياة والدنيا ديا . كدة . يعني ايه. يعني خلاص انا مش هشوفك تاني. مش هلمسك. مش هحكي ليك. عن حاجة تعباني. كنت روحي لما كان جوايا روح. عمري ما اتخيلت انك يوم تروح. مش فاضلي مني غير حبة جروح. مع السلامة يا حبيبي وفي امان. عمري ماهقول عليك ماضي وكان. عمري ما انسي ماهما طال بيا الزمان. ااااااااااه)
وفضلت علي حالها تبكي بحرقة ووجع
(في بيت سامح )
سامح قاعد بيبكي وماسك راسه بإيده وبيفتكر صاحبه وحبيبه هزارهم وضحكهم وشغلهم حتي من ايام الدراسة وهما مع بعض مفترقوش ومش مصدق انه خلاص مش هيشوفه تاني وسامح كان طول الفترة اللي فاتت دي واخد اجازة ومش بيروح شغله كانت فترة طويلة بس اللواء سراج ساعده انه ياخدها لانه عارف الحالة اللي هو فيها ومهاب كان بالنسبة ليه ايه.
ودخلت ندي وهي حزينه علي موت مهاب وكمان علي جوزها اللي الخزن كسره وبكاه. طبطبت عليه
ندي: خلاص يا حبيبي كفاية انا مش متحملة اشوفك كدة
سامح: رفع راسه وبصله. ورمي نفسه في حضنها. وبكي اكتر وصوت بكاه عليي. مهاب يا ندي مهاب راح اخويا وصاحب عمري راح. انا تعبان تعبان
ندي: بتعيط. كفاية علشان خاطري. ارجوك اهدي. نصيبه كدة مفيش في ايدينا حاجة نعملها
سامح: انا مش عارف ازاي هقدر ادخل المكتب وهو مش فيه ازاي هشتغل من غيره. اه يا ندي نصي التاني مات
ندي : ادعيله ادعيله يا سامح
سامح: هدعيله هدعيله.
وبعد يومين في بيت مهاب ونغم سهام دخلت لنغم الاوضة
سهام : نغم
نغم : بصتلها بحزن وسكوت.
سهام : يا حبيبتي هتفضلي كدة لحد امتي كفايه حرام عليكي نفسك واللي في بطنك. انتي مبتكليش كدة كتير. انتي دلوقتي في السابع. كدة ممكن تتعبي
نغم: مش مهم. يا ريت اموت وارتاح. علي الاقل محسش بالحزن اللي انا فيه.
سهام: يا نغم انتي مؤمنة بالله وده قضاء ربنا. ارضي يا بنتي بقضاءه ارضي
نغم: ونعم بالله. بس مش بإيدي وانتي عارفة
سهام: عارفة وبدعيلك ربنا يربط علي قلبك. ويزيح همك. كنت عايزة ابلغك حاجة
نغم: حاجة ايه
سهام:في واحد اتصل اسمه كريم بيقول انه المحامي بتاع مهاب وكان بيبلغنك انه جاي بكرة الساعة 7 علشان موضوع مهم.
نغم : انا عارفة كريم. بس ماقلش موضوع ايه ده
سهام : لا مقلش. بس بكرة ان شاء الله نعرف.
تاني يوم. سهام لقت ان كريم كان متصل بسامح وطلب انه يكون موجود وكمان ادم ودولت وحسين
وقعده كلهم ونغم خرجت وجه كريم
كريم: طبعا قبل اي شئ احب اعزيكم كلكم . اعزي نفسي مهاب مكنش بالنسبة ليا عميل وبس لا كان اخ وصديق. مهاب كان كاتب وصيه لمدام نغم. وطلب مني اني مفتحهاش غير لما يموت وفي حضوركم جميعا.
نغم : كانت بتعيط. انا مش عايزة حاجة.
كريم: مدام نغم انتي مش محتاجة تقولي كدة اصلا مهاب كان كاتبلك كل ممتلكاته بيع وشيري. والوصية مش فلوس ولا ممتلكات
كلهم : استغربه. اومال هتكون ايه.
كريم : ممكن تسمحولي اقرأ الوصية
الوصية بصوت مهاب.
مهاب: نغم حبيبتي لو انتي بتقرأي الوصية دي دلوقتي يبقي انا خلاص موت. حبيبتي مش عايزك تزعلي ولا تحزني. انا عارف انه صعب عليكي بس معلش. انا لما كتبت الوصية اول مرة يوم كتب كتابنا. بس عدلتها قبل ما نسافر السخنة علشان اصالحك. ومش عارف اذا كنت هرجع ولا لا
نغم : انا عايزك بعد ما تولدي وتعدي شهور العدة تتجوزي ادم.
كلهم تنحه. ونغم زعقت لكريم
نغم : انت بتقول ايه انت اتجننت
كريم : ارجوكي اهدي يا مدام نغم. ده مش كلامي ده كلام مهاب
سامح: انت اكيد بتخرف. مهاب كان غيار جدا. ازاي وبيحب نغم بجنون. ازاي هيطلب منها تتجوز من بعده راجل تاني ازاي.
كريم : والله الوصية مسجلة في الشهر العقاري. ومكتوبة بخط مهاب. واظن انت اكتر واحد يعرف حط مهاب وتقدر تتأكد بنفسك.
سامح: اخد منه الوصية بنرفزة. وشافها. واتغاظ اكتر. زجز علي سنانه. ده فعلا خط مهاب. بس ازاي وهو كان . خوفه الوحيد ان نغم تكون لراجل غيره ازاي.
نغم : كانت خلاص مش قادرة تسمع حاجة صرخت. كفاية كفاية مش عايزة اسمع حاجة انا مش ممكن اتجوز غيره مش ممكن سيبوني في حالي حرام عليكم. واغمي عليها من كتر الانفعال والعياط.
😭😭😭😭😔😔😔😔😔😔
#
((((تري يا قلب احببت من))))... بقلم ريحانة الجنة
(((الحلقة الواحدة والثلاثون))) #ريحانة
بعد ما نغم فقدت وعيها كلهم جريوا عليها واولهم أدم قرب منها علشان يفوقها ويشيلها. بس سامح منعه.
سامح: مسك ايد ادم بغضب. استني انا اللي هشيلها وبعده عن نغم وشالها هو ودخلها الاوضة
ودخلت وراه سهام ودولت.
ندي : كانت مستغربة وغيرانة من غضب ونرفزة سامح واللي عمله. يا تري يا سامح كل ده علشان اخت مراتك واللي كانت مرات صاحبك. ولا فيه حاجة تانية وانا مكنتش واخدة بالي. بس لقت ان ده مش وقته. ودخلت وراهم الاوضة
كريم : اسمحولي يا جماعة انا مش همشي قبل ما اطمن علي مدام نغم.
الدكتور حسين: طبعا يا ابني مفيش مشكلة. اللي حصل ده طبيعي نتيجة الصدمة. ان شاء الله تكون بخير
كريم: دكتور أدم. اتفضل وادالو جواب
أدم: اخده منه. ايه ده
كريم: ده جواب . مهاب كان سايبهولك وقالي اسلمهولك بنفسي
ادم: هز راسه. متشكر . وشاله.
في أوضة نغم
سامح : ساند نغم علي صدره وبيحاول يفوقها. نغم نغم هاتي يا ندي اي بيرفيوم بسرعة
ندي: غيرانة. مسكت ايده بغضب. خلاص سيبها وقوم احنا هنفوقها
سامح: حس انه اندفع. زيادة عن اللزوم وده اثار غيرة ندي. نيم نغم علي المخدة وقام. انا قلقان عليها يا جماعة اروح اجبلها دكتور
دولت: ازي دكتور وأدم موجود. انا هندهله يجي يفوقها. وخرجت
ندي: سامح ممكن تخرج بره لحد ما الدكتور ادم يكشف عليها اظن ما ينفعش تفضل موجود
سامح: كان متغاظ اصلا من ادم. وخرج وقابل ادم عند الباب. وبغضب وهو بيجز علي سنانه. تكشف عليها وتفوقها وتخرج بسرعة فاهم
ادم: بحزن هز راسه. ودخل لنغم
أدم فوق نغم فعلا بس اول ما فاقت قعدت تصرخ وتزعق
نغم : ابعدوا عني سيبوني. انا عايزة اموت. انا عايزة اروح لمهاب. حبيبي ليه سيبتني ليه ليه. ابعدوا انا مش عايزة اشوف حد مش عايزة اكلم حد سيبوني بقي حرام عليكم يا رب اموت بقي انا تعبانة تعبانة. ولسة بتصرخ
أدم: حاولوا تهدوها وانا. طلبت من الصيدلية حقن وادوية وان شاء الله هتبقي كويسة
سامح: لما سمع صريخ نغم. اتنرفز ودخل بسرعة. ومسك ادم من هدومه. انت عملتلها ايه خلتها تصرخ ليه امشي بره
ندي: وقفت بينهم. في ايه يا سامح الدكتور ادم معملش حاجة هي اللي منهارة. وهو بيستعدها وهيديها حقنة مهدئة بس لما الصيدلية تبعتها. ممكن تخرج بقي لو سمحت
سامح: بصلها بغيظ. هخرج بس هو كمان يخرج لحد ما الداء يوصل
وخرج سامح وادم
سامح : بيكلم نفسه. هو فيه ايه انا ليه بعمل كدة معقول غيران عليها. ايوة وماغرش ليه دي كانت مرات اخويا وصاحبي. ايوة بس هو اللي طلب انها تتجوز ادم. تؤتؤ انا حاسس ان الموضوع في حاجة لو كان كدة ليه مهاب مقليش ليه خبا عليا. ايوة بس هو قالي علي الوصية بس مقليش هي ايه. اوففففففف. انا مش طايق ادم ده
في الوقت ده وصل الدواء واخده ادم وداخل لنغم
سامح: وقف قدام الاوضة. وبيكلم ادم بغضب واضح. تدخل تديها الدواء وتخرج سامع.
ادم: بتحدي بعد مابقي مش متحمل طريقة سامح. اظن ده شئ ميخصكش انا سكتلك قبل كدة بمزاجي لكن انت زوتها اوي
سامح: اسمع انت لازم تفهم انك مش هتتجوزها. علي جثتي فاهم
خرجت ندي وسهام ودولت علي صوتهم.
دولت : لو سمحت يا سامح يا ابني مش وقته الكلام ده خليه يدخل يديها الدواء دي حالتها صاعبة. ونأجل اي كلام تاني لبعدين.
سامح: اتفضل. بس زي ما قولتلك ماتنساش
دخل أدم لنغم وادالها الحقنة والدواء وابتدت تهدي شوية.
برة الاوضة
ندي: بغيظ. سامح ملكش دعوة بأدم. ولما نروح لينا كلام تاني بس كفاية لحد كدة لو سمحت.
سامح: يعني ايه بقي انتي موافقة علي الكلام ده .
ندي: والله ده شئ يخصها هي وهي اللي تقرر. عن اذنك هدخل اشوفها
كريم:سامح كنت عايزك. لوحدنا
سامح: اخده في البلكونة. خير يا كريم فيه ايه
كريم: انا كنت عايز اقولك. ان مهاب لما كتب الوصية اول مرة. كان موصي انك انت اللي تتجوز نغم. بس لما اتجوزت ندي اختها. جالي ولغي الوصية. وقبل ما يسافر اخر مرة جالي تاني وكتب الوصية الجديدة.
سامح: معقول. ورجع يفتكر يوم كتب كتابه مهاب ونغم. لما مهاب قبل العملية اللي كانوا طالعينها. قالوا لو جرالي حاجة تروح لكريم المحامي بس وقتها سامح قاطعه ومخلهوش يكمل. ايوة صح يومها كان عايز يقول حاجة وانا قاطعته.
كريم:اناقولتلك علشان حسيت بغيرتك علي نغم. وممكن تكون فكرت ان مهاب كان بيأتمن ادم اكتر منك. هو كان عايزك انت بس لما اتجوزت اختها مبقاش ينفع
سامح: هز راسه بضيق. ايوة صح مبقاش ينفع.
في اوضة نغم
ادم: نغم. عاملة ايه احسن دلوقتي
نغم : بتعيط. وهزت راسها في سكوت
أدم: نغم. انا عايز اقولك ان مفيش حد ممكن يجبرك علي حاجة. لو انتي مش عايزة بس يا ريت وانتي بتفكري افتكري ان مهاب هو اللي طلب منك كدة ولو كنتي لسة بتحبيه يبقي لازم تريحيه بعد موته.
نغم: بس انا مش ممكن اتجوز من بعد مهاب مش ممكن
دولت: ممكن تخرج يا أدم انا عايزة اتكلم مع نغم. ويا ريت انتي كمان يا سهام وخدي معاكي ندي
خرجوا كلمهم. وقعدت دولت مع نغم لوحدهم.
دولت: نغم. ادم مش وحش اوي كدة علشان اللي انتي عملتيه ده كله
نغم: اسفة بس لو سامحتي. افهميني انا مش هقدر. هبقي بظلمه واظلم نفسي
دولت: انا عارفة انه مش سهل اللي حصل ده كله. بس لازم تعرفي وتفتكري. زي ما قالك ادم ان دي وصية مهاب ولازم تنفذيها
نغم: عيطت اكتر. مش قادرة مش قادرة. لو سامحتي سيبيني لوحدي ارجوكي
دولت: طبطبت عليها حاضر هسيبك. بس عايزاكي متتصرعيش في قرارك ادي نفسك فرصة انتي لسة قدامك 3 شهور علي الولادة و عدتك تخلص.
نغم: هزت راسها
وخرجت دولت وسابتها لوحدها
نغم: مسكت صورة مهاب اللي جنبها علي الكومود. وعيطت. كدة تعمل فيا كدة مش كفاية سيبتني لوحدي كمان عايزني اكون لغيرك. ده انت كنت بتغير عليا من نفسك تقوم توصيني الوصية الصعبة دي ليه ليه. هو انا متحملة بعدك علشان اتحمل اكون لغيرك. وحشتني اوي اوي ياحبيبي. يارب يكون ده حلم واصحي منه والاقي مهاب جنبي وفي حضني يارب
في بيت سامح وندي بعد ما رجعوا من عند نغم قاعدين ومعاهم فريال
ندي: انا بس نفسي اعرف. انت زعلان ليه وانت مالك ما تتجوز اللي تتجوزه هي حرة
سامح: يعني هي حرة. مش فاهم هو سهل اوي كدة انها تتجوز من بعد مهاب. ليه كانت متجوزة اي حد ده مهاب مينفعش يتنسي كدة
ندي: ليه بقي مهاب او غيره وهي يعني كانت هتفضل كدة لحد امتي اكيد كان هيجيلها يوم وتتجوز ادم بقي من غيره متفرقش. وبصراحة هي مزوداها ليه الانهيار ده. ادم انسان ممتاذ واي ست تتمناه
سامح: ايه البرود اللي انتي فيه ده. هي عادي كدة بالنسبة ليكي. مستكترة عليها انها تحزن علي جوزها اللي كان بيحبها اكتر من نفسه. يعني انا لو مت انا كمان بعد الحب اللي حبتهولك والدلع والحنية دي. سهل اوي كدة تروحي تتجوزي من بعدي اي واحد بعد شهور العدة
ندي: لا طبعا. احنا بنتكلم علي نغم مش عني
سامح: مفرقتش كتير. انتي دلوقتي اللي اثبتيلي ان مهاب هو الوحيد اللي كان صح. احنا لاكان لينا جواز ولا خلفة. نتجوز ونحب وندلع ونخلف. وبعد كدة نموت. وانتوا تروحوا تتجوزه وتنبسطوا. سبحان الله وانا اللي كنت بقول عليه متشائم. طلع كان باصص لقدام
ندي: واضح ان ده مش وقت انقاشك فيه. لما تهدي انا هعرف ازاي احاسبك علي كلامك ده. واخدت مهاب الصغير ودخلت اوضتها
فريال: سامح في ايه مالك ليه بتكلم مراتك كدة
سامح: بنرفزة. يعني مش سامعة بتقول ايه. هي كمان معندهاش مشكلة تتجوز من بعدي عادي كاني كلب وراح
فريال: بقولك ايه. انا امك فريال يعني الشويتين دول يخيلوا علي ندي مش عليا
سامح: قصدك ايه مش فاهم.
فريال: يعني انت. غيران علي نغم وده واضح
سامح: وانا منكرتش. انا فعلا غيران عليها. دي كانت مرات مهاب عارفة مين مهاب ولا لا
فريال: عارفة. بس مش للدرجة دي. وبعدين هو اللي موصي بكدة
سامح: تعرفي انا بندم اني انجوزت ندي. مهاب كان موصي في الاول اني انا اللي اتجوز نغم. بس لغي الوصية بعد جوازي من ندي
فريال: انت عارف لو ندي سمعتك هتعمل ايه. فوق لنفسك بقي واتنبه لمراتك وابنك. وسيب نغم في حالها وملكش دعوة. ومتنساش انها اخد مراتك
سامح: اتنهد بضيق. مش ناسي بس بقول يا ريتني كنت متجوز اي واحدة تانية غير ندي كان زماني انا اللي هتجوز نغم. مش ادم انا مش هبقي متطمن علي مرات مهاب وابنه مع كد تاني
فريال: سامح متخلنيش اقولك كلام. يوجع. انسي نغم خالص وادخل صالح مراتك . وخليك في حياتك انت مفهوم تصبح علي خير انا داخلة شقتي.
سامح: لاسف محدش فاهمني. انا مش طمعان في نغم انا بس عارف ان محدش ممكن يحافظ علي نغم وابنها غيري انا. حبيبي يا مهاب اللي كنت خايف منه كله حل وانت فعلا مشيت وسيبتهم .
في ڤيلا الدكتور حسين
أدم قاعد بيقرأ جواب مهاب
مهاب: أدم. اوعي تفتكر ان الوصية دي كانت سهلة عليا وانا بدي مراتي وحبيبتي لواحد تاني. انا اكيد دلوقتي مش موجود. بس اكيد كمان غيران . ومتعرفش حالتي ايه وانا بكتب الكلام ده بس انا عايز اقولك اني عارف انك بنحب نغم. ايوة انا عارف من اول يوم شفت في نغم وانا عارف انك بتحبها. وهي كانت معجبة بيك بس انا كنت اول مرة تعجبني واحدة كدة وحبيتها بسرعة. وانا مكنش عندي نفس التردد اللي عندك علشان كدة انا قربت منها وخلتها تحبني. بس هي لو كانت حبيتك مكنتش حبتني كدة. الحب مش بإيدينا. بس انا خلاص مت دلوقتي وانت لازم تخلي بالك منها وتحافظ عليها. وكمان عارف انك مبسوط دلوقتي لانك هتتجوز البنت اللي حبيتها. في صمت
وكمان مش عايزك تزعل من نغم لو رفضت في البداية. بس اكيد مع الوقت هتحبك انت بس اصبر عليها . نغم انسانة رقيقة ورومانسية. خليك هادي معاها
مهاب
دولت: دخلت لادم. ادم ناوي علي ايه يا ابني
ادم: قفل الجواب. هتجوزها
دولت: طيب لو فضلت معاندة هتعمل ايه
ادم: هصبر عليها لحد ما تهدي وتستوعب وتوافق بنفسها
دولت: ربنا يهديها يا ابني
ادم: تعرفي انا كنت فاكر انك اول واحدة. ترفضي اني اتجوزها بعد نا سابتني واتجوزت مهاب
دولت: يا ابني الحب ده نصيب وانها كانت معجبة بيك في الاول وبعدين حبت مهاب. ده شئ مش بأيديها. بس خلاص اهي دلوقتي. هتبقي ليك
ادم : يعني مش زعلانة
دولت: حبيبي انا ممكن اجوزك اي واحدة المهم انت تكون مبسوط وسعيد . تصبح علي خير
ادم: تصبحي علي خير
وعدي الوقت ونغم مكنتش عارفة تاخد قرار وسامح طول الوقت بيقولها متوافقش وانه هو هيخلي باله منها هي وابنها
وعدي الشهرين اللي فاضلين ونغم جالها الطلق علشان تولد
نغم : اااااااااااااه هموت مش قادره
((((تري يا قلب احببت من)))) .. بقلم ريحانة الجنة
(((الحلقة الثانية والثلاثون)))#ريحانة
سهام: قامت مفزوعة علي صوت نغم وصريخها. ورتحتلها اوضتها. مالك يا نغم في ايه
نغم: بتتألم بموت يا ماما. ااااااه مش قادرة. انا خلاص شكلي بولد. الحقيني
سهام: حاضر ثواني هكلم ندي و سامح......... الو يا ندي فين سامح
ندي: سامح في مأمورية مش هنا في ايه.
سهام: نغم بتولد واحنا لوحدنا. خلاص انا هتصرف. سلام حصلينا علي المستشفي
وقفلت سهام واتصلت بأدم......... الو ايوة يا ادم يا أبني اسفة قلقتك
أدم: لا طبعا ولا قلق ولا حاجة طمنيني نغم بخير
سهام: الحقني يا ابني نغم بتولد وانا لوحدي وسامح في مأمورية. وامجد انت عارف مسافر.
أدم: طيب اهدي بس انا هتصل بالمستشفي وابعتلها عربية تاخدها وانا هستناها في المستشفي
سهام: متشكرة اوي يا بني مع السلامة
ودخلت لنغم اللي عمالة تتوجع من الالم . استحملي هانت بس متقلقيش مش هتولدي دلوقتي هي اول مرة بتبقي صعبة كدة
نغم: ااااه. هموت يا ماما. فينك يا مهاب سيبتني انا وابنك ليه
سهام: يا بنتي انتي في ايه ولا في ايه
نغم : بتعيط. لو كان مهاب جنبي مكنتش هتوجع كدة انا عارفة.
سهام: يا بنتي استهدي بالله مهاب خلاص مات وانتي لازم تخلي بالك من نفسك ومن وابنك اللي جاي ده
وبعد شوية جات عربية المستشفي واخدت نغم وراحت المستشفي وولدت وبعد الولادة
في اوضة نغم ادم شايل البيبي ومبتسم.
نغم : بصوت واهن. متشكرة اوي يا ادم قلقناك من نومك.
ادم: انتي بتشكريني علي ايه. انا كان لازم اكون جنبك في اللحظة دي . بس تعرفي بيبي جميل اوي
نغم: هاتوا انا عايزة اشوفه. ولما اخدته. بصتله وعيطت. حبيبي ده انت شبه بابا مهاب بالظبط
سهام : هو لسة شكله بان يا نغم
نغم :ايوة والله شبه حتي شوفي
ادم: احمم اه فعلا في شبه كبير من مهاب الله يرحمه. قوليلي هتسميه ايه
نغم: انس. علشان يكون ونيسي في من بعد مهاب. هو اللي فاصلي منه
ادم :بحزن. اه طبعا معاكي حق
وبعد يومين خرجت نغم ورجعت البيت وادم. كان بيروحلها كل يوم ويطمن عليها هي وانس. وبعد شهرين ادم كان لسة مصر علي طلبه للجواز من نغم بس هي كانت لسة محتارة ومش عارفة تاخد قرار. وفي يوم سامح راح يطمن علي نغم وانس وسهام.
سهام: اهلا يا سامح تعالي اتفضل. اومال فين ندي
سامح: لا انا جاي لوحدي قلت اعدي عليكم قبل ما اروح واطمن علي نغم وانس
سهام: تعالي اهم قاعدين اهم وانا هروح اعملك قهوة
سامح: متشكر اوي. ودخل قعد جنب نغم. عاملة ايه يا نغم طمنيني عليكي
نغم: اتنهدت. هكون عاملة ايه اهو عايشة وخلاص
سامح: مسك ايديها. نغم انا جنبك ومعاكي اعتبريني زي امجد مش علشان هو مسافر وعايش حياته برا. تحسي انك لوحدك من بعد مهاب. انا عمري ما هسيبك. انتي وانس في عنيا
نغم: ابتسمت. متشكرة اوي يا سامح انا عارفة انت كنت بتحب مهاب قد ايه
سامح: وبحبك انتي كمان
نغم: ؟؟ايه
سامح: احمم ايوة مش بقولك اني تخوكي زي امجد بحبك زي اختي في ايه مالك
نغم:لا ابدا. المهم انت عامل ايه وندي ومهاب حبيبي وحشني اوي
سامح: كلهم بخير. نغم انتي قررتي ايه في موضوع ادم
نغم: مش عارفة. بس انا عندي شرط لو ادم وافق عليه وقتها بس ممكن اقبل واتجوزه وانفذ وصية مهاب
سامح: شرط ايه يا نغم.
نغم: انا هقولكم كلكم علشان لازم ادم يقبل قدامكم وتبقي شاهدين علي الكلام ده
سامح: ارجوكي يا نغم قوليلي شرط ايه
نغم: اني انا وادم نكون متجوزين علي الورق بس لكن انا عمري ما هكون مراته ابدا. انا مفيش راجل ممكن ياخد مكان مهاب ابدا
سامح: ابتسم. تمام وانا معاكي ولو رفض يبقي احسن وانا والله هحطك في عنيا انتي وانس. وباس ايديها انا جنبك ومش هسيبك.
نغم : اتكسفت. وشدت ايديها منه. بس تفتكر ادم ممكن يوافق علي الشرط ده.
سامح: والله مش عارف. اصله شرط صعب
نغم: طيب لو انت مكانه توافق علي كدة
سامح: بصلها وابتسم. انا بالنسبة ليا هوافق طبعا لانه هيكون تحدي بالنسبة ليا
نغم: مش فاهمة.
سامح: اصل وقتها هيكون تحدي لرجولتي و لازم اثبت لنفسي وليها اني اقدر اخليها تنسي جوزها وتحبني انا.تعرفي انا لو مكنتش متجوز ندي اختك كنت انا اللي اتجوزتك ومسبتكيش ابدا لاي راجل تاني
نغم: اتحرجت وسكتت.
سهام : لما دخلت وشافت سامح وسمعت كلامه. اتضايقت. القهوة يا سامح
سامح: احممم. اه تسلم ايدك يا حماتي.
وبعد يومين كانوا كلهم موجودين في بيت نغم ونغم صممت تقول شرطها لادم قدامهم كلهم وفعلا قالت كدة
أدم: لما سمع كدة حس بغصة في حلقة. واتصدم. معقول للدرجة دي مش عايزاني معقول نافرة مني اوي كدة. بس كان جواه حاجة بتقولوا وافق
دولت: كانت لتبص لادم وزعلانة علشانه
ادم: وانا موافق.
كلهم استغربوا
نغم: بس الكلام ده مفهوش راجعة. انا عمري ما هغير رأيي واكون مراتك. وعلي فكرة هيكون ليك الحق في اي وقت انك تتجوز واحدة تانية. لان ده حقك وانا مش هقدر اديهولك.
ادم: ملوش لزوم الكلام ده دلوقتي انا موافق علي شرطك. وان شاء الله انتي وابنك هتكونوا في امان معايا
سامح: وشوش أدم. بس لو فكرت تجبرها علي حاجة. انا اللي هقفلك فاهم
ادم: اظن انك بتدخل في اللي ملكش فيه.
سامح: لا ليا وليا اوي كمان
نغم: في شرط تاني
ادم: اتفضلي.
نغم: احنا مش هنعيش هنا. بيت مهاب مفيش راجل غيره ممكن يدخله ويقعد فيه
ادم: من غير ما تقولي انا عمري ما كنت هعمل كدة. وكمان مش هنقعد في الڤيلا عندنا. انا هخدلك شقة تانية لوحدك
نغم: اتفقنا
في ڤيلا الدكتور حسين
دولت: والله انا مش عارفة ليه الشرط ده ازاي هتعيش معاك كدة زي الاخوات بس
ادم: انا كمان اتصدمت معقول للدرجة دي عمري ما عجبتها حتي ولا متقبلة تكون مراتي
دولت: طبطبت عليه. معلش يمكن مع الوقت تحبك وتنسي كل حاجة وتعيشوا سعدي مع بعض.
ادم: يا ريت يا ماما يا ريت. ده بحلم باليوم ده من اول ما شوفتها
دولت: ان شاء الله. بس انت ليه هتقعد برا بعيد عني خليك هنا
ادم: معلش كدة احسن علشان نكون براحتنا. ونغم متتحرجش منك انتي وبابا. خصوصا بالوضع اللي هنكون فيه ده
دولت: خلاص احسن بردوا. اهو كمان تخدوا علي بعض. انت لسة متعرفهاش كويس.
ادم: انا معرفهاش انا اعرف نغم اكتر
من نفسي بس عايز اريحها علي قد ما اقدر.
دولت : ربنا يا ابني يهديها ليك وتنسي مهاب وتعيش حياتها معاك. يالا تصبح علي خير.
ادم بعد ما خرجت. ابتسم. انا معرفش نغم ده محدش يعرفها قدي. ودخل بلكونة اوضته وقعد يسمع اغنية وكانت
(اعرف لحماقي)( اعرفة الا اعرفه وانا غيري مين في الدنيا يعرف يوصفه. اعرفه الا اعرفه انا بس خايف لكسفه. كنت خلاص هنساه مع اني لسة بحن ساعات. عشت سنين في هواه وحكايته خدت مني رقات.فات كل ده وبتسألوني اعرفه. الا انا كله الا انا مقدرش ابيع عشرة بقالها كام سنة. الا انا كله الا انا ده احنا اتخلقنا لبعضنا. كنت خلاص هنساه مع اني لسة بحن ساعات. عشت سنين في هواه. وحكايته خدت مني راقات. فات كل ده وبتسألوني اعرفه)
وفات شهر وادم جهز الشقة لنغم وعملوا كتب الكتاب ونغم كانت لسة بتلبس اسود علشان مهاب. ورفضت انها تلبس اي الوان في كتب الكتاب اللي اتكتب في شقهم الجديدة. وبعد ما كلهم مشيوا وفضلت نغم مع ادم لوحدهم.
ادم: نغم مش هتتعشي
نغم: لا مليش نفس كل انت. وقامت علشان تدخل اوضتها
ادم: مسك ايديها. نغم احنا اتفقنا منكوش زوج وزجة بالشكل الطبيعي. لكن علي الاقل نتعامل زي اي اتنين في بينهم عشرة واحترام وود. مفيش مانع ناكل مع بعض او نقعد ونتكلم مش ممكن نعيش كل واحد في حاله. الا لو انا شخص سئ اوي لدرجة انك خايفة تقعدي معايا
نغم: لا طبعا. ازاي تقول كدة. ادم انت عارف انا بعزك وبحترمك جدا بس اللي حصل مش بإيدي لو سمحت قدر موقفي
ادم: مقدر وفاهم بس انا مبطلبش شئ صعب
نغم: خلاص يا ادم هنتعشي سوا اتفضل
 الفصل التاسع وعشرون والثلاثون والواحد والثلاثون والثانى والثلاثون بقلم ريحانة الجنة رواية( تري يا قلب احبب…){kind=link}
تعليقات
إرسال تعليق