رواية جسور جميله الفصل الحادي عشر والثاني عشر والثالث عشر والرابع عشر والخامس عشر بقلم دينا جمال

رواية جسور جميله الفصل الحادي عشر والثاني عشر والثالث عشر والرابع عشر والخامس عشر بقلم دينا جمال

الفصل الحادي عشر

في صباح اليوم التالي

شق صراخهاا ارجاء البيت عندما .....

في غرفة جسور

شعرت بالضيق في نومتها بسبب ذلك الثقل الملتف حول جسدها

جميلة بضيق وهي نائمة: اوووف اتاخري شوية يا حجة انتي اوووف اتاخري بقي

فتحت عينيها بضيق تنظر امامها لتتسع عينيها بفزع

هبت جالسة على الفراش تصرخ

جميلة صارخة: اصحي اصحي الله يخربيتك عااااااااااا

هب جسور من علي الفراش يهتف بقلق: ايه ايه في ايه سهر كويسة ، السرايا ولعت زين حصله حاجة

جميلة غاضبة: أنت عملت فيا ايه

جلس جسور علي الفراش يحك شعره بحيرة: عملت ايه في ايه

جميلة غاضبة: انت يا جدع انت ماتستعبطتش عملت ايه في وضعنا دا

جسور ببراءة مصطنعة: أنا ما عملتش حاجة أنتي السبب

جميلة بصدمة: أنا

جسور ببراءة: ايوة ، امبارح بعد ما نمت لقيتك جايه وعماله تبوسي فيا فضلتي تقوليلي أنا بحبك يا جسور بوسني يا جسور و الشيطان شاطر زي ما انتي عارفة وسكتت شهرزاد عن الكلام الغير مباح

جميلة: لا لالا محصلش محصلش

ربت جسور علي كتفها العاري برفق : يا حبيبتي دا شرع ربنا احنا ما عملناش حاجة غلط

جميلة بدموع: بس أنت وعدتني ليه عملت فيا كدة ليه

ثم أخفت وجهها بين كفيها وبدأت تجهش في البكاء

اتسعت عينيه بصدمة يبدو أن مزحته كانت ثقيلة

جسور سريعا : جميلة، جميلة اهدي يا جميلة ما محصلش حاجة والله ما حصل حاجة ، أنا كنت بهزر معاكي

جميلة غاضبة من بين دموعها : عبوشكلك

امسك اذنها كالارنب : بتقولي ايه يا اوزعة انتي

جميلة بألم: آه يا عم سيب ودني

جسور: اعتذري

جميلة بعند: مستحيل

جسور بخبث: طب احنا فيها وهم بالاقتراب منها

جميلة سريعا: أنا آسفة ، أنا آسفة ، أنا آسفة

جسور بصرامة: ناس ما تجيش غير بالعين الحمرا

تركها وذهب ناحية المرحاض ليغتسل وهو يتذكر أمس

بعدما رآها نائمة بذلك الشكل المضحك قام من مكانه وتحرك ناحيتها ، حملها بين ذراعيه برفق ثم وضعها علي الفراش بهدوء

جسور بصوت منخفض: كدة يا جميلة ينفع كل شوية تقوليلي يا عجوز ، انتي عارفة كلامك العفوي دا السبب كان زمانك مراتي من زمان

ابتسم بحنان وهو يكمل : ملاك يا ربي نايم ، هيبقي مقلب سخيف بس يلا معلش عشان تحرمي تقولي أنت عجوز تاني

بدأ يحاول ازاحة ملابسها برفق حتي لا تستقيظ ولكن تلك الصغيرة كان نومها اثقل من أن توقظها حركة يده فانزل أكمام بلوزتها وفتح اول ازرارها فقط حتي لا ترتعد عندما تستيقظ

وضمها لصدره ولأول مرة منذ وقت طويل ينام بذلك العمق

_________________________________

في الخارج

كانت جميلة تبدل ملابسها

جميلة بصوت منخفض:رخم وعجوز وغلس

سمعت صوت دقات علي باب الغرفة

جميلة: يالهوي يالهوي يالهوي ، مين

صفاء من الخارج : أنا ماما صفاء يا حبيبتي ، افتحي

جميلة: خشي يا ماما

دخلت صفاء فاختبئت جميلة تحت غطاء الفراش

صفاء مبتسمة: صباحية مباركة يا عروسة

جميلة بخجل : شكرا يا ماما

صفاء ضاحكة: انتي مستخبية كدة ليه

جميلة بتلعثم:، هااااا ،اصصل أنا سقعانة اوي

صفاء ضاحكة: ماشي يا ست السقعانة اومال جسور فين

ما كادت تنهي جملتها حتي خرج جسور من المرحاض يجفف وجهه وشعره بالمنشفة

جسور بضيق عندما رأي صفاء: يا فتاح يا عليم علي الصبح حد يدخل أوضة عرسان الصبح كدة

صفاء بعند: والله أنا جاية اطمن علي بنتي

جسور ساخرا: بنتك قدامك اهه مش ناقصة ايد ولا رجل

صفاء: طب هات الأمانة عشان عمها يشوفها قبل ما يسافر

ازدرقت جميلة ريقها بتوتر : أمانة ايه يا عمتو

صفاء: اسكتي انتي فين الأمانة يا جسور بيه

جميلة بخوف: يا ماما اصل

جسور: ايه يا جميلة مكسوفة ليه يا حبيبتي مدي ايدك تحت المخدة واديها الامانة

دست جميلة يدها تحت الوسادة واخرجت قطعة القماش واعطتها لصفاء

صفاء مبتسمة : مبروك يا حبيبتي ألف مبروك

مبروك يا جسور بيه

ثم خرجت من الغرفة

جميلة بصدمة: ازاي

اتجه جسور الي مرآه الزينة وبدأ يصفف خصلات شعره بهدوء

جسور: انتي عارفة يا جميلة أن فصيلة دمي O negative ودي فصيلة نادرة وشكلي كدة هحتاج نقل دم بسببك

جميلة: شكرا

جسور بابتسامة صغيرة: علي ايه جسور السيوفي ما بيرجعش في كلمته ولو علي رقبته ومش أنا الي افرض نفسي علي واحدة مش عيزاني ، أنا هنزل عشان الحق اخطب الجمعة هخليهم يطلعولك الأكل هنا

جميلة: مش شرط أنا هنزل افطر مع سهر

جسور: كلامي يتنفذ العروسة هنا ما بتخرجش من اوضتها اول 3 أيام

جميلة: نعم أنت بتطلب مني افضل محبوسة هنا 3 أيام

جسور بهدوء وهو يرتدي ساعته: أنا مش بطلب منك أنا بأمرك

جميلة غاضبة: وأنا مش هنفذ الأمر دا أنا مش جارية عندك

زمجر بغضب : جميييلة انا لحد دلوقتي بتعامل معاكي بهدوء ودا عكس طبيعتي اتقي شري احسنلك

جميلة بدموع: أنا عايزة اسلم على عمو قبل ما يمشي

تنهد جسور بضيق : ماشي تسلمي عليه وهتيجي ستات العيلة تباركلك نص ساعه وتطلعي الأوضة تاني فاااهمة

جميلة بصوت منخفض: تنح

جسور: بتقول هي فقط من تظن أن صوتها منخفض وصلت الكلمات الي مسامعه فكبت ضحكته وخرج من الغرفة

نزل لأسفل بعجنهيته المعتادة وهو يحمحم بصوته الحشن

قابلته سهر بابتسامة: صباحية امباركة يا خوي

جسور بابتسامة صغيرة: الله يبارك فيكي يا سهر

مختار : صباح الخير يا جسور بيه ، اومال جميلة فين

أنا أهو يا عمو

قالتها بسعادة وهي تهرول علي سلم المنزل الضخم لتسرع بإلقاء نفسها بين احضان عمها

مختار وهو يمسد علي شعرها بحنان : مبروك يا حبيبتي ، ها يا ستي تحبي اجبلك ايه هدية جوازك

جميلة بدموع: أنا عوزاك أنت يا عمو عوزاك تفضل معايا

مختار بدموع: بس بقي بطلي عياط ، انتي عارفة دموعك غاليه عندي اد ايه ، طب بصي أنا هسيب معاكي ماما صفاء وهاجي بعد يومين عشان اخدها واشوفك ماشي

جميلة بسعادة: بجد ماما صفاء هتفضل معايا بس .....

نظرت ناحية جسور بقلق فهز الاخير رأسه إيجابا بهدوء

جسور: عن اذنكوا

صفاء: رايح فين يا ابني

جسور بقسوة: مدام صفاء ما تنسيش نفسك انتي اهنه ضيفة ، الضيوف اهنه ليهم حق واحد عندي وهو واجب الضيافة غير اكدة لع

ثم تركها ورحل

مختار : متأكدة يا صفاء أنك عايزة تفضلي هنا

صفاء : ايوة ومش همشي من هنا قبل ما يسامحني ويعرف اني مظلومة

مختار : ربنا معاكي أنا ماشي بقي يلا سلام عليكم

رحل مختار وبقيت جميلة وصفاء وسهر سويا

سهر: جميلة اطلعي البسي عباية زين زمان عماتي جايين يباركولك

هزت رأسها إيجابا وصعدت لأعلي وارتدت عباءة زرقاء بلون سماوي وطرحة بيضاء

في الأسفل

بدأت سيدات العائلة تتوافد علي سرايا جسور يباركون لعروس كبيرهم

كان كل شئ يسير على ما يرام تتلقي جميلة التهاني من الجميع وترد عليهم بود

الي أن خيم الصمت عندما دخلت تلك السيدة المتشتحة بالسواد تعابير وجهها حادة غاضبة تظرها تقاعيد وجهها المتقدم في العمر

سهر بتوتر وبصوت منخفض : الحقي يا اما عمتي صابرة وصلت

صفاء بخوف : ربنا يستر

دخلت صابرة واتجهت ناحية تلك العروس

صابرة بتجهم: مبروك يا عروسة

جميلة مبتسمة: الله يبارك في حضرتك

صابرة بضيق: واااه شوفوا قلة الحيا ما تقومي يا بت تقفي وانتي بتسلمي عليا

سهر سريعا: عمتي جميلة ما تقصدش هي بس ما وخداش علي عاودينا ، قومي يا جميلة قومي

قامت جميلة سريعا : أنا آسفة حضرتك

صابرة: تعالي في باطي يا مرت الغالي

جميلة في نفسها باشمئزاز : يععع ايه القرف دا

مالت سهر عليها سريعا وهمست بصوت منخفض: قصدها تحضنيها

هزت جميلة رأسها إيجابا سريعا واحضنت عمه جسور بود ، لتشعر بتلك السيدة تحرك يدها علي جسدها بطريقة مريبة

انتفضت جميلة من حضنها وابتعدت عنها

جميلة غاضبة: انتي بتعملي ايه يا ست انتي

صابرة باستفزاز: مالك يا عروسة بشوفك مربرة اكدة هتملي عين ولد اخوي ، بس طلعتلي مسفرته معصعه ما بينلكيش وش من قفا

جميلة بصدمة: انتي فكراني 2 كيلو طماطم بتفعصي فيهم عشان تشوفيهم حلوين ولا لاء

صابرة غاضبة: اتحشمي يا بت واتكلمي معايا زين

جميلة: أنا بردوا الي اتحشم ، اومال انتي تعملي ايه

رفعت صابرة يدها لتضربها بالقلم ولكن توقفت يدها عندما امسكتها

صفاء بحدة: اياكي يا صابرة تمدي ايدك علي مرات إبني

صابرة غاضبة: صفاء انتي ايه الي جابك اهنه يا فاجرة ، جاية ليه بعد ما حطيتي راسنا كلنا في الطين

صدح صوته غاضبا في ارجاء المكان

جسور غاضبا: عمتتتتي

__________________________________جسور وجميلة

بقلم دينا جمال_

اتيم ، اتيم يا اتيم اتحي بقي

فتحت عينيه الرمادية بانزعاج

أيهم بضيق : بس يا جميلة سبيني أنام

زمت الصغيرة شفتيها بضيق طفولي: لاء اتحي بقي يا دب يا كتلان

فتح أيهم عينيه سريعا وهتف بدهشة مصطنعة: يا نهارك أبيض دب وكسلان طب تعالي بقي

نزلت الصغيرة تركض وهي تصرخ بسعادة وخلفها يركض شاب طويل القامة في اواخر العشرينات طويل القامة جسده ذو جسد معضل شعر بني طويل كثيف يكاد يصل لكتفيه ولحية كستنائية ، يعمل مهندس زراعي يعيش في شقة كبيرة ورثها عن ابيه هي وسيارة صغيرة

أيهم ضاحكا: قفشتك

جميلة ضاحكة: تبني يا ايتم

أيهم ضاحكا: يا بنتي انتي لدغة في كل الحروف يلا عشان تفطري وتروحي الحضانة

جميلة بتعب مصطنع : اااه ااه اه يا تباعي ( صباعي ) ايتم تباعي بيوجعني مت عاوتة الوح الحضانة

( أيهم صباعي بيوجعني مش عاوزة اروح الحضانة )

أيهم بجد مصطنع : وريني كدة يا عيني بيوجعك فعلا ، خلاص بلاش نروح الحضانة وتعالي نروح الجنينة

جميلة بسعادة : بجد هيه هيه يلا بترعة بترعة تباعي خف

( يلا بسرعة بسرعة صباعي خف )

أيهم ضاحكا: بتنصبي عليا يا جميلة خدي هنا يا بت

بدأ يركض خلفها يضحك علي ضحكاتها إلي أن وصل اليها فحملها علي كتفيه

أيهم ضاحكا: قفشتك يلا بقي عشان نفطر

جميلة صائحة بسعادة : كورن فلكت ( فلكس )

أيهم ضاحكا: حاضر يا ستي بس ما تضحكيش عليا زي كل مرة وتاكلي بتاعي

اخذها أيهم الي المطبخ ووضعها علي طاولة الطعام الصغيرة في المطبخ وبدأ يجهز طبقين من الكورن فلكيس

أيهم مبتسما: اتفضلي يا جميلة هانم أحلي كورن فليكس

جميلة: هات بتاعك

أيهم بطفولة وهو يحتضن طبقه : يا طمااااعة ابداااا

عبست وجه الصغيرة بضيق طفولي عقدت ذراعيها امام صدرها واشاحت بوجهها الي الناحية الاخري

أيهم ضاحكا: خلاص خلاص خدي أهو، هروح اعملي غيره يا طماعة لازم تاخدي طبقين

اخذت الصغيرة الطبق منه واخرجت طرف لسانها له وبدأت تأكل بسعادة

راقبها أيهم بابتسامة حنونة وعاد بذاكرته قبل ثلاث سنوات ، ذلك اليوم الذي توفي فيه والده كان يعتبر من اسوء أيام حياته فقد كان شديد التعلق بوالده منذ الصغر ، كان يسير في الشوارع ليلا تتحجر الدموع في عينيه كان يود أن يبكي ويصرخ وبدلا من ذلك بدأ يسمع هو صوت بكاء وصراخ لطفل صغير

مشي خلف الصوت بحذر الي أن وصل لملجاء أطفال قديم فراي امام بوابة الملجأ القديمة طفلة صغيرة ملفوفة ببطانية تقدم أيهم منها بحذر وحملها بين ذراعيه

أيهم: ايه جو الأفلام العربي القديمة دي ، ليكونوا بيصوروا فيلم وأنا اقتحمت اللوكيشن بتاعهم يالي هنا يا بتاع الكاميرات يا مخرج طب يا انتاج اي حد

نظر الي الصغيرة التي تعض يديها بجوع

أيهم: شكله كدا مش فيلم ، منها لله او منه لله الي رماكي هنا ، تعالي ادخلك جوا الملجأ

ما كاد يتقدم خطوة واحدة حتي وجد تلك الصغيرة تنظر له بابتسامة بريئة أسرت قلبه

عاد ادراجه وبدلا من أن يأخذها للملجا اخذها وعاد الي بيته عرف أن اسمها جميلة من تلك القلادة التي علي رقبتها

انتظر عدة أيام إن يجد خبر او إعلان عنها ليعديها الي اهلها ولكنه لم يجد وبدأ هو نفسه يتعلق بها وها هي معه منذ 3 سنوات يحبها كابنته ، احضر لها دادة خاصة بها ولكن اليوم عطلة ذلك يحضر لها الفطور بنفسه

فااااق من شروده علي صوتها صارخا في أذنه: ايتتتتتتتم

انتفض فزعا من مكانه: الله يخربيتك سرعتيني

جميلة: ترحان ( سرحان) في ايه

أيهم: انتي مالك يا حشرية ، المهم بكرة لما دادة تيجي هنخليها نحضر شنطتك عشان هنسافر

جميلة بسعادة: هنتافر ( هنسافر ) فين

أيهم: فاكرة امبارح لما كنا بنتفرج علي التلفزيون والفيلم كان فيه أرض وزرع

جميلة مكملة بسعادة: وحتان وحمار

أيهم: بالظبط احنا بقي هنروح هناك عند الزرع وتركبي الحصان والحمار

جميلة صارخة بسعادة: هيه هيه هيه ، حبيبي يا ايتم

أيهم ضاحكا: روحي يا ميلا

جميلة بتحذير: اوعي تكون رايح هناك عتان تغلك ( عشان شغلك )

أيهم بخوف مصطنع: ايه الرعب دا ، بصي مش اوي يعني لو انتي مش عيزاني اشتغل بلاش

جميلة بحزن: أنت بتيب ( بتسيب ) جميلة وتمتي ( تمشي ) كتير وانا بقعد لوحدي زعلانة

أيهم بحنان: يا خراشي زعلانة طب بصي هروح اشتغل حبة صغننين خالص عند عمو جسور وبعدين أجي نتفسح ونركب حصان وحمار وكل حاجة Deal

جميلة بسعادة: ديل ، أنا بحبك أوي يا ايتم

ايهم بحنان : وأنا بحبك أكتر يا بنت قلب أيهم

الفصل الثاني عشر

في سرايا جسور

شق صوته الغاضب قلوب الجالسات رعبا

جسور غاضبا: عمتتييي

نفضت صابرة يدها بغضب من يد صفاء الممسكة بها حتي تمنعها من ضرب زوجة ابنها

صابرة بمسكنة مصطنعة : أنت جيت يا واد اخوي تعالا شوف عمتك وهي بتتهزق من مرتك

اتسعت عيني جميلة بصدمة لتهتف داخل نفسها: يا بنت الكدابة

جسور غاضبا لجميلة : علي فوق

جميلة سريعا: يا جسور اسمعني .....

قاطعها جسور وهن يهتف بغضب من بين اسنانه : علي فوق يا جميلة

جميلة بعند وهي تعقد ذراعيها امام صدرها : مش هطلع أنا مغلطتش ولازم تسمعني زي ما هتسمعها

جسور صائحا : سهررر

سهر بخوف: ايوة يا اخوي

جسور غاضبا: خديها من قدامي يا سهر

هزت سهر رأسها سريعا واتجهت ناحية جميلة

سهر: تعالي يا جميلة

جميلة: يا سهر ...

سهر مقاطعة بهمس : أحب علي يدك يا جميلة ، جسور في غضبه ما بيشفوش قدامه ، تعالي معايا الله يرضي عليكي

اخذت سهر جميلة وصعدت لأعلي

جسور بصوت عالي للجالسات : شرفتوا

بدأت السيدات تنسحب واحدة تلو الأخرى

ذهب جسور ناحية عمته ووقف امامها مباشرة

جسور: أنا هعاقب مرتي عشان غلطت فيكي يا عمتي

صابرة بسعادة: هو دا ولد اخوي ايوة اكدة ما تخليهاش تتفرعن عليك

جسور مكملا : وهعاقبك عشان شتمتي الست الي مهما عملت هتفضل أمي

اتسعت عيني صفاء بفرحة هل استجاب الله دعائها اخيرا لقد ظلت تتضرع طوال الليل أن يحن قلب ولدها لها مرة أخري

صابرة غاضبة: دلوقتي بقت أمك مش دي الي حطت رأس سليم في الطين لما هربت منيه ، دي ×××××××

جسور غاضبا: اخرسي طول ما انتي في بيتي مش هسمحلك تهيني أي حد فيه فاهمة يا عمتي ، ثم صاااااح بصوت عالي عزززززام

جاء الغفير مسرعا : اوامرك يا بيه

جسور: وصلت ستك صابرة لحد دارها

صابرة غاضبة: بقي اكدة يا جسور بتطردني دي آخرة تربيتي فيك

جسور ساخرا: شوفتي بقي نتيجة تربيتك

امتقع وجه صابرة بغيظ بعد سخرية جسور اللاذعة فخرجت من السرايا بغضب

بينما ظلت صفاء تنظر لولدها بشوق كعادتها

صفاء مبتسمة: أنا متشكرة أوي يا ابني

جسور مقاطعا: جسور ، مش عايز ايمع كلمة ابني تاني قولتلك ابنك مات أنا عملت اكدة عشان شكلي مش عشانك

ثم تركها وصعد لأعلي غاضبا

في غرفة جسور

سهر : انتي غلطتي يا جميلة

جميلة بذهول: أنا غلطت

سهر : ايوة أنا ما قصديش علي عمتي أنا قصدي انك وقفتي وعانتدي جسور قدام الكل

جميلة بضيق: الي حصل بقي ما هو الي مش عايز يسمعني

جسور غاضبا وهو يدخل الغرفة: اديني هسمعك اهه ، اخرجي يا سهر

هزت سهر رأسها إيجابا سريعا وخرجت تهرول من الغرفة بينما اغلق جسور الباب بالمفتاح

__________________________________

في شقة مختار

كان جالسا في مكتبه يراجع بعض الاوراق ، عندما دق رامي الباب باحترام شديد

مختار بدهشة : هو مين الي بيخبط مستحيل يكون رامي ، ادخل

دخل رامي مبتسما بمرح : صباح الفل يا حج

مختار بحذر : صباح الخير، خير عايز ايه

رامي مبتسما : ابدا بشوفك عايز حاجة ولا محتاج حاجة

مختار : خش في الموضوع يا رامي اوعي تكون فاكر أن الشويتين الي جاي تعملهم دول هيدخلوا عليا ، انجز وهات من الأخر

رامي بعتاب : أنت ليه دايما يا بابا ظنك سئ بيا

مختار غاضبا: من أعمالك مع بنت عمك الغلبانة

تنهد رامي بتعب : خلاص يا بابا هي اتجوزت وعايشة مع جوزها وبعدت عننا

مختار ساخرا : يا سلام علي البراءة دا أنت يوم فرحها روحت اتهمتها في شرفها قدام جوزها

رامي بحزن : عارف أنا عملت كدة ليه ، عشان بحبها أنا بقعد اقول قدامكوا أن بكرهها بس الحقيقة أنا بحبها اوي اوي

مختار بحذر : وأنا اضمن منين أنك ما بتكذبش عليا

هز رامي كتفيه بقلة حيلة : ما اعرفش بصراحة أنا كان نفسي جسور يصدقني عشان يطلقها مش عشان يغتصبها زي ما قولتلكوا ثم اكمل غاضبا دا أنا كنت أقتله لو عمل كدة

مختار : أنت عايز ايه دلوقتي يا رامي أنا بردوا مش فاهم

رامي : كنت عايز اطمن علي ماما ليكون جسور دا زعلها ولا عملها حاجة

مختار : ما تقلقش امك لسه قافلة معايا والحمد لله كويسة وبخير

رامي مبتسما : يا رب دايما وتيجي علي طول أصلها وحشتني اوي ، بقولك ايه يا بابا مش كفاية شغل بقي ما تيجي نتفرج أنا وأنت علي التلفزيون شوية

مختار بدهشة: تلفزيون ، أنت كويس يا رامي

رامي بحزن : خلاص يا بابا أنا آسف اني عطلتك

مختار في نفسه : في ايه أنا مش فاهم حاجة هو دا حاله اتقلب ليه كدة ، يا رب اهديه يا رب

هم رامي بالذهاب فاوقفه صوت مختار : طب شوفلنا فيلم حلو كدة

رامي بسعادة : هووا وهروح اعملنا عصير وفشار

خرج رامي من المكتب سريعا متجها ناحية المطبخ

تنهد مختار براحة : ربنا يهديك يا ابني

_________________________________

في سرايا جسور داخل غرفته

ازدرقت ريقها بصعوبة وهي تراه بتلك الحالة المرعبة

خلع عبائته التي يضعها فوق كتفيه ورمي عمامته بعيدا بغضب

جميلة بخوف: اااننت بتقفل الباب ليه

جسور غاضبا: انا قولت ايه قبل كدة

جميلة بخوف: قولت ايه في ايه

جسور غاضبا : كنت بكلم نفسي دا أنا لسه قايلك امبارح افكرك [ لو مش عيزاني الغي وعدي معاكي تتعاملي باحترام صوتك ما يعلاش عليا ، تسمعي كلامي وما تعمليش مشاكل ] صح ولا انا غلطان ، إنما بقي سيادتك واقفالي رأس برأس كلامي في الهوا اطلعي يا جميلة ما بطلعش ، عايزاهم جسور بيه عمدة البلد مش عارف يمشي كلامه علي مرته

كان جسدها ينتفض بخوف من صوت زئيره الغاضب ومع ذلك حاولت التحلي ببعض الشجاعة امامه حتي لا يظنها ضعيفة أو خائفة

جميلة ببرود مصطنع: أنا ما عملتش حاجة غلط ، عمتك هي الي غلطت فيا وأنت مش عايز فرصة اشرحلك وعمال تقولي اطلعي فوق اطلعي فوق

جسور بهدوء: يعني شايفة أنك مش غلطانة

هزت رأسها إيجابا بتأكيد

جسور بهدوء : بس أنا غلطانة وهتعتذري احسنلك تعتذري سبحان ما بيخليني امسك أعصابي عنك يا جميلة لو سهر الي عملت كدة كان زماني دفنتها فاوانا هادي أهو اعتذري

جميلة بعند: مش هعتذر أنا ما غلطتش

جسور: يبقي انتي الي جنيتي علي نفسك ما تزعليش بقي من الي هعمله

________________________________

في شقة مختار

كان مختار جالسا بجوار رامي علي الأريكة يشاهدان فيلم كوميدي ، يضحكان باستمتاع وهما يتناولان العصير ، الي أن بدأ مختار يشعر بالدوار وثقل في عينيه ورأسه

مختار بخمول : أنا عايز انام يا رامي

رامي : ليه يا بابا الفيلم لسه في اوله

مختار بخمول : مش عارف يا ابني مصدع ودماغي تقيلة اوي

رامي : الف سلامة عليك يا بابا تحب اطلبك دكتور

مختار بخمول : لاء يا ابني مالوش لزوم دخلني اوضتي ارتاح

أسند رامي والده الي غرفة نومه وساعده ليستلقي علي الفراش ودثره بالغطاء جيدا

رامي بحنان: عايز مني حاجة تاني يا بابا

مختار وهو يقاوم النوم: لا يا ابني انت هن..

وقبل أن يكمل كلمته سقط في بئر النوم

ليخلع ذلك الحمل الوديع الوجه الزائف عن وجهه وتظهر ابتسامته الخبيثة

رامي مبتسما بخبث: تصبح علي خير يا بابا

خرج رامي من الغرفة واتجه الي مكتب والده وبدأ يفتش بين محتوياته عن تلك المعلومات التي اخبره عنها زعيم تلك الشبكة

___________________________

جميلة صارخة : ابعد عنيييي

لا تعرف ماذا حدث بعد أن اخبرته انها لن تعتذر منه وجدته يتقدم منها بهدوء كالاسد الذي يستعد للانقضاض علي فريسته

هتف بجمله واحدة: بينا اتفاق وانتي كسرتيه

كانت آخر جملة سمعتها منه قبل أن يبدأ في تمازيق ملابسها محاولا الاعتداء عليها

جميلة بصراخ وبكاء : لاء يا جسور عشان خاطري ابعد عني ، يا بااااباااا ابعده عني ، سبني والنبي عشان خاطر ربنا ، خلاص والله أنا آسفة أنا آسفة ثم بدأت تهتف بضعف سُور ، سُور الحقني

انتفض سريعا وتوقفت يديه عن تمزيق ملابسها عندما سمعها تهتف بذلك الاسم ، نظر لها بندم لعن نفسه في سره يكره غضبه الاعمي هذا

نظر بها بحزن وهي تحاول تخبئة جسدها بملابسها الممزقة يحمد الله أنه ابتعد عنها في الوقت المناسب قبل أن يفعل ما لا يحمد عقباه

جسور بحزن: جميلة أنا ....

جميلة مقاطعة ببكاء: أنت حيوان حيووووووان أنا غلطانة اني صدقتكك

قام جسور من مكانه واتجه ناحية دولابه واخرج تلك القلادة القديمة ، ووضعها امام عينيها

اتسعت عينيها بدهشة : سلسلتي ، انت جبتها منين

جسور بشرود: بعدين يا جميلة هقولك كل حاجة لما أتأكد من حاجة الأول ،ثم اكمل بندم خلاص بقي أنا آسف

جميلة بطفولة وهي تمسح دموع عينيها بطرف كمها : مش هتعمل كدة تاني

هز رأسه نفيا بابتسامة صغيرة: ابدا يا حبيب.....قصدي يا جميلة

__________________________ّ

بعد ساعات من البحث تهاوي رامي علي كرسي مكتب ابيه يزفر بضيق

رامي بضيق : وبعدين بقي فين الزفت المعلومات دي

رن هاتفه بذلك الرقم

رامي : الو

الرجل: لقيت المعلومات

رامي بضيق : لاء

الرجل غاضبا : انت هتستعبط يعني ايه لاء

رامي بضيق: بقولك ايه ما تزعقش أنا قلبت الدنيا عليها مش هنا ، يمكن مع جميلة

الرجل : هنشوف ، هكلمك قريب عسان ابلغك بمهمتك الجاية

رامي : ماشي

____________________________

خرجت من المرحاض بعدما بدلت ثيابها الممزقة ، فذهب ووقف امامها

جسور بحنان : لسه زعلانة

هزت رأسها نفيا بخفوت : مش زعلانة

دني برأسه وقبل جبينها بحنان

جسور برفق : عارفة يا جميلة ، بحس ان ربنا عوضني بيكي عن بنتي الله يرحمها ، كان نفسي أوي اشوفها وهي بتكبر اسمعها أول مرة وهي بتقولي يا بابا ، زمان ربنا عوضني بيها ودلوقتي ربنا عوضني بيكي عنها ، كأني مكتبولي دايما تكون سعادتي ناقصة

جميلة: مش فاهمة يعني ايه ربنا عوضك بيها عني

جسور: هتفهمي كل حاجة في وقتها

جميلة: طب ممكن اروح لسهر عايزة اشوف زين ، علي فكرة زين طفل منطوي أوي يا جسور

جسور: كدة احسن زين ، العمدة من بعدي لازم يبقي راجل من صغره

جميلة: أنت كدة بتقتل طفولته

جسور: انا عارف أنا بعمل ايه

جميلة بغيظ من بروده: أنا رايحة لسهر

في غرفة سهر

تسللت صفاء الي غرفة ابنتها حتي تتحدث معها بعيدا عن عيني جسور

صفاء باستسلام : أنا همشي بكرة يا سهر

سهر سريعا: بسرعة اكدة يا اما

صفاء: جسور شكله كدة مش هيسامحني

دقت جميلة علي باب الغرفة فظنتها سهر جسور

سهر بفزع: جسور

صفاء: افتحي ما تخافيش

فتحت سهر الباب فوجدت وجه جميلة المبتسم

جميلة مبتسمة: مساء الخير يا سهر ، أنا جاية أرخم عليكي ينفع

سهر سريعا : ادخلي بسرعة

جميلة بدهشة: ايه دا في ايه ماما صفاء انتي هنا

صفاء: ايوة يا بنتي أنا ماشية بكرة وكنت جاية اودع سهر

جميلة بحزن: بالسرعة دي

صفاء بحزن: جسور مش هيسامحني

جميلة بحماس : اوعدك لو حكتيلي الي حصل هخليه يسامحك

صفاء بأمل: بجد يا بنتي

جميلة بمرح: وعد جميلة

ثم عبتث بهاتفها ووضعته بجانبها

جميلة: اديني عملت الموبايل صامت يلا بقي يا ماما احكي

صفاء بحزن : اقولكوا ايه بس ، أنا نفسي مش عايزة افتكر بس كله يهون عشان خاطر جسور يسامحني ، من زمان يا بنتي كان في طار بين عيليتنا وعيلة السيوفي ساعتها كان سليم في عز قوته وجبروته وكان ابويا واخواتي خايفين منه ، لحد ما جه اليوم الي لقينا فيه شيخ البلد بيقولنا أن سليم عايز دية عشان يوقف الطار بس مش عايز فلوس عايز عروسة ، وللأسف كنت البنت الوحيدة كان عندي ساعتها 14 سنة

لما دخلت البيت دا كنت حاضنة عروستي القماش مش فاهمة حاجة ، عمري ما انسي الابتسامة الي كانت علي وشه كأن ابليس هو الي كان مبتسم ، سليم كان أبعد ما يكون عن الرحمة اغتصب عيلة عندها 14 سنة كان صوت صريخي مالي القصر وأنا عمالة اقوله ارحمني يا عمو

بدأت الدموع تنساب من عيني صفاء وهي تكمل لكن الغل الي كان جوا سليم كان اقوي من انه يسمع صوتي

كان بيعاملني زي الخدامين ، مشي كل الخدامين الي في السرايا وخلاني أنا بس الي اخدم علي السرايا كلها لوحدي كان بيسبني أنام في المطبخ ما كنش بياخدني معاه اوضته الا علشان يدبحني وبعد كدة يرميني برة اوضته

ما عداش سنتين وخلفت جسور كان طاير بيه من الفرحة كان بيقولي انتي خدامته مش امه

بس الي حصل أن جسور وهو صغير كان متعلق بيا أوي ما كنش بيرضي ينام بعيد عني فسليم اضطر انه يقعدني في أوضة في السرايا عشان خاطر جسور

لسه فاكرة الجملة الي قالهالي لما شاف حب جسور ليا ساعتها قالي

( قسما بربي يا صفاء لهخلي جسور يكرهك طول حياتك هخليه يقرف حتي يبص في وشك )

لكن الي حصل بعد كدة ......

الفصل الثالث عشر

فاكرين طنط صفاء كانت بتقول ايه نرجع ورا شوية عشان الناس الي بتنسي

بدأت الدموع تنساب من عيني صفاء وهي تكمل لكن الغل الي كان جوا سليم كان اقوي من انه يسمع صوتي

ما عداش سنتين وخلفت جسور كان طاير بيه من الفرحة كان بيقولي انتي خدامته مش امه

لسه فاكرة الجملة الي قالهالي لما شاف حب جسور ليا ساعتها قالي

( قسما بربي يا صفاء لهخلي جسور يكرهك طول حياتك هخليه يقرف حتي يبص في وشك )

اكملت صفاء بحزن عميق ، حاول سليم يكره جسور فيا بشتي الطرق بس جسور وهو صغير كان حنين أوي لما كان بيلاقي سليم بيضربني كعادته كان بيجري عليا ويترمي في حضني ويفضل يعيط وعشان سليم كان بيحبه اوي كان بيسبني لما يبلاقيه بيعيط ، وعدي بعدها 8 سنين وخلفتك يا سهر ، وعلي عكس ما توقعت أن سليم هيغضب بس الحقيقة سليم كان فرحان بيكي يمكن أكتر من جسور

تنهدت بألم وهي تكمل لحد ما جه اليوم إياه وجه عمك يا جميلة، عمك مهندس زراعي كان يشتغل مع سليم ، طبعا لما جه المهندس سليم استقبله عندنا في السرايا ولأن ما فيش خدامين في البيت غيري عملت الشاي يا بنتي وروحت وديته

¤مختار مبتسما بود وهو يأخذ منها الشاي: متشكر يا آنسة

ردت عليه صفاء بابتسامة متوترة ثم فرت هاربة الي السرايا

مختار لسليم بود: بنتك امورة أوي ربنا يخليلهالك

اشتعلت عيني سليم بغضب من حديثه : مالكش صالح بيها وما تتحدثش معاها واصل انت فاهم

هز مختار رأسه إيجابا بلامبلاة وانشغل بعدها في عمله ¤

صفاء مكملة بألم: لما جه الليل وسليم رجع نزل فيا ضرب ، ضرب وفي الآخر طلقني وطردني طردني في الشارع

¤صفاء بابتسامة خائفة: احضرلك الوكل

سليم غاضبا : انتي ايه بينك وبين المهندس

صفاء بصدمة: مهندس مين

سليم غاضبا وهو يجذبها من شعرها : هتكذبي عليا يا ×××× أنا شوفته وهو بيضحكلك عايزة تخونيني معاه فكراني كبرت وخرفت مش هسمحلك تعملي زيها مش هسمحلك

ثم بدأ يكيل لها باللكمات والركلات والصفعات وفي النهاية جذبها من شعرها الي أن وصلا الي بوابة السرايا فالقاها سليم خارجا

سليم غاضبا: انتي طالق طالق ، واوعاكي اشوف وشك اهنه تاني هقتلك ¤

جميلة مقاطعة: هي مين دي الي كان بيقولك مش هسمحلك تعملي زيها

صفاء بحسرة: امه ، الي عرفته بالصدفة أن امه هربت من ابوه بعد ما خلفت سليم وسليم كان ليه أخ تؤام كان اسمه سالم

جميلة: وسالم دا فين

صفاء: مات ، قتله أخويا في حرب الدم ما بين العيلتين

سهر باكية: وبعدين يا اما

صفاء بألم: لقيت نفسي في الشارع بعد نص الليل مش عارفة أعمل ايه ولا اروح فين لو رجعت لاهلي هيرجعوني لسليم بالعافية كنت ماشية دايخة من كتر الضرب لحد ما وقعت من طولي وما حستش بنفسي غير وأنا في المستشفى

صفاء بألم وهي تحاول فتح عينيها: آه اني فين جسور ، سهر انتوا فين يا ولاد

مختار بابتسامة صغيرة: حمد لله على السلامة

انتبهت صفاء علي صوته ففتحت عينيها تنظر له بتوتر : إني فين

مختار : في المستشفى

صفاء بصدمة : مستشفي وكيف جيت اهنه

مختار : أنا لقيتك بالصدفة واقعة في الطريق مضروبة فجبتك هنا

صفاء بخوف : سليم اهنه

مختار : لاء أنا كنت مستنيكي تفوقي وهروح اقوله أنك هنا عشان ما يقلقش عليكي اكيد دلوقتي هيتجنن عليكي قلبه محروق علي بنته

صفاء باكية: لالا أبوس يدك ما تخبروش اني اهنه، إني مش بنته اني مرته وهو الي عمل فيا اكدة لو شافني هيقتلني

مختار : أنا مش فاهم حاجة مراته ازاي وهيقتلك ليه ، وليه اصلا عمل فيكي كدة

كانت بحاجة لأن تخرج ذلك العبئ من علي قلبها منذ أن تزوجت سليم ، فبدأت تحكي وتحكي وملامح مختار تتغير ما بين ضيق وشفقة وحزن وغضب

مختار: يعني أنتي هنا بسببي ، أنا بجد آسف بس انتي ازاي تستحملي الذل دا كل السنين دي

نظرت صفاء له بانكسار ولم تجب

مختار: طب تحبي ارجعك لاهلك

صفاء سريعا : لالالا أحب علي يدك اهلي هيرجعوني ليه بالغصب

تنهد مختار بقلة حيلة: وطب والعمل ما هو أنا مش هسيبك هنا كفاية أن أنا السبب في الي حصلك

مختار بعد تفكير : بقولك ايه تيجي معايا مصر

صفاء بدهشة: مصر

مختار : آه، أنا اخويا ظابط واكيد هيلاقينا حل للمشكلة وممكن تقعدي مع مراته لحد ما نشوف هنعمل ايه

صفاء بخوف: ما عرفاش

مختار : ارجوكي افهميني انتي قدامك دلوقتي 3 حلول لاما ترجعي لسيلم تاني ويقتلك ولاما ترجعي لأهلك ويرجعوكي لسليم ويكمل ذل فيكي ، لتثقي فيا وتيجي معايا

صفاء باكية: بس ولادي

مختار: هشام أخويا هيساعدك ها ، هتيجي معايا ¤

خرجت صفاء من بحر ذكرياتها علي يد جميلة تربت علي يدها

صفاء بابتسامة شاحبة: وعمك كان قد الثقة سا جميلة ، خدني معاه ووداني عند والدك ووالدتك الله يرحمهم ، ربنا يرحم مامتك لولاها ساعتها كان زماني انتحرت كان دمها خفيف وطيبة أوي انتي نسخة منها ، ووالدك وقف معايا وقفة اخواتي ما وقفوهاش معايا ، حاول يقنع سليم بشتي الطرق ، انتي مش فكره يا جميلة انتي شبطي في باباكي واحنا رايحين لسليم واختفيتي والي لقاكي جسور وفضلتي تعيطي وتقولي عايزة سلسلتي

قطبت جميلة حاجبيها بدهشة وبعض الصور المشوشة تضئ في عقلها ( بعدي يا بت عن حصاني ) ، ( اسمي جسور مش سور، لاء اسمك سور عثان انت طويل أوي )

جميلة بذهول : سُور

سهر : وبعدين يا إما عملتوا ايه

صفاء بحزن: سليم ساعتها خيارني لأول مرة في حياته أما اني افضل جنبكوا جارية هو قالها بالحرف جارية انفذ طلباتكوا وطالباتوا من غير جواز حتي ، أما امشي ويعتبروني ميته

أنا والله كنت مستعدة افضل جارية بس ابقي معاكوا بس مختار وهشام رفضوا رفض قاطع

ومن ساعتها وأنا ما اعرفش حاجة عنكوا

جميلة بصوت عالي: اظن ان انت عرفت كل حاجة دلوقتي مين الظالم ومين المظلوم

نظرا صفاء وسهر لها باستفهام تحول لصدمة عندما فتح جسور الباب ، كان يقف من البداية وقد سمع كل شئ عندما تلقي تلك الرسالة من جميلة

( لو عايز تعرف الحقيقة كلها تعالي دلوقتي عند أوضة سهر من غير ما تعمل صوت )

ظل ينظر لهم للحظات بصمت ، وكما جاء غادر بمنتهي الهدوء تركهم وذهب الي غرفته

جميلة في نفسها بدهشة : هو راح فين دا بوظلي النهاية أنا قولت هيحضنها ونقعد نعيط وننف ، ماشي يا جسور كدة تبوظلي النهاية

أصاب صفاء خيبة أمل من رد فعل ابنها ، بينما ذهبت جميلة بخطوات غاضبة ناحية غرفته

فتحت فمها لتصرخ فيه بغضب ولكنها توقفت عندما وجدته جالس يضع وجهه بين كفيه

جميلة بخفوت : جسور

جسور بصوت معذب : اخرجي يا جميلة

هزت رأسها نفيا جثت علي ركبتيها بجانبه ، توكزه في كتفه باصبعها : جسور ، جسور ، جسور بصلي

رفع وجهه من بين كفيه لتري تلك الدموع الحبيسة في عينيه ، لتتسع عينيها بدهشة

جميلة بدهشة: جسور أنت بتبكي

جسور بعذاب: ليه ليه عمل فيها كدة وليه عمل فيا كدة أنا ما اقدرش اكسر وصيته ما اقدرش هو وصاني قبل ما يموت إني ما اسمحهاش ، انتي عارفة انا ليه قاسي اوي علي سهر بسبب وصيته خايف لتغلط فاضطر أنفذ وصيته واقتلها أنا ماليش غيرها في الدنيا

جميلة بعقلانية : بس كدة مش صح ، وصية والدك دي ظالمة ليك ولوالدتك ، جسور وصية الميت واجبة التنفيذ بس مش بالظلم دا أنت كدة بتعذب نفسك وبتعذب أمك الي اتحرمت منك السنين دي كلها بسبب والدك الله يرحمه ويغفرله ، كفاية الي كان هو بيعمله فيها وكانت مستحملة عشانك أنت وسهر ، والدك اغتصب طفلة عندها 14 سنة ، عاملها زي الخدامين كان بينمها علي الارض وجو الصعيد علي رأيك بيسفح هوا ،واستحملت عشانكوا كفاية كدة يا جسور أنت محتجلها أكتر ما هي محتجالك ، روحلها يلا بقي روح ما تبقاش رخم وشبه الجبنة الليستون كدا

ضحك ضحكة صغيرة ثم جذب رأسها يضمها لصدره

جسور بامتنان: ربنا يخليكي ليا

ثم قبل جبينها وخرج من الغرفة

جميلة: ايه في ايه ، قلبي بيدق جامد ليه كدة مستحيل اكون لالالا مستحيل طبعا ، أنا بحب المشاهد دي أوي هروح اعيط وانف معاهم

رن هاتفها برقم عمها يطمئن عليها فبدأت بالحديث معه ثم ستذهب إليهم

في غرفة سهر

صفاء باكية: أنا همشي يا بتي خلي بالك من نفسك

عايزة تسيبي ولدك يا ام جسور

اتسعت عيني صفاء بفرحة عندما سمعت صوته

صفاء باكية: جسور

فتحت ذراعيها فالقي بنفسه بين ذراعيه يبكي كأنه عاد طفل مرة أخري

جسور باكيا وهو يقبل يديها :اتوحشتك قوي يا اما ، اتوحشتك قوي قوي

صفاء باكية: وانت كمان يا حتة من قلبي اتوحشتك قوي كنت بموت من غيركوا

جسور: بعد الشر عنيكي يا اما

احتضنت صفاء جسور وسهر وهي تردد ببكاء : اللهم لك الحمد

جسور: انتي مش هتمشي من اهنه تاني واصل انتي ست السرايا دي ما هتبعديش عنا تاني

صفاء بابتسامة واسعة : حاضر يا والدي

____________________________

خرجت من الحمام تنظر الي العصا البلاستيكية التي في يدها بصدمة

امسكت هاتفها تصرخ فيه بغضب ؛ تعالالي دلوقتي حالا

مضي بعض الوقت قبل أن يفتح باب الغرفة بضيق

رامز غاضبا: في ايه يا نهي جيباني علي ملا وشي ليه

نهي بصدمة : أنا حامل

_______________________________

في غرفة جسور

جميلة مبتسمة: حاضر يا عمو هقولها أن حضرتك بتسلم عليها ، حاضر هخلي بالي من نفسي مع الف سلامة

اغلقت الهاتف تنظر له بابتسامة حانية

جميلة بمرح: اما اروح الحق آخر حتة في المشهد

في غرفة سهر

سهر بخبث: والله فيها الخير جميلة هي السبب في الضحكة دي

صفاء بحنان: جسور يا ابني ممكن اسألك سؤال وترد عليا بصراحة

جسور مبتسما: طبعا يا أمي

صفاء: أنت اتجوزت جميلة ليه

جسور بارتباك : هااا

ماذا سيقول يحبها لالا لن تسمح له كرامته بقولها وهو يعرف أنها لا تحبه ، يحاول التعايش مع انها ضيفة فقط بضعة أيام ويتركها

صفاء: جسور اوعي تكون اتجوزتها عشان تنتقمي مني أنا وعمها

ويالها من إجابة نموذجية جاهزة

جسور بتأكيد: ايوة أنا اتجوزتها عشان انتقم من عمها فيها

وضعت يدها على فمها تمنع تلك الشهقة الفزعة من الخروج كادت أن تدخل الغرفة عندما سمعته يهتف بتلك الكلمات السامة

عادت ادارجها الي غرفتها مرة أخري

صفاء بخبث وهي تمسكه من اذنه كالطفل : بتضحك عليا يا ابن بطني دا أنا امك وأكتر واحدة عرفاك

جسور بالم: يا حجة ودني

صفاء: اعترف

جسور مبتسما: بحبها والله العظيم بحبها

صفاء مبتسمة: ايوة كدة ناس ما تجيش غير بالعين الحمرا ، يلا روح هات مراتك عشان ننزل نتعشي كلنا سوا

جسور مبتسما: حاضر يا ست الكل

تركهم وذهب الي غرفته فوجدها واقفة تنظر من نافذة غرفتهم

اقترب منها الي أن أصبح خلفها مباشرة

جسور بهدوء: جميلة

التفت له وبدون سابق إنذار صفعته بقوة علي وجهه

( الله يرحمك يا جميلة )

الفصل الرابع عشر

تركهم وذهب الي غرفته فوجدها واقفة تنظر من نافذة غرفتهم

اقترب منها الي أن أصبح خلفها مباشرة

جسور بهدوء: جميلة

التفت له وبدون سابق إنذار صفعته بقوة علي وجهه

نظر لها بدهشة بالتأكيد لم يحدث هذا هي لم تصفعه

جسور بضحكة صغيرة: انتي ضربتيني ، انت فعلا عملتي كدة ههههه انتي بجد عملتي كدة

صاحت جميلة بغضب : ايوة ضربتك دي أقل حاجة ارد بيها عليك يا شبه راجل انت

حك ذقنه بأطراف أصابعه بهدوء

جسور بخبث : شبه راجل اممممم اوريكي بقي الرجولة

كانت آخر كلماته قبل أن يصفعها بقوة فسقطت على الارض وبدأ يخلع هو ملابسه ، بينما تنظر له بذعر

جميلة بذعر : انت هتعمل ايه

تعالت ضحكاته الشيطانية التي ذكرتها بضحكات رامي

جميلة يا جميلة يا بنتي

جميلة صارخة: لالالااااا

جسور بقلق: بسم الله الرحمن الرحيم مالك يا جميلة

نظرت حولها بصدمة مازالت تقف أمام تقف تلك الشرفة

جسور بقلق: مالك يا جميلة ، بقالي شوية بنادي عليكي انتي نمتي وانتي واقفة ولا ايه

جميلة بصدمة: هااااااا

وضع راحة يده علي جبينها : مالك يا جميلة انتي سخنة ، لاء الحمد لله مش سخنة

جميلة بصدمة: جسور هو أنا ما ضربتكش بالقلم

جسور ضاحكا: مين يا اختي ، هو انتي فاكرة أنك لو عملتي كدة فعلا هتفضلي واقفة قدامي كدة عادي كان زمانهم بيغسلوكي ، يلا يا هبلة عشان ننزل نتعشي

جميلة: جسور هو انت اتجوزتني ليه

جسور ضاحكا: تكفير ذنوب

جميلة بجد : أنا بتكلم بجد انت اتجوزتني ليه

جسور غامزا : في الآخر هتعرف

التف ليغادر فتوقف مكانه عندما سمعها تهتف : أنا اقولك ليه ، اتجوزتني عشان تنتقم من عمي فيا مش كدة

التف لها وعلي شفتيه ابتسامة ساخرة : امممم هو بابا ما علمكيش إن التصنت عيب وحرام

جميلة غاضبة: أنا ما كنتش بتصنت ، انا داخلة الأوضة وسمعتك بتقول كدة

جسور في نفسه: شكلها كدة ما سمعتش للآخر يكون احسن بردوا

جسور: ماشي سمعتيني ، عايزة ايه بقي

جميلة غاضبة: عايزة أطلق طبعا

جسور ضاحكا: ت ايه والله يا جميلة انتي دمك زي العسل

جميلة غاضبة: عسل اسود على دماغك

جسور بحدة:تؤتؤتؤ هتغلطي هزعلك

جميلة غاضبة: ايه هتعمل ايه هتغتصبني

جسور ضاحكا بشدة: شكلك بتتفرجي علي أفلام عربي قديمة كتير

تجهم وجه فجاءة وأردف بتحذير : مش عايز اسمع الكلام الاهبل دا تاني ، انتي لسه ما تعرفيش جسور السيوفي يا جميلة ، اتقي شري يا حلوة ويلا قدامي عشان ننزل نتعشي يلااااا

قال كلمته الاخيرة بحدة فانتفض جسدها بخوف

____________________________

رامز غاضبا: نعم يا اختي يعني ايه حامل

نهي ساخرة: يعني كلها 9 شهور وهيبقي عندك اخ او أخت لزين

رامز غاضبا: انتي كمان بتستظرفي بقولك ايه آخر الي عندي الي في بطنك دا لازم ينزل

نهي بفزع: لا يا رامي ما ينفعش دا أنا ممكن اموت فيها الدكتور اصلا كان مانعني من الحمل بعد جميلة الرحم عندي مش هيستحمل واحتمال كبير يجيلي نزيف وأموت فيها

رامز غاضبا: دا مش شغلي تموتي تعيشي ما تفرقش معايا قدامك يومين لتنزليه أنتي ، لرصاصة واحدة هتريحني منكوا انتوا الاتنين

تركها وغادر صافعا الباب خلفه ، لتتهاوي علي الفراش شردت في ذكري قديمة

Flash back

الطبيب : مدام نهي ، أنا آسف جدا بس لازم تعرفي أن فكرة حملك تاني ممكن تموتك

جسور بحدة: أنت بتقول ايه أنت مجنون بعد الشر عليها

الطبيب: يا جسور باشا افهمني الرحم عندها ضعيف جدا ولو حملت تاني احتمال كبير يجيلها نزيف حاد يجيبلها هبوط في الدورة الدموية وقلبها يوقف

كانت هي في صدمة مما يقوله الطبيب ، لم تشعر بجسور وهو يخرج بها من الغرفة

جسور بحنان: نهي ، مالك يا حبيبتي

نهي باكية: مش هعرف اخلف تاني يا جسور مش هعرف اجبلك ولد يشيل اسمك

جسور بحنان: ايه الي انتي بتقوليه دا ما جميلة شيلة اسمي

نهي بتصميم: أنا هحمل تاني الدكتور دا اصلا ما بيفهمش حاجة

جسور بحدة: اياكي يا نهي تعملي كدة أنا مش هخاطر بيكي عشان شوية تخاريف في دماغك

لانت ملامحه فعاد يضمها لصدره بحنان : يا حبيبتي انتي بنتي وحبيبتي مش هضحي بيكي

مهما حصل

نهي : ربنا يخليك ليا يا جسور

Back

سالت دموعها ندما هي من اختارت هي من باعت جنة جسور مقابل حفنة من نقود رامز ، ذلك الشيطان الذي خان زوجته وصديق عمره

نهي بتصميم: أنا لازم أرجع لجسور هو الي هيحميني من رامز بس لازم يكون معايا ..........

_____________________________

في شقة أيهم

أيهم مبتسما: ها يا ست ميلا الشنط جاهزة

جميلة الصغيرة بحزن : ايوة يا ايتم

ايتم وهو يجلس بجانبها : جميلتي زعلانة ليه

جميلة بضيق : مت هقولك (مش هقولك )

أيهم: ليه كدة

جميلة : عتان الاهتمام ما بيطلبت ( عشان الاهتمام ما بيطلبش )

اتسعت عيني أيهم بصدمة ،: الاهتمام ما بيطلبش ايه جو المخطوبين دا انتي جبتي الكلام دا منين

جميلة: من فارت تاحبي في الحتانة

أيهم بصدمة: وفارس صاحبك في الحضانة قالك الاهتمام ما بيطلبش ليه يا جميلة

جميلة : عتان امبارح كان عيد الحب وأنا مت قولتله l love you

أيهم بصدمة: يا نهار ابوكي اسود تقولي لمين يا بت l love you ، جميلة ما تقوليش l love you غير لبابا بس ماشي يا جميلة

جميلة بضيق وهي تعقد ذراعيها امام صدرها: دا تلم

أيهم بدهشة: ظلم ماشي يا جميلة مش انا ظالم

ما فيش سفر

جميلة غاضبة: يعني ايه ما فيت تفر ، دا أنا فركت مع أحمد عتان اتافر

شعر أيهم إن قلبه سيقف من الصدمة ؛ فركشتي مع احمد ، مين احمد دا

جميلة بغرور : دا تاحبي

أيهم : طب وفارس

جميلة: تاحبي بردوا

ايهم بذهول : هما كام واحد

سكتت الصغيرة ولم ترد فاكمل أيهم: جميلة انتي زعلتي يا حبيبتي.........

جميلة مقاطعة بضيق :يووه يا أيتم لغبطتني هعد من الاول

امسك أيهم جانبه الأيسر بصدمه : يا نهاااار أسود بتعديهم فين دوا الضغط بتاع السكر

جميلة: ايوة تبعة بت

أيهم بصدمة: سبعة بس ، لاء ستة بقي ما انتي فركشتي مع أحمد

جميلة: لاء هما تبعة ، احمد يبقي تمانية

أيهم وهو علي وشك أن يصاب بذبحة صدريه: اااااه تمانية يا مفترية فتحه شبكة في الحضانة ، وفركشتي مع أحمد ليه بقي

جميلة : عتان عاوت يفرت تيطرته عليا ومت موافق إني اتافر من غير أتنه

) عشان عاوز يفرض سيطرته عليا ومش موافق اسافر من غير أذنه )

ايهم بصدمة: يفرض سيطرته انتي بتجيبي الكلام دا منين يا نهار أسود البت انحرفت وفركشت مع أحمد عشان عايز يفرض سيطرته أنا قايم انام

رن هاتف الصغيرة

أيهم:مين الي بيتصل دلوقتي

جميلة: مت هرد دا أحمد اكيد عاوت يتالحني

أيهم: لالا ردي على الراجل وافتحي الاسبيكر

اخذت الصغيرة ( صغيرة ايه بقي دا أنا الي صغيرة ) الهاتف بملل وفتحت الخط

جميلة ببرود : ايوة يا أحمد

أحمد: يا عيون أحمد لثه زحلانة مني

جميلة: ايوة عتان أنت مت عاوزني اتافر

احمد : بغيي ( بغير) عليكي يا ميلا

أيهم بصدمة: بتغير علي مين ياض يا نهار ابوك أسود

احمد : ازيك يا عمو

أيهم بصدمة: عمو مين دا انت الي عمو ، بقولك ايه ياض انت تبعد عن البت خالص انت فاهم

احمد: يا عمو أنت كدة بتموت حبنا

ايهم : بموت ايه يا اخويا واد انت روح خلص تطيعماتك الأول عارف ياض لو شفتك جنب البت ولا بتكلمها حتي هعلقك من ودانك

اغلق ايهم الخط ينظر لجميلة التي تلعب في شعرها بدلال

جميلة: كويت انك زعقتله كان رتم اتلا ( كويس انك زعقتله كان رخم اصلا)

ايهم بحسرة : حسبي الله ونعم الوكيل كشفت رأسي ودعيت عليكي يا جميلة يا بنت ام جميلة

جميلة: اطفي يا ايتم عتان انام وبطل دوتة

أيهم بحسرة: حاضر هبطل دوشة وهشرب اللبن وانام

___________________________

في سرايا السيوفي

في غرفة جسور بعد العشاء

جلست جميلة علي الفراش تربع قدميها تفكر

جميلة: بقي كدة يا جسور وأنا الي كنت فكراك راجل محترم مااااشي اما خليتك تقول حقي برقبتي وبردوا هتطلقني

دخل جسور الي الغرفة بعد أن صلي العشاء في المسجد

جسور: لا إله الا الله ايه البوز دا

جميلة بضيق: بقولك ايه مالكش دعوة بيا

ثم أمسكت هاتفها تقلب فيه

هز رأسه بيأس واردف بصوت منخفض: مجنونة والله

ذهب الي المرحاض واغتسل وبدل ملابسه ببيجامة قطنية سوداء

نظرت جميلة له بدهشة

جميلة في نفسها : يخربيت حلاوتك مززززز أوي

ذهب وجلس بجانبها في الفراش فاشاحت بوجهها الي هاتفها

جسور : بتعملي ايه

جميلة: مالكش فيه

اختطف الهاتف من يدها ينظر لما تفعل

جسور: أسيرة الشيطان ، ايه دا

جميلة بضيق: أنت مالك أنت يا رخم هات الموبايل

جسور: لاء مش هديهولك غير لما تقوليلي ايه دا

جميلة بضيق: اوووووووف دي رواية

جسور بخبث: اممم بتحكي عن ايه

جميلة: الله وانت مالك أنت ، هات بقي عايزة اعرف جاسر هيعمل ايه

نظر جسور ناحية الهاتف ثم نظر لها مرة اخري بابتسامة خبيثة : سكتت شهزارد عن الكلام الغير مباح ، تعالي اقولك أنا هو كان بيعمل ايه

ثم غمز لها بوقاحة

جميلة بخجل: أنت قليل الأدب علي فكرة ، يلا قوم بقي عشان عاوزة أنام

جسور: أنا هنام هنا ، ولو قمتي نمتي علي الكنبة هتصحي تلاقي نفسك بردوا في حضني فخليكي هنا احسن

نفخت خديها بغيظ : اووووف رخم

تمددت علي الفراش واولته ظهرها

فتراقصت ابتسامة خبيثة علي شفتيه

تمدد بجانبها وتصنع النوم

جسور وهو نائم : هي المخدة فين

بدأ يمد يده يبحث عن وسادته الي أن امسك بكتف جميلة التي فتحت عينيها بصدمة

جسور وهو نائم؛ هي المخدة مالها عصعصت ليه كدة

جذب جميلة ناحيها يحاوطها بذراعيه

جميلة بضيق: اوعي يا عم انت ، أنت يا ابني أنا مش مخدتك

جسور بنعاس : ايه دا جميلة اومال فين المخدة

جميلة غاضبة: أنا إيش عرفني سيبني بقي

جسور بنعاس : لاء أنا ما بعرفش انام من غير ما اكون حاضن مخدتي وانا مش لاقي المخدة

جميلة غاضبة: وأنا ذنبي ايه أن عندك جفاف عاطفي

انفجر جسور في الضحك عقب جملتها

جميلة: سيبني بقي

بدأت تتحرك بضيق لتخلص نفسها من بين ذراعيه

جسور بنعاس : نامي يا جميلة والا والله هقوم اقولك جاسر كان بيعمل ايه

جميلة بخجل : وقح ، يوووه سبني بقولك

جسور بخبث : شكلك نفسك تعرفي استعنا علي الشقي بالله

جميلة سريعا وهي تغمض عينيها : لالالا خلاص انا نمت أهو

قبل جبينها بحنان : تصبحي على وشي يا حبيبتي

جميلة بغيط : تصبح علي وش حمار يا رب

جسور: هاااا

جميلة : انا نمت خلاص

______________________________

في صباح اليوم التالي

جميلة: عشان خاطري يا جسور عشان خاطري عشان خاطري عشان خاطري

جسور: لاء يعني لاء ما فيش شغل وسبيني بقي اروح اشوف الي ورايا

جميلة بزن : عشان خاطري ، عشان خاطري عشان خاطري عشان خاطري عشان خاطري عشان خاطري عشان خاطري عشان خاطري

جسور بضيق : بسسسس اسكتي ايه راديو وعلق قولت ما فيش شغل

جميلة:، لاء فيه شغل عشان خاطري عشان خاطري

جسور: جميلة انزلي عن وداني أنا لازم اروح دلوقتي المهندس الزراعي قرب يوصل

تركها وغادر الي عمله

جميلة: ماشي يا جسور والله لوريك وبردوا هروح شغلي

____________________________

ايه رأيك في الزرع يا ست جميلة

جميلة بسعادة: حلو أوي يا ايتم

حملها أيهم علي ذراعه : قلب ايتم ، بابا عنده شغل هودي جميلة البيت بتاعنا وهروح شغلي وبعدين ارجعلك علي طول ماشي

جميلة بحزن: لاء هاجي معاك

أيهم: لاء طبعا ما ينفعش

اسبلت عينيها ببراءة : عتان خاطري يا ايتم

أيهم ضاحكا: امري لله تعالي

وصل جسور الي احدي اراضيه والتي سوف يقابل فيها ذلك المهندس نزل من علي صهوة جواده وربطه في تلك الشجرة الكبيرة

فوجد ذلك الشاب يأتي ناحيته

أيهم مبتسما: جسور بيه مش كدة

جسور بهدوء: كدة ، أيهم منصور صح

أيهم مبتسما: أيوة يا افندم اتشرفت بمعرفتك ، جميلة تعالي هنا ما تبعديش ثم عاد يحادث جسور باحراج ، معلش اصلها شقيه شوية

جسور: هي مين دي

أيهم: بنتي

جاءت تلك الصغيرة تركض ناحية أيهم

جميلة بسعادة: ايتم ايتم توفت الحمار والحتان

أيهم بعتاب : مش قولتلك ما تبعديش يا جميلة عشان مش تتوهي ، يلا سلمي على عمو

التفت الصغيرة ناحية جسور فشغر بقلبه يكاد يخرج من مكانه ، تلك الملامح يعرفها مستحيل ذلك الشبه بالتأكيد جن صغيرته ماتت امام عينيه احترق ذلك المخزن المشئوم بها هي ووالدتها ، فاق علي صوت الصغيرة وهي تمد كف يدها الصغير ناحيته

جميلة مبتسمة ببراءة: انا جميلة

جثي علي ركبتيه امامها ينظر لها : جميلة

هزت الصغيرة رأسها إيجابا بابتسامة واسعة : ايوة وأنت

جسور بهلفة : جسور

رفع نظره لايهم : هي دي بنتك

ايهم : ايوة يا افندم في مشكلة

جسور: فين مامتها

أيهم مبتسما بتوتر : الله يرحمها ماتت وهي بتولدها

هز رأسه إيجابا بيأس لا يعرف لما ذلك الشعور تجاه تلك الصغيرة

جميلة: عمو عمو

جسور سريعا: ايوة يا حبيبتي

جميلة مبتسمة: ممكن اركب الحتان دا

أيهم: بس يا جميلة عشان ما تتعوريش

جسور: ما تخافش روح انت شوف شغلك وأنا هركبها الحصان

أيهم بتوتر : خلي بالك عليها دي كل حاجة ليا في الدنيا

هز جسور رأسه إيجابا سريعا ثم نظر للصغيرة ومد كف يده لها ،فامسكته الصغيرة ليشعر بكهرباء تصعق جسده

الفصل الخامس عشر

كانت جالسة على تلك الاريكة في غرفتها منذ القي رامز بقنبلته في وجهها ، أن تخلصت من حملها ستموت لا محالة وإن أصرت علي اكماله سيقتلها رامز بدم بارد

فاقت من شرودها علي صوت الباب وهو يفتح نظرت ناحية الباب فوجدت رامز يتقدم ناحيتها ببطئ واضعا كفيه في جيبي سرواله ، الي أن وصل اليها فجلس بجانبها يمسد علي شعرها برفق

رامز بحنان: عاملة ايه يا حبيبتي

فغرت فاهها بدهشة فاكمل بضحكة صغيرة : مالك بتبصيلي كدة ليه

نهي برجاء : رامز أنا لو نزلته هموت

رامز : وأنا مش عايزك تنزليه

اتسعت عينيها بصدمة حتي كادت تخرج من مكانها : بجد يا رامز

رامز بابتسامة صغيرة: بجد يا حبيبتي

وضعت رأسها علي صدره ولفت ذراعيها حول عنقه : بجد شكرا ربنا يخليك ليا

رامز : ويخليكي لجسور

ابتعدت عنه سريعا كمن لسعها عقرب لتهتف بقلق : جسور وايه الي جاب سيرة جسور

رامز بخبث: بصي بقي يا نهي انتي بقالك 3 سنين معايا بتخدي الي انتي عايزاه وزيادة من غير ما تشتغلي معانا صح ولا غلط

نهي : صح بس انت عارف......

رامز ضاحكا بخبث: عارف يا حبيبتي سيبتي جسور عشان خاطر الفلوس ، الراجل كان قاديلك صوابعه العشرة شمع وأول ما اتزنق بعتيه

نهي بحذر؛ انت عايز ايه يا رامز وليه بتجيب سيرة الموضوع دا

رامز : أنت هترجعي لجسور تاني

نهي بصدمة: أنت بتقول ايه لاء طبعا مستحيل جسور هيقتلني

رامز : اسمعيني بس للآخر ، المعلومات الي الزفت هشام الله يجحمه خدها مننا قلبنا عليها الدنيا وبردوا مش لاقينها

نهي : طب وأنا مالي بالكلام دا

رامز : المكان الوحيد الي مدورناش فيه هو سرايا جسور ، ممكن يكون هشام ادي المعلومات لجسور وممكن تكون مع جميلة بنته

نهي : وهي جميلة بنته بتعمل ايه عند جسور

رامز : صحيح دا انتي ما تعرفيش مش جوزك اتجوز من يومين

نهي بصدمة: اتجوز ، أنا بردوا مش فاهمة يعني أنت عايزني اروح اقوله جسور يا حبيبي أنا عايشة ما متش وكنا بنضحك عليك ودي الكاميرا الخفية

رامز بخبث: هقولك تقوليله ايه بالظبط

بدأ رامز يسرد لها تفاصيل خطته

نهي بصدمة: يخربيتك دا أنت شيطان ، بس تفتكر هتخيل علي جسور

رامز : والله لو اديتي دورك كويس دا غير بعض الديكورات الي هنعملها فيكي هتدخل علي جسور ، ثم اكمل بتوعد بس خدي بالك لو فكرتي تغدري رقبتك اول رقبة هتطير

نهي بخوف : لالالا متخافش ، طب انت نسيت حاجة مهمة

رامز: حاجة ايه

اشارت نهي ناحية بطنها : المصيبة دي

رامز بمكر : المصيبة دي لسه في اولها ، وليلة حلوة في حضن جسور تقنعيه أنها بنته أو ابنه عوض ليه عن بنته الي ماتت وطبعا جسور هيبقي خايف عليكي وعلي الي في بطنك وهيدفع كتير عشانكوا

نهي بقلق : ربنا يستر

( ربنا ياخدكوا 😡😡😡 )

________________________________

علي صهوة جواده تصيح الصغيرة بسعادة

جميلة الصغيرة: عمو عمو

جسور بحنان: ايوة يا حبيبتي

جميلة: ممكن تخليه يمتي ( يمشي )

هز جسور رأسه إيجابا بابتسامة حانية فجذب لجام الحصان الذي بدوره بدأ يمشي ببطئ

جميلة الصغيرة بسعاااادة : هييييه هييببه

جسور بحنان: مبسوطة

جميلة صائحة بسعادة: أوي أوي انت حلو أوي يا عمو

يشعر بسعادة تشوبها تلك الكلمة (عمو ) يريد أن يسمع كلمة ( بابا ) يريدها وبشدة

كان شاردا ولم ينتبه الي ذلك الثعبان الصغير الذي ما أن رآه جواده حتي صهل عاليا ورفع قامتيه الاماميتين إلي الأعلي فصرخت الصغيرة بفزع

جميلة بفززع : اييييييتم

أسرع جسور يلتقط الصغيرة بين ذراعيه قبل أن تسقط ارضا فسقط علي ظهره لينغرز تلك القطعة الحديدة الملقاة بكتفه

دفنت الصغيرة رأسها في صدره وبدأت تبكي من الخوف

تحامل جسور علي ألمه وربط علي رأسها بحنان: هشششش بس يا حبيبتي خلاص

جميلة باكية: الحتان وقع جميلة الحتان وحت ( وحش )

جسور مبتسما بألم: الحصان وحش وشرير وجميلة شاطرة وهتبطل عياط

هرع بعض الفلاحون ناحيتهم وهم يصيحون بخوف: جسور بيه الحقوا يا ولا أنت وهو جسور بيه

خافت الصغيرة من ذلك العدد المتقدم ناحيتهم فدست رأسها في حضن جسور تبكي

جسور بحدة: بس أنت وهو

توقف الجمع الغفير مكانهم يرمقون جسور ما بين خوف وألم وشفقة و خاصة وهو يحتضن تلك الصغيرة ، شق صفوفهم أيهم بخوف وهو يصيح مناديا علي جميلة بخوف

خرجت جميلة من حضن جسور وأسرعت تختبئ داخل صدر أيهم

جميلة باكية: بابا ، الحتان وقع جميلة

ابعدها أيهم عن صدره يتفحصها بعينيه بلهفة وقلق : انتي كويسة حصلك حاجة في حاجة بتوجعك

قام جسور متحاملا علي نفسه رافضا المساعدة من احد واتجه ناحية أيهم والصغيرة

جسور بألم حاول إخفاءه : ما تقلقش جميلة كويسة

أيهم بفزع: جسور بيه حضرتك كويس كتفك بيجيب دم

جسور: أنا كويس المهم البنت ، خدها وروح ومعاك باقي اليوم إجازة

مد جسور يده في جلبابه واخرج محفظته واخرج منها مبلغ كبير ومد يده بهم لايهم

جسور : خد دول

أيهم: أنا آسف يا جسور بيه مش هقدر أخد الفلوس من حضرتك أنا لسه ما اشتغلتش عشان أقبض مرتبي

جسور : ومين قالك ان هما ليك اصلا دول للبنت الصغيرة عوايدنا اكدة في الصعيد

أيهم بحرج : يا جسور بيه ....

جسور مقاطعا بحدة: خد الفلوس أنا لازم امشي قبل ما دمي يتفصي

اخذ ايهم النقود بحرج ، فدني جسور ولثم رأس الصغيرة بقبلة حانية ثم تركهم ورحل

في السرايا

جميلة: يا ماما عشان خاطري اقنعي جسور اني أنزل شغلي تاني

صفاء: يا جميلة بطلي زن بقي حاضر قولتلك لما يجي هقوله

بدأت تسمع بعض صيحات من الفلاحين

جميلة: هو في ايه

تناهي الي اسماعها تلك الجملة ( جسور بيه اتعور ، جسور بيه اتعور )

فتحت باب السرايا سريعا فوجدت جسور يستند علي احد غفارئه يمشي بخطئ متثاقلة كتفه الايسر مغطي بالدماء

صرخت صفاء وسهر بفزع عندما رأوه بذلك المنظر بينما وقفت هي صامتة جامدة للحظات توقفت جميع الأصوات من حولها توقفت الحركة توقف كل شئ وزاد وجيب دقات قلبها تسارعت أنفاسها ، هل سيتركها هو الآخر هل سيرحل كما فعل والديها هل ستفقد ذلك الأمان والدفئ التي تلاقيه بين ذراعيه بدون مقابل

لم تشعر بشئ سوي بكونها تركض تشق تلك الجموع لتصل اليه تحتضنه بقوة ، لم تعرف كيف وصلت الي غرفتهم ولكنها لم تترك صدره طوال تلك المدة

جميلة باكية: مش هتسبني زيهم ، مش هتسبني زيهم

فقط تلك الكلمات هي ما كانت تردد طوال تلك المدة ، دخل الي غرفتهم وامر الجميع بالرحيل بصمت حاولت أمه الاعتراض فاوقفها بإشارة من يده

جسور بتعب : جميلة مش همشي يا جميلة مش همشي

ابتعدت عن صدره بوجه أحمر قاني من شدة البكاء بدأ جسدها يرتجف وهي تردد

جميلة باكية: دم دم زي بابا دم

رفع وجهها تنظر له بعينين منتفختين من شدة البكاء

جسور بحنان : مش همشي مش هسيبك ، ممكن بقي بعد إذنك تنضفيلي الجرح هتلاقي الإسعافات في الحمام

هزت رأسها إيجابا سريعا وهي تحاول استعادة رباطة جأشها

ذهبت ناحية المرحاض واحضرت صندوق الإسعافات الأولية ثم عادت إليه فوجدته جالس علي الفراش عاري الصدر ، ازدرقت ريقها بتوتر ، تقدمت ناحيته بارتباك

جسور: ما تتكسفيش ايه يا دكتورة ما شفوتيش واحد قالع قبل كدة

جميلة: لاء طبعا ما شفوتش أنا تخصص أطفال حضرتك يعني اكبر واحد شفته قالع كان عنده عشر سنين

ضحك جسور عاليا فتاوه بألم ، فتحت صندوق الاسعافات سريعا وبدأت بارتباك ملحوظ تحاول تنظيف جرحه

جميلة: هو ايه الي حصل

جسور: وقعت من علي الحصان

انهت جميلة ربط جرحه فهتفت بعتاب

جميلة : مش تخلي بالك

امسك يدها قبل أن ترحل واردف بمكر : خوفتي عليا

جميلة بخجل: هااااا ، لاء طبعا لاء

جسور بخبث: بجد اومال جريتي تحضنيني وسط الناس ليه

جميلة بارتباك: ممممما

جسور ضاحكا: ما عندناش برسيم

جميلة بغيظ : انت رخم على فكرة واتفضل بقي نام

دفعته في صدره فابتسم بخبث وهتف بدراما مبالغ فيها :انت عايزة مني ايه ، لا لالا أنت عايزة ايه بالظبط هو عشان أنا تعبان تزقيني علي السرير وعايزة قلة أدب ، أنا إبن ناس علي فكرة أنا اهلي صاعيدة يقطعوني

نظرت له بدهشة وسرعان ما انفجرت في الضحك علي خفة ظله

جسور بدراما : اضحكي اضحكي ما هو انتوا كدة الستات تاخدوا غرضكوا من الواحد وبعدين ترموه ، هو اكمني امور وحليوة وعندي سكس باكس تطمعي فيا ، وانتي عارفة شرف الراجل زي علبة التونة يضيعه تخريط بصلة ولمونة

سقطت جميلة ارضا من شده الضحك ، بينما جلس يراقب ضحكاتها بابتسامة صغيرة ، شعر بخوفها وتلك الكلمات التي قالتها وجسدها يرتجف عندما رأته مدرج بالدماء فأراد التخفيف عنها

جميلة ضاحكة: أنت مسخرة بجد

جسور مبتسما: اي خدعة ، تعرفي ان ضحكتك حلوة اوي عاملة زي نور الشمس

سكتت بخجل فاردف بضيق : قفلتي الشباك ليه بس افتحيه خلي الشمس تدخل

ابتسمت ابتسامة واسعة من كلامه فاردف بمرح : لالا رديه شوية الجيران يشوفونا وانا قالع

جميلة ضاحكة: ممكن بقي تستريح شوية علي اجيبلك الأكل

هز رأسه إيجابا : ممكن تجيبلي تيشيرت من الدولاب

اسرعت تحضر له تيشيرت اسود

جميلة بخجل : اساعدك

جسور: لو مش هتعبك

ساعدته في ارتدائه وعدلت الوسائد خلف ظهره وخرجت سريعا من الغرفة متجهه الي المطبخ

لتحضر له الطعام

صعدت الي الغرفة فوجدت صفاء وسهر

صفاء : يلا يا سهر جميلة هتاخد بالها منه

خرجتا من الغرفة فوضعت الطعام امامه

جميلة: الأكل

جسور ؛ ايه دا هو أنا مش عيان ولا ايه

هزت رأسها إيجابا فاكمل : وفي كل المسلسلات والافلام البطل لما بيتعب البطلة بتأكله بأديها ، يلا اكليني

جميلة: ليه هو أنت اكتع

جسور بدهشة: اكتع يا نهار اسود متجوز بلية صبي الميكانيكي

جميلة بغيظ : أنا بلية صبي الميكانيكي دا أنا مزة المزز

جسور ضاحكا: كانت البت سهر بتقول ايه استني افتكر بتقول ايه ، استني لما بنت عمتها اتخطبت قبلها آه تقريبا الحلوة بختها مالها والمعفنة بتدلع يمين وشمال علي ما اتذكر

جميلة غاضبة: بقي أنا معفنة يا جسور طب والله لوريك

جسور ضاحكا: هدي نفسك يا صلاح

جميلة غاضبة: كمان صلاح طب والله لوريك

انقضت عليه لتضربه او تعضه وهو يضحك عليها

اوقفهما صوت صرخات احد الفلاحين تأتي من الأسفل ( جسور بيه ، الحقنا يا جسور بيه )

تكملة الرواية من هنااااااا

موسوعة القصص والروايات

القائمة الرئيسية

الصفحات

رواية جسور جميله الفصل الحادي عشر والثاني عشر والثالث عشر والرابع عشر والخامس عشر بقلم دينا جمال

أخر المواضيع من قسم : روايات حصرية

تعليقات

إرسال تعليق